|
Re: لحـظـة مـن فضـلك! (Re: Mohamed Abdelgaleel)
|
Quote: دحين بقينا في الكوارييك والحقوني .. بخليك اما تخلي صلاح مصتفي يغني بالنيابة عنك " غلتان بعتذر |
"
شفت يا ود عبد الجليل الراجل ده بيعمل كيفن . هسه وينا الكواريك دي . يا أخي إنت ما سمعت بالاية ( وشاورهم في الأمر ) ( وأمرهم شورى بينهم ) . أنا هسه بشاورهم نعمل فيك شنو ؟ زولاً عايز تذبحني قرباناً للضيوف وأنا مو راجل دكتاتوري ميا بشاور إخواني ود عبد الجليل ورأفت علشان بعدينك ما يلوموني . هسه دي إسمها كواريك ، وبعدين كده شايفك عايز تجيبلنا صلاح مصطفى ده يغنيلنا في حفلة البنية ، شوف أنا عارف إنو صلاح ده قريبك وعايز تجيبو علشان مجان بس نحن في الزومي مو بنحب غنى البندر ولا فناننو نحن عايزين الفنان ود الزومي . أحسن تبطلنا حركاتك دي . ولا قول الرووووووووووووووووووووووووووووب . وأنا وإخواني ود عبد الجليل ورأفت ميا بنقوم باللازم بس قول الروووووووووووووووووووووووووب وخلي البنية تسمع . شوف خرخرتك دي خلت أختنا دينا فيصل تكتبلك شنو . بتقولك بالواضح كده كمان جيبلك خمسة ستة نياق علشان الجماعة القالتم ليك أها شد حيلك النياق ميا زادن .
| |
|
|
|
|
|
|
Re: لحـظـة مـن فضـلك! (Re: عماد محمود علي)
|
الأكرم محمد عبد الجليل
صباحك ورد إن شاء الله
Quote: منتظرنكم يا جماعة نشوفكم بقيتو على شنو .. QUOTE]
ميا الباقين عليهو يا ود عبد الجليل النياق بس ، كل شيء وضبناه الصيوان وجبناه والكروت بتاعت المعازيم ووزعناها، وجبنا الكراسي وفرشنا ميا الواطه بالرمل ورشيناها ميا بالمويي . ومحضرين الجزار وعملنالنا حظيرة كبيري علشان النياق بتاعين أبو بكر ديل والشيف سوينالو صيواناً كبير بالحيل وعملنالو فيهو مكيفات وحضرنالو ميا الخضروات والفواكهة وجبنالو البهارات وحجزنا ميا الرغيف من الفرن وحضرنالو الباسطي والجبني والزيتون ، وحضرنالو السكاكين والسواطير والمناقد والحلل والطوات والصحاني والمعالق والشكوك والافران والبوتوجازات كمان وأنابيب الغاز علشان لو ميا لو الحلل كترت عليهو يخت منهن في البوتوجاز يعني ما خلينالو شيء بس قول لأخونا داك يستعجلنا النياق والفنان وكل شيء جاهز تب .
Quote: لو جاطت .. قحمنا كتير بكفينا .. |
لا لا أخوي محمد مو بتجوط خالص بس ناقصنا النياق وميا الرجل بجيبن بجيبن ، وكمان الفنان حضرنالو صالوناً كبير وواسع هو والفرقي المعاهو دي . وكمان قلنا نساعد أخونا أبو بكر علشان ما يزوغلنا إشتريلانا ميا لاندكروزر جديد من الورقي موديل 2006 علشان نجيبو الفنان مساعده ميا منا لأخونا أبو بكر . أها يا ود عبد الجليل أمانتاً في ذمتك قصرنا معاه ؟!!! . أها يا أبو بكر أركز يا مان .
| |
|
|
|
|
|
|
Re: لحـظـة مـن فضـلك! (Re: عماد محمود علي)
|
Quote: وأنا وإخواني ود عبد الجليل ورأفت ميا بنقوم باللازم بس قول الروووووووووووووووووووووووووب وخلي البنية تسمع . شوف خرخرتك دي خلت أختنا دينا فيصل تكتبلك شنو . بتقولك بالواضح كده كمان جيبلك خمسة ستة نياق علشان الجماعة القالتم ليك أها شد حيلك النياق ميا زادن |
كدى سيبوا ده كله. نعل النية بيتم قريب من البحر والكمبيوتر غرق. ولا من لقى أحبابو؟
| |
|
|
|
|
|
|
Re: لحـظـة مـن فضـلك! (Re: عماد محمود علي)
|
Quote: ميا الباقين عليهو يا ود عبد الجليل النياق بس ، كل شيء وضبناه الصيوان وجبناه والكروت بتاعت المعازيم ووزعناها، وجبنا الكراسي وفرشنا ميا الواطه بالرمل ورشيناها ميا بالمويي . ومحضرين الجزار وعملنالنا حظيرة كبيري علشان النياق بتاعين أبو بكر ديل والشيف سوينالو صيواناً كبير بالحيل وعملنالو فيهو مكيفات وحضرنالو ميا الخضروات والفواكهة وجبنالو البهارات وحجزنا ميا الرغيف من الفرن وحضرنالو الباسطي والجبني والزيتون ، وحضرنالو السكاكين والسواطير والمناقد والحلل والطوات والصحاني والمعالق والشكوك والافران والبوتوجازات كمان وأنابيب الغاز علشان لو ميا لو الحلل كترت عليهو يخت منهن في البوتوجاز يعني ما خلينالو شيء بس قول لأخونا داك يستعجلنا النياق والفنان وكل شيء جاهز تب .
|
عماد/إنعام/أبوبكر/رأفت .. ياجماعة ده تبذير .. ما ممكن تكون الكرامة بسعر أكبر من سعر البيت .. وأنتو عارفين الكهرباء قاطعة .. يعني لازم نعيد النظر في الموضوع .. والحاجات بتنباع الأسعار زايده شديد أي حاجة سعره زايد .. وبرضو بنوفر حق المواصلات لأنو البنزين والجازولين زادوهن .. يعني ما بنخسر أي حاجة .. والباسطة ممكن تدوها النياق عشان يتنشطن وينباعن بسعر كويس .. والمكيفات رأفت بقبلن .. وبعد ما نقبض قريشاتن الجن من جاي وجاي .. يكون الخريف أنتهى والبحر أنحسر والجو بقى تمام .. وموترنا الخالي من الكلسترول بكفينا.
| |
|
|
|
|
|
|
Re: لحـظـة مـن فضـلك! (Re: Mohamed Abdelgaleel)
|
ناس البيت ازيـكم شـديد...مشتاقين شـوق ماليه حـد!
في جـوابي الصـغير ده.. دايرة افـولكم..قبال الكهرباء ماتقطـع... والهبوب ماتقـوم... والبحــر يكسر يغرق البيوت زي ماغرق كـتير في الكـلاكـلات وقتل الشـفع.. والباعـوضـة تزبـد زي زيادة السـكر والبنزين ..ولا كــمان ممكـن أكـتر دايرة أفـولكم .. أنـا مشـتاقة ليـكم شـوقا صـح..وفي بـالي دايما.. ويشهـد الله في سـماه علي كـلامي ده وكمان قلت لنفسي وبعـداك قررت.. الاجـازة الجـايةان كـان الله ادانـا العمـر نجـي فيها كـلنا سـوا.. ماشـفتوا لماتنا سـمحـة كيفن..
الـدور الفات حـدثتكم عن واحـدين وماحـدثتـكم عـن هـاله عبـد الحلين ولا عـن استاذ نبيل صـاحب الدعـوة وزوجـته اللطـيفة الجميلة رجـاء .. ولا عـن ياسـر عرمـان ونسته الظـريفة وصابر الحـلو وخنسـاء الوناسـة.. لكـن أسـة كـدي النحـدثـكم ـن لمة أمس.. كـانت حـلوة شـديـد.. احمد قاسـم وانعام وشـاهين وشـاذلي شـقاق..الزول ده اتاريه سـمح خـلاص! وناس وضـحاك وحـبوبة عـديل كـده.. مجموعـة حلوة شـدبـد... قيلنا سـوا واكـلنا وضـحكـنا كـتيييييير..
