|
|
|
 Re: العايز يعرس.. برعاية خالات البورد (Re: سارة علي)
|
انا زاتى ختونى معاكم مابكون فى لجنة الاختيار لكن ماعندى اى مانع اكون فى لجنة ...
المساعدات ماهو برضو بيكون فى تتمات للموضوع علشان يكون ميه ميه ولا شنو ...
والله كلام جميل شديد معاكم فيه طوالى ...
تسلمو نجاة ودومة من كل شر يارب ...
| |
  
|
|
|
|
|
|
|
 Re: العايز يعرس.. برعاية خالات البورد (Re: محمد هشام)
|
واحد من المتاوقين
نتمنى انه يعبي استمارة دكتورة رحاب..ويرسلها ننشرها هنا...
Quote: والله انا جادي للاخر لكن حقيقي المسالة شائكة مش ؟ ما اخفيك اني قبل كم يوم جيت من السودان وحقيقي مشيت عشان افتش عروس يعني ماكان طموحي اخطب عديييل كده لكن علي الاقل اعرف البت منو واحاول اتواصل معاها بالتلفون واشوف مقدار التقارب بينا لاني بالجد خايف من الفشل في موضوع العرس ده انا زول اتعزبت في حياتي دي شدييييد وماعندي اي استعداد لي مشاكل زوجية وطلاقات وعزابات فبيهمني تكون الزولة الارتبط بيها زولة متفهمة وعايزة تتقاسم الحياة مش تكون عايزاني اقول ليها يمين تمشي يمين وشمال تمشي شمال يكون عندها شخصيتها وحياتها الخاصة واهم شي ماتكون النوع الماشغال ومنتظراني اليوم كلو اجي من الشغل عشان اقوم بمهمة تسليتها واخراجها من زهجها وطبعا لازم تكون جميلة شديد وتكون فاهمة معني الزواج والمهم جدا تكون فاهمة معني الحياة الزوجية قصدي الحياة الخاصة طبعا وانا علي استعداد علي تقاسم كل الحياة بما في ذلك الاطفال ومهام المنزل الثقيلة بس بفهم ومشاركة
واخيرا كده تقريبا شخصية دينا خالد في المنبر + صورتها الرمزية اقرب لي مواصفاتي لوووووووووووول مابهزر جادي والله |
| |
|
|
|
|
|
|
|
|
|
Re: العايز يعرس.. برعاية خالات البورد (Re: د.نجاة محمود)
|
د. بيان تحياتي و معليش على الرد المتأخر
شايف بيجاي القيامة قايمة .... 
| Quote: الى ان كان عبارة غباشي دي بمثابة الشراب الرمى السلك |
اعمل شنو يا دكتورة معظم الناس الردوا في البوست بتاع الاخت اماني الامين كان اهم انجازاتهم في سنة 2009 اما عرسوا او حجوا
| Quote: غباشي ولد تتمناه كل ام زوج لبنتها يعجبني فيه تهذيبه العالي وطموحه |
و الله يا دكتورة اعتز بكلامك دا و اضعه قلادة على صدري
ربنا يديك العافية و ان شاء الله اكون دايماً عند حسن ظنك و ظن الآخرين
| Quote: البخلي شباب ذيكم غالبو يعرس شنو؟ |
الجري بقا كتير من بلد لي بلد , ما دايرين التلتلة لي بنات الناس  .... حأرجع للرد على السؤال دا
| |
|
|
|
|
|
|
|
|
 Re: العايز يعرس.. برعاية خالات البورد (Re: بكرى ابوبكر)
|
| Quote: نعلن دعمنا و تشجيعنا لمشروع الخالات بتزويج البورداب من بعضهم |
غايتو جِنس غايتو
ناس تحت كسير التلج في السقط دة!
يا أبو الشباب
أنا هسة حبيب فلانة الموقع أدناه و أعلاه
هسة لي يجي قريب ستة سنوات خاطب بت فلانة
علي سنة الله و رسوله
علي كمان الله ما شفت حاجة لي يوم الليلة
وكان علي حبوبة دومة دي
مفترية و شايفة روحا
تجي تطلب إيد بنتها
تبشكك ألماني و صيني
لمن تكسر الدُّش في إيدك
في دي ونسة بوستات وكدة
إلا أن يثبت العكس
وكان لي دعمك دة بِلُّوا و أشرب مويتوا
ـــــــــــ
بيني وبينك يا نسيبتي
إنتي جادة واللا بتتونّسي ؟؟؟
| |
|
|
|
|
|
|
|
|
 Re: العايز يعرس.. برعاية خالات البورد (Re: بكرى ابوبكر)
|
| Quote: نعلن دعمنا و تشجيعنا لمشروع الخالات بتزويج البورداب من بعضهم |
دعم شنو يا ريِّس وإنت ماسك العِدة كلها، عليك الله دخِل يدّك وأغرف من قعّر السيرفّر، الخلايا النائمة هي أحسّن خامات الزواج..
