|
Re: مواقف وطرائف في عالم التدريس (صور) (Re: محمد أحمد الخضر)
|
لاستاذ محمد احمد الخضر وضيوفه سلام
ناس بربر بختلفوا عن باقي خلق الله في السودان
اول حاجة حافرين ابار والنيل جنبهم اظنه بربر عملوها قبلما يجي البحر عندهم لغة خاصة بيهم والواحد يقول ليك انت متحنتب كده لييه بمعنى انت متحنفش للشكل كده لييه رباطابيين شديد في كلامهم نس بربر ديل قصتهم شنو
| |
|
|
|
|
|
|
Re: مواقف وطرائف في عالم التدريس (صور) (Re: محمد أحمد الخضر)
|
كتب حسن محمد سعيد:
Quote: اول حاجة حافرين ابار والنيل جنبهم اظنه بربر عملوها قبلما يجي البحر عندهم لغة خاصة بيهم والواحد يقول ليك انت متحنتب كده لييه بمعنى انت متحنفش للشكل كده لييه رباطابيين شديد في كلامهم |
عزيزي حسن أولا احب أقول ليك أنني بالرغم من انني لست من أبناء بربر، إلا أنني اعتبر نفسي محظوظا أن كانت بربر أولى المحطات في مشواري في عالم التدريس، فقد تعلمت منها الكثير، ولن أنس أبدا طيبة أهلهاوكرمهم الفايت الحد. والله صفرة الأكل يجوا شايلنها نفرين. بالإضافة إلى أنها من أقدم المدن في السودان، وقد قال المرحوم د. عبد الله الطيب عندماسئل عن رأيه: إذا اردت أن تعرف عراقة يربر، فأنظر إلى مقابرها!! وهي ملاحظة دقيقة وتنطبق على بربر تماما. أما أنهم رباطابيين شديد فذلك لأنهم أولاد عم الرباطاب، ومتأثرين بهم شديد.
| |
|
|
|
|
|
|
Re: مواقف وطرائف في عالم التدريس (صور) (Re: محمد أحمد الخضر)
|
قم للمعلم ووفه التبجيلا كاد المعلم أن يكون رسولا قال ود الخضر :
Quote: لكن المشكلة يا شيخ عمار انو أخوك كان في اسكيل جي وراتبا حوالي 60 جنيه كانت تصلني منه 30 جنيه فقط، والباقي يسلم للوالد رحمه الله. |
تجدني أخي العزيز ود الخضر في غاية الأسف أن أضطررتك إلى تقديم كشف حالك وراتبك الضعيف ونصفه للوالد رحمه الله رحمة واسعة وأسكنه فسيح جناته مع الصديقين والشهداء وحسن أؤلئك رفيقا وعلى الرغم من أنك تجاهلت ربما سهوا علاوة غلاء المعيشة وحصيلة بيع إعفاء المبعوث عند عودته والحمدلله رجعت بالسلامة وقد تعلمت لغة هؤلاء الإنجليز فكانت لك مصدر رزق والأن أنت تعيش في نعيم ذلك العلم الغزير ببواطن اللغة الإنجليزية والتي لا ينافسك فيها إلا صديقك الأديب المفوه مالك ناصيتي اللغتين العربية والإنجليزية متجاوزا صهوة البرادو تاركا خلفه كل الكورولات أمثال كرولوتي وكرولوتك ...........
أما فيما يتعلق بفهمي للدادائية والسيريالية والسندكالية وهلم جرا فقد ذكرتني بقصة طريفة حدثت ونحن في المرحلة الإبتدائية (الصف الخامس إلى التاسع حاليا) سألنا الأستاذ وطلب أن يقف أي طالب لديهم ثلاجة في منزله عشان هو عايز يشرح لينا التلاجة وكيفية عملها .. ففوجئ الأستاذ بأن التلاميذ الذين وقفوا كلهم من توتي فسألنا يا أولاد أنتو كلكم من توتي وكلكم عندكم تلاجات في بيوتكم أجبنا بنعم .. كمان في واحد قال للأستاذ : يا أستاذ نحن كمان عندنا أربعة تلاجات في بيتنا ولو داير بكرة أجيب ليك معاي واحدة ... تعجب الأستاذ واعتبر الطالب يستهزئ بالأمر فقال ليهو بعد الحصة تعال لي في المكتب .. مشينا معاه كلنا ووقفنا خارج المكتب ولما دخل الطالب للمكتب رأي جك موية ألمونيوم موضوع على طاولة المعلم .. فسارع إلى القول أها يا أستاذ ما أهي دي تلاجة قاعدة عندك زي بتاعتنا في البيت ففهم الأستاذ أننا نقصد بالتلاجة (جك الألمونيوم) حيث كنا نسمية التلاجة وكانت هذه القصة سببا في شدة إهتمامنا بدرس التلاجة الحقيقية وفهمناها حتى أن بعضنادفعوا بسبب ذلك إلى التخصص في الهندسة وتخصصوا في تصميم ماكينات التبريد وهم يذكرون تلك القصة الطريفة .. عشان كدا يا أخو ود الخضر الدادائية أو السندكالية أو أي جن أحمر نسمع بيهو نحن يا فهمناه يا حفظناه لربما نصبح أخصائيين فيه في المستقبل لن نغلق باب العلم والمعرفة بحجة عدم الفهم ولا زلنا أطفالا نحبو في طلب العلم وأن طال بنا العمر فسنظل نطلب العلم من المهد إلى اللحد
| |
|
|
|
|
|
|
Re: مواقف وطرائف في عالم التدريس (صور) (Re: عمار زكي)
|
Quote: عشان كدا يا أخو ود الخضر الدادائية أو السندكالية أو أي جن أحمر نسمع بيهو نحن يا فهمناه يا حفظناه لربما نصبح أخصائيين فيه في المستقبل لن نغلق باب العلم والمعرفة بحجة عدم الفهم ولا زلنا أطفالا نحبو في طلب العلم وأن طال بنا العمر فسنظل نطلب العلم من المهد إلى اللحد |
عزيزي عمّار
خلينا من الدادائية والكلام الكبار كبار دا ورينا الجن الأحمر ليه أحمر؟ ليه ما يكون أسود مثلاً أو أخضر ؟
ابحثوا وفيدونا أفادكم الله!