أقـول ليكـم كـلام?
نحنـا الليلة ماشـين نزور عم علي والـد احمـد قاسـم..هانشـرب شـاي بلبن مقنن معاهم واحـتمال نصـلي جماعة علشان بعـد الصـلاة نـدعي لربنا يحفظـنا كـلنـا ونقـول مع بعض آمـين.. وانـا باحب عم علي شـديـد...علي الرغـم مـن اني ما شـفته لسـه.. بس هـو زي أبـوي عـوض ...وزي أبو أي واحـد فينا هنـا..فيهو البركـة والطـيبة .. أحكـي ليكم بكـره ان شـاء الله...
ياربي ابو بكـر رجـع مـن الإجازة?
وهميم ده مالو واحـمد الشـايقي طـولو الغياب? نعلهم طـيبين..
وود حمـزة فات مارجـع ..إن شـالله خـير
انشـالله دايما طـيبين وحاضـرين ...
واصــلوا ونحنا بنواصـل..
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
Quote: الاجـازة الجـايةان كـان الله ادانـا العمـر نجـي فيها كـلنا سـوا.. ماشـفتوا لماتنا سـمحـة كيفن.. |
صفقوا معي جميعاً لهذه الأمنية .. التي أؤمن عليها بشده وأنا العائد بالأمس القريب من بلد المليون ميل مربع ..
ودعوني أدعو وأمنوا معي جميعاً أن يجعل المولى عز وجل من بلدنا الحبيب رمزاً للعالم أجمع .. سودان نختلف فيه ونأتلف على كل شيء إلا حبه الضارب في أعماق جذورنا جميعاً ...
أن يجد كل ذي حق حقه ... أن يعرف الوطن قيمة مبدعيه الحقيقيون .. من عملموا الفقرا الكلام .. ناس محي الذي تمكنت ولا أدري كيف من زيارته ... والفيتوري وتاج السر ... والطيب صالح وهاشم صديق والزبير سعيد وحسن ساتي وبقية العقد الفريد ...
أن يدرك العالم كله أن محمد الحسن حميد الذي شرفني الله بزيارته إنسان سوداني بسيط وربما يملك من الإيمان بالله عز وجل هذا (الحمّيد العجيب) ما يكفي أمة بحالها ...
صدقوني جميعاً وأنا شاهد عيان حتى يوم السبت 26/08/2006م أن وطننا موعود بالخير ... وتسلمي يا منى .. وأنا لم أحظ برؤيتك حتى اليوم ....
وكدي الآخد نفس وبكره بجيكوا راجع ...
مع خالص حبي وامتناني جميعاً.. من سأل عني ولم يسأل ... وتحية خاصة جداً لهذا الرجل الشامخ/ محمد عبد الجليل .. الذي فاجأني حميد بأنه كان يهاتفه الخميس ...
ولا أدري لماذا أتذكر الآن أغنية ود الشيخ كلمات ولحناً وأداءاً ... البلد كيفنها ....
مع خالص حبي ...
| |
|
|
|
|
|
|
Re: لحـظـة مـن فضـلك! (Re: إدريس محمد إبراهيم)
|
Quote: صفقوا معي جميعاً لهذه الأمنية .. التي أؤمن عليها بشده وأنا العائد بالأمس القريب من بلد المليون ميل مربع .. |
الرجل الأنيق إدريس
مساءك كله حب وود
ألف حمد لله على السلامة يا غالي ، عوداً حميداً مستطاب ، بس يا أخي طولت علينا الغياب وكتبناك غايب وودينا اللستة إلى ست الكل منى خوجلي بس هي أدتك أعفاء من الغياب وقالت الراجل عذره معاهو ، يا أخي السودان مليان محلات انترنيت يعني بس بخل منك ساي .
Quote: وكدي الآخد نفس وبكره بجيكوا راجع ... |
يا أخوي بكره بعيده تعال هسه نحن منتظرنك ، تعال .
| |
|
|
|
|
|
|
Re: لحـظـة مـن فضـلك! (Re: Muna Khugali)
|
Quote: ياربي ابو بكـر رجـع مـن الإجازة? |
ايووووووووووووووي يووووووووووووووووي يووووووووووووووووووووي ، أبشروا بالخير يا أحباب أبو بكر نزل إجازة للصومال علشان يجيبلنا النياق ، أنا ما قتلكم الراجل ده جعلي تب !! تسلم يا أبو بكر بس بالله ما تطول الغياب وتعملها نزهه إنت ماشي تجيب النياق وترجع ، علشان البنية قالت الحفلة جاهزة والشيف بس منتظر النياق ، كده سرع وأرجع سريع والبنية مستجعلة تب على الحفلي ومنتظراك بفارق الصبر مو شايف كلاما هنا ، ميا بتسأل كان رجعت ولا لس . أها منتظرنك مجهزنلك الزريبي الكبيري للنياق ميا عارف إنك جايبن كتتتتتتار .
| |
|
|
|
|
|
|
Re: لحـظـة مـن فضـلك! (Re: Mohamed Abdelgaleel)
|
ود عبد الجليل .... سلام
Quote: عماد/إنعام/أبوبكر/رأفت .. ياجماعة ده تبذير |
لا لا يا ود عبد الجليل ده مو تبزير ، نحن بنحتفل بالبنية ست البوست وفرحانين ببنيتنا دي تب وأبو بكر مو بقصر ميا جيبو مليان .
Quote: ما ممكن تكون الكرامة بسعر أكبر من سعر البيت |
مو مشكلي يا ود عبد الجليل أبو بكر ميا قال لازم نحتفل بالبنية مهما كلفنا أمرها ، وقال هو مستعد لو يبيع البيت الساكن فيهو زاتو علشان يعملها حفل تليق بيها ، ميا كلامو صًح لازم نعمل حفلي تتكلم عليها الزومي كلها.
Quote: وأنتو عارفين الكهرباء قاطعة .. يعني لازم نعيد النظر في الموضوع |
لا لا مافي إعادة نظر أخوي ، الكهربي دي أبو بكر قال عامل حسابها تب ، قال بجيبلنا معاهو من البندر جنليتر كبييير ، والجاز قال جايبو في ترلي ، يعني مو مشكلة ، الله يخلينا أبو بكر رجل من صلب رجل .
Quote: والحاجات بتنباع الأسعار زايده شديد أي حاجة سعره زايد |
ما تخاف يا أخوي أبو بكر عامل حسابو تب سحب رصيدو الفي البنك كلو وحلف حرم يتم الحفلي ولو باع بيتو زاتو . مابيهمو الجعلي الحاجات أسعارها تزيد ولا تنعدم حتى .
Quote: وبرضو بنوفر حق المواصلات لأنو البنزين والجازولين زادوهن |
لا لا ود عبد الجليل الجازولين والبنزين ديل ميا جايين في التريلي من البندر ترلي مليانه تب .
Quote: والباسطة ممكن تدوها النياق عشان يتنشطن وينباعن بسعر كويس |
لا لا نياق أبو بكر ديل ما بياكلن باسطي بياكلن تميز ، وأبو بكر جايب معاهن تميز بالشوالات في قندراني كبيييير ، الباسطي مخلنها لزوم التحليي مع الفواكهة للمعازيم . وبعدين نبيع النياق كيفن عاد ، أتلومت يا أخوي ، إنت عايز أبو بكر يزعل مننا ؟ يا أخوي نحن مو بنرضى زعلو تب . قال نبيعن قال . أمانا ما إتلومت . الراجل مسافرلهن بلاد وبلاد علشان يجيبن تقولي نبيعن !!!! .
Quote: والمكيفات رأفت بقبلن |
عاد كيفن ده عايزنا نقعد الناس في الحر الشديد ده من غير مكيفات ؟ نحن قلنالك أبو بكر قال عايزها حفلي مو حصلت في الزومي تب ولا حتى في البندر !! تقولي ندي المكيفات لرأفت ؟ ميا ممكن نديهن ليهو بس بعد الحفلي ما تخلص والمعازيم يرجعوا وأبو بكر يسافر بالسلامة علشان هو ما بتحمل الحر تب .
