النداء الاخــير

مرحبا Guest
اخر زيارك لك: 03-28-2024, 10:07 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة عبد العزيز خيري شلال(DKEEN)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
01-22-2009, 11:50 AM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
النداء الاخــير

    في كل شتاء ذاكرة تتصل بما توقف في اخر شتاء..
    يمس هواء الشتاء البارد الجسد فتتقد الذاكرة باشياء محددة تخص الشتاء..
    دغلٌ من الجهنميات واقباط وحوش وباب حديد مزين بي حديد ..ثم بخور لبان وضل الشتاء وحيطة مهملة لي بيت من بيوت البعثة المصرية في نواحي الخرطوم غرب..
    ومن ثم بيوتاً اخرى:
    بيت ناس داليا خيري في العمارات.. حوش السيدة الفضلى سعدية الصلحي بنباتٍ متسلق يزحف على مغرب العباسية وجدرانها..طرفٌ من مدخل بيت ناس مي عاطف في نمرة اتنين واشجار متشابكة شديدة الخضرة عند المدخل في بردٍ شديد وليلِ بعيد..
    الحاجات الفوق دي بتجي عند كل شتاء منذ ان غادرتُ الخرطوم ..بس بي صورة ما قدرتا اربط وجودا مع بعض او ارتبا كما يجب.. وربط بينهم الشتاء..
    والشتاء عموما فرصتي في كل عام لكي اعيد تذكر ما مضى من هذه المذكورات في زمانها من زمانىَّ الجديد وفرصة اخرى لاعيد ترتيب اسباب ذهاب حبيبات مضين في عثرات الزمان التي توالت..
                  

01-22-2009, 11:51 AM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: DKEEN)

    اعاد شتاء الدوحة وخط الطول الجديد الذي اتخذته مؤخرا والذي ابعدني اكثر عن خط 30 درجة شرق.. اعادني الى بوست قديم تعلق نصفه بالشتاء ونصفه الاخر بشرح بعض المعاني ...
    فقد اسلفت قبل عامين او يزيدون ان القسمة والنصيب مترادفتان ضل الناس عن معناها الاول فصارت تجري في عموم احاديث الناس بلا ضابط.
    تماما كاستخدامات اللغة الفوضى التي حلت سودانيز اون لاين
    الفوضى التي يديرها غوغاء، والتي هم لها اخينا الفالح محسن..وهم لها مولانا المغني خدر..
    وخدر رجلُ وهبه الله صوتاً عميقاً حزيناً وشجي..
    كما استغاثة المتروك في بئر..بيد ان صوته في المنبر طغت عليه اصوات الفوضى والبنات الساي..
    وهي فوضى بتاعة ملافظ عجيبة ، ومن مثال امرها اذا ما اعجبت احدهم كتابة لشخص ما، تداخل فقال ( شكرا جميلاً) او (احبك حتى تستغيث) او(ايها الجميل) (لك الدهش) (شراشف الروح) وان من امر تلك الفوضى ايضا اذا اراد احدهم كتابة شيٌ يتوسل به الى الحب قال فيما قال( الخصل الذهبية) و(الشواطي الفضية) و(العيون الكحيلة) و(اللازورد) و(البنفسج) مكررا عبارات تمت لواكتها الوف المرات حتى غدت قوالب ثابتة في ادب المتادبين، مملة وحاجات اخرى كمثل ما ذُكر رصاها الكاتب مما علق في ذاكرته من قراءات معاصرة ، تجدون مرجع ذلك في رسالة الـ(محسن) التي بعث بها الى عصام جبر الله في معرض شروحات احوال الانحطاط.
    وذكر من رهطٌ من جماعة الفوضى المقيمين بالمنبر المتعجلين الى الشر...اخونا حميدة مثال، والحق به وصفاً ظنه الناس بذيئاً وتزامر الزمارة يستهجنون الوصف حتى اذا ما استحكم الفخ اعمل فيهم محسن سيف لسانة السليط وصعلكة لغته التي قيل انه حفظ بها القران في قراءاته السبع...
    وشرح معنى عبارة الوصف سالف الذكر مع انه لم يكن مضطرا الى ذلك، فاصلاح لغة البعض هنا ليست فرض عين على البعض الاخر... ولعل احد اسباب رحيل الكثيرن من هنا انهم ظلو يكتبون بلغة ويشرحون بلغة اخرى..
    فلما عظم عليهم امر ماكتبو وكثر شرحهم له، وقد افترضو في القراء حسن الدبار ابتداءاً، غادروا ..
                  

01-22-2009, 11:53 AM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: DKEEN)

    قلت فيما قلت ان القسمة القتها ليكم قبل كده طشت عن مدلولات معانيها ..وانا ذاتي مالقيت زولاً يصلحني فيها فاستسلمت الى فكرتي وركنت إليها ..
    واعود شارحاً القسمة وهي:
    ان يقسمَ الله لكَ من الشي الذي يقبل القسمة مِـقدارُ ُ معلوم.
    كأن يقسم الله لك من المال مليون او من البقر اثنين ومن النخل وشجر الليمون كذا وكذا او كأن يجعل الله لك في عصمة ذكرك فرجٌ ومثنى وثلاث او اربعة فروج..
    فالمقسوم هنا ولدا كان ام بقراً ام فرجاً تجد في صفاتهم التعدد اوالكثرة ومما يقبلون القسمة..
    فكان حظك منهم قسمتك منهم ..
    فهم اكوامٌ مكومةٌ معدودة في عمومِ الدنيا ..ومقدٌر لكَ منهم كوماً او عدداً ولغيرك كوماً او عدداً وهكذا..
    قال الشاعر ( قسيمتك يارقيق الحال ومكتوب ليك تعيش رحال)
    والناس بتقول ود ناس فلانة تغرب عدة مرات.. وحال الرحّـال (بتشديد الحاء) حال من داوم على الرحيل..
    لحدي وقبل اقبل واشرح "النصيب" أي زول عندو اعتراض على هذه الشروحات يتفضل يسجل ملاحاظاتو..انا بصراحة عايز احددها مع فكرة (القسمة والنصيب) التي يبرر الناس بها شططهم وسوء اختيارهم .. وفاكي الكورة في حيطة المنبر ده عساها تجيني راجعة بشكل اكثر انتظاما..

    اما النصيب فهو ان يعطيك الله نصيباَ في الاشياء التي لا تقبل التقسيم والتجزءُ..
    كأن يعطيك الله نصيبا في الصحة ونصيبا في الجمال اونصيبا من الولد والاخلاق..
    فهذه المذكورات ليست موزعة في نواحي الارض تاخذ منها قدر همتك وُتحرم منها بمقدار تقاعسك..
    ولكنها اشياء ممنوحة من عند خالقك لا اجتهاد لك فيها مع نص الله البليغ فيك..
    فهي كقضاء الله الماض..
    قلتُ ماقلت قبل عامين او يذيدون وانا – للمعلومية- قليل العلم كثير التقول والتغول
    ومع اني سعيت الى التصحيح والتقويم والخروج من حال الجاهل الى حال المستنير ما غالطني في ذلك احدٌ . ولا قيل لي اني ابربر بما لا ادري..
    ولايعني – بالطبع- عدم الغلاط والنقد صحة الافتراض فيما بالاعلى..
                  

01-22-2009, 11:54 AM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: DKEEN)

    تقول الخالة (الرسالة) والدة احمد فتح الرحمن، وهي رباطابية فصيحة البيان واحمد هذا صديق طفولة مقرب جيد الصنعة، افضلة على اكثركم، التقينا بين فلنكات السكة حديد وفريق الحلة والمقرن الثانوية وحكمة ابيه "فتح الرحمن الطيب"حكمدار الدرايسة في سكك حديد الشجرة ..
    كان ابيه رحمه الله مستقصياً بارعاً لحيل العلوم في شؤون استواء الارض وتصريف المطر..
    تقول "الرسالة" في اخر زيارة لمنزلها في نواحي الكلاكلة الوحدة: "ماجيتـنا الدور ده مِـنكَرِب ياعبد العزيء"..هكذا دون نطق الحرف الاخير(ز) بوضع همزه مكانها، فالرباطاب لاينطقون اخر الكلمة !!
    اقول لها : لسع مالقيتا ياخالتي الرسالة .
    فتقول: ( ياولدي بتك دي ظني شقوبا العتاميْر)
    كناية عن وداري عن فتاتي وودارها عني..والعتمور ده صحراء وخلا تجدونه في شرق النيل ابتداءا من ابو حمد وانتا ماشي..
    وجا في اثار الشيخ ود الماحي انه قال فيما قال قبل ان يكتح اللبن الفي القدح ويسلك طريق القوم:
    (شالا ود كلية الخبير ساقا شقابا العتماير..)
    يشرح المادح كيف اخذ ود الخبير البنية السمحة التي اختصم المحبين حولها وارتحل مختفيا بها عن العالمين وسكن قرية (مشو) في شمال دنقلا...
                  

01-22-2009, 11:57 AM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: DKEEN)

    وباصطحاب صحة الافتراض الاول اعلاه
    ..اعيد نشر رسالتي نداءً اخيراً سحاً غدقاً مُـجـلجِلاً طبقاً : ياطاش فطشنيا يا جاب المزنى وعجل بالنصر وبالفرج..
    والفرج هنا مقصود بيها الفرج :
    لو ان لي في الزواج منك نصيب ..فهل مضى مايكفي من عمري لكي تاتين؟
    هل تدرين انني اطلت البحث حتى اكتفيت بالانتظار..
    الى متى تعتقدين انه ُيمكنني انتظاركِ؟
    بلا شك انتي مولودة واكزست على الارض..
    إذ ليس من الامكان ان اتزوج من مواليد هذا اليوم او من مواليد يوم غدٍ..
    لذا فانتي في مكان ما..
    البحث عنكِ وسط هذ النسمات المهولة من سكان العالم امر غير مستحيل..
    بيد انه امر ُمرهق ومضيعة للعمر وهدرٌ له فيما يمكن توفيره لاوقاتٍ طيبة..
    فالعمرُ ماعاد فيه مايكفي كما ترين..
    فقد بلغت ال34 وانتا ماشي..
    واستغرب كيف لا اجدك ..
    سيما وان الفرز مؤخرا بقى واضح..
    فالبنات في كل الشوارع ..وماتبقى في الخدور سوى القليل.. افعجزت ان اجدك من بين هذا القليل؟؟
    ما يا كمان القاك او.. ماالقاكي عشان الواحد يحسم قصتو ويعرس من طرف..
    بس هل لو انا قمتا اتزوجتا (من طرف) حتكوني انتي (اعني قسمتي) الزولة الـ(من طرف) دي..
    واكون ساي ودرتا سبعة سنين بحث وفتيش بينما قسمتي كانت موجودة في (المن طرف) ؟!!
    ولا حتكوني انتي برضو رايحة في وسط هيلمانة الدنيا دي وانا خشيت في ناس المن الطرف شفقة مني ساي..
    وحاقوم بالتالي اضيعك وراي بي شفقتي دي وسط متاهات الكثافة السكانية..
    لا تلقيني مع غيري.. ولا انا مع غيرك القى نفسي..
    امانة بلاي ..
    لو قريتي الكلام ده سيبي الفي يدك وقولي عوووك او مرينا ..
    انا لي سبعة سنين بفتش فيكي..
    كلفي نفسك مرة وفتشي معاي..
    الناس بدت تاكل وشي ياخي..
    يسالونني الى متى اظل هكذا دونكِ ..دون زوجة..
    ُمعظم الاهل يظنون ان هنالك خللا في مكانِ ما..
    ومؤخرا ساورت بعضهن الشكوك حول علاقتي بالرجال..
    احدى العزيزات جدا - قبل عامين - قالـتَّـا لي في اضاني:انتا بتمرق يوم الخميس الخلا مع اصحابك بتعمل شنو؟؟
    قالتا في صوت متردد خجول باحث عن اجابة ولو غير مقنعة..
    واظنها حين قالت ماقالت كانت تتخيلني في اوضاع فاضحة ..
    لم تكن تدري عزيزتي ان اهل تلك البلاد يستمتعون برفقة الصحراء وبالبرد والحجارة..
    ونحن كنا في خلانا داك بنحاول نواكب وسيلة المتعة الوحيدة المتاحة هناك (الخلا والحجارة)
    وللعلم تلك "العزيزة" انا حبيتا باحثا عنك فيها..
    اتذكرها الان بلا صبرٍ ولا سلوان، افتقدها كثيرا وكم كنت اخشى يوما فيه اغاث فيه واتعصر من شوقي لها..وهانذا معصور وابحث عن مغيث ..
    وحبيت سارا وسناء وفلانة وفلانة الاخرى ونهال ونهال التانية ..اتشتـتا فيهم باحثاً مُـتنسما رياح جنتك وورد الجهنمية في خشوم باب احواشم فما ُطلت غير سرابٍ خلته انتي..
    حبيتم في الشتاء محاولاً جبر خاطر الشتاءات التي فيني.. اللاقيت فيهم حبيباتي..فطفقن يجئن عند كل شتاء.
    انا ضقتا بصراحة من هذه العُـزلة ومن هذه الليالي التي تخلو منكِ..
    ومن هذا الخميس الضكران.. ومن التامل والتودد الى اجسادٍ لا تخصني ولاتخص احدا غيري
    ومن كلام الناس..
    2555 ليلة موش كتيرة الواحد يرقدها براهو؟؟
    الا ترتقبين الفرق بين ان تناميها وحدك وانا ننامها معا؟
    الآ فاعلمي ان لي معك احاديثَ وفعائلَ كثيرات..
    وان حنيني اليك ممزوج باشراطٍ لايدركها غيري وغيرك..وما انا ببالغٌ اشراطي هذه في سواك..
    ولاكي لاقياها في غيري..
    فان تزوجتي بغيري ُتهتي وان تزوجت بغيرك تهتُ ..
    والخرطوم بمدنها الثلاثة وسكانها رقيقي الحاشية شرطُ ُ فيها ..
    والابوابُ المعروشةِ بالجهنميات شرطُ ُ فيها.. والنيل الازرق بظلاله عند النقل المكانيكي وحي الوابورات شرط فيها..
    وبؤبؤ عيناك اللتان لاتبصران سوى المحبوب شرطٌ فيها..
    ومن ثم المزهريات ونباتات الظل واغنيات الكابلي ..
    ولابد من الصبر والاخلاص وعدم المكابرة فما تلك بشروطِ هينة..
    وبحسابات قلة الصبر عند البنات والرواشة التي دوما صاحبت خياراتهن فلم يعد يهمني ان كنتي طليقة احدهم..
    فصبركُـن قليلٌ وحنانكُـن غشامة .. وربما نفد الصبرَ منك في انتظارك الطويل لود الحلال .. وتغشتكِ غاشيةٌ من حنانٍ فطمست بصيرتكِ فتشابهَ الاحبابُ عندك....فوقعَ عليكِ غيري، فوطأ نصيباً من قسمتي..
    اها انا ماني زعلان من القصة دي لو حصلت..وقبلانبَها..
    بالعربي كده (مع انو الفوق ده اظنو عربي) ماعندي اشكالية لو هسي مطلقة وقاعدة فمن المؤكد انه تم الولوغ في ريقك بخطا دنيوي وشفقة بني ادمين..
    والادمي خُـلق هلوعا ً جزوعاً وشفقان..
    الا واعلمي ايضا انه لن يكون هناك مايكفي من العمر والمروة إن اوغلتي في هذا الغياب..
    سيفنى في قلبي حنيني إليكِ..
    ويتبدل حال عافيتي فلا يصلُكِ مني إلا اللمم..
    اولا تتابعين شرودي؟
    قد اختلطت علىَّ الازمان وتشابهت الدروب..
    اعود فاقول
    انني في هذه الدوحة الجميلة استيقط كي انام ..كترت النوم حتى ظننتي مريض.
    وفي طرف الكورنيش قبالة متحف الفن الاسلامي وبالمناسبة لاعلاقة لتصميم هذا المتحف بالفن الاسلامي
    المتحف يبدو للناظر اليه من مكاني كصومعة غلال.. انظر اليها فاتذكر مزارع الدجاج في طيبة الحسناب ونواحي الدخينات..
    المهم قبالة المتحف تعودت اتقي غربتي بشاي المغرب هناك في كل مغرب وقبل يومين اتكركبت عديل لامن شفتا مؤخرة منسقة في جسد نحيل..
    بوصلاتُ زماني غدت طائشة..
    غدا حالُ بالي شاردا..
    فمتى؟؟
    متى تمتد اغصان شجرةُ العمرِ الجميلِ بيننا؟
    متى نمِـدُ جذورها في تربة الذكرياتِ الخصيبة..ونتفرع روض احاديث غضة..ويبسط كل منا لرفيقة من ثمرِ الإلفة والمودة ما يشتهي..
    انا لو ظللتُ اكتب اليكِ هكذا اردد هذا الكلام كل عامٍ عند الشتاء.
    فمتى اتوقف عن الكتابة ومتى ينتهي شتائي!!
    لو ظللنا هكذا حبيبانِ في الغيبِ وقـلِـقانِ في السنينِ لايلتقيانِ..
    فمتي سنتزوج؟
    متين الاقيك
    وتبقى سيرتك هي الكلام والرؤى الحلوة البعيشا في صحوتي ..
    او حتى في عز المنام ..ويبقى اسمك هو الغنا...
    هو البخفف لي عذابات الضنا..
    الشفتو منك يا مُـنى الروح يا انا ..وصفو بصعب ياجميل..

