لحظه من فضلك..3

Quote: الغالية مني شنو يعني تفسير خيبة الامل عندك؟

Quote: بقيتى مشرحه

اسه اجيب ليك سحار هناك..

نواصل..

مني

Quote: يابت خوجلي كلامك صاح مية المية ونحن راكبين في مركب واحدة يعني مايجينا زول يقول انا داير اعمل خرم في حتتي الكلام القبيح الفاحش الما بنقدر نقولو في بيوتنا مافي داعي نقولو هنا ونتسبب في حجب المنبر عن مئات الاف السودانيين وخلونا عاقلين ياجماعة

Quote: والدفاع عن النقاذ ليس دفاع عقيده او دفاع ايمان بها ..هو قطعا دفاع مدفوع الأجر..مدفوع من ثمن عرق ودم أهلنا..

Quote: منى سلامات انا طبعا البوست ده لما فتحوهو ماكنت مولود ( اقصد ما كنت معاكم فى البيت ده) عشان كده جيت متاخر , وجبت كلامى الفوق ده معاى من وراء خالص , لانو ما كنت حاقدر اخليهو بوراى لانو كلام جميل ومعبر جدا , عجبنى شديد. شكرا على جمال البوست ده.

Quote: هذا البوست..لحظه من فضلك هو الجزء التالت من بوست بنفس الأسم.. بدأته في يوليو أو سبتمبر 2005 واصبح مكاني الأساسي الذي أرتاح فيه.. اتحدث فيه مع نفسي قبل الآخرين ..صديقي الوفي..الا ان طوله لا يغري الكثير بالمتابعه..وهذا يجعلني أحيانا افكر بأن لا أستمر فيه وأرسله الي مكتبتي مع باقي سلسلته الصغيره..

Quote: عزيزتي الغالية مني تحياتي و السلام بكل اسف لا تملكين القرار لوحدك انت ارتبطت امام الجماهير بهذه اللحظات نرجع للجماهير وديمقراطية الجلابة انا عندي كم صوت ؟

؟

حكمة اليوم..

لا عاش من يفرقنا

وأرجو أن تبعد من حكمة الأمس الباليه..
اللي تخاف منه ابعد منه!


ونواصل زي ما الله يهون لينا...


مني

Quote: انت كجلابي اناقش وضعك من منطلقات مختلفه .. لكن أولا قول لي جلابي في نظر مين بعد كل تلك الهيصه الفارغه في الجلابيه وتعريفها ومرتديها..

Quote: اختنا العالية مني سلام و تحية لازم تحددي نوع الجلابي جلابي وطني - ترخيص عام جلابي شمال - ترخيص يسار جلابي وسط - ترخيس وسط جلابي يمين - ترخيص جبهة جلابي دحلاني- ترخيص استثمار بعدين ممكن تخصصي للشباب و الطلاب درجة عراقي وتكون التصنيفات عراقي وطني - ترخيص عام عراقي شمال - ترخيص يسار عراقي وسط - ترخيس وسط عراقي يمين - ترخيص جبهة عراقي دحلاني- ترخيص استثمار و بعدين نواصل

Quote: يعني مثلا جلابي مرخص استثمار في الحالة دي بيكون الوان حسب طبيعة النشاط يعني ممكن يكون جلابي استثمار احمر او جلابي استثمار اسود او جلابي استثمار لون زينب وهكذا

نواصل..

مني

Quote: سلام منى اللحظات الجميلة التي تهبها الصدفة جديرة بأن تخلد، ومنها تلك اللحظة الجميلة التي وهبتها الصدفة لبركات أخي حين التقى صدفة "سارة" ، ولحسن الحظ طلعت من الأهل، فنظم فيها قصيدته الجميلة التي يستهلها بهذا البيت: دنيا ماعارف مساره وليله شابه لي نهاره ولحظات الأستاذة منى تأبى إلا أن تتجدد، وفي التجديد الحياة والإستمرار.

