|
Re: ترحيب (Re: Ali Sirelkhatim)
|
مرتضى الجمري
جاكسون براون .. لما جاء ولده يدخل للجامعة قرر يكتب له النصايح اللي يحتاجها من وجهة نظره كأب .. بزعمه بيكتب ورقة ولا ثنتين تفاجأ انه كتب 1560 نصيحة ..! ومن كثر ماعجبت أهله وأصحابه طبعها في كتيب (Life's Little Instruction Book) وحققت أفضل المبيعات لعدة سنوات بقائمة نيويورك تايمز
هذه بعض منها:
1. احذر من عروض البنوك مهما كانت مغرية !
2. اهدِ حماتك وردا في عيد ميلاد زوجتك !
3. لا تترك منزلك دون جهاز لكشف الحريق !
4. توكل على الله ولكن أغلق بابك جيدا !
5. لا تيأس أبدا واحتفظ بخط للرجعة !
6. لا تتخذ قرارا وأنت غاضب !
7. كن شجاعا ، وإن لم تكن كذلك فتظاهر ، فلن يلاحظ أحد الفرق !
8. حاول فتح السيفون وأبواب الحمام "بكوعك" !
9. تعلم كيف تستمع فالفرص الخفية تحتاج لأذن قوية !
10. لا تحرم الآخرين من الأمل فقد يكون هذا كل ما يملكونه !
11. حين تصادف كتابا جيدا اشتره حتى لو لم تقرأه !
12. كن لطيفا أكثر من الحقيقة ، ولكن لا تسمح لأحد باستغلالك!
13. اعمل تماريناً للبطن 50 مرة في الصباح و 50 في المساء!
14. لا تستثمر في الأسهم مالا تتحمل خسارته لاحقا (... وياليتك سمعتها من قبل) !
15. لا تشارك رجلا فشل ثلاث مرات !
16. لاتستعمل بطاقات الائتمان للشراء بالتقسيط !
17. ابتسم فهذا لا يكلفك شيئا ولكنه لا يقدر بالمال !
18. لا تجادل شرطيا أبدا (... وهي نصيحة سمعتها من والدي أيضا) !
19. لا تشتر حقائب أو بناطيل جينز أو ساعة ثمينة فهذا مضيعة للمال !
20. شجع أبناءك على العمل في أوقات فراغهم حالما يبلغون السادسة عشرة.
21. وأخيرا .. لا تصدق كل ما تسمع ، ولا تنفق كل ما تملك ، ولا تنم قدر ماترغب ...
22. حين تقول والدتك «ستندم على فعل ذلك».. ستندم عليه غالبا!
23. اعتن بسمعتك جيدا فستثبت لك الأيام أنها أغلى ما تملك!
24. لا تخش العقبات الكبيرة فخلفها تقع الفرص العظيمة!
25. قد لا يتطلب الأمر أكثر من شخص واحد لقلب حياتك رأسا على عقب!
26. اختر رفيقة حياتك بحرص؛ فهو قرار سيشكل 90% من سعادتك أو بؤسك!
27. اقلب أعداءك لأصدقاء بفعل شيء جميل ومفاجئ لهم!
28. حين تدق الفرصة على بابك أدعوها للمبيت!
29. تعلم القواعد جيدا ثم اكسر بعضها!
30. احكم على نجاحك من خلال قدرتك على العطاء وليس الأخذ!
31. لا تتجاهل الشيطان مهما بدل ثيابه!
32. ركز على جعل الأشياء أفضل وليس أكبر أو أعظم!
33. كن سعيدا بما تملك، وأعمل لامتلاك ما تريد!
34. اعط الناس أكثر مما يتوقعون!
35. دلل زوجتك، ولكن ليس أطفالك!
36. لا تكن منشغلا لدرجة عدم التعرف على أشخاص جدد!
37. اقض مع أطفالك ضعف وقتك المعتاد وامنحهم نصف المال المعتاد!
38. ابتعد عن الأماكن المشبوهة؛ فالأحداث السيئة لا تحدث إلا هناك!
39. الفاشل في إنفاق ماله فاشل في كل شيء في حياته!
40. لا تهدد ما لم تملك القدرة على التنفيذ!
41. تعلم الاسعافات الأولية فجميعنا يمر بظرف يندم عليها!
42. حين يسألك أحدهم سؤالا لاتحبه، ابتسم وقل «ولماذا تريد أن تعرف»!
43. لا تفقد أعصابك، أو ثقتك بنفسك، أو مفاتيح سيارتك!
44. فاجئ صديقا قديما باتصال مباغت!
45. لا تقل لرجل إنه سيصبح أصلعَ أو أشيبَ، فهو يعرف ذلك مسبقا!
46. سافر وشاهد أماكن جديدة بعقل مفتوح!
47. حين تشتري عقارا انتبه لثلاثة شروط مهمة: الموقع ثم الموقع ثم الموقع!
48. اكتب 10 اشياء تريد انجازها في حياتك ثم ضع الورقة في محفظتك!
49. كل شخص تقابله يملك شيئا مميزا، حاول تتعلمه!
50. سجل صوت والدك ووالدتك وهما يضحكان!
51. ارسل لزوجتك باقة ورد ثم فكر بالسبب لاحقا!
52. لا تتوقع من أطفالك الاستماع لنصائحك ووضعك مزر!
53. ادخر دائما 10% من دخلك!
54. كلما تعلمت أكثر كلما طرحت عن كاهليك المزيد من المخاوف!
| |
|
|
|
|
|
|
Re: ترحيب (Re: أسامه الكرور)
|
مرور سريع
صحى النوم
وين يا شباب
مبروك للمريخ
وعقبال للهلال
غايتو لو ظهرت
انفلونزا الخرفان
شيلوا شيلتكم
بوش ساااى
مغادرا و------------مشيناها خطا
| |
|
|
|
|
|
|
Re: ترحيب (Re: محمد عبدالمنعم التلب)
|
تعازينا للاخوان عثمان منصور وعادل على عبدالجليل , الهمهم الله الصبر وحسن العزاء
________________________________________________________________________________
يستضيف منتدى ابوظبى الفكرى غدا الاثنين الاخ الطيب عثمان يوسف عن قصته اعدام ضابط شرطة.
شرفتنا ياابو الطيب ومزيد من الابداع
| |
|
|
|
|
|
|
Re: ترحيب (Re: ابراهيم الرشيد عبدالرحمن وراق)
|
اعدام ضابط شرطة فى هذا المنبر قصة جديدة بقلم السيد عبدو عوض المجنى عليه السيد العقيد عبد الحفيظ المتهم الاول السيدالهكر المتهم الثانى فلول الانقاذ محامى الاتهام السيد فيصل الحسن محامى الدفاع السيد المستشار احمد الامين القاضى السيد الباشمهندس بكرى عقدت عدة جلسات ومازلنا فى مداولات المحكمة ولنترك السيد عبدو عوض يفند لنا اقوال الشهود وماذا بخصوص السيد القاضى الذى يبدو انه متغيب عن الجلسات .
| |
|
|
|
|
|
|
Re: ترحيب (Re: على جويلى)
|
أحر التعازي للأخ ( الدفعة ) عادل علي عبدالجليل في وفاة والدته .. وللأخ ( الدغعة ) عثمان منصور في وفاة والده . تغمدهما الله بواسع رحمته .. وألهم آلئهم بالصبر .. وإنا لله وإنا إليه راجعون .
| |
|
|
|
|
|
|
Re: ترحيب (Re: عبده عوض)
|
سلامات الأخوه الزملاء
خبر غير مؤكد حتى الآن
إحالة المدير العام للشرطه وبعض القيادات من بينهم اللواء عوض وداعه اللواء طارق عثمان الطاهر
والمذهل
تعيين اللواء هاشم عثمان مدير مكتب الرئيس مديراً عاماً للشرطه
أرجو من الإخوه بالسودا ن تأكيد أو نفى الخبر
| |
|
|
|
|
|
|
Re: ترحيب (Re: ابراهيم الرشيد عبدالرحمن وراق)
|
مراحب بالسعادات ..
و جئت مبشراً بإنضمام ( كومندانين ) لعضوية المنبر ..
و الكومندانين هم ( ناسنا) من الزقازيقاب ، ثم هم بعد ذلك رفاق سلاحكم ..
رحبوا معنا بالكومندان / محمد صديق و الكومندان / أسامة أبتر أعضاء في هذا المنبر .. ( طبعاً عارفين دة شغل ملكية ياها قدرتنا ) .. يلا ورونا شغلكم !!
