ناذر الخليفه و اسئلته الرائعه woooooooow

Quote: وصل إلى أوغندا بصورة مفاجئة وفد من شركة تأمين أنجليزية وقابلت اللجنة الوطنية التي تحقق هذه الأيام في حادثة مصرع جون قرنق نائب رئيس الجمهورية ، وقد فوجئت اللجنة بالمستندات التي عرضها عليهم وفد شركة التأمين الإنجليزية والتي تثبت أن جون قرنق مؤمن على حياته بقيمة خمسة ملايين دولار !!! السؤال هو : لمن ستذهب أموال التامين تلك ؟ ومن أين أتت أقساط التأمين مبتدأ ؟ وهل يا ترى جميع قادة الحركة الشعبية مؤمنون على حياتهم بمبلغ مماثل لدي شركات تأمين مختلفة ؟ ومن يؤمن لمواطني الجنوب حياتهم الأن وقد بدات المجاعة تحاصر إقليم بحر الغزال وبعض الأقاليم المجاورة ؟؟ هل ستذهب أموال التأمين لزوجته ربيكا أم لصالح حكومة الجنوب أم للحركة الشعبية أم ستعود لرئاسة الجمهورية؟؟؟ وهل يا ترى قادة حكومة الإنقاذ مؤمنين أنفسهم بمبالغ مماثلة ؟؟؟ (وقلبي على وطن يذبحه أبناءه) !!!!!!!!!

Quote: لمن ستذهب أموال التامين تلك ؟

طالما جون قرنق مات انا شايف يوزعوها زكاة مال...اها انت رايك شنو؟؟

Quote: ومن أين أتت أقساط التأمين مبتدأ ؟

لو التامين ده جديد لنج بكون من صاحبو علي عثمان ... لو قديم شويه اكيد من الموساد او ال CIA اما لو كان قديم خالص خالص فقطع شك بكون من ال KGB مش ناس الانقاذ قالو الزول ده كان شيوعي قبال ما يقلب يبقي صهيوني و اخيرا بقي كوز

Quote: وهل يا ترى جميع قادة الحركة الشعبية مؤمنون على حياتهم بمبلغ مماثل لدي شركات تأمين مختلفة ؟

وفضلنا بعضكم على بعض في الرزق...انت حاسد ولا بغران
I wouldn’t loose sleep over it, wouldcha??

Quote: ومن يؤمن لمواطني الجنوب حياتهم الأن وقد بدات المجاعة تحاصر إقليم بحر الغزال وبعض الأقاليم المجاورة ؟؟

لا بلاهي...يعني خلاص حارقين حشاك...تعال نجمعليهم تبرعات ... مستعد تدفع؟؟

Quote: هل ستذهب أموال التأمين لزوجته ربيكا أم لصالح حكومة الجنوب أم للحركة الشعبية أم ستعود لرئاسة الجمهورية؟؟؟

ممكن نجاوب علي السؤال ده بي سؤال...التأمين ده بعملوا للاقربين ولا صدقة جاريه للحكومات و الحركات؟؟

Quote: وهل يا ترى قادة حكومة الإنقاذ مؤمنين أنفسهم بمبالغ مماثلة ؟؟؟

وهل يا تري هم محتاجين تأمين اكتر من كده؟؟

Quote: (وقلبي على وطن يذبحه أبناءه) !!!!!!!!!

و الله يا ناذر فعلا قلبي على وطني!!!!!!!!!!!


الاخ إسماعيل التاج سلام

Quote: ربما تكون قيمة التأمين السنوي في حدود مائة ألف في السنة أو ما شابه ذلك

يا زول الكلام ده جبتو من وين؟؟ انا المسكين ده عندي تأمين بي 250 الف دولار و بدفع اقل من عشرين دولار في الشهر...تأمين بي 5 مليون بكلف اقل من 400 دولار في الشهر لو كان لخمسه سنوات لزول بصحه جيده و غير مدخن...و اقل من 800 دولار في الشهر لعشر سنوات


طبعا ده كلو كوم و كذبة اغسطس بتاعة اخبار اليوم دي كوم
اولا الجريده الاوغنديه لم تتطرق لمبلغ البوليصه سواء كان دولار واحد او 5 ملايين...الظاهر بحترمو قرائهم...
ثانيا من البديهيات معلومات زي دي ما اظن الشركة المؤمنه غبيه للدرجة دي عشان تفرط بيها بي طيب خاطر ... و تخاطر تكسر قوانين ممكن تكلفها ملايين الدولارات...يا ابوي ديل اساطين الراسمالية دقسه زي دى ما بدقسوها