نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: دفتر احوال ضابط الشرطة المناوب (Re: Ali Sirelkhatim)
|
anuer alhassan to me show details 4:36 PM (1 minute ago) Reply
اخى جنابو على كل التحايا والود لك وللاخوه بوليس الزمن الجميل كم تمنيت ان ادون بدفتر الاحوال ولكن الاخ بكرى لم يرد على رسائلى ممكن تدوها دفره من عندكم كما لى طلب من الساده الزملاء الضباط سواء المحالين للمعاش اوالقدموا استقالاتهم او الاخوه الملكيه خفوا شويه على دفعتى عمر لااظن ان عمر ولا نحن كظباط نرضى بالمهاترات والالفاظ من الاخوه الملكيه ومن حق اى واحد فينا ينتمى للحزب البشوف فيهو قناعاتو وافتكر دى ما جريمه لكن الجريمه انك تصف انسان بانو انتهازي وكوز وانته اصلا ما بتعرفو عنو اي حاجه ولاعايشتو ولا حتى التقيت به مره واحده عمر عثمان دفعتى . ومساله الخطاء والصواب والنصح بالرجوع عن الخطا( لان الناصح هو الصواب) مساله ترجع للاخ عمر مع خالص تحياتى وتقديرى ملاذم اول شرطه معاش انور الحسن الدفعه 56
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
Eltayeb Medani to me show details 8:00 PM (2 hours ago) Reply
الاخ علي الشكر لك بدعم الطلب اظن انا حسبت التوقيت خطأ الوداني اكلب الشوايقه علي شنو .... ربنا يستر الاخ اسامه الكرور التحيه لك والمعزره بس خلونا ناخد الباس ورد وتاني مينا هابشنكم انا الطيب مدني الطيب وليس الفاتح الطيب مدني كما زكرت وداك الله لا وراكم ليه دفعتي وصديقي بعرفه كويس للقاء بوليس مدني
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
الأخ الطيب مدنى
تحياتى وأشواقى
آسف للخطأ غير المقصود .. وقبلنا إعتذارك .. وعم بنمزح .. زى مابقولوا الشوام
خلاس ياسعادتك سحبنا إعتراضنا ( بعد إذن وموافقة سيادتو فيصل)
وتحياتى مكرره للأخ الفاتح الطيب مدنى وبرضوعايزنو يجى هنا ويسجل حضور وياخد باسوورد كمان
| |
|
|
|
|
|
|
Re: دفتر احوال ضابط الشرطة المناوب (Re: أسامه الكرور)
|
الاخ الدفعه الطيب مدنى الطيب مدنى (بوليس مدنى) ليك شوق مطر انتا يادفعه ماك عاقل؟؟؟ فى زول يعمل عمليتك دى!!!!!!! البوليس 110% قوته من الشايقيه ولو سالتنى من الرقم اعلاه اقول ليك انو القوة الحاليه 99%من الشايقيه اما بقية الزبادة فى الرقم لاولادم واولاد اولادم الماحملوا بيهم او بيقروا فى المدارس لسع وطبعا مهم جدا للبوليس وجود الشايقيه (لانهم كالبهار فى الطعام) وانا مابفسر وانتا ماتقصر ...... تحيه خاصة لكل الشايقية العملنا معهم والذين لم نعمل معهم وعرفناهم فقط من خلال البوليس وتحية اخص لابناء دفعتى من الشايقية من الحسين محمد المكى (الناطق الرسمى باسم الشايقية بالدفعه) وحتى عبد الماجد تاج السر(شايقية نيويورك) وخليك حريييييييييف يالطيب
| |
|
|
|
|
|
|
Re: دفتر احوال ضابط الشرطة المناوب (Re: محمد عبدالمنعم التلب)
|
( الأخ الطيب مدنى
تحياتى وأشواقى
آسف للخطأ غير المقصود .. وقبلنا إعتذارك .. وعم بنمزح .. زى مابقولوا الشوام
خلاس ياسعادتك سحبنا إعتراضنا ( بعد إذن وموافقة سيادتو فيصل)
وتحياتى مكرره للأخ الفاتح الطيب مدنى وبرضوعايزنو يجى هنا ويسجل حضور وياخد باسوورد كمان )
الصديق الطيب مدنى تحياتى زى ما قال ليك العزيز أسامة قلنا نعاكسك شوية ونمزح معاك , يا زول مرحب بيك ولو ما شالك المنبر تشيلك العيون , ونضم صوتنا لعلى سر الختم ونطالب الباشمهندس بكرى رقم أنو لا يخلو من غتاتة بأن يمدك بباسوورد على وجه السرعة , حتى تتمكن من المدافسة معنا فى هذا الفضاء الذى أصبح متنفسنا الوحيد . لك التحايا والتقدير .
| |
|
|
|
|
|
|
Re: دفتر احوال ضابط الشرطة المناوب (Re: فيصل عثمان الحسن)
|
Eltayeb Medani to me show details 9:42 AM (2 hours ago) Reply
الاخ ود السر اها دي وحياتك ما فيها ولاجنس شايقي ولا حتي بوليس ما فيها كلها سحبتها كمان دحلوا فيها اهل العوض ديل ناسي وانا بقدر عليهم واحد مسطول سال ناس بيتهم: جيرانا ديل ضابحين ولا شنو قالوا ليهو ليه قال ليهم: ريحة الابرى ده شنو؟ -------------------------------------- قال ليك واحد تكاسى راكبة معاهو بنت كل ما بطنو تكركب يروح ضارب البورى شدييييد الحكاية دى كررها ليك عدة مرات و فجاة كده جات غنماية قاطعة الشارع البنت قالت ليهو : موش الغنماية دي اصدمها بس عليك الله بوريك العفن دا تانى ماتضربو) -------------------------------------- -------------------------------------- مرة كبيرة من اهل العوض بتاخد فى حصة محو اميه وكان الدرس عن دخل حامدوخرج حامد كل ما الاستاذ يقول دخل حامد تقوم المرة تغطى وشها ولما يقول خرج حامد تفتح وشها لما رجعت البيت زوجها سأله اها الليله ادوكم شنو؟ قالت ليه هو حامد خلانا نقرا طالع وداخل فينا -------------------------------------- مسطول عمل عملية تجميل .. جاء داخل لناس بيتهم قال ليهم: تصدقوا ما عرفتكم -------------------------------------- واحد مسطول بيسمع فى اربعة بتغالطوا. اتنين بتغالطوا فى انو الهلال هزم المريخ .. والاتنين التانين بتغالطوا فى المسلمين هزموا المشركين فى بدر المسطول عاين ليهم كـــــــداااا وقاليهم معناتا الهـلال حيلاقى المسلمين فى المباراة النهائية -------------------------------------- كديسة مسطولة وقعت من الحيطة قعدت خمس دقائق تفكر «يا ربي ناااو ولا هووو !! -------------------------------------- مسطول سرق كفن من المقابر ومشى يبيعو .. سأل بجيب كم؟ قالوا ليه : يعني بالميت كده 30 الف .. رجع المقابر جاب الجثة -------------------------------------- مسطول دخل علي مرتو شايل كديسة قال ليها رأيك شنو في الغوريلا دي مرتو قالت ليهو دي ما غوريلا دي كديسة قال ليها انا بتكلم مع الكديسة -------------------------------------- مسطول شرب الدوا قبل موعده بخمس دقايق عشان يفاجئ الجراثي -------------------------------------- مسطول طالع من الدكتور بيتكلم مع روحه ضب في صحن؟ .. لا لا سحليه فى جك؟ .. لا لا قعونجه فى جردل؟ ... لا لا تمساح فى بانيو؟ .. لا لا رجع للدكتور تانى وقاليهو: إنت يا دكتور قلت عندي شنو؟؟ قاليهو : عندك سرطان فى الحوض
| |
|
|
|
|
|
|
Re: دفتر احوال ضابط الشرطة المناوب (Re: الطيب عثمان يوسف)
|
*** ( طارق و الطيب )
..... متفقدين
*** الأخ ســلاطين : أجدد لك التحيه و الترحاب بقلب صاف
و إنت مننا و فينا و التحايا عبركم للوالد
*** يا عمر محمد عثمان حتى مولانا عادل سمير بقى يجليك وتلقاهو مسح رقم تلفونك الزمان كان بسأل عنو
يعنى لو ما خليت جنك ده احتمال معاهم كرسى احتياطى ماتلقى .. ولو ما لقيت معاهم كرسى و فكرت تمشى على ناس
نتنياهو بكون عبد الواحد بتاع ( الهواكير ) أداهم اسمك .
