|
(نُقد) يقرر التخلي عن قيادة الحزب الشيوعي ..!
|
هاكم الخبر من مصدره
13-أكتوبر-2011:مفــآجــأة : (نُقد) يقرر التخلي عن قيادة الحزب الشيوعي ..! سوداني نت - وكالات: فجر الأستاذ محمد ابراهيم نقد السكرتير العام للحزب الشيوعي السوداني مفأجاة داوية وقال إنه قرر ترك قيادة الحزب خلال الفترة القادمة، وكشف في حوار عن عدم رغبته في الاستمرار في قيادة الحزب الشيوعي بعد انعقاد المؤتمر العام للحزب مشيراً في ذات الوقت إلى أن الحزب لن يتخلى عن قياداته التاريخية من أجل الحفاظ على وحدته وتماسكه قاطعاً بأن حزبه مازال متمسكاً بالماركسية كموجه نظري يتم التكيف معه حسب الواقع السوداني مبيناً أن الحزب الشيوعي مازال موجوداً وسط النقابات العمالية، وينافس المؤتمر الوطني على المراكز القيادية .
وقال إن الحريات السياسية التاحة حالياً تسمح للأحزاب بافتتاح الدور وممارسة نشاطها بصورة علنية وقانونية وامتلاك الصحف السياسية واستدرك إلا أن ذلك غير كافٍ مؤكداً أن أحزاب المعارضة سوف تواصل نهجها الهادف لإسقاط النظام عبر المظاهرات الشعبية السلمية ووصف نقد من يتحدثون عن فقدان الجماهير الثقة في الأحزاب بأنهم لايفهمون السياسة وقال إن الحزب الشيوعي بدأ في وقت سابق اتصالات مع المؤتمر الوطني على مستوى عالٍ ولكنه قرر ايقافها بعد تقييم نتائجها. http://www.sudaninet.net/details.php?articleid=4015#4015
|
|
|
|
|
|
|
|
Re: (نُقد) يقرر التخلي عن قيادة الحزب الشيوعي ..! (Re: Elmuiz Haggaz)
|
أول كلام : غض النظر هن الخبر هو شنو و عن منو حقو الناس قبل ما تنقل تشوف المصدر منو, و قبل أو بعد الناس ما تقرأ برضو تراجع انو المصدر منو ... و الكلام ده ما للأخ عاصم و بس, و اذا خبر ما وقع للناس في جرح و مصدره مضروب ده بيدى مصداقيه مستقبليه للمصدر المضروب في أخبار ملفقه أخرى. سودانى نيت دى واحده من مواقع جهاز الأمن عبرها يبث الأخبار العاوزا .
Quote: سوداني نت ء وكالات: وكشف في حوار |
وكالات بلح؟ حوار مع منو و متين و وين؟
تانى كلام : أنا أيضآ مع أن تذهب كل القيادات القديمه في سياق تغيير شامل و جذري يشمل ليس فقط الأشخاص, بل كل بنية الجمود و الأصوليه الفكريه و السياسيه و التنظيميه, ده ما بيجي بالتمنيات و الدعاء بل بطرح فكرى واضح و علنى يقدم نفسه كبديل. خاصه و أن الأصوليه الفكريه و السياسيه و التنظيميه ليست مرتبطه بالعمر .
