|
|
 Re: ناس الزقازيق أجدع ناس (Re: ميسرة سيد أحمد)
|
وين الحلوين وين راحو؟؟... وين رسائلكم وين كتاباتكم إلي...
يا جلا وينك ... كم في الخط ... عطبرة ... شد وأركب...
يا منصور البنزين خلص... البابور جاز خلي يشتغل والشغل بي الجاز...
رشيد القوم ... ودعتك للحي القيوم...
محمد عيد... عدت يا عيد بدون زهور...
شاعر البوست المخضرم... شكلك مستمتع من خلف الكواليس...
غايتو أنا وأخوي الريس ميسرة قاعدين نحلل في مرتباتنا... وبنحاول نحرس الحوش في الويك إند...
| |
 
|
|
|
|
|
|
|
|
Re: ناس الزقازيق أجدع ناس (Re: ميسرة سيد أحمد)
|
حباب الميل 36 وربنا يقويكم ونلحق الميل 40 قبل
بدء موسم الإجازات .
ما هو الفرق بين الإبتسامة والإبتثامة؟؟؟؟؟؟؟؟
الإبتسامة تكون على هذا النحو .
والله بصراحة الإبتسامة دي شكلها ما مريح
تحس جواها تمكن ودرايه بما يحدث وما مطمئنة
الكلام عليك يا المطير عينيك.
وحيات إبتسامتك يا حبيبي وحيات عينيك ،،، إبتسامة تخوفك ،، يا ساتر
الإبتثامة شكلها كالتالي :-
هاهاهاي ي ي ي قديمة ألعب غيره ،، يا سيدي نومتك مكشوفه.
| |
|
|
|
|
|
|
|
|
|
Re: ناس الزقازيق أجدع ناس (Re: ميسرة سيد أحمد)
|
أخونا رشيد القوم طرح لينا موضوع
في الميل 34 عن الشعور بعدم الأمان
وهو موضوع يخاطب الوجدان هل نسمع بعض
الآراء ونخص هنا ناس الداخل حتى نفهم الفرق
الإحساس بعدم الأمان وهو الإحساس بالخوف من لا شئ محدد
وهذا الإحساس طبيعي لدى الشخص الإيجابي الإنسان الأكثر حساسية
وكثير التفكير ، وتجربتنا نحن في الخارج قد تكون متقاربه ووجودك خارج
الوطن يعتريك إحساس بعدم الأمان لربما يكون هو الخوف من المجهول وإذا
أخذت تجربتي في العمل فقد ممرت بتجربتين مختلفتين الأولى عندما كنت أعمل
في التجارة الحرة وعائدها المالي كان عالي جداً ولم أشعر بالأمان على الرغم من سفري
المكثف إلى السودان في أوائل التسعينات وزاد الطين بله الإنهيار في العملة السودانية خلال
تلك الفترة.
تجربتي الثانية في العمل الوظيفي وهو عمل روتيني ممل ولمده 14سنة ومازالت
فكرة الهروب والعودة إلى السودان وترك المهجر وعدم الإحساس بالإمان مسيطرة على
تفكيري ورغم أنني من أسرة مهاجرة منذ 1974م خارج السودان وتوفى عائلها الكبير بالمهجر.
لا أدري لماذا هذا الشعور بعدم الأمان لا يبارح إحساسك على الرغم من السيطرة القوية على مركز
العمل والإحساس بأن شئ من النجاح قد تحقق ولكن لم يفارقني عدم الإحساس بالأمان وهذا الإحساس لا يرتبط بالوظيفه أو الوضع المالي أو الأسري ولكن شعور مدفون في الداخل، ولا أدري هل هذا الإحساس يكون موجود لو كنت أقيم داخل الوطن الأم؟؟
وهل هذا الشعور نابع من التطلع إلى المستقبل أو الرغبة للتحول من وضع إلى وضع آخر أم هذه هي الدنيا التي تسحبنا في دروبها و بحورها ولا نعرف أين هو شاطئ الأمان .
| |
|
|
|
|
|
|
|
|
|
Re: ناس الزقازيق أجدع ناس (Re: ميسرة سيد أحمد)
|
نداء عاجل!!!!!
يا صاحب الحوش الكبير
يا أبو مروه ،، اليوم يومك
أخونا عصام دهب صاحب الإمتياز للإلغاء أو إستمرارية
البوست ، الباقي لينا 5أيام وتنهي صلاحية البوست طمئنا
الله يطمنك ، الأرشفة جاتنا ،، الطلب لأبو بكر علشان الإستمرارية
يا جماعة الشاب الدهب ما محتاج ليهو وصيه هو مستمتع وفاهم كل
حاجة ومتابعكم بكثافه ، بس علشان الناس تكون
فاهمة البيحصل ؟؟
اليوم لقينا فرصتنا وبنكتب عربي أهو .
| |
|
|
|
|
|
|
|
|
|
Re: ناس الزقازيق أجدع ناس (Re: ميسرة سيد أحمد)
|
جلا يا فردة
ارفض كل التسميات التي تطلق علي الزوجات ، لانها تحمل تاريخ طويل من التعالي الذكوري
والهيمنة الرجالية في مجتمعاتنا ، إضافة إلي أن الزوجة هي توأم الروح ، بت الشيخ
لحد كبير كتسية لا تحمل مدولات هذا التعالي ، ولكن في السساق العام لأحداث الحياة الحالية
يمكنها أن تحمل بذرة ذاك التعالي ...
هي دعوة لإعادة صياغة هذه العلاقة ، علماً بأن كل علاقة بين زوجين تحتاج لصياغات مختلفة عن الأخري
هذا ما أدعو عليه ....
حبي الأكيد .....
وأحذرك من حب ناس عطبرة .........
| |
|
|
|
|
|
|
|
|
|
Re: ناس الزقازيق أجدع ناس (Re: ميسرة سيد أحمد)
|
سلام يا أهلنا
زمان كان عندنا شغالة أنا و منصور أعتقد ان اسمها كان أم دعبس...أم دعبس دي كان اضانة
تقيلة ما زي أضان الفيل أياه...يعني سمعها تقيل...تجي الصباح بدري عشان كم شقة ماسكاهم
تقوم تقول ليها بالله يا أم دعبس اعمليلي كباية شاي...تقول ليك عدس...عدس بتاع ايه من الصبح
يا أم دعبس قولي بسم الله منو القال ليك عدس....شاااااي...محشي...شااااي يا أم دعبس...المهم
بعد تعب شديد تقول ليك شاااي...طيب مش تقول من الصبح....
حسة البوست ده ذكرني بأم دعبس ان كان هذا اسمها...تقول للناس عدم الأمان في العمل...يقولو
ليك ابتسامة بت الشيخ....تقول ليهم ابتسامة بت الشيخ...يقولو ليك القطر ده فيهو لغط...
انتو يا جماعة دعبستونا والله...اركزوا ليكم على حاجة...
أمبارح بت الشيخ مسكت ليك (اللاب توب) وقعدت تقرأ ليك البوست كلمة كلمة وعندما وصلت الى مداخلتي
عندما لا تبتسم بت الشيخ يكون هناك أمر جلل...أنا أخدت لي ساتر أثناء قراءتها للمداخلة
و لبست خوذة زي بتاعت بيتر شيك بتاع شيلسي...و لم أخرج من مخبأي حتي سمعت صفارة الانذار ايذانا
بانتهاء الغارة... وكانت عبارة عن ضحكة بت الشيخ....
المهم انتهت المسألة على خير لكن بت الشيخ اتهمتني بالادمان على البوست...اعترفت بيني وبينكم
بالادمان زي ما اعترف ماردونا لي كلاودينا وبرضو ما نفع...حسة هي قالت لي اللاب توب ده من هنا ما بيبارينا...كفايا عليك (البلاك بيري) تشوف الايميلات وترد عليها بس...و دي كان فيها فشخرة بعتذر
يا محمد عيد...و بيني وبينكم مفكر أشيلو معاندة كده...القصة ما قصة رغيف القصة شعب راكع من
زمان عايز يقيف...بس الله يستر تقوم بت الشيخ تقرأ المداخلة دي قبل السفر وتقوم تقول لي يا أنا
يا اللاب توب...و انتو عارفين أنا حأختار شنو...لأنو أي خيار غير كده حيكون غلطة سراي (بمناسبة
تركيا)...
قالو العربي لمن يتفلهم بيعمل ليهو جيب في طاقيته...حسة أنا سمعت قالوا تركيا دي فيها ختف شنط
وسرقات عجيبة...قلت الا أعمل زي العربي الاتفلهم دة...لكن محل أعمل الجيب ما عارف لحدي حسة
وروني الدبارة يا أم دعبس...
| |
|
|
|
|
|
|
|
|
|
Re: ناس الزقازيق أجدع ناس (Re: الرشيد بابكر)
|
رشيد يا حبيب .. ما انا قلت لو انت صدقت منص
يعنى الرماااد كال حماد ..
وانت برضك ركبي الموجة زى ما قال حسن شحاته ..
عموما عشان تعرف صليجك من عدوك .. اها الخبر جاك شايلو النسيم
وحبيبنا معاوية أدلى بشهادته امام محكمة العدل الدولية
وكمان معاه اثنان شهود عدل .. عبده مضوى واحمد يوسف
أها .. انت مش قلت فى خريف ايام لعبك رجعت لى خط الدفاع وبقيت قشاش ؟..
هاك الهجوم المرتد ده ..!
Quote: مواصلة لهجمات الصنديد صديقي عيد وتلك الهجمات الموجه وانا اتابع لسرد قصة محمد عيد وكنت واحد من المتابعين والمنسقين لهذا الحفل بعد كدا اوكلنا مهمة اعلامية لصحبك فتوجه لمحمد عيد وقال ليهو تاااااااااااني عايزين تودوني الفنون دي وقام المخضرم عبده مضوي بالرد وقال ليهو يا منص انت امشى الاذاعة بشارع النيل ما بشارع الفنون واخيرا قلت ليهو انا ممكن اوصلك الاذاعة والتلفزيون كمان بشارع يوديك الاذاعة بس" باعتبارى امدرمانى موردابي –عزيزى رشا الزول ود الصحافة دا عامل بدافع ليك وفي نص الكلام يقوم يديك في الانكل- يقول الرشيد عمرو ما كان اتحاد اشتراكي بس كان جناح ام جكو والاخيرة دي احسن منها اتحاد مدني زى ما قلت انت بنفسك وبعد كدا يا رشا انت قلت ليهو في ريحة بيع 000 و دا البيع شخصيا مع الملاحظة انك مازلت تدافع عنو انصحك تضم صوتك معانا ولو كتر تانى ود الصحافة دا قول ليهو بنوقف ليك كونزون الكبير ذاتو .
للقصة بقية
معاويه ي-بابكر
مصادر: الخرطوم عبده مضوى—معاوية يحي بابكر ---احمد يوسف |
مبروك يا شباب الوصول للميل 36
ويا خوفى يا بدران بالطريقة دى الرشيد يمشى اجازته ويجى يلقانا
لم نبلغ الاربعين ..!!
| |
|
|
|
|
|
|
|
|
|
Re: ناس الزقازيق أجدع ناس (Re: الرشيد بابكر)
|
مصطلح بت الشيخ حقوق النشر والملكية تحفظ
لودنا جلا ، وقد وافق كل الأعضاء بدليل تعاملهم
به يعني يا زهير تغير هذا المصطلح دحين إلا بثلثي الأعضاء
وفي حالة الفشل يجاز بنصف +1 وكمان أنحنا وافقنا على تسمية
ود الشيخ بس غياب العنصر الحريمي من البوست جعل كلمة بت الشيخ
هو المصطلح الظاهر على السطح ، عندي واحده قريبتي يسموها بت الشيخ
يكون كان أبوها شيخ ولا فكي ، وكمان لو بتتذكروا زميلتنا سميرة السماني
كلية التجارة كنت أناديها بت الشيخ وكانت تناديني ود الشيخ أمام بت الشيخ
الحقيقية يعني المصطلح الحالي بتاع أخونا جلا ده لو كان موجود من زمان كنا دخلنا
في مشكلة كبيرة.
| |
|
|
|
|
|
|
|
|
|
Re: ناس الزقازيق أجدع ناس (Re: ميسرة سيد أحمد)
|
أها يا زناتي ميسره دخل ليك فيها نص +1 والحاجات النقابية دي...دي يا أخوي دايرة ليها جيه
بي رواقة...العجلة بتاعتك دي قايطة بي موتر...ولا أقول ليك بي أمجاد أحسن...
معاوية و محمد عيد...منصور ده زولي و أنا ما برضى فيهو أي كلام...كان ضربني في الأنكل ولا في
الركبة...مالو جناح أم جكو عيبو لي...
Quote: بالأمس يارشيد القوم ويا كمندان وكل الرياضين بالحوش
قدم منتخب امريكا درسا مفيدا جدا لكل المنتخبات المغمورة ( ومنتخب السودان واحد
من تلك المنتخبات ) اثبت ان لا مستحيل في كرة القدم بعد ان اقصى منتخب اسبانيا
|
و الله يا تجتوج لما أمريكا غلبت مصر افتكرناها القصة سياسة...قلنا أمريكا اشترطت على مصر عشان
تاخد المساعدات أن يكون كل مليار بي قون...لكن غلب أسبانيا ده لحدي حسه شاطب كمبيوتري...امكن
يكون في رابط عجيب و أنا ما قادر أكتشفه...
وبعدين قلت لي درس...درس لي منو يا تجتوج...هو ده يعني أول درس ولا آخر درس...ديل يا أخوي زي
أم دعبس الشغالة بتاعتنا...
Quote: الرشيد دا مش شغال في حتة و أولادو في حتة
سألنااااااااااااااااااااااااكم
قلنا ماااااااااااااااااااااالكم
|
يا جلا دي بس زي أنا وأخوي الكاشف...الرشيد ده يا أخوي شغال في حته واحدة و أولادو في حتة واحده
انت كل يوم في بلد..بس ان شاء الله يكونو أولادك في حتة واحدة...ما تخاف الليلة السبت...
Quote: الرشيد و محمد عيد القصة ليست بها أي رابط عجيب و لايحزنون
بين معارضة الزول ومعارضة زهير الزناتي
|
كان ما فيها رابط عجيب يكون زهير متلقي حجج يعني...أحسن يكون فيها رابط عجيب...
| |
|
|
|
|
|
|
|
|
|
Re: ناس الزقازيق أجدع ناس (Re: الرشيد بابكر)
|
ألحقو يا ناس
البادي طاشي شبكة
الميل 35 قلبناهو زمان بواسطة الريس ميسرة
و الزول دا يا دوب جاي
عشان كدا قلنا نديهو راسو
أقول ليك حاجة يالبادي
كدي أمشي عربية الفرملة ديك شوف إسمك في؟؟؟؟
لأنو إذا قعدت في درجة أولى دي!!!!
سيد الحوش حا يغرمك
عارفنك راكب ملح
| |
|
|
|
|
|
|
|
|
|
Re: ناس الزقازيق أجدع ناس (Re: محمد آدم النور)
|
تحية و سلام لأجدع ناس ..
ثم متاوقة و تسجيل حضور و متابعة و هدوء ربما يسبق الأنتشار ..
و يا ريس تم تنفيذ الأمر و عمل اللازم حيال نقل البوست للربع الثالث و إن شاء الله دايماً تامين و لامين ..
ـ
قصة الميل أربعين دي شنو ؟؟
الخوف بعد شوية نسمع بي ( صيف العبور ) و ( مسك الختام ) و يقوموا ناس( التجمع) يحمبكوا !!..
عشان كدة أنا شايف أحسن نقول ( مليون ميل ) ..
الله يديكم العافية كلكم و تكملوها جت ..
ــ
و الله يا محمد دهب الما عارف يقول ( كب الزوغة )
لكن .. برضو المتاوقة دي مش أحسن من ناس عاملين ( حميل ) مرة واحدة يا سمؤل على موسى ..
و كمان الناس الكانت بتكتب لينا من برة الشغالين معانا نظام ( بعاين بي عيوني ) ..
يا جماعة والله الحوش حوشكم و ما تشتغلوا بي الشغلة ،
كان الله أراد بجيكم بي مزاااااج ..
تحياتي لكم كووووولكم..
و منتظرين ناس ( برة ) على :
[email protected]
| |
|
|
|
|
|
|
|
|
|
Re: ناس الزقازيق أجدع ناس (Re: عصام دهب)
|
الله الله علي الميل 36
مرحب بيك يا سيد الحوش...وما تقطعنا...
وانشاء الله المزززززززززززززاج يكون دائماً عال العال...
وعلي وزن بمزاج انا بستمتع جداً بالكتابات ال في السيارات والركشات ...والتعليقات الجميلة
ومن ضمنها وجدت احدهم كاتب بمزاج دي بطريقة حلوة...
BBBBBمززززززززززززاج... انشاء الله يكون مزاجك ذي كده يا عصام...
زهير الزناتي...والله الليلة فكيت كرت القفلة ...يا ويلك....ال يشوف الشنب يقول ...
وانت لسع بتقول لي ناس عطبرة...يا عطبرة...ليك خالص تحياتي واشواقي...وسلام شديد للحلوبي مجد..وباقي الحلوين...
جلا ...ود الشيخ مارديت علي الزميل زهير....رايك شنو؟؟؟؟
| |
|
|
|
|
|
|
|
|
|
Re: ناس الزقازيق أجدع ناس (Re: عثمان الجيلي شيخ محمد)
|
عثمان جيلي
حمد لله بالسلامة
| Quote: جلا ...ود الشيخ مارديت علي الزميل زهير....رايك شنو؟؟؟؟ |
مرات الزول الله بريدو
ويلقى ليهو أحباب زي ناس الريس ميسرة
يعني يجاوبو ليك أي سؤال يصعب عليك
ويكفيني شر القتال
و ناس البوست كلهم قالو لي
ورينا.........................
