|
|
|
 Re: انت ساكن وين في السودان؟؟؟ خش ووصف لينا بيتكم (Re: امنة عبد الكريم)
|
بيت جالوص والحيطة حقتو فوقها قزاز مكسر وبابنا باب سنط كبير فوق راسو فى تمساح محنط وقرن غزال وفى الناصية حقتتو لستكين مدفونين و فى الارض وسلندر حق مكنة هوستن وسلك الغسيل حقنا مدلدل بى راس الحيطة ومربوض بى صبة جردل اسمنت!
قدام الباب تلقى كلب اسود كبير بهوهو ساكت ما بعمل ليك حاجة دق الباب بجيك اخوى الصغير!
نسيت اقول ليكى نحن ساكنين فى الحارة 114 !
جنى
| |
 
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: ود الباوقة)
|
هيييي يا كوستاوى ارعى بى قيدك!
ديل ملايكة حلتنا (بنات حلتنا) انت ما عارف نحن ناس مربع 8 مركز سمير بينا وبينهم شارع ظلط للعين يبين!
لكين النصيحة لى الله ناس مربع 7 ديل كلهم زينا من طين!
على ناس امنة قولى حاج كوستاوى اتصبر ديل من فينو استرالى!
يعنى منين وبتى فور وكدة!
جنى
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: امنة عبد الكريم)
|
الصافية
منزل 88 أج
شرق سينما الصافية وقبل جامع حاجة النية
..
معذرة عزيزتي آمنة ان تأخرت في الرد عليك في بوست النكريم
لكنني فعلت الآن كالآتي:
Quote: ابصم بالعشرة
معاك لآخر نجيمة في مجرتنا
انت مازولا ساهل
لك الودالاكيد.. |
الغالية امنة،
مرحباً بك أيتها الأميرة الجميلة
في هذا الفضاء الاسفيري الرحب..
..
وحملت نجمتك الأنيقة في فؤادي
ومشيت نحوك فانتهيت إلى بلادي
..
حملتني كلماتك حقيقة لأقصى نجمة في فضائك المضيء
فأشرقت بك شمس الوطن في كل الربوع
يا وردة العطر الذي غسل الدواخل بالعبق..
شكراً أنيقاً لك على هذه الصحبة
والدعم النبيل
كما أتشرف بزيارتك هــنـــــــــــا
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: Dr. Moiz Bakhiet)
|
سلامات يا بروفيسور
ايها الرائع دوما
Quote: الصافية
منزل 88 أج
شرق سينما الصافية وقبل جامع حاجة النية
|
او ما تنزل السودان نسجل ليك زيارة
Quote: وحملت نجمتك الأنيقة في فؤادي
ومشيت نحوك فانتهيت إلى بلادي
..
حملتني كلماتك حقيقة لأقصى نجمة في فضائك المضيء
فأشرقت بك شمس الوطن في كل الربوع
يا وردة العطر الذي غسل الدواخل بالعبق..
شكراً أنيقاً لك على هذه الصحبة
والدعم النبيل
|
نحن معك حتي تحترق النجوم..
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: امنة عبد الكريم)
|
Quote: عليش
عشان تعرف اللخبتة الجابها شنو
كنت برد عليك في موضوع الدستور بهناك
وجيت بي جاي طوالي
والعبارة دي عجبتني من اول مرة قريتها فيها
وبعدين |
هسه شن جاب بوست الدستور لي بوست اللجنه الشعبيه والتعداد السكاني؟؟؟ركزو معانا
والله زي ماقال المثل:
(ان كترو المتداخلون؟؟؟...اتندل نوم.)
ـــــــــــــــــــــــــــ:
مثل شبه يمني.
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: صديق الموج)
|
Quote: امنه القصب الاحمر..كيف حالك يا صباح البنوت
نحن بيتنا فى القشورية ما بتلقى ليك زيارة والا عمرة
عشان تمرى علينا..
حاشية:
ان شاء الله دكين ودينق يموتوا..
كرهت حرف الدال...بس،،، |
والله بقيت من اشوف اسمك ساي اضحك
انت يا زول بتجيب الكلام ده من وين
Quote: نحن بيتنا فى القشورية ما بتلقى ليك زيارة والا عمرة
عشان تمرى علينا..
|
ليك علي العمرة الجاية كان الله سهل انزل معاكم
كده كيف..
| |
|
|
|
|
|
|
|
|
 Re: انت ساكن وين في السودان؟؟؟ خش ووصف لينا بيتكم (Re: امنة عبد الكريم)
|
شوفي يا بت عبد الكريم ..
انا بيتي ما بتعرفي تجيهو .. لأنو في بلدا سقط لقط ..
لكن بيتكم معروف . وانا في اجازتي الجاية دي .. في يوليو جاييكم عديل ..
وبعدين اخوانكم ديل طيريهم .. يعني اعملي ليهم شتات .. عشان جني وجن سلام الرجال ..
اخوك الكبير دا البحدر في الزول البعاين لي باب بيتكم .. ترسليهو الحلفايا عشان يجيب لي الببسي..
واخوك الصغير وزعيهو امبدة كرور .. عشان يعزم ناس خالة فاطمة للعقد ...
وجهز لي اغنية المفضلة ..
انا بدخلو الصالون
انا بشربو الليمون ..
