|
|
|
 Re: ناس الزقازيق ... أجدع ناس .. (Re: ميسرة سيد أحمد)
|
عن ابنِ عمر رَضِيَ اللَّه عنهما ، أَنَّ رسولَ اللَّه صَلّى اللهُ عَلَيْهِ وسَلَّم كانَ إِذا اسْتَوَى عَلَى بعِيرهِ خَارجاً إِلي سفَرٍ ، كَبَّرَ ثلاثاً ، ثُمَّ قالَ : «سبْحانَ الذي سخَّرَ لَنَا هذا وما كنَّا له مُقرنينَ، وَإِنَّا إِلى ربِّنَا لمُنقَلِبُونَ . اللَّهُمَّ إِنَّا نَسْأَلُكَ في سَفَرِنَا هذا البرَّ والتَّقوى ، ومِنَ العَمَلِ ما تَرْضى . اللَّهُمَّ هَوِّنْ علَيْنا سفَرَنَا هذا وَاطْوِ عنَّا بُعْدَهُ ، اللَّهُمَّ أَنتَ الصَّاحِبُ في السَّفَرِ ، وَالخَلِيفَةُ في الأهْلِ. اللَّهُمَّ إِنِّي أَعُوذُ بِكَ مِنْ وعْثَاءِ السَّفَرِ ، وكآبةِ المنظَرِ ، وَسُوءِ المنْقلَبِ في المالِ والأهلِ وَالوَلدِ » وإِذا رجَعَ قَالهُنَّ وزاد فيِهنَّ : « آيِبونَ تَائِبونَ عَابِدُون لِرَبِّنَا حَامِدُونَ » رواه مسلم .
جمعة مباركة
اليوم باذن الله هو آخر أيامنا باستانبول حيث سنتوجه مساء اليوم الى أرض الوطن...نسأل الله أن يرحب بنا الوطن بقدر توقنا بالذهاب اليه...
| |
 
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: اليوم باذن الله هو آخر أيامنا باستانبول حيث سنتوجه مساء اليوم الى أرض
الوطن...نسأل الله أن يرحب بنا الوطن بقدر توقنا بالذهاب اليه... |
بالسلامة يا رشيد القوم والعائلة ، إنشاء الله نشوفكم في قندهار أو عند عصيدة
محمد صديق.
زهير يا زناتي ممكن ندردش شويه ،، إنت طولت ما قبلت عبدالدائم ولا شنو في مداخلتك
السابقة قلت - إلا يجي الولد الصغير عبدالدائم يوريك الإسم - ما فهمت معنى الولد الصغير
المقصود بيها شنو بعد العمر ده فضل فيهو صغير شوف أنا أكبر سناً بس بتحدى ولدك الصغير ده
في مشروع بتاع جري مسافات طويلة أو شد الحبل ويكون الحكم ولدنا جلا ، كان ما جريتوا ليك
أنا بعترف عنده ذاكره قويه علشان كان بيحب كتير بس بالدس،،
يا زهير يا أخوي الظروف أتغيرت إنت عارف أخونا عوض الكريم في المطار حين تبادلنا
أرقام الهواتف قال ليهو عبدالدائم مين ؟؟؟صاحبك قال ليهو عبدالدائم النضيف مالك يعني نسيت أخونا عوض الكريم ممثل أهل الكهف ، قال ليهو النضيف دي كانت زمان !!!!! عبدالدائم قال لي بالله شوف الزول ده أحبطنا كيف ، كل صغير وإنت طيب .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
مداخلة سريعة
في إتصال صباح اليوم الجمعة مع مبارك جادين
بمكة المكرمة ، أفاد بأنه قام بتعديل برنامجه
حيث يسافر إلى المدينة المنورة من مكة مباشرة
دون المرور بجده ،،، عليه يكون برنامجنا هنا بعد
يوم الأحد القادم ،،
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
الريس ده نجيض نجاضة
هى اكان ما نجيض , يبقى رئيس لى ناس الزقازيق ديل
من الميل كم وثلاثين , الريس دائما عنده المداخلة الأولى على رأس كل ميل
ده حالته الكيبل بتاعهم كان مقطوع ليهو زمن
يعنى كان شغال بى يد واحدة
امبارح كان عندنا عرس كارب فى الرياض
على فكرة يا ريس , ما ملاحظ معاى انو الأعراس السودانية فى السعودية عموما
بقت اكثر منها فى السودان
مش زمان السودانيين فى الزقازيق , خاصة فى المساكن التعاونية
كانوا اكثر من المصريين ذاتهم
تتذكر السيوبر ماركت بتاع الفلسطينى ابو عماد
فى الصيف كان بيقفل عديل
سالأناهو ليه ؟؟قال لما السودانيين يسافرم , محدش بيشترى
نفس الحال هسه عندنا فى الرياض
والله كل خميس تحوم قصور الأفراح دى , ولا الأستراحات
غير السودانيين ما بتشوف
الفنانين السودانيين , لو عاوزهم الا تحجزهم قبل شهرين رغم كثرتهم
المغتربين السودانيين فى السعودية
يعيشون مرحلة الجيل الثالث
وهو زواج الأحفاد , اولاد الأولاد وبنات البنات
حتى الدفن فى المقابر وصلوات الجنائز فى المساجد الكبيرة
من كل عشرة فى اتنين سودانيين
الشغلة دى ماشة وين يا ريس ؟؟!!
الرشيد اليوم بايت فى اركويت
سلام كثير للحاج والحاجة والأخوان
يا بختك بنومة الحوش الليلة
وكان جاتك مطرة زى حقت استنبول دى (وانت عارف مطرتنا شعارها , وزائرتى كأن بها حياء , فليست تزور الا فى الظلام)
فياكا القضيت الليل كلو , شايل مرتبتك , داخلة خارجة خارجة داخلة
ولكن مهما يكن , فهو دخول وخروج بطعم الدعاش والهمبريب والمطرة النقناقة
واجمل بكثير من هذا الفريون الذى (يعوى ) فى اذاننا ويكسر فى (عظامنا ) ليل نهار
وين يا جلا , مشتاقين , استمتعت امس بالتحدث الى مبارك جادين
وكان اليوم خميس , ومبارك جادين يوم الخميس , انتو تموا الباقى براكم
الذ حاجة قال اخذ تعليمات العمرة وطريقتها من زهير الزناتى !!
اها , الراجل ده بيكون عرف يعمر يا ديدو ؟؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
Rafic Moussa
شكراً يا منص أنا محظوظ كما أعمل مداخله أجد نفسي أرحب بالناس
للميل الجديد .
أود أن نتطرق إلى موضوع أقلقني كثيراً ودخلت فيهو صراعات
حادة ومثيره لنبحث من أين أتى أصل الإتهام بكسل السودانيين
المنتشرة عندنا في السعودية وتجدها على الماسنجر لنناقشها بإستفاضه
ومنهجية وهل نحن شعب فعلاً كسلان؟؟؟؟؟؟؟؟؟؟؟؟؟؟
نصــــــــــائح ســـــــــودانيــــــــة
1- اجعل هدفك في الحياة هو الراحة والاسترخاء
2- حب سريرك فهو مملكتك الوحيدة
3- ارتاح بالنهار لتتمكن من النوم بسهولة في الليل
4- العمل شيء مقدس، لذلك لا تقترب منه أبداً
5- لا تؤجل عملك للغد طالما يمكنك تأجيله لبعد الغد
6- اعمل أقل ما يمكنك عمله، وحاول أن تجعل غيرك يؤدي عملك بدلاً منك
7- لا تقلق لن يموت أحد إذا لم تفعل شيئاً، بالعكس قد يتأذى البعض عندما تعمل
8- إذا أحسست بأن لديك رغبة في العمل، استرخي قليلاً حتى تزول تلك الرغبة
- 9 لا تنسى : العمل مفيد للصحة،لذلك اتركه دائماً للمرضى
نكمل بكره ، منصور الجماعة نايمين والرشيد مسافر ومحمد عيد عنده وردية عمل
وجلا في الأبيض ومحمد صديق عنده كبسه - كشه - يعني ما في غيرك.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
يا منص حتقول الزول ده جن و لا شنو فتح كمبيوتره وعمل مداخلة ولسة ما بل شوقو من أهله...الواقع
يا منص نقناقة الخرطوم خلتني أشيل مرتبتي من استانبول...أشيله و أدخلة...لكن بدون همبريب ولا دعاش...ارتعاش ممكن...لأني محبوس في مطار استانبول لسوء الأحوال الجوية في الخرطوم وما معروف نقوم بتين...و الخطوط التركية دي ان شاء الله أول وآخر مرة...و ما عارف هل هي الخطوط التركية ولا الجواز السوداني المجهجهنا في المطارات...أولادنا الشايلين ليك الجوازات الحمر هرشوا ليك الأتراك وقالوا ليهم بننادي ليكم أولياء أمورنا قاموا الجماعة هرشوا وأدونا شوية اعتبار....
عموما نوم الحوش ده في الخريف لا مشتهيو ولا يحزنون...هو من غير خريف فيها كلام...أجي في الخريف كمان أجهجه ليك نفسي...الدعاش و الهمبريب ده مالو الشباك ما بيجيبوا...حوش بيجيك منو الريح سدو و استريح يا حبيب...
Quote: نكمل بكره ، منصور الجماعة نايمين والرشيد مسافر ومحمد عيد عنده وردية عمل
وجلا في الأبيض ومحمد صديق عنده كبسه - كشه - يعني ما في غيرك. |
يا ريس نأبك طلع على شونة...ما زلت في عاصمة الدولة العثمانية...لو رجعت بيني وبينك عاصمة للخلافة الاسلامية كان كسرنا ركبة ولا لجوء سياسي ولا يحزنون...يدوك الجواز العثماني بالشهادة بس يا حبيب...ولو عايزين بنبايع كمان السلطان أردوجان...بس يغيروا خطوطهم الزي الزفت دي...
أنا طبعا قاعد فاضي و منتظر الطيارة وما معروف تقوم بتين يعني ممكن أبراكم للصباح...و ما عندي شغل ولا مشغلة وما عندي مشكلة كان زول تداخل معاي ولا كان قعدت أنضم براي...وراي شنو ما أنضم براي...خلوني كدي أمشي أجيب لي قهوة و أجيكم راجع أمكن نحند عيد يمون في المول يجيني ناطي بالليل ده يونسني لحدي ما نشوف الطيارة دي آخره شنو...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: سيف النصر محي الدين محمد أحمد)
|
صباح الخير يا وجوه الخير ،،،،،
Quote: غايتو القصة اتحلت بظهور مفاجىء للكولونيل عثمان الجيلى
الذى كان يتابع مهمته فى تعقب الرهائن المخطوفين .. |
محمد عيد يا خوي الكولونيل عثمان بتاعكم ده عمل الموضوع
جد وتابع الجماعة لحدي الحرم ،، إنت قلت ليهو أمشي كفر النحال
شوف شقة الإستقبال ولا قلت ليهو جيب لينا تقارير ،، أول مره أشوف
لي تقرير يتضمن ضياع سفنجة بدل من ضياع جواز ومصاريف البرالمة جستابوا
خطير .