و أقعد فراجا
وأنا عملت بالوصية
الله يطراك بالخير
ما تغيب مننا كتير
| |
|
|
|
|
|
|
|
|
|
Re: ناس الزقازيق أجدع ناس (Re: محمد آدم النور)
|
مساكم الله بالخير
كان الكلام بكمل كان كمل في البوست ده...نضمنا نضم و اتكلمنا كلام ماليهو أول وما ليهو آخر
و بيني وبين نفسي كده قلت يا ربي دي بوادر خرف...و لا بوادر خريف...نجاة حوفي حيجيها بلاء
ولا جاها و انتهى...أولادي بعد حيتزاوغو مني ويقولو ليك الزول ده لو مسك فينا حيبرانا ليك
بري شديد أحسن نتخارج...الحمد لله أولادي ما بيعرفو كلمات زي الجلك والعجوز والحاجات دي...لكن
كمان بيعرفواRun for your life ...ودي أخير منها الجلك...
من زمان و أنا حالف ما أتعلم الضمنة...قلت الضمنة دي من دلائل الكبر...حسة نهلة نجم الدين تنط
تقول ليك انت الكبر ده جاري منو وين...مش تصبغ لي في شعرك وتتحكك لي وتعمل لي فيها صغير
ياهو جاييك جاييك...أنا قلت الضمنة دي الله ما بيني وما بينه...قدر ما حاول عمنا محمد حوفي
يعلمني ليها...مخي ده نفسيا أبا يتعلمه...الشطرنج الأصعب منها بجضمه الا الضمنه دي عمري ما
قربت منها...و أصبحت عندي معاها حساسية عديل كده...في مجلسين بكرهم ليك كراهية التحريم..مجلس
الضمنة ومجلس الكتشينة...الكتشينة دي منصور حيقول لي بالغت ياخي...أما تقول لي تعال نلعب
تنس طاولة سنوكر و خايف أقول ليكم دارتس تقولو الزول ده بتاع بارات ولا شنو...الحاجات الفيها
رياضة دي أنا سيده و مقددة....
أها ومن الحاجات البكجنة كمان زي دقة الباب الحسة دي...في زول في الباب...محمد معانا ما تغشانا
والله معاي ضيف يا جماعة بالاذن...كان اتذكرت الكلام بتمو وكما اتذكرتو...يكون كمل نضم بدري
الليلة...وعلى الأقل نقول الكلام بيكمل ولو مؤقتا...
| |
|
|
|
|
|
|
|
|
|
Re: ناس الزقازيق أجدع ناس (Re: الرشيد بابكر)
|
أها يا جماعة وقفنا وين...بيني وبينكم الصبه دي نستني الكلام كدي النشوف لي موضوع تاني..
عندما تأسست جمعية أبوزمام الزراعية ضمت في عضويتها اخوة و أخوات أعزاء من الزقازيق وهم
من الرجال عاطف القوز..صفوت حسن..خالد موسى...مالك المبارك..أحمد صالح...وشخصي
ومن الآنسات وقتها حنان القطينة...صفاء عباس...هالة اسماعيل...
منصور قام بتوصيلي للموقع في حافلة ضغيرة حملنا فيها المرتبة والبطانية ووفد المشجعين الغير
مشجعين...نجاة حوفي ومنص في قيادة الركب وحنان وصفاء...نجاة حوفي لم تكن مشجعة أبدا..حيث
بدا لي الأمر و كأنني جندي أمريكي مرسل للقتال في العراق...و منص ما خلى ليهو مكاواة لحدي
ما ركب حافلتة المحندقة ورجع الخرطوم تاني...و أنا وبالرغم من اشتغلت في مناطق كتيرة في
الجزيرة عندما عملت مع شركة ساندوز الا انني لم بالاحباط كما شعرت به في ذلك اليوم...ربما
يكون السبب الوفد المرافق وربما لأن الطموحات كانت أكبر من ذلك...
المهم مشى الحال واندمجنا كمجموعة متجانسة وكان لوجود الاخوة المذكورين سابقا الدور الأعظم
في أن يطيب لنا المقام وتزدان الليالي و الأيام بقفشات ود القوز الظريف اللطيف...
ومن قفشات عاطف القوز...انه في أحد الأيام نصبنا الناموسيات من المغرب كالعادة..ة كنا شديدي
الحرص أن لا تكون هنالك أي فتحة في الناموسية...لما تمشي تصلي ولا تتعشى تطلع برة الناموسية
بأصغر فتحة ممكنة ثم تحكم اغلاقها من ورائك...و كذلك الحال عند العودة الى داخل الناموسية
المهم استمر السمر الليلي الى وقت متأخر...و كل من داخل حصنه المنيع...ثم استوينا ونمنا نوما
عميقا...و بعد ساعتين وفي عز النوم اذا بأصوات عالية و أجسام تخبط بالاسرة وقمنا جمينا منزعجين
فوجدنا أنها أبقار لواحد من الجيران قد كسرت الزريبة وخرجت تهيم بالليل وامكن تكون عملية
مقصودة ومدبرة...و بعد أن تبين الحال وتم ابعاد الأبقار وكل واحد عاد الى ناموسيتة فاذا بعاطف
القوز من داخل ناموسيتة يقول يا جماعة والل البلد ما دايرة ناموسية...دي دايرة ليها عاجولية..
| |
|
|
|
|
|
|
|
|
|
Re: ناس الزقازيق أجدع ناس (Re: محمد صديق)
|
| Quote: الرشيد...انتو الكنتو يتمشو كاب الجداد؟ |
يانا نحن زاتنا يا محمد صديق...كنا بنمشي بي بص اللبن...لو كنت راكب في الكنبة الخلفية
بتكون شايف السواق و ممكن تتونس معاهو كمان...
| |
|
|
|
|
|
|
|
|
|
Re: ناس الزقازيق أجدع ناس (Re: الرشيد بابكر)
|
صباح النور عليك يا زهور...
أخوناجلا والله أنا ما جليت الشبكة لكن يا جماعة دي هدية من الله والله بيدي الجنة... مالك علي يا ود أمي خاتيني في كشف المصابين وكمان جابت ليها كدمات هسه أنا مالي ما كويس والحمد لله شديد ولضيض لكن المشكلة في الكوتش هو قاصدني وما قاعد يلعبني أساسي...
يا رشيد القوم روبينهو مين وبيكهام مين دا يا خوي شغل النية السمحة وبيضة وصافية تجيبني في وش القون عديل كدا وهو إنت حاسد ولا بغران ما كل زول ورزقه شوف جنس محن السناير ديل... هو إنتو قايلين الرزق كمل من أيام طلبة عويضة ليه الله ما قادر... وبعدين نحن ما حضرنا طلبة عويضة لكن درسنا ولده يعني كان ما متنا شقينا المقابر وكان فاتك الشنو داك إتمرغ في ترابو... وكمان أنزيدك في الشعر بيت نحن زاملنا دكتور عشري يلحقني وينجدني... أها تاني عندك كلام...
| |
|
|
|
|
|
|
|
|
|
Re: ناس الزقازيق أجدع ناس (Re: البادي النور)
|
السلام عليكم رحمة منه وبركاته
كيف أصبحتم
دعاء
اللهم إني ظلمت نفسي ظلماً كثيراً
ولا يغفر الذنوب إلا أنت
فاغفر لي مغفرة من عندك
وارحمني أنت الغفور الرحيم
اللهم اغفر لي ما قدمت
و ما أخرت
و ما أسررت
و ما أعلنت
و ما أسرفت
و ما أنت أعلم به مني
أنت المقدم
و أنت المؤخر
لا إله إلا أنت
| |
|
|
|
|
|
|
|
|
|
Re: ناس الزقازيق أجدع ناس (Re: ميسرة سيد أحمد)
|
زمان كنا بنقول على لسان بطة , انا (اشك ) اذن انا دبوس
الآن و انا اتابع , واستمتع , اذن انا عصام دهب
اما كونى راس حربة يا جلا فى فريق (المعوقين ) بتاعنا ده
فده بيدينى اختار لعيبة النص بتاعينى
بعدين انتا خطة اللعب بتاعت المهاجم الواحد دى ما بتنفع معاى
عايز معاى راس حربة تانى
جيبوا لى حمادة يوسف
بعدين الرشيد كله تلعبوا قون , حارس مرمى يعنى , معقولة بس
ياخى الراجل ده بيأكلك الباصات اكل
يقول ليك هاك امشى جيب قون وانت وضميرك
محمد صديق عايزه معاى فى الوسط اليمين
وتجتوج كمان فى الوسط الشمال
بعد ده , والمنتخب ده , حارس مرمى ذاتو ما دايرين
الدفاع ذاتو لعب اى زول
لكن محمد عيد ومعاوية يحى ديل
فى المدرجات ما دايرهم
اقول ليك ليه , سمح جاييك راجع
| |
|
|
|
|
|
|
|
|
|
Re: ناس الزقازيق أجدع ناس (Re: منصور عبد الرازق)
|
الجماعة ديل , محمد عيد ومعاوية يحى يعنى
بقوا يالفوا , شبكنا ليك كركم وما كركم
وانا بقترح عليهو , يستخدم الكركم العنده كلو برااااه
الفضل من الأستخدام يرسلو لى معاوية يحى
قعدوا يقولو ليكم حفلة محمد الأمين ومشينا ليهو وما عارف احرجنا
وفرقة الفنون الشعبية
وكمان قالوا كانو بيرسلونى !!!
الرشيد انت رئاسة الأسرة بتاعت زراعة دى مش سلمتنى ليها براك وقلت لى ابقى عشرة
اها عاد فى ريئس بيرسلوهو ياجماعة ؟؟؟
اها الريس سامعه بى اضانى دى قال ما معقول الريس يرسلوهو
الزهايمر بالنسبة لى حالة ناس محمد عيد ومعاوية يحى دى
مجرد انفلونزا بسيطة
العندهم ده
خرف عديييييل
تجى دكتورة صفية مساعد
توريكم كيف كنا بنفعد انا وهى باعتبارنا (القادة)
ونرسل ليك ناس محمد عيد ومعاوية يحى بى نضاراتهم العاملة زى قعر الكباية دى
يا ود امشى يمين
يا ود تعال شمال
لا اوعك تعمل كده
لغاية ما ظبطنا الحفلة بتاعت الكابلى فى قاعة الصداقة
القروش بتاعت الدخل ذاتها ابينا نديها ليهم
خايفتهم يروحوها
قال ايه
رسلونى ومشينا ما عارف شارع الفنون الشعبية
يا جلا
انت ما حايم الواطة دى كلها شايل لابتوبك
شفتنى ولا صادفتنى حايم جنب فنون شعبية
المشكلة انا خايف يقوم يرسمنى ليك بالفوتوشوب الأتعلموا على كبر ده
ويقول ليكم شوفوا منصور فى الشارع القلناهو ليكم
لكن والله اجيب ليكم قدورة سيد الفوتوشوب ذاته
واخليهو يرسمكم فى الحتة ديك , اى حتة , هو نحن يهمنا !!
| |
|
|
|
|
|
|
|
|
|
Re: ناس الزقازيق أجدع ناس (Re: منصور عبد الرازق)
|
والله يا جماعة انا ذاتى تيم راس الحربة بتاعو واحد
بيلعب حفيان وكمان بيشوت ضفارى .. والله ما العب فيهو
احسن لى العب مع تيم قس طن طييين الطلــــّع طينا ذاتو ..
بعدين يقول ليكم زهايمر وخرف مبكر !!
الزول ده والله ما نصيح .. لأنو لو قرأ مداخلتى ..
انا قلت محاولات الحفلة الاولى التى سبقت حفلة كابلى بى سنة
ودى فعلا لما كنا نحن فى الاسره ..
يعنى لا كان فيها صفية مساعد ولا مبارك جادين ..
والعمل جارى الآن للحصول على عنوان حاتم امام فى لندن
لاستدعائه للشهادة .. وهو شاهد عيان معتمد ..
وفى نفس الوقت جارى البحث فى دار الوثائق المركزية
للتنقيب فى مستندات فرقة الفنون الشعبية للحصول على الأدلة المطلوبة
والادعاء العام جاهز لرفع الدعوى ..
واللييييييييلا اوكامبو جاكم
| |
|
|
|
|
|
|
|
|
|
Re: ناس الزقازيق أجدع ناس (Re: محمد عيد)
|
هذا الصباح جمعتنى مكالمة هاتفية فى التنك مع حبيبنا جلا
وبالفعل هذه المكالمة جعلت من هذا اليوم مميزا وغير كل الايام
تحادثنا طويلا وتسامرنا فى الفة رائعة ..
وجلا فى حديثه - كما فى كتاباته - لا تمل منه ابدا وتظل مشدودا
نحو تعبيراته وتشبيهاته المختارة والموجهة فى الحديث فى قالب مرح وجميل
وهو كان موجودا فى الدامر ..
وقدم لى مفاجأة رائعة بكل المقاييس ..
حيث نقل الهاتف الى شخص ما وقال لى تحدث معه ...
وكان المتحدث هو الاخ الحبيب / محمد حسان سعد الدين
الشريك المخالف فى الاطلالة التى جرى الحديث عنها فى هذا البوست اكثر من مرة
وهو الذى كان شهيرا فى هذه الاطلالات بشخصية ( ســـاخر وعابـــث )
وهو يقرى الجميع التحيات والسلام .. وبصفة خاصة الاخ / الرشيد بابكر
وقد وعد بالتواصل معنا فى البوست عبر النفاجات المتعددة ..
وكذلك سيقوم بارسال الرسالة للشريك الرابع / صدر الدين حسن داوود
شكرا جلا وشكرا حسان فقد ازدهى هذا الصباح بكما
| |
|
|
|
|
|
|
|
|
|
Re: ناس الزقازيق أجدع ناس (Re: محمد عيد)
|
توفي قبل قليل بالعاصمة الأردنية الأخ الفاضل نجم الدين علي إبراهيم رئيس الأتحاد السايق
والتي سافر إليها قبل مدة للعلاج ، رحم الله نجم الدين فقد كان مثالاً للأخلاق الفاضلة والتهذيب
العالي ورغم إختلافنا السياسي معه إلا إنه وفي أحلك الظروف السياسية لا يقابلك إلا باسماً .
إلتقيناه لآخر مرة في رحلة معرض الخرطوم الدولي الأولي وقد جلست معه لفترة طويلة في أنس
جميل ، رحم الله الرجل الجميل نجم الدين علي إبراهيم وأسكنه فسيح جناته من الصديقين والشهداء
ونسأل الله أن يجعل البركة في ذريته وخالص تعازينا لأسرته الصغيرة والكبيرة .
| |
|
|
|
|
|
|
|
|
|
Re: ناس الزقازيق أجدع ناس (Re: محمد عيد)
|
اللهم أرحم أخونا / نجم الدين وأسكنه فسيح جناتك مع الشهداء والصديقين.
حقيقي كان رجل مميز وطيب المعشر وباسم الثغر دائما وزي ما قال الزناتي كان لا يخلط بين أوراق الحياة الإجتماعية والحياة السياسية وكان إمتداد طبيعي لجمال أهل الزقازيق الأوائل الذين وضعوا اللبنات الأولى للتميز في العلاقات الإجتماعية. اللهم أسكنه الدرجات العليا من الفردوس يا رب العالمين.
| |
|
|
|
|
|
|
|
|
|
Re: ناس الزقازيق أجدع ناس (Re: محمد عيد)
|
أخوتي الزقازيقاب الأفاضل
تلقيت بمزيد من لواعج الحزن و الأسى خبر وفاة أخانا و زميلنا الزقازيقابي / نجم الدين علي إبراهيم ( تربية ) الذي أنتقلت روحه الطاهرة إلى بارئها قبل قليل بالعاصمة الأردنية عمان و التي قصدها مستشفياً من علة في القلب فأنتقل إلى جوار ربه راضياً مرضياً بإذنه تعالى ..
يؤسفني و يحزنني جداً أن أنقل إليكم هذا الخبر المحزن عن وفاة أخ و زميل فاضل كريم تبوأ رئاسة اتحاد الطلاب السودانيين بالزقازيق و كان نعم الأخ و الزميل ..
سأعود بإذنه تعالى لأحدثكم عن أخينا و زميلنا الراحل و لا أملك حيال هذا النبأ الذي أفجعني برحيل نجم الدين غير أن أقول أن العين لتدمع و أن القلب ليحزن و إنا على فراقك حقاً لمحزونون يا نجم الدين لكنا لا نقول إلا ما يرضي الله تعالى ( إنا لله و إنا إليه راجعون ) ونبتهل له بصادق الدعاء ..
اللهم يا الله أنت الله لا إله إلا أنت
اللهم إني أسألك بأسمائك الحسنى وصفاتك العلا
و بإسمك الأعظم أن تغفر لأخينا و زميلنا / نجم الدين علي إبراهيم .
اللهم إغفر له و إرحمه و عافه و اعف عنه و أكرم نزله
ووسع مدخله و أغسله بالماء و الثلج و البرد ..
و نقه من الذنوب والخطايا كما ينقى الثوب الأبيض من الدنس ..
وأبدله دارا خيرا من داره
وأهلا خيرا من أهله ..
و أدخله الجنه و أعذه من عذاب القبر ..
واغفر له وكفر سيئاته وابدلها حسنات ..
اللهم اجعل قبره روضة من رياض الجنة ..
اللهم أنزله منازل الصديقين و الشهداء والصالحين..
اللهم أعذه من عذاب القبر ..
اللهم ارحمه تحت الأرض..
واستره ولا تخزه يوم العرض..
اللهم يمن كتابه ..
ويسر حسابه ..
وثقل بالحسنات ميزانه ..
وثبت على الصراط أقدامه
وأسكنه في أعلى الجنات في جوار نبيك ومصطفاك..
اللهم اجعل عن يمينه نوراً ..
وعن شمالهِ نوراً ..
ومن أمامهِ نوراً ..
.ومن فوقهِ نوراً ..
حتى تبعثهُ آمناً مطمئناً في نور من نورك..
اللهم أنت ربه
وأنت خلقته ..
وأنت قبضت روحه .
وأنت أعلم بسره وعلانيته ..
