|
|
|
 Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: GamarBoBa)
|
Quote: يا زول هوى بوبا ده زولا عالم ومتخصص Marketing
وجاب ليك الزمالة من بريطانيا بطلاق اكان قبل عليك يبيعك بيعة رخصة
منسي اديني اضانك ات عارف بوبا ده ما متزوج
و looking دحين اكان لقيت ليك واحدة اعجمية مجيهة
شوفا ليهو بالشروط الاتية :
ان تكون متوسطة الجمال
ان تكون متوسطة القامة - الطول حبة is an advantage
نواصل |
ها زول ها
تاري يهاتي زي جنى برما
ينضم في التلفون ولسانو برا
زي الحربوية
إمركت شنو ؟؟ بكون عندو طبلية يبيع فيها
حلاوة حلي وابو قوي وقراصة نبق جعبا سكينة
وبسكويت كوكو
| |
 
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: فيصل محمد خليل)
|
يايها الاعراب
اني اراء روؤسا قد اينعت و حان قطافها
و اني لصاحبوها
المتحدث باسم البرابرة
فيصل فاطمة اوشي
اهلى الكينه ما بنضاقو
اهلى الفارسن عضم الفقر سحاقو
اهلى الفى المحاص بسوقو مابنساقو
اهلى اللى مكاتات المقطع لاقو
اهلى اولاد جعل سمته ومعزه وريسه
اهلىالفرتقو العوق غير غنا وتحميسه
اهلى القنعو الدعجه المصوبر ديسه
استاهلو اولاد جعل مافيهن كلام تب
وبستحقوا كلام ولدن يوسف بعد شويه
بجيبلك كلامو فى البطانه وغيرها
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: GamarBoBa)
|
Quote: اهلى الكينه ما بنضاقو
اهلى الفارسن عضم الفقر سحاقو
اهلى الفى المحاص بسوقو مابنساقو
اهلى اللى مكاتات المقطع لاقو
اهلى اولاد جعل سمته ومعزه وريسه
اهلىالفرتقو العوق غير غنا وتحميسه
اهلى القنعو الدعجه المصوبر ديسه
استاهلو اولاد جعل مافيهن كلام تب
وبستحقوا كلام ولدن يوسف بعد شويه
بجيبلك كلامو فى البطانه وغيرها |
هييييييع
الخلا ولع هووووو هووووو
محل رهيفة التنقد
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
يا طير المحنة
إنتَ في دربك
تغشى تزور أهلنا
لو تعز ربك يا طير
أبقا لينا رسول
وروح لي أهلنا
السلام أهدي ليهم
من قِبلنا
لوتعز ربك ياطير
قول ليهم
في خيالكم يومي
تاهين في فِكرنا
والله
من الغربة يوم
يجمع شملنا
لو تعز ربك ياطير
ياحليل أيام زمان
ديك بدري كنا
إن رمينا الحبة
تنشاف في قمرنا
لو تعز ربك ياطير
يا سلام نتلمّا
في البجبر كسرنا
فوق كلام الخير
لذيذ طاهر سمرنا
لو تعز ربك ياطير
الليلة وداعة سيدكم
الله يتم أملنا
شركم مقسوم
علي الطلح القبلنا
لو تعز ربك ياطير
ياحليل أيام زمان
ديك بدري كنا
نلقى راحة البال
وكت يرقص تمرنا
لو تعز ربك ياطير
قول ليهم بيكم
نشوف الكون دا جنة
أمَ غيركم
يبقى لا شي في نظرنا
لو تعز ربك ياطير
إنتو زادنا الليلة
وإنتو نغم وترنا
وليكم أحلى سلامنا
كلما شادي غنّا
لو تعز ربك ياطير
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: فيصل محمد خليل)
