|
|
 Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: مازن الجمّال)
|
ات عارف نفسي في شنو؟
التبش البتلقى فيو صفار بالجمبات داك
مرة ايام الجامعة واحد من الشباب عزمنا غدا في بيتم
اتجمعنا شلة وركبنا الدفار ونزلنا في محطة بيتم
مع نزلتنا كده لقينا ليك مرة كبيرة مكومة التبش قداما
والشطة نوعية البتلقى قشر الليمون عايم فيها بي فوق ديك
المشكلة انو أغلبيتنا دنيين
صنقرنا ليك عندها ونسينا ليك موضوع الغدا
وهي تقطع وتدينا ونحنا نغمس في الشطة وناكل
امكن قرضنا مخلايتا ديك كلها
بعد داك قمنا مشينا على بيت صحابنا
ختو الغدا قدامنا .. وبقينا كل زول يعاين للتاني
غايتو هبشنا كده عشان ما تكون شينا وقمنا .
ولا كبدة ابل بي شطة وليمون وبصل ابيض .
مازن الشاعر الظريف
والله ضحكتني شديد بي نفسك الساقطا دي
دا إسمو الملوص حاجة روعة تأكل وتتوحّوح
تعرف أنا نفسي في شنو ملاح رجلا بايت أعجنو بي كسرة وموية
عليك الله ما تغيب علينا كتتتتتتتير كدا
طلتك تفرحنا وخليك قريب
| |
 
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: مازن الجمّال)
|
Quote: ألفين سلام عزيزى خالد
شكرا لهذا البوست الجميل جدا ..
لأ أذكر متى قرأت بوستا فى هذا
المنبر و خرجت مليئا بالفرح كما
حدث معى الآن .. الناس هنا فائضى
الطيبة و حلوين للطيش ..
و كل ما فى هذا البوست يدعو للإنجمامة
لا يمكن أن أدخل بستانكم هذا و لا أغرس فية زهرة ..
وصلنى إيميل من صديق عزيز به وصـايا غالية ..
أهديها لكل الجميلين هنا |
الأخ العزيز علي الحلاوي
تحية طيبة سلاااام
قبل البدء بقول ليك
ودحبوبة قام وجمع الأنصار
في الكتفية ديك
كم شبعن صقار
سيفك اللي الفقر قلام
والله كما قلت وقد كان توفيق من الله أن جمع نفر بكل
هذه الطيبة والجمال فهم أخوة وأخوات ندعو لهم دوماً
رب العزة أن يحفظهم من كل شر
وان تدوم بينهم الطيبة كلمة طيبة
بنتشكر ليك شديد علي المرور وربنا يجعلها
فاتحة خير وكل ما تفتر تجي تنجم عند ومرحب بيك
ودارنا كلها باب
مودتي
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
الليلة أخوك مبسوط بالحيل
ناضمتني قمر سبعتين
أها من قفل تلفونها أنا مشغل
غنية ارباب دار جعل وأعرض سااااكت
لكن مرة مرة قلبي ينقزني وأقول حبيبي داك
أمكن يكون قرأ الكلام وأنتحر
هيييييييع ياودشيقوق إن بقيت حي لي هسي
أخوك إصوقر سااااكت متلفح توبي يجرجر مسبل
ومرات أسوي
قر قر قر قر ( حقت سماح ) وأتخيل في وشي حبيبي ودشيقوق
أكيد بقى زي بكان الحفلة الصباح
هلا هلا الخلا ولع
ومحل رهيفة التنقد
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
أرباب دار جعل الفارس الأرباب
وليك في قلبي تقدير وإحترام وحساب
لو كان شعري في وصفك كتبتو كتاب
تستاهل عشان أرباب وود أرباب
نمراً بركب الكيك البطر وإتحرّن
ونمراً بقلب العوق أب صفوفاً جرّن
خلوات صدرو في علوم الحروب كم قرّن
سيفو بينتف الدرع الحديدو مقرّن
ياهو المك نمر
مو نمر الشدر حاضن فروعو مقيّل
دا النمر البضاير الصف محل مايميّل
كل ماأقول شُكر بلقاهو فيهو قِليّل
كفو بيخجل العينا السحابا منيل
ياهو المك نمر
الليلة نمر صبحن خيولو يصهلّن
من حر العلوق طمسن بطونن بهلن
دايرات مكبس الضحوي الفيهو يبهرن
ياهو المك نمر
نمراً ما بفز حاشاهو كلا وحاشا
لممام لي الهمائل البي العتامير طاشّا
ذو عفّة وثبات كرماً معاهو بشاشا
وتشهد دار جعل يوم كتلت الباشا
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: سمية الحسن طلحة)
|
Quote: خالد شيقوق دا ماتخاف عليهو
شديد تب عوجة مابيهو
يتحاوم ويكاتي في الأرحام
يابيت أمسكني ويابيت أطلقني
هسع كان بتكلم مع الزبير في التلفون
معلمة الله ولا عبرني !!!