جئنا شفعاء اليك فأغفر له ..
اللهم اجمعنا به في جنات النعيم يا حي يا قيوم ..
إن لله ما أخذ ..
و له ما أعطى ..
اللهم اغفر لحينا و ميتنا وصغيرنا و كبيرنا ..
وذكرنا وأنثانا وشاهدنا و غائبنا ..
اللهم من أحييته منا فأحيه على الإسلام ..
ومن توفيته منا فتوفه على الإيمان ..
اللهم لا تحرمنا أجره ولا تفتنا بعده ..
اللهم إن أخانا / نجم الدين علي إبراهيم في ذمتك ..
وحبل جوارك فقه من فتنة القبر ومن عذاب النار ..
فأنت أهل الوفاء والحق ..
فاغفر له وارحمه إنك أنت الغفور الرحيم ..
و ألهم زوجته و أطفاله و أهله و زملائه الصبر الجميل ..
أستغفر الله العلي العظيــم وأتوب إليه ..
أحر التعازي لأسرة زميلنا / نجم الدين علي إبراهيم و لزوجته و أطفاله و أخوته و زملائه و أعزيكم أخوتي جميعاً و أعزي نفسي في هذا المصاب الأليم و الفقد الجلل .. و لا حول و لا قوة إلا بالله العلي العظيم ..
ــ
سأسعى ـ بإذنه تعالى ـ و آمل من الإخوة بالسودان السعي كذلك لتزويد الجميع بعنوان و رقم هاتف أسرة الفقيد للتعزية .. و لا أراكم الله مكروهاً .
| |
|
|
|
|
|
|
|
|
|
Re: ناس الزقازيق أجدع ناس (Re: عصام دهب)
|
لا حول ولا قوة الا بالله العلي العظيم
إنا لله وإنا إليه راجعون
افجعني الخبر الحزين برحيل الاخ الفاضل نجم الدين علي ابراهيم
اعزيكم اخوتي ونفسي في هذا المصاب الاليم ونتضرع الى الله بالدعاء ان يتقبله القبول الحسن
مع الصديقين والشهداء وحسن اؤلئك رفيقاً
الى جنات الخلد يانجم الدين بإذن الله
| |
|
|
|
|
|
|
|
|
|
Re: ناس الزقازيق أجدع ناس (Re: عصام دهب)
|
و انا عائد من المحكمة هاتفني أخانا و زميلنا الزقازيقابي الفاضل / محمد حامد تبيدي الذي أبلغني بالخبر المحزن عن وفاة أخانا الزقازيقابي الخلوق / نجم الدين علي إبراهيم ، نجم الدين و كما قال زهير و رغم إختلافنا معه سياسياً و حينما تبوأ رئاسة أتحاد الطلاب السودانيين بالزقازيق كان لا يقابلك إلا متبسماً هاشاً باشاً كنا نناقشه و ننفعل في وجهه لكنه لا يتكلم إلا بصوت خفيض و يقنعك بغير إنفعال .
آخر عهدي بنجم الدين كان قبل فترة طويلة كنت حينها في مكة و قصدت الحرم لصلاة المغرب و بعد الصلاة حاولت جاهداً الوصول للحجر الأسود لتقبيله شعرت بأحدهم يربت على كتفي فألتفت لأجد نجم الدين من خلفي أحتضنا بعضنا بالسلام و سالت دموعنا بغير سبب واضح !!!
| |
|
|
|
|
|
|
|
|
|
Re: ناس الزقازيق أجدع ناس (Re: عصام دهب)
|
رحم الله إبن الزقازيق أخونا
المغفور له بإذن الله نجم الدين على إبراهيم
رئيس إتحاد الطلاب السودانين بالزقازيق
تغمد الله الفقيد بوافر رحمته وألهم أهله
وذويه الصبر والسلوان وأدخله مع الصديقين
والشهداء وحسن أولئك رفيقاً .
إنا لله وإنا إليه راجعون
ولا حولة ولا قوة إلا بالله
| |
|
|
|
|
|
|
|
|
|
Re: ناس الزقازيق أجدع ناس (Re: ميسرة سيد أحمد)
|
بسم الله الرحمن الرحيم
( وبشر الصابرين الذين اذا اصابتهم مصيبة قالوا إنا لله وإناإليه راجعون )
لاحولة ولا قوة إلا بالله...
الا رحم الله اخانا/ نجم الدين علي ابراهيم...رحمة واسعة ..وادخله فسيح جناته...
ونسأل الله ان يلهم اهله واسرته واحبابه وزملائه الصبر والسلوان...
إنا لله وإنا اليه راجعون...
عثمان الجيلي
| |
|
|
|
|
|
|
|
|
|
Re: ناس الزقازيق أجدع ناس (Re: عثمان الجيلي شيخ محمد)
|
رحم الله فقيد الزقازيق نجم الدين
و انا لله وانا اليه راجعون
آللهم أرحمه وأسكنه فسيح جناتك
آللهم باعد بينه وبين خطاياه كما باعدت بين المشرق والمغرب
اللهم نقه من الخطايا والذنوب كما ينقى الثوب الأبيض من الدنس
اللهم اغسله بالثلج والماء والبرد
اللهم أبدله داراً خيراً من داره وأهلاً خيراً من أهله
اللهم اجمعنا وإياه في مستقر رحمتك
اللهم انا نسالك بأسمك الاعظم ان توسع مدخله
اللهم آنس في القبر وحشته
اللهم ثبته عند السؤال
اللهم لقنه حجته
اللهم باعد القبر عن جنباته
اللهم اكفه فتنة القبر
اللهم اكفه ضمة القبر
اللهم اجعل قبره روضة من رياض الجنة ولا تجعله حفرة من حفر النار
اللهم إن كان محسنًا فزد في إحسانه، وإن كان مسيئًا فتجاوز عن سيئاته
اللهم ألحقه بالشهداء
اللهم آتيه كتابه بيمينه
اللهم افتح عليه نافذة من الجنة واجعل قبره روضة من رياضها
| |
|
|
|
|
|
|
|
|
|
Re: ناس الزقازيق أجدع ناس (Re: محمد آدم النور)
|
انا لله وانا اليه راجعون
اللهم أرحم أخانا نجم الدين
آللهم أرحمه وأسكنه فسيح جناتك
آللهم باعد بينه وبين خطاياه كما باعدت بين المشرق والمغرب
اللهم نقه من الخطايا والذنوب كما ينقى الثوب الأبيض من الدنس
اللهم اغسله بالثلج والماء والبرد
اللهم أبدله داراً خيراً من داره وأهلاً خيراً من أهله
اللهم اجمعنا وإياه في مستقر رحمتك
اللهم انا نسالك بأسمك الاعظم ان توسع مدخله
اللهم آنس في القبر وحشته
اللهم ثبته عند السؤال
اللهم لقنه حجته
اللهم باعد القبر عن جنباته
اللهم اكفه فتنة القبر
اللهم اكفه ضمة القبر
اللهم اجعل قبره روضة من رياض الجنة ولا تجعله حفرة من حفر النار
اللهم إن كان محسنًا فزد في إحسانه، وإن كان مسيئًا فتجاوز عن سيئاته
اللهم ألحقه بالشهداء
اللهم افتح عليه نافذة من الجنة واجعل قبره روضة من رياضها
اللهم آمين
| |
|
|
|
|
|
|
|
|
|
Re: ناس الزقازيق أجدع ناس (Re: الرشيد بابكر)
|
رحم الله الفقيد نجم الدين على ابراهيم
اللهم تقبله عندك القبول الحسن
اللهم اذا كان محسنا فزد فى احسانه
واذا كان مسيئا فتجاوز عن سيئاته
اللهم اغسله بالماء والبرد والثلج
ونقه من الخطايا كما بنقى الثوب الابيض من الدنس
اللهم وسع مرقده وحسن مدخله
اللهم هىء له مكانا عندك فى جنانك
مع الصديقين والشهداء وحسن اولئك رفيقا
التعزية موصولة للزقازيقاب جميعا ولأسرته ومعارفه واصدقائه فى كل مكان
| |
|
|
|
|
|
|
|
|
|
Re: ناس الزقازيق أجدع ناس (Re: منصور عبد الرازق)
|
في هذا اليوم الحزين وفي هذا المقام أسمحوا لي بأن أقدم لكم قصيدة الراحل صلاح أحمد
ابراهيم و التي نعى فيها نفسة لننعى فقيدنانجم الدين:....
ياذكيََّ العودِ بالمطرقةِ الصمّّاءِ والفأسِ تشظّى
وبنيرانٍ لها ألفُُ لسانٍ قد تلظّى
ضُُعْْ على ضوئِك في الناس اصطباراً ومآثْر
مثلما ضُُوََّّعََ في الأهوال صبََراً آلُ "ياسر"
فلئن كنتََ كما أنتََ عبِقْْ فاحترقْْ!
يا منايا حوّّمي حول الحمى واستعرضينا وأصْْطَفي
كلّ سمح النفس، بسّّامِ العشياتِ الوفي
الحليمََ، العفِّّ ، كالأنسامِ روحاً وسجايا
أريحيِِّّ الوجه والكفِّّ افتراراً وعطايا
فإذا لاقاكِ بالبابِ بشوشاً وحفي
بضميرٍٍ ككتابِّّ اللهِ طاهرْْ
أنشُُبي الاظفارََ في اكتافِه واختطفي
وأمانُ الله مِنّّا يا منايا..
كلّما اشتقتِ لميمونِ المُُحيّّا ذي البشائْْر شرّّفي
تجدينا مثلاً في الناس سائرْْ
نقهر الموتََ حياةً ومصائرْْ
هذه أجنابنا مكشوفةُ فليرمِ رامي
هذه أكبادُُنا..لُكْْها وزغرد يا حقودْْ
هذه أضلاعُُنا مثلومةُ وهي دوامي
وعلى النُُطع الرؤوس
فاستبدِّّ يافؤوس
وادخلي أبياتنا واحتطبي
وأديري يا منايانا كؤوساً في كؤوسْْ
من دِمانا واشربي
ما الذي أقسى من الموتِ ؟
فهذا قد كََشفْْنا سرّه، وخَبََرنا أمرَه
واستسغْنا مُُرّّه
صدئت آلاتُُه فينا ولا زلنا نُعافرْ
ما جََزِعْنا إن تشهَّانا ولم يرضَ الرحيلْ
فله فينا اغتباقُُ واصطباح ُومََقِيلْ
آخرُ العمرِ، قصيراً أم طويلْ:
كفن ُ من طرفِ السوقِ وشبرُ في المقابرْْ
ما علينا .. إنْ يكن حزناً فللحزنِ ذُبالات ُ مضيئه
أو يكن قصداً بلا معنى فللمرءِ ذهابُ بعد جيئه
أو يكن خِيفةَ مجهولٍ فللخوفِ وقاءُ ُ ودريئه
من يقينٍ ومشيئه
فهََلُمّي يا منايانا جحافلْ
تجدينا لك اندادُُ المحافِلْ
القِرى منا وفينا لكِ ، والديوان حافِل
ولنا صبر ُ على المكروهِ – إن دامََ –جميل
هذه أعمالُنا مرقومةُ ُ بالنورِ في ظهرِ مطايا
عبََرت دنيا لأخرى ، تستبقْ
تنتهي عُمراً فعُمرا
ما انحنتْ قاماتُنا من حِمْلِ أثقال الرزايا
فلنا في حَلكِ الأهوالِ مَسْرى
وطُرُق
فإذا جاء الردى كََشّرََ وجهاً مُكْْفهراً
عارضاً فينا بسيفِ دمويّ و دَرََق
ومُصّرا
بيدٍ تحصُدنا لم نُبدِ للموتِ ارتعاداً وفََرقْ
نترك الدنيا وفي ذاكرةِِ الدنيا لنا ذِكرُ ُ وذكرى
من فِعالٍ وخلُق
ولنا إرثُ من الحكمة والحِلم وحُبِ الآخرين
وولاءُ حينما يكذبُ أهليه الأمين
ولنا في خدمة الشعب عَرَق
هكذا نحن ففاخرِْنا ، وقد كان لنا أيضاً سؤال وجواب
ونزوعُُ للذي خلف الحجاب :-
برهةُ ُ من سرمدِ الدهر أقِمنا ومشينا
ما عرفنا بِمَ أوفيمَ أتينا وانتهينا
وخَبْرنا تَفَه الدنيا وما في بَهْرَجِ الدنيا الحقير
عَرَضاً فانٍ لفانين فما نملكه يفلِتُ من بين يدينا
أو ذهبنا دونه حين بَقى
فكلما كان لدينا صار مِلْكاً لسوانا ، وغَرور
لغريرٍ غافلٍ يختالُ في الوهمِ الهويني
في حبورْ
رُبّ من ينهلُ من بحرِ الغُوايات ظَمِي
والذي يملكُ عينينَ ولا لُبّ -عمي
والذي تسحرهُ الدنيا ولم يدرِ المصير
أبلهُُ يمرحُ في القيدِ وفي الحُلمِ يسير
ريثما توقظه السقطةُ في القاعِ ولا يعرفُ أيْنا
كلُ جيلٍ بعده جيلُ ويأتي بعد جيلْ
بَليتْ جِدتُه، مُرتَقِباً في غبطةٍ أو غفلةٍ أو قلقِ
فقعةَ الأمالِ في جيل بديلْ
طالعٍ أو طامعٍ مُستَبِقِ
أمس قد كنا سقاةَ القومِ بالكأس المريرْ
وغداً يحملنا أبناؤنا كي نستقى
فالذي تُخلى له مَضْيَفةُ الدنيا سيُدعى لرحيلْ
حين يبدو قادمُ في الأفق
وكلا الذاهب والقادمُ في دفترها ابنُ سبيلْ
كلُّ طفلٍ جاء للدنيا أخي من عدمِ
مشرقُ الوجْنةِ ضحّاك الثنايا والفم
يُسْرجُ الساعاتِ مُهراً لاقتحامِ القممِ
سابحاً في نشوةٍ للهَرَمِ
فإذا صاح به الموتِ أقدمِ
كان فوتُ الموتِ بعضَ المستحيلْ
عجبي من رِمةٍ ترفلُ بين الرممِ
نسيَتُ سوءَ مآلِ الأممِ
وسَعَتْ في باطلٍ عُقباهُ غيرُ الالمِ
ومُطيفِ الندمِ
والسأمِ
غصةُ الموتِ ، وإن مُدَّ لها في فسحةِ العمر قليلْ
فالذي يعقبه القبرُ ، وإن طالَ مَدىً ليس طويلْ
والسؤال الحقُ : ماذا بعدُ ، ماذا بعدُ ؟ ماذا بعدُ في هذا السبيلْ
يرتجيه الآدمي ؟
أإذا مِتنا انتهينا للأبد
غير ما يَمسِكُ دهرُُ أو طبيعهْ
أم بدأنا من جديد
كيف أو أين سؤال هائل لن نستطْيعَه
أفَمَن يذهبُ عنّا سيعودْ
مثلما تزعمُ شيعه
ثم هل عاد أحد؟
أم له في داره الأخرى خُلودْ
بعد أن يسترجَع الله الوديعهْ
بكتابٍ وأمدْ
ضلّ من يبحث في سر الوجود
بالذي أنكر أو فيه اعتقد
فاجعل الموتَ طريقاً للبقاء
وابتغِ الحقَ شريعه
واسلِك الفضلَ وقل يا هؤلاء
خاب قومُ جحدوا الفضل صنيعه
إن للفضل وإن مات ذووه لضياء
ليس يخبو – فأسالوا أهل النهى
رُب ضوءٍ لامعٍ من كوكبٍ- حيث انتهى
ذلك الكوكبُ آلافاً وآلافا سنينا
يا رياحَ الموتِ هُبي إن قدرتِ اقتلعينا
اعملي أسياخك الحمراء في الحي شمالا ويمينا
قطّعي مِنا الذؤابات ففي الأرض لنا غاصت جذور
شتتينا ، فلكم عاصفةُ مرّت ولم تَنس أياديها البذور
زمجري حتى يُبحَّ الصوتُ ، حتى يعقبَ الصمت الهدير
اسحقينا وامحقينا
تجدينا.. نحن أقوى منك بأساً ما حيينا
وإذا يبعث فيهم كلَّ ما يبرِقُ فينا
فلنا فيهم نشور
طفلنا حدّق في الموتِ ملياً ومِرارا
ألفَ الأحزانَ تأتينا صِغاراً وكبارا
ومَرَى الدمعَ غزيراً ، ورعى النوم غِرارا
ورأى والدَه يخطرُ للموتِ ونعشاً يتوارى
لن يراه مرةً ثانيةً قطُ إِلى يوم الحساب
ذاكِراً عنه حناناً وحديثاً وابتساماتٍ عِذاب
كشموشٍ لا يني يأملُ أن تشرق من بابٍ لباب
كل يوم ولنا في البيت مأتم
وصغير ذُبحت ضحكتُه يومَ تيتم
كلما مَرتْ بِنا داهيةُُُُُُُُُُُ ُ تسألُ عيناه عن الشرِ المُغير
ويرى من حولِه أمراً مريباً وغريباً ورهيباً فيثور
أمه في جَلَدٍ تدعوه أن يَسكَت لكنْ صوتُها فيه اضطراب
واكتئاب.