**** مخارجه
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
Eltayeb Medani to me show details 7:36 PM (17 minutes ago) Reply
ود السر الحمد لله الجماعه اياهم فكو الحظر وبقت صافيه المفضال التلب الشوق لك و الاسره وصيتك عن الجماعه اياهم من الأن ستنفذ السيد فيصل عثمان الحسن التحيه والشكر علي فك الحظر اصلو نحنا بلاكن ما بنسوي شئ الاخ عمر عثمان كفايه ضحكتكم انتو اما علي الطويل زعله ما مشكله الحبيب فارس شايفك مسخن وسط جليد (دنفر)الحكايه شنو لو كنت في (دالاس)تولع نار الدفعه الطيب عثمان اولآ الف مبروك النجاح من ماجميعه لانه فعلآ نجاح للجميع وفرحنا به كثيرآ اااااااااااااا لكن طبعتك ما بتخليها ااااااااااا والفيك اتعرفت الي اللقاء بوليس مدني
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
الاخ الزميل الطيب مدنى تحيةطيبة مرحبا بك ياطيب اصلو البوليس كلو ناس طيبين الطيب يوسف الطيب البلة الطيب عبدالجليل الطيب محمدخير الطيب عبد الرحمن مختار الاقدمية مقلوبة والقائمة تطول نتمنى من الاخ بكرى يعجل لك بالباسورد عشان نشوفك معانا فى ضباط الشرطة المحالون للصالح العام .
| |
|
|
|
|
|
|
Re: دفتر احوال ضابط الشرطة المناوب (Re: على جويلى)
|
Eltayeb Medani to me show details 4:35 AM (4 hours ago) Reply
الخ ود السر السيد علي جويلي الشكر علي الترحيب الحار ان دل انما يدل على الكرم الفياض وطيبه اهل الداروسماحه الخلق الشكر عبركم الي الجميع ودي مني ليكم (مسسسساطيل) اااااااااا مسطول اخوه مات الجماعه قسلوه ولفوه بي الكفن قبل عليهم قال ما في واحد عندو ولاعه ------------------------------------------ مسطول ودوه الخلوه يقرآ قرأن رجع البيت سالوه ادوكن شنو قال :الشيخ زاتو ما عارف حاجه مره يقول القارعه ومره يقول ما القارعه ------------------------------------------ مسطول قالوا ليه الممثل عادل امام مات قال :اليله نكير الضحك شرطو ------------------------------------------- مسطول خطيبتو قالت ليه انا اهم حاجه عندي الاخلاص قال ليها انا اهم حاجه عندي الحمدو --------------------------------------------- مسطول بحكي لي صاحبه قال ليه امبارح مشيت لي سماره شلت ليهم الفاتحه في ابوهم المات :::صاحبو قال ليه الناس ديل اقباط قال ليه ما عشان كده كشحتهم ليك بي (قل يا ايها الكافرون)لامن امنوا ---------------------------------------------------- مسطول جاء ليه صاحبو قال ليه الحق مرتك بتخون فيك مع اعز صديق لك المسطول قام جاري ورجع قال ليه يا راااااجل ظلمتها ده لاصديقي ولا بعرفه -------------------------------------------------------- سوداني ومصري مساطيل بتونسوا السوداني قال الدنيا دي كلها مآسي المصري :::ليه هو مقاسك اد ايه يعني ؟ --------------------------------------------------- مسطول عملوا معاه لقاء في التلفزيون المزيع: ما هو اصعب موقف مر بيك في حياتك المسطول : يوم ما كنت بحلق في دقني وبلوك لي في لبانه ----------------------------------------------------- مسطول خطب في صلاة الجمعه سآل صاحبو رايك شنو في الخطبه قاليهو كويس عندك اغلاط بسيطه اولآ: المنبر عندو سلم مافي داعي تتلب بعدين حكايت السجاره بين الخطبتين دي شنو وما حصل سمعنا بي صحابي اسمه تامر وبالنسبه لي ابو جهل صاح هو كافر لكن ود الحرام دي مافي ليها داعي والريس عمر ماسمعنا بيه شارك في غزوه احد غيركده انت مايه الميه -------------------------------------------- مساطيل جاتم كشه طفوا السجاره سالوهم الدخان ده من وين قالوا والله البيت ده نحنا اجرناه كده -------------------------------------- مسطول مرتو قالت ليه وانا بصلي جات الكديسه اكلت عشاك وانا دقيتا وجرت بره قال ليها ما مشكله انا بجيب كديسه تاني ---------------------------------------- مسطول ربي ليه دقن ومشى الجامع واحد جا متاخر شاف الدقن قال ليه يا مولانا الصلاه فاتتني بي ركعتين اعمل شنو قال ليه :في زول شافك قال ليه :لا قال ليه : اعمل نايم ------------------------------------ مسطول سآلو صاحبو قال ليه :الشي البقول نااااووووو وبطير شنو؟ قال :كديسه ادوها شلوووووت ----------------------------------- مسطول صائم سخنت معاه اتصل بي برنامج ما يطلبه المستمعون قال ليهم بالله ممكن تسمعونا مقطع من آذآن المقرب ----------------------------------------- مسطول سالوه في لقاء تلفزوني عن سبب سخانه الجو اليومين ديل قال :السبب مشجعين الكوره شبكونا فوق فوق سودانا فوق لي حدي ما تكلونا جنب الشمس ----------------------------------------------- مسطول طالع قي سلم بدق في مسامير اول مسمار وقع قال ليه تعال المسمار ما جا رمي بفيه المسامير قال لهن ارفهوه امكن الوقعه اثرت معاه --------------------------------------------- مسطول جابوه للقاضي قال ليه قول 11 حاجه بتعملا في يومك تبدآ بي حرف الباءانا بفرج عنك قال &بجيبا & بختها & بفتفتا & بعزلا & بلفها & بولعا & بشربا & بسطل & بطفيها & بجدعا & بنوم ------------------------------------------------------- الي اللقاء للنوم بوليس مدني
| |
|
|
|
|
|
|
Re: دفتر احوال ضابط الشرطة المناوب (Re: أسامه الكرور)
|
anuer alhassan to me show details 10:15 PM (1 hour ago) Reply
سعاتو على بعد التحيه انا اتساءل ....هل المطلووووب اوراق ثبوتيه ام المطلوب واسطه كاربه..... ولا شيخ من الصوفيه عشان الواحد يكون ليهو باسورد عشان يقدر يمر على دفتر الاحوال وانا شايف كل الناس بتخاطب ابو بكروتشكرو بخصوص منح الباسورد وانا متاكد انو فى كميه من ناس البوليس عايزه تمر على الدفتر لكن ماعندهم..واسطه..ولا..اوراق ثبوتيه..ولا..شيخ كارب م/ا شرطه معاش انور محمد الحسن
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
Eltayeb Medani to , me show details 9:33 PM (8 hours ago)
كيف تقود سيارتك في السودان؟ القاعدة الذهبية في القيادة في السودان:ـ ـ'عامل جميع السيارات الأخرى كخصوم وأعداء لك'!!!ـ اشارات الإنعطاف:ـ لا تستعمل أي إشاراة انعطاف ضوئية أو يدوية.ـ لأن في ذلك كشف لنواياك وإتجاهاتك للأعداء.ـ وإذا تطلب الأمر، إعط إشارة لليمين ثم إستدر يسارًا أو العكس.ـ المشاة:ـ المشاة قوة معرقلة لك، لا تأبه لهم ولا تنظر اليهم.ـ مع ذلك تجنب أن 'تطقش' أحدهم ما لم تكن مهيئاً للفرار دون أن يدركك أحد أو ان تكون مهيئاً ماليًا لتحمل تبعات ذلك. ونحن هنا نفضل الخيار الاول.ـ سيارتك (قديمة أو جديدة)ـ إذا كانت سيارتك قديمة ...ـ إعتمد على مبدأ: 'اللي خايف على سيارته يزح '.ـ أما إذا كانت سيارتك جديدة ...ـ فإبتعد عن السيارات المعفنة والمهكعة.ـ لأنها عدو لا يرحم وأصحابها يتلذذون في خدش سيارتك.ـ الدخول للصينية:ـ حين تدخل الى الصينية ، لا تنظر الى السيارات القادمة من اليسار.ـ لان من ينظر اليهم يعني أنه منتبه لهم، لذا يجب أن يعطيهم الطريق، فيفقد بذلك حق من حقوقه المكتسبة.ـ الإزدحامات المرورية:ـ إعتمد على قاعدة: 'اللي يدخل سيارته أولاً يربح'،مع الاستمرار بالضغط على البوري 'بييب بيييييب'.ـ ولكن إحذر أن تستخدم هذه القاعدة مع سائقي "الهايسات و الروزات " خوفاً على سيارتك وحياتك!ـ عند السير البطئ:ـ لا تترك مسافة بينك وبين السيارة التي أمامك أبدًا.ـ لان ترك مثل هذا الفراغ يعني دخول سيارة أمامك، وهذا يكون على حساب كرامتك ومكانتك الشوارعية وفق المفاهيم السائدة حاليًا.ـ خطوط المسار الطولية:ـ حاول دائما ان يكون خط المسار بمنتصف سيارتك.ـ هذه طريقة مثالية لحجز مسارين، في حال خسارتك لمسار لأحد الأعداء، يبقى لك المسار الآخر، مع فرصة لإسترجاع المسار المفقود من الخصم.ـ إشارات المرور:ـ عند الوقوف لاشارة المرور الضوئية، يجب البدء بالبوري 'بيييب بييييييييب' عندما تتوقع اقتراب اللون الاخضر.ـ مع توقع ارتطام ميكرو من الخلف ، ولكنه معذور، فالزبون ينتظر في الشارع يا حرام.ـ الطريق السريع (الهاي وي)ـ إحرص على أن تلز او تلزق سيارتك بالسيارة التي أمامك، وحين يراك سائقها و انت ملاصق له بإصرار يكون هناك ثلاث إحتمالات:ـ إذا كان ذلك السائق جباناً فلا بد أن يفسح لك المجال لتجتازه، وبذلك تكون قد حققت نصراً معنوياً عليه، ولك أن تنظر له نظرة إستصغار واحتقار وأنت تجتازه.ـ إذا كان مؤدب 'شوية'ـ سيفسح لك المجال لإجتيازه، ولكن آنذاك قد تسمع بضعة كلمات قد يكون فيها أسماء حيوانات أو أهالي أو أشياء أخرى. فلابد أن تتوقع ذلك.. وما عليك في هذه الحالة الا الاشارة بيدك 'وانت مبتسم'. ـ!!!!! أما إذا لم يكن مؤدباً (وهم الأغلبية السائدة في الشوارع حاليًا)ـ فسوف يبدأ بالتباطؤ، والانعطاف ناحيتك 'يحدك' على صبات الطريق او شبك , او شجرة ، ففي هذه الحالة يجب أن يكون حزام الامان غير مربوط حتى تنزل بسرعة من السيارة وتبدأ معركة صغيرة بالأسلحة البيضاء. وكن على اتم الاستعداد لمثل هذه الحالات بعصا، شاكوش، مفك. مع تكرار نفس اسماء الحيوانات والأهل مع بعض التعديلات (انت وحظك).ـ
وفي الأخير يجب أن تعرف أن القيادة فن و ذوق وأخلاق
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
أهديكم مقال سعادة المقدم ( م ) محمد عبدالله الصائغ ، وهو أحد القادة الميامين الأكرمين النادرين ، موجهاً عبره رسالة إلى سعادة الفريق محمد الحسن يوسف .. تحمل الكثير من الدروس المجانية المفيدة والعبر المستفادة من بوليس الزمن الجميل إلى الأجيال الحاضرة .. وتجسد الكثير من القيم والمعاني من رجال عرفوا الوفاء وأهل الوفاء .. متعكماالله بالصحة والعافية قادتنا الفريق محمد الحسن يوسف والمقدم محمد عبدالله الصائغ ..
