|
افيدونا يااخوه ((نرجع السودان والله بلاش)
|
الاخوه الكرام ارجو الافاده ...صيدلي خريج عام 2005 ...ماجستير ....في ادارة المؤسسات الصحيه.عذابي ...عذبونا عذاب الاهل بالسودان ارجع ارجع ..وبعض الزملاء القدامي نصحونا بان الاوضاع سيئه هناك وعاوزين رايكم كأستشاره ..ولاندم من استشار.. لكم الشكر
|
|
|
|
|
|
|
|
Re: افيدونا يااخوه ((نرجع السودان والله بلاش) (Re: فايزودالقاضي)
|
ارجع بس تاكد بالاضافه للسابق يكون عندك بيت او شقه وسياره وكم ملبون يعنى ما اقل من 50-70 مليون كاش وواحد كوز واصل من الاهل الاقربينز عشان احميك من كل عين
وبرضو خلى الباب متاكى عشان ترحع بعد ما تبيع البيت والسياره
وتهرب من قريبك الكوز ما ادخل السجن بى شيك.
لك الود
| |
|
|
|
|
|
|
Re: افيدونا يااخوه ((نرجع السودان والله بلاش) (Re: عثمان محمد كرار)
|
طيب ماقلت لينا عايز ترجع ليه .. يعنى مثلا شاعر بى نفسك مامرتاح فى الغربة ولا بس كدة عايز ترجع وخلاص .. فى رأيى اذا كان عايز ترجع ساكت كدة بدون اى ضغوط نفسية من وجودك خارج السودان فالافضل تقعد شوية طالما انك لسة عزابى وماعندك ارتباطات .. اما اذا كا نت هناك ضغوط نفسية من هذه الغربة ووصلت حد لايمكن تحمله فتقوم تتوكل على الله وتشد الرحال طوالى وبالنسبة للعمل فلا اعتقد انو حتواجهك اى مشاكل بحكم ان عملك مرغوب فى سوق العمل اذا رغبت فى الوظيفة واذا عندك شوية قريشات تعمل بيها مشروع فى مجالك يكون طبعا افضل ..
| |
|
|
|
|
|
|
Re: افيدونا يااخوه ((نرجع السودان والله بلاش) (Re: عثمان محمد كرار)
|
يا عثمان أخوي ما عارفك غبت عن السودان فترة قدر إيه.. لكن بنصحك تأخذ ليك إجازة إسبوعين فقط من محل عملك وتسافر تمشي السودان وتسلم على أهلك وتطيب بخاطرهم.. وبعد داك تخرج الشارع تزور الخرطوم وبحري وأم درمان أو أي مدينة أخرى ترغب تعيش فيها وتشاهد الحال بنفسك وبعد ذلك يمكنك أن تقرر. فإذا بترى إنك بتقدر تمشي حالك مع العالم هناك فبها.. وإذا وجدت نفسك ما بتقدر شيل شنطتك وودع أهلك وعود الى رومانيا.. لأنه السودان بيصلح مع ناس.. وناس آخرين ما بصلح معاهم.. ووصية أخرى لا تنهي إجراءات عملك وإقامتك في رومانيا.. وربنا يكون في عونك.
| |
|
|
|
|
|
|
Re: افيدونا يااخوه ((نرجع السودان والله بلاش) (Re: عزيز عيسى)
|
ألأخ/عثمان...السلام عليكم....
Quote: والله مرتاح في الغربه ...بس ضغوط الاهل ...وبعدين حكاية العرس دي باقيه لي هاجس ومشكله الاختيار وزواج الاجنبيه مامفضل ..والضغوط النفسيه لاننكرها لكن موجوده في السودان ايضا...وربنا يهدينا للطريق الاسهل |
أرجع وخلى باب الرجعة متاكا....جرب بنفسك...تجربة ألأخرين فى سودانى الحبيب ليس مقياس...
عشان نجاوبك السؤال ده لازم نسألك أسئلة كثيرة..وبعد كده ألأجابة بتكون تقديرية.. إذا كان الخوف من الرزق فالخالق رازق وزى ما رزقك فى رومانيا برزقك فى كل مكان..أستخير الله..وتوكل عليه.