وهو يدري فعيونُ الأم للإبن كتاب
وهو بالمحنةِ والموتِ الذي جندلنا جدُّ بصير
حلمُه صار حكيماً وهو طفلُُ ُ في سريرْ
فهو يزدادُ بما حاقَ بنا حُزنا وحزْماً ووقارا
وانفعالاً كلما عاثَ بنا دهرُُ وجارا
هكذا يُطرقُ فولاذُ البطولاتِ ويُسقى بالعذابْ
فلهُ في غدهِ يومُُ كبيرْ
يوم أن يَدلجَ في وادي طُويّ يطلبُ نارا
والِجاً هْولاً ، خائضاً نقعاً مُثارا
وغمارا
ضاحكاً في حنكِ الموت على الموت عُتّواً واقتدارا
وقد استل كسيْفٍ بارقٍ جُرحاً عميقاً في الضميرْ
خبّراني ، لهفَ نفسي :
كيف يخشى الموتَ من خاشَنَهُ الموتُ صغيرْ
في غدٍ يعرف عنّا القادمون
أيَّ حُبٍ حَمَلْناه لَهُمْ
في غدٍ يحسبُ منهم حاسبون
كم أيادٍ أُسلفت منا لهم
في غدٍ يحكون عن أنّاتنا
وعن الآلام في أبياتنا
وعن الجُرحِ الذي غنّى لهم
كل جُرحٍ في حنايانا يهون
حين يغدو رايةً تبدو لهمْ
جُرحُنا دامٍ ، ونحن الصابرون
حزننا داوٍ ونحن الصامتون
فابطشي ما شئت فينا يا منون
كم فتىً في مكةٍ يشبه حمزة؟
بالخشوعِ المحضِ والتقديسِ والحبِ المُقيم
واتّضاعٍ كاملٍ في حضرةِ الروح السماويِّ الكريمْ
التحياتُ لها.
ليتَ لي في الجمرِ والنيران وقفهْ
وأنا أشدوا باشعاري لها
ليتَ لي في الشوكِ والأحجارِ والظُلمه زحْفه
وأنا اسعى بأشواقي لها
ليتَ لي في زمهريرِ الموتِ رجْفه
وأنا ألفظ أنفاسي لها
ليت لي من ألمٍ طاغٍ مَحفّهْ
وأنا أحملُ قرباناٍ لها .. وهديه
فأنادي بإسمها الحلو بلهفهْ
لك يا أمَّ السلام.
والتحية
وجبيبني في الرِّغامْ
التحياتُ الزكياتُ لها ، نفسُُ زكيّه
رسمُها في القلبِ كالروضِ الوسيمْ
صنعتنا من معانيها السنيه
وستبقى منبعَ النورِ العظيم
يا قبوراً في عراء الله ، حسبُ البشرية
إنكم من ذوقِها العالي صميمْ
سنواتٍ عشتموها أينعت
حُفَّلا بالخير والحب الحقيقي
ومضيتُمْ فتركتم أثراً
نَبْشَ إسماعيلِ في القَفْرِ السحيقِ
يا أحبائي ويا نبضَ عروقي
كنتم القدوةَ بالخيرِ الوريق
فاهنأوا ، نحن كما أنتم على ذات الطريق
رُبَّ شمسٍ غَرُبتْ والبدرُ عنها يُخبرُ
وزهورُُ تتلاشى وهي في المطر تعيش
نحن أكفاءُ لما حل بنا ، بل أكبرُ
تأجُنا الأبقى وتندكّ العروشْ
ولمن ولَّي حديثُُُ ُ يؤثرُ
ولمن ولّى حديثُُ ُ يذكرُ
| |
|
|
|
|
|
|
|
|
|
Re: ناس الزقازيق أجدع ناس (Re: الرشيد بابكر)
|
رحم الله الاخ نجم الدين على ابراهيم واجزل ثوابه
اللهم باعد بينه وبين خطاياه كما باعدت بين المشرق والمغرب
اللهم نقه من الخطايا كما ينقى الثوب الابيض من الدنس
اللهم اغسله من ذنوبه بالماء والثلج والبرد
اللهم اجعل قبره روضة من رياض الجنة وانزل عليه شآبيب رحمتك
اللهم انزله منزل الصديقين والشهداء وحسن اولئك رفيقا
وانا لله وانا اليه راجعون
| |
|
|
|
|
|
|
|
|
|
Re: ناس الزقازيق أجدع ناس (Re: البادي النور)
|
السلام عليكم و رحمة منه وبركاته
كيف أصبحتم يا ناس
دعاء
اللهم
بعلمك الغيب
وقدرتك على الخلق
أحيني ما علمت الحياة خيراً لي
و توفني إذا علمت الوفاة خيراً لي
اللهم
إني أسألك خشيتك
في الغيب والشهادة
و أسألك كلمة الحق
في الرضا والغضب
و أسألك القصد
في الغنى والفقر
و أسألك نعيماً لا ينفد
وأسألك قرة عين لا تنقطع
و أسألك الرضا بعد القضاء
و أسألك برد العيش بعد الموت
و أسألك لذة النظر إلى وجهك
و الشوق إلى لقائك
في غير ضراء مضرة
ولا فتنة مضلة
اللهم زينا بزينة الإيمان
و اجعلنا هداة مهتدين
| |
|
|
|
|
|
|
|
|
|
Re: ناس الزقازيق أجدع ناس (Re: محمد آدم النور)
|
بسم الله الرحمن الرحيم
أعزيكم وأعزي نفسي في هذا الفقد الجلل
إنه أحد الأخوان بالزقازيق وبتربية بالتحديد الذين كانوا يجبروك على أن تحترمهم وتقدرهم
ذو خلق عظيم
وطيبة قلب
اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
نسال الله له الرحمة ولذويه ولأسرته الصغيرة ولكم الصبر
إنا لله وإناإليه راجعون
| |
|
|
|
|
|
|
|
|
|
Re: ناس الزقازيق أجدع ناس (Re: سامي عبد الوهاب إدريس)
|
اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِمَاءٍ ، وَثَلْجٍ ، وَبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الْأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلًا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ
| |
|
|
|
|
|
|
|
|
|
Re: ناس الزقازيق أجدع ناس (Re: زهير الزناتي)
|
لا اله إلا الله وحده لا شريك له . له الحمد وله الشكر وله الفضل وله الثناء الحسن يحيي ويميت بيده الخير وهو على كل شيء قدير . لا اله إلا الله لا نعبد إلا إياه مخلصين له الدين ولو كره الكافرون ولا حول ولا قوة إلا بالله . اللهم صلى الله على سيدنا محمد خاتم النبيين والمرسلين عليه افضل الصلاة أتم التسليم .
- اللهم يا رحمان الدنيا والآخر ورحيمهما ارحمنا وارحم أمة محمد رحمة كافة تغنينا عن رحمة من سواك
- اللهم اغفر لحيينا وميتنا وشاهدنا وغائبنا كبيرنا وصغيرنا
- اللهم من احييته منا فاحييه على الإسلام . ومن توفيته منا فتوفاه على الإيمان . اللهم ارحم ( نجم الدين ) رحمة واسعة وتغمده برحمتك
- اللهم ارحمه فوق الارض وتحت الارض ويوم العرض عليك . اللهم قه عذابك يوم تبعث عبادك .
- اللهم انزل نورا من نورك عليه
- اللهم نور له قبره ووسع مدخله وآنس وحشته
- اللهم ارحم غربته وارحم شيبته
- اللهم اجعل قبره روضة من رياض الجنة . لا حفرة من حفر النار
- اللهم أغفر له وارحمه واعف عنه واكرم نزله
- اللهم ابدله دارا خيرا من داره . واهلا خيرا من اهله . وذرية خيرا من ذريته وزوجا خيرا من زوجه وادخله الجنة بغير حساب . برحمتك يا ارحم الراحمين
- اللهم انقله من ضيق اللحود ومن مراتع الدود الى جناتك جنات الخلود لا اله الا انت يا حنان يا منان يا بديع السموات والارض تغمد ( نجم الدين ) برحمتك يا ارحم الراحمين
- اللهم ان كان ( نجم الدين ) غير اهلا لوصول رحمتك فرحمتك اهلا لان تسعه
- اللهم اطعمه من الجنة واسقه من الجنة واره مكانه من الجنة وقل له أدخل من أي باب تشاء
- اللهم ان ( نجم الدين ) في ذمتك وحبل جوارك فقه من فتنة القبر وعذاب النار وانت اهل الوفاء والحق فاغفر له وارحمه انك انت الغفور الرحيم
- اللهم نجم الدين عبدك ابن عبدك يحتاج الى رحمتك وانت غني عن عذابه فارحمه
- اللهم وارزقه لذة النظر الى وجهك والشوق الى لقاءك
- اللهم ارجع نفسه اليك راضية مرضيه وادخله في جنتك مع عبادك الصالحين
- اللهم انت غني ونحن الفقراء فانت غني ونحن الفقراء فانت غني من عذابه فارحمه
- اللهم ان كان ( نجم الدين ) من المحسنين فزد في حسناته وان كان من المسيئين فتجاوز عن سيئاته
- اللهم اجعل ذريته سترا بينه وبين نار جهنم
- اللهم اجعل ذريته ذرية صالحة تدعوا له بخير الى يوم الدين
- اللهم ادخله جنتك وكرمك جنات النعيم
- اللهم اني اسالك الفردوس الاعلى نزلا له
- اللهم وابني له بيتا في الجنة واجعل بملتقانا هناك
- اللهم واسقه من حوض نبيك محمد شربة هنيئة مريئة لا يظمأ بعدها ابدا
- اللهم واظله تحت عرشك يوم لا ظل الا ظلك ولا باقي الا وجهك . اللهم بيض وجهه يوم تبيض الوجوه وتسود وجوه اللهم يمن كتابه . اللهم وثبت قدمه يوم تزل فيها الاقدام . اللهم اكتبه عندك من الصالحين والصديقين والشهداء والاخيار والابرار . اللهم اكتبه عندك من الصابرين وجازه جزاء الصابرين .
- اللهم اني اسالك في هذه الساعة ان كان (نجم الدين ) في سرور فزد في سروره ومن نعيمك عليه . وان كان ( نجم الدين ) في عذاب فنجه من عذابك وانت الغني الحميد برحمتك يا ارحم الراحمين
- اللهم تقبل منه القليل وتجاوز عنه التقصير
- اللهم اجعل مرضه كفارة لجميع ذنوبه . واجعل آخر عذابه عذاب الدنيا
- اللهم اني اسالك باسمائك الحسنى وصفاتك العليا وباسمك الطاهر الاعظم ان تتقبل منا دعاءنا بقبول حسن وان تجعله خالصا لوجهك الكريم
- اللهم ثبته بالقول الثابت وارفع درجته واغفر خطيئته وثقل موازينه
- اللهم حاسبه حسابا يسيرا يامن هو ارحم من عباده بانفسهم ومن الام بولدها
- اللهم ان ( نجم الدين ) في كفالتك وفي ضيافتك فهل جزاء الضيف الا الاكرام والاحسان وانت اهل الجود والكرم
- اللهم ان ( نجم الدين ) في حاجة الى رحمتك وانت الغني في غنى من عذابه فارحمه
- اللهم حرم لحمه ودمه وبشرته عن النار
- اللهم استقبله عندك خال من الذنوب والخطايا واستقبله بمحض ارادتك وعفوك وانت راض عنه غير غضبان عليه
- اللهم افتح له ابواب جنتك وابواب رحمتك اجمعين
- اللهم اني اسالك يا حنان يا منان يا بديع السموات والارض يا ذا الجلال والاكرام
- اللهم اجعل ( نجم الدين ) من الذين اذا احسنوا استبشروا
- اللهم اني اسالك يا ارحم الراحمين ان يكون ( نجم الدين ) ممن بشر عند لموت بروح وريحان ورب راض غير غضبان
- اللهم يا باسط اليدين بالعطايا يا قريب يا مجيب دعوة الداع اذا دعاه يا حنان يا منان يا رب يا ارحم الراحمين يا بديع السموات والارض يا احد يا صمد اعطي ( نجم الدين ) من خير ما اعطيت به نبيك محمد عطاء ماله من نفاد من مالك خزائن السموات والارض . عطاء عظيما من رب غظيم . عطاء ماله من نفاد عطاء انت له اهل عطاء يليق بجلال وجهك وعظيم سلطانك
- اللهم اغفر ( نجم الدين ) وارحمه عدد من قالها ويقولها القائلون من اول الدهر الى آخره عدد من احصاه كتاب الله واحاط به علمه واضعاف ذلك اضعاف مضاعفه وكل ضعف يتضاعف من ذلك مضاعفة ابد الابد ومنتهى العدد بلا أمد لا يحيط به الا علمه
- اللهم يا جامع الناس الى يوم لا ريب فيه اجمع ( نجم الدين ) بنبينا محمد كما جمعت بين الروح والجسد
- اللهم اغفر له حتى لا يبقى من المغفرة شيء
- اللهم ارحمه حتى لا يبقى من الرحمة شيء
- اللهم ارض عنه حتى لا يبقى من الرضا شيء
- اللهم اغفر له عدد خاقك واغفر له مداد كلماتك واغفر له زنة عرشك واغفر له رضا نفسك برحمتك يا ارحم الراحمين
- اللهم اني اسالك له الدرجات العلى من الجنة آمين . وادخله الجنة آمن . آمين واسالك له خلاصا من النار سالما آمين . وادخله الجنة آمن . ربنا لا تؤاخذنا ان نسينا او اخطأنا ربنا ولا تحمل علينا اصرا كما حملته على الذين من قبلنا سبحان ربك رب العزة عما يصفون وسلاما على المرسلين والحمد لله رب العالمين
- اسال الله العظيم رب العرش العظيم ان يتقبل منا ومنكم الدعاء ويغفر لموتانا وموتاكم وموتى المسلمين وان يحسن خاتمتنا انه قادر على كل شيء
| |
|
|
|
|
|
|
|
|
|
Re: ناس الزقازيق أجدع ناس (Re: محمد عيد)
|
منذ الأمس و صورة الفقيد الراحل نجم الدين عالقة في ذهني لا تفارقني كأني أراهـ ـ يرحمه الله ـ الآن أمامي بالسويتر الأسود و الشال الملفوف حول عنقه و أناظر بسمته و أسمع صوته الهادي ينساب إليك سلاما طيباً من روح طيبة ..
حينما أدركت طيبته الزائدة عن الحد كنت كثيراً ما أناكفه بسبب و بدون سبب و أحياناً كنت ألاقيه و أضمر في نفسي أن ( أحمر ) له ( ساي كدة ) من باب خلافنا السياسي المستعر و ( الما بدورك في الضلام يحدر ليك ) لكنه دوماً كان يجبرني بأدبه و أبتسامته أن أخفض عيني أمامه و أن أتبسم في وجهه رداًعلى تبسمه ..
يوما ما و كان الجو السياسي في الزقازيق متوتراً إثر إعتداء ( أمير تبش ) على ( نادر فاروق ) و مع تلاحق الأحداث و تداعياتها تشاجرت في دار الإتحاد مع ( أمير تبش ) ، و لاحقاً كنت ضمن أشار إليهم الإتحاد في بيان شهير بـ ( عصابة الأربعة ) و بسبب ذلك البيان قابلت المرحوم في دار الإتحاد و أحتديت معه في النقاش و كان كعادته هادئاً و حتى حينما أنفعلت في وصفه بما لا يليق رد علي بقوله ( جزاك الله خير ) و بسبب هذا الرد ربما لم أنم ليلتها لأنني أحسست بمدى خطئي في حقه لكني كنت أكابر في الإعتذار عما بدر مني و كم تحاشيت حتى لقائه حتى لا أعتذر ..
صبيحة يوم عيد الفطر توجهت و معي الأخ / مرتضى إدريس للصلاة في ستاد الشرقية ـ إن لم تخني الذاكرة ـ و بعد الصلاة وجدت / نجم الدين ـ يرحمه الله ـ و كان معه الأخ / محمد عثمان ( تربية ) حاولت أن أتحاشاه خجلاً لكنه تقدم نحوي مباشرة و سلم علي بالأحضان و بادرني بقوله ( العفو ) .. رغم أنني من أخطأت في حقه !!
نجم الدين ـ يرحمه الله ـ كان إنسان سمحا .. إنسان خلوقا بكل ما تحمله هذه الكلمة من معان ، بموقفه ذاك تعلمت منه أن لا أفجر في خصومتي أبدا مثلما تعلمت فضيلة المبادرة بالإعتذار حتى و إن لم تكن مخطئاً ، ألا رحمك الله أيها السمح الخلوق و جعل الجنة مثواك و مستقرك مع الشهداء و الصديقين و ..
| |
|
|
|
|
|
|
|
|
|
Re: ناس الزقازيق أجدع ناس (Re: عصام دهب)
|
وصلتنى اليوم عبر الايميل هذه المداخلة من الاخ العزيز / محمد حسان سعد الدين
وفرحى بالحصول على حسان دفعنى لمشاركتكم فيها ..
على وعد صادق منه بارسال مساهماته الثــرة خاصة انتاجه الجديد والمتجدد دائما
Quote: اخي محمد
السلام عليكم ورحمة الله وبركاته نحمد اللله كثيرا للتواصل معكم ونسال الله ان تكونوا في اتم الصحة والسعادة والله يحفظكم والله فرحت كثيرا كثيرا يا محمد والمجهود الذي تبذله انت والاخ الرشيد وبقية الاخوة عظيم واكثر من رائع الله يوفقنا جميعا لاسترجاع روح الزقازيق الصافية كالبلور
انا هنا في وزارة الزراعة ولاية نهر النيل الدامر والايام دي اخوانكم السعوديين مندفعين للاستثمار فيها والشهر الفات قضينا شهر في مشاريع الراجحي بالمملكة في الجوف والقصيم ووادي الدواسر كانت ممتعة مع الشركة الوطنية لاحظنا التقدم الكبير
المهم الاتصال بيكم اصبح متاح وسوف نتواصل وتحياتنا للاسرة والله يبارك فيك
اخوك
محمد حسان
0126919898 |
| |
|
|
|
|
|
|
|
|
|
Re: ناس الزقازيق أجدع ناس (Re: محمد عيد)
|
مساكم الله بالخير
فاتني أن أرحب بالأخ محمد حسان سعدالدين سابقا للظروف التي مرت على البوست...فمرحبا حسان
و أهلا وسهلا بك...أسعدني كثيرا أن أسمع أخبارك بعد هذه الغيبة الطويلة و اسعدني أكثر أن
أعلم بأنك مستقر بعمل جيد في وزراة الزراعة بولاية نهر النيل...أمنياتي لك بدوام التوفيق
و التقدم في عملك وأرجو أن تواصلنا عبر هذا البوست من خلال الدخول عبر محمد عيد أو حتى من
خلالي...فأنت أخ عزيز ولا شك أن مشاركاتك سوف تثري هذا البوست...
