(نقد) مع النبيين والصديقين والصالحين

ستدخلها بإذن الله

فقد كان بينك وبين النار ذراع فسبق عليك الكتاب فعملت بعمل اهل الجنة فستدخلها باذن الله الواحد

الاحد الفرد الصمد الذي لم يلد ولم يولد ولم يكن له كفواً احد.

ثمانون حولاً لا ابا لك تسلم وانت غارق يا سيدي نقد في بحور الضلال والكفر والالحاد

لكن رحمة ربي غشيتك فكفرت بالشيوعية وتخليت عن زعامتها في بلاد الاسلام ، وقررت ان تجب الماضي الاسود

بحجة مبرورة تعود منها كما ولدتك امك فهنيئاً لك .

Quote: (نقد) مع النبيين والصديقين والصالحين

ود السيدح ..............سلام
بالله موضوع الدرجات ده سلموك ليه انت؟؟
طيب ماتقولينا ياخى..
اها وزى الشيوعى ده عنده كم بت حور بعد أن تاب؟
غايتو تكتبوا ساكت الله يحلنا..

حبيبنا السيدح ..سلامات ...

Quote: ثمانون حولاً لا ابا لك تسلم وانت غارق يا سيدي نقد في بحور الضلال والكفر والالحاد

هل كان نقد كافراً وملحداً ؟!!!

Quote: اها وزى الشيوعى ده عنده كم بت حور بعد أن تاب؟

ود العم الموج


كما جاء في الاثر فإن الرجل في الجنة ينكح سبعين حورية من غير ان يناله تعب او نصب

ونرجو ان يعوض عمنا نقد ما افتقده في هذه الدنيا غير المتسامحة معه فقد عاش الرجل وتذوق

مرارات العذوبية في بواكير شبابه من اجل شعار ( يا عمال العالم اتحدوا)

Quote: حبيبنا السيدح ..سلامات ... Quote: ثمانون حولاً لا ابا لك تسلم وانت غارق يا سيدي نقد في بحور الضلال والكفر والالحاد هل كان نقد كافراً وملحداً ؟!!!

فايز ازيك


من ناحية قانونية كلام السيد ح بيعتبر شنو ؟

Quote: هل كان نقد كافراً وملحداً ؟!!!

شيخ فائز حبابك

نرجو الله لنا وله العفو والمغفرة

وان يؤدي مناسك الركن الخامس وهو في صحة وعافية ويعود الي وطنه بحج مبرور وذنب مغفور.

غايتو الزملاء ديل ما عارفين يلاقوها من منو ولّ منو!



هسي يا سيدح براااكـ كـدا قطعت وجزمت إنو نقد دا كان في ضلال مبين؟
إنت يا زول عندكـ واسطة فوق بغششوا ليكـ درجات العباد وأعمالم؟

Quote: ود العم الموج كما جاء في الاثر فإن الرجل في الجنة ينكح سبعين حورية من غير ان يناله تعب او نصب

ود السيدح إبن عمى ..سلام منو وجديد

لقد جئت شئياً فريا..
يازول انت قايل الشىء ديل قطع اراضى؟
ما توزع انت فى الدنيا..
ادعو لنا بحسن الخاتمة كلنا بمافينا نقد
نرجوا رحمة خالق كريم..
كلامك ده شين بلحيل ياود عمى، الدرجات دى
يتم توزيعها من فوق سبع سماوات طباق
غايتوا مرات تحيروا السمبر الله يشهد،،،

قال تعالى : يا أيّها الّذين آمنوا إذا ضربتم في سبيل اللّه فتبيّنوا ولا تقولوا لمن ألقى إليكم السّلام لست مؤمناً تبتغون عرض الحياة الدّنيا فعند اللّه مغانم كثيرة كذلك كنتم مّن قبل فمنّ اللّه عليكم فتبيّنوا إنّ اللّه كان بما تعملون خبيراً (النساء: 94).

ال القرطبي : " معنى قوله: فتبينوا أي الأمر المشكل، أو تثبتوا ولا تعجلوا، المعنيان سواء، فإن قاله أحد فقد أتى منهياً عنه ".





والنبي  حذر من التكفير أشد التحذير فقال: ((إذا قال الرجل لأخيه: يا كافر، فقد باء بها أحدهما)).
رواه البخاري ح (6103)، ومسلم ح (60).

Quote: ال القرطبي : " معنى قوله: فتبينوا أي الأمر المشكل، أو تثبتوا ولا تعجلوا، المعنيان سواء، فإن قاله أحد فقد أتى منهياً عنه ".

الكونت ..........سلام
يابتاع المعارضة انت ما تصعب الموضوع على الجماعة ديل
بالقرطبى ده.
ناس المؤتمر الوطنى ديل الواحد يركب دقينه يقصر توبه
ويكون مبلغ علمه دلائل الخيرات ويجى يفتىْ..
تقول لى القرطبى وحجة الاسلام الغزالى وابو حيان التوحيدى؟

دي عيوب الباسويردات الفاكا ساااي

Quote: كما جاء في الاثر فإن الرجل في الجنة ينكح سبعين حورية من غير ان يناله تعب او نصب

والكوز ؟؟؟


حيرتونا

يا سيدح سلامات

ممكن تورينا الايمانوميتر الاستخدمتو لقياس ايمان نقد!؟










-

السيدح ...خليك فى رواية تجار الملابس الداخلية يا دخيل انت


اها عمولة سكن الحجاج مرقت ليك كم المرة دى..ياسمسار
انت ياشقى .عليك ركزوا ع الا ماكن القريبة من المناسك ..الناس
فترت من دى حاج رائح وده حاج جعاااان ...كلم الجماعة قول ليهم
اللبع الخفيف ..بلعو ساهل ..ونشوف فيكم يوم يا اونطجية.