تحياتى..إسماعيل محمد احمد عباس...
| |
|
|
|
|
|
|
Re: افيدونا يااخوه ((نرجع السودان والله بلاش) (Re: عثمان محمد كرار)
|
يا عثمان يا اخوي جمهوريه السودان الديمقراطيه الشقيقه دي قصتها بسيطه جدا : عندك قروش ما عندك أي مشكله ، ما عندك قروش وجودك ذاتو ببقي مشكله ! يعني في الأول شوف الشغل البجيب ليك القروش الكتيره ، بعد ما تلقاه أمشي ، لكن قصه تمشي تفتش شغل و تقعد تأكل من سنامك دي ما نافعه !
| |
|
|
|
|
|
|
Re: افيدونا يااخوه ((نرجع السودان والله بلاش) (Re: أمين محمد سليمان)
|
الاخ الفاضل أمين محمد سليمان
يا عثمان يا اخوي جمهوريه السودان الديمقراطيه الشقيقه دي قصتها بسيطه جدا : عندك قروش ما عندك أي مشكله ، ما عندك قروش وجودك ذاتو ببقي مشكله ! يعني في الأول شوف الشغل البجيب ليك القروش الكتيره ، بعد ما تلقاه أمشي ، لكن قصه تمشي تفتش شغل و تقعد تأكل من سنامك دي ما نافعه !
مشكور كتير والله علي نصيحتك وكلامك دا بنختو في بالنا مع الكلام التاني ونشوف وربنا يديك العافيه
| |
|
|
|
|
|
|
Re: افيدونا يااخوه ((نرجع السودان والله بلاش) (Re: أمين محمد سليمان)
|
يا أخ عثمان خارج موضوعك.. عندي قريبي إسمه عبدالله عبدالرحمن الأنصاري من مدني درس وعاش في روسيا فترة طويلة من الزمن ثم إنتقل للتدريس في اليمن وبعدها عاد لأوربا الشرقية وسمعت إنه أستقر في رومانيا لكن لا أعرف في أية مدينة بالضبط. آخر مرة زارني في السعودية جده حوالي عام 1985 وأخباره إنقطعت عني بعد ذلك بسبب هجرتي الى أمريكا. ياريت لو بتعرفه أو سمعت عنه تدي أخوك خبر لأنه والله مشتاق أسمع أخباره. أرجو المعذرة لتغير مسار البوست وعن مضمون موضوعك.
| |
|
|
|
|
|
|
Re: افيدونا يااخوه ((نرجع السودان والله بلاش) (Re: Ridhaa)
|
مؤسسة الخدمة الوطنية (العسكرية) تجري تعديلات بشأن استخراج الوثائق الأكاديمية
--------------------------------------------------------------------------------
أعلنت منسقية الخدمة الوطنية (العسكرية) السودانية تعديل كافة الإجراءات التي كانت تقييد استخراج الوثائق الأكاديمية والعملية بأداء الخدمة الوطنية العسكرية أو الحصول على إذن من المنسقية بالنسبة السودانيين الذي هم في سنة الخدمة العسكرية (18 إلى50 سنة). وقال المنسق العام للخدمة الوطنية الأستاذ عبدالقادر محمد زين أن المنسقية اتخذت عدة خطوات وإجراءات لتبسيط وتطوير الإجراءات لمرحلة مابعد إتفاقية السلام . وأكد زين أن طلب إذن استخراج الوثائق من الخدمة الوطنية يتم مباشرة من الجهات ذات الإختصاص بالمؤسسات المعنية وفيما يتعلق بالإستدعاء لأداء الخدمة الوطنية، قال المنسق العام" يتم الاستدعاء بالنسبة للخاضعين للخدمة الوطنية من فئة المؤسسات عبر مؤسساتهم ولفئة طلاب الجامعات عقب التخرج حيث تبرمج الخدمة حسب البطاقة أما الذين لم يلحتقوا بالتعليم أو انقطعوا عنه دون المرحلة الثانوية، فيتم استدعاؤهم عبر وسائل الإعلام وطلاب الشهادة الثانوية السودانية عبر دورة عزة السودان". ومن ضمن الإجراءات التي تم تبسيطها في نظام الخدمة الوطنية إلغاء افادة التخرج وعلاوة بدل الميدان مثل استخراج الشهادة الجامعية وشهادة القيد وشهادة التفاصيل وشهادة الدورات التدريبية والإكمال ودخول المعاينات وكرت العمل والتأهيل لقضاء الإمتياز وتسجيل التمهيدي والدراسات العليا ومعادلة الشهادة الأجنبية ومعادلة وتقويم الشهادة الثانوية العربية والقيد الصحفي والمعادلة وترخيص الصيدلة وامتحان الصيدلة وتسليم شهادة التمريض وامتحان الأطباء وتوثيق الشهادة السودانية والتعيين وضباط وضباط الصف بالقوات النظامية وتسجيل التمهيدي بالمجلس الطبي والتسجيل لنقابة المحامين. أما فك الراتب وتوثيق التعليم العالي والتسجيل الدائم بالمجلس الطبي وتسجيل الأخصائي وتوثيق الشهادة الأجنبية والتعيين لدون الثانوي يتم بالإستجابة والتوثيق بالخارجية يكون بإكمال الخدمة وإقامة بالبلد المعين زائدا عقد العمل وتوحيد خلو الطرف.
