|
|
|
 Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: Munir)
|
الأخ أساسي ...
بعد الرجوع للإثباتات التي جلبتها وبمقارنتها مع العبارات الأوتومسفيرية الشائعة المتداولة في تلك الفترة فقد تقرر منحك شهادة (النيزو) لملكبة العبارات وعليه ولأن قصتك التي حكيتها عن ظروف وملابسات تلك الكلمة في غاية المنطقية فقد تقرر منذ الأن نسبك لهذه العبارة ومن حقك مقاضاة من يستعملوها دون إذن مع إستثناء هذه الصالة لأن مناقشة فيها تجري بالفعل ..
دا في حالة إنو وليد 99 دا ما يكون ودعمك 
العزيز منير ..
Quote: يا ناذر بالله قبل ما تستمر ممكن ملحوظة صغيرة عشان الشغل يكون متكامل ـ
أولآ عند ذكر شرح لاحد التكتيكات يحبذ إنك تأتي بمثال ـ يعني (quote) كوت كوتين كده وتشير لمواقعهم برقم المرجع وسط الشرح مثل [#Ref] ـ
( برضو ممكن تقلل من الايكونات ?)
|
كلامك جميل لكن أنا لمن جبت اللنكات ساكت الجماعة ما رضو فما بالك يالكوت !!
أنا عشان الناس ما تتشنج بكتفي باللنكات بعد داك الزول المتابع هو وذكاءو .. يمشي يفتش اللنك ويجيب الكوت ويطلع التكتيك براو ..
أنا الإيقونات دي .. فهي من أجل الرسوم الإيضاحية وكدة ..
وشكرا على المباركة لزوم التخرج .. وأبق معنا ..
صنفرة :
أها ... كنا وين يا شباب !!!!
| |
 
|
|
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
الاخ ناذر
شكرا لك
اود أن أضيف نوع من التكتيك الخفي ولكنه غير ذكي
وهو تكتيك تبادل الادوار
هذا النوع تكمن ان تمارسه عائلة واحدة أو شلة واحدة أو اصحاب أيديولوجية واحدة.
يقوم أحدهم بالدور السافر جداً واخر متوسط والاخير ملطف للأجواء أو فيلسوف .
أو يقومون جميعاً بتوالي الضربات أو الانتشار السريع.وغالباً ما يدخلون في حلقة جهنمية من الحوار الحلزوني غير المنتهي.
وآخرين يوزعون الادوار على احياء الفكرة كلما تحول البوست الى لت وعجن في ذات الموضوع
اجتهد أحدهم واتي بكوت أو مداخلة من بوست آخر, لتبدأ حلقة جديدة من اللت والعجن غير المفيد.
| |
|
|
|
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: محمد عيد الله)
|
القلب النابض سلام ..
Quote: اود أن أضيف نوع من التكتيك الخفي ولكنه غير ذكي
وهو تكتيك تبادل الادوار
هذا النوع تكمن ان تمارسه عائلة واحدة أو شلة واحدة أو اصحاب أيديولوجية واحدة.
|
رغم أنك متشنجة ومستعجلة لكن لا بأس منذ الأن في قبول مساهماتكم في هذه الرسالة لنيل الدكتورة شرطأ أن تكون المساهمة بإسمي والأهم هو إتباع الأسلوب الأنا مستخده هنا وهو جلب اللنكات وشرح الإسلوب بإيجاز ..
لذا فقد صدر قرار أوتومسفيري بتعيين القلب النابض في منصب (مساعدة دكتور) كي تمدني بما خفي من التكتيكات الأخرى ..
محمد عبد الله ..
Quote: القلب النبض
بالله ما تكشفي الامتحان لمشروع الدكتور ناذر
|
حلاص ما مشكلة تم تعيينها في منصب يبيح لها المشاركة
صنفرة :
بس بعدين لو جو نا س وإتهموكي أي إتهامات من (بتوع الجماعة ديلاك) وعصروكي وبقيتي قاب قوسين أو أدنى من الفصل ما تجي تقولي لي أنا المسئول
| |
|
|
|
|
|
|
|
|
 Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
| Quote: رغم أنك متشنجة ومستعجلة لكن لا بأس منذ الأن في قبول مساهماتكم في هذه الرسالة لنيل الدكتورة شرطأ أن تكون المساهمة بإسمي والأهم هو إتباع الأسلوب الأنا مستخده هنا وهو جلب اللنكات وشرح الإسلوب بإيجاز |
اخي ناذر
واصل بمنهج البحث الذي تستخدمه لا يمكن ان نكون اثنين في رسالة واحدة.
وانا بس مساعد حلة.
جيت اساعد
وماف عوجة ما اظن في مشكلة في التناول الاكاديمي
مع تحياتي
| |
|
|
|
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
كيقك يا قلب ..
Quote: اخي ناذر
واصل بمنهج البحث الذي تستخدمه لا يمكن ان نكون اثنين في رسالة واحدة.
وانا بس مساعد حلة.
جيت اساعد
وماف عوجة ما اظن في مشكلة في التناول الاكاديمي
|
القرار صدر .. قنا مساعد دكتور بعني مساعد دكتور
نحن ما إتنين في رسالة واحدة ،يعني لمن أنا أتخرج دكتور إنتي ما حا تتخرجي معاي من الناحية دي إطمني تب عشان بعدين ما تولي ناذر غشاني
صنفرة :
ولك وللجميع حرية إختيار أسلوب الطرح الذي تريدانه 
| |
|
|
|
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
اوكي يا ناذر
ما تقعد تجقلب بعدين
| Quote: القرار صدر .. قنا مساعد دكتور بعني مساعد دكتور |
صدر تحت توقيعي في الرابع والعشرين من ديسمبر 2005
باستخدام المنهج الاستباطي نلاحظ ان التكتيك المذكور فوق دائماً يستخدم في المشاكل الحلزونية التكوين, والتي تأخذ كل فترة من الفترات شكل مختلف أو موضوع مختلف لكنه في الاصل منبثق من جين الموضوعات في العصور الحجرية المنبرية. حيث تظهر جينات الانسان الاول , وكذلك جينات الموضوع الاول في المشكلات الاجنة, او الجديدة او المتجددة أو الحلزونية. في هذه الحالة تتضافر القوات الصديقة ذات الاصل الجيني الواحد , والاصل الجيني الواحد يمكن ان يكون جيني حقيقي أو جيني أيديولوجي او جيني شللي.
وباستخدام المنهج المقارن نلاحظ ان هذا النوع من التكتيك له فوائد ومضار مقارنة بالتكتيكات الخرى.
من فوائده يشعر العضو المستهدف انه ليس وحيداً وان جيناته كلها مستفرة وتساهم في الدفاع عنه. ويشعر ان هنالك قوات انتشار سريعة وامداد خلفي مما يجعلة مالى يده بالنصر, قد يصدق هذا الاحساس وقد يخيب وفي غالب الحالات يخيب بفعل عنصر محايد صادق ولا يخشى في الحق لومة لائم, وتصاب الجينات ببيات شتوي قصير سرعان ما ينتهي بحلزونة جديدة.
فتفسد الهدؤ السائد.
ومن سيئاته انه لا يجعل الحق يعلو على العقيدة , ويصرف الآخرين من الادلاء بآرائهم لانهم يعتبرون الموضوع الحلزوني تختص به جيات وراثية محددة . وينصرف آخرون من رزاز المطر .
اتمني ان اكون قد شرحت هذا التكتيك.
ولن استخدم اسلوب دراسة الحالة الا إذا وجدت قوات صديقة.
لكم الود حتى ترضوا
| |
|
|
|
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
!!!!!!!!!!!!!!!
Quote: باستخدام المنهج الاستباطي نلاحظ ان التكتيك المذكور فوق دائماً يستخدم في المشاكل الحلزونية التكوين, والتي تأخذ كل فترة من الفترات شكل مختلف أو موضوع مختلف لكنه في الاصل منبثق من جين الموضوعات في العصور الحجرية المنبرية. حيث تظهر جينات الانسان الاول , وكذلك جينات الموضوع الاول في المشكلات الاجنة, او الجديدة او المتجددة أو الحلزونية. في هذه الحالة تتضافر القوات الصديقة ذات الاصل الجيني الواحد , والاصل الجيني الواحد يمكن ان يكون جيني حقيقي أو جيني أيديولوجي او جيني شللي.
|
الكترابة التفقع حجر الـ !!!!! 
صنفرة :
إنتي عثمان محمد صالح يبقى ليك شنو !!
غايتو أنا فهمت لكن أخوي محمد عبد الله كلامك دا ما أظن وقع ليو في صنقورتو
| |
|
|
|
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
حضرات الدكاترة والدكتورات الحاضرين منكم والغائبات ..
نأتي وإياكم لإستعراض النوع الثاني من أنواع الجغمسة في رسالتنا هذه .. ألا وهو (الما بريدك يحدر ليك في أي بوست) ..