سعدت كثيراً بمداخلة د. سيف النصر والصورة فعلاً لأخونا أشرف ممثل ناس الزقازيق
بأمريكا ،، بس يا ربي بيلعب كورة ولا شد الحبل عمل ليهو كرش زينا .
نعود يا شباب نكتب عن كسل السودانين المزعوم خليجياً .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
| Quote: الذ حاجة قال اخذ تعليمات العمرة وطريقتها من زهير الزناتى |
عمرة مقبولة انشاء الله
وكويس الراحن سفناجتو ما دام قابض قوى فى جوازتو
ما لحقو الباسورد
اليوم حيصلنا محمد عثمان حاجز الركز وحرمه عفاف الى جده
متوجهين للخرطوم يوم الاثنين القادم
يلا يا ناس استعدوا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
نكات الخليجين كثيرة عن كسل السودانين،،
يُقال إن أصل التسمية تعود إلى أولاد بمبا في السبعينيات
حين كان الشخص المطلوب للعمل هو السوداني لسيرة النضيفة
والسمعة الحسنة وأن السوداني أمين والسوداني صادق ونجد محلات
كثيرة جداً ومازالت بأن يكون المحصل أو الكاشير أو المحاسب سوداني
أخوانا أولاد بمبا فكروا في طريقة لضرب هذه التميز السوداني فقالوا
السوداني أمين وطيب بس كسلان .
الملاحظ في الموضوع في كل الشركات نجد أكثر الناس نشاطاً بإعتراف الجميع
هم السودانيين وللحقيقة دخلنا في جدل شديد مع الجنسيات الأخرى التي رددت
المقوله كالببغاوات ولم يفهموا معناها والواحد يقول لك بسمع السودانين كسلانين
بس هنا نشيطين يمكن تكونوا كسلانين في السودان ونشيطين في الخارج طيب عندكم أراضي
كثيرة جداً وعندكم مجاعة ونقعد نشرح بأن المجاعة التي تضرب السودان زمان هي مناطق
الحرب ،،، أفريقيا دي كلها مجاعات لماذا لم يكونوا كسلانين ،،، ولكن تجد على الماسنجر
أو على الرسائل النصية في الموبايل نكات كثيرة جداً عن كسل السوداين وهي أصبحت مادة للتندر
والضحك ولا يمكن تعديلها ، في إحدى المرات وأنا أمام باب المدرسة أنزل أولادي من السيارة حصل
إحتكاك مع واحد مصري وبعدها ركب السيارة وصاح مش ح تبطلوا كسل ورديت له بعنف شديد لمن إنتوا
بتطلوا نشل في الحرم ،، وطبعاً إنطبعت صورة المصري الحرامي في الذهن ولا يمكن تعديلها وكذلك بدأت
تنطبع صورة السوداني وهو كسلان ،، وحتى بعض السعودين قالوا هناك مدينة في السودان إسمها كسلا يعني
جايه من الكسل فنجتهد جداً في توضيح الصورة وحذف الكلام الغير مريح من أذهانهم ، الغريب في الأمر يأتي واحد سعودي الساعة العاشرة وما زالت عيونه ممتلئة بالنعاس ويقول ليك والله السودانيين كسلانين
كسل ياخي إنت ما قادر تجي العمل وما زلت نعسان وتقوم إنت بالرد اللاذع ويندم على هذا التهكم .
سؤال بسيط هل هؤلاء الناس أصابوا كبد الحقيقة في كسل بعض السودانيين أم هي ترجع لإصل ما أفاد به
بعض عن أولاد بمبا بخصوص هذا الموضوع ، لأنه لم نسمع بكسل السوداني في مصر أو في كافة أفريقيا وأروبا وأمريكا يعني في كل الدنيا ،، وسؤال آخر لأخوانا بالخليج هل هذا الموضوع مطروح لهم أم هو ناتج محلي هنا بالسعودية فقط .
نتوقع تداخل البعض لتوضيح بعض النقاط .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
الريس وديدو ..
انا اتعمدت اثارة الموضوع طمعا فى تحريك اخونا جلا
لاستعادة ذاكرته الاسفيرية ونشاطه الأدوهو فيهو عين ..!!
لكن يبدو انه ضارب الباااارد ومواصل فى اسفاره العديدة ..
ليجنى الـ 7 فوائد كاملة الدرجة ..
*********
ياريس مرحب بكل زائر .. وكل طائر جاى من او الى الوطن
بس ادونا خبر قبلها عشان نكون فى الانتظار على المدار ..
&&&&&&
صاحبنا الرشيد هسه يكون فى أركويت ..
ومصادرنا ذكرت انو شارع عبيد ختم مقفول من الصباح
وممنوع مرور الا من يحمل فى سيارته خروفا املحا" ذا قرنين ..
اما المطاعم فى منطقة البلابل وما جاورها فقد اخرجت طاولاتها وكراسيها ..
لاستقبال زوار عزايم الفرح الليلة احتفاء بمقدمه الميمون ..
صاحبنا بخته والله .. وعقبال كل العزابــة ..!!
فرحانه بيهو كل البيوت .. لا نام بريقها ولا انطفى ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
يا شباب المواضيع كتيرة
الليلة عندنا لمة لناس بره في شارع النيل
ضروري جداً تلفون الرشيد في السودان يا محمد عيد
البادي النور أتصلنا بيهو عمل نايم بعدين يجي يقول ليك كنت في سويسرا ولا كنت
في أفريقيا الوسطي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
علم يا محمد عيد وتشكر علي سرعة الإستجابة
ويمكنك حذف الأرقام
يا ميسرة وعبد الدائم مبارك جادين دا أبقوا عليهو عشرة
الزول دا أول مرة يجي الحلة دي ، ما يقوموا يلموا فيهو أولاد الحلة
يدقوهوا ، بعدين في زول إسمه عنكبة في المدينة ، أها الزول دا أحذروه شديد
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
صباح الخير يا وجوه الخير,,,,,
وصل يوم أمس أخونا محمد عثمان وحرمه عفاف
إلى مدينة جده ، وكان في الإستقبال جمال السنوسي
وعبدالدائم وشخصي ، وكانت سهرة حتى الساعات الأولى
من صباح اليوم ،
اليوم برنامج كارب بقوه على مرحلتين المايك عندك يا عبدالدائم
أكمل .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
تحية و سلام و شوق لأجدع ناس ...
و سلام كبير أوي .. أوي .. أوي للزقازيقاب الجدعان ..
مبارك جادين و أسرته ، محمد عثمان الركز و عفاف علي ميرغني و الأسرة و الذين شرفونا بوجودهم في جدة غير ، فمرحباً حللتم و سهلاً نزلتم ..
و مرحبتين حباب الرشيد و نجاة و الأسرة و حمد لله على السلامة و الوصول لأرض الوطن و مع الأمنيات الطيبة بإجازة رائعة ..
و مرحبتين حبابهم ألف كل الناس الزينين الماشين معانا و المتاوقين في سكة الميل أربعين و المليون ميل عدييل ..
و يا الريس و ياالنضيف و يا جمال السنوسي
| Quote: الغداء حيكون فى مطعم بيتزا هـت شارع التحلية .. هاك الاسبايسى دا |
شغل نضيف يا سنايرنا المبجلين بس بطلوا ( الغنجات ) بتاعتكم دي .
و يا محمد عيد ..
| Quote: الفترة المسائية فى South Mall يحيي الحفل عدد كبير من الفنانين |
كان بودي المشاركة لكن بس ( حبالي الصوتية ) تعبانة شوية و ما بقدر على ( الصولات ) و إن شاء الله زميلي الفنان ( النضيف ) ما حيقصر معاكم تب ..
أقعدوا عافية لامن نجي ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
حبايبنا الحلوين...
الف سلام ليكم...
يا محمد عيد اخونا الرشيد ما ح يكون ضارب المرارة ...وإنما يكون ضارب المرارة... ( والمعني البعيد معروف لدي الشاعر ) وح يكون ما لاقي يدخل علي نت ...الله معه ...ونحن في انتظار إطلالته البهية....
خبر عاجل وصلنا الآن..
الريس بقول الغداء الساعة 4 مساء بدل الساعة 3
في صالة البوفية المفتوح بتزاهت شارع التحلية....
عثمان الجيلي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عثمان الجيلي شيخ محمد)
|
تم تعميم اعلانات البحث عن المدعــو جلا
فى كل الأصقاع النائية والقاصية من ارض الوطن ..
والغريب انه .. كلما تمر فرق البحث باحدى المناطق
للسؤال عنه ..
يجدون لافتات مكتوب عليها ..
جلا .. مرّ من هنـــــا ..!! ولكنه الان ليس هنا ..!
فلم يكن هناك مفر سوى الاعلان أدناه ..
واستنهاض همم الشباب بجائزة ضخمة ( 50.000 ) دولار !!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
أهليييين يا جنابو
والله ليك وحشه ..!
عقبال عندكم الناس هسه ملمومة كلها فى بيتزاهت فى جده
والمساء العشاء فى ساوث مول
وطبعا اكبر عزاااابى جاء اول واحد وانا متأكد انو حيقوم آخر واحد ..!
عرفتوا منو ؟؟
آى .. صاح .. قودوين السنوسى ..!!
ملحوظة :
لميت فى الرشيد ولا لسه .. ؟
الزول ده جاييك ساحبنوا نخرينوا لى عصيدتك الما خمج !!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
سلامات يا ناس
لكم الشوق الكثير
وفى بعدكم بقينا اكتر من حبايب
ما شاء الله عليكم...شكلكم مشيتو بالخطوة السريعة
ما فى طريقة نقول متابعين ومستمتعين.....
حنجى برواقة....