| |
|
|
|
|
|
|
Re: افيدونا يااخوه ((نرجع السودان والله بلاش) (Re: Ridhaa)
|
الاخ الاكرم Ridhaa مشكور كتير والله علي المعلومات القيمه الارسلتها
وكان الله في عون العبد مادام العبد في عون اخيه
مايلي من الاخ الوليد الحسن في الايميل ...جزاك الله خير كتير
الاخ عثمان السلام عليكم بخصوص استشارة العودة الى السودان اولا اعرفك بنفسى انا اخوك الوليد الحسن اتخرجت من المعهدالعالى للدراسات المالية والمصرفية والمفروض اشتغل فى مجالى وخصوصا ابوى الله يديهو العافية كان مدييييييييييييييييربنك السودان فرع مدينة الابيض لكن ماقدريشغلنى لانو هو ما جبهجي لذلك كابست مكابسة شديدة بعد عطالة استمرت 3سنين بعدها استغلت سواااااااااق فى منظمة اجنبية بعداك لقيت وظيفة فى صرافة مرتبى200دولار اخيرا استغلت من الوظيفة لانو ماجايبه همها اتجهت للعمل الحررررر اشتريت معدات بناء وبقيت اجرها لمن يرغب ولك ان تتخيل كم مليون حالة مثلى ماعندهم راس مال عشان يبدو شغل خاص اما انت ياعلقمة اذا قررت ترجع فالارزاق بيد الله اذا استطعت تفتح صيدلية خاصة حيكرهوك الحرامية محلية ونفايات وعوايد ووووووووووووو اقوليك شى والله عندى صحبى شغال بصرف قريب 1000دولار وساكن فى بيتو مجان وبرضو استشارنى فى الهجرة وانت تقولى راجع ياعم روح والله البلد دى مافيها امل تتقدم والجبهجية غير ما ينهبو حق الناس ماعندهم ياسيد ياصيدلى كونك شغال وعايش فى بيئة نضيفة وحياة حلوة وتعليم للاولاد وعلاج دى براها كفاية فاذا كان عندك فكرة ترجع فكر تمااااااااااااااااااااام قبل التنفيذ
| |
|
|
|
|
|
|
Re: افيدونا يااخوه ((نرجع السودان والله بلاش) (Re: عثمان محمد كرار)
|
نصيحه من جوووووه القلب لوجه الله ارجع .. السودان داير زول شاطر يعرف يدبر امورو بس عندك مؤهل كويس وخبره ما عندك مشكله .. تبقى محتاج لعلاقات بس بعرف كميه من الصيادله شغالين في شركات صيدلانيه كبيره زي مينافارم واعمال نبيل الصيدلانيه .. وضعهم اكتر من ممتاز ومرتاحين شديد تعال شوف ليك فرقه معاهم
| |
|
|
|
|
|
|
Re: افيدونا يااخوه ((نرجع السودان والله بلاش) (Re: عثمان محمد كرار)
|
الاخ عثمان لك تحياتى وتمنياتى بالحظ النجاح فى المستقبل القريب والبعيد
اعلاه من تحية وامنيات ونجيك بالنصيحة
اولا انا انصحك بالعودة ... ليس تفاؤلا منى باوضاع السودان الحالية وانما لوضعك الحالى فى دولة كرومانيا وانا على علم بان المكوث فى مثل هذه الدول والتى اصبحت اسوا من الدول الراسمالية صعب للغاية ناهيك بانك تعمل صيدلى وليس رجل اعمال كما ذكرت.
