لحـظـة مـن فضـلك!

Quote: أخـير لي خـياني اخلي قريشـاتي في صـرتن وارجي الملاريا!

Quote: قلت الننتظر لحدي ما بيتك داك يكمل وأجيبلي خروفاً سمين كدي وأضبحه قدام عتبة الباب

Quote: ياخوى عماد البنية قالت عندها فرد 200 دولار وبعد كلام ودى البشرى الراجى أتعابه باقى لى خروفك ده خلى للضحية وأعزمنا معاك ولا برضه بس شايقية؟

غشتك يا المسيكين ، هي ميا نجيضة تب ، الفرد 200 دولار ديل هي خاتاهن للبطان 100 دولار لآية و50 دولار لأولاد الشهيد و50 دولار لأولاد منال ، مصاريف البنا هي زمان رسلتن قبل ما تفكر تمش ، أدتن للمقاول هي قالت كدى علشان خائفة العين مايمكن يكون هنا في معانا رباطابي ، عينن قوية الرباطاب ديل ترمي الصقر من السمى . شديد يا منينه ،

قال فرد 200 دولار قال مسيكين .

Quote: على سبيل الجمال والمتابعة

Quote: على سبيل الجمال والمتابعة

Quote: على سبيل الجمال والمتابعة

Quote: انت تشيل السبع طوال القبليات وانا الصغار والخمس البحريات كلهن سمحات

Quote: عبر الهاتف يحمل لي بشرى

Quote: بس كلام السر الدايرو يتم. خليك معانا وما بنقصر

Quote: يعني مثلا التراب عمـره مابيخلي عـادته.. معلق وحـياتكم في نفس المكـان في الجـو..

Quote: ها النخل وقبلنا نديك منو دحين بتفرز دي بركاوي ودي بت مودة قايل جني الرطاني ما بعرف القرقودة من بتي مودة

Quote: انا جني رطان وما بقدر علي فصول تقويه في عمري ده وقاموسي من العربي يادوبك يمشي الحال وعندي مشكلة مع اسمك : "ابي" دي من غير تشكيل للمابيعرفك ممكن تكون : ابي يعن مب داير رافض ابي يعني ابوي الوالد ابي يعني زولا تمام فنجري "ذو انفة -مش انف- بلييز!! دي انجليزي - ابي ودي بالضمة ودة كان ما غلطان اسم عربي ماكن حاجة زي ابي ابن ابي حاجة كدة توقف شعر الراس

(عدل بواسطة رأفت ميلاد on 08-18-2006, 05:45 PM)

Quote: قريت فى بوست يا عماد اللحمة زادت مليون جنيه. شيل شيلتك. (الملاين عندهم

Quote: اولا عماد راح الصومال يشتريلو خرفان قالو الخرفان هناك ارخس من السودان .. الراجل ملتزم بخرفان الشية انت ليه بس عايز تلخبط الحفلة ؟

(عدل بواسطة abubakr on 08-19-2006, 04:56 AM)

Quote: بالمناسبة الخروف الصومالي اوفر من سندوتشات الشاورما في الخرتوم

Quote: ما تدخل نفسك في مصاريف الساندوتش عايز له ملاحق وترتيبات وكوكا كولا وايس كريم

يا أخوي دي كرامي ولا عرس ؟!! ملحقات شنو تاني بعد الشاورمي !! هسه عليك الله شوف خشيمي ده شبه أسكرين ؟ ياود أمي الشاورمي ذاتي إن كان أكلناها مو قصرنا تب .

Quote: وبعدين تيك اوي و هووم ديلفري في الزومة مافي

إنت بتحب المشاكل مالك ، يا أخوي حنا باتعين سواقي ساكت ، خضار طازجي من المزرعي ، الـ Take Away بتاعكم دي مو عندنا ولا الـ Delivery Home دي كما مو بنعرفا. يعني شني كلاماتك ديل ، يازول إنت بتشتم فينا ولا شني يعني . ماتتكلمنا عرب كدي علشان نفهم غايتو يا أخوي رأفت بالله شوفلي كلام الزول ده كيفن ، كلامه ده مو كلام عرب دي رطاني ولا شنو ؟ أشرحلي كلماته دي يمكن الحاجات البقولا دي رخيصي أحسنلي من خروف الصومال والشاورمي . يا أخوي الزومي مضايفي خليها في حالا .

أها فتكم بعافية تب . قال تيك أوي وهووم ديلفري قال . جنس ناس غاتو !!!!!

