|
|
|
 Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: د. إبراهيم قناوي
بما أننا بعيدين عن وطنا الصغير بحري فسوف نسبقك بالدعوات
الصادقات للمولى عز وجل أن توصل أرض الوطن أنت وأسرتكم الصغيرة
سالماً غانماً وأن تقضي إجازة ممتعة وسط الأهل والأصدقاء والأحباب .. |
سلامات يا رزقة
كنت نتمنى نقابلك لكن بي دعواتك الصالحات تكون كفيت واوفيت
ولك الشكر
Quote: الإخوة والأخوات أبناء مدينة بحرى
لكم التحية
ننعى لكم اليوم الأستاذ الفنان إبن بحرى الطيب ...
صاحب الإبتسامة والكلمة الطيبة ..
الأستاذ فتحى كنوز شقيق الأخوان كمال وخالد وإسماعيل كنوز..
الذى لبى نداء ربه ليلة أمس الأول .. |
رحم الله ابن بحري
فتحي كنوز وتعازينا لزوجته ايضا
انتصار بت جيراننا
وجميع الأهل والأحباب ببحري
الأخ صلاح ابو دية
ليك وحشة والله
Quote: ازيك يااخ قناوى
وين انت البوست فاقدك يعلم الله
ناهد قريبتي
والله بوست بحري ده قراية سااااي غلبنا نلحقو
الله غالب بس
Quote:
انت بعد ماتاكل الشية والشربوت مابتقع رب رب تنوم
المغرب مااظن زاتو تحصلوا .... |
ما عشاااااااااااان كدة قلنا السهر لألألألألألألأ
في داعي للفضايح؟؟؟؟؟
ما المكنة خفيفة وكدة
| Quote: مرحب مرحب الاخ قناوي وشرفت. |
حياك الله يا باشمهندس
ياخي ومكشتاقين ليك شديد والله
تحبيسة:
يا جماعة سيد الحوش فاتح لينا كدة ليه يعني؟؟؟
يعني نظام رافع مننا القزاز ومكبر اللفة وكدة ؟؟؟
على العموم انا من شكل صورة العرس دي كدة متاكد
انو التقنية حقتها دي قبل ما يولدوني
وبحري طراوة
| |
 
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
يا دكتور ده كلام... ما عاش اليفتح ليكم يا أخي...
أقول شنو؟؟؟ قلت ليك أنا دفعة أخوك محمد عبدالمجيد قناوي... يعني حديد لاقى حديد...
وأنا ديناصور...معترف.. بس ناس عبدالكريم عمولها تلوين بالكركدي وبالجنشن والمايكروكروم... أها نقول شنو؟؟
بيني وبينك يا دكتور أنا ذاتي نفسي تحدثني بقضاء العيد في السودان... ويمكن.. بس قول يا باسط... لكن صدقني... نوم بدري ما معانا...
أصلا لازم نعوض الفاتنا من شوفة بحري,,,,
يا دكتور سلامي للأخ/ محمد عبد المجيد قناوي.. ده لو تذكرني .. مع إنو صوته في أذاني رغم إنقضاء كم وكمين سنة كده مما كنا في بحري الثانوية...
التحايا أكوام أكوام يا دكتور
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: يا دكتور ده كلام... ما عاش اليفتح ليكم يا أخي...
أقول شنو؟؟؟ قلت ليك أنا دفعة أخوك محمد عبدالمجيد قناوي... يعني حديد لاقى حديد...
وأنا ديناصور...معترف.. بس ناس عبدالكريم عمولها تلوين بالكركدي وبالجنشن والمايكروكروم... أها نقول شنو؟؟
بيني وبينك يا دكتور أنا ذاتي نفسي تحدثني بقضاء العيد في السودان... ويمكن.. بس قول يا باسط... لكن صدقني... نوم بدري ما معانا...
أصلا لازم نعوض الفاتنا من شوفة بحري,,,,
يا دكتور سلامي للأخ/ محمد عبد المجيد قناوي.. ده لو تذكرني .. مع إنو صوته في أذاني رغم إنقضاء كم وكمين سنة كده مما كنا في بحري الثانوية...
التحايا أكوام أكوام يا دكتور |
مشكور كتير يا زعيم
ووالله بس لو جيت في العيد ...
اغير كل البرامج والسهرة صباحي
كيتاً في قريبتي ناهد
وتمردا على الداخلية وحلايب سودانية ذاتو
محمد بسلم عليك كتير وعلى فكرة هو موجود في الرياض
Quote: رحم الله ابن بحري
فتحي كنوز وتعازينا لزوجته ايضا
انتصار بت جيراننا |
عفوا للخطا
فاسم زوجة الراحل فتحي كنوز
منى وليس انتصار
والتعازي موصولة لشقيقه ودفعتنا
الكوميديان اللطيف أحمد كنوز
الشهير باحمد بحر
رحمه الله رحمة واسعة
وبحري طراوة
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: ابراهيم قناوي)
|
Quote: كيتاً في قريبتي ناهد
وتمردا على الداخلية وحلايب سودانية ذاتو
|
ناهد هينة ...
الكلام وزارة الداخلية ...
عارف نحن (وزارات الداخلية ) ديل كلنا
عاملين زى الرقم 59
اصلوا مابيقبل (المرقة) اقصد القسمة
على اى رقم فى الدنيا ...الا على روحه دى بس...
فهمت ياقريبى....
ولا يجى كمال وطارق يفهموك ...
_________________________
عالم متمردة كيف ...لكن بنرجعها خطها   
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
بمزيد من الحزن والاسي ننعي الي آل بحري عامة وآل حلة خوجلي بصفة خاصة وابناء الاميرية واحد بصفة اخص زميلنا المرحوم ابو بكر عبد الله حاج الامين والذي
توفاه الاجل في مقتبل العمر واذ ننعاه ننعي فيه صفاته الحميدة واخلاقة العالية وصفاء روحه وطيب معشره الا رحمه الله رحمة واسعة والهم آله الصبر وحسن العزاء
وان لله وانا اليه راجعون
الرسالة التالية اتتني من زميلناودفعة المرحوم طيفور عثمان
رحم الله زميلنا ابوبكر عبدالله حاج الامين-حلة خوجلى
طيفور
17-11-2008
--------------------------------------------------------------------------------
Dear Friends,
Abubakr Abdalla passed away last week.
I have known Bakry since the days of Alamirya Wahed when we were young and green, over 40 years ago. I knew his mother, rahimah Allah, his sisters and brothers and all his family in Hillat Khojali.
I was lucky to know him even better when we met again in Al Saudia and we became vey close. I lived with him for two months before I started working in my first job in Dammam.
Bakri was one of the best people I ever met in my life. he was always smiling and laughing . he was generous and always happy to help others.
his house in Dammam was like a club for all of us awlad Bahri. we used to meet at his house every Friday and he will make us all feel at home.
Bakry was very religous but never patronising or judgemental. his religousness was the pure, loving and caring type, like the Islam we knew all our lives.
I feel sorry that I wasn't able to see him after he came back from Assaudia following his illness a couple of years ago. now I wish I made the time, whatever it takes, just to see him one more time.
ala rahima Allah Bakri rahmatan wasiaa wa lhamna jameean, his friends, al sabr al jameel.
for me he was a brother, a friend , my dufaa, and somebody that I will miss for the rest of my life.
Goodbye Bakri . In you we have lost a good friend and we can't say other than addawam lillahi wahdahu.
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
الإخوة محمود بشري وطيفور،وطارق فريجون، ومحمد سليمان، وحسن أبوزيد.. وبقية الأخوان..
أعزيكم وأعزي نفسي في وفاة المغفور له بإذن الله أبوبكر عبدالله.. سائلا المولى عز وجل أن يتقبله قبول الصالحين وأن يلهم أهله الصبر والسلوان...
كان لي أيضا شرف مقابلة المرحوم بإذن الله في الدمام وبعدها إنتقل للجبيل وتفرقت بنا السبل... رحمه الله رحمة واسعة...
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)
|
الأعزاء أبناء و بنات بحري
أطيب التحايا و الود
في البداية اتقدم بالتعازي الحارة لأبناء بحري و أسر و أصدقاء المرحوم فتحي كنوز و المرحوم
أبوبكر عبدالله رحمهم الله رحمة و اسعة و أسكنهم فسيح جناته مع الأنبياء الشهداء و الصديقين
و حسن أوالئك رفيقا.
