|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: Elawad)
|
Quote: الأخت ماجدة و الأخ علاء أرجو ألا تقعا في فخ تشتيت البوست. ما ممكن البوست يكون وصل الصفحة التامنة و كل ما زول يدخل ترجعو معاه لي السطر الأول. |
الأخ الكريم/ العوض لكَ تحيَّاتي الخالِصة
تعرِف يا العوض يا أخوي، اللياقة الإسفيرية دي من علامات الإنحراف فى الذوق والفساد فى جينات الطبع.. وهذه العلة نادراً ما تُكتسب فهى إستعداد فطرى خاص يولد به بعض الناس وكل مهيأ لما خُلق له، مشكلة اللايوق الاسفيري إنَّك لمّا تصهين منو وتعمل أضان الحامل طرشا وكدة، الحالة بتزيد وتصبح لياقة مُركّزة بدون مخففات أو مهدئات.. ويظل يلاحقك في أي بوست يُردِّد مطلبه الوحيد أيّاً كان بدون وعي وبصورة تشبه شُغل المجاذيب فى حلقة الذِكِر.. لأنّو بتخيَّل ليهو إنّو المسألة بِقَت مسألة كرامة ورد إعتبار أكتر من كونها مُجرَّد حوار.. فلازم الواحد يتعامل معاهو بطريقة مُعيَّنة ومدروسة إختصاراً للنقاش العقيم والإحتقانات غير المُجدية.
شُكراً للتنبيه وتقبَّل إحتراماتي يا غالي
| |
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: عبدالرحمن عزّاز)
|
Quote: التحية للأستاذ صاحب البوست و الجميع و كل عام و أنتم بكل الخير.
تابعت البوست من أول مداخلة ؛ و خرجت أردد المثل الشهير ( من لايرى من الغربال فهو أعمى )
أعتقد أن من خان الرفاق ؛ و باع المبادىء بلعبه لدور الخائن و الغواصة ؛ لاوازع أخلاقى له و لا ضمير ولا يعتد برايه و لو جاء هنا أو تعلق بأستار الكعبة. وائل طه الآن هو محمد ناصر يبقى السؤال المهم لماذا إستهداف الأستاذة منال و إختيارها كضحية ثانية ؛ علماً بأنها ممن يعملن بصمت النبلاء فى العمل العام بعيداً عن شوفونية المنابر و فى ذلك تجرد و نكران ذات ؟؟ هل وقفت مبدئياً ضد مصالح تهم وائل طه و من معه؛ ( أقصد فى مجال العمل العام) ؟ هل إستقالتها صبت فى مصلحة جهة بعينها؟ هل أرادوا لمنال أن تنشغل بالدفاع عن نفسهاعبر المنبر ، وتخلى ساحة النشاط الإنسانى ( لجهة ما / فرد / جماعة) ؟
ما يدور هنا حقيقى مؤسف ؛ التحية للأستاذة منال و أسرتها لصبرهم الجميل على الأذى المنظم ؛ و لكن دولة الظلم ساعة و و دولة الحق إلى قيام الساعة؛ كامل تضامنى مع منال. |
الأخ الفاضِل/ عبد الرحمن تحياتي وكل عام وأنت وأحبابك بألف خير
تساؤلاتك مُقدَّرة جداً وتمَّت الإجابة على معظمها مِن قِبَل الأُخت ماجدة في مُداخلات سابقة في هذا البوست، ومن خلال متابعتك في مُقبل الأيام ستظهر لك على سبّورة البوست الذكية إجابات شافية كافية ستُغنيك عن لهف السؤال، إن أمدَّ الله في الآجال.
عميق إحترامي
| |
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: علاء الدين صالح)
|
الأخ نايف
Quote: الاخ علاء انا كنت جاييك اوعك تفتكر انو انا مصهين من المداخلة لكن انا عندى نظام فى الردود لمن ازعل من كلام مكتوب و احس انو كلام مستهتر او استفزازى بحاول اختصر الرد و بمرق من البوست |
شوف يا نايف يا أخوي.. أنا زول واضِح جداً وما بحِب اللف والدوران وبقول للأعوَر أعوَر في عينو وأكرَه ما أكرَه الدسدسة والنِفاق.. أنا سألتَك أسئلة واضحة ومُحدَّدة وإنتا لِسَّة ما جاوبتني عليها وحاولتا تلِف وتدوِّر.. منو الحاول يصطاد في الماء العكر ونجح في ذلك؟؟ ومنو دة الأخدتو الهاشمية وجعل موضوع منال أكبر همو؟؟ ومنو الأيادي الخفية الأجَّجت الفتنة دي؟؟ قول لَيْ أسماء، أنا ما داير تلميحات.. لأنّو من خلال مُطاعنتك وكلامك الغامِض دة أنا بستنتج إنَّك مُتَّهِمني أنا علاء الدين صالح وآخرين.. وسيظل هذا الإستنتاج قائماً إلى أن تأتي بالأسماء صراحةً وبدون لولوة.. وبعدين ياخ إنتا خشّيت معاي بنفس الصورة دي في بوست الشبح محمد علي حسن وكُنتا بتدافِع عنّو برضو.. ومُداخلاتك معاي كانت عبارة عن إستفزاز وإستهتار لدرجة إنّي في النهاية طنَّشتك، صاح ولّا ما صاح؟؟.. أنا ما عارِف حكايتك شنو مع الأشباح ولّا يمكن تكون قاصِدني أنا بصورة شخصية.. لو عِندَك معاي حاجة شخصية تعال قولا عديل، لكن ما تقعُد تناقِر في حاجات إنتا عارِفها لكن عامِل فيها الغنماية مجنونة..