تحياتي لكم جميعاً .. ــ
| |
|
|
|
|
|
|
Re: ترحيب (Re: عصام دهب)
|
*** ( طارق و الطيب )
....... مرورنا متفقدين للأحوال بعد غيبه مفروضه قسرا علينا
*** الأخوان عثمان منصور و عادل على عبد الجليل تقبل الله أرواح موتانا و موتاكم قبولا حسنا و أسكنهم فسيح جناته
*** الأخ ياسر محمد أحمد : حتى قراية الدفتر من بعيد خلاها .
*** التلب أثبت أن أحسن يجيد الشبالات ( ياآك ) و زوقه يظهر بعدها بى تلاته شهور يقول ليك لسه ما استقريت ( دارفور استقرت ياخ )
*** ياسر عبد الكريم : ماشى ليك خطاوى برااااك
*** عبدو عوض : يقال أنه لازال يدرس اللغه الانجليزيه حتى يتمكن من التخاطب مع من حوله فى بلاد العم سـام نتمنى لك التوفيق
*** بدر الدين عطا : آخر الأخبار يقال أنه أصبح يؤدى صلاة الصبح فى المسجد .. لو ربنا قبل توبتك و تحولت السيئات الى حسنات تستحق
رتبة فريق طوالى .
*** عبد الرحيم ود برى : استلم الباص ويرد و لعلم الذين لا يعلمون أنا اشتريت ليهو لاب توب من حر مالى و سلمته له و لازال حتى
كتابة هذه السطور عاجز عن فتح دفتر الاحوال ناهيك عن المشاركه .. عدم المعرفه ما عيب العيب التظاهر بها .. مكرر حسين الطيب و
السيوفى .
*** مغادرة
| |
|
|
|
|
|
|
Re: ترحيب (Re: الطيب عثمان يوسف)
|
*** ( طارق و الطيب )
....... مرورنا مهنئين ...
Quote: يستضيف منتدى ابوظبى الفكرى غدا الاثنين الاخ الطيب عثمان يوسف عن قصته اعدام ضابط شرطة.
شرفتنا ياابو الطيب ومزيد من الابداع
|
*** ابراهيم الرشيد : مكسب حقيقى للدفتر وقد فرحت جدا لدخولك بالباب فلقد فعلت الدفتر كثيرا أتمنى لك المداومه .
يهمنى جدا أن توصل تحياتى للوالد و كل افراد الاسره .
أما فيما يخص الموضوع أعلاه فقد استمر الى وقت متأخر من مساء الاثنين الماضى فتقررأن يتواصل النقاش الى الاثنين القادم وهناك بوست
خصص لهذه الاستضافه سوف أحاول أعمليكم منه لنك هنا .
**** شكرا صديقى ابراهيم الرشيد على الاهتمام بمعرفة اخبارى لك كل التقدير .. مكرر عمر محمد عثمان
مغادره
| |
|
|
|
|
|
|
Re: (Re: عبده عوض)
|
Quote: رحبوا معنا بالكومندان / محمد صديق و الكومندان / أسامة أبتر أعضاء في هذا المنبر .. ( طبعاً عارفين دة شغل ملكية ياها قدرتنا ) .. يلا ورونا شغلكم !!
|
الف مرحب بالاخوان محمد صديق واسامة ابتر..الدفتر دفتركم والبيت بيتكم.
اخوكم على سرالختم
| |
|
|
|
|
|
|
Re: (Re: فيصل عثمان الحسن)
|
التحية والتقدير لكل الزملاء الافاضل
هلا ومرحب بالحبايب محمد صديق واسامة ابتر
الحبيب الطيب عثمان اسف لعدم تمكني من حضور جلسة الاثنين الماضي وانشاء الله الاثنين الجاي معاك
احترامي
| |
|
|
|
|
|
|
Re: (Re: Dr.Mohammed Ali Elmusharaf)
|
الاخوة محمد صديق واسامة ابتر مرحبا بكم, وشغلتنا احداث يوم الخميس من
الترحيب بكم ونتمنى لكم اقامة طيبة وننتظر مشاركاتكم
الاخ الطيب : اخيرا ظهرت والله وحشتنا قيودك الكاربة بالدفتر غايتو فى ناس بتضايرو
الاخ المشرف ياهو البوليس ولا واحدا تانى؟
لكم كل الود
| |
|
|
|
|
|
|
Re: (Re: أسامه الكرور)
|
الحبيب الفاضل ود القبائل ابراهيم الرشيد
Quote: الاخ المشرف ياهو البوليس ولا واحدا تانى؟
لكم كل الود |
نعم انا محمد المشرف البوليس ذاتو حتى الجمعة 31 اكتوبر 1996
ليك وحشة واسف لعدم الترحيب بك سابقا نسبة للزحمة الحاصلة وقلة دخولي للنت
متخندق في الامارات - ابوظبي- مع الطيب عثمان الرجل الرائع ونطاط عبد الله محمد طه من السودان من حين الى حين
وينك انت 009715169941
معزتي
| |
|
|
|
|
|
|
Re: (Re: Dr.Mohammed Ali Elmusharaf)
|
والله سلامات يامشرف
نحن القابضون غلى الجمر وفى الخرطوم مرابطون حتى تعود الحقوق لاصحابها, طبعا انت دفعة كشف فى الاحالة (ماتفرح خالص بدفعة دى)
والله ليك وحشة وطوالى فى سيرتك مع اشرف كشان . عموما عايزة تلفون طويل
لك الود
| |
|
|
|
|
|
|
Re: (Re: ابراهيم الرشيد عبدالرحمن وراق)
|
الاخ الحبيب ابراهيم الرشيد
كيف يا ظابط مشكل غياب .. انا اضرب تلفون واسلم على السيد الفريق والسيد التلب والسيد عمر عثمان وحضرتك مسجل غياب والله لو دال دى بتخليك تخل بالظبط والربط والله نلخو..وجه ضاحك
لك تحياتى واشواقى يا ابوخليل
اخوكم/ على سرالختم
| |
|
|
|
|
|
|
Re: (Re: Ali Sirelkhatim)
|
ود الرشيد يادفعة
Quote: نحن القابضون غلى الجمر وفى الخرطوم مرابطون حتى تعود الحقوق لاصحابها, طبعا انت دفعة كشف فى الاحالة (ماتفرح خالص بدفعة دى)
والله ليك وحشة وطوالى فى سيرتك مع اشرف كشان . عموما عايزة تلفون طويل
لك الود |
طبعا دفع الكشوفات دي نحن نايمة معانا نوم حتى الواحد شابك الطيب عثمان يادفعة يادفعة!! لكن المزعلني انو اسمي كان اخر واحد في الكشف تصدق بعد ملازمين الجمارك.
بالله سلام شديد لكشان واعمل حسابك منو كشان ده بضرك بحسن نية وكشاف حال كبير كمان
محبتي
| |
|
|
|
|
|
|
Re: (Re: Dr.Mohammed Ali Elmusharaf)
|
سيادتو على السر
والله ياسعادتك ما غياب كنت فى مهمة فى بحرى لكن الظاهر سيادتو التلب والسجيمان عمر عثمان عاوزين
يدونى كلتش لانو اتنقلت منهم وماشى للرئاسة فى بحرى مكان الطراوة وامورى كلها مظبطة وهم قاعدين
فى كيلو 8 الزى الاحتياطى المركزى وتحت سمع وشوف السيد الفريق يعنى ما بقدروا يقولو بغم , وطبعا
سيادتك سيد العارفين نظرة الناس البرة لناس الرئاسات , يعنى حسادة عديل منهم.
بعدين مسعول من الخير انتو دفعتى امين نور الدائم ضربتو انفلونزا الخنازير ولا شنو ؟ لانو مختفى شديد
وكل ما اضرب ليه يرد لى المجيب الالى بالله كان لميت فيه بلغه التحايا وقول ليه اظهر والا ح اطلع ليه
فضايح تمرقه من امريكا جارى.
لك عاطر التحايا والاشواق
| |
|
|
|
|
|
|
Re: (Re: ابراهيم الرشيد عبدالرحمن وراق)
|
اصدر المهندس ابراهيم محمود حامد وزير الداخلية قراراً وزارياً بتعيين مساعدي المدير العام لقوات الشرطة ومديراً لشرطة ولاية الخرطوم
وقد قضى القرار بتعيين الفريق / بشير احمد بشير مساعداً للمدير العام لهيئة الشئون المالية والامداد
والفريق/ د. محمد عبد المجيد الطيب مساعداً للمدير العام لهيئة التوجيه والخدمات واللواء/ خميس ميان دوت مساعداً للمدير العام لهيئة التخطيط والمعلومات واللواء/ ادم دليل ادم سراج مساعداً للمدير اللعام لهيئة الجوزات والسجل المدني واللواء/ كمال جعفر محمد عثمان مساعداً للمدير العام لهيئة العمليات واللواء/ احمد امام التهامي مساعداً للمدير العام لهيئة المباحث والامن واللواء / عمر محمد علي مساعداً للمدير العام لهيئة الشئون العامة. وعلى ذات السياق اصدر المهندس ابراهيم محمود حامد وزير الداخلية قراراً وزارياً تم بموجبه تعين الفريق/ محمد الحافظ حسن عطية مديراً لشرطة ولاية الخرطوم بدرجة مساعد مدير عام
( منقول من موقع رئاسة الشرطه)
| |
|
|
|
|
|
|
Re: (Re: ابراهيم الرشيد عبدالرحمن وراق)
|
شايفك يا ود المشرف عجبتك الحكاية وعاوز تسوق فى الانحلال وعدم الضبط والربط؟
اكان المعاش ده بعمل كده من بكرة نرجعك البوليس ونعيد صياغتك من جديد, ولا اقول
ليك هو فضل ضبط وربط ما الحكاية جاطت , لكن فى الدفتر ده احسن تضاير لو يلم فيك
سيادتو الطيب او فارس موسى ينتف ريشك .
