|
Re: أغرب الكتابات في البورد(أمثلة وتعليقات) (Re: PLAYER)
|
Quote: كلامي انوا مشاكلك الخاصة ما تجيبوا في العام...عندنا أكثر من كفاية
يبدو انك حتى كلمة مشكله ما عارف معناها
و بعدين انتو منو
Quote: حسي الواحد يستفيد شنو من تجربة اسبوع الانت وقفت من التدخين |
روح اقرا و تعال
Quote: تعرف عدم التدخين خلاك عصبي جدآ....ربنا يعينك ويعينا |
طيب يا اخى ما تقوم تلف ....... قوم ارقص
Quote: الهوايات المفضلة: travel, music,dance,movies |
عالم تجيب الورم
| |
|
|
|
|
|
|
Re: أغرب الكتابات في البورد(أمثلة وتعليقات) (Re: عبدالرازق الطيب يس)
|
المحترم عبد الرازق الموضــــــــــوع ما يستـــــــــاهل دا كلـــــــــه مجــــــــرد أختلاف راي لطرح معيــــــــــن....وسوف تواجه الكثير منه طالما سوف تكتــــــب في هذا المنبـــــــــــر السؤال كيف سوف تتعامل مع من ينقد كلامك? بالهداوة ام بالعداوة معي انا شخصيآ في كل الحالتين ما بفرق. لك ودي
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
بلير سلامات ياخي البوستات بقينا نشوفها هنا قبل نزولها في المنبر وشايفك ماشاء الله بتلقط البوست قبل ما سيدو يدووس فيهو انبص زي الناس... بتذكرني حكاية سفسفة اللقيمات من الصاج قبل ما تتهادي في الصينية...
الشي الايجابي في البوست ده انو الناس في غالبيتهم متعاملين مع الامر النقدي هنا بروح جيدة واريحية واتخيل لي ده تمرين كويس لتقبل النقد بروح طيبة.. بس انت كمان ما تكثر المحلبية يا بلير وخليك كده طوالي وامشي صلح طنقحة الفووق دي الي طنقعة
| |
|
|
|
|
|
|
Re: أغرب الكتابات في البورد(أمثلة وتعليقات) (Re: عبدالكريم الامين احمد)
|
اهلآ وسهلآ يا عبدالكريم
Quote: ياخي البوستات بقينا نشوفها هنا قبل نزولها في المنبر وشايفك ماشاء الله بتلقط البوست قبل ما سيدو يدووس فيهو انبص زي الناس... بتذكرني حكاية سفسفة اللقيمات من الصاج قبل ما تتهادي في الصينية... |
نعمل شنو قلنا نلقط المواضيع سخنة وقبال ما يبرد
Quote: الشي الايجابي في البوست ده انو الناس في غالبيتهم متعاملين مع الامر النقدي هنا بروح جيدة واريحية واتخيل لي ده تمرين كويس لتقبل النقد بروح طيبة.. |
الواحد يشكر الناس البنشيل بوستاتهم ونعلق عليهو ويتقبلوها بروح رياضية..ونحب نقول: ما في قصد شخصي....
Quote: بس انت كمان ما تكثر المحلبية يا بلير وخليك كده طوالي |
انشاء الله نواصل بنفس الصورة
Quote: وامشي صلح طنقحة الفووق دي الي طنقعة |
شكرآ للمشاركة وتصحيح الطنقعة
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
Quote: سوداني عاش بالسودان قام أغترب في الخليخ بسال عن السياحة في السودان... طيب لو كان مشيت أمريكا ولا أروبا...كنت حتسال:السودان بقع وين...حنكشة2009 |
قلت لي حنكشة 2009
ياخي دي فرصه نتحنكش شوية .. نظام نحن في الخليج و مرطبييين
بس تعليقك عجبني ..... يا وغد
| |
|
|
|
|
|
|
Re: أغرب الكتابات في البورد(أمثلة وتعليقات) (Re: ممدوح أبارو)
|
Quote: يا (شول) انت حكايتك معاي شنو ؟
سمعتو ولا جابو ليك ؟
ياخ تلفوناتك وقفت رسلت ليك رسالة في العيد حقنا كتبت ليك "كل عام وانىا بخير " ولا اشتغلت بي الشغلة |
اكتب ليهو جواب او أيميل او مسنجر او عريضة.....مش بوست.....أختشي شوية بس.