ثانيا.....كونك اعزب وضغط العائلة عليك والظاهر عليك عايز تتجوز من السودان وليس من غير السودانية , فبعدك عن السودان سوف يؤخر هذا الحلم ( ما هو نسبته بالنسبة لك يدخل فى الحسبان)
ثالثا.... الوضع فى السودان فى ما يخص العمل ليس بالسهل وهذا يتوقف على معارفك واصدقاءك وطبعا لولقيت شغل كمندوب مبيعات فى شركة عالمية ده احسن بكتير من شغل الصيدليات .
رابعا وهو الاهم ان تركن كثيرا بعد الله سبحانه وتعالى على دعاء الوالدة
وكن بخير
| |
|
|
|
|
|
|
Re: افيدونا يااخوه ((نرجع السودان والله بلاش) (Re: عثمان محمد كرار)
|
الأخ عثمان
سؤالك دا محير معظم المغتربين
والمشورة شئ مطلوب من أعضاء المنبر وأيضاً من الأهل والأقارب بالسودان
وفى مداخلتى الأولى هذه حا اركز معاك فى نقطتين وهما بخصوص الزواج
طالما انت ما زلت عازب
أولاً اوافقك الرأى فى عدم الزواج من أجنبية وخاصة من المجتمع الغربى (والمسيحى بالذات)
والحمدلله انك حسمت النقطة دى (دى عايزة ليها بوست خاص)
أما فى السودان كما ذكرت الأهل عايزنك ترجع
وهنا لا بد لك من الحذر وخاصة فى اختيار شريكة الحياة
واعتماداً على طول الفترة التى قضيتها خارج السودان
حاتكون مهمة الاختيار هذه صعبة
أعمل حسابك من الضغوط التى سوف تمارس عليك فى هذا الاختيار
واذا قررت العودة تمهل فى مسالة الزواج حتى تجد من تقتنع بها
بعد التمحيص والتأنى
أما من الناحية المادية
حسب اعتقادى الموضوع لا يمكن حسمه بمعادلة حسابية
يعنى بالعديل كده اذا عائز تحسبها من ناحية مادية الموضوع ما حا يلفق معاك
هناك من يقولك البيت والعربية 50 مليون (ودى فى حد ذاتها ممكن تأخذ نصف عمرك عشان تصل ليها)
وهناك من يقولك مبلغ محترم للاسثمار (على أن يكون عندك ضهر) وفى الغالب نفس هذا الضهر حا يكون
منتظر يستثمرك انت وأموالك لمصلحته وبعدين يفكك عكس الهوى
دحين يا خوى كان عندك اقامة اقطع لك تذكرة وأمشى زور الأهل ديل
وصدقنى بعد شهرين تلاتة هم نفسهم اللى قالوا ليك تعال
حا يرجعوا يقولو ليك يا زول انت راجع بلدك الجيت منها متين
ويقولو ليك أحسن لك تتخارج من السودان
ولى عودة قريباً باذن الله
مودتى
| |
|
|
|
|
|
|
Re: افيدونا يااخوه ((نرجع السودان والله بلاش) (Re: عثمان محمد كرار)
|
احمد الله علي المرقة والهواء الساقط دا...
ومن رومانيتك دي...شق البلاد دي بلد بلد... اوعك تستعجل علي العرس...
بس هو قالو ليك الزول يتخرج 2005 ويرجع عشان يعرس 2009...؟؟؟؟ احسن ليك تتخضرم في العزوبية وتشوف بلاد الله الواسعة دي بي بال رايق... حا تقدر تستقر في واحدة منها استقرارا يفدرك تسافر كل اسبوع للسودان الي ان تكتفي من السفر اليه ...وتبدأ تجيب اهلك واحد واحد...وتخليهم ينجموا من الشمش وقطوعات الكهرباء...