أها يا أخوانا أبو بكر رجع ولا لسه ؟
| |
|
|
|
|
|
|
Re: لحـظـة مـن فضـلك! (Re: عماد محمود علي)
|
Quote: صفقوا معي جميعاً لهذه الأمنية .. التي أؤمن عليها بشده وأنا العائد بالأمس القريب من بلد المليون ميل مربع ..
ودعوني أدعو وأمنوا معي جميعاً أن يجعل المولى عز وجل من بلدنا الحبيب رمزاً للعالم أجمع .. سودان نختلف فيه ونأتلف على كل شيء إلا حبه الضارب في أعماق جذورنا جميعاً ... |
الأخ .. العزيز إدريس .. حمداً لله على السلامة .. كتبتلك في البوست قلت ليك حاجزلك مقعد في الصالحية .. أتاريك في السودان ما جايب خبر من ليلة شعرية .. لليلة قمرية .. جماعتك هنا رأفت ومنى وعماد وأبوبكر ماخدين راحة من السياسة والكلام العجين .. وعندهن موضوع كرامة كبيرة في كريمة .. حاولنا نثنيهم عنها تقديرا للظروف التاريخية التي تمر بها الأمة السودانية .. لكين أقرأ مداخلة عماد الأخيرة دي وشوف الناس ديل وصلوا وين؟!
لكين واضح أنك كشاعر مازلت تحت تأثير شارع النيل والناس الجميلين واللقاء بالأخ الشاعر حميد :
وطنا حبيبنا رغم البيك هي الأشواق ..
ورجعت تتكلم زي كلام الروادي والجرايد والتلفزين (وحبه الضارب في أعماق جذورناجميعاً).. يازول الناس في شنو والحسانية في شنو .. نحنا عندنا كرامي في كريمي .. أكرب بطنك وأدفع عدلك ما تقول لي أنا جاي من إجازة وانتو عارفين ظروف السودان .. وكان ما عندك بدينك .. أنا شايف أخوي عماد ده قدر ما حاولنا نقنعو ونقول ليهو المسألة دي تبذير لكنو يعوس في عوسو وزايد .. فقبل ما تكلمنا عن السودان والشاي التقيل والتبغ المحلى والشعر الجميل .. قولنا رأيك في الكرامي دي.
| |
|
|
|
|
|
|
Re: لحـظـة مـن فضـلك! (Re: رأفت ميلاد)
|
عزيزي رأفت
مساء الخير
Quote: شـايف ياعماد الزولة جات تممت وسألت من ناساتا لا سـيرتك لا سـيرتى |
يا رأفت يا أخوي مالك عائز تقلب علي المواجع ، أنا قلبي مكسور عديل كده ، والألم دافنو في بطينتي دي وساكت والجرح قرب يطيب مالك جاي تاني وفاتحو وخليتو ينزف من جديد . معليش يا رأفت نعمل شنو البنية بنيتنا وحبها بيملأ قلوبنا وما بنقدر على فراقها مهما عملت فينا ، خلاص أنا ح أتضامن معاك وح أعتصم حتى ترجع منى وتسأل عنك وإلا ح انتظرها ترجع وأسلمها مفتاح بيتا ده وأهج من غير عودته لأنني ما هاين علي أسيب البيت وستو مو موجودة، أها رايك شنو؟! ده بس علشان يا رأفت !! ، أما أنا فما مشكلة حتى لو هي ما ذكرتني ولا إفتقدتني بشيل زعلي في جواي وبسكت علشان ودها عندي غير ..... ويمكن يوم هي تحس بي .
Quote: أنا هين لكلن إنت الطلعت شـايقى درجة تانية |
لا لا يا رأفت يا أخوي إنت ومووب هين ولا حاجة أنا البهون بس إنت لا لا ودرجة تاني دي بس خليها في سرك ميا البنية العملتها فيني . والله يسامحك يا منو كده تزعلينا رأفت وما تسألي عليهو دي ما عوايدك يا منينه .
Quote: اللقى أحبابو ناس حيموره ديل مراكز قوى |
تقول شنو بس يا رأفت مشيتها السودان دي جابت لينا الهوى ، شالتها مننا عديل كده ، وناس حيمورة ديل الله يديهم العافية رغم إنهم أخذوها مننا لكنهم مونسها لينا علشان ما تزهج البنية ومفرقين عليها وعليهم من قرف السودان وإنقطاع الموية والكهرباء وزيادة الأسعار وووووووو. ... الخ . ومعليش خلينا نحن الكبار ولازم نتحملهم ( منى وإنعام ) ميا هم ناسنا برضو ومصيرهم يوم يتذكرونا ، نحن يا رأفت يا أخوي الظاهر علينا اقزام فالاقزام لا تظهر أمام العمالقة وهم تفقدوا العمالقة ولم ينتبهوا للاقزام تحتهم . معليش حقك علي أنا وأمسحها في وجهي .
بس إنت كمان يا أخوي شايفك كده مختفي ليك زمن ناسينا خالص خالص وخالي أبو بكر ده يتفسح فيني جنس تفسح ، المهم أنا كنت زعلان لغيابك ده وهسه سماح ومعليش سامحهم منى وإنعام فهم أناس يستحقوا السماح .
| |
|
|
|
|
|
|
Re: لحـظـة مـن فضـلك! (Re: Muna Khugali)
|
الاعزاء
والله مشتاقين ليكم كلكلم في السودان ... وياريت الاجازة الجاية كلكلم تكونوا حضور ... فكرة (التنسيق ) دي عجبتني ... والله حا نحتفل بيكم احتفال بس تعالوا نحن قاعدين منتظرنكم ....
| |
|
|
|
|
|
|
Re: لحـظـة مـن فضـلك! (Re: انعام حيمورة)
|
Quote: والله مشتاقين ليكم كلكلم في السودان |
وشوقنا ليك محيط .
Quote: وياريت الاجازة الجاية كلكلم تكونوا حضور |
آآآآآمييييين يا رب العالمين.
Quote: والله حا نحتفل بيكم احتفال بس تعالوا نحن قاعدين منتظرنكم |
أصيلة يا بنت حيمورة ، ويكفي لقاءك فهو في حد ذاته إحتفالاً عندنا .
| |
|
|
|
|
|
|
Re: لحـظـة مـن فضـلك! (Re: عماد محمود علي)
|
رأفت ميلا
صباح الخير
يا أخوي إنتظرني ما تمشي خلينا نمشي سوى ، البنية جاية خلينا نديها مفاتيحها وبعدين نمشي مع بعض ، هسه لو كان أبو بكر ده موجود كنا أديناه المفاتيح بس عيب يا رأفت نسيب البيت كده من غير راجل يحرسه ، ولا مش كده ، تعال راجع .
| |
|
|
|
|
|
|
Re: لحـظـة مـن فضـلك! (Re: عماد محمود علي)
|
تعرف عماد ياخوى المفارقات نحن حارسـين بيتها المنور هنا وهى قاعدة فى الضلمة هناك وبرضه بغرانين شـوف الحالة
سـمعت بالإشترى ليه عربية مارسيدس وركب ليها مكنة هاي لوكس بقى عليه المثل الخيل تجقلب والبغلة فى الإبريق حكم
| |
|
|
|
|
|
|
Re: لحـظـة مـن فضـلك! (Re: Muna Khugali)
|
الاخ رافت ميلاد ...
مبروك نلت شرف الصفحة السابعة عشر كما نالت انعام عبد الحفيظ شرف السادسة عشر ومبروك علينا كلنا ....
