|
|
Last Updated: Jul 11th, 2011 - 15:37:55 |
عن قبيلتي ح أقول لكم
***
شعر : عبدالجبار سوار الدهب
[email protected]
***
مع الاعتذار للفنان أبو عركي وشاعره
***
عن قبيلتي أنا ح أحكي ليكم
في مقابرها ملتقانا
شدوا أوتار الضلوع
أنا ح احكي ليكم
عن جنــــانها
***
دي مرة هاجت في المدينة
أرعبت كل المدينة
ولما طارت في الفضا
نشرت كل الضغينة
وكانت أول مرة في عمر المدينة
إنو نامت وهي حزينة
تحيا قبيلتي الهميمة
وتحيا سكينتي السنينة
***
ساوى ليكم بإيدينا دم
حالبالكم ضراع الويل
وجالبالكم سلاح الويل
وجالبالكم ضلام الليل
مخبية في جيوبه الهـــول
متى ما تدوروا بتهريكم
وما ممكن تخليكم
تلم الدنيا وتــجيكم
عشان كان " تيمها " ما كفى "1"
تجيب " تيما " يكفيكم
عن قبيلتي ح أقول لكم
ولسة برضي ح أقول لكم
****
1 تيمها : فريقها
© Copyright by SudaneseOnline.com
ترحب سودانيزاونلاين بجميع الاراء الحرة و المقالات ,الاخبار و البيانات لنشرها فى هذه الصفحة.ويمكنك لزوارنا الكرام ارسالها الى [email protected] كما نرجو ذكر الاسم الحقيقى و الكامل و مكان الاقامة مدة بقاء المقال فى هذه الصفحة 10 اعوام
أعلى الصفحة
الأخبار و الاراء المنشورة لا تعبر بالضرورة
عن رأي الموقع