كان مفترض نكون مع الرشيد هذا المساء...غير ان الاهوية
الشديدة منعتنا وسنلتقى غدآ ان شاء الله
لكم الود
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
صباح الخير يا وجوه الخير،،،،
كان بالأمس لقانا كان دافئاً وجميلاً
جمع مجموعة كبيرة من الزقازيقين الحلوين
أراد أخونا محمد عثمان والأخت عفاف زيارة ناس
الزقازيق في جده فكان قرارهم السفر عن طريق جده
ومنح الناس فرصة للقاء ، بعد إستقبال المطار كانت
سهرة في ice land حتى ساعات الفجر الأولى ، وكان اليوم
الثاني تجمع الناس في بيتزا هت - البوفيه المفتوح - وحضر
عصام الدهب وعثمان الجيلي وجمال السنوسي وعبدالدائم النضيف
وعائلته والمحتفى بهم وعائلتي وكان لقاء جميل إنفض قبل صلاة
المغرب , وليلاً كان هذا التلاقي لدى محمد عيد south mall وسعد الزقازيقاب
بهذا المكان الحالم الجميل وسعد الأطفال باللعب في الملاهي الخاصة بها وتناول
الجميع وجبة عشاء فاخرة جداً على شرف الناس الذين حضروا لنا خصيصاً ليسعدوا بلقانا
ولكن جده لم تترك لهم نفس وتسامرنا حتى بعد الساعة الثانية صباحاً وما زلنا في مود
النعاس ونحن بالمكتب نجتر ذكرى يوم حافل جميل وعظيم بوجود هذا الكم الكبير من ناس
الزقازيق والجميل إن الجيل الثاني من الزقازيقين بدأوا التعارف والإندماج سوياً في روح
حلوه وطيبه ،،
ولسوء حظنا ذهبت كاميرا هذا اللقاء إلى السودان وسوف تبث الصور من هناك إلينا أو إلى البوست
مباشرةً ، آمل وصولهم بالسلامة إلى أرض الوطن ونحن نستعد لعودة مبارك جادين من المدينة المنورة
حتى يبدأ تجمعنا مره أخرى ، ويبدو إن الصيف سوف يجمع الحبايب ، ونحن في جده مرابطين على مداخلها
براً وجواً وبحراً .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
Dear Mohamed
I found him alive
So I need $ 50000 in gold coin
as you mentioned for the capture
this is my account 000000000000
and I will check it then you will receive him
I think you are a gentleman and I know you will fulfill your promise
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: كان مفترض نكون مع الرشيد هذا المساء...غير ان الاهوية
الشديدة منعتنا وسنلتقى غدآ ان شاء الله
|
يا جماعة ما قلت ليكن أنا معاكم في اللمة دي
محمد صديق
أعمل حسابك
و بعدين أنامش رسلت ليك نمرة موبيالو؟؟؟؟
دايرين تلوموني مع الراجل
عشان يقول جلا ما قابلني
و يعمل لي فضايح
أنا زاتي خجلان من محمد عيد و الناس القابضين على جمر البوست
و من الرشيد ما غادر لبلاد العثمانيين أنا خاشي لي محل كدا الله يمرقني منو
و الله ليك وحشة يا منصور
قلت لي تحب ناس الزقازيق أكتر مني ومن بت الشيخ بتاعتك؟؟؟؟؟
عليك الله يا الرشيد كلم بت الشيخ بتاعتك
تديني نمرة بت الشيخ بتاعت محمد عيد
عشان تديها لي بت الشيخ بتاعت ميسرة
بس عشان يتلمو في أي مول عندك
تجرس يا......!!!
ما قلتو نوبا
أحبكم حبين يا ناس
حباً لأنكم تحبوني
و حباً لأنكم أهلاً لذلك
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
يا محمد صديق
عايز تجيب ليك زول غائب من البوست للبوست؟؟؟
إنشاء الله يكون متابع و مستمتع؟؟؟
ودي ليك أي زول جدة
ويكون من زقازيقي الداخل
أو زقازيقي الشتات
طوالي يظهر ويقول ليك
نحن متابعين و مستمتعين باللمة
ويا سنايرنا المبجلين ما تغنجو بالحاجات السمحة دي
إنت مش الرشيد معانا في السودان
عشان نجيب ناس البادي ويجي البوست
نعمل لينا لمة وعضة في شارع الغابة (مول)
رأيك شنو؟؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
اها فى السودان , قالوا هواء وكتاحة
يعنى الزول يتلطع فى مطار استنبول , بعد ما قضاها جزيرة اميرات
ويلاوا , والمسجد الأزرق , وسلطان احمد , وبورصة
برضوا يجى يلقى الكتاحة والكندكة محمداهو
محنة شنو دى يا ناس
ده حالتو الكتاحة الأصلية , ما فيش فى الخرطوم الأيامات دى
لأنو كتاحتين ما بتقابلوا فى حتة واحدة
ده كلو كوم , وغداء البيتزا ده كوم براهو
قلتوا لى عصام دهب المرة متابع ومستمتع , بالجد جد
وجمال السنوسى كمان
وبالليل مول الجنوب
وعفاف على ومحمد تكتيك
والشفع يتحاوما ويتجاروا
ناس منذر ومحسنة , ناس على ودعاء ومصطفى
ان شاء الله ما تنفعكم
فالحين لى بس تساهروا الليالى وتنوموا النهارات
فى البوست الواحد ما يلاقيكم
الله يقوم ليكم كتاحة زى بتاعت ناس الرشيد وزهير
يا بختكم , يا بايخين
ولا بحبكم ولا حاجة
بحب بس جلا
لأنو مرق من لمة اركويت وشارع النيل فى حتته الغاطس فيها دى
زى ما انا مرقت من لمة مول الجنوب , وبيتزة الساعة اربعة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
في جلسة علي شاطئ النيل الجميل اجتمعنا
علي ضوء القمر وهمربيب الخريف ودعاش المطر
إحتفالاً بسامي عبد الوهاب إدريس
قبل سفره صباح الأحد عائداً للسعودية
شلة من ناس الزقازيق
أنس جميل وضحك شق عنان السماء
لا هم ولا غم في بلد اكيد نحن اسياده
من ساسه لراسه
صور مافي ،، واكيد في محبة وذكريات جميلة
من أجمل الليالي في الفترة الأخيرة
رغم قلة العدد الذي تجاوز العشر بقليل
لأن الدعوة وجهت نهار نفس اليوم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
توفي قبل أيام قليلة
الشقيق الأوحد لد. نوال سر الختم / بيطرة الزقازيق
ويقام المأتم ببورتسودان منزل الفقيد
له الرحمة والغفران ونسأل الله له القبول والرحمة
فقد كان الفقيد ركيزة أسرته نسأل الله أن يعوضها
عن هذا الفقد ويجعل البركة في ذريته .
وللأخت نوال سر الختم خالص تعازينا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
التعازي الصادقة لأختنا و زميلتنا الفاضلة د. نوال سر الختم في وفاة شقيقها الذي نسأل الله تعالى أن يتغمده بواسع رحمته و عظيم مغفرته و أن يجعل مثواه الجنة مع الشهداء و الصديقين و أن يصبر أختنا نوال و أسرتها على مرارة فقده و أن يجعل البركة فيهم و يجنبهم كل مكروه و يحفظهم بحفظه ..
و يا زهير يا ريت رقم د. نوال حتى يقوم زقازيقاب المهجر بواجب العزاء و المواساة ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
التعازى الحارة لنوال سر الختم لوفاة اخيها
رحمه الله وغقر له
شكرا يا زهير
لكن اول مرة القاك بدون صور
مالك , موبايلك راح , ولا التصوير ممنوع
اصلوا سامى ده ذاتو متين مشى ومتين راجع
مبروك يا سامى لأخوك العريس
ميسرة لغاية هسه نائم
البيتزا بتعمل اكثر من كده
والعجب الآيس لاند , اتزحلقت يا ريس ؟؟
ولا خليت الزحلقة لى ناسها
جانى فى بريدى الألمترونى الليلة
تصنيف جميل لى شواكيش الكليات كلها
تعالوا اقروا وشوفوا
شواكيش حسب التخصصات الجامعية
كلية طب الاسنان
لمن يحصل تسوس بالشكل ده في حياتنا يا بتول ...لازم نقلع اسباب التسوس من جذوره... التخدير الموضعي لآلمنا ما بحل المشكلة...ومحاولة التقويم فشلت معاكي للاسف..ودايما بتركبي لي ضرس ما ضرسك..عشان كده الجسر امتد وزاد بيناتنا ...وقدر ما حركت فكي معاكي برضو مصرة تجيبي لي التهاب في اللثة ...انتي بقيتي حشوة مؤقتة لقلبي وانا محتاج حشوة دااااااااااااااايمة
كلية علوم التغذية
بتول انتي سببتي لي تسمم في حياتي ..وعلاقتنا دي ناقصة فايتمين.. ولازم تنتهي لأنو الاستمرار فيها غير صحي على الاطلاق
وبعدين انا زهجت من المحاولات الفاشلة لتعقيم علاقتنا.. و زهجت من تطهيرك لجروحي القديمة...وبقى عندي عسر في هضم شخصيتك...حتى شهيتي للونسة مع البنات اتسدت
كفانا مواد حافظة يا دي
كلية هندسة الجينات
بتول ...انتي عارفة انو جيناتك هي السبب؟!!...ضعف المناعة العاطفي موروث في عيلتك... أنا آسف بس أحماضنا النووية ما بتتفق ولازم نتحلل....وكلو كروموسوماية تمشي جهة
وكلو نواة تطلع خليته
كلية علوم الطيران
بتول ....يؤسفني اقول ليكي اني دقيت ليكي خروج نهائي من حياتي... اعمل شنو ياخ؟...انتي عارفة انو مكنة الحب بتخرب عاجلا ام آجلا..وبعدين انا زول درجة اولى وانتي يا دااااااااااب درجة الأفق
انا وانتي طيارتنا وررررررررر اقلعت ...ما تخلينا نهبط هبوط اضطراري برة مدرجات الحياة
كلية الموسيقى و المسرح و الدراما
اسمعيني يا بتول انا بحبك مووووووووووووت ومتمني أعرسك الليلة قبل بكرة...اها نمشي نشتري الشبكة متين؟
رأيك شنو في الدور ده؟...ما انفع ممثل يا بتول ؟