الظاهر عملنا ليهو وجع وش في إنجماتك دي
لكن لوعرف مهاتفاتكم دي ... هلا هلا يابوعبدالله |
ريحانة البطانة
طمئنك رب العزة وغمرك بالصخة والعافية
طمئنتينا على الزويل ...
البحر قريب من بيتو ؟؟
أغفروا غايتو ...
تحياتي للزبير والأسرة
تحياتي
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: سمية الحسن طلحة)
|
Quote: البحر هين ياخالد على الأقل الغريق ينحسب شهيد
لكن المشكلة رحل من بيتو في شقة يقوم يقع من فوق يقص رقبتو
الله يستر ما يجيب لينا جريرة
تحياتك وصلت للزبير ويرسل لك أحسن منها أضعاف |
قولوا ليهو يا عبدو لا
الدنيا حر
الغرق حار عليك
أنا زمان نصحتو
فاتحا في الكلام
قال لي ... بفضل مكهربا كدي
كهربجي قال ...
سمية
اسعدتنا مرسال السلام مطبوق من رفيق دربك
الزبير حفظه المولى العلي
وصيتي ليك بس كان كدي ختو مراتب قصاد بلكونتو
الزول رهيف بددشدش زي كباية البايركس
تحياتي سمية
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)
|
Quote: ود عمي خالد سلام
معقول البوست ده يصل الصفحة 7 وانا ما عندي مشاركة ؟؟؟
إتلومت والله فيك شديد خلاص
خالد بإلله تلفونك ( )
وكان لتلفوني انا ياهو ده (0564155973)
هسع دي ما عندي إضافة لكن بجيك بالمهلة . |
يا سلاااام زيارة كنت أتوقعها من زمن بعيد
لكن دوماً الحبيب طبعو الجفا
سلااام وتحية طيبة هاشم ودخلف الله
تلفوني يا هاشم
0037744185504
هذه هي الإنجمامة ووصلت صفحتها السابعة
وقبلها كانت إستراحة محارب ووصلت 15 صفحة
وماشفنا فيها الحبيب هاشم
لكن قالوا البريدك بلقى ليك العذر
نحن نرصد كل الأعذار لك يا جميل
تحياتي ومودتي
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
Quote: ان العيون التي في طرفها حور
قتلننا ثم لم يحيين قتلانا
قلت احسنت يا سؤلي ويا املي
فاسمعيني جزاك الله احسانا
يا حبذا جبل الريان من جبل
وحبذا ساكن الريان من كانا
قالت فهلا فدتك النفس احسن من
هذا لمن كان صب القلب حيرانا
يا قوم اذنى لبعض الحي عاشقة
والأذن تعشق قبل العين احيانا
لك التحية أخ خالد.... |
حمامة سلااامنا حبابك عشرة
وبين طياتك جميل كلم طيب يهتز له البدن رعشة فيها لذة
ومن العيون ما يقتل والله سهامها لاتخطئ أبدا
الله يستر من سهام العيون
تحياتي سلمى
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
في لحظة تجلي وحبور وصفاء ... وأنا أجتر جمال أخوة وأخوات
عرفتهم عبر الأثير طفرت فوق سطح الرويس فكرة مجنونة .. أن أتلبس
شخص الجميل الطيب ودشيقوق .... هيييييييييع
اطرب لجمال وأحس لقلب يحمله بين يديه حباً لكل الناس كافة.
اردد وتمطق بحلو حديث يتناثر من طرف لسانه يعم حتى للطير
والدواب فهيجها وتفرح ولا تسعها الأرض ويضيق الكون وماحوى حينها
بها من الفرح ..
أكابد واعاني نغم حب كبير بين ضلوعه لمن ؟؟ لكل بنات حواء
افيق .. ماذا؟؟ .. وأين؟؟.. وكيف ؟؟..وما ؟؟..
نعم أهديك أخي الحبيب الفاضل
هذه الأغنية والتي أعلم موقنا أنها تهيج فيكَ ّذكريات قديمة
فهلا تقبلها ؟؟؟
أمونا
الزولا البندورا الليمونا الليلة يا
مانعني مانزورا الليمونا الليلة يا
أمونا لآمن جات
لابسا القلوب عاجات
البضوي في الساحات
فايتا البنات درجات
في الهيبا والنورا
يا بت خيار الناس
هيبا وخيول ونحاس
أمونا كاملا خلاس
من القِديم لي الراس
النايما في خدورا
طير ياحمام بي فوق
ودي السلام بي زوق
قول ليها ليك معشوق
مآكلاهو نار الشوق
جِنحينو مكسورا
ماشفتا كيف يا خي
فرع الأراك الني
دا الدابو تابي جِدي
ماحسا يوم بي الغي
والشوفتو محجورا
عشان حجبوك مني
أنا زدتّا في جني
في ناري مستني
راجيكا طمني
لو حتى بي صورا
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
خالد الرايق
Quote: الليلة أخوك مبسوط بالحيل
ناضمتني قمر سبعتين
أها من قفل تلفونها أنا مشغل
غنية ارباب دار جعل وأعرض سااااكت
لكن مرة مرة قلبي ينقزني وأقول حبيبي داك
أمكن يكون قرأ الكلام وأنتحر |
وانا من ساعتها شغالة أسمع أم كلثوم تغنى
لا أنا قد الشوق
وليالى الشوق
ولا قلبى قد عذابه
سمية ست الكل:
Quote: لكن لوعرف مهاتفاتكم دي ... هلا هلا يابوعبدالله
( الغيرة كم حرقت قلوب وطريقا كان مخضر نضير ) |
غايتو كان طريقى مع شيقا كان مخضر نضير ما عارفة لووووووووووووووول
العزيزة سلمى:
Quote: يا قوم اذنى لبعض الحي عاشقة
والأذن تعشق قبل العين احيانا |
العين عشقت احرفكم أولا... فرجاء لا تحرمونا
Quote: ووووووووووووووب ووووووووووب سجم حبوبتك عمك سماح غشاك يا ابو قليب رهيف شال الموبايل اداهو لواحدة نيّة عشان تكلمك وتقول ليك انا السماء السابع .
