Quote: نحن بيتنا تمشي طووواااااااااااااالي وبعدين تلفي يمين أول بيت على يمينك تخليهو وتاني بيت على يمين تخليهو بتلقي ناس بيصلّوا العصر تمشي منهم طوالي خامس بيت تاخدي شمال في كلبة والدة تمشي بعدها بي 100 متر لفي شمال في بتاع قدّر ظروفك الديانا عندو المسحة بي 500 جنيه والمنكير اليد الواحدة بي الف جنيه واليدين بي 750 .. نحن في ال ِArea دي..
ياي الظريف التاني..
02-16-2008, 12:54 PM
DKEEN DKEEN
تاريخ التسجيل: 11-30-2002
مجموع المشاركات: 6772
بعدما تنزلي من حافلتكم طوالي اتوجهي صوب استاد الخرطوم الدولي وهناك حافلات الكلاكلة صنقعت اركبي في المقعد الخلفي (معقد الطلاب والطالبات ام نص القيمة) وقولي انا طالبة.. الكمساري حيسب ليكي ويسب لابو الجامعات الستة وعشرين وطلابها الكثر الماعندهم فايدة.
المهم استخملي نهرة الكمساري وادفعي نص المبلغ. المهم في الحافلة تاخدي ليكي نومة شوية لانك حتسافري ليلاد بعيدة بدون متاع وتوصلي لفة صنقعت .. تنزلي هناك وتحي وتحي يا طير باحترام وقول سلام وتعيد سلام. مع لفة صنقعت وعلى بعد 650 متر ستجدين على يسارك النادي الذي افتتحه الزعيم الازهري 1958م وعلى يمينك دكان عمك علي عثمان.. انزلي واٍسألي بيتنا وشارع بيتنا واللي بسأل ما بتوه بيت زمراوي قريبة ليك. خلي دكان عمك علي يسارك وادخلي الشارع بسلام آمنين وعدي الشارع الاول والثاني ادخلي يمين وبعد بابين حتلقي اولادي واقفين منتظرينك تحت شجرة النيم.
بالمناسبة هذا "البوست " ممكن يكون مشروع لكتاب حول جغرافيا الأحياء السودانية ، ويمكن بجانب التعليقات الطريفة ممكن نخلق منه منظومة ومرجعية للجيران ! لكن كالعادة القراء حولوه لمضوع للتسلية والشغب ممكن يخدم الغرضين معا . ليس بالضرورة ان غرض المتداخلين الذى أشار له أحد الأصدقاء فقد مشى بعيدا وظلم كثيرا من الناس !طيب نجارى الناس غير الجادين وأمرنا على الله يبدو أن التوجه العام هكذا ! بيتنا بالقرب من ست الشاى العالمية وهى الوحيدة فى الخرطوم زبائنها من الصين والفلبين وتركيا وبعض الخواجات افتكر من شرق اوربا !ومن افريقيا من ارتريا واثيوبيا وتنزانياوعدد من المصريين وثلاثة كويتيين ! هى دون الثلاثين من عمرها!لاحظ انا ماقلت شارع 47 العمارات ولا قلت بجوار مدارس حسون الثانوية ولاقلت شارع المربى الكبير عبد الرحمن على طه تصورا! لأنه مافى زول حيعرف الوصف كان ماقلت ست الشاى (....... )هذه هى الخرطوم التى تركناها قبل ربع قرن من الزمان أصبحت ست الشاى فيها معلما يهتدى به الناس فى وصف بيوت الأحياء !
02-21-2008, 08:22 AM
Nasir Ahmed Elmustafa Nasir Ahmed Elmustafa
تاريخ التسجيل: 10-30-2007
مجموع المشاركات: 1958
والله بوست جميل لكن....أحذر بعقلانية من وصف البيت الصحيح لآى عضو فى المنبر...لأن روحك نقية..هناك قراء قد تكون نفوسهم سيئة ويستقلوا المعلومات إستقلال سىء..وهذا من جانب الحذر..
أحكى لك موقف حصل لى حقيقى...
أنا من أمدرمان..هناك صديق لى من الدويم مغترب كان لما يسافر بترك سيارته البوكس فى بيتنا..