Quote: رساله للسيد الفريق شرطه .. محمّد الحسن يوسف .. بقلم: مقدّم شرطه "م" محمّد عبد اللّه الصّايغ السبت, 23 مايو 2009 10:07 مقدّم شرطه " م "
محمّد عبد اللّه الصّايغ
ليته كان بيد عمرو سعادة الفريق محمّد الحسن يوسف
جلسنا يا سيدي الى السيد سيد احمد الحسين وزير داخليّة الديمقراطيّه الثالثه في ذلك الاجتماع والّذي جاء في يوم شتوي من شهر فبراير من العام 1987 وكأنّما على رؤوسنا الطّير . كان الجّوّ ثقيلا مفعما برائحة ال .. خيانة ربّما .. كانت هنالك بعض الوجوه يبدو عليها " الارتياح " .. نعم .. ولكن .. لا تبتئس يا سيّدي فهي لم تكن بذلك الحجم لا كمّا ولا كيفا . جلسوا عصبة .. متجاورين و .. صفّقوا في ذلك اليوم حتّى أدمت أكفّهم .. نفس الوجوه .. رأيتهم يصفّقون لك ، في مرّات سابقه ، حتّى يخرجوا عن الوقار ان كان ثمة . توجّست خيفة وانا اضع نفسي داخل تلك القاعه بدار الشرطه ببري والتي كان ملحوظا فيها غيابك والفريق اوّل فيصل محمّد خليل ، للمرّة الاولى ، عن اجتماع في ذلك المستوى .. حاولت ، بلا جدوى ، طرد تلك الافكار " السوداء " وجلست أحدّث نفسي .... انّنا في عهد ديمقراطي صنعناه بأيدينا ال " حاضره " هذه .. أذن الامر لم يكن حلما بل حقيقة ماثله ولا يمكن أن يكون هنالك ضرب " تحت الحزام " أمّا هذه القلّة المستبشره والّتي بدا عليها " الارتياح " فلربّما تسعها عبارة " ... واذا تفرّقوا ضاعوا " .
سيدي الفريق
وأنت تبني هذه القوّه في تمهّل " طوبه طوبه " بقوّة خارقه كانت فيك .. تشعلها قمحا و .. وعدا وتمنّي لم تكن ترمي الى العلاقات " الرخيصه " بينك وبين زملائك .. بل كنت تحفر في دواخلهم حتّى تصل الى الارض الثابته كي تقيم عليها بنايتك من أجل أن يمضوا بهذه القوّه الى حيث أردت لها أن تكون ... تعلّمنا منك يا سيدي كيف يكون الحزم والحسم مبدأ وكيف يكون القائد عنوانا و .. هيبه وكيف يكون الضّعف سبّة .. كيف ولماذا يفخر الرجال برجل مثلهم يأكل الطّعام ويمشي على ساقين ولا تأخذه في الحقّ لومة لائم .. تعلّمنا الشجاعة والقوّه وأخذ الحقّ لصاحبه " حمرة عين " .. تعلّمنا كيف نتّخذ القرار في اكثر الاوقات حرجا وتعلّمنا .. أن رضاء الرئيس ليس سلعة تباع وتشترى ولكن هو شيئ لا يتأتّى الاّ من خلال الأمانه و البذل والعطاء والتفاني .. علّمتنا يا سيدي كيفيّة التمييز بين القيادات العظيمه .. القويّه والتي خلقت لتلعب دورا في التاريخ وتلك الرخوه والتي لوجودها وعدمه نفس الاثر الى أن يقضي اللّه أمرا كان مفعولا .. لم يكن اي شخص ليجرؤ على الدخول الى مكتبك قبل مراجعة هندامه وزيّه العسكري وقبل التثبّت والمراجعه الدقيقه لما أتى او استدعي من أجله .. والجميع يعلمون ان الرجل الّذين هم بصدد الدخول اليه ليس أيّ رجل ولكنّه المتعمّق المترفّع عن سفاسف الأمور العارف لكلّ صغيره وكبيره .. بواطن الامور وظواهرها .. دقائقها والعين الفاحصه والّتي لا تقنع أبدا بما هو باد .
في بداية الثمانينيات عندما تمّ نقلكم مديرا لشرطة العاصمه القوميّه كنت انا ضابطا بشرطة المرور والنجده . وصل خطاب يحمل توقيعكم لكل المناطق في اليوم التالي لاستلامكم بانّه على كل ضابط بطرفه اجراءات محكمة شرطه الحضور لمكتبكم صباح اليوم التالي ومعه كل الاجراءات المتعلّقه بتلك المحكمه . في السويعات التي سبقت ذلك الموعد عكف الجميع على تكملة اجراءاتهم وسافر البعض الى حيث يوجد الشهود لكل انحاء السودان مدني .. الابيض .. الدامر .. كسلا .. ومنهم من حضر مباشرة الى مكتبكم من تلك السفريّات وقد هالني حجم تلك المتأخّرات من عدد الساده الضبّاط الذين ضاق بهم مبنى المديريّه على سعته .. كانوا هنالك في الوقت المضروب بالثانيه .. ومن ذلك تعلّمنا ان العدل انّما هو في سرعة الفصل وان مصائر الرجال شيئ مقدّس لا يجب التلاعب به .. تعلّمنا من هو القائد "المهيب" الذي توزن كلماته بميزان الذّهب ولا يذهب حرف منها ادراج الرياح
سيّدي الفريق
لقد كنّا نندهش من النظام الذي كان يسود المباحث المركزيّه تحت قيادتكم .. كل هذه الادارات .. الحضور في مواعيد محدّده .. رفع الدفاتر .. نزول الاوامر .. المتابعه الدقيقه للتنفيذ ..التنسيق بين الادارات المختلفه الميدان .. التحقيق .. الانتربول .. السجلاّت ... كيف كنت تقاتل من اجل ضؤ الشمس والهواء الطلق .. تحارب الظّلام وخفافيشه وهوامه .. وتبني اراءك في البشر على التعامل المباشر معهم فانتفى عن محيطك ناقلو الاخبار ومروّجو الاشاعات وماسحو الجوخ والوالغون في اعراض ومحارم الاخرين .
سيدي الفريق
لقد كان ذلك الاجتماع في ذلك اليوم الشتوي من فبرائر من العام 1987 هو بداية التقويم الفعلي ل " ثورة " الانقاذ الوطني " بيد " السيد وزير داخليّة الديمقراطيّه الثالثه .. في ذلك الاجتماع دفن الوطن الّذي عرفنا ، دفنت الشرطه ودفنّا نحن ومعنا أيضا دفن أصحاب الوجوه الّتي بدا عليها " الارتياح " .. ومن المقابر عاد رجلان ما زالا يبحثان ، حتّى الان ، عن سرادق العزاء ... انت والفريق أوّل فيصل محمد خليل عليه رحمة اللّه ورضوانه .
