|
|
|
 Re: ناس الزقازيق أجدع ناس (Re: ميسرة سيد أحمد)
|
دعاء سيد الإستغفار
"اللهم أنت ربي... وأنا عبدك... خلقتنى... وانا على عهدك ووعدك مااستطعت...
أعوذ بك من شر ما صنعت... أبوء لك بنعمتك علىّ... وأبوء بذنبى... فاغفر لي...
فإنه لايغفر الذنوب إلا أنت" .
| |
 
|
|
|
|
|
|
|
|
Re: ناس الزقازيق أجدع ناس (Re: ميسرة سيد أحمد)
|
مرحبا" بالجميع
وحمدا" لله على سلامة الوصول الى الميل 37
والحمد لله وصلناهو مع الدخول بالسلامة الى الربع الثالث
وانشاء الله ما يكون الربع الخالى ..!!
والله يا ناس الزقازيق بى طريقتكم دى بتلحقونا أمات طــه !!
البوست يناديكم
فاجعلوه دائما فى الأعالى ..
البادى .. تخفس .. تخفس .. وبعدين تجى تهكر لينا افتتاحية الريس ..!!
أظهر لا جوووة معانا ..
عروة وابتر .. بنفتش ليكم فى الميل ده ..
وانشاء الله ما تكون محطة نمرة 6 !!
محمد صديق .. الفسحة خلصت .. والاجازة العارضة بتاعتك انتهت ..!
زهيــر .. ياخوى معاوية يحى بقى بيظهر أكثر منك !
...
...
يا اخوانا الصيف ولــــّع ..
رشيد .. احجز لى معاك فى أى فندق انشاء الله فى انطاكيا ولا اسكندرون ..!!
| |
|
|
|
|
|
|
|
|
|
Re: ناس الزقازيق أجدع ناس (Re: محمد عيد)
|
في ليلة رائعة تنادي إليها زقازيقاب الدوحة ألتأم الشمل و ألتقى الإخوة من بعدل طول غياب ، حضر عزام و الصادق عبد الله ( حقوق ) و أشهر برلوم في تاريخ الزقازيق ( المدعو ) سر الختم محمد علي و أسامة طيارة و عماد عبيد و كان حضورهم أحتفاءاً بمقدم الزقازيقابي الأصيل / محمد حامد تبيدي الذي تم نقله للعمل مستشاراً بالسفارة السودانية بالدوحة ، أمتد اللقاء لساعات و قضى الجميع وقتاً طيباً مستذكرين أيام طيبات جمعتهم في الزقازيق و متطلعين لأيام أجمل بإذن الله تعالى قادمات ليجتمع شمل الزقازيقاب في قطر و يكتمل حضورهم جميعاً بإذن الله في اللقاء القادم ..
سوف تصل لاحقاً صور إحتفاء أخواننا زقازيقاب الدوحة بزميلناالزقازيقابي الرائع / محمد حامد تبيدي ..
ـ
تحيات لزقازيقاب الدوحة السوامق .. قامة .. قامة .. و أمنيات صادقات و دعوات بأن يديم الله تعالى تواصلهم و علائقهم الأخوية النبيلة على صعيد الخير و المحبة ..
| |
|
|
|
|
|
|
|
|
|
Re: ناس الزقازيق أجدع ناس (Re: عصام دهب)
|
التحية لكم جميعاً وانتم تسطرون حروف التلاقي
وشكرا للرشيد حامل لواء الحوش
والمرابط عيد
وجلا الممتع
والريس ميسرة ونفحاته
وسيد الحوش المهموم ببناء غرف جديدة للتواصل
جيب لينا صور الدوحة
منصور عامل كيف مع الحر ده وما جبت دقيق العصيدة مالك
محمد صديق منتظر
تحية خاصة لأحمد اسماعيل و موسى عيسى
| |
|
|
|
|
|
|
|
|
|
Re: ناس الزقازيق أجدع ناس (Re: جلال عثمان)
|
حباب اجدع ناس مليون حباب
الصيف حارق وبائس قى الرياض
طوال مدة اغترابى لم اقضى صيفا فيها
بدأت الأجازة المدرسية وليل البيت انقلب نهار
ما عارف الشىء البيربط بين الأجازة والسهر شنو ؟؟
الشباب تقول ليهم نوموا , يقولوا ليك نحن فى اجازة
هى الأجازة بتحمى النوم ؟؟ما قالوا لينا
مع انو اتفقنا من بدرى انه السنة دى مافيش سودان فى الأجازة
لكن الشقتو اليومين الفاتوا ديل
اخير منه السودان عديييل
هسى يجيك جلا يقول ليك , والسودان مالوا ؟؟!!
الرشيد قال ما تتكلموا فى السياسة
صربت ليهو قبل شوية
لقيتوا ليك فى البص ماشى على يلاوا وبورصة
بينى وبينكم , اعصابى باظت
وجاتنى نسمة هواء باااااردة
محمد عيد اضرب لى علمنى تنزيل الصور
عشان افدكم
وابقى من نجوم (القد)
يا ريس جدول الأجازات لازم يتنشر هنا
عشان نوزع جدول الميز والديوتى
ارقدوا عافية
محمد صديق , اليومين الأجازة , بالجمعة ولا بدون
اعمل حسابك ,انت الوحيد يوم الجمعة ما عندك اجازة
شقت ليك عصيدة بدوها اجازة ؟؟!!
| |
|
|
|
|
|
|
|
|
|
Re: ناس الزقازيق أجدع ناس (Re: منصور عبد الرازق)
|
لماذا خلقت حواء وآدم نائــم ؟!
أتعلمون السبب ؟؟
يُقال إن الرجل حين يتألم يكره، بعكس المرأة التي حين تتألم تزداد عاطفةً و حباً !!...
فلو خٌلقت حواء من آدم عليه السلام و هو مستيقظ لشعر بألم خروجها من ضلعه و كرهها،
لكنها خُلقت منه و هو نائم .. حتى لا يشعر بالألم فلا يكرهها ..
بينما المرأة تلد و هي مستيقظة ، و ترى الموت أمامها ،
لكنها تزداد عاطفة .. و تحب مولودها ؟؟ بل تفديه بحياتها ...
لنعدْ إلى آدم و حواء ..
خُلقت حواء من ضلعٍ أعوج ، من ذاك الضلع الذي يحمي القلب
أتعلمون السبب ؟؟
لأن الله خلقها لتحمي القلب .. هذه هي مهنة حواء .. حماية القلوب ..
فخُلقت من المكان الذي ستتعامل معه
بينما آدم خُلق من تراب لأنه سيتعامل مع الأرض ..
سيكون مزارعاً و بنّاءً و حدّاداً و نجاراً ..
لكن المرأة ستتعامل مع العاطفة .. مع القلب .. ستكون أماً حنوناً
.. وأختاً رحيماً .. و بنتاً عطوفاً ... و زوجةً وفية .. .. ..
الضلع الذي خُلقت منه حواء أعوج !!!!
يُثبت الطب الحديث أنه لولا ذاك الضلع لكانت أخف ضربة على القلب سببت نزيفاً ،
فخلق الله ذاك الضلع ليحمي القلب .. ثم جعله أعوجاً ليحمي القلب من الجهة الثانية ..
فلو لم يكن أعوجاً لكانت أهون ضربة سببت نزيفاً يؤدي – حتماً – إلى الموت
لذا ...
على حواء أن تفتخر بأنها خُلقت من ضلعٍ أعوج ..!!
و على آدم أن لا يُحاول إصلاح ذاك الاعوجاج ، لأنه و كما أخبر النبي صلى الله عليه و سلم ،
إن حاول الرجل إصلاح ذاك الاعوجاج كسرها ..
و يقصد بالاعوجاج هي العاطفة عند المرأة التي تغلب عاطفة الرجل ...
فيا ادم لا تسخر من عاطفة حواء ...
فهي خُلقت هكذا ..
و هي جميلةٌ هكذا ..
| |
|
|
|
|
|
|
|
|
|
Re: ناس الزقازيق أجدع ناس (Re: جلال عثمان)
|
سلام يا ناس البوست ....
الحمد لله يا ريس ميسرة تمام إلا الجري الكتير ما خلانا نتواصل معاكم
والسودان زي ما قال منصور عبد الرازق في مرات كتيرة أحسن منه أي
حاجة تانية ، إنشاء الله إجازة لتركيا ، بمناسبة إجازة تركيا عليك
الله يا الرشيد خليها علي الهواء مباشرة مع الصور عشان نكون مأجزين
معاكم خطوة بخطوة ، وتحياتي لنجاة حوفي والشباب وإنشاء الله إجازة
جميل وسعيدة ....
| |
|
|
|
|
|
|
|
|
|
Re: ناس الزقازيق أجدع ناس (Re: زهير الزناتي)
|
يا محمد عيد
شايف عاصر شديد علي حواء دي ، ونحن زمان قبل الحالة الثورية ما تتلبسنا نصراء
للمرأة عشان كده أعمل حسابك ، وحديثك الأخير في ظاهره دفاع عنها ولكنه يسير في
نفس الأتجاه لك ودي
| |
|
|
|
|
|
|
|
|
|
Re: ناس الزقازيق أجدع ناس (Re: زهير الزناتي)
|
Quote: بينما آدم خُلق من تراب لأنه سيتعامل مع الأرض ..
سيكون مزارعاً و بنّاءً و حدّاداً و نجاراً ..
لكن المرأة ستتعامل مع العاطفة .. مع القلب .. ستكون أماً حنوناً
وأختاً رحيماً .. و بنتاً عطوفاً ... و زوجةً وفية .. .. ..
|
الأخ محمد عيد
والله مشتهيك لي كم يوم لكن تقول شنو؟؟
وقدر ما قلت أجيك و أشرب معاك فنجان جبنة
عشان أتابع و استمتع
وخاصة موضوع آدم وحواء
يجيك زهير الزناتي ويقول
أنا ضد التعالي الذكوري
| |
|
|
|
|
|
|
|
|
|
Re: ناس الزقازيق أجدع ناس (Re: محمد آدم النور)
|
آها يا الرشيد
من ما مشيت الناس بدأت تدخل من جديد
يعني!!!
