مخططات لتهجير وتشريد السودانيين لصالح مجلوبين جدد

Quote: عشان تقريب الصورة فقط الاروموا ديل اكبر قومية في افريقيا كلها أخر تعداد قال أنهم فوق الـ 40 مليون وهم القومية الاكبر تعداد في إثيوبيا عشان كدة بتلقي الرئيس كمنصب تشريفي منهم ( ود الجرجيس ) تخوف الامهرا الهم 17 مليون ما حيخليهم يقدروا ياخدوا أى خطوات ضد القومية الاكبر في اثيوبيا ما تنسي السلطة ( عمليا ) عند قومية التجراى الاقل عدد من الامهر والامهر كقومية ما غالبة بأى حال من الاحوال غالبه لسان وثقافة لكين سلطة وعدد بتضل أقل من الاروموا بكتير ثقل اثيوبيا الثقافي والبعرفة بي الناس مقسوم بين الامهر والتجراى وهم من ضمن قوميات تانية خليط سكاني مختلف في اعراقوا واصولوا فيهوا من كل افريقيا غربها وشرقها ومن خارج أفريقيا كمان بس بتظل الاروموا كقومية الاكبر عدد بينهم على الاطلاق وده لانوا افتراضك فيهو أشاء بتناقض وأقع إثيوبيا وتركيبته الاثنية

Quote: للاسف بوست عنصري ... ومعلومات خيالية ....مع كامل احترامي وتقديري للاخ الكريم ابو ساندرا السودان ومن قديم الزمان معروف بانه بلد للهجرات المتعددة وهي الغالب لتركيبته الديمغرافيه.. ولا مانع ان يكون للقبائل الوافدة الحق في الاستيطان بمثل من سبقها من هاجر قبلها (المسغبة والتغييرات المناخية هي من العوامل المهمة في الهجرات والنزوح .... وسياسات الدول ليست بمعزل عن هذالمستجدات...)

Quote: تري ما هو رائ كاتب البوست الكريم في الهجرات الي الدول العربية والاستيطان فيها (الاغتراب نموذج) وبصورة صريحة في قطر والبحرين ...!!! وتري كم مستوطن سوداني في مصر وحدها؟؟؟... وماهي معلوماته عن سياسة الدول المتقدمة في مسائلة الهجرة اليها ومبداء القبول بالاخر ؟ (للمقارنة بينها وبينما يتخوف) دعوا رحمة الله تنزل علينا

Quote: عارفك مُضِرْ ... حرم ده شرف ما نديهو عِلا لِرطاني كامِل الدسم

Quote: بالمناسبة .. الأورومو هم أكثر قومية متمسكة بوطنها الإثيوبي و عندهم طموح يحكموا كل أثيوبيا بما فيها أرتريا و الحكومة الإثيوبية تعمل لهم ألف حساب ( شاهد قناة أورومو الفضائية ) فهي القومية الوحيدة التي سمحت لها الحكومة الإثيوبية بعمل فضائية ، و هم لا يقبلون بفكرة الهجرة في بلاد الغربة ناهيك عن ترك أوطانهم للإستيطان في بلد آخر .. يقولون أنهم الفراعنة السود

Quote: غايتو أبشِرِك المصرِيين نِحنا وضعنا ليهُم خُطة والله عِلا البشير يِحْرِس كُل مِصري بِعسكري بِكامِل مُعِداتو المصريين ديل مُش جايين أرقين يِزرعو ولا حاجة تانِية ، تَيِب ، بعد ما نُشْعِل قمْشتنا نرمي عود الكبريت في ها الزرع وعِندنا تنسيق مع نوبيي أسوان ، علشان في حالة لو فكر مِصري واحِد يِرجع بعد الحريق ، تستقبلو الخُطة الأسوانِية وفي حالة إنو الحكومة قامت بِحِراسة المِصرِيين عاد عِلا يِزرعو بنقو علشان يِغطو تكاليف الزِراعة والحِراسة وفي هذا فائِدة أيضًا