___
وكتين البوست ده جابّك يا بكري، كلمني مشكلتك معاي شنو؟
| |
|
|
|
|
|
|
|
|
|
Re: العايز يعرس.. برعاية خالات البورد (Re: Yassir Tayfour)
|
أُستاذَتي : د. نجاة محمود .
تحيَّةً طيِّبَةً مُباركة .
طَرْحٌ جميل وراقي وطيِّب ، نشكُرُكِ عليهِ كثيرًا ، وربَّنا يُكْثِر من أمثالك ، فنعمَ الرِّفْدُ منكِ والْقَول .
جعلَكِ اللهُ في مِثْلِ هذه الأشياءِ الطَّيِّبة نِبْرَاسًا يُحتَذى ويُقتَدَى به دائمًا ، وأتمنَّى لكمُ التَّوفيقَ في المُشروعِ الْمفيد والنَّاجحِ هذا بإذنِ الله .
ولكِ تقديري واحترامي .
| |
|
|
|
|
|
|
|
|
|
Re: العايز يعرس.. برعاية خالات البورد (Re: محمَّد زين الشفيع أحمد)
|
..
.
Quote: دعم شنو يا ريِّس وإنت ماسك العِدة كلها، عليك الله دخِل يدّك وأغرف من قعّر السيرفّر،
الخلايا النائمة هي أحسّن خامات الزواج.. |
قرقر قرقر قرقر
ان شاء الله صحن البوش ماسكو انت ؟؟
قال اغرف ..
اراك تبحث عن المخفى فى قعر السيرفر ..
________
مشكلتو معاكـ ياها شلاغتك دى ..
| |
|
|
|
|
|
|
|
|
|
Re: العايز يعرس.. برعاية خالات البورد (Re: Hussein Mallasi)
|
يا صالح !
إنت كصديق مقرّب من ملاسي، مفروض تطلّع معاهو حفلات وعوازيم، فارِهة، ملاسي عندو علاقات واسعة وعلى مستوى عالي، لكن تباري لي في ناس وهبه والعوّض، يودوك محلات عجيبة، زي قندهار وقندبال، يسقوك حاجاتهم العجيبة ديك ويجيبوك مصوّر نائم، وحالتك بالبلا..
| |
|
|
|
|
|
|
|
|
|
Re: العايز يعرس.. برعاية خالات البورد (Re: Yassir Tayfour)
|
..
.
| Quote: يسقوك حاجاتهم العجيبة ديك ويجيبوك مصوّر نائم، وحالتك بالبلا.. |
بينى وبينك الواحد فعلا استاندرو انخفض
من المشروبات الرخيصة والكاميرات الهبطرش دى ..
_________
عموما الواحد حيرجع للبريستيج بتاعو
ويكتر من ( رفقة) ملاسي ..
| |
|
|
|
|
|
|
|
|
|
Re: العايز يعرس.. برعاية خالات البورد (Re: عفاف الصادق بابكر)
|
..
.
كل سنة وانت طيبة وربنا يحقق امانيك ..
Quote: تبلدينا شوف اقول ليك كلام اسمع .. بلا استاندر عالى بلا كلام ..
2010 لازم انت تكون .. شريك وباسرع ما يكون .. مفهوم ولا .. لا |
والله دا هرش عديل كدا ..
عارفه يا عفه انا مشكلتى بتختلف عن عدد من الاخوة
هى مشكلة استاندر وكل ما تشوف كتير تجوط الخيارات
وما تقدر تلقى 85% من مقياس رختر المحدد للمواصفات
شريك قال غايتو حاحقق ليك طلبك واصبح شريك تجارى
_________
شكلك كدا يا مان داير تزيد نسبة عدد القراء 100% فى هذاالعام برعايتك
لهذا الحدث ..
| |
|
|
|
|
|
|
|
|
|
Re: العايز يعرس.. برعاية خالات البورد (Re: Tabaldina)
|
يا عفاف الصادق،،
Quote: تبلدينا شوف اقول ليك كلام اسمع .. بلا استاندر عالى بلا كلام ..
2010 لازم انت تكون .. شريك وباسرع ما يكون .. مفهوم ولا .. لا |
لو سألتونى،،
تبلدينا دة كتفوا،،،
بلا إستاندرد بلا مواصفات معاهو،،
عامل حايم من عرس لعرس،
و لغاية حسه بفتش،،،
د. نجاة،،
عليهو،،،
| |
|
|
|
|
|
|
|
|
|
Re: العايز يعرس.. برعاية خالات البورد (Re: bob)
|
..