اها اقول ليك حاجة اكان ما جربت صوتها معاك ما بصدق .
اها اقول ليك حاجة مليون عمك سماح وكمان عمك سماح الحالق ومشنق وببرم في شنباتو .
هيييييييييع السجم قال سماح قال . |
انتو عارفين دا ما شيقا دى المدام تبعه ياحليلها غارت ودايرة تورينا انه ما شغال بينا كتير
لكن وين هيييييييييييييييع يا حليلك يا الماجايبة خبر ود شيقوق تانى تلمى فيه كيف
بس غنى واترينى ماسك الهوا يإيدى ماسك الهوى... وآه من الهوى يا حبيبى آه من الهوى
لكن إذا صاحبتينا بنديك الخلطة السرية... احنا عارفنك عرفت الكلام دا لما ود شيقوق أغمى عليه وبدا يهضرب
| Quote: اها اقول ليك حاجة اكان ما جربت صوتها معاك ما بصدق . |
دايرة بى شنو يا مدام
هاها تلقيها عند داقس
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
المنسي
هيييييييييييييييييع امانة الليلة اخوك ما كيفتو بالحيل باليموناالله يحفظك ويخليك ويديك حجة ويختمها ليك بمحادثة من سموحي او سموحو . بس اخوك اكان عايز يشوف البنية دى بتتمايع كيف مع الليمونا ما عندك صورة حية نعيش معاها بدل نتابع لينا دمية راجل هنا.
يا اخونا انا بموت اكان ما سمعت صوت سماح وقطعت الشك طاااااااب .
المنسي عليك الرسول اديني رقمه او ......... عشان اجيب خبرو/ ها .
السماء السابع
Quote: انتو عارفين دا ما شيقا دى المدام تبعه ياحليلها غارت ودايرة تورينا انه ما شغال بينا كتير
لكن وين هيييييييييييييييع يا حليلك يا الماجايبة خبر ود شيقوق تانى تلمى فيه كيف
بس غنى واترينى ماسك الهوا يإيدى ماسك الهوى... وآه من الهوى يا حبيبى آه من الهوى
لكن إذا صاحبتينا بنديك الخلطة السرية... احنا عارفنك عرفت الكلام دا لما ود شيقوق أغمى عليه وبدا يهضرب |
عليكم الله شوفو المسلط او المسلطة دى عايز كمان يستقطب ام اولادي - اوعاك ده الموت الاحمر .
خليني اسمع الليمونا دى بتجنني عدييييييييييييييييييييييييييييييييل كده ود المنسي انت ود الرجال لكن لقطوك بعين بقيت تحوم في فلك الشيخ سماح .
القمر بوبا
وينك انت انشاء متابع البدع دى .
سلموا على الرطاني
بجيكم لكن طلاتي تقلت بسبب غياب النت من البيت لكن الثلاثاء حدى معاكم الصباح انشاء الله
| |
|
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
| Quote: عليكم الله شوفو المسلط او المسلطة دى عايز كمان يستقطب ام اولادي - اوعاك ده الموت الاحمر . |
أم أولادى قال... والموت الأحمر كمان
هى كان القصة كدا كان دا حالك... احنا زاتو موضوع عندك أم أولاد دا دايرين نتحرى منو
وكمان بتتعذر ان النت مافى فالبيت... يعنى هى كان موت واحمر كمان انت بتهجج كدا من البيت..
المدام دى ما شايفة شغلها
أولا صوتى داير بيه شنو.. التلفون كان ليك أول لكن بمساختك العجيبة دى طفشتنى مرة واحدة..
أظنك كنت فى البيت وخفت من أم الأولاد (بتاءك)
تانيا: اضرب ليك عشان اطلع منك بشنو...
