|
|
 Re: هنا نتحاور ونتعرف على العضو ساره الطيب ... مرحبا بالجميع (Re: Hisham Magzoub)
|
والله ياها زاتا يا هشام مجذوب
الناس ماشة لي ورا ولا شنو
لكن عارف كان نفسي اجد فيهو
موية عشان اشوف الفرق بين
برودة الرملة وبرودة التلاجة
لكن ربك ما أراد، وملحوظة
تانية عاملينو عالي كده ليه
انا ما عارف ، طيب على الاقل
لو كان واطي شوية كان ممكن
الناس تستعملوا في الوضوء
بالذات في ايام الحر الشديد
داك المابتنفع فيهو لا رملة
ولا حتى لوح التلج ذاتوووو
| |
 
|
|
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: طارق الكوتش)
|
يا هشام ....
تعرف الإسم الآخر لي السيركل هو (الزرازير)
بس طبعا نحنا عملناها عشان كل ما نعاين
ليها نتذكركم ونتذكر معاناتكم مع الوسائل
القديمة وبالتالي نحمد الله على ما أنعم
علينا.. وغيرنا كان بعاني كتير...
لأنو حاليا الناس بتعتمد على المياه
المعدنية بصورة كبيرة.. يعني ما محتاجين
لي السيركل غير لأغراض الإحساس بما أحس به
الأسلاف ما أكتر...
ويا برالمة الفكرة الأساسية من السيركل هي
البرنامج والمناطق الحولها ما هي في حد
ذاتها... وبرضو بتبرد المكان في أيام الحر
وشكل تراثي... LOL
| |
|
|
|
|
|
|
|
|
 Re: هنا نتحاور ونتعرف على العضو ساره الطيب ... مرحبا بالجميع (Re: طارق الكوتش)
|
ياحراااااااااااام...
Quote: وملحوظة
تانية عاملينو عالي كده ليه
انا ما عارف ، طيب على الاقل
لو كان واطي شوية كان ممكن
الناس تستعملوا في الوضوء
بالذات في ايام الحر الشديد
داك المابتنفع فيهو لا رملة
ولا حتى لوح التلج ذاتوووو |
هو بالله إنتو على زمنكم ما كان في مكان
للوضوء برضو!!!! والله بالجد يا حليلكم
عانيتوا كتير زمان، بس حسنة وأجر...
| |
|
|
|
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: ابراهيم محمد الحسن)
|
علاء ،،
هشام ،،
Quote: ابراهيم..انت الواحد الزمن دة بيقدر يعمل (قروب) براهو كيفن؟
والله كان كدة البرالمة ديل اطورو شديد ونحن طلعنا برة..
بالمناسبة..لو واحد من القروب البراهو ..قرر يمشي..
باقي القروب البراهم حا يسوو شنو.. |
انتو عارفين ..
الواحد في الحالة دي بيتخيل ليه قروب معاه ( ممكن يكون شخص وااااحد) ..
ويعيش اللحظة ..
أعتقد يا سارة ده تحليل أحسن من الشيزوفرينيا بتاعت هشام مجذوب ..
عليه ،،
فنحن عاوزين نعرف الشخص ،،
قصدي ( القروب ) الكونتيه في خيالك ..
وسرحتي مع الغروب ..
| |
|
|
|
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: طارق الكوتش)
|
ياهشام...
| Quote: تهانى لسع فى عز شبابها فما ممكن تجى انت ومتخرجه ليك 5 سنين وقدام الملا تقولى ليها عمتى |
كمان تهاني دي الزيها منو...
هي فعلا شباب ولأنها واثقة من كدة ما بتنكر
الحقائق وقبل كدة هي القالت إنها عمتي..
أنا شخصيا عمة وخلة لي ناس أكبر مني بكتيير
بس ما بتحسس... ويا هشام خلي وليع النيران
والفتنة لأنو الفتنة أشد من القتل زي ما
قلت ليكم قبل كدة.. ولكن لا حياة لمن تنادي..
بعدين أنا ما بكتب حاجة هنا تهاني ما موافقة
هي تهاني دي في إتنين زيها كمان..!!!
عليها.. حاشا وكلا علي.. 