رقم السيارة(....)وأنا فى الشغل الصباح جا واحد البيت ومن محاسن الصدف وجد الوالد الله يديهوا الصحة والعافية...قال ليهو أنا مرسل من فلان(بألأسم ثلاثى)ومعلومات كلها مأئة بالمائة قال يشيلوا العربية يودوها الدويم... الوالد قال ليه إسماعيل ما موجود وما بنقدر نديك المفتاح إلا لما هو يجى وممكن تضرب ليه تلفون وهو يجى معاك حتى تستلم العربية.ولآن الرجل كان محتال لم يتصل.وإتصلت بصديقى أكد لى ذلك بأنه لم يكلف أى أحد بذلك...وإستغرب وأنا حتى ألآن مستغرب كيف تحصل هذا المحتال على كل هذه المعلومات..
بعد ده كلو أنا عشان خاطرك والناس القالوا ساكنين وين.أقول ليك..
أنا ساكن فى قلب من أحب.. جوه الفؤاد..شارع الدرب ألأخضر..
وبينى وبينا شوق عمر...ومودة ورحمة..
تلفى يمين تلقى شذى وعبير وياسمين.. تلفى شمال تلقى أحمد وصلاح.. بوصولوك البيت..هم طوالى مرابطين عند الخفقان..ده من ناحية الوجدان..
ياعزيزى أشكرك على ردك المهذب ولكن ردى عليك كان من باب الدعابة والتى أنسانا ايها البعض هنا آسف لو تجاوزت حدود اللياقة حفظ الله لك من تحبهم وألأخ تمبس شخصية تجبرك على حبها ونشرف جميعا بمعرفته فهو أخ وسودانى بمعنى الكلمة لك العتبى حتى ترضى وشكرا ألأخت/آمنة عبدالكريم
مودتى بلا حدود 0
02-16-2008, 05:03 PM
Raja Raja
تاريخ التسجيل: 05-19-2002
مجموع المشاركات: 16054
يا آمنة الحاصل شنو؟ أوعك تكوني زي نسرين وتضحًكي علينا خلق الله شايفة ود البشرى بيسن في كي بورده ودكين ما محتاج يديك عنوان بيتهم. اديك ليه هسع: بيت ناس دكين في بوست آمنة عبدالكريم جنب فرن إنت ساكن وين؟ لوووووووووووول
هسع في داعي للجرس الحاصلة دي أظهري بالله
02-16-2008, 06:32 PM
كمال علي الزين كمال علي الزين
تاريخ التسجيل: 11-14-2006
مجموع المشاركات: 13386
الفكرة جميلة .... لكن بحسابات اليوم ....فكرة تفتقر الى الحس الأمنى .... يعنى دى عنواين على الشبكة العنكبوتية ... ولو دخلت الموساد البلد دى حتلقطكم واحد واحد .....لا أشجع الفكرة لإعتبار ان ضررها قد يكون أكبر من فائدتها ......
أنا بيتنا تشمى بجنب الجزارة طوالى لحدى محطة البصات ... وتقوم تلف يمين ... لحدى ما تجيك زريبة الفحم .... يلا تمشى طوالى لحدى ما تظهر ليك قدرة الفول بتاعة ناس عمر الفلاتى ... ويلا تلف بهناك تلقى باب لبنى وتقوم تضرب الجرس ( لو كان فى جرس ) ... يقولوا ليك رحلوا من هنا زمااااااااااااان يا ربى بيت أيجار ولا شنو .... تقومى راجعة تنظرى على يمينك فى البوست تلقى صورة بتى رزان ....بسسسسسسسسسسس وصلتى
يا جماعه الكتبوا عناوينن لغاية حسى ديل كلهم ما المطلوبين.. فى انتظار شخصيات محوريه(وجه ضاحك) حسى يعنى حسب راى البعض ناس محمد حامد جمعه مدورين(كوبى بست) ؟ (وجه ماسك بطنو من الضحك) سميح جمال: هوم لس.
