|
|
|
 Re: انت ساكن وين في السودان؟؟؟ خش ووصف لينا بيتكم (Re: امنة عبد الكريم)
|
أنا غايتو ( بيتي ) شخصياً في حتة إسمها صالحة أم مويتاً مالحة ...!!
عرفتوها ؟؟؟؟
المهم تمشي تنزل في محطة الصهريج وتلقى ليك تلاتة غنمايات وكارو ...
فأنت بالخيار إما تسأل بتاع الكارو تقول ليهو بيت المحامي وين .؟؟؟ لأنو لمن سكنت هناك كان مافي محامي غيري بل ما كان في ناس كتار ساكنين من أصلو !!!
أو تباري ليك واحدة من الغنمايات يكون شكلها جعانة !! لأني زارع لي شوية زريعات وغنم صالحة ( متخسسات ) فيهن ، فأكيد ح يودنك البيت ..
أفتكر وصف واضح وكده ...!
| |
 
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: امنة عبد الكريم)
|
Quote: هي لكن هو مكان نُصاح يا دينا؟!!
انتي ماكي شايفة لون الحلة ..
وحلق الحلة..
وتفصايل الحلة..
وقالو الترابي كان نازل في دايرة الصحافة عن الجبهة الاسلامية..
وبالتالي يمكنك ايضا التغزل في جبهة الحلة..
حلة بصراحة براحة ممكن تقولي عليها (حتة دين حلة)..
عموما يا دندون انتي عارفة انو اخوكي ديمراقطي ومستعد يقسم معاكي المربوع..
فماتشفقي ساي وتجيبي اخرك سريع..
كرهتونا ذاتو..
الوا حد ما يلقى ليهو شي سمح بس تجي جارين تقولو شريكي معاك..
|
| Quote: لو سمحت بلاش تتكلم عني بالطريقة دي .. |
عني مالو صدو وإتوارو...
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: DKEEN)
|
Quote: سوري يا آمنة
الحديث موجه للاخت رندا (ام دينا) |
ابو حتوت ركز بالله معانا ..
رشا = ام دينا= سليكة بنت السلكة
رندا = ام حاتم= "اختا لا" سليكه بنت السلكه، تمام هيك..
اليومين ديل خطوطك مشربكه مالها ..
امونه ..
تمشي القطينة تنزلي من البص في السوق ، توقفي ليك كارو وتقولي ليهو الحي الاول ..اخر بيت فاصل بين الحي الاول والتاني .. جارنا شيخ الشاذلي ابو العباس.
معليش اتاخرت في الوصف لاني اتصلت بي شيخ الشاذلي للضمان وكدا ..
قلت ليهو يحوط البيت من الموساد والسي آي ايه والاف بي آي والامنجية والحرامية والهكر ..
اها .. بيتكم بي وين يا عينيا
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: Randa Hatim)
|
رندا يا عسل ازيك
ما عارفة لكن حسيت الجو بقي مسموم شوية
وانشاء الله كلامي يطلع غلط
Quote: تمشي القطينة تنزلي من البص في السوق ، توقفي ليك كارو وتقولي ليهو الحي الاول ..اخر بيت فاصل بين الحي الاول والتاني .. جارنا شيخ الشاذلي ابو العباس.
|
يا رندا ناس الامن جوك
اصلو الشهر روح جري
ودي الاكيد..
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: DKEEN)
|
| Quote: لو سمحت بلاش تتكلم عني بالطريقة دي |
إنّا لله ..
يا تمبس .. تمبس .. يا تمبس .. تمبسسسسسسسسسسسسسسس ..
دايرك دقيقة بالله ..
تمبس .. تمبس .
..........
يا آمنة .. ياخي غلطتي ..