وممكن تضرب ليها تسألها من الكلام دا..
بالمناسبة أنا ما قلت ليكم هي عاملة لي
توكيل مفتوح إني أرد عنها في أي لحظة..
| |
|
|
|
|
|
|
|
|
 Re: هنا نتحاور ونتعرف على العضو ساره الطيب ... مرحبا بالجميع (Re: طارق الكوتش)
|
إبراهيم،
هشام مجذوب،
الليون،
إنتو مالكم مع سارة دى؟؟
زولة شاعرية،
وواقفة تتفرج فى الغروب؟؟
فيها حاجة دى؟؟
و بعدين،
لو فى زول شاغل المخ و التفكير،
الواحد إلا يمشى السبلوقة،
عشان يفكر فيه؟؟
تعرفوا منظر زى دة أنا كان لاقانى،
قطع شك بكون دايرة أنسى فيه الدنيا و همها،،
الواحد بيكون محتاااج يقعد مع نفسه شوية ياخى،،
بس طبعا، الكلام دة بيكون كبير على ناس سارة اللسه ما شافوا حاجة،
ما نخوفهم ساكت،،
خلوا البنية تكمل حكاويها....
| |
|
|
|
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: صلاح ليون)
|
الليون،
Quote: ايووووووووه ما هي نفسه دي زاتها بيت القصيد
وهي البتجيب الكلام يعني الزول يا يكون مع الناس
يا يكون مع نفسه وهي اختيار زول واحد من الناس |
إنت لسه على البر،
ما عارف يعنى شنو الواحد يكون ماقادر ياخد نفس،،
(ولو إنه الرجال دايما بلقوا ليهم فرقات،
أكتر من النساء (المظاليم) ديل...)،،
ح تعرف الكلام دة بعدين،
و ح تحسوا أكتر،
لما تتلفت تلقى كل يومك مليان باشياء (خدمة) للاخرين،،
و تحس إنك ما قادر تبر نفسك بلحظات بسيطة،
تخدم فيها نفسك،
أو حتى،
تقعد بس بدون ما تعمل شى،،،،
و الحمدلله على نعمه،،،
اللهم دمها و أحفظها من الزوال،،،
و صدقنى،
نفسك دى عمرها كا كانت زول واحد من الناس،،،
| |
|
|
|
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: Hala Hassan)
|
هالة ،،
| Quote: خلوا البنية تكمل حكاويها.... |
البنية ما أظنها تكمل بعد ده ،،
والله حنيت عليها .. (وش برئ ...وحنين)
تعرفي يا سارة ،،
ده الفرق بين جيل البطولات ،،
وجيل التضحيات ..
يعني ممكن يا سارة تعتبري دي الكاميرا الخفية ..
فأثبتي ..
وخليك قوية ..
سارة لسان حالها هسع بيقول:
وينك يا حمد
ألحقني يا حمد
طبعا حمد محمد أحمد
ما حمد أب عصاية ...
| |
|
|
|
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: طارق الكوتش)
|
Quote: إنتو الغائب ليكم منو ومجننكم كدة...
ومخليكم ما عندكم شغلة غير الغائب والسرحان
دي أنا بعتبرها إسقاطات واقعكم أكيد..
بس الله يرجع ليكم الغائب...
والله يا حليلكم تحننوا وتجننوا |
هسى يا ابراهيم الكلام دا ما كلام كبكبه وجرسه
قلبنا للبت المواجع
القصه جابت ليها
اسقاطات وواقعكم وتحننو وتجننو
يابتى انا وعمك ابراهيم دا ما اظن نكون قاصدين حاجه
| |
|
|
|
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: Hisham Magzoub)
|
هشام،
Quote: الشغلانه كلها مجرد اجابه على سؤال طرحو الحاج علاء الدين وزاغ
داير يعرف براى فى قروب معناها شنو |
قلت لى الحاصل دة كلو،
سببو الحاج علاء الدين؟؟؟
إذن البحث عن حمد ضرورى جدا،،،
Quote: حصلت اجتهادات من الاعضاء بعد بحث فى امهات الكتب للاجابه
ودا مجهود يشكروا عليه |
أمهات الكتب بتاعة القروبات والغروبات ،
دى لسه ما عرفناها،
لكن منكم نستفيد،،،
على العموم،
الموضوع بسيط ما بيستاهل،،
شكرا للجميع،،،
| |
|
|
|
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: صلاح ليون)
|
هشام ،،
| Quote: يابتى انا وعمك ابراهيم دا ما اظن نكون قاصدين حاجه |
أأي والله ..
