|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
| Quote: مش زى سماح الجاراهو لا تحت الله يجر رويسها قلوا امين . |
آآآآآآآآآآآآآآى مفهومة لكن ناس طلحة ديل ناس حمشين أخوانى عاد بعرفهم كويييييييس ما بمشى فيها كلامك الطالع من رويسك ال ........ دا
أيوا يا بوبا أديلو كدا هو قايلنى مقطوعة من شجرة وللا إيه
والله يا جدو محنك محن دا أنا حتى مشيت للمأزونة وحجزت وقلت الموضوع دا ما ينفع يطول أكتر من كدا
لكن رد نهائى (أنا شفت شنو فى الدنيا عشان أقضى عمرى أشيل وأرفع وأربط فى عنقريب عدة جار عليه الزمن) ومشكلة بقى يقول كلام بره الراس
هاهااااااااااااااى الله يجيبك يا سيدنا توقف المساخر الحاصلة دى (غاب اب شنب ولعب اب ضنب)
يا ود المنسى ممكن اشتكى ليك؟؟؟؟؟؟؟؟؟
أصلو ناس الدندر ديل دا طرفى منهم
| |
 
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
Quote: الله يجازي محنك ضحكتيني شديييييييييييد- انت مسلطة اكتر من الرطاني
كمان عايزة تشتكي لود المنسي يا حليلك والله كالمستجير من الرمضاء بالنار |
أيا معاها
وأنا متين كنت اقف أمام الجمال بسيفي
ما فتا الغزال بعينو بجرح الأسد
وما اقيف معاها ليه ؟؟
وكان ماوقفت معاها أقيف مع منو معاك انتَ
بقيت مخرف وكل يوم شايت في اتجاه
ماتقول الهواء ودا الكورة كدي مافي هواء
ولا شئ
لكن أنت من ضربة بتفقد السيطرة وتضرب
هب هب مافارز ومغمد
سمح نحن معاك يا .....أنت فاهمه وانا فاهم
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: salma subhi)
|
بين القلوب ميزان صفا وزنها المعبور
قلباً يميله الحب وقلباً يميل مجبور
انسان عشق انسان وانسانه ما مخبور
شخص الوفاء المفقود ولفقده مانى صبور
سلام لسماح وكل السمحين
الكلام بالفتح هو القول والكُلام بالضم ماغلظ من الأرض
والكلم هو الجرح والمكلوم هو المجروح
الكلمة مسؤولية ، بواعث ، أهداف ،طريقة ، ثم نتائج
المركب الوصفي للكلمة الطيبة التواصل اللالفظي
أي الإنتقال من اللفظي الي النفسي بالبعد عن النابي
قال رسول الله صلى الله عليه وسلم:
( لايستقيم إيمان أحدكم حتى يستقيم قلبه ولايستقيم قلبه حتى يستقيم لسانه)
ما أنشق فجر يوم جديد إلا ونادى :
ياإبن آدم أنا يوم جديد وعلى عملك شهيد
فتزود مني فإني لا أعود إليك إلا يوم القيامة
وقد فسر الحسن البصري معني الخسر في قوله تعالى :
(والعصر إن الإنسان لفي خسر ) بالنقصان
اللهم زدنا ولاتنقصنا وأرحمنا ولا تحرمنا.
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: أبي بكر سيد احمد)
|
Quote: اللهم لا شماته ... قت لييييك ..
لكن انت ما بتسمع كلام البريدوك
زولك ما عندو صليح ...بيخبط من جم
... وهو طبعو كده ... بيشوت الكوره الجاااااااهزه |
ابي بكر سيدأحمد
يا رائع سلااام
والله تقول شنو ياهو دا شغلو
مرة يضري شمال ومرة يضري يمين
ومرات مابفرز يلف بي القفة ويضري في كل الإتجاتات
يعمي كل الناس
اصلو من صغير تعلم لقيط الليل نص وسخ ململم
شي صفق شدر وشي عيدان وشي تراب
عاطر تحياتي لك لك ماتشكر لي الراكوبة في المطر ( الرطاني )
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
معقولة بس با حبينا( الماك) منسي بالمره...
| Quote: عاطر تحياتي لك لكن ماتشكر لي الراكوبة في المطر ( الرطاني ) |
شيخنا ابوبكر ده راجل زي هفهفةالنسيم ...
