|
Re: الأستاذ محمود محمد طه: نزلت في الدنيا شفاعة وسعت أم درمان لرفاعة (Re: عبدالله عثمان)
|
من الفيسبوك مع كل السلام وسأعود ان شاء اللهQuote: Mohamed Siddig Welcome Back My Dear Ustaz/ A/Allah .....فــصة المداحــين دي فعلا غــريبة وســليمة ... لاحظــت بعضــهـم طبــعهم شين شــديد .. لكن اكراما للجناب النبوي نتجاوز عنهم الجمهـــــــوريين ومحـــبة الســـيد الحـســن) ذات يوم كنت حاضرا واستمعت لشئ لله يا حســـــن ... من الاخـــــــــوان داخل ضــــريح الســيد عـــــــــــــلي المـــــــــــيرغنـــي) حاجـــــــــــة مبالــــــــــغة .. لي رجاء لو تذكرت حديث الاستاذ الكبيـــــــر العـــــــــــارف بـالـلـــــه السيــــــد محمـــــــــــــــــود محـمـــــــد طـــــــــــــــــه عن (زيادة في مقام السيد علـــــي) شـكرا كثيرا استاذ عبــــدالله على هــذا الجـــــــهد الكبيـــــــــــــــر : أكرمك اللـــــــــــه في الداريـــــــــــن .. (مـحـمــد صــــديق - بــحــــري = الــدروشـــاب)
بنا المولى هو الأحـــــرى ونـــحن النــــــزلة الأخرى رأيناه بنا لما تجلى الجهة اليسرى
|
| |
|
|
|
|
|
|
Re: الأستاذ محمود محمد طه: نزلت في الدنيا شفاعة وسعت أم درمان لرفاعة (Re: عبدالله عثمان)
|
الأستاذ سعيد الطيب شايب
بكرة راح تشوفو مواجهة بين البر والفاجر في محكمة اشتكى فيها الجمهوريون الأمين داؤود ... كان محامي الأمين داؤود هو علي عثمان محمد طه.. زي بكرة كان في جلسة و ح يتم فيها استجواب الأستاذ سعيد بواسطة على عثمان - محامي المتهم - الأستاذ قال بكرة راح تشوفو مواجهة بين البر* والفاجر* بتصرّف مما يتذكر الأستاذ أزهري محمد أحمد بلول - أزهري من الحصاحيصا ودرس الآداب بجامعة الخرطوم، حيث عمل بها مساعدا للتدريس ثم هاجر للدراسة بجامعتي أكسفورد اوهايو وأوهايو، ويقيم حاليا بواشنطون العاصمة === * البر يعرف الأستاذ محمود البر بأنه:
Quote: والبر أكثر إدراكا من صاحب اليمين ، وأكثر تسامحاً ، فهو رفيق بنفسه ، وبالناس ، وذلك بفضل سعة علمه.. فإن صاحب اليمين ، حين قبضته بقية الورع الذي ورثه من منزلة الورع ، التي خرج عنها ، ولما يتخلص من عقابيلها ، بسط العلم صاحب منزلة الأبرار.. فترى البر سمحاً ، متسامحاً ، واسع الأفق ، يرى الوجوه المختلفة لكل قضية فكرية ، أو سلوكية ، تعرض عليه ، بطريقة فيها سعة ، وفيها دقة |
=== وقد رأى الناس - وجثث الشهداء تملأ الشوارع - من علي عثمان فجورا لا يخطر على بال أحد
اللهم عليك بهم بدد شملهم
(عدل بواسطة عبدالله عثمان on 10-02-2013, 07:50 AM)
| |
|
|
|
|
|
|
Re: الأستاذ محمود محمد طه: نزلت في الدنيا شفاعة وسعت أم درمان لرفاعة (Re: عبد الحي علي موسى)
|
شكرا العزيز عبد الله عثمان ويقينى هم كذلك:
Quote: قيني يا مسعود أنهم سند و"ضرا" هذا الشعب يؤلمهم اذا شاكته الشوكة ويعملون ليوم قريب ترى فيه هذه العصابة ما ألو تود ان بينها وبينه أمدا بعيدا، وما ذلك على الله بعزيز ثم تُدار عليهم من جهة ما كانت في حسبانهم
قال ما معناه الأخوان المسلمين ديل يمسكوا السلطة لغاية ما يظنو أن الأمر دان ليهم تماما ثم تدار عليهم من جهة ما كانت في حسبانهم .. يقول الراوي أن الأستاذ أدار يده اليسرى - وكلتا يديه يمين - في شبه نص دائرة من اليسار لليمين وهو يقول كلمة (تُدار) هذه ثم تٌدار عليهم من جهة ما كانت في حسبانهم |