الأعزاء كمال و طارق و عبدالكريم و حسن طه سيف الدين علي و أبوزقة و لكل المتابعين
للبوست والبحراويين حبيت أعرفكم أن الأخ أنور العجب ( أبو النور) في الوقت الحاضر و منذ بدأ
البوست ليس لديه أمكانية متابعة البوست لصعوبة الوصول للشبكة فهو يعمل متنقلا في المنطقة
الغربية من الأمارات و جزيرة دلما التي تقع في الخليج العربي الجزء الغربي لساحل الأمارات
و كل مشاركاته تصلني عبر الفاكس أو يوصلها بنفسه في بعض زياراته القصيرة لأبو ظبي ,
ودائما عن طريق التليفون بنقل له بأختصار مايدور بالبوست و هو طبعا بحسه البحراوي بيكمل
الباقي و بكل صراحة أبوالنور يملك رصيد ضخم من الذكريات البحراوية و بالرغم من سنين
الغربة التى أمتدت لسنوات طويلة لكنه مواكب لكل الأحداث و لم ينقطع عن بحري, الذي ماظن
أنه سوف يبعد عنها و هو بعد أكمال دراسته هندسة الطيران عاد للعمل بالسودان في بداية
الثمانينات رغم توفر الفرص في الخليج في ذالك الوقت, وا جهته بعض التعقيدات للعمل في
سودانير و المعروف انه درس بالهند, وأحد ظرفاء بحري قال له ( يأ ابو النور هسع لو كان
درست لينا سحر ما كان أحسن كل يوم نعمل لينا عرض في مدرستين في أمان الله).
أبو النور يعتبر من شخصيات بحري المألوفة بعجلته الرالي الدبل يمكنك ان تقابله في ميدان اليق
بالوابورات, البلدية بحري , سوق بحري القديم والجديد فكان كمية من الشقاوة و الشلاقة و أذكر
و تقريبا في نهاية الستينات و هو في الوسطى في ميدان الو بورات و في نهاية مبارة بين الصقر
الأسود و المستقبل و بعد ان تحرك بص مشجعي المزاد قامت شكلة كان طرفها بص كامل
من مشجعي الحلفايا و في الطرف الثاني أبو النور وصابرعلي صابر( كوفاديس) و طالوش
و في تلك المعركة غيرالمتوازنة الأطراف في العدد و السلاح فهم من غير عصي و الطرف الثاني
مدججين بالعكاكيز المضببة و لكن ثلاثتهم وقفوا وقفة رجل واحد حتى أنفضت المعركة و كان
يراقب الوضع من بعيد حربي عباس ولم يتدخل و عصر اليوم الثاني جاء من الدناقلة الى المزاد
يبحث عن ابو النور و عندما قابله شده من يده وقال له بالأنجليزية WELL DONE و لأنه كان
اصغر المجموعة سنا و مقارنة مع حجم المشكلة.
أبوالنور معروف في بحري لأنه طبعا كثير الحركة بعجلته المعروفة أو مشيا على الأقدام و هو
حتى الآن لم يتعلم قيادة العربات بالرغم من أن كل الحلة تعلمت القيادة في عربة الوالد الهمبر
وهي عربة قوية وكان يكمن تدويرها بأي مفتاح وفي السنوات الأخيرة كانت شغالة برقمين فقط
نمرة 2 ونمرة 4 يعني قريبة للسيارات الحديثة الآن فل اوبشن و كي ليس كمان. والعجلة الرالي
شهدت تاريخ عريق في حياة ابو النور و لقد ورثتها عنه و كنت أذهب بها للمدرسة الأهلية
(السكة حديد) و و لأنها معروفة و متميزة ليس لديها قفل و المدرسة كان بها أذكر كان بها
فراشين العم صالح الدنقلاوي و العم الماحي وكان لديه سلطات توازي ناظر المدرسة و الغفير
العم الحاج مؤمن وة ثلاثتهم عملوا لفترة طويلة منذ ان أفتتاح المدرسة عندما كانت في مكان
بحري الثانوية الحالي. و عرفت من بعض الأصدقاء أن العم صالح الفراش يستمل العجلة طول
النهار لقضاء مشاوير المدرسة و في نهاية اليوم يتركها في مكانها . فذهبت اليه و قلت له بكل
أحترام لماذا تستخدم العجلة من دون أن تستأذن مني فنظر لي و بلكنته قال ( ياود روح العجلة
دي أنا بعرفها قبل مايلدوك) فضحكت و ذهبت و تركته يستعملها كما يريد لمعرفتي بالعلاقة
القديمة و التاريخ الحافل للعجلة في حوش المدرسة.
من طرائف أبو النور
في أجازة من الأجازات ذهب أبو النور يتفقد أصدقائه بسوق الخضار في بحري و منهم( يكن) لاعب
فريق الصبابي السابق وبعد الونسة معه أستأذنه يكن أن يجلس له حتى يقضي بعض الأعمال في
المجلس. وفي هذا الأثناء و أبو النور جالس يبيع الخضار جاء أحد زملاءه بمدرسة العزبة
الأبتدائية من أبناء حلة حمد( أيوب طلب) و لم يراه منذ فترة طويلة فسلم عليه بحرارة يالله
الواحد! ولم يخفي دهشته بالمنظر!!! و بعض لحظات يمر المرحوم (علي ود أب كرم) ويسلم
عليه يا بحراوي ويرد عليه أبوالنور و يسأله و ين أخوك مصطفي و يرد عليه علي( لقد من الله
عليه و هو الآن بالحجاز) و كان ذلك بعد تدينه رحمه الله .
و لدي تعليق علي التصنيفات البشرية و القبلية البغيضة لقد انتهت هذه الأشياء في مدينتنا بحري
و ذابت هذه الأشياء و في بحري حتى لا نسأل عن من اين انت و ماهي قبيلتك فنحن من بحري
و كفى...
حتى التعالي المهني و الوظيفي غير موجود في بحري لقد ذكرت ذلك الدكتورة فريد طوبيا
فالناس كلهم مع بعض تربطهم الحياة الأجتماعية و الأندية المنتشرة في المدينة و التي تجمع كل
الناس بمختلف و ظائفهم و تعليمهم....
من أشهر ألقاب ابو النور من المرحلة الأبتدائية أسم ( بطيخة) و حكاية الأسم جاءت عندما كان
طالب بمدرسة العزبة "1"
حضر جمعية أدبية في العزبة "2" (لا حظ حتى المدارس الأبتدائية كان لديها جمعيات أدبية) و
بعد البرنامج المعد فتح الباب لمن لديه مشاركة, فصحبك طبعا الشلاقة و الشقاوة مع بعض رفع
يدو عندو نكتة و كان ناظر المدرسة المربي و الناظر المعروف حسن عبدالقادر فسمح له
بالمشاركة و النكتةهي ( في حصة الحساب سأل المفتش التلميذ كم تساوي 5+5 فتردد التلميذ في
الأجابة و مدرس الفصل من وراء المفتش يشير له بكلتي يديه ... فجاء الجواب من التلميذ
بطيخة) فمنذ ذلك الوقت أطلق عليه أسم بطيخة.....
و الى لقاء قريب أستودعكم الله
د. ابراهيم العجب
تخريمة
دي كلها مناوشات حتى وصول الونسة البحراوية
القادمة من أبو النور
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
شكرا يا دكتور إبراهيم أن أحطتنا بمجاهدات أبو النور وهو يؤكد حبه لمعشوقته بحري... وأبو النور كل الذي قلت وأكثر...فنحن عاشرناه وخبرناه فكان نعم الأخ والصديق.. وأبو النور يحب الخير للجميع ويحب العلم وكان وأعتقد لا زالت هناك معزة خاصة في قلبه لجامعة الخرطوم التي كان يسميها أم لبخ (كناية عن أشجار اللبخ التي كانت تزخر بها الجامعة)... وأذكر أننا وعندما أمتحنا ولم نتوفق في دخولها قرر أبو النور الإعادة وتعهد بان يستمر في الإعادة حتى يقيّض الله له دخولها وقال قولته المشهورة : والله أنا أم لبخ دي حأمتحن وأمتحن وأمتحن عشان أدخلها لحدي ما الله يقول :Pens Down ...
أبو النور كان ولا زال يحب الخير للجميع ولا يعرف الحسد لقلبه طريقا ...يهب لمساعدة الناس ويتلمس لهم الواسطات وينسى نفسه.. ما أن يسمع بأن لك مسألة إلا ويسارع في أن يقدم المساعدة وحتما ولعلاقته الواسعة فهو يعرف المسئول في تلك الدائرة ويسعى معك وقبلك لمقابلته...