| |
|
|
|
|
|
|
Re: (نُقد) يقرر التخلي عن قيادة الحزب الشيوعي ..! (Re: عاطف مكاوى)
|
Quote: وقال إن الحريات السياسية التاحة حالياً تسمح للأحزاب بافتتاح الدور وممارسة نشاطها بصورة علنية وقانونية وامتلاك الصحف السياسية واستدرك إلا أن ذلك غير كافٍ مؤكداً أن أحزاب المعارضة سوف تواصل نهجها الهادف لإسقاط النظام عبر المظاهرات الشعبية السلمية ووصف نقد من يتحدثون عن فقدان الجماهير الثقة في الأحزاب بأنهم لايفهمون السياسة وقال إن الحزب الشيوعي بدأ في وقت سابق اتصالات مع المؤتمر الوطني على مستوى عالٍ ولكنه قرر ايقافها بعد تقييم نتائجها. |
الاخ عاصم فقيري
هذا مصدر اعتقد انه مضروب وله مصلحة لنشر حديث مثل هذا اذ ان الخبر اتي لهذه الوكالة المن غير بواب
لا اتصال تلفوني ولا لقاء صحفي ولا اجتماع حزبي ؟
نعم اداء نقد ضعيف لكن نقد اختارته لجنة او مقتمر حزب وعلي هذا المؤتمر او عضوية الحزب عزله
او تركه للمواصلة هو شان حزبي ..
انا اقرا هذا الخبر وهو مصيدة لقوي التغيير لعزلها عن بعض وارادة تشتيت جهودها ضد العدو
الجبهة المجرمة .
اتمني منك يا صديقي ان تطلب سحب البوست لو بالامكان وان نفوت فرصة الكيزان .
راجع الخبر لا جهة ترجع لها , تحس فيه صناعة وخبث اجهزة دولة المجرم المنححححححححححححححححط
البشير
| |
|
|
|
|
|
|
Re: (نُقد) يقرر التخلي عن قيادة الحزب الشيوعي ..! (Re: Sabri Elshareef)
|
Quote: سوداني نت - وكالات: |
بالله يا المصدر الوكالات دي محلها وين النادي الكاثوليكي يا ارزقية يا مجرمين
يا اهل الوكالات .
وعاين الناس الفرحان بالخبر التكفيري الارهابي الوهابي عماد موسي محمد
نقد لم يكفر الناس ولم يشتم الناس يا علماء الايه؟؟ الوهابية تستلم وزارة السياحة يا تري لتكسير الاصنام ؟؟
وفقا لفهم الوهابية
هنا نقد ادائه ليس مثلما كان في الاول وهذا لا يعني ان الحزب لن يوجد ان فات نقد
الحزب من 46 موجود للوهابي الاخر الذي يريد استبدال الحزب بمنهاج اسوا ما عرفنا في الوجود منهاج الوهابية
| |
|
|
|
|
|
|
Re: (نُقد) يقرر التخلي عن قيادة الحزب الشيوعي ..! (Re: Sabri Elshareef)
|
Quote: انظر عزيزي القارئ للوهابي الاخر
غايتو بكري ما كسب فينا خير نحن منتديات الوهابية دي وقفه ما بنقيف فيها
من شدة بؤسها وفراغها المنبر مليان بهم . |
صبوري شنو التهميش ده ياخ ^_^ الوهابي الآخر ده ما عندو اسم؟؟ تهمشني ليه يا صبوري يعني أمشي أبقى مع خليل إبراهيم أنا وللا شنو ^_^
غايتو يا صبوري قاااادر الله عماد حسين يقول ليك الكلمة الظريفة ديك وبعد ده بتقول ليهو عماد حسين تحية طيبة وأنا بدلعك وأقول ليك صبوري وفي النهاية تهمشني يعني إنت بتدور البزردك بس وللا شنو يا صبوري ^_^
صبوري ما قلت لي الوهابية مشكلتك معاهم شنو؟
صبوري .. نصيحة أخيرة جر شخيت _________________ واقيف من الوهابية بعيد
نصيحة أخرى: لا تصطاد الوهابية في المياه العكرانة الشيوعية ^______^
| |
|
|
|
|
|
|
Re: الى المستعجلين: بقى فقط عام لولاية نقد ففكروا فى البديل بدلا من اه (Re: محمد حيدر المشرف)
|
نقد بقي لاعب كورة ؟؟!!! .. يعلن اعتزاله وتخليه عن نشاطو ( قيادة الحزب ) في الجرائد ؟؟؟!!!