بثينة عمر تروس
| |
|
|
|
|
|
|
Re: الأستاذ محمود محمد طه: نزلت في الدنيا شفاعة وسعت أم درمان لرفاعة (Re: Adel Mohammed Abdulrahman)
|
تسلم يا أستاذ عادل محمد عبدالرحمن على المرور والتعليق ... مرحبا سألني أمس أخ فاضل من الحجاز اسمه بدر الدين عبدالله النور .. قال لي الأستاذ بكون كلمكم الجماعة ديل بيمشو بتين.. كلمنا؟؟!! قلت له: والله ما المسئول بأعلم من السائل ولكن المتأكد منو انهم ح يمشو .. الّح علي في السؤال فقلت له تابع الخيط ان شاء الله نلقى أجابة.. أنشغلت بأمره.. الأستاذ يقول:
القرآن يكلمك في كل حين وأنا منشغل بأمر الأخ الكريم بدرالدين وأمر السودان ... .. مؤشر الراديو دائما عندي على محطة القرآن الكريم ... فتحت المذياع .. أنا نفسي ذهلت ... ولعلكم تذهلون معي مما سمعت وكأني اسمعه لأول مرة اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مُعْرِضُونَ (1) مَا يَأْتِيهِمْ مِنْ ذِكْرٍ مِنْ رَبِّهِمْ مُحْدَثٍ إِلَّا اسْتَمَعُوهُ وَهُمْ يَلْعَبُونَ (2) لَاهِيَةً قُلُوبُهُمْ، وَأَسَرُّوا النَّجْوَى الَّذِينَ ظَلَمُوا هَلْ هذا إِلَّا بَشَرٌ مِثْلُكُمْ، أَفَتَأْتُونَ السِّحْرَ وَأَنْتُمْ تُبْصِرُونَ (3) قَالَ رَبِّي يَعْلَمُ الْقَوْلَ فِي السَّمَاءِ وَالْأَرْضِ، وَهُوَ السَّمِيعُ الْعَلِيمُ (4) بَلْ قَالُوا أَضْغَاثُ أَحْلَامٍ بَلِ افْتَرَاهُ بَلْ هُوَ شَاعِرٌ فَلْيَأْتِنَا بِآيَةٍ كَمَا أُرْسِلَ الْأَوَّلُونَ (5) وتذهب الآيات لتفصّل بأن: أسألوا أهل الذكر أن كنتم لا تعلمون.. وأهل الذكر هم الأستاذ محمود، فمن غيره؟؟!! ومن رفع الذكر غيره؟؟!! السورة نفسها اسمها "الأنبياء" وجلهم من بني اسرائيل ونبينا يقول (علماء أمتي كأنبياء بني اسرائيل) وعلماء هذه الأمة هم الأستاذ والجمهوريون وقول الأستاذ عن هؤلاء قلعناهم من جذورهم وجدعناهم برة الأرض الطيبة دي تذهب الآيات لتفصل أكثر من ذلك.. تذهب لتفصل يوم فرارهم العظيم، وما استراحة كنانة الا بروفة له، فلتستمعوا معي لما وصف به القرآن، من ذات السورة، سورة الأنبياء، فرار هذه الطغمة العظيم، وقد اقترب حسابهم: فَلَمَّا أَحَسُّوا بَأْسَنَا إِذَا هُمْ مِنْهَا يَرْكُضُونَ (12) لَا تَرْكُضُوا وَارْجِعُوا إِلَى مَا أُتْرِفْتُمْ فِيهِ وَمَسَاكِنِكُمْ لَعَلَّكُمْ تُسْأَلُونَ (13) قَالُوا يَا وَيْلَنَا إِنَّا كُنَّا ظَالِمِينَ(14) فَمَا زَالَتْ تِلْكَ دَعْوَاهُمْ حَتَّى جَعَلْنَاهُمْ حَصِيدًا خَامِدِينَ (15) تُرى من "أترف" غيرهم في ارض السودان اليوم .. أم رأيتموهم وقد تطاولو في البينان وأتخذوا النساء مثنى وثلاث ورباع؟ أم رأيتموهم يتمايلون طربا في المطعم اللبناني وقد هدت السيول "حيل" كل محمد أحمد أغبر غيرهم ثم أعتذروا بأن هذه مناسبة معدة سلفا وتكفل المطعم اللبناني - رشوة - بالفاتورة؟؟ أما سمعوا برؤساء "دول الكفر والإستكبار" يقطعون زياراتهم الرسمية اذا ما حل بديارهم أقل مما حل بالسودان؟ .. أما سمعتم بهم يدعون لحفل ساهر في سفارتهم في ماليزيا ليرقصون ودماء شهداءنا تملأ الطرقات؟!