شفتي الجملة دي ( بلاش تتكلم عني ) !!!" بلاش " دي بالذات هي رأس الفتنة و الغلط , يادابو كده هيجتي أشجان هذا المأفون و ركبتيه الجن الكلكي .. فكلمات مثل ( لو سمحت / بلاش ) دي تضج أنوثة و غنج ( في شرع المأفون المذكور اعلاه ) و هو نوع الكلمات البتجيب آخر صاحبنا و تخليهو يساهر الليل صبابة .
قالو المتحيّل تبكّي القشه )
دايرا نصيحتي :
التجاهل .. التجاهل .. التجاهل ..
فما جاءوا من اجل رأي و لا حوار ..
التجاهل ..
التجاهل ..
.......
عقبال ود البشرى يا الله يا كريم يا الله .
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: Emad Abdulla)
|
Quote: دايرا نصيحتي :
التجاهل .. التجاهل .. التجاهل ..
فما جاءوا من اجل رأي و لا حوار ..
التجاهل ..
التجاهل ..
|
ههههههههههههههههههههههههههههههههههههههههههههههه
والله كنت مفتكر العبارة دي ما حا تجي حوبتها ابدا!
وان شاء الله يوم شكرك ما يجي يا دكتور مصطفي محمود
والدكتور نفسه يبدو انه ناقلها من بوردابي آخر
ولكنه تملكها بالحيازة الهادئة والمستمرة
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: Emad Abdulla)
|
Quote: إنّا لله ..
يا تمبس .. تمبس .. يا تمبس .. تمبسسسسسسسسسسسسسسس ..
دايرك دقيقة بالله ..
تمبس .. تمبس |
Quote: ا آمنة .. ياخي غلطتي ..
شفتي الجملة دي ( بلاش تتكلم عني ) !!!" بلاش " دي بالذات هي رأس الفتنة و الغلط , يادابو كده هيجتي أشجان هذا المأفون و ركبتيه الجن الكلكي |
..
شفتي يا امنة..
شمتي فينا الخلايق والثعالب ..
هسي يجوك من وين وين ويختوعلامات القرقرة والشمشرة ..
عايزين يخلوالمودة البينا شمار في تحريش..
ولكن هيهات..
عذبني وزيد عذابي ماممكن قلبي يقسى..
لكن يس يعني انتي لامن تشلتي شلتي بي طريقة حنينة شوية عشان ماتدي فرصة لي الشمات..
نحنا شلاليتك ما بنابها بس كمان سمعتنا...
وانا زول سمعتي هنا زي الريال الدهب..
وياعمدة ياخي خلي عندك نظر لو سمحتا دي امنة ما محتاجة ليها ..
هي كلها على بعضها (سمحتا)..
| |
|
|
|
|
|
|
|
|
 Re: انت ساكن وين في السودان؟؟؟ خش ووصف لينا بيتكم (Re: DKEEN)
|
Quote: إنّا لله ..
يا تمبس .. تمبس .. يا تمبس .. تمبسسسسسسسسسسسسسسس ..
دايرك دقيقة بالله ..
تمبس .. تمبس |
يا عمدة ..   ياخي خارج لينا نفسك من هنا .. زي الوكت دا ما بنكون فاضيين يعني بي صورة اوضح .. خلينا نركز..
..
Quote: لكن يس يعني انتي لامن تشلتي شلتي بي طريقة حنينة شوية عشان ماتدي فرصة لي الشمات..
نحنا شلاليتك ما بنابها بس كمان سمعتنا...
وانا زول سمعتي هنا زي الريال الدهب.. |
دكيــن والله العظيم حننتني ..
حننت أخوك .. وباقي بورداب الرياض .. وبورداب الخرطوم ممثلين في عماد عبد الله
غايتو الله يقويك
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: امنة عبد الكريم)
|
الاخت امنــة تحياتي .... شوفتي انا ساكن وين في قرية اسمها كلكول (المعنى يعرفوه الدناقلة) شمال الكاملين يعنى ملاصقة الكاملين بعدين تنزلي واي بيت في هذه القرية بحسبوا هو بيتنا ..... بس بيتنا الاصلي البنوم فيه جنب الجامع وظاهر الجامع من الشارع عندما تنزلي... نتمنى تزورينا عندما ننزل اجازة.