و (الما بيشوف من الغربال ..يبقى....) حاشاك يا عزيز من العما ...
اما صاحبك العرريب ... فما محتاج لوجود شيخنا الرطاني ...
نحنا الصغار ديل بنجيهو ليك ... ونعرفوا الما بعرفو....
ــــــــــــــــــــــــــــــــــــــــــــــــــــــــــــ
اللهم اشفي إبن ود شيقوق شفاءً عاجلاً غير آجل
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: GamarBoBa)
|
ابو بكر سيد احمد ( السجك الما خمج)
ود المنسي ابن الصالحين
بوبا - مقلام الحجج
سموحي - اسم على مسمى
جاءنا ما يلي من امارة دبي
تأكد بما لايدع مجالا للشك ان الرطاني قد استقبل ببيته منذ امس الاول ضيوفا على مستوى عال جدا قادمين من الولايات المتحدة الامريكية وقد صار لا مناص من ان يبيعكم كلكم لزوم جيهة الضيوف . كما بلغنى بان المشكلة الوحيدة التي ظلت تؤرق الرطاني هي انعدام محلات الباركنج لسيارات الضيوف الامر الذى استلزم استضافة الضيوف واكرامهم في فندق بشرط ان تكون بها مساحات باركنج مهولة .
الحقيهم يا سمحاح اصلك بتاعة شو وبتحبي الجمهرة عشان تنزلي يديك وتليهم لا فوق عشان يعرفوا دهبك كتييييييييير
بالله دى امة دى .
ودعتكم الله واكان الكلام ده جاب راسكم يا مراحب واكان في الفيها الله اكبر عليكم .
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
الحجيج ( 2 )
يا حي يامجيد
ندعوك ألفين جمل
علي المشتاق والإيد
وميتين لي المويا
والزاد ونفس البعيد
وميتين لي أحبابنا
الجنبي والبعيد
وميتين لي الفقرا
البقروا في المسيد
وجملي البدورو
ما أظنّو يتوجد
أبيض في لونو
علي الدبلان يزيد
أفطس قدومو
قلمن مبري جديد
ورهاف أنآفو
لا بشوفو بي تأكيد
سمحات عيونو
ختمن دق ود تبيد
شارفات أُذنينو
مكلوفاً ياالرشيد
وزمامو الفضة
أربع تاواق ويزيد
خناقو الشولق
غشيم دهب العبيد
رسنو حريراً
بارد في مسك الإيد
إن قلتا رقبتو
جروقن لي الهويد
ومكوكب زورو
الفدعا العند الإيد
ضامر حشاهو
ماهو البدين عريض
إن قلتا ذنبو
فوق الشبرين مابزيد
مرخي عرقوبو
شوتال مدقوق جديد
سمحات سِيقانو
كاليد الفي الحديد
ومدور خفو
في الوطيا مو عريض
شارف سنامو
قبة سيدي العبيد
طبعو المأدب
لا عاص لا عنيد
كدي جيبو ونوخو
ياالعرض وياالعبيد
وسو فوقو سرجن
مكسي ومحشي جديد
وإن قُت مجدولاً
كالفصلا الفي العقيد
وأفرش لي الفروة
ياتويلي يا مرعيد
قام تبّا بينا
يضرب وينفي الليد
إن جاكا ماشي
في عفرت الصعيد
يا اخويا أقرالو
من كونك ماك جديد
وخنق لي الطارا
طالب الرسول السيد
وريس السفينة
قال أهلاً مُداح السيد
بلاش أدخلوا
إن شاءالله توافو العيد
ودخلنا فيها
كدي قلنا يامجيد
في سروة واحدا
وصلت بي قدرة السيد
في جده خروجنا
مافينا من مريض
وحلقنا شعورنا
ورجمنا خصم السيد
طال لينا المنار
أم شبكن حديد
قنالّو سلامن
ياسيد رسالة أبزيد
قال أهلاً مرحب
أنا قلبي ليكا بريد
أنتَ وأحبابك
الجنبي والبعيد
تسكنو قصوراً
شامخات بلا تحديد
يات من كان منكم
ألفين حوريا نهيد
وعيد الراوي
الما ودر القصيد
يوم لمت الوعيد
يممنّا النبي السيد
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
سيدنا سيد الكل:
بعيد عنك حياتى عذاب
ما تبعدنيش بعيد عنك
ماليش غير الدموع أحباب
معاها بعيش بعيد عنك
ود المنسى
اختلفنا مين يحب الثانى أكثر
واتفقنا انك أكثر وأنا أكثر
ليه نخفى حبنا والشوق فاضح
وفى ملامحنا من اللهفة ملامح
بوبا:
انا دمعى هطول
أحن لى لماك وقاسى على
يصح فى هواك تعذيبى يطول
ياالبين اترابك لاهى خلى
سمية طلحة
ياناعس الاجفان انا من صفاك مسحور
بالله انت ملاك ؟ ولا من حسان الحور
شيقا
انت فين والحب فين
ظالمه ليه دايما معاك
هاهاهاها