فَمَا زَالَتْ تِلْكَ دَعْوَاهُمْ حَتَّى جَعَلْنَاهُمْ حَصِيدًا خَامِدِينَ فقد أقترب حسابهم .. وويل لهم مما أقترب... ويل لهم!!
(عدل بواسطة عبدالله عثمان on 10-06-2013, 06:25 AM)
| |
|
|
|
|
|
|
Re: الأستاذ محمود محمد طه: نزلت في الدنيا شفاعة وسعت أم درمان لرفاعة (Re: عبدالله عثمان)
|
الدكتورعبدالله التحيات الزاكيات تجدني دائم (الحضور) عندكل ماتفترعه من خيوط هاهنا,, ثم.. نرغب كثيرا فى تحيتك ونستحي أن ينقطع بسببنا (واردات ) ماتنفحنا به فى مقامات (الاستاذ) ولى مع الاستاذ مبشرات وأحوال .. اليوم مع (الفجرية ) فرغت من قراءات كثيرة وبضمنها جملة ما كتبته أنت لأعوام خلت ومايجري به الآن ..أذ أقوم يامولانا بعمل (برينت اوت) لكل ذلك لخلوة به وآخرين من المضنون به علي غير أهله.. فرغت من قراءات عديدة ..عميقة ..وقلنا نجي نسلم عليك يااخي محبتي وتقديري
| |
|
|
|
|
|
|
Re: الأستاذ محمود محمد طه: نزلت في الدنيا شفاعة وسعت أم درمان لرفاعة (Re: نصر الدين عثمان)
|
يا أبا نفيسة .. ليك وحشة... طوووولنا منك ... أهديك حديث للأستاذ سمعته لأول مرة وينشر لأول مرة اسفيرا في حق هؤلاء المجرمين، يحكيه أخ لنا نقلا عن أخ من قدامى الأخوان (بتصرّف):
الويل لهم.. الويل لهم.. حينما يحيط بهم الجياع من كل حدب وصوب الأستاذ كان بتكلم عن الأخوان المسلمين وفجأة مد يده اليمنى عاليا وهو يقول: الويل لهم.. الويل لهم.. حينما يحيط بهم الجياع من كل حدب وصوب!
الويل لهم.. الويل لهم.. حينما يحيط بهم الجياع من كل حدب وصوب يتخيل بعدين، في الوكت داك، تخاطبهم الآية:
فَذُوقُواْ مَا كُنتُمْ تَكْنِزُونَ
(عدل بواسطة عبدالله عثمان on 10-08-2013, 06:37 AM)
| |
|
|
|
|
|
|
قلعناهم من جذورهم وجدعناهم برة الأرض الطيبة دي (Re: عبدالله عثمان)
|
الله شفّعك في ناس دارفور الكلام دة نص السبعينات كدة.. مشينا حملة* لمنواشي .. وقتها كنا بنشوف رؤى نبوية كتيرة جدا.. أشوف في رؤيا مظاهرة كبيرة ناس قالوا ماشين يشكو لي الله ينزل العذاب على ناس دارفور.. قلت ليهم في شنو؟ قالوا في زول سرق ساعة .. شفقت على ناس دارفور .. في حيرتي ديك في زول يقول لي الأوضة ديك فيها النبي صلى الله عليه وسلم .. بركت وحبيت لغاية ما دخلت عليهو .. حكيت ليهو وقلت ليهو ترفعو العذاب عن ناس دارفور، قال: آمين ... رجعنا أم درمان حكيت الرؤيا للأستاذ.. الأستاذ قال لي الله شفعّك في ناس دارفور بتصرف مما يحكي الأستاذ الأمين أحمد نور * الحملة: هي حملة توزيع الكتاب الجمهوري وقد طاف الأخوان سبعينات القرن الماضي وبدايات ثمانيناته السودان من حلفا الى نمولي حاملين الدعوة الى تلك الآفاق .. كان ضمن وفد الأستاذ الأمين ذاك الأساتذة أحمد محمد الحسن عمر، مبارك الحاج عبدالمحمود حسن والراحل المقيم سيف الدين ابراهيم محمود ... الأمين من النهود وأحمد من المكنية/ كوستي ومبارك من رفاعة وسيف الدين من ود مدني === أعترف عمر البشير بأنهم قتلوا عشرة ألف (فقط) في دارفور!!
