نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
العايز يعرس.. برعاية خالات البورد
|
سلامات وكل سنة وارشفة تامين لامين بعد صرخت الدسكو انه عايز يعرس وما لاقي ..
معقول بالله الرجال بقو ما بقدرو يعرسو وهم البختارو؟؟؟؟!!!
بعداك سعد الدن جا برضو قال عايز يعرس وود الجعلي* وسعد وكمية من الشباب الذي الورد
الى ان كان عبارة غباشي دي بمثابة الشراب الرمى السلك
Quote: اما من الناحية التانية (العرس و كدة) فلا انجاز يذكر ... |
البخلي شباب ذيكم غالبو يعرس شنو؟
وم ثم قررنا انا وخالتكم دومةرعاية مشروع الزواج الاسفيري الجماعي لعام2010
اي واحد عايز يعرس يجي يورينا شايف نفسو كيف وعايز شنو في زوجة الاحلام..
البنات في البورد البخجلو يمكن يستخدمو الماسنجر ومن برة شوفو ايملي في البروفايل..
يشترك في هذا البرنامج غير المتزوجين اي راجل متزوج يجي يطرح نفسه حنحولو لتراجي لتقوم بالواجب..
____________ ود الجعلي دا ينظر في امره بتروي لسوابقه مع امه
|
|
|
|
|
|
|
|
Re: العايز يعرس.. برعاية خالات البورد (Re: د.نجاة محمود)
|
يادكتوره اخبارك وكل سنه وانت انبل واجمل واعز خاله سجلينى نمره واحد وداي واحده زى العسل لو اكلتو مايغللللت عليك وان خزنتو ما يبوظ ممكن تاكلو وانت جعان فيشبعك او عيان فيشفيك اما اذا طفحتو شبعان فهوبمثابة التحليه زى المويه صاح ما بتتمسك باليد المجرده لكن ممكن تشربا وممكن تغسل بيهاكل اوساخك وكمان ممكن تتوضى بيهاووتقابل ربك نظيف وعفيف صاح ممكن تغرقنى اذا مااحسنت اسعمالها لكن بحسنو حصل قلت ليك انك زوله حبوبه وبت قبائل لك ودى الذى لاينتهى ولحبوبه دومه مثله مع الحب
| |
|
|
|
|
|
|
Re: العايز يعرس.. برعاية خالات البورد (Re: WAD ELGAALI#4)
|
Quote: يادكتوره اخبارك وكل سنه وانت انبل واجمل واعز خاله سجلينى نمره واحد وداي واحده زى العسل لو اكلتو مايغللللت عليك وان خزنتو ما يبوظ ممكن تاكلو وانت جعان فيشبعك او عيان فيشفيك اما اذا طفحتو شبعان فهوبمثابة التحليه زى المويه صاح ما بتتمسك باليد المجرده لكن ممكن تشربا وممكن تغسل بيهاكل اوساخك وكمان ممكن تتوضى بيهاووتقابل ربك نظيف وعفيف صاح ممكن تغرقنى اذا مااحسنت اسعمالها لكن بحسنو حصل قلت ليك انك زوله حبوبه وبت قبائل لك ودى الذى لاينتهى ولحبوبه دومه مثله مع الحب |
موش قلت ليكم ولد حناك شديد؟ اسع بالطريقة دي لازم نتغافل السوابق ونسجلك اول واحد
ود الجعلي دائما من افضل اولادناالسبرين
من تأنس في نفسهاالكفاءة فالتتقدم..
| |
|
|
|
|
|
|
Re: العايز يعرس.. برعاية خالات البورد (Re: WAD ELGAALI#4)
|
Quote: البخلي شباب ذيكم غالبو يعرس شنو؟ |
Quote: شكرا اختنا د.نجاة مثلا انا زول مسيكين وساكن طرف في الخرطوم وبالايجار وعاطل عن العمل في الضواحي وطرف المداين وامتلك بؤسا عاصف وفقر مدقع من تأنس في نفسها الكفاءة لتشاركني حياة قائمة علي رزق اليوم باليوم ومرات اكل طعمية هذا برغم انني احمل شهادة عليا في الهندسة المدنية وبنيت عمارات شوامخ بليبيا وعدة ابار جوفية وحفائر بدار فور في برنامج الامم المتحدة الانمائي وامتلك شهادة خبرة باني اشرفت علي برامج في الحقول النفطية الليبية لسنوات عديدة خبراتي لم تجد فرصة في بلادي العزيزة فمازلت اعتقد ان العمل يجب ان يتوفر لي عبر لجنة الاختيار للخدمة العامة ومكتب العمل واعلانات الصحف ومنذ 96 لم اجد فرصة حتي الان وممايوسف له اني شاطر من الخلوة والي الان ونفسي اخدم بلدي ومالقيت فرصة عبر الطرق المعروفة وناوي الهجرة الي الخليج حيث لاحت لي ولكني حزين دايره لبلدي الله غالب لكن مصر اخدم بلدي ووطني بمعرفتي المتواضعة اسفت باني قدمتها لليبيبا اكتر من بلدي |
| |
|
|
|
|
|
|
Re: العايز يعرس.. برعاية خالات البورد (Re: مطر قادم)
|
Quote: الشراب الرمى السلك |
Quote: يشترك في هذا البرنامج غير المتزوجين اي راجل متزوج يجي يطرح نفسه حنحولو لتراجي لتقوم بالواجب.. |
أنا غايتو مساهمتي معاكم عندي عريس مكمل من برة البورد ورشحت ليهو واحدة من بنات البورد دا ووافق مبدئياً على الفكرة لكن ما عارفة أفتح الموضوع مع البنية كيف، رايك شنو أديكم الموضوع دا إنتي ودومة تتموا الباقي ؟
| |
|
|
|
|
|
|
Re: العايز يعرس.. برعاية خالات البورد (Re: تيسير عووضة)
|
أحييك يا دكتورة تلمست من مداخلات بعض الاخوة أخذ الموضوع كمزحة بصراحة ليه ما يكون موضوع جاد نحنا هنا في السعودية نعاني من هذه المشكلة بصورة كبيرة شابات إتولدن هنا وكملن تعليمهم ولم يأتي صاحب النصيب ليس هناك أي سبب إلا طبيعة المجتمع من عدم الاحتكاك والاختلاط وخلافه والله يا الدسكو وسعد، بنات زي النجف ،قمة التربية والأخلاق ،وشطارة كمان
التعارف ثم الزواج عبر الاسفير يمكن أن ينجح
تحياتي
Quote: يشترك في هذا البرنامج غير المتزوجين اي راجل متزوج يجي يطرح نفسه حنحولو لتراجي لتقوم بالواجب.. |
ليه كده يا دكتورة يعني ما لقيتي الا تراجي ام عكاز
------------كسرة----------- علمت إنو البنات اليومين دي وفي السودان بالذات يبحثو عن الراجل المتزوج بقولو انه جاهز وعنده خبرة في الحياة ومتطلباته قليلة
تحياتي
| |
|
|
|
|
|
|
Re: العايز يعرس.. برعاية خالات البورد (Re: تيسير عووضة)
|
النبي شفتي يا تيسير عوضه بيان دي مكاره كيف؟؟ بقت يعني هي ودومه الحنان
Quote: يشترك في هذا البرنامج غير المتزوجين اي راجل متزوج يجي يطرح نفسه حنحولو لتراجي لتقوم بالواجب.. |
وتراجي للعكاكيز!!