ما قاصدين اي حاجة ...
(وش برئ....)
سارة ،،
Quote: أيوة كدة,,,
نقفلوا يا جماعة على كدة....
ونشكر إجتهاداتكم.... |
لا شكر على واجب ،،،
بس ،،
Quote: لكن القمتيهم حجر وهم الكسبانين من قفل الموضوع
يكونو هسه ما صدقوا ، طيب واصلي في السرد... |
شفتي الهجمة المرتدة دي؟ ...
طبعا الليون من مصلحته مواصلة الموضوع ،،
عشان ما نرجع لموضوع السيركل والخلطة ....
| |
|
|
|
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: طارق الكوتش)
|
إبراهيم
هشام
الليون
اظنكم قفلتو الموضوع
لكن حيرتوني و الله
يعني حاجه غريبه الواحد يكون مع نفسه في قروب
طيب تقولو شنو لو الواحد براهو في قروب
و خايف واحد من القروب يكشف اسراره
اسمعو احمد مطر قال شنو
..
.
و من حذري امارس دائما حرية التعبير في سري
و اخشي ان يبوح السر بالسر
اشك بحبل انفاسي فلا ادنيه من ثغري
اشك بصمت كراسي
اشك بنقطة الحبر
اشك بكل مساحة بيضاء بين السطر و السطر
و لست اعد مجنونا بعصر السحر و الغدر
اذا اصبحت في يوم اشك بأنني غيري
و اني هارب مني
و اني اقتفي اثري
و لا ادري
..........
تقول لي إنفصام
ساره واصلي دي حاجه طبيعيه جدا
| |
|
|
|
|
|
|
|
|
 Re: هنا نتحاور ونتعرف على العضو ساره الطيب ... مرحبا بالجميع (Re: طارق الكوتش)
|
المهندس صلاح مختار..
Quote: إبراهيم
هشام
الليون
اظنكم قفلتو الموضوع
لكن حيرتوني و الله
يعني حاجه غريبه الواحد يكون مع نفسه في قروب
طيب تقولو شنو لو الواحد براهو في قروب
و خايف واحد من القروب يكشف اسراره
اسمعو احمد مطر قال شنو
..
.
و من حذري امارس دائما حرية التعبير في سري
و اخشي ان يبوح السر بالسر
اشك بحبل انفاسي فلا ادنيه من ثغري
اشك بصمت كراسي
اشك بنقطة الحبر
اشك بكل مساحة بيضاء بين السطر و السطر
و لست اعد مجنونا بعصر السحر و الغدر
اذا اصبحت في يوم اشك بأنني غيري
و اني هارب مني
و اني اقتفي اثري
و لا ادري
..........
تقول لي إنفصام
ساره واصلي دي حاجه طبيعيه جدا |
أُحيٌ فيك الفهم العالي والأفق الواسع...
| |
|
|
|
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: sara Eltayeb suliman)
|
Report السبلوقة
بعد ما رجعنا من رحلة السبلوقة كنا مطالبين بإننا نسلم
تقرير مفصل عن الرحلة فيما يتعلق بالجيلوجيا وأنواع
الصخور الشوفناها ووصفها الدقيق...
عشان كدة كل زول في السبلوقة كان شيل دفتر وبسجل
حتى نتمكن من كتابة شئ في التقرير...
طبعا أنا وآن قلنا نعمل بي نظرية وتعاونوا على البر والتقوى
ونظرية إيد على إيد تجدع بعيد ونشتغل التقرير مع بعض
ونعمل تقرير واحد فااااااااااااااااهم... ونختصر المجهود
ونكون مبرمجين (ونسات شديدة)ونحنا بنعمل في التقرير...
| |
|
|
|
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: sara Eltayeb suliman)
|
Report السبلوقة
و فعلاً عملنا بالنظرية العايزناها دي وكتبنا التقرير
بكل مزاج وكنا مبسوطين جداً إننا بنات مفتحات
وعاملين فيها كسبنا الزمن والجهد وكدة...