تحياتي الزاكي
| |
|
|
|
|
|
|
Re: مواقف وطرائف في عالم التدريس (صور) (Re: محمد أحمد الخضر)
|
إستجابة لطلب أستاذي ود الخضر الذي تحداني بأن أجاوب على سؤال عن الجن الأحمر إليك أخي الأديب الزاكي الإجابة بالتفصيل الممل عن كل أنواع الجن الأحمر منه وغير الأحمر طبعا في جن واحد ما جبت سيرته سأتركه للعالمين به واللبيب بالإشارة يفهم :
الجن :
الجن ذكر في القرآن الكريم ، كما هو الحال في ذكر الانس ، وخلق الله الجن قبل الانس ، وعالم الجن كبير ومعقد ، واعداده تفوق اعداد الانس اضعافا مضاعفة ، والفارق بيننا وبينهم انهم يرونا من حيث لا نراهم ، الا من كشف الله عن بصيرته او اراد له ذلك ، وهم اهل قبائل وعشائر وديانات وطرائق ، فتجد فيهم المسلم ، والنصراني واليهودي والمجوسي ، وكذلك عبدة ابليس اللعين ، ومنهم من لا دين له ، وليس هذا فحسب ، اذ الفوارق كبيرة بينهم حجما وشكلا ، وهم نقيض للانسان الذي لا يحمل هذه الفوارق بين افراده في هذا الصدد ، لكن عالم الجن مختلف تماما ، فقد يصل طول المارد منهم الى مئات الامتار ، في حين لا يتعدى طول القزم منهم المتر الواحد ، فكما نلاحظ فالفارق كبير جدا ، اضف الى ذلك الاختلاف الواضح باللون والشكل ، اذ تتنوع الالوان فيهم فالاحمر منهم والازرق وكذلك سود اللون في التشكيل ، واما التنقل والحركة ، فأن منهم من يدب على الارض قفزا فيزيده القفز سرعة وقد تقدر سرعة من يدب على الارض منهم سبعين كيلو مترا في الدقيقة الواحدة بمقياسنا نحن البشر ، ومنهم من يطير وله سرعة تفيق سرعة من يدب على الارض آلاف الاضعاف ، وقد تقدر سرعة من يطيرون بسرعة الضوء وكلاهما خلق الله ، رسلنا لنا ولهم والكتب السماوية الاربعة ذكر فيها الجن ، وان الله خلقهم ليكونوا عابدين مخلصين له ، ولكن وللاسف كما يحصل في عالم الانس قد تجد المطيع ، وقد تجد الوضيع ، ولا حول ولا قوة الا بالله العلي العظيم . وينقسم الجن الى قسمين رئيسيان : القسم الاول : العفاريت ، والقسم الثاني : الشياطين . اما العفاريت فينقسمو ايضا الى اربعة اقسام ، القسم الاول : السباسب او " السباسبة " ، والقسم الثاني : التواقيف او " التواقفة " ، والقسم الثالث : الزوابع او " الزوابعة " ، والقسم الرابع : شياطين العفاريت او " الابالسه " ، ولا بد ان نشير الى ان العفاريت لا تعني من يدب على الارض وان كان بعضهم يدب عليها ، ومأكل العفاريت ومشربهم قريب من مأكل ومشرب الانس ، لكنهم يقتاتون من مخلفات وفضلات طعام الانس ، وهذ يدل انهم اتكاليين ، ويسكن العفاريت قرب ينابيع المياه وفي الوديان والجبال المشجرة والاحراش والبيوت المهجورة من قبل الانس والآبار القديمة والكهوف والمغر والسراديب ، ولهم نواحي سلوكية كثيرة منهم من يحب الانسان ويعيش قريب منه ، ومنهم ما هو عكس ذلك ، وهم اصصحاب طرائق وكلا على طريقته ، واصحاب الطرائق هم الارهاط وهم ضالون ويتبعون اولياء من دون الله ، الا اصحاب الطرق التي تكون من روح الشريعة وهذه الطرق غالبا ما يكون علمائها او شيوخها من الانس فهم اكثر التزاما ، وللعفاريت او للجن عامة امكانية الولوج الى الارض والخروج منها ، وبأمكانهم ايضا ان يركبو الرياح كمثل الزوابعة ، ومنهم من يسكن السحاب والكواكب السيارة وهم من يسمون " بالجن الطيار " او " الجن العلوي " ، ولا نريد ان ندخل في تفاصيل الجن العلوي لعدم اختلاطه او احتكاكه بالانسان لا بأذى ولا الى آخره ، ومن العفاريت من يسكنوا البحور المالحة ومعظمهم من شياطين العفاريت وهاؤلاء اسم على مسمى لا يوجد بينهم من هو صالح او حتى اليف ، ومن يسكن في البحور منهم يطلق عليهم اسم " الغواصون " ، وهاؤلاء من تسخرهم كبار الشياطين لخدمة السحر والسحرة والمشعوذين ، ومن العفاريت من يطلق عليه اسم الغول وهاؤلاء من يتشكلو ا بالحيايا والكلاب السود والحيوانات وهم من التواقيف والسباسبة . اما القسم الرئيسي الثاني : الشياطين وينقسم الشياطين الى قسمين القسم الاول : كبار الشياطين ، والقسم الثاني : الطواغيت ، اعوذ بالله من الشيطان الرجيم ، بسم الله الرحمن الرحيم ، رب اعوذ بك من همزات الشياطين ، واعوذ بك رب ان يحضرون ، اللهم اني اعوذ بك من الهم والحزن ، ، واعوذ بك من العجز والكسل ، واعوذ بك من الجبن والبخل ، واعوذ بك من غلبة الدين وقهر الرجال ، اللهم اني اعوذ بك من الفقر والعيّلة ، واعوذ بك من كل بلية ، اللهم اني اعوذ بك من الفقر الا اليك ، ومن الذل الا لك ، ومن الخوف الا منك ، واعوذ بك ان اقول زورا ، او اغشى فجورا ، او اكون بك مغرورا ، واعوذ بك من عضال الداء ، وخيبة الرجاء ، وشماتة الاعداء ، وزوال النعمة ، وفجأة النقمة ، اللهم اني اعوذ بك من شر الخلق وهم الرزق وسوء الخلق ، آمين آمين يا ارحم الراحمين . اما بالنسبة لكبار الشياطين ، فأطلق عليهم هذا الاسم لان صغار الشياطين هم شياطين العفاريت كما ورد سابقا ، وكبار الشياطين هم من عبدة ابليس واغلبهم مردة ، وقد ذكر الشيطان المارد في القرآن الكريم ، في سورة " الصافات " ، ويختلف هاؤلاء عن باقي الجن في اللون وطبيعة الخلق ، والاختلاف حتى بطريقة توالدهم وهم كثيرون ويطلق عليهم اسم " الجن الازرق " ، ومنهم من يحمل عرش ابليس اللعين ، ومنهم من هو من خدام اسماؤه الشيطانية ، واسماؤه كثيرة ، من ذلك ندرك ما هو السحر والسحرة والطلاسم والاسماء الشيطانية المكتوبة بالعربية ، ذات المفهوم السرياني ، وعن طريق هاؤلاء الشياطين يتم الدعم الشيطاني لحلفاء ابليس في الارض ، ولكي يصيح الساحر ساحرا او المشعوذ مشعوذا يجب ان يكون حليف ابليس اللعين في الارض ودسيسة بين البشر ، فأنه يدخل خلوته اربعين يوما او اكثر ، ويبدأبتلاوة الاسماء الشيطانية ، حتى تأتيه خدام هذه الاسماء وهي من كبار الشياطين ويطلبون منه ثمن انضمامه لحلفاء ابليس ، وغالبا ما يكون هذا الثمن معاصي كبيرة تهز عرش الرحمن لا حولا ولا قوة الا بالله العلي العظيم ، مثل تدنيس القرآن الكريم ، او التبرأ من رب العالمين ، او الصيام عن الروح وهتك الاعراض وهتك الارحام والى اخره ، اما اذا نفذ ما طلب منه هذا النجس ، عين حليفا جديدا لابليس في الارض ، وترتفع رتب الحلفاء كل ما ابتعد عن الله اكثر اقترب الى ابليس اكثر والعياذ بالله . اما القسم الثاني : الطواغيت ، لقد ورد ذكر الطواغيت بالقرآن الكريم في اكثر من موقع ، وطواغيت جمع طاغوت ، والطواغيت هم خدام السحر ولكن لسحر كبار السحرة ، فهم غالبا ما يخدمون السحر القائم على المعاصي الكبار كتدنيس القرآن وآياته والعياذ بالله ، وكذلك سحر النجاسة الذي عادة ما يكون من حيض النساء ، اما الآخرون من الطواغيت فأن وظيفتهم اخراج الناس من النور الى الظلمات ، عن طريق الوسوسة لفعل المعاصي ، او عن طريق حكم القرين وتفعيل وسوسته الشيطانية ، فهم يسحبون الانسان صاحب النفس المريضة من عبادة الله الى عبادة ابليس والمشي على ما يرضيه ، ومعظم الطواغيت يسكنون قرب الدم وفي البحور وهم من الجن الذي يسمى " الجن الاحمر " فهم يتغذون على الدم وعاذتا ما يكونون بقرب من يذبح القرابين كالكهان او الى اخره ، واعلم اخي القارىء ان ابليس يسكن البحر وله فيه عرشا يحمله ثمانية من كبار الشياطين ، قاتل الله ابليس واتباعه ومن صار على دربه الى يوم الدين اللهم آمين ، فطاغوت كلمة تطلق على طواغيت الجن والانس ، فمن كان مشركا ومؤذيا لعباد الله ، ومخرجا الناس ون النور الا الظلمات فهو طاغوت ، قاتل الله طواغيت الجن والانس فهم ضالين ، وما لهم على عباد الرحمن من سلطان ، يقول الله تعالى : بسم الله الرحمن الرحيم { ان عبادي ليس لك عليهم سلطان الا من اتبعك من الغاوين 43 } سورة " الحجر " . صدق الله العظيم الستار وبلغ الرسالة نبيه المصطفى المختار صلى الله عليه وعلى اله وصحبه الاخيار . وفي هذا القدر كفاية .