    حبيبك دكين عشا البايتات
    صفحات من رسائل (الصبر والملامة)

    (عدل بواسطة DKEEN on 01-23-2009, 10:43 PM)

                  

01-22-2009, 12:21 PM

عبدالناصر معتصم
<aعبدالناصر معتصم
تاريخ التسجيل: 11-26-2004
مجموع المشاركات: 176

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: DKEEN)

    الاستاذ دكين


    Quote: 2555 ليلة موش كتيرة الواحد يرقدها براهو؟؟
    الا ترتقبين الفرق بين ان تناميها وحدك وانا ننامها معا؟
    الآ فاعلمي ان لي معك احاديثَ وفعائلَ كثيرات..
    وان حنيني اليك ممزوج باشراطٍ لايدركها غيري وغيرك..وما انا ببالغٌ اشراطي هذه في سواك..
    ولاكي لاقياها في غيري..
    فان تزوجتي بغيري ُتهتي وان تزوجت بغيرك تهتُ ..
    والخرطوم بمدنها الثلاثة وسكانها رقيقي الحاشية شرطُ ُ فيها ..


    انه لنداء أخير حقاً...
    تحياتى......
                  

01-23-2009, 08:36 AM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: عبدالناصر معتصم)

    استاذ عبد الناصر

    مشكور على المرور والتعليق..
                  

01-22-2009, 12:55 PM

أيمن الطيب
<aأيمن الطيب
تاريخ التسجيل: 09-19-2003
مجموع المشاركات: 5845

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: DKEEN)

    Quote: وللعلم تلك "العزيزة" انا حبيتا باحثا عنك فيها..
    اتذكرها الان بلا صبرٍ ولا سلوان، افتقدها كثيرا وكم كنت اخشى يوما فيه اغاث فيه واتعصر من شوقي لها..وهانذا معصور وابحث عن مغيث ..
    وحبيت سارا وسناء وفلانة وفلانة الاخرى ونهال ونهال التانية ..اتشتـتا فيهم باحثاً مُـتنسما رياح جنتك وورد الجهنمية في خشوم باب احواشم فما ُطلت غير سرابٍ خلته انتي..
    حبيتم في الشتاء محاولاً جبر خاطر الشتاءات التي فيني.. اللاقيت فيهم حبيباتي..فطفقن يجئن عند كل شتاء.
    انا ضقتا بصراحة من هذه العُـزلة ومن هذه الليالي التي تخلو منكِ..
    ومن هذا الخميس الضكران.. ومن التامل والتودد الى اجسادٍ لا تخصني ولاتخص احدا غيري
    ومن كلام الناس..
    يا عزيز خير الخطاؤون التوابون ,,,,
    أشك أن يرتفع مؤشر الإحساس عندك للأحمر كما كان هو الحال معها كما ذكرت,,,

    دق الياى يا عمّك,,,,
    وجّنا تعرفو أخير من جّنا لا شفتو لا سمعت بيهو,,ولا أدوك ليهو,,,
    من طرف دا يا صاح بطيخ فيهو الحلو وفيهو المسيخ,,,,

    تحياتى
                  

01-23-2009, 08:26 AM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: أيمن الطيب)

    ايمن الطيب
    بداية الاغنية جاتني في جرح..
    وعليه نود ان نعبر لك عن امتنانا..

    بس ياخوي دعوتك بتاعة جيب ليك كرتلة دي شرك..
    يضاف لي شركك بتاع الترفيه عن النفس..

    انا لو اصلا برفه عن نفسي ما كان جاتني هذه الهتاويل..
    اخوك بعد ده حيقالع الايام والناس وهذا الزمان الردي..





    شكرا ياحبيب تاني وتالت على هذه الغنية الموجعة..
                  

01-22-2009, 06:30 PM

احمد العمار

تاريخ التسجيل: 11-05-2006
مجموع المشاركات: 2035

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: DKEEN)

    العريس المنتظر / تحياتنا واشواقنا

    اسمع نصيحتى وسيب الكلام الكتير دا كلو وامسك فى الحتة دى
    Quote: عشان الواحد يحسم قصتو ويعرس من طرف..
    اكسب زمنك وعرس من طرف .. بس ما تطرف شديد

    يمكن الامور تزبط معاك ( الوش فى الحالة دى بيكون شكلو كيف )


    أحمد العمار
                  

01-23-2009, 08:58 AM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: احمد العمار)

    احمد العمار

    والله تخيل فكرة المن طرف دي عاجباني..

    تخش من طرف وتتبدا تتعرف عليها بعد الدخول..عرفتك بيها تكون طااااازجة

    تكون قاعد ترقص معاها يوم حفلة العرس كده وماسك يدها تقوم تهمس ليها برااااحة : ابوكي وينو في الناس الورا اللابسين عمم ديل؟؟


    ياعمار اتلاقينا في العمارات في شارع 25 في رمضان الذي انصرم وانتا راكب عربية ناظر المسيرية على ما اذكر..
    سعدت بذاك اللقاء..ولو شفتا لي من نواحي المسيرية واحدي مزيونة..ينتم المراد



    نوصي اخونا ضحية واونا بشير جبريل بي جاي في الدوحة..
    ونمرقا في رشاد
                  

01-23-2009, 02:41 PM

احمد العمار

تاريخ التسجيل: 11-05-2006
مجموع المشاركات: 2035

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: DKEEN)


    Quote: ياعمار اتلاقينا في العمارات في شارع 25 في رمضان الذي انصرم وانتا راكب عربية ناظر المسيرية على ما اذكر..
    سعدت بذاك اللقاء..ولو شفتا لي من نواحي المسيرية واحدي مزيونة..ينتم المراد
    ذلك الرجل كان هو شقيقى آدم العمار وعرفتك به وهو ايضا من بورداب الرياض الجدد ( بس انت عطشان شديد عشان كده ما كنت مركز معاى وطبعا معذور)

    بخصوص بناتنا حبابك الف انا غايتو عندى اتنين واحدة فى الثانوي دا انت ما بتفع معاها والثانية فى الابتدائى دى لو بتنظرها غايتو نحاول من الان نجهزها لتقبل المصير المجهول ، وفى الوقت داك حتنطبق عليك قصيدة( ياعمو لا شن جاب شجرة القرض للسوسنة ).


    أحمد العمار
                  

01-22-2009, 11:54 PM

أيمن الطيب
<aأيمن الطيب
تاريخ التسجيل: 09-19-2003
مجموع المشاركات: 5845

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: DKEEN)

    Quote: وتبقى سيرتك هي الكلام والرؤى الحلوة البعيشا في صحوتي ..
    او حتى في عز المنام ..ويبقى اسمك هو الغنا...
    هو البخفف لي عذابات الضنا..
    الشفتو منك يا مُـنى الروح يا انا ..وصفو بصعب ياجميل..



    pluginspage="http://microsoft.com/windows/mediaplayer/en/download/"
    id="mediaPlayer" name="mediaPlayer" bgcolor="#000000" showcontrols="false"
    showaudiocontrols="false" showtracker="-1" showdisplay="0" showstatusbar="0"
    videoborder3d="-1" enabletracker="false"
    src="/nsdoc/06ece687-494b-4c47-811e-b39392434543/?id=1158825828424"
    url="/nsdoc/06ece687-494b-4c47-811e-b39392434543/?id=1158825828424"
    autostart="-1" designtimesp="5311" loop="false">


    الدكن التعبان,,,
    أخوك بفتكر إنو إنت تحاول ترفه عن نفسك شوية,,,
    وبعدها تقرأ ما كتبته هنا,,



    وجهز ليك كرتلّة,,,,,,,,

                  

01-22-2009, 12:00 PM

محمد الطيب يوسف

تاريخ التسجيل: 02-22-2008
مجموع المشاركات: 3088

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: DKEEN)

    .
                  

01-22-2009, 12:08 PM

أيمن الطيب
<aأيمن الطيب
تاريخ التسجيل: 09-19-2003
مجموع المشاركات: 5845

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: DKEEN)

    يا عبدالعزئ,,,

    وفى الدوحة نطق قلمك,,الأطرش دا

    قلمك
    Quote: جميل ووريف وشفيف
    والله جد,,

    Quote: قواسيب قواسيب
    مودتى يا حليو ويا ........


    خميسك يا صاحبي بيع قميصك,,,


    الخبر!!!!!!!!
                  

01-22-2009, 12:41 PM

كمال سالم
<aكمال سالم
تاريخ التسجيل: 02-13-2008
مجموع المشاركات: 4786

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: أيمن الطيب)




    والله يادكين حننتنى شديد ,, حالتك صعبه والله ,,
    دكين الليله الخميس ده عايزين نعقد ليك رأئك شنو ؟؟
    عرس بدراسة جدوى ,, سيبك من الاوهام بتاعة بفتش ليك
    ومنثظرك عند كل شتاء دى .

    نجهز الماذون ؟؟















    بعيدا عن بيت العرس ,, نصك باذخ فى الجمال وفيه لغه جديده لحكايه
    عويصه ,, الكل يبحث عن حواءك هذه ,, لكنها صعبة المنال ,,
    لانها غير موجوده ,,
                  

01-22-2009, 02:25 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: كمال سالم)


    Quote: (شالا ود كلية الخبير ساقا شقابا العتماير..)
    Quote: وارتحل مختفيا بها عن العالمين وسكن قرية (مشو) في شمال دنقلا...
    ها ..
    نعم .. هكذا تورد الإبل يا مأفون ..
    سمعت ؟ قال ليك ( قرية مشو في شمال دنقلا ) .. ده الكلام ..
    ظهر الحق فأُنصِفنا بعضمة لسانك عن سيدنا حاج الماحي ..
    و أيم الرحمن نصفتنا ياحاج ..

    ....
    ثم ياخي في شأن النداء الأخير ، قالت بت ود حامد عن آمنة بتول عليهما الرضوان و الرحمة :
    أنه كان فأرا مفترياً من جهة صواردة .. عاجباهو روحو ، و قد عاث ما عاث فيما عاث حتى طمح بحر انفلاته و طار اسمه بالبلاد : وغداً حريفا و قنديفاً بلسان حالٍ : يا دنيا ما فيك إلا أنا..
    ثم كان أن وقع صاحبنا على قدومو فأحب ( سِت النِسا ) .. و هي فأرة غادة غنوج بت لزينا و شديدة نار بس ..
    فعزم صاحبنا على وضع حدٍ لفسوقه و مشيهو البطال فيشان عيون البنية البَقاقة .. تفكّر و تفكر حتى استقام على سديد رأيٍ عزم عليه و توكل .. فقال في سر نفسه : فهو الحج إذن .. أحج فيجُب حجي ما قبله ، فأعود طاهراً منزهاً من الغوايات الفائتة و ما هي آتية .. و توبةٌ توبة .
    و هكذا .. سارع فغذّ السفر إلى الحجاز بالقوافل - و هي أيامئذٍ تقطع العتامير شهورا .. ثم بحر المالح شهورا أخرى - ، و كان قد استودع صاحب الوداعة حبيبته ( ست النسا ) مشهداً الله أمامها بأنه راجع راجع ، معرسك معرسك مافي كلام ، بس أرجيني النحج و نجيك يا بت .. و أدلعك .. علي الطلاق أدلعك و أدلعك و أدلع أبو أهلك زاتو .
    فأقامت من بعده - المسيكينة - تمني النفس بالدلع في أحضان " حاج فاره " الذي قصد الحجاز ليتطهر و يرجي الله و رحمتو من بعد قلة الأدب التي عملها .
    أخدت بت ود حامد - عليها الرحمات - أخدت نَفَسَها الذي قام ثم استطردت تحكينا :
    هذا ، و روح يا زمان تعال يا زمان حتى كان يومٍ فيه نزل المدينة فارٌ شابٌ وجيهٌ و مليح و حلاة الدنيا عليهو ، و قعد يرازي في ( ست النسا ) حتى جاب راسها ففصلت و أناخت برواحلها الهيمانة و المردمة انتظاراً لصاحبنا حاج فارة ، أناخت بها عند الولد التفتيحة الجديد ، و أكل حاج فاره نيمه و هو في بلاد الحجاز نايم في الطراوة و يا مؤمن يا مصدق البت حارسا سيادتو ..
    المهم ، نختصر ليك الشغلة عشان أنا رامي طوبة عشقك دي من زمان و زهجت منها و منك .
    قالوا قامت تاني الزلال بت ود حامد حكت فقالت :
    يوم من الأيام جا البلد تاجر جلابي راكب جملو و شايل شيلتو و قال مارقها في الحجاز .
    صاحبتك " ست النسا " ياخينا قالوا كانت قررت تشرد مع الولد القيافة الحنّاك أبو حاجات واضحة و جاهزة و ما عندو وكت للكلام البيش و الندامات و العوعوة و رجيان الري .
    الولد قالوا - و العهدة علي الزلال بت ود حامد عن آمنة بتول - قالوا كان الولد الفار شادي طيارتو و مجهز حالو للفرتقة السريعة مع البلومة الأصلية الراقدة سلطة و ندمانة ندامة الكُسعي على مويتها الدفقتها على الرهاب إنتظاراً لحاج فارة و توبته النصوح و جلده للذات و سككانه للبيش ..
    أها .. مما شافت الزول أب جمل متوجه الحجاز ، قالوا اشرأبت بعنقها و عينها بيضا .. و طفقت تكورك علي عينك يا تاجر و على رؤوس الأشهاد من ناس البلد :
    ( هوووووي يا راكب عينو حمره و رقبة طويلة ، قول لي حاج فاره .. ست النسا شالتا الطيارة ) .
    ..
    فذاك ما كان من أمر ( النداء ) الأخير .





    ......
    قُم إلى كتابتك يا أبدلزيز ..
    فقد شفيتني بها من حال القحط اللزج الذي أقام علي نفسي ياابن اللزينا ..
    الله يحلحل حاجاتك ياخي بركة النبي و أهل بيتو ، و تلمك زولة تريحنا من لهلهتك السمحة دي .

                  

01-23-2009, 11:25 AM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: Emad Abdulla)

    إماد ابدلا..
    ياصديقا في اطراف شمبات
    عمت صباحا اومساءا او كيفما كان حال الزمان بطرفك..