اى زول دخل ليك اردمو ردم الغزوات
وكل من يدافع عن الكافر نقد فهو من كفار قريش

Quote: شيخ فائز حبابك نرجو الله لنا وله العفو والمغفرة وان يؤدي مناسك الركن الخامس وهو في صحة وعافية ويعود الي وطنه بحج مبرور وذنب مغفور.

السيدح
السلام عليكم
ليتك قلت هذا الكلام الموزون من أول وهلة، وما ورّطت نفسك
في توزيع هكذا شهادات أنت لاتملكها..
الشهادة للمعيّنين بالجنة والحور العين ومرافقة النبيين
(يعني بتحديدأن فلانا من أهل الجنة) : هذا يحتاج لدليل..وما لم يشهد له
الله ورسوله بالجنة-وكان من أهل الإيمان-فإنا لا نشهد له ولكن نرجو الله له الجنة
وهذا ليس بكلامي يا عبداللطيف هذا كلام السلف والأئمة الأربعة وعلماء الشريعة..
كدي انتظر شوية الراجل بعدما يقول أنا كفرت بالشيوعية..ويبيّن بالكتابة واللسان
ضلال الشيوعية وهذا الفكر الخطير..لأن رب العزة قال:"إلا الذين تابوا
وأصلحوا وبيّنوافأولئك أتوب عليهم وأنا التواب الرحيم"
رحمة ربنا مابعيدة من نقُد ولاغير نقد..لكن العواطف الطيبةالمجرّدة من الدليل..
والدوافع السياسية لاينبغي حشرها في موضوع حسّاس كهذا.
شكري

الاستاذ/ عماد
السلام عليكم و رحمة الله و بركاته

Quote: كدي انتظر شوية الراجل بعدما يقول أنا كفرت بالشيوعية..ويبيّن بالكتابة واللسان ضلال الشيوعية وهذا الفكر الخطير..لأن رب العزة قال:"إلا الذين تابوا وأصلحوا وبيّنوافأولئك أتوب عليهم وأنا التواب الرحيم" رحمة ربنا مابعيدة من نقُد ولاغير نقد..لكن العواطف الطيبةالمجرّدة من الدليل.. والدوافع السياسية لاينبغي حشرها في موضوع حسّاس كهذا.شكري

ليتك يا شيخ عماد انتصحت بنصيحتك اولاً!

ممكن تورينا ضلالة الشيوعيين السودانيين*، و خطورة فكرهم ( على منو او شنو)!؟













-------

* الحديث هنا عن شيوعي سوداني، يا ريت الكلام يكون بهذا المقدار فقط لا غير

انظر الي وهابي وكوز يعتبران انفسهما لهما توكيلات من الله


الهوس الديني في ظاهرتي السيد ح والوهابي الارهابي الاخر

قاتل الله الفكر المتخلف


نقد افضل من ملية جامع فيه وهابية واخوان مسلمين

سلام يا السيدح
ياخ انساك من الناس الفوق ديل كلهم
وقول معاي :-

ود ملين يلحقنا و ينجدنا.





ـــــــــــــــــــــــــــــــــــــــــــــ
انتو يا ناس طايوق ما عندكم عايزين تقنعوا
الزول دا بي شنو يعني !!!؟

Quote: ممكن تورينا الايمانوميتر الاستخدمتو لقياس ايمان نقد!؟

قيقراوي ازيك

الراجل من زعماء وقادة الفكر الشيوعي الذي اجمع عليه علماء الأمة بأنه منهج فاسد ومعتنقه كافر


الآن تقدم باستقالته من سكرتارية الحزب

ثم بعد ثمانين سنة نوي الحج والحج يجب ماقبله هذا قياسي ولك الشكر

الداعية الاممـــــــــــــــــــــــــــــــــــــــــــى

الداعية الصحفى برضو الاممـــــــــــــــــــــــــــــى

شكلوا العبَار مجيه الليلة


وبمزاج تبحت في قوقل من البحت وليس البحث لأن البحث يحتاج لعقل وفاقد العقل معفي من كل شئ

حتي الفرائض .

http://cache.daylife.com/imageserve/05vSdTN6pL6A0/340x.jpg


والله يا السيدح اخلاقى وصلت نخرتى من عمائلك اكان انت اكان بق بق..