إذا ما أردنا تعريف هذا النوع أوتومسفيريا بالقياس لهذا المنبر فنعرفه بالقول أن من (يكجن) شخص اخر في المنبر لإختلاف في وجهات النظر المختلفة في مختلف القضايا سواء أكانت إجتماعية او سياسية أو قضايا عامة أو حتى يكجنك (لله في الله كدي) !! فإنه لا يكتفي بحصر الخلاف في البوست المعني بالقضية فقط .. بل نجده يحمل خلافاته معه إلى مختلف البوستات بعد هبوط البوست الأول .. فنجد هذا (المتجغمز) متى ما وجد الفرصة لـ (هبر) خصمه فهو يغتنمها دون تردد حتى ولو كان لا علاقة للبوست الذي (يتهابران) فيه بالموضوع الأساسي سبب (الكجين المتبادل) ... وأحيانا يبدو واضحا للمتابعين للمنبر بصورة ثاقبة وجود بعض من المتصارعين أوتومسفيريا ينقلون صراعهم لعدد كبير من البوستات بمناسبة أو بدونها ... وأحيانا يخيل لي أن هؤلاء أول ما يفعلونه عند الحضور للمنبر هو الذهاب لخانة البحث لمعرفة أخر مداخلات قامة بها خصومهم ومن ثم يتوجهون للبوست المطلوب ويبدأون في (الجغاميز والمغارز) على من يترصدونهم !!
أما إذا أردنا تحليل نفسية من يستعملون هذا النوع من المغرزة فنجد أن سايكلوجيتهم بها كميات تجارية أوتومسفيرية من حب الإنتقام وحب الإيذاء وأنهم من ذلك النوع الذي لا ينسى الخصام بسهولة فهو كالجمل أو أشد حيوانا منه ..
مشكلة من يستخدمون هذه المغرزة أنهم لا يقدرون شعور صاحب البوست ولا يقدرون ولا يحترمون موضوع البوست والمتداخلين مهما كانت أهمية الموضوع الذي يتحدث عنه البوست مما يتسببون برعونتهم تلك في تغيير موضوع البوست تماما عن مجراه الرئيس ويعيثون البوست فسادا مما يجعل المشاركين في البوست في تنشنة شديدة تؤدي بالضرورة لقطع حبل أفكارهم وتشتيت جهودهم للتركيز .. أما المتجغمزون فلا يعنيهم ذلك في شي إذ أنهم بعد ان يبشتنوا البوست وبجعلوه يبابا لا يأبهون لذلك كثيرا إذ سرعان ما ينتقلون لبوست أخر لممارسة هوايتهم الغير بريئة هذه !!
الغريبة أن هذا النوع تحديدا من المغارز حدث له تطور غريب !! إذ أن (المابريدك يحدر ليك في أي بوست) تطورت إلى (المابريدك يحدر ليك في اي منبر) !! لذا نجد أن المتجغمسين المتصارعين لا يكتفون بصراعهم في منبر واحد بل يحولون صراعهم إلى عدة منابر مختلفة كي يمارسون فيها صراعهم ذاك ولعلى لست بحاجة لضرب مثل عن عضوين إثنين من أعضاء عدة منابر أوتومسفيرية أدمنا الصراع والتناكف في أي منبر يتواجدان فيه حتى أن مسلسلهما صار ممجوجا ومملا للجميع للدرجة التي صار من الممل جدا متابعة صراع الإثنين.. ولسان حالنا يقول (الفلم دا خاشنو لوج قبال كدة) !!!
صنفرة :
مشكلة هذا النوع من المغرسة والجغمزة ان الخاسر الوحيد فيها هو المتابعين للمنبر وصاحب المنبر نفسه والذي يجد ان كميات مقدرة من الباندويدث قد ذهبت هدرا دونما فائدة !! أما من( يتحدرون) ويتصارعون في جميع البوستات فليس لديهم ما يخسرونه سوى شخوصهم الأوتومسفيرية فقط !!
مراجع :
لا أعتقد انني بحاجة لذكر مراجع لهذا النوع من التكتيك .. فهو واضح وبائن للعيان .. ومن الأفضل الإنتقال مباشرة للنوع الثالث من المغرزة ..
| |
|
|
|
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
اخي ناذر
التعريف للمصطلحات المذكورة هنا:
Quote| Quote: : باستخدام المنهج الاستباطي نلاحظ ان التكتيك المذكور فوق دائماً يستخدم في المشاكل الحلزونية التكوين, والتي تأخذ كل فترة من الفترات شكل مختلف أو موضوع مختلف لكنه في الاصل منبثق من جين الموضوعات في العصور الحجرية المنبرية. حيث تظهر جينات الانسان الاول , وكذلك جينات الموضوع الاول في المشكلات الاجنة, او الجديدة او المتجددة أو الحلزونية. في هذه الحالة تتضافر القوات الصديقة ذات الاصل الجيني الواحد , والاصل الجيني الواحد يمكن ان يكون جيني حقيقي أو جيني أيديولوجي او جيني شللي. |
المشكلة الحلزونية: هي المشكلة التي تدور بأسماء مختلفة مع ثبات اصحاب المشاركات , لان المشكلة تلف وتدور ثم يتغير اسمها وتلف وتدور مرة اخرى ويتغير اسمها وهكذا. وقد تتعنقد البوستات ( من عنقودية وهذا المصطلح حقوق الملكية فيه للنا مهدي). وتلد بوستات جديدة ومشكلة باسم جديد في شكل حلزونة.
جين المضوعات: الجين الاصيل المكون للموضوع. وهو يختلف عن الجين المكون للأعضاء.
إذ أن بعض الاعضاء قد يشتركوا في الجينات المكونة لهم.
العصور الحجرية المنبرية : العصر الاول للمنابر والتي يبدو انها تورث جينات تعمل على حلزونية المشكلة بما تحمله من جينات. وقد تكون الجينات موضوعية أو بشرية.
انواع الجينات
جينات حقيقية ودي الجيات البشرية.
جينات ايديولوجية الجينات او الصفات الوراثية للايديولوجياوالتي يشترك فيها من يعتنقون ايديولوجيا واحدة.
جينات شللية وهي جينات مشتركة يحملها أفراد الشلة الواحدة مما يجعل صفاتهم الوراثية الجينية واحدة.
بعد كدة افتكر النظرية بقت واضحة.
ولك التحية اخي ناذر.
خلص نحتفل بيك قبل الارشفة.
وتبدأ العام الجديد مع د. اتموسفيرية.
| |
|
|
|
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
القلب النايض ..
Quote: المشكلة الحلزونية: هي المشكلة التي تدور بأسماء مختلفة مع ثبات اصحاب المشاركات , لان المشكلة تلف وتدور ثم يتغير اسمها وتلف وتدور مرة اخرى ويتغير اسمها وهكذا. وقد تتعنقد البوستات ( من عنقودية وهذا المصطلح حقوق الملكية فيه للنا مهدي). وتلد بوستات جديدة ومشكلة باسم جديد في شكل حلزونة.
جين المضوعات: الجين الاصيل المكون للموضوع. وهو يختلف عن الجين المكون للأعضاء.
إذ أن بعض الاعضاء قد يشتركوا في الجينات المكونة لهم.
العصور الحجرية المنبرية : العصر الاول للمنابر والتي يبدو انها تورث جينات تعمل على حلزونية المشكلة بما تحمله من جينات. وقد تكون الجينات موضوعية أو بشرية.
انواع الجينات
جينات حقيقية ودي الجيات البشرية.
جينات ايديولوجية الجينات او الصفات الوراثية للايديولوجياوالتي يشترك فيها من يعتنقون ايديولوجيا واحدة.
جينات شللية وهي جينات مشتركة يحملها أفراد الشلة الواحدة مما يجعل صفاتهم الوراثية الجينية واحدة.
بعد كدة افتكر النظرية بقت واضحة.
ولك التحية اخي ناذر.
خلص نحتفل بيك قبل الارشفة.
وتبدأ العام الجديد مع د. اتموسفيرية. |
تحليل عميق جدا وينم عن متابعة رشيقة وأكثر ما أعجبني هو موضوع الجينات وأنواعها
وأكيد أن المتابعين سيستمتعوا بمداخلتك هذه ..
بس شايفك لسة بتقولي لي أخي (ناذر)
العزيز PLAYER
أول حاجو وينك طولت كدة من المنبر !!
مشتاقين والله ..
Quote: ال...ناذر
موضوعك لذيذ ...ذيد الشمارات...
لما تخلص عندنا رايآ نحب نقولوا
والنبي ما تنسي تمر بالامبدات والحاج يوسفات |
إنت الألذ يا راجل وكلو جاي في الطريق
بس لو عندك راي قولو أحسن قبل ما أخلص لإنوبعد ما أنال الدكتوراة جا ابقى طغيان وما أظن حا أكون فاضي لي زول
الأخ محمد عبد الله :
Quote: بيقت تائه بين الحدر في البوستات
والخليات الحلزونية..الموضوعين يحتاجو تركيز..
شوية شوية عشان نتابع !!
محمد عبد الله |
الزمن بقى ريقي وحاول ركز (ركز ياخ) عشان ما يفوتك شي
عشان ما أقول ليك الفاتك فوتو الخوف أنا أشيل الشهادة وإنتا لسة تكون بتتلفت مع الحلزونيات دي خليك حريف ومتابع ..
صنفرة :
أها أاا ناس نمشي للنوع التالت ولا في نقطة دايرين تناقشوها !!
| |
|
|
|
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: bob)
|
د. ناذر
| Quote: الخوف أنا أشيل الشهادة وإنتا لسة تكون بتتلفت مع الحلزونيات دي |
كنا منتظرين تنتهي من كل التكتيكات
عشان نديك الدال لكن شايف القلب النابض
ما قصرت اقتناعا منها بجدية الرسالة
والتسلسل المنطقي للموضوع والاجابة على
كافة اسئلة البحث والتي بلا شك تؤدي الى
خلاصات منطقية وتوصيات محددة ..قررت منذ
الان وضع الداال قبل اسمك .. ونحن بدورنا
نبارك لك ولكن مصرين ان تكمل البحث .