اسمعيني يا بتول ...بصراحة السيناريو بتاع حبنا ده فيهو خروج عن النص...حياتنا بقت نشاز...وانا بفتكر اننا لازم نفكر في الحوارات البتدور بيناتنا على مسرح الواقع.... ولازم نعزف عزف انفرادي كلو واحد براااااااااااااااهو.. فهمتيني مش؟؟
هاااااا؟؟...لأ المرة دي انا جاااااااااااااااااااادي....تمثيل شنو يا دي؟
ما تفهمي ياااااااااااخ ..الا ألحن ليك كلامي ده ؟
كلية هندسة الاتصالات
بصراحة يا بتول انا كنت قايلك في السلك...لاكين طلعتي موبايل بلا بطارية... انا وانتي لازم نقطع اتصالاتنا ببعض..انتي مرات مشغولة...ودايما مقطوعة ..المسافات بيناتنا زادت...ومشاعرنا بقت مشوشة لأنو عواطفنا للأسف بقت لاسلكية
ياخي باختصار...حبنا طلع برة الشبكة
كلية الهندسة الزراعية
عارفة يا بتول ؟...الحب ده بذرة دايرة ليها تربة ممتازة...وموية نضيفة...واضاءة كافية شان تنمو...وانت للأسف تربتك ما نضيفة وماااااااااااااااالحة تب... و مويتك ما ارتوازية....وكان لازم نحصد الفشل في علاقتنا دي..خلينا من التفرع في المواضيع الغير مورقة....علاقتنا اصيبت باليرقات وانتي للأسف استخدمتي المبيدات العاطفية من غير ما تكلميني..بعدين بصراحة انا خايف انو براعمنا في المستقبل يطلعو زيك كدا
كلية علم البصريات
بتول انتي عارفة اني زول عندي بعد نظر..وشايف اننا ما بننفع لبعض...اقول ليكي أنا ما قادر اكمل.. حاكتب كلامي على ورقة...ركزي معاي وحاولي تقري الحروف دي
i
h
a
t
e
u
أها غمضي العين الشمال...وافتحي اليمين...قريتيها؟ ...... كلك نظر يا بتول
كلية علم الكيمياء
شوفي يا بتول لمن تحصل أكسدة بيناتنا ده معناتو اني قلوي...وانتي حااااااااااااااااااااااامضة ..انتي زمان كنت فلذة كبدي...لاكين انا بطلت أطلع مع اشباه الفلذات.. وبعدين القال تتفاعلي كدة منو؟...انتي ما عارفة انو التفاعلات العاطفية بتحول محلول المشاعر الى محلول لا لون له ولا رائحة؟
الحكاية دي فجرت معمل حبنا للأسف ...وبعدين انا اكتشفت لي عنصر مشع...وما مستعد اخليها عشان عنصر خامل زيك انتي
كلية علم الاقتصاد
عارفة يا بتول ...المشكلة ومافيها انو حصل ركود لمشاعرنا....والاسعار العاطفية انخفضت...حتى أسهم القلب بقت بمعدل سهم واحد لكل 100 نبضة....وبعدين البضاعة العاطفية ما لعبة ياااااااااااخ
انتي مش عارفة انك حسب قانون العرض
والطلب لمن تزيدي في كمية الحنان ممكن يحصل نقصان في سعر العاطفة؟
كلية الآداب قسم علم الآثار
بتول اسمحي لي انك تحفة مزيفة....الجكس كلهم تحف عتيقه و نادرة الا انتي.. ما عندك غير فك الرموز بالطريقة التعجبك...تنقبي عن المشاكل تنقيب...وبعدين انا وانت اساسا حضاراتنا مختلفة من البداية...وافتكر حقو ندفن البيناتنا بعد ده.... هووووووووووي مالك بتعايني لي كدا...ما فهمتي؟...ليــــــــــــه أنا بتكلم لغة مسمارية ولا شنو؟...شنو لعنة الفراعنة الانا اتبليت بيها دي
كلية شواكيش بتخصصات جامعيةالفيزياء قسم العلوم الفلكية
اسمعي يا بتول انتي ما لاحظتي انو سنتنا الضوئية مرت بسرعة؟
يا بت الحلال الشمس والقمر ما بتلاقو في سما وااااااااحدة...يعنى
باختصار نجم حبنا أفل... وبعدين انا كنت قايلك مجرة مختلفة عن باقي المجرات...كنت قايل ما ليك زي في الكون...طلعتي ثقب اسود في حياتي...وانا بالشكل ده ح الف معاك مدارات الحياة من غير اي هدف
أفتكر كلامي واضح وضوح كوكب الزهرة الساعة 4 الفجر
كلية علوم البحار
اسمعي هنا ده... مركب فيهو قبطانين بغرق عديـــــــــــــــــــــــــــــــــــــــــــــــ ـل كدة....وبعدين انتي ما ملاحظة اننا دايما ماشين عكس التيار؟...وانو أمواج الحياة بترزع في مركبنا ده يمين وشمال من غير اي سبب...انت ليــــــــــــــــــــــه مصرة تغرقيني معاك يا بتول ؟... ياخي انا زهجت من المد والجزر الحاصل لي بسببك
يلا بعد ده نزلي شراعك من حياتي ...واقطعي خطافك عني البحر ملاااااااااااااااان اسماك
__________________
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
مداخلة محمد حسان سعد الدين
Quote: اخي الاكرم محمد
اليك السلام والتقدير والاجلال
شكر خاص لعرض الرسالة السابقة على الاخوان الاجلاء
مرة اخرى وليست اخيرة اذا مد الله في العمر
ماذا اقول عن الزقازيق شرق المحبة غرب الزمن
بحثت كثيرا عن مولانا دكتور عشري
الانسان الاروع كطلعة الصباح كتحقق الاحلام المليان المدفق المتمسح
وهذه التعابير الثلاثية هي مصطلحات الاستحسان عند شيخ عشري وتقابلها مفردة الاستهجان (مخمبخ)
اتاني ذات صباح في شقة مساكن زراعة بالزقازيق
(مولاي اريد ان اتادب بادبك وان انتهج نهجك)
فقلت له ما خاب سعيك
ولتكن البداية الفية ابن مالك وات في بحر الغوامض سالك فسالني عن الملك فهد
وهل بالامكان تحيته فقلت ان الملوك تحب الشعوب فالتواصل معهم امر مطلوب والخير عندهم مجلوب
وقال لي ماذا عن الزجاجة كانها كوكب دري يوقد من شجرة مباركة
وماذا عن عيسى والحواريين وعن الصادق الهدي ذو الحضور الاسر
اخي محمد
ارجو ان تعرف اخبار مولانا عشري وان تعمل علي تجسيرهوة السنوات
وسدد الله خطاك التحا منقوالة للاخوان محمد عيد والرشيد
|
الله أعلم يا محمد حسان أن أعرف أخباره بالسهولة دي
و طبعاً سأستعين بمحمد عيد
بالإعلان عنه حياً في ظرف أسبوع من تاريخ مداخلتك
و طبعاًالفوتوشوب ما عندك
يا منصور
أخوك ماسواق دركسون بس!!!
أخوك كمساري و كان ما عندك فكة ما تركب
عليك الله يا عبد الدائم أدينا حصة في تنزيل الصور و البروفايل
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
أدعية يا منصور
اللهم اجعلني مستقيماً في حياتي
و اجعلني في زاوية قائمة
و لا تجعل الدنيا حادة عليَّ
و اجعلني موازياً لعبادك الصالحين
و هو المطلوب يا ارحم الراحمين
يا صاحب البرهان العظيم
دعاء مدرس الرياضيات
اللهم اجعلني فاعلاً للخير
و مرفوعاً عن الشر
و بعيداً عن النصب
و مضافاً لعبادك الصالحين
و مجروراً لتقواك
و مبتدئاً بالسلام
دعاء مدرس اللغة العربية
يتبع......
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
لأنو محمد عيد كان مساهر ونايم دلوقت
داير أسألك يا ريس
وإذا إنت ما في الخط بلاش منو نشوف منصور
إنتو قلتو مبارك جادين سفنجتو ضاعت منو في الحرم و قاعد يفتش فيها
لأنو أخد التعليمات من زهير الزناتي
لكن شايف إنو الزول دا ليهو كم يوم ما جات سيرتو كدي اتفقدوهو
وبدل ما تفتشوهو هو فتشو بت الشيخ بتاعتو (يمكن تكون حنت لمحل السيدة هاجر)
ودي أظنها تعليمات من عبد الدايم
عشان يشوف رقة مبارك جادين لبت الشيخ بتاعتو
الزول دا بتاع مقالب يا جماعة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
كنا قبل قليل في زيارة الضيف الكبير الرشيد بابكر
في ضاحية أركويت جوار الخرطوم ، وفد زقازيقي
يضم محمد صديق ، أحمد عمر الباقر ، محمد حسن البرلوم وشخصي
زيارة خاطفة لتنسيق البرامج لناس بره ، إتفقنا أولاً علي
زيارة هامة لقندهار تضم ناس جوه وبره علي أن تكون يوم السبت
القادم هنالك عدد من الضيوف :
الرشيد بابكر
نجاة حوفي
مامون إبراهيم
أحمد عمر الباقر
نورا كرم الله
والقائمة ستطول حتي السبت القادم
في الأخبار أن وليد مبارك أو وليد حقوق كما عرف في الزقازيق
سيكون في البلد صباح الغد
الدعوة لكل الناس
البادي
عبد السميع
تبلدينا
هم من ناس الداخل وأعضاء في المنبر خصصت لهم الدعوة
عشان ما يعملوا نايمين
يا منصور ، من الآن وصاعداً الصور علي الضيوف ، سامي دقس ما جاب معاهو الكاميرا
لكن صاحبك الرشيد شفت شفتنة أتراك ، بعد ما سلم علينا طوالي جاب الكاميرا
وثق الجلسة تقول عايزين نقوم جارين ، ومقدمين ليهو الدعوة لحضور مباراة الهلال
والمقاولين العرب ، قال يا جماعة بعدين بتصل أنسق معاكم لكن ما تعمتدوني مية المية
باقي ليك الزول دا عايز ليهو نور أخضر للمباراة دي ولا شنو .. بالمناسبة ما لاقينا
نجاة حوفي في الزيارة ، يتخيل لي لو كانت في كان عرفنا ماشي معانا الكورة ولا لا ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
سلامات يا ناس
انا مستغرب زهير ده كتب الكلام بسرعة كده ليه
ولزوم القطيعة شنو ؟؟؟يعنى ينزل منى على بال ما
اصل البيت القاهو كاشف حال الزول مع انو الحبيب
لسة فى ضيافتنا!!!!