.
| Quote: تبلدينا مشكلتو عينو طايرة، وعربية قديمة، وأخلاقو دلاقين، اها ده يعرسو ليه كيف؟ |
ياخى حصل لينا ابديتنغ فى النقاط اعلاه
باستثناء الاولى ..
_________
انت يا بوب اقعد لجنس دا
لمن تعرس واحدة ما عندها شعر زاتوووو
| |
|
|
|
|
|
|
|
|
|
Re: العايز يعرس.. برعاية خالات البورد (Re: Tabaldina)
|
Quote: انت يا بوب اقعد لجنس دا
لمن تعرس واحدة ما عندها شعر زاتوووو
|
غايتو ياصلاح انا بفتش لى لوحده عندها جلحات بس اكون فى شوية شعر
يعنى زى باسم بكرى كدا.
ــــــــــــــــــــــــــــــــــــــــــــــــــ
الخاله نجاة بالله ادى الاخ صلاح الاولية فى اول سليطه تلاقيها
| |
|
|
|
|
|
|
|
|
|
Re: العايز يعرس.. برعاية خالات البورد (Re: Yassir Tayfour)
|
| Quote: و اهم حاجة : يكون اهلها كلهم متوفين |
يا هالة دي طبعاً مكسب شديد و عصفورين بحجر واحد, من جهة راحة بال و من جهة اخرى فيها اجر (كفالة يتيم و كدة) ...
| Quote: غباشي وسعد الدين شغالين بنظرية "إتمسكّن لامِن تِتمكّن".. |
ياسر طيفور اب تِـفِّـة ...
مسكنة شنو? انا شخصياً موضوع العرس ما مرقِّد ليهو كدة
لكن زي ما قلت لي بيان الجماعه في بوست اماني الأمين ما بين حاج و عريس و فيهم من جمع بينهما
فما كان في طريقة الواحد يزوغ بدون ما يوضح موقفو من من الشغلانة .........
اما سعد الدين فعلى راس اللستة والاشهاد كُثُر
سنة سعيدة علينا و عليكم
| |
|
|
|
|
|
|
|
|
 Re: العايز يعرس.. برعاية خالات البورد (Re: عفاف الصادق بابكر)
|
ممكن اقول؟؟؟؟؟؟
Quote: يا دكتورة
انا عاوز لي واحدة طوييييلة
و مكتفية ماديا
و ما بوردابية
و اهم حاجة : يكون اهلها كلهم متوفين
و بالذات امها ! |
لا حول و لا قوة إلا بالله،،
أها و العريس عندو كم (أخت)؟؟؟
المقطوعة من شجرة دى إلا تكون واحدة مصرية ،،
(ومن جوووة مصر)،،،
| |
|
|
|
|
|
|
|
|
|
Re: العايز يعرس.. برعاية خالات البورد (Re: ماجدة عوض خوجلى)
|
مجودة .. كل سنة وانتي طيبة يا لذيذة ..
Quote: انا زاتى ختونى معاكم مابكون فى لجنة الاختيار لكن ماعندى اى مانع اكون فى لجنة ...
المساعدات ماهو برضو بيكون فى تتمات للموضوع علشان يكون ميه ميه ولا شنو ...
|
انتي خليك بعيد .. بعد الامور تسلك ..
وخليك نسيم شايل الخبر الحلو ..
يعني تجي داخلة المنبر كده بالخبر اليقين ..
وتكوني ذي عمر الجزولي في الاخبار ..
ما يظهر إلا لما يكون في شيء حاصل ..
وا .. تفجري .. الاخبارية الداوية الجميله ..
| |
|
|
|
|
|
|
|
|
|
Re: العايز يعرس.. برعاية خالات البورد (Re: غباشي)
|
يا غباشى،،
Quote: Quote: أها و العريس عندو كم (أخت)؟؟؟
يا هالة ...