الكج منك
تعال شوف .......
الزول المتابع و المستمتع
خاشي بي نمرة 4
زهير قال ليك ولا مستعجل
محمد عيد ينداح
منصور برغم الحرور مواصل
لا سهر ولا حاجة
و جلال ماخد توصيات الخبراء الأجانب
في التواصل مع الناس
وذكروهو بالمثل السوداني
الناس بالناس و الكل لي رب العالمين
و الريس ميسرة
برغم إنو شغال بكمبيوتر الكفيل!!!!
وإمتحانات العيال!!!!
لكن برضو
صباح الخير يا وجوه الخير
ما غايبة
عشان كدا أرقد عافية
أقصد خت في بطنك بطيخة صيفي
و البوست محروس ونحن ما قاعدين نكوس
أيوا كدا
بحبكم يا ناس
حب الرشيد للسودان
| |
|
|
|
|
|
|
|
|
|
Re: ناس الزقازيق أجدع ناس (Re: محمد آدم النور)
|
Quote: و ألتقى الإخوة من بعدل طول غياب ، حضر عزام و الصادق عبد الله ( حقوق ) و أشهر برلوم في تاريخ الزقازيق ( المدعو ) سر الختم محمد علي و أسامة طيارة و عماد عبيد و كان حضورهم أحتفاءاً بمقدم الزقازيقابي
|
يا سيد الحوش
طبعاً بتكون اللمه دي فكرتك
بس أنشاء الله في الونسة بتاعتكم دي
ما تكون
متابع ومستمتع
وجاييهم بي رواقة
| |
|
|
|
|
|
|
|
|
|
Re: ناس الزقازيق أجدع ناس (Re: محمد آدم النور)
|
سافر رشيد القوم وظهرت وجوه
كثيرة وعلى رأسمها زهير الزناتي
والحمد لله طلعت سليمه ، وصاحب الحوش
بالله لمة ناس عزام وتبيدي ما تبخل لينا
بيها لو وصلتكم الصور حتى نشوف شكل الناس
الحلوين ديل .
حتى الحين ما ظهر أخونا البادي يا خوفي يكلم
صاحبه الهكر وفجأة يطلع لينا على راس مقدمة الصفحة
الحاليه ، يا ديدو إنشاء الله يا الحبيب خير .
المتاوقة دي سريعة علشان البوست حتل شديد ، يلا يا جماعة
شيلوا الشيله لحدي بكره الصباح .
| |
|
|
|
|
|
|
|
|
|
Re: ناس الزقازيق أجدع ناس (Re: محمد عيد)
|
بسم الله الرحمن الرحيم
سلام من الله تعالى وبركاته
دعاء
وجّهت وجهي للذي فطر السموات و الأرض حنيفاً و ما أنا من المشركين
إن صلاتي و نسكي و محياي و مماتي لله رب العالمين
لا شريك له و بذلك أمرت و أنا أول المسلمين
اللهم أنت الملك لا إله إلا أنت
أنت ربي و أنا عبدك
ظلمت نفسي و اعترفت بذنبي
فاغفر لي ذنوبي جميعاً إنّه لا يغفر الذنوب إلا أنت
و اهدني لأحسن الأخلاق لا يهدي لأحسنها إلا أنت
و اصرف عني سيَّها لا يصرف عني سيئها إلا أنت
لبيك و سعديك
و الخير كله بيديك
و الشر ليس إليك
أنا بك و إليك
تباركت و تعاليت
أستغفرك و أتوب إليك
| |
|
|
|
|
|
|
|
|
|
Re: ناس الزقازيق أجدع ناس (Re: محمد آدم النور)
|
يا ناس الحوش
ويا محمد عيد
عليك الله أقيف على حيلك
و أقرا هذه المداخلة وهي من أحد حبانك
إنه محمد حسان
Quote: اخي محمد
كل التحايا والسلام والتقدير
من المسرات ان نلتقى مرة اخرى في مدينة الدامر
وان تفتح ابواب الزقازيق وتجعل النفس تستدعي
وتعيش على وسادة تلك اللحظات الغاليات من العمر
وقد تغرب من تغرب وتشرق من تشرق
وتبقت الزقازيق فردوسا مفقودا على الخط الزمني الاصطلاحي
راسخة على الوجدان تتوغل فينا بفعل الحنين اليومي
كانت عشرون عاما تسربت من فروج الاصابع
ليست ازمة منتصف العمر فنحن جميعا تغمرنا روح التصو ف
بان الدنيا دار زوال وان الاخرة دار الابد ويكون عزاء
اخي لا اقول بان السفينة ابحرت
ولا ان السماء اجدبت
ولا ان ينبوع الفرح غاض ماؤه
فمرحبا بكم جميعا اخوتي الزقازيقيين
نفتح بوابة التواصل
نستدعي زقازيقا اسهمت في بناء ممرات التسامح التي سرت بين ابناء الوطن
نحو مستقبل نسال الله ان يكون اكثر اشراقا
|
طبعاً كدا أنا متابع ومستمتع
لكن من تركيا
وجاييكم بي رواااقة
| |
|
|
|
|
|
|
|
|
|
Re: ناس الزقازيق أجدع ناس (Re: محمد عيد)
|
صباحاتكم ورد
وموضوع جميل ياعيد غرائب وعجايب بنات الشيخ حول العالم
بس نحمد الله ان الامر عندنا مختلف حيث تقبع في اوله تحت سطوة العادات والتقاليد
الى ان تتمم الزواج
وتظل في آخره تحت سطوة (سلطة بضم السين) الزواج
والله أخير .... الزول البقعد يدفع في المهر طول حياته داك
------
بي حقه .... زول بقول ليه (بغم) مافي
| |
|
|
|
|
|
|
|
|
|
Re: ناس الزقازيق أجدع ناس (Re: ميسرة سيد أحمد)
|
Quote: الكاميرون
في عام 1952 كان ملك ( البيكوم ) بالكاميرون بأفريقيا في عصمته 500 زوجه يعني بعد ما يطلع من زوجته الأولى يعود لها بعد سنه ونص تقريبا ... الغريب بالموضوع ان الـ 500 زوجه يعيشون بسعادة |
قلت لي ملك (البيكوم)
بت شيخ واحدة (زائد خبراء اجانب) جابو كثافتنا يا محمد عيد
احلى امنياتي الآن ان يعود بي الزمن للعام 1986 (سنة البرلمة)
فما بالك ياعيد لو عاد الزمن لعام ملك البيكوم ده
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
مساكم الله بالخير
يا منص شكرا على تلفونك و الذي أتاني و أنا معلق بين السماء و الأرض...في طريقي الى بورصة..
و كنت أقوم بالتصوير بالفيديو...و لقد قمنا بتوثيق مكالمتك بالفيديو...بس انت ما كنت ظاهر في
الفيديو...و الله يا منص كانت ستزداد الرحلة جمالا على جمالها لو ترافقنا سويا أنت و أماني و العيال..
يا محمد عيد...مرة مرة كنت بتفرج مع نجاة حوفي في المسلسلات التركية...كنت قايل البلد دي كل
نساءها ملكات جمال....لكن عينك ما تشوف الا النور...لو ملك البيكون جاء هناكان اكتفي بي عشرة..
و ديل كمان البيظهروا في المسلسلات بتاعتهم...
يا جلا يا أخي بين الدعاء بتاعك والدعاء الذي يليه مداخلتين للجماعة عملتها لي سيل الوادي....
يا زهير سوف تأتي الصور لاحقا ان شاء الله...فما زلنا في حالة تحرك مستمر وبمجرد أن أجد الوقت الكافي
سأقوم بانزال الصور...
يا ريس لك التحية و أنت تحرص على أن يكون البوست دايما في العلالي...المكنة بتاعتك بتاعت العروس
الغالية صدقناها.....
و التحية للجميع ....و لحدي ما نجيكم صادين....أقعدوا عافية...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
مساء الخير يا شباب
المنر العام الليله بيحدف
يمين ويسار أنا عملت مداخلة
قبل عدة ساعات رداً على دخول
الأستاذ زوربا ، بس يظهر بيكون
أخده هكر الجن ووداها في مكان تاني
نسأل أخونا الرشيد بالله ما شفت المداخلة
بتاعتي في تركيا ولا موجوده في اية متحف
طبعاً الجماعة ح يقولوا أكيد صاحبنا ده طش
او محتاج ليهو كركم ،، بس أنا متأكد عندي مادخله
تايه ،، ولازم ترجع بالله أي واحد بيجهد نفسه ووجدها
في أي دولة يكلمنى علشان ارجعها عندنا أو أعمل ليها
تأشيرة دخول متعددة .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
توووش
سلام لأجدع ناس
للريس
ومحمد عيد
وبقية العقد
محمد آدم أفحمنا ونحن ندخل البوست ونودعه سريعا في أستحياء ونمنحه من الآن وسام السنيرة من الدرجة الأولى وأعمل حسابك ما تصيبك عين اسفيرية.
قلنا نحصل البوست قبل بلوغه الميل أربعين.
عادل
| |
|
|
|
|
|
|
|
|
|
Re: ناس الزقازيق ... أجدع ناس .. (Re: adil rahman)
|
جلا
محمدعيد
جلال عثمان
منصور عبدالرازق
الريس ميسرة
الرشيد بابكر
انتم أكثر الناس حضوراً ومشاركة لكم التحية وبصراحة وجدت اليوم البوست ما في حد يرد قلت دي فرصة أتجدع شوية في البوست قبل بلوغه الميل أربعين
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عثمان الجيلي شيخ محمد)
|
مساكم الله بالخير
عادل حبابك ألف....البيت محروس وستو تكوس...و ستو طبعا ما أنا لأني في الحقيقة سلمت المفتاح لي محمد عيد و جلا...و أي تقصير حقك علينا لما نجي نحاسب الشباب ديل برواقة بعدين...أنا عندي تقرير
يومي عن حالة البوست...