السيد، ح
بالله شوف لينا معاوية عبيد مكانو وين ؟
جنة و لا نار
لانو تحت تحت سمعنا انو لا لامي هنا لا هناك !
بسرعة بالله ينوبك ثواب

الأخ عبد اللطيف السيدح
السلام عليكم ورحمة الله وبركاته

من أصول عقيدة أهل السنة والجماعة أنهم لا يشهدون لأحد بجنة ولا نار إلا من ثبت في حقهم ذلك في كتاب الله وما صح في سنة رسوله عليه الصلاة والسلام

وموضوعك المطروح فيه خطأ بوجهة نظري من جانبين :
الأول أنك أشرت فيه لتكفير نقد ثم حاولت أن تستدل بموقف العلماء من الحزب
وفي هذا خطأ واضح .. لأن الشخص الذي يدعي الإسلام في ظاهره ومن يعيش في بيئة مسلمة وسط المسلمين طالما ثبت أمر إسلامه أولاً بيقين
فإنه لا يخرج من هذا الإسلام إلا بيقين
وبيان ذلك أن تكفير الشخص المعين يحتاج إلى تحقق شروط حتى يتم تكفيره ، ثم ينظر في انتفاء الموانع حيث إن موانعاً كثيرة تمنع من الحكم على الشخص المعين بالتكفير (وإن وقع في أمر مكفر) ومن هذه الموانع : الجهل والخطأ والإكراه والتأويل وغير ذلك
ثم إن تحقق الشروط للتكفير من بلوغ الحجة وانتفاء الموانع و أمر يحتاج إلى جهةن قضائية تقوم بذلك ثم تتم إقامة الحجة والمناقشة والاستتابة
فهو حكم قضائي يصدر عن القاضي وليس عن المدرس في مدرسته أو الداعية في منبره أو صاحب الكيبورد في كيبورده
وحسب علمي أن هذه القضية لم يصدر فيها حكم خاص بزعيم الحزب الشيوعي نقد
وحتى لما سئل : هل تصلي
أجاب بمراوغة .. فقال : الآن ؟! لا أصلي أو في معنى ذلك
وهذا فيه إيهام حيث إن المقصود ربما بالآن أي في هذه اللحظة

الثاني : أن عبارتك في عنوانك مع الصديقين والشهداء ... الخ وبعض عبارات الأخرى في شريطك هذا فيها نوع من الجزم بالمصير وهذا خلاف ما عليه أهل السنة والجماعة من أنهم لا يجزمون فهو أمر غيبي ولكن يقولون نرجو أن يكون مع النبيين أو ما يشبهه

بلا شك نفرح بحجه ، وسنفرح أكثر ببعده عن مبادئ الشيوعية الماركسية
وعقبال الجماعة البعرفهم شخصياً من أقاربي ومعارفي الشيوعيين الذين وصل بعضهم للستين وهم لا يصلون لله ولا يركعون له
وبالتأكيد ليس كل الشيوعية كذلك
والأمر خطير يا عبد اللطيف ويحتاج لتفصيل
والسلامة في الدين لا يعدلها شيء

أخي السيد ح
الشهادة لمعين بأنه من أهل الجنة أو النار لا يجوز
لأن هذه من خصائص الخالق تبارك وتعالى ولا يجوز التدخل فيها
إلا من شهد له الكتاب والسنة بذلك

وأن تقطع بأنه قد سبق عليه الكتاب فأصبح من أهل الجنة أمر غير منطقي
فالرجل لا زال حيا ويمشي على قدمين وأنت ولا أنا لا يدري بماذا يختم له
نسأل الله أن يحسن خاتمته وخاتمتنا أجمعين

وكما قال لك الشيخ عماد موسى:

Quote: الشهادة للمعيّنين بالجنة والحور العين ومرافقة النبيين (يعني بتحديدأن فلانا من أهل الجنة) : هذا يحتاج لدليل..وما لم يشهد له الله ورسوله بالجنة-وكان من أهل الإيمان-فإنا لا نشهد له ولكن نرجو الله له الجنة وهذا ليس بكلامي يا عبداللطيف هذا كلام السلف والأئمة الأربعة وعلماء الشريعة.. كدي انتظر شوية الراجل بعدما يقول أنا كفرت بالشيوعية..ويبيّن بالكتابة واللسان ضلال الشيوعية وهذا الفكر الخطير..لأن رب العزة قال:"إلا الذين تابوا وأصلحوا وبيّنوافأولئك أتوب عليهم وأنا التواب الرحيم" رحمة ربنا مابعيدة من نقُد ولاغير نقد..لكن العواطف الطيبةالمجرّدة من الدليل.. والدوافع السياسية لاينبغي حشرها في موضوع حسّاس كهذا.

Quote: ثمانون حولاً لا ابا لك تسلم وانت غارق يا سيدي نقد في بحور الضلال والكفر والالحاد

لا حول ولا قوة الا بالله
الوكالة بتاعة الجنة وحورها وقصورها
كنت أظن أنها قد نزعت منكم بعد المفاصلة
ولم أكن أدرى ان الوضع مستمر على ما هو عليه
الى الآن وعلى كده حيكون عندو كم قصر فى الجنة.
حسبنا الله ونعم الوكيل

Quote: قيقراوي ازيك الراجل من زعماء وقادة الفكر الشيوعي الذي اجمع عليه علماء الأمة بأنه منهج فاسد ومعتنقه كافر الآن تقدم باستقالته من سكرتارية الحزب

بالجد عشان نستفيد

مطلوب بشكل ملح :

- الفتوى القالت [منهج فاسد ومعتنقه كافر] دا ..
و ليه الحكومة الرسالية ما اشتغلت بيها؟ ..
و ما حكم من يخالف مثل هذه الفتاوي لعلماء الامة!؟

- و نسخة بالله عليك من [استقالته من سكرتارية الحزب]


تحياتي

Quote: السيد، ح بالله شوف لينا معاوية عبيد مكانو وين ؟ جنة و لا نار لانو تحت تحت سمعنا انو لا لامي هنا لا هناك ! بسرعة بالله ينوبك ثواب

خالد

صاحبك معاوية اذا فارق البريدو فؤادو ممكن يكون من أهل الاعراف اي بين بين لاحسناته تدخله

الجنة ولاسيئاته تقوده الي النار وهذا امره عند ربه.