يعني المشاكل كلها من تحت راسكم
الحمد لله الرجال براءة .... |
ما براءة طبعا،،،،
ماهو الراجل البسمع كلام أخواته،،،،،،
و أمه،،،
| |
|
|
|
|
|
|
|
|
|
Re: العايز يعرس.. برعاية خالات البورد (Re: ابوعبيدة حسن محمد)
|
Quote: سلامات يادكتورة .. ماعارف ليييه متخيل لي اني الوحيد البكون جادي في الناس ديل كلهم .. المهم
العمر ... 31 سنة
الطول .... 182 سم
الوزن ... 84 كجم
الحالة الاجتماعية ... اعزب واعزب شديد كمان
التعليم ... شهادة جامعية في المحاسبة وشغال محاسب في الامارات
بعد الزواج غالبا بيكون الاستقرار في الامارات ثم انو دي حاجة قابلة للاتفاق بعد داك
الهوايات .. القراءة كتب كتيرة روايات شعر وكتب علمية ووو
الاخوات عددهم 4 والاخوان 5 انا اصغر الاولاد واصغر مني بنت
معلومات اضافية ... الحالة الصحية جيدة والحمد لله الشكل العام مقبول والحمد لله وبشكل عام كده انا زول الحياة معاهو ممكنة لحد كبير كوني متفهم ومرن لدرجة كبيرة وعايز حقيقة اعيش حياة مستقرة وافتح بيت مستقر ومافيهو مشاكل واربي اطفال في جو صحي نضيف
مواصفات الزوجة المطلوبة ... اظن معظمها مكتوبة في المداخلة السابقة لكن بس عايز اركز علي فكرة كونها عندها استعداد تشتغل ماعشان العائد المادي ولكن بس مهم بالنسبة لي انها يكون عندها حياة وطموحات وحاجات عايزة تحققها لي نفسها يعني يكون عندها حياة تانية غير حياة البيت عارفو طلب غريب لكن وفكرة عجيبة لكن بالجد بتغيظني المرة البتكون قاعدة في البيت وماعندها شغلة تعملها وبالجد بشيل همها واحساسها بالزهج وعدم الموضوع وخايف اجي من الشغل اكون مرهق او زهجان وما اقدر اسليها وتقوم تزهج زيادة ونقوم نتشكل او ما شابه ذلك ... وبرضو عايز اركز علي انها تكون جمييييييييييييلة جمييييييييييييلة شديد لوووووووول وعشان اكون واضح من الاول انا بحب الجمال شديد فأخاف يعني تكون البت ماحلوة شديد اقوم اعاين للبنات في الشارع ودي حاجة ماحلوة ولا بتدل علي استقرار وانا زاتي ماعايزها لكن خايف اضطر ليها فليتها كانت حلوة شديد وبتعرف كيف تخليني ما اعاين لي غيرها رغم اني مقتنع انو دي مامهمتها وحدها ويجب اني اوطن نفسي علي كونو دي قسمتي ولا يجب ان انظر لغيرها
واخيرا كده يعني حقيقي حاسي بي اني بلغت مبلغا صعبا كوني بعبي في طلب زواج وجادي الجدية دي كلها معليش يعني لكن ده يأس مابعده يأس |
يلا يا بنات
اها اول طلب جاد
زول دمه خفيف وعايز امرأة عاملة معنها بحترم حق المرأة
في العمل...
| |
|
|
|
|
|
|
|
|
|
Re: العايز يعرس.. برعاية خالات البورد (Re: د.نجاة محمود)
|
| Quote: معلومات اضافية ... الحالة الصحية جيدة والحمد لله الشكل العام مقبول والحمد لله وبشكل عام كده انا زول الحياة معاهو ممكنة لحد كبير كوني متفهم ومرن لدرجة كبيرة وعايز حقيقة اعيش حياة مستقرة وافتح بيت مستقر ومافيهو مشاكل واربي اطفال في جو صحي نضيف |
دا رجل فاره انسانيا
| |
|
|
|
|
|
|
|
|
|
Re: العايز يعرس.. برعاية خالات البورد (Re: د.نجاة محمود)
|
| Quote: غباشي وسعد الدين شغالين بنظرية "إتمسكّن لامِن تِتمكّن".. |
عليك أمان الله شوفي ابتفة الما فاره انسانيا ده!
لخبـط الدعوة الجميلة دي..
مرة عاملا قندهار و مرة كرين..
لمن يبقوا في الجد يشتتوا زي ود ابرك ساعة المغربية
و عايزين اتكوا المسكين ده!
| |
|
|
|
|
|
|
|
|
|
Re: العايز يعرس.. برعاية خالات البورد (Re: د.نجاة محمود)
|
| Quote: ماجدة خوجلي ورحاب عليكم فرز الطلبات |
نجاة حبيبة بت امى ابعدينى انا من فرز الطلبات دى ..بعدينو يجو فى اول حمبكة يدرعوها لينا فى رقبتنا ويحملونا المسئوليه ويقولو لينا فرزتونا غلط ويعملونا سبه 
انا بتكلم عن لجنه المساعدات البتتقدم للجادين ... وخاصه المتواجدين فى السودان ..رايك شنو رحاب اختى فى كلامى
ده ؟ انا والله قلبى محسسنى شديد خلاس من قصة فرز الطلبات دى
تسلمى يارب ....