طبعا هذة النظرية مثلها مثل كل النظريات العظيمة
في العالم كانت مبنية على فرضية اساسية جداً وفي
غاية الأهمية ألا وهي إنو الدكتور مستحيل يقرا التقارير
كلها واحد واحد... وطبعا كنا واثقين من هذه الفرضية...
ولكن,,,,
| |
|
|
|
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: sara Eltayeb suliman)
|
Report السبلوقة
مشينا ودينا الورق المكتوب باليد باإضافة لي الورق بتاع
المرجع الكنا معلمينو بال Highlighter لي محل طباعة
عشان يطبعوا لينا لأنو الكلام كان سخيف ونحن ما بنقدر
نكتبوا و كمانالأسامي الفيهو فظيعة وبتعمل حساسية شديدة..
وقلنا لي ناس المحل يعملوا لينا منو نسختين و بس يغيروا لينا
في الصفحة الأولى الإسم وال Index No. بكل الأريحية الممكنة
وفعلاً كان ذلك...
| |
|
|
|
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: sara Eltayeb suliman)
|
Report السبلوقة
طبعا في يوم التسليم سلمنا ال Report نسختين
واحدة بإسم آن والتانية بإسم سارة بكل بساطة
بعد كم يوم في واحد من ناس دفعتنا ضرب لينا
تلفون قال لينا أستاذ الجيولوجيا بسأل منكم
بالإسم وقال عايزكم في المكتب ضروري
طبعا نحنا فهمنا الموضوع طوالي بس عملنا
ما فاهمين عشان برستيجنا الما فضل فيهو حاجة دا..
ووصفوا لينا المكتب العمرنا ماشفناهو في مكان
غمييييييس كدة في علوم... لكن مجبورة زهرة
تمشي تشوف موضوع See me دا كمان...
| |
|
|
|
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: sara Eltayeb suliman)
|
Report السبلوقة
طبعا نحنا ما كلمنا زول بي إننا ماشين لي موضوع
ال see me دا عشان شماتت أبلة ظاظا فينا وكدة
ما ممكن بنات كبار كدة والأستاذ يقول ليهم See me
دي كانت حركات المدرسة لما الزول يكون شغلوا منتهي
بقوم الأستاذ بناديهو في المكتب ويتكلم معاهو وكدة
ومع إنو هو رسل لينا 100 زول بس ما في زول واحد
من ناس مدنية وريناهو الحاصل شنو، عملنا رايحين
وكمان عملنا فيها نحنا ذاتنا متفاجئين وما عارفين
الأستاذ عايزنا لي شنو ... P:
| |
|
|
|
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: sara Eltayeb suliman)
|
Report السبلوقة
مشينا فتشنا ساعة علشان نصل لي المكتب الخطير دا
وطول ما إحنا بنفتش كنا بس بنضحك ضحك هستيري
المهم بعد العناء وصلنا إلى قدرنا المحتوم الراجينا
ووقفنا الضحك داك عشان نقدر نتكلم مع الاستاذ
الممغوص ممنا واللو شافنا بنضحك ممكن مستقبلنا
يضيع رسمي وشعبي... ترس وكمان معاهو قلب ميت...
الغريبة أنا لي يومنا دا ما عارفة شنو الرابط العجيب
بين أي حاجة متعلقة بالجيولوجيا والضحك الهستيري...
| |
|
|
|
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: sara Eltayeb suliman)
|
Report السبلوقة
قال لينا إنتو طبعا عارفين لي أنا طلبت إنكم تجوا تقابلوني ونحنا
اللحظة العجيبة ديك ما عارفين نضحك ولا نبكي ولا نعمل شنو
(دا طبعا من جوانا بس لكن ظاهريا مفروض ما نبكي ولا نضحك)،
ردينا عليهو بكل براءة الدنيا قلنا ليهو أبداً هم ما قالوا لينا إنك
إنت عايزنا لي شنو بالضبط بس قالوا لينا نجي نقابلك وخلاص
طوالي طلع لينا ال Reports بتاعتنا الكان مجهزها مسبقاً...
