|
Re: هنا نتحاور ونتعرف على العضو ساره الطيب ... مرحبا بالجميع (Re: طارق الكوتش)
|
في سنة تالتة درسنا كورس جيلوجيا وكان كلام Theory كتيييييييير كدا...
دا كان من أكتر الكورسات الأنا إتجرست منها في قرايتها طوال فترة دراستي....
أنا وآن غلبنا عديييييييييييييل الموضوع دا، المشكلة إننا كنا سايبين
المادة دي لي ال gab ويمو القاب لقينا ليك الموضوع 8 شيتات
بدينا قرينا الأول ومشينا فيهو تمام و قلنا تقرا التاني من أول صفحة غلبنا
قدر ما حولنا نصبر عليهو غلبنا قلنا نبيعو هو إحنا إلا نقفل الإمتحان!!!
| |
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: طارق الكوتش)
|
زي الليلة وبكرة الإمتحان نمنا من بدري ومطمئنين بس 2 والناس مكبسة
في ال 8... طبعا ما قلنا لي زول من ناسنا نحنا عملنا شنو عشان البرستيج
وكدة... lol ...
بس يسرا الزين كانت متابعة معانا المغامرة وشاكلتنا شديد من اليوم القبلو
قالت لينا أقرو ليكم 2 تاني ونحن حقيقي كنا ما عندنا للمادة دي أي حاجة
غير نمتحن بالش يتين القريناهم ديل...
| |
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: طارق الكوتش)
|
طارق...
Quote: متابعين ياساره يا رائعه
|
بشكرك كتيير يا طارق... وبتمنى إني أكون كدا فعليا...
Quote: اين هى يسرا الآن ؟
خارج ام داخل السودان ؟ و متابعه اليوم الحار ام لا ؟ |
يسرا الآن داخل السودان في اخر أيام إجازتها...
وإذا كانت في روعة في أي حاجة كتبتها الليلة
دا برجع لأني قضيت معها ساعات طوال خلال اليوم
والرائعون أمثال يسرا هم يزيدون الحياة روعة
وتأخذ الحياة روعتها منهم....
هي غير متابعة لليوم الحار بس حا تتابع بعد
ما ترجع أمريكاإنشاء الله...
وسألتك عليك العافية يا كوتش...
| |
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: طارق الكوتش)
|
المهم يوم الإمتحان من الصباح المعنويات عالية وضحك شديد (على روحنا)
مشينا اللجامعة مع بعض وقال قال كترت البنات ما مجتهدات برجعو في الشيتين
في العربية وبسمعوا وكدة.... لما وصلنا الجامعة لقينا معظم ناس مدنية
قاعدين في البينشات الجنب السيركل وفي الأرض (في وحول النجيلة الجنب السيركل)
ومتجرسين كل زول واصل الحد من الحفظ القاسي الغالبو وأي قروب قاعدين يراجع
ونحنا كل ما نمر بي قروب نسمع كلام غريب لأول مرة نعاين ليهم ونضحك
والناس صارة صرة جادة قربوا يدقونا، لأنو من طيبتهم فاكريننا مجضمين الموضوع ر
| |
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: طارق الكوتش)
|
ألذ حاجة نحنا بنواسي في الناس المتجرسين ونقول لي الزول عادي
الناس كلها ماقراية كوية وما حافظين ولما الزول يرد بقول لينا المشكلة
أنا قاري/ة 5 شيتات أو 6 شيتات بس ونحن نضحك طوالي بي صورة هيستيرية
ت/يقول لينا إنتو قارين كم نقول ليهو لا نحنا ديل خلينا، طبعا بنوتر الزول/ة أكتر
مما هو متوتر/ة دا لأنو بكون فاكر إنو البنات الكسارات ديل أكلو ال 8 شيتات
| |
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: طارق الكوتش)
|
لما لقينا الوضع متأزم كدا قلنا أحسن ما نتناقش مع زول خالص خالص
ونطلع نقيف قدام قاعة الإمتحان أحسن لينا، كنا بنمتحن في المرسم بتاع
الDrawings في مدنية فوق... ولما طلعنا لقينا مافي زول هناك غير
شخص واحد زي حالتنا كدة واقف يغني ومبسوط....
