شدي معاي شدي
على قوس قزح
وتر الحب والتحنان
شان اغنيلك وتغني لي
لحن الامل المنشود
بدون قيود
في الزمن المليان قيود
يعلى صداه
يملا الكون
فرح وامان
مالعصافير برضها
بتغني خلف القضبان
وبتربي ريشها على الجنحا ن
وتحلم بالحرية والظيران
شان تبني عش الريدة على الاقصان
وتعلم جناها كيف يردد
انشودة الخب والتحنان
تخت سما الاوظان
…
شدي معاي شدي
نلملم خيوط شمس الصباح
وننسج وشاح
لي صدور واقفة تتحدا
عتاوي الريح
وتموت عسان مبدا
وتكتب بالدم على صدر التاريح
ملحمة تجكي للاجيال
كيف تقيف وتتحدا
وتبني الصرح المابيهدا
وسظ الموج والريح
…
شدي معاي شدي
نلملم حبات الندى
من خد ورد الصباح
نطرز مناديل ريد
معطرة حنية وحنان
تمسح دموع حرين
وعرق جبين زولا
واقف يكتب اسمو
فوق التراب والطين
وراسم ملامح قامتو وهيبتو
على موية النيل
متوج بتاج العزة عمامة
وملفح باصالة توب ولاوي
وموسم بالوشم والشلوخ
دليل عزة ووسامة
شدي معاي شدي
مجداف مركب ريدتنا
اوعا تهدي
شان نسابق الموج
وشراع الريح
نغني مع المراكبية
غناوي الحب والتبريح
ونحلم يلاقينا مرسى
واسع وفسيح
نرقد فيهو نستريح
…
ولما الليل يحضن سكونو
ويزوب الراح في عيونو
نشد الوتر ونحكي السمر
تحت ضو القمر
واغازلك بغنا الخليل
عازة في هواك
عازة نحنا البال
ولى البخوض صفاك
عازة نحن الجبال
بت رجال ولدوك
وللقبيلة هدوك
انت عز وبطار
…
وتغازليني بغنا مهيرة
يجدد فيني روح
الفارس المغوار
عشانك اخوض
معارك العزة مع الثوار
لا بخاف الموت
ولا بهاب لهيب النار
واجيك ظافر
عريس مجرتق بالدم
شايل رايات الانتصار
تغازل الهجة
في وجوه الاحرار
…
وترقصي انتي
عديلة وزين
واخطف شبابيلك انا
شمال ويمين
وهمس اقول ليك
احبك ياامدرمان
وتهمسي وتقول لي
احبك يا السودان
السيد محرر موقع سودانيز اون لين دوت كوم المحترم
بعد السلام والتحية وبعد
ارجوا ان تسمح لي ان ارسل لكم هذا النص الشعري وهو بالعامية السودانية واتمنى ان يكون مستوفي الشروط المطلوبة
ويليق بمقام هذا الموقع العزيز المحترم و مقام وطنا العظيم السودان
و اتمنى ان يكون هذا النص الشعري صاادقا ومخبر عن ما تحمله دواخلنا من حب لوطنا العزيز السودان
ولكم جزيل الشكر والتقدير
احمد محمد عثمان يس
ص ب 2201 الخرطوم السودان
249918000530 محمول
ترحب سودانيزاونلاين بجميع الاراء الحرة و المقالات ,الاخبار و البيانات لنشرها فى هذه الصفحة.ويمكنك لزوارنا الكرام ارسالها الى [email protected] كما نرجو ذكر الاسم الحقيقى و الكامل و مكان الاقامة مدة بقاء المقال فى هذه الصفحة 10 اعوام
أعلى الصفحة