عثمان الجيلي...يا زول يخجلو ليك حبوباتك...انت ليك زمن مشغول وبتجينا برواقة...انت كدي النسعلك
رواقتك دي بتين...خلينا على بينه نقوم نتعشم ساكت...
اليوم العصر الجو جميل في استانبول قلت أتمشى أنا والعيال...وكانت غلطة العمر...البلد دي شارع نازل
و شارع طااااااااااااالع...و الله بطاريتي نزلت من أول شارع...حقو يعملوا فيها معسكر الفريق القومي....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: نسأل أخونا الرشيد بالله ما شفت المداخلة
بتاعتي في تركيا ولا موجوده في اية متحف |
يا ريس مداخلتك دي لابسة شنو...قصدي عنوانة شنو...أدينا ياخي أي اشارة كده عشان نفتش معاك
و كان كمان بقت لابسة بمبي...كلم زهير يسأل ليك شرحبيل أحمد....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
جيناكم يا حبايبنا بى الليل البيذكرنا
حبيبى الغايب من بدرى .. رشيد القوم
فرحانة بيك كل النجوم .. فرحانة بى سعادتك
وانشاء الله تكمل اجازتك بنفس رتم الفرح والمتعة ..
وانحنا ما قبيل قلنا مانا قدر المسئولية .. امبارح حاولت
اعمل ماراثون فى البوست قلت اقلدك .. لكن عدم مشاركة الاخوان
أحبطنى .. !!
بس الليلة مع ظهور عدد من اللمسات واكتمالها بمداخلاتك ..
الواحد شوية رجعت ليهو بعض انفاسه ونفسياته ..!!
* عادل عبد الرحمن .. مرحبتين حبابك واليوم السعيد الليلة جابك ..
يا سيدى الحوش حوشك والبيت ما ياهو بيتك والركن البعيد الهادى حقك
كان خاليا لفترة وفى انتظار ظهور بهاءك من خلاله ..
بالله ياخى ما تغيب عننا كده ..
شوية كده وكنا حنضمك لمجموعة التمرد بتاعت جمال السنوسى ..!
* جلال .. حمدا لله على السلامة ، وباين عليك انعتقت قليلا من قبضة الخبراء ..
* عبد الدايم .. شغال معانا بس بى غيب وتعال ..
* طارق جبريل .. ما صدق تنزيل الأغانى فتح وهاك يا هجيج .. سايطها بى غادى
منصور .. ألحق المولد ..1!
* سيد الحوش .. عم دهب .. الرجال بيظهروا عند الحارة .. تصدى قوى للهكر المتسلل .
* اما جلا .. انا عندى شك انو بيرتب لمفاجأة كبيره بس ما قادر أحدد !!
* جنابو محمد صديق شكلو سلم نفسه لحامية شعيرية ودخل عمليات .
* اما منص upon a time فالظاهر مداخلات رشيد خلتو يعيش فى الم ونفسيات
وشغال يحاول فى مخارج مواجهة الصيف القائظ فى الرياض . اسمع كلامى
وأرجع رياض الخبراء ..!!
* تحية وترحاب شديد بدخول الاخ / محمد حسان من خلال نفاج جلا .. ونتمنى دوام
التواصل ودعوة صدر الدين كذلك .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
محمد عيد...مساك الله بالخير
ما بخليك براك ...حتى من استانبول ستجدني مشمر و سادي معاك خدمة...دحين الليل ما ياهو الليل
كان في أبوظبي ولا استانبول...
والبرد الفي الصورة الجاية دي عشان أعذب ليك منصور...
أمنية مع الجو البارد ده خلاها تفرد مشاعرها للآخر وتدير سيمفونية حنان...أما مهند فلقد أدار لي ظهره
و خلع سويتره...ومتابع ومستمتع كمان....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
أنا مزنوق يا جماعة
زنقة عدوكم
1. كتابة تقرير عن رحلتي بورسودان و الدامر
2. التقرير الشهري لبرنامج التدريب السابق
3. خطة العمل الشهرية القادمة
4. تقييم الآداء للفترة السابقة
5. مداخلات في البوست
محمد عيد
عليك الله كان ماشفت لي فنجان أدخل فيهو!!!!!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
سلام أيها الإنسان المترع بحب الناس
حرام عليك ياعادل!!!
ياخ نحن ما ناسك!!
مالك تغيب مننا الغيبة الطويلة دي؟؟؟
لكن معليش
لأنو عرفت من جلال إنو الكفلاء بتاعنكم غير بتاعين ناس الرشيد
طبعاً يا أخ عادل
زولك مشى للمعلمة وشتت ليها الحنك بتاعك
فقامت ردت على حياء
إذن نحن (متساويين الأضلاع) في الأفكار
عليه!!!
(جيب تمام) الشبكة على أن تكون حدث
الشيلة 6( مرفوعة للقوة 2)
(و جيب) المأذن
دايرين حياتنا تكون (بالمسطرة)
و( دائرة) حياتنا لا يتدخل فيها إنسان
(نقطة التقاطع) أولا دنا
و إختلاف الرأي في شئ (معين) لا يفسد لزواجنا قضية
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: نسأل أخونا الرشيد بالله ما شفت المداخلة
بتاعتي في تركيا ولا موجوده في اية متحف |
إنتو الجمعية التأسيسية دي مدة إنعقادها كم؟؟؟؟
عرفنا الأعضاء بفتشو في مداخلاتهم وكمان........
لكن رئيس المجلس زاتو يفتش في .........؟؟؟؟؟
دي المحيرني يا ريس!!!!
أقول ليك حاجة يا ريس عشان ما تسأل تاني من مداخلاتك؟؟؟
جيب لي حاجاتك تاني من نفاجي
حتى صباح الخير يا وجوه الخير زاتها
وعليك لي
طلباتك وخدماتك كلهاأوامر أنا متكفل بيها
لغاية ما أجيبك المنصة و تقعد و تتحكر
وهاك نظارتك
أمسك القلم دا
ودا دفتر الحضور
وديل الناس القاعدين يحضروا
ودا كلو خايفين من جيرانا في البوست البي غادي
يقولو زولهم مسكو الزهايمر
مسؤولين من الخير؟؟
البوليس بتاعنا مالو ما شايفنو!!
ولا متابعين ومستمتعين!!!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
ما لكم يا ناس
وييين إنتو؟؟
إنشاء الله خير
قلت ليكم العصيدة بتاعت محمد صديق ما نجيضة
اتجاهلتوني!!!!
قلت ليكم الناس كترت عليهو
قلتو ما ممكن!!!
قلت ليكم بطريقتكم دي الزول دا حا يرحل
قلتو مستحيل
قال جاييكم بداية الأسبوع
قلتو منتظرين
طيب غيابو طال لييييييه؟؟؟؟؟
أنا ما بتاع شمارات
لكن قال ليكم أنا رحلت
و العفش في الحوش مجدع
و الأسبوع دا يمكن ما يجييكم
عندو مشكلة في اللابتوب
و حا يوديهو اليابان في اليومين الجايات
الكيبل بتاع كنار في البحر الأحمر فيهو عطل
الكهرباء في السودان مذبذبه
إستعداد في البوليس 100%
السخانة بين الكرعين و الراس
و في النهاية قال ليكم جاييكم بي روااااقة
و الله مشتاقين أقصد منتظرين جيتك
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: إنتو الجمعية التأسيسية دي مدة إنعقادها كم؟؟؟؟
عرفنا الأعضاء بفتشو في مداخلاتهم وكمان........
لكن رئيس المجلس زاتو يفتش في .........؟؟؟؟؟
دي المحيرني يا ريس!!!! |
عارف يا أخوي جلا أنا لقيت واحد دخل
حوشنا بدون أحم ولا دستور قمت شلت سيفي
وإتحديتو بس طريقتي ما عجبت الهكر قام شال
المداخلا اللونها بمبي وذهبت في الفضاء الأسفيري
خوفي من وجودها في بيت ناس تانيين يقولوا ليكم زولكم
ده الجابو عندنا شنو أكون مطرود ومش عارف نزلت وين دحين
ما وقت في عينكم، ناس ميرنا وناس مهند في تركيا قالوا عايزين
لونها فإن المداخلات تشابهت علينا ، لونه بمبي وقالوا عند ناس الزناتي
الريس عادل عبدالرحمن مرحب بعودتك وكمان عودة الحبيب عثمان الجيلي ولازم
نسد الفرقة بتاعة رشيد القوم .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
انفلونزا الذنوب
معلومات عن هذا المرض ؟؟؟؟؟
هذا المرض اشد خطراً,واكثر فتكاً,لانه لايضر الجسد فقط,بل يضر
الجسد والروح والعقل والقلب,ولانه لا يتعلق باالدنيا فقط بل يتعلق
باالدنيا والاخره !!!
مصير صاحب هذا المرض ؟؟؟؟؟
الهلاك وموت القلوب معنويا !!!
رأيت الذنوب تميت القلوب , , , ويورث الذل ادمانها
وترك الذنوب حياة القلوب , , , وخير لنفسك عصيانها
مكان المرض ؟؟؟؟؟
القلب ثم ينتقل الى الجوارح !!!
قال رسول الله صلى الله عليه وسلم " ألا وانه في الجسد مضغه..