خالد طلعت منه بكتير ما شاءالله زولا ما هين طااااااااب
أها يا بوبا افتينا فى البدع على قوله مع انك محتج عى المواضيع دى هنا
نقول شنو
اللهم انا لا نسألك رد القضاء ولكن نسألك اللطف فيه
صبرك
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: GamarBoBa)
|
بوبا
منسي
ماجدة عوض خوجلي
جاتكم زائرة محترمة التقطتها اليمونا لانها حنينة وبتحب المديح والغناء الحنين
بوبا
| Quote: ما تضربي ليه...العرريب اظن عنده نوستالجيا في مسألة الاصوات... |
حويسد ساااااااااااااى
| Quote: شيقا راجع ايميلك ضروري...لوما لقيت رسالة في الانبوكس فتش الجنك ميل يا عرريب لانو رسلته من ايميل الشركة...وانا بوضح ليك الفكرة later |
انشاء الله رسلت لي تلفون عمك سماح عشان هسع اجيب ليك خبرو
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: ماجدة عوض خوجلى)
|
سماح الممتعة جدا
Quote: يعنى هى كان موت واحمر كمان انت بتهجج كدا من البيت..
المدام دى ما شايفة شغلها |
لا لا سماح ناديتها وقّلبتو معاى تقلّب عدييييل كده وكمان نرقص تطش ( تعرفي التطش؟) واسلو دانسنج Slow dancing
| Quote: أولا صوتى داير بيه شنو.. التلفون كان ليك أول لكن بمساختك العجيبة دى طفشتنى مرة واحدة.. |
خلاص امسحيها لى في وشى طالما الحافز صوتك -
شفت يا منسي اللعب بالاعصاب كيف ده حتسل روحنا اطردوها
| Quote: خالد طلعت منه بكتير ما شاءالله زولا ما هين طااااااااب |
الله يمرق روحك ويجازي منحك ود المنسي خرتنا مرة واحدة اتاريك كلالالالالالالالالالالالالالالالالالام وبتعرف الكلام النواعم (ان وجدت)
| Quote: اللهم انا لا نسألك رد القضاء ولكن نسألك اللطف فيه |
بس غيري فعائلك
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)
|
Quote: هيييييييييييييييييع امانة الليلة اخوك
ما كيفتو بالحيل باليموناالله يحفظك
ويخليك ويديك حجة ويختمها ليك بمحادثة
من سموحي او سموحو . بس اخوك اكان عايز
يشوف البنية دى بتتمايع كيف مع الليمونا
ما عندك صورة حية نعيش معاها بدل نتابع لينا دمية راجل هنا.
يا اخونا انا بموت اكان ما سمعت صوت سماح وقطعت الشك طاااااااب .
المنسي عليك الرسول اديني رقمه او ......... عشان اجيب خبرو/ ها . |
سلاام ودشيقوق الطعام العسل ( ماشاءالله )
والله لو بعرف كل كيفك كل يوم أكيفك وأبسطك يا جميل يا حلو
ليه يختمها إن شاءالله محادثات سماح معاي ما تختم ألا على .....
قول آمين
المياعا والنفرة طبع الريم والغزلان
تحياتي ودشيقوق
Quote: ما شفتا كيف يا خي
فرع الأراك الني
دا الدبو تابي جدي
ما حسّا يوم بي الغي
والشوفتو محجورة |
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
Quote: الجاب الرملة للقويسى شنو والله ديل عندهم
تربة طينية متشققة لو وقع فيها اللورى
يغرز للخريف الجائى ما يطلع.....
مجرد نصيحة..... |
أبوبكر أبوالقاسم
سلااااام يا الطيب
ها زول ها نحن مانا ماشين علي أرض الصعيد
ديك بلاك بدور الأواستن والتيمس قدوم قصير
ونحن ناس سفنجات فورد سااااكت أم سيرين
مركبين ليها كوز يشخر زي أنين المعوز في
المطر اب زيفا .. وبوريهو دا يسوي
سجمي نورا سجمي بتي
وكان لي الرملة نحن متيممين شمال علي ديار
الرطان بلاح سماح قمر سبعتين ( أمونا )
تسلم يا الجميل أبوبكر ومودتي
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
Quote: تانيا: اضرب ليك عشان اطلع منك بشنو...
خالد طلعت منه بكتير ما شاءالله زولا ما هين طااااااااب |
سماح قمر سبعتين
سلااام جمال وأمان يغري الجمال وأمان
لك مني سلااامنّ يغطيك ويحفظك من عيون ناس الدندر
تعال لي يا ودشيقوق أحكي ليك
قالت ألو
أخوك إتكهرب
إتململتَّ في القعدا ومن اللخما بدور أمرق
بديت أشعر تقول في حقك
قامت سماح قالت لي
خالد !!!
من الكبكبا أخوك قال ليها
ساااااكت بس
جمعت قوي ونويت أقول السلام عليكم
قلت ليها مع السلامة
آه يا صوتها لما سرى
عبر الأثير معطرّ
أحكيلك شنو ولا شنو أنا حتى الآن عايش
مطوطح وما حاسي بي كرعي
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
Quote: خالد الانجمامة ماعندك لكين وتقيف ....
رايقين الله يروقا عليكم دنيا واخرة ....
وانت طيب ياخالد والمعاك كلهم طيبين ....
وكل الفى بوست بخير ....