قربت تجي انتظروا بس !!!!!!!!!!!!
| |
|
|
|
|
|
|
Re: لحـظـة مـن فضـلك! (Re: انعام حيمورة)
|
آخر خبر يا ناس الجماعه في السودان سهرانين مع سيف الجامعه ..وحتى الصباح..والوصيهيا منى خوجلي ... وتعبت أبحث ...المهداه للأستاذ سيف
آهه قصرت معاكم يا خوانا .. بالله لقيتوني كيف ما شقي .. شقي من الشايجيه .. والسناجك ديل أهل غنا تب ..
والطبيعه السحره لها القدح المعلا .. أمانه ياسودان مافيك سحر ...
| |
|
|
|
|
|
|
Re: لحـظـة مـن فضـلك! (Re: إدريس محمد إبراهيم)
|
أخي الكريم إدريس محمد
بصراحة كده شفتنه ما بعدها شفتنه جبتها ضقلها يكركب ، وما قصرت تب صحيح جنى شايقيي . بس خيلك معانا علشان نتعلم منك الشفتنة والشقاوة دي ، قلت لي سيف الجامعة كمان ، ونحن الراجنها شنو . الجماعة متفسحين ونحن بي هنا شقيانين .
| |
|
|
|
|
|
|
Re: لحـظـة مـن فضـلك! (Re: عماد محمود علي)
|
يا رأفت يا أخوي صاحبك أبو بكر ده شايفو إختفى خلاااااص ، يا أخوي قول ليهو مو دايرن نياقك ديل إن كان ديل بيشردنك ، وما قال جعلي دحن الخرخرة دي شنو ؟ يا زول تعالنا بي نفسك إنت معزوم ذي المعازيم ديل مو دايرين منك شيتاً ، واشريري شرد فريد شريدي من ما قالولوا جيب النياق ، خلاص مو دايرينهن بس أظهر وبان عليك الأمان .
| |
|
|
|
|
|
|
Re: لحـظـة مـن فضـلك! (Re: عماد محمود علي)
|
أولا ازيـكم كـلكم ...وتكـونوا يارب دايما طـيبين... أنـا اسـة مشيت حـضـرت محاكـمة الجماعة المقبوضـين مـن امس فيما يسـمي 'بالشـغب'.. طـبعا المقبوض عليهم تم تقسـيمهم في عـدد من قاعات المحاكمات.. المحاكـمات مفتوحـة .. في واحـدة من المجاكمات تأجـلت بسبب غياب الشـاكي..وعليهم الحضـور يوم السبت 2 /9 وفي محكـمة أخـري... برأت مجموعـة... وأدينت مجمـوعة أخـري وحكم عليهم بغرامة 300 ألف لكـل منهم.... وفي حـالة عـدم الدفـع حبس لمـدة شـهر..
وهنـاك حمـلة لـدفـع الغرافـة عـن الذين لم تتمكـن اسـرهم من جمـع المبلغ..
نـواصـل...
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
ويـدافـع عـدد كبير مـن المحـامين عـن المتهمين في أحـداث الشـغب..
رأيتهم...
متهمين.. وهيئات دفـاع.... واهل المتهمين وغيرهم... ورأيت السـودان فيهم شـامخا رغـم الظـروف المقيتة والقهـر المتعمـد! كـان قـد أطـلق سـراح 75 شـخصـا بينهم ثلاثـة نسـاء أمس ليلا بضـمان.. بـدأت محاكمتهم ضـحـوية اليـوم... وبوليس الطـوارئ يقف صـفا مقفولا أمام المبني والخـوذات ... والعصـا لمن عصـي!
ولكـنهم كـانوا أضـعف!
ونـواصـل..
مـن
| |
|
|
|
|
|
|
Re: لحـظـة مـن فضـلك! (Re: Muna Khugali)
|
منى وضيوفها
سلامات ومشتاقين يا ناس كلكم الاصدقاء والأصحاب والخلص والمناقشين والمناكفين وكل التصنيفات
منى محظوظة راحت لقت اغسطس كله أحداث, مافي شئ ما انتظرها في الخرطوم , ماعدا ظروف لقاءات لم تكتمل, المهم هي فرصـة للتدوين لا شئ يفوتك يا منى
الفيضان الامطار الخريف البوصيري الزيادات والاحتجاجات والبورداب دا كله كوم والاستاذة منال كوم تاني,
كوني بالاف الخيرات,
أحمـد الشايقي
| |
|
|
|
|
|
|
Re: لحـظـة مـن فضـلك! (Re: أحمد الشايقي)
|
ازيـك يا أحمـد..
أنـا الليـلة شـفت مصـطـفي قـاعـد في عيـون محمـد حـسن... وجـون وبابكـر ويحي .. وعشـت تفاصـيل غضـب.. وحـب للوطـن مـع طـلبة وعمـال ومحـامين.. ومـع شـمس أغسطس وعـرقه..
مصطـفي إبتسـم ولم يعطني وعـدا.. ثـم اتسعت إبتسـامته فخـفق قلبي.. وخـرجـت مـن المحكـمـة مطـمئنـة!
نواصـل..
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
Quote: ويـدافـع عـدد كبير مـن المحـامين عـن المتهمين في أحـداث الشـغب.. |
المتهمين في أحـداث الشـغب
هم قبضوهم فى دار الرياضة أمدرمان ولا شنو يا منى
| |
|
|
|
|
|
|
Re: لحـظـة مـن فضـلك! (Re: Muna Khugali)
|
السلام عليكم ورحمة الله وبركاته يا مني خوجلي انا راجيك عشان اسلم عليك والومك في الترحيب بي لقيتك سافرت السودان كلو يوم اقعد اتاوك ياربي بت عمتي دى قاعدة وين
كان مشيتي البلد سلمي عليهم كلهم من الكرو لي مقاشي
منعم
| |
|
|
|
|
|
|
Re: لحـظـة مـن فضـلك! (Re: عبدالمنعم الرزوقي)
|
عزيزي رأفت
حمد لله على السلامة ، وصوت العقل يعلو ولا يعلى عليه . أهلاً عزيزي .
أخي عبد المنعم الرزوفي
أهلاُ وسهلاًً بك عزيزي في بيت بنت عمتك ووينك يا راجل طول هذه المدة البنية قربت ترجع ، أبقى معنا لنرحب بها عند عودتها وأمثال بنت عمتك لا تلام عزيزي .
العزيزة منى
حمد لله على سلامة الرجوع رغم إنقطاع الكهرباء وغيره ، ومتى الرجوع لبريطانيا . أشواقي لك ولآية .
| |
|
|
|
|
|
|
Re: لحـظـة مـن فضـلك! (Re: إدريس محمد إبراهيم)
|
كيف حالكن أيها الصحاب .. والله ليكن وحشة .. والسودان في زمان الزلزلة .. ناس في الحكم وناس في المحاكم وناس تقول (عصينا عصينا وشيلنا عصينا) .. وناس تاكل في صمت .. وناس تاكل طالع نازل وتحتقر الناس الماكولة أمانة مي قوة عين .. وفي ناس كمان تحلم بأن الصبح لابد سينبلج بدون ما يحركوا ساكن .. سوادني بليدنا وكلنا أخوان .. سوداني بليدنايييه.
| |
|
|
|
|
|
|
Re: لحـظـة مـن فضـلك! (Re: عماد محمود علي)
|
سـلامات يا أحـبة...
معليش هـذا للسـلام فقط..والتطـمـين...
أنـا كـويسـة وبحـضـر المحاكـمات وبجـيكم راجـعة باكـر العصـر كـان الله مـد في أعمـارنـا...
نـواصل....
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
Quote: سـلامات يا أحـبة... |
يا هلا وغلا يا حبيبة .
الحمد لله طمئنتيناعليك . وآية كيف عاملة .
Quote: وبحـضـر المحاكـمات |
يا ساتر ، ديري بالك على نفسك فليس كل مره تسلم الجره .
Quote: وبجـيكم راجـعة باكـر العصـر |
يا رب تجيب العصر ده على خير ، وفي إنتظارك سيدتي .