|
عزيزنا ود المنسى بواسطة واسطة العقد فيصل
تحياتى
اول حاجة اشكر ود شيقوق على الايميل الظريف وذكرنى بحكاية دكتور جيكل
ومستر هايد . فى البوست بقول كلام وفى الايميل كلام تانى عشان كدة انا حارفع
ليهو الضغط بالرابط التالى عشان يشوف جماعتى الرطانة بجضمو اغانى الحقيبة
كيف ويشوف رقيص الرقبة المسخ علينا رقيص بنوتنا ـــــــــــــــــ تحياتى
http://www.youtube.com/v/0UV64fRqWhQ&rel=1
خاص
ـــ
عزيزى ود شيقوق ......سلامات
اتمنى لابنك الغالى عاجل الشفاء ونسأل اللة العلى القديران يسبغ علية
وافر الصحة والعافية ..والية اهدى هذة اللقطة تعبيرا عن تحالف قوى الشعب العاملة
تحياتـــــــى
عمك كمال
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
Quote: اول حاجة اشكر ود شيقوق على الايميل الظريف وذكرنى بحكاية دكتور جيكل
ومستر هايد . فى البوست بقول كلام وفى الايميل كلام تانى عشان كدة انا حارفع
ليهو الضغط بالرابط التالى عشان يشوف جماعتى الرطانة بجضمو اغانى الحقيبة
كيف ويشوف رقيص الرقبة المسخ علينا رقيص بنوتنا ـــــــــــــــــ تحياتى |
العم الفاضل / كمال عطا
تعرف أهلنا زمان قالوا
بحن لي مربطو ... دحين يا عم أنتَ مربطك هناك؟؟؟
هسي أنا بقيف دُد في بالبجيب لي حديث فوق أهلي المجريين
كدي ورينا قصتك .. الشي دي ماداب أنك تربيت هناك
أنا برضو نشأت في كسلا
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: GamarBoBa)
|
فيصل
منسي
بوبا
العم كمال الحاضر الغائب والراقي والظريف دوما
Quote: عزيزنا ود المنسى بواسطة واسطة العقد فيصل
تحياتى
اول حاجة اشكر ود شيقوق على الايميل الظريف وذكرنى بحكاية دكتور جيكل
ومستر هايد . فى البوست بقول كلام وفى الايميل كلام تانى عشان كدة انا حارفع
ليهو الضغط بالرابط التالى عشان يشوف جماعتى الرطانة بجضمو اغانى الحقيبة
كيف ويشوف رقيص الرقبة المسخ علينا رقيص بنوتنا ـــــــــــــــــ تحياتى
http://www.youtube.com/v/0UV64fRqWhQ&rel=1
خاص
ـــ
عزيزى ود شيقوق ......سلامات
اتمنى لابنك الغالى عاجل الشفاء ونسأل اللة العلى القديران يسبغ علية
وافر الصحة والعافية ..والية اهدى هذة اللقطة تعبيرا عن تحالف قوى الشعب العاملة
تحياتـــــــى
عمك كمال |
افو افو امانة ما الرطاني لومنى معاكم متلح ليهو بوست بنوت شغلني من كلامك وكلام عم كمال اللذيذ ده _
شكرا عم كمال على الدعاء والله ده من اصلك انتو ناس زمان تاني ما بتتكرروا ودعواتكم مجابة ان لم تكونوا من قوم البهجة الزمان .
الرابط يا عم كمال فعلا رفع ضغطي شديد ويا ريت لو جاء ذلك الرطاني الذرب اللسان عشان نسمع منو حاجة .
هييييييييييييع الرطانة بقوا اصحاب دوبيت ومسادير .
جايييييييييييكم تانى يا منسي وبوبا وفيصل او العكس .