Quote: ندخل فى الموضوع رأيى الفوق ده ما فيهو اى تناقض ما الخط العام الانا ماشى فيهو وضح بالضبط التناقض وين ؟
|
عايز تعرِف التناقُض وين؟؟
يعني إنتا ما شايف أي تناقُض بين المُداخلتين بتاعينَّك ديل؟؟ معقولة واحد يغيِّر موقفو في 25 دقيقة بس؟؟.. طيِّب خلّي السادة القُرّاء يحكموا ويشوفوا في تناقُض ولّا أنا بتبلّى عليك ساكِت.. إذا إنتا شايف إنّو الموضوع كلّو عبارة عن (زيطة).. وإنّو أنا ماخداني الهاشمية وعامِل موضوع منال أكبر همِّي.. جاي تناقشني في شنو؟؟ ياخي ريِّح بالك وابعِد عن الجوطة وخلّينا نِحنا في الزيطة بتاعتنا دي.. سمِح أبوي؟؟ عسَل إنتا وشطّوري وبتسمع الكلام
Quote: مجموعة من المتحالفين مع الحكومة حاولوا يضربوا الحزب الشيوعى و الامثلة كثيرة
|
هات لينا أسماء أفراد المجموعة دي، أهو البوست قِدَّامك
Quote: يا استاذ علاء انا زول واقعى جدا لا اتحدث عن شخص الا بالقطعيات اما الشكوك ما فى حساباتى هنالك مؤشرات انو وائل له ضلع فيما حدث لكن لا اثبات انو فلان الفلانى كتب موضوع منال حتى الان على الاقل
|
ومنو القال ليك إنّها شكوك؟ دي حاجة مؤكَّدة قبل ما أنا أفتح البوست دة أنا ما مُستعِد أقعُد أعيد ليك الحِصَّة من قولة تيت، أمشي لأستاذ بدر الدين خلّي يشرح ليك
Quote: و لعلمك انا لا انتمى للحزب الشيوعى و ربما اقرب للضد مع وائل و الحزب الشيوعى لكن الحقيقة يجب ان تقال |
أنا ما بتعامل مع إالإنتماء الحِزبي للشخص .. أنا بتعامل مع مواقفه ياتو حقيقة القاصِدا دي؟؟.. لو إنتا شايف إنّو كلامك دة خلاص هو الحقيقة أمشي أفتح ليك بوست طوَّالي، يعني من قِلّة البوستات في الموضوع دة؟ الأخ نايف إستهتارك بالبوست وصاحب البوست محل تقدير واحترام، لكن يؤسفني أقول ليك إنَّك ما جاي هنا عشان تتحاور.. ولا جاي عشان تقول الحقيقة.. وانا عارِف الغَرَض الجابك هنا شنو
تحيّاتي
| |
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: Hussein Mallasi)
|
Quote: الأخت تماضر Quote: ربما الصفح عن هذا الشاب سيكون نقطة حميدة، تحسب لك وتضمن له مستقبل أفضل، مع العلم أنك كسبت قضيتك معنويا ...وهذا البوست يشهد لك بذلك
الصفح بيكون بعد إعتراف المخطئ و اعتذاره ، فهل إعترف أو إعتذر ليصفح عنه ؟!! |
يا أمين لو اعترف البضمنوا شنو ما يدخل السجن؟! تشويه السمعة جزاؤه السجن لمدة سنتين وغرامة وفهم الأستاذة تماضر هو باركوها يا جماعة لكن يا تماضر القضية دي قضيتنا كلنا، لأنو قضية منال دي ممكن تحصل من جديد لأي واحد فينا هسا ما شوفتي البورد إتصلح كيف؟! وبقى أي زول بعمل حسابو من تشوية سمعة الآخرين، لأنو الكلام دخل الحوش وسنتين سجن محمداهو
تحياتي للجميع ولصاحب البوست
| |
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: Hussein Mallasi)
|
Quote: ظننتها ستنفي اقتناعها التام و لكنها – تواضعاً – شككت في الأهمية القصوى لاقتناعها. |
عليك الله يا حسين ملاسي ما تكبر لى راسي ساي وتخلي الناس تتوهم شي تاني ...
وضح للقراء ماذا تقصد "فى الأهمية القصوى لأقتناعها"؟؟؟ أهمية لمن؟؟ لك؟؟؟ للقراء؟؟ للأطراف المتحاورة هنا؟؟ للقضية؟
لاتشتت أفكار الناس
فالجميع هنا يعرفون أن رأيي فى هذا الموضوع رأي وخلاص ....أنا تعاطفت مع منال لأنها أمراة ناجحة ونالت كل هذا الظلم الذى ورد هنا
ولي تجربة فى الظلم المثيل ..ورأيت أن من حقها أن تصل الى الحقيقة مهما كان الأمر ...وقد أشرت لذلك فى مداخلتي من الفيلم ، وهي أول مداخلة لي بالمناسبة فى هذا الموضوع، بس لأني كنت عايزة أفهم الحاصل وبرضو لاحظت أنه دخول الناس بشوش على الموضوع أكتر من ما يوضحوا ...
بعد كده ناشدتها أن تصفح عن الرجل الذي لا أعرفه فى حياتي ، بس لأنه طالب وفى بداية طريقه.... عبر المقطع المشاهد من الفيلم ...وهو فيلم حبيب الي قلبي .دي حقيقة...
رأيي بس جه من زاويتى الخاصة كأم ومن محبتي للحكمة التي تندس فى الفنون ...
شدة ما رايي ما هام ...هي زاتها ما اشتغلت بيه ...اها شوف اها بالمناسبة دي: وداعا ايها الموضوع ...
| |
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: osman abdala)
|
الأُستاذة تماضُر لكِ التحايا العطِرة والإحترام بلا حدود
Quote: بعد كده ناشدتها أن تصفح عن الرجل الذي لا أعرفه فى حياتي ، بس لأنه طالب وفى بداية طريقه.... |
الرجُل الذي لا تعرفينه دة سنة 90 صاح كان طالب في جامعة الخرطوم وحقيقي الوكِت داك كان في بداية طريقو.. (بالمُناسبة سنة 90 دي العبد الفقير إلى الله برضو كان طالِب في الجامعة).. عشرين سنة والعريس لِسّة في بداية طريقو؟ والله دة إلّا يكون طريق الإنقاذ الغربي..