امنة ازيك ،،، والله يجيبك بالسلامة مشيتى وين ؟؟ فتحتى الباب للغاوون والغاوونات ؟؟
غايتو لو قاعده تحاولى تصلى بيت ناس الملك ديل ... ما اقول جمعتى تانى ،، واصل يادكين ، واصل، لاول مرة تستشعر مسئولياتك لانو دوب ماجات من روحة هناك دى وقامت على بتاع طيبة الحسناب دا نتلاقى يوم الحساب يا امنة !!
مش قالو فاذا مرض عده ،، واذا طفش من بوستو ردو ؟؟؟
انت بس غير تطفيش البنات الحلوات من البوستات ما عندك شغلة ؟؟
لكن يا دكين لقيتك بتمووووووووت فى وصف الامكنة ؟؟ دا من شنو ؟ اعصابك بتبوظ عدييل كدا !!
الواحد يخت صورتو ويوصف بيتهم تخلعوا .. ما تعرفو بيتو تشككوا !!
امنت بامووون !!!!!!
انا غايتو بيتنا تدق على الاله قوقل وتجيبو تشوف حتى المرسيدس والبى ام دبليو حقاتى الفى القراش !!! (وجه جاد) ،، برضو كلمو بكرى دا يجيب وشوش جديدة بالله ما دام جابت ليها حوامة بالبيوت *** انتو من زمن الوصف الخور والكلبة والهباله ؟؟ فى اتنين ذى السم واحد اسمو ال نافيكيتر ادروب والتانى قوقل ايرث الكوشى دا لدواعى التنوع وكدا !
وبما انك اصبحت صاحب البوست بالرجالة وبما انك مغرم بالنكات البايخة ولا تؤمن بالنكته الا اذا تبعها وصف شمارى عقليتو فضائحية اسمع دى :::::: قالو فى واحد من ناس الحركة الشعبية بعد ما جو الخرطوم اجرو ليهم فى ........(الحذف لدواعى امنية) جاء ابوهو يزورو فى الخرطوم بوصف ليه فى البيت فى التلفون :: تدخل فى الشارع البفصل بين الرياض والطائف تصل ااخررو فى صيدلية مكة ،،، جنبها بقالة اسمها يثرب تلف تلقى اتصالات مزدلفة ،،، ابوهو معلول جدا جدا ادى السماعة للزول الجنبو قال ليك هاك هاك بالله شوف لى الصحابى دا ساكن وين لللللللللللللللللووووووووووووووووللللللللللللللللل
ـــــــــــــــــــ امونة تعالى راجعة عودى الى رشدك ... ما تتكبسى بيوت الجالوص دى وياهووو حميدة القدييم ،، ما تسمعى جارن سيتى ،، دى عمارة عبد الرحيم حسين اى رجل (كراع) زايدة ،، ووووووووردلب ،،،،،، بتقلبو لينا المنبر دا اسود وشفتى براااك الناس ديل تانى مااااحمل فراق !!!
غايتو كان ما ظهرت للصباح ،، انا الخفيفة ، بختف رجلى لحد (قلتى لى ركن الجحا ) البيت التانى ؟؟؟ يادكين يا بليد انت قايل شارع الصحافة ظلط دا تلتوارو شنو؟؟؟ ما البيوت ! والاولاد ........
02-17-2008, 08:39 AM
DKEEN DKEEN
تاريخ التسجيل: 11-30-2002
مجموع المشاركات: 6772
Quote: انت بس غير تطفيش البنات الحلوات من البوستات ما عندك شغلة ؟؟
يطفشن السمحات وتجي دينا خالد.. الله قادر..
لكن يا دكين لقيتك بتمووووووووت فى وصف الامكنة هي لكن هو مكان نُصاح يا دينا؟!! انتي ماكي شايفة لون الحلة .. وحلق الحلة.. وتفصايل الحلة.. وقالو الترابي كان نازل في دايرة الصحافة عن الجبهة الاسلامية.. وبالتالي يمكنك ايضا التغزل في جبهة الحلة..
حلة بصراحة براحة ممكن تقولي عليها (حتة دين حلة)..