سيدي الفريق
انا ضابط عمل تحت قيادتك ..كنت أنوي الكتابة في شكل مختلف ولكني عجّلت بكتابة هذه الرساله اليكم لاسباب أولها أنّني انّما أردت أن أسمعك صوتي ... بكلمة وفاء ، في زمن عزّ فيه الوفاء ، من على بعد سحيق بحساب المسافة والمكان.. بحقّ في حقّك في هذه الحياة الفّانيه . وثانيها انّ الرجال امثالك يجب التوثيق لهم .. يجب أن يعرفهم شعبهم .. ان يعرف ذلك الشّعب أي قائد فقد ومتى وكيف .. أيّ قائد فقد .. ليس في ظلمات الصالح العام الاخيره .. ليس بمعاولهم والّتي ما عادت تؤاخذ ولكن ويا أسفي من " ولكن " هذه ....يا ليتها كانت يا سيّدي بيد عمرو... فالقائد الذي يقول لجنوده " اتبعوني " هو غير القائد الذي يقول لهم ، من مكمنه الآمن ، " اهجموا " ... انّه هو من كان يتطلّب الموقف وجوده .. في الّليل الحالك ذاك ..... و " النّي للنار " . وثالثها يا سيّدي حتّى أضم صوتي للزميل العزيز المقدّم " م " تاج السر محمد حسين لتحريضكم على ان تكتب لان الامر ليس ملكك .. فدعه يكون أوّل شيئ في حياتك يخرج عن طوعك ..لأنّه صفحة نابضة من تاريخ هذه القوّة التي أحببت .. هو جزء من تأريخ السودان ويهم شعب السودان العظيم الذي عملت من أجله .. هذا الشعب الّذي ما زال " ينقّب " ، ومعه أيضا " ينقّب " السيد وزير داخليّة الديمقراطيّه الثالثه ، في " أسباب " انهيار الدّوله الّتي كان اسمها السودان وأيضا انهيار الديمقراطيّه الثالثه بتلك الصوره " الهشّه " نعم الهشّه و.. " المزريه " و " المهينة " أيضا ...
|
| |
|
|
|
|
|
|
Re: دفتر احوال ضابط الشرطة المناوب (Re: عبده عوض)
|
الأخ عبده عوض شكراً على الهديه المقال وهم قاده يستحقون هذا الكلام وأكثر وتحياتى للمقدم حمدى الصائغ فقد كان إمتداداً لذلك الجيل وقد رأيته فى إجتماع الإحتياطى المركزى هو وبعض الزملاء يلقمون وزير الداخليه الإنقلابى بكلمات مثل الرصاص تهرب من الرد عليها وأمانينا أن يشرفنا السيد المقدم حمدى الصائغ بالمرور على الدفتر والكتابه هنا
............... الأخ التلب تحياتى لكم وللأسره الكريمه أين اللقاء الذى وعدتنا به ؟؟؟ فى إنتظار إفادات سعادة السيد الفريق أول عثمان الشفيع
| |
|
|
|
|
|
|
Re: دفتر احوال ضابط الشرطة المناوب (Re: أسامه الكرور)
|
الاخ العزيز اسامة الكرور ما شاء الله عليك مرور متواصل وحضورجميل ... كما قلت فى موضع اخرالذاكرة اصبحت خربة. فى عام 1987 المكان القسم الغربى على عهد السيد عمر بن عبد العزيز الله يطراه بالخير كان فى ملازم اسمه اسامة عمل معنا يذكرنى بالسيد الصائغ فى كل شىء هل هو اسامة الكرور ام اسامة اخر (هل ولاماهل ) واذا ماهل من يكون .....ولك منى احتراما وتقديرا .
| |
|
|
|
|
|
|
Re: دفتر احوال ضابط الشرطة المناوب (Re: على جويلى)
|
Quote: انا ضابط عمل تحت قيادتك ..كنت أنوي الكتابة في شكل مختلف ولكني عجّلت بكتابة هذه الرساله اليكم لاسباب أولها أنّني انّما أردت أن أسمعك صوتي ... بكلمة وفاء ، في زمن عزّ فيه الوفاء ، من على بعد سحيق بحساب المسافة والمكان.. بحقّ في حقّك في هذه الحياة الفّانيه . وثانيها انّ الرجال امثالك يجب التوثيق لهم .. يجب أن يعرفهم شعبهم .. ان يعرف ذلك الشّعب أي قائد فقد ومتى وكيف .. أيّ قائد فقد |
*** ســعادة الفريق / محمد الحسـن يوسـف
*** ســعادة ( الفريق ) حمـدى الصائغ
،،
رجال توقف الزمان من أن يجود بمثلكم
| |
|
|
|
|
|
|
Re: دفتر احوال ضابط الشرطة المناوب (Re: الطيب عثمان يوسف)
|
Quote: أهديكم مقال سعادة المقدم ( م ) محمد عبدالله الصائغ ، وهو أحد القادة الميامين الأكرمين النادرين ، موجهاً عبره رسالة إلى سعادة الفريق محمد الحسن يوسف .. تحمل الكثير من الدروس المجانية المفيدة والعبر المستفادة من بوليس الزمن الجميل إلى الأجيال الحاضرة .. وتجسد الكثير من القيم والمعاني من رجال عرفوا الوفاء وأهل الوفاء .. متعكماالله بالصحة والعافية قادتنا الفريق محمد الحسن يوسف والمقدم محمد عبدالله الصائغ ..
Quote: رساله للسيد الفريق شرطه .. محمّد الحسن يوسف .. بقلم: مقدّم شرطه "م" محمّد عبد اللّه الصّايغ السبت, 23 مايو 2009 10:07
مقدّم شرطه " م "
محمّد عبد اللّه الصّايغ
ليته كان بيد عمرو سعادة الفريق محمّد الحسن يوسف
جلسنا يا سيدي الى السيد سيد احمد الحسين وزير داخليّة الديمقراطيّه الثالثه في ذلك الاجتماع والّذي جاء في يوم شتوي من شهر فبراير من العام 1987 وكأنّما على رؤوسنا الطّير . كان الجّوّ ثقيلا مفعما برائحة ال .. خيانة ربّما .. كانت هنالك بعض الوجوه يبدو عليها " الارتياح " .. نعم .. ولكن .. لا تبتئس يا سيّدي فهي لم تكن بذلك الحجم لا كمّا ولا كيفا . جلسوا عصبة .. متجاورين و .. صفّقوا في ذلك اليوم حتّى أدمت أكفّهم .. نفس الوجوه .. رأيتهم يصفّقون لك ، في مرّات سابقه ، حتّى يخرجوا عن الوقار ان كان ثمة . توجّست خيفة وانا اضع نفسي داخل تلك القاعه بدار الشرطه ببري والتي كان ملحوظا فيها غيابك والفريق اوّل فيصل محمّد خليل ، للمرّة الاولى ، عن اجتماع في ذلك المستوى .. حاولت ، بلا جدوى ، طرد تلك الافكار " السوداء " وجلست أحدّث نفسي .... انّنا في عهد ديمقراطي صنعناه بأيدينا ال " حاضره " هذه .. أذن الامر لم يكن حلما بل حقيقة ماثله ولا يمكن أن يكون هنالك ضرب " تحت الحزام " أمّا هذه القلّة المستبشره والّتي بدا عليها " الارتياح " فلربّما تسعها عبارة " ... واذا تفرّقوا ضاعوا " .
سيدي الفريق
وأنت تبني هذه القوّه في تمهّل " طوبه طوبه " بقوّة خارقه كانت فيك .. تشعلها قمحا و .. وعدا وتمنّي لم تكن ترمي الى العلاقات " الرخيصه " بينك وبين زملائك .. بل كنت تحفر في دواخلهم حتّى تصل الى الارض الثابته كي تقيم عليها بنايتك من أجل أن يمضوا بهذه القوّه الى حيث أردت لها أن تكون ... تعلّمنا منك يا سيدي كيف يكون الحزم والحسم مبدأ وكيف يكون القائد عنوانا و .. هيبه وكيف يكون الضّعف سبّة .. كيف ولماذا يفخر الرجال برجل مثلهم يأكل الطّعام ويمشي على ساقين ولا تأخذه في الحقّ لومة لائم .. تعلّمنا الشجاعة والقوّه وأخذ الحقّ لصاحبه " حمرة عين " .. تعلّمنا كيف نتّخذ القرار في اكثر الاوقات حرجا وتعلّمنا .. أن رضاء الرئيس ليس سلعة تباع وتشترى ولكن هو شيئ لا يتأتّى الاّ من خلال الأمانه و البذل والعطاء والتفاني .. علّمتنا يا سيدي كيفيّة التمييز بين القيادات العظيمه .. القويّه والتي خلقت لتلعب دورا في التاريخ وتلك الرخوه والتي لوجودها وعدمه نفس الاثر الى أن يقضي اللّه أمرا كان مفعولا .. لم يكن اي شخص ليجرؤ على الدخول الى مكتبك قبل مراجعة هندامه وزيّه العسكري وقبل التثبّت والمراجعه الدقيقه لما أتى او استدعي من أجله .. والجميع يعلمون ان الرجل الّذين هم بصدد الدخول اليه ليس أيّ رجل ولكنّه المتعمّق المترفّع عن سفاسف الأمور العارف لكلّ صغيره وكبيره .. بواطن الامور وظواهرها .. دقائقها والعين الفاحصه والّتي لا تقنع أبدا بما هو باد .
