|
|
Last Updated: Jul 11th, 2011 - 15:37:55 |
ماشفت كيف فى رثاء الراحل جون قرنق
يا جون وراك ما شفت كيف
نيفاشا من بعدك مشت
وقفو الجماعه مفصرين
حلمك طريقنا الكان قبيل
صحونا منها مقلقين
ما انت عارف من زمات
نقض المواثيق والعهود
من مايو ليه عهد الخراب
سودانا من بعدك مقسم
بين تعابى وناس سيده
ناس تتاجر بالغلابه
وناس بتمشى هناك سياحه
حتى دارفورنا الحزينه
لسه تنزف فى جراحها
لسه نازحين فى ديارهم
يا جون وراك ماشفت كيف
نبفاشا راحت فى النصوص
وابوجا ضلت فى الطريق
سودان موحد من جديد
اصبح مقسم فى النصوص
يا جون وراك ماشفت كيف
محمد حسن ابراهيم
© Copyright by SudaneseOnline.com
ترحب سودانيزاونلاين بجميع الاراء الحرة و المقالات ,الاخبار و البيانات لنشرها فى هذه الصفحة.ويمكنك لزوارنا الكرام ارسالها الى [email protected] كما نرجو ذكر الاسم الحقيقى و الكامل و مكان الاقامة مدة بقاء المقال فى هذه الصفحة 10 اعوام
أعلى الصفحة
الأخبار و الاراء المنشورة لا تعبر بالضرورة
عن رأي الموقع