الخوف أنك تشيل الشهادة وإنا لسة بتتلفت .
مودتي
محمد عبد الله
| |
|
|
|
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
أها يا شباب ...
كيفك يا قلب ..
| Quote: اها اقول ليك شنو قول لي هسة دي |
قولي لي زي ما قال لي بوب تحت ..
بوب قال ..
Quote: يا دكتـــــــــور
كيفـــك
|
لمن لو كان لسانك ألجن أو عندك مشكلة في نطق الراء ما مشكلة ..
قولي لي .. دكتول ناذر 
كيفك يا ود عيد الله ..
Quote: كنا منتظرين تنتهي من كل التكتيكات
عشان نديك الدال لكن شايف القلب النابض
ما قصرت اقتناعا منها بجدية الرسالة |
يا راجل البحث دا أنا حا اتمو حا أتموا ولسة فضل لي كتير فيهو لمن دفعة معنوية كدة تقولو لي دكتور من هسي لإنو شايف الزول لو قبلوهو في كلية الطب ولسة ما دفع رسومو الدراسية بيقولو ليهو يا دكتور
إشمعنى أنا وأنا الهسي في مرحلة البحث
كيفك يا ناصر ..
Quote: ناذر بقى دكتور في إسبوعين !!!!
والله دي ما حصلت كلو كلو .. غايتو نقول مبروك نعمل شنو عاد |
عادي جدا زي الزبادي !! وليه لا !!
ما في ناس هنا بقوا دكاترة عشان بس رسلو لي بكري وقالوا ليهو إسمنا (دكتور فلان) . وبكري طبعا ما قال ليهم ورونا شهاداتكم .. طوالي سجلم دكاترة
ووحدين دكاترة في شنو !! بس نسأل الله السلامة والله يجازي عمر الفاروق على محنو
صنفرة :
تعرفوا أنا كل ما أجي أواصل بلقى المناقشة مستمرة في التكتيكات عشان كدة بأجل التكتيك البعديو عشان ما أنسى لي نقطة في السنمار دا
| |
|
|
|
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
أها يا شباب ...
كيفك يا قلب ..
| Quote: اها اقول ليك شنو قول لي هسة دي |
قولي لي زي ما قال لي بوب تحت ..
بوب قال ..
Quote: يا دكتـــــــــور
كيفـــك
|
لكن لو كان لسانك ألجن أو عندك مشكلة في نطق الراء ما مشكلة ..
قولي لي .. دكتول ناذر
كيفك يا ود عيد الله ..
Quote: كنا منتظرين تنتهي من كل التكتيكات
عشان نديك الدال لكن شايف القلب النابض
ما قصرت اقتناعا منها بجدية الرسالة |
يا راجل البحث دا أنا حا اتمو حا أتموا ولسة فضل لي كتير فيهو لمن دفعة معنوية كدة تقولو لي دكتور من هسي لإنو شايف الزول لو قبلوهو في كلية الطب ولسة ما دفع رسومو الدراسية بيقولو ليهو يا دكتور
إشمعنى أنا وأنا الهسي في مرحلة البحث
كيفك يا ناصر ..
Quote: ناذر بقى دكتور في إسبوعين !!!!
والله دي ما حصلت كلو كلو .. غايتو نقول مبروك نعمل شنو عاد |
عادي جدا زي الزبادي !! وليه لا !!
ما في ناس هنا بقوا دكاترة عشان بس رسلو لي بكري وقالوا ليهو إسمنا (دكتور فلان) . وبكري طبعا ما قال ليهم ورونا شهاداتكم .. طوالي سجلم دكاترة
ووحدين دكاترة في شنو !! بس نسأل الله السلامة والله يجازي عمر الفاروق على محنو
صنفرة :
تعرفوا أنا كل ما أجي أواصل بلقى المناقشة مستمرة في التكتيكات عشان كدة بأجل التكتيك البعديو عشان ما أنسى لي نقطة في السنمار دا
| |
|
|
|
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
Quote: أها يا شباب ...
كيفك يا قلب ..
Quote: اها اقول ليك شنو قول لي هسة دي
قولي لي زي ما قال لي بوب تحت ..
بوب قال ..
Quote: يا دكتـــــــــور
كيفـــك
لمن لو كان لسانك ألجن أو عندك مشكلة في نطق الراء ما مشكلة ..
قولي لي .. دكتول ناذر |
هووووووووي يا نـاذر
ما تخمنا ساكت !!!
أنا صحي معجب جداً بالدراسة وقبيل قلت ليك حا أكون ضمن
لجنة الإجازة ... لكن لحدي الوقت داك خليها كـدي:
الأخ ناذر (حاليا)ً
و د. ناذر (بإعتبار ما سيكون)
سمــح ؟؟؟
إسماعيل حميم
| |
|
|
|
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
أها يا شباب نواصل البحث بتاعنا ..
التكتيك التالت من تكتيكات الجغمزة والمغرزة هو (طالعني في بوست تاني) !!!
قد يكون من المفهوم لدينا معرفة دوافع من يفرعون البوستات ويفرخون منها خمسة أو ستة بوستات أخرى رغم أن البوست الأول كان كافيا لحصر الخلاف وإكمال الدواس فيه !! ولكن من يطالعون الاخرين في بوستات أخرى متفرعة من بوست رئيس يختلفون في أغراضهم وعن دوافعهم عن بعضهم البعض وذلك بحسب طبيعة الدواس نفسه وطبيعة الموضوع الذي يريدون أن يحسموه في بوستات أخرى ..
ونضرب المثل هنا بعبارة (طالعني الميدان) الشهيرة التي كانت تقال في الإبتدائية والمتوسطة وبكل تأكيد فإن جميع قراء هذا البوست قد يكونوا طالعوا أخرين في فترة ما من الفترات ..
إذا لماذا يريد أحدهم أن يطالع الأخر الميدان ولا يريد ان يحدث الدواس أمام بقية التلاميذ !!
السبب المعروف للجميع هو أن الميدان خالي ولا يوجد به أساتذة أو أباء أو أجاويد للتوسط لإنهاء الخلاف ولكن هناك أسباب أخرى هي ذات أسباب (طالعني في بوست تاني) ..
في ظني أن السبب القوي هو أن من يريد أن يطالع الأخر في الميدان ليس متأكدا تماما من نتيجة صراعه مع خصمه وفي حالة أن خصمه (طقطقو) فستكون النتيجة سرية من غير فضيحة وقد لا يعلم بها أحد ..
أما أسباب طالعني في بوست تاني فهي قريبة من ذلك إذ أنه قد يحدث أن يشتبك إثنان في بوست ولكنهما أو أحد منهما يرى أن هذا البوست ليس مناسبا لإكمال الدواس يسارع من فوره لبوست أخر ذو عنوان به شئ من التحدي والإستفزاز لخصمه حتى يأتيه .. وفي هذه الحالة فإن البوست الأول يكون المتداخلون فيه مشغولون به ولا يأتون للبوست المتفرع الجديد إلا من أجل الشمارات لا غير ..
ولكن هناك أذكياء جدا يفتحون بوست( إنبثاقي) جديد لا لشئ إلا لأنهم (إتزنقوا) في البوست الأساس ويريدون متنفس جديد وفي نفس الوقت تشتيت جهود من يحاصروهم في البوست الأول وجرهم للبوست الثاني ..
صنفرة :
في المرحلة الإبتدائية كنت عامل فيها شفت وبتاع مشاكل وفي مرة من المرات إختلقت مشكلة مع أحد التلاميذ في الصف وكنت إتلحه يوميا بأنه لو (كان راجل يطالعني الميدان) عشان أوري ليو !!.. وفي يوم من الأيام وجدته مع مجموعة من الطلبة خارج سور المدرسة فإستفزيته إستفزازا شديدا فما كان منه إلا أن هاج وإشتبك معي (وطقطقني طقطقة شديدة خلاص) وأنا بقيت في الطريقة التحلني منو !! وعندما إنتهى الدواس (الكان من طرف واحد) حمدت الله إنو الزول دا ما طالعني الميدان لأنو لو دا حصل أظني إسبيرات تاني ما كنت حا انفع !!
مراجع :
ناذر الخليفه و اسئلته الرائعه woooooooow
على العضو عبد الرازق الطالب الاعتذار علنا عن الكذب
| |
|
|
|
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
ناذر هلك دي خلاص بقيت دكتور وبشهادة منو د. البوني
| Quote: وبمناسبة كسير او تكسير التلج فهذه من ابداعات المجتمع السوداني التي ظهرت مؤخرا فالشخص الذي يكسر التلج هو الشخص الذي يتقرب للمسؤول الكبير بوسائل ليست مقبولة وينفر منها الذوق العام والحس السليم وقديما كنا نسمي مكسرين التلج بالكدايس مفردها كديس لان الكديس يجيد لعبة التمسح بقدمي سيده ويمكننا هنا ان ندخل هذه التهاني في باب « كسير التلج» والخدمات الكدايسية وفي كل الاحوال هي من الظواهر غير المحمودة وتكشف جانبا مظلما تردى اليه مجتمعنا السوداني، فالذي يتولى منصبا كبيرا يستحق الشفقة والخوف عليه اللهم الا اذا كانت الحكاية قد جاطت ويبدو انها كذلك. |
نقلا عن عمود حاطب ليل للدكتور البوني
تحت عنوان كسير تلج .. الرأي العام الاثنين 15/12
اها قولك شنو؟
محمد عبد الله
| |
|
|
|
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
د. ناذر كنت مشركة ليك في بوست تاني
وما شفت المداخلة دي إلا حسة.
