|
|
Last Updated: Jul 11th, 2011 - 15:37:55 |
بي حَنَانِكْ كفِّي لي شر البَلِيَّه
لي زمانِكْ
ما هو زي البيهُو دنيا النّاس بَغَنِّي
و ابقى احلَمْ اتَّكِي
و القاكِ يا حضْنَاً مستَّفْ بي الحنان
جاييْكِ بي شوق الْزَّمان
الدّيمه قادل
في دهاليز الخواطرْ
منُّو صُورْتِكْ ما بْتَسَافِرْ
يا طريق رايع بِغَنِّي
و يا حريق رايِعْ بِغَنِّي
و حاجه طاهره
و حاجه رايعه
و فايته لي شوف التّمّنّي
يا حريق روحي بتهاجِرْ
في نبيل نارو بتغامِرْ
يا بساطةْ روح نبيله
و يا أصيله
و يا ضَرِيْرَة الوفا و العديله
يا طِيْبَه يا نَفْسَاً غَنِيَّه
في قلبِي أوهام مرمرِيّه
و شوقي لي أيّام بهيّه
ادِّيْنِي في زمني الشِّوَيَّه
و بي حنانِكْ
كفِّي لي شَر الْبَلِيَّه
قبلما العالم يِغَتِّسْ
روحي ياخُدْنِي الضَّلامْ
و ابقى تاريخ للأسيّه
مِدّي إيدَيْكْ لي إيدَيَّا
و دِسِّي قَلْبِكْ في قِلَيْبِي
و خُتِّي رُوْحِكْ جُوَّه رُوحِي
و ابقِي شمسَاً دايمه صافيه
و صاحْيَه ترقُصْ في عَيْنَيَّا
نهار 23\1\1982.
* من مسودة مجموعتي الشعرية-الغنائية المسماة "كمانات الأغاني"...
© Copyright by SudaneseOnline.com
ترحب سودانيزاونلاين بجميع الاراء الحرة و المقالات ,الاخبار و البيانات لنشرها فى هذه الصفحة.ويمكنك لزوارنا الكرام ارسالها الى [email protected] كما نرجو ذكر الاسم الحقيقى و الكامل و مكان الاقامة مدة بقاء المقال فى هذه الصفحة 10 اعوام
أعلى الصفحة
الأخبار و الاراء المنشورة لا تعبر بالضرورة
عن رأي الموقع