| |
|
|
|
|
|
|
Re: أغرب الكتابات في البورد(أمثلة وتعليقات) (Re: ناذر محمد الخليفة)
|
ابوالزيك
Quote: يارااجل حدي يدعو علي نفسه؟؟؟؟ احنا عوزينك هنا والله , ربنا ما ياخدك مننا |
ما دام ما دايرني نمشي ...صلح اللعب
Quote: بعدين شكلك مهتم ببوستاتي شديد ومتابع بحرص تكون معجب وانا ما عارف |
انا ما معجب ...انا متعجب
Quote: بالمناسبه البوست التحت ده علشانك اتكتب, اهو قلنا نلقي ليك شغله بدل ما انت معلق كاميرتك ومحتار تعمل ايه وزي ما اعلنا الشغلانه سهله وشايفين مقدار مؤهلاتك في العتاله ولا رامبو يقدر ينافسك |
اخوك عتالي معاش....البرهة في جدة تشهد
Quote: وظائف سهله و شاغره وبأجر مرتفع للمتخصصين في العتاله كما نعلن للجميع قفل باب التقديم فلقد وجدنا ضالتنا |
قلت أحسن تعتل براك....ربنا يديك العافية
تسلم يا غالي
| |
|
|
|
|
|
|
Re: أغرب الكتابات في البورد(أمثلة وتعليقات) (Re: ناذر محمد الخليفة)
|
العزيز ناذر
Quote: والله يا بلير بوست ممتع وفيهو ضرب تحت الحزام وفوق الرُكب ..! |
تسلم يافنان يا كلك ذوق الناس تضرب فينا في الراس وفي الظهر كل يوم...الضرب وجعنا عشان كدا قلنا نرد لهم القليل من كثيرهم.
Quote: والله ذكرتني بي شبابي في البورد زمان .. يديك العافية ياخ |
.....شايفين كتاباتك كلها شباب وحيوية...متعك الله الصحة العقلية والنفسية والبدنية
Quote: أمشي حصل منال عندها بوست إسمو (دايرة أبقى فنانة) .. أمشي أنتف ريشا قبل الفاصل الاول يبدأ . |
من دربي ماشة ليها دوخري وعينك ما تشوف الا النور
قل خير ويدك معانا
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
يا عادل بلاير ... .. عارف بقينا اول ما نخت كراعنا بالمنبر نجي هنا .. نشوف اخر المستجدات وماذا نراجع وما لا نراجع
دوس على الابنص يا حبيب .. اي عنكبة شنكبة طلعها برة ...
ـــــــــــــــ..
كمان نصيحة انتظر البوست البتنزلو هنا لغاية ما تكون فيهو مداخلة مداخلتين ما يمكن ما يطلع فارغ ويكون وراهو شمات ومتابعين وهي سياسة متبعة بالبورد .. وعلي كل والله فكرة جميلة ممكن تفكنا من الضغط على كل العنوانين ونجي اول شئ نشوف عندك هنا ونتخارج ان ما نفع بس ياريت ترفقها بملخص عن قرايتك لفكرة البوست من الاساس بدل التعقيب المقتضب .. كدة بتكون كفيتنا مشقة المراجعة ..
ارقد عافية يا مان ولك تقديري وودي
| |
|
|
|
|
|
|
Re: أغرب الكتابات في البورد(أمثلة وتعليقات) (Re: HAIDER ALZAIN)
|
العزيز حيدر الزين
Quote: يا عادل بلاير ... .. عارف بقينا اول ما نخت كراعنا بالمنبر نجي هنا .. نشوف اخر المستجدات وماذا نراجع وما لا نراجع |
اتمني ان اكون عند حسن الظن
Quote: دوس على الابنص يا حبيب .. اي عنكبة شنكبة طلعها برة ... |
سوف أبذل قصاري جهدي للمواصلة بدون خوف او مجاملة.
Quote: كمان نصيحة انتظر البوست البتنزلو هنا لغاية ما تكون فيهو مداخلة مداخلتين ما يمكن ما يطلع فارغ ويكون وراهو شمات ومتابعين وهي سياسة متبعة بالبورد .. |
اتفق معك في ذلك ...أنشاءالله ومن الان وصاعدآ ساعمل بنصيحتك
Quote: وعلي كل والله فكرة جميلة ممكن تفكنا من الضغط على كل العنوانين ونجي اول شئ نشوف عندك هنا ونتخارج ان ما نفع بس ياريت ترفقها بملخص عن قرايتك لفكرة البوست من الاساس بدل التعقيب المقتضب .. كدة بتكون كفيتنا مشقة المراجعة .. |
اتمني ان يقوم اصحابها او البورداب بتحليل البوست بذلك لان الكثير من تلك المواضيع عبارة عن ونسة وليس أكثر ...والبعض الأخر بعيدة عن الواقعية او الموضوعية لذلك يستعصي علي فهمها.... لكن سوف أقوم بنقل صورة من الموضوع مع اللنك حتي تستطيع أخذ فكرة عنه قبل الدخول في البوست .
Quote: ارقد عافية يا مان ولك تقديري وودي |
شكرآ لك
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
Quote: عيييييك .. مكى إبراهيم مكى .. ول جدى السلطان على دينار .. البشارة جاتك!
ما ح أقول حتى يأتى مكى ..