انت لازم تاخد الدال قبل الفين وستة لأنه عايزنك لأمر هام .
عندنا مؤتمر ودايرين ليه دكتور يشارك فيه بورقة عمل, والجماعة ديل كلهم مافي زول قرب ينتهي غيرك.
تاني بقيت مشهور وبنات الهند بيرسلوا ليك يستفيدوا من خبراتك النضاليه حسب رواية عمر الفاروق رضى الله عنه.
جهز نفسك واشتري بدلة جديدة وراجع الانجليزي والهندي وتعال.
تسلم يادكترة.
| |
|
|
|
|
|
|
|
|
 الطلوع للريبة والتلاف !!! (Re: ناذر محمد الخليفة)
|
أها يا حضرات الحمد لله وبعد تعب شديد ومدافرة شديييدة وصلنا للنوع الأخير من أنواع الجغمزة في التكتيكات دي ألا وهو (طالع للريبة والتلاف)..
طبعا بتكونوا مستغربين من إسم المغرسة دي لإنكم بتعرفوا الطلوع للريبة والتلاف على الطبيعة لكن ما سمعتو قبال كدة بإنو في طلوع أوتومسفيري لليفة والترا.. (بسم الله !!قصدي الريبة والتلاف)
مش دا المحيركم ؟؟!!
وأنا أقول ليكم صبرا أل بورد بكري وأل الأبراد المجاورة عشان أوريكم الشغلة الإستعصت عليكم دي ...
الناس البتطلع للريبة والتلاف في المنبر دا بيكونوا ظاهرييييييين وواضحييين للزول المتابع كويس وهم زااااتم ما بيقدروا يدسوا طلوعم للشغلة دي .. والقصد يا جماعة الخير بكل بساطة إنو معانا ناس في البورد دا الله يهديهم ما سجلوا معانا عشان يستفيدو ولا عشان يتثقفوا ولا حتى عشان يقروا الأخبار والتحليلات .. ديل سجلوا فضول منهم ساااكت كدي !! وما عارفين إنو الشغلة كبيرة قدر دا وما فاهمين إنو أنحنا في موقع عالمي أي زول بيقراهو وبيمثل راي عام ماممكن نتجاهلوا مهما عملنا ومهما سوينا . أها الجماعة ديل أغلبم جايين من غرف الشات والماسنجرات والمواقع بتاعت التسلية دي البيكون فيها نظام تتعرف على زول ولا زولة تقوم ترسل ليو كرت موسيقى فيهو قلوب وأغنية هابطة لي نانسي عجرم .!! أو يكون فيها تبادل أغاني ترسل ليو غنية لي جواد العلي يقوم يرسل ليك خواطر فيل بتاعت نور الجيلاني يبكيك ويبكينا معاك !!
المهم وبإختصار إنو الطالعين للريبة والتلاف سجلوا في المنبر دا شماراات كدي وجو يعرفوا الحاصل خاتين في راسم إنو الشغلة إمتداد لي مواقع الترفيه وتقضية الوكت .. أها بعد فترة كدى إكتشفوا إنو الشغلة كبيرة شوية هيلمانة وأحزاب سياسية وبيانات وبطيخ !! يعني نظام ترسل لي زول كرت مرسوم فيهو أرنب ولا غزالة ولا شافع عريان ما في هنا.. ولو حصلت وزول رسل ليك إلا يكون على سبيل التدقيسة وفي مناسبات معينة .. أها في الحالة دي بيحصل لي نوعية ديل (إنحباط أوتومسفيري) من البورد لكن ما بيمشوا منو.. وزعلة ساااااكت كدي يقوموا يمددوا من إقامتم هنا عشان يفشوا غبينتم وزعلم بمناسبة وبدون مناسبة ..
وديل بتعرفم من طريقة مداخلاتم البتكون قمة في الشتارة والبشتنة وبتكون ما عندها أي علاقة بالموضوع نهائي . دا غير إنو بيكونوا إنطباعيين جدا .. يعني يقروا ليك موضوع كدة إنتا تكون كاتبوا وما يعجبم .. أها يقوموا كل ما يجوا داخلين المنبر دا يفتشوا لي مداخلاتك عشان يعكروا ليك أخلاقك ويكرهوك العيشة ساي كدة ..
الحاجة الداير أضيفا إنو الطالعين للريبة والتلاف ديل من الصعب جدا إنك تناقشم أو تفتح معاهم موضوع حوار لسبب بسيط .. إنو هم ما بيجوا المنبر طوالي لإنهم أساسا ما مهتمين بيهو كتير ولمن يجوا بيعملوا ليهم كم مداخلة عشوائية كدة وبيختفوا طوالي إسبوع إسبوعين ومرات شهر شهرين إنت تكون ما قادر تلم فيهم ..
بعدين في تكتيك غريب شوية بيتبعوهو الجماعة ديل .. إنهم لمن يفتحوا صفحة المنبر ما بيسجلوا للدخول طوالي . بيكونوا أوف لاين وبيراقبوا الناس المستهدفنهم بي حذر شديد أها لمن يلقوا فرصة بيعملوا دخول سريع وبيكتبوا جغاميزم وسرعة كدة بيعملوا خروج تاني بعد الإرسال.. وبيقنصوا في راس المنبر لحدي ما يلقوا فرصة تانية يتجغمزوا ويطلعوا تاني ..
في أيام هوجة أستاذنا الكبير عثمان محمد صالح في ما أسمية بـ (يوم القيامة) كنت أرى عثمان يدخل للمنبر ليرسل أحد الأعضاء إلى تابوت ومن ثم يخرج سريعا ويظل قانصا في الاوف حتى يذهب أثر الهجمة وكنت في قمة الإندهاش عندما أذهب لقائمة الموجودين ولا اجده وعندما أعود للمنبر أجده قد جاء وشيع شخصا أخر لمثواه الأوتومسفيري الأخير !! فأذهب مرة أخرى لقائمة الموجودين وأجده قد( تلب بالشباك) !! حتى أنني شككت أن أستاذنا عثمان له قائمة أخرى موجود بها غير قائمة الموجودين الان يشن منها هجماته !!
صنفرة :
من أشهر الطالعين للتلاف في هذا المنبر إثنان لي معهما تجربة شخصية الأول دعوني أطلق عليه إسم (بتـ هوفن) حيث إنني لم يسبق لي رؤية مداخلانه إلا في إحدى بوستاتي في يوم من الايام ومدد من إقامته دون إذني في بوستي واخذ يتداخل بمداخلات تارة عشوائية وتارة إستعدائية فصار يغيب أياما وأسابيع عن المنبر وعندما يعود لا يحب الدخول إلا في بوستاتي (التقول أنا بوزع فيها حلاوة) !! ..
في إحدى الأيام وفي بوست ليس لي ولكنه يتحدث عني دخلت لقائمة الموجودين الان ولم أجده بها ولكني إشتممت رائحته بوضوح في المنبر فأردت إختبار إن كان بالجوار فكتبت صنفرة في البوست بها إسمه وفعلا لم يخيب ظني إذ أنه فور قراءته لإسمه دخل للمنبر بسرعة وخبط خبطة عشوائية ردا على حديثي .. فحاولت القبض عليه بالذهاب إلى قائمة( الموجودين الأن) ولكنه كان أسرع مني وضاع عبر الأسافير !!!
ولا أشك مطلقا انه قد يظهر الأن في هذا البوست بعد ان يقرأ هذه الفقرة ويعرف أنه المقصود !!
أما الثاني فإن اللقب الذي يحمله يدل فعلا على انه ما اتي لهذا المنبر إلا طالعا للريبة والتلاف !! فلقبه يحمل معنى من لا أهل له ويعيش حياته في الشوارع ويسير بغير هدى !! وهو والله إسم على مسمى ويناسبه تماما وينطبق على مداخلاته بجدارة يحسد عليها ..
أجده في بوستات لا علاقة له بها مطلقا وأجد مداخلاته في أمكنة في غير ما تحتمل التعليق وفي إحدى المرات إشتبكت معه في بوست وعندما جاء الليل شعرت بقطيعة شديدة فصرت أجوس بين البوستات حاملا معي مجهرا أوتومسفيريا دقيقا باحثا عن سبب القطيعة .. وبعد بحث مضني وجدت له مداخلة يتعرض فيها لشخصي في بوست لا علاقة لي ولا علاقة له به ولا حتى علاقة للموضوع الذي تعرض فيه لإسمي به ..
بقى أن اذكر أن أهم صفة يمتاز بها الخارجين للريبة والتلاف هي أنهم يشكلون (منفلة) ممتازة لرفع البوستات التي يرون انها تعرض بأعدائهم .. وفي هذا الصدد إشتبكت قبل فترة بأحد هؤلاء( المنفلات) وطردته من بوستي ويعد قليل وجدته قد ذهب وعمل UP لإحدى البوستات التي تستهدفني !!!
لا مراجع ولا بطيخ !! يكفي أن تبحثوا بإسم من تشكون فيه وتراقبوا مداخلاته..
| |
|
|
|
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
| Quote: الدكاترة والاساتذة .. |
احم احم... متابعينQuote: تعرف بما إنو أنا الناس حا تناديني دكتور ناذر بعد الرسالة دي ...
