|
Re: المنظمة السودانية لمناهضة التعذيب: الحساب ولد (Re: بشرى محمد حامد الفكي)
|
نبدئ بالسنة المالية المنتهية مارس 2007
جملة القروش المتوفرة للمنظمة من عدة مصادر تمويل وحساب مرحل و فوائد كانت 410797 جنيه استرليني يعني بالسوداني 148699569 وقالت الميزانية انو نسب الصرف على البرامج 33% لبرنامج الدفاع عن قضايا حقوق الانسان والمساعدات القانونية و 30% لعلاج الضحايا و 30% لمراقبة اوضاع حقوق الانسان 7% للادارة والتشغيل
أولا المرتبات:
قد يسأل سائل لماذا أولا المرتبات؟ سأجيب الآتي: لأن التهمة التي وجهها الدكتور لمركز الخرطوم حول أموال دخلت لجيوب الموظفين ولكنه أستدرك وقال أنه لا يعني أنهم فاسدون، وطبعا لن نسأل الدكتور اذا أين المشكلة؟ اذا كانت هذه الأموال من حقهم ما الداعي لكل هذه الضجة؟ ولكننا سنعرض مرتباتهم و نترك للكل مقارنتها بما جاء به الدكتور، وطبعا برضو مقارنتها بمستوى الدخل للفرد بالسودان، وبمستوى الأجور في القطاعين العام والخاص، و بمؤهلات من تدفع لهم هذه الأجور، و بالعمل الذي يقومون به، وبالمردود على الفئة المستهدفة والبرامج التي استفادت منها. تقول الميزانية المقدمة ومعتمدة من مجلس الأمناء بما فيهم دكتور البندر بالضرورة، أن العاملين في الأسبوع ثلاثة، يعني بالعربي كدة انو في ثلاثة وظائف ثابتة (يمكن أن يشغل الوظيفة الواحدة شخص أو عدة أشخاص) وهنالك وظيفة رابعة أدارية (يمكن أيضا أن يشغلها شخص واحد أو عدة أشخاص)، بحساب السوق ممكن نقول هنالك أربعة موظفين معتمدين من مجلس الأمناء بتجيهم مرتبات من المنظمة، غير متطوعين بتجيهم قروش رمزية نظير تطوعهم حا نعرضها لاحقا. بتقول الميزانية انو الأربعة وظائف دي كلفت 72650 جنيه استرليني ودي بتساوي بالسوداني (القديم طبعا نحن الجديد دة لسه ما بنعرفوا) بتساوي ليها 216277680 اللي هي ميتين و ستاشر مليون و ميتين سبعة و سبعين الف و ستماية و تمانين. يعني اذا قلنا الأجر متساوي في كل الوظائف بيكون الدخل السنوي للموظف في منظمة الضحايا 54069420 اللهي اربعة وخمسين مليون و تسعة وستين الف واربعماية وعشرين ولمان نجي نشوف في الشهر بنلقاها 4505785 اللهي اربعة مليون وخمسمائة وخمسة الف وسبعماية خمسة وتمانين طبعا الكلام دة ممكن يكون ما دقيق عشان ممكن يقولو لينا الموظفين ديل ما كلهم في الخرطوم، اذا كان كدة يلا جيبو العندكم عشان نوريكم كمان المسألة حساب ولا كوار.