دا كلام بيقرروا الحزب وهيئاته القيادية .... نقد زاتو ما عندو حق .. اكتر شئ يقدم طلب يقول ما داير ... بعد كدا ما شغلو .... يقبلوهو ما يقبلوهو دا موضوع حسمو مافي الجرائد والانترنت والتصريحات ...
اذا كان يختفي ولا لا دا ما عندو فيهو يد ... يخلي الحزب كدا ساي وكمان بتصريح في جريدة نت ؟؟؟!!!
| |
|
|
|
|
|
|
Re: (نُقد) يقرر التخلي عن قيادة الحزب الشيوعي ..! (Re: بدر الدين اسحاق احمد)
|
أتحفظ على طريقة و أسلوب البعض هنا في تعبيرهم عن الدعوه لتغيير نقد أو غيره. في ذات الوقت المطالبه بتغيير جزء أو كل القياده و بأى تغييرات أخرى حق مشروع للجميع تمامآ مثل حق رفضها , عبر الانتخاب الديمقراطى من خلال المؤسسات المتفق عليها.
للبيحاولو يصطادو في الماء العكر و أعنى اكوز بدرالدين و أمثاله ... كدى أمشي شوف شيخكم الكارينو من حراسه لى سجن و واقعين فيهو نبذ و اساءات مخزيه ... يا عديمي المروه و الاخلاق جايين تكلمونا عن نكران الجميل؟ أمرقو منها , قيمة نقد و ما قدمه ما بتورونا ليها انتو و لا بتعرفوها لا بتحترموها ... امرق يا رذيل
| |
|
|
|
|
|
|
Re: (نُقد) يقرر التخلي عن قيادة الحزب الشيوعي ..! (Re: esam gabralla)
|
المصدر مصدر امني , هذا المصدر يجب فضح اهله ولا اقصدك يا عاصم فقيري
انما اقصد موقع علاء الدين يوسف وهو يروج لمثل هذه الاخبار ان نقد بقي في الحزب ام لا
الحزب جزء اصيل به جماهير شعبنا الصادقه مش ارزقية الجبهة الاسلامية اكلي اموال الشعب السوداني
ومغتصبي الحقوق ..
يفخر الحزب الشيوعي وعضويته بانهم ليس لصوص حرامية مثلما تفعله عصابة الاجرام
التي لا تختشي ولا تعرف الحقوق
نقد افضل من لسناة الفجرة دعاة الدين المافونين عبر السنين
يسقط تجار الدين
وتسقط تنابلة السلطان من جوقه وهتيفة
| |
|
|
|
|
|
|
Re: (نُقد) يقرر التخلي عن قيادة الحزب الشيوعي ..! (Re: Deng)
|
درج الحزب الشيوعي السوداني و في مواقف اقل من هذه
أن يصدر بيان للجماهيرمن جهه قائدة بعد ان يقتلوا الموضوع
بحثا في اجهزتهم الداخلية .
ولا اعتقد ان خبر بهذا الحجم ينشر في غير بيان او على الاقل
تصريح صحفى من اللجنة المركزية هذا بالاضافة لجريدة الميدان.
إتفقنا او اختلفنا مع نقد لكن ان صح هذا القرار (لا أعتقد) سيكون له
تبعاته المؤثرة في داخل الحزب و في عطائه السياسي.