وباختصار شديد...ما ترجع لو فتحوا ليك صيدلية في شارع الجمهورية مالم يملكوك نص شارع الجمهورية...وتبدأ تبيع فيه متر متر
| |
|
|
|
|
|
|
Re: افيدونا يااخوه ((نرجع السودان والله بلاش) (Re: عثمان محمد كرار)
|
Quote: صيدلي خريج عام 2005 ... |
Quote: ماجستير ....في ادارة المؤسسات الصحيه |
مؤهلات علمية ممتازة مرغوبة والطلب عليها عالي جداً في السودان حتي لو لم ترغب في وظيفة يمكنك بسهولة تأسيس عمل خاص في السودان
سبب كافي للرجوع
Quote: عذبونا عذاب الاهل بالسودان ارجع ارجع |
وهم بغيابك معذبين أكثر ،،، خفف عنهم العذاب
Quote: ..وبعض الزملاء القدامي نصحونا بان الاوضاع سيئه هناك |
كل حسب ظروفه وإداركه للأشياء
Quote: وعاوزين رايكم كأستشاره ..ولاندم من استشار.. |
بعد دا إنت رايك شنو ؟؟
| |
|
|
|
|
|
|
Re: افيدونا يااخوه ((نرجع السودان والله بلاش) (Re: Fadl Karrar)
|
الرجوع للسودان والزواج قرارين خطيرين ودايرين كمية مقدرة من الشجاعة والتنازلات وتنازلات دا إسمع الدلع بتاعها تأقلم
المهم يا زول بكون في جواك صورة جميلة للسودان زمان ..... لو داير الصورة دي تلحق أمات طه، أرجع السودان وقشة ما تعر ليك
وكده أسال ود قاسم وعبد الله عقيد هم جربو الرجوع قبلك يمكن يكون عندهم راي مخالف
| |
|
|
|
|
|
|
Re: افيدونا يااخوه ((نرجع السودان والله بلاش) (Re: Nasr)
|
عثمان أخوي... النديك النجيضة أنا قعدت بره السودان سنة.. (سنة واحدة بس) حسيت انه الغربة بتاكل عمرك وما بتديك أي شي قررت طوالي أرجع السودان سمعت كمية من الكلام والنصائح .. حزمت أمري وجيت جري على بلدي الحمد لله اشتغلت من أول شهر..
الحالة صعبة والعيشة متعبة والجري كتير.... لكن برضو البلد حلوة بي ناسها تعال الليلة قبال باكر ... وربنا يسهل رزقك
أما مسألة العرس دي.. أوعك تستعجل فيها بعدين تتورط وتلخبط حياتك كلها...
لو رجعت بلدك ولا قعدت قبلك... أوعى تعرس قبل ماتختار كويس
| |
|
|
|
|
|
|
Re: افيدونا يااخوه ((نرجع السودان والله بلاش) (Re: عثمان محمد كرار)
|
يا عثمان...سألت خالي قال ليك...اعمل ماجستيرك دا دكتوراة في الصيدلة.. وتعال خم القروش خم...اول حاجة حا يعينوك محاضر في جامعة الرباط... ومساعد تدريس في تلاتاشر جامعة...وممتحن خارجي في اربعين... وماهيتك لن تقل عن 46 مليون في الشهر دا غير اتعاب الندوات والسمنارات وورش عمل الحكومة
| |
|
|
|
|
|
|
Re: افيدونا يااخوه ((نرجع السودان والله بلاش) (Re: عثمان محمد كرار)
|
Quote: افيدونا يااخوه ((نرجع السودان والله بلاش) |
بصراحة بلاش ترجع.. السودان حلو لمدة أسبوع واحد وبس.. بعد داك بتقرف وتزهج وتكره اليوم الفكرت فيهو تمشي السودان.. وده واحد من مساويء الغربة.. لأنك بتعمل مقارنة في كل حال وكل وقت.. بين ما شاهدته وعايشته في رومانيا من تعامل وجو صحي وخدمات واهتمام.. امشي اجازة.. بس استقرار لأ وألف لأ..
