|
|
|
 Re: يا معشر النساء .. كرهتونا المواصلات زاتو !! (Re: محمد عبدالله مختار)
|
المواصلات .. شر لا بد منه لكل من لا يمتلك دابة -ولا يكمن هذا الشر في وسيلة المواصلات نفسها ، فهذه الوسيلة نعمة عظيمة من المولى عز وجل (سبحان الذي سخر لنا هذا وما كنا له مقرنين وانا الى ربنا لمنقلبون)- ولكن الشر يكمن في الكثير من المشاكل التي تواجه كل من يركب المواصلات ، وحديثنا هنا عن أحد قرون الشر في المواصلات .
| |
 
|
|
|
|
|
|
|
|
Re: يا معشر النساء .. كرهتونا المواصلات زاتو !! (Re: محمد عبدالله مختار)
|
نرجع لموضوعنا ..
فئة من النساء من شريحة الشباب ، عازبات ومتزوجات وربما مطلقات ، تستقل احداهن الحافلة وحينما تقرر أنها ستجلس على ذاك المقعد (الذي هو بجوارك) تفاجأ بأنها لم تجلس عليه بل في حقيقة الأمر هي تهوي الى المقعد بكل تقلها وبالتالي ترتطم بالمقعد وبشخصك الضعيف من الجانب الأيسر دونما مراعاة للجار المؤقت الذي يجلس على المقعد المجاور ، بعد جلوس هذه الشخصية الغريبة الأطوار تقوم بمحاولة اصلاح جلستها لأنها في الأساس لم تجلس بطريقة سليمة ، وينتج عن هذه المحاولة ملامسة من الكتف وحتى القدم ، وربما أكون مخطئاً في لفظ (ملامسة) ، إذ أنها أقرب (للمدافسة) منها للملامسة!!
| |
|
|
|
|
|
|
|
|
|
Re: يا معشر النساء .. كرهتونا المواصلات زاتو !! (Re: محمد عبدالله مختار)
|
ما أن تنتهي العملية السابقة وتلتقط بعض أنفاسك حتى يرن الهاتف الجوال (داخل الحقيبة) ، ويتكرر المشهد السابق مرة أخرى ولكن لفترة زمنية أقل! في الغالب تقوم هذه النوعية من النساء بالكذب علناً على المتحدث معها وامام سمع وبصر الركاب دون ادنى حياء ، تنتهي المكالمة وتتجدد المعاناة بإدخال الجوال مرة أخرى للحقيبة الصغيرة ، تتمنى في دواخلك أن تكون المحادثة الأخيرة ، ولكن هيهات! فالرنين يتواصل .. والكذب يتواصل ومحاولات الالتصاق بك وملامستك تتواصل.
| |
|
|
|
|
|
|
|
|
|
Re: يا معشر النساء .. كرهتونا المواصلات زاتو !! (Re: محمد عبدالله مختار)
|
مشهد آخر تفاجأ به بعد دقائق معدودات ، فالأخت الفاضلة شديدة الحرص على حجابها ، وبطبيعة الحال يتمثل هذا الحرص في قطعة (ناموسية) موضوعة على الرأس بإهمال شديد ومن الطبيعي جداً أن تسقط ما يسمى بــ(الطرحة) ، فتبادر الأخت الكريمة الى رفعها في حرص شديد على حجابها وعفتها! ومن الطبيعي جداً أن تقوم بملامستك مرة أخرى أثناء عملية (الحجاب الساقط) ، والادهى والامر في هذا الامر أن (الطرحة) تسقط ويتم استرجاعها الى الرأس قرابة الخمسمائة مرة وبعملية حسابية بسيطة جدا ستجد انه تمت ملامستك خمسمائة مرة أيضاً ، ويا ويلك لو ماشي آخر محطة والاخت الفاضلة برضو ماشه آخر محطة !! بالجد يا ويلك.
| |
|
|
|
|
|
|
|
|
|
Re: يا معشر النساء .. كرهتونا المواصلات زاتو !! (Re: HAIDER ALZAIN)
|
Quote: اها وطوال الدقيقتين ( اللهن بقدرة قادر بقن 60 ثانية ) ..