Quote: ياسلام.. يوووه أستاذة منى دايرة أوصف ليك حتى ثوب نفيسة الكانت قاعدة جنب عمي أحمد والله دي قصة طويلة خلاص وبتحتاج ليها مش لبوست بل لموقع لحاله المهم يا ستي بركات أخوي راجل رقيق وقلبه أبيض وشاعر كمان، وقصة قصيدة "سارة" دي كل ما أعرفه عنها أن سارة هذه عجبت أخوي بركات وقابلها في إحدى الجامعات وأظنها جامعة القاهرة - فرع الخرطوم، والكلام كان في أواخر السبعينات لمن كان بركات طالب بالجامعة(بس ما الفرع)، وزي ما عارفة مجتمع الجامعة التعارف فيه سريع" وبعد حق الله وإنت من وين طلعت البت من قرايبنا بالخرطوم. وطبعا بركات زي ما قلت ليك شاعر وشاعر مرهف قام خلد تلك الذكرى بهذه القصيدة الجميلة وأنا ما حافظ منها غير البيت الأول، والقصيدة جميلة، وبركات اليومين ديل في إجازة ومجرد ما يعود بجيب ليك القصيدة كاملة. والبنية عرسوها وما شاء الله هسي وليداته دخلوا الجامعة وكان ما أخاف الكضب أظنها بقت حبوية. وأشرقت الأنوار. شكراً على فنجان الجبنة وجبنتك مشروبة يا أختي