Quote: مشيت ليها سلمت عليها لاقيتها وكأني بعرفها من سنين وسنين بساطة، تواضع، تلقائية، جمال، طيبة، مرح، حضور، وووووووووو بالجد كده منى احلى بكتير من شخصية البورد

Quote: بساطة، تواضع، تلقائية، جمال، طيبة، مرح، حضور، وووووووووو بالجد كده منى احلى بكتير من شخصية البورد

Quote: يا حليلك ..ما عشان تجيب الخروف مشوي ؟ اهو وفرنا ليك حق الفحم

وبعدين ملحقات شنو يا أخوي الإنت طالع لي فيها دي ؟ ما إنت قلت الملحقات مع الشاورمي بس ؟ هسه عملتها مع الخروف كمان؟ وعايز تدبس فيها إنعام ورافت كمان ؟ غايتو يا جماعة جنس الزولن ده أنا ماشفت يكوس للمشاكل كواسه . الخروف وعملو خرفان والشاورمي عملها ملحقات وكمان عايز يغرم الناس المساكين ديل كولا كولا وأسكرين !!! الراجل ده شكلو كان ما أكلو حاجة مشوي ما بيسكت عليك. الله كده يا إنعام شوفيلنا حمام مشوي كده رسليهو لينا بالإيميل ولا المسانجر ، هسه منى ما بتكون فاضيي تشويهو لينا مشاويرها وبكياتها كتيرة بالحيل .

(عدل بواسطة عماد محمود علي on 08-19-2006, 09:42 AM)

Quote: انا لا بوكل لا بتوكل

Quote: عمايلك دحين زي عمائل الماذون عايز تديهم سندوتش شاورما بدل الخرفان

Quote: شفتو جنس الجقلبة دي يا خلق الله

Quote: دحين وعشان الاجاوييد سامحناك من الخرفان ودايرنك تشتري صنانيير مب شبكة

عليكم الله يا خلق الله شوفوا جنس الكلام ده كيفن ، هسه ديل أجاوييد ولا جنجويد ، مالكن ومال الصنارة ميا الشبكة كويسي فرد رمية بتجلكم بتاع البنايين وبتاعيين الجالوص والافندية ، ورمي تانيي بتجيلكم بتاع المعزوميين والتالتي بجيبلكم بتاع بنيات الخرتوم السمحات ديل .

Quote: يعني ناسا كتار كل واحد يشولو بلطية عجل واها ببلاش لا تشتري خرفان من الصومال ولاشي

عليكم الله شوفوا الراجل ده بسوي كيفن ، مو عاجبو إلا السمك البلطي وبالسنارة كمان ، يعني المعنى كدي لاذم يعذبني شوفوا جاب بتاعين الجالوص والبنايين كمان ، ديل دخلهن شنو ؟ حق البنى وأديناهن أيا ، شن العزومة العليهن . وكمان الأفندية جايبن لى شنو!! وشوفوا كمان من غير خجلي بيقول ناس كتار وعائز كل واحد يشيلو بلطية ، يعني أنا من هسه أمشي أقعد في الزمي دي وأجلس في القيف إلين بعد رمضان ، لا آكل لا أشرب طيب نصوم كيفن ، عاد كيفن آكل وأشرب والراجل عايزلو قريب 3000 سمكة بلطيي ، يعني كان سنارتي السمح دي جابتلي سمكة كأس ولا سارديناية أرميها تاني في الموي شفتوا جنس الكلام ده كيفن ، هسه يا أخواني رايكن شنو في متل الكلام ده ، هسه مو أخير لي الخرفان ، وهسه إنعام ومنال ديل قاعدين في الخرتوم موديهن الشماليي لي شنو ؟ ولا بس عايز تزيدلي المعازيم .

Quote: شفت جني الرطان كيفن رحيم !

يا أخوي رحمة شنو البتجي منكن يا جنى رطان ، ده عذاب عديل كدي دي ، يا أخوي شيل سنارتك وشبكاتك ديله مو عايزهم أحسن النتوكل على الله ونمشي الصومال الموت واحد وغايتو أخير من طلباتك دي . قال جنى رطان رحيم قال . شوفوا جنس الرحمة دي !!!!!!!!!!!!! .

Quote: خلاس كن رضيت بالخرفان كما ن جيب معاك ناقة او ناقتيين صوماليتتن قالو لبنهن بصلح العيون وبضيع وجع الركب عشان البنايين ديل ركبهم انكسرت من طلوع السقالات

Quote: تف الكلام المو زين دة بعدين البنات يحردنويابن الحفلة ..

يا أخوي كان دي بيزعلن النكتر منو تب ماني عايزن يحردن علشان المعازيم يقلن وإنت مالك ما بتحرد ، خلاص جاملن وأحرد الحفلة وشوف ليك كم زولن كدي يحرد معاكن .

Quote: خيرا تعمل شرا تلقي ...

يا أخوي خيراً شنو البتقول عليهو ده ، توديني للموت برجيلي دي وتقول لي خير ، تقولي أقعد في القيف وإصطادلك 3000 سمكة وبلطي كمان ويمكن يزيدن وتقولي خير ، وهسه كمان بتقولي عايز ناقتين علشان لبنن علشان العيون والركب وتقولي خير ، يا أخوي أنا خيرك ده مو دايرو تب ، شرك أحسن من خيرك ، قال خير قال . بالله يا أخواني كلامو ده مو عوجي .