وللا أقول ليك سوما برضو بتقول
حب إيه الانت جاى تقول عليه
شوق كمية لأحلى ناس
سماح
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: sama7)
|
Quote: شادي الحفلة طنّا والإكليل سفر
والنشاب توتر لي الفاتر قفر
ظبي الريم تبختّر وبي الأساد غفر
معنى الحفلة كائن على واحد نفر |
الشادي أي مغني الحفلة رفع صوته بالغناء
توترت أوتار نشاب كل الحضور عندما قامت الوزة
من مكانها متجهة إلي ساحة الرقص وكأن مشيتها
مر السحاب لا ريث ولا جعل ( تتبختر ) فهجد
الكل فكانت كما هي حار أي غفير لأسود
وهي والله التي قامت عليها الحفل فكانت قمر
وأترابها أنجم
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: GamarBoBa)
|
عزيزنا ود المنسى بواسطة عزيزنا فيصل
ســـــــــــلامات
ياخوى حسادة كدة داير اقطع ليكم الغزل المكشوف دة
لانو بصراحة خائف اذا دخلت معاكم تبقى على حكاية اخونا
القال
عيرتنى بالشيب وفى الشيب وقار
ليتها عيرتنى بما هو عـــــار
رغم اقتناعى بانو اذا دخلتة اقل حاجة حاضيع ليك صاحبك
ود شيوق لانو ظاهر عليهو خفيف وملقوف وحيقعد يغنى ليك
فى الليلة ديك
المهم ياعزيزى وصلتنى عبر الايميل هذة القصيدة الظريفة
والتى تجارى قصيدة قارئة الفنجان لنزار قبانى فقــررت
ان اشركك فى قرأتها............مع التحية والود
ـــــــــــــــــــــــــــــــــــــــــــــــــــ
نظرت والخوف بعينيها تتأمل راتبي المحسوب
قالت لا تحزن يا ولدي فالفقر عليك هو المكتوب
ستطير رواتبك سريعاً كماء في صحن مثقوب
وسيقرع بابك بقال يطالبك بما هو مطلوب
وستجلدك فواتير الجوال ، مالك والموبايل يا مغضوب
فابحث بين جميع الجزارين وستلقى الفول هو المحبوب
فاللحمة صارت أحلاماً أسعارها لا تناسب الجيوب
ولو طلبها العيال منك انهرهم بالصوت المقلوب
فأنت موظف يا ولدي جمعت رواتبك العيوب
ما بين الفواتير تذوي وباقيها بنار الغلاء يذوب
لا تحزن ياولدي لا تحزن فدوريات التموين تجوب
لكن الغلاء يزداد صعوداً وتشتد رياحه بالهبوب
فكلما قبضت الراتب يا ولدي اعلم سلفاً انه مسحوب
فلا هو لأكل الفلافل يكفي وأنت أمامه مغلوب مغلوب مغلوب مغلوب مغلووووووب
يا ولدي
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: فيصل محمد خليل)
|
يا عم كمال
ابعت لي ايملك عشان تدخل رسمي الحوش
وانا والمنسي وفيسل حنرفع البوست ستين مرة في اليوم عشان تنضم للحوش
رسل لي بريدك في بوستة خالد
بمناسبة البوستة احكي ليك يا عم كمال الطرفة دي
نحن قريتنا مقابلة لصواردة بالغرب في السكوت
البريد ايام البوستة كانو بختوا لقريتنا الخطابات في طرد خاص بالبريد
والمسؤول من بوستةالقرية بعدي الصباح بجيب الطرد اسبوعيا
قام المسئول اتأخر
وصادف مرور شخص اسمه يوسف(ايزب) وهو رجل علي قدر حاله عقليا
فتح الطرد وبقي يقرا في الرسايل ويديها هواء امشير
حصله المسئول وهو يقرا اخر رساله ويرسلها ادراج الرياح و سأله بتعمل في شنو يا إيزب
ايزب رد ليه:إنت خليك من بعمل في شنو .... انت ليه الدنيا دي مافيها جديد؟؟؟
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: GamarBoBa)
|
سرى بي طيف جميل للجميل الحبيب زائر ( يحلو الإقتباس هنا )
وماالطيف ألا ماتريه الخواطر .. سرى في ظلمة ضلَّ فيها النجم
وما إستدل .. فحط في ديار الحبيب هونا وتعانقنا عناقا ألهب
قلبينا معا وسمونا ونحن متعانقين حيث لا آمنيات ولا كائنات
تمر ومازلنا متعانقين حتى تناثرت حبيبات عقد الحبيب التي طال
إسترخائها على حزوز جيد بعبق الندى زهرة .. وظللنا متعانقين
حتى لاح من الفجر نورا معلناً أن الحياة بدت تدب ولا للمحبين
فيها موضعا ... فعدت أدراجي ...
