ها أنا أُفلسِف جفاكِ ...

مرحبا Guest
اخر زيارك لك: 03-28-2024, 11:49 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الاول للعام 2009م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
11-30-2008, 05:17 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
ها أنا أُفلسِف جفاكِ ...

    قُلت لِمُحدِثي الذي يُحاوِرُني :-

    - كما بِالمغناطيس قُطبَين ... سالِب وموجِب ... كذلِك نحنُ ...
    - وما عِلاقة ذلِك فيما نتحدث فيهِ ؟
    - يُمثِل المغناطيس أفضل تشبيه لِوضعي العاطِفي ... فإن مثلت نفسي بِالقُطب السالِب كانت < فُلانة > قطبِهِ الموجب ... ثُم إن القُطبَين في كُتلةٍ واحِدة ، كما روحي وروحِها مِن نفخةِ واحِدة ... أعلم أن الكُل منتوج مِن < ... وَنَفَخْتُ فِيهِ مِن رُّوحِي ... > ولكِن أزعُم أن جُزيئات نصيبي مِن النفخة الربانِية إنقسمت فكُنت أنا مِنها وكانت كذا هي ... وبِمِثل هذِهِ الإنقِسامات تتآلف القلوب المُجندة مع بعضِها البعض ... ثُم أن القُطبَين لا يجوز لهُما أن يلتقِيان في صعيدٍٍ واحِد فإن طبيعتِهما التي جُبِلا علَيها مُتنافِرة مِن غَير كُرهٍ وتعالي كما الشمسِ والقمرِ بِهِما الحياة الدنيا ورغم ذلِك ، مُتنافِرَين ، لَيس تنافُر عداء أو مُنافسة ... بل تنافُر تدافُع كتدافُع الناس الذي جعلهُ الله ناموس لِلحياة الدُنيا < ... وَلَوْلاَ دَفْعُ اللهِ اْلنَّاسَ بَعْضَهُم بِبَعْضٍ لَّفَسَدَتِ الأرْضُ وَلَكِنَّ اللهَ ذو فَضْلٍ عَلى العالمينَ > فلا يجوز لِلشمسِ والقمر إلا أن يتناوبا على الدُنيا ، فإذا غرُبت الشمسِ بزغ القمر ... ومنتوج الشمس النهار واللَيلُ دون القمر أظلم ...
    - بِهذا المفهوم إستحال لِقاءِكُما معاً ... ألَيس هكذا ؟ وإذا الأمر هكذا ، لِما لا تعمل على وقف الإستِنزاف الذي قد أبهت مِن أذاهُ لَونِك ... وصِرت بِالكاد تحيى كأولِ ...
    - إن تآلُف الأرواح قدرٌ والقدر جبر والجبر جبر في تنفيذ ما إختارهُ المرء بِطَوعِهِ ... فأنت قد عمِلت ما عمِلت بِطَوعِك وإختِيارُك وتصنفت أعمالُك عن يمينُك وعن يسارُك أو حداهُما دون الآخر ، ثُم رُفِعت الأقلام وجفت الصحف ونُفِخ في طينُنا ثُم أُنزِلنا لِلأرض بِموجِب أول أعمال البشر الإختِيارِية التي إختار فيها آدم وحواء أن يقربامِن الشجرة < لاَ تَقْرَبا هَذِهِ الشَّجَرَةَ > هذا إختِيار آدم وحواء < ولَيس ربُك بِظلامٍ لِلعبيد > ثُم حدث ما حدث إلى يَوم الناس هذا ... فكانت الحياة الدُنيا عرضٌ لِتسجيل قديمٌ لك ... لتسجيل سابِق لِما إخترتهُ ... ففي الأرض تُجبر بِأن تُعيد ما قد فعلتهُ طَوعاً وكُتِب في الصُحُف التي جَفت فأنت إخترت إبتِداءً في عالم الذر ما تُريد ... ثُم ... أُجبِرت ولا زِلت تُجبر على تنفيذ ما قد إخترتهُ ... ومقر التنفيذ ... مكان العرض ... هي الدُنيا ... لِذا هي < لعِبٌ ولهو > كماالأفلام تُسجل ثُم تأتي مع الناس لِتُشاهِدُك ... تُشاهِد نفسُك ... وفي ذلِك لهوٌ ... ثم ينتهي العرض ... فتُلقى بِالنار أو تُرحم مِنها وتنجو ... العرض لا زال مُستمِر ... فقد حكى لناالله تعالى عن بعض أحداثِهِ ... قال لنا عن < شَجَرَتَ الزَّقُّومِ > التي تُنبت في وسط الجحيم ومِنها أهل النار يأكُلون حكى لنا عن ما يقولون وهُم يُعذبون < يَوم تُقَلَّبُ وُجوهُهُمْ في النَّار يَقولون يا لَيْتَنا أَطَعْنا اللهَ ... > إنهُ عرض سينمائي نُشاهِد الجُزء الأول منهُ ويليهِ آخر لِذا لا أعمل حسب قَولِك على وقف الإستنزاف الذي بهت مِنهُ لَوني ... فإني أنا وهي نقوم بأدوارِنا التي سُجِلت سابِقاً وما اليَوم إلا يَوم العرض ... عرض ما سجلناهُ لِذا يا صاحِبي ... فإنَّا ... أنا وهي نُنفِذ جبراً ما قد إخترناهُ طَوعاً ...

    (عدل بواسطة عزام حسن فرح on 11-30-2008, 05:20 PM)
    (عدل بواسطة عزام حسن فرح on 11-30-2008, 05:30 PM)

                  

11-30-2008, 10:06 PM

كمال سالم
<aكمال سالم
تاريخ التسجيل: 02-13-2008
مجموع المشاركات: 4786

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)




    وانت البفلسف جفاك منو ؟ ,, ياجافى ,,


    وينك ياعزام والله مشتاقين ,, يأخى انت ناس كيوتل ديل مايستفيدوا
    منك أصلو ؟ يأخى انشاء الله مس كول ,,


    تحياتى ,,
                  

12-01-2008, 08:29 AM

ابو جهينة
<aابو جهينة
تاريخ التسجيل: 05-20-2003
مجموع المشاركات: 22455

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: كمال سالم)

    إبن العم العزيز عزام

    تحياتي

    Quote: ففي الأرض تُجبر بِأن تُعيد ما قد فعلتهُ طَوعاً وكُتِب في الصُحُف التي جَفت فأنت إخترت إبتِداءً في عالم الذر ما تُريد ... ثُم ... أُجبِرت ولا زِلت تُجبر على تنفيذ ما قد إخترتهُ ... ومقر التنفيذ ... مكان العرض ... هي الدُنيا ... لِذا هي < لعِبٌ ولهو > كماالأفلام تُسجل ثُم تأتي مع الناس لِتُشاهِدُك ... تُشاهِد نفسُك ... وفي ذلِك لهوٌ ... ثم ينتهي العرض ...


    قرأت النص أكثر من مرة
    و في كل مرة أقف في المقتبس أعلاه ....

    فهل الإختيار في عالم الذر ( أنا مخير فيه ؟ )
    و هل التنفيذ ( أنا مسير فيه ؟ )

    أما مكان العرض فهو أمر لازب لا فرار منه إلا إلى ذاك الحيز الضيق في اللحد ...

    نواصل
                  

12-01-2008, 10:15 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)


    كمال سالِم ...

    إنت عارفني بريدك ... إتصلت بيك ولا ما إتصلت ... البركة فيكُم وحمد الله على السلامة
                  

12-01-2008, 04:17 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    أبو جُهَينة ... سِـري وضــراي ...
    نضميك كُبار مَجَيهه فوقو راي ...
    بريدو ... يٍسلم كان بقتلني ساي ...


    Quote: فهل الإختيار في عالم الذر ( أنا مخير فيه ؟ )


    أقول إن إختِيارِنا ونحنُ في عالم الذر كان حُر ... وإن كُنا لا نذكُره ... ومِثل هذا تحاوُرِنا نحن مع الله :
    [ إذ أخذ رَبُكَ مِن بني آدم مِن ظُهورِهِم ذُرِيَتَهُم وأشهَدَهُم على أنفُسِهِم ألستُ بِرَبِكُم قالوا بَلى ] وجعلنا في كفِهِ المُقدسة وأشَهدنا أن نقول يَوم القِيامة إنا كُنا عن هذا غافِلين وأنت ذِر ...
    ونظر إلَيكَ ... وقال لك جل شأنه : ألستُ بِرَبِك
    قلتُ : بلى أشهد
    قال لك جَلْ شأنِهِ : أن تقول يَوم القِيامة إني كُنت عن هذا غافِل ...

    هذا التحاوُر الذي دون شك قد تم وقطعاً لا نذكُرهُ ... هذا التحاوُر هو الذي أنتج فينا < الفِطرة > ... الفِطرة + التفكير هي التي تقودك أثناء البحث إلى أن تجِد الله ... والفِطرة بِدون التفكير لا تُفعل ، لِذا كانت أغلب نِهايات آيات القُران الكريم تنتهي بِـ < ألا يتفكرون > < يتدبرون > < يفقِهون > < يعلمون > < يعقِلون >



    Quote: و هل التنفيذ ( أنا مسير فيه ؟ )


    وأرى أن تنفيذ ما أدعيهِ يكون بِالأرض جبراً وإن أُجبِرت على تنفيذ ما إخترتهُ طَوعاً كان عدلاً ... ولَولا حُرِية الإختِيار (لأن أفعل أو لا أفعل) لكان الحِساب (الجنة / النار) ظُلمٌ بَيِن

    (عدل بواسطة عزام حسن فرح on 12-05-2008, 07:43 PM)

                  

12-05-2008, 07:39 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    عِندما يعشِق الرجل إمرأة ... يبدأ في الدوران لأول مرة –في الأغلب- حَولِها ... حَول مركزِهِ ... ثُم يدورا معا حَول المُطلق .... فنعود جميعاً إلى ناموس الخلق ... أن ندور مِثلُنا ومِثل كُل الأشياء ... فنستقيم ... ونعتدِل ... ونتناغم ... ونتناسق ... نطوف ونطوف ونطوف ... حتى نتلاشى ... فيتساقط أثناء طوافِنا الطين الذي يُغلِفُنا حتى نستحيل إلى < نفخة > ...

    أنا مِنذُ اليَوم أطوف حَولَيكِ ، وقد بدأت أتلاشى ... والتلاشي يبدأ مِن أسفل ... الأن < يادوب > أرى نصفي الأسفل ... وقد هدأت ثَورتي ... بعد أن تلاشت عَورتي ... وأراكِ حُبٌ مُطلقٌ ... أدور حَوله ... وبي نشَوة التلاحُم ... لِذتِهِ ... والبديع في الأمر أُحِس بِرضاء السماء عني ... عكس ما كُنت أحِسهُ عِندما كان الطين يُغلِفُني ... أنتشي وألعن لِذتي ...

    الذي يدور بِطَوعِهِ لسعيد ... والذي يدور رغم أنفِهِ لأسعدُ ... وإني اليَوم لسعيدٌ وأسعدُ ... كُل الأشياء ... كُل المخلوقات تدور وتدور وتدور ... إلا ... الإنسان ... يأبى أن يدور ... فقط ... لأن لدَيهِ الحُرِية ... يرفُض لِجهلِهِ ... لِغفلتِهِ ... الدوران داخِلي ... لَيس كما الدرَويش في ساحة < المولِد > يدور ... إنهُ يدور بِإعتِبار الدوران وظيفة ... تبدأ عِند طرق الطبل وتنتهي بِتفرُق الناس ... وأنا بِتُ أدور حَولِكِ عِبادة ... رغم أنفي ...
    إني شمسٌ إدور في مجرتِك فرأفين ...
    إني أُريد فقط سيِدتي أن تعرِفين ...
    ثُم تقطِنيني بِك أو تُصرفين ...

    (عدل بواسطة عزام حسن فرح on 12-05-2008, 07:41 PM)

                  

12-06-2008, 07:24 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)


    كُل حاجة فيها فريد ... كأنها ما مِن هنا ... كأنها مِن كَوكب تاني وتواضعت لينا ، علشان نحب دُنيانا ... علشان نطيقا ... حتى لونا ما زي ألوانا ... لونا لون الأصيل ... كأنها غُمست في لَون الغروب مِراراً ... بعد داك مرو بِها بعد الغمسِ بِنور الشمسِ ... فتغلفت بِعزجدٍ لامِعٍ ومُنير ... بِقت لامن تعايِن ليك بتحرِقك ... ياها خِصال خالتا الشمِس ... وإن إبتسمت بِتجيب فعايِل سِرها القمرة ...
                  

12-10-2008, 11:36 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    بشكيلك يا الظُلُم ... مِن البُعاد ... في البُعاد كُل الرُجال في العد رُجال ... زمان فوق بِلادي كانو الرِجال معروفين ... ما بضهب مِنهُم إلا الغشيم ... إلا العَيِل ... كان الراجِل بتشكر بِفِعالو ... والبرفع مِن مقام الزول أوايلو ... في الغُربة إتساون خيرو وهوايلو ...

    يا سِتي ...
    في الغُربة ضايِق أنا ... مُرّتين ...
    مُرْه بُعادِك الساقيهو يوت دمعتين ...
    ومُرْه بُعادي مِن بِلادي ... مَرَتين ...

    النحكيلِك عن طبع الرُجال ... أصلو الرُجال مِتْل الحديد ...
    فيهُم الصَدي ...
    فيهُم العَدي ...
    فيهُم النَدي ...
    فيهُم مِتلي داخرِنو لِلزمن الرَدي ...

    النحكيلِك عن طبع الرُجال ... أصلو الرُجال مِتْل الحديد ...
    فيهُم عَلال ...
    فيهُم عِلال ...
    فيهُم عُلال ...
    فيهُم مِتلي حديدُم رائسين عُدال ...

    النحكيلِك عن طبع الرُجال ... أصلو الرُجال مِتْل الحديد ...
    فيهُم اللامِع ...
    فيهُم السامِع ...
    فيهُم الطامِع ...
    فيهُم المِتلي في المحاصة بِدامِع ...

    النحكيلِك عن طبع الرُجال ... أصلو الرُجال مِتْل الحديد ...
    فيهُم المطروق رهيف ...
    فيهُم سِكين رغيف ...
    فيهُم القاعِد في البيت نضيف ...
    فيهُم المِتلي معدود شريف ...

    النحكيلِك عن طبع الرُجال ... أصلو الرُجال مِتْل الحديد ...
    فيهُم الأسَود غُراب ...
    فيهُم الأبَيض شراب ...
    فيهُم الأحمر تُراب ...
    فيهُم مِتلي جامع الأثافي نِصاب ...

    (عدل بواسطة عزام حسن فرح on 12-10-2008, 11:38 AM)

                  

12-10-2008, 04:58 PM

عماد الشبلي
<aعماد الشبلي
تاريخ التسجيل: 06-08-2008
مجموع المشاركات: 8645

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    يا عزام تحية

    ما تنسي ..
    تفلسف لينا ..
    بعدو ..
    وقسوتو ..
    وجبرو...