[email protected]
| |
|
|
|
|
|
|
|
|
|
Re: ناس الزقازيق أجدع ناس (Re: الرشيد بابكر)
|
ربما لم ألتقي الراحل نجم الدين ولم أعرفة بل ان كل معرفتي به كانت من خلال ما كتبه الاخوة في هذا البوست عنه...فلقد بدأ لي و كأن الجميع يتفقون عليه...حتى الذين اختلفوا معه سياسيا...و هذه هي
الروح التي جعلت من السودانيين عامة والزقازيقيين خاصة أنهم أناس متميزين...فالاختلاف في الرأي لم يفسد أبدا للود قضية...متحابين ومتراحمين...
لكني عند وصول خبر رحيل نجم الدين حزنت حزنا شديدا...وتذكرت اخوة وأخوات أعزاء رحلوا عن دنيانا
دونما استئذان وما زالوا لا يبارحون ذاكرتي...من أحمد أبراهيم الذي رحل وهو يتسلم شهاداته فرحل
متعجلا الرحيل وقبل أن يجف مداد شهاداته...ثم قريب الله الصحابي السلوك مرورا بياسر العديل والزين ياسر الأمير الكبير...الذي رحل وهو يحلم...و حتى وهو يحلم لا يحلم لنفسة فقط بل له وللآخرين...انتهاء بنوال وهاجر وسميرة سيد و كان رحيلهم فجيعة لنا...كانوا جميعا كالنجوم...لم يختلف حولهم أحد..
أو ليس اصطفاءا...يا منايا حومي حول الحمى وأستعرضينا واصطفي...كل سمح النفس بسام العشيات الوفي
انهم لكذلك طيبون أوفياء أصفياء...و الآن هم رحلوا جميعا الى دار خير من دارنا الى جنات الخلد
جنة عرضها السماوات و الأرض أعدت للمتقين...
لن تتوقف الحياة وستستمر ليذهب آخرون ويبقى آخرون ينتظرون ولكنهم يعملون للدنيا و للآخرة متزودين
لها بالتقوى فانها خير الزاد....
| |
|
|
|
|
|
|
|
|
|
Re: ناس الزقازيق أجدع ناس (Re: محمد عيد)
|
إجتاحت البوست هالة من الحزين الشديد
على وفاة المغفور له بإذن الله نجم الدين
وعادت ذكريات الأمس الحزينة إلى وجدان ناس الزقازيق
فتذكروا أخوانهم وزميلاتهم وأحبابهم الذين فارقوا هذه
الدنيا الفانية متعجلين مودعين ، نستبشر لهم خير الدار
الآخر بنعيمها ورحمة الله تغطي على جميع العباد.
جفت الأقلام وإنسكب المداد وتوقف القوم هائمين حزنانين
رحم الله جميع موتانا وموت المسلمين ،،، آمين , آمين يا رب العالمين
| |
|
|
|
|
|
|
|
|
|
Re: ناس الزقازيق أجدع ناس (Re: ميسرة سيد أحمد)
|
الإخوة ناس الحوش
سلام من الله ورحمة منه وبركاته
اللهم أرحم نجم الدين
إنه فعلاً جواً حزاينياً
ويكفي أن بعض من الإخوة سيذكرون محاسن الأخ نجم الدين
و بما فيه من خصال حميدة
ولكني آثرت على نفسي أن أحزن في حدود
لأنني لا أريد أن إنداح حزناً
أو أتمدد فوق جراحات الأسى
لأنني سأرحل يوماً ما
وكذلك أهلي
و أنتم أيضاً
وهي سنة الحياة
لا أدري متى ولكن أجتهد في أن أحمل زاد الآخرة
شكراً أحبتي
| |
|
|
|
|
|
|
|
|
|
Re: ناس الزقازيق أجدع ناس (Re: محمد آدم النور)
|
أشكرك محمد عيد
لمكالمتك التي فوجئت بها و أنا في الدامر
وسعدت جداً فيما أشرت له في مداخلتك
ولكن لم يكن الوضع مناسب في أن أرد على مداخلتك
ركز معاي!!!!!
أنا الآن في الخرطوم
أشوف مداخلة زولك الرشيدلمحمد حسان
Quote: وأرجو أن تواصلنا عبر هذا البوست من خلال الدخول عبر محمد عيد أو حتى من
خلالي...فأنت أخ عزيز ولا شك أن مشاركاتك سوف تثري هذا البوست |
قالو في المثل
يلمها النمل يوطاها الفيل
طيب نحنا تعبنا وفتشنا وحنسنا الزول
قسنا طوله و وزنو
عملنا ليهو كل الفحوصات
رسم قلب
أشعة
و دا كلو عشان نشوفو هو لايق طبياً و يقدر يتواصل معانا أم لا؟؟؟؟؟
لأنو الكتابة البوست زي لعبكم أيام الصبا (اللعب الضفاري)
فعشان كدا أخضعناهو لتجارب وفحوصات من هذا النوع
تجي إنت زي نادي المريخ تشيل لعيبة الهلال؟؟؟؟؟
| |
|
|
|
|
|
|
|
|
|
Re: ناس الزقازيق أجدع ناس (Re: محمد آدم النور)
|
كيف تتم صناعة الغباء؟
مجموعة من العلماء وضعوا 5 قرود في قفص واحد
وفي وسط القفص يوجد سلم وفي أعلى السلم هناك بعض الموز
في كل مرة يتسلق أحد القرود لأخذ الموز يرش العلماء باقي القرود
بالماء البارد بعد فترة بسيطة أصبح كل قرد يتسلق لأخذ الموز، يقوم
الباقون بمنعه وضربه حتى لا يُرشون بالماء البارد بعد مدة من الوقت لم
يجرؤ أي قرد على صعود السلم لأخذ الموز على الرغم من كل الإغراءات خوفا من
الضرب.. بعدها قرر العلماء أن يقوموا بتبديل أحد القرود الخمسة ويضعوا مكانه
قرد جديد فكان اول ما قام به القرد الجديد أنه صعد السلم ليأخذ الموز ولكن فورا
قام الأربعة الباقون بضربه وأجبروه على النزول بعد عدة مرات من الضرب فهم القرد الجديد
بأن عليه أن لا يصعد السلم مع أنه لا يدري ما السبب!!!! قام العلماء أيضا بتبديل أحد القرود القدامى بقرد جديد وحل به ما حل بالقرد البديل الأول حتى أن القرد البديل الأول شارك زملائه بالضرب وهو لا يدري لماذا يضرب!!!! وهكذا حتى تم تبديل جميع القرود الخمسة الأوائل بقرود جديدة
حتى صار في القفص خمسة قرود لم يرش عليهم ماء بارد أبدا ومع ذلك يضربون أي قرد تسول له نفسه صعود السلم بدون أن يعرفوا ما السبب لو فرضاً .. سألنا القرود لماذا يضربون القرد الذي يصعدالسلم؟ اكيد سيكون الجواب: لا ندري ولكن وجدنا آباءنا وأجدادنا له ضاربين
عرفتوا اخواني وخواتي من وين جات عاداتنا اوطبايعنه
عقلنا الا واعي ياخذ المعلومه ويطبقها
بغض النظر عما اذا كانت هي صح او خطأ
لان العقل الا واعي لا يعي علشان كذ1 غذوا عقلكم الباطن
بأنكم اقوياء ..ناجحين..مسرورين
قادرين على فعل كذا وكذا
قادرين على تحدى الصعاب
كل صفه سلبيه تخلصوا منها بطريقة
ايهام العقل الباطن بعكسها
يعني بالصفه الايجابيه .
| |
|
|
|
|
|
|
|
|
|
Re: ناس الزقازيق أجدع ناس (Re: محمد آدم النور)
|
بسم الله الرحمن الرحيم
مرشحو الاتجاه الاسلامى دورة 89 م - 90 م
الصورة عام 88م حفل تخريج تربية من اليسار عبدالعظيم رئيس الاسرة بعده راعى الاسرة
ودكتور مادة علم النفس التعليمى ..؟ ، المرحوم نجم الدين السكرتير الاكاديمى للاسرة
| |
|
|
|
|
|
|
|
|
|
Re: ناس الزقازيق أجدع ناس (Re: الرشيد بابكر)
|
سلامات ياناس
اسمحوا لى ان اعود الى دائرة الحزن
انا حزين بشكل ليس عادى ...لم التقى فقيدنا منذ فترة
آخر لقاء كان عبر الهاتف لثلاثة اشهر خلت او يزيد....
مازاد حزنى اكثر عدم قدرتى على اللحاق بالدفن ورؤية
جثمانه قبل مواراته الثرى...بسبب زحمة المرور الصباحية
تبقى صورته امامى باسمآ....لايمكنك ان تراه بدون تلك
الابتسامة...ابتسامة لايملكها غيره ...
اعزى نفسى وجميع الاحبة وكذلك اسرته...
رحم الله نجم الدين والهم آله الصبر وحسن العزاء.....
اللهم هذا عبدك نجم الدين اتاك مبتسمآ...فأكرمه بكرمك
الذى يسع كل شىء...وانعم عليه بنعمتك التى لاتنفد ولا تنقضى
الهم آمين
| |
|
|
|
|
|
|
|
|
|
Re: ناس الزقازيق أجدع ناس (Re: الرشيد بابكر)
|
حكاية القرود والموز والسلم يا ريس , حكاية والله مدهشة وجميلة واعجبتنى للغاية
, انها مشاركة الميل ستة وتلاتين الأميز ولا شك , الميل ستة وتلاتين الذى انطلى باللون الأسود حتى الآن
حزنا على نجم الدين رحمه الله , والأحداث الجليلة فى حياة الآدميين دايما عايزة ليها (قدرة على الأدهاش ) حتى تنقلهم الى مربع حياتى جديد فى هذه الدنيا الغير قابلة للتوقف , هذه
النقطة بالذات , والتى اثبتها (اخواننا القرود فى قفصهم هذا ) , هى سر تعسر ولادات الأفكار الجديدة
والخلاقة , انها دائما ماتجد سياجا صلبا خلقته الأيام والسنون والقرون وتراكماتها اسمه (العادة ) مرة , واسمه (التقليد ) مرة تانية , واسمه الموروث فى مرات اخرى , لا تأخذ فكرة جديدة مكانها
فى دنيا الناس وحياتهم (كده بالساهل واخوى واخوك ) , كانت عبارة قريش الأثيرة فى وجه رسالة
محمد عليه افضل الصلوات والتسليم , اجئتنا لتلفتنا عن دين آبائنا وامهاتنا ؟؟!!وامتد هذا
الفهم حتى حياتنا الحاضرة الآن , ان مشوار الحياة هو فى مجمله موازنة دقيقة بين جديد وقديم ,
من المؤكد ان الشىء لا يرفض فقط (لقدمه ) , كما انه فى ذات الوقت لا ينفى ويسقط ويقصى (الياء مضمومة فى الكلمات الثلاث ) فقط لجدته وحداثته , انها دعوة لأعمال العقل وجعله (حكما ) لا يرفض الأستماع
الى (القلب والعاطفة ) الا بمقدار يمنع (الغاؤه ورميه فى سلة المهملات )
لا تكن قردا وتساهم فى نظرية صناعة الغباء بمنعك (لأخوانك القرود ) من ارتقاء السلالم
الموصلة للموز , اشكرك يا ريس با حبيب على هذا (الأسقاط المدهش ) , ورحمة الله وغفرانه مرة اخرى
عليك ولك يا نجم الدين
| |
|
|
|
|
|
|
|
|
|
Re: ناس الزقازيق أجدع ناس (Re: منصور عبد الرازق)
|
Quote: فعشان كدا أخضعناهو لتجارب وفحوصات من هذا النوع
تجي إنت زي نادي المريخ تشيل لعيبة الهلال؟؟؟؟؟ |
يا جلا الزول ده مسجل عندنا من أيام كان ناشئ...يعني عندنا حق أصيل فيهو...و قالو في المثل
العرجه لي مراحه...رغم ان حسان ليس باعرج ولا ألجن اللسان...بل هو واثق الخطوة يمشي ملكا ومع
ذلك فهو أيضا فصيح اللسان...
لكن لأنك عزيز علينا بنخليهو يلعب معاك المباريات الودية....
| |
|
|
|
|
|
|
|
|
|
Re: ناس الزقازيق أجدع ناس (Re: الرشيد بابكر)
|
سرني كثيرا التحدث عبر الهاتف مع الزول اللذيذ محمد آدم النور...رن الهاتف مرة واثنتان
حتى توقف...ثم اتصلت على رقمه الثاني فرن حتى توقف...و قلت بيني وبين نفسي انت الزول الأرقام
دي خاتيها في البرفايل بتاعو قيافات ساكت ولا شنو...وقيافات دي بجيكم ليها راجع في الآخر...ثم
مره ثالثة...أنا ما لايوووووق...في المرة يرد صوت مثل صوت ناجي حسن بتاع التلفزيون...أنا أسمعة
وهو لا يسمعني...أنا قلت بيني وبين نفسي أكيد أرقام قيافات ساكت...ناجي حسن ده الجابو هنا شنو
طبعا لما تشوف صورة أي واحد دون أن تقابلة بتكمل باقي التفاصيل في خيالك...أنا باقي التفاصيل
بتاعت جلا...صوت غليظ...المهم ختيت الرحمن في قلبي وضربت ليهو مره رابعة...أنا ما لايوووووووق
المره دي جاتني البنية بتاعت زين ولا سوداني ما بعرفو...تقول لي الرقم مشغول كان عايز تنتظر
براحتك وكان ما ما عايز أضرب بعد شوية...قلت ليها بنتظر...خليني أكمل اللياقة دي الليلة...
أكان بعد شوية زولك القبيل يرد علي مرة تانية...قربت أقول ليهو ناجي حسن...جلا معاك...قلت
أحسن أقول محمد آدم النور...الاسم كامل كده...يمكن الزول ده ما بيعرف لقب جلا ده...قلت ليهو
محمد أدم النور...قال لي مرحب بيك...انت يا زول تلفونك ده مشغول طوالي مالو...قال لي أعمل
شنو مع المعجبين الكتار الزيكم ديل....طلع ياهو زولي ذاتو...جلا اللذيذ...قلت ليهو يا زول انت
صوتك ده مالو بقى ناعم كده...مكندش ولا شنو...طلع مكندش الراجل...اطمأنيت على اجازتي في
السودان بعد كم يوم...
امتد الحوار مع جلا وكان ممتعا...و أزدادت علاقة الكيبورد متانة...باقي لينا الملح والملاح
ان شاء الله عصيدة عند ناس محمد صديق...هوي يا جماعة أوع تفتكروني بهظر..كان ما بقى فيها لمة
معاكم الاجازة دي على عصيدة أو ان شاء الله سندوتشات عند امراة الأعمال نهلة نجم الدين...مافي
زول تاني يجيب لي سيرة الزقازيق دي من بعيد ولا من قريب....الكلام ده ان شاء الله يكون وصلك
يا زهير الزناتي...و الحاضر يكلم الغائب...
يا جلا سرني كثيرا التحدث اليك....
نجي لي موضوع القيافات....قال في تمرين من تمارين الحلة (الحي) الناس واقفة عشان القسمة زي
العادة...اتنين بيقيفو كل واحد يعزل ناسو البيعرفهم...قال ليك في واحد أول مرة يجي...لابس
ليك كدارة جديدة لنج...و الهدوم بتاعت برشلونة الأسباني جديدة لنج...و الهنايات ديك بتاعت العرق
المهم الزول العليهو العزلة عزل ليك الزول اللابس نضيف ده...لما ابتدأ التمرين...زولك يشوتو
ليهو الكورة يجليها ولا يشوت بالبوز...قام واحد قال والله الجنى ده هديمات ساكت...
| |
|
|
|
|
|
|
|
|
|
Re: ناس الزقازيق أجدع ناس (Re: الرشيد بابكر)
|
يا جماعة مالكم سمعتو ولا جابو ليكم...محمد عيد و عرفناهو بيحضر في كورة المريخ البيض دي
و منصور أولاده خلاص أجزوا وقلعوا الكمبيوتر حقهم قام رجع للنادي تاني...و فاجأ ليك ناس الجمعية
بتاعتهم بطلب غريب...قال ليهم يا جماعة حقو نجيب لينا كمبيوتر هنا و ندخل الانترنت...قاموا
الجماعة المشلخين لا وين ما بعرف ديل قالوا انت منصور ده جنت ولا شنو...كمبيوتر بتاع ايه ما هو
طول عمرو بيجي يلعب كوتشينة ويتغلب...خلي بالك زهجت من الغلب الكتير...
أما جلال فحدث ولا حرج...ماسكو نفاخ لا نافع معاهو بوكسيديوم ولا كوكاكولا دايت...قال عامل ريجيم
عشان كده بيشرب كوكاكولا دايت...يا اخوي أسمع نصيحتي...النفاخ ما بينفع معاهو الا جكة في البوست
ده...
دهب قال الحوش حوشكم...قمنا اتلايقنا عليهو قال ما تشتغلو بي...حسة أنحن ولا شغالين بيهو...خايفين
نتلايق عليهو تاني يقوم يشاكلنا زي ما شاكل تبشة...
و ياسر نجيلة اختفى تماما...قال دي فرصة الناس دي في حالة حداد أعمل نايم...
الريس مع ناس النهار...الليل ده ما تبعو...
محمد صديق عاداهو زهير الزناتي بالفقر...هو زاتو بقى على عجل...الله يستر من الكندشة الوعدتنا بيها
ناس النفاجات تاج الدين و أبوعمر...أيضا اختفو...