الخلاصة :
Quote: اما القسم الثاني : الطواغيت ، لقد ورد ذكر الطواغيت بالقرآن الكريم في اكثر من موقع ، وطواغيت جمع طاغوت ، والطواغيت هم خدام السحر ولكن لسحر كبار السحرة ، فهم غالبا ما يخدمون السحر القائم على المعاصي الكبار كتدنيس القرآن وآياته والعياذ بالله ، وكذلك سحر النجاسة الذي عادة ما يكون من حيض النساء ، اما الآخرون من الطواغيت فأن وظيفتهم اخراج الناس من النور الى الظلمات ، عن طريق الوسوسة لفعل المعاصي ، او عن طريق حكم القرين وتفعيل وسوسته الشيطانية ، فهم يسحبون الانسان صاحب النفس المريضة من عبادة الله الى عبادة ابليس والمشي على ما يرضيه ، ومعظم الطواغيت يسكنون قرب الدم وفي البحور وهم من الجن الذي يسمى " الجن الاحمر " فهم يتغذون على الدم وعادة ما يكونون بقرب من يذبح القرابين كالكهان وغيرهم ......، |
أي أن الجن الأحمر سمي بالجن الأحمر لأنه من قسم من الجن يسمى الطواغيت ويسكنون قرب الدم ويتغذون على الدم وعادة ما يكونون بقرب من يذبح القرابين كالكهان وغيرهم..... إنتهي ألا هل أجبت أخي الزاكي
| |
|
|
|
|
|
|
Re: مواقف وطرائف في عالم التدريس (صور) (Re: محمد أحمد الخضر)
|
قال شيخ العرب شيقوق : ده اصلو مدوعل وزى الجوكر شغال في كل الاتجاهات
لا أقبل مساسا بأستاذي ود الخضر وسؤالي كان إستفساري شايقي ولا هدندوي كلهم قبايل أصيلة وأنا غيرت إستفساري إلى عبارة إستاذي الجليل ... أرجو عدم الإصطياد في الماء العكر وتعال بي هناك يا شيخ العرب مع الزاكي
| |
|
|
|
|
|
|
Re: مواقف وطرائف في عالم التدريس (صور) (Re: محمد أحمد الخضر)
|
شوف يا خوي يا ود الخضر أنت معلم وأنا معلم خليك من حكاية شيقا وسيقا وهلم جرا أصلا قالوا العربي كان إتمدن بجيب لي أهله جنيه .. هسع قبل شوية طلع لينا بي هناك في بوست جهاز االمغتربين بكلمة النواضر وجاري البحث عن جذور الكلمة مع كلمة الشائهة وأعمل حسابك من الأديب الزاكي بيعمل فيك قصيدة باللغة السريالية وستسجل في التاريخ الحديث ويتناقلها الركبان........... تحياتي وخلي البوست فوق .. وبالمناسبة أنا ح أصفي ليك البوست بأدق غرباك ممكن ليمكث ما ينفع الناس أما الزبد فيذهب جفاء .......... تحياتي .. عمار
| |
|
|
|
|
|
|
Re: مواقف وطرائف في عالم التدريس (صور) (Re: عمار زكي)
|
Quote: هسع قبل شوية طلع لينا بي هناك في بوست جهاز االمغتربين بكلمة النواضر |
عمار
خليها النواضر انا فيك انت الناس في شنو وناس توتي في شنو مالك معلق في الشائهة نامن خليت الناس فكوا مشهاد البوست
ابقى لي قريب احكي عن الشائهة
اولا انت سمعت بالشاة ( الغنماية) سمعت بالشاية ( يعني الدقاقة او التاتيبة التي تربط فيها البهيمة)وغالبا زولك بتاع الجهاز قاصد دى هو بيكون من اندينا سمعت بالشهوة - افهمها بالطريقة التعجبك
جاييك انتظرني
| |
|
|
|
|
|
|
Re: مواقف وطرائف في عالم التدريس (صور) (Re: الطيب شيقوق)
|
كتب عمار:
Quote: طلع لينا بي هناك في بوست جهاز االمغتربين بكلمة النواضر وجاري البحث عن جذور الكلمة مع كلمة الشائهة |
ورد شيقوق:
Quote: خليها النواضر انا فيك انت الناس في شنو وناس توتي في شنو مالك معلق في الشائهة نامن خليت الناس فكوا مشهاد البوست |
أرجوني باكر آتيكم بالقول الفصل في الكلمتين. نصيحتي تخلو بوست المغتربين لي همومه
| |
|
|
|
|
|
|
Re: مواقف وطرائف في عالم التدريس (صور) (Re: الزاكى عبد الحميد)
|
الصديق العزيز الأستاذ (ابن الخضر)
التهنئة لك على النجاح الكبير لهذا البوست العامر.. وأنا أقبل عتابك لي بأنني لم أشارك فيه من قبل؛ غير أني لا أقبل اتهامك لي بأنني منحاز لبوستات الإخوان محمد المرتضى وأحمد القرشي ودكتور طراوة ! لذا أنوي أن (أقيل) هنا اليوم، وأهديك أنت وقراءك ( عيدية ) باقة من طرائف عالم التدريس! علني أنال بعضاً من رضائك!
كثير من الطرائف في المدارس الثانوية على أيامنا كان محورها التناقض القائم بين أساتذة اللغة العربية والدين (من خريجي الأزهر ودار العلوم) من ناحية، وبين أساتذة العلوم الأخرى ممن درسوا في بريطانيا وتشبعوا بثقافتها.
من الأمثلة التي تحضرني قصة بطلها هو الأستاذ الجليل / هاشم ضيف الله، والذي عرف بأنه كثيراً ما يتحدث باللغة الإنجليزية (ويفكر بها أيضا كما سوف يتضح).
في ذات مرة طلب منه أحد زملائه من أساتذة اللغة العربية والدين أن يوصله معه بسيارته.. ولم يكن هاشم ضيف الله متأكداً أين بالتحديد يريد زميله أن يصل ؛ ولهذا سأله بكل تهذيب واحترام " يا مولانا أرميك وين!!" .. هنا ثارت ثائرة الأستاذ الذي تحدث مع هاشم ضيف الله بلهجة حادة محتجا على هذه المخاطبة التي تفتقر إلى اللياقة ، وتنم عن عدم الاحترام له، ذاكراً أن تلك هي آخر مرة يركب معه في سيارته!
اعتذر الأستاذ هاشم ضيف الله ، شارحاً أنه لم يكن يقصد إطلاقاً الإساءة أو التجريح. وفعلاً كان هاشم ضيف الله حسن النية وصادقاً في اعتذاره؛ وذلك لأنه فقط ترجم العبارة التي بلورها في ذهنه وهي: Where can I drop you Sir?، !!!
| |
|
|
|
|
|
|
Re: مواقف وطرائف في عالم التدريس (صور) (Re: Abdul Monim Khaleefa)
|
كان مستر كروفورد رئيساً لشعبة الجغرافيا بمدرسة خورطقت الثانوية؛ وفي نفس الوقت كان يمارس الإشراف على نشاط كرة القدم الذي تشهده ميادين المدرسة يومياً.. كما كان يدرب الفريق الأول للمدرسة ويعده للمنافسات التي كانت تجري بين المدارس الثلاثة (خورطقت وحنتوب ووادي سيدنا).