Quote: نسرين سوركتي تتحدث بلهجة حزينة هذه المرة: انتحلوا اسمي عبر سودانيز أون لاين وفوضت أمري لـله!! طارق شريف عندما كانت المذيعة نسرين سوركتي تستغرق في عملها الاعلامي بفضائية الشروق تلقت اتصالات هاتفية تستفسر عن اتجاهها للكتابة عبر موقع سودانيز اون لاين الالكتروني المثير للجدل والرد على مداخلات الاعضاء وكانت ادارة الموقع قد رحبت بها بالمانشيت العريض وقالت ان انضمامها للموقع مكسب كبير، وكانت المفاجأة للكثيرين واولهم نسرين سوركتي انها لم تنضم لهذا الموقع اذن ما هي حقيقة الامر واصل الحكاية هذا ما سوف نعرفه على لسان سوركتي عبر حوارنا معها والذي تضع فيه النقاط على الحروف وقد بدأت سوركتي تتحدث بنبرات حزينة هذه المرة عكس ما اعتاده الناس عنها وهي التي تحتفظ بهدوئها في اشد المصاعب. ٭ كيف تلقيت نبأ انتحال اسمك عبر موقع سودانيز اون لاين؟ - اتصل بي العديد من الاهل والزملاء يستفسرون عن انتسابي كعضوة في منبر سودانيز اون لاين وعندما تصفحت المنبر وجدت من ينتحل اسمي ويجيب على رسائل الاعضاء وقد وصل به الامر الى الحديث عن شخصيتي وقال (أرجو أن تتعاملوا معي بعيداً عن شخصيتي التي تظهر في التلفزيون فأنا انسانة عادية واجتماعية) وظل هذا الشخص يكتب باسمي ويتحدث عن أفكاري وطموحاتي واحلامي. ٭ هل هو رجل أم امرأة.. - ما عارفة والله. ٭ الموضوع أثار حزنك؟ - نعم فقد كان الأمر صدمة بالنسبة لي ولم اصدق ان هناك اشخاصا في هذه الدنيا يمكن ان تصل بهم الدرجة الى انتحال شخصيات الآخرين والحديث باسمهم دون وازع من ضمير حقيقة أنا مندهشة ومازلت. ٭ هي ضريبة الشهرة؟ - لكنها ضريبة باهظة جداً (يا طارق)!! ما أقسى أن يتعرض الانسان الى مثل هذا الظلم. ٭ كيف تصرفت؟ - والدي العزيز كان قد اتصل بي يستفسر عن مغزى انضمامي للموقع وهو قد تفاجأ بهذه الخطوة وقد اعتدت التشاور مع الاسرة في كل خطوة اخطوها وقد قمنا بالاتصال بموقع سودانيز اون لاين من الخرطوم واخطرناهم بالحكاية وفعلاً نشر الموقع اعتذارا عن انتحال هذا الشخص. ٭ ما هي علاقتك بموقع سودانيز اون لاين ؟ - ان كنت تسأل عن رأيي في الموقع اعتقد ان هذه المهمة هي مهمة النقاد ولست بصدد تقديم رأيي نقدي في الموقع ولكني اتحدث عن شخص انتحل اسمي عبر هذا الموقع ومن حقي ان اوضح للرأي العام انني تعرضت لظلم لأن هناك شخصا يتحدث بلساني. ٭ اذا عرض عليك بند العضوية في سودانيز اون لاين هل توافقين؟ - اعتقد ان هذا سؤال سابق لأوانه فهم لم يعرضوا عليَّ العضوية. ٭ طيب هل تفكري في الانضمام الى أي موقع الكتروني..؟ - في موقع سودانيز اون لاين كتاب لهم وزنهم واتشرف ان اكون من بينهم ولكن ليس عبر هذه الطريقة وهنا اوجه عتابا لادارة الموقع فكان الاحرى ان تستوثق من الشخص المتصل واعتقد ان الاتصال بي كان يمكن أن يؤكد الأمر بدلاً من هذه الطريقة. ٭ هل فكرت في مقاضاة موقع سودانيز اون لاين؟ - رغم انني كنت حزينة جداً في هذا الظرف ولكني لم افكر في رفع الامر الى القضاء وكل المقربين مني يفهمون بانني انسانة مسالمة جداً وليست لدى مشاكل مع أي أحد. ٭ تتهمين من بانتحال اسمك عبر سودانيز اون لاين..؟ - كما اسبقت القول ليس لدى مشاكل مع أي أحد وبالتالي أنا مندهشة جداً لهذه المسألة... ورغم انني اقدم حسن النوايا دائماً ولكن هذه المرة الامر مختلف. ٭ هناك شخص محدد تتهمينه؟ - لا لم اقصد ذلك ولكني فوضت امري لله. ٭ كيف تنظرين للمنافسة في العمل الاعلامي؟ - اسير في مشواري الاعلامي بخطى متأنية ولا استعجل تحقيق النجاحات واعتقد ان المنافسة ظاهرة ايجابية تدفع بالعمل الى الامام. واقصد هنا المنافسة الشريفة. ٭ ماذا تريدين أن تقولي في الختام؟ - شكراً لصحيفة «الصحافة» التي اختطت منهجاً مهنياً محترماً يرتكز على الموضوعية ويهتم بالوقوف على الحقائق... (الصحافة) عودتنا دائماً على التميز.

Quote: اهة قلتي لي نسرين سوركتي مالها ؟؟

Quote: تااااانى ..؟

نواصل..

مني

Quote: مرحب خالد حاكم.. هذا البوست..لحظه من فضلك هو الجزء التالت من بوست بنفس الأسم.. بدأته في يوليو أو سبتمبر 2005 واصبح مكاني الأساسي الذي أرتاح فيه.. اتحدث فيه مع نفسي قبل الآخرين ..صديقي الوفي..الا ان طوله لا يغري الكثير بالمتابعه..وهذا يجعلني أحيانا افكر بأن لا أستمر فيه وأرسله الي مكتبتي مع باقي سلسلته الصغيره.. رأيك شنو؟؟ شرفتني زيارتك كثيرا والقهوه جاهزه..عايزها بسكر ولا بدون؟ ولا عايز معاها تمر؟؟

