في ذكرناك عاهدناك يا بطل
في خطوتك مشينا رغم الحصل
أمانيك و راياتك رفعناها و ما في فشل
بنحققوا بإصرارك العلمتو لينا و لمداك نصل
بسماحة روحك و طيبة نفسك السودان للعالم وصل
في دربك أتوحدنا و لسودان موحد نصل
الليلة شمعة حريتنا رفعناها
شمعة عزتنا اوقدناها
شمعة سودانا الجديد نورناها
الحرية كان دائماً شعارك
و السودان الجديد دوماً كلامك
الوطن البشيل الكل كان مقامك
السلام و العدل وعدم التهميش سمة أهدافك
ورسمت سودان التسامح فى خيالك
و الغريبة عشتو انت فى واقعك
شيلت سودان المعزة فى عيونك
كنت ساعى يرتاح بلدنا فى جفونك
وقلت ابداً يا بلد مافى زولاً بخونك
كان فى فكرك ديمة السلام يعم ربوعك
ولقمة العيش الهنيئة لكل كادح فى بلادك
و كبسولة شفاء لكل مريض فى ديارك
و فرحة الطالب المناضل للقضية
زغرودة ام و بشرى فرح فى كل عشية
كنت دائماً شايل الفرحة الاكيدة
و حاضن المنية الجديدة
انو البلد تكون جديدة و يلقى واحد كل نصيبه
و نعزف الغنية المجيدة و ننشد كل القصيدة
ريالكوى عوض برنابا
الخرطوم
يا ولد البلد راجيك انت
يا بنية البلد فى عينيك انت البلد امانة فى عنقنا
و البلد فيه شرفنا جواه اخوى و اختى الرزينة و بت المدينة شوف البلد ماشة لوين