ذات مساء حضر أحد الأساتذة من أبناء شمال الوادي ( ولغته الإنجليزية مش ولا بد!)، وكان يرتدي لبس الرياضة.. لأنه كان يرغب أن يأذن له مستر كروفورد بأن يكون (حكماً) لإحدى المباريات.. وبالطبع كان لزاماً أن يخاطب مستر كروفورد باللغة الإنجليزية.. مما يثير مشكلة معرفة الكلمة الإنجليزية لحكم (وهي Referee)!.. المهم أن الأستاذ حزم أمره وقال لمستر كروفورد:Sir, I want to be a governor! Please give me a whistle.
ربما لم يفهم مستر كروفورد ما هو المقصود؛ أو ربما يكون قد فهم ولكنه أراد أن يسخر! حيث أنه رد عليه: To be a Governor you do not need a whistle..You need a car with two flags!! وذلك في إشارة لعربة حاكم الإقليم (مدير المديرية) التي كان يرفرف فوقها علما دولتي الحكم الثنائي!! محبتي عبد المنعم خليفة
| |
|
|
|
|
|
|
Re: مواقف وطرائف في عالم التدريس (صور) (Re: محمد أحمد الخضر)
|
عمار وشيقوق كلمة ِ"شأئهة"تعني قبيحة وهي مشتقة من الفعل "شوه" تقول: شاهت الوجوه يعني قبحت. أما "ناضرة"فهي مشتقة من "نضر" بفتح النون والضاد تقول نضر وجهه أي حسن وجههه، ونضر الله وجهه. و"نضر" بتشديد الضاد بمعنى نعّم الشيء أو جعله ناعما تقول: هذه شجرة ناضرة أي شديدة الخضرة. والله أعلم.
المصدر:مختار الصحاح
| |
|
|
|
|
|
|
Re: مواقف وطرائف في عالم التدريس (صور) (Re: محمد أحمد الخضر)
|
كتب أستاذنا الأديب عبد المنعم خليفة:
Quote: التهنئة لك على النجاح الكبير لهذا البوست العامر.. وأنا أقبل عتابك لي بأنني لم أشارك فيه من قبل؛ غير أني لا أقبل اتهامك لي بأنني منحاز لبوستات الإخوان محمد المرتضى وأحمد القرشي ودكتور طراوة ! لذا أنوي أن (أقيل) هنا اليوم، وأهديك أنت وقراءك ( عيدية ) باقة من طرائف عالم التدريس! علني أنال بعضاً من رضائك |
الأخ منعم شرفت البوست وازدان بطلتك البهية، خاصة وقد ظهرت صورتك الشخصية مع مساهمتك القيمة، وهذا أمر يندر حدوثه في هذه الأيام بعد ما حدث للمنبر ما حدث. كم أنا سعيد بمداخلتك التي أرجو ألا تكون الأولى والأخيرة، ولا يعني ذلك بالطبع إهمال بوستات الأخوان أستاذ مرتضى ، ود. القرشي، ود. أحمد طراوة الذين ما فتئوا يثرون المنبر بإبداعاتهم السامقة. أما العتاب فربما كان بدافع الغيرة فقط، مؤكدا لك ولهم خالص مودتي ومحبتي. وإذ أشكرك عل هذه المشاركة البهيجة، لأرجو أن تتحفنا بالمزيد من طرائف المعلمين خاصة أيام الإنجليز، ولعلك تحتفظ بالكثير منها في ذاكرتك. أما هذه فقد قبلناها (عيدية) ونتطلع إلى القادمات داعياًالله لك بدوام الصحة والعافية.
| |
|
|
|
|
|
|
Re: مواقف وطرائف في عالم التدريس (صور) (Re: محمد أحمد الخضر)
|
الأستاذ و الوالد المربي محمد أحمد الخضر "ود الخضر"
كل عام و أنت و الاسرة بخير
بالرغم من إنقطاعي عن المداخلة في هذا العمل الجميل لفترة طويلة بسبب بعض المشغوليات الخاصة، إلا أنني ظللت من المتابعين له دائما على قلة هروبي إلى هذا المنتدى الجامع.
أستاذي الفاضل أرغب في المشاركة في هذا البوست بنوع آخر وهو إفتخار الأساتذة ببعض طلابهم. و أيضا مداخلتي في هذا الموضوع سوف تكون مختلفة، حيث جرت العادة أن يفتخر الاساتذة بطلابهم فيقول الاستاذ أن فلان الطبيب الفذ او المهندس البارع أو الاديب المشهور أو ما نحوه هو من تلاميذه. و لكنني هذه المرة أريد أن أفتخر بأحد أساتذتي العظماء في مدرسة النيل الأبيض المتوسطة ببخت الرضا في الفترة من 1979-1982 وهو الاستاذ الدكتور محمد كباشي أستاذ مادة الجغرافيا بجامعة الخرطوم. عندما دخلنا في السنة الاولى للمرحلة المتوسطة بالنيل الابيض، لاحظنا ان في حصص الإنجليزي وكان يدرسنا حينها الاستاذ الكبير محمد فضل الله "له تحياتي و تقديري أينما وجد" أن الاستاذ محمد كباشي يجلس دائما معنا في هذه الحصة و ظل هكذا لفترة طويلة و بعد ذلك إنقطع من الحضور لهذه الحصة و علمت من شقيقي ياسر يس الذي يكبرني بسنة واحدة وهو في الصف الثاني، عرفت منه أن الأستاذ محمد كباشي صار يحضر حصص الإنجليزي معهم. و الجدير بالذكر ان الاستاذ محمد كباشي كان يدرس مواد اللغة العربية، الجغرافيا و التاريخ بإجادة فريدة. المهم في الامر علمنا بعد ذلك ان الاستاذ محمد كباشي كان يستعد للجلوس لإمتحان الشهادة السودانية. وفعلا عندما وصلت للسنة الثالثة في مدرسة النيل الابيض المتوسطة العظيمة، وجلست لإمتحان الشهادة المتوسطة، جلس الاستاذ محمد كباشي لإمتحان الشهادة السودانية القسم الادبي. و عندما إنتقلت إلى مدرسة النيل الابيض الثانوية في الصف الاول، إلتحق أستاذي العظيم محمد كباشي بالسنة الاولى بكلية الاداب جامعة الخرطوم بعد أن تفوق تماما في إمتحان الشهادة السودانية بالرغم من مسئولياته التعليمية و الأسرية التي نعلمها جيدا. بعد ثلاث سنوات إلتحقت أنا بجامعة الخرطوم لدراسة علوم الرياضيات و الكمبيوتر و كان أستاذي محمد كباشي في الصف الرابع. و عندما وصلت للسنة الثانية كان أستاذي محمد كباشي في السنة الخامسة بمرتبة الشرف تخصص الجغرافيا. شاءت الظروف أن يحتاج أستاذي محمد كباشي لمساعدتي في مادة الإحصاء التطبيقي Applied statistics التي يحتاجها كثير من الطلاب الذين يستعدون لمرحلة البحوث العلمية، فكنت ازوره في حجرته لأشرح له ما إستعصى عليه فقد كان يكره الرياضيات كثيرا. كان دائما يخبر زملائه عني و انني من طلابه النجباء و يضحك مازحا بأنني "الحوار الذي سبق شيخه" تخرج الاستاذ محمد كباشي بمرتبة الشرف الاولى و عين مباشرة مساعد تدرسي في قسم الجغرافيا و كنت حينها في السنة الرابعة. و عندما تخرجت من السنة الخامسة إلتحقت انا ايضا كمساعد تدريس بقسم الكمبيوتر و كان أستاذي حينها يحضر لدرجة الماجستير و كان يحتاجني بعض الشيء في تحليل بعض البيانات الجغرافية موضوع دراسته. كنا كثيرا نجلس سويا في ساحات نادي الاستاذة بجامعة الخرطوم و يقول هذا إبني و تلميذي و أستاذي عمار وقد زاملت والده الاستاذ المرحوم يس النورفي بخت الرضا و زاملت عمار في جامعة الخرطوم. بعد ذلك بأقل من ثلاث سنوات نال أستاذ محمد كباشي درجة الدكتوراة في الجغرافيا و صار أستاذا محاضرا و مازلت احرص كثيرا على زيارته عندما ازور السودان. في مرة من المرات في عام 2002 زرته في مكتبه و كان معه بعض طلابه فعرفهم بي و ذكرني خيرا، فقلت لهم إن الأستاذ دائما يفتخر بطلابه و لكنني قد أتيحت لي فرصة نادرا ما تتاح للطالب ان يفتخر بمثل الاستاذ الدكتور محمد كباشي و أقولها بملء فمي إفتخارا هذه هي نوعية الاساتذة التي تعلمت على يدهم.