قلعناهم من جذورهم وجدعناهم برة الأرض الطيبة دي
(عدل بواسطة عبدالله عثمان on 10-09-2013, 07:56 AM)
| |
|
|
|
|
|
|
Re: قلعناهم من جذورهم وجدعناهم برة الأرض الطيبة دي (Re: عبدالله عثمان)
|
وصلت البيت لقيت الرادي ينعي في عبدالناصر والأستاذ في الكتاب* وفي الكلام معاي قال عبدالناصر ماشي .. سألتو قلت ليهو ماشي؟ قال لي ماشي ماشي!! طلعت منو .. وصلت البيت لقيت الرادي ينعي في عبدالناصر بتصرّف مما يحكي الأستاذ أحمد الحسين الحسن - * الكتاب هو كتاب الشرق الأوسط وقد جاء فيه عن ذهاب عبدالناصر:
Quote: ذلك بان باطل القومية العربية يشبه الحق، ولا يسهل كشفه ولا الاحتراز منه وجمال بنى مجده، وبطولته، وشعبيته على باطل القومية العربية، ومن أجل ذلك اصبح ذهابه ضرورة تمليها مصلحة العرب خاصة، في المكان الاول ومصلحة البشرية عامة، في المكان الثاني. فليذهب، وليبارك الله له وللعرب في ذهابه وفى عواقب ذهابه.. فقد كان حسن النية ولكن حسن النية وحده لا يكفى لاسعاد الشعوب. ولا بد من سعة الثقافة، ودقة الفكر، وقوة الخلق.
|
===
راجيهو يوم أسواااااااد!! يوم قاعدين مع الأستاذ نصة نهار.. ما بتذكر المناسبة شنو لكن الأستاذ فجأة قال: القذافي دة راجيهو يوم أسواااااااد!! بتصرّف مما يتذكر د. النور محمد حمد === أما عن هؤلاء (الخسّة بلا حدود) عصابة علي عثمان فقد قال بجانب:
قلعناهم من جذورهم وجدعناهم برة الأرض الطيبة دي
"الواحد فيهم"يكره اليوم الولدتو فيهو أمو أو كما قال وهو وعد الحق (وعد غير مكذوب)
(عدل بواسطة عبدالله عثمان on 10-09-2013, 08:26 AM)
| |
|
|
|
|
|
|
Re: قلعناهم من جذورهم وجدعناهم برة الأرض الطيبة دي (Re: عبدالله عثمان)
|
لا!! أنا بطلع بالباب الدخلت بيهو في كوستي، يوم نكسة السادس من حزيران، الإذاعات العربية بتشحن في الناس بالكضب وتقول العرب انتصروا.. الأستاذ في محاضرة في نادي العمال قال للناس العرب مما ممكن ينتصروا على اسرائيل لأنهم على قشور من الإسلام وقشور من الحضارة الغربية.. الناس هاجت ورفعت العكاكيز وهي تهتف "محمود عميل صهيوني" .. حصلت جوطة .. البوليس قال للأستاذ في باب سري أحسن تطلع بيهو .. الأستاذ قال ليهو: لا!! أنا بطلع الباب الدخلت بيهو .. شق الناس وهو طالع غابة عكاكيز*، زووووووووول هوّب عليهو مافي بتصرّف مما يحكي الأستاذ محمد علي مالك الذي كان حضورا في تلك الليلة من العام 1967 .. محمد علي مالك من أبناء رفاعة - الديم - درس بحنتوب والآداب جامعة الخرطوم .. عمل معلما للغة الإنجليزية في ود مدني الثانوية ثم التحق بجهاز الأمن وعمل قنصلا بالقاهرة - متقاعد حاليا بأيوا سيتي بأمريكا وزوجه سامية صديق والأبناء محمود، علي وعزّة * بمناسبة العكاكيز ومثل هذه الحالة العاطفية التي تعتري المسلمين التقليديين ينسب لغولدا مائير رئيسة وزراء اسرائيل أن الكنيست استدعاها على عجل ابان حريق المسجد الأقصى وقد جيّش العرب والمسلمون المظاهرات تملأ الشوارع منددة بذلك .. بهدؤ، قالت غولدا للكنيست المنزعج "بتصرّف": (دعوهم هؤلاء الأعراب فأنا أعرفهم جيدا، سيسيرون مظاهرات التنديد ويرسلون برقيات الشجب، ثم ما يلبثون أن يتناسوا الأمر ويحتفلون بالذكري السنوية كل عام) .... كأنها نبؤة وقد تحققت!! ====
