{ قَالَ اجْعَلْنِي عَلَى خَزَآئِنِ الأَرْضِ إِنِّي حَفِيظٌ عَلِيمٌ} آية 55 سورة " يوسف " اها شوف ليك جنس C.V . . حفيظ عليم . . دا الكلام . . كفو ، يا قول الخلايجة . . ضو، على قولك . . هلا هلا سيدنا يوسف كان اول وزير مالية بالاصطلاح الحديث
جيدن جيت يا بدوي يا بياع قلتي لي Murcielago LP 670 بكم ؟ شاهد الله - و ما طالبني حليفة - في نهاية العقد الاخير من القرن الماضي في نواحي " رياض " نجد كنت شغال - او ما شغال النصيحة ما عارف ! - المهم شغال لي مع زول بارت تايمر ، بجيهو كل خميس بس . اها شغلتنا او عدم شغلتنا انقر شنو ؟ زولك دا يمش المانيا يا انجلترا بجيب ليهو " روز رويس " و لا" بنتلي " و يجي يصاقرا هو و الهندي و انا اجيهم يوم الخميس اصاقر معاهم لمن ربنا يكتب ليها بيعة بي مليون و لا مليون زايد او ناقص شوية ، مقدار حق التمباك ان نقص و مقدار تلات عربات اقل شي لزي نوعي دا ان زاد ! . . . و هكذا دواليك . . . روز رويس و تلاتة دلاليك . . .
خلينا نبدأ تعليم الكبار ( محو الامية التقنية ) او نحوها زي ما تم تصحيفها و لحنها في بعض روايات بوادينا ديك !
عاين يمين المربع البتكتب فيهو دا ذاتو . . . اضغك على You may use Markup Codes
انسخ يمين الـ : MyHomepage كامل و تعال الزقا هنا
قوم محل My Homepage اكتب العاوزو : لسان العرب/ العجم، لسان باسم /عصفور . . . ان شاء الله " عتوت " ذاتو . . و العرب تفضل نسخ عنوان الموضوع ذاتو ، او بالعدم اي تعبير يتماشى مع السياق ليندمج الرابط في النص ويكون جزء منو . . " رواه قيقا راوي " و محل الـ ( http://www.sudaneseonline.com ) خت الرابط الجايبو معاك كان جربت " منتدى جمعية المحاسبين السودانيين بمنطقة مكة المكرمة " محل My Homepage و http://www.sudansas.com/vb محل الرابط ح يجيبك لينا في منتدى جمعية المحاسبين السودانيين بمنطقة مكة المكرمة . . اها دا كل مشهادي . قصرت معاك ؟
اما ان بقى الموضوع هنا في سودانيز فتقوم تنسخ عنوان الرابط و ترميهو بردلب بلا تمييز ، زي مثلاً شوف ديل : وبنحب الإدارة . . الحب اعمى ما قلنا شي الا شاعرم يكتبلو بوست يزيف طعم ليمون بزنس ؟! مسؤلين من الخير : انتو ناس " انثرو " ديل تابعين لمنو مقاسمننا في المباني ؟ ! العوجة اكان يجوا يطالبوا بنصيب في السلطة ( الاسم ) و الثروة ( الليمون ) برضو ؟
اخيراً اليوتيوب و دا اسهلا بس تنسخ الـ Embed و تجي تفكو هنا بـ Ctrl+V
10-15-2009, 05:41 AM
Rihab Khalifa Rihab Khalifa
تاريخ التسجيل: 07-07-2006
مجموع المشاركات: 3738
والله يا عادل امبارح بدرس في طلبتي عن توزيع overheads اتذكرتك و ضحكت، المشكله ما في سري، و جابت ليها سين و جيم من الطلاب، فحكيت ليهم قصه البوست، كان بريك جميل مختصر درس امبارح كان انه الاكشوالز مرات بتظلم الناس :) غايتو بعلق ليكم الslides هنا، و انتو شوفو برااكم
باختصار ديل ناس دايرين يوزعو الاوفر هيدز حقتهم 3,000,000، و طبعا كل مدير داير يشيل اقل اوفر هيدز ممكنه، اهااا، لو استعملو الاكشوالز زي ما في الجدول (3) المكتوب عليها actual usage as allocation base، مدير القسم الاسمه المايكرو Micro بيكون اتاذي، لانه و بالرغم من انه دايما شغال تمانيه الف ساعه كل شهر زي ما في جدول (1) الاسمه actual usage، لكنه عشان مدير القسم التاني Periphكسلان و ما شايف شغله زي ما في جدول (1) و اشتغل اتنين الف ساعه بس، لازم يدو مدير المايكرو اوفهيدز زياده..
اسي ده ما ظلم الاكشوالز زاااتو؟ :)
القصه عندها باقي بيسند انه الاكشوالز و بظلمها احسن من budgeted لكن ما بقولها، النكسب لي نقطه في قون عادل ده
-------------- اوفرهيدز دي شنو بالعربي؟
10-15-2009, 05:46 AM
Rihab Khalifa Rihab Khalifa
تاريخ التسجيل: 07-07-2006
مجموع المشاركات: 3738
Quote: كنا في جامعة الجزيرة نسميها (طب الأدبيين) ونعشق مفرداتهاونتباهى بحمل كتاب (intermediate accounting) في الكافتيريا وحول بنشات النشاط (حركة لفت نظر وكده)... أيام كانت الحياة لا تعني أكثر من (.For every debit in malaysia there is a credit in singapore).
شكرا رحاب وكل المتدخلين
Tarig
سلام يا طارق
اول مره اسمع مصطلح طب الادبيين دي، لووول
الشكر ليك انت علي المشاركة
10-15-2009, 05:57 AM
Rihab Khalifa Rihab Khalifa
تاريخ التسجيل: 07-07-2006
مجموع المشاركات: 3738
Quote: أما النحرير في لسان العرب فهو "الحاذق الماهر العاقل المجرِّب، وقيل: النِّحريرُ الرجل الطَّبِنُ الفطِن المُتْقِن البصِير في كل شيء" وهذه صفات نسبغها (على مضد) عليكم معشر محبّي المحاسبة لكنّ لسان عربنا يسفه مثل هذه الكلمات بالقول "إكفينا الله شر فاقة المغارب" ويستعيضون عن كلمة "النحرير" الطويلة بكلمة من حرف وغتايتو حين يقولون "زولاً ضَوْ". Adil
يعني طلعت كلمه سمحه نحرير؟ طيب يا قيقا مالكم لافين بيها من مولد لي مولد الكلمه دي، لووول
11-20-2009, 11:25 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: القصه عندها باقي بيسند انه الاكشوالز و بظلمها احسن من budgeted لكن ما بقولها، النكسب لي نقطه في قون عادل ده
سوري (وقيل "كان ليك والله")! ياخي إنتي فتحتي لينا باب كرونيك سيندروم أكَرْنَك من قانون الديبيت كريديت ذاتو...سيندروم بروبليمو تاخدنا (وقيل بلاهو ياخدنا) إلى عنت الأساينمنت من دون الحشر في عناء اللكشر:
نحنا (شركة تأجير سيّارات) لديها عدّة بزنس يونيتس بأكثر من منطقة وبداخل هذه البزنيس يونيتس توجد عدّة بزنس لاينز ونحنا (ومؤكّد أنّه يشاركنا في ذلك آخرون) نطلق على السبّورت ديبارتمنتس بجميع هؤلاء لقب "الباك أوفيس" لنميّزهم عن "الفرونت أوفيس" المنمازة، نوعاً ما، صفوف حساباته؛ كما ولدينا الهيد أوفيس...الهايص، كالعادة.
المشكلة هي في الوسيلة المناسبة لتوزيع منصرفات الباك أوفيس والهيد أوفيس على البزنيس يونيتس والبزنس لاينز مُشْ بَسْ لأغراض البدجتنق وإنّما لتوزيع الآكشوالز في عضمها للوصول لقوائم أرباح وخسائر شهريّة تقارن الآكشوالز بالبدقِـتِـد رصداً لأداء كلّ بزنس يونيت بكلّ منطقة وكلّ بزنس لاين بكلّ بزنس يونيت بكلّ منطقة. هذه هي المشكلة التي ربّما قمتِ بتدريسها، على تجريداتها، لطلاّبك لكنّ تعقيد مشكلتنا يكمن في إنّو لدينا سبّورت ديبارتمنس بمناطق تخدم مناطق أخرى وفرونت أوفيسس ببزنس لاينز تخدم بزنز لاينز أخرى وهيد أوفيس به سبّورت ديبارتمنتس بها قومٌ يخدمون جميع هؤلاء (ثمّ لا يُتبعون ما خدموا مَنّاً ولا أذى وإنّما "محتاسين" بَسْ في توزيع أجرهم جرّاء ذلك) كما وبالهيد أوفيس أيضاً بزنس لاين يتلقّى الخدمات من جميع هؤلاء وهو في نفس الوقت يقدّم سبّورتنق لجميع هؤلاء...وهيصة!
وبما إنّ الفاينانشيال ريبورتينق عندنا يعتمد قوائم أرباح وخسائر لكلّ بيزنيس يونيت ولكلّ بزنس لاين، فإنّ المشكلة حتى صف القروس بروفيت محلولة...بَسْ تصل حتّة الألّوكيتد إكسبنسس وعينك ما تشوف إلاّ الشَكَل. جرّبنا التوزيع بالحصّة في الايرادات كلّ واحد رطن (نهي، نو ويي، لا هااا، مِشْ ممكن، لَكْ شو هاااد!) وحَدَر للتاني؛ قلنا خلاص بجهد العاملين قالوا ما ينفعش...كِدا بَشْ ما ينفعش (هسّع شغّالين بجديّة في تحديد النسبة من عطاء كل موظّف لكلّ بزنس يونيت أو بزنس لاين لعلّ وعسى أن ترضى الحشود لدينا وقسم المايكرو لديكم)؛ لجأنا لفكرة عدد السيّارات بكلّ بزنس يونيت أو بزنس لاين...لَكْ يا خيتي ما عَمْ تِظباااط أي والله ما عَمْ تِظباااط (شو بِدّنا نُعْموول!)؛ مسكنا حبِل التوزيع على حسب قيمة الأصول (مينلي السيّارات العاملة في التأجير) بكلّ بزنس يونيت أو بزنس لاين...انقطع الحبِل وانكسر المِرِق واتشتّت الرصّاص وبعد دا ما جاب مريسة تام زينو، "صلّينا صلاة الاستزغا ولا..." إلى آخر نكتة النميري.
أها دبّرووونا يا جماعة إن شاء الله بمبدأ البراكتيكال كاباسيتي بيزد ألّوكيشن دا (الكتلة ألـ...الشي كلّ شاة معلّقة من عرقوبها؟). سؤال: الدنيا قنعنا من خيراً فيها، ما فيكم زول نظر في مبدأ الحساب يوم القيامة كحل للمشكلة دي! نحنا غايتو نظرنا في حكاية قوائم أرباح وخسائر بواقع قائمة لكلّ سيّارة على حدة (يعني كل عربيّة معلّقة من شوكبظوربيها) وبرضو جربوكسينا علّق في نمرة الألوكيتد إكسبنسز!
شويّة كِدا بالله....يا أبو مرووواااا!!!
__________
Quote: اوفرهيدز دي شنو بالعربي؟
هي المصاريف غير المباشرة والليثي (زميلنا هنا) أعلم وقد جاء في الأثر: مصاريف غير مباشرة ولا ضبيحة مكاشرة (وقيل مقاشرة).
10-15-2009, 01:37 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
هي المصاريف غير المباشرة والليثي (زميلنا هنا) أعلم وقد جاء في الأثر: مصاريف غير مباشرة ولا ضبيحة مكاشرة (وقيل مقاشرة).
هي من ناحية غير مباشرة ؟ غير مباشرة لكن اعتقد انها أميل لـ " الثابتة " و زي ما معروف في معارف محاسبة التكاليف انو نفس المصروف ممكن ياخد كم صفة ، و تصنيفات التكاليف بتتم وفق عدة معايير " طبيعتها ، علاقتها بالنشاط ، سلوكها .. . الخ " ، في الاوفر هيد يصح الترجمة الحرفية " مصاريف رأسية " و الله اعلم
اعصروا تيسير اسي يادوبا مارقة من عصرة كوست .
Quote: "الباك أوفيس" لنميّزهم عن "الفرونت أوفيس" المنمازة،
كان ليك برضك . . . في النص الاصلي لقيناها : "الباك أوفيس" لنميّزهم عن "الفرونت ديسك " " بتثبيت تميّز الاوفيس على الدسك و الفرق هنا فرق مساحة و حجم و قيمة اصول و مستوى اداري .بحيث يطمس " منمازة " دي . . ناس فريق قدامي ديل ناس جماهيريين و ناس معارض و كاونترات ساي اما في حال الاوفيس ارتبط بالادارة ( الوسيطة و العليا ) طوالي بجرها باك . . . بما ينفي التميز و يرفعا يا دوب لخانة المساواة !
سجلي قون تاني يا رحاب من هجمة البدوي المرتدة دي
------------------------
يا فضل كرار اول جاوب لي ناس آنثرو ديل تابعين لمنو مزاحمننا كدا ؟ د. عبد لطيف أمام كويس - و دي نسبية - حسب أخبار آخر القادمين " عبد الجليل هجو ابراهيم " قنب الاسد . . . اها افصاح اكتر من كدا ؟ دفعتي في البورد دا ، سامر حسن ، صداح وراق ، بكري الجاك ، جعفر سومي . . و محمد عبد الرحمن ، مها عبد الله ديل الدفعة البعد البعدينا
افصح انت دا ؟
و السلام ليكم كلكم
(عدل بواسطة قيقراوي on 10-15-2009, 02:04 PM) (عدل بواسطة قيقراوي on 10-15-2009, 02:11 PM)
10-15-2009, 01:53 PM
محمد الشيخ أرباب محمد الشيخ أرباب
تاريخ التسجيل: 06-17-2008
مجموع المشاركات: 1366
Quote: لكنّ تعقيد مشكلتنا يكمن في إنّو لدينا سبّورت ديبارتمنس بمناطق تخدم مناطق أخرى وفرونت أوفيسس ببزنس لاينز تخدم بزنز لاينز أخرى وهيد أوفيس به سبّورت ديبارتمنتس بها قومٌ يخدمون جميع هؤلاء (ثمّ لا يُتبعون ما خدموا مَنّاً ولا أذى وإنّما "محتاسين" بَسْ في توزيع أجرهم جرّاء ذلك) كما وبالهيد أوفيس أيضاً بزنس لاين يتلقّى الخدمات من جميع هؤلاء وهو في نفس الوقت يقدّم سبّورتنق لجميع هؤلاء...وهيصة! Adil
بس ياهو دا زااااتو البندرسو و دي المشكله الاساسيه للاوفر هيدز، غير عدم ارتباطها مباشرة بمنتج او خدمه، في اوفرلابينق، كلام اخونا الارباب ده تمام التمام لكن جاياك ليهو بالتفصيل يا الارباب
بس خلاص لقيت الواجب بتاع الاجازة لطلبتي، و هو كيفيه توزيع الاوفر هيدز في شركه زي شركتكم دي و بالتعقيدات دي :) case study: any real company of the same kind
----------- اسي يعني ما ممكن يعملو لينا مسلسل زي مسلسل ال اي ار ER ده بس عن المحاسبة؟ Zooming in ناس عادل ديل قاعدين في اجتماع مسخن و الناس غالبها تتفق علي توزيع الاوفر هيدز، السجاير مالي المكان و الكرفتات محلوله حبه واكمام القمصان او الجلاليب مشمره، و الجو مكهرب و مشحون يتقطع بي سكين، فجاه يدخل الارباب و قيقراوي و هم شايلين ليهم دفاتر و غازين اقلام في شعرهم وفي يدهم التانيه شاي و يقولو لهم:
والله، يا رحاب، إلا كان دايرة تتوكيني حين تطوكيني إلى هذا الانضمام القسري لكاتيقوري هؤلاء الـ ناتشورال بورن كيلارز وأنا ما جايب خبر!
قراية للمحاسبة غايتو يسمّني فيها، حتّى جرعة التطعيم الاجباري البدّوها للناس في سنة أولى ديك أنا ما أخدتها! وما ذلك إلاّ لأنّني جئت الكليّة محوّلاً (ما معاي إنّو تعريف "الكليّة" هنا لا يخلو من حقارة كورنجية لبقية الكلالي والمدارس، يا قيقراوي، بالجامعة تماماً كما لا يخلو تعريف "الجامعة" ذاتها من حقارة لغيرها من الجامعات والمعاهد!). أقول جئت محوّلاً من كليّة الزراعة هارباً من احصاء تانية زراعة فلحقَ بي الذي تركته ببسطام ثمّ لـحّق أربعة وعشرين من دفعتنا الغُتُس لكنّني لم أنَل شرف أن أكون أحد شهداء ثورة أربعة وعشرين تلك إذ نجوت بفضل بقايا رياضيّات وربّما بقايا مكر...بَسْ قدّام لـمّوا ليك فينا ناس إكنوميتريكس وتطـير ما ترِك شهّونا ليك نشرة تلاتة لـمّان قلنا أخير المحاسبة (بل وأحب المحاسبة ذاتو).
Quote: بجيك احدثك عن الانسنة في المحاسبة
يا قيقراوي ترانا في رجاك في الموضوع دا (إمكن نغيّر راينا فالنقرة بتفتّت الحجر) بَسْ إنتو واصلو الكفاح وإن غيّبنا البيات الشتوي المعتاد سنويّاً وارتباطاته من دق عيش (وإن كان يجب علينا أن نغني، هذه السنة، مع اسماعيل حسن واليمني: واخسارة عيشنا ما أكلو الجراد والحكمة متّيق*) وتجهيز تواريب السنة الجديدة وغلاط اخواننا من الرضاعة من محبي المحاسبة حول كلّ ذلك.
_______________ * بالمناسبة، ينطوي "المتّيق" على فكرة لا تخلو (في تقديري) من مرجعيّة محاسبية (كوست تريمنق؟) فهو عمليّة ازالة الأوراق من سوق بيت العيش لكي تصمد في مواجهة عواتي الرياح فمن منّا لا يحتاج لشيءٍ من متّيق في ظل الوضع الراهن حيث ستّة عتاولة يتكاتلوا على فَدْ شغلة ببلد النوبلي أوباما بعد أن كانوا، حتى نهاية 2007، أقل من اثنين.
10-16-2009, 04:19 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: يا قيقراوي ترانا في رجاك في الموضوع دا (إمكن نغيّر راينا فالنقرة بتفتّت الحجر) بَسْ إنتو واصلو الكفاح وإن غيّبنا البيات الشتوي المعتاد سنويّاً وارتباطاته من دق عيش
طريتني عيش ريغان و عيشنا . . . سـودنةُ الحـلمُ الأمـريكي . . . ياااااااااااااه بديت احلم انا ذاتي . . . “I Have a Dream " برضو ياخ ؟ . . ببساطة هو العصبية المهنية بدل العنصرية المهينة اوحى لي بيهو صديقين عزيزين : " ادلجة الانتماء المناطقي " الرفاعي عبد العطي حجر ، " المدينية بدل العنصرية القبلية " بدر الدين بابكر مصطفى الا دايرلا جكة فاهمة الشغلة . . .
تعرف ؟. . طبيعة علم المحاسبة و مجاله هن المصعبات الشغلة في بعض الاحيان ، يعني عشان اعبر عن الاحداث و المعاملات المالية In Monetary Terms الشغلة بتدور لها Conceptual Frame Work كارب و مكّرب و Measurement مناسبة او قول معقولة عشان نبعد عن الذاتية و الـ Estimations تطلع اكتر موضوعية ، و على قولة المصريين : ابتسم الصورة تطلع احلى . .
بخصوص شغلة الانسنة فدي بتتمظهر في مواكبة تطور العلم - المحاسبة - و غريقو ليدو في علوم الاجتماع و دا اتجاه حديث لمعظم دراسات المحاسبة ، مع انو دايماً بتواجهنا مشكلة Measurement لكن الجهود مستمرة . شوف مثلاً استانا عبد اللطيف إمام حل مشكلة الـ Measurement لولاء ( الموظف/العامل ) بمقدار التكلفة البتنفقها المنشأة في المحافظة عليه من تحسين بيئة و شروط العمل . . . طبعاً شاملة التدريب و الترفيه و العلاوات و كل ما يجعل " الوظيفة " جاذبة للعامل/الموظف كشريك . و بي توفير مقياس كمي نقدي للولاء بكون حقق الشروط النظرية للـ "الاصل الثابت " وسماهو بـ ( LOYAL ASSET ) و ممكن يتخت في تصنيف جديد كأعلى اصل في الـ Layout بتاع البلنص شيت .
معروف انو المحاسبة علم حديث نسبياً ؟ مع ذلك و برغمه الشباب مجتهدين و شادين حيلم مستفيدين من خلاصات كل العلوم الاتطورت قبلنا ننتقي اطيب ثمراتها البتلفق معانا و ابداع تكنيكس جديدة للتعامل مع ما يستجد من تحديات الواقع المتسارع و ننفي ما اثبتت التجربة بطلانه بآلية و منهجية تطوير المعايير المحاسبية في اطارنا النظري ، وهو غاية في الروعة و الاتساق ، الا النصيحة بعض البوستيوليتس بتاعتنا ذمتا واسعة شوية ، دي ما بتضعف صفة العلمية في المحاسبة . لكنها بتوديها جهة العلم التطبيقي البيتطور في الممارسة و بتخليها في امتحان دائم لفرضيات / مبادئ / اعراف اطارها النظري المفاهيمي . علماءنا بنظروا ساي انو " نظرية المحاسبة " نظرية تفسيرية تغييرية ، انا شخصياً شايف انو الجهد النظري في اتجاه التغيير بطئ و غير كفوء. الواقع ذاتو بقول انو " النظرية " كانت و ما زالت تابع و رهينة تفسير الواقع و كان لحقت واكبت ساي تكون ما قصرت و عداها العيب . كرهونا الـ Status Que ذاتو ! . . اسع دي الـ كو كرو و الكترابة القايمة دي بترضي زول ؟ اها تغييرها كيف ؟ و و ين الجهد النظري المطلوب ؟ عملنا شنو فيهو ؟ . . . دائماً المهنة و الممارسة هي البتنتج الحلول ما النظرية . . من زمن لوكا باتشيلو في اخريات القرن الخامس عشر ، الراجح انو هو ما نجر القيد المزدوج من بنات افكارو ، بل استخلصو من ممارسات تجار فينسيا و صاغ " النظري " انو اي حدث او معاملة مالية لها اثر مزدوج . المحاسبة طورتها الاجسام المحاسبية في اميركاAPB & FASB ، و ACCA في انجلترا . .بالنسبة لامريكا لاحظ من " مجلس المبادئ المحاسبية " لـ " مجلس معايير المحاسبة المالية " و دي نقلة تاريخية في المهنة من الـ GAAP "المبادئ المحاسبية المتعارف و متفق عليها " لمعايير محاسبية راسا عديل ، و تلاحق التطوير لتوحيد المعايير في معيار دولي و قيام الإتحاد الدولي للمحاسبين IFAC شوف الانترناشيونال فيدريشن بمثل 2.5 مليون محاسب حول العالم ( للاسف ما عندنا حاليا من بين اعضاء و منتسبي IFAC الـ 117 ًبعد حل مجلس المحاسبين القانونيين السودانيين !! )
ادرك قيقراوي الصباح و شال هم حق الملاح نجي نتم باقي النضم ليتر ياخ
10-16-2009, 06:39 AM
osman righeem osman righeem
تاريخ التسجيل: 06-21-2007
مجموع المشاركات: 10872
Quote: هي المصاريف غير المباشرة والليثي (زميلنا هنا) أعلم وقد جاء في الأثر: مصاريف غير مباشرة ولا ضبيحة مكاشرة (وقيل مقاشرة).