اذا صلحت صلح الجسد كله..واذا فسدت فسد الجسد كله
ألا وهي القلب "
اسباب المرض ؟؟؟؟؟
1: مجالسة او مصادقة اصحاب هذا المرض
قال رسول الله صلى الله عليه وسلم ( المرء على دين خليله )
2: نقص في جهاز المناعه الروحيه للانسان ,,القلب
3: البعد عن طاعة الله وذكره
4: اتباع الهوى والنفس والشيطان
5: الانغماس في الدنيا وملذاتها وشهواتها
6: سماع الاغاني, والاعراض عن سماع وتلاوة القرآن
اعراض المرض ؟؟؟؟؟
.ظلمه في الوجه, وهن في البدن، قسوه في القلب وضيق في الصدر,
ضيق في الرزق, شتات الامر, هم لاينقطع, انصراف عن التفكير في
الاخره, وقوف على متاع الحياة الدنيا
طرق الوقايه والعلاج من هذا المرض ؟؟؟؟؟
1: التوبه والاقلاع عن كل ذنب
2: اخذ جرعات منتظمه في مواعيد محدده خمس مرات يوميا بإتقان
وخشوع وتدبر ..الصلوات الخمس
3: اخذ جرعات منشطه من كتاب الله يوميا
4: الصيام في حدود السنه
5: الاتعاظ بموت السابقين
التحصينات ؟؟؟؟؟
1: جرعه منتظمه يوميا( اذكار الصباح والمساء )
2: مصل واقي، قراءة آية الكرسي والمعوذتين يوميا،وحبذا
قراءة (قل هو الله احد) كثيرا
3: الاستغفار والتوبه النصوح
اثار انفلونزا الذنوب على المجتمع ؟؟؟؟؟
1: هدم الافراد
2: هدم الاسره
3: هدم المجتمع
4: القضاء على القيم والاخلاق
..
الوقايه خير من العلاج .......,
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
يا جماعة والله انا معهكر لي يومين
وقلبي في يدي يقوم الهكر دا يتلوم مع الناس
لكن الحمد لله مرت سليمة
متابعين يا الرشيد الإجازة الجميلة
ومزيد من الصور ، وما عايزين نشغلك من
الإجازة لكن صورة كل مرة ما بطالة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
قالوا في الرجل والمرأة
إن المرأة لم تخلق من رأس الرجل لكي تتعالى عليه
ولم تخلق من رجله لكي يحتقرها
وإنما خلقت من ظلعه لتكون تحت جناحه فيحميها
و قريبه من قلبه فيحبها .
إذا تبلد قلب الرجل بالهموم انزاحت سحب الظلام بظهور المرأة
إذا أحبت المرأة ضحت بنفسها من أجل قلبها .. وإذا كرهت ضحت بغيرها
المرأة أكثر تضحية من أي شخص في الأرض إن أحبت .
إذا كانت المرأة الجميلة جوهرة .. فالمرأة الفاضلة كنز
المرأة تكتم الحب أربعين سنة ولا تكتم البغض ساعة واحدة
اكبر لص تحت قبة السماء هو الجمال الكامن في عين المرأة
كل فلسفة الرجال لا تعادل واحدة من عواطف المرأة .
دموع المرأة طوفان يغرق فيه أمهر السباحين
دموع المرأة أكبر نفوذاً من القوانين
تعرف المرأة الطيبة مما تفعل ،، ويعرف الرجل الطيب مما لا يفعل
المرأة أقدر على حفظ سرها من سر غيرها
المرأة أعدى أعداء المرأة
بيت بلا امرأة كجسد بلا روح
المرأة هي سر من أسرار الحياة لا يعرف كنهها سوى الخالق...,,,,,....,,,,؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: adil rahman)
|
يا عادل كيف أخبارك
والله مشغوليات وجري السودات الذي لا حدود له
بعدين جلا دا متفسح لمن يكون في الأقاليم لسببين
1/ بعده عن سيطرة الحكومة المحلية .
2/ الزمن في الأقاليم مبروك وطويل
بس لمن يجي الخرطوم قاعد يتأدب ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
الساعة الآن تقترب من الثانية صباحا ..
اقتحام مفاجىء للبوست .. وكالعادة .. لا يوجد مرابطون ..!!
دلفت للموقع العام فوجدت البوست يوشك ان يسقط للصفحة الثانية
فرأيت ان ادفعه لأعلى بمداخلة مثل فرفرة المذبوح ..
أى من غير موضوع ..!
سعدنا بشروعك فى الاقتحام والاحتلال يا عادل .. وننتظر ..!!
الشيد .. الليلى مارقها بى وين ؟؟
تشغيل اكواد الأغانى وقف تانى .. بكره تلقوا جبريلا حايم بى جاى ..!
.. تصبحوا على خير ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
سلام من الله و رحمة منه وبركاته
وصباحكم صافي و جميل
وجدت وصفة طبية لجعل الحياة أفضل
وسأتناول في كل مرة 10 وصفات يومية
ونبدأ
1- خصص من وقتك 10 الى 30 دقيقه للمشــي . . و أنت مبتسم
2- أجلس صامتاُ لــمدة 10 دقائـــق يـــومياُ
3- خصص لنومك 7 ساعات يوميا
4- عش حياتك بــثلاث أشياء : (( الطاقة + الحماس + العاطفه ))
5- إلعب ألعاب مسلية يوميا
6- أقرأ كتب أكثر من التي قرأتها سنة 2007
7- خصص وقتا للغذاء الروحي : (( صـــلاة ,, تسبيــح , , , , ))
8- أقض بعض الوقت مع أشخاص أعمارهم تجاوزت الـ 70 سبعين عام ,, و آخرين أعمارهم أقل من 6 أعوام
9- أحلم أكثر خــلال يقظتك
10- أكــــثر من تناول الأغذيه الطبيعيه ,, و أقتصد من الأغذية المعلبه
الوصفة الثامنة
ممكن تقضي بعض الوقت مع الريس ميسرة
أحبكم يا ناس
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
يا ريس
برضو قالو عن المرأة
قال سقراط لأحد تلاميذه:
تزوج يابني .. فإنك إن رزقت بإمرأة صالحة .. أصبحت أسعد مخلوق على وجه الأرض
وإذا كانت شريرة.. صرت فيلسوفآ
من غير ذكر أسماء
الحمد لله لغاية الآن ما شفت واحد فيكم فيلسوفاً
جلال هس حتقول جلا زاغ بالدو
ً
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
أسرة زقازيق الداخل
تقدم لكم الدعوة لحضور زواج شقيقي
القيدومة يوم الأربعاء الموافق 8/7/2009
الزفاف يوم الخميس الموافق 9/7/2009
تخيل زول يضرب ليك
ويقول ليك الكلام الفوق دا
ويطلع سامي عبد الوهاب
طوالي إتخيلت الكفيل معزوم معاهو في السودان
لأنو صحبة راكب
غايتو كنا محضرين إنو نستقبل الرشيد
بي حلاقة جديدة
و عطر باريسي من انجلترا
المهم باين الدعوة دي
حا تحرق الحاجات الخاتنها لي الرشيد
لكن عندي سؤال محرقني
إنتو الزول لمن يقول داير ينزل السودان
مش بيرتب حاجاته زي الرشيد ويستأذن ناس الحوش
وكمان كبيرهم
وبعدين يغشى ليهو أي بلد قبل السودان؟؟؟
ولا يجي ناطي طوالي كدا!!!
لا إحم ولا دستور
برغم إنكم شُتر
لكن بحبكم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
صباح الخير يا وجوه الخير
مساء الفل ونهاركم سعيد
كان لنا زميل دراسة مشاغب وزميلي
في المظاهرات فترة المرحلة المتوسطة
وفي إحدى المرات حضر إلى مكتب المدرسين
وقال لهم نهاركم سعيد ،،، الغريب تم جلده
أمام كل الطلاب ،، هل لكم معنى آخر لهذه
العبارة خلاف المعنى الظاهر لها حتى أقوم بسحبها
من المداخله الحالية.
أتقدم بشكوى لكم جميعاً ضداً أخونا عبدالدائم ديدو
لقد كان مرابطاً على طول في هذا البوست ولكنه أصبح
بخيل وحرمنا من لسعاته وخفة دمه ،، وقالوا الأسد كان
كبر بيصبح ملطشه للقرود ،،، يا ديدو وجودك في البوست
منعش لنا وقفشاتك الظريفه جعلتك فاكهة هذا البوست ،، عود
بنفس القوة وإنت ماشاء الله ما زلت يانع.
الأخوان محمد عيد وجلا والمرابطين على ثغور البوست الله يديكم
العافية ويرجع ليكم رشيد القوم بالسلامة بعدما يصل عند ناس الزناتي
ومحمد صديق .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
يا ريس ميسرة والله ضحكت بصوت عالي علي صاحبك الخفيف ولفيف دا
وطبعاً عبارات زي دي في محلات كتيرة في السودان بيشوفوها قلة أدب
زي نهاركم سعيد ، وصباح الخير ، وتصبحوا علي خير وما إليه ...