أبو النور لو يسمح لي أخواني معتصم وإبراهيم كان السبب في دخول شقيقه معتصم (الناظر) الكلية البحرية .. ودوره لم يقتصر على تشجيع الناظر ولكن فيما أذكر انه هو الذي قام بإحضار استمارة التقديم وربما هو الذي عبأها أو قدمها... فتلك شهادات ربما خشى أخي إبراهيم أن يذكرها حيث أنه يعتقد أنه شهادته في أبي النور مجروحة.. ولكنها الحقيقة...
أبو النور شخصية محبة للناس محبوب لدينا ولدى كل من عرفه عن كثب..
أشواقي وتحياتي لك يا أبو النور..
| |
|
|
|
|
|
|
|
|
 Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
الدكتور ابراهيم العجب لم ولن انسي الهمبر فهي من اشهر العربات ببحري شأنهاشأن تاكسي عثمان نمره اتنين ... اها يا عوض الله مصطفي وحسن طه نظروا في
نمره اتنين دي ويللا ورونا شطارتكم لماذا سمي نمره اتنين واين كان يسكن ؟؟؟
المدرسة الاهلية تم كسر سورها والحقت ببحري الثانوية لتكون نهرا اضافيا للمدرسة وتم ذلك في زمننا .
لن انسي الاستاذ حسن عبد القادر اذا كان هو " ابو فصده" نفسه حين كنا نسميه كذلك وبحكم صداقته مع الوالد رحمه الله كان يغشانا بالمنزل ويدرسني حساب وكنت
اهابه جدا واكثر ما اخافه سؤالي عن 7x8 بي كم ......؟؟؟
| Quote: وأبو النور يحب الخير للجميع ويحب العلم وكان وأعتقد لا زالت هناك معزة خاصة في قلبه لجامعة الخرطوم التي كان يسميها أم لبخ (كناية عن أشجار اللبخ التي كانت تزخر بها الجامعة)... وأذكر أننا وعندما أمتحنا ولم نتوفق في دخولها قرر أبو النور الإعادة وتعهد بان يستمر في الإعادة حتى يقيّض الله له دخولها وقال قولته المشهورة : والله أنا أم لبخ دي حأمتحن وأمتحن وأمتحن عشان أدخلها لحدي ما الله يقول :Pens Down |
عين الحقيقة يا كمال فمهما قلنا لن نوفي ابو النور حقه فهو بالفعل ابو النور وشوقي له يتعدي كل حدود متعك الله بالصحة والعافية يا ابو النور ووفقك الله.
اخي كمال لن انسي تلك الايام وتلك الجمله الشهيره عن جامعة الخرطوم وقالها عندما كنا نذاكر بمنزلكم لامتحان الشهاده وبعد العشاء وضرب الطحنيه المشهوره
كان يقول قولته المشهوره ايضا :" انا ماشي اضرب العلم في البيت ..ّّ"
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)
|
الأخ كمال السر كرار
الأخ الباشمهندس طارق
الأخ المستشار عبدالكريم
الأعزاء أبناء بنات بحري الأوفياء
أطيب التحايا و الود
و لكم كل الشكر عن شهادتكم لآبوالنور و فعلآ نعم الأخ و الصديق و الكل يعلم أن كل ماذكر الأخ كمال عين
الحقيقة فهو أعطى الكثير و مازال السند و الدعم لكل البحراويين و أهله و اصدقائه نسأل الله ان يثبت
أجره و ينعم عليه بالصحة و العافية و أن يوفقه في كل ما تصبو اليه نفسه الكريمة.
و زي ما ذكرت كان لأبوالنور حب و شغف كبير ب (أم لبخ) أي جامعة الخرطوم و من آخر قصصه كتب رسالة
ٍSMS
بالغة الأنجليزية للأخ الدفعة عمر الفاضل فأتصل عليه عمر ٌقال له ( يا أبو النور أنت و قت أنجليزيتك
شديدة كدة مالك ما قريت جامعة الخرطوم) فكان الرد من أبو النور ( هو صلاح جربوية أدانا فرصة عشان
نقرأ نرجع من الكورة يقول ليك الليلة في فيلم شديد ندخل سينما الصافية الدور الثاني)
مع تحياتنا للأخ صلاح محجوب و أسرته
و نواصل الذكريات
د.و أبراهيم العجب
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: والله صحي صلاح جربوية يطلع الواحد من الجنة وسقطها...
طارق أبو النور كان بيقول: وبعد العشاء مباشرة نمشي نسك العلم في البيت |
ود السر كرار , ود ميرغني علي مصطفي وود العجب
يعني لمتكم كانت طحنيه وسينما دور تاني والسبب صلاح جرب ,, كان كدا البركه في الطحنيه ودور الصافيه التاني ,, بس اوعى تكونو قبل الذهاب للسينما بتمرو علي البيت الناصيه وانتو ماشين علي السينما؟؟
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: ناهد هينة ...
الكلام وزارة الداخلية ...
عارف نحن (وزارات الداخلية ) ديل كلنا
عاملين زى الرقم 59
اصلوا مابيقبل (المرقة) اقصد القسمة
على اى رقم فى الدنيا ...الا على روحه دى بس...
فهمت ياقريبى....
ولا يجى كمال وطارق يفهموك ...
_______________________
عالم متمردة كيف ...لكن بنرجعها خطها |
يا قريبتي سلامات
والله نحنا الرقم البقبل القسمة ذاتو ما بنفع معانا
مع انو وزارة الداخلية دايما 999 وده رقم هين ولين وبدل 2
بقبل القسمة على 3 كمان
لكن الله غالب ... وكفاية لحدي هنا لا تودينا في داهية
وبعدين نبقى في حلايف والله ما قاصد
ومعليش وانا دايما وطوالي ومن زمان ونضطر ندين عشان نجيب لينا دهباية
تهدي النفوس
كدة كويس يعني ؟؟؟؟؟؟
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
مشاركة اخري من اخي حسن ميرغني:
Quote: ألاخ عماد عثمان لك ألشكر لما تقوم به من عمل كبير للتوثيق لشخصيات بحراويه لها دور علي مستوي ألمدينه وألسودان
سلامي كمان لاخوي عبد ألكريم إبن أحمد بن ألامين بن عقبه بن نافع رضي ألله عنهم أجمعين صديقي تلوب مشتاق ليك وتذكر كنا قاعدين ألوالد عمر وانا وكان الموضوع موانع الحمل فى أيام زمان أخد ألولد صنه وقال هو صاحبكم دا ذاتو جأ غلط. كان صديقا لنا أجمعين له ألرحمه
بمناسبه حنكشه ألحبوبات ياكمال مأشي أنا وألمدام قلت ليها تعالي نمشي بي هنا في طرأوه قالت لي قلت شنو قلت لها ما قلت شى نسيت انا ما من ألصافيه ولا حتي من حلفا.
ويا أخويي يا كمال أنت عارف حلوبية طارق دى ليه ؟ لانو رضع من حضارتي ألنيل وفأس
له ولكم ولبحري ألمحبه
حسن ميرغنى
|
طبعا يا كمال زوجة حسن اخي مغربيه حتكون فاكره الطراوه دي كسكسي ولا بقلاوه.
مع انها والحق لله فصيحه وتعرف سوداني للنخاع بما فيها الويكه والكمونيه .... يعني الحاجات المانعننا ليها ديك..!!!
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
أخوي الصغير حسن ميرغني... (أبو علي المغربي)..
سلامات عساك مزيان..على قول أهلكم في فاس...
يحمد لآل ميرغني أن البيت منقسم إلى فسطاطين... الفسطاط الأول حلبي.. ونقوده الأخت سامية...وترجع كرموزماتهم لفاس الما وراها ناس .. والفسطاط الثاني أولاد بلد زي وعلى راسه الأخت / هدى... وترجع كرموزوماتهم للعمارة طه وأربجي وود سلفاب وحي البدوان...وأنت وطارق موزعين بين الفسطاطين... لكن الوحيد الما لقيت ليهو فسطاط تراه محمدو ده.. ده نختو وين في فرع الهلالية ولا أبو فروع
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: فهمت ياقريبى....
ولا يجى كمال وطارق يفهموك ...
|
د. أبراهيم قناوي...
عرفت فألزم...
لكن بس بقول ليك فإن كان ولابد...
نقل فؤادك حيث شئت من الهوى .. وما الحب إلا للحبيب الأول...
