|
|
Last Updated: Jul 11th, 2011 - 15:37:55 |
صوتك مسام
فى رثاء مصطفى سيد احمد
مهداه الى رابطه نادوس
غنيت وكان صوتك صدى
يرجع مع زمن الشقى
بعدك سكن فينى الاسى
حميد هناك ليك اشتكى
حزنك ملك مريم ومى
والبحر ما راق يا فتى
دى الدنيا بعدك فى الاسى
كيفن تروح يا مصطفى
سلامات عليك من ازهرى
وكل الحبايب فى المنى
كيفن نقول زيك مشى
أغنى لشعبى مين يمنعنى
مين يمنعك يا مصطفى
صوتك رسائل با قى
فى سفر المظنات والشقى
جبروك تعيش عمرك أسى
تسكن بأ لمك فى النوى
ما انت زيك كيف مشى
قصدى السؤال وبدون كفى
ممكن تروح بس انت حى
جسدك تراب لكنو حى
ده العمر لو بنقاس خطى
نمشيهو ليك يا مصطفى
والخطوه ليك كل المنى
ما انت زيك ما مشى
صوتك تواصل باقى بينى
وبين مداين بيك بتحكى
وفيك بتعشق كلمه تهدى
دروب تعابى وناس حيارى
أغنى لشعبى مين يمنعنى
مين يمنعك يا مصطفى
ما الشعب منك يا فتى
ما أظنو زيك ينتكىء
الليل براح بعد الأسى
نم هانئا يا مصطفى...........
محمد حسن ابراهيم
© Copyright by SudaneseOnline.com
ترحب سودانيزاونلاين بجميع الاراء الحرة و المقالات ,الاخبار و البيانات لنشرها فى هذه الصفحة.ويمكنك لزوارنا الكرام ارسالها الى [email protected] كما نرجو ذكر الاسم الحقيقى و الكامل و مكان الاقامة مدة بقاء المقال فى هذه الصفحة 10 اعوام
أعلى الصفحة
الأخبار و الاراء المنشورة لا تعبر بالضرورة
عن رأي الموقع