Quote: منى سلامات اسفين على التاخير بسبب المواصلات , مشواركم بعيد600 كيلو اذا قلنا الصفحة الواحدة بتعادل 100 كيلو , لكن الكويسة المشوار رغم بعده ما ممل لانو الواحد فى الطريق بيكون مستمتع بجمال المناظر على طول الطريق , وده السبب اللى بيخلى الناس تزورك دائما هنا . انا ازورك مخصوص عشان اشرب معاكى شاى وعايز اقول ليكى اسكت كب , تقومى تعزمينى قهوة ( انتى شايقية مضروبة والا شنو؟) على العموم قهوتك مشروبة بسكر مظبوط واسمحى لى اخد معاى شوية بلح وانا ماشى لزوم حق الطريق. حكاية تقرشى البوست ده طبعا ماوارد , وزى ما انتى شايفة فى كتيرين بيجوا يرتاحوا فيه وفى اسواء الفروض بتلقى السواق اللى يشترى منك ولكن افضل ماتبيعى واحسن تكونى سائقة براك لانك اجيدتى سواقته والركاب بيفضلوكى على الاخرين لسواقتك الناعمة والخالية من المطبات.(بوستك ده ما اقل من مسلسل مكسيكى)

قوتلك..
لزوم الطريق..اسويلك قراصه مخمره؟؟

نواصل...

مني

Quote: السلام عليكم اهل لحظة انشاء الله كويسين ..اسفة على هذا الغياب المبرر .. فالمشغوليات كتيرة .. والجري كتير .. غايتو اعزورني .. منى اتهكرتي ولا لسة .. انا غايتو اتهكرت لكن ربك ستر عثمان اخونا لحقني .. اهة قلتي لي نسرين سوركتي مالها ؟؟

Quote: سؤال "أنت يا منى وداعية ولاّ بتدقي الربل؟" وكيف عرفت "نهى" دي وليه "نهى" بالذات؟، طبعاً صاحبنا لو سمع الإسم دا (ح ....).

Quote: كمان جابت ليها "نهى" يظهر الحكاية حتطول وباقي ليك ناس "نهى " ديل بعرفو التوب، ديل ناس مودرن وشيك ..

ايوه صحيح لكن نهي بالتحديد كانت بتلبس التوب..ماكاكانت بتعرف ليه كويس..لكن أهلها قالوا
ليها كان عايزه تمشي الجامعه لازم تلبسي توب..مسكينه انجبرت عليه..مرات يقع منها..وكتير ما
بيكون واقع وما مغطي راسها..

لكن يا اسحق دايره اسالك سؤال..
انت ليه أي واحده لابسه توب تلقاها دايما فارده ذراعها الشمال وهي ماشيه..ومطرفه أصبع يدها
الصغير بعيد من اصابع كفها تلمس بيه التوب وهي ماشيه..زي المثبته التوب بيه..ياربي بيمنع
التوب يقع؟؟؟

المهم نهي دي كان جنها ترفع نضارة الشمس السودا فوق شعرها الأسود اللافاهو فوق راسها..
كانت زوله سمحه..في كلامها سمحه..صوتها سمح..مشيتها سمحه..علشان كده كانت لما تنزل الحوش من المدرج الجامعه كلها تكون منتظراها..هي وصاحبتها زينب السمحه ام عيون كبار..هي بتوبها..
وزينب باسكيرتاتها وبنطلوناتها السمحات..



وأنتظرك اسحق ود بله مع الآخرين حتي نقرأ قصيدتك..

نواصل...

مني

Quote: منغصات الحياه كثيره لأغلبنا..فقط تمر ببعضا في أوقات متتابعه وتقف..أو تقسم نفسها علي دورات..ويعتمد هذا علي معني كلمة منغصات عند اي منا..ومدي قدرتنا علي تجاوزها.. لكن أكثر الأشياء أو الأفعال أو الأقوال التي اعتبرها من المنغصات..هو حالة السلبيه التامه في بعض المواقف.. ثم الأيجابيه التامه في نفس المواقف..فقط لأن الأشخاص اختلفوا في الموقفين.. ونرجع لذلك في وقت آخر مع منغصات أخري...