أنا قررت وتقديرا لإهتمامك الشديدبالبوست أبقيك النائب بتاعي |
والله يا ناذز انا ما عندي مشكلة اكون نائب ..
لكن اخاف واحد يجي ناطي يقول دي عنصرية وتهميش
وعدم عدل ومساواة وكلام كبير كبير ويقول داير يكون نائب
وبعد داك ما تنفع الجودية والتحانيس..
عموما ننتظر (الجزء الثالث) يا ظريف
| |
|
|
|
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
الماجستيرة القلب النابض ..
Quote: عندنا مؤتمر ودايرين ليه دكتور يشارك فيه بورقة عمل, والجماعة ديل كلهم مافي زول قرب ينتهي غيرك.
تاني بقيت مشهور وبنات الهند بيرسلوا ليك يستفيدوا من خبراتك النضاليه حسب رواية عمر الفاروق رضى الله عنه.
|
أنا غايتو قربت أكمل البحث وجاهز
أما لو قلتو عايزين (ديكـ تور) عندي ليكم واحد برضو
بنات الهند ياقلب عارفااااات نضالي كويس وهم كانوا دايرني أحضر الدكتوراة معاهن لكن الظروف ما سمحت وكويس إنهن عرفو اني شغال في دكتوراة بي هنا
وبما أن صاحبنا البي هناك بقى نموذج سيدرس بالجامعات الأمريكية رغم التجليط ..
أنا مي نموذج كي هندية جامعات بيار ونضال تجليط نهي
الماجستير ود عيد الله ..
| Quote: عموما ننتظر (الجزء الثالث) يا ظريف |
الجذء التالت دا حايكون صعب بالحيل يا ود عشاي !! لإنو حا يكون في العصب الحي وأمثلة وااضحة جدا .. الجزئين الفاتو ديل كانو بس عبارة عن عملية جس والحمد لله العملية ناجحة تب
بس والله خايفك في الجذء التالت تنكرني عديييل وتعمل فيها زي الماكنت معاي
مرة من المرارير في مناضلة هنا دايرة تهرش روميو عشان كان بيوثق في كلاما قالت ليهو كلامك دا بكرة بتنكروا لكن هو ثبت وما نكروا رغم مرور كمبة من البكرات
أها لو جاء زول ولا زولة قالو ليك نفس الكلام دا تركز بالحيل وما تنط عشان ما اقيلك من منصبك وأرجعك تاني بكالريوس عيد الله
روميو . والله مشتاق ليك
ما في داعي للرزع .. في بوست مكتوب عن وثائق أزرق طيبة مع نقد .. وفي واحد من الطالعين للريبة والتلاف خاتي ليهو مداخلة قمة في التلافية والربوبية
أها أمشي إجتهد شوية وفتش للنموذج دا
هاشم نوريت الشرق اتى
Quote: انت كلكل الناس بتكتيكاتك دى وعندى ليك خبر قالوا فى اسماء حا تسقط مع الارشفة
الجديدة سهوا او قل تكتيكيا غايتو اتحسس اسمك يوم واحد 2006 |
يا راجل إنت ما شفت صورتي مع الريس بكري في توتي وهو فاصل معاي
غايتو تأكد من شي .. كلامك صاح في أسماء حا تسقط مع الأرشفة لكن يا حبيب اللستة أنا الخاتيها لي بكري وهو بصم عليها ..
غايتو يوم واحد حا تلقى في كم عنوان مضمونو (فلان الفرتكاني لا يستطيع الدخول)
صنفرة :
حا ألف وأجي أواصل
| |
|
|
|
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
Quote: بس والله خايفك في الجذء التالت تنكرني عديييل وتعمل فيها زي الماكنت معاي
مرة من المرارير في مناضلة هنا دايرة تهرش روميو عشان كان بيوثق في كلاما قالت ليهو كلامك دا بكرة بتنكروا لكن هو ثبت وما نكروا رغم مرور كمبة من البكرات
أها لو جاء زول ولا زولة قالو ليك نفس الكلام دا تركز بالحيل وما تنط عشان ما اقيلك من منصبك وأرجعك تاني بكالريوس عيد الله |
لووووووووووووووووووووووووول
ابشر راكزين بالحيل الشي فيها ماجستير
ونائب دكتور ... اصلى داير امشي امريكيا
ودا بيساعدني عشان القى لي تذكية اوتموسفيرية
نضالية عشان اتعين مساعد تدليس وادلس حالتي
النضالية عند الناس القشم ديل.
| |
|
|
|
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
القلب النابض
| Quote: انت اتاريك بتاع فض نزاعات ما تلحقنا ياخ |
الحاصل هنا سيمبويا ما يحلو ... غايتو نحاول
الفضفضة وان ما كدة كنا انفقعنا .Quote: ناذر اخوي العام الجديد دايرين تحتفل بالدكتوراه دي الحقنا بالجزء الاخير.
نحن حنساعدك في التوصيات والخاتمة ماف مشكلة. |
الزول دا جاتو رسائل غرامية شغلتو شوية
ونرحو انو يكمل البحث حتى نهاية العام
والا فسوف نرسله الجبل مرة تانية
| |
|
|
|
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: محمد عيد الله)
|
Quote: الزول دا جاتو رسائل غرامية شغلتو شوية
ونرحو انو يكمل البحث حتى نهاية العام
والا فسوف نرسله الجبل مرة تانية |
الجبل ولا التابوت الذهبي.
الدراسة هي الأهم
هو لسة في عمر الزهور
انيتا ممكن تنتظروا يخلص قرايتوا
او هو يقول ليها عايز اقرا
لكن هي متشبكة فيهو شديد
شافتو مناضل و مناضل
الله يجازيك ياعمر الفاروق شغلت الولد من قرايتو في داعي للايميل دا حسة.
| |
|
|
|
|
|
|
|
|
|
عينك في الأون وتطعن في الاوف !!!! (Re: ناذر محمد الخليفة)
|
في حاجة مهمة داير أقولا للمتابعين والمشاركين في البحث دا ...
أنا فعلا إنشغلت بالرسالة بتاعت انيتا كومار أبو شلخة وحصل لي نظام (تكييس وشوكشة) وكدة .. عشان كدة إنقطعت من مواصلة التكتيكات الأوتومسفيرية في الجزء التالت دا .. وحا أحاول بإذن الله إنو أعصر على نفسي شوية عشان أخد الدكتوراة مع تباشير العام الجديد دا لو ما حصل جديد في المناقشة ورسالة البحث ..
التكتيك الداير إتكلم عنو الليلة إسمو (عينك في الأون وتطعن في الأوف) ..
وطبعا بي حصافتكم الشديدة الأنا واثق منها عرفتو أنا قاصد منبري الأون لاين والأوف لاين ..هذين المنبرين غير الشقيقين وغير المتشابهين من جميع النواحي التي تنظم عملهما وتضبط أعضاءهما ..
منبر الأوف لاين الذي يديره الرجل الطيب مهدي ود الشيخ يمتاز بحرية بلا حدود وبلا قيود للدرجة التي تتجاوز المعنى المطلوب لكلمة الحرية .. حيث أن حرص مالكه على إتاحة أكبر قدر ممكن من التعبير وحرية الكتابة لأعضائه جعله لا يضع اي لوائح أو قوانين تنظم عمله بصورة عملية مما جعل بعض أعضائه هناك يتغول على البعض بعبارات وبوستات تدخل في صميم الخصوصبات مستخدما تعابير غير محببة إطلاقا للتعامل بها في هذا الفضاء وكل ذلك لأنهم لا يخشون لائحة أو لوم من أحد بفضل المساحة الواسعة التي يتمتعون بها هنالك .. وفي المرة الوحيدة التي حاول فيها ود الشيخ وضع لوائح وقوانين لضبط منتداه قوبل بالرفض لدرجة أن بعضهم هدد بالإستقالة من المنتدى مما إضطر العم مهدي للتراجع عن وضع اللوائح ..
تكتيك (عينك في الأون وتطعن في الأوف) أوجدته من خلال متابعتي الدقيقة للأوف لاين حيث أنني عضو فيه أيضا . فوجدت أن هنالك العديد من العضويات المشتركة بين المنبرين (أعتقد أن حوالي عشرون في المكائة من أعضاء الأوف هم أعضاء بالأون أصلا) .. إما بأسمائهم الحقيقية المسجلون بها بالأون أو بأسماء أخرى جديدة وذلك من اجل تحقيق اهداف معينة ...
من المعلوم أن أمين الأون السيد بكري أبو يكر قد وضع لوائح صارمة ومقيدة لأعضاء منبره ... وبما أن المنبرين لهما قراء مشتركين .. فإن البعض من أعضاء الأون سعى للتسجيل في الأوف حتى يتسنى له إستعمال أقصى أنواع العبارات الحادة وربما غير المنضبطة التي لا يستطيع كتابتها في الأون وإلى وقع تحت طائلة لائحة بكري مع كثرة الذين أدمنوا الشكوى لبكري لمعاقبة ذاك او فصل هذا ..
وقد لا حظت أيام هوجة المنبر التي تلت بوستي عن أبكرينا وبوست احدهم الذي وصف إحدى رموزنا الوطنية بالعاهرة أن أحدهم ممن له قرابة مباشرة مع من تم وصفها تلك.. قد فضل نقل معركته للأوف حتى تتاح له أكبر مساحة من الحرية والتعبير هناك دون خوف أو وجل وهذا ما حدث .. ولو كان كتب هذه العبارات هنا في الأون للحق من لحقوا أمات طه بكل تاكيد وانا لا ألومه في نقل معركته هناك ..