Quote: عارف أن الأمهرا وزنهم الثقافي والحضاري أكبر ، وأظنها قومية الأمبراطور هيلاسلاسي وعارف ان السلطة تاريخيا في يد التقراي وعارف أن الأورومو قومية مهضومة الحقوق وتعاني من التهميش مثلها ومثل قومية الجالا وأظن أن ألاورمو إنتفضوا وتسلحوا وخاضوا عدد من المعارك وباتوا يشكلون تهديدآ لمركز السلطة عمومآ وللتقراي خصوصآ و سببههم واضح هو عدم تمثيلهم في السلطة بقدر يتناسب مع عدديتهم وكذلك مايلاقونه من إستعلاء وأظن أن غالبيتهم مسلمين إن لم يكن جميعهم كذلك وضع الأورمو ، وتخوف السلطة ، وهشاشة الإندماج بين الشعوب الأثيوبية كلها تشير إلى أن هناك تزتر وإرهاصات حرب بدأت بمواجهات ومعارك وقد تكون من ضمن حلول السلطة الإثيوبية هو ما أشرنا اليه في هذا البوست ، وهو توطينهم في السودان بإتفاق مع النظام السوداني ودافع النظام السوداني هو بناء تركيبة إسلامية الديانة وإسلاموية الهوى يستقوى بها لبناء الخلافة الإسلامية التي يعتبر دفع الجنوب للإنفصال مدماك في مداميك دولة الخلافة أرجو ان تعود مرة أخرى بمعلومات أكثر تعين على تحليل الوضع والقادم في مقبل الأيام

Quote: لاتوجد عنصرية هنا ولا شبهة عنصرية ، وارجو أن تشير لي تحديدآ على العبارات التي اشتميت فيها رائحة العنصرية البغيضة الآ تراني اطالب و أؤيد قيام تكامل مع جيراننا ومع كل شعوب المنطقة ألم تنتبه لنقدي لحدود الإستعمار السياسية التي لم تراع وحدة أراضي القبائل في وطن واحد و وزعها التقسيم الإستعماري بين بلدين والنموذج الأسطع ، قبيلة البني عامر الموزعة بين السودان واريتريا والزغاوة الموزعين بين السودان وتشاد

Quote: وأكيد حارجع ليك بتفاصيل اكتر ولك التقدير والاحترام

Quote: شكرا اخي الكريم ابوساندرا للتوضيح واتفق معاك في فتح الباب للنقاش بكل حريةوشفافية لكل القضايا التي تمس الامن القومي ومناقشتها بكل جدية وبكل عمقها وتفاصيلها الدقيقة وذلك للوصول الي المصلحة العليا للوطن .. شكرا اخي الكريم

Quote: طيب يااستاذ فايز شنو البأكد ليك انه وزير الداخلية ارتري ..ياريت تثبت لى ابراهيم محمود ارتري ..ماتقول لي كان سكرتير والكلام المامقنع ده لانه انا ممكن اقول انت ماسوداني وكنت سكرتير الاتحاد الموزمبيقي ...مادام هو كلام والسلام ...فياريت تظهر لى جنسية وزير الداخلية الارترية ؟!!! بعدين منو الاسياد المفترض يكونوا على الوزارات السيادية ؟!! وزير الداخلية سوداني مادام ان الشرق ارض سودانية واما لو كانت ارترية فحينها يحق لك اتهام الحكومة بانها توزر اجانب .. ممكن تورينا اسياد البلد والسودانيين الاصلين منو عشان نكون عارفين ؟!!! ]

Quote: ولما النميري سألوا لماذا كل المزارعين بتعانك مصرين أجاب البروفيسور للنميري قائلاً: يا ريس المزراع السوداني عشان يفك السروال ويقطع الـ ...... عايز ليهو ساعتين ثلاثة عشان يجي راجع

Quote: لذلك ياود القاضي يجب ان يتم التريث في الدفاع عن اي شخص منتسب لنظام المؤتمر الوطني(وزير الداخلية مثلا) ساعطيك له تصريح قال ان احداث دارفور تاثر بها فقط 300 الف ومنهم 100الف نازح بتشاد ولم يشير الى الباقين جاء هذا الكلام في معرض اعتراضه لاحصائية الكارثة التي تمت في العام 2004 وكان حينها على ما اعتقد وزير الشئون الانسانية ويعترض على قول منظمات دولية ان المتاثرين 3مليون وذكر قبله الرئيس البشير انه المتاثرين فقط عشرة الف (ابن ادم )