الاخوان الاستاذ عادل والاستاذ فتح الرحمن
تحياتي
كل يوم اجي ماري عشان اكمل حكاوي اجد نقاشكم المفيد اقول ما اقطع قدح الاذهان المثمر و لكن استوقفني تعريف الاوفر هيدز وانا اعتقد ان الاوفر هيدز يمكن ان تعرف علي اساس انها طريقة توزيع مصروفات علي مراكز تكلفة / ايراد بعيدا عن نوع أو طبيعة المصروف و اعتقد ان التسمية جاءت من طريقة مسك السجلات و السجل التحليلي ابو كم وعشرين ( أو تزيد) عمود و يكون كل عمود لجهة مركز تكلفة / ايراد و كل سطر افقي لمصروف يوزع علي هذه الهيدز . اما الوصول لطريقة عادلة لتوزيع المصروف فهو قرار اداري وليس قرار مالي ولكن القرار الاداري يتم حسب ما تراه الادارة المالية و لكن الادارة المالية تدسه لإدارة المشروع لتصدره لكي تنجوالادارة المالية من احتجاجات الاقسام والادارات المعنية
ويلا نتابع
10-16-2009, 08:31 AM
محمد الشيخ أرباب محمد الشيخ أرباب
تاريخ التسجيل: 06-17-2008
مجموع المشاركات: 1366
Quote: لكنّ تعقيد مشكلتنا يكمن في إنّو لدينا سبّورت ديبارتمنس بمناطق تخدم مناطق أخرى وفرونت أوفيسس ببزنس لاينز تخدم بزنز لاينز أخرى وهيد أوفيس به سبّورت ديبارتمنتس بها قومٌ يخدمون جميع هؤلاء (ثمّ لا يُتبعون ما خدموا مَنّاً ولا أذى وإنّما "محتاسين" بَسْ في توزيع أجرهم جرّاء ذلك) كما وبالهيد أوفيس أيضاً بزنس لاين يتلقّى الخدمات من جميع هؤلاء وهو في نفس الوقت يقدّم سبّورتنق لجميع هؤلاء
مشكلة الالوكيشن حلها دايمن بفتح جوب كوست لكل فرع وعشان التراكنغ يكون مزبوط يجب عمل انفتوري للفرع المحدد بما ذلك الاستيشنري المستخدمة والاصول الثابتة الموجودة وكذلك الديبرسشيتد اسيتس على ذلك يتم تحديد الكوست بنسبة كبيرة جدا ويستحيل عمل الالوكيشن بنسة 100% لانو في بعض البنود الصغيرة تختلف وجهة نظر المحاسبين فيها بحسب التقدير او الفهم الشخصي لها.. عموما في ورقة او دراسة صغيرة عن ال Job Coasting في برنامج ال PeachTree عن ادارة مواصلات في جهة تملك فوق المية وخمسين بص امكن تحديد وفصل مصاريف كل بص وفك الارتباط بين مصاريف فروع ادارة المواصلات من ناحية والمصاريف الادارية الهيكلية مع كل من ادارات المالية,المشتريات, الافراد ...الخ وشغل الالوكيشن عشان يكون زابط لازمن يتفكفك الزول البيعملها من قسم الحسابات وتكون شغلتو بس يفرتق الداتا بتاعت الحسابات دي ورقة ورقة
10-16-2009, 12:45 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
كل يوم اجي ماري عشان اكمل حكاوي اجد نقاشكم المفيد اقول ما اقطع قدح الاذهان المثمر و لكن استوقفني تعريف الاوفر هيدز وانا اعتقد ان الاوفر هيدز يمكن ان تعرف علي اساس انها طريقة توزيع مصروفات علي مراكز تكلفة / ايراد بعيدا عن نوع أو طبيعة المصروف و اعتقد ان التسمية جاءت من طريقة مسك السجلات و السجل التحليلي ابو كم وعشرين ( أو تزيد) عمود و يكون كل عمود لجهة مركز تكلفة / ايراد و كل سطر افقي لمصروف يوزع علي هذه الهيدز . اما الوصول لطريقة عادلة لتوزيع المصروف فهو قرار اداري وليس قرار مالي ولكن القرار الاداري يتم حسب ما تراه الادارة المالية و لكن الادارة المالية تدسه لإدارة المشروع لتصدره لكي تنجوالادارة المالية من احتجاجات الاقسام والادارات المعنية
ويلا نتابع
سلام يا رغيم استاذ انت دا ياخ الله يسامحك يا عمك تساويني بي سيدي البدوي عديل !
بالضبط نقطتي في حكاية " تعريف الاوفرهيدز " انا بنيت مدخلي على انو الاجابة على د.رحاب مش بـ " تعريف " اعتقد انو المسؤل ليس بأعلم من السائل في شأن التعريفات و اللذي منو و هي ادرى بتعريف الاوفرهيدز ، و لسه شايف السؤال موهط :
Quote: اوفرهيدز دي شنو بالعربي ؟ ...
المصطلح المقابل ليها ؟
تعرف نحن تاني دفعة " تعريب " اكتر ناس عانينا من الشغلة دي . . . المحاضرة بلسان و المرجع بلسان . . . و البراكتسز بتطلع لينا لسان و خاتانا دايمن في امتحان . و لاحظت دايماً " اوفرهيدز " دي زي ما ياها! اصلوا مافي زول قرب ليها ترجمة و لا تعريب . . ! ياخ ما زيها و زي الاوفراول التم استعرابها و من ثم تصحيفها الى ابرول . . . و من الابرول ابت تطلع ذاتو . . . من المدفع طلع خازوق ! او كما قال المعنى اللغوي : من الدكشنري " قاموس اكسفورد الحديث " قال عليها : Money that a company must spend on things like Salaries,Heat,Light,Rent,etc ( نفقات عامة " في شركة " ) * لاحظ معاي الـ must دي ؟ وفي الاصطلاح : زي ما قالوا الشباب "ً الارباب " ابو ريم " و اشرف طه و زي ما تفضلت يا رغيم - ضربت تكتيك " الشينة منكورة " ياخ ! يا عمك هنا معانا مدراء ادارات ياخ ! - وزي ما اتفقتوا كلكم. بس حكاية " عامة " في ترجمة اكسفورد دي واسعة شوية و المصروفات الذكرها ما بالاطلاق دا . برلوما لينا - زمان - زميلاً لينا اسي سموهو " ابو حوّة " ما يعادل " ابو حواء " بالريال السعودي ، عمل بحث مجاستير في
Quote: والان احدث طريقة لتقسيمها activity base costing
بس شايفو قصرالاوفر هيدز على المصاريف " الصناعية " التي لا يمكن ربطها مباشرة بوحدة الانتاج ، زي الصيانة ، المناولة " في مصنع ينتح اكتر من منتج واحد " ، الاضاءة ، ايجار المصنع . . . رواتب العمال غير المباشرين و حتى المشرفين و المراقبين الصناعيين ...الخ الصحيح شنو ؟ . . . الاوفرهيدز فيها عمومية وادارية ؟
دا كلو كوم و سؤال د. رحاب موهط ظن
Quote: اوفرهيدز دي شنو بالعربي ؟ ...
---------------------- يا ابو ريم جمعتك مباركة ياخ
باب النجار مخلع دي باب سمح جداً " للعصبية المهنية ضد العنصرية المهينة "
انت CPA ولأ CMA ؟
يديكم الف عافية ياخ و يخليكم يا رب احبكم ياخ كلكم و لا استثني منكم احداً . . حتى الما بحبوا حبيبتنا " المحاسبة " ذاتو قيلوا طيبين و العفو فوق العافية
10-16-2009, 01:29 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
يا ابو ريياخ انت معانا و لأ مع لخيانة ياخ ؟ ذكرتني ياخ انو جاني ايميل سمح خلاص قل اهديهو لابن العم / فضل كرار و محبي الادارة
Walking into the factory, the Managing Director of the Company noticed a young guy leaning against the wall, doing nothing.
He approached the young man and calmly said to him, "How much do you earn"؟
The young man was quite amazed that he was asked such A personal question, he replied, none the less, "I earn $ 2000.00 a month, Sir. Whyy?"
Without answering, the MD took out his wallet and removed $6000.00 cash and gave it to the young man and said, "Around here I pay people for working, not for standing around looking pretty!
Here is your 3 months salary, now GET OUT and don't come back".
The young man turned around and was quickly out of sight.
Noticing a few onlookers, the MD said in a very upset manner, "And that applies to everybody in this company".
He approached one of the onlookers and asked him, "Who's the young man I just fired?"
To which an amazing reply came: "He was thepizzadelivery guy , Sir!"
لوووووووووووول يا مدير !!! اعرف استافك تعرف محفضتك سجن كنجالاتك ياخ !
-------------- ما عرفت اعمل فورامات مظبوط لكن اعتقد انها واضحة مش ؟ اها يا كرار يا فردة . . كوبي & بيست بي هناك و ما تتوصى على الفورمات .. سمح ؟
ياخ بالمناسبة انت بتقرب للمرحومة " اميرة كرار " ؟ الله يرحما هي الدفعة الورانا و كانت زوجة الصديق الدفعة و زميل البورد سامر حسن عثمان ، المعرّف هنا بـ " سامر اؤثمان " . . هو زولكم يا عمك ، إداري ساي الله يرحم اميرة كرار و محمد سامر و يبشبش الطوبة التحت راسهم
10-16-2009, 01:50 PM
محمد الشيخ أرباب محمد الشيخ أرباب
تاريخ التسجيل: 06-17-2008
مجموع المشاركات: 1366
Quote: المشكلة هي في الوسيلة المناسبة لتوزيع منصرفات الباك أوفيس والهيد أوفيس على البزنيس يونيتس والبزنس لاينز مُشْ بَسْ لأغراض البدجتنق وإنّما لتوزيع الآكشوالز في عضمها للوصول لقوائم أرباح وخسائر شهريّة تقارن الآكشوالز بالبدقِـتِـد رصداً لأداء كلّ بزنس يونيت بكلّ منطقة وكلّ بزنس لاين بكلّ بزنس يونيت بكلّ منطقة. هذه هي المشكلة التي ربّما قمتِ بتدريسها، على تجريداتها، لطلاّبك لكنّ تعقيد مشكلتنا يكمن في إنّو لدينا سبّورت ديبارتمنس بمناطق تخدم مناطق أخرى وفرونت أوفيسس ببزنس لاينز تخدم بزنز لاينز أخرى وهيد أوفيس به سبّورت ديبارتمنتس بها قومٌ يخدمون جميع هؤلاء (ثمّ لا يُتبعون ما خدموا مَنّاً ولا أذى وإنّما "محتاسين" بَسْ في توزيع أجرهم جرّاء ذلك) كما وبالهيد أوفيس أيضاً بزنس لاين يتلقّى الخدمات من جميع هؤلاء وهو في نفس الوقت يقدّم سبّورتنق لجميع هؤلاء...وهيصة! Adil
--------------------------------------- سلام يا عادل و باقي الكرام معليش انط الصف و استاذنكم ارد علي كم نقطة في مداخله عادل قبل متابعتي للرد بتسلسل و ابدا الفقره من تحت لي فوق:
Quote: تعقيد مشكلتنا يكمن في إنّو لدينا سبّورت ديبارتمنس بمناطق تخدم مناطق أخرى وفرونت أوفيسس ببزنس لاينز تخدم بزنز لاينز أخرى وهيد أوفيس به سبّورت ديبارتمنتس بها قومٌ يخدمون جميع هؤلاء (ثمّ لا يُتبعون ما خدموا مَنّاً ولا أذى وإنّما "محتاسين" بَسْ في توزيع أجرهم جرّاء ذلك) كما وبالهيد أوفيس أيضاً بزنس لاين يتلقّى الخدمات من جميع هؤلاء وهو في نفس الوقت يقدّم سبّورتنق لجميع هؤلاء...وهيصة!Adil
دي بالظبط يا عادل مشكلة سبب وجود او خلق الكاتيقوري الاسمها الاوفر هيدز و مشكله توزيعها ، او التكلفه الغير مباشره، also known as indirect-costs لانها لو كانت بتخدم البيزنس لاين مباشرة او منتج معين مباشرة او خدمة معينه، كانت حا تكون تكلفه مباشرة direct cost و ما بتحتاج انها تتوزع, و اكيد كل بيسنز حا يكون عندها تعقيداته الخاصه كما ذكرت انت بخصوص بيزنسكم
Quote: المشكلة هي في الوسيلة المناسبة لتوزيع منصرفات الباك أوفيس والهيد أوفيس على البزنيس يونيتس والبزنس لاينز مُشْ بَسْ لأغراض البدجتنق وإنّما لتوزيع الآكشوالز في عضمها للوصول لقوائم أرباح وخسائر شهريّة تقارن الآكشوالز بالبدقِـتِـد رصداً لأداء كلّ بزنس يونيت بكلّ منطقة وكلّ بزنس لاين بكلّ بزنس يونيت بكلّ منطقة. Adil
مقترح اخونا الارباب مقترح جميل، لانه و اذا استخدمت ما يسمي بالاي بي سي او Activity Based Costing حا تستخدمو اكتر من طريقه لتوزيع الاوفر هيدز و ربطها بما يسمي بمحرك التكلفه او cost drivers يعني زي ما قيل في البوست، زمان الناس كانو بيستخدمو allocation base واحد لتوزيع الاوفر هيدز علي الاقسام، و لكن مع مرور الايام الناس لاحظت انه بعض الفرونت اوفيسيس بتستخدم خدمات بطرق مختلفه من الباك اوفيسيس، بحاول القي لي طريقه شرعيه لانزال ورقة عن الحاجه دي هنا، و تبقي المشكله الاساسيه هي اي كوست درايفر بيتماشي مع ياتو باك اوفيس و فرونت اوفيس و هنا يوجد شرح جميل مبسط عن فعالية الاي بي سي ABC http://en.wikipedia.org/wiki/Activity-based_costing
في نقطتين في الباراقراف ده:
اولا: السؤال عن كيفية توزيع الاوفر هيدز للفرونت اوفيسس، و في دي كلام اخونا الارباب هو المتبع حاليا في شركات كتيره جدا
و لكن، استوقفتني اهداف توزيعكم للاوفر هيدز و ده بيجيبني للنقطه التانيه
تانيا: توزيع الاوفر هيدز و ربطها بالاداء و مشاكل الحاجه دي انتو ليه بتدخلو الاوفر هيدز كجزء من تقييم الفرونت اوفيس، خصوصا اذا كان ما عندهم يد كبير فيه؟ مثلا تكلفه الهيد اوفيس او تكاليف اخري الفرونت اوفيسس ديل ما ليهم دخل كبير المدير ماهيته كم او كده، انا معاك اكيد في اوفر هيدز مرتبطه بالفرونت اوفيس و دي يمكن حلها بتقنيه الاي بي سي، و لكن عموما لا احبذ فكرة توزيع الاوفر هيدز و ربطها بالاداء، و ناسكم ديل ظراف الما معترضين علي الفكره من اساسه علي حسب معلوماتي انه الشركات الفي مجالات مشابهه بيحددو هدف ربح عالي للفرونت اوفيسس و يحاولو يغطو منه الاوفر هيدز دي و من غير ما يعملو ليها الوكيشن
اختصر ليك الكلام الكتير ده في الاتي: first: separate the exercise of allocating overheads to service departments from the actual problem of how you should cover them 2nd: it makes more sense if you do not link the performance measurement of the front offices/service departments with overheads over which they have little control, it demoralises everyone
for measuring branch performance use: Branch revenues - branch controllable/direct costs (fixed and variable)x for measuring the company profit use: the sum of branch controllable costs - non-branch costs
and to make sure that you are covering all your overheads, make branch target contribution large enough to cover non-branch cost + co. profit
في حاجه ملاحظه ليها في الشركات الاوروبيه الكبيره مثل Avis & Hertz انه جزء كبير جدا من ارباحهم ما متعلق بالخدمة البيقدموها لايجار العربات، و لكن من بيع العربات الكانت مستعمله في شركتهم، بيحتفظو بيه كبيزنس لاين منفصل، حتي لا يتدخل بعض مدراء الفرونت اوفيسس و يقولو ما هدا عملنا ليكم ارباح عذرا للاطاله و بجي راجعه بعد انوم ياسين ان شاء الله
------------ تمت الاستعانة بالسيد ابو ياسين لمراجعة المقترحات المقدمه دي و هو بروفيسور في تقييم الاداء و حساب التكاليف ولا يفتي و مالك في المدينة و خصوصا انه تخصصي البحثي مختلف شوية من مواد تدريسي :)
10-16-2009, 05:56 PM
Rihab Khalifa Rihab Khalifa
تاريخ التسجيل: 07-07-2006
مجموع المشاركات: 3738
Quote: اما الوصول لطريقة عادلة لتوزيع المصروف فهو قرار اداري وليس قرار مالي ولكن القرار الاداري يتم حسب ما تراه الادارة المالية و لكن الادارة المالية تدسه لإدارة المشروع لتصدره لكي تنجوالادارة المالية من احتجاجات الاقسام والادارات المعنية
مشكور أستاذنا عثمان فبيانك هذا قد لخّص جدلاً حملناه سنيناً. غايتو ترانا في عرض التحليلات الأخرى وما أكثرها (غايتو كرم السودانيين! هسّع أنا مفكّر جديّاً إذا انزنقت لي في قرشين ياها يا أبو مروة في بوست وأرقد قفا) وألاّ كمان شفنا طلبة رحاب (كرم الإنقليظ؟) يلقو لينا بريكثرو لقصّة الأوفرلابنق دي وأكان غلبت أم غلاّب كمان لمينا ملفّاتنا وتيمّمنا صعيد وبنحب الإدارة
وبعدين يا عثمان ياخي حكاويك الفيها دراما تفضيل المحاسبة على الطب وكوميديا مراجعة مشروع الرهد ورعب أتيام ديوان المراجع العام ومين عارف يمكن تجيب ليها آكشن بأندروبل وألا كومر وألاّ أم ضنيب (لاندكروزر هارد توب - حبّة وربع - كان يستخدمه البوليس) وربّما مشاهد تاريخية؛ تقوم توقّفها بي سبّة هترشة الاستاذ عادل والاستاذ فتح الرحمن أمانة أخونا الأصغر رغيم ما اتلوّم لوم أخونا الأصغر فتح الرحمن. ياخي واصل والله جِنِس حكاويك دي مزاج الواحد مستعد يخسر عليهو قروش.
يا قيقراوي والله تراكم ما هينين! ياخي البشوفكم كاتلين حيلكم وساهكين ضلّكم ومسبّلين عيونكم تحت النظّارات القعركباييّة ومغزغزين الأقلام (رحاب*) في شعوركم يقول الواو الضكر ما بتفرزوهو إلاّ في سياق لغة قوانين الزيرو ون (زيرو – ون – زيرو، زيرو – ون – زيرو...) أو سياق لغة الجيش (شمال – يمين – شمال، شمال – يمين – شمال...). ياخي لا توقّف أنا هسّع دي ماشي أشوف لي طريقة أحوّر بيها اختبار رحاب من اختبار للهويّة الجنسية (ذكر/أنثى) إلى اختبار للهوية المهنيّة (اداري/محاسب) وآخدوا تَبْ مين عارف يمكن ألقى رقبتي فعلاً ناتشورال بورن كيلار...مَعَكُم (على قول الترابي)...بعدين يا فتح الرحمن ياخ!؛ الله يهديك بَسْ.
مشكورين يا الأرباب ويا أشرف على الكرم والجود ويا أشرف الـ"ورقة او دراسة صغيرة عن ال Job Coasting في برنامج ال PeachTree عن ادارة مواصلات في جهة تملك فوق المية وخمسين بص" قوقلتها لكنّني لم أوفّق إلى الوصول إليها فإذا كان عندك رابط ليها فأرجو تنويرنا ينوبك ثواب (حا تعملوا أيه ياهو حال الاداريين بي وشّهم دايرنّها مقشّرة).
____________ * يا رحاب عندنا هنا مراقب مالي (مالي هدومو) ما بِدخُل الاجتماع وإلاّ وقدّامو علبة أقلام رصاص وبرّاية...دا طبعاً غير البرّاية الـbuilt-in في خشمو! ويا دودي مراقبنا المالي هدومو دا أكان في سبب وجيه لحكاية وجود برّاية في خشمو دي فهو ولعه (ولع راسو عديييل) بحكاية الفيريانص أناليسيس دا! أضمُّ صوتي لصوتك بدون أي تحفّظ مين عارف يمكن نمرق لينا من البوست دا بي CMA
10-16-2009, 09:48 PM
محمد الشيخ أرباب محمد الشيخ أرباب
تاريخ التسجيل: 06-17-2008
مجموع المشاركات: 1366
Quote: لغة قوانين الزيرو ون (زيرو – ون – زيرو، زيرو – ون – زيرو...) أو سياق لغة الجيش (شمال – يمين – شمال، شمال – يمين – شمال...). ياخي لا توقّف أنا هسّع دي ماشي أشوف لي طريقة أحوّر بيها اختبار رحاب من اختبار للهويّة الجنسية (ذكر/أنثى) إلى اختبار للهوية المهنيّة (اداري/محاسب) وآخدوا تَبْ مين عارف يمكن ألقى رقبتي فعلاً ناتشورال بورن كيلار
ات بتقول فيها ؟ كل النجر الفوق دا مرجعو " اكاونتينغ ثيوري " زيف & كيلار . . . اي و الله . . و لما تعصلج معانا كنا بنسميهم زفت & كيلار ! موضوع الهوية دا حسمو واجب حالة انو المشهد الاجتماعي يعاني من إلتواث في الكاحل اصابتو بردّة اجتماعية و نفاخ و لواية ، زي رفيقو دا مشهدنا الثقافى حالة كونه يعانى من الإلتواث خليها ساي ! شربانة زيت جابت نفاخ عديل !! اداري /محاسب فصام مهني يصنف " حميد " . . . لكن مهندس / راعي - لاحظ بدون زاي - بتجيب طرافة شوية ، مرة قاليك واحد اخونا مهندس ( مساحة و لا اقول ليك مدني ما عارف ؟ ) المهم اصابتو حمى اغتراب و بقت ليهو بداء الفصام المهني و جا نفذ قدرو ، جاي جاي اقنع ليك الكفيل بانو يعملوا مكتب هندسي ، الكفيل لا ايدو لا كراعو و لا فهمو ذاتو في الشغلة ، يا سيد الامانتي ليك المكتب مشى مشى كدا و قام دت الحال حرن . لا المهندس عرف السوق العارض فيهو خدماتو ، و لا طويل العمر فاهم " خدماتو " الزي وجناتو دي شنّآها عشان يساعدو ؟ . . الحال حرن و المكتب قفل و اترتبت عليهم ديون و ايجارات و خراب ديار و بلاء مستعجل ، طلعت في راس طويل العمر انو يأدب ليك هندسة دا بس شبكو ليك : يا " زول " تراني جبتك راعي اقول ازينلك تلّزم " الحلال ". و صاحبنا يخرخر : هي لكن نان انا مهندس ! . . يا زول لا تنفخ علينا ! ترى الحلال ما عندها أحد . . قِم ؟ و يضيف بغضب يليق ببداوة صحراوي قح : اقول يا " زول " تراني مبلغن عليك الدوريات . . . انقز على الحلال ؟ صاحبنا لما ضاقت و اقفلت عليهو : خلاص برعاهن ليك لكن تحاسبني بالمتر انا مهندس . . .
المحاسبة تعرف حالياً بانها "نظام معلومات " يلا الاتنين ديل بجرجرن . . نظام يعني نظام بكل مكوناتو و اجراءاتو و مدخلاتو و مخرجات . . و معلومات يعني معلومة لازم تتوفر فيها كل صفات المعلومة " الصالحة " من موثوقية ، اعتمادية ، ملاءمة ، توقيت . . . الخ عملية تطوير - دي الكلمة المستخدمة رسمياً مع الـ Standards ، غالباً من باب اتمام مكارم الاخلاق " و دا البدعم زعمي انو قاعدين ننتقي افضل " اجراء من الواقع . ما في نجر أخدر - قلنا عملية تطوير المعايير المحاسبية بتشرح ليك " المؤسسة العسكرية " اقصد المؤسسة المحاسبية كيف شغالة ؟ بالمناسبة العملية دي طوالي مدورة ، و في مراجعة و تصويب و تصحيح و تعديل مسار . و بشاركوا فيها كل طوائف المحاسبين " مهنيين ، اكاديميين ، ممارسين ، فنيين " كلو زول بمشهادو و غازي عودو تب. في عملية ديمقراطية كاملة ممكن تراجع المرجع المذكور Politicization of Accounting Standards" و " Marketing Of Accounting Standards" الباب التالت و الرابع على التوالي .