للزمن ..

Quote: صاحبك معاوية اذا فارق البريدو فؤادو ممكن يكون من أهل الاعراف اي بين بين لاحسناته تدخله الجنة ولاسيئاته تقوده الي النار وهذا امره عند ربه.

Quote: صاحبك معاوية اذا فارق البريدو فؤادو ممكن يكون من أهل الاعراف اي بين بين لاحسناته تدخله الجنة ولاسيئاته تقوده الي النار وهذا امره عند ربه.

لا دي بالغت فيها !
طيب صبري الشريف ؟

السيد ح تحياتى
نصيحة منى لك ...
بما ان المجتمع السودانى الذى عاث فيه الانقاذيون خرابا وفسادا وغباء
مجتمع اصبح يتقبل مثل هذه الترهات انصحك بان تفتح مكتبا فخما بشارع القصر او النيل
او اى من شوارع العاصمة الشهيرة وعلق عليها يافطة (وكيل الله فى الارض ) يمر عليك الناس
لكى يعرفوا موقعهم من الجنة ... صدقنى سيتكالب عليك الزبائن
يعنى لو عملت كشف الشخصص الواحد 10 جنيه ممكن تطلعلك بخمسة ستة مليون فى اليوم
وبما انى صاحب هذه الفكرة المربحة اتمنى ان تكون هديتى معرفة موقعى مجانا
ورينى انا من اهل الجنة ولة اهل النار عشان الواحد يقوم يحصل نفسو فى باقى العمر دة









______________________
والله الواحد بقى يخجل
لما يتذكر انكم سودانيون

Quote: * الحديث هنا عن شيوعي سوداني، يا ريت الكلام يكون بهذا المقدار فقط لا غير

الأخ قيقراوي
أرجو إذا ممكن بيان الفروق بين شيوعيي السودان وشيوعيي موسكو
ولك شكري

Quote: الأخ قيقراوي أرجو إذا ممكن بيان الفروق بين شيوعيي السودان وشيوعيي موسكو ولك شكري

د. الركاب و عليكم السلام

في فرق...

لكن مش اول تورينا ما رايكم دام فضلكم فيما تفضل به الاخ/ السيد حتى الآن

هل في فتوى زي ما هو قال بتكفر معتنق الشيوعية؟










------

و لمعلوماتك انو الاستقالة القال عليها دي،- -حسب علمي و متابعتي - لم تثبت من الاستاذ/ نقد نفسه
يعني مدخلنو الجنة على ( اشاعة) ساي!

شفت كيف؟

Quote: لا دي بالغت فيها ! طيب صبري الشريف ؟

خالد العبيد تحياتى
اتساقا مع مضمون البوست المفروض يكون شعارك :
(( نفسى ... نفسى ))
سيبك من معاوية وصبرى والحق روحك

Quote: ستدخلها بإذن الله

انت متاكد ؟؟؟

Quote: من ناحية قانونية كلام السيد ح بيعتبر شنو ؟

قال صلى الله عليه وسلم - : " من قال لأخيه : يا كافر ، فقد باء بها أحدهما "
إذا كان السيد نقد يشهد الشهادتين ويؤدي الصلوات الخمس وبقيت الاركان فهو مسلم
وعلى من اتهمه بالكفر أن يأتي بالدليل على أنه كافر
ولماذا لم يكفر الشيخ الترابي الذي تكفيره لا يحتاج لكبير عناء؟!

Quote: أخي السيد ح الشهادة لمعين بأنه من أهل الجنة أو النار لا يجوز لأن هذه من خصائص الخالق تبارك وتعالى ولا يجوز التدخل فيها إلا من شهد له الكتاب والسنة بذلك

الاخ محمد جلال

تحياتي العطرة

حديثي جاء ضمن سياق تطورات في حياة الاستاذ نقد

فالاخبار متواترة عن عزمه مغادرة ما يسمي بالحزب الشيوعي ثم اعتزامه اداء فريضة الحج بعد

80 عاما من النضال السياسي الذي يهدف الي بسط الفكر الشيوعي الالحادي في ارض السودان

والرجل يعيش الان حالة تغيير كبري لذا نحن نتفاءل له بالخير وهذه علامات ودلائل نجاة ان شاء الله .

Quote: فالاخبار متواترة عن عزمه مغادرة ما يسمي بالحزب الشيوعي ثم اعتزامه اداء فريضة الحج بعد 80 عاما من النضال السياسي الذي يهدف الي بسط الفكر الشيوعي الالحادي في ارض السودان والرجل يعيش الان حالة تغيير كبري لذا نحن نتفاءل له بالخير وهذه علامات ودلائل نجاة ان شاء الله .