في بداية الثمانينيات عندما تمّ نقلكم مديرا لشرطة العاصمه القوميّه كنت انا ضابطا بشرطة المرور والنجده . وصل خطاب يحمل توقيعكم لكل المناطق في اليوم التالي لاستلامكم بانّه على كل ضابط بطرفه اجراءات محكمة شرطه الحضور لمكتبكم صباح اليوم التالي ومعه كل الاجراءات المتعلّقه بتلك المحكمه . في السويعات التي سبقت ذلك الموعد عكف الجميع على تكملة اجراءاتهم وسافر البعض الى حيث يوجد الشهود لكل انحاء السودان مدني .. الابيض .. الدامر .. كسلا .. ومنهم من حضر مباشرة الى مكتبكم من تلك السفريّات وقد هالني حجم تلك المتأخّرات من عدد الساده الضبّاط الذين ضاق بهم مبنى المديريّه على سعته .. كانوا هنالك في الوقت المضروب بالثانيه .. ومن ذلك تعلّمنا ان العدل انّما هو في سرعة الفصل وان مصائر الرجال شيئ مقدّس لا يجب التلاعب به .. تعلّمنا من هو القائد "المهيب" الذي توزن كلماته بميزان الذّهب ولا يذهب حرف منها ادراج الرياح
سيّدي الفريق
لقد كنّا نندهش من النظام الذي كان يسود المباحث المركزيّه تحت قيادتكم .. كل هذه الادارات .. الحضور في مواعيد محدّده .. رفع الدفاتر .. نزول الاوامر .. المتابعه الدقيقه للتنفيذ ..التنسيق بين الادارات المختلفه الميدان .. التحقيق .. الانتربول .. السجلاّت ... كيف كنت تقاتل من اجل ضؤ الشمس والهواء الطلق .. تحارب الظّلام وخفافيشه وهوامه .. وتبني اراءك في البشر على التعامل المباشر معهم فانتفى عن محيطك ناقلو الاخبار ومروّجو الاشاعات وماسحو الجوخ والوالغون في اعراض ومحارم الاخرين .
سيدي الفريق
لقد كان ذلك الاجتماع في ذلك اليوم الشتوي من فبرائر من العام 1987 هو بداية التقويم الفعلي ل " ثورة " الانقاذ الوطني " بيد " السيد وزير داخليّة الديمقراطيّه الثالثه .. في ذلك الاجتماع دفن الوطن الّذي عرفنا ، دفنت الشرطه ودفنّا نحن ومعنا أيضا دفن أصحاب الوجوه الّتي بدا عليها " الارتياح " .. ومن المقابر عاد رجلان ما زالا يبحثان ، حتّى الان ، عن سرادق العزاء ... انت والفريق أوّل فيصل محمد خليل عليه رحمة اللّه ورضوانه .
سيدي الفريق
انا ضابط عمل تحت قيادتك ..كنت أنوي الكتابة في شكل مختلف ولكني عجّلت بكتابة هذه الرساله اليكم لاسباب أولها أنّني انّما أردت أن أسمعك صوتي ... بكلمة وفاء ، في زمن عزّ فيه الوفاء ، من على بعد سحيق بحساب المسافة والمكان.. بحقّ في حقّك في هذه الحياة الفّانيه . وثانيها انّ الرجال امثالك يجب التوثيق لهم .. يجب أن يعرفهم شعبهم .. ان يعرف ذلك الشّعب أي قائد فقد ومتى وكيف .. أيّ قائد فقد .. ليس في ظلمات الصالح العام الاخيره .. ليس بمعاولهم والّتي ما عادت تؤاخذ ولكن ويا أسفي من " ولكن " هذه ....يا ليتها كانت يا سيّدي بيد عمرو... فالقائد الذي يقول لجنوده " اتبعوني " هو غير القائد الذي يقول لهم ، من مكمنه الآمن ، " اهجموا " ... انّه هو من كان يتطلّب الموقف وجوده .. في الّليل الحالك ذاك ..... و " النّي للنار " . وثالثها يا سيّدي حتّى أضم صوتي للزميل العزيز المقدّم " م " تاج السر محمد حسين لتحريضكم على ان تكتب لان الامر ليس ملكك .. فدعه يكون أوّل شيئ في حياتك يخرج عن طوعك ..لأنّه صفحة نابضة من تاريخ هذه القوّة التي أحببت .. هو جزء من تأريخ السودان ويهم شعب السودان العظيم الذي عملت من أجله .. هذا الشعب الّذي ما زال " ينقّب " ، ومعه أيضا " ينقّب " السيد وزير داخليّة الديمقراطيّه الثالثه ، في " أسباب " انهيار الدّوله الّتي كان اسمها السودان وأيضا انهيار الديمقراطيّه الثالثه بتلك الصوره " الهشّه " نعم الهشّه و.. " المزريه " و " المهينة " أيضا ...
|
يا الله يا عبده عوض ياخ والله العظيم هديتك خلّت دموعنا تنزل انصاص الليالى..بعد كل هذه السنين.. التحية والتجلة لهم جميعا
على سرالختم
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
وهذه من الإخوانيات
رساله من السيد النور يوسف لسعادة الأخ حمدى الصائغ تعليقاً على رسالة الأخير الموجهه للسيد الفريق
محمد الحسن يوسف
******************************************************************************
بسم الله الرحمن الرحيم
سعادة الأخ الرائع
محمد عبد الله الصائغ
التحية لك ولمن حولك ولذلك الزمن الجميل
التحية لك والود الى حيث ما يكون للود منتهى
التحية لك وأنت تكتب عن هذا المعلم المنارة
تحية دافئة ,,,,,, بهجير أشواقنا , لابهجير الظلم اللافح
ولا هجير الرياض حيث استقر بى المقام
............................
اطلعت على مادونته فى سودانايل
حروف بعبق الوفاء ,, حينما قل الوفاء
وكلمات كالنجوم , لرجل فى مساحة السماء
أخى الصائغ
عملت مع السيد محمد الحسن فى مباحث المديرية ووقتها كنتم فى مرور الخرطوم
لم تكن بينى وإياك تلك العلاقة ولكنها تآلف الأرواح ومحبة النقاء
.............................
كنت أجله حينما هابه الآخرون
وأجد نفسى فى منهجه وذاتى فى خيارات عمله المرهقة
ومدارات فكره العصية
كان حازماً والناس يريدون (براح) فيه يسرحون ويمرحون
كان يعرف أن للوقت قيمة , وللشاكين حقوق , وأن العمل أمانة
كان يفتى فى الإدارة والتحقيق ويثور لساعةٍ أضاعها هدراً أحد الغافلين
كان ذو بصمة واضحة على مجريات العمل الشرطى أينما حلّ وأقام
كان مساعدوه يعرفونه جلياً , فاستقامت الأطراف, واستوت صفوف الرتب
كان يقود الجميع الى سوح الأداء طوعاً أو كرهاً
كان قرعاً مؤلماً على اولئك ( الباهتين ) وعلى الذين لا يشكلون رقماً صحيحاً فى ميادين الحقيقة
كان شبحاً مخيفاً لفئة ومعلماً ومنارة لمن أراد أن يكون
كان بحق ظاهرة ( Phenomenon )
......................................
الأخ الصائغ
بالرغم من أنى لا أميل كثيراً الى ذكر أحداث بعينها , يقينى أنها فرعيات فى مسيرة الرجل المكتملة البناء , دعنى أتناول هذه الحادثة لمدلولاتها على أهمية الزمن فى فكر هذا الرجل الشامخ .
فى 03/07 من سنة ما ,, كنت أتابع معلومات فى غاية الأهمية ( عفواً فالذاكرة أصابها الوهن تماماً كالذمم فى هذا الزمن المبطئ) .
وظللت أكتب عن مستجداتها يوماً بيوم , الى أن كان يوم 15/07
فى ذلك اليوم وصلت المعلومات الى درجة من الخطورة حيث وضح ضلوع أحد ضباط الشرطة فى تفاصيل الحادثة .
ويبدو أن كل تقاريرى السابقة قد انتهت عند السيد مساعد المدير اللواء ( ... ) بعد رفعها من مدير قسم المباحث السيد العقيد ( ... ) دونما أن يكلفوا نفسهم عناء إخطاره ولو بالعلم.
استدعانى السيد مساعد المدير وقال لى نحنا بصدد رفع هذه المعلومات للسيد الفربق فقط نطلب منك تعديل تاريخ بداية المعلومات الى (13) بدلاً من(03 )
أي مجرد رقم واحد تضعه حتى تكون المسألة مقبولة له ,وإن هى إلا (48) ساعة فقط وطلبوا منى أيضاً أن أذهب معهم .
ألم أقل لكم أن مساعدوه يعرفونه
كان يوماً مشهوداً , أصابنى رشاشه , ولا تسأل عن أولئك !!!!!!
وأنا ألملم بقية الورق الذى تطاير خطر لى أن أقول له الحقيقة ولكنى لم أفعل !!!
الأخ الصائغ
كثيرةٌ هى الأحداث ولكن ! تبقى الدروس والقيم
ويوم أن اغتالوا الرجل , تنفس الفساد وعشعش
فى ذلك اليوم كان كل ضباط المباحث والعاصمة القومية منهمكون فى تسديد بلاغات الهروب المدونة ضد مجهول ,
نزل الخبر علىّ والله كالصاعقة فى حين على آخرين كان برداً وسلاما
رجعوا الى مكاتبهم سريعاً وآثرت أن أكمل المهمة
.................................................
الأخ الصائغ
لك شكرى وتقديرى
والتحية عبرك لسعادة الفريق محمد الحسن يوسف أينما كان
وبلغه اعتزازنا وفخرنا , بأن يوماً ما كنا من تلاميذه
مرفق لك بعض كتاباتى التى قد تكون ذات صلة
سأكتب لك متى ما وجدت متسعاً
..............................