ثم انو زى ما نحن عندنا عليهو حق...بت شيخو عندها
الف حق...وحقو ما يسبق الحوادث لانو مؤكد حيشاورا
ويخالفا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote: انا مستغرب زهير ده كتب الكلام بسرعة كده ليه
ولزوم القطيعة شنو ؟؟؟يعنى ينزل منى على بال ما
اصل البيت القاهو كاشف حال الزول مع انو الحبيب
لسة فى ضيافتنا!!!!
|
وأنا مستغرب لأنكم جليتوني
وغنجتو بي الرشيد
يا رب يجي هبوب كتاحي
و مطرة يوم السبت
تكب من الساعة 6 صباحاً وحتى الساعة 12 بالليل
عشان دعوتكم دي تطرشق
و الله إلا تعملوها في South Mall
وشوفو البيجيكم!!!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: سلامات يا ناس
عيد وبنك؟؟؟؟ |
عيد قاعد ينوم عصريات الرشيد
وماسك محلو بالليل
طبعاً بت الشيخ بتاع الأخير
قالت ليهو في السودان هنا
ما في كمبيوتر و النت زاتو قاطع
أنتو لمن مشيتو سلمتو
شفتو ليكم لابتوب صحبة راكب؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
يا جلا موضوع الدعوة عليك الله ما تطرشقوا لينا عايزين نحندق بيهو المغتربين
عشان كده حا نعمل معاك معاهدة عدم إعتداء ،
نحندقهم ليك زيادة :
رايك شنو في قعدة المساطب الشعبية وجنبك كمية من التسالي وكيس تمباك كارب
وتتفرج علي مباراةالهلال والمقاولون العرب ، وعلي هيثم مصطفي وهوبة مهند الطاهر
خاصة الأيام دي الهلال ما فيهو مرق ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
سلامات يا ناس
جلا..خلى روحك رياضية والبفوتك حتحصلو فى يوم ما{حكمة مخارجة }
نحن طبعآ مقدرين ظروفك...ناس المنظمة ما بخلوك تحوم بالعصرية
اما بالليل انت براك عارف الرقابة اللصيقة المفروضة عليك!!!1
انت وين تفوت من باك الحكومة بتاعك ده؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
كدا يا محمد عيد
بتكون ما طالبنا حاجة
وظهرنا ليك جملة وقطاعي
بالرغم إنو زهير ما على عجلة
وإنو يوم الجمعة لسع ما جا
عشان العصيدة بتاعت الكمدان
المهم أنا راجعت الحساب بتاعي
ما لقيت أبو النوم لغاية هس
و يظهر لي و الله أعلم
إنت يا دوبك قمت من النوم و قاعد تتمغى
زهير
أنا مريخابي
وما داير ألعب في دوري الأبطال
محمد صديق
شفت الجدعة بتاعت شارع النيل ديك
و الباص الون تو الكان مع سامي
من ديك قال ليك باك الحكومة
بقى مان تو مان
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
انتو يا جماعة ناس الزقازيق ديل جنوا ولا شنو
مرة بيتزا , ومرة مقاولين عرب , وكمان جابت ليها قندهار
والله تمشوا قندهار , بلاغ طوالى لأوكامبو
اقول ليهو الزول اب شنب كبير ده , ما قاعد فى الواطة
قاضى وقته كله حفلات للبلابل , واسواق خيرية
باين لى اوكامبو زاتو بيفتش فيهو
وكمان اقول ليهو الكمندان الأسمه محمد صديق ده عميل مزدوج
بالصباح (اريرا) , وبعد ما تمغرب عنده درب كتر
هسه فى عسكرى منضبط يسوق معاه زهير , ويمشى اركويت !!
وكمان جابت ليها محمد حسن البرلوم
ياهو الفضل والله
قول ليهو , لى محمد حسن يعنى , ما باقى ليك الا تجيب كمان هشام الفحل
خلى راسه يودى ويجيب , وكان راجل يتذكرنى
انعل ابو قندهار ذاتها
وأقوان سادومبا دى و ان شاء الله ما تتهنو بيها
قال مساطب شعبية وتسالى وكيس صعوط
دى امة يرفعوا ليها علم
جلا ولا تهبب ليهم واعمل زعلان زيى لغاية ما اجيك
اصلى قاعد افتش فى حجز
عارفين حاجة الشول الفى سوق الناقة ديك
لحمتها طاعمة , بس ما تكثروا الشطة
الرشيد ده باقى اتعود على المربة والتونة
الشطوط والوحوحة دى امانة ما دايرة رجال
هاكم (اتراكو ده )
| |
|
|
|
|
|
|
|
|
|
Re: ناس الزقازيق ... أجدع ناس .. (Re: سيف النصر محي الدين محمد أحمد)
|
ناس الزقازيق أحلى ناس
صباح الخير يا أحباب ،،،
أصلوا اليومين ديل أنحنا جاهزين
للإستقبال والوداع ،،،وبنسمع ليكم
بأن منصور بيفتش ليهو في حجز بس مسافر
وين يا الحبيب كان عايز تلحق قندهار واطاتك
أصبحت فيها مطره وفيها كتاحه ،، وكان عايز تلحق
الساوث موول دي ساهلة بنجيك لحدي الرياض وبناخدك
من هناك وطبعاً الرياض اليومين ديل بدون حراس لمن ناخدك
إنت تاني الباقي منو أخوي جلال وغطس ولا تاه وما عارف الخبراء
الدولين ديل قالوا لبت الشيخ عنده شنو ،،،ياجماعة ما شفتو ليي زول رايح
مني إسمه جلال عثمان كان صاحب محمد الهادي وسامي عبدالوهاب ،،،،،،،،،،،،
طيب يا جماعة أنا في منتصف أغسطس مسافر القاهرة وبزور الزقازيق وح أمشي لحدي
لكوظ وشارع الحمام وبزور الإتحاد وبعرف ليكم الإنتخابات متين بس ما عارف مين ح يكون
في إستقبالنا، صلاح عبدالمجيد وما فاضي شوفوا لينا حل؟؟؟؟؟؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
بسم الله الرحمن الرحيم
سلام من الله تعالى وبركاته
دعاء
وجّهت وجهي للذي فطر السموات و الأرض حنيفاً و ما أنا من المشركين
إن صلاتي و نسكي و محياي و مماتي لله رب العالمين
لا شريك له و بذلك أمرت و أنا أول المسلمين
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: والغريبة انى عملت رد على جلا بنفس لغته .. لكن يبدو ان الطير اكلها ..
او ربما تمكن منها الهكـــر اياه المعذّب الريس ..
|
Quote: ياجماعة ما شفتو ليي زول رايح
مني إسمه جلال عثمان |
أول مرة أشوف لي مداخلات ما في حتاتة
يا محمد عيد و الريس ميسرة
أي مداخلة تحمل صبغة إنو كتبت لي مداخلة و ما لقيتها
طوالي هذا ريسنا
أي مداخلة تحمل صبغة متابع و مستمتع
طوالي...............
أي مداخلة تحمل صبغة جاييكم بي رواقة
طوالي سامي عبد الوهاب
أي مداخلة تحمل صبغة في زول طاشي شبكة
دي بتاعتي
هس لخبتو لي الكيمان
منو فيكم الريس ميسرة ومنو فيكم أنا؟؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
أدعية يا منصور
اللهم اجعل تفاعلي مع الحياة تفاعلاً حسناً
و هب لي عاملاً مساعداً في حياتي
و اجعلني عاملاً مختزلاً للحسنات
و مؤكسداً للشر
و تقبل نشاطي يا كريم
دعاء مدرس الكيمياء
اللهم اجعلني هدافاً للخير
و مهاجماً للشر
و مدافعاً للخير
و حارساً لكلمتك
و ظهيراً للدين
و لا تجعلني متسللاً على الناس
دعاء مدرس الرياضة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
| Quote: انعل ابو قندهار ذاتها |
منصور الحمد لله قلت أبو
لأنو إذا قلت أم
تكون إنت مريخابي وطبعاً أنا هلالابي
يعني أنت ضدي
وزي ما عارف
أنا في سلام دائم و مستدام يا محمد عيد مع بت الشيخ
| Quote: دى امة يرفعوا ليها علم |
أمة دي مؤنث
و كدا إنت خشيت الموية العكرانة
إذا كنت قاصد لمة
واحسن تصلحها.... تكون في السيف صايد
Quote: جلا ولا تهبب ليهم واعمل زعلان زيى لغاية ما اجيك
اصلى قاعد افتش فى حجز
عارفين حاجة الشول الفى سوق الناقة ديك
لحمتها طاعمة , بس ما تكثروا الشطة
الرشيد ده باقى اتعود على المربة والتونة
الشطوط والوحوحة دى امانة ما دايرة رجال
|
أنا كنت ما عايز أهبب ليهم
و شاحد الكريم إنو تكب مطرة بي تراب
عشان يرجعو يستحمو تاني
اصلو نحن في السودان
يوم البرود بتاعنا و المولد هو يوم المطرة
لكن فتيش الحجز بتاعك شايفو حيطول
ودا باين من نبرة كلامك يعني ما مية المية!!!!
و شفتك خاتي ليك مشهيات
في دي اعذرني أنا ما معاك
بشتهيك يا منصور
زي شهيتك لي اللحمة الطاعمة
بتاعت حاجة الشول
بي كدا دي حندكة يا الريس ميسرة و لا في البال
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
يمين يا جلا اعصابى بايظة بوظ
المشكلة انا ما عارف ليه
المبوظة شنو , برضو ما عارف
اكل العارفو انى شاعر بى عدم توازن
ثقافة الأجازة دى يتخيل لى ثقافة مغتربين
ولا كلامى ما ياهو يا جماعة ..
انا لى عشرين سنة مغترب , سافرت فيهم ثلاثين اجازة
لكن السنة من ما جاء الصيف , شعرت انه عايز اغير مواعيد الأجازة
لكن سفر الناس , والجو العام , وكمان البوست
الشغلة كلها بقى طعمها اجازة اجازة
حتى الجماعة فى البيت بعد ما وافقونى على التكتيك الجديد ده يا ريس
بدات تجيب ليها شوية خرخرة كده
هى ما خرخرة شديدة
لكنها خرخرة , وانا ذاتى من كترة ما مشتهى لى (دفرة )
اتمنيتهم يخرخروا بالجد جد
وكلامى عن الحجز الفوق ده يا جلا
شكلو كده , بدايات (تصعيد )
وما فى بعد التصعيد , الا المظاهرات ونحرق اللساتك فى الشارع
يا ربى نعمل لينا اجتماع تنسيقى
ولا نستمر على التكتيك الجديد ؟؟؟
محمد عيد صور فى السلك
ويا ريس بمناسبة مشيتك شهر تمانية للزقازيق ,
ان شاء الله اتذكر احكى ليك آخر مرة اولادى قالوا عليها شنو لمن شافوها
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
يا منصور والله قندهار دي لو مكسرين نمشي
لو جا فيضان كسر بيوتنا نمشي
لو المطر حده الركب برضو نمشي
الدعوة لكل ناس الزقازيق داخل وخارج السودان
الشيرنق 20 جنيه لا غير لو فرد أو إثنين أو اسرة
لا إستثناء لناس بره أو الضيوف
المواعيد الثانية عشر والنصف من صباح السبت
ممكن إصطحاب الأطفال والجيران
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
عبد الدايم ..
الله يجبر بى خاطرك يا حبيب ..
بس انشاء الله الناس ديلك العاملين فيها نوبة يآمنوا !!
اولا منصور صاحبك ده ..
انا لمن دخلت الخرطوم القديمة .. هو كان فى سنة تالتة ..