استني لي يا بيان!
وحاتك حتشوفا اول ناس حيجوك ناطين المتزوجين بعمولها هظار وضحك وهم النفيسه فيها!
انا غايتو اصلا كالعاده قابضه على جمر القضايا(هههههه) اها تعدد ممنوع.....وان شاء الله اهل السودان ربنا يرسل لهم واحد زي الحبيب بورقيبه ينشف ريقهم في موضوع التعدد ده.
| |
|
|
|
|
|
|
Re: العايز يعرس.. برعاية خالات البورد (Re: Tragie Mustafa)
|
أها نحن المتزوجين ديل .. حامدين شاكرين..
ناس صُفاح سااااااااااكت...
بس إلا تقولوا لينا في عقد اليوم الفلاني...
نلفح عمتنا ونتوشح شالنا...ونفزع
حدنا طقوس الصُفاح بس... لا حفلة ولا يحزنون...
عشان نفقل الدرب لأصحاب العوينات الطايرة...
والله نتمنى لمشروع زي ده النجاح...
فعلا المسألة محتاجة مع تعقد الحياة...
والكم الهائل من مواقع التزويج السايبيري
أكبر دليل...
| |
|
|
|
|
|
|
Re: العايز يعرس.. برعاية خالات البورد (Re: Kamal Karrar)
|
الأخت العزيزة د. نجاة لك التحية والود وعاطر الياسمين كل عام وأنت بخير، ندعم الفكرة من سويداء القلب. سؤالي، أين أقع بين هؤلاء وهؤلاء؟ فقط عليك أن تدركي أني "لا بتني المره ولا كباية الشاي" مع خالص تحياتي د. صلاح البشير
| |
|
|
|
|
|
|
Re: العايز يعرس.. برعاية خالات البورد (Re: Kamal Karrar)
|
الأخت العزيزة د. نجاة
عوافي
Quote: العايز يعرس.. برعاية خالات البورد |
لو ما كان زي رعاية الشركات الكبيرة لدوري وفرق كرة القدم ما ترضو ....
خالاتكم خامات ولامات يعني بجد مدكنات
أبقو عشرة على الوصية.... اقل رعاية .... شنطة الشيلة
| |
|
|
|
|
|
|
Re: العايز يعرس.. برعاية خالات البورد (Re: د.نجاة محمود)
|
Quote: وم ثم قررنا انا وخالتكم دومةرعاية مشروع الزواج الاسفيري الجماعي لعام2010
اي واحد عايز يعرس يجي يورينا شايف نفسو كيف وعايز شنو في زوجة الاحلام.. |
يا دكتورة سلامات
عاوزين نعرّس ، فختّوني في حسابات المشروع دا أنا وأخوي الكاشف سعد الدّين دا
وزغرودة فرح
| |
|
|
|
|
|
|
Re: العايز يعرس.. برعاية خالات البورد (Re: saadeldin abdelrahman)
|
Quote: بيان يا لذيذة ! كدي بالأول جيبي البضاعة وخلينا نعزِّل، بتيخة مقفولة وللا على السكين.. ___ أخواني الواقفين صف ديل لو بتثقوا في ذوقي، رشحوني ضواق.. ومن فرّج عن بوردابي كُربة، فرّج الله كربه في الأسافير.. |
المسنهبل الكبير دا عايزين ليه واحدة بمواصفات تراجي تمشيه في العجين ما بلخبطو..
في البورد دا في واحدة بس بتقدر عليه وهي عارفة نفسها.
من تانس في نفسها الكفاءة بالله تكتب لي
| |
|
|
|
|
|
|
Re: العايز يعرس.. برعاية خالات البورد (Re: د.نجاة محمود)
|
Quote: يا خالة بيان قلت ليك عرسي لي ولدك..العزابة بي جازهم جيتي عملتيهو عرس كورة! |
كيف يا سعد اعرس ليك تب
يلا يا بنات سعد شاب ظريف جدا ومهذب وبحترم الناس الكبار ويحشمهم ودي صفة مميزة حيث مرشح نسيبتو تدق بتها ليه.
مكمل اي حاجة.. اها من تأنس في نفسهاالكفاءة فالتتقدم له
دي فرصة يا بنات البوست بكدا المبادرة للبنات ودي اول خطوة للانعتاق من فقط تسبل العيون وهو يقع ويفتكر انه هو الاختارها يعني بالجد عايزين نخدمهم نطلعم من غفلتهم دي
منتظرين
_________________ ما تشوفو شتارة عايزةاربعة ما بعملها ابدا زول مخلص جدا..ز
| |
|
|
|
|
|
|
Re: العايز يعرس.. برعاية خالات البورد (Re: د.نجاة محمود)
|
Quote: شكرا اختنا د.نجاة مثلا انا زول مسيكين وساكن طرف في الخرطوم وبالايجار وعاطل عن العمل في الضواحي وطرف المداين وامتلك بؤسا عاصف وفقر مدقع من تأنس في نفسها الكفاءة لتشاركني حياة قائمة علي رزق اليوم باليوم ومرات اكل طعمية هذا برغم انني احمل شهادة عليا في الهندسة المدنية وبنيت عمارات شوامخ بليبيا وعدة ابار جوفية وحفائر بدار فور في برنامج الامم المتحدة الانمائي وامتلك شهادة خبرة باني اشرفت علي برامج في الحقول النفطية الليبية لسنوات عديدة خبراتي لم تجد فرصة في بلادي العزيزة فمازلت اعتقد ان العمل يجب ان يتوفر لي عبر لجنة الاختيار للخدمة العامة ومكتب العمل واعلانات الصحف ومنذ 96 لم اجد فرصة حتي الان وممايوسف له اني شاطر من الخلوة والي الان ونفسي اخدم بلدي ومالقيت فرصة عبر الطرق المعروفة وناوي الهجرة الي الخليج حيث لاحت لي ولكني حزين دايره لبلدي الله غالب لكن مصر اخدم بلدي ووطني بمعرفتي المتواضعة اسفت باني قدمتها لليبيبا اكتر من بلدي |
دا زول جميل جدا مؤهل تاهيل عالي
اي زولة عايزة تبدأ حياة مع زول ذيو يوعدها بحسن المعاملة موش بالاشياء المادية..