بريمة
.......................... فى منبر مجاور .. كتب شقيق مكى .. الدكتور أبراهيم .. مبتدءاً حديثه قائلاً: لقد صرح مكى إبراهيم مكى قائلاً ... ..... دى زى رواية عرس الزين .. ألحقوا يا ناس الزين عرس .. !! مكى بقى يطلق التصريحات تلو الأخرى .. هلا هلا ول جدى السلطان. بريمة ..............................
طبعاً مكى هو سليل العمدة إبراهيم .. وأنا البقارى بريمة جدى على دينار سليل سليمان سولونج (سليمان العربى) .. وكما ذكر مكى فى روايته الرائعة عن جدى على دينار قائلاً أن جده لوالده .. جد مكى .. تزوج والدة السلطان على دينار بعد وفاة والد على دينار .. وترعرع على دينار فى داخل أسرتهم .. وقد أحسنوا تربيته. صدقونى دا ما الموضوع .. لكن خفشات ساكت .. بريمة (عدل بواسطة بريمة محمد on 02-10-2009, 02:48 ص) ...................................................... طاأتذكر تماماً قبل رمضان العام الماضى .. ليس رمضان المضى .. صرح مكى بأنه سوف يقوم على رأس قافلة لإغاثة أطفال دارفور فى المعسكرات .. وقد حملت القافلة كونتينارات ملئية بملابس ملة إبراهيمية معروفة .. ولعبهم .. هدية لأطفال دارفور .. سافر مكى مع القافلة وقد مضى عليه أكثر من شهرين حتى عاد .. أو ربما يكون أختفى مكى وظهر .. لم يقل مكى أى شيئ عن سير الرحلة وما قدمت .. يعنى تصريح القافلة راح شمار فى مرقة. وبرضوا دا ما الموضوع .. بريمة ...................................... حقيقة مع أن مكى دواسنى أكثر من أىّ إنسان أخر هنا فى المنبر بخصوص قضية دارفور .. على خلفية إنقسامنا إلى متمردين وغير متمردين .. وما شابهها من المترادفات .. ووصل به حتى وصفنى بالمهووس والمريض النفسى بوهم العروبة .. إلا إننى لا أخفى أعجابى بمكى فى مواقع كثيرة .. على أقلها معافرته لحاجات هو لا يقدر عليها بعامل سنه .. بريمة ........................... أها يا مكى البشارة جاتك .. بكرى سوى ليك مكتبه .. وإن شاء الله تملاها دراب ولا تراب .. المهم لازم ترمى فيها حاجة. وتهانيا .. العقبة لأخووووى ود الطالب .. القوقلى .. الما عندو ضهر. بريمة ................................ ولا أخفى عليك سراً .. أنا مكتبتك دى حاقص ليها من حسى .. وأنا دائماً متابع مكاتب الدفارات .. وناس الدراب .. وما شابههم .. لأنهم بفكوا حاجات لا تخرج من حكيم .. ! دى تسمى ضربة إستباقية .. عشان ما تردم لينا فى المكتبة .. هوووووا ذى بتاع تراجى مصطفى .. ويجى إنسان يقول مكى صرح .. أنت بقيت مسئول . بريمة ............................... والأهم من دا كله بينى وبين مكى نزاع .. أشبه بالورثة .. أو قل نزاع ملكية .. ومع بشارتى لك أرجو أن تصرف النظر عن الموضوع الأهم .. أو تجد لى الحق معاك فيه .. وهنا رأس الخيط لمن فاته المولد: Quote: وأنا البقارى بريمة جدى على دينار سليل سليمان سولونج (سليمان العربى) .. وأنا منتظرك .. بريمة |
عيييييك .. مكى إبراهيم مكى .. ول جدى السلطان على دينار .. البشارة جاتك! الهم لا رد القضاء..نسالك اللطف فيه...... الهم لا نسالك منع الكتابة في البورد...نسالك تحسينه.... الهم لا نسالك ان تذيد للبورداب الرشد والحكمة..نسالك ان تقلل منهم المساخة والثقالة. أمين يا رب العالمين
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
Quote: واخيرا انكشف سر الهزيمه الخماسية اصبح لا حديث غير تواجد القطب الرياضى المريخى فى مدينة سنار فى احدى قرى ضواحى المدينة وهو يتفق مع احد الشيوخ ودفع مبلغ 3 مليون جنية وكان القطب الرياضى متواجد فى المدينة لاكثر من يومين حتى عاد قبل المباراة بيوم وتزامنت عودته مع ذهاب وفد المريخ لاستاد الهلال قبل المباراة بيوم وكشف لى الصديق العزيز النجم فييرا بسر خطير بانه حس منذ بداية المباراة بان احد ما يمسك برجليه يمنعه من التحرك او تسديد الكره رغم التنجيم هلالنا عظيم ....................................... وقال الحارس المعز بانه حس بان شى غريب فى يديه يمنع بان يرفعها الى الاعلى ليصد الكره ولقد قال ذلك للمدرب بين الشوطين بان هناك شئ ما غير طبيعى |
واخير انكشف سر الهزيمه الخماسية قطب رياضى كبير اتفق مع ...ه يامحمد رجلى مربطه ديل أثنين..طيب باقي التسعة والاحتياطي مالوم...ما سمعتم بالروح الرياضية في تقبل الهزيمة كما في حالة النصر... عليكم الله ما تفقرونا ذيادة.....عالم ما بتفهم كورة بتعريفة.