أها آقيقا
شُفي غليلك، أم ليس بعد؟
-
السيد ح
نقد وغيرُن خلهن
تولاتك كيفنّها؟

قال عز من قائل :

بسم الله الرحمن الرحيم

{إِنَّ الَّذِينَ قَالُوا رَبُّنَا اللهُ ثُمَّ اسْتَقَامُوا تَتَنَزَّلُ عَلَيْهِمُ المَلَائِكَةُ أَلَّا تَخَافُوا وَلَا تَحْزَنُوا وَأَبْشِرُوا بِالجَنَّةِ الَّتِي كُنْتُمْ تُوعَدُونَ نَحْنُ أَوْلِيَاؤُكُمْ فِي الحَيَاةِ الدُّنْيَا وَفِي الآَخِرَةِ وَلَكُمْ فِيهَا مَا تَشْتَهِي أَنْفُسُكُمْ وَلَكُمْ فِيهَا مَا تَدَّعُونَ}
(فصلت 30)

{ قُلْ أتُعَلمونَ اللهَ بِدينكُم واللهُ يَعْلَمُ ما في السَّمَواتِ وما في الأرْضِ ، واللهُ بِكُلِّ شَيءٍ عَليمٌ }
(الحجرات 16) .

صدق الله العظيم

الأخ السيدح
سلامي و تحياتي
ياخي من فوضك للحديث باسم الله و تحديد مراتب الناس في الجنة و النار. العاقل من انشغل بنفسه و سعى لنجاتها. سيد المرسلين صلى الله عليه و سلم نفسه قال ( لو يؤاخذني الله و ابن مريم بما جنت هاتان يعني الإبهام و التي تليها لعذبنا الله ثم لم يظلمنا شيئا) و كان عمر بن الخطاب رضي الله عنه يقول (لو أن رجلي الواحدة داخل الجنة و الأخرى خارجها ما أمنت مكر الله).
أسأل الله حسن الخاتمة لي و لك و للأستاذ نقد و لكافة المارين على بوستك هذا و لجميع المسلمين. اعندي إحساس أنك تكتب الكلام ثم تفكر فيه بعد ذلك يا السيدح.

لا حكت ولابقت!

اللهم لاشماتة!

تقريظ نقد اصبح يجري كما الماء علي لسان اذلام لسان القتلة!

عصام جبر الله، راجي شنو تاني؟

Quote: ثمانون حولاً لا ابا لك تسلم وانت غارق يا سيدي نقد في بحور الضلال والكفر والالحاد لكن رحمة ربي غشيتك فكفرت بالشيوعية وتخليت عن زعامتها في بلاد الاسلام ، وقررت ان تجب الماضي الاسود

الاخ سيدح سلام ..
في دي ماليك حق يا سيدح
ماكل شيوعي كافر وماكل كافر شيوعي.
القلوب لايعلمها الا مقلِّب القلوب.
اللهم تقبل من العم نقد واجعل حجه مبروراً وسعيه مشكوراً.

الصحفي صاحب الهتاف العالي للعصابة السيدح

وكيل الله علي الارض اصبحت توزع في صكوك الجنان


والله عجايب

قاتل الله الجبهة الاسلامية التي انتجت مثلما اقر وهذا حال صحفي ؟؟؟


مخير الله

Quote: فقد كان بينك وبين النار ذراع

يا موزع صكوك الغفران نقد لا قتل ولا اكل حق الغير.

طيب ناس الانقاذ القتلو الناس بدون ذنب وعذبو الناس

فى بيوت الاشباح كل ذنبهم انهم وقفو ضد ظلم الكيزان

ونهبو اموال الشعب حكمهم شنو ؟؟

ود السيدح مسؤول من الخير،ملف ناس الحركة الشعبيه
عندك والا عندك الشيوعيين بس؟؟
باقى عندنا أخوانا دايرين نسأل منهم..

Quote: والدوافع السياسية لاينبغي حشرها في موضوع حسّاس كهذا.

Quote: ود السيدح مسؤول من الخير،ملف ناس الحركة الشعبيه عندك والا عندك الشيوعيين بس؟؟ باقى عندنا أخوانا دايرين نسأل منهم.. صديق الموج

يا ود الموج ناس الحركة الشعبيه والمؤتمر الشعبى ديل ناس عواليق(حسب فتوي صلاح قوش رضى الله عنه)

من الله خلقك شفت زول عواليق بتدخل الجنة !

الجنة دي فيها ناس زى البشير، نافع ، كرتي ، المتعافي ، سيخة ، الجاز، النص ( الشنقيطي )!

قبل الخروج
يا ود الموج كل ما اشوف صورتك المبتسمه اتذكر عمنا الصول، اللهم اجعل قبره روضه من رياض الجنة فقد كان رجلاً عظيماً بحق

السيدح انا داير ليّ بيت ناصية في الجنة ...

(ومستعد ادفع ليك رشوة لو عايز!)









... المهم ....

Quote: السيدح انا داير ليّ بيت ناصية في الجنة ... (ومستعد ادفع ليك رشوة لو عايز!)

يا دفعة دا كلام شنو ! بقيت ترشى كمان ؟
انت زمان وقت ادونا حديث الراشى والمرتشى كنت غايب اكيد كنت ( بتشرح لبنات التقدم الثانويه) !