تعرف الفقر كثيرا ما بعني الفقر المادي
يلا يا شابات
| |
|
|
|
|
|
|
Re: العايز يعرس.. برعاية خالات البورد (Re: د.نجاة محمود)
|
الام بخيتة سلامات و كل سنة و انت طيبة ووليداتك ....
انت عارفة يا نجاة امس حلمت انو ناس بيتنا عقدوا لي علي قريبتي رغم انفي و رسلوا لي القسيمة بالفاكس ... غايتو وقت صحيت من النوم قلت (الحمد لله ....كم انت كريم يا رب)... لكن 2010 دي شكلي عاملها .. عاملها اها اديك المواصفات:
اولا : الزوجة دي لا تسألني لا أسالها (ابيت برا , ما اجي كلو كلو ) و هي ليها نفس الحق يعني باختصار كدا (مهمل و لا يحب القيود الزوجية) ثانياً: بداية الشهر تشيل المرتب لانو لو بقي عندي يوم 7 في الشهر بنتسول... ثالثاً : تطرد كل ضهب منتصف الليل (الشراسة واجب المرحلة) رابعاً: أهل اهل ما معانا اي زول يواصل اهله بالطريقة البتعجبو (تفكك اسري مبكر)
يلا دي المواصفات مش انتي امي ... و اهم job description للام هي اختيار زوجة ...غايتو لايقي المواصفات الفوق دي لو بتتلايق و شوفي زولة غضب والدين كدا و عمل الخير ربنا يتمه
شكرا دكتورة نجاة و بجيك بالدرب الفوقاني
| |
|
|
|
|
|
|
Re: العايز يعرس.. برعاية خالات البورد (Re: حافظ حسن ابراهيم)
|
Quote: أنا غايتو مساهمتي معاكم عندي عريس مكمل من برة البورد ورشحت ليهو واحدة من بنات البورد دا ووافق مبدئياً على الفكرة لكن ما عارفة أفتح الموضوع مع البنية كيف، رايك شنو أديكم الموضوع دا إنتي ودومة تتموا الباقي ؟ |
جدا يقصر الملح يا حبيبة.. رسلي لي في المسانجر
| |
|
|
|
|
|
|
Re: العايز يعرس.. برعاية خالات البورد (Re: د.نجاة محمود)
|
Quote: انا مفروض اسمي ينزل هنا أتوماتيكلي |
انت المفروض ن تتجلدقاعد في الاحفاد وعزابي لغاية الان؟؟
بكري مؤهل تماما من مجاميعو خلقة واخلاق مؤدب جدا الدليل قاعد في منجم البنات وباقي على خالاتو ديل اها من تأنس في نفسهاالكفاءة
| |
|
|
|
|
|
|
Re: العايز يعرس.. برعاية خالات البورد (Re: د.نجاة محمود)
|
Quote: الام بخيتة سلامات و كل سنة و انت طيبة ووليداتك ....
انت عارفة يا نجاة امس حلمت انو ناس بيتنا عقدوا لي علي قريبتي رغم انفي و رسلوا لي القسيمة بالفاكس ... غايتو وقت صحيت من النوم قلت (الحمد لله ....كم انت كريم يا رب)... لكن 2010 دي شكلي عاملها .. عاملها |
غياتو امك البعرفها دي ممكن ترسل العروس ذاتها بفاكس افتح عينك واختار براك..
Quote: اها اديك المواصفات:
اولا : الزوجة دي لا تسألني لا أسالها (ابيت برا , ما اجي كلو كلو ) و هي ليها نفس الحق يعني باختصار كدا (مهمل و لا يحب القيود الزوجية) ثانياً: بداية الشهر تشيل المرتب لانو لو بقي عندي يوم 7 في الشهر بنتسول... ثالثاً : تطرد كل ضهب منتصف الليل (الشراسة واجب المرحلة) رابعاً: أهل اهل ما معانا اي زول يواصل اهله بالطريقة البتعجبو (تفكك اسري مبكر)
يلا دي المواصفات مش انتي امي ... و اهم job description للام هي اختيار زوجة ...غايتو لايقي المواصفات الفوق دي لو بتتلايق و شوفي زولة غضب والدين كدا و عمل الخير ربنا يتمه
شكرا دكتورة نجاة و بجيك بالدرب الفوقاني |
اها عاد يا حافظ اقوليك شنو عاد يا ولدي انت عايز تكون هامل وما هامل ودا وضع صعب شديد في تعقيدات الحياة السودانية لكن اهم حاجة حركة تشيل المرتب دي مغرية شوية
حافظ يا بنات زول وناس ولطيف وقلبو باااااااارد اولادوحيشبعو لعب لو اداهم فرصة في اللعب ما اخد كل الادوار..
بيعمل ابو ظريف جدا لكن النصيحة المواصفات الفوق دي بتخوف حبة الكلام دا عشان ما تجي واحدة تقول الله ينعل بيان ودومة ديل..
| |
|
|
|
|
|
|
Re: العايز يعرس.. برعاية خالات البورد (Re: د.نجاة محمود)
|
Quote: سألني أحدهم يوما ونحن نناقش مسألة عدم زواجي حتى الآن ياخي دايره شنو؟ زوج وبس؟ عشان المجتمع والناس وكلامهم ونقة الأهل؟ ما الذي يجعل من الزواج قضية كبرى أو هاجسا لدى البنات؟؟ أغلبهن عندما يسألن لماذا تريدين الزواج؟ سيقلن لك وبصوت عال جدا أريد أطفالاً وأن أحس بطعم الأمومة و الإستقرار وووو.. كل تلك الإكليشيهات المحفوظة من زمن جدة جدتي... يعني أنهن غير باحثات عن الحب لأنه ومن وجهة نظر الآخرين (التي تبنوها) وأصبحت شعارهن، فإن الحب بهت ولم يعد له مكانا أو هو المحرك الرئيس لهذا الدافع..