| |
|
|
|
|
|
|
Re: أغرب الكتابات في البورد(أمثلة وتعليقات) (Re: محمد البشرى الخضر)
|
المحترم محمد البشرى
Quote: ورونا يا طيشاب لما الصفاقسي رشاكم نمتوا كيف يومها؟ |
محاولتك المساوي بين هزيمة الهلال من مازيمبي حاليآ وهزيمة المريخ من الصفاقسي سابقآ لا يقبله العقل بسبب الفارق الزمني بين المباراتين ...اما الخجل لان هزيمة المريخ ليس السبب في هزيمة الهلال.... لكم ودي وشكري
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
Quote: بحسب زعم العم ارنست : المسلمون سيذهبون الى الجحيم والاسترحام عليهم لن يجدي نفعاً ! ونرجع الى سؤالكم عن الاخوة المسلمين .. نحن نؤمن بأن الذى لا يؤمن بأن السيد المسيح هو الاله المتجسد والذى نزل من عليائه ليفتدينا على عود الصليب .. ولم يعتمد بمعمودية الماء والروح القدس لن يدخل الفردوس .. بغض النظر عن كينونة هذا الشخص أو هذا الانسان .. سواء كان مسيحياً بالاسم أو مسلماً بالمولد . فالترحمات التى تقال فى الكنيسة على أرواح المنتقلين .. لطلب الرحمة .. قد تؤثر على الخطايا التى ارتكبها المنتقل بدون معرفته أو بغير قصد .. أما التى فعلها بمعرفة ، فان عدالة الله سوف تنفذ .. لأننا نؤمن إيمانا ً قاطعاً .. بأن رحمة الله لن تلغى عدالته .. |
بحسب زعم العم ارنست : المسلمون سيذهبون الى الجحيم والاس...ليهم لن يجدي نفعاً ! دا دينوا بقول كدا...لو ما عاجبك شوف دينك بقول شنو ...اي زول مسئول عن دينوا وبس.....عالم حشــــــــري ومتســــــــــبب.
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
Quote: محاولتك المساوي بين هزيمة الهلال من مازيمبي حاليآ وهزيمة المريخ من الصفاقسي سابقآ لا يقبله العقل بسبب الفارق الزمني بين المباراتين ...اما الخجل لان هزيمة المريخ ليس السبب في هزيمة الهلال.... لكم ودي وشكري |
المحترم بلير .. انا عنيت شعور مناصري الفريق المهزوم وكيف تغلبوا عليه واعتقد هنا الفارق الومني ما مشكلة كبيرة الزعل و طمام البطن و الضيق في الفين وتسعة وياهو زاتو في الفين وسبعة ما عارف ليه العقل ما بيقبل المساواة دي
بالنسبة لحتة الخجل دي بجيك ليها بعدين النسمع منك في ما يخص النقطة الأولى
لك الشكر على طولة البال
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
Quote: االمحترم محمد البشرى معليش للتاخير مادام مقتنع بان بوستك موضوعي وانا بقول غير موضوعي ....نخلي الحكم للقراء . |
المحترم بلير لا ولا يهمك عارفينك مشغول للدرجة البتخليك ما تلقى وقت تقرا البوست وبتكتفي فقط بالعنوان و "تلفحو" تجيبو هنا
ما علينا... مالي زي الحسيت بيك عايز تقفل الموضوع و خلاص بعدين يا عمك انا ما قلت البوست موضوعي او غير كل ما في الامر انت تناولت بوست انا كتبتو بنقد فلازم افهم عشان استفيد من وجه نظرك لو كانت صحيحة او اناقشك فيها وافندها لو كانت غير ذلك حكاية الحكم للقراء دي ما بتهمني هنا لأني ما كتبت - ولا ح اكتب - نص مسرحي او ابداعي او منتج معرفة او اي شي يهم القراء او يهمني رايهم فيه بهمني انت لأنك تناولتني بالنقد من زاوية انا ما نظرت منها وبحاول حاليا انظر معاك من نفس الزاوية
نجي للنقطة التانية بتاعة الخجل - ما دام جليت الأولى - لما تقول لي ما بتخجل تعليق على بوست انا كاتبو بفترض انك قريت البوست ولقيت في كلامي ما يستدعي الخجل ولما اسالك عن ما يستدعي الخجل بتوقع اجابة على شاكلة ناس اوردت معلومة خاطئة, كذّبت في الحتة الفلانية, اسأت لفلان بهت علان , جبت تحليل فطير ’ قمت بمقاربات عويرة , كتبت كلام ني ... أي شي يستدعي الخجل مما تعارف عليه البشر العقلاء لكن تفاجئني بأنني ادعيت ان هزيمة الهلال سببها المريخ .. فأسمح لي يعني.. قدامك البوست هل ممكن توريني شنو الكتبتو انا اوحى ليك الإيحاء دا
