|
|
 جمال الماحي يتنحى عن منصبه كرئيس للجالية السودانية في هيوستن ثم يتسيك ثم يتجرس
|
هذا العنوان الصاخر إختاره المهندس أحمد سيد زروق..
تنحى الأستاذ جمال الماحي عن منصبه كرئيس للجالية السودانية بمدينة هيوستن ولاية تكساس
الأمريكية .. وبعد إنتهاء الإجتماع التأسيسي للجمعية العمومية وإختيار لجنة جديدة لقيادة
شئوون الجالية إنفض المشاركين الأعضاء وغادروا المكان ولكن أستاذنا جمال الماحي قرر
الإحتفال بطريقته الخاصة بمناسبة إنتهاء فترة رئاسته للجالية قرر أن يلعب الوست على
الرغم من سوء الأحوال الجوية وهطول الأمطار بغزارة.
وقد نصحة الدكتور أحمد الصائم بأن يعدل عن رأيه نسبة ال أن الجو والوقت لا يسمحان بلعب
الورق والوست ولكن أستاذنا جمال الماحي أصر وألح على رأيه وقد سار الركب الى مقهى كبير
يقع وسط مدينة هيوستن يدعي مقهى فنوش.. وبعد لعب الوست وعند آخر توزيعه للورق كانت الطامة
الكبرى حيث نال أستاذنا جمال وزميله أحمد ود الحاج سيك أمام جمهور غفير من المشاهدين السودانيين
والأجانب الأمر الذي جعل أستاذنا جمال يتجرس ويصيح بأعلى صوته غير راض عن (السيك)..
وقد كانت تنحية وسيك ثم جرسة في يوم واحد.
اللهم لا شماته.
|
|
 
|
|
|
|
|
|
|
|
Re: جمال الماحي يتنحى عن منصبه كرئيس للجالية السودانية في هيوستن ثم يتسيك ثم يتجرس (Re: soma)
|
الأخت أسماء بنت الجنيد،
تحياتي،
والله يا بت الجنيد لمتنا هنا بالدنيا كلها..
ناس سمحين شديد وكل يوم تزداد علاقتنا الأخوية
والأسرية ومتواصلين مع بعض والظرافة مستمتعين
بها لأبعد الحدود وأصبحنا كلنا أهل ومجتمعين
كلنا في الحارة والباردة ويوم أمبارح بعد إنتهاء
الإجتماع عديناهو ونسة وضحك.
وود حلتكم جمال الماحي مكمل الظرافة علا بس
لسانه طويل وسليط حتى زوجته سنية ما بتسلم
من مكاواته ولزعاته المستمرة.
أسرة السودانيين هنا في هيوستن جميلة وفايته
الحد.
وشكرا لمرروك الذي عطر البوست.
| |
|
|
|
|
|
|
|
|
|
Re: جمال الماحي يتنحى عن منصبه كرئيس للجالية السودانية في هيوستن ثم يتسيك ثم يتجرس (Re: PLAYER)
|
| Quote: وود حلتكم جمال الماحي مكمل الظرافة |
تسلم اخى العزيز عزيز
الله يطمنك ان شاء الله .. جمال ما ود حلتى يا الحنين
انا قلت ليك ود امى
ود خالتى شقيقة امى لزم
لكن ما بنحس بى انه دى خالة ودى ام
ابدا والله كلنا زى اولاد البطن الواحدة
اما لسانه دة اسكت خليه ساى
ربنا يحفظه بس ويغطية
عجبتنى لمتكم بالحيل وان شاء الله نسجل ليكم زيارة هناك
هو طبعا داير جيتنا بى شدة ..لكن ظروف الشغل
زارنا مرتين هنا فى مسقط بى اسرته .. شقيقى متزوج شقيقته وما شاء الله كلنا هنا فى مسقط
بالله بلغهم جميعا كل الود
شكرا يا عزيز وفعلا انت عزيز
| |
|
|
|
|
|
|
|
|
|
Re: جمال الماحي يتنحى عن منصبه كرئيس للجالية السودانية في هيوستن ثم يتسيك ثم يتجرس (Re: هواري نمر)
|
Quote: سلام يا عبد العزيز و مبروك ترشيحك في اللجنة الجديدة للجالية السودانية في هيوستن
وشد حيـــــــــــلك و ارجي الراجيك.. قدامكم مهمات صعبة و شاقة
وربنا يفوقكم.. |
العزيز هواري،
نعلم جيدا بأن المشوار طويل والمهمة شاقة وصعبة..
ولكن بتكاتفكم وتعاون الجميع معنا حتما سنحقق الأهداف
المرجوة بإذن الله ومافيش شيء صعب طالما الهمة والرغبة
الأكيدة موجودة إضافة الى ذلك المسألة تحتاج الى
تضحيات في شتى المجالات..
ربنا يوفقنا جميعا لخدمة الجالية.
أما بالنسبة للأخ جمال والأخت سنية بت البدوي وباقي أفراد
الأسرة الكريمة مهما شكرناهم لن نوفيهم حقهم.. لقد أدوا
المهمة بكل تفاني وإخلاص وبذلوا مجهود جبار ومقدر من
الجميع.
ومحمد جمال وجوده معنا في اللجنة التنفيذية مهم لربطنا
بباقي الشباب السوداني في المدينة.