وتطابقت وجهة نظرنا في الرجل الذي اتمناه مكملا لحياتي عندما نصحني بالحلم برجلٍ طود .. سفينه، رجل تلقمينه اللقمة فكأنك تستطعمينها.. رجل تركضين معه كالأطفال وتكركرين في حضرته بالضحك، رجل لا تخجلين أن تخبريه بمواعيد دورتك الشهرية التي فاجأتك - و أنتما لا تزالان صديقين - رجل يرى في جبهتك موضع التقبيل قبل أن يشتهي شفتيك، لكنه يغافل اغماضك لعينيك فيقبلك بحر نار عشقه لك، ويضحك .. رجل طفل جميل .. يحكي لك حكايا خارم بارم و يغني في الحمام فيضرسك .. يعد لك عشاء سيئا ولساعات، ثم يضحك من نفسه ومنك حين تلقون بالعشاء إلي السلة و تبيتان القوى، رجل يدلك ظهرك في الحمام و" يليفه " دون أن ينتبه إلى مفاتن الإنثي.. لكنه يرى الإنسان الذي يعشق..
رجل يفاجأك في الساعة مئة مرة حين تسقط عيناه عليك فتكتشفين مدناً من عشق عظيم يسكنها .. رجل تنامين على الكنبة فلا يحملك إلى السرير .. لكنه يغطيك و ينام على الأرض قربك والتلفزيون شغال ششششششششششششششششششش.. رجل فارع حين تمشين قربه تتطاولان معا. رجل يزجرك ويعنفك كثيرا حين يغضب، ثم في اللحظة التالية يضمك إليه مقبلاص طرف أنفك، رجل ترغبين كثيرا فيه كلما تنظرين إليه .. رجل ترغبين في اطفال يبذرهم في حشاك عشقاً فيخرجون شجرا من ورد الأطفال.
تعرفي يا أم الخير (أختياري لمناداتك بهذا الأسم) إنك ساعية للخير.. آخر عريس رشحه صديقه الذي التقاني عند أسرة سودانية مصادفة- فأنا بخيلة في تواصلي اجتماعيا مع الآخرين - وطلب تليفوني ليتواصل معي صديقه الذي شكره لي كثيرا في أنه من أسرة طيبة للغاية وهو الآخر لا يقل عنهم طيبة فوافقت خاصة وأنه غير متزوج وهذ سبب كاف لأن أقبل بالتواصل معه - فكل الذين تقدموا للزواج مني متزوجين ويعانوا الأمرين مع زوجاتهم حسب كلامهم.. أو مطلقين ويريدوا الزواج بأخرى نكاية في الأولى أو لتربية أولاد الأولى أو توفيت زوجاتهم ويبحثوا عن أخرى بديلة تقبل بتربية الأولاد دون أن تحلم بالإنجاب فلديه ما يكفيه وزيادة.. - |
This woman is talking about me ya Bayan, I can see my "tiffa" between her words.. ____ Ready for the road teset.. Ri7ab do I need to worry about the blind spots? don't worry m3ak mu3alim ;)
| |
|
|
|
|
|
|
Re: العايز يعرس.. برعاية خالات البورد (Re: Tabaldina)
|
.. . نسيت اسلم واقول كل عام وانت ودومه بخير
Quote: اي واحد عايز يعرس يجي يورينا شايف نفسو كيف وعايز شنو في زوجة الاحلام.. |
ما دام ماما دومه فى لجنة الإختيار فانا اوردى الفورم بتاعى معاها .. حتى الاوبشن والنسبة المؤية للشخصية
________
البوست دا عجبنى خاصة لو فى شخصتين فيميل فى المنبر دا عايز ذكروا استاندرهم..
| |
|
|
|
|
|
|
Re: العايز يعرس.. برعاية خالات البورد (Re: saadeldin abdelrahman)
|
الدكتورة الخالة نجاة تحياتي الطيبات اخوك مشكلته فشلت كل المحاولات في اقناع...بالزواج واصرت الا بعد التخرج يدعمها والدة بشدة على ضرورة الاكمال... فلا ادري البوست فيه خبراء لتقديم النصائح والدعم لاقناع ... وابوها ولا اريد نصائح ودعم عادي لاني جربت العادي كله فاما نصائح مؤكدة الفعالية ومجربة ولا مافي داعي .