كشان بقى يخاف منى وما بغلط معاى لانه مرة هرشته قدام حكومته وهددته بكشف المستور
وبكده انسترت معاه وما بقدر يقول بغم.
لك خالص الود
| |
|
|
|
|
|
|
Re: (Re: omer osman)
|
Quote: والسجيمان عمر عثمان
|
*** ابراهيم الرشيد باين عليه لسه ما عرف أختنا هدير الزين ولا ما كان كتب الكلام الفوق ده .. صاح يا عمر
*** بس عذرك يا ابراهيم الرشيد إنو من حقك تضفر الجونير .
*** أمين نور الدايم .. حسن الكفش .. صلاح بابكر .. صلاح الزبير .. بابكر عبد المطلب ..... معلومات مؤكده من أخونا عبد الله عوض
بأنهم أخضعوا لأختبار إنفلونزا الخنازير و جاءت النتيجه إيجابيه . على حد قول عبدو عوض
| |
|
|
|
|
|
|
Re: (Re: ابراهيم الرشيد عبدالرحمن وراق)
|
Quote: mohmd abass to me show details 8:30 AM (3 hours ago) Reply
السلام عليكم ورحمة الله اود المشاركة معكم ما امكن حتى ولو عن طريق بريدك الالكتروني رائدم محمد عباس |
الف مرحب بيك يا جنابو محمد عباس والايميل بتاعك اعلاه نعتبرو المشاركة الاولى .. ونتمنى انك تواصل معانا
اخوكم /على سرالختم
| |
|
|
|
|
|
|
Re: (Re: Ali Sirelkhatim)
|
Quote: بعدين مسعول من الخير انتو دفعتى امين نور الدائم ضربتو انفلونزا الخنازير ولا شنو ؟ لانو مختفى شديد
وكل ما اضرب ليه يرد لى المجيب الالى بالله كان لميت فيه بلغه التحايا وقول ليه اظهر والا ح اطلع ليه
فضايح تمرقه من امريكا جارى.
|
امين نورالدايم قال الزول بتاع الاسكان ده {الطيب عثمان يوسف} عامل ليه جن فى راسه. وجه ضاحك
| |
|
|
|
|
|
|
Re: (Re: Ali Sirelkhatim)
|
رحلة عن الدنيا الفانيه
والدة العقيد شرطة /حيدر عابدين[/U]
مساء البارحة
وتم دفنها بمقابر برى اللاماب
لها الرحمة ولذويها الصبر والسلوان
تلفون 09121311125
| |
|
|
|
|
|
|
Re: (Re: محمد عبدالمنعم التلب)
|
اللهم اغفر لها وارحمها واسكنها فسيح جناتك.
احر التعازي للاخ حيدر عابدين في وفاة والدته وتعازينا موصولة لسعادة اللواء مامون امان شقيق الفقيدة.
| |
|
|
|
|
|
|
Re: (Re: omer osman)
|
elfatih saeed to me show details 6:26 AM (32 minutes ago) Reply
الأخ علي تحياتي أبلغني الأخ / عبد الناصر الياس بوفاة اللواء / محمد الخليفة الحسن و ذلك يوم الجمعة الماضي .. له الرحمة و المغفرة .. و التعازي موصولة للأخوان / حسن محمد أحمد الخليفة ( 37 ) و زاهر محمد أحمد الخليفة ( 46 ) ..المغفور له بإذن الله عملنا معه بولاية الخرطوم عندما كان نائباً للمدير للجنايات .نشهد له بحسن المعشر و السماحة و الطيبة .له الرحمة
الفاتح كامل{46}
| |
|
|
|
|
|
|
Re: (Re: Ali Sirelkhatim)
|
Quote: رحلة عن الدنيا الفانيه
والدة العقيد شرطة /حيدر عابدين
مساء البارحة
وتم دفنها بمقابر برى اللاماب
لها الرحمة ولذويها الصبر والسلوان
|
Quote: الأخ علي تحياتي
أبلغني الأخ / عبد الناصر الياس بوفاة اللواء / محمد الخليفة الحسن و ذلك يوم الجمعة الماضي .. له الرحمة و المغفرة .. و التعازي موصولة للأخوان / حسن محمد أحمد الخليفة ( 37 ) و زاهر محمد أحمد الخليفة ( 46 ) ..المغفور له بإذن الله عملنا معه بولاية الخرطوم عندما كان نائباً للمدير للجنايات .نشهد له بحسن المعشر و السماحة و الطيبة .له الرحمة
الفاتح كامل{46} |
نسال الله الرحمة والمغفرة لهم وانا لله وانا اليه راجعون
| |
|
|
|
|
|
|
Re: (Re: Ali Sirelkhatim)
|
Quote: *** ابراهيم الرشيد باين عليه لسه ما عرف أختنا هدير الزين ولا ما كان كتب الكلام الفوق ده .. صاح يا عمر
|
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وضح افصح ابن.جزاك الله خير
| |
|
|
|
|
|
|
Re: (Re: Ali Sirelkhatim)
|
الزملاء الاعزاء
تحية طيبة نأسف للغيبة الطويلة من الدفتر
ألف مرحب بالاخ إبراهيم الرشيد بيننا و نتمنى ان يطيب لك المقام و شايفك حركت الدفتر حركة شديدة انا عارفك نشيط نتمنا ان نرى منك الكثير
الرحمة و المغفرة لوالد السيد زاهر محمد احمد الخليفة ووالدة السيد حيدر عابدين انا لله و انا اليه راجعون
عادل
| |
|
|
|
|
|
|
Re: (Re: Adil Hamza)
|
Quote: الأخ علي تحياتي
أبلغني الأخ / عبد الناصر الياس بوفاة اللواء / محمد الخليفة الحسن و ذلك يوم الجمعة الماضي .. له الرحمة و المغفرة .. و التعازي موصولة للأخوان / حسن محمد أحمد الخليفة ( 37 ) و زاهر محمد أحمد الخليفة ( 46 ) ..المغفور له بإذن الله عملنا معه بولاية الخرطوم عندما كان نائباً للمدير للجنايات .نشهد له بحسن المعشر و السماحة و الطيبة .له الرحمة
الفاتح كامل{46}
اللهم اغفر له وارحمه رحمة واسعة واغسله بالماء والبرد واجعله مع النبيين والصديقين . والعزاء موصول لاقرباء المرحوم من الزملاء حسن محمد احمد الخليفة 37 زاهر محمد احمد الخليفة 46 مبارك عثمان (كل شئ ) 46
فهو ليس والدهم هذا مالزم توضيحه وشكرا .
| |
|
|
|
|
|
|
Re: (Re: على جويلى)
|
أصدق التعازى للأخ حيدر عابدين فى وفاة والدته , وأسأل الله أن يحسن اليها ويجعل قبرها روضة من رياض الجنة , ولا حول ولا قوة الا بالله العلى العظيم .
العزاء موصول للأفاضل حسن محمد أحمد الخليفة , وزاهر محمد أحمد ومبارك عثمان فى وفاة عمهم اللواء محمد الخليفة الحسن , وأسأل الله أن يدثر الراحل العزيز بشآبيب رحمته ومغفرته ويجعل الجنة مثواه , ولا حول ولا قوة الا بالله العلى العظيم .
| |
|
|
|
|
|
|
Re: (Re: فيصل عثمان الحسن)
|
الاخ عادل عبد الحميد حمدلله على السلامة
يا شيخنا الحفلة بتاعة نانسى عجاج عندكم فى فرجينيا قايمة ولا لغوها..نرجو افادتنا اذا قايمة عشان نجى ولو كدّارى ذاتو وحبذا لو حاتجى انت برضو {ماعارفنك بتاع هجيج ولا لا}.يعنى حا يحصل شنو يعنى حا يحيلونا الصالح العام تانى؟ تعال ياشيخنا نهجج ونبتهج وان شا الله محل رهيفة التنقد يا شيخنا. نعم..ماشاالله جزاك الله خير
اخوكم/ على سرالختم
| |
|
|
|
|
|
|
Re: (Re: Ali Sirelkhatim)
|
سياتو على تحياتى الحارة
على ما اعتقد الحفلة قائمة فى مواعيدها و يا ريت لو تجونا من بدرى يعنى قبل الحفلة بيوم يومين
غدا عندنا حفلة بى عاصم البنا ما فى اى احتمال لمشاركتنا?
