|
|
|
 عليك بِطرف المدايِن (Re: Hani Arabi Mohamed)
|
ناصر احمد الامين
قبل كام ساعة إتصل بي الحبيب عضو المنبر ياسِر علوب وقال لي مشا البُطانة في رحلة صيد
قال لي كلام عجيب عن جمال المكان وإستِمتاعُم بِالصيد ... كدي جرِب الحِكاية دي
| |
 
|
|
|
|
|
|
|
|
Re: عليك بِطرف المدايِن (Re: عزام حسن فرح)
|
Quote: قبل كام ساعة إتصل بي الحبيب عضو المنبر ياسِر علوب وقال لي مشا البُطانة في رحلة صيد
قال لي كلام عجيب عن جمال المكان وإستِمتاعُم بِالصيد ... كدي جرِب الحِكاية دي |
عزام يا قريبي امانه في زمتك كلم ياسر علوب ما ينسي الصور
| |
|
|
|
|
|
|
|
|
|
Re: السودان دا ما فيهو سياحة ؟ ؟ ؟ (Re: Hani Arabi Mohamed)
|
| Quote: أخذ تأشيرة من سفارة مصر في الخرطوم وسافر حلايب ... |
يعني حلايب طلعت مصرية ؟؟؟؟؟
Quote: محمية جبل علبة الطبيعية وشواطئ حلايب الساحرة
فيها أجمل مناظر واستعدادات وترحيب سياحي في السودان |
يا هاني كلامك دا متأكد منو ... واللا حا تجهجنا ساكت؟؟
انا جادي والله.
| |
|
|
|
|
|
|
|
|
|
Re: السودان دا ما فيهو سياحة ؟ ؟ ؟ (Re: متوكل بحر)
|
Quote: الدندر
جبل مرة
الانقسنا
البحر الاحمر
|
الدندر: قالوا الحيوانات كلها شردت، باقي اسد و غزالتين ما عندهم رغبة
جبل مره: عشان اجي راجع اقول ( اهو عايشين؟؟) ....... الامن يا بحر
الانقسنا: ماااو يا ايزابيلا
البحر الاحمر: الوالي منع الشيشة ... نقعد نصاقع البحر بس؟
| |
|
|
|
|
|
|
|
|
|
Re: السودان دا ما فيهو سياحة ؟ ؟ ؟ (Re: AnwarKing)
|
Quote: أمشي هيئة الكهرباء...أو إدارة الموية...بالعدم ممكن تمشي في مسيرة جماهيرية!
أو ممكن تعمل ليك لجنة للسياحة في السودان...وتعيش اللجنة!
____
حليلك يا عزيزي ناصر!
|
انور العزيز كنج
انتو رمضان عندكم لسع مدور و اللا شنو؟
علي العموم انا ما الواثق
| |
|
|
|
|
|
|
|
|
|
Re: السودان دا ما فيهو سياحة ؟ ؟ ؟ (Re: حسن حماد محمد)
|
عبدالناصر يا صاحبي
انتوا رحلتوا من بري ولا شنو ؟
ناسي البيتش ورا المعرض؟ ولا الجريف غرب الشيطه
غايتوا ان بعرف ناس الفرجوني قاعدين يطلعوا رحلات صيد غرب ام درمان
لكن لازم يكون عندك كلب سلوقي
معاي واحد قريبهم ح ينزل السودان قريبا وشايل الكلاب من ايطاليا
عبدالناصر انت بتهظر؟ عاوز تسيح في السودان؟؟
========
ياخ عندك معلومات عن دفعتنا ؟
محمدالشيخ ادريس, محمد نصرالدين, اسامه حسن بانقااوغيرهم؟
| |
|
|
|
|
|
|
|
|
|
Re: السودان دا ما فيهو سياحة ؟ ؟ ؟ (Re: محمد زكريا)
|
حسن حماد يا خي كتاحة شنو؟
عامل ولدك الحليوون دا، ربنا يحفظوا ليك. و مرورك مكسب
| Quote: البيتش ورا المعرض؟ |
باعوه يا مورتن !! و الباقي اهلنا بقوا يبركنوا فيهو الحمير.
