|
Re: من دينا خالد الي دين الحق خالد (Re: حافظ حسن ابراهيم)
|
الصفقة التي أبرمت بين دينا خالد و الهيئة العامة لعلماء المسلمين بالسودان تصيب المرأة في مقتل
تسربت وثيقة تفيد ان السيدة خالد سابقاً و دين الحق حالياً ... ان دينا خالد و علماء الأمة الاسلامية قد توصلوا الي صفقة مفادها ان تتحول دينا خالد الي رجل و يسمي دين الحق بإجراء عملية تحول كاملة ... وفي هذه الصفقة قد إستلمت السيدة خالد مبغ 30.000 يورو عبارة عن تكاليف العملية , إضافة الي مبلغ 70.000 يورو عبارة عن تعويض جراء ما قد يحدث لها من خسائر مادية و نفسية .... و يفيد المحللون أن هذه الصفقة تعد ضربة قوية إن لم تكون قاضية ليست للمرأة السودانية وحدها و أنما لقضايا المرأة عالمياً... لما تميزت به شخصية السيدة خالد سابقاً من قوة في التحليل و جراءة في نقاش القضايا المحرمة علي الأنثي في ظل النظام الابوي السائد, كما أنها تمثل كاريزما نسوية لم تحدث خلال كل القرن المنصرم.
| |
|
|
|
|
|
|
Re: من دينا خالد الي دين الحق خالد (Re: حافظ حسن ابراهيم)
|
د. نجاة محمود من لجوئها الاختياري في كولالمبور بماليزيا صرحت قائلة (الرجل لا يحتمل إمراة أكثر ذكاء منه لان في قاموسه الذكوري ان الذكاء هبة متعلقة بالذكور ... و اذا ظهرت أنثي ذكية فانه يحاربها بشتي الوسائل و إن لم يستطع ارغامها بتلكم الوسائل يغريها أن تكون ذكر لان إعمال العقل شي يختص بالجنس الاسمي و هو الذكور , فانا هنا لا الوم دينا خالد و إنما الوم الواقع الذكوري الذي أوصلها الي تلكم المرحلة)
| |
|
|
|
|
|
|
Re: من دينا خالد الي دين الحق خالد (Re: حافظ حسن ابراهيم)
|
صرح السيد ابو ساندرا قائلاً ( يا أخوانا قضايا المرأة طبقية يعني ما ممكن نفصل بين الواقع الإقتصادي في السودان و قضايا المرأة , و اي انسان يقول غير ذلك فهو واهم) و الجدير بالذكر ان السيد أبو ساندرا أحد القادة الذين يطمحون في التحول الاشتراكي و بتعبير اكثر تهذيباً في التحول الديمقراطي حيث أنه في موضوع يختص بهذه القضية سأل السيد الشفت قائلاً (أيش معني دينا تكون راجلر و نحنا كلنا متفقون علي ان دينا خالد أنثي و لكن بإسم مستعار)
| |
|
|
|
|
|
|
Re: من دينا خالد الي دين الحق خالد (Re: حافظ حسن ابراهيم)
|
ازيك يا حافظ ..
مشوق ما كتبت في هذا البوست..اعجبني شكل اخراج الموضوع طريقة عرضه وتناوله.. كذلك اعجبتني اسئلة المذيع..لكني اتوقع منه ان يعرض وجهات النظر المختلفه بجانب وجهة نظر نجاة..حتي يكون للموضوع ابعاد مختلفة..
كل سنة وانت طيب..
| |
|
|
|
|
|
|
Re: من دينا خالد الي دين الحق خالد (Re: Muna Khugali)
|
مني خوجلي سلامات و كل سنو انت طيبة و انشاء الله تكون أطيب منك امنا جارة ..بالله بلغيها تحياتي
Quote: ازيك يا حافظ ..
مشوق ما كتبت في هذا البوست..اعجبني شكل اخراج الموضوع طريقة عرضه وتناوله.. كذلك اعجبتني اسئلة المذيع..لكني اتوقع منه ان يعرض وجهات النظر المختلفه بجانب وجهة نظر نجاة..حتي يكون للموضوع ابعاد مختلفة..