| |
|
|
|
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: sara Eltayeb suliman)
|
Report السبلوقة
قلنا ليهو يادكتور نحنا أساساً إشتغلنا الشغل دا مع بعض قاصدين
يعني ماإشتغلتو واحدة والتانية ترست منها وكدة لا سمح الله
وقلنا ليهو يا أستاذ نحنا عملنا كدة مخصوص عشان نقدر نلم
الحاجات العندنا نحنا الاتنين مع بعض ونعمل تقرير كامل
طبعا هو بس قاعد يعاين لينا كدة بنظرة لا خلاص دقستوني
وأنا صدقتكم.... قرب يقول لينا انتو فاكريني جاي من وين...
| |
|
|
|
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: sara Eltayeb suliman)
|
الدكتور محمد المنتصر إبراهيم أحمد
دكتور محمد المنتصر كان المشرف على مشروع
التخرج بتاعي وهو دكتور ما شاء الله بالجد عليهو
... شخص فاهم بكل ما تحمل هذه الكلمة من معاني
لا بل وأكثر من ذلك كمان ومواكب لكل الجديد
يربط بين الواقع و الدراسة وهو أيضا شخصية
شخصية محترمة جداً جداً ومتعاون لابعد الحدود
وظهر لنا تعاونه جلياً في مشروع التخرج الذي
لولا تعاونه وإخلاصه معنا بعد توفيق الله لنا ما
كان ممكن ننجز فيهو حاجة...
| |
|
|
|
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: sara Eltayeb suliman)
|
الدكتور محمد المنتصر إبراهيم أحمد
و كنا نحن أول دفعة يدرسها دكتور محمد المنتصر
بعد ما جاء من أمريكا وإشتغل في الجامعة والكلام
دا كان في سنة رابعة بالضبط السمستر التاني 2002
وكان بدرسنا مادة إسمها Computer Applications
وبالتحديد التطبيق على لغة البرمجة إسمهاالفورتران
FORTRAN وكان طبعا جاي أمريكا يادوب ومتفاجئ شديد
بي مستوى وطريقة الدراسة في السودان...
| |
|
|
|
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: sara Eltayeb suliman)
|
وأجمل حاجة إنو هو كان بكون مندهش ومستغرب
جداً من إنو الناس دي لي برة الشبكة بالطريقة دي...
والسبب في إننا كنا برة الشبكة وما عارفين الدكتور
بقول في شنوهو إنو ما كان متخيل إننا ما درسنا ال
FORTRAN كلغة برمجة في واحدة من السنين الفاتت..
لأنو مادتو كنت تطبيق الفورتران على الهندسة المدنية
وبالتحديد هندسة المياه... الجماعة درسونا ال C بدل عنها
المهم في الآخر كدة مجبورة زهرة فهمت ال FORTRAN
وهو كمان كان مجبور يشرحو لينا عشان ندخل معاهو
في نفس الشبكة...
| |
|
|
|
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: sara Eltayeb suliman)
|
الدكتور محمد المنتصر إبراهيم أحمد
على فكرة أنا لما أقرا ال CV بتاعتو بجوني إحساسين
في نفس اللحظة، الأول إحساس بعظمة هذا الدكتور والتاني
الإحساس بالتحدي ... هل يمكن الوصول إلى هذا المستوى.. وكيف؟
ومهما تحدثت عنه و عن مقدراته و أفضاله فلن أستطيع
أن أوفيه ولو جزء قليل من حقه علي...
أتمنى له التوفيق والنجاح في كل مناحي الحياة....
لك التحية والتجلة دكتوري وأستاذي الموقر الجدير بكل ما
هو طيب ودمت علما في حياتي وحياة كل من علمته وساعدته...
وجزاك الله عنا 1000 خير...
| |
|
|
|
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: sara Eltayeb suliman)
|
| Quote: ساره تفضل الاغتراب ام العمل داخل السودان و لماذا |
سارة الطيب وبكل تأكيد تفضل العمل خارج السودان وتحديداً
في هذه المرحلة من حياتها.... وكذلك بالنسبة للدراسة أتمنى
وأتمنى من كل قلبي أن أجد فرصة للدراسة خاج السودان ....