بعدين تعال... إنت منو القال ليكم أصلا دي وزارة الداخلية...
دي رئاسة الوزراء بحالها... وما عندها رقم..بس بتشتغل بالرسائل (القلبو..معنوية)..(والمحبو.. عشرية)..و(المصيرو.. أبدية)... وسلامتك يا دكتور..
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
| Quote: بكل وضوح هذه هي نظرية التطور والنشوء منذ القرد وحتي البني آدم |
.
ياطارق، حقيقة دي تفنيد لنظرية التطور والنشوء لأنو القرد الفي الصور دي كان "مبلوع" أكتر من "البني آدم" التالي .. يعني تطور ونشوء في الاتجاه المعاكس !!
ّّ
.
.
.
.
P.S.
ولا يهمك يارجل،، كلنا في الهوا سوى: "الككو" الزمان أفضل حالاً بكثير من "الغوريلا" الحالي ..
.
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)
|
Quote: والله صحي صلاح جربوية يطلع الواحد من الجنة وسقطها...
|
الاخ كمال
واللة جربوية بختوا خففتوا ليهو ذنوبو من غير مايدري
وانا طبعاً وجدتوا انه لايعلم شئياً عن هذا البوست والونسة فيهو ،ولما اخبرتوا قال لى بفلسفة انو مشكلة ناس كمال وطارق انهم ماعاوزين ينسوا ويتخطوا مرحلة زمن الدراسة ويعيشوا الواقع الان .
شفت الفلسفة دي كيف
وبالمناسبة انشاء اللة تكون رسلت ليهو الموبايل لانو بكون شايل حالك
طارق
ياخي غير الصورة المزعلة منك الناس دى وارتاح ماتبقي عنيد زى كمال شداد
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Ali Sirelkhatim)
|
الأعزاء ابناء و بنات بحري الأوفياء
أطيب التحايا و الود
و اليكم تصبيرة من الأخ أبو النور و ذكريات من الزمن الجميل
و الحلقة التاسعة من مسٍٍٍٍـــــلســــــل أبـــــو النـــــور( أنــــــور العجـــــــب)
TARAWA DELIVERY #9
أحبائنا أهل الطراوة نعود لونستنا العنكبوتية بعدما كانت زمان قعاد خيران و تطورت لقعاد قدام
البيوت على كراسي البلاستيك المتهتكه من كترت القعاد و جوكاكة الموية على الترابيز الحديد و
الباقات ما عارف ليه كنا بنختها في الواطة !! و الونسة بتدخل الحوش لمن يكون في ناس بتشوت ظفاري
بعد ما يكمل الطرح الجميل وا لمواهب تصدح ايام صفانا و فراق الزين و نار البين حموني النوم .
و أكبر تجمع و نسة في المزاد كان قدام بيت ناس عوض الله مصطفى ويومي بيمروا عليهو العشرات في
كاونتر سودانير " عمارة التاكا" و مع مشغولياته الكثيرة عامل الدعوة عامة "أسمع مروا علينا بعدين"
و الحاصل مابيكون مذكر غير آخر أثنين مروا عليهو و بيعمل برنامجه على كدا . مالك و حاتم
بيظبطو "الحلة" وراء الباب طوالي و خدمات هيلتون و يختو كراسيهم و بعد شوية ناس تكون جايه مشي و
ناس بتكاسي من محلات بعيدة و الكراسي تكمل و يحركوا كنب من أقرب فصل من مدرسة المزاد ماهي قدام
البيت الباب في الباب و كنبة وراء كنبة يكون طلع فصل كامل المشكلة بتاعت الجلوس محلولة لكن العضة!
و أحسن زول يرتب الأمور مالك مصطفى بيديها مش كوز كيزان و في النهاية الشغلانة تبقي " فتة" و
مهارات فردية.
و بمناسبة الفتة في واحد من أولاد العسيلات سمعوا شوية ثقيل و ملقب ب "الأطرش" وكان شقي شديد و
طبعا
مجنن المدرسة كلها معلمين على طلبة زوغانات و دق للشفع المهم الأستاذ بيحفظ فيهم جدول"2" طلعوا
بره ما حافظ طبعا قام قال ليهو يا معتصم يا أبني لو عندك ست عيشات و معاك أصحابك أثنين كل واحد
يكون عندو كم؟ قال ليهو بنفتها يا أستاذ ......حلوة دي
و الى لقاء آخر أذا مد الله في الأيام
أنــــور العجـــــب ( أبــــــو النــــور)
_______________
تــخــريـــــمة:
يظهر صاحبكم أبورالنور مشتاق لجلسة قدام بيت ناس جربوية مع التعلقات و الونسة و طراوة بحري
[/B
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Ibrahim Elagab)
|
ياسلام عليك ياابونورة ذكرتنا الجلسات امام منزل الكوتش عوض الة ونحن كنا بعد التمرن نمشى نستحمي ونجي راجعين بسرعة و نجلس مع الكوتش ونطلع الكراسى بفوق الحيطة وهاك ياونسة وضحك وياتي
عوض اللة بالجيتار من الداخل وينقرش فيهو ،وبعد شويةتبدأ العربات فى التوافد و يتجمعوا اصدقاء عوض اللة بعضهم من امدرمان وبعضهم من الخرطوم والبعض الاخر من ناس ابوظبي وطبعاً بعد د نحنا بنقوم نتخارج وتدور اغاني الامان الامان .
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: معاوية محمد الحسن)
|
Quote: ياسلام عليك ياابونورة ذكرتنا الجلسات امام منزل الكوتش عوض الله ونحن كنا بعد التمرين نمشى نستحمي ونجي راجعين بسرعة و نجلس مع الكوتش ونطلع الكراسى بفوق الحيطة وهاك ياونسة وضحك وياتي
عوض اللة بالجيتار من الداخل وينقرش فيهو ،وبعد شويةتبدأ العربات فى التوافد و يتجمعوا اصدقاء عوض اللة بعضهم من امدرمان وبعضهم من الخرطوم والبعض الاخر من ناس ابوظبي وطبعاً بعد د نحنا بنقوم نتخارج وتدور اغاني الامان الامان |
ابو عوه
اصبحت لدينا انتلجسيا الحنين للماضي وهي الشئ الوحيد الذى تبقي لنا لكي نعيش عليه فالمستقبل مُظلم ولن تتكرر تلك الجلسات في ظل تفرق الجميع في الشتات ,, والذى لاندرى نهايته لكي تعود تلك الجلسات واللمات فى ست الهوى والطراوه..
كسره:- وبعد تخلص الاغاني تكون المُساعده بالدعايات (اندروس مُنعش فوار)(وصابون فُونا)
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: معاوية محمد الحسن)
|
الاخ عبد الكريم
بمناسبة ذكريات الماضي وايامنا الحلوة فى منزل المغتربين مع الأصدقاء الأعزاء خالد وطارق وسامي وعشرات الحريق التى كانت مدورة كبريك عن المذاكرة أهدي اليك هذه الرسالة التى وصلتني من أحد اقربائي عن الوضع السياسى الراهن فى السودان على لسان مجنون كوتشينة :
الصادق حرق ...الميرغني نازل معرج .....نقد ورقو زائد ....الترابي قافل على كرت ميت .....
سلفاكير فاتح لكن منتظر الخمسين ....البشير لأعب على دكها.
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)
|
Quote: عبد الكريم ..
بمرور الزمن معظم خيران المزاد أدفنت غايتو إلا تبادر أنت ومعاوية بإرسال قيمة تكلفة حفر خور جديد والتصميم الهندسي مجاناً من قبل المهندس عيسي حسن الزين .. |
ابو رزقه
والله اولاد حسن الزين مابقصروا وفضلهم علينا جميعاً تحياتنا لهم ..
** مسؤول من الخير د.الزين دا وصل المزاد ولي لسه في مطار القاهره؟؟!!
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: العزيز أبو محمد فؤاد
خليت المستشارية وبقيت تبيع المية في حارة السقايين...
هسع عليك الله المتل عوض الله ده كتفو مليان أزبلايط... بقولوا ليهو راجع الكاونتر؟!!!!
هو الكاونتر بشتغل كما لحقوه ونجدوه ناس الكوتش...
كن بخير |
ود السر كرار
فهمتني غلط أنا بقصد الكاونتر الخاص بشباكي ,, ماالكاونتر الخاص بناس عوض الله.