من واقع هذه الميزانية بالله تتوقعوا الضحية في القسمة دي مفروض ياخد كم اذا افترضنا على حسب الهدف العام للمنظمة انو المنظمة دي حقتوا
وحنواصل في البرامج واحد واحد و حا نشوف الايجار والكهربا والتلفون والذي منو
| |
|
|
|
|
|
|
Re: المنظمة السودانية لمناهضة التعذيب: الحساب ولد (Re: بشرى محمد حامد الفكي)
|
طبعا قلنا الحكاية حساب ما كوار المرتبات اتفصلت في الميزانية كالآتي: منسق برنامج الدفاع عن قضايا حقوق الانسان والمساعدات القانونية بياخد في السنة 23974 جنيه استرليني يعني بالسوداني 86545370 ستة وتمانين مليون وخمسمية خمسة واربعين الف و تلتمية وسبعين يعني في الشهر الواحد مرتبو 7212115 سبعة مليون و ميتين و اتناشر الف ومية وخمستاشر جنيه سوداني بي سعر الليلة، دة طبعا ما عندو علاقة بالمحامين والذي منو وما ممكن يكون هو منسق البرنامج وعايش في لندن وبنسق فيه بالفاكس
منسق برنامج التأهيل والعلاج للضحايا مرتبو في السنة 21795 جنيه استرليني يعني بتعمل معاك بالسوداني بسعر اليوم 78683400 تمانية وسبعين مليون و ستمية تلاتة وتمانين الف واربعمية جنيه يعني في الشهر 6556950 ستة مليون وخمسمية ستة وخمسين الف وتسعمية وخمسين جنيه دة غير الدكاترة والذي منو وبرضو مفروض يكون بنسق البرنامج من السودان
منسق برنامج مراقبة أوضاع حقوق الأنسان بياخد زي بتاع العلاج والتأهيل أما الشئون الأدارية المنسق بتاعها دخلو السنوي 5085 جنيه استرليني يعني بالسوداني بتعمل ليها 18356470 تمنتاشر مليون وتلتمية ستة وخمسين الف واربعمية وسبعين في الشهر 1529705 مليون وخمسمية تسعة وعشرين الف وسبعمية وخمسة
| |
|
|
|
|
|
|
Re: المنظمة السودانية لمناهضة التعذيب: الحساب ولد (Re: Muna Khugali)
|
الأستاذة منى في البداية اسمحي لي أن أحيي مثابرتك في أن تظهر الحقيقة، وهذا ليس بالمستبعد من شخص مثلك داس على النار لا يحتاج لأحد أن يوصف له مدى ألمها. حتى الآن ما أقوم به هو عرض لميزانية المنظمة وسنأتي تباعا لمناقشة ما تقوم به من نشاط لا يهمنا ان اتوا او لا فكوني متابعة سلام
| |
|
|
|
|
|
|
Re: المنظمة السودانية لمناهضة التعذيب: الحساب ولد (Re: بشرى محمد حامد الفكي)
|
حتي تنجلي الامور اتمني من السادة القائمين علي امر هذة المنظمة والتي كثر حولها الكلام في الاونة الاخيرة حتي ان البعض اطلق عليها( منظمة تعزيب الضحايا) ان يدخلوا هنا للتداخل واذا لم تتوفر لديهم وسيلة للتواصل password فبريدي الالكتروني المجود بملفي الشخصي my profile متاح للتداخل فالصامت علي الحق شيطان اخرص كما ارجو ان اوضح الالتباس الذي يقع فية البعض بان هذة المنظمة من منظمات الحزب الشيوعي السوداني
| |
|
|
|
|
|
|
Re: المنظمة السودانية لمناهضة التعذيب: الحساب ولد (Re: بشرى محمد حامد الفكي)
|
وصلتني الرسالة التالية علي البريد الالكتروني من السيد/ محمد شمس الدين من المملكة المتحدة فيها كثير من التساؤلات وعلي اختلافي معة في كثير من الجوانب مما كتب الا اني للامانة انشرها كما هي علها تحرك ساكن....
Quote: Flag this messagere-وماذا عن المنظمة السودانية لحقوق الانسان فى لندنMonday, October 13, 2008 3:26 AM From: This sender is DomainKeys verified "mohamed shams-deen" Add sender to Contacts To: [email protected]الاخ العزيز ابراهيم برسىقرات مداخلتكالتى تدعو جماعة ضحايا التعذيب بالحديث عن الحقائق المذهلة ودعوة معز ابو نورة للشفافيةودعوتى للاخوة فى المنظمة السودانية لحقوق الانسان فى لندن ان يعملوا الشى نفسه وخاصة وقج سبق للدكتور صلاح بندر والاستاذة سلوى سعيد وكلاهما حزب شيوعى قد قدموا ملفات فساد خطيرة فى المنظمة السودانية لحقوق الانسان فى ذلك الوقت فاقت 25 مليون جنيه استرلينىوتم فصل الامين العام فى ذلك الوقت د ياسين محيسى من الامانة