ما أريد ذكره ايضا أن هناك الكثير من أعضاء الأوف هم اساسا أعضاء في الاون ولكنهم سجلوا بالأوف بأسماء أخرى دون ان يشيروا إلى انهم أساسا أعضاء في الأون وذلك لشعورهم بالإستهداف من بعضا من اعضاء الأوف .. فجاءوا بألقابهم الجديدة كي يدافعوا عن انفسهم هناك وينشروا رؤاهم وأفكارهم بكل إطمئنان ولكنهم نسوا ان هناك من محترفي الكمبيوتر ما يكفي لتتبع الـ أي بي أدريس ومقارنة الكتابات بكل دقة ليكتشفوا ان الأسمين هم في الأصل شخصية واحدة !!!
صنفرة :
الموضة الجديدة والتي أشرت إليها في بوست سابق هي أن بعضهم صار يخطئ هنا في حق البعض وحق بعض الرموز الوطنية دون مبرر وبدلا من أن يسارع بالإعتذار هنا نجده يذهب ويعتزر في الأوف !!! مع انه أخطأ هنا ومن المفترض أن يعتزر هنا وقد حدث قبل عدة أشهر أن ذهب احدهم وكتب إعتزارا في الأوف عن جرم إرتكبه في الاون إلا أن أحد من أعضاء الأون طارده في الأوف حتي أجبره ان يأتي ويكتب إعتزاره في الأون ولا زلت مصرا على رأيي بأن يفرض العم ود الشيخ رسوم تبرير لكل من يتخذ منبره ساحة للإعتزار عما يقترفه في المنتديات الأخرى ..
بقى أن أذكر أن أكثر بوست اعجبني في الأوف لاين قرأته في فترة سابقة كان بعنوان (متى تتحرر سودانيز أوف لاين من تبعية سودانيز اون لاين؟؟) ولكن هذا البوست وئد في بداياته ولم تتاح له الفرصة المناسبة للنقاش فيه بتوسع وأريحية مع أنه كان من الممكن أن يوجد الكثير من الحلول لبعض إشكاليات الأوف ..
مراجع :
هجوم (قذر) على سودانيز اون لاين.. من ود الشيخ وأذياله
هشام مدني ونصرة الظالميين
لمهيرة بنت عبود العتبي
| |
|
|
|
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
أها يا شباب ..
حا نتجاوز عن ريحة العرقي الطقت في البوست دا وحا نمشي لي قدام ..
أنا شغلت المراوح وفتحت الشبابيك ركزوا معاي بعد دا وخليكم ناس 
الليلة حا نتكلم عن تكتيك إسمو (دق الطناش)!! 
طبعا أنواع الدق والجلد كتيرة في مجتمعنا السوداني حيث نجد دق الحلقان اللي هي جمع حلق ودق الظار ودق الريحة قبل الزواج ودق حاجات كتييييرة بعد الزواج .. وحانتجاوز عن الدق البيكون لغير المتزوجين .. 
أما دق الطناش فدا تكتيك مهم جدا بيستعملوهو الحريفين بتاعين المنبر دا .. ودق الطناش يعني ببساطة شديدة إنو يكون في واحد بيناديك أو راجيك لكن إنتا (مجليو) أو (عامل ليهو فيها مجنون) .. فعندنا في المنبر دا ناس كتار بيفتحوا بوستات على شاكلة (الأخ فلان الفلاني مطلوب حضورك في البوست) .. أها نوعية البوستات دي بتكون شرك كبير جدا وبلاعة مفتوحة للزول البينادوهو فيها ولو جاهم بيكون زول (دمك) وما نصيح مهما كان حريف ومقطعا .. وأنا بستثنى من ديل الناس البالم طويلة في النقاش وبيجو لي أي زول بيناديهم على سبيل التحدي والإفحام ..
أما الزول الحريف بالجد هو الزول الما بيجي للبوست الندهو ليهو إسمو فيو فبيكون عامل مجنون وزي الما شايف البوست وبالتالي البوست حا يموت إكلينيكيا لإنو أساسا الزول المشركين ليهو فيهو ما جاء ..
دق الطناش دا عندو ظروفو وأوقاتو التي يستعمل فيها بمعني ما أي بوست ممكن الواحد يدق فيهو طناش لإنو في بوستات ممكن يعلقوا إسمك فيها وإنت شايف إنو البوستات دي بتخدم غرضك وبالتالي بتنقشط فيها بعكس في بوستات تانية إنت بتحس إنك لو دخلتها حا ترفع ضغط دمك ساااكت وما بتطلع بي فايدة ..
وهناك بعض الأعضاء لا يدقون الطناش إلا بعد فوات الأون وبعد أن يتورطوا بعدة مداخلات أولية ثم يقررون دق الطناش بعد ذلك . ولكن يكون الوكت فات .
أيام إهدار دمي داك بسبب نشر رسالة أبكرينا كنت بجي المنبر وألقى ليك ناس كبااار وعوار معلقين إسمي في العنوان بيطلبوا مني أجي أبرر الكتبتو أها أنا الأيامات ديك إستعملت التكتيك دا ودقيت طناش زي الما حصل حاجة وبالتالي معظم البوستات ماتت في مهدها يعني لو كنت جيت ليهم في البوستات ديك في إحتمال تكون القصة مدورة لي هسي !!
صنفرة :
عبد الرازق الطالب وبريمة محمد أدم لا يدقان طناشا قط !! لأن لهما صبرا وتحملا للنقاش الطويل والجدال الموضوعي والغريبة أن كل من فتح بوستا يستدعي فيه هذين الإثنان تمنى لو انه نفسه دق طناش من الأول وما إتورط في الشغلة دي ..
أما أشهر الداقين طناش في هذا المنبر للبوستات التي تناديه قهو سعادة العميد محمد حامد جمعة دون أي منازع هذا إذا لم نضع في الحسيان أمين المنبر بكري أبو يكر بإعتبار أن الطناش دا (التقول زارعو في بيتم)!!
مراجع :
ما لم تذكره ندى علي عن صورة بروفايلها ، ذلك البطل (هيكتور بترسون) !!!!
أومانا الغوله
.. وين البوست يا عبد الفتــاح ؟؟
الأخ ناذر الخليفة
ليـلة الـقـبـض عـلى بشـاشـا
| |
|
|
|
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
بوستا ما بوستك جر فيهو الشوك ..
التكتيك دا بالمناسبة من التكتيكات الخبيثة جدا وربما الذكية جدا.. البيستعملوها بعض الناس في المنبر وأعتقد ان إسم هذا التكتيك لا يحتاج لكثير عناء من الشرح لأنه مقتبس من المثل الذي يقول (جلدا ما جلدك جرو بالشوك) بس المصيبة إنو يكون المثل دا برضو داير ليو شرح !!
في الكثير من البوستات في هذا المنبر هناك أعضاء هنا لا هم لهم إلا جرف مسار البوستات عن مواضيعها الأساسية دون أن يخشوا في ذلك لومة لائم لإنو بكل بساطة (الجلد ما جلدهم) !! فبالتالي يعمدون دون سبب واحيانا بسبب إلى عمل عدة (تجليطات) في البوست بحيث أن من يأتي بعدهم نجده قد يعلق على موضوع (التجليطة) الفرعي تاركا الموضوع الرئيس .. ونجد بعد فترة ان البوست قد تحول إلى مناقشة أشياء ومواضيع فرعية لا علاقة لها بالموضوع الذي فتح البوست اساسا من أجله ..
وقد يحدث أحيانا جر الشوك في البوستات بفعل فاعل وتعمد من مجموعة بعينها وغالبا ما يحدث ذلك لأسباب تتعلق بالخلافات السياسية أو الرؤى المخالفة في القضايا الكبيرة .. فنجد أنه احيانا إذا ما تقدم أحدهم ببوست لمناقشة أو فضح أفعال جهة اخرى نجد أن الشخص الأخر المنتمي لتلك الجهة يسعى بكل ما أوتي له من قوة لجر الشوك في بوست مخالفه ذاك وذلك من أجل صرف الانظار عن الموضوع الرئيس وقد يسعى في ذلك للإستعانة ببعض من مناصريه واصدقائه لجلب وجر المذيد من الشوك في بوست مخالفه ذاك ..
أما الطريقة العصرية لجر الشوك دون أن يشعر أحد فهي إفراغ بيانات أو لنكات بكاملها تخص القضايا مثار النقاش (وأحيانا لا تخصها) في بوستات المخالفين بغرض فرض القراء على متابعتها وقراءتها إلا أن هذه الوسيلة فشلت من خلال الإستبيان الذي طرحته أنا في بوست سابق بعنوان (هل تقرأ اللنكات التي يضعها البعض في بوستاتك؟؟) و كانت إجابات معظم من أستبينتهم هو النفي !!!