الاستاذ محمد الخضر، هكذا كان الاستاذة لعهد قريب كلهم طموح و عزيمة فصلح بهم التعليم و التربية عندما كان هنالك حقا تعليم و تربية و لمثل الأستاذ الدكتور محمد كباشي و غيره من المخلصين لهذه الرسالة ترفع القبعات و تفتح البوستات.
تحياتي لك و لضيوفك الكرام
إبنك دائما عمار يس النور عاشق بخت الرضا
| |
|
|
|
|
|
|
Re: مواقف وطرائف في عالم التدريس (صور) (Re: محمد أحمد الخضر)
|
ود الخضر
عمار
أما "ناضرة"فهي مشتقة من "نضر" بفتح النون والضاد تقول نضر وجهه أي حسن وجههه، ونضر الله وجهه. و"نضر" بتشديد الضاد بمعنى نعّم الشيء أو جعله ناعما تقول: هذه شجرة ناضرة أي شديدة الخضرة.
انت عمار ده درس كمبوني ولا شنو ؟ اصلو ما قرا منهج اللغة العربية ولا سمع بالنشيدة البتقول
انظر لتلك الشجرة >ات الغصون الناضرة كيف نمت من حبة وكيف صارت شجرة >اك هو الله ال>ى .................الخ
وحياتك يا ود الخضر لا انسى >لك اليوم ال>ى لحنت فيه ه>ه النشيدة
| |
|
|
|
|
|
|
Re: مواقف وطرائف في عالم التدريس (صور) (Re: محمد أحمد الخضر)
|
يوم هروبنا من ناظر المدرسة حدثت هذه الحكاية قبل أكثر من أربعين عاما. أعلن أن عيد الأضحى المبارك سيكون في يوم الثلاثاء، ، وكانت عطلة العيد أربعة أيام تبدأ من الاثنين، على أن تستأنف الدراسة صباح السبت. كان هناك قطاران في الأسبوع يمران بالمدينة في يومي الأحد والخميس من كل أسبوع. ولذلك قرر الناظر تعطيل الدراسة يوم الأحد حتى يتمكن الطلبة الداخليون من اللحاق بقطار الأحد، ولكنه أصر على أن يبقى المعلمون بالمدرسة حتى يوم الاثنين، ولم تجد كل الرجاءات على إثنائه من هذا القرار. اجتمع المعلمون بقيادة نائب الناظر وقرروا السفر بقطار الأحد مع طلابهم والعودة بقطار الخميس، وإلا سيفوت عليهم العيد مع أهاليهم، ولكنهم لم يخبروا الناظر بذلك. في صباح يوم الأحد اتجهنا إلى محطة السكة الحديد، وكانت المفاجئة أن وجدنا الناظر قد سبقنا إلى المحطة ربما لاستقبال أحد من عائلته. اتفقنا أن نلوذ بالصمت، وإذا سألنا عن سبب حضورنا إلى المحطة نقول جئنا للاستمتاع برؤية المسافرين خاصة وأن المدرسة قد أغلقت. عندما أطلقت الصافرة لقيام القطار أسرعنا نحو أول عربة وركبنا جميعا وسط دهشة عمنا الناظر الذي اخذ يصرخ: ماشين وين ؟ رد عليه النائب: كل عام وأنت بخير، نشوفك يوم السبت إن شاء الله. أخذ الناظر يهدد ويتوعد. الغريب أن مكتب التعليم لم يوقع علينا أية عقوبة وإنما لام الناظر على سوء تصرفه. شفت كيف؟؟!!
| |
|
|
|
|
|
|
Re: مواقف وطرائف في عالم التدريس (صور) (Re: محمد أحمد الخضر)
|
Quote: أخذ الناظر يهدد ويتوعد |
زولكم ده هلتر ما بلحقو عافي منو الخلاكم تمشوا بالحيط
Quote: . الغريب أن مكتب التعليم لم يوقع علينا أية عقوبة وإنما لام الناظر على سوء تصرفه |
لوم وبس ؟
كدى يا ود الخضر ورينا اقصى ما يملكه الناظر من صلاحيات قبل المعلمين الخاضعين لادارته؟
| |
|
|
|
|
|
|
Re: مواقف وطرائف في عالم التدريس (صور) (Re: محمد أحمد الخضر)
|
لو كان عندك مليون جنيه زمان
عملت مع أستاذنا شيخ الدين جبريل، رحمه الله وأحسن إليه، عندما كان ناظرأ لمدرسة بربر الأميرية الوسطى في مطلع الستينات الفائتة. كان رجلا كريما طيب المعشر، إلى جانب مقدراته الفذة في الأدب العربي واللغتين الانجليزية والعربية، وكان يتحفنا بالكثير من النوادر والطرائف.. في يوم من الأيام، وبينما كنا نتناول طعام الإفطار فأجأني بقوله: - يا محمد أحمد ربنا يديك مليون جنيه، قول آمين. - آمين. - انت أولا هل تعلم المليون قدر شنو؟ - بعدما ربنا يديني ليهو بعرفو قدر شنو. - عارف يا أبو حميد لو عندك مليون جنيه000 - (مقاطعا) يالناظر انامالي ومال المليون، _ خلاص قول ربناأداك مليون جنيه. عارف ممكن تعيش عليه كم سنة؟ _ كم؟ _ إذا صرفت منو 55 جنيه يوميا حيكفيك 50 سنة!!!!
لاحظوا أن مرتبي آنذاك لم يتجاور العشرين جنيه. شفتو مليون زمان كان كيف؟؟!!
| |
|
|
|
|
|
|
Re: مواقف وطرائف في عالم التدريس (صور) (Re: فيصل محمد خليل)
|
كتب فيصل محمد خليل
Quote: تصور المليون بتاعتك دي هسع لو صرفت منها
55 جنية برضو بتمشي معاك 50 سنة
بس السؤال بتعيشك والا لا |
العزيز فيصل مشكور أولا على رفع البوست، كان رايح مني. صحيح كلامك، لكن لاحظ لو كان عندي مليون في الزمان داك تفتكر كنت اكون حايم بي جاي؟؟!! يديك العافية يا الحبيب وخليك قريب دائما.
| |
|
|
|
|
|
|
Re: مواقف وطرائف في عالم التدريس (صور) (Re: محمد أحمد الخضر)
|
ود الخضر
Quote: صحيح كلامك، لكن لاحظ لو كان عندي مليون في الزمان داك تفتكر كنت اكون حايم بي جاي؟؟!! |
حرم الزيك ده عندنا ما بنتظر لو معاش بس يشد جملو !!! من المغربية ويدرع الجيم وما بتكامل الا الصهب السيدها في الدندر مسوى زريبة.
| |
|
|
|
|
|
|
Re: مواقف وطرائف في عالم التدريس (صور) (Re: الزاكى عبد الحميد)
|
الأستاذ ابن الخضر: هاك دي:
طلب المدرس من الطالب أن يجري تجربة على الضفدعة..