عاطر الامنيات يا عمو كمال براك
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: sama7)
|
Quote: سلامات سلامات ناس الكلمة الطيبة بس ما شايفاها هاهاها
جيت أشوف حلو الكلام لقيت الدنيا ولعة
لما فيصل قال لبوبا خليهم على قلت بس الجماعة جاهم زول
لكن جاط الدنيا خااااااااااالص
بوبا واصل شوف شغلك (وبتدى حريف) صدقنى
شوق الدنيا
سماح |
سماح
كان مفروض تطفيها
هو انتِ ماعارفة أنو شيقوق بدور الإنفرادا
بكون حلو جميل لما يكون برا أول مايظهر
رطاني يبدأ يطقع بي الحجارة
أسعدنا مرورك الجميل رغم ماتعانيه من أثر
الحادث
لك شكرنا الجزيل يا جميلة
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
يا خالد سماح منو البتطفى وتحرم روحها والناس التانيين من جنس الكلام دا
Quote: ودشيقوق
تسلم يا جميل الروح
بس ما تتأخر والرطاني يشغلك مننا
الزول دا ماسك لي في كلمات وبقلب فيها
نهر . أبل . جاف . صحراء
شغلتو زي بتاع الجردقا والحرجل
مرة يورك جردقا والحرجل
ومرة الحرجل والجردقا |
قرقرقرقرقرقرقر
لكن يا خالد يؤسفنى أقول ليك ما عندك مبدأ
ود شيقوق دا انت معاه وللا عليه
وللا دى حركات العرريب بتاعة إكرام الضيف والذى منه
لكن كلو كوم وزعيط بتاع كوسوفو دى كوم
صحى فيصل دا من إندينا
حبى
سماح
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: sama7)
|
| Quote: لكن يا خالد يؤسفنى أقول ليك ما عندك مبدأ |
حارة دي يا سماح
لكن منك أنت مقبولة وفوق كوز موية
أنا قلتا ليك قبل كدا الرطاني ابوبكر غلبني بي كربونات
اهضمو عاد اسوي شنو ؟؟؟؟؟
فلا تلوميني فيما لا أملك
اي والله فيصل محمد هليل
من عندكم مجرابي مستقر في هنقاريا
متزوج من مجرية وعندو زهرتين يضاهن
القمر جمالا ( فاطمة وسلمى .. 16 سنة
و14 سنة حسب الترتيب ).
مستقر في مدينة بتش جنوب المجر
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: أبي بكر سيد احمد)
|
| Quote: قصة المبدأ فى ود شيقوق الما عرفناك معاه بجاى وللا ضده بهناك |
يا سموحة
عاد أسوي ليك شنو ؟؟
نحن ندعو للكلمة الطيبة
لكن روعة جمال وحسن مناقرة شيقوق
والباشمهندس لها طعم خاص
ونحن لازم مرة ندي الدلوكا نقرا
ومرة ندي الشتم نقرا
وقع ليك كلامي
وعشان يقع ليكِ أكتر الاتنين والله قسم
بحبهم من جوات قلبي وليت كل الناس مثلهما
حتى تصفى قلوبنا
______________________
عاطر تحياتي لك
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
هذه القصيدة رائعة المعاني تغنى بها
مبدعين وأبدعا وزادا جمال الكلم جمالاً
هما.. الرائع عليه رحمة من الله تعالى خضر
بشير .. وأبن توتي ذو الصوت المميز الذي
يحمل اسامعه لركن ضيق يجتر ذكريات ايام
حفلات السودان
الناحر فؤادي
الناحر فؤادي ومولع جوفي حر
أضرم نار وجدي نسام السحر
دامع لجّا طرفي ياأبو طرفاً سحر
والبَسَم المفلج لي الأكباد نحر
ماببرد حميمي لو أحسي البحر
داري وماكا داري ياسمح النحر
كلُّ أذاي ياطبيبي في جوفي إنحسر
حُبك خللا عظمي يانور البصر
بالي ليسَ إلا قولاً مختصر
والعند الله أقرب من لمح البصر
لآح لي عيني شخصّك والنوم إنحجر
والمايك تمللا ودون خاطري إنفجر
من فولاذ قليبك وكبدك من حجر
ما أحلاك عندي إن زر أو هَجرْ
ماأطراك حبيبي إلا ودقلبي فَرْ
أتلظى وأكتم لي الغيم الوفر
إنعش روحي طيبك لو محيك سفر
زي مابيا أفعل ذنبك مُغتفر
شادي الحفلة طنّا والإكليل سفر
والنشاب توتر لي الفاتر قفر
ظبي الريم تبختّر وبي الأساد غفر
معنى الحفلة كائن على واحد نفر
الكتف المهدّل والجسم إنجبر
والصاد والمُزمزم والغيم والدبر
والضهر المتنّى والتيه الأبر
دا الخلاني ساهر مع عيني دبر
لآحم كتفو كفلو وماتجد العُفر
أمم ديسو دِرعو في بعضو إنضفر
هاتي الغيم تعرجل ياغالي النفر
قول لي الوزا عومي الفي عينيك ضفر
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
خالد!!!!!!!!!!!!!