النقطة التي لا بد من أن أذكرها هو أسلوب بعض كتاب البورد غير المنطقي والذي يثير الشبهات عندما يكتبون بوستاتا لا يتوقع أحد أكثر من أن تجذب الكثير من (مجرجرو) الأشواك للبوست وذلك لأن البوست نفسه مثير للسخرية ومنشطا لغريزة جر الشوك لدى البعض كما حدث قبل عدة أيام من الفنان الأوتومسفيري العالمي دافنشي والذي فتح بوستا يطلب فيه من الجميع مساعدته في مده بصورة فوتوغرافية لأحد أعضاء المنبر !! وطبعا هذا الطلب مشبوها جدا من (رسام) إعتاد على رسم خصومه كما ولدتهم أمهاتهم وولعه الشديد بالعبث بالصور وتجريدها مما يسترها !! وكانت النتيجة أن جميع قراء البوست المعني سارعوا فور قراءتهم البوست لغابة السنط القريبة وجاءوا بأرتال من الشوك لجرها في البوست المعني مع السخرية اللازمة في مثل هذه المواقف وأخرون وجدوا ان الشوك قد نفد من الغابة فأحضروا معهم أغصان من شجر العشر وثماره اللبنية وإنتهت النتيجة إلى أن من يريد الدخول لهذا البوست عليه إحكام رباط حذاءه ذو الرقبة الطويلة جيدا حتى لا يدخل البوست ويخرج مصابا بجروح من اثر وخز الأشواك !!
مما علق في الذاكرة من بوستات لها حالات مشابها في جر الأشواك أنه في إحدى الأيامات كتب عضو المنبر الصاوي بوستا يتحدث فيه عن عثمان محمد صالح ثم خرج لمدة لا تزيد عن الساعتين حسب قوله ولما عاد ودخل المنبر أصابته الدهشة عندما وجد أن بوسته قد قارب الثلاث صفحات فإندهش جدا ودخل البوست خائفا يترقب فإكتشف مذهولا أن البوست تحول إلى حلبة صراع أخرى بين عثمان وملاسي كان مسرحها بوسته هذه المرة!! فما كان منه إلا أن غضب غضبة عارمة وطرد ملاسي من البوست !! ولكن يبدو أن ملاسي لم يشف غليله بعد فخرج من البوست ودخل بوست أخر معد سلفا بعنوان (حسين ملاسي) يطلب من عثمان أن يأتيه في هذا البوست (عشان يوريو ليو) ولكن يبدو أن عثمان كان قد إكتفى بتلك الجولة وفضل مغادرة المنبر إستعدادا للجولة القادمة !!
أما الحالات النادرة التي أريد أن أتحدث عنها هي حالة أن يعمد أحدهم إلى جر الشوك بنفسه في بوسته لأسباب مختلفة .. وأشهر هؤلاء هم أستاذنا الكبير عثمان محمد صالح والذي يكتب بوستات رائعة في هذا المنبر ولكنه سرعان ما( يجوبكها) عندما يعمد إلى كتابة مداخلات تتعلق بالخصومات التي يختلقها في المنبر وبذلك يجلب الشوك بنفسه لبوسته دون ان يدري !!
أما الحالة الأخرى فقد حدثت من العضو حسين ملاسي والذي كتب بوستا في قمة الروعة يتحدث عن التصاوير ولكن أتاه في لفة من اللفات الأستاذ عثمان وحاول إهداء ملاسي كأسا أوتومسفيريا من الشمبانيا وأخر من النبيذ !! لم يكن يضير ملاسي لو إلتقطه (وكشحو بعد داك تحت الطربيزة) !! لكنه رفض إستلام الكأسين إلا ان أستاذنا عثمان صالح أبى إلا أن (يسقيهو ليو جو عينو) !! فما كان من البوست الجميل إلا أن تحول لمعركة أوتومسفيرية كبرى فرغ فيها حسين ملاسي نفسه تماما (عشان يحددا مع عثمان) !!!
وإستمرت تلك المعركة في بوست التصاوير زمنا طويلا جلبت خلالها زوار بالألاف ومداخلات بالعشرات ولكن في النهاية وبعد أن بلغت صفحات البوست أكثر من تسعة صفحات أي ما يساوي أكثر من ستمائة وخمسون مداخلة سقط المتصارعين على حافة البوست منهكين ولكن على الأقل فإن حسين ملاسي لم يتجرع كأسي النبيذ والشمبانيا خلال تلك المعركة !!
صنفرة :
من أنواع جر الشوك البريئة في بوستات الغير ما فعله قبل فترة العضو تبلدينا في بوست أنواع الديوك لكاتبه إسماعيل حميم .. إذ أن تبلدينا كان حانقا على كوستاوي بسبب إحدى البوستات وتصادف أن فتح إسماعيل حميم بوستا عن انواع الديوك فلما جاء تبلدينا وجدها فرصة لضرب كوستاوي تحت الحزام فما كان منه إلا أن وضع مداخلة كتب فيها (كوستاوي أحد انواع الديوك) فرد عليه إسماعيل حميم ضاحكا (يا زول مالك داير تدفس لينا القفص!!) وكنت ولا أزال عندما أقابل إسماعيل حميم أو تبلدينا إتذكر هذا النوع البرئ من جر الشوك فأضحك لتذكر الموقف وأنا أحمد الله أن البوست لم يعرج لبحث مسألة حجم كوستاوي وإتساع القفص له وللديوك الأخرى وقابلية بقية الديوك للتعايش مع كوستاوي تحت سقف قفص واحد ..
مراجع:
انحسار المد الكيزاني عن البورد
سؤال غير فقري جدا : هل تقرأ اللنكات التي يضعها البعض في البوستات ؟؟!!
بورداب (الاون لاين ) ...صورة عن قرب
حسين ملاسي
ابحث عن صور فوتوغرافية لعبد الرازق الطالب، الرجاء المساعده.
أنـواع الديـوك ثـلاثة في زول بِعـرِف غيرهم
التصاوير!
| |
|
|
|
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
الأستاذ نازر
Quote: أما الحالات النادرة التي أريد أن أتحدث عنها هي حالة أن يعمد أحدهم إلى جر الشوك بنفسه في بوسته لأسباب مختلفة .. وأشهر هؤلاء هم أستاذنا الكبير عثمان محمد صالح والذي يكتب بوستات رائعة في هذا المنبر ولكنه سرعان ما( يجوبكها) عندما يعمد إلى كتابة مداخلات تتعلق بالخصومات التي يختلقها في المنبر وبذلك يجلب الشوك بنفسه لبوسته دون ان يدري !!
|
ورغم هذا فعثمان محمد صالح سيظل في نظري على الاقل هو أقدر أهل هذا المنبر على الكتابة وتطويع الاحرف والكلمات لصالحه .
مع خالص احترامي.
ناصر .
| |
|
|
|
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: منتصر حسن محمد)
|
الأخ ناصر ..
Quote: ورغم هذا فعثمان محمد صالح سيظل في نظري على الاقل هو أقدر أهل هذا المنبر على الكتابة وتطويع الاحرف والكلمات لصالحه .
|
وقد يكون هذا خو رأيي أيضا ولكني أتحدث عن أشياء معينة تتعلق به ككاتب أوتومسفيري في هذا المنبر ..
شكرا للتعليق ..
الأخ منتصر حسن ..
لعلك المرة الأولى التي تشرفني بمداخلة معك وشكرا على الحضور والتعليق ..
Quote: لم اريد المداخلة عليك الآن إلا بعد الإنتهاء ولكن أرجو أن تضع في الإعتبار
هذا البوست نفسه وتصنيفه
|
بكل تأكيد أنا أضع ذلك في إعتباري ولكني لم أفرغ بعد ..
وبمداخلتك هذه فأنا أرحب بك ضمن مناقشو هذه الرسالة الأوتومسفيرية
صنفرة :
كما أرجو منك أن تقرأ اللنكات المصاحبة لكل تكتيك حتى يكتمل الفهم من كتابة التكتيك نفسه ..
| |
|
|
|
|
|
|
|
|
|
مرمي الله ما بيترفع !!! (Re: ناذر محمد الخليفة)
|
مرمي الله ما بيترفع
في هذا التكتيك سنتحدث عن حالة السكتة الدماغية والجرب التي تصيب بعضا من البوستات لأسباب مختلفة بحيث يعجز الجميع عن رفع البوست ويهابون حتى لمسه بكيبورديهم وإن كان ذلك لا يمنعهم من المتاوقة وإختلاس النظر فيه من بعيد لبعيد ..
وإسم هذا التكتيك مقتبس من المثل الذي يقول (مرمي الله ما بيترفع ولو جيت ترفعو بيرميك معاو) وهذا المثل بالضبط ينطبق على حالة بعض البوستات في المنبر ..حيث يكون البوست في غاية الحيوية والنشاط (وماشي في أمان الله) إلى أن يحدث أن يأتي أحد الشتر أو ممن لا يقدرون الحالة جيدا فيضع مداخلة تصنع إضطرابا كاملا لمسيرة البوست وللمتداخلين به بحيث يتخوفون الدخول للبوست للتعقيب مرة أخرى خشية أن يضطروا للرد أو التعقيب على مداخلة ذلك الاأشتر فيتورطون أيما تورط .. بحيث أن صاحب البوست أيضا نأى بنفسه عن رفع بوسته ذاك مرة أخرى ويفضل تاجيل رفع البوست إلى وقت أخر ..
إذا خلاصة التكتيك هي أن يعمد صاحب البوست إلى عدم رفع بوستاته ويتمنى ألا يفعل الأخرون ذلك أيضا في إنتظار أن يذهب أثر المداخلة التي أدت إلى توقف حركة البوست وفي مثل هذا النوع من البوستات يكون من الملاحظات أن عدد الزوار أكثر بكثير من عدد الردود والتعقيبات وغير متناسبة معها مما يدل أن عددا كبيرا من أعضاء المنبر يزورون البوست ولا يعقبون عليه ولا يريدون حتى رفعه بما فيهم صاحب البوست نفسه ..