من بعض تعليقاتك يا بلير اتضح لي انك بتكتفي بالعنوان و تجي جاري تكتب اي شي مثلا تعليقك على بوست بقال اعلاه يشي بانك ما قريت البوست وإلاّ كنت لقيت مليون حاجة اغرب و تستحق التعليق من فكرة المطار و الصورة و الفك في النفس
عموما دا نهجك وانت حر فيه ولا ينبغي لي اوريك تعمل شنو . لكن من حقي انك توريني شنو البخليك تقول لي "ما بتخجل" وانا في انتظارك
| |
|
|
|
|
|
|
Re: أغرب الكتابات في البورد(أمثلة وتعليقات) (Re: محمد البشرى الخضر)
|
لا Quote: ولا يهمك عارفينك مشغول للدرجة البتخليك ما تلقى وقت تقرا البوست وبتكتفي فقط بالعنوان و "تلفحو" تجيبو هنا ما علينا... مالي زي الحسيت بيك عايز تقفل الموضوع و خلاص بعدين يا عمك انا ما قلت البوست موضوعي او غير كل ما في الامر انت تناولت بوست انا كتبتو بنقد فلازم افهم عشان استفيد من وجه نظرك لو كانت صحيحة او اناقشك فيها وافندها لو كانت غير ذلك حكاية الحكم للقراء دي ما بتهمني هنا لأني ما كتبت - ولا ح اكتب - نص مسرحي او ابداعي او منتج معرفة او اي شي يهم القراء او يهمني رايهم فيه بهمني انت لأنك تناولتني بالنقد من زاوية انا ما نظرت منها وبحاول حاليا انظر معاك من نفس الزاوية نجي للنقطة التانية بتاعة الخجل - ما دام جليت الأولى - لما تقول لي ما بتخجل تعليق على بوست انا كاتبو بفترض انك قريت البوست ولقيت في كلامي ما يستدعي الخجل ولما اسالك عن ما يستدعي الخجل بتوقع اجابة على شاكلة ناس اوردت معلومة خاطئة, كذّبت في الحتة الفلانية, اسأت لفلان بهت علان , جبت تحليل فطير ’ قمت بمقاربات عويرة , كتبت كلام ني ... أي شي يستدعي الخجل مما تعارف عليه البشر العقلاء لكن تفاجئني بأنني ادعيت ان هزيمة الهلال سببها المريخ .. فأسمح لي يعني.. قدامك البوست هل ممكن توريني شنو الكتبتو انا اوحى ليك الإيحاء دا من بعض تعليقاتك يا بلير اتضح لي انك بتكتفي بالعنوان و تجي جاري تكتب اي شي مثلا تعليقك على بوست بقال اعلاه يشي بانك ما قريت البوست وإلاّ كنت لقيت مليون حاجة اغرب و تستحق التعليق من فكرة المطار و الصورة و الفك في النفس عموما دا نهجك وانت حر فيه ولا ينبغي لي اوريك تعمل شنو . لكن من حقي انك توريني شنو البخليك تقول لي "ما بتخجل" وانا في انتظارك |
شكرآ للتفهم...صدقني بأقرإ بوستات كثيرة قبال ما أختار ياتو....أحيانآ بقرإ البوست الواحد ثلاثة واربعة مرات...باحاول أخمن أكثر من أحتمال مقصود منوا ....لكن في بوستات من اول سطر بتعرف انو ما موضوعي او انصرافي او تظاهري او شخصي الخ. فهمي وراي للبوست بتاعك :بعد هزيمة الهلال...بدا المريخاب بالسخرية من الهلالاب, قام الهلالاب بالرد باساليب مختلفة بما فيهم انت ...حاولت تذكرهم بهزيمة المريخ من الصفاقسي وشعورهم في ذاك الليلة(انا ماقلت انك قلت ان المريخ سبب هزيمة الهلال)...من وجهي نظري كونك تجيب هزيمة المريخ وشعور مشجيعهم زمان في وقت كل أفريقية بتتحدث عن هزيمة الهلال ما في ليهو داعي ولا حيقلل او يغطي عليهوا................... اما بوست بقال فحديثه عن الصورة/المطار لذلك تعليقي عن الصورة/المطار(الموضوع الأساسي للبوست)...اما الردود وردود الافعال ما عندي بيهو شغلة..... الخلاني اقول لك أخجل انك بدل ما تركز في هزيمة الهلال جبت هزيمة المريخ...البلم الاثنين شنو? اقول لك ما تشغل بالك كثير بنقدي لبوستك...واصل الكتابة والتعليق..دا حال البورد.....ما لازم كل الناس تعجبهم رايك ..لكن لازم انك ما تتأثر سلبآ امنياتي لك بالتوفيق