المهم، يا زول البجيبوا الجهاز كله كويس

Quote: انتو يا ناس طايوق ما عندكم عايزين تقنعوا الزول دا بي شنو يعني !!!؟

سفيان كاتبي المفضل لحين إشعار آخر...
أما قيقا فيبقى الحال على ما هو عليه...

Quote: السيدح انا داير ليّ بيت ناصية في الجنة

شوف ده
وكمان ناصية
قوم لف يا حطب النار
السيدح ده حقنا براااانا
نقد رئيسنا وقائد حزبنا مع النبيين والصديقين والصالحين
انت امشي شوف ليك صرفة .. فتش ناس الفنون وين
كان ما لقيتم في سقر ...وانت بالتحديد يا تبارك موضوعك مستحمي
خلينا نشوف موضوع ايوب

Quote: سفيان كاتبي المفضل لحين إشعار آخر...

يا عفراء النديك النجيضة
انا برضو الكاتب المفضل لي معروف و لمحمد
ولي متوكل بحر .



يا السيدح يازول تعال للبوست دا واردم
الناس حطب النار ديل ديل مساخيت ساكت
وعايزين يلفوا رأس شيخ ملين دا و يرجعوهو
تاااااني ليكون بينو وبين الجنة الزراع
الشمال داك اردمهم واردم خالد العبيد
بتاع الفنيلة الحمراء و اردم عفراء سند
دي ذااااااته .

اذا كان القتلة يحجون في كل عام ... فلماذا لا يحج نقد الغنماية تأكل عشاه ان له عشا؟

Quote: Quote: فالاخبار متواترة عن عزمه مغادرة ما يسمي بالحزب الشيوعي ثم اعتزامه اداء فريضة الحج بعد 80 عاما من النضال السياسي الذي يهدف الي بسط الفكر الشيوعي الالحادي في ارض السودان والرجل يعيش الان حالة تغيير كبري لذا نحن نتفاءل له بالخير وهذه علامات ودلائل نجاة ان شاء الله . أها آقيقا شُفي غليلك، أم ليس بعد؟

حديث ضعيف

السند آلمطرطش .. السند يرحمكم الله

ما تطرطش لينا الكلام ياخي!؟

Quote: (نقد) مع النبيين والصديقين والصالحين (Re: محمد عبد الماجد الصايم) قال تعالى : يا أيّها الّذين آمنوا إذا ضربتم في سبيل اللّه فتبيّنوا ولا تقولوا لمن ألقى إليكم السّلام لست مؤمناً تبتغون عرض الحياة الدّنيا فعند اللّه مغانم كثيرة كذلك كنتم مّن قبل فمنّ اللّه عليكم فتبيّنوا إنّ اللّه كان بما تعملون خبيراً (النساء: 94). ال القرطبي : " معنى قوله: فتبينوا أي الأمر المشكل، أو تثبتوا ولا تعجلوا، المعنيان سواء، فإن قاله أحد فقد أتى منهياً عنه ". والنبي  حذر من التكفير أشد التحذير فقال: ((إذا قال الرجل لأخيه: يا كافر، فقد باء بها أحدهما)). رواه البخاري ح (6103)، ومسلم ح (60).

الاخ الكريم السيدح

لا شك ان الامر قد عمّي عليك

انا لست شيوعيا ولكنني اشهد بان عبد الخاق محجوب كان ينتظر الناس للصلاة وان محمد ابراهيم نقد كان يؤم
المساجين السياسيين في سجن كوبر

ما ذهبت اليه شطط لا يليق بمسلم ظل يلتمس القرب من ربه .. واني اجد نفسي ملزما باعادتك الي درب الرشد
قبل ان تبوء بما حذر منه الرسول الكريم .. فإن كنت تري في الشيوعية الحادا فلعل المسلم الشيوعي لا يكون
ملحدا

نسأل الله الهداية لكل من يتبع الاسلام او يشذ عنه

ولك تحياتي

عمر علي حسن

Quote: ثمانون حولاً لا ابا لك تسلم وانت غارق يا سيدي نقد في بحور الضلال والكفر والالحاد

بالله ده عضو معانا هنا وعندو باسوورد ..... وبيتكلّم ويتفاكر مع العالم؟

والله والله .... إبني ذي الستة أعوام لا يقول مثل هذا الكلام.

حبيبنا محمد عبد الرحمن

شوف ليك جنس طرطشة كلام :

Quote: 13-أكتوبر-2011:مفــآجــأة : (نُقد) يقرر التخلي عن قيادة الحزب الشيوعي ..! سوداني نت - وكالات: فجر الأستاذ محمد ابراهيم نقد السكرتير العام للحزب الشيوعي السوداني مفأجاة داوية وقال إنه قرر ترك قيادة الحزب خلال الفترة القادمة، وكشف في حوار عن عدم رغبته في الاستمرار في قيادة الحزب الشيوعي بعد انعقاد المؤتمر العام للحزب مشيراً في ذات الوقت إلى أن الحزب لن يتخلى عن قياداته التاريخية من أجل الحفاظ على وحدته وتماسكه قاطعاً بأن حزبه مازال متمسكاً بالماركسية كموجه نظري يتم التكيف معه حسب الواقع السوداني مبيناً أن الحزب الشيوعي مازال موجوداً وسط النقابات العمالية، وينافس المؤتمر الوطني على المراكز القيادية . وقال إن الحريات السياسية التاحة حالياً تسمح للأحزاب بافتتاح الدور وممارسة نشاطها بصورة علنية وقانونية وامتلاك الصحف السياسية واستدرك إلا أن ذلك غير كافٍ مؤكداً أن أحزاب المعارضة سوف تواصل نهجها الهادف لإسقاط النظام عبر المظاهرات الشعبية السلمية ووصف نقد من يتحدثون عن فقدان الجماهير الثقة في الأحزاب بأنهم لايفهمون السياسة وقال إن الحزب الشيوعي بدأ في وقت سابق اتصالات مع المؤتمر الوطني على مستوى عالٍ ولكنه قرر ايقافها بعد تقييم نتائجها. http://www.sudaninet.net/details.php?articleid=4015#4015