وقفنا أنا وآن نتونس ونضحك ضحك بصورة عجيبة وما شايلين ولا
ورقة واحدة في يدينا...
| |
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: طارق الكوتش)
|
بعد ما وقفنا شوية جاتنا يسرا الزين تتفقد الأحوال وتطمئن علينا
وتواسينا لأنها عارفة إنو البنات ديل لحدي أمبارح بالليل ما قارين
غير 2 Sheets من 8 ومتوقعة تلاقينا بنعزي، فإذا بها تفاجأ بالبنات
الباردات ودي ما عادتهم في الأصل طبعا بقت مندهشة وما عارفة تقول
لينا شنو وهي في وشها خايفة علينا شدييد وشايلة الهم ونحن نقول ليها
الله بسهلها ومشت تشوف إمتحانها لأنه ناس كيميائية بمتحنوا في التور..
| |
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: طارق الكوتش)
|
أول ما قرينا الأسئلة أنا وآن بقينا نعاين لي بعض في نص الإمتحان
ونضحك ونعمل لي بعض حركات بي وجوهنا وعيونا... لحدي ماجانا
المراقب يسألنا في شنو ومالكم ونحنا فرحانين بي إننا بنات شيوخ
وعدى إمتحان الجيولوجيا بسلام... ألذ حاجة يسرا الزين ما صدقت
لما وريناها الإمتحان... وكنا فاكرين إننا بي كدة قفلنا باب الجيولوجيا..
| |
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: طارق الكوتش)
|
الحاج فوزي...
Quote: الاخت سارة
احييك علي هذه الاجابات الرصينة المنسقة الجميلة السلسة
الزكريات الجميلة وطريقة سردها الجميلة هيجت فينا زكريات القسم الجميلة(الجميلة فقط)
واصلى والتحية لك |
والله شكراً كتير ليك على متابعتك ورأيك...
الذكريات البتبقى جميلة بعد ما إنتهت...
هشام مجذوب أسمع أو أقرا الكلام دا...
Quote: قال برلومة قال والله برلوم الكوشت |
مخرج القناة ما برلوم يا فوزي بس برالمة
الجماعة الدايرين يبقوا برالمة ديلاك...
| |
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: طارق الكوتش)
|
رحلة السبلوقة....
طبعا الهدف المنشود من الرحلة التعرف على أنواع الصخور
ومشاهدتها بالعين ولمسها باليد وأخذ SAMPLES منها...
والمفترض إنو نحنا حا نمشي ونجي في نفس اليوم يعني
رحلة لمدة يوم واحد فقط... وبعدها في تسليم Report
عن كل الحاجات الشاهدناها في الرحلة المتعلقة بالجلوجيا
(يعني ما كل الحاجات!!!)
غايتو في اليوم الموعود داك جينا من الصباح مستعدين
للدرشة التمام لأنو الموضوع دا كان آخر شهر خمسة يعني
حا نمتص شمس الصحراء ديك كلها شعاع شعاع...
| |
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: طارق الكوتش)
|
رحلة السبلوقة....
طبعا الهدف المنشود من الرحلة التعرف على أنواع الصخور
ومشاهدتها بالعين ولمسها باليد وأخذ SAMPLES منها...
والمفترض إنو نحنا حا نمشي ونجي في نفس اليوم يعني
رحلة لمدة يوم واحد فقط... وبعدها في تسليم Report
عن كل الحاجات الشاهدناها في الرحلة المتعلقة بالجلوجيا
(يعني ما كل الحاجات!!!)
غايتو في اليوم الموعود داك جينا من الصباح مستعدين
للدرشة التمام لأنو الموضوع دا كان آخر شهر خمسة يعني
حا نمتص شمس الصحراء ديك كلها شعاع شعاع...
| |
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: طارق الكوتش)
|
يا صلاح...
Quote: الفاتح...
Quote: موضوع الشروق بخص الفاتح وديدي .. وانا الفاتح عبد الله .. كيف تشبهوني بالزول الشين ابو صلعة داك؟؟
Quote: حمد لله ما لقيت حاجة
صلعه بس
الفاتح انا متاااااااااااااابع و لقيت تناقض نرجو التوضيح او يا ساره عليك الإستفاده من الثغره دي.
وديدي ما تقول لي انا قلت الزول داك شين
صلاح |
إنت عارف أنا من الإول كنت عارفة إنو
حيقع بي لسانو براهو (ال... حبلو قصير)
والليلة مخصوص جرجرت ليكم صاحبكم عشان
يعترف وهسي أنا غمضت عيوني...
وشكرا ليك انت انك وضحت للجميع التناقض دا...
___________________________________________ انت قصدك نرجو التوضيح ولا نرجو التأليف؟
عشان ما يفهموك غلط...
| |
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: طارق الكوتش)
|
الشغل العندنا دا ولا من الابواب الفي
الأول ولا الاخر ولا النص...