عموما يا دندون انتي عارفة انو اخوكي ديمراقطي ومستعد يقسم معاكي المربوع.. فماتشفقي ساي وتجيبي اخرك سريع.. كرهتونا ذاتو.. الوا حد ما يلقى ليهو شي سمح بس تجي جارين تقولو شريكي معاك.. الجاري جاي واصف بيتم وآل بيته التقول من السادة العركيين .. والجاري عامل فيها ظريف.. والجاري عامل فيها غامض ورقم صفر.. والجاري جادي جدا لامن يشرط بطنك ضحك.. والجاري لي هسي ماوقف..
وبي مناسبة الشراكة دي قالو واحد اتزوج بت شديييييييييييييييييدة فوق مرتو ام خمسين سنة.. وجا وراها صورتها لي المرة الكبيرة وقال ليها ولا تزعلي ياستي انتي اسبوع وبديها هي اسبوع ،نظام اعدل بيناتكم وكده.. قات ليهو ماراضية.. قام قال ليها طيب انتي اسبوع وهي تلاتة يوم.. قات ليهو ماراضية برضو.. قام قال ليها: طيب انتي ستة يوم وهي يوم.. قات ليهو برضو ماراضية.. قام صاحبنا زهج وقال ليها: طب انتي دايرة شنو عشان تكوني رضيانة.. قات ليهو : انتا يوم وانا يوم.. خخخخخخخخخخخخخخخخخخخخخخخ الحقوق محفوظة لاخونا (بناديها)
نكتتك بايخة وماقدرتا افهم العلاقة بينها وبين مربع (7) شنو؟؟ زولة قات ليك ساكنة في مربع (7) تجي تقولي ليها الطائف والرياض وحفصة؟؟ مَـغَيظة هي؟؟
Quote: هي لكن هو مكان نُصاح يا دينا؟!! انتي ماكي شايفة لون الحلة .. وحلق الحلة.. وتفصايل الحلة.. وقالو الترابي كان نازل في دايرة الصحافة عن الجبهة الاسلامية.. وبالتالي يمكنك ايضا التغزل في جبهة الحلة..
Quote: مشيتى وين ؟؟ فتحتى الباب للغاوون والغاوونات ؟؟
شوية انشغالة كدي ولو عاينتي للزمن حتلقي اني بكتب في الكلام ده الساعة 4صباحا بتوقيت الخرطوم
Quote: الواحد يخت صورتو ويوصف بيتهم تخلعوا .. ما تعرفو بيتو تشككوا !!
امنت بامووون !!!!!!
بالمناسبة الصورة شكلي ح اغيرها بالطريقة دي
وامووون ده لقبي فعلا
يا ربي صدفة
Quote: غايتو كان ما ظهرت للصباح ،، انا الخفيفة ، بختف رجلى لحد (قلتى لى ركن الجحا ) البيت التانى ؟؟؟ يادكين يا بليد انت قايل شارع الصحافة ظلط دا تلتوارو شنو؟؟؟ ما البيوت ! والاولاد ........
في انتظار الزيارة
لك ودي..
02-17-2008, 00:13 AM
الزبير صالح الزبير الزبير صالح الزبير
تاريخ التسجيل: 08-16-2007
مجموع المشاركات: 2580
انا لسة ما ساكن عندي قطعة ارض مميزة لانها جارة ندي القلعة مربع 19 جبرة (دي ميزة كويسة ما كدة ) عرض للعندهم بيت ما لاقين لية قطعة ارض تختو بيتكم في ارضنا ونتقاسمو سوا(للجادين فقط)
02-17-2008, 02:35 AM
WAD ELGAALI#4 WAD ELGAALI#4
تاريخ التسجيل: 07-11-2002
مجموع المشاركات: 2036
يا دينا خالد ياخى وصفى بيتكم احتمال نجى نشرب القهوه مع الوالد لانو دكين مرسلنا قال بعد عزاز شوكشتو ماعندو طريقه غير دينا طبعا انا اعتبرتو قاصدك انتى مامتأكد لكن ممكن يكون زعلان على كل حال انتى وصفى البيت والزارعه الله فى الظلط بتقوم وفى رواية اخرى فى الحجر
02-17-2008, 07:13 AM
ناهد بشير الطيب ناهد بشير الطيب
تاريخ التسجيل: 02-08-2008
مجموع المشاركات: 4180
Quote: الجاري جاي واصف بيتم وآل بيته التقول من السادة العركيين .. والجاري عامل فيها ظريف.. والجاري عامل فيها غامض ورقم صفر.. والجاري جادي جدا لامن يشرط بطنك ضحك.. والجاري لي هسي ماوقف..