قلعناهم من جذورهم وجدعناهم برة الأرض الطيبة دي
(عدل بواسطة عبدالله عثمان on 10-10-2013, 08:15 AM)
| |
|
|
|
|
|
|
Re: قلعناهم من جذورهم وجدعناهم برة الأرض الطيبة دي (Re: عبدالله عثمان)
|
Quote: البصيرى إمام المديح يقول : شيئان لا ينفى الضلال سواهما * نورٌ مفاضٌ أو دمٌ مسفوحُ
وقد خلفنا وراءنا عهد الدم المسفوح ، فى معنى ما خلفنا العصر النارى ، وأصبحنا نستقبل تباليج صبح النور المفاض .. بل أن هذا النور قد إستعلن على القمم الشواهق من طلائع البشرية ، ولن يلبث أن يغمر الأرض من جميع أقطارها .. وسيردد يومئذٍ ، لسان الحال ولسان المقال ، قول الكريم المتعال : (( الحمد لله الذى صدقنا وعده ، وأورثنا الأرض ، نتبوأ من الجنة حيث نشاء ، فنعم أجر العاملين ))
الأستاذ محمود محمد طه رسالة الصلاة - إبريل 1979
|
وسوف يُقتلعون من أرض السودان اقتلاعا (ويجدعون برً). بمناسبة قولدا مائير، يتحدث أخونا دالي: ((أهو ديك قولدا مائير.. هزمت العرب كلهم، رغم إنهم حافظين شعر عنترة كلو!!!)) الأخوان المسلمين ديل بتاعين عكاكيز تلوٍح في الهوا. وسوف يُقتلعون من أرض السودان اقتلاعا (ويجدعون برً). قلعناهم من جذورهم وجدعناهم برة الأرض الطيبة دي. تسلم عُبد
| |
|
|
|
|
|
|
Re: قلعناهم من جذورهم وجدعناهم برة الأرض الطيبة دي (Re: Omer Abdalla Omer)
|
Quote: Khalid Ahmed · St. John Fisher College استاذي عبد الله عثمان، كل عام انت واسرتك الكريمة بالف خير.... اتابع معك هذا الكلام الطيب من ابوي الانسان الطيب الاستاذ محمود محمد طه. رد · · منذ 2 ساعتين
|
تسلم يا أستاذ خالد أحمد سعيد بمتابعتك وأن تجد هذا كلاما طيبا.... الأستاذ بيقول عن انشغال الصوفية بالكلام الطيب، لما ينتهي يومهم: بقولوا عندنا مادح ولا شيء؟ ان ما عندهم مادح يقولو ان ما سوينا خير النوم أخير بتصرّف فنرجو أن يكون عملنا دة كلو خير سعيد مرة، وأخرى بمتابعتكم لهذا الخيط
| |
|
|
|
|
|
|
Re: قلعناهم من جذورهم وجدعناهم برة الأرض الطيبة دي (Re: Adel Mohammed Abdulrahman)
|
Quote: "إن العبرة البالغة التي انفرجت عنها أذيال الحرب العالمية الثانية تجد تعبيرها في الحقيقة الكبرى وهي أن القافلة البشرية، في كل صُقْع من أصقاع هذا الكوكب، قد اقتلعت خيامها، وأخذت في السير، وهي، في كل خطوة من خطوات هذا السير، تصنع التاريخ وتصنعه على هديٍ جديد، وبعد أن كان التاريخ يمليه في أغلب الأحيان على تلاميذه ومسجليه، الملوك، والسلاطين، و######## الجيوش، ودهاقن السياسة، وأرباب الثروة، وهم يتصرفون في مصير الإنسان، أصبح يمليه عليهم الآن رجل الشارع العادي، المغمور، وهو يبحث عن كرامة الإنسان حيث وجد الإنسان".