وطبعاًُ ما فيها شئ وعادي لكن بتاع الأسد فيها حاجات وممكن ترجع لعبد الدائم
بالتلفون يوريك أصل المثل ... وبالمناسبة انا الليلة حا أتصل بيهو لأنو فاقدنه بشدة
ويا ريس وعموم الجداب وناس مكة والمدينة مبارك جادين في طريقه لكم عصر الغد لأداء شعائر
العمرة وقد زودناه ببعض التلفونات وابقوا عشرة ....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
احلى ناس , مشتاقين
انا جدا سعيد بعودة زهير الزناتى للكتابة والمشاركة
زهير عنده طريقة تلغرافية جميلة وبديعة وكمان فى المليان
بيخش فى الموضوع طوالى ويديك المفيد
على طريقة المراسلين المحكومين بى زمن , ارتباط يعنى وحجز بتاع اقمار صناعية
مذيع الربط يقول ليهو و فى اقل من نص دقيقة يا زهير
ورينا رأيك فى كده وفى كده
يديك صورة عديل
زهير جابنا دخلنا الحوش , وطش هو , ما رجع الا مؤخرا
نحن دائما منتظرين تلغرافاتك دى يا حبيب
انا والله مارى بحالة (ارتجاج بيولوجى )
ما تسألونى يعنى شنو , انا ذاتى ما عارف
لسه قاعد امشى الشغل الصباح
بعد مرات بلقى ناس احمد لسه صاحين
من بلى استيشن لى فضائيات لى انترنت
طيب يا جماعة انا ما لسه شغاااال , اعمل شنو مع الحالة الأرتجاجية دى
واحد من حلين , اما أأجز معاهم , ولا كمان لمن ارجع من الشغل يكونوا مصحصحين يا دوب
وكمان عايزين منى برنامج
وانا الوكت داك , بطاريتى يادوبك احتمال يكون فيها شخيط واحد
اقول ليهم اخش ليكم فى (الشاحن ) بتاعى وارجع ليكم بعد الفاصل
اى نعم بيأخدوا ليهم ضحكة , لكن للأمانة ضحكهم دة لى شنو , انا ما عارف
مش قلت ليكم , ارتجاج بيولوجى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
Quote: ويا ريس وعموم الجداب وناس مكة والمدينة مبارك
جادين في طريقه لكم عصر الغد لأداء شعائر
العمرة وقد زودناه ببعض التلفونات وابقوا عشرة .... |
مرحب تين حبابك اليوم السعيد الليله جابك
يا مبارك جادين ولو تبرمج معانا نستقبلكم في المطار
ونشيل يا فطات زي بتاعة إسوان ونكتب الإتحاد الخاص
لناس الزقازيق ،،، بالله ما تعمل زي واحد صاحبنا حضر إلى
مكة والمدينة ورجع إلى الرياض وطنش وأنحنا مشتهين نشوفوا
وأول حرف منه (جلا) والحرف الأخير (ل)،،،،، رقم هاتفي 0508606055
ولا تحرمنا من شوفتك .
زهير يا زناتي أقوم أتصل بصاحبك داك وأشوف معنى المثل بتاع القرود
في إنتظار باقي صور السوق الخيري ، وبعدين أنا ما فاهم حاجة بخصوص
زواج أخو سامي عبدالوهاب ولا سامي نفسه ولا الحاصل شنو ؟؟؟؟
أخي منصور لازم نتحمل الإجازة لأن المعادلات كلها ح تطلع غلط حتى 1 في 2 تساوي 3
في زمن الإجازة وأنا شايل هم يوم الأحد القادم آخر ورقة إمتحان وربك يستر من إرتجاج
بيولوجي إلى إرتداد بيولوجي.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: يا ريس دي فاتن فضل السكرتير المالي لاتحاد خريجي مصر
وخريجة كلية التجارة الزقازيق |
يا زهير ما معقول تكون دي فاتن أتذكر زميلتنا فاتن فضل
كلية التجارة كانت بنت نحيفه ولابسه موضه والشعر آفرو
عجيب والله الزمن يعني لو قابلتني ما كنت ح أعرفها ،، ولكن
هي إنسانه آكتف جداً ونشيطه وبدليل إنها ما زالت في هذا الإبداع
الخاص بخريجي مصر ونحمد الله دي بنتنا بنت ناس الزقازيق كلية التجارة
لكي منا ألف تحية يا أخت فاتن ونتمنى أن نلتقيك عند زيارتنا إلى السودان
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
مساكم الله بالخير أهلي
أربعة أيام ليست كافية للحكم على بلد بحجم تركيا رغم الخلفية التاريخية التي أعرفها عنها...فهي
بلد أسرتني بجمال طبيعتها فيما أستطعت أن أراه منها حتى الآن...بلد تسعى بكل ما تستطيع من قوة لأن
تنضم الى الاتحاد الأوربي لتحقيق مكاسب اقتصادية...و أوربا تخشى من أن تأسلمها تركيا...فالأذان في
استانبول ينطلق من مآذنها خمس مرات في حين انه في بلاد عربية عدة منع الأذان وفي أخرى ترك الأذان
و منعت الاقامة...أستانبول منحرفة جدا في الليل و ملتزمة بالنهار...عدد المحجبات يفوق غيرهم...
و أكثر ما لفت نظري ان الأتراك يخشون من العين و الحسد...فالعين الزرقاء التي يعتقدون أنها تمنع
العين والحسد تباع كتذكارات عدة و في أشكال مختلفة...و تكاد تجدها في كل عربية وفي كل مكان...
أما الليل في استانبول....فهو مثل ليل القاهرة...استانبول لا تنام...ليلها كنهارها...و لولا ازعاج
متطفلي الليل و أهل الهوى فهو أجمل ما يكون...الجو رائع و محلات الطعام تعمل حتى الصباح والمشي
فيها ممتع...و لكنه غير آمن....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
يعنى متابع و مستمتع حقت عصام دهب براهو
متابع صور الرشيد وحكاوى عيد ولفتات منصور
وجلا عاوز اسألك سؤال انت بتسافر عبر مدن السودان بشنو
لانى بحس انك راكب فى بوكس دبل كابينة وقاعد تكتب ومرات مرات تعاين
بالشباك وتسأل السواق نحن وييييين ..... ويا بختك الجو ( ممطر )
انا كنت حالف ما ارجع الا يرجع موسى عيسى ،،،، تضامن وكدا ....
اها مبارك جادين و حرمه حيصلوا اليوم الساعة 6 بالسعودية
انا حامشى ليهو المطار العاوز يجى معاى يرفع ايدو ...
زهير عاوز تدردقنى فى الكلام مش كده ... صباحك آآآشطة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
Quote: اها مبارك جادين و حرمه حيصلوا اليوم الساعة 6 بالسعودية
انا حامشى ليهو المطار العاوز يجى معاى يرفع ايدو ... |
أستاذ ،،، أستاذ أنا أنا اليوم الساعة 6مساء في مطار جده
مين يزود.
قالوا العقيده كالأساس والعمل كالسقف ، فالسقف إذا وجد
اساساً ثبت عليه وإن لم يجد أساساً إنهار .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
مبارك جادين يستاهل يركبوا ليهو من الرياض لى جده
عشان يستقبلوهو
لكن طالما الشغلة دخل فيها ديدو ومعاهو الريس شخصيا
فالشغلة اتأمنت تب , ونحن معاكم بالتلفون على الأقل
مرحب بمبارك جادين بين ظهرانينا , وناس جده , دى مناسبة ما بتتعوض لى قعدة بحر كاربة
اما انت يا الرشيد ود بابكر
فالله يجازيك , كان قومت نفسنا وشحتفت رويحتنا
عارف لمن تقطع خط المترو قصاد مسجد السلطان احمد
من المحطة ذاتها
على يدك اليمين بتلقى محل بتاع اناتيك وادوات موسيقية
اعواد وجيتارات وطبل والذى منه
قدامه شوية كده فى كشك صغير
فيهو حلاة دين سندوتشات
وجنبه واحد بتاع بقلاوة وهريسة تركية
شى بالقشطة وشى بالمكسرات
ادى منه امنية ومهند
انت ونجاة
عليكم الله اكان اكلتو منها
انعل ابو الأجازات ذاتو
انا حا اشوف احمد ولدى الليلة يدينى حصة بتاعت تنزيل صور
الواحد لا يأجز !!, لا ينزل صور
ادهشتنى صورة الزميلة فاتن فضل يا زهير واعادتنى لزمن جميل
كانت ملء السمع والبصر , نشاطا وحيوية وتفاعلا
تحياتنا ليها ,ويديها العافية
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
جاء ادروب الى الخرطوم مهاجرا بعد ان ضاق به الحال , توفق توفيقا شديدا وفتح بقالة مينى
ماركت فى احد المجمعات التجارية والحكاية مشت وفتحت معاهو فتحة شديدة لدرجة انو قرر يسافر عمرة
(زى مبارك جادين الأنا من قبيل بدقدق فى تلفون ديدو الما عايز يرد ده ) , كانت مشكلة ادروب الكبرى
اليمسك ليهو المينى ماركت (الوارى ) ده منو لغاية ما يمشى يعمر ويشم ليهو هواء ويجى ؟؟ احسن حل كان
انه يجيب ليهو ادروب جديد لنج من عندياتهم , لأنو لو جاب ادروب قديم وناقش ممكن يرجع يلقى محله اتلحس
, فعلا رسل لى حامد تأشيرة عشان يجى الخرطوم , الراجل ما قصر تانى يوم كان فى الميناء البرى , الراجل
كرت جديد ولسه بى (سيلوفانته ) , من الورقة يعنى , ادروب قال يديهو كم حصة عشان بس يقدر يمشى الأمور
مسافة مشوار العمرة ده , حامد اول حاجة استغرب كيفن ادروب صاحبه وقريبه الما بيغباهو , عمل ده كله
فى الفترة الوجيزة دى , السؤال ده عمل لى حامد (حسكنة فى راسه ) ولف بيهو صينية , لكن برضو مافى اجابة
مقنعة للحاصل , كل يوم ادروب يدى حامد حصة جديدة لمن عربية البيبسى تجى ولمن عربية الأيسكريم واللحمة والسجوق
واللبن والزبادى , ده كلو ما اقنع ليك حامد لكنه عمل فيها فاهم وقال لى ادروب خلاص بعد ده انت اتوكل والمينى ماركت فى
الحفظ والصون , الشغل الشاغل بتاع حامد بقى يعرف سر النعمة النزلت على قريبه ادروب فى الفترة الجاها الخرطوم دى
يا ربى مخاوى ؟؟ولا عنده سفلى ؟؟ولا فى زول بيجى يرش عليهو دولاارات وهو نائم , هسى يعنى ادروب ده عايز يقنعنى
انه الهلمة دى كلها من شوية البيبسى والزبادى والحليب واللحمة المفرومة دى ؟؟!!ياخى عايزين تدقسوا منو ؟؟
تلقوها عند الغافل , هكذا اشتغل الوسواس مع حامد
الى ان جاء يوم , والدنيا حر , سخانة شديدة , الكهرباء قاطعة ومولدات الكهرباء فى المجمع ورر ورررر , ما تديك الدرب
وتصم ليك اضانك , وقفت ليك قدام المينى ماركت بتاع ادروب (الذى يشرف عليه حامد بالوكالة الآن ) , هامر صفراء تقول ياليل
كشافات شنو , ومكيفات شنو ؟؟وصوت ندى القلعة واصل لى آخر الشارع , نزل ليك منها زول اول حاجة وصلت منه الريحة
بتاعتو , خليط من عطور الدنيا كلها , لا تقول لى ارامس ديفن (يا حليلك يا رفعت نور الدين ) , لا تقول لى هنتر , ولا
باكو ربان , ولا سايلنس , خليط من ده كلو , شيتا بنعرفه , وشيتا لا بنعرفه لا سمعنا بيهو ولا كمان جابو لينا , الراجل
فتحته لى باب الهمر كده الناس والخلق كلها عرفته جاى لى دكان ادروب
ادروب وين ؟؟
قال صاحب الهمر مستغربا عندما وجد حامد امامه
والله ادروب سافر عمرة وراجع قريب
استدار الرجل عائدا الى سيارته بسرعة تختلف تماما عن سرعته التى نزل بها من العربية اولا
عندما اكمل حامد تأمله فى هندام الرجل , الجلابية السكروتة , العمة الما خمج , الشال البيقول
يا غربتى , خلاف زحمة العطور التى اطبقت على المكان , كان صاحبنا قد اكمل جلسته خلق المقود وشرع
فى اغلاق باب السيارة التى هى (براها ) حكاية ورواية )
طيب الراجل ده لمن يرجع , نقول ليهو منو ؟؟
سأل حامد مستدركا ومتلعثما ومتاكدا , ان اول خيوط سر ادروب قد بدأت فى الظهور
قول ليهو (قريب الله )
انا ذاتى (قلت كده )
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
أكتبي يا خديجه ، كمل يا منصور
حكاية أدروب وأخونا حامد وعربية الهمر
أنحنا بقينا من المراقبين طول الليل.