| |
|
|
|
|
|
|
Re: (نُقد) يقرر التخلي عن قيادة الحزب الشيوعي ..! (Re: Deng)
|
QuoteQuote: : اتمنى ان يكون الخبر صحيحآ |
و دي بداية نهاية حزبكم لو تلعمون و لا اعني ان ذهاب نقد يعني نهاية حزبكم فقد يموت او يفوت و يبقى الحزب ولكن طريقة الضرب المستمر على هذا الوتر و ما احدثه من انقسامات في الرأي و مناقشة مسائلكم التنظيمية على الملأ بداية من بوستات نقد قال ونقد صرح وحتى هذا البوست فهل اسـتقالة نقد او غيره هي حـل الأزمة
و الفاتحة لانكم من الضعف بحيث لا يصدق
| |
|
|
|
|
|
|
Re: (نُقد) يقرر التخلي عن قيادة الحزب الشيوعي ..! (Re: عبدالله احيمر)
|
Quote: جر الأستاذ محمد ابراهيم نقد السكرتير العام للحزب الشيوعي السوداني مفأجاة داوية وقال إنه قرر ترك قيادة الحزب خلال الفترة القادمة، وكشف في حوار عن عدم رغبته في الاستمرار في قيادة الحزب الشيوعي بعد انعقاد المؤتمر العام للحزب مشيراً في ذات الوقت إلى أن الحزب لن يتخلى عن قياداته التاريخية من أجل الحفاظ على وحدته وتماسكه
|
خليكم من السند و مصدر الخبر
في المتن ذاتو :
اسي فهمتوا شنو من الكلام المقتبس دا!؟
-------------------
استغرب في الزملاء المرت فيهم الشغلة دي!؟ عجيبة!!
| |
|
|
|
|
|
|
Re: (نُقد) يقرر التخلي عن قيادة الحزب الشيوعي ..! (Re: قيقراوي)
|
انتي يا أحذيتي وبرضو يا قمصاني
اعذروني جميعا
إن قطعت ولكن
ماحبست ضميري
مالجمت لساني
الكلام الواضح
لم ولن يعصاني
الوجوه والايدي والشوارع يوماً
ربما تنساني قلبي وارف وعارف
السنين لو حرَّت
ما بتحت أغصاني
ما يئست بتاتاً
ولا يبست كذلك
بل لبست زماني
اوكسجيني يجيني
ذكريات وأماني
هذه أحوالي وهذه أقوالي
اذا قبلتو قبلتو
اذا زعلتو وداعا
انتو ما قصرتو
اتركوني وشاني
إيهِ يا قمصاني
ياجميل يا مزركش
زوق وخفة كأنك
الفراش الطاير
كُم طويل الجنبك
شفتو قالد زاير
وانت بني مخطط
بنطلونك لونك
تمشي زي ما داير
كم قصير وملحلح
المقص سوداني
مربعات ودواير
ياسماوي نجومك
في الليالي زراير
اوعى ما تتكرفس
وش صباحك ناير
وانتي يا احذيتي
بين غبار ونقلتي
كم سمعتك قلتي
ياتو سكه تودي
للمهانة مشينا
وما رفعنا قدمنا
كضب ولا غشينا
البدوس بندوسو
مافي شر بنكوسو
ماركلنا أكلنا
ولا في شي خوفنا
قمنا منو جرينا
انتو اشرف وانضف
من أيادي السرقة
سمحة بيك المرقة
للنفيروالنجدة
والحياة اليوماتي
بين كراسي الندوة
تشرئب القومه
الهتاف الداوي
والجموع بتلاوي
في مظالم يومه
النزول من زحمة
في المحطة الوسطى
جولة حول البوسطه
جاي وجاي إتمشَّى
مكتبة وفكهاني
والحديث الحايم
بين عزاء وتهاني
العرس والجرتق
ود فلان اتوفى
شوف رموش الباعه
زي ثواني الساعة
المحال والممكن
كل حاجة بضاعة
كم أيادي نحيلة
الوظيفة منشة
داك زقاق البنكي
نحو زنك اللحمة
والخدار والأعين
والكتوف ملتحمة
خطوة خطوة إتمهل
أوعَ ما تترشَّه
أم بناتي تهاتي
(ما مسحت الجزمة ولا القميص إتفشَّى)
إنها بإزائي
صحتي ودوائي
ملبسي وغذائي
أُحبها وتحبني
ويُحب جزمتها حذائي
قدلة عرض الشارع
والمناظر شتَّى
لمبة مدَّت راسَه
ناسه مابتيتفاهم
طاولة لِجَّة وحِجَّة
بين مهرِّج واعشى
ست وبت قدامن
كوم حريق ومقشة
لافتة خافتة ومخبز
جنبو تكسي مهكَّع
شفت ستَّ سنابل
مكندكين دافوري
ادوهو لزَّه وفزَّه
جرَّا نفسو وطشَّه
صاج مولع، وامهر من رمى الطعمية
بلعت ريقي أصنقر
في خشم دكان البرقو داك اتعشى
محطة ستات شاهي
ياحليل نعناعن
إلى الجحيم الكشَّه
هذه آرائي
وهذه أشيائي
ضميري مابتغشَّا
عرفت كيفن قَصَمَتْ ظَهَرَ البعير القشَّة
العظيم شاعر الشعب محجوب شريف
| |
|
|
|
|
|
|
Re: (نُقد) يقرر التخلي عن قيادة الحزب الشيوعي ..! (Re: Sabri Elshareef)
|
بدرالدين ود اسحق,
سلام يا صديقي.