كل سنة وانت طيب |
يا زولة ما تشيلي هم تب و ديل جايك ليهم نفر نفر
| |
|
|
|
|
|
|
Re: من دينا خالد الي دين الحق خالد (Re: abubakr)
|
سلمي الشيخ سلامة انتي جاتي طايرة من وين ميتين دين الحق يا خي خلاص شوفي الكلام الكاتبو فيك إنت و مني خوجلي الشلقية دي
سلمي الشيخ سلامة ناقدة امريكية و من أصول سودانية , و أيضاً السيدة سلامه لها اسهاماتها في مجال الجندر و النسوية. المذيع: الو السيدة سلامة ... بدي أسالك عن موضوع في غاية الأهمية وهو ظلموني الذكور و بدي أعرف رايك؟ سلمي: مرحب يا استاذ و أنااتفق لحد ما مع السيد ابو ساندرا و لكني أختلف معه ان لقضايا المرأة خصوصية لا تعلم بها إلا المراة فعلي العموم أبو ساندرا مشكور علي هذه الإضاة ....ففي ما يختص بقضايا الجتدر النسوي فانا أري ليس هنالك كائن من كان يستطيع ان يفتي في هذه القضية الحساسة سوي المرأة Herself فإضافة للبعد الطبقي هنالك بعد نسوي غير مرئي سوي للنساء , فهنا انا أعترف بالبعدالطبقي و لكن في نفس الوقت يجب ان يوضع حساب للبعد الجندري أو النسوي.... فالمرأة في السودان اضطهادتها تتعدد و تتداخل و لذا لابد من تحليل عميق لهذه المشكلة.
| |
|
|
|
|
|
|
Re: من دينا خالد الي دين الحق خالد (Re: حافظ حسن ابراهيم)
|
Quote: [ياحافظ .. لو دة حصل تبقي دعواتي لعودة الكنداكات لحكم البلاد واعادة الامور الي نصابها وقش السلطات الذكورية ورميها في مذبلة التاريخ في محك ؟؟ |
يا بكور صباح الطيور يا خي كيفك انت و تذكرأخر مره كلمتك فيها .... والله بالجد يا بكور مشتاقين صدقني دا المفروض يحصل
| |
|
|
|
|
|
|
Re: من دينا خالد الي دين الحق خالد (Re: حافظ حسن ابراهيم)
|
Quote: والله بالجد يا بكور مشتاقين صدقني دا المفروض يحصل |
لازم يحصل ما شايف الين جونسون(ليبيريا) ونغوزي ايوالا (البنك الدولي ووزيرة مالية نيجريا السابقة والتي عرفت بوزيرة محاربة الفساد) بسون شنو ....؟؟
________
هو انت بطاريه تلفونك دة مغشوشة واللا التلفون ذاتو مغشوش
| |
|
|
|
|
|
|
Re: من دينا خالد الي دين الحق خالد (Re: سارة علي)
|
Quote: [ياحافظ .. لو دة حصل تبقي دعواتي لعودة الكنداكات لحكم البلاد واعادة الامور الي نصابها وقش السلطات الذكورية ورميها في مذبلة التاريخ في محك ؟؟ |
سرور صباح الخور بالله سمعتي بتضحكتني يا نكوري لا شرحها ليك؟ اوكي ياسارة وقت نكرت عمي علي ما في اي مشكلة حنقول ليك Ms sara Ali
| |
|
|
|
|
|
|
Re: من دينا خالد الي دين الحق خالد (Re: قيقراوي)
|
المذيع: سيدة خوجلي من وجهة نظرك ماذا يعني التحول النوعي للسيدة دينا خالد الي السيد دين الحق, أي ما هو تأثيراته علي قضايا المرأة و الحريات بشكل عام في السودان..... مني خوجلي: بالتأكيد له تأثير كبير لما تتمتع به السيدة دينا خالد من نفوذ , فاضافة الي انها مغنية كبيرة و أدخلت موسيقي الرأب في السودان , فدينا خالد كانت تعتبر أجمل ما أنتجته صراعات النسوية في السودان ... و لكن قبل ان أجيب علي سؤالك فدعني أشرح بعض الشي ( إنت عارف العدو الأساسي للمرأة في السودان ما السلفيين و لا الذكر بشكل عام و إنما العدو المرأة نفسها و خاصة الناشطة في قضاياها) المذيع مقاطعاً: لكن يا سيدة خوجلي كيف تكون المرأة الناشطة في قضاياها عدو نفسها مني خوجلي (في سرها قالت مذيع لفيف و عرب بالجرب)......خليني انتهي يا سيد .... المرأة الناشطة هي العدو الاساسي للمرأة و لذا لابد من النضال بشراسة ضد هذه المرأة ... فهذه الشقية تناضل و لكن تلهث و تسأل نفسها كل لحظة (أها وصلنا محل الرجل).... يعني في رأسها نموزج الكمال هو الرجل......و دي أمراة ما عارفه ان لها قدرات يمكن أن تفوق ذاكم الذكر...... المذيع: الو الو ...... يبدو ان الخط قطع و لكن علي موعد مع المستمعين لإكمال حوار السيدة خوجلي ...