الرياض
ت 00966503627939
السعودية
الرائد شرطة م
النور يوسف محمد
*********************************************************************************
رجال بعضهم من بعض .. فقدتهم الشرطه ... وأفقدهم من لايعى.. حبهم الأول والكبير ...الشرطه
| |
|
|
|
|
|
|
Re: دفتر احوال ضابط الشرطة المناوب (Re: أسامه الكرور)
|
سعادتو على جويلى التحايا من على البعد الإجابه ( ماياهو) أنا اسامه على محمد عثمان الدفعه 54 تخرجت فى العام 1988 وكما هو واضح أنت تتكلم عن العام 1987 لم نلتق كثيرا .. إلا اننا إلتقينا مراراً .. وخصوصاً بميز الحركه ببرى حضرت أكثر من مره مع الإخوان عبدالرحيم ود برى ومجدى منصور حيث عملت معهم بالخرطوم شمال وأحلت للصالح العام فى كشف الإحتياطى وكما تلاحظ إسمى فى آخر الكشف ناقص ( أسامه على عثمان) والإسم الصحيح كما هو مذكور فى الأعلى ( اسامه على محمد عثمان ) مما يدل على أن الكشف أعد خارج رئاسة الشرطه ولم يكن من واقع ملفات الخدمه .... على العموم أنا سعيد جدا ً بلقياكم أنت وإخوه آخرين كرام لم نلتقى سابقاً .. وأسأل االله أن نلتقى فى يوم فرحٍ كبير نتمناهو جميعاً .. وشكراً على الكلمات الرقيقه التى أتحفتنى بها .. والهم واحد
تحياتى لكم مره أخرى
| |
|
|
|
|
|
|
Re: دفتر احوال ضابط الشرطة المناوب (Re: أسامه الكرور)
|
الأعزاء على سرالختم , وأسامة الكرور , أستميحكم عذرا فى نقل خطاب الأخ العزيز سعادتو النور يوسف الموجه الى سعادتو محمد عبدالله الصائغ الى بوست ضباط الشرطة المحالون للصالح العام حشفا وسوء كيلة , اذ أنه من نوع الكتابة الممتعة التى يجب أن تحفظ فى أكثر من مكان وتقرأ أكثر من مرة تحياتى للعزيز النور يوسف .
| |
|
|
|
|
|
|
Re: دفتر احوال ضابط الشرطة المناوب (Re: فيصل عثمان الحسن)
|
سعادتو الأكثر روعة النور يوسف .. الله يديك العافية ... رسالتك الآن بين يدي الأخ الحبيب سعادتو حمدي الصائغ .. والآن لا يشغل بالي شئ سوى إحضاره هنا لحاجتنا إليه والكل يعلم قدر الرجل ..
Quote: رجال بعضهم من بعض .. فقدتهم الشرطه ... وأفقدهم من لايعى.. حبهم الأول والكبير ...الشرطه |
صدقت والله يا اسامة .. وتحياتي عبرك لكل رائع وجميل ..
| |
|
|
|
|
|
|
Re: دفتر احوال ضابط الشرطة المناوب (Re: الطيب عثمان يوسف)
|
Quote: والآن لا يشغل بالي شئ سوى إحضاره هنا لحاجتنا إليه والكل يعلم قدر الرجل .. |
*** ( طارق و الطيب )
... مرورنا متشكرين
*** حتكون ضربة معلم حقيقية يا عبدو ... عبرك له كامل التحايا و كل التقدير و نحن فى حوجه حقيقيه له
| |
|
|
|
|
|
|
Re: دفتر احوال ضابط الشرطة المناوب (Re: الطيب عثمان يوسف)
|
*** ( طارق و الطيب )
مرور مفاجئ ...
*** الإخوه الزملاء الذين ليس للديهم ( باسورد ) عندما نقوم بوضع رابط للإطلاع عليه ( أبوعبيده حسن ) مثلا
فعند تشغيله من قبلكم لا يظهر كاملا ... لذا يرجى الضغط على خيار ( قرأة الموضوع فى شكل مستقيم ) وذلك بعد
عمل كلك على الرابط أولا .
*** السيد اللواء عيسى عبد الله و السيد العميد السيوفى
حسين الطيب .. عبدالرحيم ود برى .. بدر الدين عطا ... يظنون أننى أؤذن فى أم بده
*** مغادره
| |
|
|
|
|
|
|
Re: دفتر احوال ضابط الشرطة المناوب (Re: عبد الرحيم محمد عبد الرحيم)
|
*** ( طارق و الطيب )
...... مرورنا ... مهنئين
*** أيوى .. يوى .. يوى يووووووى ... أخيرا ودبرى إتخرج من ال MBROOOOOOOOK KG..
*** و أنا جاهز ليك ... بس قبل ما تنزل البوست يا شاطر فى خيار إسمو ( شاهده قبل نشره ) للمستجدين الزيك ديل
عشان ما تفضح ناس ( 51 ) الأصلهم مفضوحين .. زى ما عامل هنا ..
Quote: الاخوة / الاعزاء بحمدالله لقد تخطينا العقدة التى عرفها البعض . مرورا على الاحوال وانامل انشاءالله التواصل . وشد حيلك يا الطيب عثمان يوسف وفعلا انك توذن فى ابوظبى ولولا ايش رايك ياسامة
|
... أعـــد !!!
*** أهلا بيك يا البرعى و ألف مرحبيك .. إضافه ننتظرها من زمان ... ملاحظه .. لو عايز تعلق على أى مداخله .. فى البدء ظلل
الجزء العايز تعلق عليه ثم أعمل منو COPY ثم أفتح رد وفى مكان الرد إختار إقتباس و إنتظر شويه بتظهر نافذه ظلل كل الموجود فيها
بالضغط على رايت كلك ثم إختار تظليل الكل أو SELECT ALL ثم أعمل رايت كلك مره أخرى فى التظليل واختار PASTE بعدها مباشرة إختار
OK أو موافق من فى أسفل النافذه ، سوف ينقل المنسوخ الى مكان الرد... ثم اكتب تعليقك تحت الكلام العايز تعلق عليه .. ثم ظلل كلامك
بنفس طريقة التظليل أعلاه
واختار BOLD ثم أضغط رد أو شاهده قبل نشره للتأكد .
*** مناوبة الدفتر عليك إعتبارا من 1/6/2009 لمدة شهر بغرض الدريب و كده
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
Quote: الاخوة / الاعزاء بحمدالله لقد تخطينا العقدة التى عرفها البعض . مرورا على الاحوال وانامل انشاءالله التواصل . وشد حيلك يا الطيب عثمان يوسف وفعلا انك توذن فى ابوظبى ولولا ايش رايك ياسامة تحياتى للجميع |
أهلاً أهلاً أخونا عبدالرحيم
أخيراً .. بعد ما شمت الجماعه عليك
بس أمسك أعصابك ومافى داعى للملفات البتسكتهم .. إنت زول عاقل .. ودا راجل أخونا
خلى الطابق مستور .. وخليها ونسه بيناتنا ... وأنا واسطة خير
بس نصيحتى ليك .. راجع الكلام قبل ما تنزلوا .. عشان مايقولوا ليك أعد...