يااااااااالهوى
Quote: ود شيقوق
ويبقى السؤال
هل لو بعدنا .. هل هي تبقى دابك
كان صُح بنبعد والله !!!!!! |
بتبيعنى بالسهولة دى........ خلاص
ود شيقوق ياالناحر فؤادي ومولع جوفي حر
أنا حسمت الموضوع دا خلاص وبقول ليك
زي مابيا أفعل ذنبك مُغتفر
دا طبعا بهنا لزوم الكلمة الحلوة وكدا
لكن حاختك تحت المراقبة 6 ساعات أصلى كان طولت المدة عارفة الموضوع ببوظ مع عيونك الزايغة دى
فى بنات عسولات كدا ما عندى مشكلة لو شاغلتهم عشان بستاهلو
ونقول
العند الله أقرب من لمح البصر
مودتى
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: sama7)
|
Quote: لبيك يا بو أحمد
كنت في طريقي إليك ويبدو أنه توارد الخواطر
أو إني صالحة وجدي أبو البيضاء الراكب الصدياء وبصبق قولة يا
أسأل شيقوق من حيراني
وشكرا جزيلا لك على العندليب ابراهيم خوجلي |
ريحانة البطانة
سلااام يا ملكة بنات جيله
يا بت أبو البيضاء
( في حواك واقعين )
عندي أغنية خاصة لك
يناسب مقطعها الأول شخصك الكريم المهذب
قريباً سوف أنزلها
ارجاءً لا طولي علينا الغياب
نعلم شغلك الشاغل يا أديبة زمانك
لكن حق الخوة
لك مني أطيب التحايا
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
| Quote: بتبيعنى بالسهولة دى |
ليه يا سموحة دوماً تظلميني ؟؟؟
من باعك .. وهل المدخور المصون يباع؟؟
Quote: خلاص
ود شيقوق ياالناحر فؤادي ومولع جوفي حر
أنا حسمت الموضوع دا خلاص وبقول ليك
زي مابيا أفعل ذنبك مُغتفر |
أها دا الكلام البجيب الحمار للطين
رغم إنا حملنا كلام شيقوق وردينا عليه
وكل اليقين يحدونا ردك الرفض القاطع
أن تكوني له وحده .. ماذا جنينا
تهمة في حقنا ونحن في براءة عنها
رغم أنه
( أحل الله البيع وحرم الربا )
دا طبعا بهنا لزوم الكلمة الحلوة وكدا
لكن حاختك تحت المراقبة 6 ساعات أصلى
كان طولت المدة عارفة الموضوع ببوظ
مع عيونك الزايغة دى
القابض عليك يا سماح
هو القابض على الماء تنحسر من
بين أصابعه
ما أصلو الريم طبعو النفرة والميلان
Quote: فى بنات عسولات كدا ما عندى مشكلة لو
شاغلتهم عشان بستاهلو
ونقول
العند الله أقرب من لمح البصر |
ختي في بطنك بطيخة صيفي
أنا الراسي ماني الدغور حاسي
أجري ولا أعطي الهوى مقودي
أهفو ولا يخفى عليَ صوابُ
كان علقت بجيني ناطي شيقوق
والقمر بوبا حامل لي السلاح ويحرش
ننتظر حتى يحن بكري ويرجع الماسنجر
والعند الله أقرب من لمح البصر
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
قال الله تعالى :
(( ألم تر كيف ضرب الله مثلاً كلمةً طيبةً كشجرةٍ طيبةٍ أصلها ثابت وفرعها في السماء، تؤتي أكلها كل حين بإذن ربها ويضرب الله الأمثال للناس لعلهم يتذكرون ))
(( وقولوا للناس حسناً )).