|
الأستاذ محمود محمد طه
الاحبة الحضور من نافذة الفيسبوك ومن نافذة المنبر لكم مني محبة جزيلة مقرونة بتهنئة حارة بالعيد الكبير، جعله الله فاصلة بين عهد الدم المسفوح وعهد النور المفاض، انه سميع مجيب.. قلت اتبرك وارمي سهمي معاكم لعلي اصيب منها قبس لعلي.. محبتي
| |
|
|
|
|
|
|
Re: قلعناهم من جذورهم وجدعناهم برة الأرض الطيبة دي (Re: عبدالله عثمان)
|
أخي عبد الله وضيوفك الكرام.. كل عام وأنتم بخير.. ومتعك الله وأسرتك بالصحة والعافية وحفظكم
Quote: (غداة زواجي قال عمي جعفر محمد بابكر لنزيهة أول لقياه لها: شدّي حيلك .. زولك دة ونااااس بملا ليك البيت ناس) .. اصبحت لا أطيق قعادا في الكلية .. أصبحت كثير التردد على الزول دة وفي ذهني انو زول ونااااس وبس .. ما كان حينها – رغم اطلاعي على الكتب – شيء غير انو بس مجلسو حلو .. أمشي اسمع وبس ... أزوره وقت المقيل .. صباحا .. ليلا .. أمشي أمشي امشي .. وما بكون داير أفوت.. مرات لما أجي الصباح بدري وأنا جنب بيت حسن يس اسمع الإنشاد بحس بنفسي كأنو داير أطير كدة يحكي الأخ خالد محمد الحسن فيقول: يوم زي كان وكت مقيل كدة .. شعرت إنو زي حقو ندي الأستاذ فرصة يرتاح شوية لكن في شاب "زي مجذوب كدة" لابس جزمة بيضا وخالف كراعو قدام الأستاذ ما داير يقوم يمشي .. استأذنت من الأستاذ قلت ليهو ناخد معانا الشاب دة لبيت الأخوان "جيم" .. الأستاذ قال لي: طيب جدا .. أخدتو ومن ديك دعكناهو ليك في جيم دعك تمام (أكمل أنا: لمن آمن ذاتو ونزل كراعو الخالفا ديك) |
| |
|
|
|
|
|
|
Re: قلعناهم من جذورهم وجدعناهم برة الأرض الطيبة دي (Re: عبدالله عثمان)
|
Quote: وجدت رجلا فذا...ذو عقل جبار... موسوعة ذاخرة لاحدود لها..عالم ..تقيا نقيا ورعا.. له اسلوب راق..قلبه صافي وروحه طليقه.. عندما يتحدث تخشع ثم تخضع.. اي حركة منه فيها من العلم غزارة لاتضارع.. خرجت من عنده وانا طالب الثانوية مذهولا..مملؤا به.. خرجت من عنده..به ومعه.. لزمته وبيته واخوانه.. لزومي له أورثني شعورا جميلا بمعني حياتي ..وكان جزاء صبري علي الفقر والحاجة.. وسم حياتي بالمعني والقوة والجمال..
|
هكذا تحدث الدكتور أنور أحمد عثمان .. من بوست لمحمد عكاشة بعنوان (مجرد ذكر اسمه يهزني) مجرد ذكر اسمه يهزني..خليك من أي حاجة تاني !!!!!