    و ( نخرتو ) الرافعا فى السماء

    وبالمرة مشيتو ( القدالة )

    عيد سعيد
    ايها السعيد

    عماد الشبلى
                  

12-11-2008, 12:06 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    والله يا الشبلي الظاهِر أنا جنيت خلاص ... أُول أُبارِح في لِقاء العيد ... وأنا دايِر أخُش الصالة ... شُفتها بِتنضُم مع رفِقاتاً ليها ومُدِياني ضهارا ...

    - مالك ماتدخُـ
    إتسمرت وبقيت مُبحلِق جِهتا ... يدي بِردت ... وكُل الحركة الفي الصالة وقفت ... إتجمدو الناس تب ...
    المُدنقِر بِقى مُدنقِر ما إستعدل عودو ...
    البِيضحك بقى خشمو مفتوح وما كمل ضحكتو ...
    المره البِتعدِل فوق توبا الإنجدع ما كملت تعديلو ...
    البِصُب في الشاي شاهيهو إتجمد بين فتحة الصبارة والكُباية ...
    الأطفال البِنطِطو حدا المسرح إتجمدت حركتُم ووقفت كُوَرُم في الهوا ...
    كُل الأصوات وقفت ... الصالة ما بقى فيها حِس إلا صوتا ... ماف زول بتحرك إلاها ... صاحبي المعاي بِقى مُبحلِق فوقي وخشمو إتصَوصَر في كِلمة < ما تدخُـ > حرف اللام ما لِحِق كملو إتجمد على كِده ... بعد شِوَية إتمالكت روحي ومشيت عليها ... وقفت بِقفاها وأنا برجِف ... ما قِدِرت أطلِع كِلمة مِن خمشي ... نفسي كان قايِم ... وجسمي بِتخجا خج ... والله تقول سِمِعت صوت قلبي وهو قاعِد يِدُق دُب ... دُب ... دُب ... إنتبهت لي ... إبتسمت ...
    - أهلا
    كُل الحركة والأصوات رجعت لِحالتا تاني ... كانت ماهي ...
    المُدنقِر إستعدل
    والبِيضحك كمل ضحكتو
    والمره البِتعدِل فوق توبا الإنجدع كملت تعديلو
    والبِصُب في الشاي مِن الصبارة إتملت كُبايتو
    والأطفال رجعو لِنِطيطُم وكُوَرُم بِقت في ايدُم
    كُل الأصوات رجعت ... الشُفع قنبو يِكوركُم تقول ساقيهُم بعاتي ... والنِسوان بِيضحكن ... والرُجال بِيتغالطو غُلاط الجِن ...

    - ما تدخُل ... إنت مشيت وين ... أنا قاعِد أحنِس فيك علشان تخُش ألقاك دخلت وأقنِب أفتِش ليك ...
    - معليش شُفت لي زول مشيت عليهو طلع ماهو ... أنا راجِع البيت ...
    - راجِع البيت ! إنت بِجَدك ... الحفلة لِسع ما بدت ... هسِع عَيدت على منو لامِن ترجع ...
    - معليش ما قادِر أقنِب ... أسمِح لي ... أنا بمِش ...
    - بس فهِمني في شنو ؟
    - ماف شئ ... مع السلامة ... نتلاقا وِكِت نتلاقا ...
    - لا حَول ولا قُوة إلا بِالله ... الزول ده مالو ؟

    أريتو أعود زي أول وأصبح بلاها ...
    صابني وجع وكِتِر مِنا علي بلاها ...
    بقيت أناضِم براي بخاف يِقولو بلاها ...

    (عدل بواسطة عزام حسن فرح on 12-11-2008, 12:10 PM)

                  

12-13-2008, 01:39 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    تمهل طَرفي ولا تَـغَـمِـضْ فإن *** ريحٌ مِن مضارِبُها آتٍ إلى رسولُ
    يَعودَني مُشْفِقاً علي فَيشْفي جرحـاً *** بِالشِغِاف تملَكَ ودمعٍ عَيِنٍ هطولُ
    أشْـمُ صباحاً نسيـمٌ مِـن نواحيها *** يُبرِدُ كبِدٌ بِذو قرحٍ ما لِشِفاءِهِ سبيلُ
    وأرى البدر أخـاهـا وهـو طالِعٌ *** فأُكحِلُ مِن ضَوءِهِ مُقلتي وأكيـلُ
    قد بِتُ شبحٍ مِن جـفـاك <فُلانة> *** ألا تنظُرين إلي بِنظرةٍ وقـُبـولُ
    غَيـر إنهُ لها عاشِــقٌ ومُتَــيَمٌ *** ما عساهُ العاذِل ويحهُ عني يقـولُ
    ســلِ يا بنـت الأكرميـن عني *** فإني بِذي نسـبٌ في بِلادي نبـيلُ
    وما بي سُـفــةٌ ورب العالميـن *** غَير أني رأيتُك بِالخافِقََـين جميلُ
    فأُسِرت وهِمـتُ كُلـي بِعِشْقِكُــم *** فـإن طال جَفَوكِ فهالِكٌ وقتيلُ
    بِتُ أراكِ في نِساء الحـي كُـلهِـنْ *** فأين مِلتُ علَيكِ يا <فُلانة> أميلُ

    (عدل بواسطة عزام حسن فرح on 12-13-2008, 01:41 PM)

                  

12-14-2008, 06:37 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)


    مـا لِقلبي وَيْحَـهُ قــد أحـب *** مَـن أدمـى شـؤونة بِنواصِـلُ
    والدمـع مِـن عَـيني يَصْــبُ *** صَبـيباً لَيس بَيْـنِهُـنْ فواصِـلُ
    أُشفى مِن عِلِـةٍ فأُصـابُ بِغَيرُها *** حتى بات بِجسـدي لحْـمٌ خواصِلُ
    أكادُ بِذِكْـرِها أغيـبُ عن الورى *** وكأن بِكَبِـدي حُصـاهُ حَواصِـلُ
    ألا يا الركـبُ الحجيـجُ المُغادِرُ *** قِفـوا تِجاهِها وحَيـوا عني مؤصِلُ
    يا ليَتَ سَبعاً أطـوفُ كَمِثلَـكُـمْ *** وحَـيثُ تَقَطُنُ سَـبـعـاً أُواصِـلُ
    أروم لِقاءِهـــا وأنشُــــد *** فَيمنعُني قَيدَ جَفَـوِها حديدٌ صلاصِلُ
    يا ربْ العِباد قد تأزم صـدري *** وصاب وقوفي بِبابِها ألمٌ بِالمفاصِلُ
    فأرحـمني إلاهـي بِجـاهِ مُحمدٌ *** فإني عـبدٌ مُطيعٌ ولي إلٌ أُواصِـلُ
    فأحْـبِـبـنـي إلَيـها إلاهــي *** فإن لا ... فزدني عِـشـقاً مُقاصِلُ

    (عدل بواسطة عزام حسن فرح on 12-15-2008, 07:24 PM)
    (عدل بواسطة عزام حسن فرح on 12-15-2008, 07:28 PM)

                  

12-14-2008, 06:57 PM

عبدالوهاب علي الحاج
<aعبدالوهاب علي الحاج
تاريخ التسجيل: 07-03-2008
مجموع المشاركات: 10548

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    Quote: قد بِتُ شبحٍ مِن جـفـاك <فُلانة> *** ألا تنظُرين إلي بِنظرةٍ وقـُبـولُ

    قول ياجامع يارقيب










    ___________________________
    كل سنة وانت طيب
                  

12-14-2008, 08:15 PM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عبدالوهاب علي الحاج)

    عزام

    انت قاعد يا مسنوح ؟
                  

12-15-2008, 06:21 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    <font face="Arabic Transparent" size="6" color=black>
    فإن لم يكُن مِنكِ علي سَخَطٌ***فما هَمَني لو مِني العالمين قد سَخِطوا
    سـقى الله كُل أرضٍ حَللتُم بِه***وسقى الله بِسقَيِكُم مَـن كانوا قد قَحِطوا
    يا لَيتَ لي مَوعِدٌ معكُم فلقاءٌ***بِحائِطٍ قد حفهُ النخَلُ فالطلحُ فالأَرِطُ
    فأنظُر إلَيكِ سَيِدتــي بِكُلي***وكُلي جرحٌ طــــاب بعد رؤياكُم بَطِطُ
    تـقولين فأسـمعُ مِنكِ أنغامٌ***فأقسِمُ ما غال العاشِقين وما شَطِطوا
    يُخِر الماء يُمنانا ويـنهمِل***ونجلِس في حصيرِ مُجـدَولٍ لهُ أَطِـطُ
    ونلعب بِجنتِنا ونرتمي بِرمل***مُذهــبٌ لَـونَـهُ كأنـهُ حـليبٌ أَقِـطُ
    أرمُض كُل يَومٍ بِبعدِكُم ما أكذَبُني***والعاشِقين لهُـن مِن لحْمِهِم بَقِطوا
    وينكُر رِفاقي حالي الذي بيا***يا لَيت رِفـاقي بِالعِشـقِ قد سَقِطوا
    يلومُني في عِشْقِها ومالي سِواهُ***وما العاشِقين قبلي بِعِشْقِهِم بَعِطوا</font>

    ــــــــــــــــــــــــ
    الأَرِط : شجر لهُ نُوار زكي الرائِحة.
    بطِـــط : وهو شق الجرح وإخراج صديدِهِ.
    أطِـــط : صَوت كُل شئ جديد.
    أقِــــط : حليب النوق المطبوخ.
    بقِـطوا : مُفردِها ( بقط ) وهي الجِزِية التي كانت النوبة تدفعُها لِلعرب المُسلِمين.
    بَعِطوا : البعط هو الأمر القبيح.

    (عدل بواسطة عزام حسن فرح on 12-15-2008, 06:23 AM)
    (عدل بواسطة عزام حسن فرح on 12-15-2008, 06:24 AM)
    (عدل بواسطة عزام حسن فرح on 12-26-2008, 11:49 AM)
    (عدل بواسطة عزام حسن فرح on 02-15-2009, 02:37 PM)

                  

12-15-2008, 06:27 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    وجعي يا الطَيِب إتطَور ...
    بدورا بس تشوفني تتصَور ...
    فيها ايه ما قلبي إتعَور ...
                  

12-15-2008, 06:31 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    عبدالوهاب ...

    Quote: قول ياجامع يارقيب


    خليني أقول يا جامِع يا رحيم ... بدور الجمع والرحمة ...





    إنت دي صورة منو كمان الدارِعا فوق البُروفايِل حقك ... علو سِرك ... دحين ده كلام ... إتْ قايِل المنبر ده ألمبوم صُور ... والله جِنِس مِحن غايتو ... باكِر جيب لينا بِالله صورة سيد الدُكان الحداكُم ... بِسسسسسم الله

    (عدل بواسطة عزام حسن فرح on 12-15-2008, 07:02 AM)

                  

12-15-2008, 08:19 AM

شمس الدين ساتى
<aشمس الدين ساتى
تاريخ التسجيل: 12-14-2008
مجموع المشاركات: 2642

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    عزام المحسي الحر والفصيح

    واصل إبداعك وسيبك من وهبة

    دا حاسد عدييييييييييييييييل
                  

12-16-2008, 08:23 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    شمس ...

    قلت أسيب وهبه ... أسيبو شنو ... أنا نفسي ما لاقيها ... تقولي وهبه ... حليلي أنا
                  

12-16-2008, 08:46 AM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    عزام

    Quote: وجعي يا الطَيِب إتطَور ...
    بدورا بس تشوفني تتصَور ...
    فيها ايه ما قلبي إتعَور ...


    ات يا اللخو فاطي ليك سطير؟
                  

12-16-2008, 06:03 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    الطيب شيقوق ...

    Quote: ات يا اللخو فاطي ليك سطير؟


    سِطير بس ... حليلك ...

    شِن دايِر يا الطَيِب غير يِجبُر لي خِطير ...
    حـرق قلبي وشطر كِبـدي بس شِطير ...
    خايلة فوقو الجبره .. القايِم فِطير
                  

12-16-2008, 07:54 PM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    عزام المكشكش

    Quote: حـرق قلبي وشطر كِبـدي بس شِطير ...
    خايلة فوقو الجبره .. القايِم فِطير


    انت فاقد الرباط من تحت او يشعبوك السادة الاولياء البيهم توسلنا

    قال شطير قائم فطير

    بيني وبينك احسن اصم خشمي ساااااااى كدا بتودرني معاك يا مسنوح
                  

12-17-2008, 09:33 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)


    - الحب ده كيف ... يعني إنت بتشعر بِشنو ؟
    - ما عارِف أقولك شنو ... ما بتَوصف ... ده شي بتحس ... الإحاسيس ما بِتِتَوصف أو حقو ما تِتَوصف ... بِتفقِد حقيقتا ... بتبقى شي مُبتذل ... لأنو البيسأل ما بِكون بِحِب ... والما بِحِب ما بِتَوصِلو الكلِمات لِشعور البِحِب ...
    - كدي إنت وصفي لي وخلي وصول المعنى لي ...
    - الحُب ... ما بقدر أوصِفو ... لكِن كدي خليني أوصِف ليك لحظة مِن لحظاتو ... وكتين أشوفا أو أشوف زول بِيشبها أو تُنطق حروف إسما قِدامي ... بِتجيني حالة كِده زي لامِن تكون سارح ويجي زول يخلعك ... بِدُق قلبك بِسُرعة ... وتشعُر بِالدم جاري في جِسمك جري مو مجاز لا لا جري عديل كدي ... ونفسك يقرِب ينقطِع ... تلقاك بِتشهك ... بتشحد الهوا شحته ... وتلقاك رجفت ليك رجفة تهوزِز جِسمك كلو لِمُدة ثواني ... وفي الثواني دي ما بِتسمع أي صوت خارِج مدار لحظتو ... وما بِتعرِف ليك فِجة ... ما بِتعرِف إنت وين ... ما بِتحِس بِشي ... كأنو كُل أحاسيسك إتلملمت نان يقدر جِسمك يستحمل لحظتو ...
    - لا حَول ولا قُوة إلا بِالله ... والشِعور ده طوالي بِجيك ؟
    - بِجيني لامِن أشوف أي شئ جميل ... لامِن تلفحني نسمة لطيفة ... لامِن أشُم لي ريحة زكِية لامِن تطلع القمرة ... لامِن أشوف لونا عِند المِغيرِب وقريب الوقِت في الفجرِية ...
    - لكِن ده ما شئ سمِح ...
    - هو بِخاطِري ... ما قدر ... ما إنهِزام ... إنت ما شايِف دِموعي كيفِن بِقت قريبة
    - طِيِب الحل شنو يعني ؟
    - ده ما السؤال ... السؤال : المُشكِلة وين ؟
    - حالتك دي هسِع ما مُشكِلة ؟
    - ما مُشكِلة طالما هي قبلانه أحِبها ... ده مقام عِند المُحِبين إسمو < الرِضى > وإنتو رابطين بين رِضا المحبوب وبين أن يُشبِع المُحِب غرايزو البهيمِية مِن محبوبو ... ده ما يكون مُحِب ... ده كايِسلو مُتعة ... ودي أدنى غايات المُحِب ...
    - لكِن المُحِب ده لو تزَوج مِن محبوبتو ما دي غاية الغايات ... مُش كِده ؟
    - كِده ... لو حصل ده بِتنتقِل المقام لِمقام أعلى ... بنتقِل إلى مقام < الوِحدة > لِمقام < هُن لُباسٌ لكُم ... > و ده مقام خطير ... مقام ما بِقدر الزول إلا يفضح فيهو نفسو ... حتى الأنبِياء ما بِيقدرو يِدِسوهو ... الرسول مُحمد (ص) ما قِدِر يِدِس حبو لِلسَيِدة عائِشة ... أو خلينا نقول ما كان دايِر يِدِسو ... أو قاصِد كان ما يِدسو مقام < الوِحدة > مقام خطير لِدرجة إنو مُمكِن لو الطرفين المُحِب والمحبوب مقامُم واحِد يذوبان ذوبان في بعضِهِما البعض ... المقام المُعتاد ... المقام الشائِع أن يكون أحد الطرفين مقامو أقل مِن التاني كِده حياتُم بِتكون مُمتِعة ... لكِن البِكونو سوا في مقام < الوِحدة > بِكونو عايِشين عمرهُم كلو في لِذة مُمتدة ... لِذة ما مَوجودة أبداً أبداً في دُنيانا دي إلا بِدرجة محدودة جِداً جِداً ... ولامَن تحصُل بِيتبرأ مِنها البِنولا بِالغُسل ... كأنو بِعتذِر لِبهيمَيتِهِ ... كأنو ما كان يجدُر بِطين أن يُحِسهُ ... كأنو ما كان الإحساس ده حقو يِنالو طين ... لِذة عُمرها ثواني ... فقط ثواني ... هذِهِ الثواني مِثال حي لِحياة مقام المُتَوحِدين في بعضِهِم ...