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
المحترم بلير ... كويس المرة دي ما اتأخرت علي ... نجي للموضوع خلاص ما في شي يتقال تاني وجهة نظرك وانت حر فيها لكن قبل كدا كدي اقرا معاي تاني Quote: انا ماقلت انك قلت ان المريخ سبب هزيمة الهلال |
طيب انت قلت شنو ؟ انت قلت : Quote: محاولتك المساوي بين هزيمة الهلال من مازيمبي حاليآ وهزيمة المريخ من الصفاقسي سابقآ لا يقبله العقل بسبب الفارق الزمني بين المباراتين ...اما الخجل لان هزيمة المريخ ليس السبب في هزيمة الهلال.... |
يعني انا مفروض اخجل لأن هزيمة المريخ ليست السبب في هزيمة الهلال يُفهم من الكلام دا انو انا اعتقدت/ادعيت/قلت/اوحيت ان هزيمة المريخ هي السبب في هزيمة الهلال
بعدين يا معلم ما مسالة اني شاغل نفسي بنقدك للبوست , بس في اشياء لابد من الوقوف عليها واهو كلو من ضمن الكتابة و التعليق في البورد صاح الناس جايين من بيئات و خلفيات ثقافية ومعرفية متباينة , قد تكون قولة ما بتخجل وتعريفك لما يدعو للخجل مختلف عن فهمي ليه فكان لابد اقيف عليها يعني حسب فهمي لقولة ما بتخجل ممكن اقول ليك اسي انت متصور بسلسل - ولا صفارة ما عارف - ما بتخجل أو اقول ليك مثلا لابس بنفسجي ما بتخجل ... الخ الخ الخ ودي وجهة نظري
| |
|
|
|
|
|
|
Re: أغرب الكتابات في البورد(أمثلة وتعليقات) (Re: محمد البشرى الخضر)
|
المحترم الزعلان محمد
Quote: يُفهم من الكلام دا انو انا اعتقدت/ادعيت/قلت/اوحيت ان هزيمة المريخ هي السبب في هزيمة الهلال |
لا ....انت قصدت انو المريخاب بضحكوا لهزيمة الهلال لييه...ما المريخ برضوا اتغلب زمان من صفاقسي.............دا بيت القصيدة
Quote: بعدين يا معلم ما مسالة اني شاغل نفسي بنقدك للبوست , بس في اشياء لابد من الوقوف عليها واهو كلو من ضمن الكتابة و التعليق في البورد |
صحيح
Quote: صاح الناس جايين من بيئات و خلفيات ثقافية ومعرفية متباينة , قد تكون قولة ما بتخجل وتعريفك لما يدعو للخجل مختلف عن فهمي ليه فكان لابد اقيف عليها |
طيب من الاول تقول الزعلك كلمة أخجل....في دي لك حق تزعل...لان البيئة الانا اتربيت فيها كلمة الخجل مش شتيمة او اهانة....ربما عندكم ...لذلك تقبل بالغ أسفي لاستعمالي هذا الكلمة العادية المعني عندنا والغير عادية المعني عندكم.
Quote: يعني حسب فهمي لقولة ما بتخجل ممكن اقول ليك اسي انت متصور بسلسل - ولا صفارة ما عارف - ما بتخجل أو اقول ليك مثلا لابس بنفسجي ما بتخجل ... الخ الخ الخ |
عادي زي الزبادي...وكلامك ما بتزعل(اسمو شغل بالبارد)...يعني زي الهزار.......مش شتيـــــــــمة. وجهة نظرك فوق العين والراس
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
الاخ Player البوست بالنسبة لينا نحن القراء عمل لينا برنامج لكن اسياد البوستات عصرت عليهم زى ما قال ليك ابو الخل ولو قاموا فتشوا ارشيفك بجهجهوك البوستات الفشلتها دى عندك منها كتير فى مكتبتكم العامرة
وشكرا على البذل فى سبيل الارتقاء بالكتابة فى المنبر
| |
|
|
|
|
|
|
Re: أغرب الكتابات في البورد(أمثلة وتعليقات) (Re: احمد التجانى احمد)
|