Quote: قمة النكران لرجل منح الحزب عمره كلــه ولم يستبقــى منه شيئا لنفسه .. |
ايوة يا ود اسحق, لكن لم يكن نقد هو العظيم الوحيد الذي قوبل بالنكران و الجحود و التجريح!
عندما قاد الكساندر الاكبر اليونان و اسس اعظم امبراطورية في التاريخ, و عندما بلغ الهند تضجر بعض الجنود و صغار القادة من انتصاراته, و تمردوا فرجع بهم و مات بالملاريا, و انقسمت الامبراطورية لكن التاريخ انصفه و لم نسمع باسماء اولئك.
وعندما قاد سيدنا موسى بني اسرائيل خارج مصر من ربق العبودية, تضجروا و اشتاقوا للحس قعور قدور الفراعنة, و عبدوا العجل واهانوا سيدنا هارون.
وعندما قاد شارلز ديغول فرنسا الي رحاب الحرية, بعد ان استسلم كل الجيش الفرنسي, وقرر عدم الاستسلام ان يقود النضال من بريطانيا, و بعد انتهاء الحرب, عومل اسوا ما يمكن ان يعامل قائد .
وبعد ان قاد غاندي الهنود للحرية و الديمقراطية, كان جزاءه رصاصة ارقدته في قلوب الناس حبا الي ابد الابدين.
فرفاق محمد ابراهيم نقد كثيرون يا بدر! كتب التاريخ اسمائهم بحروف من نور.
| |
|
|
|
|
|
|
Re: (نُقد) يقرر التخلي عن قيادة الحزب الشيوعي ..! (Re: بدر الدين احمد موسى)
|
Quote: يا عديمي المروه و الاخلاق جايين تكلمونا عن نكران الجميل؟ أمرقو منها , قيمة نقد و ما قدمه ما بتورونا ليها انتو و لا بتعرفوها لا بتحترموها ... امرق يا رذيل |
عديمى المروة الله بيعلم بيهم .. لكن نقول شنو الاراذل الله بيعلم بيهم .. ما بنقدر نحكى عنهم عديمى الاخلاق الله بيعلم بيهم .. هو بالله الاخلاق دا قيمة عندك ( ثابته ) كان غلبك إستعين بود العبيد بوريك شرامة برى الحكى عندهم شنو ..
قايتو نقد كفوتو كفوة حين يجعل بعض مدعى النضال والمسترزقين به من انفسهم اصحاب قوامة ودرجة للحكم على مسيرتــه الحزبية .