| |
|
|
|
|
|
|
|
|
|
Re: العايز يعرس.. برعاية خالات البورد (Re: Hussein Mallasi)
|
Quote: وبرضو عايز اركز علي انها
تكون جمييييييييييييلة جمييييييييييييلة شديد |
قال ليك جميلة وبالياء المُكررة، معقولة عاد؟ تفتكر يا ملاسي المواصفات دي بتكون حايمة في أسافير الله الموقدة دي؟
_____
كان داير النجيضة يا قول ود الصائم، كتر من -الكنجالات- مواصفاتك دايرة كنجالات كتيييييييييييييرة، شفت الياء الجريتها في جميلة الفوق دي مرتين، خليك جاريها مع الكنجالات..
| |
|
|
|
|
|
|
|
|
|
Re: العايز يعرس.. برعاية خالات البورد (Re: doma)
|
اخت حبيبة ملت الفورم
من يانس في نفسه الكفاءة فاليتقدم
وربنا يتمم على خير
Quote: النوع: انثي
العمر: منتصف الثلاثينيات
الطول: حوالي ١٧٠
الوزن: حوالي ٨٠
الحاله الاجتماعية: ارملة
الهوايات: الديكور و المشي و الديزاين
التعليم: جامعي
الاستقرار بعد الزواج: لا امانع اي مكان، و لكن لدي شقة و سيارة جديدة في السودان
الاسرة: ترتيبي الاول، البكر في الاسره، لدي اربعه اخوه و اخوات
اي معلومات اضافية يعتبرها مقدم الطلب مهمه:
لا احب الاجتماعيات الكثيرة، جمالي متوسط، محجبه و ملتزمه، مرنه و اتقبل التغيير و احب عملي جدا
مواصفات الطرف الاخر المطلوب:
رجل يخاف الله في، لا يهمني من اي قبيله او مستواه المادي، لا امانع في التعارف اسفيريا مثلا عن طريق الماسنجر و لكن لابد من اللقاء وجه لوجه او الحديث في التلفون في مرحله ما |
| |
|
|
|
|
|
|
|
|
|
Re: العايز يعرس.. برعاية خالات البورد (Re: مهيرة)
|
اول حاجه بحسنا الامنى العالى ومساعدة التكنولوجيا اللسه مانزلت السوق كلام الاخت الفوق دا كاتبو ولد اسمو عمر من محل اسمو تسابيح فى الشهداء امدرمان عشان كدا يابكرى اسحب دعمك للبوست دا ول الناس تكون جاده
هسى يجى واحد من الشفوت يقول لكم الزول دافاكيها فى روحو لوووووووول
والله ياياسر طيفور انتا زول مصلط ياخى بتلفهاوويين الله لا تاجرك ياخى
| |
|
|
|
|
|
|
|
|
|
Re: العايز يعرس.. برعاية خالات البورد (Re: د.نجاة محمود)
|
Quote: الانسان الفاره انسانيا ده الانسان الذي يرى حقك في ان تكوني ويرى انك انسان قائم بذاته
لك تاريخك وحياتك انسان يستوعبك بكل محاسنك وعيوبك ويراك ندا له..
..وهو الانسان الاتكلمت عنه اول اخت نقلت كلامها
|
بس د. نجاة اناعايزة من نوع الناس فارهين انسانيا ديل, ايوة بس عليك الله يا د. نجاة ما يكون كلام منابر
وانا بثق فيك .
ما مشكلة لو كان راجل مرا
اللية.... تراجي تكون مشت تجهز لراس السنة ولما تجي تلقانا مشينا
| |
|
|
|
|
|
|
|
|
|
Re: العايز يعرس.. برعاية خالات البورد (Re: هاجر التهامي ياسين)
|
Quote: اول حاجه بحسنا الامنى العالى ومساعدة التكنولوجيا اللسه مانزلت السوق كلام الاخت الفوق دا كاتبو ولد اسمو عمر من محل اسمو تسابيح فى الشهداء امدرمان عشان كدا يابكرى اسحب دعمك للبوست دا ول الناس تكون جاده
هسى يجى واحد من الشفوت يقول لكم الزول دافاكيها فى روحو لوووووووول |
ود الجعلي عايزني اختك في البلاك لست ولا شنو؟
يا زول بطل الارجاف
الزولة دي حقيقية وزولة ممتازة جدا جدا
من يظفر بها فقد ظفر بزوجة فاضلة..ز
انت يا عزاب البورد
ود الجعلي وياسر ومن لف لفهم الموضوع دا
نوقفو ولا كيف؟
عايزين عرس ولا ما عايزين؟
| |
|
|
|
|
|
|
|
|
|
Re: العايز يعرس.. برعاية خالات البورد (Re: saadeldin abdelrahman)
|
كنا جماعة وجات سيرة الزواج فتحدث احد الاصدقاء موضحا وناصحا الحضور فقال:
لايكفى ان تكون غمرتها حبا وطمرتها حبا وخنقتها حبا برغم اهمية ذلك.لابد ان تعضده وتعززه بان تحكّم الاختيار وتربطه بالواقع فقلنا كيف؟؟!!