الهرمونات كيف!!؟ |
حيدر كيف الحال .. جل من لا يخطئ .. تم التعديل .. بخصوص الهرمونات فهي والحمد لله ثابته . أخوك متزوج ومبسوط 24 قيراط والحمد لله
Quote: ** البوست دا يعتبر رسالة عظيمة لأولي الامـــر .. ارحموا الشباب وسهلو الزواج فقد فاض بهم
الكيل .. واصبحت غنم ابليس ترعي في روؤسهم المعششة بالهوس والكبت .. |
اكيد الشباب بيتأثرو لكن والله النوعية دي من النساء (مثيرة للتقزز) وتصيبك بالغثيان وتكرهك المواصلات زاتو .
| Quote: أو فليبطلوا المواصلات ويستعيضوا عنها بالعربات التي تجرها الدواب فهي ارحم وآمن ولا تحتوي على مقاعد نص .. |
للأسف يا حيدر انت ما فهمت المقصود من البوست .. أنا بتكلم عن سلوكيات مزعجة من بعض النساء وانت فهمك في حته تانية
| Quote: * ما تركب في كنبة خالص يا محمد عبد الله مختار وتريح نفسك يآخ !! |
لو بتدفع لي انت المانع شنو ؟ اهو برضو الواحد يتنفس شوية 
| |
|
|
|
|
|
|
|
|
|
Re: يا معشر النساء .. كرهتونا المواصلات زاتو !! (Re: محمد عبدالله مختار)
|
دائماً يكون التحرش من جانب الرجال ، ولكن أن يأتي التحرش من جانب النساء فهذا غريب جداً ، الحقيقة أنني أتضايق جداً من محاولات الالتصاق التي تأتي من بعض النساء في المواصلات .. قد يحددث الخطأ أحياناً فتلمس المرأة الرجل في المواصلات وهذا وارد ولكن لنا عقول نعرف ونميز بها ، توجد العديد من الحالات التي يتم فيها التحرش بالرجل ، البعض يستجيبون والبعض يرفضون مثل هذه الأساليب القذرة .
| |
|
|
|
|
|
|
|
|
|
Re: يا معشر النساء .. كرهتونا المواصلات زاتو !! (Re: محمد عبدالله مختار)
|
هنالك الكثير من المواقف التي لا داعي لذكر تفاصيلها ، حدثت لي ولغيري ..
رسالتي واضحة لذلك الصنف من النساء ، الحركات دي بايخة جداً ومرفوضة تماماً .. يا ريت ترحموا الناس في المواصلات ، مثل هذه المحاولات لا تعطيك مكانة لدى الرجل بل على العكس ، أنت في نظره ستكونين أحقر من الحذاء الذي ينتعله .. حتى وان استجاب!
وقبل ذلك أعلم أن هنالك صنف من الرجال متخصصين في مضايقة النساء في المواصلات والتحرش بهن .. بقول ليهم ارحموا النساء من الثقالات البايخة دي .
للنساء الشريفات في بلادي .. ربنا يصلح احوالكن أكتر واكتر وربنا يجزيكن خير .. وللرجال الشرفاء في بلادي برضو ربنا يصلح احوالكم اكتر واكتر ويجزيكم خير .
وللبقية ربنا يهديكم ويصلح أحوالكم ..
| |
|
|
|
|
|
|
|
|
|
Re: يا معشر النساء .. كرهتونا المواصلات زاتو !! (Re: محمد عبدالله مختار)
|
الحمد لله يا محمد عبد الله ..
ايوة تم التعديل وتلافي الخطأ والضرر افضل من العناد به ..فلك التقدير
المقصود من البوست انه النسوان كرهوك المواصلات ودي عشان فرفرتهن الكتيرهن البتخليهن يلامسن
كتفك لغاية الساق ..