عادل
| |
|
|
|
|
|
|
Re: (Re: Ali Sirelkhatim)
|
*** ( طارق و الطيب )
..... متفقدين و معزيين
*** الأخ العقيد حيدر عابدين ... نسأله أن يسكن الفقيده فسيح جناته مع الصديقين والشهداء . الهاتف الموجود على البوست ده مقطوع
*** المرحوم اللواء محمد الخليفه الحسن كلنا نحن قبيلة البوليس نعزى فيه أنفسنا .. و نسأل الله الرحمن الرحيم أن يسكنه فسيح جناته مع
الصديقين و الشهداء . ...
.............. مغادره
| |
|
|
|
|
|
|
Re: (Re: الطيب عثمان يوسف)
|
Quote: سياتو على تحياتى الحارة
على ما اعتقد الحفلة قائمة فى مواعيدها و يا ريت لو تجونا من بدرى يعنى قبل الحفلة بيوم يومين
غدا عندنا حفلة بى عاصم البنا ما فى اى احتمال لمشاركتنا?
عادل |
فى برينسس آن؟
| |
|
|
|
|
|
|
Re: (Re: محمد عبدالمنعم التلب)
|
الاخ على
الحفلة فى Salisbury, Maryland على بعد 10 ميل من Princess Anne لسة الدعوة قائمة رغم انو الحفلة حا تبدأ بعد 4 ساعات
مع تحياتى
عادل
| |
|
|
|
|
|
|
Re: (Re: Adil Hamza)
|
Quote: فارس موسى : غيابك طال , مريت امبارح جنب بيتنا فى اشلاق الاوسط لقيته عمارة خمسة
طوابق ؟ يعنى بعد سرقة الاحلام ازالو حتى اثارنا وذكرياتنا. |
تحيه للجميع
اولا التعازى الحاره للاصدقاء والدفعه
عثمان منصور
عادل على عبدالجليل
حيدر عابدين
ثانيا التحيه والترحيب بالصديق الغالى جدا وود حلتى واحد اشاوس الشرطه (عصرئذ) إبراهيم الرشيد ، معقوله بس يالطيب يكون فى ظباط كاربين بطلعوا من اصطبلات عبد الرحيم محمد حسين ولم يتدربوا
على ايدى محمد عبد المنعم التلب ( اول ميدان 52) وإبراهيم الرشيد (اول ميدان 55) وخالد عبد الباقى (اول ميدان 56 ) وبرضو تقول لى عسعس رسالى (اوكامبو رجع ) !!!
إنتو يا عبدو عوض حكاية بواليس دال دى شنو ؟ يعنى هسه انا لو رجعت سودان الجن دا بشغلونى فى دال ولا لازم توقع فى الموت الوطنى بتاع ناس عمر عثمان البدخلوهو وحدانا وزرافات ؟؟ أفتونا !
بالنسبه لأمين نور الدايم يا إبراهيم الرشيد ما راجع السودان والكيزان ديل قاعدين فى الحكومه ( شفت هوا السناير كيف ؟ ) قال ما مصدق إنو ربنا اسرى به من قشلاق غرب لكولومبس اوهايو !!!!
ياجماعه حكاية المدير العام الجديد دا شنو ؟؟
والادهى والأمر حكاية نايب المدير العام المستديم دى !!
استاذى عادل العاجب .. لم (شكلوها ) هذا الهوان وانت معلم كل الاجيال وصاحب تاريخ انصع من الذى مهر تعيين صبى القصر مطارد الصبيه والصبايا فى حدايق النيلين ؟؟
هل تظنن إنك ستخلد فى هذا الكرسى المرزول ؟ الم تكفهم 20 عاما قدمت لهم خدماتك الجليله لكى يثقوا فيك ويضعوك فى الكرسى الذى انت اهلا له منذ اكثر من سبعه من المدراء
ارجو أن يوضح لى اتباع النظام من زملاء الغم هذا لماذا لا يعين عادل العاجب مديرا عاما ؟؟ اجابتى لا تسر الناظرين !!
معقوله بس ظابط فريق ونائب تأتى بلواء غايب عن المهنه قرابة ال10 سنوات لترقيه اوعى تقول لى فريق اول حته واحده وتختو بفوق مش لفريق اقدم ودرسو بل فوق لكل اللوائح والقوانين
فعلا إنها دولة البعث الضارى !!
يا عادل العاجب استقيل فقد طمرت نصف تاريخك بقبولك لهذا الفعل المارق .
ولن اعود
مغادره
يا سيد فيصل إتوقع منى مكالمه فى القريب .
معليش يا على سرالختم على حدف الدفتر فانا لم اعمل فى الخدمات الإجتماعيه قط !
| |
|
|
|
|
|
|
Re: (Re: فارس موسى)
|
الاخ الحبيب فارس موسى
دخلتك على الدفتر زى طابور الاغارة تزيد الحماس وتحرك ساكن الاحداث وهو ما عهدناه فيك دائما, لا تركن الى السكون, مصادم
لا تحب اللون الرمادى يا ابيض يا اسود زى ما قال عادل امام, والله مشتاقين وما تطول الغيبة.
Quote: ولا لازم توقع فى الموت الوطنى |
انت بس تعال راجع وانا بوريك الدرب لكن ما بمشى معاك.
بالنسبة لامين نور الدايم, اظنه ما مصدق رغم مرور السنين انو فى امريكا, زى جماعة مدراء عامين ما مصدقين لحدى بعد ما نزلو
المعاش انهم وصلوا المكانة دى (عرفتنى قاصد منو؟), بعدين قالو امين لسه ما بعرف انجليزى ولما كان جاى السودان قال لموظفة
الطيران, Sudan Air ربنا فتح ليه بيها فى اخر لحظة لانو الموظفة افتكرته وحسب الشبه من ساحل العاج.
لك التحية والمودة
| |
|
|
|
|
|
|
Re: (Re: omer osman)
|
Quote: ساحة للتلاقي والتواصل الاجتماعي |
والقال ليك دا ما تواصل إجتماعى منو ياكوز ؟ اوعى تزعل لانو انا متعود اسمى الحاجات باساميها !
شوف ياعمر عثمان إنت كنت بوليس وهسه بقيت مرابط واوعى تزعل برضو دا خيارك لكن انا عاوزك تنعنش ذاكرتك القديمه قبل ما تربط مكنة كوز لانو ديك البنعتد بيها نحن كبواليس اما مكنتك الاخيره
لا يعتد بيها ولا نريد معرفة اسباب تركيبك ليها !
فمن ذاكرتك القديمه ورينى لاقتك وين سابقة جماعتك الجابو صبى المعامل الملكى دا ويرقوا فوق لكل الناس القاعده من 37 و42 وفوق لعادل العاجب (اول دفعتو ) وإنت كنت اول دفعتك ورينى من وين جبتو دا .
بعدين يا منقه والمصطلح يرجع لخالد وداعه (الكارثه ) القال ليك منو جغجغة نقار الحقيقه ما تواصل إجتماعى وإنت جبت السلطه بتاعة تحدد لينا نكتب فى شنو ونخلى شنو من وين ؟؟ ولا دى اول دروس البندقيه
رباط : إقصاء الاخر وقمعه ؟
ما تم يا عمر عثمان فى ال20 عاما الماضيه فى كل مناحى حياة شعبنا هو جريمه توجب المحاسبه والمسائله والعقاب ،ولن تسقط جرائم عصبتك بالتقادم ، اما فيما يخص هذه المؤسسه التى جمعتنا يوما ساظل
واحدا من الذين يداوسون ويدافعون عن حياضها كلما انتاشتها بغاث الطير والمرضى والمهوسين والإنتهازيين وكلاب السلطه طالما هنالك نفس طالع واخر نازل ، فالإنتماء باق حتى يأخذ صاحب الامانه امانته .
وإن عدتم عدنا .
يا على ساواصل رجمى لالهة السطو على مؤسسات شعبى هنا رغم انف التمييع والهروب للامام ومحاولات التطبيع الفارغه والجوفاء التى يرددها بعض ضعاف النفوس والذاكره
وليسقط هاشم عثمان ومن اتو به و(.........) فى كل خفافيش الشرطه حتى المن دفعتى .
فارس موسى محمد الشيخ
بوليس وود بوليس .
حكمة اليوم :
اقدم منك ارجل منك ، افهم منك .....واحسن منك
مو ياها عسكريتنا يا إبراهيم الرشيد ؟
| |
|
|
|
|
|
|
Re: (Re: فارس موسى)
|
Quote: حكمة اليوم :
اقدم منك ارجل منك ، افهم منك .....واحسن منك
|
اذا جردنا هذه الحكمة من اطارها العنتري وقبلنا بها على علاتهاندعو اخونا في الله والبوليس سيادتو فارس موسي للالتزام بحكمته التى
ساقها وبالتالي ليس من حقه الحديث عن المدير العام لانه اقدم منه وليس من حقه الحديث عن كيفية تعيينه لانه معين من الاقدم
منك سيادتو فارس ولا الحديث عن الفريق عادل العاجب لذات السبب.