    (عدل بواسطة عزام حسن فرح on 12-17-2008, 03:44 PM)

                  

12-17-2008, 02:47 PM

شمس الدين ساتى
<aشمس الدين ساتى
تاريخ التسجيل: 12-14-2008
مجموع المشاركات: 2642

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    عزام قريبي والله العظيم إت فطي مش سطير

    إت فطي سطور...... واصل الإبداع متابعنك
                  

12-17-2008, 03:49 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    شمس الدين ...

    شاحدك تديني منو يا الله ريه ...
    مَورود بدورلي في القلب كَيه ...
    شِن ظَنكُم عُقب بِسوي فيه ؟
    حليلي يِمه طشيت ما عِندي جَيه ...





    أنا فاطي ... كتر خيرك ... إنشاءالله الله يبليك بالزي الفوقي ...
                  

12-17-2008, 04:22 PM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    Quote: - الحب ده كيف ... يعني إنت بتشعر بِشنو ؟
    - ما عارِف أقولك شنو ... ما بتَوصف ... ده شي بتحس ... الإحاسيس ما بِتِتَوصف أو حقو ما تِتَوصف ... بِتفقِد حقيقتا ... بتبقى شي مُبتذل ... لأنو البيسأل ما بِكون بِحِب ... والما بِحِب ما بِتَوصِلو الكلِمات لِشعور البِحِب ...
    - كدي إنت وصفي لي وخلي وصول المعنى لي ...
    - الحُب ... ما بقدر أوصِفو ... لكِن كدي خليني أوصِف ليك لحظة مِن لحظاتو ... وكتين أشوفا أو أشوف زول بِيشبها أو تُنطق حروف إسما قِدامي ... بِتجيني حالة كِده زي لامِن تكون سارح ويجي زول يخلعك ... بِدُق قلبك بِسُرعة ... وتشعُر بِالدم جاري في جِسمك جري مو مجاز لا لا جري عديل كدي ... ونفسك يقرِب ينقطِع ... تلقاك بِتشهك ... بتشحد الهوا شحته ... وتلقاك رجفت ليك رجفة تهوزِز جِسمك كلو لِمُدة ثواني ... وفي الثواني دي ما بِتسمع أي صوت خارِج مدار لحظتو ... وما بِتعرِف ليك فِجة ... ما بِتعرِف إنت وين ... ما بِتحِس بِشي ... كأنو كُل أحاسيسك إتلملمت نان يقدر جِسمك يستحمل لحظتو ...
    - لا حَول ولا قُوة إلا بِالله ... والشِعور ده طوالي بِجيك ؟
    - بِجيني لامِن أشوف أي شئ جميل ... لامِن تلفحني نسمة لطيفة ... لامِن أشُم لي ريحة زكِية لامِن تطلع القمرة ... لامِن أشوف لونا عِند المِغيرِب وقريب الوقِت في الفجرِية ...
    - لكِن ده ما شئ سمِح ...
    - هو بِخاطِري ... ما قدر ... ما إنهِزام ... إنت ما شايِف دِموعي كيفِن بِقت قريبة
    - طِيِب الحل شنو يعني ؟
    - ده ما السؤال ... السؤال : المُشكِلة وين ؟
    - حالتك دي هسِع ما مُشكِلة ؟
    - ما مُشكِلة طالما هي قبلانه أحِبها ... ده مقام عِند المُحِبين إسمو < الرِضى > وإنتو رابطين بين رِضا المحبوب وبين أن يُشبِع المُحِب غرايزو البهيمِية مِن محبوبو ... ده ما يكون مُحِب ... ده كايِسلو مُتعة ... ودي أدنى غايات المُحِب ...
    - لكِن المُحِب ده لو تزَوج مِن محبوبتو ما دي غاية الغايات ... مُش كِده ؟
    - كِده ... لو حصل ده بِتنتقِل المقام لِمقام أعلى ... بنتقِل إلى مقام < الوِحدة > لِمقام < هُن لُباسٌ لكُم ... > و ده مقام خطير ... مقام ما بِقدر الزول إلا يفضح فيهو نفسو ... حتى الأنبِياء ما بِيقدرو يِدِسوهو ... الرسول مُحمد (ص) ما قِدِر يِدِس حبو لِلسَيِدة عائِشة ... أو خلينا نقول ما كان دايِر يِدِسو ... أو قاصِد كان ما يِدسو مقام < الوِحدة > مقام خطير لِدرجة إنو مُمكِن لو الطرفين المُحِب والمحبوب مقامُم واحِد يذوبان ذوبان في بعضِهِما البعض ... المقام المُعتاد ... المقام الشائِع أن يكون أحد الطرفين مقامو أقل مِن التاني كِده حياتُم بِتكون مُمتِعة ... لكِن البِكونو سوا في مقام < الوِحدة > بِكونو عايِشين عمرهُم كلو في لِذة مُمتدة ... لِذة ما مَوجودة أبداً أبداً في دُنيانا دي إلا بِدرجة محدودة جِداً جِداً ... ولامَن تحصُل بِيتبرأ مِنها البِنولا بِالغُسل ... كأنو بِعتذِر لِبهيمَيتِهِ ... كأنو ما كان يجدُر بِطين أن يُحِسهُ ... كأنو ما كان الإحساس ده حقو يِنالو طين ... لِذة عُمرها ثواني ... فقط ثواني ... هذِهِ الثواني مِثال حي لِحياة مقام المُتَوحِدين في بعضِهِم ...


    غير اربطك ما عندي ليك طااااب
                  

12-18-2008, 04:29 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)


    علِـقـتُ أول أمـري بِنظــرةٍ *** فـبِـتُ بِكـبِـدٍ ذو قُـروحُ
    إلى متى هذا الجـفاءُ < فُلانة > *** فقد أضـحـى بِجـرحـي جُروحُ
    ســرني إنـي أُحِــبـكُــم *** وســاءنـي دَمِـــلٌ نـتـوحُ
    يريـدون مِـنـي في عِشْقِـكُـم *** سـببُ وتـفـصـيـلٌ وشُروحُ
    يقولون ما بال عِشْقِـك لا يُكـتـمُ *** والفضـحُ كانت شيمتهُ النُزوحُ
    مـهــلاً ويــحـكُـم صِحابي *** فإنهُ بِرغمـي يبيـن مِني ويسوحُ
    يُخِـفُ العِشــقِ مِــن وطأتِـهِ *** إذا ما باح العاشِـق وكان ينـوح
    كالبَيـداء نفسي صــابَها القطـرُ *** والقطـرُ في البَـيـداء شحوح
    أيُـسـأل يـنـعِـها وهي مُقْـفِرةٌ *** فإخـضـَوضرت بِنَورٍ وطُروحُ
    يا ربُ العــالــمـيـن وربُـها*** بلَيتني لك شاكِراً بِوجهٍ صبوحُ

    (عدل بواسطة عزام حسن فرح on 12-18-2008, 04:31 PM)

                  

12-20-2008, 07:03 AM

شمس الدين ساتى
<aشمس الدين ساتى
تاريخ التسجيل: 12-14-2008
مجموع المشاركات: 2642

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    دي بالجد بقت سطور

    كيه في القلب ...إت يازول مانصيح

    ولا يمكن هلالابي مطعون حبتين

    الصاح هليلابي (تصغير وكدا)

    واصل الإندهاش

    الصورة دي لإبني المعز... شايف كيف

    محسي 100% وكوستاوي 200%

    شايف كيف
                  

12-20-2008, 07:44 AM

هاشم أحمد خلف الله
<aهاشم أحمد خلف الله
تاريخ التسجيل: 01-16-2007
مجموع المشاركات: 6449

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    عزام الجميل كل عام وانت بألف خير
    مشتاقين كتير يا زول لا رسالة تجيني منك
    لا خبر يطمئني عنك
    ليك وحشة يا غالي بس أبعد من الجفا ده !!
                  

12-20-2008, 11:23 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    <font face="Arabic Transparent" size="6" color=black>
    تآكَل قلبي بِنُكَتٍ كَحَبُ الفُلْفُلِ***ولِلدَمْعِ شَخٌ بِالخُدودِ مُشِرْجَعُ
    لا تأبهين لِحالي وَيَحَ نفسي *** فَمهـلاً فَدَيتُكِ إنْ هجرُكِ مُوجِعُ
    لَهيبٌ بِجِسمي قد تَوقَدَ جَمْرَهُ *** يُعاوِدُني غُباً فأبدو كَحْمِ الأرجَعُ
    ولَـيـلـي تـكاثَر نَـجـمِـهِ *** كأنـهُ نَــوَرٍ بِـنجـدٍ أَنْجَـعُ
    وكَــأن البدَرَ سُـقَـي آرامٍ *** تنادت وفـحـلِهـا الهُـجْـنَعُ
    ولا اللَيلُ يحِنُ لِحالي فيقْصُرُ*** ولا يكُفُ عني خيالِهِ فأَهْـجَـعُ
    يجـلُـب لـي جَـفَـوِكِ أَخَـيلةً*** فأهيم بِوجهي بِالفلاةِ وأسْجَعُ
    أحْسـبُ الصـخـر يُلين لِدمعي*** وكُلُ هَدْلِ الحمائِمِ كأنهُ فُجَعُ
    يا لَيتني أضُمْ أثْرِها لِصدري*** ثُمْ أُغادِر محمولاً على شَـرْجَعُ
    ألا ياربْ العِبادِ أخذتني بِغَيرِها؟***فإني أرجوها لِشَـقٍ فيهِ أضْجَعُ
    </font>
    ــــــــــــــــــــ
    النكت : النُقط السوداء
    المشرجع : المطَول الذي لا حرف لنواحيهِ
    عُـبـاً : أصلِهِ أن تُسقى الإبل يَوم وتُغَيب يَوم
    الأرجع : الشواء الذي يُعاد تسخينهُ
    نَــور : الزهر الأبَيض المُـتَـفـتِـق
    نجــد : ما إرتفع مِن الأرض
    أنجـع : كثير الكلأ
    آرام : غِزالان
    الهجع : الشَيخ الأصلع
    أسجـع : نظم الشِعر
    هــدل : صَوت الحمام
    أثرِها : ما تُخلِفهُ مِن تُراب
    الشرجع : السرير الذي يُحمل علَيهِ المَيِت
    الشـق : لحد القبر

    (عدل بواسطة عزام حسن فرح on 12-20-2008, 11:39 AM)
    (عدل بواسطة عزام حسن فرح on 12-22-2008, 07:20 PM)
    (عدل بواسطة عزام حسن فرح on 12-23-2008, 06:56 AM)
    (عدل بواسطة عزام حسن فرح on 12-24-2008, 06:16 PM)
    (عدل بواسطة عزام حسن فرح on 12-24-2008, 06:56 PM)
    (عدل بواسطة عزام حسن فرح on 03-01-2009, 08:31 AM)

                  

12-20-2008, 11:28 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    شمس الدين ...

    نحمدالله حمدا كثيرا ... ونشكُر فضلِهِ علَينا وعلى الخلفونا ... فهو أحسن الخالِقين ... الحمدلله لأن الولد ما طلع شكلو بِيشبهك ... الحملله ولد حَسين وعديل يِخليهو الله ليك وينفعك ... بس كان طلع يشبهُك في الشكل ، فهذا والعِياذُ بالله لشَطَطٌ ...

    (عدل بواسطة عزام حسن فرح on 12-20-2008, 11:34 AM)

                  

12-20-2008, 11:37 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    هاشِم ...

    الوِردا يا صاحبي حاميـانـي المقيل ...
    مطموره الجفا خامي مَوجـودا وبكيل ...
    جمره هواهـا موقِـدة فيا زي سجيل ...
                  