| |
|
|
|
|
|
|
Re: من دينا خالد الي دين الحق خالد (Re: Ahmed Yousif Abu Harira)
|
Quote: انا كمستمع للبي بي سي اؤيد وجهة نظر السيدة/خوجلي.. وأدعو دينا "الربابة" أن (كما كنت) |
أحمد ابو حريرة صبحاتك يا خي ....
طبعاً لازم تؤيد كلام السيدة/ خوجلي ... لكن يا أخوي لو سمعت كلامها للنهاية بتسحب تضامنك دا و تعلن عليها الحرب المقدسة , و أنت قايل المذيع ادعي ان الخط قطع ليه؟
حتي ال بي بي سي غير محايده
| |
|
|
|
|
|
|
Re: من دينا خالد الي دين الحق خالد (Re: Ahmed Yousif Abu Harira)
|
إنتا يا حافظ ناس الفضائيات الكتار ديل ما شايفنك؟!! لو شافوك كان لقطوك
يالله نخليك تواصل ونحنا قاعدين في محلنا ده .. لامن نشوف بتبقو على شنو في موضوع: الصراع بين المرأة والرجل والله طبقي والله (التنتين) ..
بس ود جادين أول أمس قال:
الصراع بين النور والضلام .. هذا يكشف وهذا يغطي
| |
|
|
|
|
|
|
Re: من دينا خالد الي دين الحق خالد (Re: Mohamed Abdelgaleel)
|
Quote: إنتا يا حافظ ناس الفضائيات الكتار ديل ما شايفنك؟!! لو شافوك كان لقطوك |
محمد عبدالجليل سلامات ... يا محمد مغنية الراب لا تطرب البدو .... شفت فكة الروح دي كيف؟
أها يا مان اب شنب دا أمس اديناهو الفاتحة و أتفكك انشاء الله وصلكم
شويتين كدا و جاييكم لموضوع الحلقة ....الي ذلك الحين اقعدو عافية
| |
|
|
|
|
|
|
Re: من دينا خالد الي دين الحق خالد (Re: حافظ حسن ابراهيم)
|
الشفت سلام
Quote: ناس تسترزق من ظهر الناس سااااااااااااااااااكت
|
و الما عندو ضهر يا الشفت ينجلد علي بطنو و انت ضهري يا حبة و أركز بدلي ... بس تعال شوف الرزق الخمج دا هنا
رأي الدين شيخ لا أحد يحرز كم عمره و لكن وين المشكلة مش الأعمار بيد الله,,, لحية بيضاء مصففة بعناية فائقة,,, وجه مطاول كثير الشبه بأوجه أحد الحيوانات المنقرضة او حيوانات ليس لها وجود علي الإطلاق,,,, مبتسم علي طول حتي يخمن الناظر اليه أن تلكم الابتسامة التي تكشف عن أسنان متأكلة بفعل الصدي جزء من وجهه ..... عيونه زائقة و كذلك الانف ... بدأت الحديث المذيعة التي سميت تيمناً علي أحد ثوار اميريكا اللاتينية و هذا مرده الي ثورية ابيها لا تعرف الحدود الجغرافية.... بدأت هذه المذيعة بتقديم شيخ الرمادي بعبارات التقديم المعروفة.... أنه فعل كدا و ترك كدا و قرا وين و كتب شنو الخ القائمة الممجوجة.....و الي مضابط الحوار رأساً المذيعة: سيد الرمادي أنت اليوم هنا للرد علي قضية شغلت كل الرأي محلياً و عالمياً و الا هي التحول النوعي للسيدة دينا خالد الي دين الحق خالد .... و كل العالم يريد ان يسمع رأي الدين في مثل هذه القضية فهل تفضلتم سيدي بالادلا ء برايكم؟.... و تبعتها طبعاً بإبتسامة يا خي انسي بس استعدل الشيخ في جلسته و كبرت ابتسامته حتي صارت ضحكة اقل قليلاً من الضحكات الماجنة ... إستعدل في جلسته حيث ابتدر حديثه و لم يتخلص من عدوي الضحك بعد (لست عليهم بمسيطر فمن شاء فليؤمن و من شاء فليكفر فهذا رأي الدين في مثل هذا النوع من القضايا سيدتي)... إنتهي بالإبتسامة المعروفة المذيعة: عفواً سيد الرمادي اني لم اسألك عن الكفر و الإيمان و إنما سألت عن الرأي الصريح في تحول المرأة الي رجل و العكس فهل هنالك رأي ديني واضح يحرم أو يحلل مثل هذا الإشياء؟ ابتسامة الشيخ تحولت هذه المرة الي ما يشبه التكشيرة لكن و الشهادة لله انها إبتسامة لكن من نوع تاني ( فمن شاء فليبتسم و من شاء فليصر)... الشيخ: يا سيدتي إني قد قلت رأي الدين الصريح في مثل هذه القضية فمن شاء فليؤمن و من شاء فليكفر ... و دا يا استاذه الاصل في الدين و هو قضايا الحريات ... بعدين يا استاذه الدين ما ممكن يفصل كل القضايا يعني بضع خطوط عريضة و الناس بتمشي علي الخطوط العريضة و صدقيني ما بتقع لو التزمت قوانين المسير..... يعني ال Model هنا من شاء فليؤمن و من شاء فليكفر ...وسعي افقك شوية و المودل دا بتلقيهو بستوعب كل الإختلافات و الخلافات البشرية ... أنتهي بابتسامة سراً تقول ( دي شنو الامة الما بتفهم دي) المذيعة .... سيداتي سادتي في كل مكان تحيكم قناة الحريرة و بعد الفاصل نستقبل مكالمات و أراء المشاهدين ... هواتفنا علي الشاشة هنا شعار القناة غطس في البحر و نبل ليك في السماء
(عدل بواسطة حافظ حسن ابراهيم on 09-28-2009, 05:20 PM) (عدل بواسطة حافظ حسن ابراهيم on 09-29-2009, 02:07 PM)
| |
|
|
|
|
|
|
Re: من دينا خالد الي دين الحق خالد (Re: حافظ حسن ابراهيم)
|
Quote: في اول سابقة في الوطن العربي و أفريقيا اجمع أجرت مغنية الراب السودانية السيدة دينا خالد عملية جراحية بموجبها تحولت الي رجل يدعي دين الحق خالد,,, |
ياحافظ ...الزولة دي حولت كده من غير سبب ولا هي عقدة راجل وخلاص ؟!!!
Quote: تسربت وثيقة تفيد ان السيدة خالد سابقاً و دين الحق حالياً ... ان دينا خالد و علماء الأمة الاسلامية قد توصلوا الي صفقة مفادها ان تتحول دينا خالد الي رجل و يسمي دين الحق بإجراء عملية تحول كاملة ... وفي هذه الصفقة قد إستلمت السيدة خالد مبغ 30.000 يورو عبارة عن تكاليف العملية , إضافة الي مبلغ 70.000 يورو عبارة عن تعويض جراء ما قد يحدث لها من خسائر مادية و نفسية .... |
يعني محتاجين كم يورو عشان نخلي الدنيا خالية من الكائنات الحية ؟!!! ...
| |
|
|
|
|
|
|
Re: من دينا خالد الي دين الحق خالد (Re: ممدوح أبارو)
|
و تواصل المكالمات حول رأي الدين في التحول النوعي المذيعة: السيدة/ قضيم سائقة شاحنة في طريق الخرطوم الابيض و لقب صاحبة السوط جاء من أن في شاحنتها دوما هنالك سوط عنج في الطبلون لاي تفاهات ذكورية لا ترتقي الي إخراج الخنجر المربوط علي خصرها ... و المعروف عن السيده / قضيم رأيها الذي لا يحتمل أي مهادنة أو مساومة فيما يختص بقضايا المرأة و النوع .... الو السيد قضيم السيدة/ قضيم مرحب حبيبتي .... أنا سؤالي لشيخ الضلال دا , سؤال لشيخ الحيض و النفاس, الشيخ المأجور المذايعة مقاطعة السيدة/ قضيم ...السيدة/قضيم ... يا بت قضيم عذراً ليس هنا من مجال لمثل هذا النوع من الشتائم , فلكي ان تسألي سؤالك سيدتي دون إساءات , و لكن بت قضيم لم تعير المذيعة أدني إهتمام و أنما واصلت سبابها كما هو بدأت,,, ووسط هذه الهرجلة الصوتية فقدت المذيعة إحترافيتها مما حدا بالغرفة الفنية ان تقطع الاتصال,,, بينما الشيخ مستمعاً بهذه الهرجلة النسوية و زادت أكثر إبتسامته.