اها نديكم كابشر للـمشهد : ناس نحن ( البراكتشنيرز ) و ( التكنشنز ) او قول ( المشاة ) في المعركة دي ، ضباط ميدانيين ( مدراء ماليين ) و ضباط صف ( رؤساء حسابات ) و في طبعاً الضباط الفنيين ( ناس الكوست و المحاسبة الادارية نموذجاً ) و البقية جنود نفر ، يتلخص دورنا في إعمال التكنيكس في البراكتس و نشيل و نجدع ليهم في الفيد باك - المقابل العربي للمصطلح دا بذكرني بالقمل ليه ما عارف ! - و الاكاديمشنز " هناك في " الكلية الحربية " يسووا بحوثهم و يدربوا و يدرسوا المزيد من المشاة و يعملوا باقي شغلتم ( انا ذاتي ما عارف تاني بعملوا شنو ؟ ) اظنهم بنظروا و يطوروا في الاطار النظري . . حلو القول في خشم سيدو - شفت طائفيتنا حنينة كيف - اسمع من التعلمجي د. رحاب خليفة :
Quote: قيقا يا صاحب
البراكتشنرز ديل ما اسياد الشي زااتو، احنا بننظر سااكت و نمشي نكتب بحوث عنكمم، ده لمن تسمحو لينا نجيكم
أخيراً : البروفيشنالز " او " القيادة و السيطرة " - طبعاً رئاسة الاستخبارات و الشرطة العسكرية عندهم - اها ديل بيراجعو و يعدلوا و يديروا عمليات " تطوير المعايير المحاسبية " و يظبّتوا فيها ساي . . بالمناسبة الشغلة دي معقدة جداً و هي عبارة عن كل الدورة في المشهد اعلاه و بتتم بآلية منظمة و منضبطة جداً . . حضارية و ديمقراطية خالص لو لقيت المرجع و الوقت ليهو و اطلعت عليه. . الا ما بتختا هواء الدباغة تب لارتباط المحاسبة الوثيق بالقوانين و التشريعات في البلد المعني
اها قلت شنو ؟ ما هوية بتشّرف و تملأ الزول عز و فخار بالانتمأء ؟
---------------- ياخ عندي اتفه " ماوس " في الدنيا دي ! عذبني عديل ! ما بلقى ليهو " كديسة " اللات " تبخ " تاكلو تريحني منو ؟ كرهنا ذاتو ! تصبحوا على خير يا احلى قوم
10-17-2009, 00:44 AM
osman righeem osman righeem
تاريخ التسجيل: 06-21-2007
مجموع المشاركات: 10872
قبل ان اطلق الادارة المالية من عامين ( طلاق تلاته) تم دمج كل المصانع الحكومية التابعة لحكومة الامارة تحت مظلة شركة قابضة واحدة وكان من حظي ان اكون مسئول الحسابات المركزية في الشركات التابعة للقطاع الزراعي و تم استلام احد مزارع النخيل من وزارة الزراعة لتكون تابعة للشركة المعنية بتصنيع التمور تقريبا في 1/1/2006 و كان عدد اشجار النخيل في محضر الجرد 167000 شجرة نخيل وفي محضر الجرد في 1/4/2006 تاريخ استلامي كان عدد اشجار النخيل 202000 علما بانه خلال فترة الثلاث اشهر بين الجردين لا توجد أي مشتريات شتول أو اشجار نخيل و لكن ادارة المزرعة الجديدة ( والغربال الجديد ليه شدة) قلعت الشتول ( الفسائل ) من الاشجار و زرعتها في جزء من المزرعة كان خالي .( و الشتول لم تكن مدرجة في الجردفي 1/1/2006) حسب المعييار الخاص بالاصول البيولجيةلازم تكون حاوي عشان تعمل الوكيشن للمصروفات .... كدي اديك فرصة تتخيل و ترجع للمعيار المعني و ما تنسي في المعيار تشوف حكاية تسعير الاصول البيولجية وسبيل المثال البقر ( حامل / مرضعة / و قاطع / ولا تحلب)
10-17-2009, 08:39 AM
Rihab Khalifa Rihab Khalifa
تاريخ التسجيل: 07-07-2006
مجموع المشاركات: 3738
الموضوع ده حيكشف اعمار ناس كتيرة و انا ماب احب ازعجهم بالحكاية دي و علي رأي ابلة خديجة المحلق حاسد وانا ما عندي طريفة لولوة و ولدي بي شنباتو حايم يضغل في البورد هنا ( وطبعا عادي ناس فتح الرحمن ممكن يصاحبوهو و يجو عديل عيني في عينهم يقولو ليا نحن اصحاب ولدك المهم يا ستي عندما وعينا بالدنيا علي اعتاب ثورة اكتوبر 1964 و نحن في حالة دخول الي الي المدارس الوسطي حصلنا علي بعض المكانة الاجتماعية التي تخول لنا حضور اجتماعات الكبار و ننال شرف أن نغسل لهم بعد الوجبات ( و نفوز بباقي صحن الكستر) و كانت الحكومة المحلية مطقمة بأسماء رنانة ولهم سواقين وحشم و خدم و ازكر منهم في الفترة من 60 الي 69 صوميل لوباي و الدكتور بناي سرور والاديب حمدنا الله عبد القادر و الاستاذ عبد الفتاح أحمد عيسي و قيل عبد الكريم الكابلي باشكاتب المحاكم بمروي المهم كل هذه الشخصيات والتي يعتبر مرورها بالبلد وقت يدون به التاريخ كان يرعبها تيم ديوان المراجع العام و كان المرحوم حسين مثالا للشخصية النموذج مرحا طيبا اذا تحدث لبقا لطيفا اذا تعامل مجاملا بشوشا اجتماعيا أسد هصورا عندما يؤدي واجبه الوظيفي و كان يرحمه الواحد الاحد عندما يأتي الي مهمة عمل الي مروي يقيم بمزل والده الغوث سيدأحمد شامي وكنت استغل صداقتي لاخوانه زملائي بالدراسة لكي ازوره بالمنزل و ساله عن الرهبة التي يحظي بها جماعة ديوان المراجع العام و لم يبخل علي بإجابة لأسإلتي الساذجة وقتهاو لم لن اميز الان هل كنت معجب بالشخصية أم بالوظيفة أم بدمجهما معا. المهم يا بت الخليفة حتي اليوم اشكر الله و احمد فضله ان التقيت حسين فلم اندم لانني اخترت المحاسبة كعلم و مهنة و كان من كرم الكريم الحليم الوهاب أن زدت حظا و تزوجت من شقيقته و التي جعلتني من القوم الموقنين بأن الله السميع العليم قد استجاب لدعائهم ( اللهم اتنا في الدنيا حسنة و في الاخرة حسنة و وقنا عذاب النار) وله الحمد قد اعطاني في الدنيا ما سألت Osman
يا سلام يا عثمان و نعم الرجال كانو انا ما سمعت عنه، و لكن من حديثك ادرك اي نوع من الرجال كانو، ربنا يرحمه و يتولاهو برحمته سلامي لحرمكم، و اريتها تقرا الكلام ده اهلنا الانجليز دي بيقولو it takes one to know one صحيح، ما قدرك الا من كان في قدرك
10-17-2009, 10:10 PM
Rihab Khalifa Rihab Khalifa
تاريخ التسجيل: 07-07-2006
مجموع المشاركات: 3738
Quote: انا شايف البوست دا فرصة كويسة نعملوا " دار المحاسب " على غرار اليوم الحار ؤ كدا و ممكن تتساق فيهو الحاجات بشكل عملي جداً و توصل لنهاياتها المحاسب اصلاً صاحب رأي و مقدم نصح ، و الرأي و العزم من يومهن مرتبطات
دا طبعاً بعد موافقة صاحبة الضيافة هنا . . و الله ما شايف تايتل لينا احسن منها Gega
يا قيقراوي الراي رايكم و الشوره شورتكم بلكنه صعيديه شديده، لووول
فكره جميله و بصراحه ما كنت فاكره البوست بيصل يقلب صفحه، و لكن كل مداخلاتكم الشيقه جددت البوست وفتحت ليهو ابواب جميله
10-17-2009, 10:11 PM
Rihab Khalifa Rihab Khalifa
تاريخ التسجيل: 07-07-2006
مجموع المشاركات: 3738
Quote: لكن انا بفكر في موضوع يغطي دور المحاسب في الدولة - من دورنا في وضع منظومة معايير محاسبة وطنية - الرقابة القبلية علي الصرف من المال العام - استخدام تقنية المعلومات في تعزيز دور الرقابةالداخلية في مؤسسات الدولة - إعادة الهيبة والقدرة و السلطة لديوان المراجع العام ليقوم بدوره - وصولا الي ان تكون اجهزة الدولة والخدمة المدنية تحت معايير الشفافية - من له حق الولاية علي المال العام - هل الشركات و الاستثمارات التي تتبع الي احزاب تعتبر مال عام Osman
والله افكار عمليه و جميله ليه لا؟ في انتظارك يا عثمان لمن تروق حبه
10-17-2009, 10:47 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: يا قيقراوي الراي رايكم و الشوره شورتكم بلكنه صعيديه شديده، لووول
لوووووووووول الصعايدة عاسوا عواستم تب و عاثوا فساداً في البوست برايم براههم في صعيدي بشاور ؟ . . .على قول عمي الشفيع رحيمو الله " راينا سويانهو " !
مشتاقين يا دكترة و عليك الله اعفي لينا لقيانها فرصة للاندياح في رحاب حبيبتنا " المحاسبة " و ما صدقنا و يديك العافية كان عافية لينا و لا ما عفيتي. . . ياخ فشيتينا جنس فشة ! . . . الحب ساي و كتمو بعمل ورم في القلب
------------------ يحُكى انو " الله يرحمو " جا قال لاختو " عمتنا " اسمها عرفة : " جدة " اختي - بحب و هي ذاتا بتحب بناديها كدا - باقي " ود ابقرصة " دا قال عاوزك ؟ قالت ليهو : بتدور رأي آ اشفيع اخوي ؟ قال ليها : رايك شن بندوربو ؟ . . . اديناهو خلاص !
هم الصعايدة ديل الا في جنوب مصر ؟
10-18-2009, 01:29 PM
محمد الشيخ أرباب محمد الشيخ أرباب
تاريخ التسجيل: 06-17-2008
مجموع المشاركات: 1366
اخونا قيقراوي خلي دي هنا لحدي ما أجيك بي مهلة بس ملاحظة الكيس كان في 2006 و الاضافة و التعديل الذي تم علي المعيار عام 2007 لا يؤثر في الموضوع
Agriculture Issued in February 2001 Recent amendment: by IAS 1 revised in September 2007
What is agricultural produce? --> harvested product of biological assets
What is a biological asset? --> a living animal or plant
Recognition conditions --> a biological asset (or agricultural produce) is recognised if all of the following conditions are met:
(1) control: the entity controls the asset (2) future economic benefits: it is probable to receive future economic benefits (3) measurement: fair value or cost of the asset can be reliably measured
Measurement --> a biological asset is measured --> at fair value - estimated sale costs
--> at the initial recognition point and --> at the end of each reporting period
Measurement --> agricultural produce is measured --> at fair value - estimated sale costs
--> at the point of harvest
Gain or loss
(1) biological assets: --> a gain or loss from the initial recognition is included in profit or loss
--> a gain or loss from a change in fair value - estimated sale costs is included in profit or loss
(2) agricultural produce --> a gain or loss from the initial recognition is included in profit or loss
Biological assets --> may be classified as (1) mature biological assets or (2) immature biological assets
Mature biological assets --> biological assets that (1) have attained harvestable specifications or (2) can sustain regular harvests
أولاً، يا رحاب، تحيّاتنا وشكرنا للسيّد أبي ياسين نفعنا الله بعلمه وآسفين يا ياسين ياخ على الازعاج بَسْ المحاسبة دي أختاها بي الله واحد...استعيض عنّها ببلاي استيشن ثري وسِد دي بي هيدفون ودي بي هيدفون.
Quote: انتو ليه بتدخلو الاوفر هيدز كجزء من تقييم الفرونت اوفيس، خصوصا اذا كان ما عندهم يد كبير فيه؟
تقولي شنو! نحنا وصلنا مرحلة من العَصِر بنحاسب المدير المسئول عن المنطقة بالهللة ابتداءً من صف الايرادات وإلى صافي الربح بعد خصم مخصّصات الزكاة وعشان يهوش الهوشة البِصّح بنقول ليهو مدير المنطقة هو مدير عام مصغّر (مصغّر دي بنقولها بصوت خفيض أو فونط صغير) في منطقتو من حقّو يصادق على الهاير والفاير والتريننق والموتيفيشن بالتنسيق (دي برضو بفونط صغير) مع البيرسونيل والمشمّر والمحمّر والسليقة في الماركتنق بالتنسيق (الفونط) مع التسويق ويسأل (بكلّ لداحة): عادل بتاع الهيد أوفيس دا مقدّم لينا شنو لامِن تِلِت مخصّصاتو وألاّ ربعها مألّكنّها علينا وعلى ذلك قِسي. دا كُلّو أرنب بالمقارنة ببعير التحصيل...هذا البعير مربوط تَبْ في مكتب مدير المنطقة شخصيّاً والحسّابة بتحسب علف البعير دا في شكل بروفيشنز على البيندينق كوليكشن والرسيفابلز وهذه البروفيشنز ما داخلة ضمن عناصر الكوست أوف سيل وإنّما تعتبر إكسبنسس. أقول ليك حاجة، حتى الحاجة الممكن فعلاً ما يكون عندهم يد فيها؛ الكوست أوف موني (!!، علامتين التعجب ديل لمن شاء أن يتعجّب)، هي ألّوكيتد إكسبنسس بنتلايق فيها بدعوى أنّه يجب على المنطقة أن تمد كرعينها على قَدُر لحافها مُشْ تبوبِر وترُص العربات عمّال على بطّال وهي ما قادرة على تشغيلها!
Quote: بيع العربات الكانت مستعمله في شركتهم، بيحتفظو بيه كبيزنس لاين منفصل
بالحيل، حتى وقت قريب كان الوضع لدينا كذلك وكانت الأرباح التي يتم تحقيقها من هذا البزنس لاين تأتي للمناطق تتقدّل بعد "خموج" الربح التشغيلي (الإيرادات ماينص تكلفة المبيعات ماينص المنصرفات التشغيلية) وكأنّها ليلة القدر فترفع صافي الربح فيما أهل الأوبريشن يغطّون في نومٍ عميق. لكنّ هؤلاء النيام صحصحوا قريبات دي وجونا قالوا احتجّينا مع الاحتجّو وقلنا تعالوا هنا دا إنتو بِتحاسبونا على العربات دي بالهلله (اهلاكها - قولو اندثارها، خوش كلام يا الأرباب! - وصيانتها وتأمينها وتكلفة تمويلها ووو) ولمّا تجي مواعيد بيعها تعملوا فيها رايحين وتعملوا ليها خط أنابيب براها...باللاي! بيب بيب نوط إني مور فأُسقط في يدنا ورضخنا مع الرضخو فأصبحت البروسيدز البِتَجي من بيع العربات ضمن ايرادات الإخوة الأوبريشن وقِيَمها الدفتريّة ضمن تكلفة مبيعاتهم ويا دار ما دخلك قَـرْ!
Quote: لما تعصلج معانا كنا بنسميهم زفت & كيلار
يا قيقا ما دام كيلار عامل ليكم عُقدة ولا يهمّك ياخ...سموث كريمينال كيف معاك! فَتَرت ياخ فَترة فعلاً دايرة ليها مايكل جاكسون.
مشكورين جميعاً
10-18-2009, 11:33 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
قبل ان اطلق الادارة المالية من عامين ( طلاق تلاته) تم دمج كل المصانع الحكومية التابعة لحكومة الامارة تحت مظلة شركة قابضة واحدة وكان من حظي ان اكون مسئول الحسابات المركزية في الشركات التابعة للقطاع الزراعي و تم استلام احد مزارع النخيل من وزارة الزراعة لتكون تابعة للشركة المعنية بتصنيع التمور تقريبا في 1/1/2006 و كان عدد اشجار النخيل في محضر الجرد 167000 شجرة نخيل وفي محضر الجرد في 1/4/2006 تاريخ استلامي كان عدد اشجار النخيل 202000 علما بانه خلال فترة الثلاث اشهر بين الجردين لا توجد أي مشتريات شتول أو اشجار نخيل و لكن ادارة المزرعة الجديدة ( والغربال الجديد ليه شدة) قلعت الشتول ( الفسائل ) من الاشجار و زرعتها في جزء من المزرعة كان خالي .( و الشتول لم تكن مدرجة في الجردفي 1/1/2006) حسب المعييار الخاص بالاصول البيولجيةلازم تكون حاوي عشان تعمل الوكيشن للمصروفات .... كدي اديك فرصة تتخيل و ترجع للمعيار المعني و ما تنسي في المعيار تشوف حكاية تسعير الاصول البيولجية وسبيل المثال البقر ( حامل / مرضعة / و قاطع / ولا تحلب)
مبروك يا رغيم يا سيد البلد ياخ - دي بيرة ف يفنجان شاي عشان ابوه ما يلاحظش - رهاب أملت لينا إرهاب ياك . . قالوا كورة نهي !
مشيت حمّلت المعيار المصري رقم ( 35 ) . . طبعاً الما عارف بقول عدس ! . . لكن نقولها بأسى يليق : ما عندنا معيار سوداني يا شباب ! و لما تكون طالب و " بالعربي " كمان تمش تفتش يا المعيار لمصري او السعودي زي ما قرونا ليهو في جامعة جوبا ذات تجربة ؟ مؤسف قعادنا اباطنا و النَجِم ! يخربنا من معيارن " دق اب جلفة " - محلي - الغريبة الفناننين يعنوا ساااااااااااي : " الناس في بلدي يصنعون الحب " ! . . و الشعب يغني برضو مبسووووووط ! . . . طيب ما تسووا لينا معيار محاسبي أقل حاجة ياخ ! رغم ان استقامة الرأي بتتطلب انو نذكر الحقائق و انو فعلاً /جماعة الـ ACCA - القيادة و السيطرة - سيطروا على الشغلة خاااااااااالص !! من زمن الانقليز و ما ادو فرقة معاهم لزول و فشلوا في تطوير معايير سودانية ، و مركز الدراسات الحسابية ما قام بدورو المطلوب و ممكن نقول فشل فيهو عديل ، لكن بالمقابل كم حققوا للسودان ( عضوية لاتحاد الدولي - الامتحان المشترك مع زمالة المحاسبين القانونيين بانجلترا و ويلز ) - و هي اول اربعة اذ هن معترف بهن في الكار !؟ هل الحل المستقيم في حل " مجلس المحاسبين القانونيين السودانيين " ؟!!!! دا حل البصيرة ام حمد ساي ! . . اها استفدنا شنو اسي غير طرودنا من الانترناشونال فيدرشين ، و زمالتنا السودانية بقت غير معترف بها و لا من فِرِد نفر و لا هيئة محاسبية ؟! . . و مصير 17000 طالب زمالة سودانية في مهب الريح ؟ . تعرف المرسوم المؤقت الصدر بيهو قانون مجلس تنظيم مهنة المحاسبة والمراجعة 2004 م ، دا كان وبال على مهنة المحاسبة ( في السودان ) . . بدل ما يتعامل مع مشاكل المهنة بموضوعية و علمية و مهنية وفق اخلاق المهنة - المحاسبة المهنة الاكثر إكتفاءاً في الناحية دي بدليل الوليدين الشرعيين للـ (IFAC) "مجلس المعايير الدولية للمراجعة والتأكيدات (IAASB)" و"مجلس المعايير الدولية لسلوك وآداب المهنة المحاسبية (IESBA)" - و بي كدا فتح لينا الباب على مصراعيه او على مصاريعو من القبل الاربع لهواء الدباغة ! . . و طبيعي بعد الإلغاء بدأ العد التنازلي لإضعاف المهنة.. ، زيادة خير راجع مقال الاستاذة / رباح الصادق دا : إعلان الخرطوم لتعزيز الشفافية ومحاربة الفساد . . أوقني التعبير " وتأكيدا لأن جرائم الفساد انتهاك لحقوق الإنسان "؛ عموماً ح ارجع لـ ( 6 ) دي عندي فيها جكة سغيرونة كدا فيما يخص جمعيتنا ( مكة المكرمة )
نرجع للبقر و الزراعة دي البتنفعنا بعد ما التتر يدمروا مهنتنا . . المرحوم الخاتم عدلان في مقال قال عن حارقي كتب ابن رشد " ما كانوا يدرون بأنهم يشعلون النار في رؤؤسهم ذاتها حينما حرقوا الكتب " او نحو ذلك
اسمع واصل في البراكتس و المعايير و انا معاك و بهابش في التنظير - النظرية - خصوصاً انو صاحبك البدوي اداي ليها مقشرة ، و الارباب و رحاب و بقية الشباب خليهم يتأكدموا كان يقنعو د. رحاب دي :
Quote: يدخل الارباب و قيقراوي و هم شايلين ليهم دفاتر و غازين اقلام في شعرهم وفي يدهم التانيه شاي و يقولو لهم:
حا ننقذكم، لوووول
لووووووووولين تلاتة يا دكترة البغزوا القلم ديل قبيلة تانية ياخ ! و هم عربان توابع اليانكي ذاتو ! لكن تنفعي محاسب /سناريست رايك شنو في الهوية الهجين دي ؟ . . . سبع صنائع و ان شاء الله اصلواما يضيع ليك بخت . . . قولي آمين
و اعذروني ياخ على الخرمجة هي عبرة و نواح قلنا عشان ما نطق ياخ . . . غايتو البركة في الهلال العظيم
جايك يا سيدي البدوي
----------------------------- بالجد تلفونات كتيرة في شأن البوست دا .. الشريف مبسوط منكم . . . واصلوا
Quote: بيع العربات الكانت مستعمله في شركتهم، بيحتفظو بيه كبيزنس لاين منفصل
بالحيل، حتى وقت قريب كان الوضع لدينا كذلك وكانت الأرباح التي يتم تحقيقها من هذا البزنس لاين تأتي للمناطق تتقدّل بعد "خموج" الربح التشغيلي (الإيرادات ماينص تكلفة المبيعات ماينص المنصرفات التشغيلية) وكأنّها ليلة القدر فترفع صافي الربح فيما أهل الأوبريشن يغطّون في نومٍ عميق. لكنّ هؤلاء النيام صحصحوا قريبات دي وجونا قالوا احتجّينا مع الاحتجّو وقلنا تعالوا هنا دا إنتو بِتحاسبونا على العربات دي بالهلله (اهلاكها - قولو اندثارها، خوش كلام يا الأرباب! - وصيانتها وتأمينها وتكلفة تمويلها ووو) ولمّا تجي مواعيد بيعها تعملوا فيها رايحين وتعملوا ليها خط أنابيب براها...باللاي! بيب بيب نوط إني مور فأُسقط في يدنا ورضخنا مع الرضخو فأصبحت البروسيدز البِتَجي من بيع العربات ضمن ايرادات الإخوة الأوبريشن وقِيَمها الدفتريّة ضمن تكلفة مبيعاتهم ويا دار ما دخلك قَـرْ!
بروسيسيكم الاولاني كان مية مية . . الجماعة حنكوكم ساي يا بدوي ! قول لي كيف ؟
الثابت انو " الاصول الثابتة " تشبه المصروفات في كون انها نفقة و دا البجيب الالتواث ! بس بتبقى اصول ثابتة بتحقيقها شرطين و العهدة على المعيار المحاسبية : 1. الحيازة و الملكية 2. تدفق المنفعة المستقبيلة ( لاكثر من فترة مالية واحدة على الاقل ) يلا تعال شوف الخطا النظري الجروكم ليهو ناس الاوبريشن ، نظرياً الملكية بترتبط مباشرة برأس المال – خلي المحتجين ( اسياد الشي ذاااااااااتا ) اليحتجوا و يلقوا العافية ساي ، بس يختونا بهواء دباغتم دا ! المقام مقام علم و معايير ما شغلة مظاهرات – اي نعم الاصول اونر اكويتي! و قيل بروبرتي للبزنس بي كيانو القانوني البمتلكوه رسمياً . " النظرية " بتقول كدا نعمل ليهم شنو ؟ ( الامانة ، النزاهة ، و الموضوعية ) تطرد هواء الدباغة ، هنا الحاكمية للعلم – الا ان يغيروا ما بنظريتهم من افتراضات – و هنا ببرز زعمي السابق في اختلاف مفهوم " العدالة " بين المحاسبة و الاقتصاد . و الاخيرين اقرب للفلسفة و نحنا بحكمنا الواقع الماثل بكل تفاصيلو و المعيار المعترف به . غير كدا ما عندنا . . عَضُم ! عسكرية بس ! زمن الدفاع الشعبي يقول ليك " نفّذ و اتزمر ! " حتى لو كان الامر : اقع النار ! اجي ! كيف الكلام دا ؟ اجيكم باعتي و لا ابقى ليكم كابوس متزمر ؟! . . يقول ليك " العسكرية مبنية على خطأ لا يمكن تصحيحة ! يا سيدي المحاسبة تسعى لتحقيق الانصاف – بفهما هي - و من واقع نظريتها و افتراضاتها و مبادئها و مفاهيمها ، و زعمي التاني انو المحاسبة التزام خلاق بالرولز ، يله نجي نشوف الرولز بتقول شنو ؟ المصروف : نفقة ايرادية ، يعني تم صرفها ( طمعاً ) في تحصيل عائد من وراء Utility او الشغلة دي . و الاصل : نفقة رأسمالية بغرض تدفق المنفعة (Utility ) . . . يعني اليوتليتي بتتكشح حبة حبة و كل حبة بتجيب قبة ايرادية تعظم راس المال ، هدف اي بزنس " يلا الاستهلاك ( مصروف ايرادي ) تم تحمله و قبض الثمن تالت و متل . ببساطة اليعتبروهو ايجار لـ( المنفعة ) القطروها ليهم بالسيسي دي ، لكن الخرخر في ( ملكية ) الحقنة الفاضية دي ما بتحلهم ؟! اما قيمة الاصل الثابت الدفترية و إن كانت نفقة - ( تاريخية ) مستهلكة - فهي ما نفقة ايرادية . و الفائض البنتج من فرق قيمتها البيعية و الدفترية و حتى قيمة ( الخردة ) ( أن تحققت بالبيع او لم تتحق فهي ارباح رأسمالية . . راس المال حق منو ؟ " نظرياً . . قام تاني جاب سيرة البحر؟ . براكم تفتشوا للختأ و كان قلنا شي تلومونا ! نحنا مالنا كان بقت أمونة و لا ليمونة ؟! نلخص و نقل : ما خصم منهم سابقاً ( استهلاك ، تأمين ، . . . الخ ) هو نفقة ايرادية ، و ما تكلفوه هم براهم – قبلهم و قبالم - من بنزين و تشحيم و غيار زيت ، و لأ دي برضو عاوزننا نتحملا ليكم ؟. . . دا كلو عاد عليهم بالخير العميم من ايراد ملهوط جابوا بيهو نمر سترو بيها حالم و رفعت راسم قدام رؤساهم و رفاقتم . من أين لهم هذا ؟ هلا جلسوا من غير ما يدفعوا اتاوات الاستهلاك و التأمين عشان الادارة تديهم ما تملكه ملك يمين و عرق جبين من فارهات ؟ تعرف عندي صاحبي غريب جداً بشتري العربية و لما يجي يبيعها يسعرها بما لم تأتي به سياسات التسعير و لا منطق محاسبي سوي ! يقوم يحسب ليك المصروفات الاخيرة دي في قيمة العربية ؟ دا برسمل مصروفات التشغيل عديل بتحويلها لإضافات أصول ؟ هي يا دا هو قلوك كدي ؟ اذا النفقة المضافة ما زادت قيمة العربية شن طعم اصلها نان ؟ حتة واحدة ممكن يجادلوا فيها الخرخارين بتاعنكم ديل ، و هي ( تكلفة التمويل / الاقتراض ) و دي فيها قولان : يا اما ترسمل و ح ترجع ليهم في شكل اضافة في الاستهلاك و دي في حالة انو القرض سبب في امتلاك الاصل ، يا كمان تحسب ضمن الارباح و الخسائر بأسمها دا ذاتو و العهدة على المعيار الدولي رقم ( 19 ) الشاهد في غير تكلفة الاقتراض ، انو خلافات الفقه المحاسبي محصورة في رسملة تكلفة البحث و التطوير كما ذهب المعيار الانقليزي ؟ ام استهلاكها جرعة واحدة شافية كافية و ردم فترة محاسبية واحدة بيها . . و لسان حالهم يقول : اريتكم ما تقوموا منها ! كنص المعيار الدولي رقم ( 6 ) و من تبعه بإحسان من امريكان و عربان
خليني اسحبك في قصة . . . " ود التاجر لا يصلح الا تاجر " قالتها زولة زميلة لينا في زمن كورسات امتحانات الشهادة السودانية المفضية للجامعات السودانية و غير السودانية التي يقيمها شباب كوستي بالجامعات و المعاهد العيا السودانية ، الجزيرة تحديداً . الوالد عليه رحمة الله كان بدربنا على الحفر لكي نحافظ على ارث ود التجار دا ، اها عمر اخوي السغير ما وقعت ليهو الشغلة - او ممكن تكون وقعت ليهو و نحنا الما وقعت لينا ما عارف ؟ - ادوه " رأسمال " يمارس اركولجي فيراني تجاري في سوق الله و اكبر ، اختار الحلويات . تحديداً " لبان شِكلت " ، اها " الفارة " – عارفو فار ضكر . يعني بتعرفو اخوي اكتر مني ؟ لاحقاً ح تعرفو سبب التأنيث البشبع المصطلح و بنقلو نقلة دلالية تانية - المهم ، المستفور الدولي دا ايديو ام رويق و القبلي شايل ، قام لعب و مارس رواشة الجود كخريف الدالي و المزموم ، كما ينبغي لنعيم ود حمد بتاع الشكلت . و جات لحظة الجرد و الحساب . طلعت الغلة اقل من النفقة الاساسية او في عرف المحاسبين مع اضافات الرياضيين " خسارة ماحقة " . . طمانهو انو الدنيا بخشها ضوء ، و التجارة فيها الربح و الخسارة و الزول بتعلم .......و اوك اررووووووووووك العرب جوك . اتعوضنا الله ! يلا جيب رأسالمال . عقد حواجب الدهشة و قال : بالله ؟ طيب كدا انا استفدت شنو ؟ يا كيشة التعليم دا مش فايدة براهو ؟ عالم خرخارة ما بتحب العلم دا اصلو
------------------- خلي الجماعة يبطلوا خرخرة و يرجعوا اللغفوهو ، و بجيك احكي ليك خرخرة " التارقيت " في زمن البيبسي . . و دي من موقع " لاعب اساسي "من جوة الميدان .