وفرفرتهن البتخليهن كل مرة خاتات كوعهن على جنب بطنك الايسر لمدة ستين ثانية ..
ودا كله نتاجو بالتحديد من الجالسة على مقعد النص وانت في المقعد الفردي البتواجد اظن بالحافلات فقط - غايتو دا لغاية آخر عهدي بالسودان ) ..
بشوف والله يا محمد عبد الله انه القصة دي اساساً ما مفروض تزعجك نهائياً وتخليك تكره ركوب المواصلات لانه ممكن حلها بعدة طرق ووسائل بغاية البساطة بدون ما تشيل حال النسيوينات الغلبانات ديل المنهن موظفة راتبها بتاخر .. ومنهن طالبة مسكينة جاية من الاقاليم وقاعدة مع جارة خالتهم عشان الداخليات سمعتها بقت زي الزفت .. ومنهن الجاية من واجب وغيرن ..
يبقي في الشريعة في شئ لا ضرر ولا ضرار ..!
يعني بدل تشيل حسهن وتشوه سمعتن او نفتكر انه القصة دي وراها ما وراها من سوء قصد - زي ما فكرت أنافي مداخلتي اول وقلت دا زول مهووس ساي - او يقوموا يسمعوك ناس الهوس بتاعين النظام العام ديل ويقتنعوا بالقصة ويبقي الكمساري في اي حافلة شرطاً يكون عسكري بتاع نظام عام
اخير يا اما تخلي الحافلات الفيها مقاعد النص دي و البلد اتملت حديد هسع ..
او كمان تشوف قصة انك تركب في كنبة خالص دي - بس عشان ما تدفعني بلا ذنب قص يآخ زي ما كنا بنعمل ونحن طلبة نلبد لامن يجي يركب زول من الحلة وبعدين نكابس بالشباك كنبة خالص 
يا كمان اصبر واحتسب وضرر اخف من ضرر كلها ستين ثانية ..
واحرص المرة الجاية انه تقعد جنب واحد شاب ظريف وانيق وما بيسف صعوط في الحافلة
والا بيكلم اصحابو عن سهرة امس في الموبايل .. ولا عمك شايل بعكازو وعندو ساعة يد كل مرة عاوز يشوف الزمن كم ..
القصة مشتركة يا مان ما واقفة على النسوان بس ..
ارقد عافية
| |
|
|
|
|
|
|
|
|
|
Re: يا معشر النساء .. كرهتونا المواصلات زاتو !! (Re: بركات بشير نجار بشير)
|
Quote: زمان كان اخوان البنات بقومو ليهم من الكرسي ويقعدوهن في الكراسي المريحة
بس اسي واضح ان النتيجة بقت كرهة المواصلات ذاته. |
يا بركات يا حليل زمان . تغير الناس خلانا نحنا زاتنا نتغير .. يعني أديك مثال اذا في شاب قام لي بت شابة من مقعدو عشان يريحه من مقعد النص حا يتفاجأ بكل الركاب بيعاينو ليهو بريبة وشك مبالغ فيهو .. عشان كده خلينا القصة دي .. الآن فقط بقينا نقوم للمرأة والراجل الكبار في السن والأطفال الصغار والمرأة التي تحمل طفلاً أو اغراضاً ثقيلة .
| |
|
|
|
|
|
|
|
|
|
Re: يا معشر النساء .. كرهتونا المواصلات زاتو !! (Re: HAIDER ALZAIN)
|
Quote: المقصود من البوست انه النسوان كرهوك المواصلات ودي عشان فرفرتهن الكتيرهن البتخليهن يلامسن
كتفك لغاية الساق .. |
يا حيدر أنا قلت فئة من النساء .. اطلقت الكل وأردت الجزء . والله في نساء من شدة ما محترمات مما تقعد جنبك ولغاية ما تفوت ما بتحس بيها .