Quote: وأنا موقفي وين من الأعراب؟ جملة ولا شبه جملة منغوص ولا غير منغوص التضاد جميل يامني يقوَي المعني ويظهر علي منغصات عديدة واقف براي بتأمل في رجوعي! ،،،،أبوقصى،،،،

Quote: وعندما نفتح الجراح في بوست التوفيقيه اريدك مع كل الآخرين في نقاش محايد.. يكتب بقلم الحق كتابه تريح العقل قبل القلب.. ولك كل الحب.. واقفه معاك أتأمل رجوعك..

Quote: ساره – الخرطوم 1975 دنيا ما عارف مسارها وليلها شابه لي نهارها مرة في أحزانها تمضي وتهدي مرة أفراحها سارة ونحنا ماعرفنا لها مرسى وغايتو سابحين في مدارها مرة كم أهدتني لقيا ما كنت بحلم بانتظارها لما فجأة ودربي نوّر ورددت أنفاسو ساره حاضنة كل طيبة أهلنا وفيها دل كل العذارى راسمة كل أفراح بلدنا وشايله في عويناتا بارا ولونها بين أندادها حاكى خضرة جناينا ونضاره وصوتها من أنغامو فايح نكهة عناقيدها وثمارها كانت بس لحظة عابرة وفجأة صبحت ليلة ساهرة وسهرت طول الليل أردد في حروفها سارة ساره وغلبني والله أفلت من تصاويرها وإطارها وما في طريقة تشفي إلا تاني أشوفها ماره تحكي تاني وتاني تحكي عن مفاهيمها وشعارها أصلي برحل لما تبسم ولما تحكي تقول عباره دنيا ما عارف مسارها وليلها شابه لي نهارها مرة في أحزانها تمضي وتهدي مرة أفراحها سارة ونحنا ما عرفنا لها مرسى وغايتو سابحين في مداره

Quote: منى هـاقـد عدنا يا ملكـة كانت أيام يا وطني أحمـد

Quote: عمرك شوفت ليك سوق بيفتح يوم واحد في الأسبوع؟ يفرش حاجات كده عجيبه وبعداك خضار وخلاص..البيبسي ذاته كان دايره تجيبو من هناك..فد مره في الأسبوع! وكان درت بسكويت..الا كان تشتريه من دكان حبوبه المساته متر ونص..وبع داك كمان بسكويت كرم معتت! أها انا وقت لقيت الموضوع كده..اخدت زهجتي..واضطريت اتعلم معاهم شرب الشاي..وبمجرد ماجيت الخرطوم نسيته!! يقولوا ليك الشمال كله غني!! شكرا علي كلامك الزوق يا خالد..واقرا في البوست القديم لغاية ماتصل هنا..عارف ليه؟ لأنه مرات بكتب كلام امكن مايكون ساهل استيعابه بدون معرفة الخلفيات..أو اسلوبي في كتابة حاجاتي هنا..بحب اضحك كتبر قوتلك.. لزوم الطريق..اسويلك قراصه مخمره؟؟ نواصل... مني