والأسباب وراء ذلك كثيرة منها وأهمها إني هنا في السودان
ما بحس بي إني بطور في مقدراتي ومهاراتي بحس بي إني
مكانك سر زي ما بقولوا... وأنا ما بكون مرتاحة وأنا بتعدي
علي الأيام وأنا في مكاني أو بتحرك إلى الوراء أو الى الأمام
بسرعة بطيئة لا تتناسب مع معدل النمو الطبيعي...
دا بالإضافة لأنو في السودان فرص العمل الجيدة بالنسبة لي
ليست كثيرة، والفرص الجيدة تتمثل في عمل يساعدني على تنمية
وتطوير سارة ومقدراتها ومعرفتها وأيضا في بيئة العمل الصالحة....
أتمنى ذلك...
وأقول تفاءلوا خيرا تجدوه...
وأقول أيضا....
ليس كل ما يتمناه المرء يدركه...
ويظل دعائي دائما وأبداً...
اللهم أقدر لي الخير حيث كان ثم رضني به...
| |
|
|
|
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: sara Eltayeb suliman)
|
| Quote: ما هى احلامك لسودان الغد |
طبعا تقصد بأحلامي الأشياء الأنا بتمنى إني أشوفها
في سودان الغد...
أنا بصراحة بتمنى إنو السودان يقدر يواكب من حوله من
ناحية الطفرة التكنلوجية والمعلوماتية وفي كل المجالات
العلمية...وكذلك في محاولة الإستفادة من الكفاءات والطاقات
الموجودة والسعي في رفع مستوى التعليم سواء كان مدرسي
أو جامعي وبالذات بالذات الجامعي... وجعل الدراسة
في الجامعات مربوطة بصورة مباشرة بالواقع العملي...
والخروج من مرحلة دراسة تاريخ العلوم إلى مرحلة دراسة
العلوم بشكلها الحديث...
والتنسيق بين عدد الخريجين وفرص العمل المتاحة في كل
مجالات العمل...
أكيد بتمنى أن يعم الأمن والإستقرار والسلام في السودان
وكذلك أمني نفسي بسودان يعرف المعنى الحقيقي
لكلمة التعايش...
| |
|
|
|
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: sara Eltayeb suliman)
|
Quote: المهم في الآخر وبعد مبرراتنا المن نوع العذر الاقبح من
الذنب ديك قال لينا خلاص أمشوا إشتغلوا تاني من جديد، |
طبعا الروايه الفوق دي صحيحه جزئيا
اما ما حدث بالتفصيل فكان كالآتي:
.............
-إنتو ساره و آن
-ايوه يا دكتور
-في واحده فيكم سلمت التقرير مرتين وكتبت اسمها غلط في واحده من النسخ.
-الحقيقه يا دكتور الحصل توارد خواطر وإيثار.
-كيف يعني؟
-يعني انا كتبت التقرير بتاعي براي و لما عجبني كتبت عليهو إسم آن.
-بالجد؟تصدقي ده نفس العملتو انا يا ساره.
-المهم انا ما فارق معاي لأنكم الإتنين جبتو صفر.
-دقيقه يا دكتور... اصلا انا ما سلمت دي آن جمعت التقرير مرتين و كتبت اسمي بالغلط علي واحد.
-يا سلام يا آن تعرفي جبتي اكبر درجه.
-مبروك يا آن.
-ساره عندك فرصه لحدي بكره تسلمي.
-حاضر يا دكتور
| |
|
|
|
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: ابراهيم محمد الحسن)
|
دا إيميل من أخونا ياسر...
Quote: سلااام سارة
بتتكلمى عن الناس الزاملوكى كلاام حلو شديد
بس سارة الناس ماكلها ملايكة كدة صح؟؟ والا نكون عايشين فى عالم مثالى واظن العالم دة خيالى شوية ومافى فى بلد الكتااحة صح؟
اخوك ياسر
|
أولا شكرا شدييييييييييدعلى متابعتك وعلى مراسلتك....
صدقني يا ياسر أي كلمة كتبتها أنا بالجد بعنيها وحسيتها
في الزول الكتبتها عنو...