تعالو معي نزين ذاك الحلم طربا لسماع وصف للحبيب علنا نريح
قلوبنا التي أذاها ألن الفراق والبين للأهل والحبيب
أقول لكم
يا اخوانا كان رقتو
أنا بوصف الشفتو
شفتا الشعر جار
لي حنتو التحتو
نستمع لها بصوت الفنان الرائع
علي إبراهيم اللحو
نرجو من جميع التداخلين
مشاركتي لتمعن في وصف الحبيب
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
Quote: ياناعس الاجفان انا من صفاك مسحور
بالله انت ملاك ؟ ولا من حسان الحور |
سماح
للسمحين معاك ماخليت سماحة
شتلات الأماني انت زهور صباحا
.... نجمة نجمة الليل نعدو ...
وأنت ما عارف عيونك لما تسرح وين بودو
الحلنقي قال والله الأغنية دي كتبتها نص النهار
شوفي الخيال الواسع دا ...
إذا حكى لنا الطفل قصة وصورها في غير الحقيقة والواقع
يجب ان لا نقول له كذاب ... بل نقول أن خياله واسع ...
سلام للطيبين سلامات خالد قريتكم كلكم حرف حرف
تقبلوا أطيب التحايا
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: سمية الحسن طلحة)
|
الاخ بكري ابو بكر
مدير موقع سودانبز اونلاين المحترم
صوت من لا صوت له .... وطن من لا وطن له
تحية طيبة .
انا عمار نجم الدين حسين جلك الناطق الرسمي باسم الحركة الشعبية لتحرير السودان بالعاصمة القومية
انا اشكرك شكرا جزيل على وقفتكم المشرفة والقوية معي والتي ساهمت في اطلاق سراحي من معتقلات النظام الحاكم .
انا واسرتي ما زلت معرضا للخطر لانني بعد انا خرجت من السجن ادليت بعدة تصريحات في الصحف السودانية وسودانيزاون لاين وراديو مرايا التابع لبعثة الامم المتحده في السودان وتحدثت فيه عن المعتقل عن تعذيب المعتقلين ووجود معتقلين اجانب في المعتقلات ومعتقلين اخرين بلغوا من فترة الاعتقال 48 شهر واخرين 36 شهر ولكني لم استطع في السابق ان افصل بصورة دقيقة وذلك لوجودي في قبضة النظام وقد تم اغرائي في البداية بعد خروجي لكي لا ادلي بتصريحات لكنني لم ارفضت فقام جهاز الامن الوطني بمحاولة اغتيالي بواسطة بعض افراده يوم 6
/فبراير/2008 م اي بعد13 يوم من اطلاق سراحي مما جعلني اختفي عن الانظار لفترة الشهر الماضي وقيادة الحركة الشعبية على علم بالتفاصيل وكذلك المحامي الخاص بي الدكتور / نبيل اديب عبدالله الذي سمع في مكتبه احدى حوارت ضابط جهاز الامن النقيب معاوية الكامل وهو يقوم بالاعتراف بالتعذيب الذي تم لي بعد ان استدرجته وكنت فاتح مكبر الصوت الخاص بالموبايل .