    ياخي عندي ليك نص شعري نوبي مفصل عليك..اخدتو من العزيز تيسير زيادة وهو من اولاد (مشو)
    وجده ادريس ابتر الدنقلاوي من العصر المهداوي ورافق الخليفة..
    يقول النص فيما يقول:

    إماد ترن تننقي جيلا
    سكي هيلى..
    نهكي ي يكي كدل..
    قاشكدو كني قاشكدو صبر نرنجي نودي بلى..

    emad trn ten nenge jelea
    seka hela
    nhake
    yeyake kadil
    gaskdo kena gashkdo sbr nrngi noodi bela

    والترجمة العربية لهذا النص النوبي البليغ:

    وعماد لايفتا يتذكر زوجته والاسرة..
    ويتمحرك يمنة ويسرة..
    يتنهنه بحرقة وحسرة..
    دلعوه اهل الصبر مرة..
    دللوه حتى فات حد الصبر وجرا..
    (انتهى)

    والحق يقال يا عماد...ذكر ود الماحي قرية( مشو) في كذا قصيدة
    القتها فوق دي واحدي وبرضو في قصيدة (بريدك يا البشير) انشد رضي الله عنه وارضاه:
    ياخواني لا البااقير لا قوز البسابير
    مويس والسناهير السيال مع الجوير
    كرقوس والمغاوير قبروسي والكمير
    الدامر والعشير
    الباوقة و السنقير مقرات مع اب سدير
    بي دار المناصير جيراني الكجاجير
    قريب الكوروير جريف الحواج نير
    سقاي ولاد شبير دويم ود حاج شهير
    عمراب و السواعير
    والدتي والحجير
    تنقاسي و القرير
    حلة ولاد صبير
    جزيرة ود سرير لاتنس الجبابير
    يبقو الستة اجاجير
    عربان الهواوير
    شوايق والبدير
    ولا أرقو و الحفير..(انتهى)

    سلامو ساقو الماحي يا عمدة ..ساقو الماحي معبا بعلم الحال والآل والصحبا..
    سلامو جاكم حدوت ارقو وحدوت الحفير..
    هذا ما كان من امر الحفير ومشو..

    والنحدثك ياعمدة في شان اخر..وكل يوم صرنا في شأن..
    على المك صحبك مرة قال متغزلا في واحدة من جهات الصحافة:
    ست شعرات بيضاوات ظهرن في راسها مثل الوباء
    قلت اداعبها
    انظري مليئا فقد يكن تسعا
    غضبت وحملت معها الورد والكستناء واشجار الرمان..
    (انتهى)
    يعني على المك تغزل فزعلت وحملت وردها وغابت..

    شكا لي صاحبي في الدوحة وكنا عند ( راس الشوعة)في شاي مغرب وقال في حسرة:
    الدنقلاوية الهجين صحبة عماد.. تلك التي تحمل خصلا مكومة شديدة السواد شديدة الوضوح..
    حين تغزلت فيها ذات نهار ..
    غضبت وحملت معها خصلها وصباح وجهها ومضت..
    قالت حين اختارت لجملة نهاية الصحوبية وليتها ماقالت: (انتا فعلا زول مؤذي)
    ومضى يحدثني فقال: ازعجتني كلمة (فعلا) كونها تستوتجب فكرة مسبقة معلبة موجودة سلفا..
    وانه بهذه ال(فعلا) فقد تم تاكيدها...اي تاكيد الفكرة التي جاتني وهي تحملها تجاهي..
    ازعجني الامر كوني كنت في سوء ظنها على حافة هذا التوكيد..
    وصمت برهة ونظر في اتجاه السودان وقال:
    لم يزعجني ان يغادرني صاحب قط.. فالناس تتعارف ثم تمضى حين لاتلتقي الكيمياوات..
    ولكن من المؤسف ان نلتقي بافكار مسبقة ونجتهد لتاكيدها..ومن ثم نمضى تاركين الالم..

    انا مازعلتني قصة انها مشت ياعزيز بس زعلتني فكرة اني كنتا في حافة هذا الظن الشين..
    والحمد لله على كل حال..

    قتا ليهو انتا المزعلك انو هناك فكرة مسبقة بانو انتا مؤذي ولا زعلان لانها قالتا؟
    قال لي: كنت احسن فيها الظن ياعزيز..افتكر دي اجابة كويسة..موش؟؟
    قتا ليهو : ماموش..
    فقال: الناس دي مااكبر همي..
    قتا ليهو: كده انا فهمتا..
    قال لي: طيب ممكن تجيب لي شاي ياغبي..
    مشيت اجيب ليهو الشاي وانا بضحك واقول ليهو : انتا فعلا مؤذي ..

    الان ياعمدة احدثك عن صواردة

    فاقول لك . لاعلم لي بموقعها غير انها في ارض المحس..
    وتقول امي للمحس(مسي) واظنهم يقصدون حلاوتهم فهم حلوين و(مس) في معنى السمح...
    ودونك عزاز التحت دي..سماحة تفاصيل وشها دليل صدق الوصف..
    ولاشك عندي في انو ست النسا مسمسمة وسمحة..
    وقال والسمح فات الكبار والقدرو..
    والفاتك ياعمدة فوتو...

    وسلامي يغشاك في نواحي شمبات ودال .


    قتا لي زهجتا من قصص عشقي التي لاتنتهي
    ياخي هي لسع بدت؟؟
    :)
                  

01-23-2009, 09:09 AM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: كمال سالم)

    كمال سالم

    يامدهش..فكرة عدم وجود هذه البنية مريح..

    على الاقل بخليني اخش من طرف واخلص..
    لو خمسة رجال عدول ثنو عدم الوجود هذا وتوها في خخانة العدم ..

    حاخش من طرف..

    لقينا واحد عدل باقي لينا اربعة عدول او تمنية نسوان..

    :)



    مشكور لماخلتك الانيقة..انما انت ذاك الباذخ وذاك الجميل
                  

01-22-2009, 02:43 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: DKEEN)

    يا جماعة دكين ده قال ليكم كتب الكلام ده قبل عامين او يزيدون ..
    الما كتب ليهو قبل سنتين انو كلامك ده رائع وجمييل اوووعا يجي يكتب اسة ...
    الحال في حالو دكين لسة ما لقاها وهي في مكان ما ممكن في جبال الالب وربما في بربر واحتمال كبييير تكون في أم مقد ..
    الكلام مكتوب بي اثر رجعي مسموح فقط للاعضاء الجدد ومن هم دون العامين بالتعليق ..
    اما نحن ناس قريعتي راحت فعلينا فقط بي العكننة ..

    تخريمة :
    دكين زولتك دي اخالها في درب التباااانة ..
                  

01-22-2009, 03:55 PM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: DKEEN)

    لا عجب ان ما قسم لك أو لك فيه نصيب ايا كانت التسمية من هرطقاتك و فقاعات افكارك أعلاه
    قد ضلّ عنك و ضللت عنه و بت تسكلب في المنتديات و الاسافير ...
    احسب و العلم عند ربي المطّلع، انها دعت بليل أن يرد عنها القضاء و الامتحان
    أو احسنت بلا من أو أذى فدفع الله عنها ما كان ليصيبها و ابدلها خيرا مما قسم في الأزل
    و الدعاء يغير القدر و هناك الكثير من الخير كما تعلم لا يشمل وجودك فيه ...
    و العرس ياها واحدة منها ... ناهيك من فراشك ...

    يا دكين،

    اعجب لحالك و اذكر ما قاله احد البايرين لا أفضله عليك إلا بالعلم و سعة الأفق، قال ذلك البائر المخضرم:
    (ظننت الآتي محملا بأفضل من الآني لقيت روحي بورت و بقيت اقبل من عفت في الماضي) و يمكنك تبديل الضمائر لتوافق من تعرف من البائرات الظانات الحسن بالآتي و يعمين عن ما تحت انوفهن من رجال حافظين السر كاظمين الغيظ انفع للعرس وهم سند في الدنيا أم قدود و أخير و افضل من قادم لا يأتي و مستقبل معلق في قمصان الكستور و الشعر المسبسب و باضرب ليك بكرة و احكي لي عن مشاعرك فضفضي لي ..
    و بعدين بتذلها من حسي و هي ما لمت فيك لهسي و تقول ليها حبيتك في فلانة و فرتكانة و فتشتك في ريدتي لـ لولة ام سكاكس؟ انت يا ود مهضرب؟

    انت كان جيت حاجي بيت الله زي زول عماد عبدالله، و جيت متوضي، و صايم ديمة، و معاك زوادة عام من المحبة و شيلتك 24 و معرش بيت، بنت رديك ام قسمتن قليلة تقيف تعاين و تحمد الله و تستغفر و تقول: شن سويت في حياتي يا الله استحق نوع ده؟



    و تقول لي النداء الأخير؟

    أها يا رحلة لوفتهانزا ...!!
                  

01-22-2009, 04:41 PM

Yassir Tayfour
<aYassir Tayfour
تاريخ التسجيل: 08-18-2005
مجموع المشاركات: 10899

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: عزاز شامي)

                  

01-22-2009, 06:48 PM

وليد محمد المبارك
<aوليد محمد المبارك
تاريخ التسجيل: 12-04-2004
مجموع المشاركات: 26313

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: Yassir Tayfour)

    والله يا (دكين) ما قاعد ارضى فيك مع اننا ما بنعرف بعض

    وشايلها بدون سبب معروف مع زميلتنا (عزاز شامي) دي .. ربنا يحفظها


    لكن والحق يقال

    لعبتها حلوه وعجبتني
    فاسمح لي نعني بي كم ضحكة كده

    :D :D :D :D :D

    (عدل بواسطة وليد محمد المبارك on 01-22-2009, 06:50 PM)
    (عدل بواسطة وليد محمد المبارك on 01-22-2009, 06:51 PM)

                  

01-22-2009, 06:52 PM

معاذ حسن
<aمعاذ حسن
تاريخ التسجيل: 11-14-2006
مجموع المشاركات: 3353

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: Yassir Tayfour)

    دكين ألبست خميسي باشمئناطك هذا
    وكنت قد عودت نفسي في نهاية اسابيعي الطويلة
    عودت نفسي تناسي مآلات حالي .
                  

01-22-2009, 06:57 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: DKEEN)

    عزاز عليهم :
    القسمة غلبت الصفاح يا بتي ..
    إستغفري إستغفري..
                  

01-22-2009, 07:33 PM

نادية عثمان

تاريخ التسجيل: 11-26-2004
مجموع المشاركات: 13808

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: عمر الفاروق)

    Quote: فالعمرُ ماعاد فيه مايكفي كما ترين..
    فقد بلغت ال34 وانتا ماشي..
    واستغرب كيف لا اجدك ..


    من الزمن داك وإتوقفت عجلة الزمن في الـ ( أربعة وتلاتين) وكمان لسا مالقيتها ؟ ( وش مامصدق ياخ) !
                  

01-23-2009, 00:04 AM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: DKEEN)

    قبل ان ارد على الاحباب

    مودتي وجزيل شكري للذى انزل اغنية الجاني منك..
    وانا بصراحة مافرزتو..

    الهي ماتحس بي مواجع ولاتبيعك حبيبة وتسعد باقي عمرك مع انو دي دعوات مستحيلة..

    (عدل بواسطة DKEEN on 01-23-2009, 00:17 AM)

                  

01-23-2009, 00:16 AM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: DKEEN)


    Quote: وتسعد باقي عنرم
    كان باقي عنرم ما عارف !!!
    إلهي ياخد حقك منهن بركة جاه النبي كان لخبتن حالك و جهجهوك بقوك " ألجن " .



    ....
    أدي أخوك دعوة كركعوبة نوع ناس باقي عنرم دي ..
    مرات مرات الشغل المحوص ده بيصدق .

                  

01-23-2009, 00:16 AM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: DKEEN)

    قال المرتضى

    إن اللواتي تولين عنا وضيعننا كن خير النساء



    قالها وصدق..

    وانا اكذب الان كل شي
                  

01-23-2009, 01:09 AM

ibrahim kojan
<aibrahim kojan
تاريخ التسجيل: 03-29-2007
مجموع المشاركات: 1457

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: DKEEN)

    كين


    عليك السلام
                  

01-23-2009, 01:40 AM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 10624

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: ibrahim kojan)

    أعلم قدر ما رْكبت به من صدق ..
    وما ركبته من حياء ..
    فأنت فيما علمت ابن بيئتي ..
    أرضها معطاءة وحليب سقيها يفتل الرجولة ..
    غير أن عرقها وغرقها كثير ..
    حددت موقعك في الخارطة ..
    فسم ..
    واقم النية ..
    ثم انهز بعيرك ليسابق حظ الملوح .
                  

01-23-2009, 11:07 AM

الوليد محمد الامين
<aالوليد محمد الامين
تاريخ التسجيل: 04-10-2003
مجموع المشاركات: 1447

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: محمد على طه الملك)

    دكين الكتاب - بتشديد التاء -

    ياخي سلامات ...


    الحتة دي بتاعت

    Quote:

    ساقا شقابا العتماير


    من اجمل ما قريت في التعبير عن الفقد واللوعة ....


    فيما يخص الشتاء يا صاح هاك ما قال درويش :

    ماذا سأفعل بعد جسمك

    والشتاء هو الشتاء ...

    عسل عنيف

    يرشد الأنثي الي ذكر

    ويرشدني الي عبث الكلام ....




    شفت كيف ؟

    الي عبث الكلام يا دكين ... الي عبث الكلام !



    .
                  

01-23-2009, 11:22 AM

أيمن الطيب
<aأيمن الطيب
تاريخ التسجيل: 09-19-2003
مجموع المشاركات: 5845

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: محمد على طه الملك)

    Quote: ايمن الطيب
    بداية الاغنية جاتني في جرح..
    وعليه نود ان نعبر لك عن امتنانا..
    بس ياخوي دعوتك بتاعة جيب ليك كرتلة دي شرك..
    يضاف لي شركك بتاع الترفيه عن النفس..
    انا لو اصلا برفه عن نفسي ما كان جاتني هذه الهتاويل..
    اخوك بعد ده حيقالع الايام والناس وهذا الزمان الردي..

    شكرا ياحبيب تاني وتالت على هذه الغنية الموجعة


    دكيكين,,

    تسلم يا حليو على حلو كلماتك,,
    الشرك يا صاحبى كان فى (عشرة) البارحة,,
    لقيتك عندك عمى ألوان,,
    وطششان شبكات,,
    ومقدرة ضعيفة على تحديد الأهداف,,
    وتركيزك تعبان,,,,
    وضعف شديد فى ضرب الأهداف المستترة,,
    خاصة تلك التى تحتمى بالحيطان,,
    فأكثر من التمارين,,

    وبعد علاج ما ذكر أعلاه,,
    كلو ببقى هين,,,

    ويمكنك أن تنسى موضوع (الكرتلّة),,
    لكن الترويح عن النفس مهم كما اسلفت,,,


    ولا تعيب الزمان يا صاح فما لزماننا عيب سوانا,,


    تحياتى,,,
                  

01-23-2009, 11:17 AM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15087

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: DKEEN)

    والله يا دكين
    انا متابع البوست دة من اول ما بديت تكتبو لحدي مداخلة الزول القدامي
    ولي هسي ماعارف الممكن يتقال في المقام دة شنو ؟




    الله عليك يا دكين

    انا برضو شاكر للزول النزل الاغنية

    ياخ شكراً شديد
                  

01-23-2009, 03:00 PM

Hatim Yousif
<aHatim Yousif
تاريخ التسجيل: 06-17-2007
مجموع المشاركات: 697

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: خضر حسين خليل)


    Quote: والله يا دكين
    انا متابع البوست دة من اول ما بديت تكتبو لحدي مداخلة الزول القدامي
    ولي هسي ماعارف الممكن يتقال في المقام دة شنو ؟




    الله عليك يا دكين

    انا برضو شاكر للزول النزل الاغنية

    ياخ شكراً شديد


    .. 2.....

    ...
                  

01-23-2009, 12:08 PM

سفيان بشير نابرى
<aسفيان بشير نابرى
تاريخ التسجيل: 09-01-2004
مجموع المشاركات: 9574

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: DKEEN)


    بالواضح كده يا عمر الفاروق
    أنا دخلته هنا عشان محمد ميرغني
    ده لانوقبل سنتين كان ناقص في الكتابه دي

    أما موضوع دكين
    فلله عباد يأتون للحياة ويلجون فيها
    لهم سيماء في ملكة محددة لايقفون لها
    علي أثر ويخوضون في سكك متشابكة ولان
    السر سر ناموس علوي فلابد أن يتحقق
    بطريقة أو اخرى لذا السر لدي دكين
    هو سر الكتابة وليس الحبيبة الغايبة
    ولانه درويش ساي فاكر انو الموضوع
    حبيبة .
    اذاً سيطول شقاه وشقائنا في هذا الدرب
    إذا لم ينتبه .
    فقم إلا كتابتك يرحمنا ويرحمكم الله

    يا دكين اها قول لقيته تاني ح تكتب
    شنو ؟
                  

01-23-2009, 01:49 PM

عصام علي أحمد
<aعصام علي أحمد
تاريخ التسجيل: 07-16-2006
مجموع المشاركات: 2419

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: DKEEN)

    النداء الاخير للسني دفع الله واحلامه
                  

01-23-2009, 03:30 PM

jini
<ajini
تاريخ التسجيل: 02-05-2002
مجموع المشاركات: 30716

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: DKEEN)

    Quote: تقول "الرسالة" في اخر زيارة لمنزلها في نواحي الكلاكلة الوحدة: "ماجيتـنا الدور ده مِـنكَرِب ياعبد العزيء"..هكذا دون نطق الحرف الاخير(ز) بوضع همزه مكانها، فالرباطاب لاينطقون اخر الكلمة !!