المحترم أحمد التجاني شكرآ للصراحة الجميلة ما قصدي أعصرهم شديد بس قلت أشتغلهم بالبارد..وزي قلت عشان البورد البقت مصدر خير للكثيرين من القراء...مرات الواحد بفلت...بس بدون قصد اما عن بوستاتي الزمان فياهو بنحاول انو ما يتكرر تاني....... المهم سامحونا لو تقلنا علي زول...ونبهونا اذا أخطانا لزولة وشكرآ جزيلآ علي كلامك
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
المحترم بلير حتى عندنا قولة ما بتخجل على اطلاقها ماهي بإساءة او شتيمة. المشكلة تكمن في منو البقولها ليك
Quote: لذلك تقبل بالغ أسفي لاستعمالي هذا الكلمة العادية المعني عندنا والغير عادية المعني عندكم. |
ولا يهمك ... حصل خير
| |
|
|
|
|
|
|
Re: أغرب الكتابات في البورد(أمثلة وتعليقات) (Re: محمد البشرى الخضر)
|
Quote: أرسلت (SMS) لعضويتها بكافة مناطق البحرين الجالية السودانية تستنفر قواعدها لمؤازرة الأحمر البحريني في معركته مع "النيوزلندي"
أكملت الجالية السودانية في مملكة البحرين استعدادتها لمناصرة المنتخب البحريني أمام نظيره النيوزلندي مساء اليوم السبت وهو يخوض الملحق الأسيوي المؤهل لمونديال جنوب إفريقيا 2010م، باستاد البحرين الوطني. قال القيادي بالجالية السودانية الاستاذ سعيد أدريس "أن الجالية عقدت عدداً من الاجتماعات بمقر النادي السوداني بمنطقة الزنج وذلك لاستنفار أكبر عدد من أفراد الجالية لحضور مباراة اليوم والتشجيع بقوة وحرارة وقد وجدت هذه المبادرة ترحيباً شديداً وسط أبناء الجالية، الذين سبق وأن قاموا بذات الدور في المباراة السابقة مع المنتخب السعودي". وأشار ادريس إلى أن إدارة الجالية السودانية قامت بتوجيه أفرادها برسائل (SMS) في كل مناطق البحرين بالتواجد في نقاط تجمع عصر اليوم في كل من الرفاع والمحرق والبديع لانتظار البصات التي ستنقلهم لإستاد البحرين الوطني واتخاذ أماكنهم في صوب واحد منذ وقت مبكر، مع استلام أعلام البحرين. وأضاف القيادي بالجالية السودانية بالمنامة الاستاذ سعيد ادريس "أن وقوفنا مع منتخب البحرين الوطني في ملحمة اليوم واجب وطني وديني، وأن أواصر العلاقات المتينة التي تربطنا بأهلنا في البحرين تفرض علينا هذا الموقف، سيما وأن عدداً كبيراً من أبناءنا في الجالية السودانية قد ولدوا وتررعوا في هذه الأرض الطيبة ، وصاروا نسيجاً من المجتمع البحريني" لافتاً إلى أن الجالية قامت بعمل 6 لافتات من الحجم الكبير وتم تثبيتها في عدد من الدوارات في المملكة، وأن هناك ترتيبات جارية مع المسؤولين في المؤسسة العامة للشباب والرياضة لدخول كل الحضور منذ وقت مبكر. ومن جانبه قال الصحفي السوداني المقيم بالمملكة الزميل خالد ابواحمد " أن وجود الجالية السودانية بمملكة البحرين تقوم بدور كبير في توطيد العلاقات بين البلدين بالمشاركة في جميع الفعاليات الوطنية البحرينية وأن وجود النادي السوداني بمملكة البحرين يعتبر دفعة معنوية في سبيل توطيد العلاقات بين البلدين"، مشيداً بالمشاعر الطيبة التي يحملها قادة البحرين للسودان والسودانيين, وأضاف ان العلاقات بين البحرين والسودان تزداد يوما بعد يوم مشيداً بحكمة القيادة البحرينية الرشيدة في علاقاتها مع السودان وساير الدول والشعوب العربية والأفريقية". |
الجالية السودانية تستنفر قواعدها لمؤازرة المنتخب البحري...كته مع "النيوزلندي" ياتو دين وياتو وطن البقول انو دا واجب..كسودانين بتستفيدوا شنو لو طارت البحرين ولا تأهلت......حسي دا موضوع يتنشر هنا....بلاش تفضحونا مع دول العالم ..ساعدونا بالموضوعية
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
Quote: تبين لي أن الكلاب عنصرية ... جداً !!!