خلونا نشوفكم يا جماعة ربما لا نتواصل معكم ابتداء من بعد غد...
| |
|
|
|
|
|
|
|
|
|
Re: ناس الزقازيق أجدع ناس (Re: الرشيد بابكر)
|
يا جماعة والله ما قادر اكتب هنا
اجتاحني نوع من الحزن الغريب على روح الراحل نجم الدين
قابلته قبل سنتين.. نفس الابتسامة ونفس الطيبة وجمال الروح
زول الله عدييييييييييييييييل
رحمه الله رحمة واسعة وادخله فسيح جناته يا رب
الحزن عليه امتد الى ياسر الشفيع رحمة الله عليه
اول من قابلت من بيطرة وانا برلوم وكان معاهو ياسر لورد
اول سؤال سالوني ليه:
بتعرف تلعب كورة
قلت ليهم ايوة
لورد: في ياتو خانة
قلت ليه في الدفاع
قال لي خلاص كدة فريقنا اتكرب تب
رحمة الله على الجميع
| |
|
|
|
|
|
|
|
|
|
Re: ناس الزقازيق أجدع ناس (Re: طارق جبريل)
|
قاعد مساهر حارس الكمبيوتر ده عسى ولعل يجي زول يساعدني نطلع البوست من الموود بتاع الحزن ده
لكن نقبي طلع على شونة زي ما بيقولو المصريين...
يا طارق انت عارف نحن السودانيين ديل الحزن ده راكبنا من ريسينا لي رجلينا...لما نفرح بنفرح
شديد لكن بننسى بسرعة ولما نحزن بنحزن أشد وما بننسى بسرعة...حتى غنانا حزين ومليان حزن...مناحاتنا
أصبحت تراث...مع انها قطع أخدر زي ما قال محمد صديق...تأليف حبوبات...لكن رسخ في عقولنا عبر
السنين...و ده حقيقة ان دل على شئ انما يدل على محنتنا و ارتباطنا الشديد ببعضنا البعض وهو أمر
نتمنى أن لا يزول أبدا ولتتوارثة الأجيال جيلا بعد...
و لكن لنوحد الله ولنمضي في طريقنا ونعيش حياتنا معتبرين برحيل أعزاءنا...متمسكين بقيمنا وتراثنا...
| |
|
|
|
|
|
|
|
|
|
Re: ناس الزقازيق أجدع ناس (Re: الرشيد بابكر)
|
حا توحشنا يا رش
بعد ده وابتداءا من مساء الخميس شوفوا ليكم زول يساهر ليكم فى البوست ده
الرشيد ادانا تحذير من انه ما بيحب الفشخرة عشان كده ماشايل اللاب توب بتاعه معاه
هو ماعارف انو الشغلة بقت لا فيها فشخرة ولا حاجة , اللاب توب ده بقى عبارة عن موبايل كبير شوية , وحا تلقى
من كل تلاتة فى اتنين شايلنو , وحا يديك ميزة انك تكتب لينا وتجينا ريحة التقلية والعصيدة طالعة وكمان ممكن على
الفور نعرف السندوتشات الجابتها ليك نهلة حاتكون سندوتشات (دقن الباشا ولا فايكس )
استمتع باجازتك فى جزئها الأول فى استنبول الجميلة , انها بالفعل بلد ومدينة فى غاية الأمتاع والجمال , تمتع
بجمال المسجد الأزرق(blue mosku), هكذا يكتبونه ويسمونه , فى متحف التوب كابى ستشاهد عجائب وغرائب سيشيب لها راسك
الشايب اصلا (ولا بقيت تصبغ)؟؟ستشاهد وتعرف ان العثمانببن ايام سطوتهم الولى تمكنوا من جمع الآثار الأسلامية الأولى
سيف خالد بن الوليد , الى بردعة على بن ابى طالب , الى مصحف عثمان بن عفان و وحتى سبية رأس الرسول الكريم بل
وخفه واثار اصابعه الكريمة على رمال الصحارى والوديان التى قطعها , اما كنيسة السيجدة مريم البتول العذراء فستدهشك
بمعمارها وبنائها الشاهق وجدرانياتها الباذخة , واذا ما كتب الله لك صلاة جمعة فى مسجد السلطان احمد , فستشاهد صلاة جمعة
نادرة ليس لها مثيل فى اى مكان آخر فى العالم , احمد ابنى الكبير الذى اصطحبنى فى تلك الصلاة ما يزال يتحدث عنها
(كما انا ) بكل الدهشة والأستغراب , خطبة استمرت قرابة الساعتين غير تواشيحها الدينية المهيبة (قبل الخطبة وبعدها )
بلغات اربعة تبينا منها العربية الفصيحة وتلخبطنا فى الثلاث الباقيات وان كانت التركية احداها
اما لو اردت ان احدثك عن يلاوا الجميلة البديعة , او مضيق البسفور وكباريه المعلقة الرائعة الممتدة على
طول المحيط والبحر الأسود , او جزيرة الأميرات العجيبة و او مدينة السجاد الفاخر (بورصة ) , او مزارع العنب
والحمضيات الممتدة على جانبى المسطحات المائية فى جمال أخاذ , او اسواق اكسراى وتكسيم الشعبية الفاخرة و فانا
محتاج لباقى الليل ده كله عشان (اكفى كلام )
لا تبخل على نفسك ولا تستكثر عليها بهجة واجازة انت فى امس الحاجة لها , على الأقل انت فى حوجة للمة اسرية
مثل هذه تضمك مع العزيزة اختنا الرائعة نجاة حوفى مع امنية ومهند
استمتع باجازتك ما استطعت , واذا ما انتهى بك المسير الى الخرطوم باجوائها الماطرة وسماواتها الملبدة
(بالمطر واشياء اخرى ) فاعط الهل والحاج والحاجة والأخوات والأخوان حقهم من الأشواق منك , ثم بلغهم اننا نبلغهم
عبرك ايضا مثلها (اضعافا مضاعفة ) و ولا تنسى ان تطل علينا مرة مرة من اللاب توب (الما فيه اى مظهر فشخرة )
بقدر ما هو (مرسال الشوق , يا الكلك ذوق , اغشى الحبان فى كل مكان , قول ليهم شفنا جبل مرة )
كن بخير وسلم على القدامك ) , وارقد قفا , ورا محروس وفى امان الله
| |
|
|
|
|
|
|
|
|
|
Re: ناس الزقازيق أجدع ناس (Re: البادي النور)
|
صباح النور على البلور
صبحكم الله بالخير ،، يا وجوه الخير
تاهت على صورة المرحوم ولكن دخول أخونا
ديدو بالصور أرجعة لذاكرتنا الصورة وشكراً
لمخزن الذكرايات .
لنخرج من صندوق أحزاننا لنواصل ركب الحياة
ونتابع رشيد القوم في سفرهم المرتقب ولا تبخل
علينا بالصور .
| |
|
|
|
|
|
|
|
|
|
Re: ناس الزقازيق أجدع ناس (Re: ميسرة سيد أحمد)
|
سلام أيها القوم
شكراً الريس ميسرة
أنا قلت ليكم ما مع الحزن الكتير دا
شكراً أخي الرشيد على مكالمتك
وشكرا أيضاً على مداخلتك
إذا إنت قلت الزول دا لذيذ
ومحمد عيد برضو إطراءه سبقك
يعني قلت عايز تتأكد و لاشنو؟؟؟؟
عليك الله في إجازتك تعال شوفني أعور و لا معوق عشان تتأكد كويس
إجازة استانبول
بالله لمن تمشي البلد ديك سلم لي على مهند و نور، وميرنا
لأنو وعدوني يجو يزوروني في السودان
لكن مشغوليتهم كترت
وبرمجوا يجو يمشو معاي أم صيقعون الجاك في السفرية الجاية
ودا من باب تبادل الزيارات الميدانية
و برضو لو في طريقة
تأخذ معاك منصور لزوم مرشد سياحي وكدا!!!
| |
|
|
|
|
|
|
|
|
 Re: ناس الزقازيق أجدع ناس (Re: محمد آدم النور)
|
صباح الخيرات على الجميع ..
| Quote: خلونا نشوفكم يا جماعة ربما لا نتواصل معكم ابتداء من بعد غد... |
خلاص يا رش ما تخيلينيش أعيط ..!!
رغم اننى اعلم بأننى سأكون أكثر المتأثرين والمتضررين ..
الا ان غيابك عن البوست سوف يحس به الجميع بكل تأكيد ..
والمشكلة الأكبر فى نوبة الحراسة الليلية .. لأنكم اذا خليتوها على انا ومنصور
واطاطنكم اصبحت وحتجوا تلقوا مش العفش بس .. الحوش ذاتو اتسرق ..!!
وبما انو سيد الحوش قال ليكم انا راقد فى عنقريبى الهبابى والبيت بيتكم
وبما ان المسألة محتاجة ترتيب سريع ...
ارجو ان يقوم ريسنا وحارسنا وفارسنا بفرض الأتاوات اللازمة على سكان الحوش وزواره
وان يمارس سلطاته المخولة له فى تكوين لجان المناوبات الليلية والنهارية وكذلك
لجان التنشيط التى تقوم بصرف حقن منع الكسل لكل عضو ترى انه تراخى او تقاعس او
حتى ........ استمتع ..!!!
يا اخوانا الاستمتاع .. أخذ وعطاء .. يعنى زى الابداعات البيقدمها جلا مثلا او الرشيد
ليس بالضرورة اننا نكتب زيها .. ولكن مجرد التعليق والتشجيع او حتى النقد مؤكد بيثرى
الموضوع بشكل أجمل ويحفز المبدع لاعطاء المزيد .
كما اقترح على الريس ايضا فرض مساهمات على الاعضاء المسافرين ولو على الحد الأدنى ..
اولا لضمان التواصل ، وثانيا : عشان بعدين لما يرجع ما يتعب فى مراجعة الصفحات .. هـهـه
وثالثا وهو الأهم ..ان مشاركاتهم ستعكس لغير المسافرين مثل حالاتنا اجواء السفر وتغيير المناظر
وعلى هذا يا ريس يمكنك رسم خارطة طريق للخروج من أزمة هذا الصيف الذى بدت بشائره
بأجواء ليلة الأمس ..
والله يا منصور الرطوبة ليلة أمس تعدت الـ 100% وذكرتنى بليلة حضورك زمااان ورطوبة النورس
مع عبده مضوى !!!
رشيد سافر وعين الله ترعاك .. وما تنسى تسلم لى على ميرنا ( المقطعة قلب عبد الدايم دى )
وكمان سلم لينا على الهكر البى غادى .. ناس احمد صالح وعبده ومعاوية والبقية
| |
|
|
|
|
|
|
|
|
|
Re: ناس الزقازيق أجدع ناس (Re: محمد عيد)
|
الأخوة الأعزاء لكم تحياتنا واشواقنا
نسأل الله العلي القدير ذو الجلال والإكرام أن يرحم فقيدنا نجم الدين رحمة واسعة وينقه من الذنوب والآثام
ويزيد حسناته ويدخله جناته مع الصديقين والصالحين القلب يحزن والعين تدمع ولايسعنا إلا أن نقول كما قال أولو العزم من الرسل
(إنا لله وإنا إليه راجعون) رقم فقده الذي يصعب علينا ، إلا إنه لايغلى على ربه ، لذا نعزي أنفسنا واهله بأنه فقط سبقنا باليوم ،
وإنا لله وإنا إليه راجعون
أحمد إسماعيل
| |
|
|
|
|
|
|
|
|
|
Re: ناس الزقازيق أجدع ناس (Re: زهير الزناتي)
|
سلام ناس الحوش
سألتكم بالله أن تكفوا عن النحيب في هذا البوست
و أدعو لموتانا في صلواتكم وتسبيحاتكم بالمغفرة
و أيضاً في سركم
أحمد إسماعيل رجع لموضوع الريس ميسرة
Quote: سلام يا أحباب
الشعور بعدم الأمان
في ظل الدخول المحدودة (الراتب)
العمل طبعا هو الذي يوفر المال
والمال يعني القدرة على قضاء الحاجات الضرورية والمهمة ثم الكماليات
لعمل خارج بلدك أو وطنك مؤكد مادائم
فإذا أنت لم تحقق حاجاتك الضرورية والمهمة لاغلى ناس عندك (بت الشيخ وأبنائك)
أكيدتشعر بعدم الأمان وخاصة في بلد زي السودان
كل شيء فيه قيمنه مامنطقية مقارنة بكل بلدان العالم
بالأخص في الأراضي والبيوت والمباني بالإضافة لبعض السلوك الذي يقابلك
في السودان كأن تجد الواحد يصرف مايساوي راتبه في اسبوع ويقول لك أصرف مافي
الجيب يأتيك مافي الغيب بالله وين العقل الذي خص الله به الإنسان ولا دي لعبة خاصة
للمغتربين على الأقل لو المغترب ماجاراهم يكون إترهب ، رأيك شنو يامحمد آدم ؛؛؛؛؛
وشيء منطقي ان المغترب نزل إجازة مع العائلة ومعه مبلغ محدد لقضاء الإجازة لازم
يحرص عليه ليس بخلا بل خوفا أن يصرف هذاالمبلغ ويلجا للإقتراض مما يجعل موقفه
صعب لذلك يقال إذا شفت زول بسأل من الأسعار أو يدخل يده في جيبه ويخرجها كثير
قطع شك إنه مغترب |
حتماً سأعود لهذه المداخلة القيمة
ونتدراس فيما بيننا أي السبل يمكن أن نسلكها
للوصول لهدف الأمان
| |
|
|
|
|
|
|
|
|
|
Re: ناس الزقازيق أجدع ناس (Re: محمد عيد)
|
آخر يومين عمل يزدحم فيها جدول الأعمال وتحاول قدر الامكان أن تترك كل شئ وراك مظبوط و مرتب
حتى لا تسبب في أي مشاكل لمن يتسلم مكانك...لأنه ان أفلح فسينسب له النجاح و ان فشل فينسب لك
الفشل لأنك لم تسلحة بالاداوات التي تؤمن له النجاح...نسأل الله التوفيق للجميع...
و الله يا جلا حاولت التنسيق مع منصور ليس ليكون دليلا سياحيا فقط بل أيضا لأن رفقة منصور هي سياحة
في عالم آخر و من نوع آخر..والتواجد معه في مكان واحد لا شك سيكون فيه الكثير من المتعة واسترجاع
لأيام خلت...لكن ظروف منصور لم تسمح بذلك...و أعده بتنسيق تام في الاجازة المقبلة ان شاء الله..
و الله يا منص و الحمد لله ما زال الشعر أسود وحتى و ان تحول الى أبيض فليست هنالك مشكلة..فما زال
القلب يافعا نضرا...
يا منص قالوا الطشاش في بلد العمايا شوف...فاذا كان اللاب توب عندكم عادي فعند بعض الناس فشخرة
و أنا دائما آخذ بأضعف الايمان...
يا عيد الحبيب اللبيب...و الله انك لو تدري كم من الوقت أصبح يشغله هذا البوست من يومي لعرفت مدى
الوحشة من عدم التواصل معكم...لكن ما دام اللاب توب ما فشخره فسأحاول أشيل اللاب توب الخفيف...
يا ريس ان شاء الله انك لموعود بصور سواء من تركيا أو من لمة زقازيقية على عصيدة بملاح نعيمية أو تقلية عند ناس محمد صديق...و لا شاي بليقيمات عند ناس زهير...و لا آيسكريم عند اللذيذ جلا...أو
سندوتشات عند امرأة الأعمال نهلة نجم الدين...
| |
|
|
|
|
|
|
|
|
|
Re: ناس الزقازيق أجدع ناس (Re: الرشيد بابكر)
|
رشيد
يا مسافر وناسى هــواك
سفر ك سبب لى اذاى ..
..
..
لعيونك .. رائعة فدوى طوقان
.. وجهك مـلء الســـفر
يحاصر وجهك روما، وروما ترد عليها الغطاء
تنام على قصص الحب خلف النوافذ، تمنح أسرارها للمساء
يحبون ، طوبى لهم
وروما تحن على العاشقين وتأسى إذا ما
تنفس فيها الصباح وفتح كوته للشوارع
دم القلب يسقي الطيوف الرواجع
على وهج الذكريات أسافر :
يغمض عينيه ضوء المصابيح في جوبيلي ..
غرفتي -
تحتمي بالستائر
صديقك ''موزارت'' يغدق كل عطاياه ،
يغتمر القلب في الحب ، يشتعل البحر ،
يأخذنا البحر ، ألمس وجهك ، أرنو إليه
على خيط ضوء نحيل
أخاف تكون مجرد حلم جميل
أزيد التصاقا، يداك تردان فوقي الغطاء -
لا برد
حضورك دفء، حضورك وهج ووقد
هوانا روافده تلتقي
نغيب مع المد ، نطفو ونغرق في اللازورد
يحاصر وجهك روما
وروما تشف كبللورة السحر في كف ساحر
ووجهك فيها يطاردني عبر كل الشوارع
| |
|
|
|
|
|
|
|
|
|
Re: ناس الزقازيق أجدع ناس (Re: محمد عيد)
|
أجمل و ألذ و أظرف الاحتفاليات هي التي تأتي دونما تخطيط...فلقد زملاء العمل هنا أن يسهروا معي
في الليلة الأخيره لي هنا قبل سفري...و طلبنا من المطعم ايصال وجبة العشاء الى مقري وأحضروا
معهم أكبر بطيخة في السوق...بطيخة حمراااااااااااء...و تسامرنا حنى قبل قليل لينصرف الجميع
استعدادا ليوم عمل مضني و طويل...
البطيخة الحمرااء ذكرتني بحادثة طريفة حدثت في مسقط رأسي مدينة الكوة بالنيل الأبيض...حيث أنه
كان هنالك فتاة تدعي بخيتة و كانت بخيتة تقضي معظم وقتها مع الجيران...فلقد كان لهم فتاة في
عمرها تحب بخيته أن تلعب معها...المهم كان الوقت وقت غداء فطلبت أم بخيتة من ابنها أن ينادي
أخته للغداء...فذهب الابن و دخل الى الجيران فوجد الجيران اتغدوا و خاتين ليك بطيخة كبيرة حمراااء
في صينية و مقطعين البيطيخة كلها...فقام قال يا خالتي فلانة بطيخة معاكم...قالت ليهو يا ولدي والله
بخيته ما معانا لكن عليك الله تعال أكل معانا بطيخ...