كثير من ضباط البوليس في هذا المنبر لديهم اراء في السياسة تختلف او تتفق مع رأي في البوستات التى افتحتها وتتناول الشأن
السياسي وتدور بيننا نقاشات صاخبة في تلك البوستات لكن بمجرد ان ندخل (نادي الشرطة) ده لانتكلم في السياسة لانه لكل مقام مقال
وهذه الرسالة التى قصدت نقلها لك سيادتو فارس.
| |
|
|
|
|
|
|
Re: (Re: فارس موسى)
|
Quote: مرحباً بالأخوان محمد صديق واسامه أبتر |
الاول لا اعرفه لكن الثانى عمل معى ، لسه كوز يا ابتر ولابقيت بوليس خلاس ؟
برضو مرحبا .
| |
|
|
|
|
|
|
Re: (Re: فارس موسى)
|
احر التعازى للاخ اسكندر دينق فى وفاة المغفور لها باذن الله والدته وانا لله وانا اليه راجعون.{حاولت الاتصال وتلفونك مقفول يا اخ اسكندر وساحاول مرة اخرى}
اخوكم /على سرالختم
| |
|
|
|
|
|
|
Re: (Re: Ali Sirelkhatim)
|
Quote: معليش يا على سرالختم على حدف الدفتر فانا لم اعمل فى الخدمات الإجتماعيه قط ! |
يادفعة قلنا يمكن التلج بتاع كلورادو ده يطفى نيرانك شوية لكن يبدو انك ملهلب لسة.. عموما مافى داعى للاعتذار وانت حر تكتب العايز تكتبوا يا زول ..ونفس الحق مكفول للجميع اى زول عايز يكتب اى حاجة فى البوست اليكتبها وانا والله مابزعل من اى زول.. الدايرين تسوو سوو ..
وان شاء الله محل رهيفة تنقد.
سلام.. اخوكم جميعا بدون فرز ايا كان لونكم السياسى والاجتماعى/ على سرالختم
| |
|
|
|
|
|
|
Re: (Re: Ali Sirelkhatim)
|
Quote: اذا جردنا هذه الحكمة من اطارها العنتري وقبلنا بها على علاتهاندعو اخونا في الله والبوليس سيادتو فارس موسي للالتزام بحكمته التى
ساقها وبالتالي ليس من حقه الحديث عن المدير العام لانه اقدم منه وليس من حقه الحديث عن كيفية تعيينه لانه معين من الاقدم
منك سيادتو فارس ولا الحديث عن الفريق عادل العاجب لذات السبب.
|
الاخ العزيز جدا عمر عثمان
مساء الخيرات بتوقيتكم
قبل المرور على دفتر التمييع والتطبيع الإجتماعى الليل دفعتى على مررت على بوست غاية الموضوعيه لدفعتى الطيب عثمان يوسف موجه لشخصكم الكريم ،ورغم إننى من الرافضين للفرمنه
وتحديد خيارات الناس لكنى اخذت موقف الطيب موقف الناصح وليس المحدد لكم خياركم لذا احترمت نصائحه لكم ، وهانذا اؤمن على ما كتبه الاخ الطيب كاملا مضيفا او ضاغطا على ان تاريخكم
رغم قصره كتاريخنا فى الشرطه ابهر من ان تغمره فى اوحال الدفاع عن جيفة المؤتمر الوطنى ونتاناتها التى ازكمت انوف كل السودانين إلا من به عته وحكمته هى العنتريات .
إن اجبت على سعوالى المتعلق بالاقدميات وماجرت عليه اعراف الشرطه حتى فى تعيين المدير العام ونائبه لاكفيتنى والقراء خاصه من القوات النظاميه هذه المعافره المتعلقه بالحكم !
احترم خياراتك واحترم شخصكم غاية الاحترام لكنى اعطى نفسى الحق فى الدفاع عن وجهات نظرى ومن زاوية شوفى للحاجات والوقائع .
إحترامى ومحبتى لاستاذى واستاذ كل الاجيال عادل العاجب وقبل العاجب حبى لهذه المؤسسه الباقيه بقاء السودان الوطن هو الذى دفعنى لكتابة ما انت معتبره وقاحه وعدم إنضباط
بين الغيره وإحقاق الحق ورفض الظلم وعدم الضبط والربط فركة كعب ونعرف حدودنا مهما (تملكنا )
عدم الصدوح بالحق ومجابهة الظلم والطغيان اول علامات هزيمة الامه (والمؤسسه) إن بقى فيها مؤسسيه مع البعمل فيهو استاذنا عادل العاجب .
اتحداك تسأل ناس 37 عن موقف عادل العاجب فكل إبائنا وأنفتنا من طين الميدان الاحمر .
الساكت عن الحق شيطان اخرس
لا زلت انتظر ومعى اخرون تعرفهم رايكم فى الطريقه التى تم بها ترفيع هاشم على كل ناس 37 و42 وتجميد عادل العاجب هكذا ؟؟ رجاء ودون تبريرات سمجه وهروب
حكمة اليوم : انصر اخاك ظالما او مظلوما
الدين النصيحه
| |
|
|
|
|
|
|
Re: (Re: فارس موسى)
|
Quote: يادفعة قلنا يمكن التلج بتاع كلورادو ده يطفى نيرانك شوية لكن يبدو انك ملهلب لسة |
دفعتى على باكسن مرسال
تحياتى وعبرك للوليدات وامهم
انينا لا برد كلورادو لا برود اعصاب عادل العاجب ما ببرد غبينتنا والمغبون ماعندو شغله غير الدواس
عموما اكرر اسفى وإعتذارى لك ولحضورك البهى من الزملاء والقراء المتابعين وتحيه خاصه للصديق كيكى
خروج
| |
|
|
|
|
|
|
Re: (Re: فارس موسى)
|
المياعة دى كلمة ماكويسة فى حقنا يا دفعة ..رايك شنو تسحبها وتعتذر؟
| |
|
|
|
|
|
|
Re: (Re: Ali Sirelkhatim)
|
Quote: إحترامى ومحبتى لاستاذى واستاذ كل الاجيال عادل العاجب وقبل العاجب حبى لهذه المؤسسه الباقيه بقاء السودان الوطن |
*** ( طارق و الطيب )
فارس موسى : good shot
،، ،،
مغادره
| |
|
|
|
|
|
|
Re: (Re: الطيب عثمان يوسف)
|
الأخ ابراهيم (الشديد) في واحد دفعتك بسأل عن أخبارك وأراضيك.. وأوصاني أكتب ليك الإسم كما هو مكتوب.. ___ لو سمحت أرسل أرقام تلفوناتك في المانسجر الداخلي..
| |
|
|
|
|
|
|
Re: (Re: Yassir Tayfour)
|
الاخ ياسر
ياحليل الزمن داك.
ارسلت لك رقم التلفون والبريد الالكترونى, اتمنى اسمع منك ومن دفعتى قريب.
لكم التحايا
| |
|
|
|
|
|
|
Re: (Re: فارس موسى)
|
Quote: الاخ العزيز جدا عمر عثمان
|
سيادتو فارس هكذا عرفتك حبوب واخو اخوان ودود تشيع البسمة في من حولك حتى وسط الاحدث منك.
رابطة البوليس التى بيننا اقوي من اى ربطة اخري وستظل انشاء الله فارس الذي عرفته وساظل انا عمر الذي تعرفه.
| |
|
|
|
|
|
|
Re: (Re: omer osman)
|
Quote: انينا لا برد كلورادو لا برود اعصاب عادل العاجب ما ببرد غبينتنا والمغبون ماعندو شغله غير الدواس |
لكن يافارس الدواس الاسفيرى ده لا بقدم ولا باخر ولا بحقق اى عدل ومساواة. وخاصة لما يكون فى بوست مايع زى حقى ده.رايك شنو تفتح ليك بوست براك كده حق رجال تداوس وتنبذ فيه زى ماعايز..وخلّى لينا البوست ده للاجتماعيات فقط لانو انا والله بصراحة ماعاد بيهمنى منو يبقى مدير عام الشرطة حتى ولو جابو الجاك ياى عملو مدير عام مافارق معاى كتير .. والبوليس لو مسكوه الكيزان ولا الشيطان مافارق معاى.. ولا ارغب فى السياسة ولكن احترم الاخرين وخياراتهم وهذه ابجديات الديمقراطية..
| |
|
|
|
|
|
|
Re: (Re: Ali Sirelkhatim)
|
جنابو فارس و صاحب البوست و الضباط ....