(( وقل لعبادي يقولوا التي هي أحسن ))
(( إليه يصعد الكلم الطيب والعمل الصالح يرفعه ))
صدق الله العظيم
قال صلى الله عليه وسلم:
(( اتقوا النار ولو بشق تمرة، فإن لم تجدوا فبكلمة طيبة ))
(( إن العبد ليتكلم بالكلمة من رضوان الله لا يلقي لها بالاً يرفعه بها درجات ……))
(( والكلمة الطيبة صدقة ))
(( من كان يؤمن بالله واليوم الآخر فليقل خيراً أو ليصمت ))
(( وعن عبدالله بن عمرو رضي الله عنهما، عن النبي صلى الله عليه وسلم قال: (( في الجنة غرفة يُـرى ظاهرها من باطنها، وباطنها من ظاهرها)) فقال أبو مالك الأشعري: لمن هي يا رسول الله ؟ قال: " لمن أطاب الكلام، وأطعم الطعام، وبات والناس نيام))
صدق رسول الله صلى الله عليه وسلم
الكلمة الطيبة شعار لقائلها ودليل على طيبة قلبه فهنيئـاً لـك أستاذي خالد محجوب بهذا الثـواب
وتقبل عاطر الود والتحايا
---------
قبل الخروج
رسلتليك ومارديت علي.
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: عمر التاج)
|
Quote: (( وقولوا للناس حسناً )).
(( وقل لعبادي يقولوا التي هي أحسن ))
(( إليه يصعد الكلم الطيب والعمل الصالح يرفعه )) |
الأخ الفاضل عمر التاج
لك التحية كلمة طيبة
السلاااام عليك ورحمة الله
سعدنا بمروك المدعّم بهذه الآيات والأحاديث
في الكلمة الطيبة
جزاك الله عنّا كل خير وبركة
فذكر فإن الذكرى تنفع المؤمن
تحياتي وعاطر مودتي
وابقى قريب ولا تغيب علينا
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
Quote: أها دا الكلام البجيب الحمار للطين
رغم إنا حملنا كلام شيقوق وردينا عليه
وكل اليقين يحدونا ردك الرفض القاطع
أن تكوني له وحده .. ماذا جنينا
تهمة في حقنا ونحن في براءة عنها
رغم أنه
( أحل الله البيع وحرم الربا )
القابض عليك يا سماح
هو القابض على الماء تنحسر من
بين أصابعه
ما أصلو الريم طبعو النفرة والميلان |
ود المنسى الأصلو ما منسى
تسلم يا جميل على كلماتك الراقية
دا أنا أظلم روحى وما أظلمك وليك وحشة كتيييييييرة
شيقوق وسيدنا وبوباقمرنا النورنا لا أسكت الله لكم حسا
سمية الرائعة
سلام كتير لك ولكل آل طلحة
مودتى
سماح
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: الطيب شيقوق)
|
واخترنا لك...