12-20-2008, 01:14 PM

شمس الدين ساتى
<aشمس الدين ساتى
تاريخ التسجيل: 12-14-2008
مجموع المشاركات: 2642

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    جمــرة هواها موقدا فيا زي سجيل

    ياخ دي فنجطا فيها

    واصل الإمتاع
                  

12-23-2008, 06:09 AM

شمس الدين ساتى
<aشمس الدين ساتى
تاريخ التسجيل: 12-14-2008
مجموع المشاركات: 2642

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    وينك
    أها رفعنا ليك البوست
                  

12-23-2008, 06:51 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)


    أُراوِحُ بَين صَدُكِ والجَـفَا***وَصـدُكِ يَـعِـلُ وجَـفَوُكِ مُفْـؤَدُ
    فأفِرُ لِخَيـــالاتٍ قَلَبي مِنها***يُحَـرُ وَتـــارةٌ مِـنْها يَـبْـرَدُ
    فَكُنْتُ إذا ما حَرَ الفُـــوادِ***نَـظَـرَتَ لِـرَسْــمِـهـا فَـأَبْـرَدُ
    وأتـــوهُ عَـن الدُنْيا حـينٌ***ثُـمْ أُسَــنُ عَـن مجلِسي فمُبَـرَّدُ
    وأنَتَبِهُ إذا ما ذُكِـرَ إسْمها***أَو إذا ما طَيرٌ بِالجُوار تَغَرَدُ
    فَدَيْتُـكِ قاتِلَتي إنـي أَمـوتُ***فَـرِفَـقاً بي سَلِمتِ فأَمْـري أَدَدُ
    أَأُقْتَلَ سَلِمْتِ بِالشَهَرِ الحَرامِ***وقَتـلـي بِـذي الحِجَةِ شئٌ إِحَـدُ
    فَـأَنْـسِـئـيـنَـنـي لآخَــرِ***فـإنـي بِـقَيـدٍ جِـوارِكِ أَبَـدُ
    عَزَلَني عِشْقي عَن العالَميــنَ***فَـتَجَـمَعَ شَـمْـلهُم إلِّي وَنَدَدوا
    مَلَلْتُ أَهَلي وَتَوَحَشَ مَـرَقَــدي***وآنَـسْـتُ بِالـفَـلاةِ مُقيمٌ شُـرَدُ



    ــــــــــــــــــ
    أُسَّـنُ : مِن السُنةُ وهو أول النُعاس
    بَــرَّدُ : إذا نام الرجل وهو قاعِد لا يرقُد
    أَدَدُ : الأمر العظيم
    إحَــدُ : الأمر المُنكر الكبير
    النسأ : التأجيل
    أَبَـــدُ : أقام ولم يبرح
    إلِّــي : أهلي
    مقيم شُرد : هو الوحش وهو الحَيوان غَير المُستأنس والطائِعُ

    (عدل بواسطة عزام حسن فرح on 12-23-2008, 07:00 AM)
    (عدل بواسطة عزام حسن فرح on 12-23-2008, 09:25 AM)
    (عدل بواسطة عزام حسن فرح on 12-23-2008, 09:34 AM)
    (عدل بواسطة عزام حسن فرح on 12-24-2008, 06:24 PM)
    (عدل بواسطة عزام حسن فرح on 12-24-2008, 06:27 PM)

                  

12-23-2008, 07:04 AM

haroon diyab
<aharoon diyab
تاريخ التسجيل: 06-20-2007
مجموع المشاركات: 23215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    عزام
    سلام ياابوي



    ادور حولك باحساسي ربيع بيغازل النوار
    واشيلك جوه انفاسي عشان تطفئ اشتياقي الحار
    كاني حداك ظل مشتول علي دروب الزمن بطول
    اشوف معناك في كل زول شرب من طعمك المعسول
    وده الخلاني فيك اقول قبل مايرجي عمري الحول
    كلاما بالغزل مغزول ولحنا في البعاد موصول
    برق عبادي سوي الهول بصدق افعاله مابي القول
    روئ اليابس علي المبلول قلب ترح الحزاني سرور

    -------------
                  

12-23-2008, 09:44 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)


    هارون ...

    بدل تَواسيني تقوم يا صاح تعزيني ...
    أريتو فيهو مُركب هـواي يِرسيني ...
    أتأدب معاهو عِلا الزميل بِعصيني ...


    سؤال : الشِعر الفوق ده يا هارون هيلك ... لو هيلك نبقى إتنين سوا ...
                  

12-23-2008, 09:59 AM

haroon diyab
<aharoon diyab
تاريخ التسجيل: 06-20-2007
مجموع المشاركات: 23215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    ياعزام
    سلام تاني
    كدي حسع سيب الشعر
    عاوزين نشوفك
    حتي اسأل كمال سالم

    وبلدا هيلي نا
                  

12-23-2008, 10:11 AM

شمس الدين ساتى
<aشمس الدين ساتى
تاريخ التسجيل: 12-14-2008
مجموع المشاركات: 2642

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    هارون دياب سلامات

    الفاطي سطر دا اليومين دي شغلال مع ناس الهجن

    أصلوا الشحانية فيها شنو غير الإبل

    أغنا غايتو بظن الشاغلة قلبو دي ناقة

    أنا غايتو الجمعة الجاية بكون في الشحانية

    (عدل بواسطة شمس الدين ساتى on 12-23-2008, 10:12 AM)

                  

12-23-2008, 05:55 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    هارون دِياب ...

    Quote: عاوزين نشوفك


    تشوفك العافِية ... سمِح ما تجوني ... عودوني ... بتلقو الله معاي ... إنتو بتدورو تسعلو مِني بِتين ... لامِن أموت ... هيا ناس ... عِلا أنبطِحلكُم في المُشتشفى وأبقالكُم نِجازة ... بخيت جَدي الماحِضِركُم أكان إنفقعتلو مرارة مِن كُتر الجفا العليكُم ...

    مقتول كوركن يا بنات عديل فوق راسي ...
    قلتلو: بِتين تقتل أسيرك قال: مو ناسي ...
    حليل يِمه نسيوني صِحابي وهديل ناسي ...
                  

12-23-2008, 06:10 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    شمس الدين ...

    Quote: بظن الشاغلة قلبو دي ناقة

    < إِنَّا مُرْسِلُوا النَّاقَةِ فِتْنَةً لَّهُمْ فَارْتَقِبْهُمْ وَاصْطَبِرْ > 27 القمر

    أها أنا مُصطبرلي فوق رااااي ... إتْ قنِب أرجى الصَيحة ... باكِر واطاطك بِتصبِح ...
                  

12-24-2008, 05:53 AM

شمس الدين ساتى
<aشمس الدين ساتى
تاريخ التسجيل: 12-14-2008
مجموع المشاركات: 2642

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    زيدنا والجمعة قريبة
                  

12-24-2008, 06:12 AM

كمال علي الزين
<aكمال علي الزين
تاريخ التسجيل: 11-14-2006
مجموع المشاركات: 13386

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: شمس الدين ساتى)

    Quote: ها أنا أُفلسِف جفاكِ ...


    فلسفوا يأأب شنب فلسفو
                  

12-24-2008, 06:12 AM

كمال علي الزين
<aكمال علي الزين
تاريخ التسجيل: 11-14-2006
مجموع المشاركات: 13386

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: شمس الدين ساتى)

    Quote: ها أنا أُفلسِف جفاكِ ...


    فلسفوا يأأب شنب فلسفو
                  

12-24-2008, 02:21 PM

شمس الدين ساتى
<aشمس الدين ساتى
تاريخ التسجيل: 12-14-2008
مجموع المشاركات: 2642

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    ما قال ليك فلسفو ما لك قطعتا

    الظاهر عليك مع الهجن منتظرين الفلسفة
                  

12-24-2008, 04:40 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    - الغريبة لِغاية الليلة الناس ما إتلخبطت عليها الأيام ... مُش غريبة !
    - والله ما فاهمك قاصِد شنو الأيام تتلخبط على الناس كيف يعني !
    - يعني مِن زمن أبونا آدم لِحد الليلة سمِعت ليك بلد قالت اليَوم ما الأحد اليَوم الإثنين ؟
    - ما سِمعت ... أو في الحقيقة ما فكرت في حاجة زي دي ...
    - مُفكِر ليها شنو ... دي مِن المحفوظات
    - والمحفوظات دي كمان شنو ؟
    - في حاجات الله جلا جلالو بِحفظا براهو ... زي القُرآن الكريم ما تكل حِفظو للناس ... زي أيام السنة ... زي النِسب المُقدرة تقدير ، تلقى في مِقدار مُعَين مِن ذوي الإحتِياجات الخاصة ، تلقى في نِسب مُقدرة تقديراً مِن الشر ... مِن الحُب ... برضو مِن المَوت ... مِن المواليد ... دي كُلها وحاجات تانِية بسميها المحفوظات ...
    - يعني حُبك لِفُلانة ده مِن المحفوظات ؟
    - طبعاً
    - الحب الإتِجاهو واحِد ده !
    - الحُب عمرو ما كان إتِجاهو واحِد ... ما عارِف أشرح ليك المسألة كيف ... لكِن خليني أحاوِل ... أنا فِعلاً بحِب فُلانة ... خليني أدي شرحي مِثال ... النقول كُل القَيم والمشاعِر درجاتا القُصوى (100) درجة ... وأنا بحِب فُلانة على كِده (100) درجة ... بِمُجرد ما حبيت فُلانة ... بِموجِب أمر بِكده بِكون برضو في أمر صدر بِإنو فُلانة حبيبتي دي برضو تحِب بِمِقدار (100) درجة ... لكِن ... خلي بالك مِن لكِن دي ... ما شرط إنو فُلانة حبيبتي أنا ، تحِبني أنا بِالذات ... تلقاها بِمُجرد صُدور أمر الحُب ... إتغَيرت ... بِقت إجابِياتا كتيرة ... وحُبها الصادِر ليها طالما إنو ما مقسوم كلو لِعزام أو أصلاً ما مقسوم لي مِنو نصيب ، بِقوم الحُب المقسوم ليها بِيتقسم على حاجاتا تلقاها بِقت بِتحِب الكانت بِتحبو بِزيادة (10) درجات مثلاً وتتَوزع على كِده مِقدار الحُب المقسوم ليها
    - يعني مُمكِن في تقسيمات حبيبتك البِتجدِع فوقا دي ، ما تنول إنت حتى (10) درجات !
    - مُمكِن ... وبرضو مُمكِن تُرَحَـلَ ... وده الأمل العايِش فوقو ...
    - كييييف ؟
    - يعني لو نقصت حُبها لـ(أ) بِمِقدار (10) درجات ... بتِترحل الـ(10) درجات النقصت مِن (أ) إلى (ب) كلها أو جُزء مِنها ... وما بِترحل حُب إلا بِنُقصان حُب شئ تاني ...
    - والله كلامك فوقو منطِق رِياضي ... لكِن ... برضو إنت خلي بالك مِن لكِن دي ... عِندي إحساس إنك بِتخارِج فوق رقبتك ساي ...
    - ده إحساس طبيعي لِزول ما صدر ليهو أمر حُب ...
    - طَيِب البِخليك تعتقِد إنها حترَحِل ليك تقسيماتا شنو ؟
    - لا السؤال كِده ما مظبوط ... السؤال المظبوط : البِخلي الحُب يتَرحَل شنو ؟
    - طَيِب شنو ؟
    - القلب ... القلب هو البِخلي الحُب يترحل ... يترحل لِصالِح (أ) خصماً مِن (ب) ... القلب سموهو قلب لِتقلُبِهِ ... القلب يا سيدي هو البِرحِل الحُب ... هو البستقبل كُل أمر الحُب دَفعة واحِدة والبِخلي القلب يِرحِل الحُب ... هو الطِباع ... العُشرة ... تقارُب الأفكار ... الفهم ...
    - وزحمة الأوصاف دي ما فوقا جمال المحبوب وحُسنو يعني ...
    - الجمال بِالنِسبة لِلمُحِب عامِل زي القرينة في القضِية ما بِتَصل مُستَوى الدليل وقُوتو ... لكِن ما مُمكِن كمان إنو القرينة تُهمل بِالكُلِية ... والجمال مُش شرط صِحة لِلحُب ... الجمال مُمكِن نقول عليهو نَـفَـل الحُب المكتوب على المُحِب ... وجُزئِية الجمال مِن عدمو في المحبوب ما مُهِمة ... لأنك مكتوب عليك تحِب فُلان بِغض النظر عن جمالو أو قبحو ، وده بِيحصل في حاجات كتيرة ... إنت مثلاً شُفت الرسول مُحمد (ص) ماهو إنت بتحِبو ... بِتحِبو ليه طَيِب إذا كان أصلاً الحُب بِيحصل بِالإحتِكاك المُباشِر ... حبيت الرسول لأفعالة ... لأقوالو ... لِمواقفو ... لِلقِيم الكان بِيدعو ليها ... صدِقني حِكاية إنو الرسول (ص) كان مقرون الحاجِبين وكان مربوع وعريض المَنْكَبَين ... الأوصاف الجمالِية دي ما عِندها أي تأثير في حُبك ليهو ... لو كان عكس كِده برضو كُنت حبِتو ... شوف عِندك الناس بِتحِب سَيِدُنا علي إبن إبي طالب قدر شنو ... قريت أوصافو ... كان شديد السُمره ... قصير ... ذو بطن كبير ... أمَيل لِلسمنه ... هسِع عليك الله لو الحُب بِالجمالِيات كان سَيِدُنا علي (رض) بِتحب ..
    - يا زول إنت عاوِز تكفُر ولا شنو ؟
    - أكفُر ... أعوذ بِالله ... أنا قُلت شنو علشان تمَرُقْني مِن المِلة ؟
    - إنو الرسول (ص) شنو ما عارِف ... وبشتنت سَيِدُنا علي بشتنه ...
    - بِالله ده كلام ... سُمره سَيِدُنا علي وقُصرو بِبَشتِن الزول ... معقول تفكِر كِده
    - ما عارِف والله !
    - ما أهو أنا بحاوِل أعرِفك ... الشئ الما فاهمو أسألني مِنو ... مُش تحكُم على شئ إنت ما فاهمو
    - والله حِكايتك مع فُلانة دي لخبتطنا لخبطة ؟
    - وإنتو مالكُم ؟
    - ياخي مِن يوم ما حبيب البت دي لا عارفين مواعيدك ولا قادرين نلقاك ... الجبنه إتغَيرت مواعيدا الصالون الأدبي قرب يختفي ... بقيت تهمِل رسائِل أعضاء مُنتدى كويكة ... كِتاباتك في المُنتديات بس بِقت محصورة في أشعارك وكِتاباتك فيها ...
    - أنا كان ما كتبت البحِسو وخليتو جُواي بكتُلني ... إنت عاوزني أموت !
    - والله إنتو بتفضحو رقبتكُم براكُم ... علشان كِده ماف شاعِر حب ليهو واحدة عرسا ... ما ستر حُبو قام زي المجنون يِناضِم بحِب فُلانة ... بحِب فُلانة ... لامَن فضح روحو وفضحا ...
    - الحُب لو نضم بيهو البِحِب ولا ما نضم بيهو ياهو بِيظهر بِيظهر ... والله أنا بِتكون قايدا فوقي نار ... لامَن أكتِب ... لامَن أشرح ... برتاح شِوية ...
    - كلامك فوقو منطِق ... لكِن الحُب الما فوقو لِقاء ده غريب علي ...

    وَلي عَـزاءٌ عَـن نَـأْي مَسْكَنِها *** أَنْ شمـساً علي وَعلَـيـها تشرِقُ
    وَأَرْضٌ نَـدُبُ فَــوقِـها مَـعـاً *** وَسَماءٌ تُـظَـلِلُـهـا وَعَلي تَبَسِقُ
    ساقَــتَ رِياحُ شَـوقي سُـحُبٌ *** لِهَجَـرٍ فَاليَمامَةِ وَرِياضُـها تَبَرِقُ
    فَيا أَرْضٌ بِالحِـجـازِ مَقـامُـها *** حُييـتِ أَرْضُ الحِـجـازِ بِرَوَنَـقُ
    قَد حَوَيـتَ البَيتُ العَتيـقِ وَأحمدِ *** وَأَثْـلَـثْـتي أَرْضُ الحِجازِ بِمُعْتِـقُ
    يُحِـزُ في النفَسِ قُـرْبَ دِيـارِها *** مِـني كَـقُرْبِ اللَحَم مِنْ الأَفَـيَـقُ
    وَيَبَـعِدُنـي عَنَها إصَــلاحُ عَيَشٍ *** وَجَفاءٌ وَحَـظٍ قد بَاتْ يَـنْـعِـقُ
    فَـــلا هـذا وَلا ذاكَ يَردَعُـنـي *** وَسائِرٌ بِالعَهْدِ وَعلى العَهْدُ أَنْفِـقُ
    فَـمـا العَـيَـشِ بِالدُنَـيـا سَلِمْتي *** إلا آمالٌ وَإحْقاقُ حَقٍ ومُـنْـفِـقُ
    أَنــامُ قَريــرُ العْيَـنِ مِنْ شَرَفٍ *** وَأَصْحى بِأَهَلي كَريمٌ مُرَهَّــقُ


    ــــــــــــــ
    تَبَسِــقُ : ترتفِع
    تَبَــرِقُ : تُمطِر
    الرَوَنَـقُ : أول الشباب
    أثـلـث : الشئ : جعلتهُ ثلاثة
    مُعْـتِـقُ : الذي يُحرِر الرقيق
    الأفَيَـقُ : الجلد
    مُرَهَّــقُ : الذي يغشاهُ السائِلين والضِيوف

    (عدل بواسطة عزام حسن فرح on 12-24-2008, 04:53 PM)
    (عدل بواسطة عزام حسن فرح on 12-24-2008, 05:38 PM)

                  

12-24-2008, 04:48 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    ود الزين ...