اها أولاد البوليس ممكن يشاركو؟؟؟؟
كنت بتكلم مع الوالد في موضوع الفريق عادل العجب دا..... قال يتوقع إنو الفريق العجب يدير البوليس هو...... لانو المدير الجديد دا ما عارف حاجة ... لكن قال الفريق العجب لازم يستقيل ... ما علشانو هو ..لكن علشان البوليس كلو ... الوالد قال ألبوليس اساسو هو الضبط والربط .... و الترقيات دي مافيها لعب ... يعني لو وافق و قعد .. خلاص التخطي بتاع الدفعات دا بيبقى عادة و القصة بتجوط ..... أكتر من ما هي جايطه هسي
| |
|
|
|
|
|
|
Re: (Re: الصادق عوض)
|
الأخ الصادق شكراً لك لنقلك رأى والدكم الكريم هنا فالوالد - أطال الله عمره ومتعه بالصحه والعافيه- لاينطق من فراغ الفريق عوض سلاطين من رموز البوليس المشهود له بالكفاءه وقوة الشخصيه ويحمد له حتى الآن موقفه فى تخطيه للترقيه لرتبة الفريق .. فقد قاتل فى سبيل ذلك حتى أخذ حقه من أعلى سلطه فى البلاد فى ذلك الوقت تحياتى وتعظيم سلام من كل البوليس لوالدكم الكريم سعادة الفريق عوض سلاطين ودمتم
| |
|
|
|
|
|
|
Re: (Re: أسامه الكرور)
|
جنابو اسامة ... يعني كان في داعي تمشي تقلب في البروفايل ...:) إنتو حركات البوليس دي ما بتخلوها ......:) أنا ما حبيت اكتب إسم الوالد لانو دي ونسه خاصه و ممكن ما تعجب ناس ..... مع إنو أنا عارف لو قلت ليهو أنزل الكلام دا باسمك بقول لي نزلوا ...:)
تعرف يا جنابو كنت مرة بمزح معاه .. قلت لهو يابوي في فريق بنزل معاش و بيت ما عندو؟؟؟؟ .... قال لي مرتبات البوليس معروفة كم.... يعني أمشي أسرق عشان ابني ليكم بيت ؟ بعدين أنا لو كنت بسرق..... كان بكون عندي عين أمشي ليهم في الخرطوم ...... و أقول أبيتو ترقوني لفريق مالكم؟
| |
|
|
|
|
|
|
Re: (Re: الصادق عوض)
|
(قلت لهو يابوي في فريق بنزل معاش و بيت ما عندو؟؟؟؟ .... قال لي مرتبات البوليس معروفة كم.... يعني أمشي أسرق عشان ابني ليكم بيت ؟)
العزيز الصادق تحياتى وعبرك لسعادة الفريق عوض سلاطين , هكذا كانت الشرطة وقادتها الأفذاذ , كان رضاء النفس هو المقصد لخدماتهم الجليلة التى يقدمونها ابتغاء مرضاة الله وأنفسهم الأبية الشامخة , لا يداهنون نظام حكم ولا يتملقون أحد جباههم عالية ومواقفهم راسخة كما الجبال الراسيات , همهم الأوحد والمقدم حتى على همومهم الأسرية هو الشرطة وأمن المواطن لايقحمون أنفسهم فى السياسة ودروبها الوعرة , لم أتشرف بالعمل تحت امرة سعادة الفريق عوض ولكنى أخاله كأبناء جيله من أؤلئك الميامين حيث كان الضابط الذى يصل لرتبة اللواء والفريق هو قطعا من المميزين وكان كل منهم كما ذكر أخونا على سرالختم صاحب مدرسة فى مجال ما , اذ كانت الترقيات لا تتم الا عبر بوابة الكفاءة ولا شئ غيرها , وأرجو أخى الصادق أن تمرر تحياتى بعد سعادة الفريق الى صديقى ودفعتى عمك العميد بخيت عيسى , شفت يالصادق شغل ناس المباحث كيف .
| |
|
|
|
|
|
|
Re: (Re: فيصل عثمان الحسن)
|
جانبو فيصل..... تحيتك بتوصل ... و لعمنا بخيت برضو ...لسا تاني في اتنين ما عرفتهم .....داسنهم منك :) تعرف جنابو بخيت دا اتقدم و انقبل في الكلية بدون ما يكلم الوالد ... الوالد كان ما عاوزهم يدخلوا الكلية ....و ما اتوسط ليهم .... بقول المؤهل في اهلنا عشان يدخل الكلية ، بدخل بمؤهلاته ....لو دخل الكلية بواسطه أكيد ما بنفع :)
| |
|
|
|
|
|
|
Re: (Re: الصادق عوض)
|
Quote: اها أولاد البوليس ممكن يشاركو؟؟؟؟
|
الاخ الصادق تحية طيبة
ياخ انت ابن بوليس وفى البوليس ابن سعادة الفريق عوض سلاطين..ياخ انت مش تشارك وبس .. تشارك وترفت وتعيّن كمان..
الف مرحب بيك يا اخ الصادق
لكم والوالد كل التجلة والاحترام
على سرالختم
| |
|
|
|
|
|
|
Re: (Re: Ali Sirelkhatim)
|
Quote: كان رضاء النفس هو المقصد لخدماتهم الجليلة التى يقدمونها ابتغاء مرضاة الله وأنفسهم الأبية الشامخة , لا يداهنون نظام حكم ولا يتملقون أحد جباههم عالية ومواقفهم راسخة كما الجبال الراسيات , همهم الأوحد والمقدم حتى على همومهم الأسرية هو الشرطة وأمن المواطن لايقحمون أنفسهم فى السياسة ودروبها الوعرة |
....
عشان أاكد على كلامك دا يا جنابو فيصل .... يوم الإنقلاب - كان يوم جمعة - الوالد كان مريض بالملاريا على ما أذكر .... اها اليوم داك كان فاطر مع الوالد في البيت في مدني الشريف أحمد عمر بدر و أظن مالك الزاكي ... قعدوا و فطروا ...و جروها لحدي قريب الغدا .... بعد داك مرقو .... دي أظن أول مرة الشريف يجي البيت....... و أظن ختا عينو على البيت بتاع مدير شرطه الاقليم الأوسط من اليوم داك.......... لحدي ما قلعو من البوليس - دي حكاية برجع ليها يوم تاني - .... المهم ...بعد الحكاية دي باربعه أو خمسة سنوات ... الشريف قابل الوالد و قال ليهو "إنت عارف يا سعاتك يوم الجمعة داك نحن كان مدننا تعليمات نمنعك تمرق من البيت لاي سبب ....."
الحكاية دي قالها لي الوالد السنه الماضيه ....و قال "شكلو ما عارف قومية الشرطة معناها شنو..... نحن نحمي الناس و نوفر ليهم الأمن ولا نقلب الحكومات " :).... ما بزعلو شي إلا الطريقة البتذل بيها الحكومه البوليس هسي ... تصدق يا جنابو أنا لي هسي سلاطين دا ما عارفو حزبو شنو .... قلت ليهو مش في اشاعه بتقول انك حزب أمة و عشان كدا مسمي واحد من أولادك الصادق ....؟
ضحك و قال " الوزير الخلا الناس تتخطاني في الترقية كان حزب أمة و أبا يسمع تظلمي لماً جيت اشتكي، و ما أنصفني إلا إدريس البنا الاتحادي " .....
أقعدوا بعافية
| |
|
|
|
|
|
|
Re: (Re: الصادق عوض)
|
*** ( طارق و الطيب )
..... مرورنا متفقدين :
*** الأخ الصادق سلاطين : 1/ نحيى والدكم و عبره التحيه لكم ... و أهلا بكم
2/ أرجو تصحيح المعلومات التى نقلت لسعادة الفريق عن أحد الزملاء و التى أوردتها
أنت فى بوست آخر .
3/ لا أنتظر تعليق ... فقط أتمنى مراجعة معلوماتكم .. إن أمكن
*** مغادره
| |
|
|
|
|
|
|
Re: (Re: الطيب عثمان يوسف)
|
يا سعاتك..... المعلومات دي شنو و في ياتو بوست ؟ و يراجعو فيها شنو؟ شكراً على التحية والترحيب
| |
|
|
|
|
|
|
Re: (Re: الطيب عثمان يوسف)
|
برضو يا جنابو الطيب ما وريتني....أي كلام مفروض يتعدل...و اتنقل خطأ ..... ما قاعد اغالط فوقك ولا حاجة ...بس عشان أعرف وين و أمشي أمسحو .... لكن الفيك اتعرفت ...ناس البوليس تديهم
Quote: ........ صلوا على بحر الصفا : و جربوا كباية الشاى دى:
شـاي السِّـت . |
و نحنا الملكيه ما تدونا إلا نقاط و أرقام و كلمات مقتضبه....
Quote: / نحيى والدكم و عبره التحيه لكم ... و أهلا بكم |
....
مع اني أنا بس الجيت هنا لكن برضو شكراً .... بكلموا ليكم وأشوف لو عاوز يكتب هنا
| |
|
|
|
|
|
|
Re: (Re: الصادق عوض)
|
Quote: ما قاعد اغالط فوقك ولا حاجة ...بس عشان أعرف وين و أمشي أمسحو ....
|
*** ( طارق و الطيب )
.... الأخ سلاطين : أرجو عدم مسح مداخلتكم .. فقط أرجو تصحيح المعلومات التى على ضوءها أتيتنا
بمداخلة سعادة الفريق . بواحد من بوستات ست الشاى .. ولا أعتقد أن الموضوع يحتاج منا
لكثير أخذ ورد فأنت مننا و فينا .. لك كل التقدير .