ودام الود بيننا
(ابو محمد فؤاد -دبي)
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
الخائن في الافلام الهنديه زي ما قال ابو رزقه او الرئيس في امريكا اللاتينيه وي ما قال عبد الكريم كلو خائن لكن ان شاء الله في الشكل بس ما تكون بوهيه
ولون كما يقول اساطين البرتيته.
اخي علي سيتصل بك ان شاء الله الاخ حسن ميرغني .
اما بخصوص الديناصورات يا علي اذا كان إنت ديناصور امال حسن طه يكون اميبا ؟؟؟؟؟؟؟
الاخ معاويه طبعا بعد ما ابو النور خلي الحله جاهزه للسواطه قلت احسن نزوغ ونتبرأ من الفته واكتفي فقط بسماع الامان يا حبيبي الامان . امال البيغني الامان
منو......... ابو النور ؟؟ولا عوض الله مصطفي سيد البيت.!!!
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: أولا السلام عليكم
والله يا كمال السر ويا طارق ميرغني عجبتني إدارتكم لهذا البوست....وده ما غريب علي أولاد الأستاذ أحمد عباس ومحمد سعيد معروف ......وياريت تمشو من بحري شوية لشمبات ...
تحياتي |
أسامة ميرغني...
سلامات
والله فاقدنك في بحري الأميرية وفي بحري المدينة...
يا أخي طل علينا وليك علينا نمشي شمبات الحجل بالرجل
تحياتي
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالمحمود محمد عبدالرحمن)
|
Quote: Quote: ماعجبني البوست يكون فى أخر الصفحة التانية كمان قلت أجيبو ليكم قريب لانو مامعقول بحري بجلالة قدرها ماتكون فى الصدارة.
_______________________________________________
نرفع لافتة:
البوست للتقبيل ... لعدم التفرغ ..
|
شفتو الزكاوة بتاعت الدكتور
آل البوست للتقبيل آل
بس طريقة حلوة عشان يخلي البوست في الصدارة.
انا ما زمان قلت ليكم الدكتور بياخد صنة وبعديها درر.
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: وياريت تمشو من بحري شوية لشمبات ...
|
الأخ/ أسامة ميرغني ..
شمبات نوارة بحري وقلبها النابض
شمبات القرآن والخلاوي
شمبات العلم والمعرفة
شمبات الشموخ شمبات الشيوخ
شمبات الظلال الوارفة والحدائق الغناء
شمبات الشعر والفن والكورة
شمبات الطيبة وإصول الجيرة
ناسا حًنان يكفكفوا دمعة المهجوع
يحبّوا الجار يموتوا عشان حقوق الجار ..
لو متتبع أخي الكريم لسلسلة مقالات الرائع أبو النور في هذا البوست فقد كتب كثيراً عن شمبات ووصل حتى أبو حليمة والفكي هاشم وهو الآن على تخوم الجيلي وما زلنا في إنتظار المزيد منه ومن شخصكم الكريم ..
ولك مودتي
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: ولو الحفله مدوره قدامو بشوف ليهو عشرة وست ولى هارت ولي حريق ابو ملحه..
ياخوي كل اول وليهو آخر... |
يا كرومة...
والله المثل بيقول إن غلبك سدها وسع قدها!!!
أنت وكتين اتحجبت ... القمار ليك شنو؟؟؟
تعرف يا كرومة...
الكوتشينة هي الضرة الأولى للزوجة...
إن ما مصدقني أسأل الأستاذة ناهد...
فتك بعافية...
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: المشاركة التالية من عماد عثمان احمد - جدة
الفنان عبد الكريم الكابلي ( الجزء الأول )
- ولد الفنان عبد الكريم عبد العزيز الكابلي بمدينة سواكن ونشأ وترعرع بها واكمل تعليمه حتى الثانوي بمدينة بورتسودان حيث تخرج من الثانوية التجارية ثم سافر الى الخرطوم من اجل العمل حيث التحق بالمصلحة القضائيه وتعين في وظيفة مفتش بإدارة المحاكم وطاف العديد من مدن السودان في مجال عمله ومكث لفترة طويلة في مدينة مروي ووصل الى درجة كبير مفتشي إدارة المحاكم وفي العام 1977 م هاجر الى المملكة العربية السعودية ليتعاقد في احدى المؤسسات السعودية إداريا في مدينة الرياض ولم تستمر غربته طويلا حيث عاد الى السودان في العام 1980 م ليواصل رحلته الإبداعية مرة اخرى .
- غني عن القول ان تعدد المواهب لدي الفنان عبد الكريم الكابلي تعود الى البيئة التي نشأ فيها فوالدته شاعرة متمكنة وحافظة لرصين الشعر الشعبي واعذبه اما والده فقد كان وذو صوت جميل يطرب له جلساؤه في حلقات السمر التي كان يقيمها والتي كان يحضرها عبد الكريم عندما كان صغيرا وكان احد الشباب المبدعين واحد المثقفين الذين شاركوا في النشاطات الثقافية والفنية والإجتماعية في مدينة بورتسودان في الاربعينات وقد ورث الفنان عبد الكريم الكابلي كل تلك الصفات والمواهب المتعددة من والده ومن تجربته التي صقلته ليكون بعد ذلك احد رواد التجديد للأغنية السودانية ..
- بدا الفنان عبد الكريم مسيرته الفنية هاويا بالغناء للأصدقاء في جلسات صغيرة وكان يقوم بتقليد كبار الفنانين لفترة طويلة من الزمن ويعود سبب تردده في مواجهة الجماهير لإلتزامه الفني فهو يرى ان على كل من يتصدى لدور الفنان مسئوليه جسيمة تقع على عاتقه وان الإلتزام با الاستمرارية يصبح ضرورة يستوجبها التجاوب المشجع من قبل الجمهور في حالة النجاح وخلال تلك الفترة قام بإهداء الفنان الراحل المقيم عبد العزيز محمد داؤد اغنية يازاهية وهي اول اغنية لعبد الكريم الكابلي من كلماته والحانه وعندما قام الزعيم الراحل جمال عبد الناصر بزيارة السودان في العام 1960 م اصر اصدقاؤه من عشاق الفن ان يقدم بصوته انشودة اسيا وافريقيا للشاعر تاج السر الحسن والتي قام بتلحينها فقام بغنائها امام الضيف الكبير وكانت بداية مواجهة الجماهير وبداية النجاح وهكذا فقد كان صعوده الى خشبة المسرح مزامنا لصعوده الى قمة هرم الغناء السوداني .
- عرف عنه ومنذ وقت مبكر بالبحث والتنقيب في التراث الشعبي للشعر في السودان كباحث متخصص في دراسته وتجلى ذلك في عدد كبير من اعماله مثل ماهو الفافنوس وقلبي المن نشوه وخال فاطمة والحسن صاعقة النجم ومدحة ليلة المولد رائعة المجذوب حيث ياخذنا الى اجواء حلقات الذكر في ليالي المولد وقدم نماذج من الالحان الشعبية في اوبريت مروي وابرز هذه النماذج هو ( يا الحلة تنوري ) والتي استوحاها من من الأغنية الشعبية الشهيرة ياللوري تشيل منو . . غير غزال نوري تشيل منو . .
- تم تعيينه سفريا فخريا للنوايا الحسنة من قبل صندوق الأمم المتحدة في العام 2004 م وتم تكريمه بالدكتوراة الفخرية من قبل عدة جامعات سودانية وذلك نظير ماقدمه للفن السوداني من ابداع خالد اثرى به وجدان الشعب السوداني .
- امتاز بوفائه وتقديره للفنانين الذين سبقوه في مجال الفن وفي ذلك نستحضر إصداره شريط خاص للفنان الراحل حسن عطية بعنوان امير العود تناول فيه عدد من اعماله الخالدة وكما قدم في رمضان الأسبق مجموعة من السهرات الوثائقية لعثمان الشفيع والتاج مصطفى وعبد العزيز محمد داؤد .
- الاغنيات :-
- اغنيات عاطفية :-
- الشاعر صديق مدثر : ضنين الوعد .
- الشاعرعبد العزيز جمال الدين : لو تصدق .
- الشاعر توفيق صالح جبريل : كسلا .
- الشاعر تاج السر الحسن : اسيا وافريقيا ( اول اغنية للفنان الكابلي ) .
- الشاعر اسحاق الحلنقي : عقبال بيك نفرح يازينة .
- الشاعر عوض احمد خليفة : اغلى من عيني , كيف يهون , غرام , روعة الليل .
- الشاعر الحسين الحسن : طائر الهوى , صبابة , اني اعتذر (حبيبة عمري تفشى الخبر ) .