تسلم يارب كتير .... |
صفية القمر وخليلته الحسناء
ماجدة خوجلي
لك منا تحية طيبة سلاام
نستسقي لأرضنا من فيض مياهكم وهذه قطرة
من بحاركم نسرق منكم الجمال ... عذرا
الطيبة أنت دنها وقد حدثنا حرفك والحروف مقال
والمقال عنوان البشر يعكس دواخله
قد أخترنا الرفقة في هذا البورد من بين الحروف
يا ماجدة وأنتِ منهم
تسلمي لينا أنت ويغطيك ربي العظيم
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
ياخالد يا قائد الطابور الخامس للعرريب ودشيقوق ...رغم انو البوست دة وصل الصفحة السابعة والزوار قربو الاف الاربعة انني وربما من حساسية في العيون سببها العرريب ودشيقوق ما شفت ...ودحين وكت جيت ما عارف الحاصل شنو ولقيت السما السابع وبوبا والملكة وانعام وناسا كتار من عرريب ورطانة ...انا غايتو العنوان عاجبني وما ضروري الحريف يلقي اكتر من انو حريف في الدنيا ام بناية قش دي وكلمة طيبة..
اليوم واحد بيورد لي احيانا مواد كهربائية رسل لي رسالة كعادته مقولات او عبر عشان يذكرني انو هو موجود 0 نوع من التسوييق الذكي ) واها كتf الاتي:
Quote: Thirty years from now, it won't matter what shoes you wore how you hair looked or the jeans you bought.What will matter is what you learned and how you used it.
|
بنضم العرريب الرطانة الفوق دي معناها انو بعد ثلاثين سنة من الان لايهم اي احذية كنت تنتعل وكيف كان يبدو شعر راسك او منطلون الجينز الذي تلبسه ولكن مالذي تعلمت وكيف استفدت منه ...؟؟
اها شايف اولها واخرتها كلمة طيبة مفيدة
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
Quote: الله يمرق روحك ويجازي منحك ود المنسي خرتنا مرة واحدة اتاريك
كلالالالالالالالالالالالالالالالالالام وبتعرف الكلام النواعم (ان وجدت) |
خرت وبس
كمان كلمت قوات الطواري
أن يجندو لك خفر سواحل بعد المعلومة أنك تسكن قرب
قريب من البحر ( إنقاذ لو فكرت تنتحر غرقاً )
وجند بي أسفنج تحت العمارة ( إذا خمارتك فكرة أن ترمي نفسك
من الطابق العاشر )
يا ود شيقوق ماهو الفرق بين واحد وقع من الطابق العاشر والعسل ؟؟
جند المطاف برضو جاهزين ( لزوم الحرائق )
وأخيراً جهزنا أولاد الشيوخ البطبو الجن والإندراوا والزوّزوا
( شيخ الزبير والشيخة بت طلحة )
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
| Quote: اها شايف اولها واخرتها كلمة طيبة مفيدة |
أبوبكر الرطان وعاء ودن الطيبة الجميلة
اي والله يا أبوبكر هي فانية فلما الجري وراء سرابها المضلل
وقد قلت لك من قبل أعجبني فيك روحك الطيبة وتمنيت لو يكسو
بها شباب شابات بلادي نفوسهم ..
حباك الله هذه الهبة وففعلتها ووظفتها في مواطنها فلك مني
أجمل تحياتي وما تغيب وخليك قريب
ولو شيقوق طشش عيونك وحجب الرؤية ننادي بأعلى أصواتنا
سماح قمر سبعتين ( رطانية ) وريحانة الحسن ودطلحة ( بطاناوية )
وحمامة السلام سلمى ( شنداوية ) وصفية القمر وخليلته ( مشلخي لا ورا )
والمكونا وصابرا والله يصبرا ( بحراوية ) والقمر بوبا رطاني وطلع وف قشدرا
كلهم يجلو لك عيونك حتى لا تغيب عنا يا طيب وجميل
لك مودتي
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: abubakr)
|
عزيزنا ود شيقوق ..بواسطة عزيزنا فيصل ..سـلامات
اولا ياخوى شكرا على (السعال) لكن يبدو ان الرحول الذى هو عز العررريب
اوكما قال الباشمهندس...قد دوخك دوخة شديدة لانو انا موجود معاكم ولو رجعت
لصفحة ستة حتلقانى لاعبك رأس وانتة عامل اضان الحامل طرشة او يمكن تكون
محاولة للهروب كما هربت من المهندس وانا خايف حكاية الرحول دى تكون عبارة
عن ..................كمـــوفــلاج
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: فيصل محمد خليل)
|
* حمامة السلااام ( سلمى حسن عباس صبحي )
* ريحانة البطانة ( سمية الحسن طلحة )
* نسمة الدُغش ( ممكونا وصابر والله يصبرك )
* قمر سبعتين ( سماح )
* نسايم الليل ( تيسير المبارك )
* صفية القمر وخليلته ( ماجدة عوض خوجلي )
* درة الحصاحيصا ( إنعام عبد الحفيظ )
* بقية الأخوات أعضاء المنبر
كل عام والمرأة بخير وألف خير لكنَّ منّا أجل الاحترام والتقدير
وربنا يجعل كل أيامكنَّ أعياد أخواتي
تحياتي
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
Quote: عزيزنا ود شيقوق ..بواسطة عزيزنا فيصل ..سـلامات
اولا ياخوى شكرا على (السعال) لكن يبدو ان الرحول الذى هو عز العررريب
اوكما قال الباشمهندس...قد دوخك دوخة شديدة لانو انا موجود معاكم ولو رجعت
لصفحة ستة حتلقانى لاعبك رأس وانتة عامل اضان الحامل طرشة او يمكن تكون
محاولة للهروب كما هربت من المهندس وانا خايف حكاية الرحول دى تكون عبارة
عن ..................كمـــوفــلاج |
العم كمال / بواسطة مدير اعماله الرطاني فيصل
آآآآآآآآآآآآآآآآآآآآآآآآآآآآي عبارة عن ..................كمـــوفــلاج - اوع بس سموحي تكون ناقشاها يا عمو لانو الليمونا دى (سموحي) شغالة زى الجوكر تأكل في كل الاتجاهات وبتجيب خبرك حاسب يا عمو .