Quote: اى شوفتو وكتير كمان لانى مولود ومتربى فى نفس البيئة اللى بتتكلمى عنها, انتى عشان زولة بندر وفى البندر كمان البندر الكبير الحكاية عندك غريبة شوية, لكن نحن ناس قرى ساكت وحضرت زمن الناس كانت بتاكل اللحمة مرة او مرتين فى الاسبوع وبالمناسبة فى بعض الاسواق مرتين فى الاسبوع , وانا اقرب سوق لقريتى فى المنطقة سوق كرمة ( اكبر سوق فى المديرية الشمالية) سوق كان بيربط الناس من وادى حلفا شمالا الى المناصير جنوبا ويا والا فى ناس بيقولوا لغاية حجر العسل جنوبا , هذا السوق كل يوم احد من كل اسبوع وكان بتلقى فيه لبن الطير , لكن منذ مجئ الانقاذ سيئ الذكر على قول واحد من اخواننا انتهى هذا السوق كاكبر سوق فى الشمالية كما انتهى اى جميل فى عهدهم !! وبالنسبة لدكاكين الاحياء , كان بيتم فتح الدكان حسب الطلب , يعنى متى ما جاء زبون وعايز يشترى مثلا صابونة , ظهرة , زيت , بسكويت والخ يقوم صاحب الدكان بفتح الدكان بموجب طلب الزبون ودائما كنا بنصل صاحب الدكان فى بيتو و البيع للزبائن ما كان مكلف بيه شخص معين فى الاسرة , بل كل الاسرة كانوا يتعاملون مع الزبائن كل حسب ظروفه وتواجده بالمنزل عند حضور الزبون والكلام ده فى اثناء النهار , لكن بالامسيات الدكان بيكون مفتوح لفترة اقصاها 5 ساعات او 6 ساعات من 5مساء الى العاشرة مساء.

Quote: يا حليل ايام السفر بزوادة قراصة البلح المخمرة والمبيت بقهوة ام الحسن ووجبة العشاء فى قنتى وخاصة فى موسم الرطب والفواكه , والمبيت بالباجا شمالا والوصول الى دنقلا فى وقت الظهيرة وده طبعا فى اليوم التالت من تحرك الزول من امدرمان والكلام ده ايام اللوارى بت فورد والتيمس واستمر هذا الوضع حتى النصف الثانى من سبعينات القرن الماضى الى ان ادخل الكورتاوى عمر عبدالسلام بصات النيسان فى الخط فى عام 1975 كاول شخص ادخل بصات النيسان فى طريق امدرمان -كريمة -مروى - دنقلا -المحس ومع بصات النيسان ظهرت قهوة التمتام وطريق بصات النيسان (الطريق الفوق)الذى غير خط السير المارى بقهوة ام الحسن ويسمى (الطريق التحت)(طريق اللوارى) ودائما عند اهل الشمال تحت معناه فى الاتجاهات اتجاه النيل ومع بصات النيسان ظهر اشهر سواقين فى الخط , على سبيل المثال المرحوم طه على طه والمرحوم صابر جيرا وسيداحمد نورة وفيصل الحر و ود ابوزيد وكثير من شعراء و فنانى المنطقة غنوا لهؤلاء العظماء من السواقين بطريقة مباشرة وغير مباشرة واشهرهم الاستاذ صديق احمد (صديق الدبة) وانا من هنا اناشد الاخوة الذين يمتلكون اغانى صديق احمد لهؤلاء السواقين ان ينزلوا لينا الاغانى دى هنا وعلى وجه التحديد الاغانى الاتية : 1- اغنية صابر جيرا 2- اغنية سموم يا فيصل الحر ومقطع من الاغنية يقول وارجو ان يصححنى الاخوة اذا اخطات فى كلمات الاغنية ( يا جماعة بالله فى البص قمر والحفير جدعة حجر وهنا يقصد بالحفير (حفير مشو)) واتمنى من شاعر الاغنية الاستاذ عبد الله محمد خير ان يمدنا يالتفصيل الممل مناسبة وقصة هذه الاغنية اذا هو متابع معانا هذا البوست او اى شخص من طرفه وهى من اغانى سبعينات القرن الماضى واصل قصة الاغنية هذى حسب معلوماتى البسيطة على ما اذكر فتاة جميلة من بنات حفير مشو كانت ضمن ركاب البص الذى كان فيه الشاعر من امدرمان الى دنقلا بقيادة السائق فيصل . 3- اغنية ود ابوزيد( يعنى التلاتة اغانى لهؤلاءالسواقين بالترتيب صابر جيرا , فيصل وودابوزيد واتخيل لى التلاتة اغانى من كلمات الاستاذ عبد الله محمد خير واداء صديق احمد. والله يامنى خليتينا نتذكر ايام ليها ذكريات جميلة رغم قساوتها فى بعض الاحيان وهى الان على وشك الانتهاء او ممكن نقول عليها انتهى مع ظهور طريق شريان الشمال واختصار المشوار فى بضع ساعات بدلا عن ايام وليالى زمان!