- الشاعر محمد الفيتوري : في حضرة من اهوى .
- الشاعر عمر الطيب الدوش : سعاد .
- الشاعر مهدي فرح : ياحليلكم .
- الشاعر حسن عباس صبحي : ماذا يكون حبيبتي .
- الشاعر محمد عوض الكريم القرشي : كلمني ياهاجر .
- الشاعر عبد الوهاب هلاوي : اغلى من نفسي .
- الشاعر التجاني حاج موسى : عز الليل .
- الشاعر محمد احمد سوركتي : حاول كمان ( اخر اغنيات الفنان عبد الكريم الكابلي ) .
- اغنيات عاطفية من كلمات عبد الكريم الكابلي : زمان الناس , زينة وعاجباني , من قلبي عقبالك , براق العيون , اكاد لا اصدق , تاني ريدة , اكيد اكيد حنتقابل , الشاهد قمر , مروي , شمعة , كل الجمال , ياجار , نسيم الصبا , كنا في حفلة ليلة , امير , المرايا , مشاعر , حبك للناس , كل يوم معانا , ياهاجر , ياحلو , ماخلاص نسيتنا , كللي ياسحب , ليس في الأمر عجب , سكر سكر , الليل عاد , قمر دورين , ياستار علي , الحلم الجميل .
- اغنيات وطنية :-
- الشاعر عبد المجيد حاج الأمين : هبت الخرطوم , ناصر .
- الشاعر ابو آمنة حامد : جمال العربي .
- الشاعر محمد سعيد العباسي : عهد جيرون .
- الشاعر عمر الطيب الدوش : مسئول كبير زار البلد .
- الشاعر سعد الدين فوزي : السودان الجديد .
- الشاعر صديق مدثر : نشيد التعاون , يازارعا بالعلم .
- الشاعر الشريف يوسف الهندي : اوبريت الهجرة .
- اغنيات وطنية من كلمات عبد الكريم الكابلي : فتاة اليوم والغد , فلسطين , عيد بلادي . كل العواصم تدور .
- اغنيات لشعراء عرب :-
- الشاعر عباس محمود العقاد : شذى زهر .
- الشاعر علي شريحة : اغلى من لؤلؤة .
- الشاعر ابو فراس الحمداني : اراك عصي الدمع .
- الشاعر علي محمود طه : الجندول , ليالي كليوباترا .
- الشاعر يزيد بن معاوية : نالت على يدها .
- الشاعر احمد شوقي : صداح ياملك الكنار .
- اغنيات من التراث :-
- ماهو الفافنوس لبنونه بنت المك نمر , الشيخ سيرو , الجنزير في النجوم , قلبي المن نشوه للحاردلو , القايمة بنبونه ودناب , , الموز روى , خال فاطمة , علي ( فرتيقة ام لبوس ) , نوم عيني , حليل موسى , كباس , زينب , خالد , الحسن صاعقة النجم .
- مدائح نبوية :-
- الشاعر محمد المهدي المجذوب : ليلة المولد .
- مدحة نبوية من كلمات عبد الكريم الكابلي : يارب العباد .
- كل الاعمال الغنائية اعلاه من الحان عبد الكريم الكابلي عدا :-
- اغنية طائر الهوى الحان بشير عباس .
- اغنية اغلى من نفسي الحان اسماء حمزة بشير .
- نشيد السودان الجديد الحان اسماعيل عبد المعين .
- اغنيات حقيبة برع وتمكن في ادائها عبد الكريم الكابلي :-
- الشاعر ابوصلاح : من فاح طيب رياه , وصف الخنتيلة , غزال الروض , خلي العيش , البديع الهواك سباني .
- الشاعر مصطفى بطران : دمعة الشوق .
- الشاعر خليل فرح : ماهو عارف قدمه المفارق , بدر التمام , الشرف الباذخ .
- الشاعر محمد علي الأمي : انت حكمة .
- الشاعر سيد عبد العزيز : بت ملوك النيل .
- الشاعر محمد بشير عتيق : الرشيم الأخضر ,
- اغنيات من كلمات والحان عبد الكريم الكابلي قام بإهدائها لزملائه الفنانين :-
- الفنان عبد العزيز محمد داؤد : يازاهية .
- الفنان ابوعركي البخيت : مرسال الشوق .
- الفنان كمال ترباس : بريدك والريدة ظاهرة في عيني .
- الفنان عمر الشريف : سامريني . . لم يواصل الفنان عمر الشريف مسيرته الفنية .
- مقاطع لبعض اغنياته :-
- مروي :-
فيك يامروي شفت كل جديد
فيك شفت عيون لعبو بي شديد
وانكويت بالنار من زهور في خديد
وضقت في ليلي لذة التسهيد
ومهما زاد وجدي مابسيب الريد
لاني قلبي حنين وبعشق التغريد . .
- اسيا وافريقيا :-
عندما اعزف ياقلبي الاناشيد القديمة
ويطل الفجر في قلبي على اجنح غيمة
سأغني آخر المقطع لي الآرض الحميمة
للظلال الزرق . . في غابات كينيا والملايو
لرفاقي في البلاد الاسيوية للملايو ولباندنق الفتية
لليالي الفرح الخضراء في الصين الجديدة
والتي اعزف في قلبي لها الف قصيدة . .
- ضنين الوعد :-
يا ضنين الوعد اهديتك حبي من فؤاد يبعث الحب نديا
إن يكن حسنك مجهول المدى فخيال الشعر يرتاد الثريا
كلما اخفيته في القلب تنبي عنه عيناك ولايخفى عليا
أنا أن شئت فمن اعماق قلبي ارسل الالحان شلالا رويا
وابث الليل أسرارا الهوى واصوغ الصبح ذوبا بابليا
لاتقل اني بعيد في الثرى فخيال الشعر يرتاد الثريا . .
- اني اعتذر :-
حبيبة عمري تفشى الخبر وذاع وعم القرى والحضر
وكنت اقمت عليه الحصون وخبأته من فضول البشر
صنعت له من فؤادي المهاد ووسدته كبدي المنفطر
ومن نور عيني نسجت الدثار ووشجته بنفيس الدرر
ومن حوله كم شددت الضلوع فنام غريرا شديد الخفر
ولكن برغمي تفشى الخبر وذاع وعم القرى والحضر . .
- عز الليل :-
في عز الليل . .
ساعة النسمة ترتاح . . على هدب الدغش وتنوم
انا مساهر . .
هد الحيل . . غرامك واجترار الذكرى . .
طيفك في خيالي يحوم , ,
ياهاجر . .
- زمان الناس :-
زمان الناس هداوة بال وانت زمانك الترحال
وليلهم عمره ما سال وليلك لصباحو سؤال
بسيمتك يارقيق الحال ومكتوب ليك تعيش رحال
تسامر في الغيوم أشكال روائع تذهل المثال
شئ سيرة زفة بطبال عروسة في جبينها هلال
مواكب فرحة من اطفال يحاكو السمحة ست الخال
تلك الأغنية الرائعة كتبها الفنان عبد الكريم الكابلي في غربته والتي لم تستمر طويلا في السعودية وتنتهي تلك الأغنية بالمقطع التالي :-
غريب والغربة أقسى نضال . . غريب والغربة سترة حال
قريب وبعيد حضور وزوال . . تروم الاصلو مابنطال
تراقب في المجرة ذوال . . عيونك ما عيون اجيال . .
- لو تصدق :-
انا . . لو تصدق ياشباب عمري المفتق
شلت كل الريد مشاعر حلوة نديانه وخصيبة
واشتهيت يهل وعدك لي هناء أفراح وطيبة . .
- كيف يهون :-
كيف يهون عندك خصامي وترضى من عيني تغيب
وانت بيك اسرار سعادتي وانت اكتر من حبيب
شفت بيك الدنيا نايرة وعشت فيك املي الخصيب . .
- كل يوم معانا :-
كل يوم معانا وماقادرين نقول ليك
انك في قلوبنا وكم نشتاق لعينيك
حنانك ياحالم . .
عشناك في الاماني وانت قريب معانا
في سر الغرام . .
اهديناك اغاني تنبع من دمانا
ترمز ليك دوام . .
فيها زهور جنينة في قلوبنا الحنينة
الراجياك دوام . .
كل ما نقول نصارحك يتجمد بيانا
يغلبنا الكلام . .
كم نشتاق لعينيك كم نشتاق لنقول ليك
حنانك ياحالم . .