المكالمة التالية مع السيدة/ إشراقة مصطفي الباحثة في مجال النوع و الاثنيات و الاستاذة بجامعة وين كدا مش عارفين لكن في النمسا ... بعد الفاصل
| |
|
|
|
|
|
|
Re: من دينا خالد الي دين الحق خالد (Re: حافظ حسن ابراهيم)
|
سيداتي ساتي في كل مكان نأسف لقطع هذه الحلقة و ذلك لتغطية أحداث العنف الدموية التي إندلعت في الخرطوم الان بين النساء المناهضات لعملية التحول النوعي من طرف و رجال من مختلف الإتجاهات الفكرية و الدينية ..... مراسلتنا في الخرطوم السيدة داليا الكباشي ستوافينا بعد قليل بتفاصيل تلكم الأحداث......
----------------------------------- الشريط الإخباري
أحداث دموية في الخرطوم بين النساء المناهضات لعملية التحول النوعي و رجال من كافة الملل
| |
|
|
|
|
|
|
Re: من دينا خالد الي دين الحق خالد (Re: حافظ حسن ابراهيم)
|
Quote: يعني محتاجين كم يورو عشان نخلي الدنيا خالية من الكائنات الحية ؟!!! ... |
والله يا ود القاضي الله و رسوله أعلم لكن باحداث العنف العيني شايفاها دي شكلو نحنا الحننقرض بس الله يكدب الشينة
ود أباور سلام يا مان وتشكر علي المرور
| |
|
|
|
|
|
|
Re: من دينا خالد الي دين الحق خالد (Re: داليا حافظ)
|
ماما دوما سلام و انشاء الله كويسة شايفك في المظاهرة قبيل انا كنت في سطوح عمارة الضرائب
Quote: Quote: كذلك رئيس جماعة أنصار السنة المحمدية في هذه التظاهرة .
اها دا بالذات ماذا قال |
اوريك دا قال شنو ... مسك ليك سكرتير الحزب الشيوعي من يدو و قال ليهو ... تستأهلوا عشان انتو بالذات طلعتوهم لينا في رسينا ... مجننا حقوق المرأة حقوق المرأة أها الليله شوفوا الحقوق الجد جد.
داليا بتي شكراً علي المرور و إنشاء الله يعجبك السمح و ليكي مني وزراة في الحكومة الجاية
| |
|
|
|
|
|
|
Re: من دينا خالد الي دين الحق خالد (Re: حافظ حسن ابراهيم)
|
وردت الينا أنباء للتو من الخرطوم تفيد بأن عدد القتلي من جراء الأحداث الدموية في الخرطوم انا هنالك 82 حالة وفاة من بينها 13 إمراة و 69 رجل , و قد خلا القتلي من الأطفال و العجزة .... و لم تردنا حتي الان أنباء عن هوية الضحايا ... ففي أحداث العنف الدائرة الان بالخرطوم قد إستخدمت النساء في البدء أدوات المطبخ و لكن عند مبادرة أحد علماء الأمة الاسلامية باطلاق النار في الهواء هنا من بين الثياب و العباءات الفارسية خرجت الاسلحة الرشاشة ... حمي التظاهرات النسوية انتقلت الي مدن أخري سودانية مثل مدني, جوبا, الأبيض , بورتسودان و الدمازين و لم تفيد أي تقارير حول وقوع ضحايا أو تخريب للمتلكات العامة....