| Quote: بشوف والله يا محمد عبد الله انه القصة دي اساساً ما مفروض تزعجك نهائياً وتخليك تكره ركوب المواصلات لانه ممكن حلها بعدة طرق ووسائل بغاية البساطة بدون ما تشيل حال النسيوينات الغلبانات ديل المنهن موظفة راتبها بتاخر .. ومنهن طالبة مسكينة جاية من الاقاليم وقاعدة مع جارة خالتهم عشان الداخليات سمعتها بقت زي الزفت .. ومنهن الجاية من واجب وغيرن .. |
حيدر ياخ انت ركبت غلط يا ريت تراجع اخر رد لي قبل مداخلتك .
| Quote: اخير يا اما تخلي الحافلات الفيها مقاعد النص دي و البلد اتملت حديد هسع .. |
للأسف الحتة السكنت فيها دي مواصلاتها كلها حافلات كبيرة وقديمة كمان ولو لقيت ليك هايس من الحديد الجديد البتتكلم عنو فده من عجائب القدر!
| |
|
|
|
|
|
|
|
|
|
Re: يا معشر النساء .. كرهتونا المواصلات زاتو !! (Re: محمد عبدالله مختار)
|
| Quote: محمد عبدالله مختار |
ما حدث لك هو حالة فردية وفي "رحلة" واحدة ... وربما لم ولن تتكرر .....
لماذا لم تقم سيادتك من مكانك الوثير وتتنازل عنه لتلك المرأة؟
لماذا لم تقم ببساطة بتغيير مكانك في الحافلة بهدوء ودون إحراج أحد ...
يمكنك القيام من مكانك والسؤال عن محطتك بهدوء
وعندما يقولوا ليك لسع ما جات تجلس بهدوء في أي مقعد آخر بعيداً عن المرأة ....
طيب حنقول شنو عن الشباب البركبو المواصلات ويقعدوا يشاغلوا ويبهدلو في بنات الناس ....
رغم أن ما تتحدث عنه وما ذكرته أنا عن الشباب في المواصلات ليس قاعدة ....
فلسنوات ونحن نركب المواصلات ونادراً ما نصادف حالات مثل هذه ....
- وإن كنا أحياناً نلاحظ مؤامرات يتم حبكها بين ولد وبنت يتعمدان الجلوس في الكنبة الخلفية ...هههه
وإن كان هذا كله حالات نادرة ... نعم نادرة جداً ....
- الهوس الجنسي يعطل طاقات المجتمع ويهدر وقت الشباب في ما لا شيء ...
- لو توفر الزواج الحلال ومعينات الزواج وأبواب الرزق في البلد ومشاكل السكن ومشاكل .......
لتفرغ الشباب والشابات للإنتاج وتنمية المجتمع وتنمية أنفسهم ..
| |
|
|
|
|
|
|
|
|
|
Re: يا معشر النساء .. كرهتونا المواصلات زاتو !! (Re: Hani Arabi Mohamed)
|
| Quote: ما حدث لك هو حالة فردية وفي "رحلة" واحدة ... وربما لم ولن تتكرر ..... |
مرحب بيك يا هاني .. والله أنا اكتر حاجة مستغرب ليها انو الحصل ده حالة فردية ومرة واحدة كمان .. شكلك كده زول غالاط وبتحب تفرض رايك على الناس .. على فكرة انا قلت كلام بصورة عامة وما حكيت تفاصيل أدق لأنو عندي رسالة معينة دايرة تصل للصنف ده من النساء ، أما المواقف الحصلت لي طوال السنوات الفاتت دي فأنا بحتفظ بيها لي نفسي .