- ماذا يكون :-
ماذا يكون ؟ حبيبتي ماذا يكون ؟
ياجرح دنياي الذي لايندمل
يامن تركت القلب ينزف في أنين
حسرات لحظات تولت في وجل
كصدى يطير مضيعا عبر السنين
ماذا يكون ؟ حبيبتي ماذا يكون ؟ . .
- عقبال بيك نفرح يازينة :-
عقبال بيك نفرح يازينة
نشرب شرباتك يازينة
نوقد شمعاتك يازينة . .
وهي من الأغنيات المليئة بالبساطة والفرحة وهي للشاعر إسحاق الحلنقي . . وهذه الأغنية كان يفتتح بها عبد الكريم الكابلي حفلاته في مناسبات الأعراس .
- امير :-
زيد في صدودك وانا اسهر كتير
ماتقلل غرورك انا عايزك امير
انت امير علي وعلى قلبي الكبير . .
- سعاد :-
دقت الدلوكة
قلنا الدنيا مازالت بخير
اهو ناس تعرس وتنبسط
تككت سروالي الطويل
سويت لو رقعات في الوسط
من خشمي عضيت القميص
اجري وازيد شوق وانط
لامن وصلت الحفلة زاحمت الخلق
وركزت
شان البت سعاد . .
- كل الجمال :-
كل الجمال ياغالي في لحظة مودة
ونظرة عابرة بسمتك . .
- زينة وعاجباني :-
زينة وعاجباني . .
تعجب كل شاعر يلعب بالمشاعر
عليها يهنيني ويقول زينة وعاجباني . .
انا بي ريدا ناذر اني اكون مغامر
وبكل غالي عندي اضحي ولا احاذر
وبا لايام وبعدي وكل عزيز ونادر
لانها لو عرفتو عفافا عليا قادر . .
- شمعة :-
كم شمعة سالت فوق خدود الدمعة
ضوت للعيون الفي السهر مجتمعة
ترقص شمعتي الضواية
ترقص وفي رقيصا حكاية
من فصلين لاحلى رواية
وفيها من البداية نهاية
مشوار وانكتب لخيالا
يبكي ويحكو حالو وحالا . .
- فتاة اليوم والغد :-
أي صوت زار بالأمس خيالي
طاف بالقلب وغنى للكمال
واذاع الطهر في دنيا الجمال
واشاع النور في سود الليالي
انه صوتي انا . . انا ابنة النور انا
اوتدري من انا . . .
- المرايا :-
شوق ونغم وقلوب فرحانة . . ذوق وفهم وعيون سرحانة
نور . . وزهور . . وعطور . . واستلم المجال
صوت منساب بلور . . شبه ناس قلال
خفة روح عصفور واشراقات جمال
خلا قلوبنا طيور وحال ارواحنا حال .
- تاني ريدة :-
تاني ريدة . . وكمان جديدة
ياقلبي مالك في دروب دلالك
تحكم علي بعيون سعيدة
كانوا . . ماشفتو الغرام كأنو ما عشتو
الحقيقة . .
كانوا ماذقت المنام راح طيفو يتحرك
دقيقة . .
وتخلق معاذير للحبيب وتقول كمان كلمات
رقيقة . .
في ضحكتوا وفي بسمتوا
وفي ضئ مواهبو وحسنو تتمنى
الحديقة . .
- اكاد لا أصدق :-
اكاد لا اصدق . . يا أنت يا أنت انني
اكاد لا أصدق . . اهذه الحروف
كل هذه الحروف خطها بنانك المنمق . .
- ياقمر دورين :-
ياقمر دورين انا شفتك وين
طبعا في الليل وفي ضفاير النيل
في رمال سهرانة راجياك تسيل
في عيون نعسانة غارقة في التكحيل
في قلوب فرحانة عامرة بالتهليل
في دموع الساقية يرنو ليها نخيل
وكل ديل في وطني احبك ياوطني
وهي ايضا من الأغنيات التي كتبها عبد الكريم الكابلي في الغربة . . وتنهي بالمقطع التالي :-
ونبتهج نحن وصغارنا
يا اصلنا ومبتدانا ويا حلاة مرتع صبانا
وذكرياتنا ومشتهانا
وانت فينا كبير وشوقنا ليك كتير
والقوما ليك ياوطني . .
- ياهاجر :-
ياهاجر اهديك انغام تحكي الأحلام من صابر
احلام حبي واملي السعيد وانغام قلبي الشاكي وعنيد . .
- شذى زهر :-
شذى زهر ولا زهر . . فأين الظل والنهر
ربيع رياضنا ولى . . أمن اعطافك النشر
نعم انت الربيع لنا . . وانت النور والعطر
وانت السحر مقتدرا . . وهل غير الهوى سحر
وبي سكر تملكني . . واعجب كيف بي سكر
ردد الخمر عن شفتي . . لعل جمالك الخمر
خذي الدنيا باجمعها . . حبيب واحد ذخر
إذا ضاءت مطالعه . .فكل سمائنا بدر
خذو دنياكم هذه . . فدنياواتنا كثر . .
- اغلى من لؤلؤة :-
اغلى من لؤلؤة بضة صيدت من شط البحرين
لحن يروي مصرع فضة ذات العينين الطيبتين . .
- نالت على يدها :-
نالت على يدها مالم تنله يدي نقشا على معصم اوهت به جلدي
كانه طرق نمل في اناملها او روضة رصعتها السحب بالبرد . .
- اراك عصي الدمع :-
اراك عصي الدمع شيمتك الصبر
اما للهوى نهي عليك ولا امر . .
- الليل عاد :-
الليل عاد والشوق زاد ياحبيبي
كيفن عاد ويبقى بعاد كل نصيبي
الليل عاد والشوق رجعني لايامك وانت معاي
أيام كنا نشيد ونبني احلى ظروف بحروف ضواية
أيام حسنك لون فني يشهد ليك ياحبيبي غناي
كنت علي ياجميل بتميل ديمه تقول مشتاق لرضاي . .
- من قلبي عقبالك :-
من قلبي عقبالك ياراسي يازين
ياحشمة وجمال يفرح كل عين
كان بالعين وصالك شايفه كتير علي . .
- كسلا :-
نضر الله وجه ذاك الساقي
انه بالرحيق حل وثاقي
فتراءى الجمال مزدوج الآشراق
يشجي معدد الآفاق
كسلا اشرقت بها وشمس وجدي
فهي في الحق جنة الإشراق . .
وتلك الأغنية للشاعر توفيق صالح جبريل حيث كتب المقطع الأول منها في العام 1936 م واكمل القصيدة بعد عشرون عاما في العام 1956 م .
- اكيد اكيد حنتقابل :-
اكيد اكيد حنتقابل تصدق امال وطول آجال ونتقابل
وبتعرف كيف يا أجمل طيف ضيعنا سنين مابنتقابل . .
يا أمل وثاب واماني قرون ياسحر غلاب ياسهر حيكون ونتقابل
لو انت سراب تلقاني ظنون لو انت عذاب انا كلي فنون ونتقابل . .
- اغلى من عيني :-
يا أغلى من عيني واحلى من ابتسامة
واحن من المحنة في رقة كلامه
بعادك طال . . بعادك طال . .
- براق العيون :-
زمن العجايب المابيفني ليهو عجب
شاف قلبي تايب بقى امري عندو عجب
استغرب
جا قرب
كفه ضرب
قام فوق جبيني كتب
القاه براق العيون
القاه يجتاز الظنون
القاه بين كنت واكون
القاه ويغمرني الطرب
ما أصله زمن العجايب . .
وهي من الأغنيات التي لم تجد حظها من الإنتشار وتم إنزال شريط كاسيت باسم تلك الأغنية قبل أربعة اعوام .
- خالد :-
غير خالد مالك تنين عرش دود الاربعين
السيل بوبا . . يالفوتك مو دحين
- الشيخ سيرو :-
النصيح حديدو . . بدور الشيخ انا ياناس بريدو
الشيخ سيرو . .
النصيح حديدو . . بدور أبغرة فوق مسيرو
الشيخ سيرو . .
- الحسن :-
الحسن صاعقة النجم البحمي الشهادة والنضم
كل ليلة ومن السوط مابهم . .
- الجنزير في النجوم :-
الجنزير في النجوم زي الهيكل المنظوم
مابخاف في المحاصه زموم . .
انت يافرنيب جازم مابتجيب لي عيب
اسمك في الرجال عمسيب وانت لي الضرس عرديب
مابخاف في المحاصه زموم . .