في أرض الانتفاضات و الثورات هل يعيد التاريخ نفسه مرة أخري ؟ هل تفضي هذه الهبة النسوية الي ما أفضت اليه أكتوبر أو أبريل؟ و اذا حدث ذلك فماذا تكون طبيعة السلطة القادمة؟ هذا ما سيفصح عنه مقبل الأيام .....
| |
|
|
|
|
|
|
Re: من دينا خالد الي دين الحق خالد (Re: حافظ حسن ابراهيم)
|
Quote: Quote: [ياحافظ .. لو دة حصل تبقي دعواتي لعودة الكنداكات لحكم البلاد واعادة الامور الي نصابها وقش السلطات الذكورية ورميها في مذبلة التاريخ في محك ؟؟
سرور صباح الخور بالله سمعتي بتضحكتني يا نكوري لا شرحها ليك؟ اوكي ياسارة وقت نكرت عمي علي ما في اي مشكلة حنقول ليك Ms sara Ali |
هههههههههههههههههههههه شكلك كدة كنتا بالع كم شوال زريعة.. ياخ يا حافظ الاقتباس بتاع الكنداكات دة ما كتبتو انا..وانتا جبتو ورديت رد ما عندو علاقة بيه.. هههههههههههههههههههههههههههههه
| |
|
|
|
|
|
|
Re: من دينا خالد الي دين الحق خالد (Re: noon)
|
سارة صبحاتك بمبية
Quote: شكلك كدة كنتا بالع كم شوال زريعة.. ياخ يا حافظ الاقتباس بتاع الكنداكات دة ما كتبتو انا..وانتا جبتو ورديت رد ما عندو علاقة بيه..
|
هسي عليك النبي في داعي للفضايح دي ... اي والله وقت شفت الكلام دا الصباح لكن انا كزول برئ وديتو للهكر ما للزريعة.... بدين يا أختي يا حليل زمن الزريعة ما خلاص الكبر حصل و الدكتور قال لي حبة زريعة واحدة بتوديك التوج .... يعني انا ضامن طريقة إنتحاري
نون سلامات و كيفك و ربة عملك انا غايتو اليومين دي كويسة ربة العمل مسافرة سفر البن كدا .... تسكري علي المرور... بس والله انت الطلعت فيهم يعني ما وديت الكلام دا لبعيد بس لاكل المكسيك
| |
|
|
|
|
|
|
Re: من دينا خالد الي دين الحق خالد (Re: noon)
|
Quote: من بينها 13 إمراة و 69 رجل |
الضحايا ديل عملوا ليهم كشف طبّى للتأكد من النوع؟
ولاّ دا كلام جرايد ساى؟ ________________________________________________
والله إسفاف ما بعدو إسفاف ....
تعرف يا ويللى .... المشكلة ما فى البرالمة البطلعوا على ظهور الأحداث ..... وانا ما بنكر انو الكتابة الساخرة بتاعة الولد دا بتسلط الضوء على كتير من المغتغت فى الصحافة والمجتمع والجندر ....
المشكلة الكبيرة إننا فقدنا إرث طويل بتاع قوانين ونظم بتحكم حرية الإنتاج الفكرى والإبداعى .....
المقال بتاع الولد دا فيهو زى أربعين قضية "إشانة سمعة" ورا بعض .... لاكين هو كبرلوم حيسرح ويمرح فى استخفاف الأشخاص والمؤسسات الأساء ليها بوجودو ككائن .... ناهيك عن دفع تكاليف مقاضاة زول ما بعرف الفرق بين 70.000 يورو و 70,000.00 يورو! دا معناها ما عندو التكتح ....
انا خايف من احتمال قضية تترفع ضد "بكرى ابوبكر" و "سودانيزاولاين"
بعد داك الفضائيات دى ظاطا .... حتسمّيها "سودانيزاون لادِن" ....
(قال "توقيت الكعبة" قال ... إنت قايل المسلمين ممكن يخلّوك تسئ مقدّساتم فى نكات بايخة بالطريقة دى؟)
... المهم ....
| |
|
|
|
|
|
|
Re: من دينا خالد الي دين الحق خالد (Re: حافظ حسن ابراهيم)
|
Quote: وريك دا قال شنو ... مسك ليك سكرتير الحزب الشيوعي من يدو و قال ليهو |
لوووووووووووووووووووووووووول معقول مسكو من يده يعني بقوا اصحاب لانهم ح يحققوا مقاصد الاسلام العليا وكدا بس يا ريت مقاصدهم دي ما تبقي هدوم النساء
| |
|
|
|
|
|
|
Re: من دينا خالد الي دين الحق خالد (Re: doma)
|
خالة دوما ...