خالص شكري على هذا البوست الجميل
الامين
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: امنة عبد الكريم)
|
نفسي اعرف دكين ده منو وساكن وين
تخريمه
-----------------------------------------------------------------------------
عبدالله عوض
ياعبدالله يااخوي دكين ده شكلو بتاع دكان ناصية قاعد اربعة وعشرين ساعة بتاوق للغاشي والماشي
وعندو كل اخبار الحلة ( يعني بالعربي كده بتاع شمارات ) وذوقة تعبان ومابعرف اللعبه الحلوه
وبشوت ضفاري ومسلبط في بنيات الفريق وبتكلم بلسانهم,,,, عليك الله ذي ده تعرف ليه شنو
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: بدرالدين يعقوب)
|
| Quote: يعني بي صورة اوضح .. خلينا نركز.. |
أنت كمان التركيز الكتير في فتاقك ده بيبقيك أحوص .. زاوية التركيز ضيقة ياخ
إيدك معانا هنا في هذا المواطن الصار أمره فُرُطا ..
المومن مُصاب ..
شوية موية عرديب يبلّ بيها ريقو .. لوجه الله تعالى .
.....
عماد عبدالله ..
المنشية / فيللا 13KL / شارع # 7 - الخرطوم .
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: امنة عبد الكريم)
|
ام حاتم اخت سليكه (صاح كدة)
ياخي تقولي شنو بس
شوية كبر على حبة إبراهيم عطا يعملوا اكتر من كدا - أجارك الله
قلتلي بيتكم جمب قبة جدي أبو العباس
وصية إجازتك الجاية بلغي الخليفة سلامي
قولي ليه حفيد محي الدين ود محمد حاج ودعالم هو بيعرف الباقي
بلغي سليكة سلامي
السيد غفير المستشفى
تحية طيبة وبعد | Quote: عقبال ود البشرى يا الله يا كريم يا الله . |
مالك علي يااااااخ
دكين متعود عليها و ما لا يقتله يقويه ويعده للمزيد و يضيف لرصيد تجاربه و خبراته
لكن قاليك زي دي انا بحملها
براحة علي ياخ
ثم ياخي ضرتك دا خف عليه شوية
الفرودة وخليناها
اها تاني في شنو
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: Kostawi)
|
اموون البركة بالشوفة ياخ شفقتينا
انا وعماد ودكين ورجوية شفقة شديدة
بس ود البشرى دا ولا هاميه كان يفاقق ويتونس مع ناس البوست
حتى ولااااااسال منك ....
يازولة انت وصف بيتكم واضح ودوغرى ,... الاسهل انك تجدولى لينا
الزيارات ،، الاولى فالاولى والاقربون اولى بالمعروف والناس البعاد
ديل بسيطة يعملو ليهم ريى هابتيشن فى الامتداد والعشش سابقا ,,
ناس الحليلة واللدية وسانت جوزيف ديل يطلبو لجوء فى المناطق
المجاورة .... اما ناس الديم ديل اقترح انو يتم ليهم ترحيل قسرى ويخلو
المنطقة ... لانو بعملو انفلات امنى وبهددو الطمانينة والسكينة العامة ...
اما ناس الخليج ديل ... فسنهيا لهم ومن( حى الامتداد نفسو )الكفلاء مثنى وثلاث ورباع ,,
عشان يرعو بى قيدهم (وجه مفكوووك) ! 
دا كلو عشان انا ماعايزاك تتكبدى المشاق والسحار دكين دا يسحرك ويطلعك عندك جناحات
وكدا .... اصلو اى زول بطلع ليهو حاجة !!!!!
ـــــــــــــــــــ
دكين ولا يهمك نسابتنا المصريين بقولو و ما محبة الا من بعد عداوة 
نايس تراى ... ماا تستجيب لاستفزازت المغرضيين اصمد ،، ما بتلقى ... ما بتلقى !