محمد صديق جهز البطيخ مع العصيدة...
يحكى أن...في واحد قامت بطيخة بالقرب من لا مؤاخذا الادبخانات بتاعت البيت...خلاها تكبر و طلعت بطيخة واحدة بس...حذر ليك ناس البيت كلهم قال ليهم مافي واحد يلمس البطيخة دي...قال ليك البطيخة كبرت
بصورة غريبة...بقت زي الفلوكس واجن الخنفساء...المهم في يوم قرر يقطعها ويوديه السوق...قطع البطيخة وجاب ليهو عربية نص نقل ووداها السوق...في السوق جاء واحد عجبتو البطيخة و عايز يشتريها
قال ليهو يا زول بطيختك دي نجيضة...طبعا نجيضة شوفه كده...الراجل خبط على البطيخة تج تج تج
جاهو صوت من جوه البطيخة...احم احم...
فتكم بعافية
| |
|
|
|
|
|
|
|
|
|
Re: ناس الزقازيق أجدع ناس (Re: محمد عيد)
|
أستأذنكم فى الدخول لأول مرة على بوستكم العامر ..
أدام الله المحبة والود بينك ..
وحفظكم من كل سوء ..
أدخل عليكم معزيا فى فقدى وفقدكم أخى الذى لم تلده أمى
نجم الدين على إبراهيم ..
عرفته ضاحكا مستبشرا ولا يقول النكات ..
هاشا وباشا ولا يدندن إلا بذكر الله ..
عابدا وصائما ولا يعود الموائد ..
زاهدا طاهرا ولا يخوض الشبهات ..
عفيف اللسان طيب الحديث لا يسب ولا يلعن ..
صادقا صدوقا لا يكذب ولا يتجمل ..
صابرا صبورا لا يشكى همه إلا لله ..
قويا أمينا لا يخشى فى الحق لومة لائم ..
طاهر اليد والقلب لا يظن ولا يشك ..
صريحا واضحا لا يتملق ..
جوادا كريما لا يبخل ..
عطوفا حنينا لا يضعف ..
مقداما شجاعا لا يتردد ..
كان يقول لى أنه يحبنى فى الله ..
وكنت أحبه فى الله ..
ولم أعلم مكانته عندى إلا عندما صارت شاغرة ..
زاملته سنينا طويلة فى مكتب واحد ولم أسمع منه ما يسى ..
لم أسمع منه كلاما بذيئا ولا لعنا ولا طعنا ..
حييا خجولا مؤدبا أديبا ..
هميما بهموم الأخرين ..
تعلمت منه تحمل الأذية والهدوء ..
بعث فى نفسى ثقة وعزة ..
شجعنى ووقف بجانبى حين تخلى عنى الكثيرون ..
علمنى أن القوى هو من يملك نفسه عند الغضب ..
كنت مندفعا قضوبا متهورا ..
فعلمنى فضل السكون والحلم ..
إحتمل غضبى وإحترم إنفعالاتى فأدبنى ..
علمنى الصبر ..
ولم أستطع صبرا على رحيله!
إن العين لتدمع وإن القلب ليحزن
وإنى لفراقك يا نجم الدين لحزين
| |
|
|
|
|
|
|
|
|
|
Re: ناس الزقازيق أجدع ناس (Re: محمد عيد)
|
يا نااااس
يا هوووووو
يا ريس ..
يا دودى ..
ود الجيلى ..
جلال .. دهب
نجيلة .. جبريلا ..
منص ( upon a time )
صديق .. زهير ..
جلا ... حتى انت يا يروتس ؟!
يا اخوانا .. صلوا على النبى ..
بالمناسبة اللى حيرد على المداخلة الجاية دى ليهو مفاجأة
وانا جاااد جدا ... جدا
**************
حكم رااائعة
يقول جون وليامز: ما فائدة الدنيا الواسعة إذا كان حذاؤك ضيقا ؟!
............ ......... .......... ......... ......... ......... .......
ستتعلم الكثير من دروس الحياة، إذا لاحظت أن رجال الإطفاء لا يكافحون النار بالنار
............ ......... .......... ......... ......... ......... .......
الذي لا رأي له ، رأسه كمقبض الباب يستطيع أن يديره كل من يشاء ..
............ ......... ......... ......... ......... .......... .......
يقول أحد الصحابة : ما وجد أحد في نفسه كبرا ، إلا من مهانة يجدها في نفسه .
............ ......... ......... ......... ......... .......... .......
يقول المثل الياباني :
أن تكون على حق، لا يستوجب أن يكون صوتك مرتفعا.
------------ --------- --------- --------- --------- --------- --------- --------- --------- --------- ---
لا يوجد في الحياة رجل فاشل ، ولكن يوجد رجل بدأ من القاع وبقي فيه.
............ ......... ......... ......... ......... ......... .......
يقول وليام آرثورد: إن أبواب الإنجازات تتسع لذلك الشخص الذي يرى في الأشياء التافهة إمكانيات غير محدودة
............. ......... ......... ......... ......... ......... .......
يقول إبراهام لنكولن : أنا أمشي ببطء ، ولكن لم يحدث أبدا أنني مشيت خطوة واحدة للوراء
............ ......... ......... ......... ......... ......... .......
شتم رجل عمر بن عبد العزيز فقال عمر: لولا يوم القيامة لأجبتك ..
------------ --------- --------- --------- --------- --------- --------- --------
لا يجرؤ بعض الناس أن يكونوا ملوكا حتى في أحلامهم .وهذا هو الخطأ الجسيم
............ ......... ......... .......... ......... ......... .......
يقول السباعي رحمه الله: ما رأيت كالأب يهدم أولاده بنيانه وهو بهم فرح
وينغصون عليه عيشه وهو منهم مسرور
............ ......... ......... .......... ......... ......... .......
يقول الإمام القرطبي: أجمع العلماء على أن قوله تعالى :' وكلوا واشربوا ولا تسرفوا ' قد جمعت الطب كله ...
............. ......... ......... ......... ......... ......... .......
الضمير لا يمنع المرء من ارتكاب الخطأ إنه فقط يمنعه من الاستمتاع به وهو يرتكبه
............ .......... ......... ......... ......... ......... .......
يقول الشافعي رحمه الله : ما جادلت أحدا ، إلا تمنيت أن يُظهر الله الحق على لسانه دوني !!
............ ......... ......... ......... ......... .......... .......
إن الشق وسط حبة القمح، يرمز إلى أن النصف لك والنصف الآخر لأخيك
............. ......... ......... ......... ......... ......... .......
ذُكِر لسقراط أن رجلا من أهل النقص يحبه فاغتم لذلك وقال : ما أحبني إلا وقد وافقته في بعض أخلاقه
............ ......... .......... ......... ......... ......... .......
زئير الأسد لا يكفي لقتل الفريسة !
............ ......... ......... ......... .......... ......... .......
قد يجد الجبان 36 حلا لمشكلته ، ولكنه لا يعجبه منها سوى حل واحد وهو الفرار !
............ .......... ......... ......... ......... ......... .......
ليس شجاعا ذلك الكلب الذي ينبح على جثة الأسد
............ ......... ......... ......... ......... ......... ........
الأطفال الأشقياء فقط هم أطفال الغير !
............ ......... ......... ......... ......... .......... .......
يتميز الأطفال بسبع خصال :
أولها . أنهم لا يغتمون للرزق
وثانيها . أنهم إذا مرضوا لم يضجروا من قضاء الله
وثالثها.. أن الحقد لا يجد سبيلا إلى قلوبهم
ورابعها . أنهم يسارعون للصلح
وخامسها . أنهم يأكلون مجتمعين
وسادسها . أنهم يخافون لأدنى تخويف
وسابعها . أن عيونهم تدمع .
............. ......... ......... ......... ......... ......... .......
............ ......... .......... ......... ......... ......... .......
و يقول صحابي اخر: إني لأبغض أهل بيت ينفقون رزق أيام في يوم واحد !!
............ ......... ......... ......... ......... .......... .......
يقول مجاهد رحمه الله : ما تردّى حجر من رأس جبل ولا تفجّر نهر من حجر ،
ولا تشقّق فخرج منه الماء إلا من خشية الله .. نزل بذلك القرآن
............. ......... ......... ......... ......... ......... .......
يقول جعفر بن محمد الصادق رضي الله عنه: إني لأفتقر فأتاجر الله بالصدقة
............ ......... ......... ......... ......... ......... .......
ما عرفت أسخف من الذين يحفرون أسماءهم في الصخور ليخلّدوا.
............. ......... ......... ......... ......... ......... .......
كلنا كالقمر له جانب مظلم !
............ ......... ......... ......... ......... ......... .......
رسم أحد الظرفاء حمارا على عباءة صاحبه فلما رأى ذلك صاح بالحاضرين: من الذي مسح وجهه بعباءتي ؟!
............ ......... ......... ......... ......... .......... .......___
يقول الأصمعي وقد سأله الرشيد عن حقيقة العشق : إنه شيء يُذهل القلب عن مساويء
المحبوب فيجد رائحة البصل من المحبوب أعظم من المسك والعنبر !!
............. ......... ......... ......... ......... ......... .......
من المخجل التعثر مرتين بالحجر نفسه
............. ......... ......... ......... ......... ......... ........
يمتلك المعلم أعظم مهنة: إذ تتخرّج على يديه جميع المهن الأخرى
............ ......... ......... .......... ......... ......... .......
)يقول أحد العارفين: مصيبتان لم يُسمع بمثلهما تصيبان العبد عند موته يؤخذ ماله كله، ويُسأل عنه كله.(
............ ......... ......... ......... ......... .......... .......
يقول هتلر: لقد اكتشفت مع الأيام انه ما من فعل مغاير للأخلاق
وما من جريمة بحق المجتمع إلا ولليهود يد فيها.
............ ......... ......... ......... ......... ......... .......
يقول روسو :
دموع الأطفال هي توسلات ، فإذا لم تُلبى طلباته صارت أوامر ..
............ ......... ......... .......... ......... ......... .......
تريد المرأة أن تكون الأخيرة في حياة الرجل
ويريد الرجل أن يكون الأول في حياتها
.............
| |
|
|
|
|
|
|
|
|
|
Re: ناس الزقازيق أجدع ناس (Re: محمد عيد)
|
محمد عيد ما تقلق
الكتابة على جدران مصطبة الجاويش , والشخبطة عليها بكل الألوان , آتية لا محالة
كل مافى الأمر , ان العديدين فيما يبدوا , يمرون بأعصار حزن , نقدره ونتفهمه
على رحيل الزميل نجم الدين , انا لم اتشرف بمعرفته ومزاملته , ولكن من الحديث الدائر
اتمنى لو كنت كذلك , رحمه الله مرة اخرى وجعل الجنة مثواه ومقره
ولكن الحياة تمضى , لا تتوقف , لا نستطيع ملاواتها ولا تجنب مقاديرها واحكامها , وان
كان من عبرة نعتبرها من ذهاب الأخيار من شاكلة المرحوم نجم الدين , فهو ان هذه الدنيا رحلة
قصيرة , فلنجتهد اذن لقضائها وادائها بوسائلها الأمثل والأنفع والأجدى
ولا شك ان مثل هذا الأجتماع الأسفيرى المستمر والمتدفق , قيمة اجتماعية عظيمة وتواصل
انسانى عميق نحن حريصون عليه كل الحرص , الم تروا ان جلا صار يستقبل اتصالات المعجبين
كل يوم ,يجدونه مرة فى مطار بورتسودان وأخرى مع محمد حسان سعد الدين , يجتهد جلا فى
ان يربط هذا بذاك , شوفوا الجمال والتواصل ده , وغدا سيوافينا الرشيد بابكر برسائل
صوتية من صالون ناس محمد صديق عندما يجتمعان على صحن عصيدة فاخر ,
يا شباب , انا شخصيا عندما اتذكر اننى تعرفت من خلال هذا البوست على زهير الزناتى مثلا
اشعر فورا , بأن هذا لوحده يكفينى , عشرين سنة قادمة
تحياتى وحبى
حاشية :-
عادة لا احب التداخل صباحيا الا بعد شرب القهوة , علما بأننى لا اشرب القهوة اساسا , ولكن
(قهوتى ) فى هذا البوست والحوش هى (صباح الخير يا وجوه الخير بتاعت الريس )
اين انت يا ريس , الصداع كتلنا
| |
|
|
|
|
|
|
|
|
|
Re: ناس الزقازيق أجدع ناس (Re: منصور عبد الرازق)
|
| Quote: (صباح الخير يا وجوه الخير بتاعت الريس ) |
بلسان منصور عبدالرازاق ،،،
التحية للأخ/ صلاح أبو دية والدار دارك والبيت بيتك ونرحب
بيك في بوستنا العامر ناس الزقازيق التي أنجبت كثير من الرجال
أمثال حبيبنا المرحوم نجم الدين ، كانت الزقازيق دوماً تواقه لجلب
أفضل الناس إلى دارها وكأن القدر قد منحها فرصة لتختار من الناس الطيبين
ما تشاء ، ذهب نجم الدين إلى مثواه الأخير ليرحمه الله تعالى رحمة واسعة ولتستمر
الحياه أخوان .
يا محمد عيد إنت ومنصور وجلا ومحمد صديق تغطوا خانة الرشيد علشان إنتو أولاد دفعة
واحده في البوست لحدى ما يرجع لينا بالسلامة .
الخميس والجمعة بنكون بعيدين عن الجهاز ، وما زالت أجواء الإمتحانات مخيمة عندنا حتى
يوم 11يوليو .
| |
|
|
|
|
|
|
|
|
|
Re: ناس الزقازيق أجدع ناس (Re: ميسرة سيد أحمد)
|
يا ريس , غايتوا اديتنا حق فك الصداع بس
لكن الريق لسه ما اتبلى
يوم جرد ويوم امتحانات
امنياتى القلبية لأسرتك الكريمة كلها بالنجاح والتوفيق
هاكم دى , من بوست يوم الخميس الفات الليلة يا حليلو
فى محاولة للقفز فوق الأحزان , وضخ دماء جديدة , فى الشرايين والعروق
وتصحى الصباح تلقى نفسك يوم الخميس تانى , يا لهذا اليوم المختلف !!اوعك
تنسى دائما انه يوم التكثيف المشاعرى , ايام الأسبوع كلها المفروض تكون جميلة , ولكن
تعود ان تضع (اساس ) هذا الجمال كل خميس , انه يوم المشاعر والأحاسيس والجمال , يوم الزول
يجتهد ويفتش على (شاحن ) يملأ بيهو بطاريته , تملأها مشاعر طبعا , ولما تكون اساسا مليان مشاعر
فانك حتما ستجتهد فى افراغها وتصريفها , حتى لا تنتهى صلاحيتها وتأذيك , هكذا اتفقنا وتعارفنا
وتعودنا , حا تكون قطعا عايز (تدفقها ) للحوالينك وتقول ليهم (بطريقة ما ) انا بحبكم والله وبعزكم
, وعندما تبدأ فى هذا التعبير وتحاول ان تصيغه كلاما , ليس بالضرورة ان تكون شاعرا (جهبذا )
ولا فنانا لا يشق لك غبار , حتى (قواعد ) اللغة انت فى حل عنها حينذاك ,اذا كنت مجودا لها وحاذقا
لقواعدها الجميلة فهذا خير وبركة , ولكن العدم لا يمنع انسياب وتدفق المشاعر وسريانها فى
طريقها العادى , ستصل مشاعرك الى وجهتها ان عبرت عنها بطريقتك التى تعرف وتتعود , صدقنى لن
يغضب احد اذا ما نصبت فاعلا او رفعت مفعولا , المهم انه احاسيسك ومشاعرك المليانة خير وجمال
ما تروح فى (خبر كان ) , غض النظر عن كونه مرفوع او منصوب , لكن المهم ان لا تكون مشاعرك واحاسيسك
(مجرورة ) , والمشاعر الحلوة مهم جدا تكون (مضاف ومضاف اليه ) , مهم تكون (متطابفة ومتجانسة )
ولازم تكون (مفعول لأجله ) , وينقص من قيمتها ويقلل من قدرها كونها (مفعولا مطلقا ) او (مستثنى )
فيوم الخميس هو يوم الخروج من العادة والتقليد , يوم (الجن المقنن ) , وكمان ممكن الجن الما مقنن
لو عايزين تدوها كوز , , المهم ان تجتهد فى انك تدخل لحياتك وحياة من حولك ما استطعت من الدهشة
والأمتاع والحميمية , شاركهم فى اغنية او فصيدة , فى اى حاجة بيحبوها , فى صباح الخير (المجلة ) زمان , كنت مدمنا (كل خميس ) على (نادية عابد ) , العرفنا بعد داك انها ياها نفسها (مفيد فوزى )
كان شعاره او (شعارها ) فى صفحة (شىء ما ) الأنيقة الحلوة البسيطة المباشرة المليانة بالمعانى
البسيطة الحلوة , كان الشعار يقول
(المشاركة , هى ما نحتاج اليه , حتى نشعر بانسانيتنا )
عليكم الله ختوا لى وش متأمل بيفكر )
| |
|
|
|
|
|
|
|
|
|
Re: ناس الزقازيق أجدع ناس (Re: الرشيد بابكر)
|
سلامات يا ناس
يا محبوبى....
شوقآ اليك يجن نبض الشوق!!!
تنفتح المسام على الجهات الكل
تخفت عاليات الصوت الا من..
احاديث التشوق او:
هسيس الذكريات !!!!
افتقدتكم بشدة فى سابق الايام القليلة الفائتة لبعض
المشغوليات....أعد بعودة قوية ان شاء الله....
الرشيد نحن والسودان والعصيدة و{ الصقط } واللقيمات
بأنتظارك....بس تعال فرح ليالينا وعصارينا....
يا كل الاحبة....
موعودون بقصيدة للحبيب الشاعر محمد نجيب محمد على..