فيصل : توخى الدقة في نقل الاخبار من عمو حيوديك انت في ستين داهية .
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)
|
الرتاني حفيد النجاشي
مشتاقون من القضارف لحدى اديس ابابا - دحان كونو وسلم على نجستي وكيداني سقاى
Quote: دة هو العرريب يا ودالمنسي ؟؟؟ انت متحيز للعرريب في البوست دة فيا انت تطلع منو يا هو ؟؟؟
ياالسما السابع ويا بوبا عليكم بهم طلعو كلهم عرريب |
منسي ده ما تقول معاكم حبا فيكم . منسي ده جناحو مكسور من سموحي ويوم اتكلمت معاهو شايف غير لهجتو وجاني راجع اظنو سمع الصوت ولقاهو صوت واحد ارباب .
سموحي وحياتك / وحياتك ( واحدة بفتح التاء وواحدة بكسر التاء ) كلمي / كلم اخوك بدون وسائط .
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
شيقا
| Quote: انشاء الله رسلت لي تلفون عمك سماح عشان هسع اجيب ليك خبرو |
هيييييييييع ات كان كدى ما بتعرف مين سماح.. قال تجيب خبرى قال
خبرى دا البجيبوه عندهم مواصفات معينة... انت قدرها؟؟؟؟؟؟؟؟؟؟؟
| Quote: خلاص امسحيها لى في وشى طالما الحافز صوتك - |
بكسر التاء وللا بفتحها؟؟؟؟؟؟؟؟
احححححححححححى با الله بس زى ما قال منسى جاى تفتش الماضى
كان ليك آآآآآآآآآآ عنقريب العدة
| Quote: شفت يا منسي اللعب بالاعصاب كيف ده حتسل روحنا اطردوها |
عشان منسى قال ليك لاعب وسط حريف خلاص قايل أداك ساطة وداير تطردنى؟؟؟؟
| Quote: ات عارف انا تاني البوست ده ساكن فيهو عديييييييييييل كده مع الليمونا وسموحي |
بتعرف انفصام الشخصية؟؟؟؟؟؟؟؟؟
| Quote: اوع بس سموحي تكون ناقشاها يا عمو لانو الليمونا دى (سموحي) شغالة زى الجوكر تأكل في كل الاتجاهات وبتجيب خبرك حاسب يا عمو . |
عمو يقول الدايره أها بعدين سماح (دا) ناقش اى شئ
| Quote: سموحي وحياتك / وحياتك ( واحدة بفتح التاء وواحدة بكسر التاء ) كلمي / كلم اخوك بدون وسائط |
.