وحكاية مساعدتى ليك بالتلفون عشان تدخل دى سر بينا ما بكلم بيهو زول
| |
|
|
|
|
|
|
Re: دفتر احوال ضابط الشرطة المناوب (Re: على جويلى)
|
عزيزى / على جويلى
ياخوى انا مشبهك على ظابط بوليس عمل معنا بالخرطوم شمال فى الثمانيات من اولاد كسلا ان لم تخنى الذاكرة وكان ساكن فى ميز الحركة _ وبيركب الترحيل بالبيجو مع اولاد برى ويحب المشى بشارع النيل انشاءالله تكون ياتو ذاتو عشان نتذكر بعض الوقت الجميل الذى مضى
| |
|
|
|
|
|
|
Re: دفتر احوال ضابط الشرطة المناوب (Re: الطيب عثمان يوسف)
|
الاخوة الاصدقاء الذين رحبوابانضمامى للموقع على راسهم اخونا على سرالختم هادى الدرب - سوف اعمل بنصحيتك لسبيين الاول انو ترتبيك فى الدفعة متقدم والثانى انت توجد فى دولة متحضرة جدا بالنسبة لناس قريعتى راحت وبالمناسبة الملازم اول فى الصورة هو اخونا محمد عبدالفتاح الدفعة 49. اما استاذ الكموبيتر ده خلى شوية ولكن برضو نحنا نفسا طويل ومحامين متمرسين وانت عارف الانتهاك المتعلق بحقوق الملكية الفكرية الذى ارتكبته اخيرا بالسودان وطالع بيه ماداعى - سوف يعرضك لمسولياتت تعويضية كثيرة - اما ملفات الظلام وكشف المستور موجودة والشهود عليها احياء اكرر اجياء فى طيلة مراحل عملنا سويا---------- وان عدتم عدنا
| |
|
|
|
|
|
|
Re: دفتر احوال ضابط الشرطة المناوب (Re: ناهد بشير الطيب)
|
Quote: اما ملفات الظلام وكشف المستور موجودة والشهود عليها احياء اكرر اجياء فى طيلة مراحل عملنا سويا---------- وان عدتم عدنا |
ودبرى سلامات وبركه الجيت يا حبيب ماتحرر نَفَسَك .. والملفات دى مافى داعى لنشرها - بس ورينى ليها بالتلفون
وبعدين الزول دا يقوم إقلع اللابتوب
على العموم هو فى طريقه للإجازه بالسودان خلال شهر
وأنا بضمن ليك حق قفل الخشم ( على وزن فتح الخشم )
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
Eltayeb Medani to me show details 2:10 AM (10 hours ago) Reply
الاخ عمر محمد احمد الطيب للوالد الرحمه والمغفره نسال الله ان يتغمده بواسع رحمته ان ينزله منزلة الشهداء والصديقين ان يسكنه فسيح جناته ان يجعل الفردوس مسواه اللهم ارحمه وارحم موتانا وموتا جميع المسلمين ولكم وللاسره والاهل الصبر وحسن العزاء الطيب مدني
| |
|
|
|
|
|
|
Re: دفتر احوال ضابط الشرطة المناوب (Re: Dr.Mohammed Ali Elmusharaf)
|
الاعزاء / رفاق السلاح اى انا مستجد فى شوية نشاط نتمنى ان يستمر _ شكرا عزيزى ود الرشيد على التحايا _ لكن ياعلى سرالختم انا ختى الان عامل بالنصيجة وكذلك اشارات اخونا اسامة الكرور حسب كتابته لكن الكلام حارقنى بشدة وماقادر اصبر _ ولكن سوف اصبر حتى حضور اخونا فى الاجازة ودى لاب توب مابكفى - قال من حر مالى ياابو مال انت - انت نسيت حساب اراض شرق النيل _ المهم حتى لاتكون مجرد كلام ساكت ففى المخيلة واستهلاك سياسى على قول السياسين انتبه شذرات من بعض الملفات العالقة والزول عارف الكلام ده - وسوف استعين بكل الشباب وفى المقدمة سيادة العميد السيوفى 1/ موضوع س _ ص 2/ حكاية مطار القاهرة 3/ موضوع السيد/ الفريق العقيد انذاك سيد الحسين عثمات ايام القسم الاوسط وملابسات النقل او بالاحرى ال -------------- . 4/ هذا قليل من الخطير المثير عزيزى / الطيب انا فى انتظارك فى الاجازة وماتنسى الموضوع لان هذه الملفات موجودة حاليا على الجهاز فى سطح المكتب فى انتظار الدون لود. لكن فى انتظار فتح الخشم القلتو لاخونا اسامةوخلينا نشوف العرض - ولكن برضو لن احرم الشباب المنتظرين . اخيرا وليس اخر مسئولين من الخير بسال عن اخونا محمد ماهر - ونصر عبد العزيز الذى حادثته قريبا عندما كان موجود بالسودان _ والنور يوسف وعبدالرحيم فقيرى - ونحن والله نسال من الغائبين اما الحاضرين فموعدنا الرسائل
| |
|
|
|
|
|
|
Re: دفتر احوال ضابط الشرطة المناوب (Re: محمد عبدالمنعم التلب)
|
ود برى سلامات
ده عباس بتاع الموتر.. ولا واحد غيرو ؟؟؟؟
Quote: 2/ حكاية مطار القاهرة |
دى بتاعت الكناس الطلع عميد مباحث ؟؟؟؟؟؟
Quote: 3/ موضوع السيد/ الفريق العقيد انذاك سيد الحسين عثمات ايام القسم الاوسط وملابسات النقل او بالاحرى ال -------------- . |
لا .... دى حاره مابتكلم بيها
وبالله ياعبدالرحيم الملفات دى أمسحها .. بعد ترسل صوره لى إبراهيم الرشيد .. الظاهر محتاج ليها شديد
وأنا بضمن ليك الزول ده حيكون عند وعده .. خصوصا ً بعد الإشارات دى
| |
|
|
|
|
|
|
Re: دفتر احوال ضابط الشرطة المناوب (Re: عبده عوض)
|
ألف مرحب بالحبيب ود بري .. - منور كل الدنيا والله .. وأنا أكثر الناس سعادة بوجودكم معنا .. - واضح أن حضوركم سوف يثري الساحة .. ويزيدها ألقاً وروعة ..
Quote: لا .... دى حاره مابتكلم بيها
وبالله ياعبدالرحيم الملفات دى أمسحها .. بعد ترسل صوره لى إبراهيم الرشيد .. الظاهر محتاج ليها شديد
وأنا بضمن ليك الزول ده حيكون عند وعده .. خصوصا ً بعد الإشارات دى[ |
- سؤال برئ يا ودبري .. إنت صاحبك أسامة الكرور دا ماخد عمولة كم في الشغلانة البعمل فيها دي !!! هو ما زولي وأنا بعرفو كويس ، أخو محمد الفاتح وصاحب قاسم الحبشي .. ما بعمل حاجة ساي !! ما تفوت عليك الشغلانة دي وإنت ضابط مباحث وتحقيق كارب ومعروف .. وما تجي ناطي لي يا أسامة بالله أنا بتناقش مع سيادتو ود بري في شغل !!!! - ننتظر المزيد .. وتحياتي للأخوان والزملاء المعاك ..
| |
|
|
|
|
|
|
Re: دفتر احوال ضابط الشرطة المناوب (Re: أسامه الكرور)
|
Quote: اصلو تلك الايام كما كان يقول لنا الاعلى رتبة باننا مكتوبين بقلم الرصاص (تلك المعلومة التى لم اجدلديها اى مصداقية لاحقا ) |
*** ( طارق و الطيب )
........ مرورنا متفقدين
*** ود برى ... ( الدرس التانى )
إنت رفدوك ضابط عظيم ؟؟ كيف لم تجد لها أى مصداقيه ؟ ماذا تريد دليل أكبر من رفدك و إنت ملازم ..
و أزيدك من الشعر ( بيض ) فأنا أذكر تماما إنو رفدوك وسلموك آخر صرفيه فقط و كانت عباره عن مرتب 22 يوم فقط لا غير
إنت و المدعو الكرور و المدعوه هاجر عوض وو احد تانى إسمو بدر الدين عطا. و قال فيكم عمنا ختم الله يطرا بالخير قولته
الشهيره ( ديل أدوهم آخر يد بس )
*** أها وجدت المصداقيه ؟ بعدين إنت ما إترقيت لى رتبه تكون عندك فيها صلاحية تقييم الضباط عشان كده الواحد ممكن يجد عذر
فى كلامك ده لأنك لو وصلت حته زى دى كان عرفت إنو مسألة قلم الرصاص دى صحيحه ، فأنا أذكر تماما أننى طلب منى كتابة تقرير
تثبيت عدد من ضباط الدفعه ( 56 ) عندما كان جزء منهم يعمل معى فى عطبره ... و بينى وبينك كتبت فيهم تقارير تثبت معاهم
الدفعه كلها ، لكن وحاتك لا هم إثبتوا و لا أنا إترقيت لحقت دفعتى . فسألت مدير شرطة الولايه عن سبب عدم تثبيتهم .
فقالى يا أخوى كدى شوف البلحقك أخوانك إنت فى رقبتك . أنتهز هذه المساحه لأحى السيد العميد عبد الله السيد و السيد العميد
فضل السيد العبيد و الأخوان من الدفعه ( 56 ) وليد عثمان و آخر نسيت إسمو من أخواتنا الجنوبيين .
*** بعدين يا ود برى حذارى ثم حذارى أن تنساق ورا الكرور بوديك الكوشه و هذا قليل من كثير .. ولو مشيت فتحت موضوع واحد
من المواضيع دى تأكد إنى حأدق ليك طار فى المنبر العام مش هنا فى الدفتر .. أسمع الكلام و خليك ولد فاااالح .
*** مخارجه
| |
|
|
|
|
|
|
Re: دفتر احوال ضابط الشرطة المناوب (Re: الطيب عثمان يوسف)
|
Quote: بعدين يا ود برى حذارى ثم حذارى أن تنساق ورا الكرور بوديك الكوشه و هذا قليل من كثير .. ولو مشيت فتحت موضوع واحد من المواضيع دى تأكد إنى حأدق ليك طار فى المنبر العام مش هنا فى الدفتر .. أسمع الكلام و خليك ولد فاااالح .
|
أها يا ود بري .. ما قلت ليك !!!
| |
|
|
|
|
|
|
Re: دفتر احوال ضابط الشرطة المناوب (Re: عبده عوض)
|
Quote: واخونا الطيب لديه شىء من حتى فلا تلومه |
عزيزى / التلب شكرا للمداخلة لكن البينى وبين الطيب كبير وانت شايف براك الرغم من اننى لم اكتب شيئاحتى الان لكن ياخوى خليك على الحياد الزول ده انا قاصدوا عديل لانك انت ماعارف الحاصل شنو وقوليه خلى يروق المنقة وسوف اتغاضى عن بعض التفاصيل خصوصاموضوع الطلمبة مع العميد بتاع الجيش . وذكرياته فى الخرطوم شمال ومع (دكتور) بتاع كسلا _ والسيداللواء تاج الدين خضر الجزولى موجود وانا عارفو شغال وين والله والله اجيبوا تسجيل عديل _ يقول لى المنبر العام .
ودبرى
| |
|
|
|
|
|
|
Re: دفتر احوال ضابط الشرطة المناوب (Re: عبد الرحيم محمد عبد الرحيم)
|
Quote: أها يا ود بري .. ما قلت ليك |
هلا / عبده عوض ظابط الحركة الوجية وباعتبار انكم من سكان البرارى فى فترة سابقة تعتبر ولدنا- سوف اتكلم معاك بصورة خاصة وفقا للتعليق اعلاه . لقد بدات الاهداف تتحقق والزول انفعل ودى جزء من الاستراتجية بتاعتنا وبعد التفاصيل الخاصة سوف ترسل فى الايميل الخاص لكل الراغبين من الاطلاع - كشف حال عديل وشمار . وذى ماشايف انا من ضمن الفكرة محاولة تحييد البعض وخصوصا ابناء الدفعة .