عشان تشوف يا دكين الناس دي قاعدة على الهبشة كيف !!!
Quote: الجاري جاي واصف بيتم وآل بيته التقول من السادة العركيين .. والجاري عامل فيها ظريف.. والجاري عامل فيها غامض ورقم صفر.. والجاري جادي جدا لامن يشرط بطنك ضحك.. والجاري لي هسي ماوقف..
أها يا خوانا خارطة الطريق دي وصلت وين والمعلمين بتاعين غزوة سوركتي ما ظهروا لأسي مالهم إن شاء الله خير وين ناس عمران و علي بشير وابوحراز مشونا يا خوانا دايرين نكبشر الفلم و نخلص
02-17-2008, 02:34 PM
قرشـــو قرشـــو
تاريخ التسجيل: 02-05-2002
مجموع المشاركات: 11385
Quote: انا غايتو ما حاتعب واوصف بيتنا .. لانه بعيد ..يعني بالوصف كده ابعد من بيت ناس ناجي الملك.. وما في زول منكم حيغامر ويزورنا .. اميرة
يا اميرة انتى اسمك ده براهو عنوان من الحبر وشيخ ادريس ديل!!!! هو عندكم غير اربعة اسماء الباقى بركات ومضوى فقط مش بتركبوا الباص من شجرة ود سليم وكده؟؟؟ شايفة عرفتك من وين كيف؟؟
02-18-2008, 07:41 AM
DKEEN DKEEN
تاريخ التسجيل: 11-30-2002
مجموع المشاركات: 6772
ام دينا هي ما شترا بالحيل لكن ما جاية برضو يااخ انا مستغرب القلم البكتب الشعر الراقي اللطيف دا ذوقو سيئ كدا ليه في إختيار الأغاني دا شنو الإنفصام دا (وش شيماء المركب تقويم الأسنان)
Quote: ام دينا هي ما شترا بالحيل لكن ما جاية برضو يااخ انا مستغرب القلم البكتب الشعر الراقي اللطيف دا ذوقو سيئ كدا ليه في إختيار الأغاني دا شنو الإنفصام دا (وش شيماء المركب تقويم الأسنان)
الفهم
02-19-2008, 05:47 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
سوري يا آمنة الحديث موجه للاخت رندا (ام دينا) وآسفين لو كنا استغلينا البوست في الونسات الجانبية لكن اتعودنا كدة في البورد محل ما تلاقي زولك بتاخد ليك خشم خشمين معاه برضو اعذرينا على عدم ترحيبنا بيك شدهتنا الدنيا وكدا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد البشرى الخضر
معتصم احمد صالح
Zomrawi Alweli
جعفر عبد المطلب
Nasir Ahmed Elmustafa
abubakr
nazar hussien
ismeil abbas
حسن الجيلى سعيد
البشير دفع الله
عبدالله كع
اميرة الحبر ادريس
الملك
محي الدين جبريل
Ahmed Hashim
mohanad haimoura
Saifeldin Gibreel
محمد عبد الماجد الصايم
طارق جبريل
Alsa7afa_30
Raja
كمال علي الزين
الرشيد البصيلى
انعام عبد الحفيظ
الطيب شيقوق
Salah Waspa
دينا خالد
الزبير صالح الزبير
WAD ELGAALI#4
ناهد بشير الطيب
ملكة سبأ
انعام حيمورة
حيدر حسن ميرغني
حسين محي الدين
امير مصطفى احمد
مجدي عبدالرحيم فضل
قرشـــو
صديق الموج
Ashraf El Bagir
Rasha Hatim
فيس بوك
تويتر
انستقرام
يوتيوب
بنتيريست