المُهم.. طِيبتِك الشديدة دي أنا ما شُفتا زيَّها إلّا عند جارتنا في السابعة (نوال شريف) الله يرحمها ويحسِن إليها.. غايتو لو كُنتي كتبتي مُداخلتِك دي في الصفحة الأولى.. أنا وملّاسي وحِداشَر واحِد كِدة كُنّا نطّينا من البوست دة
| |
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: علاء الدين صالح)
|
أكثر ما يؤرِّقني في هذا البوست هو عدم تمكُّني من الرد على كثير من المُداخلات أو على الأقل الترحيب بأصحابها..
قبل قليل قرأت لأول مرّة مُداخلتين في الصفحة الأولى، إحداهُما للأخ هشام عباس والُثانية للأُخت رشا أحمد..
والله لم أنتبِه لوجود تلك المُداخلات إلّا قبل لحظات معدودة رغم أن المُداخلات لها قُرابة الأسابيع الثلاث..
للأخ هشام والأُخت رشا وللكثيرين غيرهم العُتبى حتّى يرضوا، فواجب الرد والترحيب لا يسقُط بالتقادُم..
وسأحاول الإيفاء بهذا الواجب الأدبي ما استطعت..
خالِص تقديري وعميق احترامي لكُل من خطَّ حرفاً في هذا البوست وللقُرّاء الأعِزّاء
| |
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: Maawya Hussein)
|
Quote: كامل التضامن مع الاخت منال خوجلي
عندي سؤال كدا للاخوة القانونيين والملمين بالقضيه من ناحية قانونيه : ماهي العقوبه المنتظرة اذا ثبت ان وائل طه هو محمد ناصر وهو من كتب(البوست او البوستات مثار الشكوي)؟ وهل سيعاقب القانون السوداني وائل طة علي الدعوة القضائية المقدمه من الشاكيه ضد محمد ناصر فقط ام سيعاقب وائل علي انتحال شخصيه محمد ناصر ايضا ؟ وهل هناك بند في القانون السوداني يعاقب كل من يكتب او ينتحل شخصيه غير حقيقيه في المنتديات ؟ |
الأخ الفاضِل/ معاوية تحيّاتي وتقديري لشخصكم الغالي
بالنسبة للشق الثاني من سؤالك، اسمح لي أن أقتبس لك المادة (11) تحت الفصل الثالث من قانون جرائم المعلوماتية لسنة 2007: Quote: قانون جرائم المعلوماتية لسنة 2007 (2007/6/20) الفصل الثالث الجرائم الواقعة على الأموال والبيانات والاتصالات الاحتيال أو انتحـال صفة غير صحيحة 11- كل من يتوصل عن طريق شبكة المعلومات أو أحد أجهزة الحاسوب وما في حكمها عن طريق الاحتيال أو استخدام اسم كاذب أو انتحال صفة غير صحيحة ، بغرض الاستيلاء لنفسه أو لغيره على مال أو سند أو توقيع للسند ، يعاقب بالسجن مدة لا تتجاوز أربع سنوات أو بالغرامة أو بالعقوبتين معاً . --------------- إشانة السمعة 17- كل من يستخدم شبكة المعلومات أو أحد أجهزة الحاسوب أو ما في حكمها لإشانة السمعة يعاقب بالسجن مدة لا تتجاوز سنتين أو بالغرامة أو بالعقوبتين معًا. |
حسب المادة (11) أعلاه، إنتحال الشخصية هنا مُرتبِط بالإستيلاء على الأموال أو السندات المالية ولا يوجد نص في نفس المادة يُعاقب على تسبيب أي أضرار أُخرى غير مالية!! من خلال مُروري على هذا القانون الجديد، لاحظت أنّ مواده محدودة جداً ولا يشتمل على الكثير جداً من النقاط والأحداث المُثيرة للجدل والتي تحدُث على أرض الواقع المعاش في عالم الجريمة الإليكترونية.. فالجريمة الإليكترونية ليست مقصورة على أكل أموال الناس بالباطل فقط، ولكن المحور الرئيس الذي يجب أن يرتكز عليه القانون هو الجُرم الأخلاقي لأنّه الأساس. قانون الإجراءات الجنائية لسنة 1991 به 185 مادة بينما تضمَّن قانون المعلوماتية الجديد 26 مادة فقط بالإضافة لأربعة مواد خاصة بإجراءات تنفيذ القانون!! لكن هناك نقطة هامة، وهي أن صدور هذا القانون الجديد لا يعني العمل به وحده دون سواه من القوانين، فهناك المادة الثانية من القانون والمُسمّاة (تطبيق) تُشير لذلك بوضوح: 2 - تطبق أحكام هذا القانون على أي من الجرائم المنصوص عليها فيه إذا ارتكبت كليًا أو جزئيا دًاخل أو خارج السودان أو امتد أثرها دًاخل السودان وسواء كان الفاعل أصليًا أو شريكًا أو محرضًا على أن تكون تلك الجرائم معاقبًا عليها خارج السودان . مع مراعاة المبادئ العامة الواردة في القانون الجنائي لسنة 1991
ما أوردته أعلاه هو مُجرَّد رأي شخصي وأتمنّى أن نجد العون من الأخوة الأعضاء القانونيين وأنتهز هذه الفرصة لأدعو وأُناشد أخي سمير شيخ إدريس المحامي ليدلي بدلوه هُنا، فهو قد كتب بعض الدراسات والمقالات الهامّة حول القانون الجديد.