الاخ غير الشقيق لهشام محمد على ==تجارة==
| |
|
|
|
|
|
|
|
|
|
Re: ناس الزقازيق أجدع ناس (Re: الرشيد بابكر)
|
متى مشى النبي على أطراف أنامله؟
قصة ثعلبة...وقد قرأتها عشرات المرات ولم أشبع منها ولا بأس بأن
نقراؤها جميعاً ولو للمرة العاشرة للعظة والعبرة التي فيها .
كان ثعلبة بن عبدالرحمن رضي الله عنه، يخدم النبي في جميع شؤونه....
وذات يوم بعثه رسول الله في حاجة له...
فمر بباب رجل من الأنصار...
فرأى امرأة تغتسل وأطال النظر إليها.
فأخذته الرهبة...
وخاف أن ينزل الوحي على رسول الله بما صنع...
فلم يعد الى النبي
ودخل جبالا بين مكة والمدينة، ومكث فيها قرابة أربعين يوماً...
فنزل جبريل على النبي ...
وقال: يا محمد، إن ربك يقرئك السلام ويقول لك أن رجلاً من أمتك
بين حفرة في الجبال متعوذ بي. فقال النبي لعمر بن الخطاب وسلمان الفارسي:
انطلقا فأتياني بثعلبة بن عبدالرحمن، فليس المقصود غيره.
فخرج الاثنان من أنقاب المدينة...
فلقيا راعيا من رعاة المدينة يقال له زفافة....
فقال له عمر: هل لك علم بشاب بين هذه الجبال يقال له ثعلبة؟
فقال لعلك تريد الهارب من جهنم؟
فقال عمر: وما علمك أنه هارب من جهنم؟
قال لأنه كان إذا جاء جوف الليل...
خرج علينا من بين هذه الجبال...
واضعا يده على أم رأسه وهو ينادي:
يا ليتك قبضت روحي في الأرواح...
وجسدي في الأجساد..
ولم تجددني لفصل القضاء.؟
فقال عمر: إياه نريد...
فانطلق بهما......
فلما رآه عمر غدا إليه واحتضنه...
فقال: يا عمر هل علم رسول الله بذنبي؟
قال: لاعلم لي إلا أنه ذكرك بالأمس...
فأرسلني أنا وسلمان في طلبك....
قال: يا عمر لا تدخلني عليه إلا وهو في الصلاة....
فابتدر عمر وسلمان الصف في الصلاة...
فلما سلم النبي ...قال: يا عمر يا سلمان، ماذا فعل ثعلبة؟
قال هو ذا يا رسول الله....
فقام الرسول فحركه وانتبه...
فقال له: ما غيبك عني يا ثعلبة؟
قال ذنبي يا رسول الله...
قال أفلا أدلك على آية تمحوا الذنوب والخطايا؟؟؟
قال بلى يا رسول الله...
قال: قل:
ربنا آتنا في الدنيا حسنة
وفي الآخرة حسنة
وقنا عذاب النار
قال ذنبي أعظم
قال رسول الله : بل كلام الله أعظم
ثم أمره بالانصراف إلى منزله...
فمر من ثعلبة ثمانية أيام...
ثم أن سلمان أتى رسول الله ...
فقال: يا رسول الله هل لك في ثعلبة فانه لما به قد هلك؟؟؟
فقال رسول الله : فقوموا بنا اليه...
ودخل عليه الرسول ...
فوضع رأس ثعلبة في حجره...
لكن سرعان ما أزال ثعلبة رأسه من على حجر النبي...
فقال له لم أزلت رأسك عن حجري؟؟؟
فقال لأنه ملآن بالذنوب....
قال رسول الله ما تشتكي؟؟؟
قال: مثل دبيب النمل بين عظمي ولحمي وجلدي....
قال الرسول الكريم : ما تشتهي؟
قال:مغفرة ربي
فنزل جبريل فقال:
يا محمد إن ربك يقرؤك السلام...
ويقول لك
لو أن عبدي هذا لقيني بقراب الأرض خطايا لقيته بقرابها مغفرة
فأعلمه النبي بذلك، فصاح صيحة بعدها مات على أثرها.
فأمر النبي بغسله وكفنه...
فلما صلى عليه الرسول ..
جعل يمشي على أطراف أنامله،
فلما انتهى الدفن قيل لرسول الله:
يا رسول الله رأيناك تمشي على أطراف أناملك.
قال الرسول:
والذي بعثني بالحق نبياً ما قدرت أن أضع قدمي على الأرض من كثرة ما نزل من الملائكة لتشييعه
| |
|
|
|
|
|
|
|
|
|
Re: ناس الزقازيق أجدع ناس (Re: ميسرة سيد أحمد)
|
ما هو السر وراء العبارة الشهيره ( النساء أولا – او ladies first ) ؟
دائما تتردد هذه العباره الشهيره (Ladies First )) النساء أولاً ) على ألسننا و خاصة الرجال عندما يقدمون الجنس اللطيف لدخول أي مكان أو فعل أي شيء أخر ، مما يدخل السرور في قلب المرأه أو الفتاة لأن الطرف الأخر أظهر لها نوعا من لإحترام والتقدير
ولكن دعونا نتعرف على قصة هذه العباره الشهيره ونقف على أحداثها سوياً
هذه العباره لها قصه عجيبه حدثت في إيطاليا في القرن الثامن عشر
ميلادي
ومفادها :
انه كان هناك شاب من إحدى الأسر الغنيه في إحدى مقاطعات إيطاليا وقع
في حب فتاة من أسره أقل منه في المستوى المعيشي والطبقات التي ينتمون
إليها
اتفق الاثنان على الزواج ولكن الشاب لقي معارضه من قبل أسرته والتي
أضطرت لتهديده بعدم مباركة هذا الزواج كبرت الضغوط على الشاب وعلى
الفتاة وقررا أن لا يفرقهما إلا الموت وبالفعل بعد أن كثرت هذه الضغوط
خافا أن يفترقا وقررا الإنتحار وتوجها الى صخره عاليه جداً ومطله على
البحر ، عندها قررت الفتاه القفز اولاً ولكن الشاب منعها من القفز
لأنه لا يستطيع أن يراها تموت أمامه واتفقا على أن يقفز الشاب أولاً
وبالفعل قفز الشاب وسقط ومات ، ولكن عندما رأت الفتاة هذا المنظر غيرت
رأيها وغدرت بالشاب وعدلت عن مرافقته في الموت ورجعت إلى البلده
وتزوجت شخص آخر من طبقتها وخانت حبيبها الذي ضحى بنفسه من
أجلها............
وعندما علم أهل القرية بذلك قرروا أن تكون النساء أول من يقومن
بالأعمال.
&&&&&&&&&&
فهل بعد ذلك تفرح النساء من معاملتهن بهذه العبارة ؟؟ّ!
| |
|
|
|
|
|
|
|
|
|
Re: ناس الزقازيق أجدع ناس (Re: محمد عيد)
|
سلامات ياناس
استميحكم عذرآ فى الغياب عنكم ليومين او يزيد
وسأعود ان شاء الله مطلع الاسبوع الجديد...
سأعمل على المساهمة فى الخروج بالناس من جو الحزن
وقبل الغياب أهديكم ازيك انتى وازى عيونك لمحمد نجيب
محمد على....
ازيك انتى
وازى عيونك
وازى خطاك
الكان زمان
سايقانى لى بر الامان
وخلتنى فى الآخر
بدونك
والليلة مالك ساكتة ساى
يعنى العيون
نست الحنان؟؟
ولا الحروف جافت غناى؟؟
ولا الكلام بقى فى السكوت
وانا كل يوم بحيا وبموت
لو صدفة جات سيرة الهوى
او شفت فى الحلم البعيد
اتنين بناجوا الليل سوا
اتخيلى الزمن اللى راح
واتخيلى الحال كيف يكون
لمن يطل على صباح
واكون براى
فى قلبى صورتك الا صوتك ما معاى
واتخيلى واتخيلى واتخيلى
وتفتكرى لمن قلت ليكى
خلى بالك فى مشيكى
واعملى حساب للطريق
احسن العربات كتيرة
واقرى وسط الزحمة دايمآ
سورة الحمدو الكبيرة
وختى فى بالك حكايتى
اصلى مما شفتك انتى
دابى حسيت بى حياتى
ويا حياتى
ويا حياتى
ويا حياتى
وازيك انتى
وازى عيونك
مشتاق..و جد
غالبنى اعيش واحلم بدونك.
===============================
حتى الملتقى..لكم الود والشوق
| |
|
|
|
|
|
|
|
|
|
Re: ناس الزقازيق أجدع ناس (Re: محمد صديق)
|
و أنا في مطار أبوظبي قبل ركوب الطائرة...قلت أشوف وراء مؤمن ولا لا...لقيتو للأسف غير مؤمن
فآليت على نفسي أن أعمل مداخله لرفع البوست الى الصفحة الأولى حتى ولو فاتتني الطيارة...
الناس دي تقول ليها يا جماعة خلو بالكم من العقاب...تجي تلقى العقاب أكل العقاب...و الله ما
كان العشم...
| |
|
|
|
|
|
|
|
|
|
Re: ناس الزقازيق أجدع ناس (Re: الرشيد بابكر)
|
أرسل لي الجنرال عادل فتح على الفيس بوك الكلمات التاليات...يا عادل سمعت كلام محمد عيد
وشلت اللاب توب معاي...ان شاء الله تتواصل الحكاوي من استانبول...تشكرات...
| Quote: تحياتى لك وللأسرة الكريمة أمنياتى لكم بإجازة سعيدة وسلامى لكل الأحباب حاتوحشنا الحكاوى الجميلة ونتمنى أن يستمر التواصل عبر اللابتوب ونحن من الناس المتاوقين يوماتى سلام لكل الجدعان..........ز |
| |
|
|
|
|
|
|
|
|
|
Re: ناس الزقازيق أجدع ناس (Re: الرشيد بابكر)
|
صبحكم الله بالخير
وكل ربع سنة وانتم كما اتمنى لكم دوماً ...
تحياتي للاخ الرشيد وأسرته وتمنياتي بأن تقضي إجازة سعيدة رائعة ...
ياجماعة ما تخذلوا الرشيد ده ... لابد من تأمين العقاب
| |
|
|
|
|
|
|
|
|
|
Re: ناس الزقازيق أجدع ناس (Re: جلال عثمان)
|
سألت ربى ثلاثا من أمانينا ..
.. فقل بعدهن بصدق القلب آمينا
محبة فى رحاب الله تجمعنا ..
.. حتى الممات وعين الله تحمينا
ورحمة من عظيم الجــود تغمرنــا ..
.. فتغفر الآثام منا ثم تنجينا
وفى القيامة نمضى مع ملائكة ..
.. تسوقنا لجنات الخلد آمينا
* جمعة مباركة *
| |
|
|
|
|
|
|
|
|
|
Re: ناس الزقازيق أجدع ناس (Re: محمد عيد)
|
مساكم الله بالخير جميعا أيها الأحباب
من استانبول أطل عليكم بعد رحلة مرهقة لي وللعيال...ليس فيها أي شئ استثنائي...هي رحلة عادية
من أبوظبي الى استانبول استغرقت الزمن المحدد لها و هو 4 ساعات...من الثالثة صباحا بتوقيت الامارات
الى السابعة صباحا السادسة صباحا بتوقيت تركيا...ثم صفوف طويلة جدا بالمطار و كأنما كل الدنيا تمر عبر استانبول...لنخرج من المطار بعد ثلاثة ساعات من الزح الى موظف الجوازات الغبي...و الذي سلمتة
أربعة جوازات فسألني هل أنتم أربعة...فقلت وقد حاولت اخفاء غضبي ماذا يبدو لك...
ثم الى الفندق في منطقة تقسيم والتي ذكرتني بالمناطق القدية بمدينة الاسكندرية...لندخل الى غرفتنا
في حوالي الساعة اتناشر بتوقيت الامارات...و أنا أهوى الى الفراش أحسست و كأنني كانو ريف في فلم
من افلامة الخيالية وهو يسبح في فضاء الكتروني أو اسفيري كما للجميع...
ثم قمت قبل قليل ووجدت نفسي ان أول ما فكرت فيه أن أقوم بتفقد البوست...هل تناول محمد صديق العصيدة
و أولاد حاج الماحي يؤدون مدحة على الراديو...هل قام محمد عيد بالمهمة...وهل وهل...
فلقيت ليك البوست ذاتو ما موجود...يا ربي اتأرشف...عصام دهب بشرنا بغير ذلك....
المهم بعد البحث والتقصي لقيت البوست هنااااااااااك ...الحمد لله اللقيتو....
دي البداية ...وبجيكم برواقة...
أقعدوا عافية...
| |
|
|
|
|
|
|
|
|
|
Re: ناس الزقازيق أجدع ناس (Re: الرشيد بابكر)
|
رشيد الحبيب ..
حمدا لله على سلامتك والاسره .. واجازه سعيده انشاء الله
بالفعل .. توهان البوست منذ صباح اليوم أثار قلقى أيضا ..
وربما كان سببا لعدم النقل المباشر لبليلة مكاشر
وعصيدة مباشر بتاعت ناس رفاعة الهوى عند العمدة محمد صديق ..
وايضا ربما تعثر آخرون فى محاولات الدخول اليه ..
ولكن لننتظر حتى نرى قهوة الصباح بتاعت الريس ..
وباقى المتداخلين من المكاتب
فرحت لاستمرار جذوة التداخل لديك رغم ارهاق السفر
وهو ما راهنت عليه الاخوان قبل سفرك .. ودى المحرية فيك
...
وجودك فى تركيا الجميلة .. وسياحتك المرتقبة بين تلال الأناضول
وسواحل البسفور الساحرة ..
دفعتنى لمشاركتك اللحظات الجميلة بابيات جميلة ..
لشاعر تركيا الجميل .. ناظم حكمت
...
لا تحيا على الأرض
كمستأجر بيت
أو زائر ريف وسط الخضرة
ولتحيا على الأرض
كما لو كان العالم بيت أبيك
ثق في الحب وفي الأرض وفي البحر
ولتمنح ثقتك قبل الأشياء الأخرى للإنسان
امنح حبك للسحب وللآلة والكتب
ولتمنح حبك قبل الأشياء الأخرى للإنسان
ولتستشعر اكتئابة الغصن الجاف
والكوكب الخامد
والحيوان المقعد
ولتستشعر أولاً اكتئابة الإنسان
لتحمل لك الفرحة
كل طيبات الأرض
ليحمل لك الفرحة
الظل والضوء
لتحمل لك الفرحة
الفصول الأربعة
ولكن فليحمل لك الإنسان
أول فرحة
| |
|
|
|
|
|
|
|
|
|
Re: ناس الزقازيق أجدع ناس (Re: الرشيد بابكر)
|
تحية و سلام لأجدع ناس ..
و تشكرات كتير يا رشيد على جهودك و أمنيات لك و الأسرة بإجازة حلوة و رائعة ..
و تحية لجنابو / محمد صديق و شوق شديد لهذه العصيدة التي أضحت محل ( حندكة ) من قبل البعض هنا ..
و حفيقة البوست بالمشاركات الرائعة و المتنوعة و بوجودكم بقي منقة بس ..
و يا محمد عيد غايتو حكاية ليدز فيرست دي الواحد مفتكرها ذوق و كدا ، لكن كويس بعد كدة الواحد يمسك فيها قوي ..
يا جماعة هذه المداخلة ( شدة ) في كمبيوتر زول صاحبي ..
عشان كدة الواحد زي المأجر ليهو عجلة ..
خلوني أجيكم بي رواقة كان الله هون ..
| |
|
|
|
|
|
|
|
|
|
Re: ناس الزقازيق أجدع ناس (Re: عصام دهب)
|
سلام من الله ورحمة منه وبركاته
سلام ناس الحوش
دعاء الهم و الحزن
اللهم إني عبدك ابن عبدك ابن امتك
ناصيتي بيدك
ماض في حكمك
عدل في قضاءك
أسألك بكل اسم هو لك
سميت به نفسك
أو أنزلته في كتابك
أو علمته أحدا ًمن خلقك
أو استأثرت به في علم الغيب عندك
أن تجعل القرآن ربيع قلبي
و نور صدري
و جلاء حزني
و ذهاب همي
اللهم آمين
اللهم آمين
اللهم آمين
اللهم آمين
| |
|
|
|
|
|
|
|
|
|
Re: ناس الزقازيق أجدع ناس (Re: محمد آدم النور)
|
إعتذارات يا ناس الحوش
لعدم التواصل معكم خلال الأيام السابقة
أنا ما متابع إذن أنا ما مستمتع
إذن أنا محمد آدم
و العصيدة بتاعت محمد صديق بتاعت أمبارح ما نجيضة
عشان كدا يا الرشيد
جيب معاك كبسة
حمد لله بالسلامة يا الرشيد وصولك لي ناس محمد علي باشا
وبعدين ما ودعناك لأنو خجلانين
وظروفنا المادية تعبانة
وقلنا نعصر ليك
إنشاء الله حق التاكسي أو الزوادة
قفلنا على عصيدة محمد صديق
لكن الشيرينغ طلع تعبان
البركة في محمد عيد الحضر الشطة
منصور عليهو دقيق العصيدة ما جابو
لأنو كان مساهر في البوست بتاعو
كلفوني بي بشراء الويكة نسيت
غايتو لمن تشد الرحال للسودان
حنودعك من هناك و نجري نستناك في مطار الخرطوم
ناس الداخل على كلام الريس
قومو إتنفضوا
| |
|
|
|
|
|
|
| |
ميسرة سيد أحمد
زهير الزناتي
الرشيد بابكر
محمد عيد
محمد آدم النور
عصام دهب
طارق جبريل
محمد صديق
منصور عبد الرازق
جلال عثمان
سامي عبد الوهاب إدريس
عبد الدائم سيد أحمد
Dr.Elsadig Abdalla
صلاح أبودية
فيس بوك
تويتر
انستقرام
يوتيوب
بنتيريست