    دكين الخترى
    تكون قاصدة عبدالعزى (أبولهب)
    يلزمك أم جميل
    وآيتها فى جيدها حبل من مسد!
    القراءة لك متعة ما بعدها متعة!
    العرس ملحوق مادام 34 بس!
    ___________________
    حاتم يوسف
    ليك وحشة!
    علومك شنو!
    قول لى دكين المطرطش دا فى ناس حنة الطهور أول حنة وآخر حنة ليهم!
    جنى

    (عدل بواسطة jini on 01-23-2009, 10:56 PM)

                  

01-23-2009, 03:39 PM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: DKEEN)

    Quote: بخصوص بناتنا حبابك الف انا غايتو عندى اتنين واحدة فى الثانوي دا انت ما بتفع معاها والثانية فى الابتدائى دى لو بتنظرها غايتو نحاول من الان نجهزها لتقبل المصير المجهول ، وفى الوقت داك حتنطبق عليك قصيدة( ياعمو لا شن جاب شجرة القرض للسوسنة ).


    قلت لي تدوير مربعات
    تربيع داوئر ؟


    اتفضل ... تدوير نفس النظرية الفلسفية بتاعتي الواردة اعلاه مع مثال حي: بناتو
    واحدة ما بتنفع معاك و التانية احتمال ايوه احتمال لأ...

    فرصك بدت تقل ... إلا اعرسك انا لوجه الله تعالى بعد ده ...

    ____________

    يا دكين،
    ليه ما رديت علي قبيل؟ تغى منك ولا انا فهمتك صح كالعادة؟
                  

01-23-2009, 04:58 PM

احمد العمار

تاريخ التسجيل: 11-05-2006
مجموع المشاركات: 2035

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: عزاز شامي)

    Quote: اتفضل ... تدوير نفس النظرية الفلسفية بتاعتي الواردة اعلاه مع مثال حي: بناتو
    واحدة ما بتنفع معاك و التانية احتمال ايوه احتمال لأ...
    بالله اقنعيه بان الفرص فعلا تضيق مع مرور العمر ، وأنى له ناصح امين









    نقوليهو الحق نفسك واكسب زمنك وهو لسه عايز ينقى ويعزل لمن يلقى خيار ( من طرف ) دا زاتو فى تلتلة .



    تحياتى / اختى الكريمة عزاز

    أحمد العمار
                  

01-23-2009, 07:32 PM

خدر
<aخدر
تاريخ التسجيل: 02-07-2005
مجموع المشاركات: 13188

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: احمد العمار)

    يا فنان

    يشهد الله كتبت ليكـ رد مطول شارحا ما التبس في ظني منكـ و مصححاَ لبعض هناتكـ هنا و هناكـ علي نحو
    Quote: والفرج هنا مقصود بيها المهبل:

    و شامتاَ في خطوطـ دفاعكـ الذكيات و داعماَ للمذيد منها في
    Quote: والشتاء عموما فرصتي في كل عام

    كما و قسوت عليكـ في حنانكـ المدفق وراء ذكريات لحِسان تفرقن في أنحاء المعمورة ولاذلن يذكرنكـ بكل خير و هن يرفلن في حِوي الـ ( شقابن العتامير) , هنا
    Quote: دغلٌ من الجهنميات واقباط وحوش وباب حديد مزين بي حديد ..ثم بخور لبان وضل الشتاء وحيطة مهملة لي بيت من بيوت البعثة المصرية في نواحي الخرطوم غرب..
    ومن ثم بيوتاً اخرى:
    بيت ناس داليا خيري في العمارات.. حوش السيدة الفضلى سعدية الصلحي بنباتٍ متسلق يزحف على مغرب العباسية وجدرانها..طرفٌ من مدخل بيت ناس مي عاطف في نمرة اتنين واشجار متشابكة شديدة الخضرة عند المدخل في بردٍ شديد وليلِ بعيد..

    و عرجت مع لغتك|ـ العالية الي ادب ابونا حاج الماحي وتجاذبنا اطراف حديث لطيف
    لكن , بدون مؤاخذه, حضر خالد و(خالد طفل حاقد لم يتجاوز السنتان ) وهو يحمل اصبعه الشهير مصوبه نحو الكمبيوتر حيث اجلس منهمكاَ, و اظنكـ متفهم لما حدث بعدها.



    __
    95% ساقضي معاكـ ويكـ اند طويل في ابريل القدامنا ده في داركـ بدوحه طويل العمر آلـ تاني !؟
                  

01-23-2009, 07:35 PM

خدر
<aخدر
تاريخ التسجيل: 02-07-2005
مجموع المشاركات: 13188

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: خدر)

    Quote: 95% ساقضي معاكـ ويكـ اند طويل في ابريل القدامنا ده في داركـ بدوحه طويل العمر آلـ تاني !؟

    فترقبونا




    __
    غالبا حا يكون معاي ضيوف جميلين
                  

01-24-2009, 00:14 AM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: خدر)

    حنرد على طروق ده قبل الجميع لانو اذاع خبرا جميلا عميقا كصوته..

    فالمعذرة
    ياطارق في ابريل دي تبع الكضبة ولا انتا جاي جادي
    ياخي الدوحة ترحب بك مغنى فمغنى..
    تعال وحبابك ضيفا عزيزا ..
    انا من هنا لحدي ابريل حاجتهد عشان ابقى زول عرس..ونغني سوا..
                  

01-23-2009, 08:37 PM

حنين للبلد

تاريخ التسجيل: 06-04-2003
مجموع المشاركات: 4796

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: DKEEN)

    يادكين


    ماتعصر على روحك كدة...وخلي النداء قبل الاخير..


    ولا أقول ليك

    "عوووووووووووووووووووووووووك "




                  

01-23-2009, 11:01 PM

Elawad Eltayeb
<aElawad Eltayeb
تاريخ التسجيل: 09-01-2004
مجموع المشاركات: 5318

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: حنين للبلد)



    ما بتدي حريف
                  

01-28-2009, 04:42 AM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
النداء الاخير (Re: DKEEN)

    الهكر اظنو كوراكي ده جاهو في صمة خشم بتو..














    الذين تداخلوا لهم الشكر الجزيل..
    والذين كتبوا بعد حين لهم وافر الشكر الجزيل..
    والذين استنكفوا اهو المؤتمر انشالله ينفعكم..
                  

01-28-2009, 09:45 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخير (Re: DKEEN)

    Quote: ( اللواتي تولين عنا وضيعننا كن خير النساء).

    دا بعض من كلام الشاعر الشلال ودالمكي يا دكين ، ودالمكي قال ( ويُكذِبُنا الحزن حين يعلمــــنا
    أن خير الليالي مضت دون أن يطلع الفجر فيها.. حتى وصل إلى : أن اللواتي تولين عنا وضيعننا
    كن خير النساء ) بمعنى أن تلك المقولة بعض من كذِب الحزن ومن ثم يكون صدق الحزن، وفقا للقصيدة
    ، هو أن اللواتي تولين عنا لم يكنَ خير النساء ، ولكن بعضهم يرى ، فيما يرى الحالم، غير ذلك تماما .
    يا عبدالعزيئ ، كلامك كلو عاجبني ، وعاجباني الحاله الإنت فيها دي لأني بَدورا للزول البِريد ،
    فالضريبة الإسمها البهدله هي بعض من الآدد فاليو للوله VAT وبرضوعاجبني كلامك لأنو(النداء)
    صِيغ بلغة تركُل النضمي العادي وأنا زي ما قُتَّ ليك بيعجبني الكاتب البيخُج بُخسَة الكلام لامن
    يطلِِّّع سمن النضمي الخام و (فُرصَتو) ، الكاتب البيأشِّر شمال ويلف يمين ويصحِّي الراكبين جُوّه
    اللوري ويدفِّق الراكبين في التَنده * ، يعجبني الذي يتبنى اللهلهه في انتظار المعشــوق
    أين كانت إحداثيات المنتظَر والمنتظِر، مشرور في العتمور أو في ركن المدرسه ، يعجبني الذي
    يشاقق بين البيوت يجاهر بحالو زي آرثر ميللر يكورِك بين شوارع هوليوود : ياناس أنا مكتول
    في بيت مونرو ، زي الزين لما يجري حفيان في جيبو بركاوي ويبكي وينوح ويصيِّــح رافعا راية
    استسلام ريتشارلز مع عرضحال فحواه Unchain my heart , set me free.
    يا عزئ ، كلام الناس الفوق دا ما ترميهو البحر ساي رغم أن بينهم من لم يمر بحالتك ، فليس
    من سمع عن الحرب كمن خاضها ، بس داير أقول ليك على رسلك يا هذا، نحن أصلنا ناس محبّه زول
    نعـزو وزول ( نزيدو) حتى لو لم يكن الزول دا موجود أصلا ، مش متذكر وداللمين قال قلبي عاشق
    ودربي خالي من حبيب ؟ نحن بنعيش (حالة) مستدامة إسمها الحب وبنعمل ليها بروجكشن على أول
    واحده تبتسم لينا حتى لو كانت مستهبله، إصبر وصابر ورابط ، ياخ إنت هسه كان كنت عرستها
    ما كان أنا كتبت ليك ولا كنت إنت كتبت في الموضوع الخطير دا زاتو ، يمكن كان هسه تكون في سوق
    الخدار، أنا عايز ليك البنت (المغنسيوم) التي تشع من الداخل كما قال أحدهم ، لكن في الوقت
    ذاتــه يجب أن تتذكر أن العناصر الكيماوية في الجدول الدوري كلها قابلة للتحول.

    _______
    *
    التنده يا (عزاز) هي (بلكونة) اللوري سفنجة كان أو فارقو أو أبيض ضميرك قبل ما يجي النيسان والزد واي و .. اللوفتهانزا.
                  

01-28-2009, 10:02 AM

فريد ودالمسيد

تاريخ التسجيل: 12-18-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخير (Re: DKEEN)

    الأستاذ دكين
    لك التحية والتجلة والإحترام
    رغم إنني من الأعضاء القدامى بالمنبر ولكن دخولي للرد قليل جداًً فبكل صدق كل شتاءآتك بتفاصيلها الدقيقة قد إستوقفتنى معجباً ومستمتعاً بالسرد واللغة رغم انني قليل سرد وضعيف لغة ..تحية لك وأنت بتلقائيتك تفرض على الآخرين التواجد هنا للقراءة وذلك من أجل الفائدة والمتعة معاً..
    تمنياتي بأن تسمع هي هذا النداء الصارخ ..
                  

02-03-2009, 09:35 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخير (Re: فريد ودالمسيد)

    اخونا ود المسيد
    صدقني انا كاتب كلامي ده راجي الخير..
    لا قاصد السرد ولاقاصد الادب..
    مشكور على مرورك بهذا النداء املا ان تمرره لمن ترى انه اهلٌ له وتكون خدمتني


    :)
                  

01-28-2009, 10:25 AM

إيمان أحمد
<aإيمان أحمد
تاريخ التسجيل: 10-08-2003
مجموع المشاركات: 3468

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخير (Re: DKEEN)

    Quote:
    الهكر اظنو كوراكي ده جاهو في صمة خشم بتو..


    الذين تداخلوا لهم الشكر الجزيل..
    والذين كتبوا بعد حين لهم وافر الشكر الجزيل..
    والذين استنكفوا اهو المؤتمر انشالله ينفعكم..

    يادكين والله رديت ليك رد بي مزاج، وقريت كتابتك دي يمين شمال لما اتمحنت. بس الرد شالو السيل (ما المؤتمر)!!
    غايتو بعيد ليك منه:

    أحسن الله عزاءكم يا عبد العزيء.
    There you go

    Iman
    (مبروك عليك بت الهاكر، أهو البوست جاب تمنه. ان شاء الله هكر مال وعيال :))

    (عدل بواسطة إيمان أحمد on 01-28-2009, 10:26 AM)

                  

02-03-2009, 09:42 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخير (Re: إيمان أحمد)

    ايمان

    ياستي ولا يهمك ترديهالي يوم حنتي على بت الهكر ..

    ياخي بالمناسبة بروفايلك ده هل هو عبارة عن لحمة (ستيك) في شدرة؟؟
                  

01-28-2009, 03:13 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
النداء الاخـير (Re: DKEEN)

    الاخوان بالمنبر العام : البورد اموروا جايطة الرد عليكم محض مجازفة..

    البنات في السمنجر الداخلي: كلام خاص شديد ماعايزين ..براكم شايفين الحاصل..وكل بت فيكم معلقة من عرقوب مسنجرها..

    الاصحاب في المسنجر: مليون مرة قتا ليكم المنسجر ده ماليكم..
                  

01-28-2009, 08:03 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخـير (Re: DKEEN)

    Quote: السمنجر الداخلي

    Quote: الاصحاب في المسنجر

    Quote: المنسجر ده ماليكم




    أعرفت لِم (شالا ود كلية الخبير ساقا شقابا العتماير..) ؟
                  

01-28-2009, 08:37 PM

Marouf Sanad
<aMarouf Sanad
تاريخ التسجيل: 12-02-2004
مجموع المشاركات: 4835

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخـير (Re: محمد المرتضى حامد)

    دكين

    اهلا

    في واحد صاحبك ضرب لينا تلفون قبل فترة
    سألتو منك, قال لي الزول دا اليومين دي
    بقى غنيان, واصلا هو ما بظهر الا` يفلس

    يا زول امشي فلس غادي غادي
    ما تفلس لينا هنا

    أو كما قال جدا لينا لصديقه شاعر الحقيبة العبادي, وقد خرج الشاعر لتوه من
    السجن الاستعماري:
    العبادي غادي غادي**قالوا السجن بعادي

    (عدل بواسطة Marouf Sanad on 01-31-2009, 09:57 PM)

                  

01-31-2009, 07:56 AM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخـير (Re: Marouf Sanad)

    اي بنيتي..

    ابقى مارقة..فالطرف صار اقرب مما تتصورين..
    ماتدللي بي قصة جونا ضيوف في البيت ومعاي تلفون وتودري زمنك وزمنا ايامنا وايامك..
                  

02-01-2009, 02:45 AM

خدر
<aخدر
تاريخ التسجيل: 02-07-2005
مجموع المشاركات: 13188

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخـير (Re: DKEEN)

    لامني فيك الوالي واللّ ما بيسوى
    وكل من يأوى لي
    لست اعبأ بى زخرف الأقوال
    برضي في التبريح والبكى المتوالي


    قسما بها التي لم تأت بعد يا عزيز , كلما اقراء نحيبكـ هنا و هناكـ اخربش اضابير حاسوبي الاخرق
    علني اعثر علي ضالتكـ فيه ولا مُغيث . غنيتها و انا في عز ازماتي السابقات حتي صرت لها كارها
    و لايامي تلكـ من فرط تطابق الحافر فما اقسي ان نتودد او حتي نتوق لهن و هن عالمات , حينها يتدللن
    و تنساب أنهر القصائد مِنا و تسير بسيرتنا الركبان و نصبح حينها نهبا لقطيع الاوغاد آكلي لحوم البشر.

