|
|
Last Updated: Jul 11th, 2011 - 15:37:55 |
(ألو..زين)
ماقالوا كلك (زين)
راجيك تمام يومين
قول لي وحاة الخوه
أرجى البريد لامتين
وكيف الرسايل تكفي
وشعر العجايز شين
أبت الرسايل تمشي
مشوارها بس شارعين
أم بدة شارع مدني
معقولة بس يا(زين)
وحياة شبكة الهاتف
ياجامع العاشقين
أديني فرقة أرسل
لو مرة بس يا(زين)
وطشش رسايلي التانية
إنشاءالله للحولين
وعشمي فيك تسمعني
توصلني بالحلوين
معقول رسالة (تكستي)
تاخد قريب ساعتين
مشوارها لو بالتكسي
أوبالركشة غمضة عين
شفقان اعاين ديمة
راجي الردود في الحين
وطالت مسافة السكة
والقصد بقى قصدين
(الشات) مسخ وإتبشتن
وذنبنا فيك يا(زين)
شعر : سـعد الدين يحي علي
© Copyright by SudaneseOnline.com
ترحب سودانيزاونلاين بجميع الاراء الحرة و المقالات ,الاخبار و البيانات لنشرها فى هذه الصفحة.ويمكنك لزوارنا الكرام ارسالها الى [email protected] كما نرجو ذكر الاسم الحقيقى و الكامل و مكان الاقامة مدة بقاء المقال فى هذه الصفحة 10 اعوام
أعلى الصفحة
الأخبار و الاراء المنشورة لا تعبر بالضرورة
عن رأي الموقع