قلة الادب درجة من مكملات الرجولــة بمفهومها غير المستنير ..
| |
|
|
|
|
|
|
Re: (نُقد) يقرر التخلي عن قيادة الحزب الشيوعي ..! (Re: بدر الدين اسحاق احمد)
|
والله يا ود موسـى كرهتنا المنبر زاتو ... الزول يستعد نفسياً ويجمع كل الشــر المتناثر حوله تجــئ انت ناطــى بي شيوعيتك المؤدبــة دا .. ______________________________
الحزب عندو آليات لاختيار قياداته اى عضو حزب ينتظر الاجال الزمانية والمكانية لهذه الآليات ليمارس حقه فى إختيار قيادته ( لكن بينى وبينك الناس ديل لا يملكون الاهلية الحزبية لان يكونو من من يشارك فى اختيار وتغيير القيادة ) مشاهدين ومتفرجين من منازلهم . ان يمارس اعضاء حزب يحترم نظامه الاساسى حملة اعلامية مكشوفة ومعلنة ضد رئيس حزبهم المنتخب وفقا لنظامهم الاساسى ( ديمقراطيا ) اعتقد ان هولاء الاعضاء لا يستحقون شرف الانتماء الى تلك المنظومة الحزبية . ثم ثانيا .. شواهدك التاريخيــة شواهد سلطويــة .. وهنا الحديث عن منظومة مجتمعية يعبر عنها بالحزب وهى تشارك طوعى لفئة من الناس بغرض الوصول الى السلطة تجمع بينهم افكار ... غير المعقول ان يتم هذا الحراك نحو الاقصاء والضيق ذرعاً بخيارات المؤسسة التنظيمية الاعلى علناً من افراد يحسبون على هذا الحزب .. لذلك حين قلت من قبل ان هناك تيار شبابى داخل الحزب يسوق ويعمل على الحلول مكان القيادة التاريخية قيل ان ذلك امانى واحلام كيزان ... ________ الا يكفى هذا الرجل كل ما بذله من عمره لخدمة هذا الحزب بكسبــه وسهره وعرقــه ثم يتطاول عليه بعض من افراد حزبه انــه قد ( هــرم ) واصبح اقل لياقـة من مباشرة وقيادة الحزب ..علما بأنه اكثر اعضاء الحزب مشاركة فى كل الفعاليات السياسية ..
ياخى بعض ناسكم ديل بيطممو البطن ذى بعض ناسنا ...
| |
|
|
|
|
|
|
Re: (نُقد) يقرر التخلي عن قيادة الحزب الشيوعي ..! (Re: بدر الدين اسحاق احمد)
|
بدر الدين اسحق
سلام
انت كتبت
Quote: ياخى بعض ناسكم ديل بيطممو البطن ذى بعض ناسنا ... |
دا بيعني أنو بطنك طامة من القيادة الحالية لحزبكم لأنو ذكرك للمقارنة دي في البوست دا
بتعني الكلام دا
وطبعا القيادة الحالية لحزبكم هي التي أطاحت بالقيادة التاريخية لحزبكم وهو د حسن الترابي
خليك شجاع وقول إنك حنيت لقيادة الترابي.
| |
|
|
|
|
|
|
Re: (نُقد) يقرر التخلي عن قيادة الحزب الشيوعي ..! (Re: أبو ساندرا)
|
Quote: ان يمارس اعضاء حزب يحترم نظامه الاساسى حملة اعلامية مكشوفة ومعلنة ضد رئيس حزبهم المنتخب وفقا لنظامهم الاساسى ( ديمقراطيا ) اعتقد ان هولاء الاعضاء لا يستحقون شرف الانتماء الى تلك المنظومة الحزبية . |
ديل ناس شوفوني انا مخالف و كما قلت فهم لا يستحقون شرف الإنتماء الى الحزب
| |
|
|
|
|
|
|
Re: (نُقد) يقرر التخلي عن قيادة الحزب الشيوعي ..! (Re: أبو ساندرا)
|
معقولة يا كبير
ابداً و الله .. و آسف على الكلام المغتغت فاضي و خمج
ممكن اكون داخل فيمن قصدتهم ضمن المداخلة الدغرية الاولى
لكن في دي كنت قاصد بدرنا العالي قدرو دا ان نيييييييم!
معقولة يا بدر؟
بقيت تجليها وااااقفة!!
-------
ثم يا ريت خالد العبيد يشرح قاصد شنو بعبارتو لدينا؟
| |
|
|
|
|
|
|
|