Quote: كـان الله مـد في أعمـارنـا... |
العمر المديد لك عزيزتي .
| |
|
|
|
|
|
|
Re: لحـظـة مـن فضـلك! (Re: عماد محمود علي)
|
إخواني وأخواتي الأحباء
مساءكم عسل زيكم كده
الاخت الفضلى منى تبلغكم جميعاً عاطر التحايا وتشكركم على البقاء على دارها مفتوحة في فترة غيابها وشكر خاص منها للأخوة ، ود عبد الجليل ، ورأفت ، وأبي ، وأحمد الشايقي .
ولأول مرة يا أحمد الشايقي أعلم أنك بالسعودية وفي الرياض كمان ، علمت ذلك من الأخت منى ، أرجو إرسال رقم هاتفك للاتصال بك ومنى بتبلغك سلام خاص جداً . تحياتي لكم جميعاً.
| |
|
|
|
|
|
|
Re: لحـظـة مـن فضـلك! (Re: محمد جمعه جوده)
|
أخي العزيز محمد جودة
صباح الخير يا راقي
المسلسل ده مخرجه شرد عديل من يوم ما قلنا ليهو جيب لينا نياق عشان عايزين نعمل كرامة للمسلسل ومن يومها والمخرج ( أبو بكر ) شرد وما عارفين ليهو طريق وهسه بندور عليهو لان السيناريو معاهو .
بالنسبة للممثلين ما تخاف موجدين تب : شخصي الضعيف ، ود عبد الجليل ، إنعام ( عبد الحفيظ ، حيمورة ) والممثل القدير رأفت ميلاد موجود كمان والكوميديان سعد أيضاً قاعد منتظر دوره في المسلسل والممثل الكبير أحمد الشايقي يشغل أغلب حلقات المسلسل والبقية فيهم الخير والبركة ، بس ذي ما قلت ليك صاحبنا المخرج هاااااااااااااااااااااارب .
| |
|
|
|
|
|
|
Re: لحـظـة مـن فضـلك! (Re: عماد محمود علي)
|
الاخ - عماد .. تحياتي طبعاً البناء توقف بسبب الأمطار والسيول والفيضان وصدور قرار الأمم المتحدة بالتدخل في دارفور وزيادة السكر والبنزين وبدء بروفة إحتجاج جماهير فقراء الخرطوم ومحاكمات قادتها .. أبوبكر يكون أنتقل من تدبير أمر النوق إلى الهموم الكبرى .. رياح التغيير بدأت عاصفة مثل نيل هذا العام .. نذر لا يمكن التنبؤ بما ستؤول إليه ..
| |
|
|
|
|
|
|
Re: لحـظـة مـن فضـلك! (Re: Muna Khugali)
|
لحظة من فضلك!!!!!!!!!!!!!!!!!!
عن نفسي ... قاعدة بصبح وبمسي وبضهر (دي من ضهر) على منى خوجلي ومبسوطين بيها شديد ...
ولامة الشمل يديها العافية ويخليها يارب
انعام1
| |
|
|
|
|
|
|
Re: لحـظـة مـن فضـلك! (Re: أحمد الشايقي)
|
الاستاذه منى
انت احمد الشايقي ده بيهضرب و لا شنو .........
انا و الفيضان و اغسطس بقينا في رف واحد !!!!!!!!!!
بكره ستسفر و تنور .........
غايتو جهزنا المركوب الاحمر و الجلابية الانصارية
عشان ما يعمل فيناالانصار زي ما عملوا في الافندية ........
الوداع الى حين .........
فيها نتشاوف و الله اعلم بكرة مرجي شنو ..........
| |
|
|
|
|
|
|
Re: لحـظـة مـن فضـلك! (Re: sadiq elbusairy)
|
سـلام خـياتي.. خـياني
وسـلام خاص لعبـد المنعم ومعليش عسان مارحـبت لبك ترحـب ببك هنـا ترحـيب كـبير..ومرحـب بود لحمي ودمي وان شـاء الله تكون دايما بينا.. والسـلام كمان لود جودة ولما أرجـع ان شـاء الله هأعمـل ليـك مسلسل رهـيب تكون أنت فيه البطل تكتب كـلامك وتنفـذ أغعالك بالشـكـل الذي تريـد... وكمان ترتب الحـوار... فتصـير بـذلك المؤلف والمخـرج والسيناريست والبطـل.... وسـاعتها أسـحب أنـا ماقلته (هأعمـل ليـك مسلسل)... وأكتفي بالأدوار الثانوية التي أعشـقها..كـويس? ومرحـب بك...
وينو أبوبكـر?
أظـنو رجـع من الإجـازة لقي الشـغل مردم منتظـره?
وبركـة إطـمئنينـا ليك ود حمـزة
نواصـل
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
والذي حـضـر محاكمات ال75 المقبوض عليهم في أحـداث ماســمي بالشـغب ومن مناطـق ممختلفة وفي حـالة سـلمية تامة.. لا يملك الا ان يقـول حـسـبي الله ونعم الوكيـل... ليس مـن دليل لكـن حكـم القـوي علي الضـعيف في البلاغات وفي فتحـها .. وبين شـهـود يخـافـون اسـم الله وآخـرين لا يعرفـوا الله .. وقاضي يكم بالبراءة لعـدم وجـود دليـل وآخـريـدين بـدون دليـل.. وبين طـلبة قرين مازالوا قي قلبها..بين نظـرات صـامـدة في قـوة واخـري تنظـر,,,وأخـري تستغرب سـبب وجـودها في المحكمـة...وعـدد من هيئة الدفـاع في كـل جـلسـة يصـل وربما يـزيـد عـن عـدد المتهمين.. بين كـل هـؤلاء وآخـرين كـان حـضـوري..وميلاد مشـاعر ظـننتها لن تـشـتعل من في دواخـلي جـديـد ..
نواصـل...
مـني
| |
|
|
|
|
|
|
Re: لحـظـة مـن فضـلك! (Re: عماد محمود علي)
|
قصدي هو ان الاجابة علي سؤالها موجود في كتب التاريخ حيث تحدثنا دايما عن مصير النظم الظالمة لشعوبها وهو بكل بساطة يكون الي زوال فدولة الظلم ساعة او كما قالوا
لك ودي
احمد
| |
|
|
|
|
|
|
Re: لحـظـة مـن فضـلك! (Re: Ahmed Hamza)
|
رأيته يقف في الشـارع حـاملا حـقيبته السـوداء..رفعت له يـدي مـن داخـل العربة في حماس يشـبه حماس ايام الانتفاضـة..ردالسلام بضـحـكة في العينين وابتسـامة أعلي مـن أي قامة.. كنت علي استعجـال فلم أقف له...لم أكـن أعـرف اسـمه ولم نتقابل غير مرتين في محـاكمات 'الشـغب'.. لا يهمـني اسـمه لأعـرفـه.. تكفيني مـواقفه الوطـنيه..تكفيني شـجـاعته وهـو في داخـل قفص الاتهام .. تكفيني نظـراته الثابتة..ويكفيني أنه سـوداني حي الفـؤاد والكـرامة.. لأعـرفه وأحـسـه قريبـا..
ونواصـل..
مني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
جـاء دور الشاهـد الأول...شـاب صـغير في العشـرينات من عمـره.. قميصـه أبيض قـديم وكـذلك بنطـلونه البني...شـعره محـلوق بشـكل أبرز عظـام وجـه ليعطـي صـورة أعمـق بنحـافته.. بـدت نظـراته متحـفـزة لشـر.... كـأنه يسـتعـد لـدور قاسـي يحتاج الي قسـوة تعابير الوجـه.. أمـره القاضـي ان يقسـم علي كتاب الله الكـريـم..ففعـل وهـو يرخـي جـفـونه علي عيـونه ثـم يرفع وجـه وينظـر بعيـدا..
سـأله القاضـي..
شـايف المتهمين?
أيـوه مولانا..
إنت قبضـت عليهم?
أيـوة..
قبضـت عليهم في المظاهـرات?
اي و ه..
لاحـظ القاضـي تردده فقـال...
إتـذكـر..
انت حـلفت علي كـتاب الله...
الناس ديل إنت قبضـت عليهم?