عميق احترامي
| |
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: tasneem)
|
Quote: التحية والتقدير للاخت منال خوجلي والتحية والتقدير لك اخي علاء الدين لما بذلته من جهدفي هذا البوست المهم جدا لاعضاء وقراء سودانيز اون لاين
تقديري |
الأُخت الفاضِلة/ تسنيم لكِ تحيّاتي وتقديري وجُل إحترامي
كلماتِك الغالية ميدالية شرف للأُخت الأُستاذة منال خوجلي وشهادة تقدير لنضالها وصبرها.. وقلادة تستحقّها منال وأخواتها وأُسرتها ليفخروا بهـا أمام الملأ.. أمّا ما بذله علاء هُنا فهو جُهد الفقير المُقِل.. ووالله لولا نقاء ضمائركم ومُا خطَته أناملكم هنا بمداد صدق مشاعركم وإثراءكم لهذا البوست.. ولولا قيَم الحق العالية في قضية منال التي ستبدِد بنورها ظلام الباطِل.. لما وجد هذا البوست أدنى إهتمام..
شُكراً لكلماتك النقية الدواخِل التي جعلتني - بعد طول غياب - أُحِس بوجودي الحقيقي كإنسان بسيط
| |
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: علي جلاس)
|
السلام عليكم و رحمة الله و بركاته
Quote: و اسي بقى واضح لي انو يلزمني اعتذار واضح و صريح عن ( العبث ) دا، لكن لمنو ؟ دا السؤال ؟ في البلد عندنا بقولوا ليك : لو واحد قال ليك حمار، ردها ليو ، لو كررها، دقو. و لو قالوها ليك تلاتة، اشتري ليك بردعة ساي * ح ارجي المسألة حتى اسمع من اهل ( الحق ) هل بقبلوا اعتذار هنا و لّ افتح بوست منفصل؟ و في الحالتين انا جاهز... المافي شنو !؟ |
يا عادل عبد العاطي يا حبيب . . تسمح ؟ عاوز اقدم اعتذار صريح هنا عن مشاركاتي الحسبت ضمن الـ ( عبث ) و تشتيت الكورة ... و ابقي على مضمون - القصدتو انا على الاقل - اقول : و ابقي على مضمون ( الادانة ) لوائل طه - على الاقل الاخلاقية - و التزام تطوير الرأي دا وفق المستجدات و المعلومات البتتواتر هنا او في أي مكان .
و في نفس الوكت اثبّت رأيي السابق في 31 مارس 2009 م، لقطع دابر القراءات ( الجائرة ) و كنت قد ذيلته بـ :
Quote: اقول قولي هذا و دا كل القدرت عليهو في ظل المعلومات المتوفرة بعدين . . . لكل حادثة حديث |
انا بتضامن عديل بخشم الباب مع الاستاذة منال خوجلي . . . و الوقع عليها ظلم ماحق و ضرر نفسي و مادي بليغ لا سبيل الا بجبره حتى ترضى و برضو بدين شغل العقارب و اللسع بالتخفي و التضاري وراء اي لافتة . الما بقدر يقول رايو و يدافع عنو ما جدير بانو يكون صاحب رأي ابتداًءاً ناهيك عن مطالبتنا باحترام رأيه او اعتباره . . . http://www.sudanvoice.com/cgi-bin/sdb/2bb.cgi?seq=msg&b...sg=1254328254&rn=150
و اشدد على ( جبر الضرر ) دي، لانها جزء مهم من ( العدالة ) ... ما بكفي ( عقاب ) المجرم، في اعتقادي الخاص. اعتذاري لأصحاب الحق ... و لصاحب البوست ( لعدم احترامي للإنعطافات الخطيرة المر بيها و بقائي على الفكرة القديمة ) و اعتذاري في الحق العام للجميع...
على وائل طه و من شاركه تحمل مسؤلياتهم كاملة و اتمنى ضمائرهم تصحى قبل ضحى الغد
و السلام ختام
ألا هل بلغت ؟ اللهم فأشهد
---------
* وردت كدا في نصها الاصلي مع حذف الوش الضاحك... يكفي بلادة حس انساني !!
| |
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: قيقراوي)
|
Quote: اعتذاري لأصحاب الحق ... و لصاحب البوست ( لعدم احترامي للإنعطافات الخطيرة المر بيها و بقائي على الفكرة القديمة ) و اعتذاري في الحق العام للجميع...