- ماهو الفافنوس :-
ماهو الفافنوس ماهو القليد البوص
ود المك عريس خيلا بجن عرقوس
احي على سيفه البحد الروس . .
وهي من اشهر الأغنيات الشعبية وهي مرثية بنونه بنت المك نمر لشقيقها عمارة . . ولقد كانت المرثية من المجهولات حتى اعادها الكابلي بادائه الأصيل الى دائرة الضوء .
- علي :-
فرتيقة ام لبوس لويعة الفرسان
الليل بابي ليه عنزة وقرونه سنان
متين ياعلي تكبر تشيل حملي
اياك ياعلي الخلاك ابوي دخري
للجار والعشير الكان ابوك بدي
للغني والفقير الكان ابوك حامي
اتسولب من العلج الحريرا واكسيه
وسيفك في غضارف الرجال ارويه . .
- قلبي المن نشوه :-
قلبي المن نشوه للبنات هواي
وداب من زاد على وغلب الداواي . .
- حاول كمان :-
لو حاشتك عني الظروف
او عاندك مرة الزمان
حاول كمان
وخليك على الوعد القديم
البينا كان
ما انت عارف شكله ايه
ريدنا الزمان
حاول كمان . .
وهي اخر اغنيات الفنان عبد الكريم الكابلي ومن كلمات الشاعر محمد احمد سوركتي .
- ختاما امنياتنا للفنان السفير الدكتورعبد الكريم الكابلي بدوام الصحة والعافية ليعطر سماواتنا بالفن الصادق الأصيل وهناك جزء ثاني قريبا عن الفنان عبد الكريم الكابلي وسيتم إنزال هذا الموضوع في وقت واحد في كل من بوست الشعبية نجمة وبوست بحري طراوة والسلام عليكم ورحمة الله وبركاته . .
عماد عثمان احمد - جدة |
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
كابلي...
طبعاكعادته الأخ/ عماد ينقل ويوثق كما ينبغي...
أما كابلي رغم ولادته في سواكن كما جاء .. من تبينا قمنا ربينا لقيناه في بحري,,,
عشان كده علاقته ببحري وثيقة....
ولما كنا لا زلنا زغبا بعد نلعب في فريق الفاروق الرياضي بحلة الدناقلة شمال
أبى وهو الفنان المعروف آنذاك إلا أن يشاركنا التمارين...طبعا هسع بيكون نسانا
يعني لو مشينا ندعوه لحفلة حندفع زينا وزي غيرنا الشيء الفلاني... وهنا تحضرني طرفة
حقيقية.. حكى واحد صاحب دكان كان الكابلي فاتح نوتة معاه... مش نوتة موسيقية نوتة جرورة
وللحناكيش نقول: (DEBIT REGISTER) .. وكان ذلك في بواكير أيام الكابلي.. يعني قبل الأنتشار
,, المهم مرت الأيام وذاع صيت كابلي وبقى من كبار الفنانين.. وصدف أن قابله صاحب الدكان في
حفلة دكاكينية... وتغابى كابلي فيه العرفة...أو نساه... المهم صاحب الدكان يتميَز من الغيظ
وكان متوقع إنو يقشر بكابلي... عشان يقولوا صاحب الفنان...
المهم كابلي... بدأ يغني.. ولما وصل لأغنية سكر .. سكر... قام صاحب الدكان وبشر ووسوس لكابلي
وقال ليهو ...هو سكر بس...سكر وشاي وبن.. وظهرة... وسجاير.. وعيييييييك.. فأنتبه الكابلي..
ولم يستطع إكمال الكوبليه من الضحك... أو كما قال
شكرا عماد... ويا دكتور عبد المحمود لما كنا بنلعب في الفاروق كانت أعمارنا في الطاشر.. وكابلي
كان في عمره ده ذاتو.... 
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: شكرا عماد... ويا دكتور عبد المحمود لما كنا بنلعب في الفاروق كانت أعمارنا في الطاشر.. وكابلي
كان في عمره ده ذاتو.... |
يا كمال ود الكرار
عندما كنا في بحري الثانوية
وفي امتحان الشهادة السودانية
اذكر - ان ما غلطان ويصححني الاخ الموثق عماد - ان الفنان الكبير الاستاذ الكابلي تسجل مع طلبة ة المدرسة للامتحان من منازلهم .
وفي ذاك الوقت الكابلي فنان كبير يشار له بالبنان وبشنباته
واخوي الدكتور - دفعتي - كان لسه في ريعان الصبا .
ايش رايك يا كمال
هسه يجي ناطي الباشمهندس طارق
لكين اكيد حيفكني منو المستشار حامي المظلومين عبد الكريم
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
مشاركه اخري من حسن ميرغني لحدت ما امشي واجي
Quote: أخى على سرالختم عشرين سنه مضت منذ اخر مره شفتك فيها ! شوف كم سنه من عمرنا ضاعو . لكن بحرى طراوه خلتنا زي القاعدين في اللساتك قدام بيت ناس التلب في كوبر.
مره يا على واقف قدام بيتنا جاء محجوب وداب كالوك سالنى عن حاجه قلت ليهو خلينى في حالى قال لي ما تعمل كبرت ياود بت ختمى انا باتذكر زى امبارح "خديجه بت سيسبان" ( والدة سمير حسين ) قاعده في الركن داك تحمر في اللحمه في سمايتك يعني يا اخى على نحن بالنسبه للديناصوريين كمال وطارق حملان وديعه بل "عبدالجليل بي ذاتو" لكن والله اصيلين يا اخوى كمال دمتم اخوتى على والتلب واحترامى طارق وكمال وحبى لمدينتى حسن ميرغنى
|
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
| Quote: الفنان الكبير الاستاذ الكابلي تسجل مع طلبة المدرسة للامتحان من منازلهم. وفي ذاك الوقت الكابلي فنان كبير يشار له بالبنان |
أثارنا الأمر كثيراً غير أن الأستاذ الكابلي لم يأت للجلوس للامتحان معنا
| Quote: لما كنا بنلعب في الفاروق كانت أعمارنا في الطاشر.. وكابلي كان في عمره ده ذاتو.... |
له التحايا والسلام الخالص ... وربنا يديهو العافية وطولة العمر فهو مَعْـلَمٌ عملاق لمدينة عملاقة.
.
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: الاخ عبد الكريم
اها الاستاذة ناهد طلعت بتعرف حريق ،يعني لقيت ليك زول يلعب معك فى البوست |
يا معاويه الاستاذه ناهد بت بحري يعني ممكن تجليك قافل بي ثلاثه جواكر...
نحن هسع يا حسن طه محتاجين عبد الكريم عشان يفك الاشتباك بتاع امتحان الكابلي الذي اقره حسن طه
ونكره الدكتور عبد المحمود مع انو حسن طه ما قال حاجه عن سنة الامتحان ...!!!
الف شكر يا دكتور علي الفيديو الجميل.
ده كبري المك نمر ولا شنو ؟؟
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
حسن ميرغني...
سلامات وبركة الشفنا صورتك..
كان أنا وطارق ديناصورات... أبراهيم بشير، يكون شنو؟؟؟ أتذكرته يا أبوعلي
عبدالمحمود... يا أخي أنا بمشي بعد مرات أكثر من مرتين في السنة
إلا شككتني... فعلا ده كبري المك نمر.. إلا إذا كبري توتي خلص...
بس كبري المنشية مع مشياتي دي أصلا ما قطعته... المرة الجاية ليك علي بيهو
| |
|
|
|
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
| Quote: ده كبري المك نمر.. إلا إذا كبري توتي خلص... |
نعم هو كبري المك نمر لكن طارق لم يكن متأكداً من الأمر حسب صيغة تساؤله:
.
| Quote: بس كبري المنشية مع مشياتي دي أصلا ما قطعته... المرة الجاية ليك علي بيه |
مخارج الكبري من ناحية بحري تكثر بها الحوادث حيث تأتي العربات مندفعة من الجسر وبسرعات عالية ثم تنعطف فجأة لمناطق آهلة بالسكان والمدارس:
| |
|
|
|
|
|
|
|
| |
ناهد بشير الطيب
Kamal Karrar
ابراهيم قناوي
محمد عبدالمنعم التلب
عبدالكريم أحمد الامين
عبدالمحمود محمد عبدالرحمن
Ali Sirelkhatim
معاوية محمد الحسن
حسن طه محمد
Osama Mirghani
عبدالوهاب علي الحاج
فيس بوك
تويتر
انستقرام
يوتيوب
بنتيريست