لووووووووووووول يجازى محنك قطعت مصارينى... ات عارف أنا بقيت بتكلم زيك حتى فى البيت... اهلى قالوا البنت دى بتمشى وين اكيد ما الشغل هاهاها جبت لى الهوا آآآآآآآآآآآى ود شيقوق
| Quote: غايتو السماء السابع دى اكان ما بنت تكون وليدا ني( Not perfectly cooked) |
خلاص نعمل ديل كيف معاك... نحدد سماح منو
أنا موافقة على وليدن نى ... وانت فى الحالة دى جلى فكرة التلفون
يا جماعة شاهدين.... دى آخر فرصة بخصوص التلفون
شن قولك آآآآآآآآآآآآآ ود شيقوق
السما السابئ
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
ابوبكر سيد الكل
حبابك شرفتنا ونورتنا
وبدونك كيف تكون الكلمة طيبة
| Quote: يا جدو ود شيقوق عما كباسة ؟؟؟شابك الرطان يا عمو ؟؟؟ انت من زمن الحطيئة ووليدات وليداتك ساوينليهم فريق كورة وتقول للاصغر منك عمو اها بعدين "السما السابع" تفول شنو ؟؟؟ |
أنا غايتو بعرف لى دكتور رهيب... انت بس اقنعه يمشى
ممكن نبدا ليه بانه دكتورة ما دكتور... كدا بنضمن وصوله لكن بعد دال عليك يا سيدنا
انا عارفاه ما بجلى منك
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
خلودى
Quote: سماح قمر سبعتين
سلااام جمال وأمان يغري الجمال وأمان
لك مني سلااامنّ يغطيك ويحفظك من عيون ناس الدندر |
ولك منى سلام بقدر طيبتك والحنية الفى صوتك
وربنا يحفظك دوما وانت تنشر السلام
Quote: آه يا صوتها لما سرى
عبر الأثير معطرّ |
وآآآآآآآه يا..... بتمها ليك فى تلفون تانى عشان ما دايرة شيقا يعرف
Quote: سماح قالت
وعزت نفسي مابيا علي
أسلم أمري ليك تاني
سنين الهجر بيناتنا
وحاجات تانية حامياني |
غايتو كان ما ااتجرس لامن اتجرس مافى سكة تودى ليه
Quote: كل عام والمرأة بخير وألف خير لكنَّ منّا أجل الاحترام والتقدير
وربنا يجعل كل أيامكنَّ أعياد أخواتي |
وانت بخير يا خلودى رغم انى ارى ان كل يوم هو يوم المرأة بما تجد من تقدير واحترام من حولها
لكنى لست ضد الفكرة ... على الأقل فى ناس بتحتفل بيه
أقول ليك حاجة سر بتجيب لى الهول فى البورد دا (أنا ضد المساواة) كل ما المرأة تكون حقوقها أقل فى بعض المواضع بتزيد وتعلو مكانتها وتعامل بطريقة أحق لها ان تعامل بها من دونها
مودتى
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)
|
سموحي
Quote: ولك منى سلام بقدر طيبتك والحنية الفى صوتك
وربنا يحفظك دوما وانت تنشر السلام |
ينشر شنو ؟ بطلي الزوغة قول /يها / لا (بحبك)
افتراض (قولا) بيقولها لانو مارق للربا والتلاف اما الفرضية الاولى (f ) هييييييييييييييييييع
Quote:
وآآآآآآآه يا..... بتمها ليك فى تلفون تانى عشان ما دايرة شيقا يعرف |
يا شنو ؟ بتميها بالليل ولا بالنهار سموحي ؟
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)
|
سموحي
منسي
Quote: * حمامة السلااام ( سلمى حسن عباس صبحي )
* ريحانة البطانة ( سمية الحسن طلحة )
* نسمة الدُغش ( ممكونا وصابر والله يصبرك )
* قمر سبعتين ( سماح )
* نسايم الليل ( تيسير المبارك )
* صفية القمر وخليلته ( ماجدة عوض خوجلي )
* درة الحصاحيصا ( إنعام عبد الحفيظ ) |
خمي وصري ( بهذه الفرضية) شوفي زولك انت اصلا ما مالية عينو لاعب بيك سااااااااااااى
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)
|
سموحي
| Quote: هذا ان دل على شئ انما يدل على طيب أصله وكلمه وقلمه |
وحواسه لأ؟
| Quote: فهو صاحب الدار وما عهدناه يتناسى أحدا أو يمر فيه مرور الكرام |
كاتبك يا سجم
خالد
| Quote: كن هكذا دوما خالد وما يهمك كلام جدك أصلو الزمن عنده تاثيره |
لكل حديث عندهن بشاشة وكل قتيل عندهن شهيد
اشهق يا خالد البنية ضيعتك طااااااااااااااااااااب - تاني والله وليدك الحلّو ده اكان قرب ليك تطردو منك تقول سموحي وبس
كيدهنّ
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: sama7)
|
الأخت الفاضلة سماح...
Quote: العزيزة سلمى:
Quote: يا قوم اذنى لبعض الحي عاشقة
والأذن تعشق قبل العين احيانا
العين عشقت احرفكم أولا... فرجاء لا تحرمونا |
كل التقدير سماح على الكلمة الطيبة.....
ويا جمال دنيانا....بوجودكم هنا....
التحية للأخ خالد...
ولكل أهل وزوار هذا البوست ....
وهذه مشاركة...
نالت على يدها ما لم تنله يدي
.........نقشا على معصم أوهت به جلدي
كــأنه طــرق نمل في أناملــهــا
...........أو روضة رصعتها السحب بالبرد
وقوس حاجبها من كـــل ناحية
............ونــبـــل مقلتها ترمي به كبــدي
مـــدت مواشطهافي كفها شركا
..............تصيد قلبي به من داخل الجسد
أنيسة‘ لو رأتها الشمس ما طلعت
.............من بعد رؤيتها يوما على أحد
سالتـها الوصل قالت : لا تغر بنا
............من رام منا وصالا مات بالكمد
فكــم قتيل لنا بالحــب مات جوىً
.............من الغرام ، ولم يبدي ولم يعد
فقلت : استغفر الرحمن من زلـــل
...........ان المــحب قليل الصبر والجلــد
قد خلفتني طريحــاوهي قائلة:
.............تأملــــو فعل الضبي بالأســـــد
قالـــت لطيف خيال زارني ومضى:
.............باللله صفه ولا تنقص ولا تزد
فقال : خلفته لو مات من ضمأً
..............وقلت : قف عن ورود الماء لم يرد
قالــت صدقت ، الوفا بالحب سيمته
.............يا برد ذاك الذي قالت على كبدي
وأسترجعت سألت عني ، فقيل لها :
.............ما فيه من رمق ، دقت يدا بيد
وأمطرت لـؤلـؤ اً من نرجس ,وسقت
.............ورداً ، وعضت على العناب بالبرد
تقديري للجميع....