أكان كدي كبّح، أنّقوم أقشر هسّع دي (اتنين صباحاً)* وأمشي أقشر بي كلامك المقعّد دا.
يا عثمان آمين ياخ بَسْ قول الجماعة مكروا ياخي وما كتبوا وألاّ كتبوا بَسْ كان (ولي هسّع ولي باكر) معاهم الجاغوس وألاّ كتبوا وزادوا الأوفرهيدز كوزين تلاتة (وقيل وصّلوا ليها الخرطوش) وألا كتبوا تلتو وقالوا الباقي كتلتو! أها، المؤسّسات الناشط قيقراوي في شأنها دي محلّها من الاعراب شنو!...شوفوا التقرير الوارد في الرابط في أدناه كِدا:
_____________ * يا قيقراوي واحد من جماعتكم، أكان من زُرْقَة أكان من كِرَيْعات، اتعوّد يجي المجلس في رفاعة مرّة يطلّع ليهو تصديق سكّر، مرّة يطلّع ليهو تصديق واطا ومرّة يطلّع ليهو تصديق تصديق وحسب الرزِق والتساهيل. يوم جا لِقَى الدار خلا الغفير بَسْ الفي...بسم الله الرحمن الرحيم! ها ناس نَعَل مافي عوجة! الغفير قال ليهو: العوجة في راسك دا الدنيا باقي جِمعة...هَتْ! ما هالعتو!
10-21-2009, 11:40 AM
محمد الشيخ أرباب محمد الشيخ أرباب
تاريخ التسجيل: 06-17-2008
مجموع المشاركات: 1366
و لله يا ابو ريم انت زول نساي خلاس ! ما جيت مالك ؟
---------------------- و الله عندي كلام كتير خلاس لكن دايرين ندي فرصة للشباب الباقين يا رغيم و رحاب و بقية الشباب وينكم ؟ . . . المايك معاكم كمان كان اضايقنا بنجي نبراكم اها تجوا و لا نجي ؟ . . . الخ انتو مش في ابو ظبي ؟
10-24-2009, 10:10 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: يا قيقراوي واحد من جماعتكم، أكان من زُرْقَة أكان من كِرَيْعات، اتعوّد يجي المجلس في رفاعة مرّة يطلّع ليهو تصديق سكّر، مرّة يطلّع ليهو تصديق واطا ومرّة يطلّع ليهو تصديق تصديق وحسب الرزِق والتساهيل. يوم جا لِقَى الدار خلا الغفير بَسْ الفي...بسم الله الرحمن الرحيم! ها ناس نَعَل مافي عوجة! الغفير قال ليهو: العوجة في راسك دا الدنيا باقي جِمعة...هَتْ! ما هالعتو!
سلام يا بدوي و اتمناك كما تتمنى حكاية التصاديق مع اولادنا دي شنو ما بعرفا ؟ عيال عموم ريفي تمبول ديل خليهم ساي ، ديل رأسماليين و علمانيين بالميلاد ، قطِع شك بتكون عارف مقولتم المشهورة ؟ كان ما عارفا ؟ يبقى دي الا ارسلا ليك بي تحت الباب . الصلاة فوقا السر و الجهر كمان ! اللمين – طريدي غير التقليدي – تاجر ناجح و موفق جداً ، يشتري تراب بربح فيهو ، حتى تجارة الروح موفق فيها ، ما عدا حادثة الحمل .. ح احيكها ليكم تمهيداً لقصة " جدادتي "
ذات رمضان نزلت السودان ، شعوب بيتنا ( الكبير ) منقسمين لذاكرتين أساسيتين ، " ذاكرة مستثمرين " و " ذاكرة سياح " . انا انتمي للأخيرة تماماً و اللمين يمثل الاولى بإمتياز و متوفق فيها خالص و قصة العمبلوق الاشتراهو و الدنيا قبايل عيد ، و العيد الكبير ، و كبير لاعب الهلال – لو تابعنا كبير لاعبي الاهلي بدوّرنا تاني لسلك العجلة و بجيب الكك - اها شيطان المستثمر وسوس ليهو انو يشتري عمبلوق و يسمنو و لين يجي العيد بكون بقا " خروف " كامل الدسم . و قنب يدوعل فيهو لي يوم سوقو – تصح القراءة زي ما وردت في نص القدال - مع استبعاد الاحتمال دا من مستثمر ، و الاعمال بنيات - او بما يتماشى مع سايق البوست كـ" ماركت " ، المعنى يعني رأسياً و افقياً هنا كلو ماشي - و يغرغر فيهو موية الملح و علمو شراب الموص كمان ، شفت ليك جنس خيابة ؟ ما باقي ليهو إلا المشك و سبب امتانعو ما وازع ديني . لعدم توفر المشك بس ، انقر العنيبليق ما صابح العيد لحقان أُمات طه ؟ النصيحة مسخ علينا العيد ، عملنا ليهو مراسم دفن و عزاء رسمي ، ما باقي لينا الا ندق صيوان عديل . اما انا السائح في البلاد السودانية دا يا صحبي ، فقريشاتي قسمتها بين تذكرة السفر ، و اشتريت بالباقي " كاميرا " و جيتم اباطي و النجم . الناس ديل كان جيتم بمال قارون بجايتوهو منك . أسألني منهم انا المستثمرين ديل ! رمضان كان كأحر ما يكون . اعاد ذاكرة رمضانات التمنينات وكت كان حتى الطير – ما بجيها جعان ؟ جعانين نحنا ديل في ذاتنا ياخ – حتى الطير كان بمارس هواية – هي هواية و لا إحتراف ؟ - الطيران جوّة البرندات من شدة الحر ! بالمناسبة دورة رمضان الصيفي بدأت و الخبراء قالوا انو احرها على الاطلاق ح يكون 1434 هـ بعد 3 سنة ، ح تستمر 11 سنة ، و هي بتتكرر كلو 33 سنة . شوف اترصن لي كيف 3،11،33 . و العلاقة الرياضية بينهم طالب اولى ابتدائي شايفا مش ؟ دي دايرة ليها حفظ جدول 11 او جدول 3 كمان ؟! اها في كوستي ما في حاجتن بتكسّر الزمن الا سوق الله و أكبر دا . كل يوم الزول دا يصحى علي كيفو – ود بلد كمان ! - و يقوم ليك على السوق ما يرجع إلا عصاري كدا . اها قلت نقوم نسلي صيامنا و منها نمارس هوايتنا و نشبع ذاكرة السُياح اكان في البلد او افكار و احوال الناس . اها من بالليل حجزت ليك مقعد . صدّق يا مؤمن جا صحاني من النوم ! يا معلم دايرين نكسر الوكت التاني ما دا ؟ الفجر و لحدي الضحى دا مكسر خلقة ياخ ! . . المستثمرين ديل اصلو ما بعرفو اتكيت ياخ ! اها قمنا بتجريدتنا و شلنا على السوق ، جارتنا من " الشوافة " سؤالها الاثير ، و برا سبب : ساير شقيش ؟ و كان عكستو عليها اجابتا هي ذاتا : انيّ شايلي السوق ، يا زولة ؟! الزمن دا كلو ممكونة و صابرة ؟ و الله فتي حاجة آمنة عديل ! دي بس شايلة الوجع في الجوف شديد و كلنا عاذرنها ! اها كم بدوكي في الشيلة دي ؟ . واحد اطرش كان معانا في " حفر الباطن " جنو اسئلة مع انو ما بسمعك و لا كان بستهبل علينا ما عارف ؟ بس ما يشوف ليهو حاجة متحركة ، او يسمع خشخشة رجلين . مرة سأل واحد اخونا : ماشي وين ؟ قال ليهو واصل السوق هنا بس و راجع . طروشي قال ليهو : ايواااا ، معليش ياخ كنت قايلك ماشي السوق !! والله كان واصل بي طريقتو دي بعوق ليهو زول . اسي يا خوانا مش امكن يكون طرشو دا داخلي و العطل في المكنة – مكنة الفهم - ذاتا ما طرش عرضي ساي ؟!
--------------- نواصل حتى نرى ست البوست هنا جهرةً منورة بوستيها صدقوني تعبتوا معاي
10-25-2009, 00:46 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
المهم مشينا ليك السوق ، اكتشفت ليك انو " دعوة " و دا اسمو في الوسط الرياضي – يعني فاكيها في روحو - مستثمر ليك جيتي انا ذاتي - قايل القبة تحتا فكي- كنت قايلو عامل دعوة لاصحابو ! الدكان سغيييييير و علي العليهو مليان شوالات ملح تُف ، و حراسنو كم راجل ! يعني اسي الملح ياهو الفاتح البيوت و معيش الناس دي كلها ؟ الملح بربح كم ؟ و هو ذاتو في عضمو دا بي كم ؟ يا زول قول دا معرض ، و المخازن مستّفة ، اها " البيع " وينو ؟ . من قعدت لمن قمت ما في زول جاهم داير ليو ملح ؟ زول واحد جاهم و طلعت دفاتر شيكات و استلام اوراق ، لاحقاً اتضح لي انها " تصاديق ". هو كان ما ساي ذاتو ملح قدر دا يسوي بيهو شنو ؟ قول الزول عندو عيزومة عديل اها كيلو واحد بكفيهو الباقي يرميه في البحر ؟ هو ناقص ؟ . . البحر شغلتم دي ما راكبة عدلا ؟ شغلتم الحقيقية كلها مغارز ، و شمارات و قطيعة . و في نهار رمضان تصدق ؟ يا زول قمت فرتكت منهم ، شغلتم دي عطالة مقننة و مقنّعة و هدر لموراد شابة ، و هدم للاقتصاد الوطني ذاتو ، الحالة " ود اللمين " نصف تمبولاوي ؟ اكان بقى كامل الدسم او اتولد في تمبول كيف الحال و الحل معاهو ؟ قمت مشيت سوق الخدار لقيت ليك البتيخ هملة بس . الواحدة بي 1500 جنية ( قديم ) بس ! . اشترينا بتيخنا و كسحنا البيت كداري بإقتراحي انا – عشان نكسر الوكت ؤ كدا - بيني و بينك جابت ليها رخوة ، لكن اتشدعت و اكملت المسير ، المسافة ما بعيدة ، بكل الاحوال بتكون اهون من المسافة الغتسا زول القدال . النسألكم " مسافة تبقا قدر مسالك الريدة " دي كمأها ؟ كان يخليها لخيالنا بدل البشتنة و رقاد الواطة دا ؟ . ذكرني جيرانا من كردفان جاهم ود أعمن ليهم ، مشينا نواجبو و نضيّفو ، اها حكيت ليهو قصة فيها " سمبرية " ، اصلو ما وقعت ليهو ، اتدخل الجار قال ليهو سمبرية يعني " خلجوية " ! . . اها دي انا اعرفا من وين اسي ؟ . . ياخ امنيتي اتعلم كل لغات السودان + الانقليزي و لغة الراندوك عشان الواحد يكون بتكلم لغات ؤ كدا . تاني يوم ركبت في راسي اكرر سيناريو امس لكن الحلقة الاخيرة براها بس . اها طلعنا من البيت لاقانا بتاع كارو ببيع بطيخ ، لكن سعرو 3000 جنية ، حلفت يمين نجيب من السوق – جني و جن الاستغلال دا ياخ – ليه ؟ في السوق ما بي 1500 بس ؟! ليه هو القروش دي بنلقاها واقعة ؟ يا زول يهديك يرضيك الزول ما مُستغِلك ؟ لكن حق الترحيل و النقل ، يا زول ستين يمين ما تقول لي ، دا ما فاضل ليهو إلا يقول نولون و جمارك كمان ! نجيبا من السوق بس . المهم يا سيد الامانتي ليك اعدينا العُدة و جهزنا العتاد و شلنا السوق و بدينا التجريدة الكادرة الى السوق . و الحر تقول يا غربتي و الغبار ما يديك الدرب ، وصلنا السوق و دانت الامور و الاحوال و السيطرة كاملة كما نشتهي ، السوق مليان بالخدار الوان ، و السعر زي ما متوقع . اشترينا البطيخة بـ 1500 و غفلنا راجعين . لكن الغفلة الجد جد ظهرت لينا – بصراحة ظهرت لي براي ، " دعوة " كان عارف لكن بمتحن في دماكتي ! - المهم لما وصلنا المستشفى ( نص الطريق ) و الشمس كما لم تطلع يوماً على أحدٍ ، يوما داك التقول طالعة لي خصيصاً ! . المهم لساني بقى يطلع و ما يرجع ، اتجاه واحد بس لما وصل سدري و ناشف حطبة بس . قاومت ما شاءت الدماكة و نشاف الراس ، و في الاخر قررت الاستسلام ، اليابان استسلمت ياخ ، اعلن ابو اللمين النصر و بدل ما يرفع رايات النصر ؟ رفع يدو مؤشراً لاول رقشة مارة . و دا ما صدّق . تتخيل بتاع الرقشة شال مننا كم ؟ 1500 جنية ! أي و الله الف و نص . جنيه ينطح جنيه ! التقول بتيخة ؟ وبي كدي التكلفة الاجمالية للبتيخة ارتفعت للتلاتة آلآف تاني تصدقوا ؟
---------------- جايك يا عمك رغيم لـ IAS#41 و نشوف الزراعة و الاصول البيولوجية ؟ و بالمرة افك ليكم قصة " جدادتي "
10-25-2009, 09:43 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
نسيت اكلمكم يا شباب . . . د. رحاب في اليومين الفاتت فقدت زولة عزيزة عليها . . . الي حبوبة بنت المني
Quote:
اللهم انهاأمتك ابنة عبدك ابنة أمتك ناصيتها بيدك ، ماض فيها حكمك ، عدل فيها قضاؤك اللهم إن كانت محسنة فزد في إحسانها و إن كانت مسيئة فتجاوز عن سيئاتها
اللهم اغفر لهاو ارحمها ، و عافها و اعف عنها و أكرم نزلها ، و وسع مدخلها ، و اغسلها من خطاياها بالماء و الثلج و البرد ، و نقها من الخطايا كما ينقى الثوب الأبيض من الدنس ، و أبدلها دارا خيراً من دارها و أهلاً خيراً من أهلها .
اللهم انقلها من ضيق اللحود ، و مراتع الدود إلى جناتك جنات الخلود ، في سدر مخضود ، و طلح منضود و ظل ممدود ، و ماء مسكوب ، و فاكهة كثيرة لا مقطوعة و لا ممنوعة ، و فرش مرفوعة ، مع الذين أنعمت عليهم من النبيين و الصديقين و الشهداء و الصالحين ، و حسن أولئك رفيقاً
اللهم آمين
اللهم آمين
ربنا يتقبلا و يحسن اليها حار التعازي يا رحاب و اينانا ، و يبلغ لبقية الاسرة الكريمة ربنا يلهمكم الصبر و حسن العزاء
10-27-2009, 10:05 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
بدل ما البوست يحتل خلوني ابراكم بقصة جدادتي الكيكت و بيضت في راس زول ! و بيضت بي شخصياً و محقت رأسمالي . كوستينا الحبيبة تقوم مقام القلب لمنطقة جنوب النيل الابيض . . و ريفها مرتبط بيها اجتماعياً و اقتصادياً كدي خلوني ارفرش ذاكرة ريفنا : ابدأ من الجبيلين و انت متجه جنوباً - شرق النيل الابيض - ام جلالة – الكويك – ابو خدرا - و لحدت القيقر بأعالي النيل . . و أيا مدينةَ القيقر، هل من عودة ؟ و اصل لحدت الرنك و جلهاك . و لو اتجهت غربا في اتجاه الغرب ( غرب النيل ) : الطويلة – الوساع - اباريق – العليقة – الشوافة - قوز الريف – الفششوية - قلي – ام دبيكرات – تندلتي . . لحدت العباسية " تقلي " ) - و القرى دي كلها داخل الحدود الاقليمية لمحافظة كوستي - كمان ضيف ليها المقينص ، ام اهاني ، الكرو ، حالياً ديل احياء داخل المدينة . اها شمالاً باتجاه الشرق بتلقى : المرابيع ود اللبيح - الرقيق - الشوال – الكنوز . خلونا نمسك الاخيرة دي . " الكنوز " ارتبطت بـ " بص فاروق " – و فاروق زول لميض حد الفجيعة - مرة واحد ما عندو قروش ركب تسطيح – في راس البص - لما جاهو عمك " فاروق " – و برضو فاروق راجل ديغيتال* و بتاع كلو - شغال سواق و كمساري و " صاحب حلال " ، لما جاء يطقطق صاحبنا اعتذر بالاملاق الشديد و ما نسى يدعو ليهو بثبات الاجر عند الله سبحانه و تعالى ، لكن وين يا فردة ؟ عمك فاروق يعبد التشدير** . . في دي بالذات بتفرق معاهو ، رحمة نهييييييي قرباني هيه ! شوف يا اخينا ركبت بص فاروق – لزيادة الاسطرة كانو هو ما فاروق - تدفع يعني تدفع . صاحبنا ذكرو انو راكب سطوح . فاروق ما بِيغلب حيلة و في القروش فارس حنك عديل : شوف يا زول مش لو ركبت في ضهر البص لو جريت في ضلو ساي تدفع ! ما علينا و لا على ندى القلعة ذاتو . . . سكان ريف كوستي مزارعين ، الزراعة نمَّطت حياتم ، بتشافوا لي شخصيات مكررة ، أتقول شخصية واحدة ! نمطية جداً ، فيرشن واحد الله عالم و شاهد ، بزرعوا سوا و بحصدوا في نهاية السنة الميلادية و دي بداية مواسم الفرح ، تبدأ بالحصاد – و كوبري كوستي ربط البلاد - و لا تنتهي إلا بزيجتين تلاتة في اي حلة ، و لهذا الغرض بنزلوا سوق كوستي يبعوا خيرات ارضهم و يشتروا من طيبات البنادر و وارد خيرات بلاد برّة الواردة براً – اكان على ذوات الكفرات ، او جاية بالسكة حديد تهز و ترز - عبر كوبري كوستي - الربط البلااااااااد من سواكن للمجلد . . ياآآآآآ مايو " بلحن اغنية الحصاد الهندية " - او بحراً عبر " الميناء النهري " ، اظنو دا الخلّا شركة " شيفرون " الامريكية تعتمدها : موقع لـ " مصفاة البترول " المقترحة . طبعاً الامريكي هو " اليانكي " و العهدة على منطوق معكوس نْص القدال " اليانكي هو الامريكي " – اول مرة اشوف حاشية في المتن و تطلع في السلك عديل كدا ! - بس وييييييييييين يا عمك ؟ . . و الناس التحت عارفين عمايل اليانكي : مرّة معونة لي اللغاف و مرة دوانكي شن معناتا جيبها إن كان ملوه بوانكي ؟ و شن فايدة مديدة الحلبه والويقود بشيلو اليانكى ؟!***
ميناء كوستي النهري . . . اوائل التمانينات
---------------
* في حكاية " ديغيتال " : الناس هناك مغرمة بالجدعات الزي دي ! . . مرة واحد بفلفل ليهو في قِريبة ( قِريب فرووت ) او قِريدة يا قول الجماعة ، اها لما ظبطا و شتت فيها حبة سكر كدا ، و قام عزم ليك عليها : يلا يا جماعة اتفضلوا . . قوموا على " الهرمونات " دي ؟ **التشدير بلغة الراندوق تعني القروش . . .و في بعض الروايات وردت : الفراحات ،الضحاكات ، الكنجالات - دي رحاب بتعرفا ياخ ! اما تشفير وريقات البنكنوت وقطع الكوينز ، ما عارفو بتبع ياتو كودينغ سيستيم ؟ من الفريني : ابو قرشين . . . لحدت الطرادة : 25 قرش ، و دي بالذات في التمانينات حقتنا ملك ! ( مرسوم فيها كوبري كوستي " الجديد " ) .. لحدت المتر / المترية للجنيه ، وابو حربة لاحقا ، و الزرقاء هنا للخمسمية ريال سعودي . *** اول مرة اشوف القدال في كوستي ، كان في ليلة شعرية اواخر ايام مايو سأل سؤال : سجنكم هنا مطل على النيل ؟ بكريتا عرفت انو كان بسأل عن محل مبيتو ليلتها ، و الجماعة ما قصروا معاهو تب !! يقصّر الملح من الملاح ياخ !! . . السترة و الفضيحة متباريات و ابعاج زول واجب كمان !
10-28-2009, 10:59 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: و لهذا الغرض بنزلوا سوق كوستي يبعوا خيرات ارضهم و يشتروا من طيبات البنادر و وارد خيرات بلاد برّة الواردة براً – اكان على ذوات الكفرات ، او جاية بالسكة حديد تهز و ترز - عبر كوبري كوستي - الربط البلااااااااد من سواكن للمجلد . . ياآآآآآ مايو " بلحن اغنية الحصاد الهندية " - او بحراً عبر " الميناء النهري " ، اظنو دا الخلّا شركة " شيفرون " الامريكية تعتمدها : موقع لـ " مصفاة البترول " المقترحة .