فقام الطالب وقطع اليد اليمنى للضفدعة وقال لها نطّي، فنطت.. فقطع يدها اليسرى وقال لها نطّي، فنطت.. فقطع الساق اليمنى وقال لها نطّي، فنطتْ فقطع الساق اليسرى وقال لها نطّي، فلم تنط الضفدعة.. وعليه كتب الولد الختري استنتاجه كما يلي:
إن الضفدعة إذا قطعت أطرافها لا تسمع!
تحياتي
الزاكي
| |
|
|
|
|
|
|
Re: مواقف وطرائف في عالم التدريس (صور) (Re: الزاكى عبد الحميد)
|
اها يا الزاكي هاك دى
مدرسة شاطرة كانت بتدرس في حصة اللغة الانجليزية وكانت فوق في المسطبة ( سين ولا صاد ما عارف ) فجأة عترت وطاحت من فوق الطلبة الشرامة ضحكو . زولتك زعلت شديد شافت اول واحد ضاحك قالت ليهو قوم انت شفت شنو تضحك كدا؟ قال ليها شفت كعبك محنن بعد نعالك اتملصت قالت للصول اديلو عشرين جلدة . برضو قبلت ع التاني بحمرة عين قالت ليهو وانت ايش فيك تضحك شفت شنو؟ قال ليها فضلك انا شفت توبك وقع من راسك . قالت للصول ده اجلدوهو اربعين سوط . قبلت على التالت نهرتو ليك قوم يا غبي انت شفت شنو ؟
فاصل ونواصل
| |
|
|
|
|
|
|
Re: مواقف وطرائف في عالم التدريس (صور) (Re: الطيب شيقوق)
|
شاف القالو أحمد ,, أحكيها يا أستاذ,,(البشرى) على مسؤليتكم,, أنا غايتو بحكيها حبة,, حبة العارفها يقول لى أقيف ليعند هنا,, أستاذنا كل سنة وانت طيب ,,
| |
|
|
|
|
|
|
Re: مواقف وطرائف في عالم التدريس (صور) (Re: عبدالعزيز الفاضلابى)
|
Quote: شاف القالو أحمد ,, أحكيها يا أستاذ,,(البشرى) على مسؤليتكم,, أنا غايتو بحكيها حبة,, حبة العارفها يقول لى أقيف ليعند هنا,, أستاذنا كل سنة وانت طيب ,, |
دحين يا الفاضلابي إت عولك وين؟
| |
|
|
|
|
|
|
Re: مواقف وطرائف في عالم التدريس (صور) (Re: الطيب شيقوق)
|
كتب ود شيقوق:
Quote: حرم الزيك ده عندنا ما بنتظر لو معاش بس يشد جملو |
الله يجازيك يا المطموس ان كان شد الجمل بينفع كان نفعك انت قال يشد جملو قال؟!
Quote: لا ابدا دادائية راجع قاموس البطانة - الملكة بت طلحة لشرح المفردات بس حاسب شرحها محتاج لتفسير ايضا |
شيء لله يا بت يا بت طلحة 00 أسعفيناأنا والزاكي أخوي.
Quote: مدرسة شاطرة كانت بتدرس في حصة اللغة الانجليزية وكانت فوق في المسطبة ( سين ولا صاد ما عارف ) فجأة عترت وطاحت من فوق الطلبة الشرامة ضحكو |
لا متين يعني نقعد كدا فاتحين خشومنا. كمل الحكاية وإلا 0000
| |
|
|
|
|
|
|
Re: مواقف وطرائف في عالم التدريس (صور) (Re: الطيب شيقوق)
|
كتب شيقوق:
Quote: فلئن شكرت معلمي ...وعطاءه طول الزمان وبكرة وأصيلا
يبقى المحال على الوفاء مهيمناً ولربما شكري يكون جميلا |
عزيزي شيقا لعل هذين البيتين من الشعر يكونان أفضل ما نختم به هذا البوست. لك ولجميع من أسهموا معي بمداخلااتهم وقفشاتهم خالص الشكر والعرفان ودعواتي لكم جميعا بموفور الصحةوالسعادة، وإلى لقاء جديد في حوش بكري إن شاء الله.
| |
|
|
|
|
|
|
Re: مواقف وطرائف في عالم التدريس (صور) (Re: فيصل محمد خليل)
|
كتب حسن محمد سعيد:
Quote: نتمنى من الأستاذ محمد أحمد الخضر يواصل بعد الارشفة |
شكرا يا أبو علي الثقة والتشجيع إن شاء الله سأبدأ في الجزء الثاني قريبا وهو يحكي عن تجربتي في عالم التدريس خارج السودان.
Quote: ولا انت داير كمان في حصة الرياضيات الأستاذ يقول خمسة زائد خمسة يساوي عشرة إن شاء الله. أو يقع السودان جنوب مصر بإذنه تعالى .. |
أخي حسن نقلت لنا صورة دقيقة لواقع معاش . مرة قلت لأحد تلاميذي: ليه ما عملت الواجب؟ قال: ربنا ما أراد يا أستاذ !! قلت له: طيب جايي تعمل شنو في المدرسة؟ روح بيتكم!! قال: ليه؟ قلت: ربنا أراد كدا !!
| |
|
|
|
|
|
|
Re: مواقف وطرائف في عالم التدريس (صور) (Re: فيصل محمد خليل)
|
كتب حيدر أمين:
Quote: طلبت من بكرى تحويل البوست الى الربع الجديد ولا لسه ؟؟؟؟ باقى 24 ساعه |
حيدورة يا رائع شكرا على المرور. لكن سبق السيف العذل، فقد سبق أن طلبت أرشفة البوست في مكتبة خاصة، آمل أن نلتقي مجددا في الجزء الثاني إن شاء الله
| |
|
|
|
|
|
|
Re: مواقف وطرائف في عالم التدريس (صور) (Re: حيدر امين)
|
كتب حيدر أفندي أمين
Quote: زى ما وعدتك مرسل ليك فيديو مدرسة الخرطوم الاهليه ( مدرسة الشيخ مصطفى الامين )او محمد حمزه , ماذا كانت وكيف صارت |
شكرا على الفيديو الوثيقة. مدرسة الخرطوم الأهلية كان يجب أن تبقى كما هي لكن ماذا نقول ولمن؟! هناك الكثير من الصروح التربوية في السودان كان يجب أن يحافظ عليها مثل الأهرامات، لكن مشكلتنا تكمن في ضعف ذاكرتناوأخيرا ابتلينا بمرض القضاء على ما يعيننا على التذكر. قول يا معين يا حيدر أمين
| |
|
|
|
|
|
|
Re: مواقف وطرائف في عالم التدريس (صور) (Re: محمد أحمد الخضر)
|
استاذنا الفاضل ود الخضر
ايه رايك في الزعيم ود شيقوق بالعمة والشال ... بيهم كمل الزعامة تب.
انتم علي الطبيعة ونحن علي سودانيز اونلاين الي حين رؤيته رؤية العين ان شاء الله.
وعذرا لعدم التواصل في هذا البوست الجميل الذي يحتاج لتفرغ كامل ولكن اين نجده مع الزحمة.
رسالة خاصة الزعيم:
ليلة امس قضينا ليلة ولا اروع مع الشاعر محمد طه القدال في ذكري تابين الراحل المقيم الفنان مصطفي سيداحمد.