ظـهر خـوف وتردد ثـم قرار داخـلي لنفسـه بأن لا يكـذب... فغضب الله أكـبر! رفـع صـوته وكفه الأيمن لينفي...
أبـدا مولانـا... الناس ديل جـابوهم مقبوض عليهم... وقالوا لينا شـيلوهم في العـربية...
نـواصـل...
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
يتجـمع كثير من السـودانيين بالمشرحـة بكـوبر حـيث يرقـد جثمان طـه.. لا حـول ولا قـوة الا بالله..فالذبح وصـل السـودان.. أي بشـاعة هـذه واي فتنة هـي?
سـيكـون الدفـن كما قيل لي مساء اليـوم!
نواصـل...
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
يتجـمع كثير من السـودانيين بالمشرحـة بكـوبر حـيث يرقـد جثمان طـه.. لا حـول ولا قـوة الا بالله..فالذبح وصـل السـودان.. أي بشـاعة هـذه واي فتنة هـي?
سـيكـون الدفـن كما قيل لي مساء اليـوم!
نواصـل...
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
الـرائـعـة مــنـي
ثـقـافـة الـزبـح صـنـاعـة الـهـوس والـتطـرف الـديـنـي والـجـهـوى الـذى اتـحـفـتـنـا بـه هـذه الـحـكـومــة مـنـذ نـعـومـة اظــافـرهـا
ولايـخـفـي عـلـيـنـا تـطـور اسـلـوب الـعـنـف بـدايـة بالـخـلـيـفـي صـنـاعـتـهـم وانـتـهـاء بـزبـح الـزمــيـل الـشـهـيد مـحـمـد طــه مـحـمـد احـمــد
نســال الله لـه الـرحـمـة
ولـلـسـودان الـعــافـيـة
| |
|
|
|
|
|
|
Re: لحـظـة مـن فضـلك! (Re: عبدالمنعم الرزوقي)
|
Quote: رأيته يقف في الشـارع حـاملا حـقيبته السـوداء..رفعت له يـدي مـن داخـل العربة في حماس يشـبه حماس ايام الانتفاضـة..ردالسلام بضـحـكة في العينين وابتسـامة أعلي مـن أي قامة.. كنت علي استعجـال فلم أقف له...لم أكـن أعـرف اسـمه ولم نتقابل غير مرتين في محـاكمات 'الشـغب'.. لا يهمـني اسـمه لأعـرفـه.. تكفيني مـواقفه الوطـنيه..تكفيني شـجـاعته وهـو في داخـل قفص الاتهام .. تكفيني نظـراته الثابتة..ويكفيني أنه سـوداني حي الفـؤاد والكـرامة.. لأعـرفه وأحـسـه قريبـا.. |
إنهم يصنعون الحياة والتاريخ ومعنى أن نعيش وننتصر ..
| |
|
|
|
|
|
|
Re: لحـظـة مـن فضـلك! (Re: Muna Khugali)
|
أخـواتنا وأخوانا جميعكم
عندنا ليكـم خبـر هـام (فترقبوه )
في الضـريـح وفي حضـرة المغفور له بإذن الله , ابونا الخليفة عـوض خوجلي,
عندنا ختمة قرآن وبروح المحبة حضـرة مولـد طالما تعشقه أبونا الخليفة بالصـلاة على النبي المصطفى,
وقراءة المنبهجـة والتلطف في الذكر والمدح الموشـح بأهازيج العشق الالهي مع سيدي محي الدين بن العربي,
وسنختم بالنور البراق في مدح النبي المصداق, والدعوات الصالحات, لكل الحاضرين بأن يحقق الله سؤلهم جميعاً . كلكم حضـور والـ ما بقرا يتبرك ويكرم الحاضرين جميعا
(طبعا الشاي واللقيمات وشاي القرفـة للمادحين على بت الخليفـة ) وعندنا أناشيد التغزل الباذخـة.
طبعا دا من الوفاء البخلي الابن والبنت تحقق مقام صلاح الذريـة ومن الصدقة الجارية والرزق المقســوم للأموات في برزخـهـم إلى يوم يبعثون. دعـوة خاصـة للصـديق الحبيب رأفـت , مجتمعاتنا كلها مجتمعات محبـة , وهـو يثـق في ذلك,
لانه رأفت منا ونحن من رأفـت. يا أحباب ونلتقي
أحمـد الشايقي
| |
|
|
|
|
|
|
Re: لحـظـة مـن فضـلك! (Re: أحمد الشايقي)
|
سـلام مبارك مـن الخـرطـوم المباركـة بالكثير مـن أهـلها...اهـديـه لقلوبكم الطـيبة..
بين المحاكمات...مقتل طـه...حـولية الخـليفة و لقاء البورداب... حكـابات تملأ القلب أسـي ..ورجـاء.. غضـب.. وفرح..وتعب القلب من تنـازع المشاعر.. وإصـرارهـا علي أن تحـتله... واصـرارنـا نحـن علي أن نسـمح فقط للفرح والتفاؤل ان يعشش في القلوب...
اليـوم قضـيت يـوما بائسـا في محكـمة الخـرطـوم شـمال حيث تجـري المحاكمات..
وربما يـجـب علي في البـدء... أن اتحـدث عـن مجمـوعة كـبيرة مـن الأسـاتذة المحاميـن والأسـتاذات المحاميات..وقفـوا جميعا وفرغـوا انفـسهم تماما للـدفاع عـن المتهمين والمتهمات..تاركـين مصـالحـهم الخـاصـة.. وكـلهم حـب وولاء للوطـن..وتفرغـوا دون تردد او اصطـفاء لأي متهم... فالكـل تسـاوي عنـدهم والكـل كـان السـودان!
حـفظـهم الله... فهم اشـرافات الوطـن التي تهل فجـآة فتريح النفس وهـي تقول الوطـن جميل... وتحت كـل حجـر زرعـة تشـق الطـريق بنبتها الواثق..ولا استعجـال..
ونواصـل..
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
وقف الفاضـل الأسـتاذ نبيل أديب يـدافـع عن المتهمين في احـداث الجـامعة.. والتي قبض علي معظـم أفرادها اما من أمام الجـامعة... او من امـاكن أخـري ..مثل القبة الخـضـراء ..
ومـع الأسـتاذ نبيل مجمـوعة كـبيرة العـدد من المحاميـن والمحاميات... ملئوا قاعة المحكـمة.. فقرر القاضـي أن يأمـر بخـروج العـديـد مـن المواطـنين مـنها..
فالنحـي الأسـتاذ الفاضـل نبيل أديب ...الذي وقف دون كـلل أومـلل في المحكمة وقاعاتها المختلفة يـدافع عـن طلاب وعمال وآخـربن ..ولنحـي كـل من كـان مـعه...
ونواصـل
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
وقفت الأسـتاذة فاطـمة أبـو القاسـم تـدافـع أيضـا عن مجمـوعـة أخـري.. قسـمت المحاكمات علي عـدة قضـاة في قـاعات المختلفة واخـتلفت الأحـكـم ما بين براءة وادانة...سـجـن وغـراة واطـلاق سـراح...
هـي أيضـا لم تبخـل بوقتها ومجهـودها..فأتت للمحكمة لتـدافـع عـن العـديـد مـن المواطـنين السـودانيين المطـحونين بغلاء المعيشـة!
فالنحي مـع الأسـتاذ نبيـل..الأسـتاذة فاطـمة أبو القاسـم..النحيفـة في جـسـدها.. والقـوية في روحـها وسـودانبتها ومـواقفها..
ونواصـل...
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
نـادي الحـاجب الشـاهـد الثاني...
كـان هـو الآخـر نحيفا للغاية..ظـهرت علي وجـه تعبيرات بلهاء... فهـو بترك فمـه نصف مغتوح بينما هو صـامت عن الحـديث ..نظـراته مرتبكـة وغبية!!
سـأله القاضـي عـن إسـمه ..ثم أمـره بوضـع يـده علي القرآن الكريم والقسـم بقـول الحـقيقة..ففعـل..
سـأله القاضـي عـن القصـه وإن كـان بعرف المتهم..