نحن ناس "وادى شعير" ...
Quote: تبارك شيخ الدين متين بقيت ارهابى؟؟؟ |
أنا قلت ليهو كدا عشان ما اعد روحى مع الإرهابيين المحتملين
Quote: (قال "توقيت الكعبة" قال ... إنت قايل المسلمين ممكن يخلّوك تسئ مقدّساتم فى نكات بايخة بالطريقة دى؟) |
انتى قايلة أنا ما بعرف اكتب روحى معاهم؟
... أنا مش معاهم ...
... المهم ....
| |
|
|
|
|
|
|
Re: من دينا خالد الي دين الحق خالد (Re: تبارك شيخ الدين جبريل)
|
العزيز تبارك سلام و إحترام في البداية و بدون اي حساسيات و الله انا بشكرك جداً و بدين ليك ليوم الدين انك علمتني حاجت انا ما كنت عارفها... يعني انت أديتني درس غالي ايوا هو قاسي جداً لكن مفيد .... الكلام الفوق القلتو رغم الولد دا و ما ناقش التكتح و الخ من التجريحات ... اكذب عليك ايوا والله زعلت ووقفت كلب عرس في البداية ... بس سألت صديقة عزيزة جداً في البورد دا و أنا بثق في ارائها زي ما بثق في أراء ناس كتيرين ... عندما سألتها عن مدي صحة هجومك و ما قد يتعرض له سودانيز اون لاين من مشاكل (المهم هي قالت دا إحتمال ضعيف) ... لكن أكثر ما اثرني في كلامها انا كنت ناسي شئ أساسي انا جبت أسماء ناس حقيقة دون علمهم و هذا Ethically ما صاح .... يا شباب بناء علي كلام تبارك و نصايح صديقتي الغالية قمت غيرت أسماء الشخصيات الحقيقة و ما معانا في المنبر , و تانياً برضو غيرت أسماء المؤسسات بس عشان ما ندخل بكري في مشكلة انشاء الله 0.0000001
بالنسبة للناس الانا اخترتهم من ناس المنبر علي ما أعتقد قد أخترتهم بعناية ( بس ما يمشوا يمسكوا لي الموضوع دا ذلة وورق ضغط)
في الختام انا أسف جداً اذا جرحت أي حد و صدقوني ما بكون قاصد... و البوست دا لحد هنا بالنسبة لي انتهي لانو تبارك طلع نفسي منه بس حاقول النهايات سريع 1. التظاهرات بتتواصل 2. دينا خالد بتطلع في العلن و تلقي خطاب أمام المتظاهرات و الكل يتأكد أنها أمرأة (ولله خطاب دينا كان مبالغة ) 3. السلطة تؤول الي النساء و في التشكلية الوزراية فقط هنالك وزيران من الرجال( أحدهم لشئون الرجل و الطفل و الاخر وزير للثروة الحيوانية).....
و بكرر تاني أسفي و خاصة لدينا خالد حالياً و دين الحق سابقاً
| |
|
|
|
|
|
|
Re: من دينا خالد الي دين الحق خالد (Re: حافظ حسن ابراهيم)
|
دائماً الناس المبدعين والمرهفين واصحاب القدرة على التصوير البارع
بيكونوا مؤدبين خالص وصدرهم وسيع وبيتعاملوا بمثالية
نحسدهم عليها نحن الجربندية ..
لكن ما لانحسدهم عليه بل نغضب منهم عليه مثل تساميهم هذا ..
وتعاملهم بمنتهي الادب والرفق على التحرشات الغير مبررة تجاههم ..
بوست بدأ جميل وانتهي ( بتنمّر ) وتحرش بطالب سنة أولي (البرلوم) المتفوق
من السناير المقدقدنها ...
عجبي ،،،
| |
|
|
|
|
|
|
Re: من دينا خالد الي دين الحق خالد (Re: doma)
|
اسمع أأأأأأأي ...اسمع انت ده
ياخي بالله رد علي التفلــــــــــــــــــــــــون؟؟ شنو شحتفة الروح دي.. مرة برة الشبكة... ومرة كمــــــــــــــــــان ما بترد...!!
يعني اصلو ما نقرأ لينا بوست بي مزاااااج ؟؟ يا 14 انت..
| |
|
|
|
|
|
|
|