    كَتَر هُمومي وصابني مِنو أذِيه ...
    حِليـلي بريـدلي فـوق حورِية ...
    وجع القليب الصابني مِنو برِيه ...
                  

12-24-2008, 09:02 PM

عماد الشبلي
<aعماد الشبلي
تاريخ التسجيل: 06-08-2008
مجموع المشاركات: 8645

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    كَتَر هُمومي وصابني مِنو أذِيه ...
    حِليـلي بريـدلي فـوق حورِية ...
    وجع القليب الصابني مِنو برِيه


    يا جماعة ..

    عزام دا وجعو قوي .....

    يا تدو الدوا........

    يا تبعدو منو تدو الهوا
                  

12-24-2008, 09:45 PM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عماد الشبلي)

    Quote: كَتَر هُمومي وصابني مِنو أذِيه ...
    حِليـلي بريـدلي فـوق حورِية ...
    وجع القليب الصابني مِنو برِيه ...


    صدق من قال خ>وا الحكمة من .........
                  

12-25-2008, 07:23 AM

شمس الدين ساتى
<aشمس الدين ساتى
تاريخ التسجيل: 12-14-2008
مجموع المشاركات: 2642

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    وجدتها وجدتها

    ما معني (لخبتطها) يا فالح

    ما قلنا فاطي قلتا شنو فضحتنا
                  

12-25-2008, 03:04 PM

شمس الدين ساتى
<aشمس الدين ساتى
تاريخ التسجيل: 12-14-2008
مجموع المشاركات: 2642

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    وينك يافلسفة

    رد علي السؤال الفوق
                  

12-25-2008, 03:57 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    عِماد الشِبلي ...

    Quote: عزام دا وجعو قوي .....
    يا تدو الدوا........
    يا تبعدو منو تدو الهوا



    دواي يا صاحبي بستناهو ...
    عِندو قانون فوقي إستناهو ...
    حديد الهَيبة فوق مُبردو إستناهو ...

    (عدل بواسطة عزام حسن فرح on 12-25-2008, 04:22 PM)

                  

12-25-2008, 04:04 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    ود شيقوق ...

    Quote: صدق من قال خ>وا الحكمة من .........



    بخيت بِهواها ... بخيت بِجِني ...
    تقول مِن عبقر لي قريناً جِني ...
    يا الله نسام مِن حداها يِجِني ...
                  

12-25-2008, 04:15 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    شمس الدين ...

    Quote: وجدتها وجدتها
    ما معني (لخبتطها) يا فالح
    ما قلنا فاطي قلتا شنو فضحتنا



    ما فهمان عليك حبيبي ... لو بِتريد توضِح إش تعني بـ(لخبتطا) أكون ممنون ...



    ثُم بعد ...

    والله يا صاحبي وقريبي وسري ...
    بدور أقولك كـلام في سِري ...
    مكتول مِن الإسيمو في سِري ...



    أقول ما كتبت وأستغفِر الله لي ولي ...

    (عدل بواسطة عزام حسن فرح on 12-25-2008, 04:19 PM)

                  

12-26-2008, 11:39 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)


    عَـجِـبـتُ لِـعَـيـنـي وَدَمْعِها***فما ضَـنَـتَ عِـند اللِقاء نُزولُ
    أَعَـرَضْـتُـمانـي لِـمُـشْـفِـقٍ***يا دَمعُ ولِشـامِـــتٍ وعزولُ
    بَـكَـتَ عَـيـنـي مِـنْ جَـفَوِها***وبـات الجِسم في نقصٍ وهُزولُ
    تَـسَـلَـسَـلَ الدمـعُ مُـنهـمِـرٌ***كأنــهُ مَـنسَـجٍ يشِـدُ غُزولُ
    فَـتـقِـرُ الدَمـعـةِ بِـإطـراقـي***فـي رَمْلٍ نَكَت بِالأرضِ أُصولُ
    يـتَـوالى الدَمـعُ مُـتسـاقِـطـاً***حـتـى صـار الرمْـلُ أُجـول
    ما عــاب الشَيخُ إن أحـب بِيَومٍ***ولا الـفـحـلُ أن يـكون بَزولُ
    يُعاب الشَيخُ أن يكـون سـفـيهاً***وكذلِك عَيبٌ إن فيهِ كـان خُمـولُ
    فَدَيتُكِ بِـروحـي فـأشـفِـقـي***فـإن بِكَبِدي مِـن جَـفاكِ نُصـولُ
    ألا لـي يا ربُ العِـبادِ بَـيَـومٍ***أكونُ بِخِدْرِها فأعقُبُهُ صائِماً وبتـولُ


    ـــــــــ
    الإطراق : أن تجعل رأسُك بَين يديك وهو يقابِل الأرض ، وهي صِفة المهموم.
    أُجـول : الشربة ، وهو الطين يُجمع حَول النخلة.
    الشَيخ : مَن جاوز عُمرِهِ الأربعين.
    بزول : إسم الجمل إن خرج آخِر أنيابِهِ وذلِك إن أتم التاسِعة مِن عُمرِهِ.
    الخِدر : سِترٌ يُمَدُّ للجارية في ناحية البيت ثم صار كلُّ ما واراك من بَيْتِ ونحوه خِدْراً.
                  

12-27-2008, 04:26 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)


    لَما غَنى لِلذِكرى في وَكْنِهِ طَيرٌ***رَسَـمَ دَمَـعُ عَيـني بِالخَـدُ خَطُ
    فَتَعَلَلَتُ لِرِفاقي أَني دَمِعْتُ لِمَطٍ***وحَسْـبي كَـم يَظَـلُ بِجِسْـمي مَطُ
    يقولون قَد فَعَل فيك أفاعـيـلٌ***قُلْتُ لِحُـبِهِ جِفْـني ها قد بَسَطَتُ
    أُحِـبُها مالِـكَـتـي بِكُـلـي***وكُـلـي مِــن جَـفَـوِهـا أبَـطُ
    لها عَينٌ تُـثْـقِـبُ بِهـا قََلْبي***وحاجِــبٌ مَقـرونٌ أسَـودٌ أَثَـطُ
    وأهدابٍ كَعَرجون النخيل مُقَوسٌ***وبَشـرةٍ سمراء طَـفَـلَـةٌ ثَمَـطُ
    وكأن بِـشْـفتِيها الليـماءِ وَرَمٌ***بِنِصفِهِ شَـقٌ بدا لِلغريــق شَطُ
    عَـجِبتُ كَيف لِخِـصْـرُهـا قد***أطــاق حِـمْـلَـهُ ولــم يَحَطُ
    فـارِعــةُ القَـوامُ إذا قامَـت***تَستَنِـدُ كـأنَهـا عرجــاءٌ بَعَطُ
    ما غَـطَطتُ عَـيني مِنها لِجَهلي***والعالمين عَـينِهِم قد أغطــوا


    ــــــــــــــ
    أبط : الجرح شقهُ
    أثط : رقيق الحاجِبين
    ثمط : العجين إذا أُفرِط في الرِقة
    بعط :الأبعاط أن تُكلِف الإنسان فَوق طاقتِهِ
                  

01-09-2009, 09:25 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)


    تبقى لي أملٌ واحِدٌ فقط بعدما عَم جفاك أنحائي كُلُها ... أملٌ واحِدٌ فقط ... أن أنتبِه ...

    الأحلام ... هي الملجأ الآمِن دَوماً ... وفي الحُلُم ، تجِدُك كهلاً تارةً وشاباً غضُ الإيهاب تارةً أُخرى ... تتألم في حُلُمِك ... تفرح ... تأكُل وتتذَوق ما تأكُلهُ وتشرب فتُرَوى ... تُمارِس كُل النشاطات الإنسانِية وتُأثِر فيها وتتأثر بِها ... تجِدُك تُحِس بِالمشاعِر كُلُها ... وأنت مُستغرِق في النَوم ... يتعطل الزمن تماماً ... فتكبُر حتى تراك شيخاً ... وأنت في حُلُمِك ... لا تدري أنك في حُلُم ...
    - هل تدري ؟
    - نعم لا تدري ذلِك أبداً ...

    حسُناً ... السؤال ... هل لدَيك دليل واحِد ... بُرهان ... بَيِنه واحِدة ... تُثبِت لك الأن في هذِهِ اللحظة التي تقرأ فيها هذا النص ... أنك لَيس في حُلُم مِن أحلامِك ... وكُل الشُخوص التي تتدافع معك حقيقِية ولَيس مِن حِلم ... قد تكون الأن أنت في عُمر التاسِعة أو العُشرون وغلبك النَوم فنِمت وكُل ما جرى ويجري الأن حُلُمٌ في حُلُمْ.

    لا أُاكِد أنني في حُلُمٍ وأنتُم شُخوصٍ بِهِ تتدافعون ... فقط أُريد أن أفكِر بِإمكانِية حدوث ذلِك ... بعدم إستِحالة ذلِك ... لأن الذي يحدُث في الواقِع يحدُث في الحُلُم ... وأغلب الذي يحدُث في الحُلُم لا يُمكِن أن يحدُث في الواقِع ... لا أقطع الشك بِإنني غَير مُستغرِق في حُلُم ، ولا يُمكِن كذلِك أن أقطع الشك بِاليقين ، بِإنني مُستيقِظ وإنكُم حقيقة ... فإن الحُلُم يُلغي تماماً الجُغرافيا (المكان) والتاريخ (الزمان) ويُلغي نواميس وعلوم عديدة مِنها المنطِق ... لا أُاكِد ذلِك ... فقط أُريد أن أفكِر بِإمكانِية حدوث ذلِك ... بعدم إستِحالة أن أكون في حُلُم ... اليقظة حقٌ وحقيقة لا مراء فيها ... لأن حُدوثِ الحِلَم يتَطَلب حالِم وهذا الحالِم حقيقة ... نام فحَلُم ... والحُلُم حقٌ كذلِك وحقيقة لا مراءُ فيهِ ... فقط ... كَيف تَـتَـيْـقـَـن إنك هُنا أو هُناك ؟ كَيف تَـتَـيْـقـَـن أنك في حقيقة اليقظة ؟ كَيف تَـتَـيْـقـَـن إنك لَيس في حُلُم أو إنك في حُلُم ؟

    فإن الذي يحدُث لي لا يُعقْل ... يكاد يَـقْـتُـلُـني جفاها ... ثُم ... يكاد يَـقْـتُـلُـني رِضاها ... لله درُ مَن قال < ... إِنَّي هالِكٌ وَفي الهالِكينَ عَريقُ > ...





                  

01-09-2009, 09:48 AM

Abdlaziz Eisa
<aAbdlaziz Eisa
تاريخ التسجيل: 02-03-2007
مجموع المشاركات: 22291

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)



    الأخ المبدع عــــزام

    سلام


    الكلام ده تجلّي عديل كده..
    عشته في متعة بلا حدود...

    لكن بس زعلان من الوقت السرقته مني..
    ياخي رابطني في بوستك ده ساعة كاملة.. ولسه راجع ليهو..

    لك تحياتي
    عبدالعزيز
                  

01-09-2009, 10:57 AM

شمس الدين ساتى
<aشمس الدين ساتى
تاريخ التسجيل: 12-14-2008
مجموع المشاركات: 2642

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    ياها دي الفلسفة يشهد الله

    لكن ليه قافل التليفون حتي الأرضي ما بيرديعني مانكفر ليك

    ولا ماداير تسمع صوتنا كمان
                  

01-09-2009, 11:34 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)


    عبدالعزيز ود عيسى ...

    كتر خيرك ... وتسعد أيامك ...

    أنا يا صاحبي الإنبهل طيشو ...
    مع الفجرِية فيا إندرش ديشو ...
    قُواتو السماحة والأدب عيشو ...
                  

01-09-2009, 11:39 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)


    شمس الدين ...


    Quote: ماداير تسمع صوتنا كمان


    إتْ يا خوي محمد وردي ... يسمعوليك شنو ... ما غِمرتْ وما جيتني ... تاني شنو
                  

01-09-2009, 02:37 PM

شمس الدين ساتى
<aشمس الدين ساتى
تاريخ التسجيل: 12-14-2008
مجموع المشاركات: 2642

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    والله ضحكت لحدي بطني وجعتني

    كدي خلينا من جيتني وفلسف لينا جفاها دا

    تعرف شفت الصورة النص كم في البروفايل

    والله العظيم ليك حق تفط سطرين
                  

01-10-2009, 11:23 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)


    - والله أنا ما عارفة أسوي ليك شنو ...
    - ما تسوي أي حاجة ... إنتِ ما مُلزمة ... ما مجبورة ... يا ستي أنا الأسير حقو تخلي لي أنا الأهِمْ بِحتسوي قيني شنو ...
    - بس أنا شاعرة كده بِإنو ده ظُلم ... ما قادرة ... ما مُرتاحة ... ما عارفة ...
    - أنا حأرَيِحك ... شوفي يا ستي ... إنتِ في اليوم ... اليوم العادي مُش بتقابلي رُجال كُتار ... السواق ... بِتاع الدكان ... العُمال في المكتب ... المُوظفين ... أساتِذة الجامعة ... حتى رُجال الفضاء الإسفيري ... مُش ديل بتقابليهُم في اليوم أكتر مِن مرة ؟
    - أكيد
    - طَيِب أنا عاوزِك تعتبِريني واحِد مِنهُم ... ايه رأيك في بِتاع الدُكان ... إعتبِريني بِتاع الدُكان ...
    - لكِن إنت ما بِتاع الدُكان ...
    - طَيِب أنا منو ... لا ... لا ما تجاوبي على السؤال ده ... مُمكن إجابتو تكْـتُـلـني أو مُمكِن برضو تكْـتُـلـني ...
    - لكِن الوضع ده حيستمِر لِمتين يعني ؟
    - أنا غايتو فكرت في المَوضوع ده كتير ... لِقيت إني ما مُمكِن أنتظِرِك أكتر مِن [20] سنة إبتدأت مِن يونيو 2008م ... بعد كِده حقو أخلي عندي دم وأنسحِب ... طبعاً أكيد في الـ[20] سنة الراجيكِ فوقا دي إنتِ حتتزَوجي ... ده ما بِشكِل لي أي حاجة ، فطالما إنتِ هسِع ما معاي ، كَونِك تكوني مع السَيِدة الوالدة أو مع زَوجِك سيان عِندي ... بس لو إتزَوجتي حأمتنِع عن النحيب بِصوت عالي ... عن البُكا بِالثكليب ... لأنك حتكوني بِقيتي عرض راجِل وهذا خط أحمر كبير جِداً ... عاوزة حاجة مِن الدُكان ؟
    - دُكان شنو ؟
    - مُش قلت ليك إعتبِريني بِتاع الدُكان !
    - هاهاهاهاهاها
    -البركة الظهر سِنك ...
    حلاتا الضحكة في سِنك ...
    فوقي قانونِك وشرعِك وسِنك ...