انا بصافحو بالقانون
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: ahmed haneen)
|
احمد حنين كيفنك
Quote: انا بيتي ما بتعرفي تجيهو .. لأنو في بلدا سقط لقط ..
|
جرب وصفوا امكن نعرف
Quote: وبعدين اخوانكم ديل طيريهم .. يعني اعملي ليهم شتات .. عشان جني وجن سلام الرجال ..
اخوك الكبير دا البحدر في الزول البعاين لي باب بيتكم .. ترسليهو الحلفايا عشان يجيب لي الببسي..
واخوك الصغير وزعيهو امبدة كرور .. عشان يعزم ناس خالة فاطمة للعقد ...
|
والباقين اخليهم يعني
ما عندك مشكلة
بخليهم يجهزوا الصالون
وبرضو منتظرين جيتك
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: محمد عبد الماجد الصايم)
|
بيتنا فاتح في الفسحة والبيت قدامو شجرة(نيمة) والنيمة تحتها تكسي والتكسي نائمة تحتو كلبة والكلبة دائما نايمة وكان صاحية بتعاين ليك بطرف عينها وتسلم عليك بصوت رقمي,, 3هو,,
وموية البلاعة سايلة في الشارع منعا للسير في زواية قائمة
وكانت نزلت مطر ,,, الخريطة يصعب وصفها ويستحسن انتظار فصل الجفاف
تخريمة
اسأل ناس قوقل في طرف الشارع
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: امنة عبد الكريم)
|
Quote: انا عشان الكلام الزي ده ماكنت دايرة اخت صورتي
لكن ختيتها عشان الناس يعرفوني واعرفهم |
ياخ تسحبيها ليي
انسحب انا وبكل سرور
بس كنت قاعداهظر معاك ليس إلا
...............
يللا يا ستي فتك بعافية
وعليك الله ما تسحبي الصورة سمح؟
عشان اقدر اشوفك تاني
تخريمة :
ما شاالله وخمسة وخميسة وعين الحسود فيها عود وكده
لكن برضو سمحة .
وحواجبينك مقرونة .
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: أسامة خلف الله مصطفى)
|
اسامة اخوي كيفنك
Quote: دايرين نجى نقول ليك حبابك...لكن خايفين من شيل الحس.....
أصلو فى ناس فى المنبر ده كشافيّن حال...
|
اخد راحتك وما تشتغل بي زول
الناس دي دايرة تضحك وتتونس ساااي
ما تلاوز..
Quote: لدى صديق عزيز وزميل دراسة إسمه صديق عوض محمد عبدالله (خريج جامعة عين شمس) يسكن خلف مركز سمير....
بتعرفيه؟؟ |
والله ما عرفتو ..
لكن لو عندو اخوات او بنات احتمال اكون بعرفهم..
لك الود
وبرضو ما تلاوز..
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: DKEEN)
|
أمونة العسل تحياتي وسلامي وكل الحاجات الحلوة البهدوها ديك برسل ليك رسالة والتدردق والتكسر والتزحلج وكل أسباب الوجع الخرافي سلام بقدر حجم بوستك الرهيب وكترة زواره وشتارة الناس المشاترة والبتفك آخرها في دقائق وما عندهم صبر أيوب أما العبد لله فقلت كدي انشوف آخرها وآخرها يظهر ما يكون حسي دي يا دوب البداية لكنها شكلها حلو وحلو ياحلو
بيتنا وصفوا ما صعب تركبي اقرب حافلة مكتوب عليها رفاعة من الميناء وتقطعي البنطون قبل ما الكبري يقوم تنزلي في السوق وبعد شوية كده بجي اتم ليك الوصف
يا شباب بعد شمتكم قدحة بعد دخول البروف يعني اي قرد يطلع لشدرته
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: ebrahim_ali)
|
ابراهيم كيفنك
Quote: أمونة العسل تحياتي وسلامي وكل الحاجات الحلوة البهدوها ديك برسل ليك رسالة والتدردق والتكسر والتزحلج وكل أسباب الوجع الخرافي سلام بقدر حجم بوستك الرهيب وكترة زواره وشتارة الناس المشاترة والبتفك آخرها في دقائق وما عندهم صبر أيوب أما العبد لله فقلت كدي انشوف آخرها وآخرها يظهر ما يكون حسي دي يا دوب البداية لكنها شكلها حلو وحلو ياحلو
بيتنا وصفوا ما صعب تركبي اقرب حافلة مكتوب عليها رفاعة من الميناء وتقطعي البنطون قبل ما الكبري يقوم تنزلي في السوق وبعد شوية كده بجي اتم ليك الوصف
يا شباب بعد شمتكم قدحة بعد دخول البروف يعني اي قرد يطلع لشدرته |
يا زول انت داير الناس ديل يقوموا عليك ولا شنو..
لك الود..
| |
|
|
|
|
|
|
| |
Mohamed Ahmaed Olyesh
محمد سنى دفع الله
Kostawi
jini
Dr. Moiz Bakhiet
خالد حاكم
محمد عبد الماجد الصايم
محمد البشرى الخضر
طارق جبريل
غباشي
محمد صباحى
صديق الموج
ahmed haneen
زياد جعفر عبدالله
حسين محي الدين
مازن الجمّال
عبد العظيم احمد
عمران حسن صالح
Rasha Hatim
عبدالرحمن الحلاوي
امل احمد عمر
أسامة خلف الله مصطفى
ebrahim_ali
doma
انعام عبد الحفيظ
فيس بوك
تويتر
انستقرام
يوتيوب
بنتيريست