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: دينا خالد)
|
دينا يا عسل ازيك
Quote: والناس البعاد
ديل بسيطة يعملو ليهم ريى هابتيشن فى الامتداد والعشش سابقا ,,
ناس الحليلة واللدية وسانت جوزيف ديل يطلبو لجوء فى المناطق
المجاورة .... اما ناس الديم ديل اقترح انو يتم ليهم ترحيل قسرى ويخلو
المنطقة ... لانو بعملو انفلات امنى وبهددو الطمانينة والسكينة العامة ...
اما ناس الخليج ديل ... فسنهيا لهم ومن( حى الامتداد نفسو )الكفلاء مثنى وثلاث ورباع ,,
عشان يرعو بى قيدهم (وجه مفكوووك) !
|
معقولة بس عملتيني وزيرة الخارجية عديل
Quote: دا كلو عشان انا ماعايزاك تتكبدى المشاق والسحار دكين دا يسحرك ويطلعك عندك جناحات
وكدا .... اصلو اى زول بطلع ليهو حاجة !!!!!
|
دكين ده زول اخوي
لكن
مستعجل شوية
Quote: دكين ولا يهمك نسابتنا المصريين بقولو و ما محبة الا من بعد عداوة
نايس تراى ... ماا تستجيب لاستفزازت المغرضيين اصمد ،، ما بتلقى ... ما بتلقى |
ما توصي حريص
مرحب بالجميع
مشكورة يارائعة..
يا سمرا يا واضحة
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: دينا خالد)
|
دكين فاتنى ان اطمئنك وابردك بالماء والثلج !
اقرا هنا قبل ما تنتحر ........
Quote:
قول ليهو روق المنقة
اي شيء ممكن بس الطريقة(المدخل)
|
اها رويق المنقة دا صعب هسه؟ !!! كان ما انت براك ممحوق !!
وهووب ليس كيس ؟؟ افتكر فرصك الى الان كبيرة لا تقلق !!
غيير المدخل ..... عارفاك ح تمرق بى حمد وتدخل بى خوجلى !!
بس حاول ولك اجر المجازفة ! مالو ما بتغلب ربك ..
ـــــــــــــــــ
البصيرة ام حمد !! تيك كيرك فى الردود ما تعفص !!
اذا غلبك شديد اطلب صديق انا برشح تمبس !! لانو وجيه وعامل عملية !!
او استعين بالجمهور من غير الاوغاد والوغدات !!
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: Kostawi)
|
Quote: نحنا شلاليتك ما بنابها بس كمان سمعتنا...
وانا زول سمعتي هنا زي الريال الدهب.. |
هههههههههه
وااااااااااااااااكــــ
واااااااااااااااااي
قال (ريال) دهب
قصدكـ (ريالة) دهب
__________
انت احوص ؟ قالوا ليكـ المدخل وانت لسه مُصر تدخل بالبروفايل.
دخلتنا في ضفورنا .. الناس بدت تتكلم
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: امنة عبد الكريم)
|
Quote: عمدة ازيك يا خي
صحبك داك مالو هايج كده
قول ليهو روق المنقة
اي شيء ممكن بس الطريقة(المدخل)
الزول ده كان وين... فهموه |
إزيك يا آمنة ..
مساك حلو ياخ .
دكين ..
تعال .. تعال ..
ما تخاف تعال ..
آمونة بتقول ليك أي شي ممكن بس تبطل البتسوي فيهو ده ..
و قالو ليك روق المنقه .. الله يفضحك .
- معليش يا آمنة أمسحيها لينا في وشنا ده -
قالت ليك كنت وين ؟؟ فهموه .
كده كويس ؟؟ ..
أقول ليها شنو هسه ؟ ..
أفهمك يعني مثلا وللا النظام شنو معاك في ليلتنا المهببة دي ؟؟
هسه دينق ده تودي وشك منو وين تاني ؟
و خدر .. و تمبس .. و دينا ؟؟
فتش المدخل يا مؤمن ..