فزعم ان البنات ثلاث اصناف:
اولا الفئة العمرية الصغيرة(عمر الزهور والغرام والمنى) هذه الفئة متعبة لان لها مطالب بلا حدود وتطلعات مثل (النقابات) حركات مطلبية باهظة التكاليف
ثانيا الفئة العمرية الوسطى(الجامعيات) الواحدة منهن تنتظرك وتعتمد عليك فى كل شى اعتمادا كاملا وهى مسؤلية مركبة تهد عزمك ومقدراتك.
ثالثا الفئة العمرية الواقعية(الخريجات) وهى فئة المقدرات تملك اثاثات المنزل كاملة وصاحبة مدخرات وتعينك على الزمان فخلع على هذه الفئة قولا سارت به الركبان اسماها(ولقد مدّت لنا الايدى الصديقة)
| |
|
|
|
|
|
|
|
|
|
Re: العايز يعرس.. برعاية خالات البورد (Re: مطر قادم)
|
محمد هشام
ياود انت في الكرين دا ولا لع
لانه في واحدة قالت انت كيوت..
والله ناس ابو تفة واد الجعلي وسعد الدين تلفو كدا ليوم الدين
ومحمد هشام دا يعرس وانتوقاعدين..
خلاص نفتح باب تسجيل الاشبال؟؟؟ ونقع من خيرا فيكم
| |
|
|
|
|
|
|
|
|
|
Re: العايز يعرس.. برعاية خالات البورد (Re: د.نجاة محمود)
|
الخالات العزيزات د نجاة وماما دومة لكن التحية
الفكرة جيدة ومبادرة كريمة لحل مشكلة العنوسة للطرفين
لانه العنوسة تفشت بصورة كبيرة بين كل الاطراف وزمان كانت حقتنا نحن بس
وانا مستعدة اكون عضو معاكم من الداخل بس بشرط لو عملتوا للتقديم فورم ورسوم انا بقوم بالتحصيل من من كل المتقدمين والمتقدمات وباورنيك 15 اصلو البلد دى هنا اى شى عنده رسوم وليكن على ما اكل حقكم بس تعفونى من رسوم التقديم حقتى وحقت صاحبتى وزينب الفحل دى قريبتى انا وهى ما بينا حساب
| |
|
|
|
|
|
|
|
|
|
Re: العايز يعرس.. برعاية خالات البورد (Re: عبدالله الشقليني)
|
رسالة من خالة خارج المنبر تود المشاركة في جعل هذا المشروع ممكنا
رأى في الموضوع الطروح
أنا شايفه إن البعض ماخده مزح
أما سيد البيت كما بتقولو عليه الباشمهندس بكري فأورد تعليق ألومه عليه
(نعلن دعمنا وتشجيعنا لمشروع الخالات بتزويج البوردات من بعضهم)
يعني يا باشمهندس رجال البورد يغطو قدحهم اولا
أوصلى ليه اللوم مني من غير ما تجيبي إسمي
يعني البنات البره البودر ما ليهم قسمه معاكم ولا حتى الرجال المتصفحين لبيتك
ما ممكن شاب من خارج بيتكم تعجبه بوردابيه
او العكس فهل لا توافقو؟
ياستي موفقه ان شاء الله وما أظن إنها محصوره فيكم
أعرف الكثير من الشابات في انتظار ابن الحلال وما ناقصهم شي اسره تدين وادب واخلاق جمال وتعليم
كل ما يتمناه الشاب
يقول الرسول الكريم صلى الله عليه وسلم ( تنكح المرأه لاربعه لدينها
وجمالها ومالها ونسبها
فأظفر بذات الدين تربت يداك
وأقول لمن قال في بوست إنه يريدها جميله جداً
من حقك ان تطلب ذات الجمال وقد قال المصطفى صلى الله عليه وسلم( خير النساء إذا نظرت اليها سرتك ، وإذا أمرتها أطاعتك ، وإذا أقسمت عليها أبرتك ، وإذا غبت عنها حفظتك في نفسها ومالك ، أخرجه النسائي) لكن أعلم أن الجمال زائل مع مرور الزمن والباقي هو الاخلاق
.....وقال قال الحبيب صلى الله عليه وسلم( تنكح المرأه.