| |
|
|
|
|
|
|
Re: العايز يعرس.. برعاية خالات البورد (Re: saadeldin abdelrahman)
|
والله يا دكتورة نجاة الموضوع ده مهم، لي من الاصدقاء و الصديقات مجموعة لم تتزوج و لا اري اي اسباب لعدم زواجهم، غير فرص لقاء الطرف المناسب و قسمة رب العالمين، و بعضهم بعد ان يخطب و يقترب موعد الزواج they get a cold feet و ينطو
كمساهمة مني جاده، حقو الناس تملا البروفايل ده و ترسله لعنوانك او عنوان عام الناس يعملوهو جديد للقصه دي، و يمكن ربنا يكتب عن طريق البورد فرص تعارف بين الناس:
البروفايل العمر: الطول: الوزن: الحالة الاجتماعية: دي غتاتة عشان نكشف ناس راجل المره lol التعليم: المهنة، او مصدر الدخل: for those independently wealthy lool الهوايات و الاهتمامات: بعد الزواج، الاستقرار حا يكون وين: الاسرة: عدد الاخوان و الاخوات و ترتيبك في الاسره اي معلومات اضافية يعتبرها مقدم الطلب مهمه، كالحاله الصحيه او او او
مواصفات الطرف الاخر المطلوبه:
اهااا، بعد داك انتي و ماما دومة كان قعدتو و طقمتو لينا و نشوف البيحصل شنو، تكونو عملتو العليكم، لووول
| |
|
|
|
|
|
|
Re: العايز يعرس.. برعاية خالات البورد (Re: محمد الجزولي)
|
لوووووووووووول ماكان تصبري وتفتحي الطاقه دي في الربع الاول ولا قلت تلحقي سوق راس السنه النديكم النصييه الزواج دا امره غريب البرا داير يدخله والجوه يقول يا ابو مروه الغوث الغوث. وحساده مننا لازم اي زول يشرب المقلب دا اوله عسل واخره بصل فما ترفعوا سقف احلامكم كثيرا يا شباب اقصد الجنسين
| |
|
|
|
|
|
|
Re: العايز يعرس.. برعاية خالات البورد (Re: doma)
|
د. نجاة كيفنك وينك يمة والله ليك شوق كميات منزلة بوست في نيوسودان مطالبين بعودتكم بس انشاء الله تراجي ماترفع لي مقشاشة. ماعندك لي فرقة في بوستك الجميل اصلوا اختك قدر ما تقبل على الخطوة دي تلقى ليك الزول خازوق كبير المهم اكتشفت ليك انو ربنا بحبني شديد بينقذني من اولاد الحرام. والله الناس العاملين فيها استايل ديل وبتاعين حنك ديل, اكتر ناس الواحدة تخاف منهم الواحد تلقية عامل السبعة وزمتها وعامل فيها برئ براءة الذئب من دم ابن يعقوب. غايتو انا خلاص ريحت بالي كدا انا راجينك مع مودتي هاجر
| |
|
|
|
|
|
|
Re: العايز يعرس.. برعاية خالات البورد (Re: Tabaldina)
|
Quote: النديكم النصييه الزواج دا امره غريب البرا داير يدخله والجوه يقول يا ابو مروه الغوث الغوث. وحساده مننا لازم اي زول يشرب المقلب دا اوله عسل واخره بصل فما ترفعوا سقف احلامكم كثيرا يا شباب اقصد الجنسين |
تحياتي لجميع المتداخلين وكل سنة وانتو طيبين
يعني يا خالة دوما عاوزي تقولي انو الزواج زي زريبة المك البرة عاوز يدخل والجوة عاوز انفك؟؟
انا شخصيا اكملت عامي التاسع في الزواج واشعر انني عريس كل ليلة ولا احس ابدا انني احتاج لاكثر من ذلك واغرب حاجة مع ذلك افكر بالتعدد (((جادي والله اذا في واحدة جادة)))
اما بالنسبة للزوجات النكديات فهن ايضا لهن فوائد جاءني ايميل لذيذ في هذا الموضوع واحببت ان اشارك به:
الزوجات كلهن فوائد
ومن يعتقد ان الزوجة النكدية ليس لها فوائد فهو مخطئ فللزوجة النكدية فوائد كثيرة ومن أهمها: تجعل لسان الزوج رطب بذكر الله طول اليوم قاعد يدعي حسبي الله ونعم الوكيل تساعد الزوج على غض البصر لأنه سوف يكره صنف الحريم تساعد الزوج على صلة الرحم لأنه على طول هربان عند أمه تساعد الزوج على أن يحافظ على وزنه ورشاقة جسمه لأنه دائما ً نفسه مسدودة عن الأكل وأخيراً تجعل من زوجها رجلاً عظيماً فبسبب قرفه وزهقه منها سوف يقضي وقتا ً أطول في العمل مما يجعله إنسانا ً ناجحاً في عمله ويحقق المثل القائل: "وراء كل رجل عظيم إمرأة
| |
|
|
|
|
|
|
Re: العايز يعرس.. برعاية خالات البورد (Re: Hussein Mallasi)
|
عناية دكتورة نجاة محمود بواسطة زينب بت الفحل (دوما)
Quote: اي واحد عايز يعرس يجي يورينا شايف نفسو كيف وعايز شنو في زوجة الاحلام..
|
انا ابحث عن زوجة ولكن لا ارغب في دخول مؤسسة الزواج اقول قولى هذا واستغفر لازواجكم منكم
تنهدات : قيل أن الزواج هو القرار السهل للذين يعيشون على هامش الحياة وهو القرار الصعب للذين يشاركون في صنع الحياة
| |
|
|
|
|
|
|
Re: العايز يعرس.. برعاية خالات البورد (Re: Hussein Mallasi)
|
Quote: المداخلات في البوست دا زي الطلاق .. جدها جد و هزلها جد |
يا حسين ، لِم (الثلث ) الفارغ من الكوب؟ النكاح والرجعة أيضا هزلهن جد وجدهن جد، خلِّي ناس ياسر طيفور وسعدالدين يهظروا وبعدين وريهم الفتاوى. شايف يا سعد ؟ جبت لروحك الكلام براك. د. نجاة سلامات.
| |
|
|
|
|
|
|
Re: العايز يعرس.. برعاية خالات البورد (Re: محمد المرتضى حامد)
|
Quote: انت يا رحاب خليفة البروفايل دا عايزاهو يتملى على الهواء مباشرة ... Tbaldina |
ما علي الهواء يا تبلدينا اسي شفتني ختيت خانه للاسم؟ لوول قلنا الداير يملاهو و يبعتو لايميل دكتورة نجاة، بما فيهم ود طيفور و سعد الدين ديل lool
---------- انت يا تبلدينا مع ناس وين؟ خاطب/مخطوب ولا راجي الخالات؟ :)
| |
|
|
|
|
|
|
Re: العايز يعرس.. برعاية خالات البورد (Re: Rihab Khalifa)
|
Quote: Hussein |
يا حسين ده شرك تاني كتابه الاوراق العلميه بالشراكه دي زي الزواج و بالمقياس ده، انا غايتو اي زول وحيد امه و ابوهو ما دايره اكتب معاهو اي ورقه علميه او ارشحه لزول، لوووول، خصوصا الرجال
-------- مع كل الاحترام لوحيدين امهم و ابوهم، بما فيهم ابني ياسين
| |
|
|
|
|
|
|
Re: العايز يعرس.. برعاية خالات البورد (Re: Rihab Khalifa)
|
Quote: [انت عارفة يا نجاة امس حلمت انو ناس بيتنا عقدوا لي علي قريبتي رغم انفي و رسلوا لي القسيمة بالفاكس ... غايتو وقت صحيت من النوم قلت (الحمد لله ....كم انت كريم يا رب)... لكن 2010 دي شكلي عاملها .. عاملها |
عامل شنو....يا ولد؟؟؟ هـــــــــــــــــوي يا حافظ!!! يعني دي اخرتها... تعرس و وكمــــــــــان من ورانا...!!!!! والله الا اكان اجيك و اشتكيك للقديسة كريستسينا!!!! شوف عليك محن الزول.. يا دكتورة عليك الله حافظ ده بالذات, ما تقبلي طلبه.. يحرش فينا في عدم العرس...ويجي يلاقي خالاته الحنينات هنا وطوالي يبيعنا و يقدم طلب زواج!!