وبعدين لمن جيت زراعة الزقازيق ..
لقيتو مربّت فى تانية ( عشان يكون مع كوم البنات المالين الدفعة ) ..
أها .. لمن انا جيت اتزوجت قباله .. زعل وقال لى عمايلك دى ما عمايل اخوان ..
أها قمنا عملنــا شيرنغ كااارب وتمينا ليهو عرسو فى نفس السنة ..
اما الرشيد أركويت .. طبعا حكايته براهو حكاها من ايام طب القاهرة
وهندسة اوكرانيا .. حتى الزقازيق مرورا بزراعة طوخ او مشتهر !!!
*****
نميمة لغير أهل جده ..
فى عشاء اول امس .. كنت عامل مقلب للريس ..
لكن لأنه راجل طيب ربنا خارجه منه ..
فى طبق المكرونة الفيتوتشينى قلت للشيف يزود فيهو كمية الكركم ..
وبعدين وضعت الطبق مباشرة امام الريس ..
لكن طبعا شلاقة جمال السنوسى الفايتة الحد خلتو يمد ايده ويسحب الطبق
ويأتى عليه اتيان منتقم !! وتلذذ بها فى سعادة ظاهرة ..
الحكاية انو الشيف غلط وبدل ما يضع كركم اصفر وضع بدلا منه كركما أحمرا ..
ولو عاوزين تعرفوا الحصل شنو لجمال السنوسى ..
تابعوا بوستاته المفتوحة امس واليوم على شاشة المنبر العام ..
غايتو يا محمد صديق الزول ده بنرسلو ليكم قريب ..!!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
الشيرنغ بتاع قندهار عشرين جنيه للفرد الواحد , عرفناهو
يمكن اصحاب الأطفال والجيران , كمان هضمناها
محمد عيد صغير ويشبه الفنانين , بلعناها
الآبرى الما رسلتوهو لينا ولا حتى علبة دكوة , مشيناها
لكن , النبذ والشتيمة لزومها شنو ؟؟
(انا يتآلى مكرونة فيتوتشينى ) ؟؟!!
اصبروا على لامن الا قيكم واكلم ليكم بت شيخى
(ست بت الشيوخ لى حدهن )
عشان تطلع ليكم كتابها داك بتاع ابلة نظيرة
وتوريكم (المكشن بلا بصل )
والله المكشن بلا بصل دى , غير جلا , ما ظنيت زول يعرفها
قندهار ذاتها خليناها , ام عشرين جنيه دى
الشافنى الليلة مشيت سوق الخرفان
ما كضب
قندهار دى الا فى امبدة
ولا ساوث مول ده الا فى جدة ؟؟؟!!!!
شعر دى ولا ما شعر
اٍسألوا جمال فارح يا زهير
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
Quote: قندهار دى الا فى امبدة
ولا ساوث مول ده الا فى جدة ؟؟؟!!!!
شعر دى ولا ما شعر
|
آي يا منصور دا شعر
ونص و خمسة
يا ناس البوست
اتخيل نفسك مريخابي ومغلوب من الهلال
أو هلالابي و مغلوب من المريخ
أو ممتحن الشهادة و قادي عربي
أو نازل إنتخابات و ما فزت
أو بتشجع في الريال و مغلوب من برشلونة
أو الناس نازلة إجازات و إنت لا
أو الناس ماشى الثاوس مول و إنت لا
أو الناس ماشى قندهار وإنت برضو لا
أو الناس دفعت الشيرنق و إنت لا
الكلام المكتوب دا ما عندو علاقة بي زعل منصور ولا حاجة
يا جماعة ممكن أحرس ليكم البوست دا؟؟؟
لأنو خايف عليهو يبق بعد شوية
[
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
| Quote: هسه فى عسكرى منضبط يسوق معاه زهير , ويمشى اركويت !! |
أنا برضو قلت كدا
و الله يا منصور من قبيل قاعد اعاين في مداخلاتك
محمد عيد عليك الله شوف اصبع الزول دا
بيكون عاضيهو لي هس
و من الزعل ما فكاهو
لكن النسألك برضو يا منصور
هسه في ريس منضبط يسوق معاه عبد الدايم ويمشي الساوث مول!!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
والله يا ناس الزقازيق حكايتكم بقت تمحن ...
دخلت لى اجتماع طوّل شوية .. جيت لقيت النار قايده ..
جلا بيخرخر ويجرجر فى الناس ... ومنصور يعيييييط !!!
محمد صديق .. المديده حارقاهو .. ومنصور يعيييييط !!!
الريس عامل نايم .. وسايب الرعية يقدلوا ... ومنصور يعييييط !!!
الرشيد من ما مشى السودان جاتوا صدمة مناخية ... ومنصور يعييييط !!!
عصام دهب ما زال بيتابع ويستمتع .... ومنصور يعييييييط !!!
ياســـر نجيلة واصل نومـــة أهل الكهـــف ... ومنصور يعيييييط !!!
منصور .. يا منص .. يا اب احمد ..
ياخى روقها شوية وبطل عياط ...
بكرى ابو بكر بيقوم يقفل لينا بيت البكاء ده !!!
*********************
هاك الطرفة دى نسليك شوية بطرائف ابو نواس
الطرفة الأولى : حلاوة حربة ( حمراء تاكل فيها لغاية يوم السبت بالليل !)
اختبر الخليفة الأمين مرةً أبا نواس فقال له :
يا أبا نواس هل تصنع شعرا لا قافية له ..!!؟؟
قال أبو نواس :
نعم ، و صنع من فوره ارتجالَا
ولقد قلتُ للمليحة قُولي من بعيدٍ لمن يُحبكِ (مُچْ مُچ)
وما بين القوسين هو صوت القُبلة.
فأشارت بمعصمٍ ثم قالت من بعيدٍ خلاف قولي (نُچْ نُچْ)
وما بين القوسين هو صوت الامتناع والرفض بمعنى لا لا.
فتأملتُ ساعةً ثم إني قلتُ للبغل عند ذلك ( چُچ چُچْ)
وما بين القوسين هو صوت زجر البغل ليتحرك ويمشي
الطرفة الثانية : شوكولاتة جالاكسى ( تقرّم فيها لغاية ما الرشيد يرجع ابوظبى
بينما كان أمير المؤمنين هارون الرشيد في مجلسه وعن يمينه ويساره الوزراء والعظماء من أهل مملكته وأصحاب الرأي عنده.
دخل عليه حاجبه معلنا قدوم أبي نواس , فقال الخليفة : دعه ينتظر قليلا.
ثم نظر الى جاسائه وقال : هذه فرصة سانحة نضحك فيها على أبي نواس ويجب أن أستحضر لكل منكم بيضة تخبوئنها في طيات ثيابكم
حتى أذا دخل أبو نواس , يتكلم كل واحد منكم بكلام فيتكلم أحدكم كلمة أغضب عليكم عند سماعها , وأقول : يا لكم من ضعاف مثل الفراخ.
تالله أذا لم تفعلوا مثل الدجاج ويبيض كل منكم بيضة لاقطعن رقابكم .
فقالوا : سمعا وطاعة يا أمير المؤمنين.
وعندئذ طلب الخليفة الحاجب وقال له : اذهب فاستحضر ست بيضات , ولا تدع أحدا يراك , خصوصا أبو نواس , فخرج الحاجب .
وعاد منفذا أمر الخليفة وأعطى لكل من الجالسين بيضة, خبأها بين طيات ثيابه , وجلسوا ينتظرون .
ودخل أبو نواس فسلم على أمير المؤمنين سلام الخلافة , وأظهر الرشيد انتباهه الى حديث جلسائه , ونطق أحدهم بكلمة .
فغضب منها الرشيد غضبا شديدا فصاح بهم : ويحكم أيها الجبناء أنكم مثل الدجاج , ولاأجد فرقا بينكم وبينهم والله ان لم يبيض كل منكم بيضة لاقطعن رقابكم.
فأظهروا الاضطراب والخوف , وأخذوا يفعلون كما تفعل الفراخ . وبعد قليل مذ الاول منهم يده الى مؤخرته, فأخرج بيضة وقال: هاهي بيضتي ياأمير المؤمنين
وأعقبه الثاني والثالث الى السادس , وكان الخليفة يقول لكل من يقدم بيضه : قد نجوت.
ولما جاء دور أبو نواس وقف على قدميه ومشى حتى توسط الجميع , وصار أمام الخليفة وجها لوجه , ثم صار يقول: كاك , كاك, كاك . كما يفعل
الديك بين زوجاته الدجاج , ثم ضرب ابطيه على بعضهما , وصاح بأعلى صوته كما يفعل الديك تماما , وقال كوكو , كو.
فقال الخليفة: ما هذا يا أبو نواس .
فقال أبو نواس : عجبا يا أمير المؤمنين , هل رأيت دجاجا تبيض من غير ديك
هؤلاء فراخك وانا ديكهم. فضحك الخليفة حتى كاد يسقط عن كرسيه , وقال له : يالك من خبيث ماكر, تالله لولم تكن فعلت ذلك لعاقبتك ,
ثم امر له بهدية ومال معجبا بذكائه .
*************
أقعدوا عافية ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
انا داخل النت من موبايلي يا شباب بعد ان تعذر الدخول عبر الوساىل الأخرى_ وبإختصار مشتهيكم وما عافي ليكم كان قطعتو فيني_ و زهير أنا بلاقيك في قندهار والله محمد صديق ما بحلك__
الصور بعد الوسيلة المناسبه
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
رشيد الحبيب ..
مرحبتين حبابك .. والله انت واحشنا أكثر من ما تتصور ..
وعموا نحن بنعشق طلاتك الحلوة لو كانت من لابتوب او حتى من موبايل ..!
وبنموت فيها لو كانت من اسطمبول او ابو ظبى او اركويت او حتى قندهار !!
عموما عاذرنك .. بس حاول مرة مرة غفـّل نجاة وادينا طلــة ..
الاحباب سكان الحوش اقترب الصباح وانا رايح انوم ..
وبكره انشاء الله ما بالاقيكم الا بالليل لأنى مرابط ..