فَلَق الصباح قـول لى
أهـو نورك لاح خِلِّى
يا خفيــف الــروح
هــو هـــذا نـداك
أم نــدى الأزهــار
من جنان رضـوان أصلك
لـذا كـل ربيع فصلك
اتـنـفــس فــوح
تتـنـفــس نـــاس
وريـــاض وبحـــار
ما ألذّ نسيـم وصلــك
مـا رأيت يا جميل مثلك
يـا بليــل السُّــوح
هــو هـــذا نــداك
أم هـوى الأسحــار
أنت روضة وليك زهرة
والا كوكب وليك بهرة
ضمخــوك للجبيــــر
زعفران وعبيـــر
إنتَ نـار فـى بهــار
صَبّـغْ الخـدين حُمرة
بعد ساعة تشوف صفرة
الاصفـرار ده كتيـر
أخجلـوك يـا أميـر
تقديري أخ خالد
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: سمية الحسن طلحة)
|
Quote: عنوان بوستك دا حكم وعبر
أشكرك على الإهداء النبيل
كلمات أعتز بها حقاً
وما أنا إلا بكم
ولما كتبت ماكتبت لو لم تكونوا أنتم
أخي خالد بك إعتزازي ولك تقديري وإحترامي |
ذاك من شيم الكرام ( التواضع )
يا ريحانة البطانة ومنار المعاني الطيبة
تواضعت لله فرفع مقامك بين الناس
مقامك بينا تواضع
ونزولك لأرضنا تواضع
لتواضعك وأدبك الجم وأدبك الحرفي أحببناك
يا سمية
توجت ملكة وانتِ حقاً ملكة
لك منا دعاء لا ينقطع
متعك الله وأسرتك بالصحة والعافية
| |
|
|
|
|
|
|
|
|
|
Re: إنجمامّة ... والدنيا فانية .. ومابتدي حريف .. الكلمة الطيبة تبقى (Re: خالد علي محجوب المنسي)
|
Quote: سماح لك التحايا ياعزيزتي مني ومن كل آل طلحة
لازلت أذكر أول مداخلة لك معي كلمات طيبات تنم عن طيب أصلك
وأضحكني كثيرا إسمك المكتوب بطريقة ضللت الكثيرين ووصلتهم السما السابع
شكرا لتحيتك التي أحيت موات الشعور |
الأخت سمية
الراقية الشعور والطلة والقلم
عاطر التحايا لك وللجماعة الحلوين ناس منسى وبوبا وعمو كمال و فيصل وسلمى وشيخ شيقوق وسيدنا المحيرنا بغيابه
صفوة جمالك صافى الماء على البلور
ينعم صباحك خير ويسعد مساك النور
نور من جمالك بان لا نور شموس لا بدور
فقت المعاك فى الجيل فقت المعاك فى الدور
يا الفى علاك بعيد وسماك سابع دور
ذقت الهلاك يا ملاك فى هواك هلاكى بدور
صفوة جمالك صافى الماء على البلور
ينعم صباحك خير ويسعد مساك النور
يا فرحة المحزون يا نفثة المصدور
مرآك يزيل الهم ويمحى الأسى الفى صدور
أسمح لى أتلو سناك والدور يفاخر الدور
ويفوح نشيدى الفيك زى نفحة الريف دور
صفوة جمالك صافى الماء على البلور
ينعم صباحك خير ويسعد مساك النور
أنا فى شقاى ولهان يا الفى النعيم مغمور
فرشى القتاد يا جميل ثم اتسادى جمور
يرضينى ما يرضيك والناس أمورها أمور
ومحال أسيبو هواك اذا السماء تمور
صفوة جمالك صافى الماء على البلور
ينعم صباحك خير ويسعد مساك النور
بين القلوب ميزان صفا وزنها المعبور
قلباً يميله الحب وقلباً يميل مجبور
انسان عشق انسان وانسانه ما مخبور
شخص الوفاء المفقود ولفقده مانى صبور
صفوة جمالك صافى الماء على البلور
ينعم صباحك خير ويسعد مساك النور
طرفى السهر يا سمير للنوم يضره ضرور
وعذابى لو سراك طبعا أكون مسرور
أوعد جفونى غميض والطيف يزورنى مرور
أفرح وأقول يا ليل وأشرح وأحاكى سرور
مح حبى
سماح
| |
|
|
|
|
|
|
| |
salma subhi
GamarBoBa
خالد علي محجوب المنسي
فيصل محمد خليل
الطيب شيقوق
أبي بكر سيد احمد
هند محمد
sama7
عمر التاج
مازن الجمّال
فيس بوك
تويتر
انستقرام
يوتيوب
بنتيريست