_____ سلامات يا دكتورة و علك والاسرة و الاولاد بالف خير ازيك يا ماما دوما..وتحياتي واحترامي.. قلنا نسلم عليكن و نرفع البوست كمان..
| |
|
|
|
|
|
|
Re: العايز يعرس.. برعاية خالات البورد (Re: saadeldin abdelrahman)
|
العزيزة د.نجاة.. تحية وكل عام وانتم بخير
اتساءل... هل حقاً تستطيعون تحمّل هكذا مسؤولية؟! الشخصيات التي نراها في البورد ليست هي الشخصيات الحقيقية... والحياة الزوجية معقّدة ومليئة بالمشاكل... هل انتم على استعداد لتحمّل مسؤولية الطرفين؟
المصريين بقولوا "إمشي في جنازة وما تمشيش في جوازه"
مع تحياتي لماما دومه عبر هذا البوست
| |
|
|
|
|
|
|
Re: العايز يعرس.. برعاية خالات البورد (Re: محمد المرتضى حامد)
|
Quote: يعني يا خالة دوما عاوزي تقولي انو الزواج زي زريبة المك البرة عاوز يدخل والجوة عاوز انفك؟؟
انا شخصيا اكملت عامي التاسع في الزواج واشعر انني عريس كل ليلة |
بالضط كدا يا ابراهيم يا ابني ياها زريبه المك لكين تسعه سنين دي لسه بدري انا بتكلم علي حكايه 24 سنه زواج وما فوق نصيحتي ليك وكت ست البيت لسه بتحسسك انك عريس ماتعددعليها
| |
|
|
|
|
|
|
Re: العايز يعرس.. برعاية خالات البورد (Re: doma)
|
Quote: أختنا رحاب، أحد الأصدقاء .. أي والله أحد الأصدقاء ، يطلب إليك إضافة if any إلى البيان أعلاه.
-- صدقيني إنه أحد الأصدقاء، لاحولا ولا قوة. Mohd Almurtada |
احد الاصدقاء اي والله احد الاصدقاء صدقيني انه احد الاصدقاء
لووول اريتني كان عندي صبر لتلوين الكلام يا محمد
-------------- غايتو صاحبك ده شايفاك نفضته من طرفك مره واحده، ملاحظته ساخره، لكنها في محلها، بعض الزيجات اكيد فيها عدم استقرار كبير
| |
|
|
|
|
|
|
Re: العايز يعرس.. برعاية خالات البورد (Re: doma)
|
Quote: بالضط كدا يا ابراهيم يا ابني ياها زريبه المك لكين تسعه سنين دي لسه بدري انا بتكلم علي حكايه 24 سنه زواج وما فوق نصيحتي ليك وكت ست البيت لسه بتحسسك انك عريس ماتعددعليها |
نصيحتك أضعها تاج فوق راسي وانا اهون من تنصحه من هي في مقامك العالي فافخر بنصيحتك واباهي بها الدنيا شكرا جزيلا يو ميد ماي دي
| |
|
|
|
|
|
|
Re: العايز يعرس.. برعاية خالات البورد (Re: ابراهيم قناوي)
|
Quote: صيحتك أضعها تاج فوق راسي وانا اهون من تنصحه من هي في مقامك العالي فافخر بنصيحتك واباهي بها الدنيا شكرا جزيلا يو ميد ماي دي |
ما اطن تقدر تتخيل مدي فرحتي لانك اخدت بوصيتي ودا وعد منك انك ما تفكر تعدد علي ست بيتك انا الاسعد بيك يا ابني الحبيب وكل سنه وانت واسرتك بخيرربنا يديكم السعاده والعافيه ويسبغ نعمه عليكم
| |
|
|
|
|
|
|
Re: العايز يعرس.. برعاية خالات البورد (Re: العوض المسلمي)
|
العوض مالك بقيت ما بتعرف تقرأ
Quote: دكتورة نجاة سلام ..
ممكن اشارك ؟؟؟ |
دزبيان دي قبيل ما قلت لكم....الكلام التحت ده...عامل ما شايفه؟؟؟
Quote: يشترك في هذا البرنامج غير المتزوجين اي راجل متزوج
يجي يطرح نفسه حنحولو لتراجي لتقوم بالواجب.. |
| |
|
|
|
|
|
|
Re: العايز يعرس.. برعاية خالات البورد (Re: د.نجاة محمود)
|
سلاااام وتحايا
Quote: اي واحد عايز يعرس يجي يورينا شايف نفسو كيف وعايز شنو في زوجة الاحلام..
البنات في البورد البخجلو يمكن يستخدمو الماسنجر ومن برة شوفو ايملي في البروفايل..
|
ده كلام جميل جدا وعملى كمان وعاجبنى شديد
قاسم المهداوى
| |
|
|
|
|
|
|
Re: العايز يعرس.. برعاية خالات البورد (Re: doma)
|
ود الامير .. كيفنك ..
Quote: تنهدات : قيل أن الزواج هو القرار السهل للذين يعيشون على هامش الحياة وهو القرار الصعب للذين يشاركون في صنع الحياة |
لكن هي مااااااا تنهيده ههههههههه .. كلام ذي الكلام ... وصاحب العقل يميز ...
| |
|
|
|
|
|
|
Re: العايز يعرس.. برعاية خالات البورد (Re: doma)
|
.. .
Quote: بس اتمم علي حاج دوم اليوم عليهو المطبخ . |
ههه ههههاى .. دا البخلينا نزوغ شمال ويمين
_______
قال عليهو المطبخ اها حسي يجو يختوهو شرط اساسي ( ان يكون الزوج متعاون ويؤمن بالتكافل المطبخى وحمل الاطفال فى المناسبات تغير الحفاضات )
| |
|
|
|
|
|
|
Re: العايز يعرس.. برعاية خالات البورد (Re: doma)
|
عنقريب النبي قِدامَكِن أكان ما ساعدتوني ... تصلو شُباك النبي ... صار لي قريب حولين بهاتي بيها وهي جافياني ... بِت إبراهيم برضيها وبهديها ولقيف الأمان بعديها ... ساعدوني الله يرضى عليكِن ... الشي كاتِلني دون شك ... الشي ما مرض يومين ... الوِرْده أكان فاتتني اليَوم بِتْقَيِل فوقي باكِر جت ... والله بقى الحلو والمُر في حلقي معناهو واحِد ... ما تْساعدوني الله يرضى عليكِن ... ما عِندي ذنبًا تاباني بيهو ...