عمى كباسا .
| |
|
|
|
|
|
|
|
|
 Re: انت ساكن وين في السودان؟؟؟ خش ووصف لينا بيتكم (Re: امنة عبد الكريم)
|
Quote: اها رويق المنقة دا صعب هسه؟ !!! كان ما انت براك ممحوق !!
وهووب ليس كيس ؟؟ افتكر فرصك الى الان كبيرة لا تقلق !!
غيير المدخل ..... عارفاك ح تمرق بى حمد وتدخل بى خوجلى !!
بس حاول ولك اجر المجازفة ! مالو ما بتغلب ربك ..
|
نان يخلي الخفة لي منو يادينا
If he quits (alkhifa) he will be 3sha baytat tmam
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: امنة عبد الكريم)
|
دينا
وعماد
وخدر
| Quote: غيير المدخل ..... عارفاك ح تمرق بى حمد وتدخل بى خوجلى !! |
| Quote: انت احوص ؟ قالوا ليكـ المدخل وانت |
Quote: فتش المدخل يا مؤمن ..
عمى كباسا . |
الفيكم اتعرفت..
يا اوغاد..
Quote: دكين ده زول اخوي
لكن
مستعجل شوية |
ياآمنة ياخي انا والله يسعدني اكون اخوكي بس انا ما اخوكي..
والمدخل بغيرو..
بس مستعجل ديما اكضب عليكي ..
ايوه مستعجل..
بالذات بعد مسالة تغيير المدخل دي..
طروق
حلوة الناس بدت تتكلم دي..انا ذاتي بديت اتكلم بصراحة..
| |
|
|
|
|
|
|
|
|
|
Re: النملة و الفيل (Re: heba Elmahi)
|
هبوية يا عسل ازيك
| Quote: حي المسالمة العريق في شارع الخور بيتنا بفتح علي الزلط جنب مدرسة الهجرة الابتدائية |
| Quote: شارع الوادي حي الاسكان الحارة 20 منزل رقم 15 |
| Quote: وحبابكم الف في اي واحد من البيتين بس يا خسارة ما ح تلقوني |
لسه منتظرين جيتك
ودي الاكيد..
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: امنة عبد الكريم)
|
Quote: المربوع القبل معرض الخرطوم ..
شارع بري ..
قصاد الفرن الآلي ( عيشه كعب ما تشتروا منه ) ..
قاردن سيتي ..
|
GHP,GGGGGGHHHHHHHHHHHHHHI*
حُميدا إنت ما جنبا عديييييييييل كدا ....
نخن بري إمتداد ناصر مربع 6 مننزل 210*
يومي بجي شارع الفلل الرئاسية بشرب قهوة المساء وبتحسر على قروشنا الضاعت هباءاً منثوراُ
...
...
...
وبتنونس!!!!
أضرب لي أي يوم أعزمك أو تعزمني جبنة في 0122890060
ــــــــــــــــــــــ
GHP,GGGGGGHHHHHHHHHHHHHHI* : أصلها ( لاحوللللللااااااااااااااه) لمن تدقس من الشيفت
210* أصلها 205 والخمس بيوت الأضفتها لجهجهة السلطات !!!!
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: محمد عبد الماجد الصايم)
|
Quote: بيني وبينك كدا
الدعوة دي لحميدة
دقيييييييقة بالله
--------------------------------------------------------------------------------
|
ود البشرى والصاييم
هسه بقومو عليكم .......... الزمو الخط !!!
دى اصلو ما عندها قشة مرة !!!!!! جديدة لنج ..
ولا بتعرف العصابات ولا اتعرفت على العكاليت !
لكن والله انا ما ضربت ،،، وعماااد دا يضربو الضريب كان ضرب
دكين دا غير انو مفلس ،،، كلمووووووووهو قالو لى ما تستعجل !!!