Quote: حالتك حتبقي صعبة كدي !! علشان كدي بنتابع أزهر عثمان

Quote: وانا اقرب سوق لقريتى فى المنطقة سوق كرمة ( اكبر سوق فى المديرية الشمالية) سوق كان بيربط الناس من وادى حلفا شمالا الى المناصير جنوبا ويا والا فى ناس بيقولوا لغاية حجر العسل جنوبا , هذا السوق كل يوم احد من كل اسبوع وكان بتلقى فيه لبن الطير , لكن منذ مجئ الانقاذ سيئ الذكر على قول واحد من اخواننا انتهى هذا السوق كاكبر سوق فى الشمالية كما انتهى اى جميل فى عهدهم !! وبالنسبة لدكاكين الاحياء , كان بيتم فتح الدكان حسب الطلب , يعنى متى ما جاء زبون وعايز يشترى مثلا صابونة , ظهرة , زيت , بسكويت والخ يقوم صاحب الدكان بفتح الدكان بموجب طلب الزبون ودائما كنا بنصل صاحب الدكان فى بيتو و البيع للزبائن ما كان مكلف بيه شخص معين فى الاسرة , بل كل الاسرة كانوا يتعاملون مع الزبائن كل حسب ظروفه وتواجده بالمنزل عند حضور الزبون والكلام ده فى اثناء النهار , لكن بالامسيات الدكان بيكون مفتوح لفترة اقصاها 5 ساعات او 6 ساعات من 5مساء الى العاشرة مساء.

Quote: الأستاذة منى سلام القصيدة ماتلحنت، "وستها" كانت قرتها ولا لا والله أنا ما عارف وهذه رائعة الأخ بركات "مينا" قصيدة مينا - بركات بله – 1971 بلغة أهلنا الطيبين في الريف، وبلسان المحبوبة كانت هذه القصيدة التي أستعير فيها لسان حالها عندما أبلغت بخبر نقلي إلى مينا شرق مدينة سنجة أيام كنت معلماً بالمدارس الإبتدائية ياربي شيلنا نحنا وكضب الشينة وادينا الصبر لمتين يعود لينا ورفقاً بحبيباً ناقلنه لمينا ولطفاً بولوفاً كان بصابحنا وبماسينا ويا حليلو نقلوه الليلة لي مينا مالو فات الفريق ومسّخ ديارنا علينا وزي طفلاً رضيع بكت دموع عينينا وفي فقده العزيز منو البقدر يعزينا غيرك صبرك يا إلهنا ترضى وتقسمو لينا ويا حليلو نقلوه الليلة لي مينا لو داير بعيد عشان بالمال تعود لينا وتتغرب وحيد عشان تفرح ليالينا خليك قريب نحنا ناس القليل برضينا وما كان المال هدفنا ولا وراه جرينا ويا حليلو نقلوه الليلة لي مينا خلاص اتغرب انحنا عليك رضينا وفوق الغربة أخوان فيهم حنان والدينا قلوبنا معاك تلقى مناك وتعود لينا ويضمنا ليل ويجونا أحبابنا يهنونا ويا حليلو نقلوه الليلة لي مينا ومشينا هناك بعيد لي مينا شمال الفونج .. جلقني وشاشينا وشفنا قدر ما تشوف عينينا لكنو وين لي شباب "فداسينا" زولاً كان نظر برمينا وكان بسم بشيل قلوبنا يخلينا ويا حليلو نقلوه الليلة لي مينا • "فداسينا" : فداسي الحليماب بلد الشاعر