قامت لجنة الإستقبال والتسفير والمرابطة دوماً
بمطار الملك فهد بمدينة جدا بإستقبال مبارك جادين
وحرمه ، وشعور لا يوصف حين تقابل شخص فارقته قبل أكثر
من عشرين سنة ناس من ذلك الزمن الجميل ، تقابلنا مع مبارك
ومعي عبدالدائم ديدو وتركناهم ليأخذو اليوم قسط من الراحة وسوف
نهاجمهم يوم غداً لوضع البرنامج .
رحبوا معي بضيوف الرحمن وضيوفنا مبارك جادين والسيده المصون حرمه
وغداً ننشر صور الإستقبال بالمطار وجمعتنا الصدفة مع زميل زقازيقي خريج
كلية التجارة , هذا الزميل كنت أقابله كل يوم جمعة مكان شراء الكسرة وحكي
لي حكايته لأني لم أعرفه ولكن شبهته وفي المطار سلم علينا وقال لصاحبكم عبدالدائم
إنت ما كنت في كلية تربية وقال لمبارك إنت مش كنت في كلية العلوم ، بس الرجل تغيير
ولا يمكن أن يتعرف عليه أحد وفاق مايكل جاكسون في تغيير الشكل وتعارفوا الشباب معه وبتادلوا
الهواتف وبعدين قلت لأخونا ديدو إنت الراجل ده بيكون خريجة سنة كم ، عبدالدائم قال لي يكون دفعتكم
ما شايف الراجل كبير كيف ،قلت ليهو يا خي يكون ديل ناس دستور 76 أنحنا لمن كنا برالمة هباني كان رئيس إتحا الزول ده قديم شديد وبكل حياء سألناه يا خي إنت إتخرجت من تجارة سنة كام قال عام 1988م
يعني دفعت ناس ياسر نجيلة ومحي الدين دفعت عام 1984 سألناه طيب إليه إلى غيرك لهذه الدرجة قال لنا إنه في عام 2001م عاش في غيبوبة لمده شهر وكان شبه ميت ،، غداً ظهراً نكمل القصة وننزل الصور .
وصلت أهلا ونزلت سهلاً أخونا مبارك جادين
فرع لجنة إتحاد ناس الزقازيق أجدع ناس فرع جدة طرف المطار وبالمناسبة الجماعة في شقة الإستقبال ولو كنتم شطار إكتشفوا مكان الشقة والكلام ده لناس الجبهه والإتحادين وناس الأمة أنحنا مقلبناكم .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
قطر الخميس الفات ************* الليله جلا يا حليله
ود أمي الكتاب **************** الليله جلا يا حليله
البوست حزين ******************* الليله جلا يا حليله
وينك يا الأمين ****************** الليله جلا يا حليله
المداخلة دي علشان أخونا جلا لغيابة الغير متوقع في البوست يوم
واحد وتاهة القضية ويا ربي بيكون وين في كريمي ولا بورتسودان ولا
في الأبيض ،،، محمد صديق أفقدوا لينا الزول ده ما متعود يغيب إلا
للشديد القوي .
حتى سفر مبارك جادين ما طلعوا على السطح ، ربنا يكضب الشينة ما يكون
قطعوا منهم النيت ، محمد عيد الساعة واحد إلا تلت يا أخوي أنا ماشي أنوم
وبعدين إستلم مني الوردية لأن منصور سلمني ليها وأنا كمان بسلمها ليك ونشوفكم
بكره ظهراً ونكمل قصة ود الزقازيق بتاعة كلية التجارة القام بعاتي بعد أن تم إعتماده
من الأموات .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
| Quote: رشيد .. تحياتى لك وللاولاد .. الصور جميلة واجمل ما فيها انها بتزيد مغصة منصور ..!! |
محمد عيد الحبيب...لك التحية والشكر...ان شاء الله الاجازة الجاية نكون صحبة أنا و انت ومنصور ومع أسرنا طبعا...يقوم الكلام ده يتسرب كمان يقومو يفتكروها مؤامرة مدبرة...
| Quote: يا الرشيد هل من مزيد؟ |
يل ريس تبقى لنا يومان في استانبول لنواصل البث من الخرطوم ان شاء الله...باقي الصور و ما سيأتي
من صور من الخرطوم سيتم انزالها تباعا....
زهير الزناتي....ظبط الشنب كان واقف ولا قاعد أنا جاي يوم السبت ان شاء الله...
Quote: انت ونجاة
عليكم الله اكان اكلتو منها
|
و الله يا منص المحلات القلتها دي عذبتني عذاب...كل ما أقرب أدخل أشوف ليك الكرش ناطه لي بره أقول
مافي داعي...و نجاة ذاته ما بتريح مرات أكون خلاص أنا والقون تتدخل نجاة في آخر لحظة تطلع الكورة
بره...تقول لي انت نفسك الأمارة بالسوء دي...يا اخوانا دي محن شنو...انا الحمد لله لا سكري ولا ضغط
يعني كان أكلت شوية كنافة ولا بقلاوة فيها شنو...جكة جكتين بيجيبو الفرق...لكن يوم بمرق برااااااي
و بمتع نفسي بالدهشة....
| Quote: صور جميلة أستمتعوا تمام بالرحلة أنسوا على الأقل روتين العمل الممل وحرارة الأجواء الخليجية تحياتي للأخت نجاة وأمنية ومهند |
عادل يديك العافية...و الله يا اخي فعلا العمل بالخليج محتاج لاجازة على الأقل شهر تعمل فيها اعادة شحن
للمعنويات..و تقرب من عيالك شوية...و فوق هذا وذاك تمتنع عن سواقة العربية و تطلع من التكييف الصناعي الذي يسبب الكثير من الأمراض...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
يا ريس انت ماشي تنوم و أنا صااااااااااحي....ما تقول فرق الوقت ولا حاجة الوقت هنا زي عندكم في السعودية...الفرق الوحيد أنا بكره ما عندي شغل و حأنووووووم حتى يتعب السرير و يقول لي قوم خلاص كفاك انت جاي سياحة ولا انبراشة....
وبعدين عجبتني والله وسرت بالي حكاية استقبالكم لي مبارك جادين...و اتمنيت لو كنتو مقيمين باستانبول كان وفرنا لينا 200 دولار على الأقل...يديكم العافية والتحية لمبارك جادين و ان شاء الله عمرة مبروكة ومتقبلة وقول ليهو ما تنسانا من صالح الدعاء...
يا منص والله قصة أدروب دي بالغت فيها...يخرب مطنك...الغريبة انها جديده لنج بالنسبة لي ودي ما قاعدة تحصل كتير معاي...أنا حسة بقيت اضحك في نكات معادة...لكن دي جديدة و الله...
لكن انت سمعت بتاعت الأدروبات الاشتغلوا رباطية...بيقطعوا الطريق....
انت عارف أيام صبرا و شاتيلا و حصار بيروت..تم تهجير أخوانا الفلسطين لعدة عربية منهم السودان فقام نميري الله يرحمة وداهم ليك أركويت في الشرق عشان الجو بارد....فاتنين من الأدروبات ديل الدنيا ضاقت ليك بيهم قالو يشتغلوا همباته...فلبدو ليك في الطريق...كان أول ضحية واحد فلسطيني عندو حزام أسود في الكونفو...قالو ليهو يا زول أقيف عندك...جيب قروش...طلع كل العندك...الفلسطيني طار ليك في الهواء و ضربهم ليك ضرب شديد....يطير في الهواء و يصرخ ييييييياه...كسرهم ليك كسر شديد...الجماعة
جروا جري لحدي وصلوا حلتهم و نفسهم قايم و الناس يسألوا فيهم مالكم في شنو...واحد قال ضربنا ضرب
شديد و الله...منو هو ده الضربكم...و الله ما تعرف كان ما الله شيطان عديييييييييييل كده....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
الرشيد كيفنك ياخي والوليدات وامهم
الصور حلوة شديد
شهيتنا نمشي اسبوع هناك
بالله اندينا خريطة طريق
يعني البلد كيف رخيصة غالية
وتكلفة اسبوع كم تقريبا
وفي نفس الظروف (ولد وبت وامهم وابوهم)
بالله دايرين تقرير ما يخرش المية
رحلة سعيدة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
على ارتفاع 1600 متر و ليس قدم فوق سطح البحر...الضباب الذي يظهر في خلفية الصورة كان ما أخاف الكضب سحاب عديل كده...درجة الجرارة منخفضة جدا وكان مقلب كبير عندما لبست قميص نص كم...