    - والله ما عارفة أقول ليك شنو ... وضعك ده ما مُرِيِحني ... أنا بقيت أمشي أتلفت ...
    - ليه كده ... أنا مُتأسِف والله ... أنا لو كُنت عارِف ده حيصل لي ما كُنت إشتركت في سودانيز أون لايِن مِن أصلو [ شكيتك على الله يا حاج حمد إنتْ وعادِل سلموني الباسوورد في أقل مِن شهر ] لكِن مُقدر وكان مكتوب ...
    ماف يا سِتي مِنو هروب ...
    يوت الريد فيهو هبوب ...
    فيهو قسا ... فيه مغلوب ...
    فيهو حُرقة كَبِد وقلوب ...
    يوم رضى ويوم مقلوب ...
    يوم بدين يوم مسلوب ...

    - طَيِب برضو ما قُلت لي ... وضعك ده ما مقبول بِالنِسبة لي خالِص ... إنت راجِل مُتزَوِج وعِندك بيت وأولاد ... وأنا ما ممكِن أقبل بِوضع زي ده ...
    - يعني أنا مُعاقب علشان مُتزَوِج ... بِتعاقبيني ... وأنا كُنت لِقيتك قبُل ما أتزَوج بِت إبراهيم وخليتِك ... ما كُنت بكوس فيك ... فتشتِك في زواجي الأول مرقتي ماك إنتي ... فتشتِك في زواجي التاني مرقتي ماك إنتي ... وِكتين لِقيتِك بِدوريني أفوتِك ... أفوت أمِش وين يعني بعد ما دموعي ملت صدري ...
    أقلو خليني أضارا بيك وأقـشْـقِـشِـن ...
    بدور أسعى هواي وأَعَـشْـعِـشِـن ...
    يِـمـه حامـيـاني حتـو أَرَشْـرِشِـن ...

    أفوت أمِش وين بعد ما مسكت الدرِب تقوليلي أضهب مِنو ... وبعد ده ... ما حاميلي زول يِمِش فوق دربِك ... شِن قدرني ... ما قابِض لي زول ماش فوق دربِك ، يسبِقني فوقو أو يتأخر مِني ما هاماني ... بس أبقى فوق دربِك ... وتراني ماش ما بدور شي غير تخليني فوقو ماش ... مِتلي مِتل غيري ... والبِدورا الله يِسويها ... البِصْل خشُم بابِك مِن الماشين ... مِن السايرين ... مِن الداجين ... بخيتة عليهو وبيت مال وعيال إنشاءالله ... بس سيبيني فوق دربِك أمِش ...

    - معقول ده وضع ممكِن يستمِر ؟
    - يا سِتي كم مره في العُمر الواحدة فيكَنْ بتلقى زول بِخاطرو وبِكامِل قُواهو العِشقِية يصبح ليها إسبير ... قِطعة غِيار ...
    - لا لا أنا ما برضى ليك الما برضاهو لنفسي ... ما تقول على نفسك كِده ...
    - أرجوكِ ... خليني أنقِط حُروفي زي بفهما ... أنا قبلان بِالوضع ده ... الوضع ده أحسن لي مِن الإسبيرات المُصدِية ... المُكَعَوجة ... المُجدعة في وِرش المنطِقة الصِناعِية وبِتِتباع بِالكوم (إسكراب) ...

    - هاهاهاهاهاها
    - صدِقيني ... أنا مبسوط إني بضحِكِك ... أوعي يا < فُلانة > تقبلي بِواحِد ما بِضحِكِك ... ضَـحَـكَـتْـكِـنْ زي فرحة الوردة وكتين يسقوها مع الفجرية ... أوعاكِ مِن راجِل لا يِـسْـقـي لا يِـسْـوي ... أصلو الدُنيا لو سمحة الله أكان سماها عُليا ...
    - حتعمل شنو طَيِب ...
    - حأحاول ألقى لي طريقة أرجِع بيها الشريط ...
    - شريط شنو ...
    - شريط كلامنا ده ...
    - والله إنت مُضحِك ...
    - غريبة ... كان تضحكي ، أحسن مِن تقولي لي أنا زول مُضحِك ... أنا حأعرِف على كُل حال لو ضِحكتي إني زول مُضحِك ...
    - هاهاهاهاها
    - عاوِز أسمع ضحكتِك طوالي ...



    - يابا ... يابا ... ناس المدرسة قالو لي أكان ما جِبت الرسوم ما تجي داخِل ...
    - بِسم الله الرحمن الرحيم ... إتْ منو ؟
    - أنا الراكِز حسن ...
    - بدور شنو ؟
    - دايِر رسوم المدرسة ...
    - في زُمْـتـك زول نايِم تكورِك فوق أضانو جِنس ده وتخلعو بِجيب الرسوم ... أمِش القُروش تلقاها عِند أُمك ... طَيرت لي نومه بفتِش فوقا لي حول ...
                  

01-12-2009, 05:15 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    - إنت عارِف أنا مِن حبيت < فُلانة > شاعِر ليك بِإني بستغِل فوقا ؟
    - كيف ؟
    - قبل ما أحِبها كُانت الدُنيا مُعطِلاني عطلة شديدة ...
    - دقيقة مُعطِلانك كيف يعني ؟
    - أصلي داخِر لي كام عمل خير كِده + حُسن الظن في الله وكُنت بتمنى أموت بيهِن قُبال ما يِنمحقن ...

    - وبعدين
    - بعدين شنو ؟
    - إستِغلالك الشاعِر بيهو مِن حبيتا !
    - أيوه ... أيوه ... أها ياسيدي ... مِن حبيتا بقيت أحِب الدُنيا ... بقيت ما دايِر أموت هسِع ... دايِر أعيش أطَول مُدة مُمكِنه علشان أحِبها فوقا ... بس عاوِز أسعل لي فكي ... أنا أكان مُت وطلبت حوري تكون < فُلانة > بِجيبوها لي هي زاتا زاتا ولا زولة بِتشبها ساي ... والله الحِته دي مُحيِراني شوي ... إتْ رأيك شنو ...
    - رأي إنك جنيت تب ... ده كلام شنو يا زول البِتقول فوقو ده !!
    - ما لي هسِع ما بتَونس معاك ... إتْ ما شُفتها ما بِتحِبها ... لا دقيقة ... سؤالي ما ده ... دقيقة بس ... أيوه ... ليه ما حبيتا زي ما أنا حبيتا ...
    - إنت عاوِز كُل الناس تحِبها ؟
    - المفروض كِده ... لكِن برضو أحسن ... كُل ما يِقل البِحِبوها فُرصي بِتكبر ... مُش كِده ؟
    - لا حَول ولا قُوة إلا بِالله العلي العظيم ... إنت حالتك بِقت صعبة ...
    - طَيِب ما تساعِدني ...
    - أحِبها ليك يعني ولا بِتقصُد شنو ؟
    - لا ياخ ما كِده ... حِكاية الحُب دي عاوزة مشاعِر وأحاسيس وإنت ... لا طبعاً ما بقصُد كلامي حرفِياً ... أنا كـ
    - خلاص خلاص ... كتر خيرك ... مع السلامة ... عِندي شُغل
    أنت حتو يا صاحبي بقيت بِجاي ...
    حليلي البِندَلِق فوقو وصار جُواي ...
    يِمه صِديري بِرِز قليب سواي ...

                  

01-13-2009, 05:46 AM

شمس الدين ساتى
<aشمس الدين ساتى
تاريخ التسجيل: 12-14-2008
مجموع المشاركات: 2642

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)

    واصل يا فلسفة متابعين
                  

01-14-2009, 04:06 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ها أنا أُفلسِف جفاكِ ... (Re: عزام حسن فرح)



    - أنظُري أيتُها المبروكة ... ماذا يقول الرمل عني وعنها؟ عِندما أكون في الفلاةِ تتراءى لي فأُحدِثُها ... عِندما أشهِقُ أُحِسُ إني لِزفيرُها أشْهِقُ ، فأظل في ذلِك حتى يكادُ شَهَقي يَـخْـنُـقُـنـي ... أنظُري أيتُها المبروكة ... ماذا يقول الرمل عني وعنها؟

    - لقد قُلت ما قد يقولهُ الرمل !

    - لا ... لا هذا ما إستدبرتهُ بِأمري ... أُعْلِمينني ما سيأتي

    - هه ... أُممم ... نعم ...
    ارى وميضٌ يَبين ويختفي ... وأمْرِهِ لا مُحال سَيفي ... إلا إذا أسِأت تدبيرِهِ فينكفي ...

    - أيتها المبروكة ... أرجو إن رأيتي بِالرمل بأسٌ أن تُكذِبين ...

    - أَفَوق كِذبٌ كِذبْ !!

    - قولي ما يُنبِئُكِ بِهِ الرمل ولِترأفين ... فإن أمري ما تعلمين ... لا تُرْهِقين ...

    - هه ... أُممم ... نعم ...
    أرى خضراءُ تمشي في دِمقسٍ ... كعروسٍ تجمرت بِطلحٍ و وقَصٍ ... وأرى عَينٌ هصَصٍ ... تأمُرُها بِعصٍ ...

    - ويحِهِ مَن ذاك الذي يُعصيها علي ؟

    - قد يئِس مِنها المُستشار ... بعد أن زار وإستزار ... فبات عنها يُغير ومنْك يُغار ...

    - وكَيف الراي معهُ ... أخبِريني أيتُها العجوز المبروكة ؟

    - بِالصبر على الحبيب ... وتجنُب القريب ... ومُداهنة الغريب ... ومؤازره النسيب ...

    - ثُم ماذا عني ؟

    - هه ... أُممم ... نعم ...
    قلبُك مشغول ... بِمُهرٍ جفول ... لِغَيرِها مقفول ... لك مِنها نُفولٍ يعقُبهُ ز...

    - حَسْبُكِ ... حَسْبُك

    - وخالِق العرش بلا عمدْ ... إن أمْرُك لأدْ ... جَدٌ وحدْ ... دمعٍ تَبَدْ ...

    - وخالِق العرش بلا سندْ ... إن أمري تعدْ ... جَدٌ أَهَدْ ... دمعٌ أَنَدْ ...

    - قد ضربت الرمل لأكثر العُشاقُ ... ما رأيتُ أمرهُم كأمرِك بَاسٌ بِهِ ومشاق ... ما رأيتُ مَيتٌ كَمِثْلُك قد قال إنيِّ مُشتاق ...

                  

01-28-2009, 10:00 AM

شمس الدين ساتى
<aشمس الدين ساتى
تاريخ التسجيل: 12-14-2008
مجموع المشاركات: 2642

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
وينك (Re: عزام حسن فرح)

    أصحي يانايم
                  

01-28-2009, 11:35 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: وينك (Re: شمس الدين ساتى)

    عــــــــــــــــــــزام


    بس
                  

01-29-2009, 03:11 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
تاني غِمِرتْ (Re: عزام حسن فرح)

    المُستشار / حسن ود طه ...
    يا حليلك ...


    بَسْ هَسْ ...
    قلبي جَسْ ...
    دمي إتمَص ...
    كَبدي إتقصْ ...
    يَـتَـبَـتِـبْ رص ...
    يُـنْـضُـم نص ...
    نتلو في نص ...
    بدور أختص ...
    بخاف تِِتحس ...
    يا خوي ما تَوَص ...

    بس ... بس ... بس
                  

02-02-2009, 01:30 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: تاني غِمِرتْ (Re: عزام حسن فرح)


    - أنا بصبُر ... طالما ما بِتطرُديني مِن جنبِك ...
    - أنا ما مُمكن أطرُدك ... بس أنا شفقانة عليك ... مَوقفي ما حيتغَير ...
    ووضعك ما حيتغَير ... أنا عاوزة واحِد يكون بِتاعي أنا بس ... وإنت مُتزَوِج وعِندك أولاد ...

    - يعني أنا مُعاقب ... ذنبي إني إتزَوجت ... يعني أنا كُنت لِقيتِك ومشيت لِغيرِك ...
    - لا أنا ما بعاقبك ولا حاجة ... بس وضعنا ما حيتغَير ...
    - مين قال كده ... كُل حاجة بِتتغَير ... وخاصةً ما في القُلوب ... هو إسمو قلب ليه ما لِتقلُبِهِ ...
    أنا والله وديني وأيماني بتمنى ليكِ إنِك تلقي فارِس أحلامِك (شكيتو على الله) بس المُستغرِب ليهو حاجة
    تانِبة خالِص ...
    - مُستغرِب لِشنو ...
    - فارِس الأحلام ده ... حيِستحمل كيف ؟
    - يستحمل شنو ؟
    - ضَوِك ... شَوِك ...
    - يعني حيموت ؟
    - (ياريت) لا ما قصدي ... بس حقو تفكِري في النُقطة دي ... في كَونِها مُمكِن تحصل في كُتار مِتلي
    رُعاع ... ما بِيستحملو الشُعاع ...
    - يعني على كِده ما حأتزَوج !
    - في ناس كِده ...
    - كِده كيف ؟
    - بِكون الله خلـقُـمُ مِن ضِمن بند تهَيئة الأرض لِسكن البشر ... زي الأٌكسِجين ... الشمس ...
    القمر ... الأنهار ... البِحار ... السُحُب ... الجِبال ... كِده يعني ... وطبعاًالواحدة ما بِتكون
    عارِفه رقبتا إنها ما بشر ... أنا وصلت لِكِده ... أخيراً ...
    - يعني أنا ما بشر ؟
    - ما بشر ...
    - شنو يعني ؟
    - أفتكِر إنِك صباح ... نعم ... صباح ... لأني لاحظت إني لامِن أقوم مِن نومي
    في الصباح بكون مُنتشي جِداً طوالي صورتِك بِتظهر لي ... أفتكِر إنِك صباح...





                  

02-02-2009, 03:00 PM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: تاني غِمِرتْ (Re: عزام حسن فرح)

    Quote: والله يا الشبلي الظاهِر أنا جنيت خلاص


    يا داب عرفت نفسك يا مسنوح ؟
                  

02-02-2009, 04:20 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: تاني غِمِرتْ (Re: الطيب شيقوق)

    ود شيقوق ...