    فلا تبتئس يا صديقي فصاحبتكـ آتيه لا ريب فيها ان تبقي فيكـ رمق و قطعا حا تطلع دينكـ (دلال و نقه
    و رومانسية مٌبتسرة ) تماما كما رسمت لهن الدراما المصرية خارطة الطريق و عبدتها بوقتنا الثمين
    فتسلح قدرما استطعت لتلكم الايام

    النسيم هبالي يا حسينة الذات
    الجمر هبى لي ياحبيب رحماكـ
    لا تزيد بلبالى
    ولا تكون شكواي موية في غربال




    __
    رحم الله ابونا الشاعر ودالرضي
                  

02-01-2009, 07:51 AM

jini
<ajini
تاريخ التسجيل: 02-05-2002
مجموع المشاركات: 30716

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخـير (Re: خدر)

    قالوا وما خطبكم يادكين الوغد والشمشرجية أهل الشمار دراشه وناعمه!
    قال دكين لافض فوهه: سنجهجهم بالمسنجر!
    جنى
                  

02-01-2009, 08:15 AM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14611

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخـير (Re: jini)

    كيف أنساه دكينا,



    مذ لقانا كان فينا,
    وافر الصبر مكينا

    مشرئباً للمعالي
    باذل النصح ثمينا

    كان صنواً ألمعياً
    كيساً رحباً حنونا

    غاب عنا وتناسـى
    زمناً فـاق سنينا

    وسألنا ما دهـاه
    ماالذي أردى دكينا

    فتخلى عن ريـاض
    هي خير من مدينة

    قيل يا هذا تعزوا
    وخذو الصبر قرينا

    أو سلوا عنه جلالاً
    فهو بالسـر قميناً



    أحمد الشايقي
                  

02-01-2009, 10:16 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخـير (Re: أحمد الشايقي)

    إعادة يا خدر:
    Quote: وأن الأماني إذ نشتهيها
    تعلقنا من سراويلنا في الفضاء

    تعرف يا خدر ، ودالمكي دا زي إبن الحنفية وتلامذته ، كان يفتي في الفقه لمسائل
    لم تقع بعد ، كان يتنبأ لأمثال دكين كنوستراداموس ، أها هسه موضوع الأماني التي
    نشتهيها وتعلقنا من سراويلنا في الهواء وتخلينا في حالة شهقة ناقصة ، دا
    بالضبط الحصل لدكين وحاصلة لناس كتار فايتِّنو بالصبر ساي.
    بالفعل ودالمكي قَلَب الهوبه وألحقها بسمرسولت في التشبيه ، بس دكين زولتو دي قريبه
    منو وبعيده ما قادر يصلا ، تُدنيها منه الأماني والأخيلة ويبعدها عنه الواقع الفاجر السادي
    السادر مدا وجذرا فيما يعرف بال tantalization على موجة بث طولها جنبك ومشتهيك ياعيون
    وقال عنها جمَّاع أنت السماء بدت لنا ومدت لينا لسانا ، حالتو تريِّح يا خدر ، القاعد وسط روحو
    وضهبان ومُعَلَّق من سراويله في الهواء ، رددت صدى صيحاته الأسافير وما من وجيع أو مجير .
    اللهم اغسله بالماء والثلج والبرد.
                  

02-01-2009, 11:13 AM

Hatim Yousif
<aHatim Yousif
تاريخ التسجيل: 06-17-2007
مجموع المشاركات: 697

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخـير (Re: محمد المرتضى حامد)

    أضعف الإيمان في مساعدة صاحب الحاجة ....
    رفع البوست عالياً ....



    ....
                  

02-01-2009, 11:32 AM

عبد اللطيف بكري أحمد

تاريخ التسجيل: 11-13-2005
مجموع المشاركات: 7394

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخـير (Re: محمد المرتضى حامد)

    Quote: كيف أنساه دكينا,

    مذ لقانا كان فينا,
    وافر الصبر مكينا

    مشرئباً للمعالي
    باذل النصح ثمينا

    كان صنواً ألمعياً
    كيساً رحباً حنونا

    غاب عنا وتناسـى
    زمناً فـاق سنينا

    وسألنا ما دهـاه
    ماالذي أردى دكينا

    فتخلى عن ريـاض
    هي خير من مدينة

    قيل يا هذا تعزوا
    وخذو الصبر قرينا

    أو سلوا عنه جلالاً
    فهو بالسـر قميناً

    أحمد الشايقي

    قد سألناه جلالاً
    واستعرناه يقينا

    وحذونا حذو طائر
    بل وزدناه سفينا

    كي نلاقي منه عزاً ً
    أو يلاقينا دكينا

    قد وجدناه تبدل
    (ساح) دوحٍ ٍوسمينا

    وتبارح في الهوى
    (متعةًً):(فيه) سنينا،،
    ==
    الله ياجركم في مصابكم مولاي احمد الشايقي،،
    ==
    عزيز:
    مسنجري أمانة في رقبتك من الهكر ، وتاني التووووبة،،
                  

02-01-2009, 11:42 AM

saadeldin abdelrahman
<asaadeldin abdelrahman
تاريخ التسجيل: 09-03-2004
مجموع المشاركات: 8857

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخـير (Re: محمد المرتضى حامد)

    امانيكم دي مشبكية يا مولاناز -كما تجمع في الانجليزية..استاذ الموصلي ينهنه امانيه السندسية و انتو تمرقوها في التدبير المنزلي و السربادوب، عفيت منكم! يا عزيء اخوي..لقيتها ليك بس كلمني اول، اي حبيبة لك كانت تستطيب قول المفردة(اكزست)؟
                  

02-01-2009, 11:42 AM

saadeldin abdelrahman
<asaadeldin abdelrahman
تاريخ التسجيل: 09-03-2004
مجموع المشاركات: 8857

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخـير (Re: محمد المرتضى حامد)
                  

02-01-2009, 12:53 PM

Dalal Ezzaldin
<aDalal Ezzaldin
تاريخ التسجيل: 06-19-2008
مجموع المشاركات: 1406

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخـير (Re: saadeldin abdelrahman)

    عمنا دكين


    قال احدهم ..

    ما المصير الا قرارات تتخذ بمحض الاراده


    Quote: ما يا كمان القاك او.. ماالقاكي عشان الواحد يحسم قصتو ويعرس من طرف..


    لو عايز رأي ...

    انت ما صبرت الوقت دا كلو عشان تجي تعرس من طرف , صبرك تمو ... للاخر
                  

02-01-2009, 01:25 PM

ALZOLZATOO
<aALZOLZATOO
تاريخ التسجيل: 03-14-2002
مجموع المشاركات: 4216

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخـير (Re: Dalal Ezzaldin)

    ياسلام يادكين ياخ

    يعني اسع لو كنت عرست ماكنا شفنا الكتابة الحلوة دي

    كتابة ممتعة واسلوب جميل وحنك سنين

    انشاء الله نهاية الشتاء هذا تكونا زوجين تحت بطانية واحده وتنزل من السرير بي اتجاه واحد فقط وخميساتك ما ح تكون ضكرانة تاني ح تشم رائحة البخور والدخاخين من مسافة ميل والبوصلة بتاعتك ما ح تخطئ ا لهدف

    ربنا يلم شملك انشاء الله مع من احببت بعدين ما في حاجة اسمها من طرف

    تحياتي

    زاتووووو
                  

02-03-2009, 09:58 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخـير (Re: jini)

    جني

    اخش من طرف؟؟
                  

02-03-2009, 09:56 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخـير (Re: خدر)

    تفتشا ويت ياخوي؟؟
    حاسوبك؟؟
    شنو هي انتا قايلا ايقونة ؟؟
    نهى وين هسي؟؟
    تخيل كان فيها ضحكة لو حبة كده سقتا من ريقها كانت بقت خرافة ..



    موعدنا الدوحة ان مد الله في الآجال
                  

02-01-2009, 02:36 PM

انعام عبد الحفيظ
<aانعام عبد الحفيظ
تاريخ التسجيل: 12-07-2005
مجموع المشاركات: 8738

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخـير (Re: DKEEN)

    Quote: اي بنيتي..

    ابقى مارقة..فالطرف صار اقرب مما تتصورين..
    ماتدللي بي قصة جونا ضيوف في البيت ومعاي تلفون وتودري زمنك وزمنا ايامنا وايامك


    الله يمرقها يا دكين





    ـــــــــ
    بوست دسم
                  

02-03-2009, 09:50 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخـير (Re: Marouf Sanad)

    مافي غيرو
    ابو زنيب العزيز

    والله طونا منو...الدوحة دي لو لمتو لينا تكون ماقصرت..
    بالعدم يبرا ام زيتب للارض الجديدة..ويصلك والدهنون
    قالو مصير المرمدين اللقيا



    معروف ماعندك لينا قريبة بتحب الكابلي وظي اللمبة؟؟





    والله بي شكلك ده ماظنيت..
                  

02-01-2009, 02:56 PM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: DKEEN)


    I posted this the night of the hurricane aka hacker attack & I am not sure if you’ve got the chance to read it .... Although I am not quite keen on your reading neither your interpretation, I am just placing my words form a “literary” point of view so to speak .. Just to keep the flow.. or let’s say an attempt to have some cohesive chaos
    Note: I am sorry for writing in English but I do not have Arabic keyboard. I hope below is explicit enough
    _____


    أيا دكين،
    أراك مستمرءا مطايبة الصحاب،
    و تقلب شماتة الآخرين في يدك حتى تستدير و تقذفها كرة على حائط مبكاك الذي بنيته بيدك ...
    فاتني المولد يا جنى، وهاهي يداي مرفوعتان للفاتحة بعد ان ملت الانتظار معلقة،
    الفاااااااااااتحة في احلامك و ما حوت ...
    عظم الله أجرك،
    والفقد جلل، وإن لم تنله يوما، إلا انه فقد ما دمت استبشرت به دوما حتى ظننته آت لا محالة ...
    اعرف تمام المعرفة صدمة اجهاض الأحلام وهي لسة صغيرة بتفرفر جوانا ..
    وموت اليوم في أوله ... بعرف التكة دي كويس ..زي جوع بطني ...
    أما فيما قد كان من جفا منكور و حردة مخطئ لا يلوي مبررا لما فعل، فقد عفينا عنك ...
    و نعتذر عن جريمة العشم و نبدي الندم فيما قد كان من ملية يدين بأن الاخوة باقية ما بقت الأرض و ظللتنا السماء
    و تسير بيننا يوم الموقف العظيم ...
    و نتوب من جهلنا بأن زوال الأخوة و العشرة قاب قوسين أو أدنى من فهم متعسر من لدن من ظننا اننا نعرف،
    و ان كان لا ناقة لنا في تلكم الظنون ولا جمل .... و قدر الله وما شاء فعل ..
    و لكنها الدنيا بنت اللذينا ..!
    التي سلبتك فتاة احلامك و اهدتها للسعادة عوضا عنك ...
    هي الدنيا بنت (......)
    خليني ارمي بلاي عليها زيك امكن اريح الطايوق الفوق ده من الحسابات و ملامة النفس .. ياها الدنيا بنت اللذينا الخاتية علينا ...
    زي ما هي ضنت عليك، هي تلك الدنيا زات نفسها التي تظل تلقي في طريقي خلان من ورق، و اخوان شمّات، و فرد ما هم فرد ...و العجب الثقاة اللي بيدونا للتعب على طبق من فضة .. فضة شنو .. طبق من ذهب و فوقنا رشة مكسرات و فستق حلبي ..
    الدنيا قاصداها معانا يا عزيز تصدق؟
    قاصدانا عدييييييييييييييل كده .. و انحنا ما مفروض نسكت .. المفروض نقعد نجدع حجار كلامنا الحار للكل، و للقريب قبل البعيد، و نحرق بنارنا البيطوله يدنا، والغريبة دايما بيكونوا قراب ..
    المفروض ما دام انحنا مدونين رسمي بالحبر الشيني في كشف المستفيدين من خصومات الأحلام،
    المفروض نفكها في أي شباك فاتح على الضوء، ونجيب الضلمة لغاية عندنا ...
    جوك جوك ده ما بنفع معانا .. نمشي ليهم انحنا و الترميهو السما تتلقاهو الواطة ....
    فهم يا معلم ..
    فهم يا مكسب، يا كبير، يا أخوي ... فهم...!!
    هو مدام ده فراش وبكى، و ناس تقدم ناس للباب، و القهوة مدورة .. حقو اجر كرسي ابكي انا كمان، وكما هي الحال دوما، نبكي في أحزان الآخرين حزننا نحن، نستلف منهم المناسبة نمسح فيها الاسى و نقش دموعنا في حضرة اساهم
    و نظهر حنونين .. حساسين، قلبنا رهيف و بكايييين ... قمة الانانية .. موش؟
    نفس الاناينة بتاعتنا لما نردم اصحابنا لوم على خطا ما كنا حنعرفه لولا عشمهم فينا في زنقة فضفضة ، وننسى انهم سكونا سك علشان يورونا محل الجرح وما كانوا عارفيت انو حندوسوا ليهم بعدين ... علشان ننتصر لـ (فاوست) المعشعش جوانا ...
    فاوست تطير عيشتو! و الصاحب تطير عيشتو ...المهم نخلي ليهم خشمهم ملح ملح من الشماتة، وننسى انو الناس دي عشمت فينا، ووثقت فينا، وورتنا الكان مستور في الحشا،
    بس طـــــــــــــــــــــــــــــــــــز كبيرة ....
    حريقة فيهم و في همهم و بكاهم ... المهم نطلع احنا الأبطالن المقرمين، البنفهما طاااايرة و نديها ليهم حارة ما بردت
    ما هي خربانة خربانة، شنو يعني لما نجي نليسها ليهم بحبة شماتة؟
    اها يا حبوب،
    يا فردتي،
    انا ما فارقة من الناس السالف ذكرهم، و بناء عليه، جيت ليّست ليك همك بحبة شماتة،
    لعلو ما حرقك يا صاحب؟
    اعفي لي ... النبي ...
    ما على قدر المعزة بتكون الشماتة ...
    و انت عارفني بعزك قدر شنو ... و قس على ذلك ...
    و ادعناك الله و رسوله و الانبياء ...
    ....
    ابقى عافية ومجنون،
    و الجنون قبل العافية، لان العافية تستوجب الجنون وإلا فهي فرفرة روح ساي ...
                  

02-01-2009, 06:17 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: عزاز شامي)


    ياخي يا سلام ياخ ..
    دكين و عزاز و مرتضى ..
    شوشوتونا كلام سمح ..
    أريتو الوجع الجميل صاحبكم كان بيمرق منكم دي السماحة ..
    أريتك يا الوجع تتحمد أخوتنا دكين و عزاز و اللي يمشي مشيهم حتى يطلع زيتهم فيطلعوا زيتنا ...
    فنطرب ياخ .

    القراية ليكم متعة متعة ..
    مقدرتكم على جرجرة الزول من لهاة روحو و سدحو أرضا لا تعدلها إلا .........................
    لذلك .. لكل ذلك , شاحد الله الكريم تكتبوا و تنعصروا قدر ما الله يدينا .



    .....
    يا عز ..
    ياخي لله و الرسول أحبك ..
    فتقبل مني ياخي .. و لمرتضى مثل نصيبك في الحب ..
    أما عزاز .. أما عزاز .. أما عزاز ..
    آمنتُ بالله .



    (عدل بواسطة Emad Abdulla on 02-02-2009, 08:02 AM)

                  

02-01-2009, 10:08 PM

الوليد محمد الامين
<aالوليد محمد الامين
تاريخ التسجيل: 04-10-2003
مجموع المشاركات: 1447

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: Emad Abdulla)

    Quote:

    وحيطة مهملة لي بيت من بيوت البعثة المصرية في نواحي الخرطوم غرب..
    ومن ثم بيوتاً اخرى:
    بيت ناس داليا خيري في العمارات.. حوش السيدة الفضلى سعدية الصلحي بنباتٍ متسلق يزحف على مغرب العباسية وجدرانها..طرفٌ من مدخل بيت ناس مي عاطف في نمرة اتنين واشجار متشابكة شديدة الخضرة عند المدخل في بردٍ شديد وليلِ بعيد..



    يادكين : يخيل لي في حالتك دي الطريق الي البيت أجمل من البيت .

    والا شنو ؟



    يازول انا كل ما اتذكر ساقا شقابا العتامير دي تأخذني شنو كده ما عارف !
                  

02-02-2009, 07:42 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: الوليد محمد الامين)

    Quote:
    Quote:

    و تقول لي النداء الأخير؟

    أها يا رحلة لوفتهانزا ...!!

    :D :D



    لم يعدل بسبب الجهل الالكتروني

    (عدل بواسطة بت قضيم on 02-02-2009, 07:46 AM)

                      

02-02-2009, 10:04 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: بت قضيم)

    Quote: النداء الاخــير

    لا أظن.