دي الجغرافية الدخّلت كوستي ضمن المقرر في " كتاب الجغرافية " . . . و دا الاقتصاد الخلق سمعتها كمدينة تجارية و ساقا لدور اقتصادي مهم خالص في مرحلة تاريخية ما . . . خيرات الحزام الريفي تشمل بجانب " الفواضي " : حااا قزاز . . العندو قزاز ؟ . . حااا قزاز المعاو قزاز ؟ – لكن ما بلحن الحصاد و لا الكجك و لا الرَقِع و لا الكديب حتى ! . . اللحن قاطعو من راسو ساي - مجهول * الشاعر و الملحن - في الحتة دي متساوية مع أغاني البنات في المرجعية . اها كمان جركانات زيت ، علب لبن فواضي ، شوالات خيش و سكر ( عسلاية 100 كجم ، كنانة 50 كجم و الاخير أمتن و اجود لو كنتم تعلمون ) . . . الخ برضو تشمل بلغةIAS#41 : " محاصيل " زي : العيش ، القمح ، الدخن ، السمن ، البطيخ ، مانجو – احب المنقة و لون المنقة ذاتو ** - كمان برضو معاها " أصول بيولوجية " اصول حيّة ، بقر و غنم سخلان في الحيشان – عبوات و نسخ مختلفة ، كل الاحجام و الالوان ، حسب السوق : سخل ، حمل ، عتود ، عمبلوق و دواجن بط ، حمام و جَدْاد . . . الخير باسط و الحمد لله و كردفان الغرّة ام خيراً جوّة و برّة ترفدنا بكل خيراتها كمان زيادة خير . . .
Quote: تعريفات تعريفات متعلقة بالزراعة
1. تستخدم المصطلحات التالية في هذا المعيار بالمعاني المحددة لها:
النشاط الزراعي: هو إدارة عملية تحويل حيوية لاصل حيوي معد للبيع الى منتوج زراعي أو إلى أصل حيوي إضافي من قبل المنشأة.
المحصول الزراعي:هو المنتوج المحصود (المجني) من أصول المنشأة الحيوية
الأصل الحيوي:هو حيوان او نبات حي
التحويل الحيوي: يحتوي عمليات النمو والتحلل والإنتاج والإنجاب التي تؤدي الى تغيرات كمية أو نوعية لاصل الحيوي.
مجموعة من الموجودات الحيوية::وهي تجميع لحيوانات أو نباتات متشابهة.
الحصاد: هو فصل (فرز) المحصول عن الأصل الحيوي أو إيقاف عمليات الحياة للأصل الحيوي.
من IAS#41 او : المعيار الدولي رقم ( 41 ) : الزراعة
-------------
* مجهول شنو ؟ دا " موت المؤلف " و الملحن و المخرج و المشاهدين جميعاً . . او كما قال * * و سيد " بشبش - راجل اسموث & أيليقنت ، ريتش ، انتليجنت - كل ما " مرمر " تبسم ليهو . . . يـ " سب " للمنقة و يوم زرعوها
هو في زول ما بحب لون المنّقة - البلابل ؟
دا كلو كان مقدمة لقصة جدادتي الكيكت . . و كيكت و بيضت في راس زول ! و بيضت بي شخصياً و محقت رأسمالي .
ركبت في راس " فتح الرحمان " انو يدخل مجال البزنس و يبقى " بزنسمان " ، لكن اظنو اخوك دخل السوق دا من باب الخروج ، و كـchـنتو بي الله واحد ! ، و طعلت لا حفيظ لا عليم بل اقرب لإحتمالات السفه و الجهل كما ح يبين ليكم ليتر . . . و دي حسب جهة الشوف ! المهم شلت راسمالي – ما في زول يقول لي دا ما راسمال ، و دي جكة بنجيها بعدين - المتمثل في مبلغ و قدره اتنين جنيه لا غير – ياخ دا مبلغ كبير بالمناسبة في بدايات التمنينات ، وكتها ما في قديم و جديد ، كان " قديمنا لسه ما قِدِم " . . او كما قال الفنان الضخم * استاذنا " حسن عطية " ، سؤالئذٍ عن جديدو الفني - اها يا سيد الامانتي ليك وقعت ليك موقف البصات ، و مواقف بصات الحزام ( الضهاري ) تتوزعها ربك ، سوق/ صف الفششوية ، و وراء ( غرب ) المستشفى و دا الموقف المركزي لو انتبهنا انو موقف ربك ذاتو فيهو و بالنسبة لينا برضو مركزي - جغرافياً - ً بتوسط المسافة بين بيتنا و السوق الكبير و بين بيوت اعمامي و السوق الشعبي الجديد وكتها . كانت لهفة دخول عالم البزنس و إغراءات لقب " بزنس مان " مع انو لا دا بتحسب بزنس راسو عديل . و لا انا كان بلغت مبلغ الـ " مان " من الغلمان . . مان التاباني و الياباني ! . . " ياباني " بتاع فنيلتك ؟! غض الطرف انك بالكتير كدا تلحق طلائع نميري فلا شاب بلغت و لا ماناً! . . و بعدين ياخ " مان " ماركة شاحنات المانية ذاتو ما ياباني ياخ ! ** المهم كف اول زولة لقيتا عارضة " جِدادة " ، بادرتها بـ " إيجاب " ! .. يا خالة عندي جنيهين ، بتديني بيهن جدادتك دي ؟ لاحقاً عرفت ليه الدهشة احتلت وشها الكان مليان بساطة اهل الريف ؟ و ليه " قبولها " الجمتو دهشتا دي ذاتا و تعثر مخاضو ، مع انو جنيهين كتيرة ذاتو ياخ ؟! عشان كدا كنت شايفا دهشة غير مبررة ! المافي شنو ؟ اركان البيع كلها متوفرة : الـ" ثمن " و قدره ، داك يا المبلغ ، زينة ساي تحسبوهو خمج و لا كيف ؟ الـ" مُثّمن " موجود اقصد موجودة ، مع انو شكلها ما مريحني خالص ! ، و ما عندو علاقة بـمنطوق الركن دا بالدراجية عندنا " مسمن " . لكن قلت بكون من تعب السفر ، و لأ من مخاواة القماري - سنا ! دا لقب ح يرتبط بذاكرة حب مهمة في بنزس لاحقاً – و لا كمان يكون دا من شراب موية المطر ؟ الـ" إيجاب " ؟ .. ما شهلنا البايع ذاتو – جني جن الملاوعة و الملاواة - و وفرنا عليهو " اجراء الحديث البيعي " الدربوه عليهو ، و لأ يكون ما بدربوه يا ربي ؟ رغم انو يعني الـ " قبول " جاء متعثر وعبر مخاض دهشة – محيراني لي الوقت داك ؟ - لكن برضو اسمو قبول و لو كان الموضوع عرس كان حسبنا سكوتها – علامة الرضا - لكن عمتك دي ، هي ذاتا بتكون معرسة و انا كان متكلمين عليّ .
------------ * على قول المرحوم الفريق ابراهيم احمد عبد الكريم ** بقت عليك سوات بياع الفحم الشنفوا ليهو فحمو بأنو : " فحم الياباني ! " كعادة ادب الشناف السوداني الراسخ . افتكرا بتتكلم عن " غلاء السعر " و ناسنا - ولاد تمبول - ديل عندهم الكلام الميد ! Made in ? . . اهم شي حنك المنشا دا . قام قال ليها : " يا حاجة الفحم ما ياباني ، لكن الحديد الجابو ياباني " .
10-29-2009, 05:57 PM
Rihab Khalifa Rihab Khalifa
تاريخ التسجيل: 07-07-2006
مجموع المشاركات: 3738
سلامات يا فتح الرحمن و البقية و اسفة لانشغالي عن الرد في البوست ----- البركة في الجميع يا قيقراوي، الناس الطيبين الكبار البركة مشو و خلونا ده من هواجس الغربة، فقد الاحباب و انت بعيد، كل ما تلفون يرن، اول سؤال، كلكم كويسين و لامين؟ الحمدلله، راضية و شاكرة
10-30-2009, 03:28 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: ده من هواجس الغربة، فقد الاحباب و انت بعيد، كل ما تلفون يرن، اول سؤال، كلكم كويسين و لامين؟ الحمدلله، راضية و شاكرة
بالجد محزن ضياع سنينا في الغربة دي . . احزان بلا جدوى و دموع رايحة سدى لمتين ؟ و حدها وين ؟ كل يوم بخصم ، و كل حبيب راح بغير طعم الدنيا مرة و الى الابد
بعد اذنكم اها بعد داك انتقلنا للخطوة التانية في عملية التجارة - دي جكة مؤثرة جداً في " مفهوم رأسامال " بنجيها في حينها - و هي البيع ( تبديل البضاعة بالنقود ) و البحث عن سوق ، و كان الله هون نعمل ماركتينغ ريسيرش عديل كدا ، المافي شنو ؟ و التقاط إشارات " الفرص البيعية " و قراية " البوتنشيال كستمرز " و هنا الرك - دي اسألو منها تاجو - و العهدة على المقولة المحلية الشائعة البتقول : " الشطارة في الشراء ما في البيع " ارتكازاً على فهم محلي للحرية الاقتصادية و فهم فطري لآلية السوق بإفتراضاتها ( الفطيرة ) من سوق منافسة كاملة و " دعه يعمل دعه يمر " . . .الخ ، البتحكم في اسعر فيها " الماركت ميكانيزيم : العرض و الطلب " و لأ يكون رضوخ لحكم ابتكو . . او قراقوش . . ولا كمان يكون حكم القوي على الضعيف ساي ! . . ايهم اقرب لإحتمالات الرحمة او الجور ؟ . . ما علينا هنا العلم و الجهل بتفارقوا و بفرقوا كتير ، اكتشفت ليك انو سوق الجداد محكتر اكسكلوزيفلي لعمك " حسن جداد " او ما كما ورد في الاثر في بعض الروايات الصوتية الصايحة " حسن كاك " وحده لا شريك له في هذا المجال ، بما يستحق حمل لقبه. يلا يا مؤمن امشي لعمك حسن جداد . فاجاني ليك انو دخّل الجداد " فحص دوري " عديل ! و قرب يطالبني بالاستمارة ما يعادل بالمحلي ( الرخصة ) ! انتهى الفحص الدوري للجدادة المسكينة – و الله مسكينة – على العليها من تعب السفر و حالة الاعياء الظاهرة على قدوما ، عمك في فحص الشاسي ضغط ليك سدرا و ظل يزرقن في الضغطة لمن صرخت " كااااااااك " خجولة كدي ما يعادل وووب علي بشرية متألمة عديل ! اها اظنها " رسبت في الفحص الكاكي " دا ، مداها لي بقرف و قنع كأنها " بامبرز مستعمل ، و لحقها بٌالقنع الظاهر على وشو و جبينو المغطب ( نظام انو خبر اجنبي ؤ كدا ) : " ما بتنفع . . الجدادة دي ناشفة ! شنو هي الناشفة ؟ ليه هي سجارة ؟ . . يا عمك عليك الله بطل استهبال ، عاوز تكتل لي سعرا ؟ خلاص جيب الجنيهين و شيلا ؟ يا جنا انت ما نصيح ؟ جنيهين شنو البتجيبن جدادتك دي ؟ – فجاتن انتبهت انها ارتبطت بي شرعياً و بقت جدادتي ( الناشفة ) دي ! .. دا حظ شنو دا ؟ دي غي الديوك ما فيها ! شنو يا حاجة تشطيب ياخ ؟! ما كرمشتي مشاعرنا ؤ كدا يااا ؟ كملانة من لحم الدنيا تب ؟ - عمك ما اشفى غليلو لسة ، واصل مسلسل الشناف و قرّب يطلعا من تعريف " الاصل " في المعيار : بعدين اكتل سعر شنو دي هي ميتة في روحا دي ! اقول ليك امش بيعا لاعمامك و لا وديها لعبد الحكم اخوك ؟ . . يا عمك دي جدادة اصلية ياخ ! ميتة شنو ؟ اسي ما قالت كاك قدامك هنا ؟ بعد رفض الاولين و مشاورات واسعة مع الاخير حصرنا كورس الحلول للمعضلة دي – البقت اصعب من مشكلة السودان في الجنوب ، و من سلام الشرق الاوسط بعد مجازر صبرا و شاتيلا و اجتياح لبنان ، و اعنف من حرب الخليج الاولى الملهلبة وكتها داك ! - الخيارين كانوا : - 1 يا اوديها البيت نضبحا و تبقى غداء اليوم ؟ و يا جدادتي كاك كاك كاك الاكلك يصيبو الهلاك . و هو – اخوي الكبير - يتولى الريكفري وضمد ثلم راسمالي الخر في اوبريشن الجدادة دي جريح . - 2 يا ارجع لعمك حسن كاك . .. و اخوض مفاوضات الحل النهائي الشائكة بتفاصيلها البكمن فيها الشيطان ديك – وكتها في شح مراجع و ما في مشاكوس . اديس ابابا و مائدة مستديرة بس - و اساوم على احسن سعر يديني ليهو ؟ لكن مع شنافو الشفتو دا ياها الخسارة المحاقة ! . . كاك شنو ياخ ؟ دا مع التشدير دا كاكة عديل كدا !
10-30-2009, 11:25 PM
osman righeem osman righeem
تاريخ التسجيل: 06-21-2007
مجموع المشاركات: 10872
Quote: 1 يا اوديها البيت نضبحا و تبقى غداء اليوم ؟ و يا جدادتي كاك كاك كاك الاكلك يصيبو الهلاك . و هو – اخوي الكبير - يتولى الريكفري وضمد ثلم راسمالي الخر في اوبريشن الجدادة دي جريح
نبدأ باللفة عارف اهنلنا زمان كان عندهم معملة راقية للدجاج المنزلي علي اساس انه اصول Fixed Assets وقبل المعيار 41 و المبدا كان لا تذبح الدجاجة الا في حالتين 1 - اذا كانت عيانه مرض بين و يتوقع هلاكها 2 - اذا كان رب الاسرة أو احد افرادها المهمين عيان
عارف العكننة في المعيار 41 هو رسملة جزء من المصروفات التشغيلية والخاصة بالاصول تحت سن الانتاج > عجول > سخلان > بيض في فقاسة أو سواسيو ( يعني معالجة غريبة > مشروعات تحت التنفيذ) طبعا نقشت المشكلة في علاقة اخذ الموضوع كمدخل لخفض مصروفات التشغيل لرفع معدل الارباح من النشاط المربوط دائما بالبونص . اعمل حسابك المعيار ده فيهو مغارز لاخوانا الاداريين و خاصة اذا اخته مع مبدا الثبات المحاسبي لانه الجزء الذي سوف يترسمل من مصروفات التشغيل بعد فترة بسيطة يعود لكي يكون قيمة استحواذية للاصل المضاف الجديد واذا كانت قيمة مرتغعة وهذا ما يحدث دائما بتحقيق رغبة الادارة لرفع معدل العائد علي النشاط وعندما تروح السكرة يكون الاصل الجديد قد رفع تكلفة التشغيل نسبة لزيادة قسط الاهلاك السنوي للاصل الجديد
10-31-2009, 01:14 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: نبدأ باللفة عارف اهنلنا زمان كان عندهم معملة راقية للدجاج المنزلي علي اساس انه اصول Fixed Assets وقبل المعيار 41 و المبدا كان لا تذبح الدجاجة الا في حالتين 1 - اذا كانت عيانه مرض بين و يتوقع هلاكها 2 - اذا كان رب الاسرة أو احد افرادها المهمين عيان
سلام يا عثمان ذكرتني ود جيرانا ، برضو حمى الاغتراب طلعت ليهو في راسو و بقت ليهو بفصام هني حاد جداً ، انتهى بأنو يشتغل في راعي في مزرعة نعام في في السعودية ، اا يا سيد الامانتي ليك سنتين حول ينطح حول و صاحبنا ما طلع من مزرعتو دي ، ونيسو شريط الباشكاتب " ابو اللمين " جايبو معاهو من السودان ، و اكلو من مزرعتو دي لبن و جداد ساااااي ! اها رجعتو الجماعة فرحانين بي جيتو - مغترب كمان - و امو تقالد بحنية الدنيا كلها ، و تاغم اخوهو السغير يا ولد ـعال امسك الجدادة دي اضبحا لاخوك ! فرحانة و داير تكرمو و ما جايبة خبر ! صاحب نفضا ليك : يمّة لا ؟! . . جداد لا ! . . ابو اللمي لا ! كره الجداد بالله واحد اها اضيف (3) اذا زار الاسرة ضيف عزيز
Quote: اعمل حسابك المعيار ده فيهو مغارز لاخوانا الاداريين و خاصة اذا اخته مع مبدا الثبات المحاسبي
وقفتني في المعيار حتة قريبة لدي :
Quote: 7. المعيار المحاسبي الدولي الحادي والأربعون نافذ المفعول للبيانات المالية السنوية التي تغطي الفترات التي تبدأ في الاول من كانون الثاني (يناير) 2003 أو بعد هذا التاريخ . ويشجع التطبيق الأبكر.
8. لا يضع المعيار المحاسبي الدولي الحادي والأربعون أي أحكام انتقالية معينة. تتم المحاسبة على تبني المعيار المحاسبي الدولي الحادي والأربعون وفقاً للمعيار المحاسبي الدولي الثامن "صافي الربح أو الخسارة للفترة ، الأخطاء الجوهرية والتغيرات في السياسات المحاسبية".
اها راجيك
----------- سيـvـت المعيار المحاسبي الدوليي # 41 في الفلاش و ابت تفتح معاي خالص اسي ! بجيهو صاد مع بقية قصة جدادتي
حمد لله على السلامة يا عمك . . . و البركة في الشوفة ساي ياخ ؟ كنت زي البونس في نفسي ياخ !! . . . و الشغلة دي قرّبت تتور علي النفسيات و لا تجيب لي الكك عديل !
10-31-2009, 11:54 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: الخيارين كانوا : 1 - يا اوديها البيت نضبحا و تبقى غداء اليوم ؟ و اشيل جنيهيني من اخوي . 2 - يا ارجع لعمك حسن كاك ، و اخوض مفاوضات الحل النهائي الشائكة ؟
و بقيت على الحل الاخير لانو الاول بالنسبة لي مرفوض ، لانو مصدر الجنيهين انا ما وريتكم ليهو ياخ ! انقرو مش اخوي دا ذاتو هو الاداني ليهن ؟! . . اها اضيعن و اجي تاني اشيل جنيهين ؟ اتوكلت عليك يا الله و غشيت عمك " وائل "* الحداد وريتو القصة و طلبت منو يطرّق لي حنكي ؟ طردني . . يا ود انت مهبوش في مخك دا ؟ الوداك تهابش شنو انت وكت ما بتفهم في التجارة ؟ دا شنو يا عمك الاحباط دا ياخ ؟ اسي عملتها في عدم فهمي انا ؟! ما شايف جشع عمك كاك الراسمالي الامبريالي المعادي للثورة دا ؟ لوووووووول و عيييييييك من الشعارات الخواء الصدعتنا ديك . ديك ديك معلق فيك !! . . . اهو جنس فهمك دا يا " ابو الوا " البخليك لي اسي نافخ كير ساي و تحرق في ثياب الناس ! قوم لف يا عمك ابو الوا ! . . بدل " البال " البثّبتو بيهو القطن البتتني و تسن فيهو دا عاملو سكاكين ، امش شوف السكاكين البي الصح " دق ابجلفة " **؟ - فخر صناعتنا الوطنية الممتازة - اسي ما احسن ليك تسنن لي حنكي تخلينا نشيل حقنا من كاك دا ؟ و امكن نشيل ليك حقك ذاتو ؟ لكن زي ما قال المثل لا حياة لمن تنادي ، كان بتسنن الحنك كان سننت حنكك انت دا براك ؟! . الم تسمع قول المغني : عاوز اكون تاجر عطور اسرح و ادور بين الحسان ؟ . . . اظنك ما سمعتو ، كان سمعتو بتضايق يا عمك . يا سيدي البدوي . . تفزعنا و تنفعنا . . اها جنس دا كيف ؟ . . قلت لي حسبو قال شنو في الحتة دي ؟
اها اضطرينا نخوض مفاوضات الحل النهائي – تحت تحت لا خضت لا قطعت البحر بي مركب سماكة ! ( عاد اخوض كيف ؟ وانا ما عندي تجربة و لا عندي زورق ) ، لاني ببساطة اصلاً ما شقيت مقابر سوق الروح دي قبل كدا – مشيت لعمك حسن كاك ، ما بين دماكة كاك و دياكة اخوك خضنا حوار طرشان مختصر خالص . . ( طرشان زهجانين عديل ) . . قابلني بإبتسامة ماكرة . . اها ابووا ؟ مديتا ليهو – عدة تلفون بس ، ثم انا معنديش تلفون ! أكلم مين يا حسرة ؟ - و قلت ليهو : اها ح تديني فيها كم ؟ كأنو ما سمع سؤالي قال لي : افتح القفص داك و دخلا جوّة ؟ . .
يتبع القصة شارفت على النهاية و لم تنتهي الذِلة بعد !
------------------- * " وائل " دا منو ؟ صدقوا اني ما بعرفو ؟! . . . و تصدقوا انو قصتو دي ما عارف ليها حتة دارت فيها برّة راسي ؟ اها معتمد على فطنتكم . . . اوع تكونوا صدقتوها بس ؟ ** ما كنت عارف " ابجلفة " دي جغرافياً بتقع وين بالضبط ؟ لحدي ما عترت في : أحوال المحارب القديم - للروائي السوداني الحسن بكري
Quote: ويكشف ساعدي ّ القويين وتلوح تحت كمي الايسر مديتي، بقرابها المنمنم، المصنوعة في ابجلفة حيث يقيم أمهر حدادي المدى بالبطانة،
سلامٌ عليكم يا قوم وتعازينا الحارّة لرحاب...أسأل الله أن يتقبّل فقيدتكم قبولاً حسناً ويلزّمكم الصبر ويطرح البركة فيكم.
أما بعد، فمساككة جدادتك التي تسعى كما الزهيري*، يا قيقراوي، قد سلّت روحنا ومن قبل ذلك لساننا ولا قبضناها ولا حاجة وإنّما مرقت لينا جمعتنا الشحيحة دي جنيّة في لعوتة.
لكن، بحكم الخبرة التي اكتسبتها بصفتي الوريث الشرعي (وريث! خلااااس يا..باريس هيلتون) لهذه الصناعة؛ لو كنت شاورتني لكنت نصحتك، بصفتك سوق ناشئ وسط أسواق "السرّيحة" العاتية، بأنّه يجب عليك أن تعلم أنّ القاعدة الذهبيّة لهذا السوق (شأنه شأن جميع الأسواق الرأسمالية) هي: The house always wins لا وقال ليك شنو! "افتح القفص داك و دخلا جوّة"!...تيبيكالي كما كادت القطط السمان تجدع مفاتيح طائراتها الخاصة للمخلّص أوباما طالبة منه (بتأفّف) أن يفتح ضهريّات تلك الطائرات وينتف ليها ريش جدادة السبعميّة بليون دولار ديك يدخّلها ليها جوّاها...البوري عفيناك منّو بَسْ ما تقول لي الطيارات (الخاصة) ما فيها ضهريّات!
وكما لديكم بسوقكم "حسن كاك" فلدينا الإخوان نوبل وهما الأخوان (التوأم) أولاد ناصر وقد بلغ أحدهما في هذه الرأسماليّة العفويّة شأواً أصبح فيه مسئولاً عن نحت (وإن شِئت فقُل ترويج) المثل القائل "ما يتحيّر إلاّ مغيّر" ولا يخفى على فطنتكم، طبعاً، أنّ هذا المثل يكاد يكون الشعار الخفي للرأسمالية، ستّ اللّسم، في كلّ زمانٍ ومكانٍ ومحفل. نحت ود ناصر المثل (قول، يا زول، أطلقه) حين وصل إلى السوق الشعبي بالخرطوم وهو ينوء بحمل قفافه العظيمة مع إنّها كانت قد أُفرغت أولريدي من ضجيج كاك كاك الجداد وسيك سيك فروخ الحمام بسوق أكلتها الما بعافو التراب دا أكان بِتْكَشّن. وصل الرجل و"باظ" رفاعة الأخير يتأهّب للتحرّك فقيل له "مافيهو ولا فرقة والله"...كيف يهون! تريرا تَمْ ريرا! فالدنيا أربعاء وصبحان الخميس فردوس أولاد ناصر والعيد الكاذب للسرّيحة من أمثا..لَكُم، يا قيقراوي! وضع الرجل قفافه على أرضيّة البص وتحكّر فوقها مطلقاً مثله "ما يتحيّر إلاّ مغيّر" ثم أمال عمامته إلى الخلف وتَـكَل راسو على باب البص فما لبث أن راح في نوم له أزيز وغطيط غبطه عليه أصحاب المقاعد الوثيرة (وثيرة! خلااااس يا..ليموزين باريس هيلتون) بذلك البص الذي يقضي رحلاته بين رفاعة والخرطوم (وبالعكس) لا في شيء سوى الحسرة على أيّام صباه حين كان بدفورداً فتيّاً يجوب براري السودان في حريّة لا يحدّها زلط رفيع ومنقوص من أطرافه ولا بنطون عتيق يلزمه انتظاره ما غدا لسوق البندر ذاك أو راح.
أها، ودعتكم الله باقي الجماعة قلت ليهم "...لا، ما هو قيقراوي قال..." فألقموني حجراً قائلين "كَدي إنت أقعد في واطـات الله دي ورّينا هي كمّـها، مُشْ بَسْ في 2010 وإنّما في ما يليها من سنوات حتى 2014، بعدين الحساب ولد". بِقَت القعدة الإيّاها في غلاط وتعديلات وشُراط وتبديلات والأوبننق حا يكون كِدا...لا سوّوهو كد، البورد داير الكلوزنق يكون شنو ما عارف! الله الكلووظ اليدقّوهو ليكم في روسينكم المقودسات ديل أكان غلاطنا معاكم دا مشهادو الكمّـها دي تبقى آكشوالز عديل وهو قاعد في حِتّتو لا بِنتهي ولا هم يزهجون.
