النداء الاخــير

Quote: لقد قسوت على دكينا قسوة ما بعدها قسوة,, فقد وضعت يدك على مكان الألم وموضع الجرح والشرخ!!!!

Quote: وأجهرا منحازا إلى خط الجهر المستمر و مبدأ الشفافية بتاع قريبنا قيس بن الملوح (اللهم زدني ليلى حبا و بها كلَفاً ولا تُنسني ذكرها أبداً )

Quote: بالعكس يا أيمن، تجاه دكين لم أفعل سوى ترديد مقولة ودالرضي ( لاتزيد بلبالي ولا تكون شكواي مويه في غربالِ)، دكين يا أيمن كلامي القلتو دا كلو شاربو شراب وهو رجل ذو إرادة ماسية يرفض مقولة شكسبيـــر بأن يهمس عندما يتحدث عن الحب وتخطى محطة أبوصلاح في رواية أخفي ريدتك مره وأجهرا منحازا إلى خط الجهر المستمر و مبدأ الشفافية بتاع قريبنا قيس بن الملوح (اللهم زدني ليلى حبا و بها كلَفاً ولا تُنسني ذكرها أبداً ) بس هو عملا في شكل نداء بمضمون تهديدي زعم أنه الأخييير، تخيَل ، يادوب حفر الساس وداير يسقف على كدا.

Quote: بالله البوست دا ما تغيبو منو

Quote: عليهن شرط الالتحاق بالعمل ( يتطلب الالتحاق بالعمل للمقيمين/ات أن يكون/تكون من مواليد الدوحة)

Quote: ابذل جهد معقول يادكين

Quote: ثم إحتمال وخيار المطلقة سيجر معه بالضرورة والتداعي والإفتراض والحساب سيجر معه إحتمال إنها لم تتطلق بعد ولا غشاها موسم فك تسجيلات ومازالت ضمن المطايا فماذا انت فاعل بازاء تلك الحالة ماتقول لي الشراكة الذكية

Quote: فاوست تطير عيشتو! و الصاحب تطير عيشتو ...المهم نخلي ليهم خشمهم ملح ملح من الشماتة، وننسى انو الناس دي عشمت فينا، ووثقت فينا، وورتنا الكان مستور في الحشا، بس طـــــــــــــــــــــــــــــــــــز كبيرة ....

Quote: واكورك فيك،، اديك بوكس في وشيك الشين ده هذه الأماني العذبة لن تتعدى كونها أماني،، هذا الحلم الجميل المنمنم ،،كطفل برئ،، يجري هنا ،، يلعب هنا ،، ينطط هنا،، اناظره بحنان،، وحزن عميق،، واتنهد،، وادعو له عسى أن لا تصدمك حياة يا ولدي،،يصدمك الشيطان إن شاء الله

Quote: قَسَماً عَظَماً تتنازل قيراط من زولك القيراط دا يزيد كل ليله حتى يتعملق ويتفرع كالهايدرا ويغدو قارة من الأسى

Quote: اسمعوا ياخوانا هوي البوست ده انسو موضوعو خلاص.. كل زول يبكي ليلاه في ليلتو براهو وبي طريقتو براهو.. انا قد كفاني مابكيت..

Quote: أكبر لغزين في الحياة هما قطعاً الموت والحب...كلاهما ضربة قدر !!!

Quote: وحاة غلاوة شاي المغرب و عيون بخيتة و ضحكات الحجة، وانت تعرف تماما معزة كل ما سبق ذكره، لا شككت يوم لا ساورني ظن في معزة وقرت في القلب

Quote: رجاءا لو مصرة على اي تاكيدات داخلة في خصوص هذه المعزات عندك المسنجر حقي.

Quote: (رجاء لو داير تبقى صاحبي و اخوي عندك رقم الموبايل حقي)

Quote: المسنجر حقي.

Quote: يا دكين .. صباح الخير طال عمرك .. اشلونك الله يحيك ..

Quote: مناشدتي إياه بذل جهد نضيف في سبيل الوصول إلى عتبات

Quote: وين نلقى زينب دي؟؟

Quote: قال لو اتنين قفلوا ليك اي حاجة في وشك يبقى العيب ما فيهم العيب في وشك

Quote: انا يامحمد مافكيت اخرى هنا ساي عشان يجي فرتكان يقول لي ده كلام ساي وحركات اولاد حلة زي ما بقول الـ (دهل كول) عمر الفاروق ومافكيت هذا الاخر عشان تجي عزوز تفتح لي موضوع ماعندو علاقة بي هذا الاخر.. كما ومافكيتو عشان الناس تقرا وتستمتع وتجي تقول لي (ياسلام يادكين بركة الماعرستا لانو لوكنتا سويتا ما كان قرينا الكلام السمح ده) ياخي بلاي ده هسي كلام يتقال لي زول مازؤم؟ وانا مالي ياخي ومال استمتاعكم.. عماد عبد الله قال لي انا مبسوط وبحبك..اها انا اعرس عماد عبد الله ده ولا كيف؟؟ قدم لي شنو في محنتي دي(بكسر الميم وفتح النون)؟؟ ياخي حتى صحبتو السمحة القتها ليهو جات زي الماسوت شي وختت شتلة محنتا في شباك ايامي وما اشتغلت بي الشغلة.. انا يامحمد سطها زين ..شرقتا وغربتا.. سكيت شغلتي دي في العذراوات.. وفي حبيبات سابقات لناس سابقين... وفي فتوات صغار ومطلقات كبار.. وقيل ارامل ..ياخي مافضل لي إلا النسوان اللواتي في حياتهن نغائص زوجية.. ودي حرم لولا قول الله تعالى(لا تَمُدَّنَّ عَيْنَيْكَ إِلَى مَا مَتَّعْنَا بِهِ أَزْوَاجًا مِنْهُمْ وَلَا تَحْزَنْ عَلَيْهِمْ وَاخْفِضْ جَنَاحَكَ لِلْمُؤْمِنِينَ) لحزنت على ما فاتني منهم الى احضان الرجال حزناً شديداً.. وتجي تقول لي جهد نضيف وجهد معقول؟؟ اصلو انا عايز اعرس اميرة ويلز؟؟

Quote: قوم جمبلغ اقع تاني

Quote: دي مجهودات امرئ القيس زاتوا ما بذلها,

Quote: خذها مني وانا اخوك "مافي زول بلقى ضالتو لانو الضالة دي دالة في الخيال.."

Quote: في ناس كتير عرسوا وما اتشتحفوا زي دكين دا,

Quote: عزوز يعلم الله اشتقتا ليك..ياخي ماتعمل نعمل (مانيوال بولسي) لي ونستنا عبر التلفون ونحترم هذا المانيوال ..