Quote: أى تعديل ديمغرافي لتركيبة سكانية لازم يكون مدروس كويس أكيد العزيز أبو ساندرا كزول إشتراكي عارف أنو من الاخطاء الكبيرة الوقعت فيها السلطات السوفيتية زمان إصراره بنفس نظرية عوزه ناس ولائاتهم سوفيتية تغير التركيبة السكانية في جمهوريات أسيا الوسطي والبلطيق , الحته كانت عند الرؤس أفضل باعتبارهم إختاروا خليط متجانس وبعد كده ظلت لسنوات طوال كل جمهورية تحاول تلفظ الروس وتتمسك بتركيبته الاصل الشي الخلق مشكلة في التعائيش ظلت ملازمه الناس ديل لسنوات طوال , خصوصا في الجمهوريات ذات الخصوصية الثقافية الغاية في الاختلاف مع الرؤس أهل روسيا البيضاء وغيره من الجمهوريات الكان بينا على الاقل تجانس وتطابق ثقافي -------- لو أسقطنا كلام زي ده على الحالة السودانية حسب كلام أبوساندرا التباينات حتكون اكبر باعتبارك بتتكلم عن مهجرين من مصر ومن إثيوبيا ومن دول من غرب أفريقيا عشان تباعد الجهات للمستوطنين ديل برضوا ما حيمنع نشؤ نوع من العزلة بين الجهات الأكيد حينعدم بينا أى نوع من التواصل ده في حال أنو الوضع يتجاوز حته الرفض الحيكون من قبل السكان الاصل وبالتالي حته الولاء لى قدام ماحتكون قضية لانوا أساسا الجهات ما حيبقي ليها صلات مع بعض عشان توحده خلف الحكومة المركزية في الخرطوم وبالتالى كل ما قوت المجموعات دي قلة ولاءها وأبتعدت عن أى نوع من الدعم للنظام الاساسا صلته بي معدومة المصري عمروا ما حيكون إلا مصري والاثيوبي عمروا ما حيكون إلا إثيوبي يعني لو صحت نظرية أبو ساندرا أنو في نوع من التفكير الزي ده حقوا بهدؤ الناس ديل يدرسوا التجارب المشابهه والحصل فيها دائما كان التغير الديموغرافي عنصروا الاول الخليط المتجانس في فترة ما عانت الدولة العبرية ( إسرائيل ) من المسألة دي باعتبار الفروق الثقافية بين البهود الغربيين والشرقيين وممكن معاناته إزدادت بعد ما جو اليهود الروس واليهود الاثيوبيين ( الفلاشا ) اللحدي الليلة قبولهم في كيان زي إسرائيل بتواجهوا صعوبات فإى إحلال أو تبدل في أى تركيبة سكانية بنطوي على مخاطر لدول ذات قدرات وسيطرة فعلية فما بالك بدولة زي السودان البتأكيد ما حتقدر تتحكم في عمليته وما حتقدر تعالج نتائجة بدقة وأول بأول عشان ما تحصل نتائج كارثية تهدد أمنها القومي

Quote: -------------------------------------------------------------------------------- Date: Sun, 25 Jul 2010 00:59:48 -0700 From: [email protected] Subject: أبوساندرا To: [email protected]; [email protected] أخي الأستاذ / عبدالرحمن احمد بركات المحترم السـلام عليكم ورحمة الله وبركاته أخي العزيز لماذا التشكيك في إنتماء قبائل البني عامر بالذات أنت وغيرك أخي العزيز تزيدوا بقصد أو دون قصد من رصيد وشعبية المؤتمر الوطني بكسب ولاء المزيد من أبناء هذه القبائل للمؤتمر الوطني من خلال الدور التشكيكي في ولاءها وإنتماؤها للسودان للأسف الشديد أخي العزيز : بالطبع قبائل البني عامر من قبائل البجه التي لها إمتدادها من حلايب الى مصوع وللعلم أن مؤسس جبهة التحرير الأريترية هو سوداني من قبيلة الهدندوة حامد عواتي كل قبائل الشرق لها إمتدادها الجغرافي والتأريخي يا أخي العزيز ولكن التشكيك الكامل بالطبع مرفوض وللعلم أن جد ابراهيم حامد محمود هو من قاد معركة أويتلا بكسلا في بدايات القرن الماضي وهو أول عمدة لمدينة كسلا ويمكنك الرجوع الى دار الوثائق السودانية أما ما تقوموا به هو حرق لشخصية قيادية من أبناء كسلا وكلامكم لا يزيد ولا ينقص وأوكد لك أن من ثبت السادة المراغنة بالسودان المراغنة ، كما وأزيدك في القصيدة بيت أن سكرتير مكتب الرئيس نميري من سنة 1969م وحتى 1983م هو اللواء عمر محقر من قبيلة البني عامر يمكنك أخي العزيز مراجعة هذه المصادر : http://www.kassalaland.net/phpbb/viewtopic.php?f=1&t=3588&start=0 http://www.baneamer.com/vb/############.php?f=2 http://www.sudaneseonline.com/ar/article_19776.shtml http://sheik.yoo7.com/montada-f1/topic-t17.htm