Quote: سارة انا اقول الخلاك تخلي الهندسة شنو..
تكوني قريتي اول باب واخر باب من اي مادة..ونجحتي بامتياز..لمن طلعتي الشغل لقيتوه من الأبواب الفي النص.. قال بت شيوخ قال.. |
وأي زول كان ما عندو علاقة بالقراية زمان
الجامعة هسي ماشي فيهو تمام...
| |
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: طارق الكوتش)
|
رحلة السبلوقة....
طبعا (مجبورة زهرة) تطلع وتنزل بالجهة التانية
لكن كيف الله أعلم!! الناس أو بالأصح البنات خافوا
جداً ، البنات طبعا جرسة تقيلة ناس ببكوا و ناس
بنقنقوا ساي ويقولوا ما حانطلع ونطلع كيف هسي،
وجزء حاول المشي في الأرض وحاولوا الوصول
إلى مكان البص دون الصعود في الجبل لكنهم فشلوا
وكان الحل الوحيد والوحيد جداً هو الصعود وإستسلموا
للأمر الواقع في الاخر كلنا طلعنا الجبل ونزلنا بالإتجاه الأخر
| |
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: طارق الكوتش)
|
رحلة السبلوقة....
وبعد داك طبعا بقينا ناس صحراويين جدا جدا...
ولما نزلنا بقينا نفتش على مكان نتوضأ ونصلي فيه
قمنا إستأذنا ودخلنا في واحد من البيوت وعملنا الBreak
بتاع الصلاة مع ناس بسيطسيين وطيبيين خالص
دا كلو ونحنا ما شوفنا حاجة حلوة في السبلوقة و المن
المفترض إنها مكان جميل والناس بتمشي ليها رحل مخصوص
| |
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: طارق الكوتش)
|
رحلة السبلوقة....
بعد ما إنتهينا من موضوع ال Break وموضوع الجبل
وموضوع لمليم الحاجات مشينا المكان العلى النيل ودا بقى
مكان جميل بمعنى الكلمة مناظر ولوحات طبيعية خلابة
يا دوب حتى بقينا Relax وإتبسطنا والمزاج بقى 100/100
لأنها بقت رحلة لذيذة، الناس بدت البرمجة كل زول ومزاجه
في ناس ركبوا المركب، هناك في مراكب بأجروها الناس
تتفسح بيها في النيل ويمشوا يشوفوا بيها الشلال وكدة ....
| |
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: طارق الكوتش)
|
رحلة السبلوقة....
وفي جزء من الناس بتمشوا على النيل وناس بتأملوا
في الجمال وناس بتصوروا وناس قاعدين على الصخور..
أفتكر بت واحدة بس هي الركبت في المركب لأنو هو
نوعا ما مخيف شكلو ما متزن، لكن طلعنا ضيعنا فرصتنا
لأنو أنا إكتشفت مؤخراًإنو موضوع المركب دة من البرامج
الحلوة جدا لكن فات علينا لأننا كنا برالمة خوافين بس...
وهسي بقيت كل ما أمشي السبلوقة أول حاجة بعملها المركب
المهم عدت الرحلة التي كان اخرها لذيذ خالص وممتع
ووصلنا الخرطوم في نفس اليوم على المغرب تقريباً كدة....
| |
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: طارق الكوتش)
|
شكرا جميلا الكوتش عل تقديمك للبرلومة دي.. وخلق فرصة ابداعية .. عشان نشوف جوانب اخري للمهندسين
وشكرا اكثر روعة .. لهذا الاداء المتسق .. المتموسق.. للبرلومة سارا
ويا حمد .. بقت عليك تقيلة .. لو ما بتقدر تحكي وترص الحكي زى البرلومة .. (دفعتنا دي)
عرض شيق.. تسلسل جميل ..بعد ادبي عميق في طرقة السرد..
لذا انا اتذكرت القرود وكيكي .. والى الان كلى اصرار لظهورهو وتعليقمهم على ما ورد منها..
لانهم تمرسوا في هذا الميدان .. وعلى ما اظن انو كيكي بصدد اصدار باكورة انتاجه الادبي ..
الذي لا اشك في انه سيجد سوقاً من القراء كبير..
شكرا ثانيا لك .. الكوتش.. وبرلومتنا (او دفعتنا) ..