في فترة من الفترات كان محمد حامد جمعة نشطا جدا ويكتب من إثنين إلى ثلاث بوستات يوميا (ملك حر له) وكان عضو المنبر جني في حالة ترصد دائم له وقد لا حظت ان جني تخصص تماما في إصابة بوستات محمد حامد بالسكتة والتجلط بحيث أنه كان يضع مداخلة (إنزناقية) في بوست محمد حامد تجعل الأخير لا يعود للبوست مرة أخرى حتى لا يتورط ويضطر للرد على جني فيفتح بابا صعب إغلاقه بعد ذلك إذا ما أتى متداخلون اخرون ..
وبما ان مداخلات جني في بوستات محمد حامد لا يمكن ان نطلق عليها (شترا) إلا أن هناك من البعض ما بجعلهم يجلطون بوستات الأخرين ويجعلوها اشبه بمريض الجدري الذي يخشى الجميع الإقتراب منه مثلما فعلت أحداهن قبل شهور عندما كتب أحدهم بوستا يتحدث فيه عن أحد أنواع النباتات وفائدتها كمحفز جنسي .. وكان البوست يسير في غاية السلاسة إلى أن أتت أحداهن ووضعت سؤالا فحواه (محفز جنسي لمنو؟ للذكر أم الأنثى؟) وكانت النتيجة همود ذلك البوست وإصابته بالذبحة لان الجميع تخوف الدخول إليه بعذ ذلك خشية أن يضطروا إلى الإجابة على ذلك السؤال المقدم من أنثى .. وقد لا حظت أنا في تلك الفترة ان صاحب البوست كان موجودا في المنبر ويتداخل في بوستات اخرى كثيرة ولكنه لم يجرؤ على رفع بوسته ولعله كان يدعو الله في سره ألا يرفعه أحد أيضا وتدهور ذلك البوست حتى وصل للصفحة الثالثة وفي النهاية خرم صاحب البوست لبوسته فجاء حذرا ليلا يتلبد ووضع إجابة مختصرة هي : (للإثنين) ثم إبتعد بسرعة عن البوست وبذلك حلت عقدة البوست وحمد الجميع الله أن صاحبة السؤال لم ترجع لتسأل سؤالا اخر ..
وحديثا كان احد أعضاء هذا البورد قد كتب بوستا عن معجزات القرأن الكريم وكان يتلقى عبارات الشكر والثناء على هذا العمل من أعضاء البورد والأمر حتى هنا يسير بصورة طبيعية إلى أن اتى أحد الحانقين عليه ووضع مداخلة (تجليطية) حيث كتب (إنت من متين بقيت شيخ ؟ عالم منافقة بشكل!) وأيضا أصابت السكتة هذا البوست بعد تلك العبارة مباشرة حيث إبتعد الجميع عن الدخول لهذا البوست مرة اخرى (ربما لشعورهم انهم خدعوا في صاحب البوست!) وصاحل البوست نسه أثر السلامة ولم يعود لبوسته ذاك إلا بعد فترة طويلة وتفكير عميق في حجم الربح والخسارة المفترضة إذا ما عاد ..
الطريف أن ذات الشخص دخل إلى بوست يتشاجر فيه إثنان شجارا عنيفا (يعني البوست مسخن وعجاجو في السما) ويبدو ان ذلك الشخص لفت انتباهه عنوان البوست وإستذكر مثلا أخر قريبا كان البعض يستخدمه في طفولته فسأل صاحب البوست (إنت قاصد تلقى الـ .... ما تلقى الخرابة ، تلقى الخرابة الـ .. يابا ؟) ورغم أن ليس في السؤال والإجابة حرج إلا أن المتصارعين توقفا في دهشة لهذا القادم دون ميعاد !! وطفقوا يراجعون عباراتهما وهم في شك من أنفسهم وأصاب البوست هنا الجمود تماما بحيث أن (لو جا كرين تاني ما يرفعو) وذهب البوست غير مأسوفا عليه إلى الإرشيف ولعل الحسنة الوحيدة كانت في توقف قتال هذين الإثنين ..
صنفرة :
رغم أن التجلط أصاب بوستا يتحدث عن الأجزاء التناسلية للمرأة والإستعداد للزواج إلا أنني جاهدت في هذا البوست جهادا مستميتا حتى أعيد له حيويته بعد أن هرب منه الجميع وحتى صاحبه وكنت ارفعه بصعوبة بالغة ولا أجد أشخاصا للتعقيب عليه إلا نادرا رغم ان عدد زوار البوست بلغ أكثر من ستة ألف زائر لم تكن متناسقة ابدا مع عددية الردود وهذا يعني أن الجميع كانوا متابعين للبوست ولسان حالهم يقول (يا الله اديها قلة) دون ان يتجرأ احدهم لمد يده للمساعدة في هذه( القلة ) !!!
مراجع :
الإستعداد للزواج (1) /كل ما تحتاجه الفتاة للمعرفة عن ع...ها و الإعتناء به ,,
الى تروتسكى تلقى الوقت ما تلقى كي بورد عربى تلقى كيبور...وقت يلا تعال بى جاى
من معجزات القرآن الكريم
| |
|
|
|
|
|
|
|
|
 Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
الماجستيرة القلب النابض
Quote: اكتشفت نوعين من التكتيك
التكتيك الاول المطاردة أو المساككة: وهو أن يطارد شخص شخص آخر في أي مداخلة يعملها.
التكتيك التاني المطاعنة: |
أرجو أن تقومي بشرح هذين التكتيكين مع إيراد المراجع ولا تخشي في هذا المنبر لومة عضو
لأنني أريد أن أحصر جميع التكتيكات المستخدمة في هذا المنبر وأخشى أن يفلت بعضها من بين ثقوب ذاكرتي !!
صنفرة :
وبهذه المناسبة فقد إكتشفت قبل أيام تكتيكا مستقبليا خطيرا لم يستخدم بعد في هذا المنبر ولكنه قد يستخدم بكثافة في الأسابيع القادمة وسأعود غدا صباحا لشرحه .. وعليكم بقراءته وقد تحظون بسبق إستخدامه قبل أن ينتشر !!
| |
|
|
|
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
التكتيك الذي أنا بصدد كتابته هو احد انواع تكتيكات (المطالعات) ولكنه لم يستخدم حتى الان في المنبر لأنه تكتيك إبتكره بكري دون ان يدري لأعضاء هذا المنبر الذين يريدون تصفية حساباتهم دون أن تتسع دائرة من يتابعون الصراع وتكون مقتصرة فقط على أعضاء المنبر (لا من درى لا من شاف)
لعلكم فهمتم ما اعنيه بهذا الشرح ..
التكتيك المستقبلي القادم إسمه : طالعني (غير صالح للنشر) !!
ونرجو ممن يريدوا ان يكونوا من السباقين في إستعمال هذا التكتيك أن يتابعوا الشرح كي يستفيدوا من الدروس المجانية هنا
صنفرة :
سأحضر غدا للتفاصيل والإسهاب لـ (مطالعي المستقبل)
| |
|
|
|
|
|
|
|
|
|
Re: تكتيكات أوتومسفيرية للكتابة في المنبر (أمثلة حية وتطبيقات) !!! (Re: ناذر محمد الخليفة)
|
Quote: وحديثا كان احد أعضاء هذا البورد قد كتب بوستا عن معجزات القرأن الكريم وكان يتلقى عبارات الشكر والثناء على هذا العمل من أعضاء البورد والأمر حتى هنا يسير بصورة طبيعية إلى أن اتى أحد الحانقين عليه ووضع مداخلة (تجليطية) حيث كتب (إنت من متين بقيت شيخ ؟ عالم منافقة بشكل!) وأيضا أصابت السكتة هذا البوست بعد تلك العبارة مباشرة حيث إبتعد الجميع عن الدخول لهذا البوست مرة اخرى (ربما لشعورهم انهم خدعوا في صاحب البوست!) وصاحل البوست نسه أثر السلامة ولم يعود لبوسته ذاك إلا بعد فترة طويلة وتفكير عميق في حجم الربح والخسارة المفترضة إذا ما عاد ..
الطريف أن ذات الشخص دخل إلى بوست يتشاجر فيه إثنان شجارا عنيفا (يعني البوست مسخن وعجاجو في السما) ويبدو ان ذلك الشخص لفت انتباهه عنوان البوست وإستذكر مثلا أخر قريبا كان البعض يستخدمه في طفولته فسأل صاحب البوست (إنت قاصد تلقى الـ .... ما تلقى الخرابة ، تلقى الخرابة الـ .. يابا ؟) ورغم أن ليس في السؤال والإجابة حرج إلا أن المتصارعين توقفا في دهشة لهذا القادم دون ميعاد !! وطفقوا يراجعون عباراتهما وهم في شك من أنفسهم وأصاب البوست هنا الجمود تماما بحيث أن (لو جا كرين تاني ما يرفعو) وذهب البوست غير مأسوفا عليه إلى الإرشيف ولعل الحسنة الوحيدة كانت في توقف قتال هذين الإثنين .. |
وهنا أيضا !!!
يبدو انني أصبحت مادة أساسية لبوستاتك يا أستاذ ّّّ!
| |
|
|
|
|
|
|
| |
Munir
ناذر محمد الخليفة
القلب النابض
saif massad ali
معتز تروتسكى
PLAYER
bob
ناصر محمد خليل
إسماعيل حميم
فيصل نوبي
nashaat elemam
هاشم نوريت
فيس بوك
تويتر
انستقرام
يوتيوب
بنتيريست