| |
|
|
|
|
|
|
Re: العايز يعرس.. برعاية خالات البورد (Re: قاسم المهداوى)
|
و الله يا دكتوره نجات و يا خاله دوما شغلكن نضيف ... عمل انساني في المقام الاول تاني ما في عذر للعزابه .... و انا من ناحيتي مستعد اعمل تخفض 50% في الباكيجات للعرسان البيجو نتيجه للتواصل عن طريق هذا البوست
.................................................. و انت يا هواري نمر لمتين حتقعد مركب سلك براني كدا؟؟؟ اخرتها شنو يا اخوي LOL
| |
|
|
|
|
|
|
Re: العايز يعرس.. برعاية خالات البورد (Re: OSMAN SAYED MOHAMED)
|
Quote: عامل شنو....يا ولد؟؟؟ هـــــــــــــــــوي يا حافظ!!! يعني دي اخرتها... تعرس و وكمــــــــــان من ورانا...!!!!! والله الا اكان اجيك و اشتكيك للقديسة كريستسينا!!!! شوف عليك محن الزول.. يا دكتورة عليك الله حافظ ده بالذات, ما تقبلي طلبه.. يحرش فينا في عدم العرس...ويجي يلاقي خالاته الحنينات هنا وطوالي يبيعنا و يقدم طلب زواج!!
|
سلام هواري بس عامل جبص لكن تمام اخرتها شنو يا هواري داير تطير مني حظي الاصلاً طاير ... و هسي انا في حل من أي حريش قديم فيما يخص موضوع الزواج او الطلاف و خش يا فردة و شنطة ما تعتر ليك...و كمان اقول ليك و عين الله ترعاك
دوما و نجاة بالله انا في رأي تختوا شرط أساسي و هو السوابق الاسرية في الطلاق...
--------------------------------------------- يا هواري انت الويكند عندكم بجي كل شهر و لا شنو؟
| |
|
|
|
|
|
|
Re: العايز يعرس.. برعاية خالات البورد (Re: حافظ حسن ابراهيم)
|
الفكرة جميلة .. ولكن الحياء خاصة عند البنات يمنع من تنفيذها الماسنجر أراه غير مناسبK الناس تخاف على خصوياتها من الإختراقات ,الهكرات الإيميل المباشر هو الخيار الأفضل ..
تجربة البورداب الذين تعارفوا وتزوجوا تساعد إذا عرضوا كيف بدأوا من كلمة (نظرة) .. فتعليق (فبسمة) .. فمسنجرات (بسمة وإعجاب) .. فلقاء (فتلفون .. حفل بورداب)!
البورد يتيح مجالاً للتعارف والتفهم إلى حد على شخصية الطرف الآخر و طريقة تفكيره و شخصيته .. جادة .. مرحة .. مجاملة .. متدينة.. متحررة .. والناس تتباين فى خياراتها و ميولها أى أن البورد يكون يتيح نوعاً من الغربلة الأولى فى تحديد الخيارات .. ربما تواكبها أيضاً الإعجاب بالفريم الخارجى (الصورة)
لقاءات البورداب فى المدن والأقطار المختلفة أعتقد وسيلة ممتازة للفاء المباشر ومع الغربلة الإسفيرية قد يكون المجال متاحاً لتنمية علاقة خاصه (صداقة) كخطوة قبل المصارحة ، والحربيين لن يترددوا فى المصارحة وتقديم أوراق إعتمادهم .. يا كتل يا جيت حازما! عما ذكره أحد الزملاء بالخليج توجد شابات حظوظهن قليلة لعدم وجود عرسان أعتقد أيضاً يمكن توسيع لقاءات البورداب بأن يتم عزومة شابات أوشباب يرغبون فى التعارف والزواج (العرب بأمريكا يقومون بحفلات تعارف بغرض الزواج)
بعدين مسألة الرجل هو اللازم يخطب دى بتنتفى مع وجود (الخاطبة الإسفيرية) فالمسألة الإختيار من كلا الطرفين .. والبت ممكن تختار .. مدام تقدمت برغبتها فى الزواج
نجاة ودوما وتراجى عينهم نجيضة وأصحاب تجارب فى الحياة ... ممكن يقوموا بالترشيح على أساس معرفتهم ببنات و أولاد البورد .. و إنه منو بيصلح لمنو .. إتقوا فراسة المؤمن!
بس ما دايرين إذا بوم إختلفن مع زميل أو زميلة فى لحظة غضب .. يفتوا لينا هنا !
بالتوفيق
| |
|
|
|
|
|
|
Re: العايز يعرس.. برعاية خالات البورد (Re: OSMAN SAYED MOHAMED)
|
Quote: والله يا دكتوره انا عايزه بناتي هن اليقولن عايزات شنو في زوج الاحلام وشايفات نفسن كيف فترنا من حكايه تفضلهم دي . برجع ليكم تاني . |
دومة النسوان ديل عمرن كلوهن البختارن ماخدات الرجال على قدر عقولهم عاملين هم البختارو (وش ضاحك) ما سمعتي قصة امنا حوا لمانزلو الارض قالو الله يكفينا شر قالو هي نزلت في حتة وادم نزل في حتة يلا هي تجاري وتفتش وتفتش بس شافت ليك آدم من هناك برضو يفتش قامت قعدت في الحتة اجاي عليها لما شافتو قالت لي بس آدم؟؟؟!!!