العامة لانه رفض الفساد والفساد يمس قيادات شيوعية معروفة استغلت المنظمة للسفريات والاشياء التى يجب السكوت عليهاالدكتور محيسى انشا منظمة للحقوق الانسان بمفرده واقنع المانحين بان الجماعة التانية ليست فوق الشبهاتالمنظمة السودانية كان رئيسها امين مكى مدنى وهو كان رئيس بالاسم وكان يتولى ادارة المنظمة الحزب الشيوعى من وراء الكواليس وبالتحديد صديق كبلو وعزيز كامل ومنصور العجب وعبدالسلام سيداحمد وكلهم اعضاء فى الحزب الشيوعى السودانىيجب فتح ملف المنظمة السودانية لحقوق الانسان فى لندن منذ انشائه كم من الاموال استلمتها المنظمة باسم الشعب السودانى الذى يموت تحت حكم الجبهة الاسلامية وفسادها ياخى فساد الحزب الشيوعى فى هذه المنظمات اسوأ من فساد الجبهة الاسلامية والمثل يقول لا تنهى عن فعل وتاتى بمثله عار عليك وان فعلت عظيمالشفافية التى نطالب بها يجب ان تمتد الى المنظمة السودانية لحقوق الانسان فى القاهرة التى دفعت لها ملايين الجنيهات الاستلالينية وهى غير موجودة فى القاهرة كما كتب الاستاذ فتحى الضو والمنظمة الام فى لندن اهدرت اموال طائلة فى السفر والحفلات ودعم اعضاء الحزب الشيوعى السودانى فى لندن والخرطومالرجاء الرجوع الى الملف الذى قدمه د صلاح بندر عن المنظمة والتجاوزات المالية حتى نبنى سودان معافى من الفساد والغتغتة
|
| |
|
|
|
|
|
|
Re: المنظمة السودانية لمناهضة التعذيب: الحساب ولد (Re: بشرى محمد حامد الفكي)
|
نعود للميزانية ونرى ماذا بها
تذكر الميزانية أن ما تم صرفه على التليفون في خلال السنة كان 7422 جنيه استرليني يعني بالسوداني بتعمل بي سعر الليلة 26793030 اللهي ستة وعشرين مليون و سبعمية تلاتة وتسعين الف وتلتين جنيه (والله بالجد ما بهظر) والكهرباء كانت ب 2143 جنيه استرليني يعني بتعمل ليها بالسوداني 7736120 حوالي سبعة مليون و مية تلاتة واربعين جنيه والايجار 12431 جنيه استرليني يعني 44875250 جنيه سوداني اللهي أربعة وأربعين مليون وتمنمية خمسة وسبعين الف وميتين وخمسين.
| |
|
|
|
|
|
|
Re: المنظمة السودانية لمناهضة التعذيب: الحساب ولد (Re: بشرى محمد حامد الفكي)
|
الجسورة بت الفضل كتبت مداخلة لكن ضاعت الله يجازي الكان السبب يعني نحن برانا بطيئين في التايبنق والبوست ماشي زي الكارو ويجيك واحد زي القضا المستعجل يقول ليك اعد
المهم هنادي بتقول انو هي متابعة البوست وانو هي شغالة مع الناس دي ملح
شوفي يا بت الفضل والله انا عارفك شغالة ملح وغيرك كتيرين كان في مركز الخرطوم ولا في الامل
لكن خليك قريب وحتشوفي الجايي ورا
نتلاقي شهر اتناشر في مدني
| |
|
|
|
|
|
|
Re: المنظمة السودانية لمناهضة التعذيب: الحساب ولد (Re: حسن النور محمد)
|
من المواضيع المفروض يتداخلوا فيها ناس كتيرين ونحن ما منهم لاننا ما ناس علم بس ناس حقيقه عشان كدي بنتابع ونحن ساكتين لاننا ما بنقدر نتكلم في شي ما بنفهم فيه كويس .... جهد كبير منك وربنا ويرفع نسبة وعينا لدرجه نقدر نمارس فيها العمل العام والخاص بمسئولية وطنية وادب واخلاق.... متابعين معاك
| |
|
|
|
|
|
|
Re: المنظمة السودانية لمناهضة التعذيب: الحساب ولد (Re: بشرى محمد حامد الفكي)
|
سعر صرف بنك السودان المركزي اليومي للعملات الأجنبية مقابل الجنيه السوداني
Quote: الجنيه الاسترليني STERLING POUND SDG
سعر الشراء = SELLING = 3.8922 سعر البيع = BUYING =3.8714 |
Quote: ستة وعشرين مليون و سبعمية تلاتة وتسعين الف وتلتين جنيه (والله بالجد ما بهظر) |
تاجروا باسم الإنسانية وباعو بلد هدادي مدادي غالبية الملايين من سكانها معذبين تحت خط الفقر.. إعترافات ماجدة عوض خوجلى: مليون دولار لمركز الخرطوم لحقوق الأنسان ..ما هو نصيب دارفور منها؟.. !!! : Re: مليور دولار لمركز الخرطوم لحقوق الأنسان ..ما هو نصيب دارفور منها؟.. !!!