|
الأخ العزيز الفاضِل/ قيقا تحيّاتي الزاكيات الطيّبات
ما تعتذر يا أحلى غيم ومافي داعي تقول عُذُرْ قبل الخريف الغيمة دايماً للأَرِضْ مرات تَشُرْ تلقى الأَرِضْ جوفها اتحرق من الحريق عِزَّ الضُهُرْ تفضَلْ تعاين في السِحاب والغيمة من فوقها بْـتَمُرْ ما قصدها تشُرْ الأَرِضْ بس لى قوانين الطبيعة بتنجبِر ما قصدها تهِدَّ الجروف ولا بتَفَكِّر تِخْتَبِرْ شوق الأَرِضْ ولهفة جروفها لى غماماً مويتو تَغْمِرْ الغيمة دايماً عارفة إنّو الأَرِضْ من غيرها أبداً أصلو ما مُمكن تخَدِّرْ عارفة الأَرِضْ حاضنة البذور بى رشَّة من الغيم بتثمِرْ ماهي الجروف عارفة الظُروف عارفة الركامي متين بيمطِرْ والأَرْضِ لازم بى صَبُرْ ترجَى المواسم وتنتظِرْ وعارفة إنّو بِجي الخريف بعد السَموم والأَرْضِ تَنمو وتزدهِرْ والغيمة تهديها الرشاش من فيض حنانها وتستمِرْ.. تروي الأَرِضْ تديها حبَّة إنتِعاش ورزاز يسُرْ وريحة الدُعاش تدّي الأَرِضْ وكل الجروف طُولة العُمُرْ زيْ بَخور صَندل مُعتَّقْ وضُفرة خالطين ليها عنبرْ ما تَـعـتَذِرْ ما إنتَ غيماً شايل الخير للأَرِضْ.. والدُنيا حَـرْ ما إنتَ دمعَك لِلأَرِضْ بعدَ التحاريق هُوْ المطرْ ما إنتَ فَرَحاً لِلأَرِضْ رغْمَ الرَعَد رغْمَ الصواعِق والعواصِف والخَطَرْ ما إنتَ مابيكَ الحراز لازِمْ تحاربو وتِنتَصِرْ أما الأَرِضْ سِتَّ الجُروف خليها تشقَى وتِنتَظِرْ خلي الفراش الفيها يتطاير ويفِرْ أصلو الأَرِضْ لِفَت الجراد يِنهَشْ حُقولها ويِستَقِّرْ شيمة الزَرِعْ فيهو المُعولَقْ والنَضِرْ شيمة الأَرِضْ فيها النخيل فيها اللَعوت فيها الكِتِرْ فيها الزهور فيها البنَفْسَج والرَياحين والسِدِرْ الأَرْضِ مشتهية الغمام رغمَ الشِتا والدرجة كَمْ تِحتَ الصِفِرْ ما تَـعـتَذِرْ لأنو أصْلَنـا ما سِمِعنـا الغيمة لِلأَرْضَ الصبورة بتعتذِرْ (علاء الدين صالح - 1994)
دي ما دعاية مجّانية لقصيدتي المُعتِّتة.. لكن بس إتعوَّدتا كُل ما زول يعتذِر لَيْ بدون خطأ، كررررر بسمِّعها ليهو حتّى لو ماشّي لاحِق ليهو طيّارة.. شان تاني يتوب وما يعتذِر ساي
عميق إحترامي يا غالي
| |
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: محمد البشرى الخضر)
|
Quote: أنا واحد من الناس الكتار ديل وصوت كيبوردي بح من تكرار السؤال
اها في انتظار العجب العجاب يا علاء |
الأخ الفاضِل/ ود البُشرى تحيّاتي ومعذرة على الغياب، فحتّى صاحب هذا البوست لم يسلَم من حملات محاولات (إغتيال الشخصية) المسعورة هذه الأيام
Quote: فاستحي على وجهك
وخليك عامل فيها عندك ضمير وحد ضميرك الشهاده في قصص من نوع اقسم بالله العظيم....وائل طه هو محمد ناصر!! هنالك وفي مثل هذه الشمارت فقط يتقدم امثالك......من عديمي الاخلاق
|
دي هينة، ياخ اليومين ديل في حُمّى بتاعت (سَعَر إعتذاري) حايمة كدة بى صورة عجيبة، امبارح بالليل نحنا هلالاب في بعضنا خاتّين كراسينا في الشارع بنتناقش في موضوع هيثم ومجلس الهلال، جا مارّي واحد مرّيخابي شبَك فيني أنا دة من دون الباقين واتَّصل من الموبايل على رقم كدة وقال لّيْ: يا زول اهو دة مُزمل أبو القاسم.. وتعتذِر ليهو هسّا دي قِدَّام الناس ديل.
| |
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: امير مصطفى احمد)
|
Quote: اخي علاء
نفتقد الاخ عبد الرازق الطالب بسبب الإيقاف الذي تعرض له عدة مرات
معظمها كانت لاراءه الجريئة والمصادمة ولانه كان زول نصيحة
إقتباسه والاقتباس الذي قبله يشيران إلى سبب الإستهداف . |
الأخ الفاضِل/ أمير مصطفى لك تحياتي العطِرة ومودَّتي
أنا فقط حاولت الإشارة لبعض الإقتباسات التي تشير فعلاً لمكمن جُحر الضب شبراً بشبر وذراعاً بذراع رغم شدة ضيقه وقذارته وظُلمته.. وفي هذا البورد هُناك من هُم أعلم مِنّي بخبايا ذلك الصراع وبأسباب هذا الإستهداف الكبير.. وسأترُك لهم شرح التفاصيل في حينه، وأهل مكة أدرى بشعابها
| |
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: علاء الدين صالح)
|
Quote: الاحد 17 أغسطس 2008
السيد الدكتور صلاح بندر رئيس مجلس أمناء المنظمة السودانية لمناهضة التعذيب، لندن السادة اعضاء مجلس الأمناء السيدات و السادة أعضاء المنظمة السودانية لمناهضة التعذيب
تحية وتقدير... وبعد،،،
الموضوع: لفت إنتباه عاجل للمنظمة السودانية لمناهضة التعذيب (من أجل تأريخ وتماسك و مستقبل حركة حقوق الانسان في السودان)
ظللنا، نحن الموقعون(ات) أدناه من النشطاء و الفاعلين(ات) في حركة حقوق الانسان السودانية ومنظمات المجتمع المدني ، ظللنا نعمل ونشارك ملؤنا الفخر والثقة الكاملة في الانشطة والاعمال الكبيرة التي ظل يقوم بها مركز الخرطوم لحقوق الانسان وتنمية البيئة وشركائه في مركز الامل للعلاج وتأهيل ضحايا العنف ومن الخارج المنظمة السودانية لمناهضة التعذيب، وذلك منذ عقد التسعينات في مكافحتهم الدؤوبه للإنتهاكات، متحملين من المخاطر، الشخصي والمؤسسي منها، من أجل سودان تتحقق فيه الحماية والتعزيز لمبادئ حقوق الإنسان، يخرجنا من واقعنا المزروء - حتي الآن - بالفظاعة والإنتهاكات الجسيمة لحقوق الانسان.