ويحكى ان فى قديم الزمان وسابق العصر والاوان (كمايقول ابنى الصغير ) ان شقيق ارتبط بدولة اسيوية للعلم وارسل اليه شقيقة ------- البقية لاحقا
| |
|
|
|
|
|
|
Re: دفتر احوال ضابط الشرطة المناوب (Re: عبد الرحيم محمد عبد الرحيم)
|
Quote: فى المسنجر ياود برى (خليك مفتح |
)
اخوناودالرشيد شكرا ياصديق النصائح ده مهمة والله مااخزللك ومحل رهيفة التنقد وازيدك شوية التنسيق جارى مع السيوفى وهاجر عوض وبدرالدين عطا ومجدى منصور (نحن ادونا اخر ايد) والله الشغلة كانت بنك مرصوص . ارجو افادتى بالايميل فورا عشان انا طالع مداعى . ورايك شنو فى موضوع يحكى ان تلك المرسلة لعبده عوض
| |
|
|
|
|
|
|
عزيزى الطيب
ايوه كده خلى يجيب ثمنوا والمسالة برضو خاضعة للعرض وحسب العرض الذى يمكن توصليه بجملة مسائل متاحة والله بشرف ماحكلم زول خصوصا على سرالختم ولا ابراهيم الرشيد وهولا من اكثر الملحين على خصوصا فى الايميل وبواسطة التلفونات. لكن كمات اسامة اللكرور تحفظ ليه حقوا وودالرشيد سوف نكشف له الامر فى الايميل الخاص بيه . وحكاية التهديد اعلاه اسحبوا. لاننى عندى شهود اتصلت بالبعض الذى تطوع بالتسجيل كتابة او بالصوت وهم احياء يرزقون _ اما مسالة الجزء الاول من حادثة مطار القاهرة دى انت نسيتها ولا شنو (تتذكر المتهم معتاد الاجرام الذى قبضته وركبتوا معاك فى الموتر ) والله ياالطيب كبرت نسيت ولاشنو اذكرك - اها دى مافى الملفات . انت خليك ولد عاقل وخلينا نسوى المسالة وديا وانت عارف المطلوب . اها خليك شاطر وما تفرج الجماعة فى شمارك والجاتك فى مالك سامحتك والبشترى سمعتو بمالو عاقل . وتعرف الايام دى فاضين لامحاكم ولاجاجة بالكثير اجراء اولى بنتهى الساعة 10 وبعد داك طوالى معاك سلام ودبرى
| |
|
|
|
|
|
|
Re: دفتر احوال ضابط الشرطة المناوب (Re: ابراهيم الرشيد عبدالرحمن وراق)
|
*** ( طارق و الطيب )
......... مرورنا متفقدين :
*** نزولا عند رغبة الأخوان : السيد النور يوسف .. حسين الطيب ، الفاتح دهيس ، عبدو عوض ... الذين إتصلوا بى هاتفيا
هآنذا أخفف عن أخونا ود برى .. حتى يستمر فى الكتابه فى الدفتر على حد قولهم ... و كما وعدتكم
فلن ( أديه فى التنك ) كما جاء فى الدرس التانى مع العلم اننى كنت على وشك أن أنزل به ضربه قاضيه أمام الكافه
ولكن خاطر الأخوان ما ساهل ... بس يا ود برى خت فى بالك إنو حقى فى الرد محفوظ إذا فكرت فى أى فرفره كده ولا كده .
*** مخارجه
| |
|
|
|
|
|
|
Re: دفتر احوال ضابط الشرطة المناوب (Re: الطيب عثمان يوسف)
|
*** ( طارق و الطيب )
...... مرور مفاجئ
*** الزميل صلاح محمد حسن الدفعه ( 47 ) علمت أنه فى وعكه مرضيه قاسيه وهو حاليا بمستشفى الشرطه ( ساهرون ) تمنياتنا له بعاجل
الشفاء ... ناس الخرطوم لإجراء ما يلزم من زياره و مدنا بهاتفه لو سمحتو .
*** مولانا ياسر محمد أحمد : قررها علنا أنه لن يشارك فى هذا الدفتر ... وسبق أن أشرت لها ... و الزول الكان السبب عمل ما عارف
عشان خاطرنا يا مولانا ... أقرا بس إن شاء الله !!
*** أخونا عادل عبد الحميد ... مشكور إتصل بى قبل قليل متدخلا و طالبا منى وقف ضرباتى لود برى إلا أننى طمأنته أنها لم تكن
إلا مجرد ( حلاوه قطن ) لأنو الضربات لها أوقات و حالات لم تحن بعد ... فشكرا لك أخونا عادل لتعاطفك مع ود حلتكم التعبان ده
*** و فى مكالمه هاتفيه أخرى من أخونا العقيد على الطويل ، أفاد بأنه لديه الكثير المثير عن ود برى المحامى الذى ( يصطبح )
به يوميا فى القسم الشرقى ( لزوم المعايش ) و كده .. أن شاء الله بلاغ نشل بالثابته ... شكرا على الطويل
*** مخارجه
| |
|
|
|
|
|
|
Re: دفتر احوال ضابط الشرطة المناوب (Re: سارة علي)
|
(*** الزميل صلاح محمد حسن الدفعه ( 47 ) علمت أنه فى وعكه مرضيه قاسيه وهو حاليا بمستشفى الشرطه ( ساهرون ) تمنياتنا له بعاجل )
عاجل الشفاء لأخى وصديقى صلاح محمد الحسن , وأسأل الله أن يتجاوز هذه الأزمة , ويعود لأسرته واصدقائه ومحبيه وهو فى تمام الصحة وكمال العافية , لطفك يا رب بأخى صلاح . الرجاء من الزملاء الكرام بالداخل وأخص على الطويل الاسراع بمدنا برقم هاتف الصديق صلاح . تشكر يا أبو الطيب على هذه المعلومة .
| |
|
|
|
|
|
|
الابن الطيب انت عارف من عجائب الصدف - انو نفس الاخوان ديل اتصلوا بى بالاضافة لاخريين اما بالنسبة لهولا الاخوان لتاكيد المصداقية حكوا لى اشياء لم اكن اعرفها وبالتاكيد انت عارف . مثال على الطويل - حكى عن زيارته لك فى ابوظبى ومعه ضباط من المعامل الجنائية - وحكى اسرار اما الفاتح دهيس فقال حتى انه عند حضوره لم تكن هنالك عزومة حسب ماافدتنى بالايميل . بل طلبت منه ان يذهب معاك للنادى السودانى فى موضوع القصة تلك وقال بصريح العبارة هو قال نفسو ماركيز جارسيا. فشوف ده كلام استهلاك . لكن انا اقولها بالفم المليان . عرض حصرى قبل النشر لمن كل من يريد اى من الملفات الاولية تلك التكرم بارسال الايميل وسوف نمده مجانا. شكرا ابنى ابراهيم الرشيد على تصحيح المعلومة التى استقيتها من اجد الاعداء وشكرا عزيزى عادل ولدنا ولختام السلام لاولاد الاصول - على سرالخنم والكرور وعبده عوض وكل المناضلين الشرفاء . اما صاحبك على الطويل طالع مداعى فى الصحف مع قريبو الزومة - وقليه حتشتغل تحت التمرين انشاءالله اما تخن اقسام شنو يااخوى نخن مستشارين شركات كبرى ودبرى -سلام
(عدل بواسطة عبد الرحيم محمد عبد الرحيم on 06-04-2009, 12:31 PM)
| |
|
|
|
|
|
|
الابن الطيب انت عارف من عجائب الصدف - انو نفس الاخوان ديل اتصلوا بى بالاضافة لاخريين اما بالنسبة لهولا الاخوان لتاكيد المصداقية حكوا لى اشياء لم اكن اعرفها وبالتاكيد انت عارف . مثال على الطويل - حكى عن زيارته لك فى ابوظبى ومعه ضباط من المعامل الجنائية - وحكى اسرار اما الفاتح دهيس فقال حتى انه عند حضوره لم تكن هنالك عزومة حسب ماافدتنى بالايميل . بل طلبت منه ان يذهب معاك للنادى السودانى فى موضوع القصة تلك وقال بصريح العبارة هو قال نفسو ماركيز جارسيا. فشوف ده كلام استهلاك . لكن انا اقولها بالفم المليان . عرض حصرى قبل النشر لمن كل من يريد اى من الملفات الاولية تلك التكرم بارسال الايميل وسوف نمده مجانا. شكرا ابنى ابراهيم الرشيد على تصحيح المعلومة التى استقيتها من اجد الاعداء وشكرا عزيزى عادل ولدنا ولختام السلام لاولاد الاصول - على سرالخنم والكرور وعبده عوض وكل المناضلين الشرفاء . اما صاحبك على الطويل طالع مداعى فى الصحف مع قريبو الزومة - وقليه حتشتغل تحت التمرين انشاءالله اما تخن اقسام شنو يااخوى نخن مستشارين شركات كبرى ودبرى -سلام
(عدل بواسطة عبد الرحيم محمد عبد الرحيم on 06-04-2009, 01:56 PM)
| |
|
|
|
|
|