    ---------
    (كلنا قد تاب يوما ثم ألفَى نفسه قد تاب عمَّا تاب)
    - مظفر النواب -
                  

02-02-2009, 10:14 AM

Baha Elhadi
<aBaha Elhadi
تاريخ التسجيل: 03-29-2008
مجموع المشاركات: 879

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: محمد المرتضى حامد)



    دكين :
    قليل من اليقين وكثير تهور يفيدان في مثل حالتك
    التوبة مشروع مفتوح
    زمانها أبدي
    ما تتوب قريب وإلا الجنون ... الجنون
    محمدك
    لا أؤمن بالنداء الأخير
    الطائر لم يزل يحلق فما في داعي للسربعة
    وتقفل الأبواب
    مادام هناك طرقات وزقاقات و شوارع متاكي فيها الجنمية
    ما أظن الرجعة صعبة عليك

    عتاميرك شايلها معاك في روحك
    شقها بتصل
    لبنت الذين نحبهم
    عشانا
    بهاء/طوكيو
    كلنا ذاك الرجل الشتوي
                  

02-02-2009, 02:34 PM

سارة علي
<aسارة علي
تاريخ التسجيل: 07-08-2008
مجموع المشاركات: 4413

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: Baha Elhadi)

    دكين...

    طنش..

    تعش...

    تنتعش....


    اسمعني دايرة ليك رقم تلفون..
                  

02-02-2009, 09:12 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: سارة علي)

    سارة رفيقةالايام السمحة

    الرقم كالاتي:
    من اليمين للشمال
    00974 ده مفتاح قطر الدايما شغل بالك وبال ناس عبادي ..
    بعد ده كالاتي:
    عدد حروف الحتة الكانت ساكنة فيها صحبتي وصحبتك العرفتني عليك.. ده الرقم الاول..
    الرقم التاني صفر
    الرقم التالت عدد حروف الاسم نفسو
    الرقم الرابع عدد حروف الاسم - 2
    الرقم الخامس عددحروف الاسم - 3
    والرقم السادس نفس الرقم الخامس
    وحسب معزتك لي الاصحاب حتعرفي الرقم..
    ولو امريكا نستك صحبتك وماعرفيتها اناذاتي تلفونك ماعايزو..ولو قدرتي عرفتيهو ياكي سارة اخت البنيات العرفتها..

    كان ممكن ارسلو ليكي في المسنجر الداخلي بس السيد الهكر وغد زيي وزيك واحد..
    وانا رقمي ده بعتبرو عورة..
    وانا ماعندي ايملك اصلك من مشيتي الارض الجديدة طغيتي ..


    سلام شديد يا بت ومعزة بطول ايامنا ديك..



    تم التعديل لاجل عبادي

    (عدل بواسطة DKEEN on 02-03-2009, 05:01 AM)

                  

02-02-2009, 08:35 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
النداء الاخير (Re: DKEEN)

    البت التي تسع من الداخل

    البت المغنسيوم

    ياموحمد

    يبدو وصفا جميلا جذابا ويغري بالحلم والانتظار..بيد انه يظل حلم ..فليس ثمة بما وصفتت..
    والالم انو كل البنات شايفات انهن بشعن من الداخل وانهن الامل المنتظر لكل زي رايحة..
    والبؤس انو كلناكرجال شافين انو نحنا بنستاهل احسن من ماهو موجود وماهو مقسوم..


    وربما لو لم يتولين عننا لما كن خير النساء..
    ان خير النساء لاوجود لها ..وانما هي في خيالنا الجميل..
    وكل من تولى يظل علقا بذاك الخيال الجميل كوننا لم ندركه..
    وربما لو ادركناهن لكن زيهن زي غيرن..

    يامحمد ان القناعة بالمقسوم رضىً ونعمة..
    واذا اراد الله بعبدِ بؤساً زين له فيمن مضين من النساء الخير كله والاماني..

    كل ما ظل بعيدا عن متناول اليد فهو رهين الخيال الجميل..

    فماتبرا الخيال..انا اكتويت منه ولا ازال




    محبتي يا مرتضا..
    فانا قد احببت مالا يجب ان اصبو إليه..
                  

02-02-2009, 09:58 PM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
؟؟؟ (Re: DKEEN)

    أثنان يستفيدان من ظلام الليل البهيم، الحرامي ... وأنا (ينفع عنوان بوست)
    قرأت هذا البوست على مراحل خلال نهاري الطويل المكرر المملل.. حتى وصلت لردود عزاز شامي،، وتساءلت بيني وبين شيطاني اللئيم.. عزاز دي مرة واللا راجل واللا كافي بلا؟؟
    الصورة السمحة دي حقتها واللا حقت إعلان واللا حقت جارتها الحليوة قاشرة بيها؟؟؟
    فكر مخي بأنها صورة أي داهية ما إلا أن تكون هي نفسها "عزاز شامي"
    قرأتها المرة الأولى وضحكت
    وقرأتها المرة الثانية فخرج شئ لا هو ضحكة ولا هو بكاء
    خشم معوج
    تنازعني شعوران متناقضان،، أني اعجبت -لا شك- بما كتبت،، وأني – لا محال- انغظت منها،، وتعز عليا نفسي المغرورة بنفسها دوماً أن أخونها – نفسي- فاعترف وأقول أني شعرت بغيرة أنثوية منها..
    وها ذا الليل البهيم ازف.. وزفت معه طقوسي الجنونية،، ارمي الجزمة – لامواخذة- هنااااك
    وانكش شعري فأحس براحة من يمد لسانه لعالم غياظ يحكم دوماً على الأشياء بمظاهرها الخداعة الزائفة
    اتحدث صراحة،، يفك الليل ساجور لساني فاحق القول واحق المشاعر وأحق الحق وانا هانئة بإطمئناني مرتاحة بتأكدي أن كلام الليل حتماً يمحوه النهار،،
    امد لساني لعالم ثقيل،، سمج،، يتشدق بلغويات،، كلام عن الدواخل وأشياء من نوع جمال النفس وحقيقة العاطفة وبند الحنان والعشرة وزفت الطين وال.. ميتين..
    ثم وعندما تحين ساعة النطق بالحكم،، يحكم بما يرى ،، وبما يرتدى ،، بما يلبس ، بطريقة الكلام تصنعاً كان أو خيال،، يحكم حتى على كيف يؤكل الطعام،، لا ما هو الطعام،، إن شاء الله يكون تركين حتى..
    بصراحة وإحقاقاً لحق الليل عليا يا عزاز شامي،،
    أنا كرهت جمالك لله فالله..
    أنا الأنثى بداخلي،، اعترف،، وانا اعلم اني في الصباح حافاجأني واضايقني باعترافي العلني بأني كرهت حنانك..
    عذراً إذ لازم اقول،، ينعل جمال كلماتك
    كرهتينا الحنان يا منقة
    وأما قبل
    يعز عليا والنوم يداعبني بشراسة أن افكر،، يدهشني في تلك اللحظة العذبة في بداية النوم أن اكتشف أن عقلي ما زال يعمل ويئن ويلح ويصر ويصرصر
    يلعن أبوه إن شاء الله
    يعز عليا أن انط من عز بداية النوم اللذيذ وانا مدهوشة أني حقيقة بصراحة أفكر في بت ناس لا اعرفها أول مرة أقرأها بغيرة وكراهية لجمال تميزها
    يعز عليا أن أكتشف بعد تشدقي الكثير نهاراً وجعيري وهبوب صوتي في كل من هب ودب عن الرحمة والعدل والمساواة والحق.. والحق اني حقودة لئيم
    اقوم كمن نام ثمان ساعات كاملات وبنشاط لا اعهده في نفسي وشيطاني الصغير يمازحني بأن هيييييييييييييه سأجوط اللوحة الجميلة هذه،، هييييييييييييه حاشخبط،،
    كنت أفضل أن اقول كطفل صغير يعشق اللاءات والمعاكسات والممنوعات فتمنعني نفسي الثانية الداعية للحق بأني لا طفل ولا يحزنون،، أنا زول كبير وعوير مسكين مدمر يغالبه نعاس من ناحيه ويشده صحيان آثم ليدمر من ناحية أخرى
    يا الفكي هاشم،، يا الشيخ البدوي
    جن رسمي واسمع يا دكين
    تعال يا ولد نقعدوا ليك
    أنا قلت صباحاً،، اني اقرأ بتصرف وتصور،، تصورتك معها،، تلك الضايعة التايهة ال.. .. قليلة الأدب الما لقيتها لسة
    واحتراماً للمصداقية،، كرهتكما معاً،، كرهت أن يعيش أحداً ما في دنيا ما تلك الصورة الدافئة التي رسمت
    كرهت أن تذكرني بهذا الحلم الجميل بعد أن عشته برجاء وإذ يدمره فجأة كابوس الحياة
    لازم اصحيك،، واكورك فيك،، اديك بوكس في وشيك الشين ده
    هذه الأماني العذبة لن تتعدى كونها أماني،، هذا الحلم الجميل المنمنم ،،كطفل برئ،، يجري هنا ،، يلعب هنا ،، ينطط هنا،، اناظره بحنان،، وحزن عميق،، واتنهد،، وادعو له عسى أن لا تصدمك حياة يا ولدي،،يصدمك الشيطان إن شاء الله
    دكين أنا بكرهك يلعن ذاتك زاتو ياخ
    قومي طيري نومي يا بت تطير عيشتك إن شاء الله
                  

02-03-2009, 05:58 AM

Hatim Yousif
<aHatim Yousif
تاريخ التسجيل: 06-17-2007
مجموع المشاركات: 697

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ؟؟؟ (Re: بت قضيم)

    Quote: أثنان يستفيدان من ظلام الليل البهيم، الحرامي ... وأنا (ينفع عنوان بوست)
    قرأت هذا البوست على مراحل خلال نهاري الطويل المكرر المملل.. حتى وصلت لردود عزاز شامي،، وتساءلت بيني وبين شيطاني اللئيم.. عزاز دي مرة واللا راجل واللا كافي بلا؟؟
    الصورة السمحة دي حقتها واللا حقت إعلان واللا حقت جارتها الحليوة قاشرة بيها؟؟؟
    فكر مخي بأنها صورة أي داهية ما إلا أن تكون هي نفسها "عزاز شامي"
    قرأتها المرة الأولى وضحكت
    وقرأتها المرة الثانية فخرج شئ لا هو ضحكة ولا هو بكاء
    خشم معوج
    تنازعني شعوران متناقضان،، أني اعجبت -لا شك- بما كتبت،، وأني – لا محال- انغظت منها،، وتعز عليا نفسي المغرورة بنفسها دوماً أن أخونها – نفسي- فاعترف وأقول أني شعرت بغيرة أنثوية منها..
    وها ذا الليل البهيم ازف.. وزفت معه طقوسي الجنونية،، ارمي الجزمة – لامواخذة- هنااااك
    وانكش شعري فأحس براحة من يمد لسانه لعالم غياظ يحكم دوماً على الأشياء بمظاهرها الخداعة الزائفة
    اتحدث صراحة،، يفك الليل ساجور لساني فاحق القول واحق المشاعر وأحق الحق وانا هانئة بإطمئناني مرتاحة بتأكدي أن كلام الليل حتماً يمحوه النهار،،
    امد لساني لعالم ثقيل،، سمج،، يتشدق بلغويات،، كلام عن الدواخل وأشياء من نوع جمال النفس وحقيقة العاطفة وبند الحنان والعشرة وزفت الطين وال.. ميتين..
    ثم وعندما تحين ساعة النطق بالحكم،، يحكم بما يرى ،، وبما يرتدى ،، بما يلبس ، بطريقة الكلام تصنعاً كان أو خيال،، يحكم حتى على كيف يؤكل الطعام،، لا ما هو الطعام،، إن شاء الله يكون تركين حتى..
    بصراحة وإحقاقاً لحق الليل عليا يا عزاز شامي،،
    أنا كرهت جمالك لله فالله..
    أنا الأنثى بداخلي،، اعترف،، وانا اعلم اني في الصباح حافاجأني واضايقني باعترافي العلني بأني كرهت حنانك..
    عذراً إذ لازم اقول،، ينعل جمال كلماتك
    كرهتينا الحنان يا منقة
    وأما قبل
    يعز عليا والنوم يداعبني بشراسة أن افكر،، يدهشني في تلك اللحظة العذبة في بداية النوم أن اكتشف أن عقلي ما زال يعمل ويئن ويلح ويصر ويصرصر
    يلعن أبوه إن شاء الله
    يعز عليا أن انط من عز بداية النوم اللذيذ وانا مدهوشة أني حقيقة بصراحة أفكر في بت ناس لا اعرفها أول مرة أقرأها بغيرة وكراهية لجمال تميزها
    يعز عليا أن أكتشف بعد تشدقي الكثير نهاراً وجعيري وهبوب صوتي في كل من هب ودب عن الرحمة والعدل والمساواة والحق.. والحق اني حقودة لئيم
    اقوم كمن نام ثمان ساعات كاملات وبنشاط لا اعهده في نفسي وشيطاني الصغير يمازحني بأن هيييييييييييييه سأجوط اللوحة الجميلة هذه،، هييييييييييييه حاشخبط،،
    كنت أفضل أن اقول كطفل صغير يعشق اللاءات والمعاكسات والممنوعات فتمنعني نفسي الثانية الداعية للحق بأني لا طفل ولا يحزنون،، أنا زول كبير وعوير مسكين مدمر يغالبه نعاس من ناحيه ويشده صحيان آثم ليدمر من ناحية أخرى
    يا الفكي هاشم،، يا الشيخ البدوي
    جن رسمي واسمع يا دكين
    تعال يا ولد نقعدوا ليك
    أنا قلت صباحاً،، اني اقرأ بتصرف وتصور،، تصورتك معها،، تلك الضايعة التايهة ال.. .. قليلة الأدب الما لقيتها لسة
    واحتراماً للمصداقية،، كرهتكما معاً،، كرهت أن يعيش أحداً ما في دنيا ما تلك الصورة الدافئة التي رسمت
    كرهت أن تذكرني بهذا الحلم الجميل بعد أن عشته برجاء وإذ يدمره فجأة كابوس الحياة
    لازم اصحيك،، واكورك فيك،، اديك بوكس في وشيك الشين ده
    هذه الأماني العذبة لن تتعدى كونها أماني،، هذا الحلم الجميل المنمنم ،،كطفل برئ،، يجري هنا ،، يلعب هنا ،، ينطط هنا،، اناظره بحنان،، وحزن عميق،، واتنهد،، وادعو له عسى أن لا تصدمك حياة يا ولدي،،يصدمك الشيطان إن شاء الله
    دكين أنا بكرهك يلعن ذاتك زاتو ياخ
    قومي طيري نومي يا بت تطير عيشتك إن شاء الله


    لا حولااااااااااا
    ود المرتضى / عماد عبد الله/ خدر / عزاز / بت قضيم .... رفقاً بنا ياأحباب ..
    إنتو بتكتبوا عشان دكين .... ولًلا عشانا نحنا كلنا؟؟؟؟؟؟
    مالكم مصحين الحاجات دي وبتفاصيلها عند الناس ؟؟؟؟
    دكين ... أشجعنا وأشجعهم ... على الأقل ... صرخ ...
    أما البقية الباغية (بالغين وليس بالقاف) ... فقد جنت(بفتح النون) على نفسها... كبراقش ...
    ...
    ..
    أقترح أن يتم إغلاق البوست بالضبة والمفتاح ... وإرساله الى مأواه ...
    ..
                  

02-06-2009, 04:09 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ؟؟؟ (Re: Hatim Yousif)

    حاتم يوسف
    سلامات


    انا اثنى اقتراجك بتاع قفل البوست ده..

    انا حاولتا ابكي القادم غير المختار
    فاذا بالناس تبكي المختار..
                  

02-03-2009, 08:56 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: DKEEN)

    بت قضيم ,,, تاني ما تكتبي إلا في هجعة الليل الظليم
    وخلي كتابة النهار للمؤلفة قلوبهم ولا يمتلكون حق النت في بيوتهم ..
    وناموا متوسدين باكر ..