نرسل لكم هذا الخطاب - ونحن لم تجمعنا بكم في المجلس الجديد للمنظمة السودانية لمناهضة التعذيب بلندن علاقات عمل مباشرة- منبهين لخطورة مايتعرض له زملائنا وزميلاتنا في كلٍ من مركز الخرطوم لحقوق الانسان وتنمية البيئة ومركز الامل للعلاج وتأهيل ضحايا العنف بجنوب وشمال دارفور من إستهداف و تهديد وعدم استقرار وتعويق متعمد لعملهم اليومي في مجالات حقوق الانسان بحساسيتها وخطورتها المعروفة لكم. وفي هذا الظرف الدقيق الذي يمر به الوطن، نلفت انتباهكم(ن) إلى أن ما يتعرض له مركز الخرطوم لحقوق الانسان وتنمية البيئة ومركز الأمل للعلاج وتأهيل ضحايا العنف بجنوب وشمال دارفور ، لا يعني ويمس فقط المؤسستين، بقدرما تمتد خطورته وتأثيره سلباً الى مجمل حركة حقوق الانسان والمجتمع المدني فى السودان، بمحاولات تعويقها وتقويض جهودها في قضايا الدفاع عن حقوق الانسان والسلام والعدالة والتحول الديمقراطي. وقد رأينا كمتابعين للتطورات الأخيرة التي تشهدها الشراكة بينكم والمنظمتين بالسودان أن واجبنا يحتم علينا أن نقف موقفا منبها بأن ما يحدث لا يستهدف فقط نشطاء يشهد لهم بالنزاهة والتجرد في سبيل حماية حقوق الإنسان، فحسب، ولكنه يخدم كذلك المحاولات والحملات المستمرة لتصفية منظمات المجتمع المدني السوداني وحركة حقوق الانسان خلال مسيرتها الناصعة .
الأخوات والأخوة في مجلس الأمناء وأعضاء المنظمة : يأتي خطابنا المفتوح هذا، ونحن نشهد ونتابع المحاولات المحزنة المستهدفة لمؤسساتٍ ونشطاء ، نعرفهم ويعرفونا،وضعوا حجر بنيانٍ حديث ، مهني ومؤسسي، ولم تطالهم شبهات العمالة أو الفساد، ودفعوا بقضايا حقوق الانسان في هذه البلاد الى صدارة الأجندة العامة المحلية والدولية، وأصبحوا رموز أقليمية وعالمية في قضايا الدفاع عن حقوق الانسان. نبعث لكم بهذا الخطاب محاولة منا لحماية حركة حقوق الانسان السودانية ومنظمات المجتمع المدني أولاً و أنفسنا قبل زملائنا وزميلاتنا في مركز الخرطوم لحقوق الإنسان وتنمية البيئة ومركز الأمل للعلاج وإعادة تأهيل ضحايا العنف بجنوب وشمال دارفور. إننا نرى أن محاولات تجفيف وتوقف أنشطة توفير العون القانوني والتاهيل لضحايا الانتهاكات في دارفور هو شان يهمنا ونشارك فيه، مثلما تهمنا أنشطة المنظمتين في قضايا بناء السلام والتعريف بوثيقة الحقوق، وهو المشروع الرائد والذي توقف أيضا حسب متابعتنا في أرض الواقع بسبب حجب الدعم المتوفر مسبقا لهذا المشروع ولمشروع عون الضحايا وتوثيق الانتهاكات ، إضافة لحقوق الضحايا التي تضررت بتعويق عمل مركز الخرطوم ومركز الامل، راعنا أيضا التصرفات التي لا تمت لقيم وحركة حقوق الانسان بصلة من عدم صرف المكافاءات المالية للنشطاء بالمنظمتين لاشهر طالت، واضطرارهم لإخلاء مكاتبهم لعدم الالتزام بسداد أجرة المبني، وأخيرا بداية حملات الفصل التعسفي تجاه مدافعين(ات) عن حقوق الإنسان نعرفهم ويعرفهم الضحايا ونعرف جسارتهم وايمانهم (ن) الراسخ بحقوق الانسان لسنوات طوال، وهو ما يخالف صميم مبادئ الحقوق التي نعمل جميعاً من أجلها.
في ختام خطابنا هذا، نود أن نذكركم(ن) بأن المنظمة السودانية لمناهضة التعذيب بلندن كان لها الريادة و الجدارة بفضل شركائها في السودان في مركز الخرطوم ومركز الأمل في تطوير و تعزيز حركة حقوق الانسان السودانية خلال مراحل نضالها المستمرة. ولما لمسناه وشاركنا فيه من مؤسسية ومهنية وريادية وعلاقات كفاح مشترك و زمالة راسخة مع مركز الخرطوم ومركز الامل ، فاننا ننبهكم وندعوكم الى المحافظة وحماية تاريخ وتماسك و مستقبل هذه المؤسسات، فتماسكها من تماسكنا في حركة حقوق الانسان والمجتمع المدني الحقيقي في السودان.
ولكم التقدير أجزله.