وصيتكم زى الليلة وامبارح عبـــّوا البوست
واقفزوا بينا للميل 39 ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
سلام من الله ورحمة منه و بركاته
الله لا إله إلا هو عليه توكلت وهو رب العرش العظيم
سبحان الله و بحمده عدد خلقه ورضا نفسه و زنة عرشه و مداد كلماته
حسبي الله لا إله إلا هو عليه توكلت وهو رب العرش العظيم
اللهم نسألك رضاك و الجنة
نعوذ بك من غضبك و النار
اللهم نسألك حسن الخاتمة
يا مقلب القلوب ثبت قلوبنا على الإيمان
اللهم صلي على سيدنا محمد وعلى آله وصحبه و سلم
اللهم صلي على سيدنا محمد وعلى آله وصحبه و سلم
اللهم صلي على سيدنا محمد وعلى آله وصحبه و سلم
اللهم آمين
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
أمبارح شفت مداخلة بتقول
في واحد اسمو جلال عثمان ما وقع في عينكم
هو وقع في عيني أنا
ولقيتو مادي بوذو 3 أمتار
قلت ليهو استهدأ بالله
الدنيا زايلة ....مالك؟؟
قال لي عليك الله التفرز بتاع ناس الزقازيق ديل شنو؟؟
قلت ليهو خير...... ما عزموك قندهار!!!!
قال لي يا خ وطي صوتك أنا في السعودية
وكان جبت سيرة قندهار دي بدقو لي خروج نهائي
طيب مالك؟؟؟
قال لي
مبارك جادين و حرمه المصون في السعودية
و الجماعة ما قصروا معاهم عزومات وبرامج أسكت خليها
حاج الركز و حرمه المصون حتوهو قرض مع الجماعة في الساوث مول
طيب عليك الله مش مفروض يحلفو بالطلاق للرشيد و حرمه المصون
عشان يغيرو من تركيا للسعودية
المهم قلت ليهو كان دي المشكلة محلولة
عرفت بيني و بين نفسي إنو الزول دا زي صاحبي منصور
قلت ليهو خلاص دق خروج يوم الجمعة
أحضر معانا قندهار السبت وبالليل نعمل ليك بارتي وصباح الأحد أرجع السعودية
قال لي تااااني قندهار!!!!!!!!!!
إنت يا جلال الخبراء الأجانب رجعو ولا لسع؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
ما عرفتوا الخبر
الجماعة ما طلعوا بتاعين (حكى ) ساااااااكت
لقيت ليكم زهير , داسى نفسه فى بوست تانى
فى بيت الجيران يعنى
اتارى الجماعة ولا مشوا كورة المقاولين ولا شافوا حتى اقوان سادومبا
سمعوها فى الرادى ساى , زيهم زينا
وانت يا زهير ما بتجى تقول الأعترافات الخطيرة دى بى جاى ليه ؟؟
بعد كده ولا خايفين منكم ولا كمان حاسدنكم
يعنى لونا س ماشين كورة الهلال والمقاولين فى استاد الخرطوم
نلقاهم فى النهاية حاضرنها فى الرادى
وكمان واقفين فى موقف المواصلات الجديد
وقافى يعنى
(سلك , سلك , وكمان خارجى )
معناتها لو جوا وقالوا لينا مشينا قندهار يا ريس
فى رأيك يكونوا مشوا وين
بالكثيرة يكونوا ختوا الكراسى يا قدام بيت ناس زهير
وابتهاج عملت ليهم الشاى ابو لبن
او قدام بيت ناس الرشيد فى اركويت
او قدام صحن العصيدة بتاع ناس محمد صديق
آل آندهار آل
بطريقتكم دى , كورة يوم السبت الا نحن نوريكم نتيجتها من الرياض
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
الليلة الجو في الخرطوم مبالغة يا منصور غيوم من الصباح وهمبربيب يرد الروح
وانا ماشي علي الخرطوم ، أتصل بي محمد صديق يا خي عايزنك ضروري في ميدان الربيع
قلت بسم الله محمد صديق دا موديني النظام العام بتاع ميدان الربيع ولا شنو
يا زول يدي في قلبي أتوكلت ومشيت علي الزول دا لأنو لو ماشيت ممكن يرسل لي عساكر
يجبوني وبعدين شكلي بيكون ما حلو ، أحسن أمشي ليهو براي وأحل معاهو المشكلة ،
وقفت طوالي قدام شرطة أمن المجتمع - ميدان الربيع ، وأتصلت إنا بره قالي خش طوالي
قلت ليهو في مكتب الضابط النبطشي ولا مكتب البلاغات ، ضحك قال لي نحن في الحوش الوراء
المطعم ، يا دوبك الكلام وقع لي ، لقيت الكوتش محمد صديق ، ومعاهو الرشيد بابكر زولك
زاتوا يا منصور ومعاهم الزول جلا بتاع الخواجات داك ، يهرسوا في السمك هرس الجن ،
طيب يا جماعة ما تكلمونا، انا قبل ما أتحرك من البيت قلت لإبتهاج هوي يا بت الناس
ظبطي لينا فول يقعد الزول كم يوم كدا ، يمكن أسافر لفاتحة والشارع ما معروف ظروفه
لومك بي من الخلعة ماكل أربعة عيشات من الفول داك ، أها أكلت ليك مع الناس ديل
من الفرحة كأني ما فاطر ، سمك عجيب ، وصور عجيبة ، غايتو يا منصور ، السنة دي
صاحبك الرشيد إجازته حا تجيب ليك نفسيات ، الونسة والقرقرة ، ما قمنا منها إلا
جا تلفون لجلا من الكفيل بتاعه ، طبعاً كفيله خواجة ، أول مرة أشوف لي أجنبي يكفل
مواطن قمنا جرينا علي اشغالنا ، وسمعنا تحت تحت الجماعة مشوا شربوا الجبنة مع نهلة
أها يا منصور قلت لي عملت في الحجز شنو ....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
عفـــواً..
ليــس بالضرورة أن ننساهم ..
ما دمنا لا نملك قدرة نسيــانهم..
لكننا بالتأكيد نملك قدرة المحـــاولة على نسيانهم..
إذاً.. "فالنحـــــاول"..
التنـــاسي..
تمثيلية غبية نمارسها على الآخريــن..
كي نثبت لهم أننا الأقــوى والأقدر على النسيــان..
إنها تجربة بطيئة ومملة من أجــل اختراع النسيان..
لكنها في معظم الأحيان.. تنجـــح!
لا بأس..
لنتألم قليلاً عند الفـــراق..
أو حتى كثيــراً..
ولنصرخ بصوت مرتفــع..
لكــن.. لماذا لا نعتبر هذه الصرخة.. صرخة الميـــلاد..
و"نحاول"استقــبال الحياة من جديد؟!
حين تغيــب شمس أحلامــكم..
لا تنتظروا شروق شمس جديـــدة..
فقد تتأخر عليكم كثــيراً..
و"حــــاولوا" أنتم أن تبحثوا عنها خلف غيــوم الأيام..
كي لا تضيع سنواتـــكم في ظلمة الانــتظــار!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
أحببت هذه المداخلة و تمعنت فيها بشكل غير عادي
فهل يا ترى تجد منكم الردود الوافية
Quote: التنـــاسي..
تمثيلية غبية نمارسها على الآخريــن..
كي نثبت لهم أننا الأقــوى والأقدر على النسيــان..
إنها تجربة بطيئة ومملة من أجــل اختراع النسيان..
لكنها في معظم الأحيان.. تنجـــح!
|
أظن التمثيلية الغبية
و التي نمارسها على الآخرين تعتمد بشكل أساسي على دواخلنا
و الأسئلة المطروحة
هل نحن على درجة عالية من التسامح؟
هل نحن على رضا تام بما نفعل ؟
وهل ما نفعله على درجة من الصواب؟
هل نحن نتقبل الآخر ؟
ومن هم الآخرين الذين نريد أن نتناساهم؟
بالطبع هناك ظروف موضوعية تجبرك من إيجاد النسيان في حياتك
إذا كانت كل الأسئلة السابقة ذات مؤشر إيجابي..
فإن النسيان ليس بإختراع
و وجوده ليس بالضرورة نجاحاً
شكرنا يا ريسنا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
ها , امشوا كده ولا كده
طلعتوا اشاعات ساى
السمك ده كان ما شفناهو مصور
حوت عديل كده
نحن معتبرينو
فتة عدس
وكمان جنب النظام العام
اوعكم من لبنى احمد حسين يا
محمد صديق ده كمندان فى شرطة السواحل ولا شنو
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
انتو الزول لمن ينط سطر ويكتب في سطر
و لمن يكتب مداخلة ويعيدها مرة تانية
مش زي السمكة تنط من الموية
وتاني تخش الموية؟
منصور إزيك
يا جماعة أنا و الله من الصباح عطشان عطش شديد
يكون من شنو؟
يا ربي أكون أكلت سمك مع الرشيد ومحمد صديق
وزهير يكون جا حصلنا ؟؟
أخير العطش دا نقطعو بي جبنة
يا ربي الواحد كان قعد مع ناس نهلة نجم الدين
وشرب ليهو فنجانين جبنة
وضرب تلفون لي محمد عيد تصحيهو من النوم
وتقول ليهو عازمنك جبنة مش سمك
مش العطش بيتفكا؟
يا دوبك أنا عرفت
إنو لو عزموك سمك في نادي الربيع بأمدرمان
أوع تخت ليك حاجة في بطنك من الصباح يا منصور!!!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
منصور يا حبيب ..
والله انا من الليلة معاك ..
والله جماعتك مفصونى جنس مغصة من الصباح ..
تخيل انا نايم امبارح بعد الفجر زى ما قلت ليك
وعملت الموبايل صامت " عشان المعجبات وكده "
صحيت ليك الساعة واحدة ونص ظهر ..
لقيت ليك 5 مكالمات من جلا .. بينى وبينك قلقت
وقلت خير يا ربى الحاصل شنو ..؟
الزول ده انا امس بالليل قلت ليهو مانى صاحى بدرى اللية
المهم قمت فتحت البوست بسرعة لقيتو استفتح اليوم عادى
وبعدين لقيت مداخلتك ومداخلة الريس .. غايتو اطمنـّت شوية
فتحت الموبايل وضربت ليهو .. قفل علـىّ ..
شوية وضرب لى تانى .. قلت ليهو يا زول شنو مالك مقلقنا من الصباح ..؟
صاحبك اتكـــرّع شديد وقال لى .. انحنا عندنا مكاواة ليك ولازم تحضرها لايف ..
شوية وادانى ليك الرشيد وبعدين محمد صديق وكمان نهلة نجم الدين ..
وكل اليتكلم معاك يقول ليك .. الســمك السمك .. والجو الرطب .. وجبنة نهلة ..
وبعدين مارقنها وين ما عارف .. وهســه منتظرين زهير ..
ومحمد صديق يقول لى عصيدة الجمعة معمولة بى خلطة سرية ..
غايتو مسكتنى ليك .. هلّلا .. هلاّ ( بيكتبوها كيف دى ؟ ) ..
المهم غايتو يا قريبى فتش لى معاك فى الحجز .. انشاء الله بالتونسية ..
وانا يا خوى زى ما قلت ليك من الليلة معاك ( deep center forward )
منصـــور ... اوعى الرشيد يكون بقى غواصة !!!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: لنتألم قليلاً عند الفـــراق..