| |
|
|
|
|
|
|
|
Re: قلعناهم من جذورهم وجدعناهم برة الأرض الطيبة دي (Re: عبدالله عثمان)
|
Quote: شيخ* شعر بانو خواطر تلاميذه متحركة .. الشيخ دة قاعد في المسيد مالو؟! ما يقوم يخدم معانا .. شال سلوكتو* وقال لأخوه ورح! واحد فيهم يحفر بالسلوكة "بسم الله"! التاني يتيرب تاليا "وَوَجَدُوا مَا عَمِلُوا حَاضِرًا" يتلفت وراهو يلقى القندول الهواء يلولح فيهو سااااي!! قال لأخوهو الحيران ديل بنفتنهم ساي ورح على خلوتنا |
[ كل الصيد في جوف الفرا]
في أمان الله .. ترجع بالسلامة
| |
|
|
|
|
|
|
Re: قلعناهم من جذورهم وجدعناهم برة الأرض الطيبة دي (Re: عبدالله عثمان)
|
يا محمد يا صديق
وَالَّذِي جَاءَ بِالصِّدْقِ وَصَدَّقَ بِهِ، أُولَئِكَ هُمُ الْمُتَّقُونَ -
Quote: Mohamed Siddig القراءة لما يكتب عن الروحانيين مجهدة ... فما بالك بالكتابة عنهم ... خاصة بالنسبة لمثلك وأنت تكتب باحاسيسك و عقلك .. الامر صعب .. ويعجبني انك تراعي (الاشارات) في ما تكتب و فيما تدع !! وانت ادرى يا دكتور عبدالله بان لهذا المجال قوانينه التي تحكمه ... وبعد كل هذا الفهم مقسوم لمن شاء الله ...فالامر غريب .. صاحبه غريب ... و السودان صار يعاني وغريب في هذا الزمان المر .. لك التحية والتقدير الكبير من القلب .. يا استاذ عبد الله عثمان والله انت تستحق ان نلبسك وسام ذهبي على هذا العمـل .. فقد كفيت ووفيت ..دمت على سواء السبيل ..ولك العافية والمدد من أهل الله ... المخلص \ محمد | بحـري | الدروشاب |
ولقد يسرني أن أناسا أمثالكم يطربون لهذا، لا غرو، فقد قال قائلهم (لا يطربون لغير ذكر حبيبهم أبدا، وكل زمانهم أفراح) ... يسرني دائما أن هذا الخيط، الذي أرجو له أن يكون ممدودا بأنفاسه، يصادف من كثيرين هوى، ولكن مع ذلك ففي القلب وجل وسبب هذا الوجل، كما لا يخفى عليكم، بسبيل من هذا:
الكلام في الدين قال الأستاذ محمود محمد طه في مواجهة عبدالجبار المبارك: "الكلام في الدين سير في الوادي المقدس، تخلع له النعلان وتواصل التلبية، فاذا دخله الذين لا يرجون لله وقارا فانتظر بوائق الشرور وجوانح (وجوائح) الفتن". من مخطوطة الأستاذ حمد النيل عبدالله دفع الله العركي، كما أوردها الأستاذ عيسى ابراهيم محمد صالح "ود تمساح" سعيد بكم يا محمد صديق ودعواتكم لي بظهر الغيب
(عدل بواسطة عبدالله عثمان on 10-29-2013, 06:01 AM) (عدل بواسطة عبدالله عثمان on 10-29-2013, 06:03 AM)
| |
|
|
|
|
|
|
Re: قلعناهم من جذورهم وجدعناهم برة الأرض الطيبة دي (Re: عبدالله عثمان)
|
الأستاذ دموعو كرررر جرت بعدما رحلنا من بيت المال للثورة.. دخلت مرة في شمطة مع بتول أختي.. شكتني للأستاذ.. الأستاذ حذرني انو الأمر دة ما يتكرر ثاني.. أتكرر الأمر بعد فترة.. الأستاذ ناداني وقال لي: أنا ما حذرتك؟ أحسن تمشي تخلّي البيت دة .. طلعت برة قعدت في انضروبل مرفوع في حجارة برة.. قعدت لفترة ما عارف أتصرف كيف.. جيت راجع للأستاذ.. قلت ليهو: يابوي عمري دة كلو معاك.. أمشي وين أخليك؟ ... الأستاذ دموعو كرررر جرت بتصرّف مما يحكي مختار مختار محمد طه ... يقول مختار أنه تكفيرا لذلك أندرش في الخدمة
وتلاتة سنة تاني ما لبست نعليني جوة بيت الأستاذ.. أخدم حفيان بس!!
(عدل بواسطة عبدالله عثمان on 10-29-2013, 07:54 PM)
| |
|
|
|
|
|
|