المهم الاخ بكري اريد ان اقوم بنشر ما يدور في المعتقلات عبرموقعكم وما حدث لي من تعذيب وخاصة وانا موجود الان في مأمن تام من قبضة جهاز الامن الوطني والمخابرات لعل ذلك يساهم في اغلاق هذه المعتقلات واخراج اكثر من 200 معتقل موجودين في سجون جهاز الامن فالجهاز مازال يمتلك بيوت اشباح واماكن تعذيب ويوجد معتقلين اصيبوا بالجنون جراء التعذيب وهم كانوا موجودون معي في المعتقل واخرين اصبحوا عاجزين ( اصيبوا بالشلل ) من التعذيب وعندي ايضا ادلة قوية على دعم النظام للمعارضة التشادية ومع النظام طرف دولي اخر ( دولة حليفة للمؤتمر الوطني ) انا متأكد تماما لا احد يعرف ذلك والا انا والنظام والمعارضة التشادية وقيادة الحركة الشعبية )
*** الاخ بكري ابو بكر لقد طلب مني ان اقوم باغتصاب ياسر عرمان والرفيق مالك عقار بعد ان يسكروا تماما ( مثلما طلب مني ) وهذه النقطه هامة للغاية واقوم بتصوير الاغتصاب واسلم التصوير للجهاز الامن الوطني والمخابرات. .
كل ذلك قليل من كثير .
اخي بكري ابو بكر انا امتلك كثير من الادلة والغرائن والاسماء والاماكن على ما سأدلي به من حديث لايمكن ان ينشرالا في سودانيز اون لاين وسودانايل فارجو ان تقوم بمساعدتي للنشر ما اعرفه وما حدث لي في الموقع بصورة اعلامية ودعائية جيدة بحيث يصل ما سوف اكتبه لاكبر عدد من السودانيين والمنظمات الدولية والمهتمين بحقوق الانسان .
الاخ بكري انا الان رافع قضية في المحكمة الدستورية لالغاء المواد الخاصة بالاعتقال من قبل جهاز الامن وقمت بتوكيل احد القيادات في الحركة الشعبية للمتابعة القضية لانني الان انا مختفي بعد محاولة اغتيالي في اخر بداية شهر فبراير .
اذا وافقت على طلبي ذلك انا سوف ابداء بالكتابة منذ اليوم ونبدأ مباشرة في التوثيق والنشر
وارجو ايضا بعد ان ترد على خطابي هذا اذا كان بالايجاب ان تنشر في الصفحة الرئيسية انه سوف نبدأ بنشر حقائق مهمة حوال الاعتقال والتعذيب والمعتقلين والى اخره .
الاخ بكري لقد تم اطلاق سراحي في اجتماع كان بحضور بعض قيادة الحركة الشعبية والمؤتمر الوطني وهذا يحدث لاول مره مع معتقل في الفترة الماضية وما دار في الاجتماع هو مهم للغاية .
الاخ بكري ايضا ارجو ان تساعدني في اتصل بالبي بي سي واذاعة راديو فرنسا الدولية ااذاعة صوت واشنطون يوجد اخوة اخرون لهم مساعي لا خراج تلك المعلومات للعالم وخاصة انا جزء من النظام للاسف يعني ما سوف ادلي به سوف يكون له اثر جيد اعلاميا .
عمار نجم الدين حسين
السكرتير الاعلامي والناطق الرسمي باسم الحركة الشعبية لتحرير السودان
العاصمة القومية
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: Tayseer Elmobarak)
|
Quote: خالد .. بحر الطيبة الصافي ..
نغيب و نأتي جرياً على الإنجمامة لنستريح لديها
و نستمتع بالدرر و كذلك بالمساجلات الجميلة
و الراقية بين زوارك الكرام ..
و الكلمة الطيبة و الجميلة تبقى ..
