|
|
|
 Re: *فرنكـــــش ...وود القوس الغرقــــان* (Re: tmbis)
|
عزيزي تمبس
تحياتي.اجمل ما في بوستاتك إنو الواحد بدخل عليها وهو مدفوع بالشوق وبيرتاح فيها إما أغنية تهذ دواخلك واشهد لك بالذوق الرفيع وإما كلمة طيبة وتملك ناصيتها بقلمك الرشيق . وفرنكش وعالمه الذي تشتم فيه رائحة البنزين والدكوة تضحك لكلماتهم البسيطة ولهجة الهوساوية المحببة رحمة الله عليها فقد قتلتها وهي بعد صغيرة وليتك ذدتنا منها .شكرا يا تمبس علي الفرح الذي تغمرنا به
خالك
أبا
| |
 
|
|
|
|
|
|
|
 Re: *فرنكـــــش ...وود القوس الغرقــــان* (Re: aba)
|
تمبس العزيز
تفاجئنا كل صباح بجديدك
طريقة سردك لحكاوي فرنكش المغرقة في المحلية
تزكرني باسلوب نجيب محفوظ في رواياته القادمة من عمق الحواري المصرية
واصل عزيزي-يبدو انو ياما في الجراب يا حاوي
عايزنا نرشحك لجائزة نوبل؟؟؟
تسلم سيدي بقدر ما تعطينا من فرح
حنينة
| |
|
|
|
|
|
|
|
|
|
Re: *فرنكـــــش ...وود القوس الغرقــــان* (Re: tmbis)
|
تمبس
دا ( شغل ) ممتع .. ممتع ، خيال حاضر بصورة مذهلة ، لا يمكن أن تنظر له من زاوية واحدة لتكتفي بالضحك قط .. هذه المشاهد الإنسانية والصور الحية التي تتكرر آلاف المرات مع مولد كل يوم .
يلفت نظرك استخدام الكلمة الواحدة السريعة ولكنها ك( شكة ) دبوس ، لابد أن تلسعك حتى تتنبه لعمقها .. ها هي حاجة مريومة تعرض بجانب مصدر رزقها .. ها هي تبيعنا جزءاً من حنانها
Quote:
حاجه " مريومه " الهوساوية تفترش الفول المدمس " والدكوة " وحنيتها معا
|
وحنيتها معها .. هذه الجملة تبدو تلقائية في توسطها ( الحكى ) لكنها أضفت أبعاداً إنسانية مكملة تماما للصورة وللمهشد الإنساني .. وتكررت هذه الإشارات كثيراً .. وهذا ما فعله للتدليل على قوة ود القوس الغرقان بجملة من كلمتين ( وانه لقادر )
Quote:
الغرقان يصر أن يرفع فرنكش إلي أعلي باصبعه السبابه ..وأنه لقادر
|
بل ويستمر في رسم صورة لهذه الشخصية حتى تكاد ملامحه تقترب من الزين ، تلك الشخصية الأسطورية التي رسمها الطيب صالح .. فقط تأمل هذ المشهد لتحكم بنفسك
Quote:
عندما يصرخ صرخته المميزة يستدعي الموت صرخته يطلقها عند إحساسه بالموت ، ثم يتجه غربا تجاه المقابر ..وينتظر ..لا يرجع إلا بعد تشييع صرخته ..ويمكن أن تصادفه في بيوت الأفراح ..يرقص ، أو حفلات الظار ...يرقص .. إلا أنه يوم الجمعه ..لا يفارق حلقة الذكر ..يصيح درويشه الداخلي
|
تمبس .. أرجو أن لا تتعامل مع الأمر على أنه ( فرفشة ) فقط .. طوّع هذه الريشة أكثر .. وسوف ترى أي لوحة خرافية صنعت يداك
تسلم
رحمابي
| |
|
|
|
|
|
|
|
|
|
تمبس (Re: tmbis)
|
تمبس
سلامات يا زول يا كتااااب علي وزن فعااال..
...عليك الله ما تبطل كتابه ..واصل كيتن في الظروف والحال الحرن
الرحمابي
سلامات
تعليقك جميل ..وقفت في نفس الجمل وعمقها..