(ومن نكحها لمالها وجمالها حرم جمالها ومالها ومن نكحها لدينها رزقه الله مالها وجمالها- رواه الطبري
بعد ما تديني الموافقه لاصبح عضوه فاعله في مشروعكم ساعرض تصوري في الكيفيه التي يتم بها الموضوع
لك لشكر والتقدير
ومره اخرى استميحك عذراً لطول السرد
| |
|
|
|
|
|
|
|
|
|
Re: العايز يعرس.. برعاية خالات البورد (Re: د.نجاة محمود)
|
هوي !
أنا جا، الليلة مشغولين حبة كده، بالله ما تنسونا كان جات حاجة، أي حاجة، القحة ولا صمّة الخشم؛ يا بيان محمد هاشم ده لسة طالب، وكيوت براها زي الشرا في القندول، شوفي بالله الجماعة الفوق المتخرجين من سنة أسكت، تبلدينا، غباشي، سعد الدين، ود الجعلي، وشخسي؛ لكن بتاع جميييييييييييييلة داك، أكتبي على طلبو: ينظر في أمره حينما نجد لبن الطير...
___
شايِّف التعديلات كترت في البوست، وده مؤشر ما كويِّس، بوب، الأيوبي مسّح مواصفات الزوجة، يبدو أنّ أبصلعة، سيد الشي ذاتها هرشو، وسارة علي بقت "تعدل" أكتر من ما تخرِّب، لوول..
| |
|
|
|
|
|
|
|
|
|
Re: العايز يعرس.. برعاية خالات البورد (Re: عليش)
|
Quote: انا زاتى ختونى معاكم مابكون فى لجنة الاختيار لكن ماعندى اى مانع اكون فى لجنة ...
المساعدات ماهو برضو بيكون فى تتمات للموضوع علشان يكون ميه ميه ولا شنو ... |
ما بنفع يا أخت ماجدة .. لو أنت عضو طيب الفائدة شنو .. وعمل اللجنة ذاتو يكون شنو .. وخليتو منو برة عشان يعملوا ليهو لجنة ..
مقعولة بس نقرأ في الأخبار (وقد تم خطبة عضو اللجنة المركزية من الأستاذة ... على عضو المنبر الأستاذ .... )
أختي ماجدة .. كل عام وأنت بألف خير .. والقابلة إن شاء الله في تمام السعادة وكل الأمنيات متحققة بإذن الله ..
الأخت منى خوجلي مسجلة غياب .. عساها بخير ..
جاد
| |
|
|
|
|
|
|
|
|
|
Re: العايز يعرس.. برعاية خالات البورد (Re: JAD)
|
خالتو نجااااض
خالتو نجاااااااااااااااااض
مونكن اشارك؟؟؟
غايتو شان امرق الزمة كدا جربت 4 مرات (جنسيات مختلفة)
وعلى زمتي اتنين وعاوز لي اتنين تاني شان اكمل النصاب
مواصفاتي
اغدس الحيات الزوجية
واعشغ الاطفال
رغيغ ومتعاون جدن جدن
....
..
تاني شينو
.....
...
..
تاني شينو
ايواااا
عندي عربيتين هنا
وعربية في الخرتوم
وتلاتة بيوت
اتنين في بحري
وواحد في الخرتوم
ومحل هتش بنات
ومحل خياتة
ؤبث
| |
|
|
|
|
|
|
|
|
|
Re: العايز يعرس.. برعاية خالات البورد (Re: طيفور)
|
Quote: لكن بتاع جميييييييييييييلة داك، أكتبي على طلبو: ينظر في أمره حينما نجد لبن الطير...
Yassir |
جنس حقاره يا ياسر، يعني الفيسبوك ده كلللله و سودانيز و و ما لقيت فيهم واحده سمحه؟
غايتو كبرة بلايند سبوت دي.. :)
| |
|
|
|
|
|
|
|
|
|
Re: العايز يعرس.. برعاية خالات البورد (Re: طيفور)
|
مواصفاتي
اغدس الحيات الزوجية
واعشغ الاطفال رغيغ ومتعاون جدن جدن ..