دعواتكم لنا.
| |
|
|
|
|
|
|
|
|
|
Re: جمال الماحي يتنحى عن منصبه كرئيس للجالية السودانية في هيوستن ثم يتسيك ثم يتجرس (Re: soma)
|
Quote: انا قلت ليك ود امى
ود خالتى شقيقة امى لزم |
الأخت العزيزة أسماء الجنيد،
هو فعلا لما تحدثت مع جمال برضو قال لي يا عزيز ياخي
دي علاقة دم دي أختي بت خالتي لزم.
Quote: اما لسانه دة اسكت خليه ساى
|
الحمد لله إنك إتفقتي معاي في لسانه
الطويل ودا المغطس حجرو ذاتو.
Quote: عجبتنى لمتكم بالحيل وان شاء الله نسجل ليكم زيارة هناك
هو طبعا داير جيتنا بى شدة ..لكن ظروف الشغل |
كما ذكرت ليك لمتنا هنا ما في مثيل لها الناس كلها
حلوة وذي العسل.. ولو ربنا سهل تعالوا زورونا في هيوستن
والله نشيلكم في العين والرأس.. هو إنتو ناس ساهلين؟!..
زرت الجنيد مرتين أخرها في نهاية عام 2007 وقابلت خالتك
أم جمال وأخو جمال وأخواته وأهل سنية وأهلكم إستقبلوني
بكل كرم وترحاب وأحسنوا ضيافتي ووالله مهما شكرتهم لن أوفيهم
حقهم.. الله يقدرنا على جزاءهم.
وفي المرة الأولى قابلت عمنا ود البدوي الله يرحمه والد سنية
وإستمعت لأشعاره وإتونست معاه.. وبسم الله ما شاء الله إنتو الظاهر
الشعر جاري في عروقكم وشاربنو شراب .
إن شاء الله إبلغ جمال وسنية تحياتك.
مع خالص الود والتقدير.
| |
|
|
|
|
|
|
|
|
|
Re: جمال الماحي يتنحى عن منصبه كرئيس للجالية السودانية في هيوستن ثم يتسيك ثم يتجرس (Re: عزيز عيسى)
|
Quote: كما ذكرت ليك لمتنا هنا ما في مثيل لها الناس كلها
حلوة وذي العسل.. ولو ربنا سهل تعالوا زورونا في هيوستن
والله نشيلكم في العين والرأس.. هو إنتو ناس ساهلين؟!..
زرت الجنيد مرتين أخرها في نهاية عام 2007 وقابلت خالتك
أم جمال وأخو جمال وأخواته وأهل سنية وأهلكم إستقبلوني
بكل كرم وترحاب وأحسنوا ضيافتي ووالله مهما شكرتهم لن أوفيهم
حقهم.. الله يقدرنا على جزاءهم.
وفي المرة الأولى قابلت عمنا ود البدوي الله يرحمه والد سنية
وإستمعت لأشعاره وإتونست معاه.. وبسم الله ما شاء الله إنتو الظاهر
الشعر جاري في عروقكم وشاربنو شراب .
إن شاء الله إبلغ جمال وسنية تحياتك.
مع خالص الود والتقدير |
تسلم يا عزيز والله
وزى ما قلت ليك انت زاتك عزيز وغالى البتمشى تصل اصحابك
وخوتك فى بيوتهم ومهما بعدت المسافات
نحن زاتنا لينا الشرف والله بى طلتك فى بيوت اهلنا السمحين
خالتى ام جمال دى زولة عسسسسسل بس الله يخليها لينا
يا ريت لو زارتكم مره فى هيوستن كان ما فكيتوها تانى لينا
حبوبه ضحاكة وناااااااسة شخصية نكتة بس.. هى الجبدت جمال بروح الظرافة دى
زارتنا هنا فى مسقط قبل كده وكل الناس حبتها لى روحها الحلوة
الله يخليها لينا بس
ويخليكم انتو لى بعض..
الغربة دايره اللمه ودايره الروح الطيبة والسماحة والتكاتف والترابط
باذن الله نزوركم فى اقرب صيف ان شاء الله
سلامى الكتير ليهم كلهم ..
سلام خاص لى الحبيبة سنية الفاهمه ورزينه ..الكمال لله وحده لكن هى مى ساهلة تب
عمنا ود البدوى عليه رحمة الله
رحل كان موسوعه وظرييييييف زى جمال ده
لو اتلم جمال مع نسيبو تموت بالضحك الهيلاهوب بس ههههه
وجمال بى لسانو ده لا بميز نسيب ولا حبوبه . بكاوى سااااااى
لو سأت سنية من حكاوى جمال وابوها عليه رحمة الله بتسججل ليك شريط نكت براك
شكرا من تانى اخى العزيز وكل الاخوة المعاك
وتحايا خالصة لكل اهل هيوستن السمحين وطيبين
**
العزيز هوارى حبابك يا حنين.. والله هديتك ما احلاها من الصباح
يا حليلو ديمه باسم ومرح زى دواخلو النقية
لى منو اكتر من سنتين ..لكن قريب نتلاقى ان شاء الله
قولى قالت ليك سوما الصلعه دى ما دايره تقيف؟
حدها وين يعنى!! ترع الجنيد ؟ ولا البلدات القدام هههه
شكرا يا اهلنا شكرا محنة
وفى امان الله
| |
|
|
|
|
|
|
| |
عزيز عيسى
PLAYER
هواري نمر
فيس بوك
تويتر
انستقرام
يوتيوب
بنتيريست