(نُقد) يقرر التخلي عن قيادة الحزب الشيوعي ..!

كان دا مصدر (الاخبار) سجم البعتمد عليها

الضعف في المتن و السند معاً ..
حديث موضوع .. و سياسي فقط لا غير
على كل من يعتمده ان يتقي الله في دينه ان كان يراقب الله حقاً








------

عاوز واحد يشرح لي ماذا يقول ما هو أحمر!؟

كلام ساكت .. لا يقول شيئاً
و لا محتاج ليو زول يفهم في الحزبية و التحزب .. كل المطلوب فهم العربي الواااحد دا
و من لا يفقه العربية اجدى الا يتحدث عن القرآن بالله عليكم!!

{إِنَّا أَنزَلْنَاهُ قُرْآناً عَرَبِيّاً لَّعَلَّكُمْ تَعْقِلُونَ }
يوسف2
{وَمِن قَبْلِهِ كِتَابُ مُوسَى إِمَاماً وَرَحْمَةً وَهَذَا كِتَابٌ مُّصَدِّقٌ لِّسَاناً عَرَبِيّاً لِّيُنذِرَ الَّذِينَ ظَلَمُوا وَبُشْرَى لِلْمُحْسِنِينَ }الأحقاف12

صدق الله العظيم

المصدر : لغة القرآن الكريم

ما ضر الدين الا السياسة و التقليد!!

و السؤال لعماد قائم و مووووووووهط :

ما هو خطر الشيوعية ( على من/شنو)؟
و ما هو خطر مثل الخطل التامي هنا على الدعوة!؟

Quote: والله والله .... إبني ذي الستة أعوام لا يقول مثل هذا الكلام.

محمد ابو العزائم ابو الريش
ولدك إتصل على زعلان قال لى:
بابا ده مثل ليه؟؟
المهم رضيتوا وإعتذرت ليه بالنيابةعنك
ياخى ولدك شنو والله ولد اصغر من ولدك ده
ومولود فى العصر الحجرى ما يقول كده!!

هذا بوست سياسة ولا علاقة له بالدين

و قد تبرع العديد من المتداخلين باثبات خطل ما ذهب اليه كاتب البوست من ناحية فقهية

لكن كاتب البوست يعرف انه ليس فقيها ولا بيده تحديد من يدخل الجنة و من يدخل النار لذلك لا يهمهه ما كتبه الاخوة ولم يدخل معهم فى نقاش دينى معمق


ما قاله السيدح ليس بجديد ولم يخرج عن نطاق اخبار ملفقة روج لها جهات صحفية يشتبه فى تبعيتها لجهاز الامن

اذن ما قاله السيدح جزء من حملة مخططة لها اهدافها

فى هذا التوقيت الذى تنتظم البلاد فيه بداية حركة احتجاجية تتهم السلطات الحزب الشيوعى بالوقوف وراء تنظيمها
و موقف الحزب و نقد الصريح بتأييد هذه الاحتجاجات و دعمها

لذلك يمكن قراءة هذه الاخبار وفهم الهدف من ورائها

Quote: من أصول عقيدة أهل السنة والجماعة أنهم لا يشهدون لأحد بجنة ولا نار إلا من ثبت في حقهم ذلك في كتاب الله وما صح في سنة رسوله عليه الصلاة والسلام

الركابي

انا لم اقل ان نقد قد ضمن الجنة قبض إيد

لكن التحول الكبير الذي طرأ علي حياته والمتمثل في أكبر حدثين مهمين وهما تركه للحزب الشيوعي

ثم اعتزامه أداء فريضة الحج بعد ثمانية عقود هو الذي جعلنا نتفاءل للرجل بحسن الخاتمة نتفاءل

ولانقرر لأن كل ذلك بمشيئة الله سبحانة وتعالي ولو ان احداً يضمن الجنة لأحد لضمنها رسول الله لإبنته

فاطمة الزهراء.

Quote: (نقد) مع النبيين والصديقين والصالحين

Quote: انا لم اقل ان نقد قد ضمن الجنة قبض إيد

السيدح ..أجى!!
وين مع النبيين والصديقيين فى قعده قصدك؟؟

سكرتير الحزب الشيوعي السوداني نقدللحج هذا العام الف مبروك

فوق

Quote: الركابي انا لم اقل ان نقد قد ضمن الجنة قبض إيد لكن التحول الكبير الذي طرأ علي حياته والمتمثل في أكبر حدثين مهمين وهما تركه للحزب الشيوعي ثم اعتزامه أداء فريضة الحج بعد ثمانية عقود هو الذي جعلنا نتفاءل للرجل بحسن الخاتمة نتفاءل ولانقرر لأن كل ذلك بمشيئة الله سبحانة وتعالي ولو ان احداً يضمن الجنة لأحد لضمنها رسول الله لإبنته فاطمة الزهراء.