أو حتى كثيــراً..
ولنصرخ بصوت مرتفــع..
لكــن.. لماذا لا نعتبر هذه الصرخة.. صرخة الميـــلاد..
و"نحاول"استقــبال الحياة من جديد؟!
|
الألم باق فينا
عميقاً كان أم سطحياً
وعزانا و زادنا هي تلك الدموع المالحة
تكففه و لو إلى حين
وقد نصرخ ويمتد صراخنا ما وراء الحواجز
وقد نعتصره و نخفيه من عيون الآخرين
فهي ليست صرخة ميلاد
فلدينا ألم أصبح ماضي
قد نحتاج استرجاعه لنأخذ العبر
فليس هناك حياة جديدة
و لكن هناك حياة تحتاج لمراجعة سنوية
Quote: حين تغيــب شمس أحلامــكم..
لا تنتظروا شروق شمس جديـــدة..
فقد تتأخر عليكم كثــيراً..
و"حــــاولوا" أنتم أن تبحثوا عنها خلف غيــوم الأيام..
كي لا تضيع سنواتـــكم في ظلمة الانــتظــار!
|
إذا غابت شمس أحلامي
فالبحث عنها مستحيلاً
فهي بلا شك النهاية
فاذكروا محاسني طاب مقامكم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: منصور يا حبيب ..
والله انا من الليلة معاك ..
|
مرات بكون راكب المواصلات
وراكب براي من المحطة بتاعتي
أقوم أدي الكمساري مثلاً 500 يقوم يسألني
فيها كم نفر؟
طوالي أقول ليهو تلاتة
يقول لي وينم؟
أقول ليهو أنا و إنت و السواق
عشان كدا يا زهير الزناتي
الشيرنق بتاعي لقندهار يوم السبت تلاتة أنفار
أنا و منصور و محمد عيد
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
يا محمد عيد ...ده كلام شنو...
انت بتصدق الكلام ده...
يعني خلاص صدقت كلامهم ومطمئن...
يا اخي نحن بنعمل الحاجات دي بي اثباتات... والدليل... اقالولو دي مابتنفع معانا...
والجماعة ديل كلهم شاهدوا الصور...
وال عندو اثبات يطلع المنصة...
عثمان الجيلي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عثمان الجيلي شيخ محمد)
|
تعرف يا منصور ناس الخرطوم ديل بتاعين ناسات
انا مشيت يمين مافي زول هببوا لي
غايتو البركة في كباية الجوافة الشربتها مع زهير
وصالح البرلوم ومعاوية يحيى وعمار رحمة الله وعبد الرحمن زراعة
واعتقد نادر علوم
يمين تاني ما شفتهم
غايتو ما حاسدين الرشيد لكن الخيار والفقوس ظاهر
والله في
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
صباح الخير يا أحباب الخير،،،،
محمد عيد الجماعة نالوا منكم ومن منصور
أقترح أن يضم منصور لينا في جده، ونكتفي
هنا بأخونا مبارك جادين.
جلا يبدو إنك أستاذ كبير وذو إحساس مرهف عالي جداً
أنا بتأسرني الأشياء لمن تكون جميله وضاربه في خياشيم
الأحاسيس والمشاعر ،،، تعليقاتك على المداخله صارت أحلى
من أم المداخله نفسها.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
يا محمد عيد ووطارق جبريل ويا ريس
انتو المكنة دى شالت فيكم ولا شنو ؟؟
انتو من زمن الحوت البيعطش يا جلا
نحن هنا فى الرياض , بقى عندنا حوت , يدوك ليهو
شايل معاهو بزازة
البزازة ممكن يكون فيها , يا عصير مشكل , يا لبن المراعى
لبن المراعى ممكن يكون كا مل الدسم , او قليل الدسم
واحتمال كونه يكون منزوع الدسم , برضو وارد
ولو داير البزازة المع الحوت يكون فيها (بيرة ) , كمان برضو وارد
البيرة ممكن تكون , قليلة البركة , او كمان منزوعة البركة
ده غير خيارات انها تكون اناناس , او خوخ , او رمان , او فراولة
او سكتو , بالتلج يعنى
اى زول فى تعبير غلبو يتصل بى طارق جبريل , عنده الكاتالوج
او يدق لى محمد عيد , وبالمرة يسألوا عن المكرونة الفيتوتشينى
ولو اتصل بالريس كمان , ممكن بالمرة يتم جميلته ويقول ليهو
البيتزا بتاعت الساعة اربعة ديك
كانت اسبايسى ولا ريجيولار
رفيعة ولا سميكة
مارجريتا ولا بان بيتزا
ولو كمان غلبتكم , امشوا لأبتسام ميرغنى فى ايتالى بيتزا
عارفنها وين , ما تمشوا بتاعت (اوزون ) لأنها زحمة , اخير ليكم بتاعت شارع المشتل
اما انت يا محمد آدم النور الشهير بى جلا
ابقى انتظر لى , اكان ما شطبتك (شطبة ريتشارد )
ما ابقى اسمى منصور
احيييييييا منكم , فى زول عنده ايميل اوكامبو
وبعدين اعملو حسابكم , ست الجبنة فى شارع النيل جنب الكشافة دى
الليلة حا ارسل ليها بتاعين الصحة
انتى يا نهلة مش كنتى قاعدة تجيبى للناس كوكاكولا
الجبنة ليكى شنو ؟؟!!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
| Quote: اى زول فى تعبير غلبو يتصل بى طارق جبريل , عنده الكاتالوج |
يا طارق جبريل
داير أعرف أنواع الأسماك دي حسب ما هو موجود في الكاتلوج العندك
1. البولطي
2. الناجل
3. البياض
4. السالمون
5. العجل
ولك شكري مقدماً
لأنو قد نحتاجك عشان نعرف أنواع اللحوم الماشين نأكلها يوم السبت في قندهار
إنشاء الله برضو كتلوجها يكون عندك
Quote: اما انت يا محمد آدم النور الشهير بى جلا
ابقى انتظر لى , اكان ما شطبتك (شطبة ريتشارد )
ما ابقى اسمى منصور |
عليكم الله صلاح إدريس دا ما نصيح
في زول يشطب قلب الأسد
برغم إنو ريتشارد مشى السلطنة وجا راجع
لكن شداد الزول الراسو قوي زي عبد الدائم
أبى يرجعو للمريخ
لكن أنا على ثقة تامة
إنو الريس ميسرة زول أجواد
ومافي زول بيكسر كلمتو
عشان كدا يا ريس
أنا داير الأمان منك
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: يا طارق جبريل
داير أعرف أنواع الأسماك دي حسب ما هو موجود في الكاتلوج العندك
1. البولطي
2. الناجل
3. البياض
4. السالمون
5. العجل
|
راصيهن لي زي المحايات كدة
بتحندك فينا يعني
قول لي محمد صديق وود الزناتي
نحن ما قاعدين نجي الخرطوم مالكم ما بتجوا تسوقونا زي ناس الرشيد وحاتم جبارة
وتودونا قندهار وجبل اولياء
برضو الله في
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
اما انتو يا محمد عيد وطارق جبريل , ومعانا الريس كمان
اشرحوا لى الحاجات دى
1- كنتكى فرايد تشيكن
2- ماكدونالدز
3- لندن فيش اند تشيبس
4- هرفى
5- باسكن روبنز
6- كون زون
7- فول عم خليا بتاع شارع غبيراء
8- البيك
9- مكرونة فيتوتشينى
10- لمة يوم الجمعة الجاى لزقازيقاب الرياض قى (شاليهات اليمامة )
11- لمة يوم السبت الجاى لزقازيقاب جدة , فى ابحر
شفتواالحداشر ديل , المريخ التعبان ده لو لعب بيهم يوم السبت , حا يغلب الهلال
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
عابدين محمد زين لديه أطفال حلوين ومسلطين ويحبوا السمك جداً
في مرة جاء المنزل ومعه سمك الموردة السمح داك يا منصور
قال ليهم يا شباب جبت ليكم الليلة سمك السد
فهتف الشباب (الفاتح) 5 سنوات وناصر (3 سنوات)
السد السد السمك الرد
ونحن الآن نردد معهم نفس الهتاف
حتي يصل منصور في الرياض شرق الدنيا
وطارق جبريل بطنجا غربها ...
ويا طارق جبريل إنت لمن جيت السودان ما كنت فاضي لينا
تعال لينا فاضي وسيب الحوامة مع البورداب ، نوديك
قندهار وجبل أولياء والمنطقة الحرة في قري كمان
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
سلامات ياناس
الاشواق الى ما لانهاية
طارق جبريل سلام...انت قول جايى ..قبل ما الناس تسمع بى جيتك
ونحن نحبك كما نحب الرشيد...ومنصور النفسو فى الجية وما قادر
هسة عليك الله منصور ده كان دق سدرو وقال زى ما بقول فى الحتة
بتاعتو حقة يوم الخميس الليلة يا حليلو :
اصلى لامن ادور اجيك..بجيك
لا بتعجزنى المسافة
لابقيف بيناتنا عارض
لا الزمن بمسك بايدى
ولا من الايام مخافة
لو قال كدة كان حجز زمان وكان حصل سمك الخميس الليلة يا حليلو
يا عيد صوتك عبر التلفون اسعدنا...ونصيحة ليك اياك والتحالف مع
جلا او منصورقندهار....
يا كل الناس...لكم الود.. والشوق....وكثير أشياء
حاجة اخيرة...قدر ما اشرب موية القى نفسى عطشان...يا ربى يكون من
سمك الخميس الليلة يا حليلو....
حاجة اخيرة ..اخيرة...الرشيد الليلة ما سالناهو...قلنا احسن بت الشيخ
تزعل...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
لسببٍ مــا..
خسرنـــاهم.. ورحلوا..
فأظلمت الدنيا في أعين قلوبنــا..
وضاق الوجود بنــا..
ونعلم جيداً أنهم لــن يعودوا يوماً..
إذاً.. "فلنحــــاول" أن نضيء النور مرة أخرى!
وهذا الطريق يذكرنــا بهم..
فهل نهجر الطريق الذي شهد يوماً فرحة لقاءنا بهم؟
أم نزرع في الطريق وردة حمـــراء..
ونقول له بامتنان شكراً أيها الطريــق؟
| |
|
|
|
|
|
|
| |
ميسرة سيد أحمد
الرشيد بابكر
منصور عبد الرازق
محمد عيد
عبد الدائم سيد أحمد
زهير الزناتي
عصام دهب
محمد صديق
محمد آدم النور
طارق جبريل
فيس بوك
تويتر
انستقرام
يوتيوب
بنتيريست