Quote: لكن لازم يكون عندك كلب سلوقي
معاي واحد قريبهم ح ينزل السودان قريبا وشايل الكلاب من ايطاليا
|
سلوقي ؟؟؟؟ ايطاليا ؟؟؟
يا خي خليك عميق
بالمناسبة: كلب السره لسع عايش ...... ما بنفع؟
و الله نباح نبيح !
| Quote: عبدالناصر انت بتهظر؟ عاوز تسيح في السودان؟؟ |
طيب دق سدرك و اعمل لي فيزا عشان اجي اسيح في اوسلو دي
اهم شي عندكم شيشة؟؟؟
محمد الشيخ ادريس: سمعت انو في السعودية
محمد نصر الدين في امريكا و قالوا بقي ضعييف عشان الجكس عاوز كدا
| |
|
|
|
|
|
|
|
|
|
Re: السودان دا ما فيهو سياحة ؟ ؟ ؟ (Re: ناصر احمد الامين)
|
واحد شليق كدا رسل لي الصور دي بالايميل .... و قال عن (اركويت) ما يلي:
تقع على بعد سبعه وعشرين ميلا جنوب غرب بورتسودان، وهى عباره عن هضبه مرتفعه تتخللها الجبال وتغطيها الاشجار والسهول الخضراء .اشتهرت بجمالها الخلاب ومناخها المعتدل طوال السنة ، إذ أن مناخ يشابه مناخ المناطق الجبلية ، وتتميز بأنها المصيف الأجمل ، ترى قممها تغيطها الغيوم .مصيف اركويت اوكما يطلقون عليها فردوس الشرق حبتها الطبيعة بطقس غاية في الاعتدال والسحر في فصل الصيف و تتميز بهطول الامطار فى فصلى الشتاء والصيف ، لذلك هى موقع خصب لنمو أنواع الاشجار المختلفة , يتميز الطقس بالاعتدال معظم ايام السنة أما الشتاء فيكون بارد، تحفها الجبال من كل جانب بارتفاعات متفاوتة منطقة جبلية متميزة ، توفر الراحة والهدوء
تاريخ مدينة اركويت
زارها الإنجليز عند إنشاءهم لخط السكة حديد بين مدينتي هيا وبورتسودان،أعجبوا بها فأنشأوا بها طرقًا مسفلتة وبنوا بها ثكنات للجيش واستراحة لـحكمدار السودان قبل أن تلحق بها مباني استراحةجامعة الخرطوم - صارت الآن فندقًا تابعًا لشركة الصقر - واستراحة رئيس الجمهورية التي بناها جعفر نميري رئيس السودان الأسبق ، بها سوق صغيرة.
وبعد المهدية استأنفت الحكومة الإصطياف فيها. واختارتها الحكومة مقرا يمضي فيه معالي الحاكم العام فترة تبدا من أوائل ابريل إلى مايو من كل عام لطقسها الجميل وأشجارها المتشابكة والمتعانقة خصوصا الياسمين و فيها حدائق جميلة جدا تنبت فيها كل الثمار . . وتوجد صخرة كبيرة عليها نقش لقدم رجل ضخم يقال إنها قدم أحد الصالحين وفيها نبع ماء يجري صيفا وشتاءا وسلسلة جبالها تتصل بجبال الجميلاب غرب طوكر.
ويكثر في أركويت النمور والقردة وكافة انواع الغزلان ولها طريق سيارات من سنكات وآخر من محطة صمت . . وطلوعها نحو ساعتين والنزول منها ساعة على الأقل .