.. .. تاني شينو ..... ... .. تاني شينو ايواااا
عندي عربيتين هنا وعربية في الخرتوم وتلاتة بيوت اتنين في بحري وواحد في الخرتوم
ومحل هتش بنات
ومحل خياتة
ؤبث
وبث انت بس ياكا زاتك العريس اللقطة
انت عشق وحلم كل الفتيات
ربنا يكتر من أمثالك ومن هم على شاكلتك وأزود حبتين
إنت كنت وين من زمــــــان
امسكون الدرر دي ياخالاتي ما يضع متل دا بين الرجول
| |
|
|
|
|
|
|
|
|
|
Re: العايز يعرس.. برعاية خالات البورد (Re: حسن حماد محمد)
|
Quote: و اهم حاجة : يكون اهلها كلهم متوفين
و بالذات امها ! |
نجاة اختى الحبيبة
اولا شكرا ليك على ادعوة الكريمة لاولادنا
لكن
عاينى جنس الزول دا الكاتب الكلام الفوق يعنى يا ولدى كان عندى عشرة بنات ما بديك منهن واحدة
لانه كلامك يسل العافية ويقعد محلها
ليه الكلام الشين؟
الكلام مجانا
ليه ما يكون لطيف ؟
وعلى فكرة كتبت رسالة لابنتى اهديك اياها
رسالة الى ابنتى عزة
فى المرة السابقة حدثتك عن علاقتك بزوجك وكيف ترومينها ، الان جاء دور آخر ، وهو اهل زوجك
كونى عزوة لامه وابيه ، فهما من اسلماك جزءا عزيزا منهما ، ابنهما ، فكونى بارة بهما كما انك بارة بامك وابيك
لاخوته واخواته ، كونى الشقيقة التى لم تنجبها امهم ، شفوقة عليهم ، اجعليهم اخوتك ،سيكونوا اخوتك واشقائك ، استوصى بهم خيرا فسيفعلون ، فهم "ناسك " واهلك احبيهم بقدرما اتيحت لك المحبة ، اسالى عن احوالهم واستوصى بهم خيرا ، فهؤلاء اهلك سيظلون دائما ، واهل ابناءك من بعد ، فاجعلى الحب قاعدة ومدخلا اصيلا بينكم ،اجعلى احفادهم وابناء اخيهم بينهم وبينك مدا بلا جزر ، وبحر لا قاع له ، ستكبرين حينها فى نظرهم ، وكلما سنحت سانحة خيرا او شرا كونى اول من يصل ، ويقف على ذلك الامر ، ليس بدعاوى ظاهرها الاشفاق بل باطنها المحبة الحقيقية ، وانك الاقرب اليهم
اجعلى امك الثانية محل مشورتك راجعيها فى كل خطوة تخطينها فهى تمتلك الخبرات التى تدفعها نحوك دفعا لانك ابنتها بلا جدال ، واقعدى اليها ، مثلما تقعدين الى امك ، استمعى اليها وحاوريها وجادليها بالتى هى احسن
اطردى تلك الاوهام التى تعانى منها الكثيرات ان "ام الزوج "هى امراة غير الامهات التى يعرفنها ، اقطعى تلك المقولة بسيف صارم وارمى بها الى حيث لاترينها ولاتعودى اليها قط ، وادخلى من ثم الى قلب امك وام زوجك بالمحبة ستجدينها محبة لك ، حينها ستخرج كل تلك المفاهيم "الغبية " الى الابد ، ستجدين "اما" تدخل اليك من شباك كبير يصير بابا فادخليه آمنة ، فهى نعم الام ، فهى جدة ابناءك وام زوجك الذى تخيرتيه من بين كل العالمين ، فارحميها سينزل المولى رحمته عليك ، وعلى زوجك وبيتك واطفالك
اعرف ان كلماتى من نفق قديم خرجت ، لكنى اود لو كان بيدى ان اجنبك كل ما فشلت فيه ، واريدك امينة على عشك وزوجك واهله وعشيرته
دمتى ايتها الحبيبة يا قطعة من قلبى
امك
| |
|
|
|
|
|
|
| |
سارة علي
ماجدة عوض خوجلى
محمد هشام
سيف الدولة كامل
غباشي
nazar hussien
بكرى ابوبكر
حبيب نورة
Yassir Tayfour
محمَّد زين الشفيع أحمد
Hussein Mallasi
عفاف الصادق بابكر
bob
المسافر
saadeldin abdelrahman
داليا حافظ
ابوعسل السيد احمد
ابوعبيدة حسن محمد
معاوية عوض الكريم
بكري عباس علي
doma
ghariba
برير احمد إبراهيم
مطر قادم
mustafa bashar
مهيرة
WAD ELGAALI#4
محمد المرتضى حامد
JAD
ذواليد سليمان مصطفى
رهف
mayada kamal
عبدالله الشقليني
عليش
طيفور
Rihab Khalifa
وجن
حسن حماد محمد
سلمى الشيخ سلامة
فيس بوك
تويتر
انستقرام
يوتيوب
بنتيريست