Quote: ولزم لك توضيح ما اردت قوله وتاكد ان المنظمة انحرفت عن اهدافها التى رسمت لها ولم يجد اصحاب الحق حقوقهم ومايحدث هو خطوة فى طريق اصلاح الاخطاء وهذا الانحراف
ولك تحياتى وتقديرى |
إنحراف معياري واضح يستوجب توضيح إحصائي للقوائم المالية:
Quote: لأن أصلا دارفور ليست جزءا في تفكير القائمين على أمر المنظمة |
عجباً لمن يهب الطبيب جميع ما ** ملكت يداه، لكي يجنبه الردى.. الراجل ولا المرة فيهم تاني خلي يجي يقول دار بس..
متابع؛.. الكيس من دان نفسه وعمل لما بعد الموت، والعاجز من أتبع نفسه هواها وتمنى على الله الأماني..
| |
|
|
|
|
|
|
Re: المنظمة السودانية لمناهضة التعذيب: الحساب ولد (Re: A.Razek Althalib)
|
لسيد بشرى
لك الشكر والتقدير على المعلومات البسيطة التى قدمتها عن هذه المنظمات الفاسدة والتى تاجرت وأثرى القائمين عليها بقضايانا وعذاباتناوالتى هيمن على معظمها كوادر الحزب الشيوعى ولم يوفروا دعماً او علاجاً إلاّ لكوادرهم ولدينا الأسماء. الشفافية تتطلب منهم أن ينشروا أسماء الضحايا والمساعدات التى قدمت لهم. كل المراكز العاملة فى الخرطوم مراكز وهمية لم تقدم أى شىء للضحايا بل قدموا لأسرهم وأصدقائهم واستفادوا من هذه الإموال الطائلة لخدمة أنفسهم ونحن نتحداهم أن ينشروا لنا بنود الصرف ولمن صرفت ومن هم الضحايا المستفيدين من هذه الأموال وكيف تم تقييمهم كضحايا ومتى اعتقلوا ومتى تم تعذيبهم ومن هم الذين تم علاجهم وأين تمت المعالجة وكم صرف على العلاج.نحن لا نريد بيانات وهمية كالبيان الهزيل الذى أصدره الدكتور محجوب التجانى رئيس المنظمة السودانية لحقوق الإنسان فرع القاهرة بالولايات المتحدة! نرجوهم أن لايأكلوا عقولنا بأن هذه المعلومات سرية لا توجد سرية فى هذه المواضيع طالما أن هنالك شبهات فساد على السطح والمنظمات المانحة توضح مساهماتها وأوجه صرفها على الملأ . نحن بدورنا سنقوم بكشف الكثير بعد اكتمال تحرياتنالكشف اللصوص الفاسدين الذين تاجروا بإسم الضحايا والمعذبين. السيد بشرى ، أرجو أن لاتشغل نفسك بالردود على المداخلات فى البوست فمن لديه إضافة مثمرة فليتقدم أما المداخلات والتحايا والمجاملات فإنى اعتبرها مداخلات أنصرافية ستفقد البوست جدّيته.
| |
|
|
|
|
|
|
Re: المنظمة السودانية لمناهضة التعذيب: الحساب ولد (Re: محمد أحمد الريح)
|
أين أنت يا طلال عفيفي.. البياكل براهو بيخنق..
وين باقيكم وكل الذين أثروا باسم ضحايا التعذيب محتميين بترسانة ضلاليات عصام جبر الله وعادل عثمان ود. التجاني وبقية رعيل أوباش الحزب الشيوعي المخزي..
مالكم لا تدافعون عن منظمتمكم التي يقال أنها لهطت ضحاياها وعذبتهم وبالأرقام التي لا تكذب.. حدثونا عن نماذج مشرفة قدمتم لها الخدمة أو طالما كثيراً ما تشدقتم بأنكم كرستم حياتكم عملاً بالقيم الإنسانية الراقية.. وين المساكة حقتكم وكيف الدبارة لمخارجتكم من البوليس case..
لا أعتقد ان صمتكم هو الحل.. حتى وإن إعتصمتم بحق اللجوء السياسي في الكواكب البعيدة ستطالكم المسائلة.. ولا أظن أن حزبكم سيفرح بفضيحتكم هذه..
أين أنتم يا رجالة..
يا لشماته الأعداء..
| |
|
|
|
|
|
|
|