    هؤلاء المفلسيّن بيتعاملوا مع صباح أي باكر انو ممكن يجي شايل بخت وبالعدم صبر،
    و كعادة البخت و الحظ ومن لف لفهم في التفنجط و التغى بيجو زي البوسطة بتاعت الأقاليم .. مكبوب فيها موية أو زيت ماسحة الكلام أو الظرف مفتوح و خلو ليك طابع البريد تذكار ...

    ما قاصدة امسخ عليك باكرك الشمسو تسيّح زبدة صدقك بليل ... بس لو مسختو ليك برضو مكسب، و شيطوني بيكون قادل فرحان ... كلنا ذلك الشيطون يا بنية من نور، انت فاكرك روحك هينة؟ انت زاتك بتتكرهي في حنانك زاتو من سماحة كتابة تغيييييييييييظ و حسي كمان جابت ليها صفاء سريرة ... عاد النصيحة كان بقى شعرك ناعم زي دعايات الشامبو ياهو الواطاتك اصبحت و ياهو الكملت و استحكمت حلقاتها و حلت عليك غضبتي يا هناية ...

    أما بعد،

    كرهك لي أريتو كره السرور يا يمه .. نكشة الشعر محمودة أكان بتطلق خيل الفكر تصل أبواب انفسنا المتلتلة في اغلال حديد ...

    عاد جيتيني في جرح في العالم الثقيل المسيخ اللزج اللاصقين احنا في اركانه زي الضبانة الرّاكة في حيطة جالوص في عز الصيف ...

    عاد ما بطني طامة طمومية العدو من الدنيا دي و العجب النمل الجاري فيها لابس هدوم و عمم و جلابيات و فساتين و قمصان مشجرة .. و بيطلع في التلفزيون و بيشك اقلام في الجيب الفوقاني ... النمل ده تحديدا بحس بيهو ماشي جوة نخريني و بيطلع دينــ ... حسي نتمها يقولوا (اصو المحس ما ليهم دين زاتو ) و كلام نوع (طبعهم ولا حيشتروه ..) غايتو انا نصيبي من تركة الدين اتنازلت عنو راضية للقائمين على بسط الأمن الشامل و الحادبين من ذوي الدقون المستديرة المستغفرين في النهار و الدّاكين في الليل، و الليل أبو الاسرار ,,, و ايضا تبرعت به للاتي لا يجدن غضاضة في نهش اللحم الحي و ايديهن تجر الطرحة تخنق شعرتين تلاتة مارقات للهوا و الشمس ...

    العالم ده يا بتي لا بيحكم لا سجم رماد ... ماشي على الـ autopilot على قولة الفرنجة و المتنطعين ...

    امبارح القريبات دي كنت في حديث مطول معاي و اتفقنا (انا) و (انا) انو العالم دي جنت خلاص وانو لا فايدة ترجي من محاولة فهم اسباب حكمهم أو عدمه .. (مافيش فايدة) على قولة سعد زغلول الله يرحمه و يبشبش الطوبة اللي تحت دماغه ...

    انا تعبت من السؤال و محاولة الفهم لتصرفات ناس راكبة فيل هندي كبير و ما دايرة تنزل تقعد معانا في الواطة ... ما تفتكري انا ما حاولت اتفاهم معاهم ... حاولت و جيت شالة جثة العشم في كتفي تنزف ندم ...

    وبصورة اكثر وضوحا ... محاولاتي اليائسة للتفاهم كانت اشبه بمحاولة شرح الديالكتيك لرضيع .. حيسمعني للآخر و ما حايقاطعني بس في النهاية حيقول لي (هيييغ هيييغ اغا اغه ... نيييي ) نفس الرد الكان ممكن يقولوا لأي عوير تاني بيلعبهو و يطيرو في الهوا ..

    ده قمة الاحباط .. مش دكين اللي بيقول ما لاقي عروس ...

    سنا يا أنا ..

    خلاص جاي مجدد للدعوة انت و حتم الما عملو نيوتن ...

    ياخي عرس من طرف ,,,

    انت بتهددنا ولا بتهدد الطرف ولا بتهدد العروس ولا بتهدد بت خيالك دي؟

    الناس دي كلها عرست من طرف بشكل أو بآخر و جابت شفع و صبيان و بنات حتعرس هي كمان من طرف بشكل أو بآخر .. فرقك شنو؟ ابن سبعة؟ ولا طرفك على راسه ريشة؟

    كلللللللللنا قاعدين في كنبة الاحتياطي راجين المدرب يكورك (نمرة 12) نجي ناطين نخش الملعب نشوت الكورة .. يا خشت جون .. يا قالو عليك مجنون ...!!
                  

02-03-2009, 10:46 AM

أيمن الطيب
<aأيمن الطيب
تاريخ التسجيل: 09-19-2003
مجموع المشاركات: 5845

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: عزاز شامي)

    Quote: وبصورة اكثر وضوحا ... محاولاتي اليائسة للتفاهم كانت اشبه بمحاولة شرح الديالكتيك لرضيع .. حيسمعني للآخر و ما حايقاطعني بس في النهاية حيقول لي (هيييغ هيييغ اغا اغه ... نيييي ) نفس الرد الكان ممكن يقولوا لأي عوير تاني بيلعبهو و يطيرو في الهوا ..
    ده قمة الاحباط .. مش دكين اللي بيقول ما لاقي عروس ...
    سنا يا أنا ..
    خلاص جاي مجدد للدعوة انت و حتم الما عملو نيوتن ...
    ياخي عرس من طرف ,,,
    انت بتهددنا ولا بتهدد الطرف ولا بتهدد العروس ولا بتهدد بت خيالك دي؟
    الناس دي كلها عرست من طرف بشكل أو بآخر و جابت شفع و صبيان و بنات حتعرس هي كمان من طرف بشكل أو بآخر .. فرقك شنو؟ ابن سبعة؟ ولا طرفك على راسه ريشة؟
    كلللللللللنا قاعدين في كنبة الاحتياطي راجين المدرب يكورك (نمرة 12) نجي ناطين نخش الملعب نشوت الكورة .. يا خشت جون .. يا قالو عليك مجنون ...!!
    وههنا تبدو قضية,,,,
    وما أكثرهن بنات أفكارك,,,,,يا دكين,,,
    وعزاز قطعت قول كل خطيب,,
    وايضا يبدو أن عندها الخبر اليقين,,
    صدقنى أحسن حاجة تتقال هنا,,بعد الروشتة الفوق دى,,
    (No Comments)
    (...................................)
    يعنى أكل نارك يا مان,,
    الكلام كمل يا صاحبى,,

    نشوفك بعد ما تعرس حا تعمل شنو !!!!!!!!!
    عامل كرعينك الإتنين شمال ديل,,,

    قال من طرف قال,,والقدح المعلق داك؟؟؟؟؟
                  

02-03-2009, 10:47 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
؟؟؟؟ (Re: DKEEN)

    لا وثقة
    ثقة عظيمة
    لهجة إنذار قائد نبيل يتواضع للعالمين
    يتنازل بأنه رغم القدرة على إبادة الشعب الكريم،، هناك نبل مقيم،،
    وهذا هو (النداء الأخير) ،، أن أخير ليك،، أحسن ليييييييييييييييييييك،، أن تضيع الفرصة العظيمة التي لو أمك كانت راضية عليك،، وادتك قدوم يوم حضورك للدنيا تتنهدين وتسكلبين،، سيقسمني الله لك ،،
    سأكون من نصيبك يا انتي
    أبشر يا ولد
    أيويويويويويويويو
    جيد لامك يا هناية
    ثقة كمساري وهو ينادي .... (درمان درمان درمان درمان ..) فلو لو لم يمتطي الراكب صهوة جواد الحافلة الجميل فسلن يمشي امدرمان.
    شفتي كيف؟؟!!!
    وفوق ده كلو يا دي
    يا ثغيلة
    تصدقي!!
    طلع النهار ورغم أن شهرزاد سكتت عن الكلام المباح !!
    رغم اني لبست الجزمة،،
    ما زلت أكره حنانك..
    لسه تنكرهي يا دي
    ووحات الشيخ هاني كان تردي علي.. ماش اتسمم اتغدا
                  

02-03-2009, 11:23 AM

المسافر
<aالمسافر
تاريخ التسجيل: 06-10-2002
مجموع المشاركات: 5061

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ؟؟؟؟ (Re: بت قضيم)

    دكين يا ولدي
    ما جبت سيرة القروش
    القررررش وين؟؟

    حول لينا بالبوستة
    بنرسلها ليك بالعربية...


    ( العربية مش لوري .. طيارة يا ولد .. طيارة.. )

    انت قايل الدوحة شدرة ؟؟

    دي بلد يا ولد
                  

02-03-2009, 12:34 PM

حمد فتح الرحمن
<aحمد فتح الرحمن
تاريخ التسجيل: 06-01-2005
مجموع المشاركات: 1996

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
النداء الاخــير (Re: DKEEN)

    Quote: على قدر المعزة بتكون الشماتة

    شماتة على الماشي كدا
                  

02-03-2009, 02:23 PM

walid taha
<awalid taha
تاريخ التسجيل: 01-28-2004
مجموع المشاركات: 4198

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخــير (Re: DKEEN)
                  

02-03-2009, 08:14 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
النداء الاخـير (Re: DKEEN)

    خدر

    الايام دي شابكة فيني
    "صباحك مالو واحبابك جفوني ومالو ياليل"
    "شوف صاحبك فقد راسو مالو ..لا بعرف يمين لاشمالو ياليل"
    بدندن بيها مع المختارين..

    قتالي اول ابريل؟؟
                  

02-04-2009, 02:55 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخـير (Re: DKEEN)

    Quote: يامحمد ان القناعة بالمقسوم رضىً ونعمة..

    ليه يا دكين؟ قناعة شنو ومقسوم شنو في الحب يا دكين ؟ ياخ كان جاتك رصاصة طايشه معليش بنآمن بالقدر،
    أو ضرب خيمتكم نيزك نقول قسمتك ولو وزّعوا ليك ورق مِدَبِّل نسميهو حظّك ، لكن زولتك كان ما عرستها دي ما
    تبقى قسمه ، ده إهمال وتقصير مع سبق الإنهيار والتخثر ، أوعا تسمع كلام القسمه والنصيب والروليت الروسي
    إذا ما كان الحديث في العشق ، يا دكين إسع في الأرض وابحث عن ليلاك زهرة الليلاك تلك وما تخليها لراجل زيَّك
    وخليني من سالفة القدر وقصة انت لوداير بكاي ألف أهلاً بي خشوع ، ياخ المولى قال لمريم هُزي إليك بجزع النخلة
    في الوقت اللي كان ممكن يردم القنديله والرُطَب جنبها من الأرض للسِماك الأعلى ، لكنه استحثها أن تبذل جهدا معقولا،
    جل جلاله أنبت ليونس شجرة اليقطين شفاءا وهو الذي لو أراد له الشفاء قبل أن يرتد إليه طرفه إنت براك عارف البسويهو،
    ما قال ليهو يا يونس عد لنينوى وانتظر مراهِم أسترا زينيكا و فايتزر ، لاترضى بأنصاف الحلول والتسويات في الحب ياالعزيز،
    ما تتنازل عن زولك سجيلك ، كدا بتخون البينك وبينو والبينك وبينك ، دي خيانة الخليل المابتشبهك وخلّت خدر يخلخلك
    بي هوى الخلخال .
    يا دكين أنا معاك تتنازل في المال لأنو قليلو رايح وكتيرو رايح لكن الكرامة والحب ما فيهم قصة (تِلتو ولا كتِلتو) ،
    الحب يا كلُّو يا كتِلتو ، أوعا تعرس ( من طرف) ، قَسَماً عَظَماً تتنازل قيراط من زولك القيراط دا يزيد كل ليله حتى يتعملق
    ويتفرع كالهايدرا ويغدو قارة من الأسى ، ستُثقل بقية حياتك أطنان الفجيعة ياولدي وتنطوي في قلبك حسرة ألف ميجاواط .
    دور الكومبارس دا في السينما والمسرح بس ، أوعا تلعبو في القلب يا دكين ، كن رمزا للمصطفِّين خلفك ودعهم يهتفون
    بالطول بالعرض دكينا يؤدي الفرض ، فرض الجهاد وأي جهاد غيرهن تريد؟ مُش قلنا لنا الصدر دون العالمين أو القبر
    حتى كدنا نناديك دكين بني صدر؟
    ألم تهتف معنا في سابق العهود : بالروح بالدم نفديك يا ... أحيييييا؟ ما تشمِّت الناس عليّا أم أنك صبأت يا هذا؟
    كدي نرجع شويه ليومية التحري ، مش قلت ليها : يا حبيبي عشت لي وعشت ليك هاك عهدي يا ست الريد ولم تترك كونتراتو
    وإلا قمت بتوقيعه وبصمت عليه بقلبك خليه خليه فتمددت فيه من الأذين إلى البطين؟ أها بتودي وشّك وين من العهود دي؟
    افتدي حبك بالصمود واستعن على مرارة الصبر بالوخز بالإبر واليوجا والصدقات وفي رواية أخرى بالإيروفيد وآخر العلاج الكي ،
    القال ليك الرضا بالمقسوم نعمه غشّاك والعلَّمك ظلمك ظلمك ، تقعد باقي عمرك كلو وفي قلبك حاجه زي السريحه في الجِلِد
    وشعور كدا زي بذرة جوافه بين ضروسك ، تحس حجابك الحاجز يلطِّش في قلبك طالع نازل ، يجيبو سيرتا يجيك إحساس زي لماالطياره
    تهبط ألف قدم فجأة ومن الوحيح ما تستريح ، صدقني باقي عمرك كلو تتنخَّج مباري القيف زي ما بقول العارف بالحب عماد عبدالله
    رضي العشق عنه .
    أنا طوَّلت عليك ودا ما لوم لكنه العشم وبذل النصح قبل الغد للحؤول دون احتمالات النكوص والإرتخاء لأني سمعتك بتقول تعرس من طرف،
    حذاري يا دكين فالعرس من طرف عمل ثلاثي الإبادة ، يميتك ويميت الرفيق ويفني المسكينه العرستها من طرف التي تظل بقية العمر تلعب
    دور الدوبلير وتترى زفراتها حرَّى كلما دندَنتَ في حضورها ككولونيل ماركيز في عزلته الأخيرة ( جدله مملوخه وفي معالق الجوف موسو مجلوخه).
    معليش ، عارفك موجوع ومتَّفِق معاك إنو الحب الحقيقي أن تحب الشخص الوحيد القادر على أن يجعلك تعيسا زي ما بقولوا ،
    وأهو إنت ماشاء الله تبارك الله مهرجان من التعاسة يحتشد بؤسا ويقطِّر فجيعة ، عسل يا دكين وشهد ، يشهد الله ،عيني عليك بارده،
    ربنا يغتِّيك ، حالتك لا يُلقَّاها إلا ذو حظ دكين ، بس رجائي يا دكين ما تخذل دكين.

    (عدل بواسطة محمد المرتضى حامد on 02-04-2009, 03:05 AM)

                  

02-04-2009, 05:54 AM

المسافر
<aالمسافر
تاريخ التسجيل: 06-10-2002
مجموع المشاركات: 5061

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخـير (Re: محمد المرتضى حامد)

    Quote: قَسَماً عَظَماً تتنازل قيراط من زولك القيراط دا يزيد كل ليله حتى يتعملق
    ويتفرع كالهايدرا ويغدو قارة من الأسى ، ستُثقل بقية حياتك أطنان الفجيعة ياولدي وتنطوي في قلبك حسرة ألف ميجاواط .


    لا حولا

    ده كله في انتظار الولد دكين ده...

    لا حولا

    عجبنا صبره على عزاز

    أنت طلعت له من وين

    يا أبو اليقطين...