قبّال ما أمِش سؤال فنّي بالله: واحد من ربعكم هنا مزازيني عاوزني أعمل ليهو بروجيكشَن لإنفينتري السيّارات المستعملة المعدّة للبيع بنهاية السنوات الخمس اللاحقة حتى 2014 فقلت ليهو ياخي ما عندي ليك أفضل من wild guess وهو في كلّ الأحوال ما حيكون أفضل من إنّك تاخد الهيستوريكال داتا العندك تقطّع فوقها بصل وطماطم وتديها توم وشمار وبالهنا والشفا...أبداً راسو وألف سيف إلا أكون أنا الأونر بتاع البروجيكشن (المكشّن بلا بصلة) دا. أها شن قولكُنْ! أطبخلو الهيستوريكال داتا بتاعتو ذاتا وأقدّمها ليهو على طبق من ذهب وألا شنو؟ بعدين الاصرار والالحاح على طلب زي دا سِرّو شنو في عرفكم وجارقونكم؟
سؤال فنّي خالص: يا ناس المعايير المحاسبية، إنتو "اعمار" دي غيّرت سياساتها المحاسبيّة زنديّة منّها ساكت وألاّ راقدالا فوق راي. أكان راقدالا فوق راي، الراي دا شِنْ نفرو فيما قال كتابكم!
____________ * هذا القول هو معكوس وصف أحد بدو "القنفذة" لفرط حركة قريبنا أزهري فقد قال: "والله الزهيري يسعى يسعى يسعى كما الدجاجة" وسعي أزهري هو حركة يحاول أن يضعضع بها قلقه وهيهات. ثم إنّ هذه الحركة هي من المعتاد في قبيلنا والأشهر في ذلك هو جدّنا الهادي ود حسين فقد كنت جالساً مع إبنه، (عمّنا وخالنا) عبد الرازق، في حوش الديوان فجاء جدّنا الهادي وجلس ثمّ ما لبث أن إنتكى قبل أن يستوي جالساً (كما الجَـبَنة، وحقوق الوصف البديع لقريب لنا آخر) ثم نهض واقفاً قبل أن يستوي راقداً وخرج من باب الشارع قبل أن يستوي واقفاً فأشار عبد الرازق للباب البودّي من الديوان للبيوت قائلاً "هسّع بِجي نابل بي جاي" فلم يمهله حتى يكمل البلاغ بنبوءته.
11-06-2009, 11:06 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: سؤال فنّي خالص: يا ناس المعايير المحاسبية، إنتو "اعمار" دي غيّرت سياساتها المحاسبيّة زنديّة منّها ساكت وألاّ راقدالا فوق راي. أكان راقدالا فوق راي، الراي دا شِنْ نفرو فيما قال كتابكم!
سيدي البدوي آزول بركة في الشوفة و الله رجع الفليفر المفقود في البوست و البورد - على الاقل لي * - و على قول المغني : شوفتك شفاء رؤياكم الغالية . . ياها الكانت لا تنقصنا سواها.
اما بعد فما دار محور سؤالك عنه . . اقول ليك مستعين بالله : جيتني في الوجع الاليم سهم إعمار يقود بورصة دبي ، و هي الاقوى خليجياً . . و مجال إعمار هو العقار ، سبب ازمة المالية العالمية المباشر . . فهل زي ما زعم " محلل مالي " زعماً زاعقاً صاعقاً بما يشكك في مفردتي اسمه و هل هو " مالي " الجنسية بالميلاد و لا استحق اللقب عن علم و دراسة و جابا إيدية ؟! و لا مالي هدومو و نافخ جضومو ساي ؟! . . و محلل بياتو فهم " طلاق التلاتة ؟ و لا سيولة بتحل البودرة ؟ . . ولا ياتو تحليل بالضبط ؟!
Quote: اظهر نتائج الربع الثالث لشركة اعمار بان الشركة قد تجاوزت الازمة المالية العالمية وهي في تقدم مستمر وانشاء اللة ستكون الارباح اعلى من ذلك بكثير في الربع الاخير من هذا العام
اول درس في المالية و التمويل و الاستثمار انك ما تتعامل مع الـ Investor " الا وفق تهمتة الثابت عليه بدليل التجربة و البرهان ، بما لا يدع - لدينا - مجال لشك موضوعي ، و لا فرصة له للإنكار الا و هي انو كان اتشرّف بيهاو لا نكرا ؟! ان طار أو ركّا ياهو الـ Naive ، عليه و زي ما علق ( استاذ ) هنا- حذفت الجزء الناري - ساي عشان نحافظ على العلمية و نبعد عن الهتر يا !
Quote: غلى جميع من يتعامل بالأسهم أو من إستثمر أن يحاول أن يفكر ........هل حقاّ هناك أرباح أم أنها خدع محاسبية وإذا كان هناك أرباح لماذا لا توزع الشركة حقوق المساهمين ( الشركة لم توزع أرباح منذ ستة أشهر) أما بالنسبة للسهم فهل ممكن أن يتغير أداء الشركة واحد أو إثنين أو ثلاثة بالمئة بين ليلة وضحاها وعلى أثر التغير بالأدء يتغير سعر السهم أم أن السهم غير مرتبط بالأداء؟؟؟؟؟؟؟؟؟؟
و شوف رأي " محلل مالي " دا ما داك . . دا واحد تاني . . هلّا هلّا دا مالي هدومو تب !
Quote: يرجى عدم الوقوع بهذا الفخ . أداء الشركه لم يختلف عن الفتره السابقه . ما حصل هو تحويل الارباح السابقه الى ارباح حاليه لا اكثر ولا اقل. في السابق كان يتم احتساب الارباح على اساس كم النسبه التى تم انجازها انا الآن فلا يتم احتساب الارباح الا عند الانتهاء من المشروع و على فكره الطريق الاولى هي الادق و المعتمده لدى الغالبيه العظمى من شركات المقاوله بالعالم. اذا ارادت الشركه عن تحقق المزيم من المليارات كأرباح و بشكل قانونى ايضا تستطيع ان تغير السياسه المحاسبيه من التكلفه الدفتريه الى التكلفه السوقيه و عذا يعنى تقييم جميع الاراضى الموجوده بالدفاتر و التى تم قيدها بمبالغ بسيطه جدا الى التكلفه السوقيه و حسب معلوماتى فثمنها بعض مليارات من الدراهم
انه أمر داهي ، و فعلاً ( طلاسم )
Quote: اعتقد ان نتائج اعمار للربع الثالث تحتاج الى عراف بالاضافة الى فريق من الخبراء لفك طلاسمها ، فاستعراض النتائج غير واضح ، واكاد اقول انه مضلل ،بعض التحليلات اشارت الى خسائر بنسبة 115% واخرى ارباح بنسبة جيدة، يجب على هيئة سوق المال ان تتدخل لتوضيح الحقائق ، وحماية اموال لمستثمرين، وخاصة الافراد منهم.
و لاسباب تدخل في ضمن اسرار عملي ** والـ Codes of Ethics و تضارب المصالح هنا ، ح اكتفي بتعليقات الاساتذة اعلاه و الذين احسبهم فعلاً اساتذ و محلل مالي ، و محتار في طلاسم ولا ازكيهم . و شوف ريبة عبد الله و اعتقد انها في محلها :
Quote: مبروك لملاك السهم، لكن أنظروا جيدا إلى سعر السهم قبل الاغلاق بربع ساعة كيف كان وكيف ارتفع بقدرة قادرة ليغلق بلون أخضر، فحسبي الله ونعم الوكيل فأخبار أرباح اعمار من شبه الموكد أنها تسربت ووصلت لبعض المتداولين مما جعلهم يشترون السهم في اخر جلسة التداول والباقي لايعلمون سبب الارتفاع فحسبي الله ونعم الوكيل
لا و انت السادق التهمة التاريخية . . التهمة ياخ !! و هدا ( ايمن المصري ) بتحداك و بتحداهم
Quote: طلعت الارباح ولا نزلت ****** المهم في النهايه المضاربين هم وحدهم اللي بتحكموا بسعر السهم بالسوق ويوم الاحد موعده لقريب
اها ؟ الاحد جا ؟ شفت المضاربين ديل احيييي منهم ، ديل اكعب منهم الا السماسرة بس ، و طوالي الكلمة دي بتذكزني ازمة سوق المناخ - الكويت . .
الحاكم في الموضوع - ما قول الكتب بل الصحائف - اي قول المعايير المحاسبية كـ المعيار المحاسبي الدولي 34 التقارير المالية المرحلية - IAS34 مقروءاً على ضوء IAS8السياسات المحاسبية والتغيرات في التقديرات المحاسبية والأخطاء ، مع الالتزام الكامل بقواعد الشفافية و الافصاح التام .
-------------- * كمان ما يجونا جماعة الامر بمنكر السياسة و النهي عن معروف التفريج عن النفس المكتومة و إن بقى بي حب المحاسبة ذاتو النصيحة و الله ياهو قول صديقنا " د. تاج السر جعفر " هذا الوضع يتهمنا بالنضال و ينتهكنا واعيا بأزيزنا في الشارع المفقود .. قاتل الله المرحلة . . هي لكن عاد نسو شنو ؟ من قمنا في مراحل و حروب و اغتصاب عاد ؟!! . . اصابنا رهق المراحل ذاتو!!! ** رغم تخصصنا في الحديد الخردة تراهو بنهابش في السكيورتي اكسجينج ماركت
11-07-2009, 00:49 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: أما بعد، فمساككة جدادتك التي تسعى كما الزهيري*، يا قيقراوي، قد سلّت روحنا ومن قبل ذلك لساننا ولا قبضناها ولا حاجة وإنّما مرقت لينا جمعتنا الشحيحة دي جنيّة في لعوتة.
و الله وكت غابت اصحاب و تركت محزوناً خاوٍ بلا انخاب فذهبت اتلصص السُقيا من فارغ الاكواب و قلت اختبر ذاكرتي . . اها دي كانت خربشات و تخشين ذاكرة " محاسب " كما الزهيري بالضبط - مصاب بقلق وجودي مزمن و معدي بعيد عن السامعين - و العهدة و الوزر على عطارد . . اها من الناس الهنا دا ، انا و رحاب متورطين تب ، اما تيسير كان آمنت بالمحاسبة و حسن إيمانها ، بنجري تعديل بسيط و بنزيدا يوم ندخلا معانا . .المافي شنو ؟! ما بيناتنا فرِد يوم ياخ ! زول لحس ليهو 10 سنة و قرّض على التلاتين . يوم ما بفرق معاو مش ؟ راجع اليوم أتممت 30عاماً على سطح الكرة الأرضية - المرسوم العيني .. و قارن التواريخ في برجنا واخد بال سعادتك ؟ :
يا سيدي هي ممكن تقول عليها جولة في رحلة البحث عن وجود محتمل للعدل في الارض قبل ما يكون " دمنا " هو المقياس . ما بين العلم و الممارسة . . العلم و الايدولوجيا . . في البيولوجي و الفهم ما بين الحي و الميت ، و حدوتة في سلسلة رأس المال و العمل ، راس المال و طبيعة و اسباب الثروة " بمقاربتيها الشهيرتين في علم اقتصاد ، و ضمن مقاربة " القيمة " لا مضادها " الحدث " - مقاربة الاعداء على قول هورنغرن الـchـيرمان بتاع الـ SEC في امريكا في زمان سابق - ودي ليها جكة بنجيها و بنجيّها تب - و قصة عن جدادتي الكيكت و بيضت في راس زول . و بيضت بي شخصياً و محقت رأسمالي . المعايير المعتمدة هنا المعايير المحاسبية و المدارس ( الفنية ) هي " مدرسة العلوم الإدارية " .. و النقد و اللغة المعتمدة جارغون الكوينز و ورق البنكنوت فقط لا غير . .
في غلط ما !! لكن وين ، ما عارف ؟
--------------- اها اركزوا لي ساي خلوني ابراكم
11-08-2009, 08:17 AM
Rihab Khalifa Rihab Khalifa
تاريخ التسجيل: 07-07-2006
مجموع المشاركات: 3738
Quote: البراكتشنرز - ناس انحنا ديل - يانا اليدنا في النار . . يوم كدي بنصحى بنلقى مهنتنا دي اتوزعتا السياسة و ERP - خطر تقني - Gega
لا لا ما تخافو يا الباكتشنرز انتو، و ما شاء الله، من المهن القليله جدا البتكون شغاله في حاله اذدهار الاقتصاد او عدمه يعني بالمصري و ربنا يحفظكم، طالعين واكلين، نازلين واكلين شركات انبسطت، الشغل بالكوم الشكرات فضوها، برضه الشغل بالكوم :)
11-10-2009, 00:03 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: لكن، بحكم الخبرة التي اكتسبتها بصفتي الوريث الشرعي (وريث! خلااااس يا..باريس هيلتون) لهذه الصناعة؛ لو كنت شاورتني لكنت نصحتك، بصفتك سوق ناشئ وسط أسواق "السرّيحة" العاتية، بأنّه يجب عليك أن تعلم أنّ القاعدة الذهبيّة لهذا السوق (شأنه شأن جميع الأسواق الرأسمالية) هي: The house always wins لا وقال ليك شنو! "افتح القفص داك و دخلا جوّة"!...
غايتو الجدادة دي بيضت بي في زمن غابر ، و انا اظني ولّدتها عديل في البوست دا في زمناً حاضر ؟! كفاها مش ؟ اها اظنو وقفنا محل ما وقف اقتباس كلامك اعلاه . . بالضبط الدهشة ( قول خُلعة راسا عديل ) العبرت عنهابـ ( ! )ـك ، و عبرت عنهااانا بـ ( ؟ )ـي الما عرفتهاانا ذات نفسي تعجب ولا إستنكار ؟ في المقتبس من كلامي أدناه :
Quote: كأنو ما سمع سؤالي قال لي افتح القفص داك و دخلا جوّة ؟ . .
اها بيني و بينكم كنت عاوز اخلص من الذِلّة دي و السلام ، فتحت القفص و دفست ليك " خالتو جفاف " بلا وداع اخير و بلا دموع ذاتو . بس قامت " كااااااك " ، الياهو نظام :
Quote: كيف يهون! تريرا تَمْ ريرا!
او قول نظام وووب – التقول من الرهط و عندها باسويرد في سودانيز اون لاين ؟ من قبيل كاك دي وين لما دخلوك الفحص الكاكي ؟ و ليه ياخ دايمن الكاكي بفتش الوانا ذاتو ؟ يا حاجة حطب الله جاية تكتلي قلبي اسي ؟ . . قبيل وين يا ام " البيض " ؟ لما كنا عاوزينك تكاكي و تبيضي لينا وشنا؟ ما بيضتي بينا نحن ديل ؟! هو صحي الابيض احسن من الاسود ؟ - مرة خدمت ( مواطن )* انبسط مني قال لي " بيَّّض الله وجهك ، قلت ليهو اسي دعيت لي و لا دعيت عليّ ؟ ! قلت ليك العلاقة دي مش ممكن تستمر . . و لازامن تنتهي . . برا كاك برا مناحة معاك ! قومي لفي كدا ! ما داير معاك ياخ بعد الشفتو منك ! قلنا ليك خلاص " فارقيهو دربي " ياخ ! . . . ياخ و الله إتشأمت بيك رسمي و شعبي ، كسرتي حظي و نحستيني . . يدوم سعدك مع غيري ياخ ! خشي لي جوة و اريتو حسن جداد يحولك حيوياً و يحصدك و يعمل منك كفتة ذاتو ! كسحي ! فراق قيقراوي لجدادتو إن شاء الله . لما اتلفت عليهو لقيتو مادي لي عدد واحد جنية سوداني فقط لا غير . . استلمت ورقة البنكنوت المرسوم عليها صورة رئاسة " البنك المركزي " و هي تعاني ألم الفراق برضو، و تحكي عن فقد توام روحا و رفيقا في راسمال قيقا السقط شهيد انار لنا الطريق . بس صريت ليهو وشي و انقلعت ، استباقاً لقولة : ورينا عرض كتافك – هو ما ترزي طبعاً . بتاع جداد ياخ ! انتو نسيتوا ؟ - لكن اي زول منتهك مقولات الترزية المساكين ديل ! . . العجب ناس السياسة و مفتيي الديار !! قعدت اعمل جرد و اعداد حسابات ختامية . . . في حسابات النتيجة : اريتا الخسارة كان وقفت على محق راسمالي ساي ؟ دي سختتو عديل . . . الشغلة لعنة عديل ؟ كـchـنت ليك تجارة فيها روح ، و كـchـنت التجارة في روحا دي ذاااااتا ! . . المهم لما اديتو قفاي – طبعي كدا ياخ ! طوالي : ادي قفاي لي داراً بقت مي داري - و كان الاخير يقمر عيش عديل من هول الرصعة الاتلقيتها في بداية مشاور البزنس ، او قول نهايتو عديل ؟ . . بعض النهايات مخاتلة جداً ، تتنكر في شكل البدايات . على العموم بالحادث دا انتهت علاقتي بكلمة " بزنس " بشكل و فتحت آفاق علاقة جديدة مع بزنس بشكل ارقى ، على الاقل ما فيهو جداد و جري و بهدلة و نفسيات . .
----------------- * يحكى انو بعض ( المواطنين ) في جزيرة العرب ، نواحي نجد و قيل قريب من مضاربكم ، كانوا ( يسمرون ) و المذياع يشيل و يلقط و يذيع ليهم في اخبار العالم ، ورد من ضمن ما ورد ( نص ) خبر عن " انهيار ثلجي يؤدي بحياة عدد من المواطنين في كندا . . ." نط واحد من ( الرَبع ) : يستاهلون ايش يودي ( المواطنين ) هاديك الديار البعدية ، رايحين يسربعون آها ؟! لوووووووووووول يا ( مواطن ) مافي فرقة معاكم في " وطنية " لزول تاني ؟!
يا بدوي ما رديت لي على " من اركان الدنيا " ؟ ما طقش اضانك ؟ علي المك دا مجنون ياخ ! . . في الشريط الكنا مسجلينو من الاذاعة، كان عاجباني الحتة دي ، قال : ( الناس في بلدي ألوانهم بنّية ، و يقولون " سُمر " تظرّفاً و خوفاً من ذكر الحقيقة )
و في " رسالة الى جيني آن " - العرف اسمها من بطاقة دعوة لزفافها - " جميل جداً ان تصلي لقرارٍ في موضوعٍ ما . . جميل جداً ان تتزوجي أحد بني لونك و جنسك . . هذا الغرب منافق جداً يكره ان يرى فتاة " بيضاء " و فتاً اسود . و ختم رسالتو بـ " لاول مرة ارسل لك رسالةً قصيرة و اقطع علاقتي بك " . .
اها هانذا اقطع علاقتي بما كانت " جدادتي " فاعفو لي البرية ياخ و مشتاقين يا شباب ياخ
Quote: يا بدوي ما رديت لي على " من اركان الدنيا " ؟ ما طقش اضانك ؟
طقش أضاني وقدّ السِلِك مرق بالتانية ذاتو حاكم أنا مغروض متلي متلك في ما ذكرت وأكثر لكنّه ذكّرني كم هي مريعة هذه الحياة التي "نحيا"!
لقد عرّفني صديقٌ لي بعديله الذي (في زعمه) ينام قرير العين محتضناً تسجيلات نادرة لمختلف مِحَن السودانيين. كان ذلك قبل أكثر من عامٍ ونصف العام فلا أنا فضيت ولا هو كمان فاضي ليتجاسر فيحرّر رقابنا من تحت البوت الغامتها بحيث أزوره ليفضّ ذلك الكنز أمامي...بل إنّني لم أسعد بشوفتو مرّة أخرى إلا حين تكبّد صديقي (عديلو) مشاق السفر عبر الأجواء الاقليمية السودانية والسعوديّة (وقيل البحرينية) في زيارة أخرى للرياض فالتقينا فقط بمقدار ما يكفي لأن يبرد السمك المشوي فنزدرد منه ما يقيم صلب تلك الوليمة التي أقمتها على شرف الصديق/العديل وإن كان مقداراً لا يكفي حتى للقضاء على أخضر ويابس حار وبارد تلك الوليمة في مخالفة صريحة، لئيمة وأليمة، لحكمة أبوي أمحمّد القائلة "السمك والتمك القال شِبِع منّهن كضّاباً يسرق"
مخارجة؟
Quote: اذا ارادت الشركه عن تحقق المزيم من المليارات كأرباح و بشكل قانونى ايضا تستطيع ان تغير السياسه المحاسبيه من التكلفه الدفتريه الى التكلفه السوقيه و عذا يعنى تقييم جميع الاراضى الموجوده بالدفاتر و التى تم قيدها بمبالغ بسيطه جدا الى التكلفه السوقيه و حسب معلوماتى فثمنها بعض مليارات من الدراهم
قال ليك "سابك" قاعدة تسبّك في خموم وشوّالات من الأرباح (كشلو...كشلو...كشلو زي ما بقول عثمان موسى) يُرجى أن ترى النور (قال نور قال) في هذا الربع الرابع الرابض...الكاتش؟! اعادة تقييم أصولها المدفترة بالعملات العزيزة لتدفّر بالدولار الهوان...أها، نقول "هانت الزلابيا حتى "رماها" بني قريظة" وألاّ نقول "الله يكضّب الشينة" وألا نرجاكم تفتحولنا كتابكم!
11-10-2009, 02:22 PM
الحاج حمد الحاج الحاج حمد الحاج
تاريخ التسجيل: 03-29-2008
مجموع المشاركات: 4800
Quote: هي المصاريف غير المباشرة والليثي (زميلنا هنا) أعلم وقد جاء في الأثر: مصاريف غير مباشرة ولا ضبيحة مكاشرة (وقيل مقاشرة).
قيقراوي
Quote: في الاوفر هيد يصح الترجمة الحرفية " مصاريف رأسية " و الله اعلم
وجدت في أحد كتب المحاسبة مترجمة عبء و طبعا هي مصاريف غير مباشرة و تستفيد منها عدة أقسام أو ادارات أو منتجات و توزع عليها بنسبة استفادتها منها فقد تقسم بنسبة ساعات العمل أو غيرها. قيقراوي
Quote: " اوفرهيدز " دي زي ما ياها! اصلوا مافي زول قرب ليها ترجمة و لا تعريب . . ! ياخ ما زيها و زي الاوفراول التم استعرابها و من ثم تصحيفها الى ابرول . . . و من الابرول ابت تطلع ذاتو . . . من المدفع طلع خازوق ! او كما قال
بس قرطو علي كلام قيقراوي دا..تعليق ظريف يا قيقراوي.
Quote: لا لا ما تخافو يا الباكتشنرز انتو، و ما شاء الله، من المهن القليله جدا البتكون شغاله في حاله اذدهار الاقتصاد او عدمه يعني بالمصري و ربنا يحفظكم، طالعين واكلين، نازلين واكلين شركات انبسطت، الشغل بالكوم الشكرات فضوها، برضه الشغل بالكوم :)
Quote: لا لا ما تخافو يا الباكتشنرز انتو، و ما شاء الله، من المهن القليله جدا البتكون شغاله في حاله اذدهار الاقتصاد او عدمه يعني بالمصري و ربنا يحفظكم، طالعين واكلين، نازلين واكلين شركات انبسطت، الشغل بالكوم الشركات فضوها، برضه الشغل بالكوم :)
Quote: بالتوفيق يا تيسير، و كان الله في عون المصحح و عونك اسي انا عندي رزم اختبارات، والله ما قادره اعاين ليها زاتو
اها انتو تبكو و احنا نبكي until the cows come home
يا شباب او بالاصح يا شابات الواقع في الشارع قاسي جدا ، و الحياة دي مدرسة براها ما تطمنونا ساكت ياخ ! . . كدي قبل مانقلبا نكد و نطمم بطنكم ، اخليكم مع عمكـ " بيل غيتس " . . و اساطين الواقع الداير يغتّس حجرنا دا
11-11-2009, 01:06 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
مهنة المحاسبة يتهددا خطر تقني صاعد مع ثورة المعلومات و الثورة التقنية ، و دا خطر عام . لكن بخص " البراكتشنرز تحديداً دون غيرهم برزٍ مُعضلٍ ، و يتوعد مشاة جيوش المهنة بالتسريح و البلاء المتلاحق ، كم سنة لي قدام البراكتس ح تقوم بيهو آلة و قليل من مُدخلي البيانات ، المهنة من الجبهة دي منتهكة و مستباحة تماماً . لكن التنظير ح يستمر ، و التدريس و التدريب ح يبقى ما بقي فيها " بزنس " و طالما ربنا ما استجاب لدعوات ( الحبيبات ) و المتضارين بيها العاطفيين ، و ح تبقى ، ما بقيت الديار ما عدمت المال الفقري ؟ ستظل مهنة المحاسبة حاجة و ضرورة ، قد يختلف المظهر و الشكل ، دون تعديل يذكر في الجوهر . مع تنامي الوعي المحاسبي و التقني ، قد تحقق حركات التثوير * تقدم في جبهة النظرية ، داحضة حتمية الوصاية المحتجين بيها دهاقنة مقاربة القيمة Value Approach . مين عارف ؟ اها تعالوا نحسبا – مش كمان نحن محاسبين ؟ - البراكتس الحالي شن طعموا اكتر من تاريخانيته ؟ كدي نستذكر دروس ( تاريخ ) المهنة منذ ما قبل بزوغ فجر القيد المزدوج و فتوحاته النورانية و صاعدين لي يوم الليلة ؟ اعتقد انو دي نهاية " مرحلة القيد المزدوج " - في الممارسة - القيد الآلي في غالبه ما مزدوج و لا حاجة ! مجرد ادخال بيانات – فاتورة ، سند ، امر . . الخ - ما أكتر ! اسي دي دايرة ليها جامعة و محاضرات من دغش فاطنة علي ابوها محمد ؟
كتب الارباب :
Quote: انت الصادق والله نسيت موضوع ارثر اندرسون This group was once known as the "Big Eight", and was reduced to the "Big Five" by a series of mergers. The Big Five became the Big Four after the near-demise of Arthur Andersen in 2002, following its involvement in the Enron Scandal.