| |
|
|
|
|
|
|
|
|
|
Re: السودان دا ما فيهو سياحة ؟ ؟ ؟ (Re: ناصر احمد الامين)
|
الاستاذ ناصر احمد الامين
لك التحية
السياحة ليست الطبيعة فحسب و لكن الاستقرار الامنى و الاقتصادى و السياسى
السياحة فى السودان فى آخر قوائم كل الحكومات السودانية
و سوف تظل لانه لم يكن لدي حكوماتنا استعداد لتطوير السياحة
و لا يملكون نهج و اضح لتطويرها
| |
|
|
|
|
|
|
|
|
|
Re: السودان دا ما فيهو سياحة ؟ ؟ ؟ (Re: الطيب رحمه قريمان)
|
ذواليد اتفق معك ان (كتم) تعتبر من اجمل بقاع السودان
جدي رحمة الله علية عاش بها فترة من الزمن و حكي لي عن روعتها
و لكن .. الطيب رحمة قال الكنت عاوز اقولو
| Quote: السياحة ليست الطبيعة فحسب و لكن الاستقرار الامنى و الاقتصادى و السياسى |
الامن ياتي في اولويات العمل السياحي .......... و ياريت انو السودان دا يستقر و نحن لسع عايشين ... عشان نستمتع بيهو !!
عاد رحمة فقال:
Quote: السياحة فى السودان فى آخر قوائم كل الحكومات السودانية
و سوف تظل لانه لم يكن لدي حكوماتنا استعداد لتطوير السياحة
و لا يملكون نهج و اضح لتطويرها |
صحيح مية في المية
والمصيبة انو البنية التحتية المتوفره للسياحة في السودان لا تناظرها اي بنية اخري في مجال التنمية
بس عاوزة منهج تطوير سليم و اهتمام ..... و صدقوني يمكن ان تحقق عائد للدولة يقارب دخل البترول.
و ما دبي عنكم ببعيد!!!
ذواليد و قريمان ... الله يديكم العافية
| |
|
|
|
|
|
|
|
|
|
Re: السودان دا ما فيهو سياحة ؟ ؟ ؟ (Re: ناصر احمد الامين)
|
الأخ ناصر بارك الله فيك
والله الشافع ده مكرهنا النوم
ما بينوم الا الساعة 2 صباحاً
على ما أذكر فى الأيام السالفة كانت
هناك وزارة للسياحة - ياترى ما زالت موجودة
السودان يا صديقى يمتلك ثروة سياحية هائلة
لما يتمتع به من بئة مناخية وجقرافية متعددة
وثقافات السودان ثروة هائلة لا يدرك قيمتها
أمر القائمية على الأمر
عندك مثال تيلفزيون السودان
هل ترى فيه تعدد ثقافى أو استثمار حقيقى
لهذا الكم الهائل من الفنون والابداعات الموجودة
فى مناطق السودان المختلفة ؟
نتكلم عن أننا بلد زراعى - والطماطم عندنا أغلى من بروكسل
نتكلم عن أننا نملك أكبر ثروة حيوانية فى العالم العربى
والكثيرون منا لا يتذوقون طعم اللحم الا فى عيد الأضحى
يا صديقى كل شئ عندنا يبدأ وينتهي عند القائمين على الأمر
وزير الساحة يكون دكتور بيطرى
وزير الزراعة طبيب بشرى
وزير الطرق والكبارى طبيب نفسانى
وزير التربية والتعليم مهندس وزاعي
وهكذا
وكل يوم يطل علينا من يذكرنا بأننا بلد غنية بالثروات
الا توافقنى الرأي بأن السياحة تنشط في موسم الصيف
وعندنا فى السودان أيضاً تنشط الكتاحة فى الصيف
مودتى
| |
|
|
|
|
|
|
|
|
|
Re: السودان دا ما فيهو سياحة ؟ ؟ ؟ (Re: ناصر احمد الامين)
|
الاخ ناصر
تحياتى
Quote: هناك وزارة للسياحة - ياترى ما زالت موجودة
السودان يا صديقى يمتلك ثروة سياحية هائلة
لما يتمتع به من بئة مناخية وجقرافية متعددة
وثقافات السودان ثروة هائلة لا يدرك قيمتها |
دا مربط الفرس وسؤال يحتاج اجابه اخى حسن
مودتى
| |
|
|
|
|
|
|
| |
ناصر احمد الامين
AnwarKing
Dalal Ezzaldin
متوكل بحر
Hani Arabi Mohamed
عزام حسن فرح
حسن حماد محمد
محمد زكريا
الطيب رحمه قريمان
ذواليد سليمان مصطفى
Sidgi mattar
فيس بوك
تويتر
انستقرام
يوتيوب
بنتيريست