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: salma subhi)
|
شكرا يا سلومة بت صبحي على طلتك الجميلة وانت تعطرين البوست بهذا الابداع
كنت متوقعين صورتك بعد الضغوط العنيفة عليك
سموحي
| Quote: أقول ليك حاجة سر بتجيب لى الهول فى البورد دا (أنا ضد المساواة) كل ما المرأة تكون حقوقها أقل فى بعض المواضع بتزيد وتعلو مكانتها وتعامل بطريقة أحق لها ان تعامل بها من دونها |
ده مش حديث نواعم
تخريمة : تعجبني اصالتك سموحى شايفك اتهندمت ومشيت لبوست العزاء بتاع ناس نجاة
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: GamarBoBa)
|
Quote: وتقول لي يا المنسي انك سواق حريف...
خليك من سواقة اللواري والرمال....
فتش ليك سواق بنطون خليه يفتش ليك الغرقان الاسمه شيقا ده |
نبدأ بسم الله
بيك يا القمر بوبا
ود شيقوق مكسر المكسر معذور
هو هسي كدي مع أنه شاكي شكوكه الباطلة دوماً أن
سماح ولد ....
ماذا يصير به لو سمع الصوات الذي سمعته ... كان لبس
قميص أحمر وبنطلون بنفسجي وحزاء أصفر وولع كدوس وخيط
الشارع العام في مسقط مجيئة وذهاب يردد سماح سماح
والله بالجد بت والله بالجد بت
كان صنقر في تلوتوار يندب حظه وآماله
أنا رفستا نعمتي بي يدي ويلطم
قمر لا تخف لم يخرج اللوري من المجرى وهو هدف البوست
كلمة طيبة تجمعنا نستجم بها
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
سيد الكل:
اتفق معاك تماما... غايتو اليوم دا خليه ليهم يحتفلو بيه هيصة وكدا
كل يوم هو يوم للمرأة يا ناس
بوبا
كلامك دا لو كان غرقان فى موية.. لكن جدك ود شيقوق دا أسألنى من غرقه أنا هاهاها
يا حليله البنطون ما بحله
داير تتحل يا شيقا؟؟؟ أسأل بلة لوووووووووول
على فكرة مش خالد أداك ايميلى؟؟ ما شايفاك رسلت
شيقا:
| Quote: تخريمة : تعجبني اصالتك سموحى شايفك اتهندمت ومشيت لبوست العزاء بتاع ناس نجاة |
غايتو لو ما كان بوست عزاء كان رديت عليك رد تانى
غايتو يا شيقا يوم بتكتل ليك زول
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)
|
Quote: هيييييييييع ات كان كدى ما بتعرف مين سماح.. قال تجيب خبرى قال
خبرى دا البجيبوه عندهم مواصفات معينة... انت قدرها؟؟؟؟؟؟؟؟؟؟؟ |
أمونا ( .... ) لامن جات
لابسا القلوب عاجات
البضوي في الساحات
فايتا البنات درجات
في الهيبا والنورا
تحياتي يا التي حاكت البلبل صوتا
... ... ... ... ....
صوتها يا ودشيقوق لا يسمع بالأذن
تسمعه القلوب ويسري فيها كما جريان
سرسرة مياه في جدول دفاق منساب هونا
( قيس علي كدا وإتوجع )
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
Quote: ود شيقوق مكسر المكسر معذور
هو هسي كدي مع أنه شاكي شكوكه الباطلة دوماً أن
سماح ولد ....
ماذا يصير به لو سمع الصوات الذي سمعته ... كان لبس
قميص أحمر وبنطلون بنفسجي وحزاء أصفر وولع كدوس وخيط
الشارع العام في مسقط مجيئة وذهاب يردد سماح سماح
والله بالجد بت والله بالجد بت
كان صنقر في تلوتوار يندب حظه وآماله
أنا رفستا نعمتي بي يدي ويلطم |
هو حسى عمل معاى اتفاق يا خالد انى ولد نى..
ما عارفة لكن اظنه قاصد نص نص
ما مشكلة لكن بالمقابل ما حيطلب منى اضرب ليه
شفت انا قدمت تنازلات كيف ورضيت بشنو بس عشان اتفكفك منه؟
| |
|
|
|
|
|
|
|
| |
خالد علي محجوب المنسي
الطيب شيقوق
sama7
هاشم أحمد خلف الله
salma subhi
GamarBoBa
أبوبكر أبوالقاسم
ماجدة عوض خوجلى
abubakr
فيصل محمد خليل
فيس بوك
تويتر
انستقرام
يوتيوب
بنتيريست