هذه الصورة في جزيرة تعرف بجزيرة الأميرات...و هي جزيرة غاية في الروعة والتحرك داخل الجزيرة بالحنطور و الدراجات الهوائية....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
طارق جبريل وينك يا زول... ان شاء الله طيب وغيابك غياب عافية
أفضل طريقة لزيارة تركيا هي أن تقوم بترتيب زيارتك عبر مكاتب سياحية أو شركات طيران...حيث تكون عارف البيك والعليك قبل أن تتحرك من بلدك...و هذا ما فعلته أنا بالظبط...فلقد قمت بجز التذاكر الطيران والفندق ورحلة سياحية ونقل من والى المطار من مكتب سفر و سياحة بأبوظبي....ثم قمت باضافة رجلات أخرى بالتنسيق مع نفس الوكيل باستانبول وكانت مكلفة جدا حيث تكلف الرحلة للأماكن خارج استانبول لأماكن مثل بورصة 120 دولار للفرد والأطفال دون العاشرة الاثنين بواحد...وتشتمل الرحلة على طواف للأماكن السياحية مع وجبة الغداء..أما الرحلات داخل استانبول و التي تشمل المتاحف و المساجد و الأسواق فتكلف 80 دولار للفرد...و هذه أعتقد لا حاجة لها فبامكانك القيام بذلك بنفسك دون حاجة الى دليل...فستجد الدليل في الفندق أو في أي مكان و ما عليك الا الذهاب بأي وسيلة من وسائل النقل والتي هي متوفرة وعلى مدار الساعة....
الفنادق ستجد أسعارها على النت و هي تبدأ من 90يورو ولكني أنصحك بالفنادق الأربعة نجوم فما فوق...
التنقل بالتاكسي أو المترو أو البصات سهل جدا....المشي صعب جدا الا في بعض الشوراع وذلك للطبيعة الجبلية للمدينة...
الدولار يساوي 1.5 ليرة تركية...التاكسي من منطقة الوسط للأماكن المعروفة يكلفك بين 5-10 ليرة...
التسوق جيد وتشتهر تركيا بالملبوسات القطنية الجيدة و الأناتيك و المشغولات الفضية و الذهبية...
الأتراك في رأي الشخصي لطيفين و رغم عدم اجادتهم للغة الانجليزية الا أنه يسهل التفاهم جدا معهم
شوية انجليزي و سوية عربي وشوية اشارة بيمشي الحال...
هذه بعض المعلومات وعلى استعداد للمزيد....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
طيب ....
اولا" نديكم تلفون مبارك جادين 0544118193
ومن خارج السعودية 00966544118193
ويا ريس مطار جده اسمو ( مطار الملك عبدالعزيز ) فى دى دقست
ودقستك الكبيرة الشقة الانت وديت فيها مبارك الجماعة عرفوها
وسبقوك ووصولو ليهو ، انا خوفى الزول اللاقينهو صدفة ده يكون ( عميل )
بس ما اخطر من سيف النصر ....
يا ناس تجارة دفعة 88م الشخص القابلناهو بالصدفة اسمو عوض الكريم عثمان
والصور جايه ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
ناس الحوش
سلام
التحية و التجلة
إنت يا ريس مش قلت مارس شهر الكوراث؟؟
مايو شهر الإمتحانات!!!!
نحن يوليو بتاعنا شهر التعب و الملاح الكعب
برغم إنو عاهدت نفسي ( و النفس أمارة بالكتابة في البوست) على أن لا أغيب عن ثلاثة مداخلات
إلا أنني خجلت لنفسي من نفسي
فلي العتبى من بعد ومن قبل
أهنئ الأخ مبارك و حرمه المصون بوصولهم بالسلامة
و أتمنى أن يقضوا معكم أجمل الأوقات في البلاد الطاهرة
و المحيرني!!!
الأستقبال الزاهي....
و الإعلام عبر القارات
و الحفاوة بالمسكرات
مبارك جادين جاييكم عمرة يا جماعة
اتخيلت لو جاكم في موسم الحج حتعملو خيمة الزقازيق لهذا الفتى الأبنوسي
أحبكم بطعم ولون القرفة و القرنفل
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
مبارك جادين لدى وصولة مطار الملك عبدالعزيز بجده
صورة تجمعنا مع مبارك جادين ومعنا زملينا عوض الكريم عثمان يا ناس تجارة
مبارك وعوض الكريم ونظرة إعجاب أو ذكريات
أخونا عوض الكريم والذي تم إعتقاده بأنه هالك لا محاله في عام 2001 ولكنه الحمد
لله تعافي ورجع للحياه بعد غيبوبة دامت شهر كامل والمدهش بعد أن عاد إلى الدنيا لم
يستطيع أن يمشي وبدأت الحياه من جديد واحده واحده حتى تعلم المشي من جديد
يا شباب جده برنامج أخونا مبارك اليوم إلى مكة للعمرة ولمدة يومين والعودة إلى
جدة ونلتقي معه جميعنا وثم إلى المدينة المنورة والعودة إلى جده والمكوث فيها وثم العودة
إلى مكة والسفر إلى الخرطوم.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
قال ليكم مساهرين في حفلة ناس سامي
العريس ما سامي يا ريس
العريس أخو سامي عبد الوهاب
كنا تلاتة
ود النوق
و ديك
و عتيد
يا عتيد الرماد
نط الحيط بالزانة
تمشي الخانة
تلقى جنابو سيد الخانة
أقصد كنا تلاتة
نادر فاروق
محمد آدم
محمد صديق
ما نطينا حيط لكن خشينا الصيوان عديل
كنا في كامل أناقتنا
و قبل ما نخش ألقينا نظرة على
جلاليبنا و عممنا و مراكيبنا
زول واحد كان لابس بنطلون و قميص
عافنو منو؟؟؟
!!!!!!
إجابتك غلط يا عبد الدائم
استعين بصديق يا محمد عيد
خلاص كضباً كاضب
المهم الشرطة كانت في خدمة الشعب
و الشعب كان محمد آدم
من و إلى البيت بعربية العسكر
يعني يا الرشيد قبل ما تجي السودان قول أنا الشعب
عشان يخدموك يا عم
يتبع........
لو ما داير أجييكم بي روااااقة
أقول شنووووو؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
Quote: وبالتحديد فى عمارة كان يسكنها فى الزمن الذى مضى عبد الدايم الوسخان وعمر كشاح ..!
عموما هناك كتيبة بدأت التحرك نحو الشقة لاقتحامها وتحرير الرهائن
والقوة بقيادة الكولونيل عثمان الجيلى بعد عودته اليوم من مهمة سرية فى ابها وجازان |
معليش المره دي إنكشفت الشقة بس المره الجايه لو جا معاكم
هباني وأدروب وصلاح عبدالمجيد ماح تكتشفها يا محمد عيد والجايات
أكثر من الرايحات.
من ضمن البرامج المقترحه من أخونا محمد عيد للأخ/ مبارك ذهابنا جميعنا
إلى المول مع عائلاتنا والإلتقاء هناك فكرة ممتازة حدي يثني يا شباب
عاد لينا الحبيب المنتظر عاد جلا ويا مرحبا إطلالتك تسرنا وتبهجنا يلا
عايزين نقلب وش الصفحة دي ،،، ما زال رشيد القوم يمدنا بالصور الجميلة
حتى خلت بأني قد زرت تركيا ولكثرة المعلومات الغزيرة ويلا واصل قبل الدخول
في عصيدة ناس الكمندان.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
و الله أنا سعيد جداً برؤية عوض الكريم
21 سنة لم نلتقي
ياخ ألف حمد لله على سلامتو
عوض الكريم دائماً ضاحك و باسم
شخص هائ
مسامح
كريم أجواد
أكثر الناس المتضررين من تعليقاتي أيام الزقازيق
و للأسف مرات الواحد يشوت شمال
مع إنو أنا والقون (يعني عيني في ناس موسى عيسى)
أقوم أشوت في ناس عوض الكريم
بالله أسألوهو أن يعفو و يصفح عني يا ريس
و الله دي أحلى المفاجآت
بي كدا يا ما في السعودية ديناصورات باقية
و يا دوبك دي المناظر
Quote: يا شباب جده برنامج أخونا مبارك اليوم إلى مكة للعمرة ولمدة يومين والعودة إلى
جدة ونلتقي معه جميعنا وثم إلى المدينة المنورة والعودة إلى جده والمكوث فيها وثم العودة
إلى مكة والسفر إلى الخرطوم.
|
الرسالة دي لي مبارك جادين
ما في زول يقراها
يا مبارك
عليك الله قول لي الشباب ديل
الحفاوة و الإستقبال والعضة المعزوم ليها دي
دايرين حقها عضم
معليش ما ودعناك من هنا
لكن حنستقبلك
ونحن منتظرين مكرمة السيد الريس
مش يا ريس حتدوهو مكرمة زي بتاعت المريخ!!!!!