أنـا شـفت المتهم ده شـايل الماكرفون وبيهتف ضـد السلطـة!
سـآله القاضي ..
بيهتف يقـول شـنو?
تململ في وقفتـه.. ورفـع عيناه ونظـر للسـقف ..زادالغبـاء في صـوته ونظـراته وقـال.. المتهم كـان بهيتف ويـفـول...
لا لـلـحـق! ضـحـك كـل مـن كـان بالقاعة..فشـاهـد الإتهـام لـم يحـفظ دوره جـيـدا!
ونـواصـل...
| |
|
|
|
|
|
|
Re: لحـظـة مـن فضـلك! (Re: Muna Khugali)
|
تحية حب واحترام وتقدير لاساتذتنا الكرام المناضلين
فاطمة أبو القاسم ، نبيل أديب ، ساطع الحاج
وللمناضلة النبيلة / منــــــــى خـــوجلــــــــــي . والاســـتاذة الوضاءة / منـــــال خـــوجلــــــــــي .
تخريمة :
أها يا رأفت البنية جاتك عديل كده . شفت التواصل .
| |
|
|
|
|
|
|
Re: أي وهج من سراج وهاج نفتقد.. أين أنت يا منى؟!! (Re: Muna Khugali)
|
العزيزة منى من الود مجمله ومن التحيايا أغزرها
الحلقة الأخيرة التي لم تنشر فيها من الأحزان وسيدها ما أشعر بأنه قد يجعل القراء يعيشون عالم الحزن والأحزان وهذا ما لا أريده لهم ... ليتنا نستطيع أن نزرع الفرح والأفراح دوماً بين من نحبهم ونعزهم ونقدرهم... المهم أتابع بشغف يوميات إمرأة مغامرة وصلبة ... أتابع أخبارك وأقول متى يكون العود الحميد؟!! لك من التحايا أغزرها ومن المودة كل شلالٍ جارف تحمله مشاعرنا لك ليروي كل إشتياقاتك. نشتاق مداخلاتك مع خالص الود والإحترام ابوبكر
| |
|
|
|
|
|
|
Re: لحـظـة مـن فضـلك! (Re: Muna Khugali)
|
سلام يا منى
ويا الزوار الكرام,
وسلام يا ( أهـل البيـت ) ,
Quote: وقفـت الأسـتاذة فاطـمة أبـو القاسـم تـدافـع أيضـا عن مجمـوعـة أخـري.. قسـمت المحاكمات علي عـدة قضـاة في قـاعات المختلفة واخـتلفت الأحـكام ما بين بـراءة وادانة...سـجـن وغـراة واطـلاق سـراح... |
الشقيقة فاطـمـة أبو القاسـم مناضـلة أصيلـة لها مني التحية وللزملاء المحامين,
كان هذا الواجب هو واجب نقابة المحامين,
لكنها تسقط كما النظام
أحمـد الشايقي
| |
|
|
|
|
|
|
Re: لحـظـة مـن فضـلك! (Re: أحمد الشايقي)
|
عزيزي أحمد الشايقي
صباح الورد والياسمين ، ، ،
كيف أخي عساك بخير ، منى دي قاطعة إتصالها معي لها كم يوم مش عارف ليش ، اتمنى بأن يكون مانعها خير ، إذا كان لك إتصال معها أرجو أن تطمئني عليها . لك ولها ودي .
تخريمـــة :
أبو بكـر يا راااااااااااااااااااااااااااااااااااااااااجل !!!!! .
| |
|
|
|
|
|
|
Re: لحـظـة مـن فضـلك! (Re: Mohamed Abdelgaleel)
|
تهمته كـانت أنه يحمـل العلم أثنـاء المظـاهرة,,كـان علم السـودان القـديم.. والسودان 'القـديم' ممنـوع رغـم السـماح للأحـزاب بالعمـل..
فحكـم عليه بشـهر سـجـن!
سـألت مـن كـان جـانبي بغبـاء أكـبر مـن غبـاء الشـاهـد الثـاني..
هي المظـاهرات دي كـانت في السـودان الجـديـد وناس الحـركـة زعـلوا?
ونـواصـل...
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
وفي حـولية والـدي الخـليف في ضـريح المحجـوب.. حـضـر شـباب الختمية داخلين مـن البوابة الرئيسـية يمـدحـون وهم يحملون أعـلامهم..
خـفت علي مـن كـانوا يحملون الأعـلام... وخـوفي رغـم سـذاجـته.. كـان شـرعي مـن وجـهة نظـري..
مش إمكـن يمسـكوهم... ويودوهم المحكـمة... ووبعـديـن يحكموا علي كـل واحـد بشـهر سـجـن?
ونـواصـل..
مـني
| |
|
|
|
|
|
|
Re: لحـظـة مـن فضـلك! (Re: انعام حيمورة)
|
الأخت منى
رحم الله الخليفة عوض خوجلى يعطيك الله الصحة والعافية فى زكراه العطرة من كل عام
الأخ الشـايقى الحولية فاتتنا سـاكت بالمناسـبة أنا كنت من المواظبين على الحولية السـنوية للمرغنية فى بحرى برفقة صديقى صديق ووالده المرحوم طيب الزكر والدنا أحمد على شـايقى وهم من أهل الحصاحيصا وأتحين هذه الفرصة وأترحم معكم على الخليفة عوض خوجلى والوالد أحمد على شـايقى طيب الله ثراهم
أخوكم
رأفت ميلاد
| |
|
|
|
|
|
|
Re: لحـظـة مـن فضـلك! (Re: انعام حيمورة)
|
لم أري في حـياتي مـن هـو اشـد وقاحـة منه سـوي شـخصـين!
كـان الشـاهـد الأول في محكـمة 'الشـغب'..
كـان يلبس قـميصـا قصـير الأكـمام... مقلم بألـوان كـثيرة باهته..ويـطول جـزء مـن شـعر رأسـه الأمامي أكـثر من باقي الشـعر.. قصـير القامة.. فاتح اللون قليـلا..في قـدميه صـنـدل أو مشروع صـنـدل.. بلاسـتيـكي أسـود اللـون..إن رأيته في الشـارع تظـنه أحـد الباعة المتجـولين! وصل عـدد المتهمـين الي 7 ..
كـان المتهمـبن أغلبهم مـن أهـل الشـمال..ماعـدا جـنوبي واحـد.. تعـرف عليه الشـاهـد عنـدما سـأله القـاضي عـنه .. أصـر أنالمتهمكـان متظـاهرا مـع 15 آخـرين..كما أنه كـان يحمل حجـارة وحـاول ضـربه بها..
سـأل ممثـل الـدفـاع الشـاهـد الوفـح ..
انت قلت اتعرفـت علي المتهم رقـم 5 ..هل هـذا صـحيح?
ايـوة مش الجـنوبي ده? ايـوة وقبضت عليه بنفسـي!
قبضـت عليه ويـن?
في محـل المظاهرات بجـانب...
كـان بيعمـل شـنو?
نظـر في اذدراء الي المتهم وفـال في صـوت حـاد.. كـان بيهتف شـايل حجـارة..
والباقيين كـانوا بيعمـوا شـنو?
كـانوا برضـه بيهتفـوا..
طـيب قبضـت معاهـوا زول تاني?
رد الشـاهـد في سـخرية.. أصـلواأنـا عنـدي كـام ايـد! أنـا عنـدي ايـدين اتنين وقبضته بيهم!
ونواصـل..
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
عزيزتي مني تحياتي
أولم تعلمي بعد ياصديقتي بأن الاسئلة هنا (تعرض صاحبها لكثير من المتاعب) راقبي معنا مايحدث في المليون ميل قديما قلتها هنا في احدي البوستات بأن الشرطة والامن ضاربين علي طول وعرض البلاد ولكأن لم تسمع اذانهم اتفاقية نيفاشا هذه بلاد تهدر فيها الكرامة وتعجل دوماً بالرحيل .
