|
|
Last Updated: Jul 11th, 2011 - 15:37:55 |
سيد البلد
سيد البلد
موجك عنيف تيار ومد
بحرك عميق
في لجتك غرق اب زرد
انت الهلال
وانت الجمال
وانت الخيال ما ليهو حد
مابتتوصف
فيك سر عميق ما بتعرف
شيدت من الفرحه سد
وزعت في كل الدروب
شربات فرح
اريج بخور وعطور وند
فرحوا الكبار
حتى الصغار
والهسه شافع في المهد
والجايي من رحم الزمن
في الغيب
ولسع ما اتولد
معلبنا مقبرة الغزاه
ريحة الكفن
ود اللحد
اروع وسط
اروع هجوم ودفاعنا
جمهور وفي
وادارة في
وعلى العرين واقف اسد
الحضري قال
ايه الهلال
وروه جد
صاروخ عنيف
سكن الشباك
قداها قد
صاحبنا طاير في الهوا
فوق النجيل
تلب رقد
قودوين كمان
عزف الكمان
كحل عيونهم بالرمد
ريكاردو كان عند الرهان
قدامو مانويل ما صمد
ناس الاوائل
عرفوا ايه يعني الهلال
طاهر هناك ساكت لبد
حتى المذيع اهلاوي كان
في وشو وقف الدم جمد
عايزين مذيع قدر الهلال
شوالي او عدنان حمد
يعرف تمام انو الهلال
سيد الجميع
سيد البلد
© Copyright by SudaneseOnline.com
ترحب سودانيزاونلاين بجميع الاراء الحرة و المقالات ,الاخبار و البيانات لنشرها فى هذه الصفحة.ويمكنك لزوارنا الكرام ارسالها الى [email protected] كما نرجو ذكر الاسم الحقيقى و الكامل و مكان الاقامة مدة بقاء المقال فى هذه الصفحة 10 اعوام
أعلى الصفحة
الأخبار و الاراء المنشورة لا تعبر بالضرورة
عن رأي الموقع