اها اسع بناتنا ديل ما يختن موصفاتهن بل يختارن من تروق لهن مواصفاته
عام الجندرة دا...
| |
|
|
|
|
|
|
Re: العايز يعرس.. برعاية خالات البورد (Re: OSMAN SAYED MOHAMED)
|
الخالة دوما والدكتورة نجاة
بالله عليكم الله 2010م ماعايزين واحد عزابي ولا واحدة عزابية في البورد عايزين كل الناس اتنين اتنين وياسر طيفور يتكلم بي لغتين
بعدين عايزين كل الصور تتبدل زي الحركة بتاعة العريس تمبس والعروس داليا اصبحنا رغم البين روح واحدة في صورتين وكده عشان عايزين نتكلم في مواضيع كبيرة لووووولز
بعدين منها تاخدو اجر بس صورة مباشرة وتقللوا الباندوث بتاع بكوري بصورة غير مباشرة عشان مجموع البوستات ح تتقسم بالنص يعني بالعربي كده العريس يعمل بوست والعروس تقوم باللازم لوووووووولز
كنا عايزين نقدم طلب معاكم بس شايف شروطكم صعبة شوية للمتزوجين والحكاية فيها تراجي عشان كده احسن الواحد يبيت القوى ولا يخش مع تراجي في مخاشنات لوووووووووووووولز
السنة الجديدة انشاء الله تتلخبط صوركم
تحياتي
زاتوووو
| |
|
|
|
|
|
|
Re: العايز يعرس.. برعاية خالات البورد (Re: ALZOLZATOO)
|
دعاية جانبية برعاية وكالة العديل والزين لصاحبها عثمان سيد
غباشي ولد تتمناه كل ام زوج لبنتها يعجبني فيه تهذيبه العالي وطموحه مطر قادم بقولن عليه الحبوبات راجلا فضيل بالحيل...
من تأنس في نفسها الكفاءة ترسل لينا..
| |
|
|
|
|
|
|
Re: العايز يعرس.. برعاية خالات البورد (Re: د.نجاة محمود)
|
ود الجعلي املى الفورم
Quote: البروفايل العمر: الطول: الوزن: الحالة الاجتماعية: دي غتاتة عشان نكشف ناس راجل المره lol التعليم: المهنة، او مصدر الدخل: for those independently wealthy lool الهوايات و الاهتمامات: بعد الزواج، الاستقرار حا يكون وين: الاسرة: عدد الاخوان و الاخوات و ترتيبك في الاسره اي معلومات اضافية يعتبرها مقدم الطلب مهمه، كالحاله الصحيه او او او
مواصفات الطرف الاخر المطلوبه: |
شكرا ليك يا رحاب دا كلام جميل
| |
|
|
|
|
|
|
Re: العايز يعرس.. برعاية خالات البورد (Re: د.نجاة محمود)
|
Quote: انا ما مهم عندى ود عز و لا لا اهم شى يكون انسان كويس و محترم جدا و يحترمنى لانو انا ما بقدر اعيش مع واحد ما بيحترم زوجتو يعيشنى مستوره و ما يكون راجل فضيحه خالص و انا و الله اكون ليهو شوفتى بس خدامه تحت كرعينو لكن هو يعاملنى بطريقه جميله |
صديقتي الشابة في سؤالي ماذا تتمنين في رجل احلامك
هي ما عارفة البوست دا
قرقرقررر لمن يلمس في نفسه الكفاءة...
ولذلك اي امراة تبحث عن رجل يحترمها ويقدرها...
هل دا طلب صعب؟
| |
|
|
|
|
|
|
Re: العايز يعرس.. برعاية خالات البورد (Re: محمد المرتضى حامد)
|
أشهد الله أنك قد بررتني يا مولانا.. كنت عايز أكتب كلام كتيـــر في شان ال arranged situation الكائنة خفت أن اتهم بالهرطقة و التخريب و ما الى ذلك من نحل. الا أن عشمي في قصد خالاتي النبيل و ما قد يوفره للراغبين/ات قد قصر بياني فلك ولهن محبة تزيد و لا تنحسر.
| |
|
|
|
|
|
|
Re: العايز يعرس.. برعاية خالات البورد (Re: Yassir Tayfour)
|
يا دكتورة...
رجل صديقي قرأ هذا البوست اثناء ما كان ينتظرني بالمكتب...
وهو غير عضو وقال لي جادي جدا ويتحمل مسئولية عرضه... قال لي:
قول ليهم عندنا مرة بي اولادها وبيت ملك وعربية لاندكروزر... موديل 2007 ومقرشة...والاولاد اكبرهم في خامسة ابتدائي واصغرهم في الروضة...فمن يأنس في نفسه الكفاءة فليتقدم...
الاسم والعنوان لدي المحرر...
قال هو عايز يتفرغ لي حياتو...وكره حكاية الاكياس الطالعة ونازلة... وجيب كدي...ونسيت ما جبت كدي...والجريدة ما قادر يقراها... والتلفزيونات تلاتة كلهن اسبيس تون وام بي سي 3 وبراعم...
مباريات برشلونة بسمعها بالرادي...
| |
|
|
|
|
|
|
Re: العايز يعرس.. برعاية خالات البورد (Re: nazar hussien)
|
Quote: قول ليهم عندنا مرة بي اولادها وبيت ملك وعربية لاندكروزر... موديل 2007 ومقرشة...والاولاد اكبرهم في خامسة ابتدائي واصغرهم في الروضة...فمن يأنس في نفسه الكفاءة فليتقدم... |
What year is this? _____ Can you tell us little more about the millage, if there's any rust? accident ? how many owners? color? etc !
| |
|
|
|
|
|
|
Re: العايز يعرس.. برعاية خالات البورد (Re: د.نجاة محمود)
|
كل سنة و الجميع بخير
و بالخصوص د. نجاة و دومة و تراجي و كل جميلات بلادي.. ( و بالخصوص أكتر بناتنا العزابيات عسى الله يرزقنا ببت حلال من بينهن )..
آها يا دكتورة نقيف في الصف و للا الموضوع ضحك و قرقراب ساكت..؟
_________________________________________________________________ باقي لي كان دخلتوا أمل كرار يا دكتورة في اللجنة دي بتكونوا ما قصرتو تب
| |
|
|
|
|
|
|
Re: العايز يعرس.. برعاية خالات البورد (Re: هاجر التهامي ياسين)
|
Quote: وينك يمة والله ليك شوق كميات منزلة بوست في نيوسودان مطالبين بعودتكم بس انشاء الله تراجي ماترفع لي مقشاشة. ماعندك لي فرقة في بوستك الجميل اصلوا اختك قدر ما تقبل على الخطوة دي تلقى ليك الزول خازوق كبير المهم اكتشفت ليك انو ربنا بحبني شديد بينقذني من اولاد الحرام. والله الناس العاملين فيها استايل ديل وبتاعين حنك ديل, اكتر ناس الواحدة تخاف منهم الواحد تلقية عامل السبعة وزمتها وعامل فيها برئ براءة الذئب من دم ابن يعقوب. غايتو انا خلاص ريحت بالي كدا انا |
يا هاجر يوما ما حيجيك البحسسك انك ما كدا
بدونه
اها كيف معانا في المشروع دا ولا كيف؟
| |
|
|
|
|
|
|
|