وطالما فيها برنامج مقترح من محمد عيد
و ماشين المول
أنا فيها يا جماعة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
سلام يا حلوين
يا ديدو ويا ريس ميسرة و استقبال جادين المصور ده
عمل احترافى ما بينافسكم فيهو الا زهير الزناتى
ابدعتوا والله وقدمتوا مثل حى للجمال والروعة البتمشى على رجلين
لو مشيتوا لى محمد عيد فى المول يانى الجيت ناطى ليكم بى اول طيارة
عرس اخو سامى عبد الوهاب ده يا جلا و مالو ما بتصور ؟؟
ولا انت كيشة زيى فى التكنولوجيا
يا دوبك زول دركسون ساى , اقصد زول كيبورد وبس , الصور يا كافى البلاء من الموبايل ما بنعرف ننزلها
لكن والله الا اتعلم واقدكم , لمن تقولوا لى يا منصور كفاية
اما نصائح الرشيد لطارق ود جبريل واسكيمته العملها لى زيارة تركيا
او اى مكان فى العالم
فأنا من انصار المدرسة التانية
مدرسة اركب الطيارة وانزل فى المطار وادقش الشوارع شوف البيحصل شنو
تلاثة ارباع المتعة والدهشة
فى الروحة والدقيش واكتشاف الأشياء والأماكن
خريطة طريق ممكن
شركات سياحة وحجز مسبق لا
اقغدوا عافية وصحة
وبجبكم ياناس (اكثر من جلا)
فى حب يا اخوانا اكثر من كده؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
يا جلا يمين الله شوت ضفاري وشمال دا لي الليلة ما خليتو
الله يكون في عون الجماعة
عليك الله الجماعة دي ما أخير منها بت الشيخ
وعمره مقبولة يا بركه وماتناسنا من صالح الدعوات بالهداية
وأكيد ناس السعودية حا يبقوا عشرة علي مندوب ناس الزقازيق بالداخل
عبد الدائم وميسرة معاك حرم ما بتجيك عوجة تب
يا ريس ميسرة والله عايز الجد ولا الجنبو
إنت مش عايز كركم والله لو في حاجة ما بعد الكركم (ودي علي وزن ما بعد الحداثة ) تستاهلها
ياخي الراجل قابلك أمبارح بس وبقصته السردتها دي مفروض ما تنسي مية سنة لقدام
إلا يجيك الود الصغير عبد الدائم وينقذك ويوريك الأسم ....
بكل تأكيد بعد المداخلة دي الرشيد حا يكون اجتهد في بلاد الأتراك للبحث عن
علاج جديد بعدما أثبت الكركم فشله الذريع
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
باراك اوباما هو الريئس الرابع والأربعين لأمريكا
امريكا هذه الدولة الحديثة بمقاييس اعمار الدول مر عليها اربعة واربعون ريئسا
من كل الملل والسحن , من كل الطوائف والفرق , من كل الألوان
من كل الديانات , من كل الألوان ,
امريكا دولة المهاجرين , دولة (اللى ماحدش له دعوة بالتانى ) بلغة عادل امام
يتناوب عليها اربعة واربعين ريئس فى عقد اجتماعى فريد ومنتظم
ظالم , نعم
قاسى وعنيف , كمان نعم
لكن السؤال , ماهى الفكرة المحورية التى تجعل الأمريكان يعتزون بدولتهم وبعقدهم الأجتماعى ؟؟
بينما دولة مثل السودان , كادت ان تبلغ (منتصف القرن ) عمرا
لا تزال تجبو ولا تكاد تجد لها موطىء قدم اتفاقا , وحتى انها لاتزال ترزح بين ثنايا تقلبات السلسلة الجهنمية المدمرة
هل يصعب علينا ان نحدد عقدا اجتماعيا نتناوب على رعايته وتطويره والنهوض به والأعتزاز كذلك ؟؟!!
انها فقط فضفضة ساعات الليل الأخيرة
لزول مثلى وجد البوست حاتلا فى قاع الصفحة الأولى
فى حال يشبه حال السودان
فاذا لم نكن قادرين على (حمل ) السودان ورفعه الى (المكانات العليا )
فالحمد لله اننا نستطيع ان نفعل ذلك
على الأقل
مع هذا البوست الحبيب
ان شاء الله الرشيد يكون سافر السودان وما يشوف المداخلة (الزهجانة دى )
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
و الله يا منص توارد خواطر عجيب...تصور جلسنا أنا ونجاة والعيال في ميدان تقسيم و الجو رهيب
جلسنا نودع استانبول...حيث انها آخر ليلة لنا بها...و أخذنا نعقد مقارنة بسيطة و من واقع يوم
واحد هو اليوم...حيث هطلت أمطار اليوم استمرت لمدة 45-60 دقيقة لم أرى مثلها منذ زمن بعيد...
احتمينا منها داخل احدى المحلات الى أن توقفت.. وما ان توقفت ومشينا في الشارع لم أجد نقطة مياة على الشارع ثم ركبنا التاكسي الى مكان آخر و عند وصولنا وجدناه كأن المطر لم ينزل به...فقلت لنجاة
تصوري هذه المطره في الخرطوم لخلعنا الأحذية و كفكفنا البناطلين...ثم تحولت المياه الى مستنقعات وتكاثر البعوض و انتشرت الملارياو النزلات المعوية...
فتساءلنا كم نحتاج لنصل الى ركب الدول المتقدمة...و ما هو مستقبلنا و مستقبل عيالناو أين...و ماذا سيحدث عندما يطلب منا الاماراتيون الرحيل...هذا السؤال طرحته من قبل ولكن تم تجاوزة بسرعة مع سرعة ايقاع البوست...
أما ما هي الفورميولا السحرية التي تحقق الاتفاق و التوافق و الوئام و التآخي...فهذه كنظرية تجدها معلومة و معروفة لدى كل السودانيين..أما كتطبيق و كواقع فنحن بعيدين عنها كل البعد..و لا أقول هم بل أقول نحن...و أقول أنا..فالمسئولية تبدأ مني أنا...فلو توقفت عن الهروب و البحث مصالحي الشخصية و العمل على مصلحه الوطن..من هنا يبدأ التصحيح و التغيير...و لو غيري ترك مصالحة الشخصية و آخرون
لتحولت النظرية الى تطبيق و الواقع المر الى بداية طيبة في الطريق الصحيح...
تصور يا منص لقد زهجت مثلك و كرهت الخوض في مثل هذه المواضيع و قلت خربانة أم بناية قش وطشيت وناوي أطش لي أبعد من كده...و لكن لي بتين...
يا زول سيبك من الزهج و أطلع من دوامة شغل بيت شغل دي بتقصر العمر...وودع قوم سيب الخرطوم...و سافر جوبا...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
سلام والف سلام...
حبابكم عشرة ياناس الحوش...
والف حمدلله علي سلامة اخونا مبارك جادين...
والمعذرة يامبارك لم نكن قي الاستقبال لظروف سفري الي ابها وجازان...
اما إختطافات الريس ال بعمل فيها اللعب مكشوف ياريس ...وما تفتكر القون فاضي...عندنا حارس امين
افضل من حارس زراعة ...ال...لو قلنا اسمو الهواء بقسمو...والحمدلله عندنا باكات بسدو العين...
يله يا شباب عايزين برنامج حافل كده لي مبارك جادين ....يكون حدث ,...عشان تاني الرشيد بابكر بدل يمشي
تركيا يجي الحرم يعمر اول ويلقانا يانا نحن....
مرة اخري مرحب بيك يا مبارك وسط ناس الحوش بجدة
عثمان الجيلي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عثمان الجيلي شيخ محمد)
|
عثمان الجيلي...جيت الحرم وعمرت و زول ساكت استقبلني و لا كشكش لي مافي..و مشيت الرياض وقضيت فيها
أسبوع و كان صاحبي مافي كان في السودان...وبرضو مافي زول هببوا لي...سنة كم ما تسألني عشان شحنة
الكركم لسة ما وصلتني...لكن الكلام قريب ما بعيد يعني بعد سنة ال2000 ...حسة تظهر سنة 200 و لا -200
ينط لي منصور يقول لي انت تحتمس و لا منقرع...
المهم أنا ان شاء الله جاييكم قريب يا ناس جده...يعني الشقة الفيها مبارك جادين دي ما تفكوها...كان
الله سهل ياني المعمر في رمضان...و كان ظبطت معاي ياني الحاجي السنة دي كمان ان شاء الله...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: يا ريس ميسرة والله عايز الجد ولا الجنبو
إنت مش عايز كركم والله لو في حاجة ما بعد الكركم (ودي علي وزن ما بعد الحداثة ) تستاهلها
ياخي الراجل قابلك أمبارح بس وبقصته السردتها دي مفروض ما تنسي مية سنة لقدام
إلا يجيك الود الصغير عبد الدائم وينقذك ويوريك الأسم .... |
مداخلة صباحية من حراسة البوست الليلة في تمام الساعة إثنين إلا تلت صباح الجمعة
منتظرين مداخلات بعض الناس ،، يا زهير الزناتي إنت ما فهمت القصة الزول أنحنا أخدنا
إسمه وسجلناهو على الموبايل بس نعمل شنو مع الملقوف عبدالدائم ده أنا أخذت حق نشر القصة
وعايزأدخل ناس ياسر نجيلة وأولاد دفعته في إمتحان وما حبيت أجيب إسمه الظهر إتصلت على عبدالدائم
كلمته سوف أنزل الصور وعايز أختبر الناس لو تتذكر إسمه فاجأني عبدالدائم قال إنا كتبت إسمه وبوظ
لي التسلسل القصصي بتاعي بالله دي نسميها شنو؟
يا رشيد القوم زمان ما كنا في الصورة دحين من الليلة إنت وبنتنا نجاة منتظرينكم ودي دعوة مني ومن مدام منى يونس يعني بالعربي الفصيح معزومين ومحجوزين من دلوقتي وشقت الإستقبال دي تشموها كشنة يا ناس عثمان الجيلي .
| |
|
|
|
|
|
|
| |
ميسرة سيد أحمد
محمد عيد
عصام دهب
جلال عثمان
منصور عبد الرازق
زهير الزناتي
محمد آدم النور
عبد الدائم سيد أحمد
الرشيد بابكر
adil rahman
طارق جبريل
فيس بوك
تويتر
انستقرام
يوتيوب
بنتيريست