صوت من لا صوت له وطن من لا وطن له
الصفحة الرئيسية  English
المنبر العام
اخر الاخبار
اخبار الجاليات
اخبار رياضية و فنية
تقارير
حـــوار
أعلن معنا
بيانات صحفية
مقالات و تحليلات
بريـد القــراء
ترجمات
قصة و شعر
البوم صور
دليل الخريجين
  أغانى سودانية
صور مختارة
  منتدى الانترنت
  دليل الأصدقاء
  اجتماعيات
  نادى القلم السودانى
  الارشيف و المكتبات
  الجرائد العربية
  مواقع سودانية
  مواضيع توثيقية
  ارشيف الاخبار 2006
  ارشيف بيانات 2006
  ارشيف مقالات 2006
  ارشيف اخبار 2005
  ارشيف بيانات 2005
  ارشيف مقالات 2005
  ارشيف الاخبار 2004
  Sudanese News
  Sudanese Music
  اتصل بنا
ابحث

مقالات و تحليلات : قصة و شعر English Page Last Updated: Jul 11th, 2011 - 15:37:55


مقطوعة حب الى سناء د عبد الرحيم عبد الحليم محمد
Mar 28, 2008, 19:40

سودانيزاونلاين.كوم Sudaneseonline.com

ارسل الموضوع لصديق
 نسخة سهلة الطبع

مقطوعة حب الى سناء

1

سنوية شتلة ريد

بتن عديلة خلاس

قراية صلاية

خدّامة غتّاية

زرّاعة روايّة

للقطن سقاية

مستورة مبرورة

مرفوعة زى راية

وتقية هدّاية

ووشيها يلمع نور

زي المحاياية

مليانة بالتسبيح

ما الأمنيات جاية

وغنية بالآمال

الليها رجايا

سنّوية شتلة ريد

مزروعة يوم العيد

شاطرة وقرّاية

2

سنوية شعلة نور

سنوية شعلة نار

كتامة للأحزان

شيالة للأسرار

مسكونة بالخضرة

ومعروشة بالأطيار

ومليانة بالأمنيات

زى غيمة من سنار

سمحة وعديلة خلاس

في حسن "لم قد صار"

لا عرفت التهديد

أو قسوة الأقدار

أو جاها يوم خاطر

انو الزمن من نار

لا بتعرف التهديد

لا بتعرف التقييد

أفكارا شمعة نور

مليانة بالأسرار

مسقية حب وطموح

تقدل مع البنوت

في قمة الاصرار

وتسوي لينا بيوت

منسوجة بالأشعار

سنوية ما عرفت

انو الزمن غدار

وانو البشرأنواع

الصافي والغدّار

كانت تعد النجوم

راجية الصباح يصبح

وتتحقق الأحلام

تلقي العلم مدلوق

زى جدولن ثرّار

وتلقى العمل ملحوق

الصدق فيهو شعار

وتلقي الرفيق الحبيب

الليهو من تختار

وتضرب مثل عالي

في العزم والأصرار

3

سنوية كان في الحوش

ضهبن جميل مختوم

تحلم بجية يوم

العمر فيهو  جمال

والبهجة فيهو تدوم

وتنساب تخا ورخا

بين مدني والخرتوم

 وفي يوم حزين وأليم

كان النجم محزون

والليل طويل وظلوم

كان الغمام أسود

وكان القمر محموم

.. سنّوية سنّوية

مرشو شة بى موية

فيها الهلاك محتوم

مصبوبة فيها النار

ومكبوبة فيها سموم

تحرق زهور وورود

وخصلات جمال معلوم

ويبقى الوطن معبور

ويبقى الوطن مهموم

النيل عليهو نواح

والبحر فيهو وجوم

ترفض تلاقي الناس

وكانت ودودة خدوم

تتغتى بالآلام

تنشرا فوقا هموم

وجسم  الوفا  نايم

وعقل الوطن ملخوم

4

سنوية لا تهمي

رغم الأسى والهموم

في يوم بتنجمي

نيلينا جايبنلك

جرتق حرير وهدوم

وجنياتن شايلنك

في الخاطر المكلوم

جايبنلك الأفراح

كايسنلك المعدوم

وتكوني نوارة

زى حالك المعلوم

وتبرالنا عوارة

في قلبنا المخروم.

سعدك نحضروا هناك

وهناك نغنى معاك

سنوية ..سنوية

للواطة والموية

ونغني للجايات

ونغني للسمحات

ونغني لى وطنن

فيهو الخيار مفتوح

الحب هناك مسموح

من دون جبر محتوم

أو زول لئيم وظلوم.

5

سنوية تبقيلنا

ياحلوة تحييلنا

وتخضر سنابل الحب

في يوم بقدرة رب

تثمر وتدينا.

 

 

 

 

 

 

 

 

 

 

 

 


© Copyright by SudaneseOnline.com


ترحب سودانيزاونلاين بجميع الاراء الحرة و المقالات ,الاخبار و البيانات لنشرها فى هذه الصفحة.ويمكنك لزوارنا الكرام ارسالها الى [email protected] كما نرجو ذكر الاسم الحقيقى و الكامل و مكان الاقامة مدة بقاء المقال فى هذه الصفحة 10 اعوام

أعلى الصفحة



الأخبار و الاراء المنشورة لا تعبر بالضرورة عن رأي الموقع

قصة و شعر
  • حسن ساتي و سيناريو الموت.. بقلم - ايـليـا أرومـي كـوكـو
  • قصة قصيرة " قتل في الضاحية الغربية" بقلم: بقادى الحاج أحمد
  • عصفور يا وطن د.امال حسان فضل الله
  • حيرة/أحمد الخميسي
  • لغة العيون/ هاشم عوض الكريم
  • أحلام يقظه/هاشم عوض الكريم – بورتسودان
  • صديقي المصاب بمرض الايدز سيظل صديقي بقلم / ايليا أرومي كوكو
  • مشتاق/محمد حسن إبراهيم كابيلا
  • شكل الحياة/ ياسر ادم( أبو عمار )
  • قصة قصيرة " شجرة اللبخ تحاكى النحل " بقلم: بقادى الحاج أحمد
  • المفلسون بقلم الشاعر السوداني/ حسن إبراهيم حسن الأفندي
  • بدرويش توفي ألف شاعر/كمال طيب الأسماء
  • انهض بقلم الشاعر السوداني / حسن إبراهيم حسن الأفندي
  • لو بتحب بلادك جد!/الفاضل إحيمر/ أوتاو
  • قراءةُ اللّون إلى:- أحمد عبد العال/شعر:- عبد المنعم عوض
  • عايز أقول أنو الكلام القلتو دا/د. شهاب فتح الرحمن محمد طه
  • قصة قصيرة " الجــمـــــــــل " بقلم: بقادي الحاج أحمد
  • غــانــدى/أشرف بشيرحامد
  • ما أظنو ../محمد حسن إبرهيم كابيلا 30
  • دموع طفلة بريئة- أنوريوسف عربي