وكل الود
| |
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: sara Eltayeb suliman)
|
سارة سلامات متابعين معاكي ذكرياتك الجميلة
اها دي يا قديمين كدي كان تعرفوها
Quote: لما وصلنا الجامعة لقينا معظم ناس مدنية
قاعدين في البينشات الجنب السيركل وفي الأرض (في وحول النجيلة الجنب السيركل) |
السيركل وما ادراك ما السيركل !! والسيركل حق هندسة وسيركل العلوم لا جديدة لنج عليكم دي وماشايلنها انتو لسه طبعا في زمن الاكستنشن وبنشات الحديد الجنب الكولر ..
لكن السيـركـل ده انا اتعرفت بيهو هسه في اجازتي دي وكانت لي فيهو قصة بس بالاول نختبركم نشوف العارفو والماعارفو منو
| |
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: طارق الكوتش)
|
يا باشمهندس عشان نكون Fair....
Quote: السيركل وما ادراك ما السيركل !! والسيركل حق هندسة وسيركل العلوم لا جديدة لنج عليكم دي وماشايلنها انتو لسه طبعا في زمن الاكستنشن وبنشات الحديد الجنب الكولر ..
لكن السيـركـل ده انا اتعرفت بيهو هسه في اجازتي دي وكانت لي فيهو قصة بس بالاول نختبركم نشوف العارفو والماعارفو منو |
د.تهاني الحبيبة تمتنع عن التصويت...
مكسب يا تهاني...
(ويا إبراهيم ماتسألها)...
| |
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: طارق الكوتش)
|
يا ساره ماشاء الله عليك المشاركات 265 والجماهير تخطت 3500 (يعنى يملو استاد المريخ قبل الطابق الثانى)
عينى عليك بارده
Quote: وفي جزء من الناس بتمشوا على النيل وناس بتأملوا
في الجمال وناس بتصوروا وناس قاعدين على الصخور |
وانت كنت من ياتهم
يا فاتح
Quote: لذا انا اتذكرت القرود وكيكي .. والى الان كلى اصرار لظهورهو وتعليقمهم على ما ورد منها..
لانهم تمرسوا في هذا الميدان .. وعلى ما اظن انو كيكي بصدد اصدار باكورة انتاجه الادبي |
ديل شكلهم بجو اخر السمستر
ياليون
Quote: لكن السيـركـل ده انا اتعرفت بيهو هسه في اجازتي دي وكانت لي فيهو قصة بس بالاول نختبركم نشوف العارفو والماعارفو منو |
هو السيركل دا دحين ما مدرجات الغربى الفاتحه فى الهندسه
طالما اجازتك حصليك فيها قصه وفى الجامعه فربنا يتمم على خير
| |
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: طارق الكوتش)
|
يا صلاح الليون...
Quote: إنشاء الله بكرة نكمل ونعرف ما هو السيركل ومن اخترعه وما هو وظيفته ونطلب من سارة كمان لو قدرت تجيب لينا صور ليهو |
حاضر يا هندسة...
إتفقنا...
بس هسي تلقى الجماعة كلهم في هندسة ماشين يشوفوا السيركل...
والله طلعتوا إنتو البرالمة (قال برلومة قال)
هسي في زول ما بعرف السيركل...
دي حالة دي بالله....
| |
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: sara Eltayeb suliman)
|
والله بالجد يا سارةQuote: بعدين يا ليون ما تبالغ... |
انا كنت خاتي يد في بناء دائري به عدة مواسير وباليد التانية ماسك الموبايل بتكلم بيهو ووالله كان في واحد مننا (قدورة بيفتح في الماسورة) وطبعااصلو ما حيجي على بالي انو ده اختراع وبعدين انا في ذهني لما قريت التجمع بتاع المسيرة الاول داك انو التجمع حيكون في السيركل ختيت في راسي انو نجيلة كبيرة او حديقة زي الهايد بارك او كافتريا في النشاط يعني شيتا كده الناس تتجمع فيهو
لكن لما قالو لي ياهو ده لما اتخلعته طبعا في زمنا ما كان في الحاجة دي ، وهو زاتو شنو الشي ده ، قالو لي دي حاجة بتبرد الموية بواسطة الرملة (مع العلم انو الموية ذاتها كانت قاطعة) ما عارف الاختراع ده قاطعو واحد من ناس سيفيل ولا زراعة ولا ميكانيكا من راسو وعاملو مشروع تخرج .. !!! ؟؟؟؟
غايتو نحنا ناس كهرباء زمان اخترعنا ليكم التلاجة والكولر والديب فريزر ، لكن ده اكيد ما حق واحد من ناس كهرباء
| |
|
|
|
|
|
|
|