*** مغادره
| |
|
|
|
|
|
|
Re: (Re: الطيب عثمان يوسف)
|
Eltayeb Medani show details 4:04 PM (2 hours ago) Reply
--- !! نكت شوايقة
ادروب سألو: تمشي الجنة والا النار قال ليهم: الشوايقة ماشين وين ؟؟
قالو ليهو: ماشين النار قال: خلاس بامشي معاهم النار يا ادروب الكلام ده كيييف بس؟؟ :قال ليهم الشوايقة ديل ما بمشو حتة الا يكون فيها كّدة ولا منفعة
***********************
شايقي لقو بدق في اولاده الاتنين - سالو مااالك؟ - قال لقيتهم فاتحين المروحة في تلاتة وهم كلهم اتنين بسسس
****************
شايقي دخل مع ابليس في جمعية شال الصرفة الاولى وقال بسم الله
*******************************
... شايقية عجوز في محو الأمية :سألتها المدرسة قولي لي جملة فيها إدغام بغنة ؟ :قالت ليها عمن يعميك
**************************************
:شايقي قال لابوه ... ابوي عايز اكمل دراستي بره ابوه قال ليهو مافي مشكلة خلي امك تفرش ليك السرير في الحوش بس اوعى البرد ما يطقك
*******************************
واحد شايقي جاتو ليلة القدر قالو ليه اي حاجة دايرة بتتحقق ليك بشرط انه الجعلي جارك تتحقق ليه نفس الحاجة مرتين قال ليهم قدو لي عيني
*********************************
قالو ليكم شايقي قاعد قدام قبر ويبكي بكاء شديد الجماعة شافو ليك وقالو الشايقي ده مجنون ، ما عارف القبر ده حق الجعلي .. قامو قالو ليهو هاااااااااااا زول نعل ما في عوجة انت ما عارف القبر ده قبر الجعلي قال ليهم :آي بالحيل عارفوا قبر الجعلي ... لكن أنتوا ما سمعتوا البكاء بعذب الميت ...
************************
كان في شايقي راكب في مركب في النيل ومعاهو ابوهو وامو وناس تانيين غيرم وما كان في زول بيعرف يعوم غير الشايقي دا اها قامت المركب غرقت في نص البحر والشايقي ما عندو طريقة يمرق معاهو غير زول واحد بس اها قام الشايقي مرق معاهو واحد غير ابوهو وامو لما جا مارق في القيف الناس سالوهو انت كيف تخلي ابوك وامك وتمرق الزول الغريب ؟؟ رد عليهم: نان ماني طالبو
************************
شايقي لقوه بمسح صدره بي ورقة فئة 5جنيه سألوه ليه قال ليهم الدكتور قال لي اشتري زيت سمسم اشربه واتمسح بالباقي
************************
شايقي نذر لو جاله ولد يصوم خمسة ايام شكراً لله بعد ايام الولد مات ، صاحبنا راح خاصمهم من رمضان
************************
تمساح خاتي ليهو كوم ليمون جنبه يقشر ويأكل جاء تمساح سأله مالك يا تماسيحو ان شاء الله خير قال ليهو والله اتغديت لي بي شايقي عامل لي طُمام قال ليهو اجيب ليك دواء استفراغ قال ليهو المشكلة لا معدتي دايرة تهضمه لا الدنيا راضية ارجعه ليها تاني
*******************************
شايقي داير ينزل نعي في الجريدة .. كتب الشايقي ينعي ابوه ... ويوجد تمر للبيع
***********************
شايقي ابوه مات قالوا ليه: أدي الشيخ الغسل ابوك 10 الف BMW قال ليهم: ليه هو غسل
***********************
عسكري شايقي لقي جعلي مقتول ما عرف القتله منو سجل القضيه علي فاعل خير
***********************
قالو ليك فى شايقى مشى دار الايتام شغل ليهم اغنية بابا فين
****************** *****
امام شايقي في الركعة الاخيرة سمع واحد جاي يحصل الركعة سلم واقف
***********************
شايقي مشى يسجل ولده في المدرسة قالوا ليهو : المدرسة بي خمسمائة الف والبص بثلاثين الف قال ليهم خلاص سجلوهو لي في البص
***********************
شايقي كتب في وصيتو: ادفنوني جنب الجعلي لمن سالوه: ليه قلت كدا ؟ قال: عشان يوم القيامة الجعلي بيقول حرَم الحساب علي
***********************
شايقية فتحت جواز راجلها لقت مكتوب مهنته رجل اعمال قامت مسحت اعمال وكتبت عوضية
***********************
داير تعذب شايقى قطع قروش قداموا
***********************
شايقي دخل الجنه وفجاه اختفى لما فتشوه لقوه بكب في بنزين لي ناس النار
***********************
شـايـقى واقـــف في بص شـاف بنت قـاعـــدة قـام عاين ليها عــاينت ليه أبتـــسم ليها أبتســمت ليه غمـــز ليها غمــزت ليه ... أشـــــر ليها علي المحطة نزلت قعـد محلــــــــــــــها
***********************
فى اتنين شـــايقى وجعــلى حكمــوهــــم بالأعـــــدام يـوم الأعــــــدام سالوهم آخر أمنية ليكم قبال ما نعدمكم ؟؟؟ الشايقى حنين نط قدام الجعلى قاليهم انا عاوز أشـــوف أمى وأنت يا الجعلى داير شنو ؟؟ قاليهم: الشــايقى دا ما يشوف أمــــو
***********************
شايقي قالوا ليهو: رسل لينا التبرع بتاعك عاوزين نعمل حوش للمقابر قال ليهم: تبرع شنو عمركم شوفتو ليكم ميت شرد ؟
***********************
شايقي الحريقه قامت فى بيتو عمل مس كول للمطافى
***********************
سته شوايقة غاطسين فى البحر قالوا البطلع أول على سطح المويه الغداء عليهو وحاتكم لى يومى ويومكم ده ماطلعوا
*******************************
إتنين شوايقه زهجانين من نسوانُن واحِد قال للتاني:نِحنا لمن نموت ونتزوج الحور العِين نِسوانا ديل بودُوهُم وِين؟ التاني قال ليهُو بعزِبو بيهُم ا لكُفار
**********************
شايقي دخل البيت زعلان شديد ... مَرَتُو سألتو مالك يا راجِل قال ليها تخيلي الصيدليه عامله تخفيض كبير في الدواء وما عندنا زول عيان
**********************
قالوا واحد شايقي لاقا قريبو اسمو محمد احمد قام قاليهو: آموحمد احمد بتفهم في الكهربى شى قالو اي بفهم قام قاليهو كان كدي تعال علينا صلحلنا جرس الباب الليلنا باقي عطلان قالو سمح بجي اها صاحبنا ما جا قام لاقاهو بعد تلاته يوم قالومحومد احمد مالك ما جيتنا فشان تصلح الجرس قام محمداحمد قليهو: والله جيت تلاته مرات دقيتلكن الجرس مافي زول فتحلي
**********************
قال ليك واحد شايقي قال لي ابليس نزرع سوا قامو زرعو قمح الشايقي قال لي ابليس: انت شيل ال 4/3 التحت وانا الربع الفوق ابليس وافق اها لما ابليس اكتشف الحكاية زعل وشاكل الشايقي :قام الشايقي قال لي ابليس ما مشكلة نزرع تاني وانت شيل ال 4/3 الفوق وانا الربع ال تحت قام الشايقي زرع بصل
**********************
جعلي سألُوهو عن الغُربه كيف قال والله الغربه شِدة ما حاره تلاقي الشايقي في الشارِع تسلِم عليهو
**********************
شايقى إتصل فيه جورج قرداحي قاليهو: صديقك ميرغنى يبي مساعدتك :رد عليه الشايقى وقال قوله أني نايم
**********************
واحد غرق فى النيل مافى جنبو الا شايقى قال للشايقى: عليك الله انقذنى الشايقى قال ليه: يازول أحسن تستغفر الله ده ما يومك
**********************
شايقيه قالت لي امها : راجلي اتاخر خايفه يكون عرس علي قال ليها: يابت اتفائلي خير يمكن طقشتو عربيه
**********************
شايقى قروشو وقعت منو بالبلكونه وقت نزل لقاها عارفين ليه؟ لانو وصل قبلها
**********************
شايقى عندو فرن :جاهو شحات قال ليهو لى تلاته يوم ما ضقت طعم الرغيف قال ليهو ياهو زاتو ما اتغير
**********************
شايقي بخيييييييييييل حب يضرب باب البيت بوهيه ضرب ضلفه وكتب علي التانيه: (نفس اللون)
****** ****************
شايقي وجعلي ومحسي اصحاب اتفقوا اول واحد يموت منهم يختو ليه قروش جنب قبرو المحسي اتوفى اول واحد الجعلي خت 200 الف ومشى جا الرباطابي خت 200 الف ومشى جا الشايقي اخد ال 400الف وخت ليه شيك ب 600 الف وقال ليه: لمن تقوم امشي اصرفو
| |
|
|
|
|
|
|
Re: (Re: Ali Sirelkhatim)
|
ياابو علوة ماكنا حلوين مامافى داعى لاثارة هذه النعرات . اخونا عمر عثمان قال العسكرية دى بتحبنا ونحبها الشايقية موجودين بالكوم فى البوليس دحين الله يخارجك منهم واخونا الطيب مدنى دا باين عليهو من الجزيرة .
| |
|
|
|
|
|
|
Re: (Re: على جويلى)
|
جنابو ... بعد مرافعتك الجميله ديك ، أحسن حاجة إن امسح المداخلة كلها ....