| |
|
|
|
|
|
|
Re: افيدونا يااخوه ((نرجع السودان والله بلاش) (Re: أيمن دياب)
|
وصلنا بالايميل من [email protected]
الاخ العزيز
تحية طيبة
انا صيدلي خريج العام 2005 واعمل الان في السودان وفي وظيفة حكومية واقول لك وبكل الصراحة ان وضع الصيادلة الان في السودان اصبح سيء للغاية حيث ان الراتب زائدا العمل المسائي في الصيدلية اصبح لا يلبي احتياجات اي شاب يريد الزواج وتكويين اسرة او فتح اي عمل خاص كما انه لايوجد تطوير للذات من الناحية العلمية لان بكل صراحة لايوجد زمن لان عادي كدا الزول بطلع من الصباح وبيدخل البيت الساعة واحدة صباحاَ وانا ومجموعة من الصيادلة نفكر الان وبكل جدية في بحث عن عمل خارج السودان . واخيرا تقبل تحياتي
| |
|
|
|
|
|
|
Re: افيدونا يااخوه ((نرجع السودان والله بلاش) (Re: عثمان محمد كرار)
|
Quote: سلامات والفكره دي زاتها موجوده في الراس |
وللتأكيد علي الفكرة فخالي الذي سألت هو من اقدم الاساتذة بكلية الصيدلة جامعة الخرطوم...واستاذ ومحاضر في اكثر من ستة جامعات...من بينها الرباط وممتحن خارجي في كل الجامعات السودانية التي تدرس الصيدلة... ومشسرف علي العديد من طلبة الماجستير...ورافض للخروج من السودان برغم الاغراءات الكثيرة التي قدمت له...وقال بالحرف الواحد... (الفول والموية الساقطة دي ما بتلقن بره)
| |
|
|
|
|
|
|
Re: افيدونا يااخوه ((نرجع السودان والله بلاش) (Re: عثمان محمد كرار)
|
سلام ادناه من ابوبشير مشكور كتير
MOHDALFATIH ABDALLA" < -1
سلام عليكم
بالنسبة لسؤالكم عن فكرة العودة للسودان اقول ليك اوعا والحيثيات 1- عندى زميل صيدلى وقضيت معاه إجازتى السنوية هذا العام حسب لى ثمانية انواع من الضرائب وقال لى دى المذكره هسه وكمان معفى من الزكاة 2-الادوية نفسها تشتريها من منظمات مثل منظمة الشهيد فلان ومنظمة الشهيد علان وهى مخنة فى البيوت دون اى تكييف يعنى بالعربى مشكوك فى صلاحيتها 3- دا اصلا اذا لقيت ليك شغل كصيدلى او فتحت ليك صيدلية
| |
|
|
|
|
|
|
Re: افيدونا يااخوه ((نرجع السودان والله بلاش) (Re: عثمان محمد كرار)
|
from Asim ....UK
Dear osman, Read your article about going back to the Sudan on the Sudanseonline.com. firstly,Do you have a romanian passport?if so why dont come over here in the UK?Over herer you can get a decent job and have a house.Don't go back to the Sudan at all.I was there for 2 months and failed to survive. Best of luck Asim
| |
|
|
|
|
|
|
Re: افيدونا يااخوه ((نرجع السودان والله بلاش) (Re: عثمان محمد كرار)
|
عثمان
ترجع هناك ؟
هناك في السودان الناس بقت تفكر تأجر الرحــم !!
هناك في السودان بقى ما رزق اليوم باليوم
بقى ( رزق اليوم في الزول القدامك )
هناك في السودان بقى مافي فرز بين الحلال والحرام
هناك في السودان عشان تعيش لازم تكضب وتغش وترشي ويرشوك !
هناك في السودان بقى ما في عيب والا حرام والا ما صاح وووو
هناك في السودان بقى مافي إختشى ! زمان كان مافي إختشى بعد العشى ،
هسع بقى مافي إختشى في كل وقت ،،
هناك في السودان بقى مافي خوف من الله ،،
وكان خُـفـت من الله بتضـيع والعياذ بالله ،،
كفاك ....
هشام
| |
|
|
|
|
|
|
Re: افيدونا يااخوه ((نرجع السودان والله بلاش) (Re: عثمان محمد كرار)
|
Quote: يا عثمان أخوي ما عارفك غبت عن السودان فترة قدر إيه.. لكن بنصحك تأخذ ليك إجازة إسبوعين فقط من محل عملك وتسافر تمشي السودان وتسلم على أهلك وتطيب بخاطرهم.. وبعد داك تخرج الشارع تزور الخرطوم وبحري وأم درمان أو أي مدينة أخرى ترغب تعيش فيها وتشاهد الحال بنفسك وبعد ذلك يمكنك أن تقرر. فإذا بترى إنك بتقدر تمشي حالك مع العالم هناك فبها.. وإذا وجدت نفسك ما بتقدر شيل شنطتك وودع أهلك وعود الى رومانيا.. لأنه السودان بيصلح مع ناس.. وناس آخرين ما بصلح معاهم.. ووصية أخرى لا تنهي إجراءات عملك وإقامتك في رومانيا.. وربنا يكون في عونك. |
الاخ عثمان شفت الكلام الفوق ده امسك فيه قوى ودى برضو نصيحتى ليك بس اخد شهر 15 يوم ما تقدر تقيم فيها الوضع مظبوط والله يوفقك فى جميع الاحوال
| |
|
|
|
|
|
|
|