    الكترابا جييييت



    إتْ عارِف يا الطَيِب أنا عرِفت حاجة ... الـبِـنَـيَـه المِتل الـبَـنِـيـه دي ساعَية تكتُلني ...
    لكن أنا مُقتنِع ما مُمكِن أموت هسِع ... معقول ... عندي بابور لِستر إنجِليزي كرت حرم
    لِهسِع ما ربطا مساميرو ... وجاني الخبر قبُل دورين قالو يا سيدي الآمنت ليك بقري الحيل
    جت عَـشَـرَ وفيهِن دُرَرَ والعام دون عامن أول وأول عامن أول مسرت جِنِس مسور حرم غلب
    البِبحِتو المطامير ... مِتِل المِتلي ظَنك بِموت هسِع ... أرى أن الوقت غَير مُناسِب لِذلِك ...
    أنا مُقتنِع بِكِده ... لكِن البِقنِعا شنو ... ظنك يا الطَيِب أسافرلا ... أشوفا وأعمِل بِالمره
    عُمره ... أقصُد أعمل عُمره وبِالمره أشوفا ... ياخي وزِعِن زي مادور ...

    وصيني شكيتك على الله



    أسمع ود الموج ده كشو ولا شنو
                  

02-02-2009, 04:44 PM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: تاني غِمِرتْ (Re: عزام حسن فرح)

    عزام اب حزام

    دحين آآآ جني ارخي لأخيّك اضانك النوريك

    Quote: إتْ عارِف يا الطَيِب أنا عرِفت حاجة ... الـبِـنَـيَـه المِتل الـبَـنِـيـه دي ساعَية تكتُلني ...
    لكن أنا مُقتنِع ما مُمكِن أموت هسِع ... معقول ...


    ده الكلام الني ان شاء الله تسوّد خطوتك اصلك ماك مارق منها


    Quote: عندي بابور لِستر إنجِليزي كرت حرم
    لِهسِع ما ربطا مساميرو ...


    سويهو طحانة ولقت الحتحات البقع تحت و سويهو علوق للرزق


    Quote: وجاني الخبر قبُل دورين قالو يا سيدي الآمنت ليك بقري الحيل
    جت عَـشَـرَ وفيهِن دُرَرَ


    عليك بالسمانية اجري احجب من العين حرم تغفل من كلامي ليك ده علا سوي شوك الزريبة علفة للطير تشرك وتخبت

    Quote: والعام دون عامن أول وأول عامن أول مسرت جِنِس مسور حرم غلب
    البِبحِتو المطامير ...


    وصي وصي الناس يفرشوا البتاب من تحت وطاتكم مندية وعيشك بصوفن


    Quote: وصيني شكيتك على الله


    دى وصيتي اكان عملت بيها ات جنايا فالح وكان كمان اديتها قفاك امانة ما غنوا فيك ( يا طير كان مشيت سلم على الوالدات وقول ليهن ولدكن في الحياة ما مات بلادو عيشت جابت تلت سلجات ومرتو بكرت وبقرو البريدو مات )



    Quote: أسمع ود الموج ده كشو ولا شنو


    نشق

    (عدل بواسطة الطيب شيقوق on 02-03-2009, 07:00 AM)

                  

02-03-2009, 10:01 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: تاني غِمِرتْ (Re: الطيب شيقوق)


    ود شيقوق ...

    كَدي شَـنِـف لي الحجم ده






    فتلت البوست يِفتِل عدوك

    (عدل بواسطة عزام حسن فرح on 02-03-2009, 10:03 AM)

                  

02-02-2009, 09:23 PM

rosemen osman
<arosemen osman
تاريخ التسجيل: 06-06-2008
مجموع المشاركات: 2916

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: تاني غِمِرتْ (Re: عزام حسن فرح)

    شكرا للعمل الأدبى الجميل ..
    ولى عودة
                  

02-03-2009, 09:52 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
جيتاً جيت (Re: عزام حسن فرح)

    rosemen ...

    مين ... يديني عينيهـو أبكي بيها شِـوي ...
    مين ... يِقولي نجيضة مرادتك ماها بـِنـي ...
    روزمين بُشارة عُقباً أريتو فُلانة تدني تِضي ...
                  

02-03-2009, 10:12 AM

صلاح أبودية
<aصلاح أبودية
تاريخ التسجيل: 03-29-2008
مجموع المشاركات: 4557

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جيتاً جيت (Re: عزام حسن فرح)

    عزّام ..!!

    دفعتى ونديدى وجارى !!

    إذا عزمت فتوكل !
                  

02-03-2009, 10:44 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
بريدلي غـزالا (Re: عزام حسن فرح)
                  

02-03-2009, 10:46 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
بريدلي غـزالا (Re: عزام حسن فرح)

    أب دَية (بِفتح الدال لِتسلم الياء)

    حليلك ...

    إتْ عارِف يا صاحبي وزميلي و نِدي ...
    مرات بِظِن إنِك معاي بِوجعي و حِدي ...
    مرات بَشوف ظاهِر بيان وِدك و وِدي ...
    ليه السِنين تقول لأيامنا عِدي عِدي ...

    أنا يا صاحبي وزميلي في بالا ...
    بريدلي بِنَيه مِتل النجف تِتلالا ...
    أقولا رُدي ... تقولي: طبعاً لا لا ...
    أقول أبعِد ... تجيني سايقه دلالا ...

                  

02-03-2009, 11:30 AM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بريدلي غـزالا (Re: عزام حسن فرح)

    Quote: كَدي شَـنِـف لي الحجم ده


    والله اتاريك بتعرف اى حاجة يمكن كمان بتعرف الصرة والكنّة
                  

02-06-2009, 12:34 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
أنا في إنتِظارك مليت (Re: عزام حسن فرح)

    - أنا عارِف إنت ما حقيقي ... وعارفك إنك ما عارِف كِده ...
    - مُزَور يعني؟
    - حاجه زي كِده ...
    - بقيت الأيام دي بِالمُناسبة مُمِل جِداً ...
    - دايماً كُنت كِده ...
    - طبعاً ... شايِف أصحابك مالِيين الدرِب ...
    - ما مُهِم ... وضعي هسِع أحسن ...
    - كيف؟
    - على الأقل بقدر أصنع الشي الدايرو ... زي ما صنعتك إنت مثلاً ...
    - بس علشان عِندي زمن ... مُمكِن تشرح لي يا سيدي الأخيرة دي ... إتفضل
    - المُشكِلة إنك مصنوع علشان ما تصدِق ...
    - واصِل ... عِندي زي ساعة كاملة قبل ما أخنُقك ...
    - شوف يا سيدي ... أنا في يونيو 2008م مُتْ ... تَوفاني الله تعالى ... أظِن بِسبب صدمة عاطِفِية ... في حاجه إسمها صدمة عاطِفِية ... المُهِم ... لقيت ليك نفسي في مرحلة ما قبل الحِساب ... إعتبرتها البرزخ ... أصلو ما في جِهه مُمكِن تسألا عن شي ... والظاهِر إنو الزول الكان في حياتو الفي الأرض زول كَوَيِس بِخلوهو يعيش حياة تانِية زائِفة يصنع فيها العاوزو كلو ... لكِن الحاجات المشروعة بس ... الكَويسة ... لأني حاولت أعمل حاجات مُش كويسة ما قِدِرت ... أها أنا ياسيدي كَونتك مِن ضِمن الحاجات الكَونتها ... يعني تصدِق مُمكِن ألغيك ...
    - طبعاً ما بصدِق !
    - عارِف ...
    - طَيِب ... المشاكِل السياسِية البتحصل ليك ومُجهجِهاك مع ناس السِفارة دي ليه بتحصل
    - حأخاف مِن شنو يعني ... ما مُمكِن أموت مرتين ...
    - و< فُلانة > برضو كَونتها ... حُبك ليها ما حقيقي ...
    - لا ... حِكاية البرزخ فيها شوَية تعقيد ... حأحاول أشرحها ليك ... وما حأفرِض عليك فهم مُعَين ...
    - تفرِض علي ... وإنت بتقدر ... أأأ نسيت أنا مِن صُنعك ... زي بعضو ... واصِل
    - في مرحلة الإنتِقال إلى البرزخ لو كان ده إسمو ... بتتنقِل معاك حاجتين أساسِيتين ايمانك وعواطفك بس وتسقُط عنك كُل الحاجات التانِية زي الجشع ... الجوع ... إلخ إلخ إلخ ... وفي مرحلة الحِساب بيتنقِل معاك الإيمان بس وتسقُط العواطِف ... أها < فُلانة > دي مِن ضِمن العواطِف الإتنقلت معاي ...
    - أسمع أنا وقتي جا ... نتلاقا وكِت نتلاقى ...
    - أنا العاوِز أنهي المُناقشة ... الله معاك ...
    - إنسان غريب جِداً ... الله يلعَن د"""""" يا شيخا

    (عدل بواسطة عزام حسن فرح on 02-06-2009, 12:38 PM)

                  

02-11-2009, 08:42 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنا في إنتِظارك مليت (Re: عزام حسن فرح)

    - طالما وصلت لِمرحلة إنك مُتأكِد إنها ما إنسان ... يبقى إنت جنيت ... معليش لكِن ده رأي ...
    - كتر خيرك ...
    - ما تزعل مني ... أنا مُمكِن أفهم إنو الزول يحِب ... يهيم ... يعشِق ... ده مفهوم ... لكِن تحَوِل المحبوب إلى شئ غَير بشري ... ده ما مفهوم ... وده ما رأي أنا بس ...
    - ما حأقدر أقنِعك ... ما حأقدر ...
    - يعني إنت مُقتنِع بِالكلام القاعِد تقول فوقو ده ...
    - طبعاً !
    - يعني < فُلانة > مُش إنسان ؟
    - ما كده بس ... كمان هي ما حقيقِية زَيها زَيكُم ... حقيقِية في بُعدِها هي ... وبُعدِها ده واحِد مِن أبعادي أنا ... أنا عارِف كِده ... لكِن البِكون في بُعدي ما بِيعرِف كِده ... بِعيش حياة عادِية جِداً بِكُل تفاصيلُها وتناقُضاتِها ...
    - يعني أنا كمان مِن أبعادك
    - إنت في بُعد مِن أبعادي
    - والأبعاد دي البسويها منو ليك ... البِخلِقا منو ... البِصنعا مِنو ... وأنا ما عِندي أبعاد ليه ؟
    - الأبعاد مَوجوده دايماً ... بس كيف تَوصل ليها ... كيف تُمنح إذن الدخول ... مرات الناس لما يِستصعب عليهُم فهم حاله بُعدِية لِزول صرح بيها بِيسقِطو على حالتو مُسميات ضبابِية ... هُلامِية ... يِقول ليك الحاله دي حاله جنون ... أو لابسو جِن لو شرح الحاله مُشعَوِذ ... في الغالِب صاحِب البُعد بيقدر لو عاوِز ينفصِل مِن بعدو بِنفصِل ... ومرات بِيحلو ليهو البُعد بِعيش فيهو ... وبينعكِس خِيارو ده – كَونو إختار يعيش في بُعدو – في مظاهِر حقيقِية ... حقيقيِة يعني في الحياة الطينِية ... الواقِعِية ... خليني أحاول أشرح ليك لأن ده المكان الوحيد المُمكِن أقول فيهو أي حاجة بِدون ما يقدر زول يأذيني ... شوف يا سيدي ... بِتلقى مرات في زول نِسى مرحلة كامِلة مِن مراحِل حياتو ... زي النِسيان الناتِج عن مرض الزهايمر البخليك تنسى الحاجات السويتا قبل خمسة دقائِق وأقل ... في الوكِت البتكون الذاكِرة قَوِية جِداً للأحداث الحصلت ليك قبل 10 أو 20 أو 30 أو 40 سنة وبِتفاصيل غير معقولة أبداً ... ده مظهر مِن مظاهِر إنو الزول بِيتراوح بين بُعدو وواقِعو ... تسمع بِقولو ليك فُلان فكت مِنو ... فُلان إدرَوش ... دي أبعاد يا سيدي لكِن ما عِندها مُسمَيات معروفة عِند أغلب الناس فبِيِستسهلو الشائِع مِن البِعْرِفو ... فكت مِنو ... إدرَوش ... رِكبو جِن ... صدمة عاطِفِية ... حاجات زي كده يعني .... وبِالمُناسبة مُعظم حالات الإكتِئاب بِتكون سببا إنو الزول رجع مِن بُعدو لِواقِعو وإتصدم بيهو ... والتَوحُد ... والسرحان ... المُشكِلة حقتي بِتتلخص في إني مشيت بُعدي وحبيت فيهو < فُلانة > وقِدِرت بِقُدرة قادِر أرجع لِواقعي ... لغاية هِنا كَوَيِس ... أها في دُنيا الواقِع الطيني لِقيت إنو < فُلانة > تمكنت مِن الخُروج مِن بُعدي إلى واقِعي يعني بِقت واقِع لِكُل الناس حتى لِنفسها هي ... وأنا الوحيد العارِف إنها ما واقِع ... إنها بُعد ... لكِن طالما قِدرت تطلع مِن بُعدي أنا ... فأنا أولى بيها ... لأنها أولاً مِن بُعدي ولإني بحِبها ...
    - وأنا برضو قِدِرت أتخارج مِن بُعدك ؟
    - لا أنا المَوجود هسِع في بُعدي إنت ما بره البُعد إنت هسِع فيهو أنا الجيت داخلو ...
    - أسمع أنا تاني ما عاوِز أفتح معاك أي مَوضوع ... هو أنا وإنت بِنعرِف بعضنا كيف؟
    - إستظرفتك في الواقِع وسويتك في بُعدي ...
    - إنت مجنون ... ولا كِبِرت وخرفت ...
    - ما مُلاحِظ إنك ما بِتكبر أبداً ... ما حصل مِرِضت ... ما بِتحزن ...
    - أنا ... أنا ... إنت كيف تقول كِده ... أنا ... إنت داير شنو يا زول ... ليه بِتقول لي كده ...



                  

02-14-2009, 08:14 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنا في إنتِظارك مليت (Re: عزام حسن فرح)

    مُجاراة لِقَول الشاعِر :
    أبتِ الَّروادِفُ والثَّدِيُّ لِقُمْصِها مَسَّ البُطون وأن تَمَسَّ ظُهورا
    وإذا الرَّياح مَعَ الْعَشِيِّ تَناوَحَتْ نَبَّهْنَ حاسِـدةً وهِجْـنَ غَيورا


    قُلت في وصفِها ... مُخاطِباً ما ترتديهِ مِن زي :

    مَـدَروع فـوقــا يا الهِـدِمْ وحارَماكـا مِـن إدْراكـا
    باعَداتَـَنْـك تُفاحـاً رُخُـصَ مُدردِمـات تِحِتْ مُعْراكـا
    مِنـو حابَساتَـنَـكْ حَقايِـب إتَـوَهَـطَـتْ تَمامَ أَوْراكـا
    وَتَـرَنْكَ شَدَهِــنْ سَـواً صفـيـر خابرو ليـك بـراكا
    شِـنْ قَدَرَكَ يا الهِـدِمْ عـُقـباً تمِسْ أو تَطـول إعْراكـا

    ـــــــــــــــــ
    مدروع : مَوضوع
    الهِدِم : الفُستان
    إدراكا : الوصول لِجِسمِها
    رُخُص : أول كُل شئ
    مُعراكا : رقبتِها / والمُعراكا هي المُفراكا
    حقايِب : العجز
    إتوهطَت : قعدت
    وترنك : مِن وتر العود أو الربابة
    إعراكا : عرك الشئ أي تمسح بِهِ
                  

02-20-2009, 12:48 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنا في إنتِظارك مليت (Re: عزام حسن فرح)

    أنا ما عارِف عملت شنو وزعلِك مِني ... لكِن لو عملت حاجة زعلتِك بِكون ما قصدي أكيد عملت حاجة ... طالما إنتِ زِعلتي يبقى عملت حاجة ... أنا والله ما عارِف عملت شنو ... بس عاوزِك تسامحيني ... سامحيني علشان خاطِر الريدا الفي قلبي ... أنا أزعِلِك ... ده آخر حاجة مُمكن أتمناها في الدُنيا ... إنشاءالله أموت قُبال ما أزعِلِك ... أريني ما وِلدوني ... أريتني مِن الدُنيا فُتْ ...