بالمناسبة أنا قريت للوالد كلامك عن جنابو عمر ... قال لي( أصلو البوليس دا ما مرقنا منو إلا ب"خوة البوليس" ، دي حاجة الناس البره البوليس ما بتعرفا ") ..... نعتذر لجنابو عمر لو الكلام شوية كان حاد ..... مع إنو كلامي مع الوالد كلو بدون أسماء .... دايما بستعمل عبارات "ضابط بوليس عمل....أو ضابط بوليس قال "
و ما بنعتذر لمريخيته ....:)
....كويس يا سعاتك ...وكت أنا منكم و فيكم ...كدي أرمي لينا قصه قصيره تانية
| |
|
|
|
|
|
|
Re: (Re: Ali Sirelkhatim)
|
Eltayeb Medani to me show details 9:02 PM (0 minutes ago) Reply
السيد بكري ابوبكر التحيه لك والي كل المشاركين والمساهمين في هذا العمل الجليل الذي اصبح ملازآ لابناء الوطن داخله وخارجه واصبح الكل يطلع في كل لحظه لما فيه من معرفه كامله شامله ومفيده في جميع المجالات الا وهوsudanes on line حتي يتثني لنا المشاركه والمساهمه لنشارككم الاجر ونخفف بعض العبء نرجو كريم التفضل بقبول طلب العضويه لنا وافقكم الله وايانا في التسديد والمضي قدمآ الي الامام مقدم الطلب [email protected] Texas Dallas Thank'S
| |
|
|
|
|
|
|
Re: (Re: Ali Sirelkhatim)
|
الاخ بكرى ابوبكر الاخ الطيب مدنى رجل دفعتنا ونرجو تكرمكم بالباس ويرد ولكم الشكر
على سرالختم
| |
|
|
|
|
|
|
Re: (Re: Ali Sirelkhatim)
|
Quote: ولا ما يا هو يا عادل؟ |
ياهو زاتو يا سيد على
و نتمنى انو السيد على جويلى يشرفنا بالحضور
و ابراهيم الرشيد معزوم عزومة مراكبية
عادل
| |
|
|
|
|
|
|
Re: (Re: Adil Hamza)
|
الاخوة الافاضل على سر الختم عادل عبد الحميد تشكروا على هذه الدعوةالجميلة كان بودنا الحضور ظروف عمل ومدارس ياريت تجيبوها لينا فى نورث كارولينا المعجبين بالهبل وحتكون ناجحة جدا .
| |
|
|
|
|
|
|
Re: (Re: على جويلى)
|
(الاخ بكرى ابوبكر الاخ الطيب مدنى رجل دفعتنا ونرجو تكرمكم بالباس ويرد ولكم الشكر
على سرالختم )
يا باشمهندس بكرى الطيب ده أصلك ما تديهو باسوورد فيصل الشايقى . عشان دفعتك ده يآمن يا على .
| |
|
|
|
|
|
|
Re: (Re: omer osman)
|
يابكرى أبوبكر أُثنى كلام سعادتو فيصل الفاتح الطيب ماتديهو باسوورد هو بالشباك ماريحنا .. يعنى بالباب حيكون كيف ؟؟ أسامه على - الشايقى
| |
|
|
|
|
|
|
Re: (Re: أسامه الكرور)
|
Quote: واعتذار خاس شديد جدا جدا لابراهيم الرشيد |
ياجنابو على
عارفنى شغال مع الحلفاويين ما بقدر اقول فوقهم حاجة, لكن الفيك اتعرفت وبجيكم باللفة زى حكاية الفاتح الطيب.
اثنى ما قاله جنابو فيصل واسامة الكرور.
الاخ الصادق عوض
مرحبا بك والبيت بيتك, وياريت لو تستكتب لينا السيد الوالد عن الشرطة وتاريخها وذكريات الايام الجميلة والاحداث
التى عايشهافحتما لديه الكثير المثير وبلغه تحياتنا.
عادل عبدالحميد
شكرا على عزومة المراكبية, والفيك برضو اتعرفت زى على السر
تحياتى للاسرة وخاصة ولدك البحل ليك المسائل... هاهاهاهاهاهاهاهاهاهاىىىىىىىى.
لكم الود
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
نكتة سمعناها من الشاويشية القدام لما كنا مساعدين قضائيين و بنتدرب مع البوليس ! شاويش قديم داير يكلتش ليه ملازم جديد جاء مرور بالليل و معاه مرة سمينة ، كتب في دفتر الأحوال " حضر الملازم فلان و معه "جقة" في العربية" !! الملازم قرأ الكلام و عرف انو إتورط ! كتب "حضرت للمرور و المعاي دي ما "جقة" ، دي أمي" !! التحية لكل رجال و نساء الشرطة !!
| |
|
|
|
|
|
|
Re: دفتر احوال ضابط الشرطة المناوب (Re: Adel Sameer Tawfiq)
|
(يابكرى أبوبكر أُثنى كلام سعادتو فيصل الفاتح الطيب ماتديهو باسوورد هو بالشباك ماريحنا .. يعنى بالباب حيكون كيف ؟؟ أسامه على - الشايقى )
الصديق اسامة تحياتى . قلنا مادام أخونا الطيب مدنى اتوسم فينا الغتاتة , حرم أبدا ما نخذلو لكن بينى وبينك بكرى أبوبكر شغال معانا بالناكوسى , أسع يقوم يديهو باسوورد .
| |
|
|
|
|
|
|
Re: دفتر احوال ضابط الشرطة المناوب (Re: فيصل عثمان الحسن)
|
(نكتة سمعناها من الشاويشية القدام لما كنا مساعدين قضائيين و بنتدرب مع البوليس ! شاويش قديم داير يكلتش ليه ملازم جديد جاء مرور بالليل و معاه مرة سمينة ، كتب في دفتر الأحوال " حضر الملازم فلان و معه "جقة" في العربية" !! الملازم قرأ الكلام و عرف انو إتورط ! كتب "حضرت للمرور و المعاي دي ما "جقة" ، دي أمي" !! التحية لكل رجال و نساء الشرطة !!)
مولانا عادل سمير تحياتى , انت عارف أعمامنا الشاويشية ديل حرفا جدا فى حكاية التآمر والكلتشات , كنا بنعمل ليهم ألف حساب ونحن فى بدايات حياتنا العملية , قلت لى خلو الرجل يكورك دى ما جقة دى أمى , ياخ ده كلتش مدروس بعناية تامة أنا لو كنت فى محل رئيس القسم , كنت سأعلق ب أحى أنا .
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
(يا سيد فيصل وين السادة ميز ومجدالدين خبرهم شنو ؟ )
على يا صديق تحياتى , الجماعة ديل مواعيدهم معى فى منتصف شهر مايو الحالى , وكيلك الله واحد فيهم ما عبرنى , ميز لايرد على التلفونات ودى حالته وكت يكون جيبو مليان , ومجدى كلما أتصل عليهو ترد على العفريته صفاء , وتقول أبوها ما موجود , ما عارفو موصيها والله الحكاية شنو , ورغم ذلك ما قنعت منهم لأنو فيهم صفات سمك القرقور القال لأمه لو شفتينى فى الصاج ما تقنعى منى .
| |
|
|
|
|
|
|
Re: دفتر احوال ضابط الشرطة المناوب (Re: فيصل عثمان الحسن)
|
Eltayeb Medani to me show details 12:52 AM (12 hours ago) Reply
الدفعه علي السر معذره المداخله بقت كلتش معذره لكل الشوايقه بدون فرز اوتحديد علي حد قولك يا ود السر نحنا لو حاولنا نسجل الاسماء للاعتذار قطع شك تاني مابنلقالنا سطر نكتب فيه السيد علي جويلي لك العتبه حتي ترضي وبالله بلغهم جميعآ كان قدرت فعلا انا عربي جزيره صدق اما اخونا علي الطويل انا ارسلت له ايميل منفصل براه ويكون حسع قراه وقاعد اطبق في الكان فايتو تخريمه الاخ فارس الحاصل شنو دفنك جليد دنفر ولا شنو ما تظهر الا مع كشوفات الترقي كنت منتظر ترقيه ولا شنو الحقنا بي لوايه الى اللقاء بوليس مدني
| |
|
|
|
|
|
|
|