أولاد حاج الماحي ذلك العاشق المعذب .. |
الثريا العالي مكانه
تيسير المبارك
بارك الله فيك وفي جيتك يا تيسير
زياراتك تسر قلوبنا وتسوقنا نشوة نسمو بها
وانتِ ترددين دوماً مانرمي إليه
( كلمة طيبة يا طيبة )
لك غزير شكري وحتى الموفور
شكرا كتير وعليك الله ماتغيبي سماع صوت حرفك
لنا رحمة من الله
تحياتي
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
عزيزنا ود المنسى.....بواسطة عزيزنا فيصل
سلامات ياخوى انا ماقلتة ليك صاحبك خفيف .ماصدق
انك كشفتة االمحل البدس فيهو القروش قام صوف
رحل من البيت
ـــــــــــــــــــــــــــــــــــــــــــ
ودشيقوق طبعاً بدفن ما بخت القروش في البنك
دافن في حوش البيت
يا رب أجي همدي بحت البيت دا ويحيرو
ــــــــــــــــــــــــــــــــــــــــــ
الى العزيز الغالى قمر بوبا..سلامات
اشكرك بعنف على المشاعر الرقيقة ومعرفتكم هى الحتطول
عمرنا وبترجعنا شباب نقهر بة ود شيقوق وامثالة.....
ارسلت الايميل للمامنسى ود المنسى
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: أبوبكر أبوالقاسم)
|
الى عزيزنا قمر بوبا بواسطة عزيزنا فيصل..سلامات
بمناسبة صواردة دى تعال احكى ليك نكتة حقيقية حصلت عندكم
وطبعا ماحاقول اسم الشخص الحكاها عشان ما يفتح بلاغ ضد
سودانيزاونلاين.......... الحكاية انو اتنين سكرو فى الانداية
وبعدين هم مارقين لقيو ليهم خروف قام واحد اقترح على التانى
يرجعو للانداية ويضبحو الخروف ويزيدو العيار ويهيصــو
وفى الصباح ذهبت السكرة واتت الفكرة وشعروا بتأنيب الضمير
على فعلتهم فقرروا ان يستشيروا امام المسجد والذى وبخهم على
فعلتهم وقال لهم ان مصارينهم ستشوى بالنار يوم القيامة لانهم
اكلو الحرام قام واحد قاليهو :_ ياشيخة صالح بس مافى زول
شافنا .. قام الامام قال ليهم كيف الكلام دة .. يوم القيامة حيجى
صاحب الخروف والخروف زاتو حيشهد ضدكم . وهنا حصل
الحوار الاتى:ـ
السكارى:ـياشيخة صالح نحنا حنجى يوم القيامة؟
الامام:ـ ايييوة
السكارى:ـ وصاحب الخروف حيجى برضو؟
الامام:ـ اييييوة
السكارى:ـ والخروف ذات نفسو حيجى برضو؟
الامام:ـ ايييوة
السكارى :ـ طيب ياشيخة صالح اذا الخروف وصاحب
الخروف حيجو ماخلاص صاحب الخروف يشيل الخروف
بتاعو وننتهى على كدة اية لزوم حريقة المصارين دى
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: wd al geran)
|
Quote: حبيبنا خالد ود المنسى ...
تحية ليك ولأهل الإنجمامة جميعاً...
غتسنا وجينا وِدْرَت علينا الإنجمامة
ولقينا فيها كلام من بيت الكلاوى لمّن اتوهدبنا...
عينى عليكم باردة ،، ،،، وواصلوا جميعاً
القول الجميل الممتع ........ |
ناس مسط الطيبين حبابكم
تحية طيبة سلااام
والله فقدناك كتير وطولت الغيبة يا أبوبكر أبوالقاسم
إنتكي وقيل بين شديراتنا وأُخدلك غمدة
لا تطيل الغياب يا راقي
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: سمية الحسن طلحة)
|
Quote: الحكمة في كونك بخيل وأهلك أرابيب الندى
أصلك بتدلل علي ولا الحكاية معاندة ! ؟؟؟
سلام ياناس ياسمحين
والله مشتاقين مشتاقين لكن مالاقيين إيدنا ساااكت |
ريحانة البطانة وزهرة الحين ودطلحة
تسلمي جبتي الكلام من الآخر
كدي جيبي أضانك
تفتكري بتدلل علينا
ولا الحكاية معاندة
أدودر وأدودر وأغني وأنم وأقول خلاس
تاني تقوم هي ( ..... ) تجيب سيرة البحر ( ودشيقوق )
شن أسو آه أنا ..
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: sama7)
|
Quote: أخونا خالد ... كل الود
طبعاً نحن لا زلنا متابعين الكورة وطبعاً
"ود شيقوق " إكون فى سابع نومة.
