بسم الله الرحمن الرحيم
حركة تحرير السودان بين احلام الصادقين واطماع الانتهازيين
( الحلقة الثالثة )
إن الحيوانات اذا عرفت أنها تسبر في طريق مسدود وانها لا تدرك غايتها إن واصلت السير فيه بحثاً عن الماء والكلاء .. فانها تغير وتهجر هذا الطريق وتسلك طريقاً آخر مهما كان الجهد
الذي بذلته في المحاولة الفاشلة
كبيراً
( لإصحاب العقول فقط ) وفي حركة/ جيش تحرير هناك اناس كثر من هذه الفصيلة غيرت طريقها وما زالت تغير مراراً وتكراراً بحثاً عن ماوى آمن يقيهم غدر الزمن وفشل المهن
وهؤلاء لا يصنعون مجداً ولا تاريخاً فسجلات الأبطال ناصعة البياض وصحائف الإنتهازين قاتمة السواد وأنا على يقين بان الشباب والطلاب والصادقين من كوادر الحركة رغم التبسيط الشديد وخفوت صوتهم هم أساس النجاح والتفوق القادم وهذا يتطلب وعياًوجهوداً جبارة لتاوز شرنقة العمل السياسي لفاقدي المواهب والتمزق اللاعقلاني والإختلاف الهمجي بين الإنتهازين في المصالح الذاتية القاصرة ولكن الفصول القادمة ستساهم في استجلاء الغبش عن عيون الثوار لمعرفة هذه الكائنات الخرافية
المندسة في الثورة والتي تمتص دماء أهلنا باسم الثورة والثورة منهم براء .
يا حسين يا صاحب الشركات
يا حسين يا مشتري السيارات
جيت من السلطنة داير الراحات
بقيت سمسار كبير في الحركات
ما هماك الفات وما هماك المات
هواك و مناك الظهور في الملمات
عشان تشير ليك الناس وجاهات
وتقول اخ المستشار في المنصات
يا حسين اتقي الله وقدم حسنات
دماء الشهداء والجرحى ما بنفات
دموع اليتامى
ما
ليها
مساحات
والحسابات في البنوك كلها معلومات
والشركات والعربات عليها جبايات
تذكر يا تاجر النضال والتضحيات
عمرك قصير والأعمار ليها نهايات
**************************
يا موتور فاكر نفسك مستشار مسرور
انت
موهوم خايف عليك من الغرور
فاكر نفسك بجد مستشار يا مخمور
يا عائش في اوهام خيالك المسحور
يا مفارق درب نضالك المنظور
عندك ايه في الدنيا غير الفطور ؟
خلي عندك زوق وابقي زول طهور
من النفاق والكذب وحب الظهور
وادعاء السياسة والمعرفة المشتور
بلاش نفتح صفحات تاريخك المنشور
عد لصوابك قبل ما نفتح المقبور !
عد لصوابك عشان تظل مستور !!
هوي يا مدور هوي يا مكور
هوي يا سواق ام دورور
متين بقيت انسان منور
يا جشع يا طماع يا مصور
يا لص يا حرامي يا متهور
خلاص بقيت راجل متطور ؟
يا مغفل البشر تضحك منك وتسخر
لبست جلاليب واللبسات المسطر
يا جماعة الصورة مقلوبة
الولد قلب خلاص هوبا
استلم الدولار من جوبا
مناوي اصبح اسيرا
وقال هو بعرف بيجيبا
الدولار يا جماعة الدولار
فرتك الثورة فرتكة سوبا
عمر حرد صنديدا
يحي نيل أشعل فتيلا
بخيت زعلان
عديلا
أركو قاتل قتال شديدا
آل ابيت خافوا من تفتيتا
استلموا عربات وشرتيتا
وقالوا السلاح بنقاتل
بيها اكيدا
والله نقتل الزغاوة قتلا مديدا
وبالأخص ناس جيم تحديدا
ما مهم النضال
ما مهم المسافات
بالأميال
المهم تصل بالسلام
وترفع لقوش التمام
عشان تظل مستشار همام
الحساب جاي يا مغفل بعد عام
شن تقول شن تسوي للعوام
عشان السلطة بقيت قاتل دوام
وين الماتوا
غدر
ود السلطان بحر
ابراهيم عبود جهر
بالحق قالوا كفر
ما داري كان داك يوم سفر
ده انسان بطر
في السلطة خطر
ما بهموا اي بشر
***********************************************
ومواصلة لما بداءته في الحلقات السابقة أكتب اليوم آخر اشعاري بالتلميح والإشارة لهؤلاء الإنتهازين الأوغاد ولكن في الحلقة الرابعة سوف أكتب عن شراء البيوت في ابوسعد النخيل والمربعات وكافوري بحري والخرطوم جبرة والعربات الفارهات الكورلات واللواري والحافلات والشركات والمساهمات في المؤسسات وعن اموال ما وراء البحر أمريكا وقطر والسعودية وليبيا ومصر وملف الإغتيالات قبل وبعد السلام .. واترككم للشعر منفثاً ونفساً ومسك الختام في هذه الحلقة
نقول يا ثورتي يا ثورتي :-
في مسيرتك دنيا ما بتعرف نهاية
في وقفتك حاجة بتعجل شفايا
في قوتك سر سعادتي وسر هنايا
في وجودك بنسى كل الكان معايا
انت قدري انت عمري وانت نجمتي الفي سمايا
بي نضالي وصمودي أنا ما بصارحك خلي تقديرك كفايا
يا ثورتي يا ثورتي انت دنيتي وكل تاريخي مرايا
اغسلي
بالدم واكنسي كل اللصوص من الزوايا
دمتم ودامت نضالاتكم
ولنا عودة مرة جدا جدا جدا في الحلقة القادمة
مبارك العمدة نورالدائم
ترحب سودانيزاونلاين بجميع الاراء الحرة و المقالات ,الاخبار و البيانات لنشرها فى هذه الصفحة.ويمكنك لزوارنا الكرام ارسالها الى [email protected] كما نرجو ذكر الاسم الحقيقى و الكامل و مكان الاقامة مدة بقاء المقال فى هذه الصفحة 10 اعوام
أعلى الصفحة