الأخ السيدح
والله إني اجتهدت قبل أن أكتب كلامي السابق لأن أجد لك مخرجاً شرعياً
لكن بناء على كلامك الذي كتبه ، فإني لم أحظى بذلك
وبيان الحق واجب ، ونصيحتك واجب ، وكلنا يخطئ ويصيب

فأعد قراءة ما كتبت :
أولاً :
العنوان :

Quote: (نقد) مع النبيين والصديقين والصالحين

هذا كلام فيه قطع وجزم وتأله على الله ، فلم تقل إنه أمنيتك ، أو بإذن الله تعالى

ثانياً: قولك

Quote: ستدخلها بإذن الله فقد كان بينك وبين النار ذراع فسبق عليك الكتاب فعملت بعمل اهل الجنة فستدخلها باذن الله الواحد الاحد الفرد الصمد الذي لم يلد ولم يولد ولم يكن له كفواً احد. ثمانون حولاً لا ابا لك تسلم وانت غارق يا سيدي نقد في بحور الضلال والكفر والالحاد لكن رحمة ربي غشيتك فكفرت بالشيوعية وتخليت عن زعامتها في بلاد الاسلام ، وقررت ان تجب الماضي الاسود بحجة مبرورة تعود منها كما ولدتك امك فهنيئاً لك .

إن اكتفيت بقولك إن شاء الله ونتمنى لك ذلك لكان صواباً
لكن عباراتك فيها قطع وجزم
يضاف إليها الجزئية الثانية التي فصلتها في مداخلتي السابقة وهي حاله السابق وجزمك به


ــــــــــــــــــــــــــــــ
الأخ السيدح : الصحابة والأئمة الأربعة وغيرهم نقرأ في سيرهم أنهم يفرحون لما يهدى إليهم خطؤهم
لأن النجاة بذلك وباتباع الحق
بل ويدعون بــ "رحم الله من أهدى إلي عيوبي"
أسأل الله أن يعيننا وإياك على أنفسنا ويلزمنا ما فيه نجاتها وسلامتها في العاجل والآجل

والله محترم يا دكتور عارف ...

بى اخلاقك دي حا تتوب من المنهج السلفي قريب دا ..

وتفهم خدعة عمرو بن العاص لأبي موسى الأشعري ... والفرق بين السياسي ورجل الدين ...

(والبوسط مهدى لبنات التقدم الثانوية وللزمن الجميل!)





... المهم ....

Quote: والله محترم يا دكتور عارف ... بى اخلاقك دي حا تتوب من المنهج السلفي قريب دا .. وتفهم خدعة عمرو بن العاص لأبي موسى الأشعري ... والفرق بين السياسي ورجل الدين ...

يا أخ تبارك والله المنهج السلفي كله خير
وهو الذي أمرنا الله باتباعه (والسابقون الأولون من المهاجرين والأنصار والذين اتبعوهم بإحسان رضي الله عنهم ورضو عنه...)
ومن يسير عليه يسلم من كثير من الآفات والتناقضات
والمشكلة في أن كثيرين يعادونه دون أن يعلمون عنه أو يدركوا معالمه
وإنت ممن يأتي شايت ضفاري وبتكتب كلام يزعل في كثير من الأحيان ... لكن خاتين الخمسة فوق الاتنين وشايفين كده أحسن معاك
طلب من أخيك الذي يحب لك الخير .. برد نفسك معانا وروّق في أسلوبك ولا تسب سلفنا رحمك الله
أما عمرو بن العاص وأبوسى فخذ كلام الله فيهما وفي إخوانهم حيث قال : (وكلاً وعد الله الحسنى) والحسنى هي الجنة فهذا وعد الله لهم
شوف البتخارجك .. منتظراني ومنتظراك حفرة مظلمة شديد خلاص ,, وحشة ما بعدها وحشة والبني آدمين ديل ومن تحب سينسوك وكأنك لم تكن
بعد دخول تلك الحفرة التي اسمها (وداللحد) .. وقد يكون ذلك في هذا الأسبوع أو الذي يليه .. فرحمتك يا رحمن يا رحيم
والتاريخ في هذه الجزئية فيه ما فيه وعليك بكتب السنن والصحيحين لتقرأ فضائل هؤلاء الصحابة الكرام
وربنا يأخذ بيدنا ويدك لما فيه

السيدح لتوزيع صكوك الغفران والتنجيم إذا كنت من أهل النار أم الجنات.
أبواق الإنقاذ ( السيدح - المسلمي - صلاح غريبة- ود الباوقة الخ---- بلا لف ودوار*** إتقو الله وأنصحو البشير وبشار*** بأن يخافوا يوما تدخل فيه العصي بلأدبار*** و كما فعل الثوار باالعقيد المغوار***

السيدح

مانح صكوك الغفران والجنان

يعني اصبحت تعمل عمل الرب اعوذ بالله


طيب انظر من في لستة النار والجنة يا وكيل الله علي الارض


الهوس الديني ثماره مرة مثلما نشهد هنا

قاتل الله الهوس الديني بكل اشكاله