يا ريتك ومعاك استاذ الجيل ود الخضر كنت تكونوا معانا.
دمتم،،
| |
|
|
|
|
|
|
Re: مواقف وطرائف في عالم التدريس (صور) (Re: حسن طه محمد)
|
خالي حسن طه يا مقنع الكاشفات ومونع البوستات
الله يخليك ما تخلي لينا البوست ينشف ارويهو بالنضم السمح خلي ود الخضر يتضرع باكتافو في صقيع بكري الاسفيري ده
وحياتك اكان الله مد في العمر بتلاقى اكان هنا او هناك
هييييييع ود زكي خيت الشلة
| |
|
|
|
|
|
|
Re: مواقف وطرائف في عالم التدريس (صور) (Re: الطيب شيقوق)
|
كتب ود شيقوق :
Quote: اها يا الزاكي هاك دى
|
طيب يا استاذنا ود شيقوق.... هاك انت كمان دي .
كنا في الوسطي ....في الاميرية بحري (1)
وكان في درس العصر
وبنصلي المغرب جماعة في النجيلة
وامامنا اكبرنا سنا ( البيجو من الاقاليم منقولين ويكونو دخلو المدرسة وعمرم 9 سنوات ).
كان يدعي عبد الفتاح
وقف اماما ليصلي بنا
وبدأت الصلاة ... وهناك بعض المهرجين من الطلبة المصلين.
ةالامام كل مرة يتوقف عن القراءة .
واخيرا زهج ( زهجة المغتربين ) وقرر يصلي لوحد ليس بعيدا عنا.
نصبنا احمد حسين اماما بدلا عنه
عبد الفتاح رفع من الركوع وقال : سمع الله لمن حمده
امامناالمبجل قال: ربنا ولك الحمد
هل تفتكر الصلاة كملوها ..
مع الضحك؟
| |
|
|
|
|
|
|
Re: مواقف وطرائف في عالم التدريس (صور) (Re: حسن طه محمد)
|
واحد احول بيعاكس وحده حوله بيقولها والله العظيم انتو الثلاثه أحلى من بعض قالته والله العظيم انتو الثلاثه قللات الادب ------------------------- مرة بنت قالت لامها : هو السمك بياكل سردين؟ قالت ايوة قالت لها : ازاي بيفتح العلبة؟؟ ------------------------- ولد سأل مامته الحامل مشير الى باطنها وقال مين ده يا ماما قالت له اخوك وقال الولد وانت بتحبيه؟ قالت له أيوة فقال لها أمال اكلتيه ليه ؟ ------------------------- ولد بيقول لابيه عايزة2جنية علشان رايحة عند محمدين فقال الاب تاخد جنية وتروح عند محمد ------------------------- مره واحد كسلان اوى راح يحلق فالحلاق بيقله شعر ولا دقن قاله دقن قام الحلاق قاله طب ارفع راسك قاله خلاص خليها شعر ------------------------- مرة واحد من كتر حبه للموبيلات جاب بنت سماها شريحة ------------------------- واحد بيقول لامه الراجل ده بيبوس اختى ليه قالت اصله هيتجوزها قالها امال بابا هيتجوز الخدامه امتى ------------------------- مرة ولد صغير راح لجارته وطلب منها انها توريه لسانها فسألتة ليه: فقالها عشان ماما بتقول ان لسانك زي العقربة ------------------------- مره واحد جاب لممته دواء يخليها ترجع 20 سنه وره فتانى يوم راح لها و قال : اه الحلاوه دى و مين العيل الصغير ده قالت: يانهارى أصل أبوك شرب الدواه كله ------------------------- مرة دبانة سقطت فى كاس خمرة طلعت تقول وسع للنسر ------------------------- فريق نمل بيلعب ومن ضمنهم صرصار لية...؟ لاعب اجنبى ------------------------- حرامى دخل شقة علشان يسرق لقا واحدة تخينة اوى اعدت علية وقالت لابنها نادى ابوك من القهوة فالحرامى قال :بسرعة يالا ------------------------- واحد ماشى ورا وحدة قالها الحلوة وراها مشوار قالتلة لا وراها حمار ------------------------- مره واحد فتح الباب وقعد يصرخ بيقول حماتى هترمى نفسها من الشباك قالولو وانت زعلان ليه قالهم الشباك مش راضى يتفتح ------------------------- مرة ترزى ماشى فى حتة مقطوعة خيطها -------------------------
| |
|
|
|
|
|
|
Re: مواقف وطرائف في عالم التدريس (صور) (Re: محمد أحمد الخضر)
|
أســتاذي ود الخــدر ( كما كنا ننطق اسـمه ), فلم أعرف أن اســمه محمد احمد الأ هنا لك التحية والإجـــلال كان ود الخدر شــديد الأهتمام بتنمية قدرات طلبته ( كســائر أسـاتذة ذلك الزمن ) ...... كنت اســمع اسـمه وطرائفه من اخوتي الذين كان يدرسـهم في مدرســة الترعة الوسـطى ( كانت مع الصناعية في نفس الحوش ), كان ناظر المدرســة( عبدالوهاب إحيمـر ) أو( عثمان إحيمـر ) لا أذكر وكان زملاؤه في التدريس الفاتح احيمر والفاضـل احيمـر ...... دخلت كســلا الثانوية فوجـدت ود الخدر برضــو ,اسـتغربت يعني ودر الخدر نقــل مترقيا( حسـب ما كان يذاع في كشـف التنقلات زمان ) .... كان كل المدرســين والموظفين يتحلقون حـول الراديــو ليسـمعوا كشـف التنقلات الآن ما في كشــف تنقلات , الآن كشــف حال للمدرســين و الموظفين , وكشف يسمى الصالح العام .. ..( احد الطلبة رســم كركاتير في الجريدة الحائطية لـود الخدر وهـو على عجلته الدبل ( ماركة راللي ) , والعجلة تئن من تحته - ارحموا من الأرض يرحمكم من في السـماء ). وغن لم تخني الذاكرة كان ود الخدر هـو المشــرف على الجريدة ( لم يزعل , ولم يحجب الكاركتير وبالتلي لم يعاقب الطالب , بل ضحك ) ياله من انســان و يا لهـا من أيام .... اعتذز ان كنت قـد رجعـت بالبوســت حركة وراء , لكنني أتيت متأخرا
| |
|
|
|
|
|
|
Re: مواقف وطرائف في عالم التدريس (صور) (Re: فيصل محمد خليل)
|
Quote: خليهو امامكم المبجل الحق الحق الحق ولدكم وقريبكم ود الخليل صار يرمي في الدراب زى وضاحة
|
العزيز قريبي فيصل خليل
سيبك من الزعيم دا ( اوعك تزعل من هذا اللقب ) والله ضحكت في زمن قل فيه الضحك لدرجة احترت اية نكتة اختار للاشارة اليها هنا لتحرز الجائزة .
ود شيقوق الزعيم
لو مشينا بافتراضك انها دراريب
مش قالو برضو : ضرب الحبيب الذ من اكل الزبيب؟
والكلام كلام سيد الحوش استاذنا ود الخضر.
| |
|
|
|
|
|
|
Re: مواقف وطرائف في عالم التدريس (صور) (Re: حسن طه محمد)
|
أعزائي الحلوين: مولانا حسن طه شيخ العرب شيقوق فيصل محمد خليل الابن عبد الله إحيمر معزرة إن تأخرت في الرد عليكم، لكن أخوكم/عمكم اليومين دي غرقان في شغلانة بس قولوا ربنا يحلني منها ساكت. سأعلق أدناه على بعض ما جاء في رسائلكم الكريمة، شاكرا لكم تواصلكم ورفعكم لهذا البوست مرة أخرى، وراجيا منكم دوام المشاركة ولو برفع البوست من وقت لآخر بكلمة أو كلمتين. شكرا لكم أحبتي.