    دُنياي يا سِتي بــلاك بلاي ...
    أموت بلاكِ وتعيشي بلاي ...
    يِمْه بِكوس تراهـــو عياي ...

    أنا مرات بقول كلام ما بكون قاصدو ... كلامي بكون إجابة لِسؤال عاوز أقولو بعد سؤالين تلاتة ... ما عارِف بعمِل كده ليه ... يا ربي ده بِكون مِن شنو ...

    أنا ما عارِف إنتِ الزعلِك مني شنو ... لكِن أنا مُتأسِف جِداً على الماعارفو هو شنو ...
    أنا هسِع بكتِب ليك وعيني ملانه دِموع ... غلبني < فُلانة > الريد ... ودايِر يِكْتُلني حتو جفاك ...

    ذنبي ايه ... ايه حتو جنيت ...
    عطشـان قُمتـا سيدي دنيت ...
    يِمْه بس السُقى والله عنيت ...

    أنا يا < فُلانة > لو ما رِضيتي عني ما عارِف أقبِل وين ... أمشي وين ... أعمِل شنو

    أنا هازِمني يا صاحبي رُضاهو ...
    اليوم زِعِل وكبدي قضاهو ...
    ما قصدي تسلم يِمْه لي يداهو ...
                  

02-21-2009, 07:51 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنا في إنتِظارك مليت (Re: عزام حسن فرح)

    - بس عاوز أعرِف إنتي عملتي شنو في بِت الناس
    - إنت بتتكلم مع منو؟
    - معاكي
    - وأنا عملت شنو؟ والبت القاصِدا دي منو كمان؟
    - ماف داعي تنكُري ... أنا عارِف إنكِ تلبستي < فلانة > أنا مِتل السامري شوفتِك
    - يعني أنا ما < فلانة > ؟
    - طبعاً ما < فلانة > !
    - طيب يا سيدي نحنا حنكون كده لمتين يعني
    - شوفي يا ستي ... أنا بصبر لأني عارِف النِهاية كيف
    - النهاية كيف
    - حنتزَوج
    - أنا ما عاوزة أتزَوج أصلاً
    - الواحِد/الواحدة بتكون بتحب حاجات بعد فترة بتحب حاجات تانية ... بتسقط الحاجات القديمة
    لِصالِح الحاجات الجديدة ... الشهوات القديمة بتسقط لِصالِح شهوات جديدة ... لِغاية ما الواحِد
    يصل لِنقطة تسقط فيها حاجات مفصلِية ... حاجات مُراهقِية تسقط لِصالِح حاجات تانِية ما بتتلقي
    إلا في الآخر ... هنا بيبدا رحلة البحث عن الشريك ... هِنا الأديان حلاها لينا بِالزواج ...
    - لكن أنا ما حلاقي السعادة في الزواج
    - المشكلة هنا ... لأنِك مخلوقة علشان تسعِدي الخلق ... وكَونِك تكوني عاوزا إنتي في رقبتك
    سعادة دي المُشكلة ... لآنك المفروض تنشُري السعادة في الخلق مُش تفتِشي على السعادة لِروحِك
    التعارُض ده جا لأنكِ تلبستي < فُلانة > هي بشر عندها إحتِياجات وإنتي مُش بشر ... أنا أفتكِر كده
    - أنا < فلانة > إنت المجنون
    - أنا رأي غير كده ... ما معقول تكوني بشر ... معقول

    (عدل بواسطة عزام حسن فرح on 02-21-2009, 07:53 PM)

                  

02-26-2009, 04:49 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنا في إنتِظارك مليت (Re: عزام حسن فرح)

    - لكِن أنا القروش الشِلتها مِن جُزلان أبوي ما سرقتها ... ما كان قصدي كِده
    أنا شِلتها أديتا لِعم أحمد جارنا علشان يدفع بيها رسوم مدرسة ولدو علي ...
    - دي إتحسبت ليك سرِقة يا عزام ود فَوزِية بِت زهَرة
    - أنا ما كانت نِيتي كده والله ...
    - ما بقدر أعمِل ليك حاجة في المَوضوع ده ... عندك حاجة تتخارج بيها مِن الوضع
    الإنت فيهو ولا نختِم على كِده؟
    - دقيقة ... دقيقة إنت فايِتني وين؟
    - إحنا الإتنين عِندنا زمن مُحدد مع كُل إنسان ... نسأل فيهو الأسئِلة العامة بعدين
    التفاصيل دي في مرحلة تانِية ...
    - عِندي حُب < فُلانة >
    - في الحقيقة حُبك ده فيهِ رأيين ... بِحتمِل كِده وكِده ...
    - عِندك غيرو؟
    - أنا أكان ما حلاني ريدا ما بِحِلني شيتاً تاني ...
    - مُش إنت كُنت عاوِز مِن < فُلانة > العاوزو أي راجِل مِن أي واحدة ...
    - قصدك شنو؟
    - مُش كُنت مُشتهيها؟
    - كُنت مُنتقيها ... أنا ما كُنت بعايِن ليها كِده ... ما بِالحَيوانِية دي ... ما تبخِس
    حُبي ... أنا ما عندي غيرو ...
    - إنت كُنت بِتَوصِف كُل حاجة فوقا ... وصفت جِسمها جُزء جُزء مُش إنت قُلت
    مَـدَروع فـوقــا يا الهِـدِمْ وحارَماكـا مِـن إدْراكـا
    باعَداتَـَنْـك تُفاحـاً رُخُـصَ مُدردِمـات تِحِتْ مُعْراكـا
    مِنـو حابَساتَـنَـكْ حَقايِـب إتَـوَهَـطَـتْ تَمامَ أَوْراكـا
    وَتَـرَنْكَ شَدَهِــنْ سَـواً صفـيـر خابرو ليـك بـراكا
    شِـنْ قَدَرَكَ يا الهِـدِمْ عـُقـباً تمِسْ أو تَطـول إعْراكـا
    - أنا برضو القُلت :
    ألا لـي يا ربُ العِـبادِ بَـيَـومٍ***أكونُ بِخِدْرِها فأعقُبُهُ صائِماً وبتـولُ
    - أنا في الحقيقة دَونت حُبك لِـ< فُلانة > عِندي ... لكِن ... إدَون برضو في دفتر زميلي
    - ليه كده حُب < فُلانة > ده ما فوقو أي أغراض دُنَيوِية ... أنا حبيت فيها نفخة الله ...
    حبيت روحها ... كيف يُدَون في شِمالي زَيو وزي السَيِئات ... ليه كده ... ليه كده
    - نحنا ما بِنعرِف النوايا ... نِحنا بِنقدِر الفِعل أو القول بس ... إنت ما تقلِق طالما
    نِيتك كُويسة حتكون بِخير ... أنا حأفتح ليك (طاقة) صغيرة مِن الجنة بِإفتِراض إنو حُبك
    كان عُذري ... ولو كان إفتِراضي خطأ ، حيتخصِم مِن حسناتك ولو ما عِندك حسنات حيتَوزِن
    نور وبرد (الطاقة) الإتمتعت بيها هِنا في قبرك ده وحتتحَول سَيِئات ... طَيِب
    - أنا مُوافِق ... كتر خيرك ... مُمكِن أسألك سؤال؟
    - ما عارِف والله ... ما حصل إنسان سألني ... المفروض أنا الأسأل ... دايِر شنو؟
    - < فُلانة > حَية ولا ماتت؟
    - < فُلانة > ما بِتموت ... < فُلانة > نفاج لِلجنة أو لِلنار ...
                  

02-26-2009, 07:12 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنا في إنتِظارك مليت (Re: عزام حسن فرح)

    - أنا قررت خلاص ...
    - قررت شنو؟
    - إنو ما أحاوِل أنساها ... تعبتا خلاص ... كِفاية ريدا وجفاهو ديل بيقضو
    - بيقضو شنو؟
    - علي
    - ياخ ما تقول كِده
    -يا قلبي وين دلاكا ...
    فاتك وحيد خلاكا ...
    وصف الملاكا ملاكا ...
    يا قلبي لهاكا هلاكا ...
    صدو وجفاهو علاكا ...
    النجم وليلو بكاكا ...
    - لا حَول ولا قُوة إلا بِالله ... لا حَول ولا قُوة إلا بِالله
    - أريت أُمي ما وِلدتني ... أريتني أموت ... أفوت
                  

03-02-2009, 09:41 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنا في إنتِظارك مليت (Re: عزام حسن فرح)

    بِالمُناسبة أنا ما حأقدر أنتظِرِكِ أكتر مِن (20) سنة بدأت مِن يونيو الفات
    بعد كِده حقو يِكون عِندي شوية دم وأنسحِب ...
                  

03-09-2009, 12:58 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنا في إنتِظارك مليت (Re: عزام حسن فرح)

    - والله اليِشوفك مُسخِن ما يقول بِتعرِف الحُب ولا قابلتو زاتو !
    - علشان كِده قُلت:
    إذا عَشِقْنا نَإنُّ والعَينُ جَفٌ ونِضابُ ...
    وإذا كَرِهْنا كانَتَ الدِماءُ لَنا خِضابُ ...
    وإنْ غَضِبْنا يَبيتُ إليِّ غِضابُ ...
    وإنْ فَرِحنا مَلأنا النَجْدُ مِنهُ والهِضابُ ...
                  

03-09-2009, 03:00 PM

كمال سالم
<aكمال سالم
تاريخ التسجيل: 02-13-2008
مجموع المشاركات: 4786

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنا في إنتِظارك مليت (Re: عزام حسن فرح)




    الناس فى شنو والحسانيه فى شنو !!!
                  

03-09-2009, 04:05 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنا في إنتِظارك مليت (Re: كمال سالم)

    كمال سالِم ...

    الحاصِل لِلناس ده بِسبب [ نُقصان حُب ] فغط (بِالغين)

    أريت يا صـاح الصابني لـو بِتْحِِسو ...
    مرات أنوح مرات إنين كاتِـم حِسـو ...
    بدور وطوهو وحاتك في خشمي أحِسو ...
    يِمَه حتو كمال ود سالِم قالـي أدِسـو ...
                  

03-21-2009, 07:55 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنا في إنتِظارك مليت (Re: عزام حسن فرح)

    - إنتي بِتمِدي في عذاباتي بِدون سبب وجيه ...
    - أنا بعذِبك ... كيف؟
    - نحنا بدينا مِن نُقطة ( أ ) وحنصِل لـ( ب ) ... ليه يِكون في عذابات
    وشقى بين النُقطتين؟

    - لكِن أنا ما بديت معاك ... إنت براك البديت ... مُش كِده؟
    - ما ده عذابي ... بعدين حنندم على الفَرقَة العملتيها بين النُقطتين ...
    - يعني إنت مُتأكِد إننا حنكون في النهاية مع بعض؟
    - طبعاً ... حتى لو طالت المسافة بين ( أ ) و ( ب ) ... طالت لِكَون
    ( ب ) في البرزخ أو ما بعد البرزخ ...

    - إنت كلامك حلو بس أنا عاوزه أسألك ... مُش إنت حبيتني علشان شايِفني جميلة؟
    - جمالِك كان زي إشارة المُرور ... كُنت ماش ... الإشارة ولعت أحمر ...
    وقفت مع الواقفين ... ولعت أخضر ... الناس مشو ... أنا لسه واقِف ...
    ما مُمكِن أنكُر إنو جمالِك مُلفِت ... لكِن في لحظٍ ما ظهر جمالِك الداخلي ...
    المُكَوِنْ الأساسي لـ< فُلانة > ... المادة الخام ... الإنتِ ذاتِك مُمكِن تكوني
    ما شُفتيها في نفسِك ...

    - وتفتكِر المادة الخام دي شنو؟
    - رَوح الله ... النفخة ... البِشوف رَوح الله ما بِشوف بعد داك الطين وعمايلو
    بِبقى قادِر يِمَيِز بين الطين الجُواهو النفخة وبين النفخة زاتا ... وفي
    مرحلة مُتقدِمة ... بِفصِل بين الطين والنفخة إنفِصال تام ... بِبقو ليهو
    شَيئين ... بِبقى الطين مكان ضَيِق ... محدود ... جُواهو سِر حجمو أكبر مِن
    مِساحات المجرات بِمُضاعفات الألف ... أكبر لِدرجة إنو إستَوعب داخلو الله ...

    - ده إنسان البِتِتكلم عنو ده؟
    - الإنسان في الأول كان بِتسجُد ليهو الملائِكة بِجلالة قدرها ... دي البِداية
    لأنو نفخة الله الفوقو مُضاءة لِدرجة البِشوفو ما بِشوف ظُلمة الطين ... قام
    الإنسان يِهْمِد نورو بِإنتِصار صِفات الطين المُجَسِمو ... قام يِطمع ... يِسمع
    يِشبع ... يِقلع ... يِلبع ... يِشلع ... وكُل صِفة طينِية مُكتسبة بِتَهْمِد جُزء
    مِن نور النفخة ...

    - طَيِب أنا ما عِندي الصِفات العِند الناس كُلهُم ... بطمع وبسمع ...
    - بس طيني ساجِد لِنفختِك ... ما شايِف في سُجودي المُدنقِر فوقو عمايِل طينِك
    - وحترفع راسك مِن وضع السُجود بِتين؟
    - أنا في عِبادة ... ومُستمتِع ... مُش مِن الحِكمة أطلع مِن عِبادة لِجِباده ...
    بِالمُناسبة أنا قُلت ليك إني بحِبِك ... طَيِب ... إحتِياطي كِده أنا بحِبِك.

    (عدل بواسطة عزام حسن فرح on 03-21-2009, 08:06 AM)

                  

03-24-2009, 07:36 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنا في إنتِظارك مليت (Re: عزام حسن فرح)

    إتجدد جفاك وأصبح عادي عشاي ...
    وأقَيِل فوقو حارِق لي حشاي ...
    يِمْهَ قولي يِسلم لي عشاي ...
                  

03-24-2009, 08:45 PM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أنا في إنتِظارك مليت (Re: عزام حسن فرح)

    عزام

    Quote: يِمَه حتو كمال ود سالِم قالـي أدِسـو ...


    وين السائب مو سامع النضم السمح فيهو ده؟


    هييييييييييييييييييع ود سالم امانة ما الدنيا با ......ت فيك عدييييييييييل
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de