    القرع







    ______

    تحويلة

    كر يا دا الجداد

    فراريجنا دي طفشت وين؟؟؟
                  

02-04-2009, 07:11 AM

أيمن الطيب
<aأيمن الطيب
تاريخ التسجيل: 09-19-2003
مجموع المشاركات: 5845

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخـير (Re: المسافر)

    سلامات يا أبوأيمن,,,
    وكيفنو هو أيمن,,,
    لقد قسوت على دكينا قسوة ما بعدها قسوة,, فقد وضعت يدك على مكان الألم وموضع الجرح والشرخ!!!!
    وفى الحقيقة أن الكولونيل لم يجد من يكاتبه فى النهاية تقتله الوحدة حيناوإنفضاض السٌمّار أحيانا أُخر,,
    Quote: أنا طوَّلت عليك ودا ما لوم لكنه العشم وبذل النصح قبل الغد للحؤول دون احتمالات النكوص والإرتخاء لأني سمعتك بتقول تعرس من طرف،
    حذاري يا دكين فالعرس من طرف عمل ثلاثي الإبادة ، يميتك ويميت الرفيق ويفني المسكينه العرستها من طرف التي تظل بقية العمر تلعب
    دور الدوبلير وتترى زفراتها حرَّى كلما دندَنتَ في حضورها ككولونيل ماركيز في عزلته الأخيرة ( جدله مملوخه وفي معالق الجوف موسو مجلوخه).
    معليش ، عارفك موجوع ومتَّفِق معاك إنو الحب الحقيقي أن تحب الشخص الوحيد القادر على أن يجعلك تعيسا زي ما بقولوا ،
    وأهو إنت ماشاء الله تبارك الله مهرجان من التعاسة يحتشد بؤسا ويقطِّر فجيعة ، عسل يا دكين وشهد ، يشهد الله ،عيني عليك بارده،
    ربنا يغتِّيك ، حالتك لا يُلقَّاها إلا ذو حظ دكين ، بس رجائي يا دكين ما تخذل دكين.

    وبعدين دكين دا من طرف دى عندو معناهاغزوات جديدة و حسان من نسج
    خياله يتمنى ويحلم أن يتقافزن يوما أمامه ليشير لإحداهن أن تتبعه!!!
    لكن الجبناء يموتون آلاف المرات والشجعان يموتون مرة واحدة وأن تعيش
    ملازما خوفك ورعبك خير منه أن تذهب إلى معركتك جريا وكتلوك ولاجوك جوك,,,,
    ,,,,,,,,,,(فى حالة الرجفى الشديد زى صاحبنا دا),,,,,,,,,,,,,,,,,,,,
    صاحبك دا خياراتة ضاقت ضيق ما بعدو ضيق,,,وحين يقلب دفاتره القديمة
    كثيرا ما يجد العدد فى نقصان وعجلة الزمان تفعل فعلها بتلك الدفاتر
    التى إهترأت وأكلت أطرافها العتّة!!!!وأصبح معظمها بعض من تأريخ ما
    زال صاحبكم يستدعيه ليلا ليوانس عليه وحدته ,,,,
    والدوبليرات أحيانا قد يكونوا أكبر موهبة من الأصل,,,,
    وأين هم الدوبليرات فى الأساس؟؟؟؟؟؟؟؟
    وهو كان لقى دوبلير كان جا يكورك هنا ويصرخ وينادى نداءه الأخير أو كما قال؟؟؟
    ودا كلو من دوحة العُرب دى,,,
    ففيها تضيق خيارات المرء ويقابلها إرتفاع كل مؤشرات الإرهاق الإنسانى ,,,,,,,,


    ..................
                  

02-04-2009, 06:00 AM

Gaafar Ismail
<aGaafar Ismail
تاريخ التسجيل: 08-27-2005
مجموع المشاركات: 4911

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخـير (Re: DKEEN)


    الأستاذ دكين
    34 بس ..بدري عليك لسه ما طعنت ... سيف اليزل أبوصلعة أكبر منك بكتير ولسه حردان.

    نصيحة لله:
    أقع السودانيات مواليد الدوحة : سمحات متعلمات مؤدبات وينطبق عليهن شرط الالتحاق بالعمل ( يتطلب الالتحاق بالعمل للمقيمين/ات أن يكون/تكون من مواليد الدوحة)
                  

02-04-2009, 07:50 AM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14611

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخـير (Re: Gaafar Ismail)

    Quote: ليه يا دكين؟ قناعة شنو ومقسوم شنو في الحب يا دكين ؟

    ياخ كان جاتك رصاصة طايشه معليش بنآمن بالقدر،أو ضرب خيمتكم نيزك نقول قسمتك ولو وزّعوا ليك ورق مِدَبِّل نسميهو حظّك ،

    لكن زولتك كان ما عرستها دي ماتبقى قسمه ،

    ده إهمال وتقصير مع سبق الإنهيار والتخثر ،

    أوعا تسمع كلام القسمه والنصيب والروليت الروسي

    إذا ما كان الحديث في العشق ،

    يا دكين إسع في الأرض وابحث عن ليلاك زهرة الليلاك تلك وما تخليها لراجل زيَّك

    وخليني من سالفة القدر وقصة انت لوداير بكاي ألف أهلاً بي خشـوع ،


    والله يا مولانا مرتضـى

    كلامك دا عجبني شديد خـلاص , ياخي دي أظبط نصيحة أنا أسمعها كل السنين العشتها

    يديك العافية, مولانا


    أحمد الشايقي
                  

02-04-2009, 08:14 AM

أيمن الطيب
<aأيمن الطيب
تاريخ التسجيل: 09-19-2003
مجموع المشاركات: 5845

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخـير (Re: أحمد الشايقي)

    سلامات يا عمنا جعفر,,,
    Quote: نصيحة لله:
    أقع السودانيات مواليد الدوحة : سمحات متعلمات مؤدبات وينطبق عليهن شرط الالتحاق بالعمل ( يتطلب الالتحاق بالعمل للمقيمين/ات أن يكون/تكون من مواليد الدوحة)

    بس المشكلة بتكون حاجز اللغة!!!!!!!!!!!!!
    دكين دا لما يتكلم عربى بكون برضو بالرطانة والرندوك!!!!!!!
    دعك من عامل الخلفيات والموروث الثقافى ,,,
    بالنسبة لمواليد خارج الحدود ومدن الشتات (إلا من رحم ربى(*))

    يا عم جعفر ياخ قال ليك (شقوبا العتامير)



    _______________________________________________________________________
    هيثم أبوالقاسم وصالح أصيل وخالد حسن يقرءونك السلام وكل أهل طوكيوويوكوهاما...






















    ________________
    (*)Backup
                  

02-04-2009, 08:32 AM

Gaafar Ismail
<aGaafar Ismail
تاريخ التسجيل: 08-27-2005
مجموع المشاركات: 4911

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخـير (Re: أيمن الطيب)


    بنن الحبيب أيمن
    يا ســلام عليك ياخ .. جبت لي الأحباب ديل في فيلم واحد.. بالله بلغهم تحياتي وتحيات ناس طوكيو وقول لهيثم فريق الأسود فاقدك شديد.. خالد ده جا تمرين واحد وبعداك طفش... قول ليهم مشتاقين كتـــــــــير.

    قـول لدكين : اللغة ما مشكلة.. مع قليل من البصارة الأمور بتمشي.


    تحياتي ومودتي
                  

02-04-2009, 09:03 AM

أيمن الطيب
<aأيمن الطيب
تاريخ التسجيل: 09-19-2003
مجموع المشاركات: 5845

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخـير (Re: Gaafar Ismail)

    عمى الحبيب جعفر,,,
    Quote: قـول لدكين : اللغة ما مشكلة.. مع قليل من البصارة الأمور بتمشي.

    المشكلة بتبقى فى بت الناس!!!!!!!تفهمو كيفن رندوكو دا !!!هو ما عندو عوجة الراجل Multiligual ويتحدث
    عدة لغات ولهجات,,,
    Quote: يا ســلام عليك ياخ .. جبت لي الأحباب ديل في فيلم واحد.. بالله بلغهم تحياتي وتحيات ناس طوكيو وقول لهيثم فريق الأسود فاقدك شديد.. خالد ده جا تمرين واحد وبعداك طفش... قول ليهم مشتاقين كتـــــــــير.

    هيثم ماشاء الله عليهو مواصل بشدّة أما صاحبك خلدونا صاحبك عزموهو تمرين وافق ولما الجماعة مشو النادى وضربو
    ليهو تلفون قال ليهم يا جماعة إنتو جنيتو كورة شنو فى الصقط دا,,,,,يعنى لحد هسه طافش,,,

    مودتى لك ولهم جميعا,,,,
                  

02-04-2009, 10:28 AM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخـير (Re: أيمن الطيب)

    Quote: ليه يا دكين؟ قناعة شنو ومقسوم شنو في الحب يا دكين ؟ ياخ كان جاتك رصاصة طايشه معليش بنآمن بالقدر،
    أو ضرب خيمتكم نيزك نقول قسمتك ولو وزّعوا ليك ورق مِدَبِّل نسميهو حظّك ، لكن زولتك كان ما عرستها دي ما
    تبقى قسمه ، ده إهمال وتقصير مع سبق الإنهيار والتخثر ، أوعا تسمع كلام القسمه والنصيب والروليت الروسي
    إذا ما كان الحديث في العشق ، يا دكين إسع في الأرض وابحث عن ليلاك زهرة الليلاك تلك وما تخليها لراجل زيَّك
    وخليني من سالفة القدر وقصة انت لوداير بكاي ألف أهلاً بي خشوع ، ياخ المولى قال لمريم هُزي إليك بجزع النخلة
    في الوقت اللي كان ممكن يردم القنديله والرُطَب جنبها من الأرض للسِماك الأعلى ، لكنه استحثها أن تبذل جهدا معقولا،
    جل جلاله أنبت ليونس شجرة اليقطين شفاءا وهو الذي لو أراد له الشفاء قبل أن يرتد إليه طرفه إنت براك عارف البسويهو،
    ما قال ليهو يا يونس عد لنينوى وانتظر مراهِم أسترا زينيكا و فايتزر ، لاترضى بأنصاف الحلول والتسويات في الحب ياالعزيز،
    ما تتنازل عن زولك سجيلك ، كدا بتخون البينك وبينو والبينك وبينك ، دي خيانة الخليل المابتشبهك وخلّت خدر يخلخلك
    بي هوى الخلخال .
    يا دكين أنا معاك تتنازل في المال لأنو قليلو رايح وكتيرو رايح لكن الكرامة والحب ما فيهم قصة (تِلتو ولا كتِلتو) ،
    الحب يا كلُّو يا كتِلتو ، أوعا تعرس ( من طرف) ، قَسَماً عَظَماً تتنازل قيراط من زولك القيراط دا يزيد كل ليله حتى يتعملق
    ويتفرع كالهايدرا ويغدو قارة من الأسى ، ستُثقل بقية حياتك أطنان الفجيعة ياولدي وتنطوي في قلبك حسرة ألف ميجاواط .
    دور الكومبارس دا في السينما والمسرح بس ، أوعا تلعبو في القلب يا دكين ، كن رمزا للمصطفِّين خلفك ودعهم يهتفون
    بالطول بالعرض دكينا يؤدي الفرض ، فرض الجهاد وأي جهاد غيرهن تريد؟ مُش قلنا لنا الصدر دون العالمين أو القبر
    حتى كدنا نناديك دكين بني صدر؟
    ألم تهتف معنا في سابق العهود : بالروح بالدم نفديك يا ... أحيييييا؟ ما تشمِّت الناس عليّا أم أنك صبأت يا هذا؟
    كدي نرجع شويه ليومية التحري ، مش قلت ليها : يا حبيبي عشت لي وعشت ليك هاك عهدي يا ست الريد ولم تترك كونتراتو
    وإلا قمت بتوقيعه وبصمت عليه بقلبك خليه خليه فتمددت فيه من الأذين إلى البطين؟ أها بتودي وشّك وين من العهود دي؟
    افتدي حبك بالصمود واستعن على مرارة الصبر بالوخز بالإبر واليوجا والصدقات وفي رواية أخرى بالإيروفيد وآخر العلاج الكي ،
    القال ليك الرضا بالمقسوم نعمه غشّاك والعلَّمك ظلمك ظلمك ، تقعد باقي عمرك كلو وفي قلبك حاجه زي السريحه في الجِلِد
    وشعور كدا زي بذرة جوافه بين ضروسك ، تحس حجابك الحاجز يلطِّش في قلبك طالع نازل ، يجيبو سيرتا يجيك إحساس زي لماالطياره
    تهبط ألف قدم فجأة ومن الوحيح ما تستريح ، صدقني باقي عمرك كلو تتنخَّج مباري القيف زي ما بقول العارف بالحب عماد عبدالله
    رضي العشق عنه .
    أنا طوَّلت عليك ودا ما لوم لكنه العشم وبذل النصح قبل الغد للحؤول دون احتمالات النكوص والإرتخاء لأني سمعتك بتقول تعرس من طرف،
    حذاري يا دكين فالعرس من طرف عمل ثلاثي الإبادة ، يميتك ويميت الرفيق ويفني المسكينه العرستها من طرف التي تظل بقية العمر تلعب
    دور الدوبلير وتترى زفراتها حرَّى كلما دندَنتَ في حضورها ككولونيل ماركيز في عزلته الأخيرة ( جدله مملوخه وفي معالق الجوف موسو مجلوخه).
    معليش ، عارفك موجوع ومتَّفِق معاك إنو الحب الحقيقي أن تحب الشخص الوحيد القادر على أن يجعلك تعيسا زي ما بقولوا ،
    وأهو إنت ماشاء الله تبارك الله مهرجان من التعاسة يحتشد بؤسا ويقطِّر فجيعة ، عسل يا دكين وشهد ، يشهد الله ،عيني عليك بارده،
    ربنا يغتِّيك ، حالتك لا يُلقَّاها إلا ذو حظ دكين ، بس رجائي يا دكين ما تخذل دكين.




    لعلها دعوة لنا لمراجعة هيبس من دفاتر المواجع والجراحات
                  

02-04-2009, 11:33 AM

المسافر
<aالمسافر
تاريخ التسجيل: 06-10-2002
مجموع المشاركات: 5061

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخـير (Re: الطيب شيقوق)

    Quote: والله يا مولانا مرتضـى

    كلامك دا عجبني شديد خـلاص , ياخي دي أظبط نصيحة أنا أسمعها كل السنين العشتها

    يديك العافية, مولانا


    أكيد

    بعد نصيحة مولانا ده

    دكين الشين لازم ينزل المكنة ويربط ليها شمبر

    ويدور
                  

02-04-2009, 10:25 PM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 10832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخـير (Re: أحمد الشايقي)

    مولانا أحمد الشايقي،
    أريتك تبقى طيب انت أنا البي كُلُّو هيِّن،

    يا العزيز واحد اسمو جون برادشو عندو كتاب سمح بعنوان Creating Love
    الزول ده قال:
    I learned that love cannot happen unless I am willing to commit myself )
    To making it happen. And I learned that love is a process that requires
    hard work and courage)
    ورغم إعتقادي أن هناك حبا يأتي كإعصار جونو الذي لاتجدي معه المتاريس والحواجز
    وأكياس الرمل لحماية الشرايين إلا أن في كلام الزول الفوق دا بعض من المعقوليه
    فالريده كنباتات الظل الجميلة تحتاج الرعاية والموالاة بالسقيا والمخصبات
    وماتخليها 24 ساعه في القلاّيه والهجير اللافح أو الزمهرير البيشقق الرجلين داك.
    الهارد ويرك مطلوب يا بَرَكه، الشجاعه والرعايه ضرورية يا أبوحميد، أما زمرة
    الإتكاليين الماخدين الموضوع فورقرانتد ديل فمستقبلهم حائط المبكى مع أغاني
    الرائع هاشم ميرغني ، استريو.
    بالله ما تغيب
                  

02-04-2009, 10:40 PM

انعام عبد الحفيظ
<aانعام عبد الحفيظ
تاريخ التسجيل: 12-07-2005
مجموع المشاركات: 8738

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: النداء الاخـير (Re: محمد المرتضى حامد)

    Quote: فالريده كنباتات الظل الجميلة تحتاج الرعاية والموالاة بالسقيا والمخصبات
    وماتخليها 24 ساعه في القلاّيه والهجير اللافح أو الزمهرير البيشقق الرجلين داك.
    الهارد ويرك مطلوب يا بَرَكه، الشجاعه والرعايه ضرورية يا أبوحميد، أما زمرة
    الإتكاليين الماخدين الموضوع فورقرانتد ديل فمستقبلهم حائط المبكى مع أغاني
    الرائع هاشم ميرغني ، استريو.


    غايتو يا دكين مرقت لينا بالبوست دا درر من الناس ديل

    تحياتي أستاذنا ود المرتضى وكتابة ممتعة
                  


[رد على الموضوع] صفحة 1 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de