افرزت فضيحة إنرون عدة مسائل و اتهامات و شكوك و زي ما مذكور في الرابط اعلاه
Quote: تمر مهنة المحاسبة بل قطاع الأعمال بأسره هذه الأيام بأزمة ثقة عميقة يمكن التعبير عنها بأزمة أخلاقيات نابعة من سيطرة الجشع والمصالح الخاصة الضيقة بصورة واضحة على جزء كبير من هذا القطاع في مختلف دول العالم.
رغم كل المحاولات القدما المخلصين للمهنة { وهنا لا بد للمهنيين ان يوضحوا وقائع معينة تتعلق بنطاق عملهم عموما وبالسوق والظرف الذي برزت منه المشكلة حتى لا يساء الى مهنة ـ تمثل معيارا للثقة والالتزام ـ بسبب عدم تكامل المعلومة لدى متلقيها او حتى لسوء تقدير افراد قلائل فتنسحب اخطاؤهم على مئات الألوف من العاملين في حقل التدقيق. } خالد عبد الرحيم المعينا و مع توضيح مصطلحات Retention Policy ، لكن { ومع ان اتلاف الاوراق مقبول في اطار الـ Retention Policy الا ان خطأ دنكان انه لم يوقف الاتلاف الا بعد مضي 24 ساعة على اصدار هيئة الرقابة على سوق المال الاميركي طلب معلومات من «انرون» التي وعدت بالتحقيق، وكان حريا به ان يوقف الاتلاف لحظة صدور القرار } !! ،و لا شرح الـ Deep Pockets { هناك اجراء متعارف عليه في اسواق المال الاميركية عندما تتعرض اي شركة للافلاس ان يقوم مساهموها برفع دعاوى قضائية على مدققي الحسابات. والسبب في ذلك ليس تشكيكا في مصداقياتهم وانما لكونهم الوحيدين الباقين من ذوي الملاءة المالية } لا الواقع اثبت انو تشكيك في مصداقيتهم، و في محلو كمان !
Quote: كما أن مكتب المراجعة العالمي الكبير (آرثر أندرسن) الذي كان أحد المكاتب الخمسة الكبرى آنذاك تقاضى مبلغ 25 مليون دولار أتعاباً لقيامه بمراجعة حسابات شركة إنرون عن عام 2000، في حين أنه تقاضى مبلغ 27 مليون دولار لقيامه بالأعمال الاستشارية للشركة في العام نفسه وهو الأمر الذي يعد دليلاً آخر على أن استقلال المراجع وحياده يصبح مهدداً إذا جمع بين هاتين المهمتين. ولذلك قررت بقية المكاتب الخمسة الكبرى بعد هذه الحادثة التوقف عن الجمع بين هاتين الخدمتين للعميل نفسه، وهو الأمر الذي تم إقراره بعد ذلك عبر قانون ساربنس أوكسلي لعام 2002، الذي وصف بأنه أكثر التشريعات أهمية وتأثيراً في حوكمة الشركات والإفصاح المالي وممارسة مهنة المراجعة منذ قانون تداول الأوراق المالية الأمريكي خلال الثلاثينيات من القرن الماضي. بل إن مكتب آرثر أندرسن كان يقوم إضافة إلى المهمتين السابقتين بمهمة المراجعة الداخلية للشركة نفسها، وهو الأمر الذي ساهم بشكل كبير في حدوث تلك الفضائح المالية.
نلم المشاركة دي ، حاسي بيها اتشتت شوية : في ازمة اخلاقيات و يجب التعامل معاها بموضوعية شديدة . .
Quote: إن أحد أساليب الاستجابة الأكاديمية للأزمات المالية الأخيرة هو "إحياء الأخلاقيات". وقد برزت جهود العديد من الجامعات الأمريكية في هذا الخصوص؛ ومن ذلك ما قامت به جامعة باركلي أخيراً من إنشاء مركز للمسؤولية عن الأعمال في حين بدأت جامعة وارتون عام 2004 برنامجاً جديداً للدكتوراه في الأخلاقيات والدراسات القانونية في مجال المشروعات والأعمال. أما جامعة هارفارد فقد أضافت مقرراً إجبارياً عن أخلاقيات الأعمال ضمن برنامج ماجستير إدارة الأعمال MBA وذلك منذ عام 2003. ومما يجدر ذكره أيضاً في هذا المجال ما قامت به جامعة كولومبيا من إنشاء مركز لأخلاقيات الأعمال **، ويعد المركز بمثابة المظلة لجميع النشاطات العلمية التي تجري في رحابكليةإدارة الأعمال في جامعة كولومبيا
نرجع و نقول ، المهددات كبيرة على المهنة ( عامة ) و التحدي أكبر فوق راس ( البراقرشرنز ) ديل بالذات . . يا اما الناس تشد حيلا ؟ يا كمان خلونا نكسب زمنّا و نعود لرعايتنا ساي !
قيقا راعي
------------- *Event Approach مثلاً او بروز حركات جديدة ، و بايخة ذاتو !
مهنة المحاسبة يتهددا خطر تقني صاعد مع ثورة المعلومات و الثورة التقنية ، و دا خطر عام . لكن بخص " البراكتشنرز تحديداً دون غيرهم برزٍ مُعضلٍ ، و يتوعد مشاة جيوش المهنة بالتسريح و البلاء المتلاحق ، كم سنة لي قدام البراكتس ح تقوم بيهو آلة و قليل من مُدخلي البيانات ، المهنة من الجبهة دي منتهكة و مستباحة تماماً . gEgA
ده كلام صاح، و لكن التسوي بي ايدك يغلب اجاويدك يا فتح الرحمن، تاريخ قيام المهنة في انجلترا و بعض الدول الاوروبيةغير مشرف اطلاقا، لوول، عشان كده كل ما تحصل ليهم كعه زي قصص الارثر اندرسون دي او تغول من تكنلوجيا اومهنه مجاوره، اول ناس بيقولو انهم يستاهلو الاكاديميين و باقي المهن العاوزه تقتات من بقاياهم، و كما علمونا المحاسبين، البقاء للاقوي، و الشغل النيء بيرجع للنار و الضعيف بيتاكل ده موضوع جميل خلاص، لكل من يفكر انه المهن دي كلها متفرده و انه البروفيشنالز ديل الله حباهم بصفات خاصه، لمن الزول يقرا تاريخ نشاتهم، يستغرب و لكن يتعلم ان الايام دول
بعدين بصراحه، لو الماكينه او الكمبيوتر بيقدرو يعملو جزء من شغل المحاسبين، كما توعدهم بيل قيتس، مالو ياخ؟ لوول، اهو يحسب تقدم للبشريه و تفضل حتات الprofessional judgment يتفردو بيها
PS انا حا اعمل لي نظام جديد في الردود غايتو، عشان المواضيع الجديده ما تفوتني، لوول
PPS عادل مشكوور، لسه ما قريت المقال بالتفصيل، دي واجب ما بين المحاضرات بعد اول محاضرة:)
بريك في شكل هديّة من المهندس الزي راعي إلى البزنسمان قيقا راعي (والذي معظم استثماراته، ، بالمناسبة، داخلة ومارقة في بورصة أسنان الدجاج) ونصيحة له باقتناء إحدى التحفتين بالفيديو بدلاً عن الأودي أو المرسيدس أو البي إم دبليو:
جي لينو برّر، في هذه الحلقة، امتلاكه لمائة وخمسين نصيبة من شقيقات وقريبات النوع دا بإنّو عندو زوجة واحدة فقط!
ريتشارد البقرّق في البزنس بيبول دا يا هو ذاتو القلت ليك مرّة قبضتو يتغزّل في لامبرغيني، وتحديداً في سرعتها وصوتها!
11-11-2009, 11:56 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: بريك في شكل هديّة من المهندس الزي راعي إلى البزنسمان قيقا راعي (والذي معظم استثماراته، ، بالمناسبة، داخلة ومارقة في بورصة أسنان الدجاج) ونصيحة له باقتناء إحدى التحفتين بالفيديو بدلاً عن الأودي أو المرسيدس أو البي إم دبليو:
لووووووووول يا المهندس/راعي - سحبناالـ " زاي " - شفت إزاي ؟ واخد بال سعادتك ؟ يسعدك ربي قول آمين قيقاراعي لسة ما دخل القرن الحادي و العشرين و متجمد في 1999 ، و في الحديد ما يركب الا ياباني ، " تيرسل " الياباااني !!
Quote: جي لينو برّر، في هذه الحلقة، امتلاكه لمائة وخمسين نصيبة من شقيقات وقريبات النوع دا بإنّو عندو زوجة واحدة فقط! ريتشارد البقرّق في البزنس بيبول دا يا هو ذاتو القلت ليك مرّة قبضتو يتغزّل في لامبرغيني، وتحديداً في سرعتها وصوتها!
اشتريت من دكانة الصحف بمطار أمستردام جريدة "يو إس آي تودي" وكتاباً صغيراً (130 صفحة) عنوانه "رأسمال ماركس" صادر في سلسلة "كتب زلزلت العالم". وهو كتاب عن "رأس المال" كتاب كارل ماركس الذي تواترت الأنباء عن رواجه في ظل الأزمة الاقتصادية الناشبة بالعالم حالياً. ولم اكتشف الرابطة الوثقي بين مبيعاتي في ذلك الصباح إلا بعد أن رأيت الكاريكتير بالجريدة. ففيه طفل مستشيط غضباً يصرخ لأمه:"ماما جيمي قال لي كلام السفاهة". وفي مقابل الطفل المستشيط وقف جيمي بوجه غاضب متحسب للعواقب. والكلمة السفيهة التي أغضبت أخاه معلقة على رأسه تقول: "يا رأسمالي". فلم يكن صعباً بالطبع أن اقيم العلاقة بين الجريدة والكتاب. فالرجل ذو الدقن الدائرة، ماركس، هو وحده لا غيره الذي جعل من كلمة "رأسمالي" كلمة سفيهة. يكفي القول في سفه هذا الرأسمالي ذائعة الشركة التي أنفقت 165 مليون دولاراً حافزاً لرجال أعمال فيها وفي غيرها من مال امتصته الإدارة الأمريكية من دم دافع الضرائب لإنقاذ ما يمكن إنقاذه من الشركة. وهي نفس الشركة التي أفلس بها من أمطرهم دافع الضرائب بشآبيب الإحسان
Quote: يسر الهيئة السعودية للمحاسبين القانونيين ( SOCPA )* دعوتكم لحضور محاضرة بعنوان "اتجاهات الغش في ظل الأزمة المالية" (Fraud Trends in the Current Recession) والتي ستعقدها الهيئة بالتعاون مع جمعية المحاسبين القانونيين البريطانية ( (ACCAوذلك يوم السبت 26/11/1430هـ الموافق 14/11/2009م الساعة 7:30 مساءً بمقر الهيئة السعودية للمواصفات والمقاييس والجودة بمدينة الرياض. تهدف هذه المحاضرة إلى تسليط الضوء على عدد من الممارسات التي تنطوي على الغش بما يمكن من اتخاذ الخطوات المناسبة لمنع وردع واكتشاف مثل هذه الممارسات. سيتحدث في هذه المحاضرة الخبير/ سيمون بادجيت.
Quote: ده كلام صاح، و لكن التسوي بي ايدك يغلب اجاويدك يا فتح الرحمن، تاريخ قيام المهنة في انجلترا و بعض الدول الاوروبيةغير مشرف اطلاقا، لوول، عشان كده كل ما تحصل ليهم كعه زي قصص الارثر اندرسون دي او تغول من تكنلوجيا اومهنه مجاوره، اول ناس بيقولو انهم يستاهلو الاكاديميين و باقي المهن العاوزه تقتات من بقاياهم، و كما علمونا المحاسبين، البقاء للاقوى، و الشغل النيء بيرجع للنار و الضعيف بيتاكل ده موضوع جميل خلاص، لكل من يفكر انه المهن دي كلها متفرده و انه البروفيشنالز ديل الله حباهم بصفات خاصه، لمن الزول يقرا تاريخ نشاتهم، يستغرب و لكن يتعلم ان الايام دول
هييييييييع الكلام دخل الحوش !!! مع انو تصنيفي على اسكيل المحاسبة " ممارس ساي " ما " مهني ممارس " ، لكن حاضرين للدفاع عن المهنة و حبايبنا و اساتذتناو كبارنا الذين علمونا سحر المهنة . اها انكربوا ساي يا اكاديميين ارثر اندرسون ، تقرأ في سياقاتها ، المحاسبة نظام مفتوح يؤثر و يتأثر ببيئته ، و راسخ انو مهنة المحاسبة بنت بيئتها . و بتستمد منها قيمها الاخلاقية ، اها نعمل ليهم شنو كان السقف منخفض في ظل النظام الراسمالي الشغالين فيهو ؟
Quote: إنتو ما تفتحوا مكتب محاسبين قانونيين سموهو البدوي & قيقراوي
ح اورد ليكم نص من القانون المصري فيما يخص الحتة دي . بس النلقى العدد المطلوب من مجلة " المحاسب " المصرية . . انمهلوا ما تضيقوا سمح ؟
Quote: بعدين بصراحه، لو الماكينه او الكمبيوتر بيقدرو يعملو جزء من شغل المحاسبين، كما توعدهم بيل قيتس، مالو ياخ؟ لوول، اهو يحسب تقدم للبشريه و تفضل حتات الprofessional judgment يتفردو بيها
التقدم ما بناباهو - نحن بتوع الاتوبيس - لكن الفيهم اتعرفت تب !! . . لكن كدي باللّول يقنعونا ! هل المسالة - بالتركيز على كيس " إنرون " تحديداً - القصة " اقتصاد حديث " و لا " فساد قديم " ؟
------------
يا دكترة ، ما تقري مقال ع . ع . ابراهيم ، كان قريتي راي ماركس في الاكاديميين بتضايقي ، مع انو هو ذا نفسو حاصل على دكتوراة الفلسفة !! يا بدوي و من انخلع الـ " !! " ما تكتروا منها ، عااااادي دي جولة في سلسلة الصراع التاريخي بين " الاكاديميين " و " المهنيين " او قول " المحترفين " . و دا الخرم الدخل بيهو هواء الدباغة لتمرير خطو لإضعاف المهنة في السودان . لكن على مين ؟ نحن ضمير المهنة الواعي ، بالمرصاد و على استعداد . . . في رواية مجيدة وردت " الراعي " . . و برضو الراعي واعي
جمعة مباركة و نهاركم سعيد بجيكم بالليل كانالله هون
Quote: نحن ضمير المهنة الواعي ، بالمرصاد و على استعداد . . .
تعرف يا قيقراوي لقد وددت أن أطلق نداءً مفتوحاً أن "يا محبّي المحاسبة أهل المال والعِزوة..." (وما العِزوة دون مال!) لكنّ تصدّرك ضمير المهنة بوعي ونشاطك الهميم وبيدك خارطة المرصاد واستعدادك المفتوح على مصراعيه بامارة النقاط الثلاث الظاهرة على آخره، قد حصر التبرّع في سدُر جدادتك إنت دا (وقديماً قال باجور حكيم "التراجمة" لابنه، وبين أيديهما ضيفٌ ودجاجة ربّما أصابت نجاةً من قفاف أولاد ناصر فأصيبت في رقبتها دي حين صارت إلى محض حَلّة: "يا ولد، أصدرني وأورك نفسك وأجنح الماعز"
فحوى ندائي أن تنوّروننا، نوّر الله أيّامكم وخضّر ضرعاتكم، حول ماليّات الاندماج والاستحواذ (الجمِع دا خبرو شنو في نواحيكم باقي نحنا بنجمع اقتصاد، الذي هو مجموع خِلقة، إلى اقتصاديّات زي الما حصل حاجة) وذلك بتبيان ضروراتها وضررها ونفعها للشركات المتورّطة (!) فيها وللصناعة المعنيّة بها وللاقتصاد (سمّوا تنويركم دا، إن شئتم، اقتصاديّات العِزوة بمالٍ وبدون مال) لا سيّما وبين أيدينا أهم صفقة اندماج بصناعة الطيران
Quote: وتاتي اخبار الصفقة بعد اسبوع من اعلان الخطوط البريطانية انها ستخفض 1200 وظيفة من عمالتها اثر اعلانها عن خسائر في النصف الاول من العام. ومنيت الشركة بخسائر قبل الضرائب بقيمة 292 مليون جنيه استرليني في الاشهر الستة المنتهية في سبتمبر.
كما اظهرت النتائج نصف السنوية كذلك مشكلة في صندوقي المعاشات للشركة.
ففي الاشهر الستة الاخيرة تراجع الفائض في احد الصندوقين من 860 مليون الى 27 مليون جنيه استرليني، بينما ارتفع العجز في الصندوق الاخر من 1.2 مليار الى 2.7 مليار جنيه استرليني.
اما اخر نتائج مالية لايبيريا فاظهرت خسارة الشركة 72.8 مليون يورو في الفترة من ابريل الى يونيو.
قبّال ما تبرد رغيفتي دي لفحها ليك واحد مسلّط اسمو ستيفن مك نامارا وهو المتحدّث باسم شركة الطيران، ذات تعرفة الاركاب المنخفضة، ريانير وحشاها ليك خل وملحة وشطة وزيوت تشحيم طائرات ذاتو:
Quote:
"Flag carrier airlines throughout Europe are raising the white flag because they can't compete with Ryanair's rapid growth, low fares and no fuel surcharge guarantee.X "Consolidation is the only option for these high-fare airlines. The merger of BA and Iberia is like two drunks trying to prop each other up; both have reported large losses, both are facing a winter of industrial action and both charge high fares and fuel surcharges."X
آسفين يا جماعة على الازعاج لكن إذا أخذنا قبيلة النقل في الحسبان فالجماعة أولاد أعمّنا لزم إذ إنّهم من فخذ القبيلة المسمّى النقل الجوّي ونحن من فخذها المسمّى النقل الأرضي. وربّما يبرّر ذلك خطئي في ارجاع قول "أصدرني و...إلخ" إلى حكيم التراجمة "باجور" فيما إنّ القول لحكيم التراجمة "ود البدري" وإنّما يرجع لباجور القول "حرّم مرقت في باقير" وكان ذلك حينما احتار كيف يضع سفّته في رابعة نهار رمضان في قلب سوق البهائم النابض بالقوم بسوق رفاعة فابتكر حيلة بأن هجم الجماعة قائلاً "حرّم ديك طيّارة بجناح واحد" فوجدت سفّته طريقها إلى مستقرٍ لها حين اشرأبّت رؤؤس الناس للوقوف على تلك البدعة فكان أن ألقمهم، حين ساءلوه "وينا آباجور"، حكمته التي صارت مثلاً "حرّم مرقت في باقير". وغني عن القول أن الخلط بين الأمرين نتج عن أن ذهني مشوّش بأبخرة خبر مرميي الكساد الساعيين إلى الوقوف مستعينين برافعة الاندماج.
11-13-2009, 07:37 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: وربّما يبرّر ذلك خطئي في ارجاع قول "أصدرني و...إلخ" إلى حكيم التراجمة "باجور" فيما إنّ القول لحكيم التراجمة "ود البدري" وإنّما يرجع لباجور القول "حرّم مرقت في باقير" وكان ذلك حينما احتار كيف يضع سفّته في رابعة نهار رمضان في قلب سوق البهائم النابض بالقوم بسوق رفاعة فابتكر حيلة بأن هجم الجماعة قائلاً "حرّم ديك طيّارة بجناح واحد" فوجدت سفّته طريقها إلى مستقرٍ لها حين اشرأبّت رؤؤس الناس للوقوف على تلك البدعة فكان أن ألقمهم، حين ساءلوه "وينا آباجور"، حكمته التي صارت مثلاً "حرّم مرقت في باقير". وغني عن القول أن الخلط بين الأمرين نتج عن أن ذهني مشوّش بأبخرة خبر مرميي الكساد الساعيين إلى الوقوف مستعينين برافعة الاندماج.
كدي بللوّل افتيني في " التراجمة " دي هولة شندي و لا ديل تراجمتن تانين ؟
------------- سبب سؤالي انو لي في " تراجمة " شندي سدرأً حنين ، أمي التي لم تلدني * " التومة بت سليمان " و هي في حساب عربنا عمةً لي ، بت أعم لابوي ، الاطرف من امي العمتي دي ، هي حكاية بنتت عمومتها لابوي ! و ابوها اسمو سليمان ود أحمد ، من " ديم القراي " و ابو ابوي اسمو عبد الكريم ود حمودي ؟! من " العالياب و قيل من " أم شديدة " .. لكن اذا عرف السبب بطل العجب و راحت البطولة الافريقية ذاتو ، يروى انو حبوبتنا عاشة بت السعيد قد تزوجت اربعة رجال و ربطت القبائل ، و دا الجاب خوة المذكورين الله يرحمهم جميعا و يبشبش تربهم و يطيل عمر التومة امي .
* في هامش الهامش و الترجمة مع التراجمة عندي ترجمة تغيظ المدام للمقولة الشعبية الشايعة " رب أخ لك لم تلده امك " انو دا اخوك ود ابوك ! . . ببساطة . . مش ؟
Quote: كدي بللوّل افتيني في " التراجمة " دي هولة شندي و لا ديل تراجمتن تانين ؟
التراجمة كُثُر يا قيقراوي وربّما إنّ ذلك بسبب طبيعة سكّان بوادي السودان.
تراجمتنا، ذات الحكيمين المذكورين، هي ناحية رفاعة تارة (قول، يا زول، أفقيّاً) وناحية تمبول تارة أخرى (قول، يا زول، رأسيّاً) ولو قلت ليك إنّو يمكنني أن أرمي اللالوب ببِلدات التراجمة بحجارة من بطن بيت ناس أمي لما بالغت إلاّ بمقدار يسير من مبالغة مصطفي سعيد الذي يداعب ماء النيل توسّلاً للكرى لكنّ الحقيقة أنّها بالفعل على مرمى حجر، ليترالي، من بلدات أبواتي وأمّاتي ممن يزرعون ناحية "التراجمة" كما وإنّ نواحيها هي أيضا مرتع هوايات صبانا المتمثّلة في لقيط اللالوب واصطياد الهوام صيفاً في غفلة من منظّمات حماية البيئة وفزع أم بنّة والسينات والعنكوليب وربّما التِبِش خريفاً في غفلة من أرباب البِلدات والسبق إلى مضاربها شتاء في غفلة من الزمان الذي أجزم أنّه يطالع هذا الكلام ولا يكاد يخفي تبسّمه شماتة.
حقاً ليت لي يا عازة...إلخ...إلخ...إلخ...
11-13-2009, 09:56 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: التراجمة كُثُر يا قيقراوي وربّما إنّ ذلك بسبب طبيعة سكّان بوادي السودان.
هي معناها ذاتو فيهو قولان ، و خصوصأ اللتنا ، لمجاورتها لـ " ديم القراي " في الجغرافيا و المعنى ، فالقراي هو " شيخ " مُقرئ " فالراجح في ظني انو " التراجمة " دراويش غرقانين او قول " مجاذيب " . النسألك منطقتنا ديك مليانة كمية من الشيوخ و المجانين مالا ؟ . . " النفسي " دا عندهم زي النزلة بس ! . . بتعرف " شيخ بابكر " بتاع " كريعات الجعليين "
انقر شنو ؟ رحاب ما بتكون ناقشة ابو النوم من نضمينا دا كووووووووولو . . ما كمان ناس الخراتيم ؤ كدا ياخ !
اها نرجع لإنرون و ارثر اندرسون . . .