كمثال لي الناس الملايكة ديل وإنهم موجودين حقيقة ممكن
تسأل الكوتش عن يسرا الزين الكانت طالبته في يوم ما
يعني ما كانت زميلته وبعرف عنها الانا عرفتو وشوفو
حا يقول ليك شنو؟؟؟
لكن أنا بوافقك تماما في انو أكيد الناس ما كلها ملايكة... وأنا أكيد
قابلت الناس السيئين والاشرار وعرفتهم ولكني ما ذكرتهم لأني
أسقطهم من ذاكرتي وحتى من عقلي الباطن لأنو الناس العملو
لي أشياء سيئة ديل لو إتذكرتهم حا أتذكر السواد والظلم والخداع
والنفاق ودي أشياء أنا ما بحب إنها تعيش جواي ولا معاي حتى لو
كان في عقلي الباطن... لأنو الحاجات الزي دي بتفقدني كثير من
الأشياء الجواي وأنا ما نفسي أفقد حاجة جميلة وأجي أندم عليها يوم ما...
بس صدقني أنا عندي أصحاب يعتبروا عقد فريد جدا...
كان نظمه صعب جدا وأستغرق الكثير من الوقت والجهد
وحتى أصل إلى هذه الورود الجميلة مررت بالأشواك التي لا أريد حتى تذكرها...
وأصدقائي نعمة من الله من بها علي وأنا شاكرة نعمته وفضله
أنا الان أفتقد كثير منهم بي سبب الاغتراب ومشاغل الدنيا الكتيرة...
بس رغم مرارة فراقهم إلا أني سعيدة لنجاحاتهم هنالك ولو كانت بعيدة عني...
وربنا يوفقهم جميعا ويحقق أمانيهم ويقدر ليهم الخير حيث كان ويرضيهم به...
لكم إخلاصي وودي ودعائي المستمر يا من زرعتم بداخلي الكثير من الخير
والقيم الجميلة وأعطيتموني الكثييييييير الذي لا استطيع رده لكم...
وكنتم خير مدرسة يمكن للإنسان أن ينهل من معينها كل ما هو جميل وصادق...
| |
|
|
|
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: sara Eltayeb suliman)
|
يا إبراهيم,,,
Quote: بالله شوف ..
طبعا كانت من الثوابت إنه ناس هندسة قاعتهم هي OLT
|
التغيير حصل في كل حاجة يا ريتو لو كان جا على
GLT و OLT بس كانت هانت.... الحمد لله
تعرف نحنا درسنا محاضرة واحدة بس في ال OLT
وكان في سبب معين....
وحاليا يا إبراهيم برالمة هندسة بدرسوهم في
قاعةإسمها بروفيسور/ دفع الله الترابي في المباني
الجديدة على شارع الجامعة...
| |
|
|
|
|
|
|
|
|
 Re: هنا نتحاور ونتعرف على العضو ساره الطيب ... مرحبا بالجميع (Re: sara Eltayeb suliman)
|
Quote: ممكن
تسأل الكوتش عن يسرا الزين الكانت طالبته في يوم ما
يعني ما كانت زميلته وبعرف عنها الانا عرفتو وشوفو
حا يقول ليك شنو؟؟؟ |
ساره و يسرا و ياسر ( حلوه ده ) سلامات
ياناس الدنيا خير و شر
بمعنى
كفة الخير فيها ناس خيرين و كتار و برضو الشر
بمعنى آخر
ذى ما الدنيا ده ( الحاليه ) فيها نموزج اسمو يسرا - ربنا يحفظها دنيا وآخره ،
فيها برضو اشرار وكتااااااااااااااار وربنا يبعدهم مننا
وياياسر وحسب تجربتنا المتواضعه اقول ليك السودانيين مقارنة باغلبية
الشعوب العاشرناهم فى غربتنا هم ناس حلويييييييين و خيرييييييييييييييين
وده ممكن يكون موضوع نقاش وبرجع ليهو قريبا .... بس انت خليك قريب
وبرجع وبقول تانى وعلى حسب الفتره التى قضيتها فى تدريس يسرا بسستر اسكول
والرأى ده بتفق مع رأى كل الاساتذه آنذاك :
يسرا الادب
يسرا الاخلاق
يسرا الاحترام
يسرا التهذيب
يسرا الشطاره
يسرا الذوق
يسرا التعامل
يسرا التعاون
يسرا الوفاء
يسرا ربنا يحفظها و يحفظ اسرتها من كل اذى ، قولوا آمييييييييين
| |
|
|
|
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: طارق الكوتش)
|
المخرج ....