غايتو مخير كان استعجل و ضرب !!
ـــــــــــــ
عارف يا الصايم المرشحين للضرب دا هم منو ؟؟؟
البشرى ...( كمكسر ميت بيهو،، ومقطعو فى مصارينو) ... ما فتايستنجدبتعزيز (القوات الصديقة) من الخارج !!
دينق ( ليعبر بصدق عن الفرق بين دهب هناك وتراب هنا )
تراجى( فى اطار حملة الدعم لفوز اوباما ) على خليفة عدد المتداخلين من الاستيدز
والما قادرين يتداخلو ..........
وخدر بى اسمو التانى ...
تمبس بالبدلة،، كناطق رسمى يحمل اشواق واحلام عموم بورداب السعودية( ما تحمر لى يا ود الباوقة
لمن ترحلو الخرطوم بنخليك مرة تنطق رسميا) !!!! مخلفا كل اثار العملية وتحذيرات الطبيب وراءة!!
والكثير الكثير من غير المتداخلين القابضين على جمر الكواليس فى هذا البوست !!!
واللهم لا نسالك رد القضاء ولكننا نسالك الرافة بامنة
تبت لا اموووون !!!!!!!!!!
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: امنة عبد الكريم)
|
امونة ..
كيف يا لذيذة اضربي لي في : 0914763741
بما انو محمد البشرى ساكن هنا عايزة اعمل ليهو مسنجر ...
اليوم الصباااااح بدري مشيت بيتكم ولقيت الحاجة قالت حلمانة بي حتوت ونظام مشتاقة ليكم ...
اهو دي برضو مناسبة كان ما وصفت بيتكم اوصفوا لي امونة العسل دي ..
دكين .. والله امشي ليها مخصوص عشان اشوف قصة 7 دي شنو ..
| |
|
|
|
|
|
|
|
|
 Re: انت ساكن وين في السودان؟؟؟ خش ووصف لينا بيتكم (Re: ود الباوقة)
|
| Quote: تمبس بالبدلة،، كناطق رسمى يحمل اشواق واحلام عموم بورداب السعودية( ما تحمر لى يا ود الباوقة لمن ترحلو الخرطوم بنخليك مرة تنطق رسميا) !!!! مخلفا كل اثار العملية وتحذيرات الطبيب وراءة!! |
دينا.. والله تجرجرو في الواحد براكم ـ رقم تلفونك كم .. اصلها بايظه بايظه ..
ود الباوقــة:
لكن ما لقيتك قلبك باليمين ..
عندك شنـو بي هنــا.. ؟ كمان قول لي متابع الخزانات
نحن يا ريس نمسك في دكين تطلع لينا إنت ؟؟
ترى ابلشتونا وفشلتونا طال عمركم
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: العوض المسلمي)
|
Quote: بمنتهى الحــزن والاســى انعى اليكم نفسي ..
الوحيدة التي اعجبتني من بين حشدٍ غزير..
وبعد بحثٍ جاد وتلفونات وكروت وتوصيات وتردد..
طلعت باكستانية..
ـــــــــــــــــــــــــ
اخواني في الباكستان
ليس ثمة من سبب يجعلكم ترسلون بناتكم الى حفلاتنا..
فنحن قومُ ُ شفافون ..لاصبر لنا على الجمال ولا احتمال..
الشي حين يعجبنا ناخذه لاننا لانحتمل الشوق إليه..
يآثرنا الجمال فلا نفكر في شيٍ بعده ولا قبله...
تتعطل مصالحنا جراء التفكير في شيٍ واحد ..
ان القمر الذي طالعناه عشية زواج اخونا طارق الميمون عصي على الوصف..
ان الطلعة البهية التي واجهتني ازمتني ولازالت..
نهاية الاشياء كانت فجرئذ..
ولاعلم لي ان كانت لغتي لاتزال تصلح للتعبير عن وجه ضل طريقة الى ناظري..