كتب المستشار مولانا حسن طه:(1)
Quote: رايك في الزعيم ود شيقوق بالعمة والشال ... بيهم كمل الزعامة تب. |
أنت ما شفتو اليومين ديل يقدل سااااكت بالعمة والشال في شوارع مسقط. اللهم أجعله خير. سمعنا تحت تحت مرشح نفسو في الانتخابات البرلمانية القادمة. (2) Quote: ليلة امس قضينا ليلة ولا اروع مع الشاعر محمد طه القدال في ذكري تابين الراحل المقيم الفنان مصطفي سيداحمد. يا ريتك ومعاك استاذ الجيل ود الخضر كنت تكونوا معانا. |
يابختكم يا ناس الدوحة قاتلين الجدادة وخامين بيضا. نحن لينا الله وعيشة السوق !! (3)Quote: عبد الفتاح رفع من الركوع وقال : سمع الله لمن حمده امامناالمبجل قال: ربنا ولك الحمد |
طيب كمان هاك دي: عمّاً لينا صلى بينا العشاء وبعد أن سلم شك هل الصلاة تامة أم لا. أحد المصلين من معارفه رد عليه قائلا: حرّم صلاتك ناقصة، أنا في صلاة العشا بالذات أسرح وأركب الباص وأصل للقضارف واتفقد مشروعي الزراعي وأرجع تاني، الليلة قلت السلام عليكم ونحن مدني ما وصلناها ، ياجماعة عيدو صلاتكم !! شفت كيف ؟! (4) Quote: ود شيقوق الزعيم لو مشينا بافتراضك انها دراريب مش قالو برضو : ضرب الحبيب الذ من اكل الزبيب؟ والكلام كلام سيد الحوش استاذنا ود الخضر. |
قول لود شيقوق أخير ليك تمسك لسانك من أهلنا الحلفاوين، قبل ما فيصل يسب ليك . . . ؟؟!
وكتب شيخ شيقوق: (1) Quote: خالي حسن طه يا مقنع الكاشفات ومونع البوستات الله يخليك ما تخلي لينا البوست ينشف ارويهو بالنضم السمح خلي ود الخضر يتضرع باكتافو في صقيع بكري الاسفيري ده |
هيييييييع!! أمانا النضم السمح ما بتعرفلو، شيخ عرب بحق وحقيق. ترانا كلنا نتضرع في صقيع بكري الاسفيري. وربنا يديم الود والإخاء. (2) Quote: البوست الطاعم ده ما بنفات - اكان بطلت خلينا برانا بنلعب شدت وحرت في صقيعتو المهولة دى |
ما بتقصر ياللخو، أنا ما عارفك جمل شيل
الأخ فيصل محمد خليل شكرا على مجموعة النكات التي أثريت بها البوست. أيوا كدا اتلحلح معانا وخليك دائما قريب كعادتك.
وكتب عبد الله احيمر:[/B(1) (1)Quote: كنت اســمع اسـمه وطرائفه من اخوتي الذين كان يدرسـهم في مدرســة الترعة الوسـطى ( كانت مع الصناعية في نفس الحوش ), كان ناظر المدرســة( عبدالوهاب إحيمـر ) أو( عثمان إحيمـر ) لا أذكر وكان زملاؤه في التدريس الفاتح احيمر والفاضـل احيمـر |
شكرا على طلتك الكريمة، والتحية لجميع من ذكرتهم فهم أحبابي وأخواني ولي معهم ذكريات حلوة وافتقدهم والله كثيرا . أرجو أن ترجع شوية في البوست وتقرأ ما كتبته عن مدرسة الكارة الوسطى..(2) Quote: احد الطلبة رســم كركاتير في الجريدة الحائطية لـود الخدر وهـو على عجلته الدبل ( ماركة راللي ,والعجلة تئن من تحته - ارحموا من الأرض يرحمكم من في السـماء ). وإن لم تخني الذاكرة كان ود الخدر هـو المشــرف على الجريدة ( لم يزعل , ولم يحجب الكاركتير، وبالتلي لم يعاقب الطالب , بل ضح ، ياله من انســان و يا لهـا من أيام. |
أيضا لو رجعت شوية في البوست ستقرأ ما كتبته عن جريدة "لمحة" الحائطية التي أشرت إليها والتي كنت أصدرها مع بعض الأخوة الأساتذة وكان الطلبة يشاركون فيها بحماس منقطع النظير. كيف أنسى ذلك الكاركتير؟! لقد كان الغرض من الجريدة هو إشاعة حرية الرأي وتشجيع الطلبة على المشاركة في تحريرها، والحمد لله فقد حققت نجاحا باهرا سأظل أعتز به مدى الحياة، ولا زلت احتفظ بأرشيف لها. أشكرك يا عبد الله على مداخلتك السخية , وأغتنم هذه الفرصة لأحيي جميع أفراد أسرتكم الممتدة وأرجو ألا تحرمنا من طلتك الكريمة وذكرياتك الجميلة
| |
|
|
|
|
|
|
Re: مواقف وطرائف في عالم التدريس (صور) (Re: محمد أحمد الخضر)
|
Quote: طيب كمان هاك دي: عمّاً لينا صلى بينا العشاء وبعد أن سلم شك هل الصلاة تامة أم لا. أحد المصلين من معارفه رد عليه قائلا: حرّم صلاتك ناقصة، أنا في صلاة العشا بالذات أسرح وأركب الباص وأصل للقضارف واتفقد مشروعي الزراعي وأرجع تاني، الليلة قلت السلام عليكم ونحن مدني ما وصلناها ، ياجماعة عيدو صلاتكم !! شفت كيف ؟!
|
قريت وانفقعت ضحك
خاصة نكت القصص بتخلي الواحد يروح بخياله بعيد كما لو كان في مسرح مشاهد خاصة مع صاحب المشروع صاحب الحوار والسيناريو ..... وكمان الاخراج.
قصة حقيقية مشابهة :
الوالد والوالدة ( الله يديهم الصحة والعافية ) كانو في مشوار الي الصحافة بشارع الصحافة بالنص .
راكبين البص الكبير البيقيف في كل محطة.
الوالدة قالت للوالد : عديتهم وطلعو 18 محطة ( عايزة تقول انو المشوار طويل ).
رد الوالد فورا : دا غير الما عديتيهم وانت نايمة في البص .
لكين ود شيقوق لو جاب لينا واحدة من زمن ما كان طالب ، بالتاكيد حتكون قوية .
دمتم،،
| |
|
|
|
|
|
|
Re: مواقف وطرائف في عالم التدريس (صور) (Re: الطيب شيقوق)
|
الأخ/ حسن طه
Quote: رد الوالد فورا : دا غير الما عديتيهم وانت نايمة في البص |
أكيد الوالد صاح. دي عايزة كلام؟! بالمناسبة ركبت مع الحاجة والدتنا إلى كسلا، وطوال الرحلة كانت نايمة. عندما وصلنا كسلا قالت لي: مالو البص دا وصل فسراع كدا؟؟ علما بأن الرحلة استغرفت حوالي 8 ساعات !!
| |
|
|
|
|
|
|
Re: مواقف وطرائف في عالم التدريس (صور) (Re: محمد أحمد الخضر)
|
كتب شيقوق:
Quote: البرابرة خلاص همبتو البوست منك يا اللخو - شفت كيف الرطانة ديل بتحكحكو جنبك لحدى ودروا ليك هوية بوستيك بالنغم النوبي |
ياااااا فيصل خليل الحقني. شوف ليك صرفة مع العريبي دا. واللا أقوم ليك عليهو أنا؟! يا حبيبي انت يا شيقا!!! رايك شنو؟ حداثي خالص، مش؟!
| |
|
|
|
|
|
|
|