ليس في الانقاذ احد من امدرمان وهذا وسام فخر

طالعنا احدهم الاسبوع الماضي وهو يقول ليس  بين  مفجري الانقاذ احد من امدرمان ..

ان كنت لا تعلم ولا اظنك تعلم فأعلم ان هذه مفخرة لامدرمان .. وشهادة حق ووسام شرف في  صدر ابناء جميع السودان ..

يالعجبي .. اتدري ما هي امدرمان .. الكل يعلم من هي امدرمان واذا اتتك مذمتي  من ناقص فهي الشهادة لي بأني كامل .. امدرمان هي امدرمان .. فمن انتم ومن اين جئتم ..

امدرمان هي السودان .. هي مدني بحضارتها وهي سنار عاصمتنا  وهي شندي وكبوشية  ودنقلا وكريمة.. امدرمان هي الدامر  وهي كردفان الغرة ام خيرا جوة وبره امدمان هي الفاشر ونيالا والجنينة امدرمان هي كادقلي  والعباسية وجبال النوبة امدرمان همشكريب وكسلا وجبيت امدرمان هي السودان ونار القرأن  ..

امدرمان هي كل السودان شماله وجنوبه شرقة وغربه هي ام الجميع وهي للجميع وهي من الجميع امدرمان ابن بار وشرعي ابوه وامه السودان  .. امدرمان هي التي رفعت راية الثورة وعلمت الناس ان تثور .. امدرمان هي الثورة المهدية والبقعة المباركة .. امدرمان هي اسماعيل الازهري وراية النضال امدرمان هي سر الختم الخليفة وكل المناضلين

امدرمان هي ثقافة امه تكونت من جميع السودان تحكي عن عراقة السودانيين واصالتهم وحضارتهم .. لذلك كان ابن امدرمان الذي انت ليس منهم ولن تكون منهم ابدا ..  امدرمان اصالة وحضارة وعراقة .. امدرمان هي شمبات وهي توتي وهي نمرة اتنين والخرطوم ثلاتة والديوم وعشش فلاته  امدرمان هي العمارات وهي بري الشريف وهي الثقافة وهي العطاء والتضحية  امدرمان هي السودان ..

من امدرمان قامت الثورات الناجحة والتي انقلب عليها نظامكم الغاشم  فجعلتونا في زيل الامم وكان السودان  من قبل رائدا .. نعم انقلابكم المشؤوم ليس فيه احد من امدرمان .. لذلك فشلتم لان ثقافتكم جهوية وثقافة امدرمان هي ثقافة جميع اهل  السودان ..

من منا ليس له علاقة بأمدرمان الا انتم .. من انتم ومن اين اتيتم حتى تتطاولوا على امدرمان واهل امدرمان وتظهروا حقدكم الدفين تجاهها وهمشتموها عن قصد ولكن ليس امدرمان التي تهمش امدرمان علم على رأسه نار  .. امدرمان  .. هاشم صديق وامدرمان محجوب شريف امدرمان الكلمة والاصل والحضارة والابداع والفن والثقافة

من انتم ومن اين جيئم

نعم ليس معكم  احد من امدرمان لذلك تردى السودان وتخلف لان حضارتكم ناقصه وفهمكم عقيم

من انتم حتى تتطاولوا على امدرمان ومن اين جئتم .. نحن جئنا من كل السودان .. كل السودان يحبنا ونحبة نحن السودان والسودان نحن  .. وحينما صدح شاعرنا لم يكن ليصدح ليمجد امدرمان انما قال انا امدرمان انا السودان فأفهم قوميتنا ايها الغشيم

.. نحن الفقر والعفة ونحن االقرية  والمدينة .. نعم نحن قرية في شكل مدينة بكل ماتحمل القرى من  البساطة و العراقة والاصالة والعلم والدين والخلاوي والفن والابداع والادب ..

من انتم ومن اين  جئتم

 حتى تتطاولوا على امدرمان ولماذا الحقد على امدرمان ولماذا  تسبوا امدرمان .. هل هي عقدة التخلف والجلافة  والثقافة  الموغلة في المحلية بينما امدرمان تحمل ثقافة كل السودان ..

من انتم ومن اين اتيتم ..

 لو كنتم من امدرمان لكنتم شعرتم بالتواضع وعزة النفس ونظافة اليد وبألام الاخرين ولكنتم شعرتم بأنكم من ابناء هذا الشعب الابي العفيف  .. مات الازهري وبيته مرهون لانه من امدرمان .. مات النميري وهو لايقل عنكن سؤء في بيت ابيه في ودنوباوي بيت من جالوص في وقت كان يحكم فيه  كل السودان  لانه من امدرمان .. نرى الصادق المهدي واسرته في بيوت العزاء والافراح في الاحياء الشعبيه وهو  النسيب الحسيب  يشاركون الناس همومهم لانه من امدرمان ..

من انتم ومن اين جئتم

ما منا في امدرمان شخص الا وله اهل في الشمال او الجنوب او الشرق او الغرب لذلك كانت امدرمان هي امدرمان تحمل كل الثقافات والاعراق والاجناس لذلك كان ابن امدرمان هو ابن السودان اجمع

من انتم ومن اين جئتم

لاتغرنكم اموال  الشعب التي سرقتموها واصبحت لكم حسبا ونسبا وجاها ووطنا .. هي ليس بدائمة لكم كما لم تدم لغيركم ولن تبقوا فيها خالدين ولكن امدرمان ستبقى خالده لانها من ضمير الشعب وهي من الشعب وللشعب وبالشعب .. امدرمان حسيبة نسيبة بقبائل السودان المختلفة فمن انتم بحق السماء  ومن اين جئتم

نعم ليس بينكم احد من امدرمان وهذه مفخرة لامدرمان ولكل اهل السودان

 واقول لك شيء .. اينما تولي وجهك في السودان فهو  امدرمان

سيف الاقرع - لندن