وذلك بالطبع لأنهم كلاب .............................. بعد مراقبة طويله لأطوار كلاب حلتنا والحلال الأخرى ومعظم كلاب السودان -- بصراحه لاأدري شيئاً عن سلوكيات الكلاب خارج السودان -- كما ذكرت بعد مراقبة طويله ثبت لي وبما لايدع مجالاً للشك أن جميع هذه الكلاب عنصرية ولأقصى درجه وأرجو علماء الحيوان إجراء دراسات مطولة حول هذا الأمر حيث أن جميع هذه الكلاب تتلبسها حالة من الهيجان الشديد عند رؤية أي شخص ذي أصول زنجيه وتكون في الغالب مسالمه مع مادون ذلك . تناقشت في هذا الموضوع مع عدة أشخاص أكدوا لي أيضاً ماذكرت مع ذكر أنهم لم يتنبهوا لهذا الامر في السابق |
تبين لي أن الكلاب عنصرية ... جداً !!! يا رب أمنحنا الصــــــــــــــــــــــــبر وطول البــــــــــــــــــــــــــال....لا حول ولا قوة الا بالله
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
Quote: استعملوا التلفونات او المسنجر او الايميلات...لو مابتعرفوا دا كلوا رسلوا الشفع بالجوابات...يا بكري غير الاسم من منبر عام لمنبر مواضيع عام....ويا ريت بالمرة تعمل منبر ونسة خاصة(شمارات)....لان ما اعتقد انو ناس البورد بهمهم كثير المشاعر الخاصة دي |
وهسه بوستيك دة نسميهو شنو؟؟ شمارات ولا انتقاد..؟؟ طبعا طريقة المفردات المستعملة هي بالتحدد الاجابة ..وكلك نظر.. عاين يا بلير..الناس هنا زمااان اتناقشت في قصة الاعضاء ما يحددوا لي بعض يكتبوا شنو..باعتبار انها حرية شخصية..وانت بما انك زول واعي بتعرف انو الحرية الشخصية بتشمل الكتابة والتصرفات وحاجات كتيرة تانية..والمنبر دة زي ما حقك وبتكتب فيه بي راحتك وفهمك الاعضاء الباقين برضو عندهم نفس الحرية دي..بعد داك يكتبوا في السياسة في الادب في كسير التلج دة شئ بيخصهم فقط..ولا رائك شنو؟؟فخلي الناس براحتها وخليك انتا مسئول من قلمك وبس..طلعا دة نصيحة وراي لانو انت من حقك برضوا تكتب البوست دة ولا شنو؟؟ ــــــــــــــــــــــــ خلي روحك رياضية واتقبل الرأي الآخر..
| |
|
|
|
|
|
|
Re: أغرب الكتابات في البورد(أمثلة وتعليقات) (Re: سارة علي)
|
المحترمة سارة
Quote: وهسه بوستيك دة نسميهو شنو؟؟ شمارات ولا انتقاد..؟؟ طبعا طريقة المفردات المستعملة هي بالتحدد الاجابة ..وكلك نظر.. |
انا علي نفسي بسميها نقد ساخر او بالدارجي حق ناس حلتنا الشغل بالبارد..لكن باقي الناس بتسميها حسب تاثير البوست فيهم ,فاذا كان سلبي فعينك ما تشوف الا ...واذا كان أيجابي بمجرد حزار ,احيانآ ثقيل واحيانآ بايخ...عشان كدا شوفي التسمية البترضيك.....ولو قلتي شمارات ما عندنا مانع.. بالمفردات بنحاول نوصل نص الرسالة علي أساس انو المقصود يكمل النص الثاني علي راحتوا ...وبنحاول بقدر من المباشرة تفاديآ ان يفهم قصد شخصي.
Quote: عاين يا بلير..الناس هنا زمااان اتناقشت في قصة الاعضاء ما يحددوا لي بعض يكتبوا شنو..باعتبار انها حرية شخصية..وانت بما انك زول واعي بتعرف انو الحرية الشخصية بتشمل الكتابة والتصرفات وحاجات كتيرة تانية..والمنبر دة زي ما حقك وبتكتب فيه بي راحتك وفهمك الاعضاء الباقين برضو عندهم نفس الحرية دي. |
بتفق معاكي..بان الناس حرة في الكتابة(انا ما قصدي اوري الناس تكتب شنو)..قصدت انو ما اي كتبو في البورد(الحاجات الخاصة جدآ مثلآ).ياني هناك وسائل أخري أفضل .... رغم البوست دا...الناس مواصلة الكتابة عادي زي البنأذن في مالطا...أطمئني الحرية ما زالت حية والدليل ياهو كل يوم بلقي موضوع جديد نعلق عليهوا.
Quote: بعد داك يكتبوا في السياسة في الادب في كسير التلج دة شئ بيخصهم فقط..ولا رائك شنو؟؟فخلي الناس براحتها وخليك انتا مسئول من قلمك وبس..طلعا دة نصيحة وراي لانو انت من حقك برضوا تكتب البوست دة ولا شنو؟؟ |
كلامك صحيح يكتبوا في العاجبهم وانا أعلق في الما عاجبني...لكن لو قصدك نسيبهم بدون تعليق ما ممكن لانو اي كلام ينزل في البورد قابل للتعليق بالاتفاق او الأختلاف...زي ماشايفة في ناس متفقة(بقولوا ليهم شكرآ مع ابتسامة...وانا المختلف خليها علي الله.
Quote: خلي روحك رياضية واتقبل الرأي الآخر.. |
حاضــــــــــــــر....بس أنشاءالله يقبلوا راينا بنفس الروح....ياني ما يختونا في خانة المغضوب منهم... شكرآ لك
| |
|
|
|
|
|
|
| |