Quote: كيف يعمل الاقتصاد الحديث؟
لمن اراد فهم اصول الاقتصاد الحديث تعتبر قضية انرون درسا مفيدا. الاعتماد على التكنولوجيا المتطورة، والنقل السريع للمعلومات من خلال شبكة الانترنت، وخلق قيمة جديدة من خلال تطبيق اساليب جديدة في مجال التجارة، هي الشعارات التي يحاول من خلالها اصحاب الاقتصاد الحديث الترويج لبضاعتهم. ويضلل هؤلاء عامة الناس من خلال جرّهم لاستثمار اموالهم التي في صناديق التوفير والتقاعد، في شراء اسهم شركات ترتفع قيمتها بنسب خيالية وفي فترة زمنية قياسية، الامر الذي يحقق لصاحب الاسهم ثروة طائلة دون مجهود وفي وقت قصير، هذا بالاضافة لاعطائه الحس انه في الواقع واحد من اصحاب الشركة. قد يكون هذا السيناريو صحيحا في الافلام، او الاحلام، ولكنه بعيد عن الحقيقة بعد الثرى عن الثريا. ان سر نجاح انرون لم يكن استخدامها للتكنولوجيا المتطورة، بل اعتمادها على اساليب تقليدية جدا: شراء صُنّاع القرار السياسي من خلال التبرعات السخية. وفي امريكا التي بلغت فيها الحملة الانتخابية للرئاسة نحو 50 مليون دولار، اصبح أي مرشح سياسي مضطرا لتكوين علاقات مع رجال المال والاعمال حتى يكون بمقدوره خوض المعركة الانتخابية. من خلال شراء السياسيين الذين يتحكمون بسن القوانين، تمكّنت انرون من قيادة حملة عنيفة جدا في الكونغرس، استهدفت الغاء الرقابة في مجال صناعة الطاقة وخلق المناخ المناسب لتمكين الشركة من جني الارباح دون منافسة. ويمكن القول ان مصطلح المنافسة الحرة الذي ينسجم مع الديمقراطية والحريات التجارية فقد في الاقتصاد الحديث معناه، واستبدله الاحتكار الذي يتحكم به عدد قليل جدا من الشركات التي تتمتع بنفوذ في الكونغرس. النموذج المثير على اتساع نفوذ هذه الشركات هو ذلك الذي اوردته صحيفة "نيويورك تايمز" (13/1) التي نقلت ان مدير شركة انرون قدم لادارة بوش قائمة باسماء الشخصيات التي يفضل هو شخصيا ان يتولوا مناصب معينة في لجنة الرقابة الفيدرالية في مجال الطاقة. ولكن لا يكفي شراء الساسة للحصول على التسهيلات القانونية المطلوبة، بل من المهم جدا ان تشغّل الشركة لديها واحدا من نجوم المضاربة في بورصة وول ستريت يكون مقربا من شركات الاستثمار الضخمة التي تسوّق اسهم شركات مثل انرون في اسواق المال. فمن المهم ان يوصي "المحللون" الاقتصاديون في هذه الشركات الجمهور باستثمار امواله في شركة معينة، بادعاء ان ادارتها قوية ووضعها المالي متين لا غبار عليه. وفي حالة زيادة الطلب على شراء هذه الاسهم ترتفع قيمتها وترتفع بالتالي ارباح شركات الاستثمار التي تبيعها. هذه المصلحة المشتركة تجعل شركات الاستثمار، مثل رجال السياسة، موالية للشركات وليس للجمهور الذي تقدم له النصح في كيفية توظيف امواله. من الرموز الهامة في وول ستريت اختارت شركة انرون ان تشغّل سكيلينغ في منصب اداري رفيع. سكيلينغ الذي يتبنى افكار الاقتصاد الحديث مقتنع بان القيمة الفائضة لا تتحقق بالصناعة او الانتاج بل بالتداول السريع للبضائع. ومن هنا جاءت المبادرة لتأسيس شركة "انرون اون لاين" (Enron online) للمتاجرة بالغاز والكهرباء من خلال الانترنت، الامر الذي منحها افضلية على الشركات التقليدية المنافسة. ومن المنظور الجديد لم تعد الطاقة او الكهرباء امرا حيويا وضروريا، وحتى استراتيجيا، بل بضاعة مثلها مثل الخشب او التأمين، دورها ان تحقق الارباح للشركات التي تتاجر بها. ومهّد هذا المفهوم لتطبيق فكرة سكيلينغ حول خروج انرون من مربع الاستثمار في الطاقة فقط، والتوسع لمجالات اخرى لا تفهم فيها، مثل التأمين وصناعة الخشب، فكلها بضائع. وما كانت مشاريع سكيلينغ لتتحقق وتصل الهند وامريكا اللاتينية، لولا ان فاستاو، مديرا آخر في انرون، قام بتأسيس شركات صغيرة تابعة لانرون دورها التغطية على الخسائر التي سبّبتها مغامرات السيد سكيلينغ. فقد سُجّل قسم من ديون انرون وخسائرها باسم الشركات التابعة لها، وذلك لتتمكن من الاعلان عن موازنة سنوية ايجابية جدا، وتضمن بذلك ارتفاع قيمة اسهمها في البورصة. بعد ان ضمنت انرون لنفسها السياسيين ثم المسوّقين في البورصة، كان عليها ان تكسب لصفها مكتب المحاسب اندرسون، احد اهم مكاتب المحاسبة في الولايات المتحدة، وذلك للحصول على ثقة الشركات التي تبيعها الطاقة وثقة الجمهور بشكل عام. ولقاء مليون دولار اسبوعيا (52 مليون دولار سنويا) عمل اندرسون على التستر على العمليات غير القانونية التي تقوم بها انرون، وتغاضى عن وجود الشركات التابعة لها عندما وقع على ميزانية الشركة. وبعد ان استدعى الكونغرس اندرسون للتحقيق معه في القضية، قام بتمزيق وحرق كافة الوثائق ذات الصلة.
Quote: ان انهيار انرون هو نتيجة مباشرة للركود الذي يمر به الاقتصاد الامريكي. وقد كان المفروض ان يتغلب الاقتصاد الحديث على المد والجزر الذي يميز الاقتصاد الانتاجي القديم. ولكن اتضح ان الاسلوب الاقتصادي الحديث الذي حرر الاحتكارات الضخمة من الرقابة والقيود، وقضى بذلك على الشركات المتوسطة والكبيرة، قد زاد في الواقع من حدة وعمق الازمة الاقتصادية. ان الحرب التي اطلقتها امريكا على الارهاب العالمي، لا يمكن ان تحل المشاكل البنيوية الداخلية للنظام الرأسمالي الذي بات يواجه فسادا سياسيا ومرضا اقتصاديا وسياسة خارجية خاطئة تغرق الدول النامية في مزيد من الديون وتقودها لمزيد من الحروب. ان انفجار فقاعة الاقتصاد الحديث يثبت ان هذا النظام استنفذ خياراته وفقد قدرته على التجديد والتغيير والحد من تدهوره نحو الزوال.
Quote: رحاب ما بتكون ناقشة ابو النوم من نضمينا دا كووووووووولو gega
loool
والله يا القيقا، بقرا مداخلاتكم اول باول و بين المحاضرات ووجبات ياسين و تحضير المحاضرات و تصحيح الاختبارات، و قدر البفهمه بكون دايره ادخل تووشك اعلق، لكن بخاف اخرب الرصه، و تبقي علي قصه المذيعات الشليقات و هن مستضيفات ليهن فطاحله و نحارير٭ و الناس مستمتعه بالمحاورات الجميلة
--------- ٭ مش قلتو لي استعمليها في جمله مفيده؟ :) ان شاء الله تكون لافقه
11-15-2009, 00:13 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
لمهنة المراجعة أهمية كبرى حيث انه يتم مزاولتها بالصفة الشخصية للمراجع ، و يحظر استخدام اسماً معنوياً لمكتب أو مؤسسة ، و ذلك إعمالاً لقانون مزاولة المهنة رقم 133 لسنة 1951 م . *
Quote: تقوم المؤسسات على المعتقدات وكان "آرثر أندرسون" رجل معتقدات ثابتة تشدد بطرق مدهشة على مر السنين، أسس "ارثر أندرسون" شركته منذ تسعين سنة على معقتدات قديمة، وقد أصر على أن يفكر المحاسب ويتحدث باستقامة وأن ينبش تحت الأرقام ليصل إلى الحقيقة، وقد بُنيت شركته على تلك المعتقدات وقد أسست شركته تجارة عالمية على مر السنين إنطلاقاً من الاستقامة والنزاهة.
Quote: أحد العاملين في أندرسون : أمضيت خمسة وثلاثين من حياتي في شركة آرثر أندرسون من الأسباب التي دفعتني لاختيار أندرسون من بين باقي المؤسسات امتلاك أندرسون حس الأمانة التي لا يمكنني إنسان شاب، هذا هو آرثر أندرسون وهذا ما فعلناه
دا عن " التدقيق و المراجعة " لكن لما مشى يتفولح جاب ضقلا يتلولح !! . . تناها بالاشتشارات الـ " مررررررررربحة " و العهدة على ادناه ، و كمان فات شيخنا " الهميم " ذات نفسو ، و طبق فوقن - الاختين - المراجعة الداخلية !!! . . الشي شنو مافي غيركم ؟ . . حدو وين دا !!! النهاية كانت كسيفة و مؤسفة !
Quote: وتوجت هذه السلسلة السوداء بالحكم الذي صدر السبت عن لجنة تحكيم في تكساس ويقضي باعتبار شركة ارثور اندرسن لتدقيق الحسابات مسؤولة عن عرقلة القضاء بسبب اتلافها الاف الوثائق والملفات المتعلقة بـ«انرون».
وتقترح لجنة مجلس الشيوخ انشاء هيئة رقابة مستقلة على مهنة المحاسبة تتمتع بسلطات مسلكية وتفرض قيودا على الخدمات المربحة جدا في مجال الاستشارات الاستثمارية التي يمكن ان توفرها مكاتب المحاسبة للشركات التي تشرف على حساباتها.
Quote: وقد يتوارد للذهن أن فشل لجنة المراجعة في التقرير عن المخالفات الكامنة في شركة إنرون كان بسبب ضعف المتطلبات النظامية في هذا الخصوص، غير أن الدراسة التي قام بها بعض الباحثين بينت أن لجنة المراجعة في الشركة كانت متوافقة مع متطلبات بورصة الأوراق المالية وبورصة نيويورك للأوراق المالية وبقية الجهات الأخرى، مما يدل على أن القضية ليست قضية قوانين ومتطلبات نظامية ولكن القضية تبدو أخلاقية إلى حد بعيد. لقد وجد في شركة إنرون "صورياً" نظام لحوكمة الشركات corporate governanceيشمل ميثاقاً أخلاقياً ولجنة مراجعة، غير أنه لا شيء من ذلك حقيقي كان موجوداً على أرض الواقع
ياهو حال الطين !!!!!!!
Quote: إن مصالحهم الشخصية التي حرصوا على بقائها تعد من أوضح التعريفات لموضوع التعارض في المصالح وتأثيرها البين على المبادئ الأخلاقية الناتج عن الطبيعة البشرية. إن هناك ميلاً واضحاً لدى النفس البشرية لا يقهر للوفاء بشكر من أسدى أو قدم لها معروفاً. ومن العجيب أن مجلس الإدارة أمضى خمس عشرة دقيقة فقط لمراجعة بعض الصفقات المشكوك فيها التي أدت إلى اندفاع الأرباح ووصولها إلى مبالغ خيالية.
بما انو المراجعة بيمارسوها بالصفة الشخصية نقول للـآرثر اندرسون قبلكم و قبالكم . . . و باي باي
Quote: قامت الشركة، و بشكل طوعي، بتسليم رخصتها لمزاولة مهنة المحاسبة القانونية في أمريكا بعد أن وجدت مذنبة في تهم إجرامية متعلقة بتدقيقها لشركة إنرون
---------------- * مجلة " المحاسب " تصدرها جمعية المحاسبين و المراجعين المصرية - العدد 33 ديسبر2008 م ، و 34 مارس 2009 م " معايير المراجعة و السلوك المهني " أ. سلوى حلمي - وكيل الجهاز المركزي للمحاسبات ( سابقاً )
11-15-2009, 01:39 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: " اوفرهيدز " دي زي ما ياها! اصلوا مافي زول قرب ليها ترجمة و لا تعريب . . ! ياخ ما زيها و زي الاوفراول التم استعرابها و من ثم تصحيفها الى ابرول . . . و من الابرول ابت تطلع ذاتو . . . من المدفع طلع خازوق ! او كما قال
بس قرطو علي كلام قيقراوي دا..تعليق ظريف يا قيقراوي.
الحاج حمد
سلامات ياخ
اعذرنوالله البوست دا بقى زي ناس القلّْبة - و ديل واحدين انقلب بيهم لوري - نسينا واجب لضيافة ذاتو
اها امسحا في وشي باقي انا السغيّر فيهم
اما بالنسبة لـ " الاوفر هيدز " فحدث و لا حرج ، " رأسية " دي واحدة م الترجمات الغريبة القابلتني !
التعريب كان بداية تدمير التعليم العالي ، المراجع فجأتن كدا بقت عراقية ، و ليبية ؟! اسي في مقارنة بين " دميان " و " كيسو " ؟
تحياتي يا ملك و اعفي لينا ياخ
11-19-2009, 01:44 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: آسفين يا جماعة على الازعاج لكن إذا أخذنا قبيلة النقل في الحسبان فالجماعة أولاد أعمّنا لزم إذ إنّهم من فخذ القبيلة المسمّى النقل الجوّي ونحن من فخذها المسمّى النقل الأرضي. وربّما يبرّر ذلك خطئي في ارجاع قول "أصدرني و...إلخ" إلى حكيم التراجمة "باجور" فيما إنّ القول لحكيم التراجمة "ود البدري" وإنّما يرجع لباجور القول "حرّم مرقت في باقير" وكان ذلك حينما احتار كيف يضع سفّته في رابعة نهار رمضان في قلب سوق البهائم النابض بالقوم بسوق رفاعة فابتكر حيلة بأن هجم الجماعة قائلاً "حرّم ديك طيّارة بجناح واحد" فوجدت سفّته طريقها إلى مستقرٍ لها حين اشرأبّت رؤؤس الناس للوقوف على تلك البدعة فكان أن ألقمهم، حين ساءلوه "وينا آباجور"، حكمته التي صارت مثلاً "حرّم مرقت في باقير". وغني عن القول أن الخلط بين الأمرين نتج عن أن ذهني مشوّش بأبخرة خبر مرميي الكساد الساعيين إلى الوقوف مستعينين برافعة الاندماج.
ها آناس المحاسبة !
مالكم البوستي دا خليتوهو ؟ " خلوهو التراجمة " !!
دي يا سيدي البدوي مقولة " امي التومة " الشهيرة بالاضافة لحليفتها الاثيرة " وحات أحد أخوي " او في رواية صارمة " تاخد أحمد اخوي " . إلا النسألك : شنو هو الخلوهو التراجمة ديل ؟
--------------- اما بخصوص الاندماج و خراطيشو البوصلوها للحلل الخاسرة في زمن الكساد و الركوض العلينا دا ! فقلنا ندي فرصة للاكاديميين يقعدوا لينا الكلام دا ، الا هواء الدباغة قاااااعد ان درتوهوا ؟
و تاني سلام آناس موسم دق العيش بدأ ، و اهو تاني الا نلقاكم في البريكات . . . او نلم عيش ( عمنا ) دا و نجيكم بالدرب العديل
لي وكتها اقعدوا طيبين . . و على بالحلال مشتاقين
11-19-2009, 03:27 PM
Rihab Khalifa Rihab Khalifa
تاريخ التسجيل: 07-07-2006
مجموع المشاركات: 3738
اعذرنوالله البوست دا بقى زي ناس القلّْبة - و ديل واحدين انقلب بيهم لوري - نسينا واجب لضيافة ذاتو
اها امسحا في وشي باقي انا السغيّر فيهم
اما بالنسبة لـ " الاوفر هيدز " فحدث و لا حرج ، " رأسية " دي واحدة م الترجمات الغريبة القابلتني !
التعريب كان بداية تدمير التعليم العالي ، المراجع فجأتن كدا بقت عراقية ، و ليبية ؟! اسي في مقارنة بين " دميان " و " كيسو " ؟
تحياتي يا ملك و اعفي لينا ياخ
الأخ قيقراوي شكرا ليك يا أصيل..و أشيد بالمهنية العالية لكتاباتك في البوست التي امتزجت بظرافة و طريقة كتابة بسيطة ابتعدت من الأكاديمية الجافة..
حقيقة المشاكل المحاسبية كثيرة و بما ان التقارير المحاسبية هامة للقرارات الاقتصادية فيجب السعي لمعالجة المشاكل التي قد تؤدي لاصدار تقارير محاسبية تؤثر سلبا على قرارات المستثمرين بل و قد تخدعهم أحياناو ذلك بتقديم معلومات غير صحيحة أو غير واضحة..
جرِّب كِدا ما تسلّم العيش لي سيدو مدقوق ومضرّى ومودع في بطُن مطمورتو وفي الديد لاين المطلوب تماماً وأقعد اتحاوم ليهو من سودانيزأونلاين لي فيسبوك بي كراع فيسبا عشان نوع البواليص ديل يلمّوا فيك يخلّوا ريحتك طير طير.
كلّ عام وأنتم بخير مقدّماً باقي الخوّاف ربّى أعمالو.
11-28-2009, 10:56 PM
Rihab Khalifa Rihab Khalifa
تاريخ التسجيل: 07-07-2006
مجموع المشاركات: 3738
Quote: جرِّب كِدا ما تسلّم العيش لي سيدو مدقوق ومضرّى ومودع في بطُن مطمورتو وفي الديد لاين المطلوب تماماً وأقعد اتحاوم ليهو من سودانيزأونلاين لي فيسبوك بي كراع فيسبا عشان نوع البواليص ديل يلمّوا فيك يخلّوا ريحتك طير طير.
كلّ عام وأنتم بخير مقدّماً باقي الخوّاف ربّى أعمالو.
كل عام و انتم بخير آقبيلة و الله اتوحشناكم و فقدناكم تب آسيدي البدوي ، سيد العيش إت قايلو عندو حد بنقرع بيهو ؟ هآزول د ما برفع تب ! ما خشخش ورق بنكنوت ، او كشكش هلل ، الا و كان غازي عودو مكان مصدر الصوت ! اسي انقر عيدت مع عيالي ؟ اها العيش الهنا دا adahi يف معاهو عاد ؟ النقول إن لقى هواه بضريهو براهو ، اها البلمو و يدقو ليهو منو عاد؟ كانت ايام جميلة في " منى " . . طبيعة و روحانيات . مع العزلة التامة عن الميديا ، لقطت لي خبر عما اسمتهو تلك " الميديا " بـ ( ازمة " دبي العالمية " ) . . و الروايات تواترت قديماً بـ " لوقو" فقاعي زاعم : "الشمس لاتغيب ابدا عن دبي العالمية". ، اها بقى الشمار يسابق الشوق لإستكشاف هل هي مجرد "الحملات الإعلامية المغرضة" زي ما قالوا و لا تحت الرماد وميض نار ، و خلف الاكمة اشجار تتحرك ؟! اها جا رصدنا للحكاية بالتسلسل دا :
Quote: هزت دبي أسواق المال العالمية يوم 25 نوفمبر عندما طلبت من دائني شركة دبي العالمية وقف المطالبة بسداد ديون بمليارات الدولارات كخطوة أولى نحو إعادة الهيكلة..
الشغلة إفلاس و لا إعادة هيكلة ؟ و ليه الحكومة - حكومة دبي - ما اتدخلت " سيادياً " بوصفها المالك لـ " دبي العالمية " ؟ و لا اللوزر ياكل نارو ؟ الحكومة إهتبلت الفرصة و لا الشغلة فيها ابعاد تانية بعيدة المدى و النظرة زي ما ( شطح ) البعض ، او تخرص بحنك عااااااضي من جنس نظريات المؤامرة !!؟ ولّا القصة شنو بالضبط ؟؟؟؟؟؟؟؟
Quote: وبينما كان سكان دبي يمضون عطلة عيد الأضحى اعتبارا من مساء الأربعاء الماضي بعيدا عن نشرات الإخبار، كانت عناوين صحف بريطانية وأمريكية تتنبأ بانهيار دبي و بـ"انتهاء الحلم" واصفة الإمارة التي تحولت في غضون عقود قليلة من مرفأ لصيادي اللؤلؤ الى مركز اقتصادي عالمي بأنها "على حافة الانهيار".
دا كلو كوم و تصريح الشيخ محمد بن راشد للعربية كوم تاني ، قال " ديل ما فاهمين " او نحو ذلك ،اها خليك من الحاقدين ديلاك ، تعال فهمنا نحن ديل . و بعدين هل " اعلان دبي " جاء في الوكت دا تحديداً ، صدفة ساي ؟
Quote: وزاد من حدة رد الفعل أن الإعلان تم قبيل بدء اجازة عيد الأضحى وهو ما أعطى انطباعا أن الهدف من هذا التوقيت هو تقليل الاثر لهذا الخبر غير أن ذلك أحدث أثرا معاكسا، كما إن الاعلان جاء بعد ساعتين فقط من إعلان الحكومة عن اصدارها سندات بقيمة 5 مليار دولار تم شراءها من قبل بنك ابو ظبي الوطني ومصرف الهلال وهو أمر نادر الحدوث أن تعلن شركة ما عن نجاحها في اصدار سندات في الوقت الذي تطالب فيه بتأخير سداد مستحقات سندات سابقة، فقد كان من شأن نجاح اصدار السندات أن يرفع مستوى الثقة باقتصاد دبي لو لم يعقبه خبر تأخير السداد.
دا الكوجين ذاتو ؟!!
Quote: . . . ولم يكن حديث بعض المعلقين والمحللين عن انعدام الشفافية في اعلان دبي إلا اشارة لرغبة هؤلاء في معرفة إن كانت ابوظبي أو غيرها ستتقدم لانقاذ الشركة أم لا. وليس المقصود بالافصاح إعلان الارقام، فارقام دبي معلنة ومعروفة بافضل من غيرها في الخليج والمنطقة كلها. . .
راجع تعليق متابع عام 30/11/2009 ، شكلو متابع تمام ، و اعتقد تحليلو جيد وبفتح مسارب ضي ، و الاهم بخت الناس في مواجهة الاسئلة الكبيرة ، و بضغط جهة محاولة الاجابة عليها . اما عن السؤال الوضعو هو : معرفة إن كانت ابوظبي أو غيرها ستتقدم لانقاذ الشركة أم لا ؟ نجيب ليك ما كتب حسين إبراهيم بجريدة " الراي عدد 11108 بتاريخ 29 نوفمبر 2008 م تحت العنوان : إنقاذ دبي آتٍ من أبوظبي... لكن بأي ثمن؟
ها آزول ديل ما ياهم ناس موت الخميس و دفنة الجمعة بي ذاتم ؟ الشي شنو ؟ قاموا يرسموا فللللبحر ؟
---------- رحاب مشتاقين ياخ في لعيد حضرنا و لم نجدكم فشخبطنا على شاشة تلفونكم ، بس ما بي فحم و لا حيمور ، بل بي مس كول
12-03-2009, 08:54 PM
Rihab Khalifa Rihab Khalifa
تاريخ التسجيل: 07-07-2006
مجموع المشاركات: 3738
Quote: يا شباب المشاركة خلوها في الآخر . . ما تجهجهوا باكاتنا زي جماعتنا مع ما زمبي يا رغيم؟! قلت لي عرفتي معنى " نيم " . . . طيب العبارة كلها عرفتي معناها " تأكل نيم " ؟ Gega
حاضرين يا سيدنا كيف ياخ ما عارفة، و تمامتها تاكل نيم و تحلي برسيم، لوول و مشكورين علي شرح العمبلوق، و الشافني قاشره بيهو ما كضب :)
12-03-2009, 08:57 PM
Rihab Khalifa Rihab Khalifa
تاريخ التسجيل: 07-07-2006
مجموع المشاركات: 3738
Quote: اعوذ بالله من المحاسبه غايتو الواحد يعيد النظر في عرفتك , أول ملحق في الجامعة اخدتو في المزافته دى و العقدة الياها ما تشكرو لينا البتاعه دى .... ما بتتشكر يا أخت . Esam
اها المحاسبة دي يا ود جبرالله تسببت في زواجي من السيد بعلنا :) ما بتنشكر، لكن بتنحب
12-03-2009, 09:10 PM
Rihab Khalifa Rihab Khalifa
تاريخ التسجيل: 07-07-2006
مجموع المشاركات: 3738
Quote: د. بانقا بعد انتقاله للعمل بسوق السعودية هو الادخل " كي بي ام جي " و كان الممثل ليها " بانقا و ناصف " حتى 2006 م تقريباً . . ح اجيب ليكم النجيضة منو شخصياً Gega
انا مهتمه جدا بالتفاصيل دي يا فتحي الف شكرا للمتابعه و في انتظار معلومات زياده
12-03-2009, 09:15 PM
Rihab Khalifa Rihab Khalifa
تاريخ التسجيل: 07-07-2006
مجموع المشاركات: 3738
Quote: انت الصادق والله نسيت موضوع ارثر اندرسون Alarbab
يا محمد الشيخ علي سيرة ارثر اندرسون العالم ده ظالمهم سااكت الله عالم كانت تعجبني مقولة ارثر اندرسون في قديم الزمان لمن بدا العمل المحاسبي، و هي مقوله ورثها عن امه: Think Straight, Talk Straight
كنا في الجامعه نسمي كل من عمل معهم بالاندرويدز، نسبه لتشابهم الشديد من حيث المظهر و السلوك خصوصا بعد انقضاء فترة التدريب :)
12-03-2009, 09:37 PM
Rihab Khalifa Rihab Khalifa
تاريخ التسجيل: 07-07-2006
مجموع المشاركات: 3738
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
قيقراوي
Rihab Khalifa
Fadl Karrar
محمد الشيخ أرباب
osman righeem
ASHRAF TAHA
Mohamed Doudi
الحاج حمد الحاج
فيس بوك
تويتر
انستقرام
يوتيوب
بنتيريست