مذ حولت تلك الفاتنة كل حرف هنا الى دهشة هناك..
غفر الله لجميع البشتون..
ــــــــــــــــــــــ
هذا والنصيحة بقولا ليكم:
لاتدع باكستانية تبتسم في وجهك .. |
هذا دكين يا ستنا ....
زي الصوفي الزاهد ... عندو مريدين وأحباب ....
وكان عمل (حولية) نتلم معاهو زي المافي حاجة ...
ولأنك يا سيدتي تبدأين رحلتك بهذا الحوش وسط ترحيبي وكل الزملاء ..
أهديك دكين العزيز لتتعرفي عليه أكثر
ستجديه هنـــــــــــــــــا
http://www.sudaneseonline.com/cgi-bin/sdb/2bb.cgi?board=232
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: العوض المسلمي)
|
العوض المسلمي كيفنك
Quote: بيتنا في امتداد شمبات
مربع 8
منزل رقم 48
جوار منزل طه علي البشير
نهاية مدارس ابوبكر الصديق "المجلس الافريقي للتعليم الخاص"
اول لفه من شارع شمبات جنوب
شرق مسجد الابرار
بفصلني عن المسجد ميدان واضح ولا اعيدو
|
انشاء الله نصلك يا ذوق..
لك ودي واحترامي..
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: امنة عبد الكريم)
|
دينا
عليك النبي ختي مفراكتك دي شوية و افهمي الكلام سمح
انا كان اتكسرت - حمانا الله - ما بدسوا ولا بضاريه
دا من ناحية ومن ناحية تانية من متين سمعتي بي استعنت - أو حاولت الأستعانة - بقوات صديقة
أفو افو
براي بجيبو حي أو بلاش منو
خدمة يمين و عرق جبين , لأنو نحن من نسل قوم
لا يركبون ركشة ورا
ولا يطيقون باسطة سلا
وقع ليك أمي
ود الصايم يا عمك
شنو البيع دا نهار كدا العين تعاين
عمك المسلمي
واضح ابوي واضح
لا تكلف نفسك تعيده
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: طارق جبريل)
|
Quote: يا دكين ما بسألك
اسمعني انا كبير ناس الامتداد
يمكن القى ليك مخارجة |
الناس كلها تقول لي شوف لي مدخل وطارق جبريل بقول لي شوف ليكم مخارج..
حيرتونا..
انعام حيمورا..
عليم نوووووووووووووور
منتظرين نتيجة تفتيش المربعات..
النشوف الملاك ده حيطير ولا حيكون راكي ..
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: امنة عبد الكريم)
|
Quote: حكاية عجيبة يا دينق ياخ !!!
يعني نحنا بس إتكتب لينا في منبر المحن ده يا نتكلم في السياسة و الهامش و قلقامش و الهوية و الجلابة و الحركة و المؤتمر و أوباما و هيلاري و الشعر و الوجد و الحب و اللواعج و الهم و المرض و الحروب و سيدي جا و سيدي فات و الجبهجية و الأرزقية و اليسار و اليمين و الخنصر و البنصر و العاك عيك !!
يا كمان نتبلم نقعد و نراعي للمغسات جوانا و برانا و ما نقول بِغشم ؟؟
ونسة الله الواحدة دي مالا .. عيبا لي ؟؟
كاتمين نفسنا مالكم ؟
العضوة آمنة مرقت الناس من كتمة النفس المقنقنة في عناوين البورد ده من تالاهو لي تالاهو ..
لا في زول جاي شايل فرارو معاهو يتكسر و للا يكسر ... و لا كمان زولاً غلط عليها و إتضايقت هي .
المداخلات بتسوق بعض واحدة للتانية في ونسة حميمة و جميلة و بسيطة و سودانية لغاية هنا ..
كتر خيرها آمنة مرقت الناس من تويرة النفس المستديمة و الجكة الساكننا بيها محل قبلنا .