| Quote: لماذا لم تقم سيادتك من مكانك الوثير وتتنازل عنه لتلك المرأة؟ |
اولا انا ما سيد .. السيد الله .. ثانيا ما اي واحدة بتستحق يقوموا ليها .. في صنف كده من البنات لو قمت ليها طوالي بتخت في باله ظن سيئ. برضو ربنا ادانا عقول بنميز بيها الناس وبنعرف منو البيستحق نقوم ليهو ومنو الما بستحق .. الحاجه دي بحددا انا ما يتحدده انت .
| Quote: لماذا لم تقم ببساطة بتغيير مكانك في الحافلة بهدوء ودون إحراج أحد ... |
ومنو القال ليك اني في مواقف كتيرة ما قمت وخليت مقعدي ، على فكره عملتها كتير قبل كده ، ومن مداخلتك دي انا اتاكدت انك زول بتاع غلاط ساي
| Quote: طيب حنقول شنو عن الشباب البركبو المواصلات ويقعدوا يشاغلوا ويبهدلو في بنات الناس .. |
اتكلمنا عنهم ويا ريت اي زول ما يرد قبل ما يقرا الموضوع وكل المداخلات
| |
|
|
|
|
|
|
|
|
|
Re: يا معشر النساء .. كرهتونا المواصلات زاتو !! (Re: محمد عبدالله مختار)
|
الأخ محمد مختار
بوستك لذيذ
برغم ما به من نقد به كثير من الفكاهة
أنا معاك كثير من هذه المواقف تحدث لنا أيضاَ من بعض النساء ولكن معذوريين
أولاً عندما تركب المرأة بغض النظر عن سنها أو حجمها يبدأ سائق المركبة بالتحرك مباشرة وذلك لا يترك مجال للمرأة أن تجلس في المقعد
بصورة جيدة من البداية ولهذا السبب تجدها ترتمي من الأعلى في المقعد بسبب حركة الحافلة
ثانياً عندما تحاول استخراج الفكة من الشنطة ممكن جداً تكون نست وضعت القروش في أي جيب لذلك تبدأ في البحث عنها في كل جيوب الشنطة حتى
تجدها
أما موضوع الموبايلات فالكل يرن موبايله ويتحدث بما يراه
لكن انت كيف عرفت انها بتكضب وانت ما بتعرفها؟
أما موضوع كرسي النص ده فإنت عارف قصته كويس، بدليل انك ما بتقعد فيه، فما تلومهم
كل هذا يحدث من المرأة عفوياً إن حدث . فما بال الشباب الذين يقصدون ملامسة ومضايقة الفتيات أو الشابات بقصد. فهم برضوا كرهوا النساء
في ركوب المواصلات ولا رايك شنو؟
لوعملوا مواصلات نسائية وأخرى رجالية سوف يرتاح الجميع من هذه المضايقات
تحياتي وكل عام وانت بخير
مشاعر
| |
|
|
|
|
|
|
|
|
|
Re: يا معشر النساء .. كرهتونا المواصلات زاتو !! (Re: محمد عبدالله مختار)
|
| Quote: محمد عبدالله مختار |
أعود إليك من جديد .... أخي الكريم ...
هل مجرد سؤالي لك وإيضاح رأيي الخاص يعتبر مغالطة ساااي وفرض رأي ؟
سيادتك فتحت بوستاً كاملاً عن حالة فردية حصلت لك وعن رأيك الخاص الذي ابتدأ بالكل
في العنوان ثم استدرك إلى البعض في المتن ... وهذا رأيك الخاص ولك مطلق الحرية في طرحه
كما أن لي مطلق الحرية في الرد عليك ومناقشتك ما دمت لم أسئ إليك ...
..... هل مجرد ردي عليك وتبيين رأيي الخاص يعتبر مغالطة ......
..... ويعتبر محاولة لفرض رأيي عليك ؟ ....
..... لك سلامي واحترامي
| |
|
|
|
|
|
|
| |
محمد عبدالله مختار
HAIDER ALZAIN
بركات بشير نجار بشير
Hani Arabi Mohamed
فيس بوك
تويتر
انستقرام
يوتيوب
بنتيريست