حمد لله على السلامة...
| Quote: ساره و يسرا و ياسر ( حلوه ده ) سلامات |
طبعا حلوة... أي حاجة فيها يسرا لازم تكون حلوة...
شوف يا ياسر الكلام دا...
Quote: وبرجع وبقول تانى وعلى حسب الفتره التى قضيتها فى تدريس يسرا بسستر اسكول
والرأى ده بتفق مع رأى كل الاساتذه آنذاك :
يسرا الادب
يسرا الاخلاق
يسرا الاحترام
يسرا التهذيب
يسرا الشطاره
يسرا الذوق
يسرا التعامل
يسرا التعاون
يسرا الوفاء
|
ما شاء الله وتبارك الله
بعني أنا ما ببالغ.... دا مثال حي....
مع إنها ما كفاية لوصف يسرا... بس عينة منو...
| Quote: يسرا ربنا يحفظها و يحفظ اسرتها من كل اذى ، قولوا آمييييييييين |
آآآآآآآمييييييييييييييييين...
حتى تظلي مثالاً للنقاء في زمن أصبح يفتقر إلى أمثالك....
| |
|
|
|
|
|
|
|
|
 Re: هنا نتحاور ونتعرف على العضو ساره الطيب ... مرحبا بالجميع (Re: sara Eltayeb suliman)
|
ايتها الاخت العزيزه جدا ساره الطيب
نفتقدك بشكل خرافى
فانت وردة هذا المنبر
ونتمنى من داخل قلبنا
ان تعودى لاهلك سالمه
فانت من مكتسباتنا فى هذا المنبر
اخت بمعنى ما تحمل هذه الكلمه من معنى
ساره نعم رب اخ لم تلده لك امك
منتظرين ساره الطيب ليعود للمنبر الحار احدى اركانه الرئيسيه
ساره الطيب مهندسه سودانيه وانسانه رائعه ... حفظها الله من كل اذى
قولوا آمين
| |
|
|
|
|
|
|
|
|
|
Re: هنا نتحاور ونتعرف على العضو ساره الطيب ... مرحبا بالجميع (Re: ابراهيم محمد الحسن)
|
سلام يا هندسة,,,
سلام طارق وإبراهيم وهشام والجميع,,,
الأخ طارق,,,
Quote: ايتها الاخت العزيزه جدا ساره الطيب
نفتقدك بشكل خرافى
فانت وردة هذا المنبر
ونتمنى من داخل قلبنا
ان تعودى لاهلك سالمه
فانت من مكتسباتنا فى هذا المنبر
اخت بمعنى ما تحمل هذه الكلمه من معنى
ساره نعم رب اخ لم تلده لك امك
منتظرين ساره الطيب ليعود للمنبر الحار احدى اركانه الرئيسيه
ساره الطيب مهندسه سودانيه وانسانه رائعه ... حفظها الله من كل اذى
قولوا آمين |
الشكر كميات ياً طارق على تفقدك للأعضاء
وشكرا على الكلام الجميل والراقي,,,
وأنا سااااااااااااالمة الحمد لله...
وشكرا مرة تانية على ذوقك...
الأخ إبراهيم,,,
Quote: آمييييييييييييين ،،
وتاني
أمييييييييييين ،، |
شكرا كتييييييير ليك على التأمين على الدعاء...
وانا الحمد لله جيت راجعة بخير...
وربنا يوفقكم ويديكم الفي مرادكم قولوا آمييييين...
وماتنسونا من الدعوات...
| |
|
|
|
|
|
|
| |
صلاح ليون
Hisham Magzoub
sara Eltayeb suliman
ابراهيم محمد الحسن
Tahani abdalla Attia
فيس بوك
تويتر
انستقرام
يوتيوب
بنتيريست