تابع وضّرِّى عيشك زى ما داير وطبعاً
"المجرية " مِهودة وما جايبة خبر ...... |
الحبيب أبوبكر أبوالقاسم
تحياتنا تصلك سلاام يا كورنجي
قالوا ودشيقوق وهو نايم يناقر في الرطاني وسماح
منو القال ليك مهودا والله بتفك الحرف وتقرأ بس أنا
الشديد بوهدبا بقول ليها ابوبكر اسم بنت ونفيسة دا
ولد وشايت علي كدي
تحياتي ومودتي
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: sama7)
|
ألفين سلام عزيزى خالد
شكرا لهذا البوست الجميل جدا .. لأ أذكر متى قرأت بوستا فى هذا المنبر و خرجت مليئا بالفرح كما حدث معى الآن .. الناس هنا فائضى الطيبة و حلوين للطيش .. و كل ما فى هذا البوست يدعو للإنجمامة
لا يمكن أن أدخل بستانكم هذا و لا أغرس فية زهرة .. وصلنى إيميل من صديق عزيز به وصـايا غالية .. أهديها لكل الجميلين هنا Quote:
قــواعـــد السعــادة السـبـــع
1) لا تكـره أحـدا مهما أخطأ في حقـك.
2) لا تـقـلــق أبـــدا.
3) عـش في بساطـة مهما علا شـأنـك.
4) تـوقـع خيـرا مهـما كثـر البـلاء.
5) أعـط كثيـرا و لـو حـرمـت.
6) ابتسـم ولـو كان القـلب يقطـر دما.
7) لا تقطـع دعـاءك لأخيـك بظهـرالغيـب |
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: sama7)
|
Quote: تغيب تخلينى لمنو يا خالد
خلاص اأن بضرب ليك انت عشان تطمن
ود شيقوق وكان المجرية دقت جرس قول ليها سماح دى ولد
ولو ما اقتنعت قول ليها ولد مايع هاهاها كدا كيف؟؟؟؟ |
؟؟؟؟
يوم المنى
اضربي سااااكت
أنا الشافو خلو
سمعتي زول بهدد كسلا بي القاش
تحياتي سماح انت عسل لكن ودشيقوق
وزي مابقول الشقي في المولد يعضي كلب
ويلقى في الفشفاش عضم
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: sama7)
|
Quote: اضرب او اضربي ساااااااااااكت .
زولك ده معرس لو عجمية اكان قال ليها المتصل أوباما بتصدق . |
هي يا ودشيقوق كان ما بتفهم برضو ما بتفرز الصوت
تعرف كان في شلة سكر بقعدوا سوا وكان في واحد بينهم أعمى
أها يوم البنزين بسيط قاموا إتفقوا على انو فلان هذا أعمى
نكب لي بسيط اصلو مابشوف ... اها شغالين معا خط بس والزول يكتح
بعد شوية قام سعل البكب قال لي :
أنت تعال يا القمر بوبا إشمعنا كأسي قصير وانتو كاساتكم طوال
قام القمر بوبا قال لي :: هسي كان ما محن ساااكت أنت شوفتو كيف
قام قال لي هي أنا بشوف كما ما بسمع وأفرز
كررررررررررررررررررررررر من كط
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
خللود
ات عارف نفسي في شنو؟
التبش البتلقى فيو صفار بالجمبات داك
مرة ايام الجامعة واحد من الشباب عزمنا غدا في بيتم
اتجمعنا شلة وركبنا الدفار ونزلنا في محطة بيتم
مع نزلتنا كده لقينا ليك مرة كبيرة مكومة التبش قداما
والشطة نوعية البتلقى قشر الليمون عايم فيها بي فوق ديك
المشكلة انو أغلبيتنا دنيين
صنقرنا ليك عندها ونسينا ليك موضوع الغدا
وهي تقطع وتدينا ونحنا نغمس في الشطة وناكل
امكن قرضنا مخلايتا ديك كلها
بعد داك قمنا مشينا على بيت صحابنا
ختو الغدا قدامنا .. وبقينا كل زول يعاين للتاني
غايتو هبشنا كده عشان ما تكون شينا وقمنا .
ولا كبدة ابل بي شطة وليمون وبصل ابيض .
| |
|
|
|
|
|
|
| |
salma subhi
sama7
الطيب شيقوق
خالد علي محجوب المنسي
GamarBoBa
أبي بكر سيد احمد
فيصل محمد خليل
هشام هباني
أبوبكر أبوالقاسم
wd al geran
مازن الجمّال
فيس بوك
تويتر
انستقرام
يوتيوب
بنتيريست