و آمنة دي غابت يومين بعيدة عن البوست بتاعا ده لغاية وصل الصفحة التانية بعدين ظهرت ..
في غيابا كانت الناس بتجي و تتونس في لمة و لا أحلى ..
بوستاتا التانية ما عندي خبرها .. لكنها ما وصلت لعدد المداخلات الفي البوست ده ..
لو المسألة بكا و تكسر كان إتسوت في البوستات التانية معاها ..
عملتوها السمحة و الجندر و الخيار و الفقوس و النضال و المؤامرة و سوركتي و شرك و اتهامات مبطنة .. و خليتو الناس تتضاير و تكش , و كيف و لماذا ..
ما تمسخو طعم إنسانيتنا الله يخليكم , و تحملوا الحاجات فوق ماهي حاملة ..
الغمز شين و محاصرة نوايا الناس جربناهو في البلد الخرابة دي من أيام عمك نميري ليوم الليلة دي و طفحناهو ياخ ..
يا دينق ..
أدخل هناك و إنبسط و أضحك و إتونس .. و فكها صرة وشك دي شوية .. إنت الحا تكون كسبان .
.....
مصطفى سري .. حتى انت يا بروتس !!
( الإبتسام و الترويح و الحميمية حقت الناس بقت : تهمة ) .. أبشر بالخير .
و تحيا التقدمية الإنكشارية
|
يا عمدة تسلم انت ياخي
ماعارفة اشكرك كيف..
الود الابدي....
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: امنة عبد الكريم)
|
Quote: البت سمحة يا دينق..
سمحة..
انتا ياخي قلبك ده ميت ولاشنو؟؟
انتا ماك شايف الضحكة دي؟؟
الانشراحة دي..
انا لو كنت شاعرا لاشعرتها شعرا ..
منو البضحك في السودان مثل هذه الضحكة..
منو العندو القدرة على الابتسام ساي في بلد الغلا والهموم والهامش والملشيات؟!!
منو البقدر يلبس احمر في بلد كان سكرتيرا الاحمر بين المخابي والدسائس؟!!
منو البجي طاخ كده من اول بوستات يقول وريني انتا قريت في الاهلية مع منو ومنو كان معاك وساكن وين؟؟
منو البتقدر تنزل صورتها بالحجم العائلي (الفري سايز) وبي ضحكتا؟!
منو البتجي ترد ردود انيقة ومقتضبة ووراها مودة ؟؟
حرم في السودان مافي زول يعمل العملتو هذه البت الشجاعة دي إلا ناس بسم الله..
وناس تانين في منتهى الجمال الله لاوراك ليهم..
ـــــــــــــــــ
وبعدين ياخ كل زول ببكي بطريقتو وهو في ذلك حر..
واهو انتا بكيت بي طريقتك..
يعني دي اول بت نبكي فيها ؟؟
اشمعنا دي بالذات جاي تلفت النظر في اننا بكينا فيها..
اعترف انو الحلاوة دي هزتك ونزلتا فيها بوست؟!!
اعترف ياعفرييييييييييت.. |
مشكور دكين
***********
| |
|
|
|
|
|
|
| |
ابوعبيدة حسن محمد
محمد البشرى الخضر
wd al geran
معتصم احمد صالح
Zomrawi Alweli
عامر تيتاوى
Emad Abdulla
nazar hussien
tmbis
بدرالدين يعقوب
Waeil Elsayid Awad
Kostawi
دينا خالد
خدر
Rawia
mohanad haimoura
DAAAAAM IT
عبدالله كع
حمد فتح الرحمن
امير مصطفى احمد
Ahmed musa
محمد عبد الماجد الصايم
مازن الجمّال
انعام حيمورة
العوض المسلمي
عمران حسن صالح
طارق جبريل
Mohamed Ahmaed Olyesh
عزيز عيسى
salma subhi
Hatim Yousif
Rasha Hatim
ALMURADABI
فيس بوك
تويتر
انستقرام
يوتيوب
بنتيريست