الموقعون(ات)
صالح محمود عثمان، محامي حقوق انسان وحائز على جوائز عالمية، برلمانى كمال الجزولي، محامي وكاتب والامين العام السابق لاتحاد الكتاب السودانيين هالة الكارب، المديرة الإقليمية للمبادرة الإستراتيجية لنساء القرن الأفريقي د.الباقر العفيف، مدير مركز الخاتم عدلان للإستنارة وتنمية البيئة عبدالمنعم الجاك، باحث ومنسق البرامج الإقليمية لشبكة صيحة عشة خليل الكارب، مديرة المركز السوداني للبحوث والتنمية الحاج وراق، كاتب ورئيس هيئة تحرير صحيفة أجراس الحرية محمد عبدالله الدومة، رئيس هيئة محامي دارفور عبدالرحيم بلال، خبير منظمات المجتمع المدني والمدير السابق لمؤسسة فريدريش ابرت نبيل أديب، محامي ,كاتب وناشط في الدفاع عن حقوق الانسان مساعد محمد على، محامي حائز على جوائز عالمية في حقوق الانسان، المدير السابق لمركز الامل بنيالا بروفيسور بابكر محمد الحسن، رئيس نقابة أساتذة جامعة الخرطوم كريستينا بيتر جبخانة، مديرة جمعية تدريب وترقية المراة نجلاء الماحي، محامية و ناشطة في مجال الدفاع عن حقوق الانسان د. مرتضي الغالي، رئيس تحرير صحيفة اجراس الحرية عصام عبدالحفيظ، فنان وناشط في منظمات حقوق الانسان المحلية والدولية د. محمد أحمد، مدافع عن حقوق الانسان- حائز على جوائز حقوق انسان عالمية، دارفور محمد الطيب حسن عبدالدائم، مستفيد من خدمات العون النفسي والقانوني بمركز الخرطوم ومركز الامل ازهري الحاج، رئيس سكرتارية منظمات المجتمع المدني السوداني عبدالرحمن القاسم، عضو لجنة هيئة محامي دارفور نعمات كوكو، مركز الجندر نجاة بشرى، أخصائية دعم نفسي واجتماعي، جنوب دارفور فيصل محمد صالح، صحفى وباحث ومدرب في مجال حريات التعبير والصحافة السر السيد، إعلامي ومسرحي ومسئول برنامج المسرح من اجل التغيير مجدي النعيم، مستشار حقوق الإنسان والتنمية ناهد جبرالله، ناشطة في منظمات حقوق المراة رشا عوض، صحفية وناشطة في منظمات حقوق المراة زينب بدرالدين، مديرة منظمة المعلم قبل الجميع (علم) د. محمد عبدالسلام بابكر، محاضر ببرنامج حقوق الانسان بجامعة الخرطوم وائل طه، عضو اتحاد طلاب جامعة الخرطوم وأحد المستفيدين من خدمات مركز الامل غادة شوقي، محامية وباحثة وناشطة في الدفاع عن حقوق الإنسان عبدالله الكارب، محامى والامين العام للمرصد السوداني لحقوق الانسان نجلاء التوم، شاعرة وناشطة في مجالات حقوق الانسان طارق الشيخ، محامي وعضو لجنة هيئة محامي دارفور أحلام ناصر، مديرة المركز السوداني للحقوق النقابية خالد فضل، صحفي وناشط في مجال حقوق الانسان د. مجدي الجزولي، كاتب وعضو اللجنة التنفيذية لاتحاد الكتاب السودانيين اشراقة ادم، منسق مبادرة اصلاح القوانين الجنائية بالسودان فهيمة هاشم، مديرة مركز سالمة للمراة ومصادر المعلومات نصرالدين يوسف، محامي ومدافع عن حقوق الانسان |
د. ليذ هودجكن ترفض قبول جائزة نازك محجوب التزكارية من S...لان عن حفل للجائزة?
أوَّل من قام بنشر هذه الوثيقة التي تخص مركز الخرطوم لحقوق الإنسان وتنمية البيئة والمنظمة السودانية في البوست أعلاه هو (وائل طه).. بعد دقائق قليلة سُحِبَت الوثيقة وتم نشرها بواسطة الأخ علي العجب.. (وائل طه) تم تعريفه في العريضة على أنّه (عضو باتحاد جامعة الخرطوم ومستفيد من أنشطة المركز).. ومن هُنا جاء تساؤل الأخ بهاء بكري في إحدى مُداخلاته: هل كل المستفيدين من انشطة المركز لهم حق حيازة مثل هذه الوثائق الخطيرة؟
ورود إسم وائل طه في هذه العريضة أمر مُحيِّر.. والمُحيِّر برضو ورود أسماء زينب بدر الدين وكمال الجزولي.. وآخرين
| |
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: علاء الدين صالح)
|
كل عام وانت وجميع من وقف مع الحق ولم يخاف فى قولته لومة لاءم بخير وربنا يجعلها سنه سعيدة عليكم كلمك ويديكم الفى مرادكم ويحقق امنياتكم كلها ويحفظ ليكم اهلكم واحبابكم ويديكم الصحة والعافية وتسلمو كلكم من كل شر واذى يارب . أخى الكريم علاء الدين .. الحمد الله الذى اعاننا على تحمل الاذى وجعلنا من الصابرين عليه .. والحمد الله الذى جعل فاتحة هذة السنه انتصارا للحق والحقيقة وايضا سقوط لكثير من الاقنعة ..وكشف حقيقى لجوة كالهة تتخفى خلف مسميات هى بعيدة كل البعد عنها ...وسقوط ورقة التوت نهائيا كما يحلو لبعضهم تسميتها ...جد فى ناس فى الدنيا لابتختشى ولابتخجل ... حرامية وعينم قوية عموما توقعاتك بالتفائل صدقت واحنا موعدين بعام سيكون وبالا على كل مدعى باذنه تعالى ... تسلم علاء الدين يارب
| |
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: ماجدة عوض خوجلى)
|
Quote: وفوق تانى علشان لمن يجى البوست الجديد الماعرف الحاصل يعرف وعلشان كمان فى ناس شيفاها نست او قايله الموضوع خلاص انتهى وهى بقت بعيدة من الحساب والمحاسبه |