ود وتقدير ومحبة تعلمينها جيداً
خضر
| |
|
|
|
|
|
|
Re: لحـظـة مـن فضـلك! (Re: خضر حسين خليل)
|
جـاء الـدور علي محـاكمة دكتـور مرتضـي الغالي...وكـانت قـد تأجـلت عـدة مـرات في نفس اليـوم بسـبب ان الشـاكي واحـد في عـدة قضـايا..وبالتالي هـو مشغـول في عـدة قاعات ..
اسـمك..
مـرتضـي الغـالي الجـعلي..
وظـبفتـك?
صـحفي بجـربـدة الأضـواء..
تعرف تقرأ وتكتب?
نظـر مرتضـي بـذهـول وظـن انه لم يســمع السـؤال جـيـدا .. ضـحكـنا بصـوت خـافت للتعبيرات التي ارتسـمت علي وجـهه من الســؤال الروتيني ولرده..
أيـوة نعـم.. مـلم بالقراءة والكتابة! مـاذا حـدث عنـدما تم القبض عليك?
رد مـرتضـي وهـو ينحـني بجـسـده قليلا ناحـبـة الشـمال ...ويـدخـل يـديه في جـبـوبه
والله ..احـنـا كـنا أربعـة ..وكـان من ضـمنهم الأسـتاذة آمـال عباس ..واقفـين في نفس شـارع جـريـدة الأضـواء.. وفجـأة لقيت الزول ده..(وأشـار علي الشـاكي) بيأشـر علي..ويقـول اقبضـوا علي الزول ده! وقـام هـو جـاني وضربني كـف!
سـأله القاضـي
يعـني انت ماكنت بتتظـاهـر مـع الباقيين ولا بتهتف?
أنـا لم انبث ببنت شـفة..كـذلك المجموعـة التي كـانت معي كـانت كـلها
physically unfit to demonstrate
لم يكـن لـدي الشاكي شـهـود..
لـذلك أفـرج القاضـي عـن مرتضـي..
ونـواصـل..
مـني
| |
|
|
|
|
|
|
Re: لحـظـة مـن فضـلك! (Re: انعام حيمورة)
|
جـلسـنا أربعتنـا محمـد.. وصـابر.. وأمـين وأنـا في ود ومحبة... نفتح المواضـيع ونتآنس بها.. فـوق حشـائش اخضـرت بالأمطـار علي مشـمع بلا سـتيكـي .. فرشـنا عليه ملايات ووزعـنا مسانـد..جـلسـنا.. صـحبتنا القهـوة ومعها الشاي والمـاء المثلج..
وكـان فرحـا تستريح له الأعصـاب وتسترخـي والنيـل علي بعـد مـترين..
مـن يصـدق ان نفس هـذا النيـل الرومانس... يسـتطيع أن يغضـب ويثـور فيبتلع دون رحمه من يصـادفه اثنـاء ثـورته?!
مـر أحـدهم وعلي كـتفه عـلق صـنـدوق به بضـاعته..قـررنـا أن نشـتري منه ...وفكـرت أنـا في لعبة الليـدو.. فاشـتريناها وكـان في ظـهرها مرسـوم السـلم والثعبان...كـانت رخيصـة الثمـن..ألف جـنيه..
إختـار محمـد اللون الأخـضـر وأمـين الأحـمر..بينما إخـتار صـبر الأصـفر وأنـا الأزرق.. لم يسـتمر اللعب حـتي النهايـة المتوقعة هي غـالب ومغـلوب.. بل نهيتها انـا بطـريقة بعثرة كـل الوان الزراير بطـربقة الأطـفال المفضـلة..لأن صـابر ومحمـد أرجـعـوني لبـداية المشـوار بعـد ان وصـلت الي نصـفه..
ثم رفضـوا أن بلعبوا معي أخـري!!
ونواصـل..
مـني
| |
|
|
|
|
|
|
Re: لحـظـة مـن فضـلك! (Re: انعام حيمورة)
|
دخـلت الي المطـعم.. وطـلبت سـمك مشـوي..
وأثنـاء دفعي للحسـاب مقـدما .. وقف بجـانبي رجـلا نحيفا ..مـد يـده للمحاسب بورقة الألف جـنيه ..
سـندوتش طـعمية بالله.. كـويس..القروش?
آآي ماديها ليك!
عـايزين..الفـين جـنيه!
قلت ليـك سـندوتش طـعمية
آآآي سـمعتك .. الطـعمية بألفيـن.. ظـننته يـود أن يخـرج الألف الأخـري مـن جـيبه..لكنه أدخـل ألألف الأولي في جـيبه وخـرج مسـرعـا!
إرتبك عـالمي كـله عنـدما فهمت انه لا يملك الألف الثـانية...
لم يكن من الممكـن ان أطـلب منه الإنتظـار لأدفـع له..فالمكان كـان مكتظا بالزباين .. كـذلك لم يكـن من الممكـن الخـروج وراءه وإعطاءه مالا... لأسـباب كـثيرة منها أنني قـد أحـرجـه وأنه قـد يرفض!
خـرجـت من المطـعم وأنا أحمـل السـمك بيـدي ...والحـزن والخـيبة في قلبي!
ونـواصـل...
مني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
Quote: خـرجـت من المطـعم وأنا أحمـل السـمك بيـدي ...والحـزن والخـيبة في قلبي! |
إلا كمان في ناس فايتاك بالصبر واحدين بالإيجار ما لاقيين جحر خدمتن الضراع والعرق اليخر عمال الموانيء الغبش التعاني حشاشة القصوب لقاطة القطن
وخيرا فعلتي حين لم تلحقي به .. فالجوع كافر ولكنه أرحم من ذل الكريم .. والحال أصبح أعقد من أن يفي بمتطلباته إحسان المحسنين (إن وجدوا) ..
| |
|
|
|
|
|
|
Re: لحـظـة مـن فضـلك! (Re: Muna Khugali)
|
وقف علي رصـيف بعـده تقاطـع يـؤدي الي احـد شـوارع الريـاض...
تعثرت خـطـوات أرجـله الضـعيفة..ومنعه كـبر العمـر..وانحنـاء الضـهر مـن ان يمـد يـده لسـائق العربة الرمـادية في اللحظـة المناسبة..
لكـنه لم يتوقف مـن التسـول..اسـتـدار بكـل قـدرته للعربه في الصـف الثـاني..
خـنقتني العبرة ..
منـذ متي يتسـول مـن كـان بعمـره? ليـلا ..وفي أكـثر الشـوارع ازدحـاما?!
ونـواصـل..
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
ولم يعـد للعبرات طـعم الملح فـوق الجـروح.. فعلي الرصـيف الآخـر وقفت هي ..كـبيرة في السـن..تمـد يـدها المرتجـفة سـائلة اصـحاب العربات بعض المال بينما وقع ثـوبها عـن رأسها فكشف عـن شـيب يغطـي كـل الرأس.. فلا العمـر يرحـم ولا الحـياة ترحم!
ونواصـل...
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
Quote: احس بحسرة على دخولي متاخرا
هل لي بدخول واقامة؟ |
نسـعـد أيـما سـعادة بكـل طـلة جميـلة.. وأضـيف علي طـريقة الأفـلام المصـرية.. بيتـك ومطـرحـك..
يشـرفنا وجـودك معنـا دكتور محمـد حـسـن
نرجـوك أن تواصـل معنـا..
ونواصـل..
مـني
| |
|
|
|
|
|
|
Re: لحـظـة مـن فضـلك! (Re: Muna Khugali)
|
إخـتلط علي الأمـر..فجـأة رأيتني مضطـرة الي أن اقسـم المعارضـة الي مجمـوعات
مجمـوعـة تعـدم ..
مجمـوعـة تعـذب وتسـجـن...وتشـرد من خـدمتها ودراسـتها..
ومجمـوعـة أخـري تنضـم للحكـومة.. فتأخـذ مرتبات ومكـافآت وهي مصـرة انها معارضـة..
ثـم تحلم بأن تحـكم غـدا..وهي واثقـة مـن غبائنـا!
ونـواصـل الهموم..
مـني
| |
|
|
|
|
|
|
| |