Quote: النجيضة مرة أخرى : ان هناك خمسة مليون سودانى من اهل الشمال وهم عصب السودان وصانعى السودان الحديث الذى نراه ..... هؤلاء ينتظرون العودة بينما نرى خططا للتهجير وتمليك الاراضى للاجانب وخطورة كل ذلك شئ لا يستهان به و النجيضة الثانية : أن هذا البوست يمكن أن يفضى الى نقاش مفيد ان تجاوزنا عن الثانويات الى عصب القضية ..........

Quote: ابو ساندرا سلام بغض النظر عن الارقام فعلا موضوع خطير لما يتقري مع كميه العطاله وتدني الاجور وكمية المهاجرين اصلا من السودان بسبب العوز الاشكال الكبير ايضا في نوعيه الاستثمارات الممكن تصاحب التوطين يعني شوف الاحتفاليه الكبيره بسمكنا الذي تم اعاده اكتشاف وجوده في النيل فاعتمد بعضه واتسبدل البعض بآخر تحتاجه اجسام السودانين الهزيله Quote: افتتحت سلسلة مطاعم قدورة للأسماك فرعا بالخرطوم 2 غرب نادي ضباط القوات المسلحة وذلك بعد حفل بهيج شرفه كل من معتمد الخرطوم عبد الملك البرير وعبد الباسط سبدرات وعبد الجليل النذير الكاروري ومحمد قدورة رئيس مجلس إدارة قدروة للمواد الغذائية في مصر.

Quote: متابعة

Quote: تحصل بعض التنفيذيين في المنظمات العالمية والشركات متعددة الجنسيات على المعلومات الخاصة بأن هذه المنطقة تعتبر سوق مقفول في انتظار تطبيق معايير معينة للتواجد فيه وطال الإنتظار وكان بعض السودانيين بموجب الصفة المذكورة أعلاه قد تحصل على هذه المعلومة ومنهم الدكتور حسن الترابي وعمل على إدراج بعض المعايير في اختياره للموارد البشرية التي بنى عليها مشروعه الحضاري ( توسيع قاعدة الإنضمام من المهاجرين وتأسيس أذرع عملية لإستجلاب موارد بشرية عالمية - ولو كانو في أحذية كارلوس أو بوب دينار )... وكان قد أقترب من خلاصات مؤجلة أشعلت العالم ضده...

Quote: إنــا لله وإنـا إلـيـه راجــعــون يـا جـمـاعـة إتــقــوا الله ... غـيـر الـفـتن الـشـيـنة دى الـواحــد مـنـكـم مـا بـيـعــرف يـعـيـش ؟؟؟ و مـا يــزال الـرجــل يـكـذب و يـتـحـرى الـكـذب حـتى يـكـتـب عـنـدالله كـذابــاً و إن الـكـذب يـهـدى إلـى الـفـجـور و إن الـفـجــور يـهــدى إلــى الــنـار .... و كــفـى بـالـمــرء إثــمـاً أن يــحــدِّث بــكـل مـا ســـمـع ... إنــت يــا أخ أبـوســـانـدرا مـش الـجـابـو صــورك فـى بــوســت بــتـؤم الـنـاس فـى صــلاة جـمـاعـة ؟؟؟؟ يـاخ خــاف الله ... يـاخ فـى الـمـنـتـدى دا فـى نـاس مـوهـومـين بـيـصــدقـوا أى كــلام شـــين عـن الـبـلــد ... يـا رب تـقُـش الـكـضـابـين قـشـة تــمـراً يـابـس و مـســوِّس ... و تـغـيــظ الـمـوهـومـين لامــن يــطـرشــــقـوا .... و تــحـفـظ الـبـلــد مـن كـيـد الأعــداء و الـطـوابـير .. يا حـفـيـظ ..

Quote: العزيز أبوساندرا السلامات بحر يا مك أسمع تهجير لا لا . بس يا أخى شوف لينا عدد 3 كونتينر تيراب من ثاوث أميركا . نحاول نشتت بعض التواريب دى فى حواشات المليون ميل مربع . بس يا أبوساندرا أوعك تقوم تطلع لينا كم مليار جمارك فى دخول الكونتينرات .. عشان القصة دى لصالح مستقبل الفول بالجبنة . تحياتى للأسرة الكريمة