الحمد لله يا ماجدة إنّو البوست دة حقّق الكتير والحمد لله إنّو أزاح الستار عن أشياء كتيرة كانت خافية الحمد لله أولاً له الفضل والثناء ثم الفضل من بعده لكل المشاركين الذين أثروا فيه الحوار بلا استثناء والبوست القادم أحلى لأنّو جديد والجديد أحلى لأنّو موديل 2011 و2011 أحلى لأنّو بدايتها فيها تباشير حلوة والتباشير أحلى لأنّو زمان أيام التدريس كُنّا بنكتب بيهو في السبورة ها ها ها ها ها ها هاي
| |
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: امير مصطفى احمد)
|
Quote: لخاطر منال
وصاحب البوست
وكل من ناصر قضيتها العادلة
ومن اوبريت الحلم العربي اختار
اجيال ورا اجيال حتعيش على حلمنا والي نقوله اليوم محسوب على عمرنا جايز ظلام الليل يبعدنا يوم انما يقدر شعاع النور يوصل لابعد سما |
دا حلمنا طول عمرنا (عدل) يضمنا كلنا كلنا
أمير يا حبيب كل سنة وانتا طيّب وأهلك كلهم طيبين ومرتاحين تعرف يا أمير البوست دة إتفتح في ظروف بتاعت حُزن وغضب وألم ما ليهو حدود إنتا وكل الناس الحلوة الجميلة المُحِبة للحق وللخير وللجمال مدعوّين في اليومين الجايات ديل لبوست مُفرح
الكُل مدعوّون
| |
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: الصادق اسماعيل)
|
Quote: واصل يا علاء
سنتابع |
الصادق كيفك يا حبيب قصدك أواصِل هنا في البوست دا؟ ما ظنّيت يا الصادق البوست دة حيكون قاعد كدة دة بس، في الربع دة والربع الجاي وما طاب لنا من الأرباع إن أمدّ الله في الآجال لكن يا الصادق حنواصل كُلّنا سوا في البوست الجديد بإذن الله كم يوم كدة وحتلقى البوست هنا عالياً خفّاقاً بعد دة يا الصادق يا أخوي مافي دغمسة وغتغتة حأشغّل في البوست أغنية autoplay وحنكتب ونحنا بنتمايل مع الأنغام آن لنا أن نفرح ونبتهِج ونهجّج ونرِبّها صاح (في البوست الجديد بس وليس خارج البوست) ومن هسّا أي واحد يكتب أغنية هنا عشان أختار منها واحدة يلّا أبدا إنتا يالصادق
| |
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: saadeldin abdelrahman)
|
Quote: شوقتونا يا حلوين ما تبقوا لينا زي "تشاهد غدا" جيبوه حي (لو سمحتوا) |
سعدالدين كيفك ابوى يارب انت والاسرة كلكم بخير بنجيبو حى باذن الواحد القيوم ... وبتشوفو الدنيا كيف فيها ناس انعدمت فيها كل القيم الى اى حد.. وكيف مات عندها الضمير والاخلاق ... ممكن تعمل اى حاجة فى الدنيا من غير ماتخاف ربنا سبحانه وتعالى فى خلقة .. تتخيل ياسعد زول مافى بينك وبينو غير وقفة حق وفى شان عام كانت على غير ماتمنى واراد تصل الى ياتو حد و تكون النتيجة الدسائس وقرف زى الحصل ده تقول عليهو شنو ... وبعد ده كلو وبدون خجل يقولو مناضلين الله ينعل النوع ده من النضال البيخلى الانسان ينعدم عندو الضمير ويصل فى خصومتة الى الحد الوصل ليهو ده فى الفجور والكذب ... تصدق انا بس عايزة اعرف ناس معانا هنا فى المنبر هتقول شنو بعد الحقيقة ماتظهر تسلم سعدالدين من كل شر يارب ...
| |
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: امير مصطفى احمد)
|
Quote: الست معي في ان إفتراع بوست جديد قد يفسد دهشة المتابعة للاحداث المتسلسلة
واي واحد داير يدخل الفلم دا إذا حضر الجزء الثاني قد تغيب عليه التفاصيل المهمة في الجزء الاول
وفي كلا نريد الإبتهاج وظهور شمس الحقيقة |
أخي الفاضل/ أمير والله لِسّة قاعد أقلّبها في راسي وبودّي فيها يمين شمال البوست دة عندو قُرّاء محدّدين يا أمير ولو واصلتا فيهو الناس قد لا تعرف بالمستجدات وحيفتكروا إني برفع في البوست كدة بس عدم موضوع الأمر يستحق فعلاً عناء فتح بوست جديد وفي النهاية كلّو لى خير
مودّتي واحترامي
| |
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: علاء الدين صالح)
|
ياعلاء دى فوووق حقت اليوم واحتمال كبير جدا تكون اخر فوق فى البوست ده لكن بكل تاكيد هتكون مستمرة فى البوست الجديد .. وبعدين ياعلاء حلا لموضوع البوست ده بخصوص انك تستمر فيهو او تفتح بوست جديدالخبر الجديد فى امكانية انك تخت صفحة داخل صفحة .. وفى امكان الجميع تصفح الاتنين مع بعض المهم اذا ربنا اراد بتكون دى الاخيرة زى ماقلت وكمان اذا ربنا لسه مااذن ... بتكون فى زى كم واحدة فوق كده فى اليوم وفوق لكشف حقيقة مناضلى الغفلة ومخترعى الشحصيات الوهمية للقيام بااغتيال شخصية مخالفيهم ... والمتسترين عليهم ومن قامو بمساندتهم وهم على علم تام بماقامو به ... تسلم يارب ...
| |
|
|
|
|
|
|
Re: أحلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي الد (Re: علاء الدين صالح)
|
لمّن تجي تلمّع عربية تلميع ساطع بإستخدام مادة (F3) من إنتاج شركة نيلسن الإنجليزية
أو أي مادة تانية، في التعليمات بتلقى مكتوب أهم حاجة إنّك تزيل أي آثار غُبار عالِق
من العربية بعد ما تغسّلها مظبوط.. ولو عايز تلمّع أي حاجة لازم تنضّفها في الأول تمام
نفس الشي بينطبق على البني آدمين.. لو عايز تلمِّع ليك زول لازم تضمن إنّو يكون خالي
من الأوساخ وتزيل عنّو الغُبار العالِق في الأول، لمّن ينضَف بعد دة لمِّعوا لحدّي ما يرقِش
زول بيلمِّعوهو وريحة صُناحو مارقة دة نهائي ما سمعنا بيهو
| |
|
|
|
|
|
|
|