توما
| |
|
|
|
|
|
|
|
|
|
Re: *فرنكـــــش ...وود القوس الغرقــــان* (Re: tmbis)
|
تمبس
وانا اقراك ...احسستنى فى الشهداء واشعة شمس لاسعة فوق راسي...وعشرات الاقدام مهرولة فى اتجاهات مختلفة مختلطة بعشرات الاصوات السادسة السادسة..الواحد وعشرين...عربى عربى ....بحرى نفر بحرى نفر......ستات الفول وبائعى الخضار وما يكرفونات الجزارات ....عشرات المشاهد وعشرات الاصوات
مدهش هذا الفرنكش
| |
|
|
|
|
|
|
|
|
 Re: *فرنكـــــش ...وود القوس الغرقــــان* (Re: ملكة سبأ)
|
العزيز جـــدا ..شـــدو
سلامات.. واشكرك يا صديق الواقع البعيد .. والحاضر الآليم .. وهي مسكاحة نعيد فيها ترتيبنا ..ربما نحتمل بعض من قساوة الغربة ..أو نتصالح معاها ..شكرا يا شدو لطالما كان التواصل
ملكة سبأ
سلام
فرنكش يا ملكة تمام ..وما زول شدايد ..بيظهر .وبيخندق .حسب المود .. وبرضو مازول غربه ..ولا ليهو في الانترنت .. أما ود القوس فبيسلم عليك كتير جدا ....لكن الناس التانيين ديل ...ناس منو ؟؟
سلمتم لي ..وبيننا التواصل
| |
|
|
|
|
|
|
|
|
|
Re: *فرنكـــــش ...وود القوس الغرقــــان* (Re: ود العجمى)
|
يانااااس
انا والله حاسة الانتخابات علي الابواب
الدعاية الانتخابية شغالة تمام
لووول...لوووول
لكن بصراحة
فرنكش خطييييير
في طلاته الاربعة إلينا
عايزين الحاجات السمحة جد
نكشوا في الارشيف
فرنكش دة عندو العجب بهناك
قالوا الدهن في العتاقي
و من نسي قديمه تااااااه
تحياتي
| |
|
|
|
|
|
|
|
|
 Re: *فرنكـــــش ...وود القوس الغرقــــان* (Re: haneena)
|
زيكو يا منقه
يديك العافيه
انا ذاتي متابع معاك والله
حنينة
بعتمد عليك وعلي هاله وعلي الله بس في الحملة دي وكان بقت علي الارشيف .ما أظن أكل عيش مع المية بوست في الثانية ..
الله يخلي ..لينا فرنكش ..الجايب لينا الحاجات ..الكويسه ..
| |
|
|
|
|
|
|
|
|
|
Re: *فرنكـــــش ...وود القوس الغرقــــان* (Re: tmbis)
|
تبموشي (حقوق النشر محفوظة لابوالزيك) تحياتي
دا شنو يازول لكن ما تقول لي حاجة كده في السلك عليك الله كثر لينا من الحاجات الحلوة دي وما تنسي كمان الأغاني
وحرام حاجات حلوة ذي دي تكون في القاع معاً لرفع كل جميل
| |
|
|
|
|
|
|
|
|
|
Re: *فرنكـــــش ...وود القوس الغرقــــان* (Re: ebrahim_ali)
|
إبراهيم علي ازيك..
حفرتو من وين البوست ده .. تتخيل انا فاكر انو في الارشيف وكايس ليهو لي مدة ..
وعلي وعد بي مواصلة فرنكش .. بس اقول ليك حاجه ( الشخصيات دي حقيقية مليون في المية بي اضافات وتظبيطات شوية شوية وواقع حي معاش .. )
لما تساعد الذكري بي تركيز .. بيكون فرنكش موجود..
دي فرنكش الاولي .. شايفه ما بتفتح في الرابط
هزليـــــات فرنكش – ود الحلــه
الوجيه عمووو قرجه..
كلما اتذكر فرنكش .. او احاول مراجعت فرنكش .. بتذكرك معاهو .. احتمال بسبب تؤمة فرنكش وترطيبة أو الايام الخوالي الجميلة ..ايام البورد بيعيد ليك ترتيب الذاكره وبيحفزك للمرور بكل التفاصيل الحميمة ويضيف ليك افكار اكتر ..
حاول ياعمك الخروج من النفق الحالي .. وابدا بي التوثيق وانا بتلقاني في ( خطراتك )
| |
|
|
|
|
|
|
| |
tmbis
aba
haneena
AlRa7mabi
توما
الجندرية
ملكة سبأ
ود العجمى
ebrahim_ali
garjah
فيس بوك
تويتر
انستقرام
يوتيوب
بنتيريست